នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ករណីបុរសម្នាក់ឡើងលើ​ផ្លូវ​ល្បឿ​ន​លឿនPK54 យក​ដែក​ដាក់​ទទឹង​ផ្លូវ​ត្រូវ​បាន​សមត្ថ​កិច្ច​នគរបាលស្រាវជ្រាវបង្រ្កាបបានហើយ
អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ
នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ
អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

អំពើហិង្សាថ្មីនៅក្នុងរដ្ឋម៉ានីពួរ របស់ឥណ្ឌា បណ្ដាលឲ្យមនុស្ស៣នាក់ស្លាប់ និងរថយន្តជាច្រើនរងការខូចខាត

2023/08/05 11:05:17 pm        465
Facebook Telegram Linkin
ក្រុម​សាច់ញាតិ​នៅថ្ងៃសៅរ៍នេះ កំពុងកាន់មរណទុក្ខមនុស្សស្លាប់ចំនួន៣នាក់នៅក្នុងរដ្ឋម៉ានីពួរ (Manipur) របស់ប្រទេសឥណ្ឌា ខណៈអំពើហិង្សាថ្មី បានផ្ទុះឡើងរវាងក្រុមសម្ព័ន្ធ ដែលបានសម្លាប់មនុស្សប្រមាណជាង១៨០នាក់ រួចទៅហើយ ចាប់តាំងពីខែឧសភាមក ។ អ្នកនាំពាក្យនគរបាលបាននិយាយថា មនុស្ស៣នាក់បានស្លាប់ កាលពីយប់ថ្ងៃព្រហស្បតិ៍សប្ដាហ៍នេះ ហើយទ្រព្យសម្បត្តិជាកម្មសិទ្ធិរបស់សហគមន៍ម៉ីតី (Meitei) ភាគច្រើននៅក្នុងស្រុក ប៊ីសនុពួរ ( Bishnupur )របស់រដ្ឋនេះ ។អ្នកនាំពាក្យម្នាក់របស់ក្រុមសង្គមស៊ីវិលគូគី (Kuki civil society group) បាននិយាយថា ពុំមានការអត្ថាធិប្បាយភ្លាមៗទេស្ដីពីការស្លាប់ចុងក្រោយទាំងនេះ ។ អំពើហិង្សាបានផ្ទុះឡើងកាលពីថ្ងៃទី៣ឧសភា ក្នុងរដ្ឋម៉ានីពួរ បន្ទាប់ពីតុលាការបញ្ជាឲ្យរដ្ឋនេះពិចារណា លើការពង្រីកអត្ថប្រយោជន៍សេដ្ឋកិច្ចពិសេសរបស់ប្រជាជនជនជាតិដើមភាគតិច មីតី (Meitei) ភាគច្រើន និងកូតាក្នុងការងារ និងការអប់រំរបស់រដ្ឋាភិបាល ដែលរហូតមកដល់ពេលនេះត្រូវបានបម្រុងទុកសម្រាប់កុលសម្ព័ន្ធ គូគី (Kuki) ៕

លោកZelenskiy សង្ឃឹមថា ការចរចានៅអារ៉ាប៊ីសាអ៊ូឌីត នឹងបើកទ្វារដល់ជំនួបកំពូលសន្តិភាពពិភពលោក

2023/08/05 11:01:35 pm        404
Facebook Telegram Linkin
លោកប្រធានាធិបតី Volodymyr Zelenskiy បាននិយាយកាលពីថ្ងៃសុក្រ ទី៤ ខែសីហា ថា កិច្ចពិភាក្សាលើការស្វែងរកដំណោះស្រាយដោយសន្តិវិធីចំពោះសង្គ្រាមនៅអ៊ុយក្រែន ដែលធ្វើឡើងនៅប្រទេសអារ៉ាប៊ីសាអ៊ូឌីត នៅថ្ងៃទី៥ និងទី៦ ខែសីហា សប្ដាហ៍នេះ គឺជាជំហានដ៏សំខាន់មួយឆ្ពោះទៅរក កិច្ចប្រជុំកំពូលសន្តិភាពសកល។ អ្នកការទូតអ៊ុយក្រែន និងលោកខាងលិចសង្ឃឹមថា កិច្ចប្រជុំនៅទីក្រុង ជេដា (Jeddah) របស់ទីប្រឹក្សាសន្តិសុខជាតិ និងមន្ត្រីជាន់ខ្ពស់ផ្សេងទៀតមកពីប្រទេសចំនួន៤០ នឹងយល់ព្រមលើគោលការណ៍សំខាន់ៗសម្រាប់ដំណោះស្រាយសន្តិភាពនាពេលអនាគតដើម្បីបញ្ចប់សង្គ្រាមរបស់រុស្ស៊ីនៅអ៊ុយក្រែន។លោក Zelenskiy និងក្រុមការងាររបស់លោកកំពុងធ្វើការជាមួយសម្ព័ន្ធមិត្ត ដើម្បីបង្កើតការគាំទ្រយ៉ាងទូលំទូលាយសម្រាប់ កិច្ចប្រជុំកំពូលសន្តិភាព ដែលនឹងគាំទ្រគោលការណ៍លើដំណោះស្រាយបញ្ចប់សង្រ្គាមនេះ ។ កិច្ចប្រជុំកំពូលនេះនឹងបង្កើតនៅលើផែនការ១០ ចំណុច គូសបញ្ជាក់ដោយទីក្រុង គីវ (Kyiv)កាលពីរដូវស្លឹកឈើជ្រុះចុងក្រោយ ដែលត្រូវបានផ្សព្វផ្សាយយ៉ាងសកម្មដោយលោក Zelenskiy ។ចក្ខុវិស័យរបស់លោកសម្រាប់សន្តិភាព អំពាវនាវឲ្យមានការស្ដារឡើងវិញពេញលេញនៃបូរណភាពទឹកដីរបស់អ៊ុយក្រែន និងការដកកងទ័ពរុស្ស៊ីទាំងស្រុង ការការពារសន្តិសុខស្បៀង និងថាមពល សុវត្ថិភាពនុយក្លេអ៊ែរ ការដោះលែងអ្នកទោសទាំងអស់ និងចំណុចផ្សេងៗទៀត៕

ភ្លៀងធ្លាក់ខ្លាំង បានបង្កការបំផ្លិចបំផ្លាញនៅភាគកណ្តាលកោះតៃវ៉ាន់ ក្រោយការវាយុករបស់ព្យុះទីហ្វុង ខានុន (Khanun )

2023/08/05 10:57:41 pm        540
Facebook Telegram Linkin
ភ្លៀងធ្លាក់ខ្លាំង បន្ទាប់ពីព្យុះទីហ្វុង ខានុន (Khanun ) បានបោកបក់លើតំបន់ភ្នំនៃកោះតៃវ៉ាន់នៅថ្ងៃសៅរ៍ ទី៥សីហានេះ បង្កឲ្យមានទឹកជំនន់ និងបំណាក់បាក់ដី ដែលបានបិទផ្លូវ និងបណ្ដាលឲ្យមនុស្សរាប់រយនាក់ជាប់គាំង ខណៈក្រុមអាជ្ញាធរបានប្រញាប់ប្រញាល់បន្តបណ្តាញដឹកជញ្ជូនឡើងវិញ។ ភ្លៀងបានវាយលុកស្រុក ណានថូវ (Nantou ) ភាគកណ្តាលចាប់តាំងពីព្យុះទីហ្វុង Khanun បានបោកបក់កាត់ភាគខាងជើងកោះតៃវ៉ាន់ កាលពីថ្ងៃព្រហស្បតិ៍ នាំមកនូវកម្រិតភ្លៀងធ្លាក់ជាង ១ ម៉ែត្រ ពន្លិច ប្រជុំជន យឹណៃ (Renai) ដែលបានបំផ្លិចបំផ្លាញផ្លូវថ្នល់ និងបង្កឲ្យមានបំណាក់ដី និងលំហូរល្បប់។ក្រុមអាជ្ញាធរបាននិយាយថា នៅទូទាំងកោះតៃវ៉ាន់ មនុស្សពីរនាក់បានបាត់ខ្លួននិងជាង ៤៦០ នាក់បានជាប់ខ្លួនក្នុងទឹកជំនន់ ​ដែលភាគច្រើននៅតំបន់ភ្នំដាច់ស្រយាល និងបានបន្ថែមថា រហូតមកដល់ពេលនេះ មិនមានអ្នកស្លាប់និងរបួសនៅឡើយទេ។ ភ្លៀងធ្លាក់ខ្លាំងត្រូវបានគេព្យាករថានឹងបន្តនៅចុងសប្តាហ៍នេះ បើទោះបីជាក្នុងកម្រិតថយចុះក៏ដោយ ស្របពេលដែលក្រុមអាជ្ញាធរកោះនេះ បានបន្តចេញការព្រមានអំពីបំណាក់ដីសម្រាប់តំបន់ភ្នំភាគកណ្តាល និងភាគខាងត្បូងរបស់កោះតៃវ៉ាន់៕

តំបន់ភាគខាងជើងរបស់ប្រទេសចិន ត្រូវបានទឹកជំនន់ជន់លិច ក្រោយការវាយប្រហារពីព្យុះទីហ្វុងដុកស៊ូរី

2023/08/05 10:52:33 pm        376
Facebook Telegram Linkin
ទឹកជំនន់បណ្ដាលមកពីព្យុះទីហ្វុងដុកស៊ូរី (Typhoon Doksuri) បានបន្តពន្លិចកសិដ្ឋាន និងទីក្រុងនានានៅក្នុងភាគខាងជើងរបស់ប្រទេសចិន នៅចុងសប្ដាហ៍នេះ ស្របពេលដែលប្រព័ន្ធសង្រ្គោះគ្រោះមហន្តរាយរបស់ប្រទេសនេះ ព្យាយាមដោះស្រាយការបំផ្លិចបំផ្លាញមួយក្នុងចំណោមព្យុះដ៏មានឥទ្ធិពលបំផុតជាច្រើនក្នុងរយៈពេលជាច្រើនឆ្នាំ។ យោងតាមសារព័ត៌មានរដ្ឋ ប្រជាពលរដ្ឋជិត១៥.000 នាក់ ត្រូវបានជម្លៀសចេញពីទីក្រុងស៊ូឡាន (Shulan) ក្នុងខេត្តជីលីន(Jilin) សំបូរដោយដំណាំពោតជាទីដែលមនុស្សម្នាក់បានស្លាប់ និង៤នាក់ បាត់ខ្លួន ។ សារព័ត៌មានរដ្ឋបានរាយការណ៍ថា ភ្លៀងនៅតែបន្តធ្លាក់ឥតឈប់នៅក្នុងទីក្រុងស៊ូឡាន ចាប់តាំងពីថ្ងៃទី១ខែសីហាមក ដោយតំបន់មួយចំនួន ទទួលរងទឹកភ្លៀងកម្រិត៤៨៩ មីលីម៉ែត្រ ខ្ពស់ជាង៥ដង ដែលធ្លាប់បានកត់ត្រា។ ស្ពានជាច្រើន ត្រូវបានបាក់រលំ ហើយផ្លូវជាច្រើនទៀត ត្រូវបានរងការខូចខាតទូទាំងទីក្រុង នេះ ។ ទីភ្នាក់ងារសារព័ត៌មានរដ្ឋចិន បានបង្ហាញរូបភាពនៃផ្លូវនានា ត្រូវបានគ្របដណ្ដប់ដោយទឹកជំនន់ នៅជុំវិញរោងចក្រនិងលំនៅឋានទាំងឡាយក្នុងទីក្រុងស៊ូឡាន ជាទីក្រុងមួយដែលមានប្រជាជនរស់នៅជាង៧សែននាក់។ កម្រិតទឹកភ្លៀងធ្លាក់បំបែកកំណត់ត្រានេះ បានមកដល់កាលពីចុងខែកក្កដា ខណៈដែលសំណល់ពីព្យុះទីហ្វុងដុកស៊ូរី បាន បោកបក់ដល់ដីគោក វាយប្រហារប្រទេសចិនភាគខាងជើង និងបណ្ដាលឲ្យមានទឹកជំនន់ធ្ងន់ធ្ងរ ប៉ះពាល់ដល់ការរស់នៅរបស់ប្រជាជនរាប់លាននាក់៕

ភាពតានតឹងកើនឡើងកាន់តែខ្លាំងនៅនីហ្សេ ខណៈ​ឱសានវាទ​បញ្ឈប់រដ្ឋប្រហារកាន់តែជិតមកដល់

2023/08/05 10:48:04 pm        355
Facebook Telegram Linkin
ភាពតានតឹងនៅតែក្ដៅនៅឡើយនៅក្នុងប្រទេសនីហ្សេ ជាទីដែលក្រុមមេដឹកនាំរដ្ឋប្រហារបានច្រានចោលការទាមទាររបស់ប្លុកតំបន់អាហ្រ្វិកខាងលិច ឲ្យបញ្ចប់ការដណ្ដើមអំណាចដែលត្រូវផុតឱសានវាទ នៅថ្ងៃអាទិត្យនេះ ។ អង្គភាពយោធាមួយ ដែលបានទម្លាក់លោកប្រធានាធិបតី ម៉ូហាម៉េដ បាហ្ស៊ូម( Mohamed Bazoum) ដែលត្រូវបានគាំទ្រដោយលោកខាងលិចចេញពីតំណែង កាលពីថ្ងៃទៅ២៦ខែកក្កដាកន្លងទៅ បានប្រកាសបង្កើតរដ្ឋាភិបាលយោធា។ ភាពចលាចលខាងនយោបាយ បានបង្កឲ្យមានការតវ៉ាប្រឆាំងនឹងប្រទេសបារាំងដែលជាអតីតម្ចាស់អាណានិគមរបស់ប្រទេសនេះ ។ កាលពីថ្ងៃព្រហស្បតិ៍ ក្រុមមេដឹកនាំយោធា បានប្រកាសលុបចោលជាផ្លូវការនូវសន្ធិសញ្ញាសហប្រតិបត្តិការយោធាជាមួយប្រទេសបារាំង នៅក្នុងបំណងផ្លាស់ប្ដូរ ជំហរគាំទ្រដោយលោកខាងលិចរបស់ប្រទេសនៅអាហ្វ្រិកខាងលិចមួយនេះ ។ សហគមន៍សេដ្ឋកិច្ចនៃបណ្ដារដ្ឋនៅអាហ្វ្រិកខាងលិច ឬ ហៅកាត់ថា ECOWAS បានថ្កោលទោសរដ្ឋប្រហារនេះ និងបានព្រមានប្រើកម្លាំង ប្រសិនបើមិនប្រគល់អំណាចជូនលោកប្រធានាធិបតីបាហ្សូមវិញ នៅថ្ងៃកំណត់ ។ ECOWAS បានបញ្ជូនគណៈប្រតិភូទៅកាន់ប្រទេសនីហ្សេ សម្រាប់ការចរចា ប៉ុន្តែទីភ្នាក់ងារសារព័ត៌មាន Reuters និងបណ្ដាញសារព័ត៌មានផ្សេងទៀត និយាយថា ក្រុមមន្ត្រីបានចាកចេញអស់ទៅហើយ ដោយសារតែក្រុមមេដឹកនាំយោធាគ្មានបំណងសហការ៕

អតីតនាយករដ្ឋមន្ត្រីប៉ាគីស្ថានលោក Imran Khan ត្រូវបានកាត់ទោសឲ្យជាប់ពន្ធនាគារ៣ឆ្នាំ

2023/08/05 10:24:06 pm        149
Facebook Telegram Linkin
អតីតនាយករដ្ឋមន្ត្រីប៉ាគីស្ថាន លោក Imran Khan ត្រូវបានកាត់ទោសឲ្យជាប់ពន្ធនាគាររយៈពេល ៣ឆ្នាំ ក្នុងសំណុំរឿង តូសាខាណា(Toshakhana) ឬការសម្រេចដកសិទ្ធិកាន់តំណែងសាធារណៈនៅថ្ងៃសៅរ៍នេះ ។ តុលាការក្រុងអ៊ីស្លាម៉ាបាដ បានរកឃើញថាប្រធាន គណបក្ស PTI រូបនេះ មានទោសក្នុងករណីនេះ។ ជាលទ្ធផល មេដឹកនាំ PTI រូបនេះ ក៏ត្រូវបានដកហូតសិទ្ធិចូលរួមនយោបាយរយៈពេល ៥ ឆ្នាំ ផងដែរ ជាមួយគ្នានោះ តុលាការក៏បានពិន័យលោក Imran Khan ចំនួនមួយលានរូពីប៉ាគីស្ថានផងដែរ។ មានសេចក្តីរាយការណ៍ថា នរគបាលបានទៅដល់គេហដ្ឋានរបស់អតីតនាយករដ្ឋមន្ត្រីប៉ាគីស្ថាន លោក Imran Khan នៅ តំបន់ Zaman Parlk ក្នុងទីក្រុងឡាហ័រ ហើយបានចាប់ខ្លួនមេដឹកនាំរូបនេះ ពីនិវេសនដ្ឋានរបស់លោក ។លោកនាយករដ្ឋមន្ត្រីប៉ាគីស្ថានដែលត្រូវបានទម្លាក់ចេញពីតំណែង Imran Khan ត្រូវបាន កាត់ទោស​ឲ្យជាប់ពន្ធនាគាររយៈពេល៣ឆនាំ ជុំវិញ ការចោទប្រកាន់អំពើពុករលួយដែល​លោកបានច្រាន​ចោល​រហូតមក។តុលាការក្រុងអ៊ីស្លាម៉ាបាដ បានរកឃើញថាលោកមានទោសពីបទមិនប្រកាសប្រាក់ ដែលលោករកបានពីការលក់អំណោយរដ្ឋ។ បន្ទាប់ពីបានប្រកាសសាលក្រមតុលាការបានចេញដីកាចាប់ខ្លួនអតីតនាយករដ្ឋមន្ត្រីប៉ាគីស្ថាន លោក Imran Khan បន្ទាប់ពីបានកាត់ទោសឲ្យជាប់ពន្ធនាគាររយៈពេល៣ ឆ្នាំ។ តុលាការក៏បានបញ្ជាឲ្យនគរបាល ក្រុងនេះ ចាប់ខ្លួនលោក Imran Khan ជាបន្ទាន់ ផងដែរ បន្ទាប់ពីសាលក្រម Toshakhana ឬការសម្រេចដកសិទ្ធិកាន់តំណែងការងារធារណៈ។យោងតាមរបាយការណ៍ នគរបាល ​បានទៅដល់គេហដ្ឋានរបស់ Imran Khan ដើម្បីចាប់ខ្លួន​រូបលោកប៉ុន្មាននាទីបន្ទាប់ពីការប្រកាសសាលក្រម និងចាប់ខ្លួនលោក។សេចក្ដីរាយការណ៍នៅទីនោះបាននិយាយថា ផ្លូវទាំងអស់ដែលឆ្ពោះទៅកាន់ ឧទ្យាន Zaman កំពុងត្រូវបានបិទ៕

ពលរដ្ឋត្រូវការជំនួយខ្លាំងបំផុត ខណៈការប៉ះទង្គិចដ៏ហិង្សាបន្តនៅស៊ូដង់

2023/08/05 07:24:28 pm        90
Facebook Telegram Linkin
ពលរដ្ឋត្រូវការជំនួយមនុស្សធម៌ខ្លាំងបំផុត ខណៈការប៉ះទង្គិចគ្នាដ៏ហិង្សា បានបន្តរវាងកងកម្លាំងប្រដាប់អាវុធស៊ូដង់ និងកងកម្លាំងគាំទ្ររហ័ស(RSF) នៅក្នុងតំបន់រដ្ឋធានីធំៗ រួមមានរដ្ឋធានី Khartoum ទីក្រុង Omdurman និងទីក្រុង Khartoum ខាងជើង ឬ Bashi ព្រមទាំងនៅក្នុងតំបន់ Darfur ភាគខាងលិច។ កាលពីពេលថ្មីៗភាគីទាំងពីរ បានប្រយុទ្ធគ្នាខ្លាំងនៅជុំវិញទីបញ្ជាការកងវិស្វកម្មនៅខាងត្បូងទីក្រុង Omdurman និងមូលដ្ឋានអាកាសដែលនៅក្បែរនោះ។ កងកម្លាំងគាំទ្ររហ័ស(RSF) បានអះអាងកាលពីថ្ងៃសុក្រថា ខ្លួនបានបញ្ចប់ការហ៊ុមព័ទ្ធទីបញ្ជាការ កងវិស្វកម្ម ហើយបានចាប់ផ្តើមប្រតិបត្តិការនៅក្នុងតំបន់ជុំវិញ ដោយមានបំណងជំរុញកងកម្លាំង ប្រដាប់អាវុធស៊ូដង់(SAF) ចេញពីតំបន់នោះ។ កងកម្លាំងប្រដាប់អាវុធស៊ូដង់(SAF) បាននិយាយថា ខ្លួនបានបន្តប្រើប្រាស់កងកម្លាំងពិសេស ដើម្បីវាយឆ្មក់នៅតំបន់ជាច្រើននៅតំបន់រដ្ឋធានីធំៗ ដោយបានសម្លាប់ទាហាន កងកម្លាំងគាំទ្រ​រហ័ស(RSF) ៣៥ នាក់ក្នុងរយៈពេលពីរថ្ងៃកន្លងទៅនេះ និងបានបំផ្លាញរថយន្តយោធាមួយចំនួន។ នៅតំបន់ Darfur ដែលជាសមរភូមិសំខាន់មួយទៀតនៃជម្លោះ ភាគីទាំងពីរបានបន្តប្រយុទ្ធគ្នាកាលពីថ្ងៃសុក្រនៅទីក្រុងNyalaរដ្ឋធានីDarfur ខាងត្បូង ទីក្រុង al-Fashir រដ្ឋធានី Darfur ខាងជើង និងទីក្រុង Zalingei រដ្ឋធានីDarfur ភាគកណ្តាល ។កងកម្លាំងគាំទ្ររហស័(RSF) បាននិយាយនៅក្នុងសេចក្តីថ្លែងការណ៍ដែលបានបង្ហោះនៅលើ​ប្រព័ន្ធផ្សព្វផ្សាយសង្គមកាលពីថ្ងៃសុក្រថា កងកម្លាំងរបស់ខ្លួនបានគ្រប់គ្រងទាំងស្រុងទីក្រុង Zalingei និងទីក្រុងDarfur ភាគកណ្តាល ហើយពួកគេរុលចូលទៅកាន់ទីក្រុង Khartoum ។ ជម្លោះប្រដាប់អាវុធនៅប្រទេសស៊ូដង់ បានអូសបន្លាយពេលជាង ១០០ ថ្ងៃ ហើយស្ថានភាព​មនុស្សធម៌​នៅទីនោះកាន់តែជួបភាពធ្ងន់ធ្ងរ។ ប្រជាជនក្នុងតំបន់កំពុងត្រូវការបន្ទាន់​នូវស្បៀង​អាហារ ថ្នាំពេទ្យ និងតម្រូវការផ្សេងៗទៀតសម្រាប់ជីវិត។

តម្លៃអាហារហក់ឡើងខ្ពស់ ក្នុងប្រទេសនីហ្សេទទួលរងដោយរដ្ឋប្រហារ

2023/08/05 07:19:32 pm        93
Facebook Telegram Linkin
រដ្ឋប្រហារនៅក្នុងប្រទេសនីហ្សេ កំពុងធ្វើឲ្យអ្នកទិញឥវ៉ាន់ជួបការលំបាកខ្លាំង។ តម្លៃសម្រាប់ទំនិញជាមូលដ្ឋានកំពុងហក់ឡើងខ្ពស់។ លោក Ibou Kane និយាយថាតម្លៃអង្ករមួយបាវបានឡើងជាងមួយភាគបីដល់ប្រមាណ ២៥ ដុល្លារ។ ការផ្តួលរំលំប្រធានាធិបតីលោក Mohamed Bazoum កាលពីខែមុនបានជំរុញឱ្យ សហគមន៍សេដ្ឋកិច្ចនៃបណ្តារដ្ឋអាហ្វ្រិកខាងលិច (ECOWAS)បិទព្រំដែននិងផ្តាច់ទំនាក់ទំនងពាណិជ្ជកម្មជាមួយនីហ្សេ។វាជាប្រទេសក្រីក្របំផុតមួយរបស់ពិភពលោករួចទៅហើយ។ ហើយក្រុមមួយចំនួន កំពុងជំរុញឱ្យប្លុកនេះពិចារណាឡើងវិញនូវវិធានការនេះ ដើម្បីចៀសវាងការធ្វើឱ្យភាពលំបាកកាន់តែធ្ងន់ធ្ងរសម្រាប់ប្រទេសនីហ្សេ។ មេដឹកនាំរបបយោធា បានផ្តល់ការលំបាកជាច្រើនសប្តាហ៍មកនេះ និងច្រើនខែទៅមុខទៀត។ អាជីវករម្នាក់និយាយថា យើងត្រូវតែជួយអ្នកដែលនៅជុំវិញយើង ហើយសំខាន់ជាងនេះទៀត គឺជួយរដ្ឋាភិបាលថ្មី។ ទោះបីជានៅមុនពេលរដ្ឋប្រហារក៏ដោយ ប្រជាជនជាង ៣ លាននាក់នៃប្រជាជន ២៦ លាននាក់របស់ប្រទេសនីហ្សេ បានប្រឈមនឹងកង្វះស្បៀងអាហារយ៉ាងធ្ងន់ធ្ងរ។ ការរឹតបន្តឹងកាន់តែខ្លាំងប្រទេសលោកខាងលិចមួយចំនួនក៏បានកាត់ផ្តាច់ជំនួយមកដល់ប្រទេសនីហ្សេ ជាប្រទេសមួយដែលជំនួយបរទេសមានចំនួនរហូតដល់ ៤០% នៃថវិការបស់ខ្លួន។

អាមេរិកមានចំណាត់ការដាក់កងម៉ារីន លើនាវាពាណិជ្ជកម្ម ដើម្បីបញ្ឈប់ការរឹបអូសរបស់អ៊ីរ៉ង់

2023/08/05 07:13:44 pm        110
Facebook Telegram Linkin
ក្រុមមន្ត្រីបាននិយាយកាលពីថ្ងៃព្រហស្បតិ៍ថា យោធាសហរដ្ឋអាមេរិកកំពុងត្រៀមផែនការ ដើម្បីចាប់ផ្តើមកងម៉ារីនប្រដាប់អាវុធ និងនាវិកនៅលើនាវាពាណិជ្ជកម្មរបស់ក្រុមហ៊ុនឯកជន បន្ទាប់ពីមានការរឹបអូសនាវាដោយកងកម្លាំងអ៊ីរ៉ង់នៅមជ្ឈិមបូព៌ា ជាការកើនឡើងគួរឱ្យកត់សម្គាល់ដែលអាចធ្វើឱ្យទីក្រុងវ៉ាស៊ីនតោន និងក្រុងតេអេរ៉ង់ប្រឈមមុខដាក់គ្នាដោយផ្ទាល់។មន្ត្រីម្នាក់បាននិយាយថា កិច្ចខិតខំប្រឹងប្រែងនេះនៅមិនទាន់ទទួលបានការយល់ព្រមចុងក្រោយទេ ប៉ុន្តែខ្លួនបានទទួលពីមន្ត្រីរដ្ឋបាលជាន់ខ្ពស់តបស់ លោកBiden ហើយអាចចាប់ផ្តើមភ្លាមៗនៅខែនេះ។ កងម៉ារីនមកពីមូលដ្ឋាន Camp Lejeune, N.C. បានជិះយន្តហោះទៅកាន់ប្រទេសបារ៉ែន និងទទួលបានការបណ្តុះបណ្តាលដែលពាក់ព័ន្ធ ដោយមានបុគ្គលិកបន្ថែមដែលនឹងមកដល់ ក្នុងពេលឆាប់ៗនេះនៅលើនាវាចម្បាំងសហរដ្ឋអាមេរិក។ មន្ត្រីរូបនេះបាននិយាយថា យើងមានក្រុមនៅលើដីគោក។ លោកនិយាយថា ការសម្រេចចិត្តខាងគោលនយោបាយបានធ្វើឡើងច្រើន។ នៅពេលសួរអំពីផែនការនេះ អ្នកនាំពាក្យមន្ទីរបញ្ចកោណ លោកឧត្តមសេនីយ Patrick Ryder បាននិយាយកាលពីថ្ងៃព្រហស្បតិ៍ថា លោកពុំមានការប្រកាសដែលត្រូវធ្វើឡើងនោះទេ។ អ្នកនាំពាក្យនៅសេតវិមាន លោក John Kirby មានសំណួរផ្ទាល់ទៅកាន់ក្រសួងការពារជាតិ ខណៈកត់សម្គាល់ពីច្រកសមុទ្រ Hormuz ជាកន្លែងដែលឧប្បត្តិហេតុមួយចំនួនបានកើតឡើង គឺជាច្រកផ្លូវសមុទ្រដ៏សំខាន់។ លោកបាននិយាយថា សហរដ្ឋអាមេរិកបានមើលឃើញការគំរាមកំហែងធ្វើឡើង ដោយប្រទេសអ៊ីរ៉ង់ ក្នុងការមិនអនុញ្ញានូវចំណុចដ៍ច្របូកច្របល់នេះ។ ច្រកសមុទ្រនេះភ្ជាប់ឈូងសមុទ្រពែរ្សទៅនឹងឈូងសមុទ្រប្រទេសអូម៉ង់ និងសមុទ្របើកចំហលើសពីនេះ។ យ៉ាងហោចណាស់ ២០ ភាគរយនៃប្រេងឆៅរបស់ពិភពលោកត្រូវបានដឹកជញ្ជូនតាមរយៈផ្លូវទឹកយុទ្ធសាស្ត្រនេះ។

សួនកម្សាន្តក្រុងញូវយ៉ក ផ្ទុះឡើងភាពចលាចល ខណៈកម្មវិធីផ្សព្វផ្សាយឥតគិតថ្លៃរបស់អ្នកផ្សាយផ្ទាល់ ធ្វើឲ្យខកបំណង

2023/08/05 06:55:44 pm        258
Facebook Telegram Linkin
មនុស្សរាប់ពាន់នាក់ បានចូលលុកលុយក្នុងទីលាន Union Square នៅទីក្រុងញូវយ៉ក និងផ្លូវនៅជុំវិញនោះ កាលពីថ្ងៃសុក្រ បន្ទាប់ពីក្រុមអ្នកផ្សាយផ្ទាល់ដ៏ពេញនិយមមួយបានប្រកាសពីព្រឹត្តិការណ៍ «ផ្តល់ជូនឥតគិតថ្លៃ» ដែលបានធ្វើឲ្យមានភាពចលាចល ជំរុញឱ្យមន្ត្រីនគរបាលរាប់រយនាក់ឆ្លើយតប និងបំបែកហ្វូងមនុស្ស។ ព្រឹត្តិការណ៍នេះត្រូវបានផ្សព្វផ្សាយដោយលោក Kai Cenat ដែលត្រូវបានគេស្គាល់ច្បាស់បំផុតសម្រាប់ការផ្សាយផ្ទាល់របស់លោកនៅលើគេហទំព័រហ្គេម Twitch និងវីដេអូ YouTube ។ កាលពីពេលមុនលោកបានប្រកាស «ការផ្តល់ជូនកាដូដ៏ធំ» នៅលើគណនី Instagram របស់លោកនៅម៉ោង ៤ ល្ងាចម៉ោងក្នុងតំបន់។ នៅមុនពេលព្រឹត្តិការណ៍នេះចាប់ផ្តើម វីដេអូពីឧទ្ធម្ភាគចក្រអ្នកសារព័ត៌មាន បានបង្ហាញឲ្យឃើញមនុស្សកំពុងគប់ដប និងកៅអី ឡើងទៅលើដំបូលច្រកចូលរថភ្លើងក្រោមដី ហែករបាំងសំណង់ ឈរពីលើរថយន្ត និងដកចេញបំពង់ពន្លត់អគ្គីភ័យ។ វីដេអូពីឧទ្ធម្ភាគចក្រព័ត៌មានទូរទស្សន៍ បានបង្ហាញលោក Cenat នៅក្នុងរថយន្ត SUV ពណ៌ខ្មៅមួយគ្រឿង ឈរដោយក្បាលរបស់លោកអើតចេញតាមដំបូលរថយន្ត ខណៈមនុស្សចោមរោមរថយន្ត។ យ៉ាងហោចណាស់មានមនុស្សម្នាក់បានធ្លាក់ពីលើរថយន្ត ខណៈបើកគេចចេញពីកន្លែងកើតហេតុ។ ភ្លាមៗនោះគេមិនទាន់ដឹងច្បាស់ថា តើអ្វីបានបង្កឲ្យមានភាពចលាចលនោះទេ។ អ្នកនាំពាក្យ នាយកដ្ឋានដ្ឋាននគរបាលក្រុងបាននិយាយថា ពុំមានអ្នករងរបួសណាម្នាក់ត្រូវបានគេរាយការណ៍នោះទេ គិតត្រឹមម៉ោង ៤ និង ៤៥ នាទីល្ងាចហើយថានៅពុំទាន់មានព័ត៌មានអំពីចំនួននៃការចាប់ខ្លួននៅឡើយ។ នៅក្នុងការណែនាំតាមប្រព័ន្ធផ្សព្វផ្សាយសង្គម នាយកដ្ឋានបានជំរុញឱ្យប្រជាជនជៀសវាង ឲ្យឆ្ងាយពីសួនឧទ្យានដែលនៅជិតសាកលវិទ្យាល័យក្រុងញូវយ៉ក។ លោក Cenat អាយុ ២១ ឆ្នាំទទួលបានអ្នកតាមដាន ៦,៥ លាននាក់នៅលើគេហទំព័រ Twitch និង អ្នកចូលរួម ៤ លាននាក់ នៅលើបណ្តាញ YouTube ។ លោកត្រូវបានគេដាក់ឈ្មោះថា Streamer of the Year( អ្នកផ្សព្វផ្សាយប្រចាំឆ្នាំ) ក្នុងឆ្នាំ ២០២២ នៅក្នុងកម្មវិធី Streamy Awards ។

បណ្ដាញសង្គម

ព័ត៌មានថ្មីៗ

ក្រសួងបរិស្ថាននិងធនាគារពិភពលោកបន្តពង្រឹងនិងពង្រីកកិច្ចសហប្រតិបត្តិការ ដើម្បីកំណើនសេដ្ឋកិច្ចមូលដ្ឋាន និងចីរភាពបរិស្ថាន
10/08/2026 09:10 AM
Facebook Telegram Linkin
គណៈកម្មការ G-PSF ពិនិត្យសេចក្តីព្រាងឆមាសទី១ ឆ្នាំ២០២៦ និងត្រៀមរៀបចំវេទិកា G-PSF លើកទី២០
10/08/2026 08:10 AM
Facebook Telegram Linkin
ឯកឧត្តម ហ៊ុន ម៉ានី ដឹកនាំគណៈប្រតិភូទទួលជួបប្រជុំទ្វេភាគី ជាមួយគណៈប្រតិភូយុវជនឡាវ
10/08/2026 08:10 AM
Facebook Telegram Linkin
សម្ដេចតេជោ ប្រាប់ទៅពួកបោកប្រាស់ក្រៅស្រុក បើចេះត្រូវចេះឲ្យគេកោតតែបើឆោត គឺត្រូវឆោតឲ្យគេអាណិត
10/07/2026 08:10 PM
Facebook Telegram Linkin
សម្ដេចតេជោ សង្ឃឹម យុវជនកម្ពុជា-ឡាវ រួមសាមគ្គី និងបន្តចែករំលែកផ្លាស់ប្ដូរទស្សនៈគ្នា គ្រប់វិស័យ
10/07/2026 06:10 PM
Facebook Telegram Linkin
លោក Rubio៖ អ៊ីរ៉ង់បាន​បាត់បង់ការគ្រប់គ្រងទាំងស្រុង លើ​ច្រកសមុទ្រ Hormuz ខណៈ​សេដ្ឋកិច្ច​ធ្លាក់ចុះខ្លាំង​​
10/07/2026 06:10 PM
Facebook Telegram Linkin
នគរបាល៖ មនុស្ស ៧នាក់រងរបួស ដោយសារ​ការ​វាយប្រហារដោយកាំបិត ក្នុង​សាលារៀន នៅ​ប៉ូឡូញ
10/07/2026 06:10 PM
Facebook Telegram Linkin
ភាពអត់ឃ្លានកំពុងបង្កវិនាសកម្មដល់កុមារនៅប្រទេសយេម៉ែនដែលហែកហួរដោយភ្លើងសង្រ្គាម
10/07/2026 06:10 PM
Facebook Telegram Linkin
នគរបាល​បែលហ្ស៊ិកចាប់ខ្លួនមនុស្ស ១០៧នាក់ អំឡុងការតវ៉ារបស់សិស្ស នៅទីក្រុង Liege
10/07/2026 06:10 PM
Facebook Telegram Linkin
បារាំងផ្អាកប្រើគ្រាប់បែកផ្សែង​ធ្វើ​ឱ្យ​ភាំង​ស្មារតី​ លើ​​ការ​តវ៉ារបស់សិស្ស មុននាយករដ្ឋមន្ត្រីថ្លែងសុន្ទរកថា
10/07/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.