BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

បារាំងច្រានចោលសិទ្ធិជ្រកកោនសម្រាប់ខ្មាន់កាំបិតដែលបានវាយប្រហារនៅទីក្រុង Annecy

បារាំង៖ រដ្ឋមន្រ្តីក្រសួងមហាផ្ទៃបារាំងលោក Gerald Darmanin បាននិយាយថា កាលពីពេលកន្លងទៅ ប្រទេសរបស់លោក បានច្រានចោលការដាក់ពាក្យសុំសិទ្ធិជ្រកកោនរបស់បុរសម្នាក់ដែលនៅពីក្រោយការវាយប្រហារដោយកាំបិតកាលពីព្រឹកថ្ងៃព្រហស្បតិ៍ នៅក្នុងទីក្រុង Annecy ។ ក្មេងតូចៗចំនួន ៤នាក់ និងនិវត្តន៍ជនចំនួន ២នាក់ រងការវាយប្រហារដោយកាំបិតនៅទីក្រុងភ្នំដ៏ស្ងប់ស្ងាត់របស់បារាំងមួយនេះ ហើយរដ្ឋាភិបាល និយាយថា ជនវាយប្រហារជាប់សង្ស័យ គឺជាជនភៀសខ្លួនស៊ីរី ។ ក្មេងតូចៗចំនួន ៤នាក់ទាំងនេះ មានអាយុចន្លោះពី ២២ខែ និង ៣ឆ្នាំ ។ លោក Darmanin និយាយប្រាប់សារព័ត៌មាន TF1ថា ជនភៀសខ្លួនស៊ីរីម្នាក់នេះ ត្រូវបានចាប់ខ្លួន ពាក់ព័ន្ធនឹងការវាយប្រហារ ។ គាត់ត្រូវបានគេច្រានចោលសិទ្ធិជ្រកកោនកាលពីរយៈពេល ១០ឆ្នាំមុន ហើយនិងបានដាក់ពាក្យសុំសិទ្ធិជ្រកកោនផងដែរ នៅប្រទេសស្វីស និងអ៊ីតាលី ។ ដោយឡែក ពាក់ព័ន្ធនឹងមូលហេតុដែលនាំឲ្យមានការវាយប្រហារនេះ គេនៅពុំទាន់ដឹងច្បាស់នោះទេ ប៉ុន្តែវាអាចផ្តើមចេញពីបញ្ហាសាសនា ខណៈដែលការស៊ើបអង្កេតកំពុងបន្ត ៕

មនុស្សរាប់ពាន់នាក់ត្រូវបានជម្លៀសចេញពីទីក្រុង Tianjin (ធានជីន) ប្រទេសចិន បន្ទាប់ពីមានស្នាមប្រេះលេចឡើងនៅជិតអគារខ្ពស់ៗ

ចិន៖ យោងតាមប្រព័ន្ធផ្សព្វផ្សាយរដ្ឋនិងរដ្ឋាភិបាលក្នុងតំបន់បានឱ្យដឹងថា មនុស្សរាប់ពាន់នាក់ត្រូវបានជម្លៀសចេញពីអគារផ្ទះល្វែងខ្ពស់ៗជាច្រើនកន្លែងនៅក្នុងទីក្រុង Tianjin ភាគខាងជើងប្រទេសចិន ក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីមានការបាក់ដីកើតមានស្នាមប្រេះធំៗនៅតាមដងផ្លូវនៅក្បែរនោះ។រដ្ឋាភិបាលទីក្រុង Tianjin បាននិយាយកាលពីថ្ងៃព្រហស្បតិ៍ ទី៨ ខែមិថុនា នៅលើបណ្តាញផ្សព្វផ្សាយសង្គមថា ស្នាមប្រេះធំៗបានលេចចេញនៅតាមដងផ្លូវក្បែរបរិវេណអគារលំនៅឋានមួយកន្លែងក្នុងស្រុក Jinnan ទីក្រុង Jinnan ហើយក្រុមអ្នកជំនាញភូគព្ភសាស្ត្របាននិយាយថា ទំនងជាបណ្តាលមកពីមានប្រហោងក្រោមដីនៅខាងក្រោមជម្រៅ ១.៣០០ ម៉ែត្រ។យោងតាមសារព័ត៌មាន Global Times ដែលគាំទ្រដោយរដ្ឋ បានដកស្រង់សម្តីរបស់រដ្ឋាភិបាលស្រុក បានឲ្យដឹងថា គិតត្រឹមថ្ងៃទី ៣ ខែមិថុនា ពលរដ្ឋសរុបចំនួន ៣.៨៩៩នាក់មកពីយ៉ាងហោចណាស់អគារខ្ពស់ ២៥ ជាន់ចំនួនបីអគារត្រូវបានជម្លៀសទៅកាន់សណ្ឋាគារនៅក្បែរនោះ។ រដ្ឋាភិបាលទីក្រុង Tianjin បានចាត់ទុកឧបទ្ទវហេតុនេះថាជា «គ្រោះមហន្តរាយភូមិសាស្ត្រភ្លាមៗ» បន្ទាប់ពីព័ត៌មានបឋមពីអ្នកជំនាញភូគព្ភសាស្ត្រ និងក្រសួងរដ្ឋាភិបាលមួយចំនួន បន្ទាប់ពីពួកគេបានធ្វើការស្ទង់មតិ គូសផែនទី និងត្រួតពិនិត្យនៅទីតាំងនោះ។យោងតាមអ្នកជំនាញម្នាក់ដែលត្រូវបានសាកសួរអំពីឧប្បត្តិហេតុនៅទីស្នាក់ការកណ្តាលរដ្ឋាភិបាលទីក្រុង Tianjin បាននិយាយថា «ស្ថានភាពនេះគឺកម្រកើតមានណាស់»។ រដ្ឋាភិបាលទីក្រុង Tianjin និយាយថា វាពុំអាចត្រូវបានបដិសេធនោះទេថា ការខួងអណ្តូងកម្តៅក្នុងផែនដីបានបណ្តាលឱ្យបាត់បង់ដី និងការបាក់ដីនៅក្នុងតំបន់នោះ។ អ្នកជំនាញបាននិយាយថា អគារខ្ពស់ៗដែលបែរទៅរកផ្លូវ ត្រូវបានរងផលប៉ះពាល់ក្នុងកម្រិតខុសៗគ្នា៕

នគរបាលថ្កោលទោសការសម្លាប់ទាក់ទងទៅនឹងឧក្រិដ្ឋកម្មលើមនុស្ស៥នាក់ នៅជាយក្រុងអ៊ីស្រាអែល-អារ៉ាប់

អារ៉ាប់៖ នគរបាលកំពុងធ្វើការស៊ើបអង្កេតករណីសម្លាប់បុរស៥នាក់ ក្នុងការបាញ់ប្រហារមួយទាក់ទងនិងឧក្រិដ្ឋកម្មបណ្តាលឲ្យមានមនុស្សស្លាប់ច្រើននៅអ៊ីស្រាអែល ក្នុងប្រវត្តិសាស្ត្រសម័យទំនើបនេះកាលពីថ្ងៃព្រហស្បតិ៍ ដោយបានថ្កោលទោសករណីនេះ ជាសកម្មភាពដ៏ឃោរឃៅ។នគរបាលនិយាយថា ឃាតកម្មបានកើតឡើងនៅជាយក្រុងនៃទីក្រុង Nazareth ភាគខាងជើង។ នគរបាលអ៊ីស្រាអែល និយាយថា ពួកគេបានបញ្ជូនកងកម្លាំងដ៏ច្រើនទៅកាន់តំបន់នោះ ហើយកំពុងស្វែងរកជនសង្ស័យ ដោយបានបញ្ជាក់ថា ឧបទ្ទវហេតុនេះជាបទឧក្រិដ្ឋ។ ឧបទ្ទវហេតុអំពើហិង្សានៃឧក្រិដ្ឋកម្មបណ្តាលឲ្យមានមនុស្សស្លាប់ និងជាពិសេសអំពើហិង្សាដោយអាវុធ នៅក្នុងសហគមន៍អារ៉ាប់ នៅទូទាំងប្រទេសអ៊ីស្រាអែលដែលមានច្រើនជាងកម្រិតមធ្យមនៃកម្រិតទូទាំងប្រទេស។ អ្នកនាំពាក្យនគរបាល លោក Waseem Bader បាននិយាយថា នេះគឺជាឧក្រិដ្ឋកម្មដ៏ឃោរឃៅ ហើយយើងកំពុងធ្វើការអស់ពីសមត្ថភាព ដែលស្ថិតក្នុងដែនអំណាចរបស់យើង ដើម្បីនាំយកឧក្រិដ្ឋជនមកកាត់ទោស។យោងតាមអង្គភាពសេវាសង្គ្រោះបន្ទាន់អ៊ីស្រាអែល បានឲ្យដឹងថា ឧបទ្ទវហេតុនេះ បានកើតឡើង ប៉ុន្មានម៉ោងបន្ទាប់ពីការបាញ់ប្រហារដាច់ដោយឡែកមួយ នៅជាយក្រុង Nazareth ដែលបានធ្វើឲ្យរងរបួសធ្ងន់ក្មេងស្រីអាយុ៣ឆ្នាំម្នាក់ និងបុរសអាយុ៣០ឆ្នាំម្នាក់។យោងតាមអង្គការ Abraham Initiatives ជាអង្គការតាមដានការកើនឡើងអំពើហិង្សាក្នុងសហគមន៍អារ៉ាប់ បានឲ្យដឹងថា ពលរដ្ឋអារ៉ាប់៩៧នាក់ ត្រូវបានសម្លាប់ដោយសារតែអំពើហិង្សាឧក្រិដ្ឋកម្ម ក្នុងឆ្នាំ២០២៣នេះ។ ក្នុងចំណោម៩៧នាក់នេះ ៨៦នាក់ត្រូវបានបាញ់សម្លាប់ ហើយ៤២នាក់ មានអាយុក្រោម៣០ឆ្នាំ។

អង្គការសុខភាពពិភពលោក ប្រញាប់ប្រញាល់ផ្គត់ផ្គង់ដល់អ៊ុយក្រែន ត្រៀមដោះស្រាយជំងឺក្នុងតំបន់លិចទឹក

អ៊ុយក្រែន៖ ក្រុមមន្ត្រី បាននិយាយកាលពីថ្ងៃព្រហស្បតិ៍ថា អង្គការសុខភាពពិភពលោក បានប្រញ៉ាប់ប្រញ៉ាល់ផ្គត់ផ្គង់បន្ទាន់ដល់តំបន់នានារបស់អ៊ុយក្រែនដែលទទួលរងដោយទឹកជំនន់ និងកំពុងត្រៀមឆ្លើយតបដើម្បីរៀបចំសម្រាប់ហានីភ័យសុខភាព រួមទាំងការរងរបួស ការលង់ទឹក និងជំងឺកើតឡើងដោយសារទឹក ដូចជាជំងឺអាសន្នរោគជាដើម។ប្រទេសរុស្ស៊ី និងអ៊ុយក្រែន បានដាក់កំហុសគ្នាទៅវិញទៅមក សម្រាប់ការទម្លាយទំនប់ទឹកវារីអគ្គិសនី Kakhovka សម័យសូវៀត ដែលបានបញ្ជូនទឹកហូរចូលនៅទូទាំងតំបន់សង្គ្រាម នៅប្រទេសអ៊ុយក្រែនភាគខាងត្បូង កាលពីព្រឹកថ្ងៃអង្គារ ដោយបង្ខំឲ្យមនុស្សរាប់ម៉ឺននាក់ភៀសខ្លួនចេញពីលំនៅឋានរបស់ពួកគេ។ អគ្គនាយកអង្គការសុខភាពពិភពលោក លោក Tedros Adhanom Ghebreyesus បាននិយាយនៅក្នុងសន្និសីទសារព័ត៌មានថា ផលប៉ះពាល់នៃប្រព័ន្ធអនាម័យផ្គត់ផ្គង់ទឹករបស់តំបន់និងសេវាសុខភាពសាធារណៈពុំអាចមើលស្រាលបាននោះទេ។ អង្គការសុខភាពពិភពលោក បានប្រញាប់ប្រញាល់ក្នុងការគាំទ្រដល់អាជ្ញាធរ និងបុគ្គលិកថែទាំសុខភាពក្នុងវិធានការបង្ការប្រឆាំងជំងឺកើតឡើងដោយសារទឹក និងធ្វើឲ្យប្រសើរឡើងការពិនិត្យថែទាំជំងឺ។នៅពេលត្រូវបានសួរយ៉ាងច្បាស់លាស់អំពីជំងឺអាសន្នរោគ មន្ត្រីបច្ចេកទេសអង្គការសុខភាពពិភពលោក លោកស្រី Teresa Zakaria បាននិយាយថា ហានីភ័យនៃការផ្ទុះឡើងជំងឺនេះមានវត្តមានដោយសារ បាក់តេរីកើតមានក្នុបរិស្ថាន។ លោកស្រីនិយាយថា អង្គការសុខភាពពិភពលោក កំពុងធ្វើការជាមួយក្រសួងសុខាភិបាលអ៊ុយក្រែនដើម្បីដាក់យន្តការនៅនឹងកន្លែងដើម្បីធានាបានថា វ៉ាក់សាំងអាចត្រូវបាននាំចូលប្រសិនបើត្រូវការ៕

គំរូបាតុភូត អែលនីញ៉ូ ពេលនេះ អាចបង្កឲ្យមានបម្រែបម្រួលអាកាសធាតុធ្ងន់ធ្ងរនៅឆ្នាំនេះ ឬ ឆ្នាំក្រោយ

អូស្ត្រាលី៖ បាតុភូត អែលនីញ៉ូ(El Nino) បានវិលត្រឡប់មកវិញជាផ្លូវការ និងទំនងជាបង្កឲ្យមានអាកាសធាតុធ្ងន់ធ្ងរនៅចុងឆ្នាំនេះ បណ្ដាលមកពីព្យុះស៊ីក្លូនត្រូពិក ប៉ះពាល់ដល់តំបន់កោះសមុទ្រប៉ាស៊ីហ្វិកដែលងាយរងគ្រោះ ដែលនឹងធ្វើឲ្យមានភ្លៀងធ្លាក់ខ្លាំងនៅអាមេរិកខាងត្បូង រហូតដល់បង្កឲ្យមានគ្រោះរាំងស្ងួតនៅក្នុងប្រទសអូស្ត្រាលី ។យោងតាមសេចក្ដីណែនាំចេញកាលពីថ្ងៃព្រហស្បតិ៍ ដោយមជ្ឈមណ្ឌលព្យាករណ៍អាកាសធាតុនិងមហាសមុទ្រ របស់រដ្ឋបាលអាកាសធាតុ បន្ទាប់ពីគំរូបាតុភូតឡានីញ៉ា (La Nina) ដែលជារឿយៗរុញទម្លាក់សីតុណ្ហភាពសកលបន្តិច ពោលគឺបាតុភូតអែលនីញ៉ូ (El Nino) ក្តៅជាងមុន បានវិលត្រឡប់មកវិញ។បាតុភូតអែលនីញ៉ូ ត្រូវបានកើតចេញពីទឹកក្ដៅខុសពីធម្មតា នៅក្នុងសមុទ្រប៉ាស៊ីហ្វិកខាងកើត L8N37J2T2 ជិតឆ្នេរសមុទ្រអាមេរិកខាងត្បូង ហើយជារឿយៗអមដោយការបន្ថយល្បឿន ឬបង្កឲ្យមានខ្យល់បោកបក់ខ្លាំងនៅភាគខាងកើត។កាលពីខែឧសភា ស្ថានភាពបាតុភូតអែលនីញ៉ូបានកើតឡើង ខណៈសីតុណ្ហភាពផ្នែកខាងលើនៃកម្រិតទឹកសមុទ្រហក់ឡើងខ្ពស់ជាងកម្រិតមធ្យមនៅទូទាំងមហាសមុទ្រប៉ាស៊ីហ្វិក។ បាតុភូតអែលនីញ៉ូចុងក្រោយ បានកើតមានកាលពីឆ្នាំ២០១៦ ដែលពិភពលោកបានមើលឃើញ អាកាសធាតុក្ដៅបំផុតមិនធ្លាប់មាន ។ បាតុភូតទាំង២នេះ បានបណ្ដាលឲ្យមានការព្រមានពីបម្រែបម្រួលអាកាសធាតុ នៅឆ្នាំ២០២៣ឬ២០២៤ អាចហក់ឡើងដល់កម្រិតខ្ពស់ថ្មី ៕

អ្នកឡើងភ្នំយ៉ាងហោចណាស់១២នាក់បានស្លាប់នៅលើភ្នំ Everest ក្នុងប្រទេសនេប៉ាល់នៅឆ្នាំនេះ

មនុស្សយ៉ាងហោចណាស់១២នាក់បានស្លាប់ និង៥នាក់នៅតែបាត់ខ្លួននៅឡើយក្នុងឆ្នាំ២០២៣នេះ។ មានកត្តាជាច្រើនដែលបណ្ដាលឲ្យមានការស្លាប់ រួមទាំង ជំងឺកើតមកពីឡើងខ្ពស់ពេក និងផ្លូវឡើងតូចចង្អៀត។ ការសម្រេចចិត្តឡើងលើភ្នំ Everest គឺប្រឈមគ្រោះថ្នាក់ខ្លាំង ។ មនុស្សជាង៣០០នាក់ បានស្លាប់ដោយសារការព្យាយាមឡើងទៅឲ្យដល់កំពូលភ្នំនេះ ចាប់តាំងពីទសវត្សរ៍ដើមឆ្នាំ ១៩០០ ប៉ុន្តែរដូវឡើងភ្នំរដូវស្លឹកឈើលាស់នៅឆ្នាំនេះ គឺគ្រោះថ្នាក់បំផុត។ កាលពីដំណាច់ខែឧសភា នៅពេលរដូវឡើងភ្នំបានបញ្ចប់ក្រៅផ្លូវការ អ្នកឡើងភ្នំចំនួន១២នាក់ បានស្លាប់ និង៥នាក់បាត់ខ្លួន ដែលធ្វើឲ្យឆ្នាំ២០២៣នេះ ក្លាយជាឆ្នាំមួយក្នុងចំណោមឆ្នាំដ៏អាក្រក់បំផុត សម្រាប់ប្រវត្តិសាស្ត្ររបស់ក្រុមអ្នកឡើងភ្នំ Everest ។ ឆ្នាំដ៏អាក្រក់បំផុត គឺឆ្នាំ២០១៤ មានមនុស្ស១៦នាក់បានស្លាប់។ ប្រសិនបើមនុស្ស៥នាក់ដែលកំពុងបាត់ខ្លួននោះ ត្រូវបានរកឃើញថាបានស្លាប់ ឆ្នាំ២០២៣ នឹងក្លាយជាឆ្នាំដ៏អាក្រក់បំផុតមិនធ្លាប់មាន។ យោងតាមការស្រាជ្រាវរបស់ស្ថាប័នមួយដែលមានឈ្មោះថា Outside ជំងឺខ្លាចខ្ពស់ អាចជាផ្នែកមួយត្រូវបានដាក់ការស្ដីបន្ទោសសម្រាប់ការស្លាប់ជាច្រើនដែលបានកើតឡើងនៅឆ្នាំនេះ រួមទាំងសមាជិកជនជាតិភាគតិចស៊ើប៉ា (sherpas) ២នាក់ ដែលបានអមដំណើរក្រុមអ្នកឡើងភ្នំសម្រាប់ដំណើររបស់ពួកគេ។ លោក Shaunna Burke អ្នកឡើងភ្នំដែលបានឡើងលើភ្នំ Everest ក្នុងឆ្នាំ ២០០៥ ធ្លាប់បានប្រាប់សារព័ត៌មាន Insider កាលពីកន្លងទៅថា ដោយស្ថិតនៅចន្លោះប្រទេសនេប៉ាល់ និងតំបន់ទីបេតិ៍ ភ្នំ Everest គឺជាកំពូលភ្នំខ្ពស់បំផុតរបស់ពិភពលោក ដែលមានកម្ពស់ដល់ទៅ ២៩.០២៩ ហ្វីតខ្ពស់ជាងនីវ៉ូទឹកសមុទ្រ។ គ្មានអុកស៊ីសែនគ្រប់គ្រាន់ដែលត្រូវបានគេស្គាល់ថាជា "តំបន់មរណៈ" ។ វាជាទីកន្លែងដែលខ្លួនប្រាណអ្នកឡើងភ្នំ ត្រូវខ្សោះ និងស្លាប់យ៉ាងពិតប្រាកដ ៕

ម៉ាស់ Covid ត្រលប់មកវិញ ខណៈចំហេះព្រៃនៅកាណាដា បង្កឲ្យមានផ្សែងពាសពេញផ្ទៃមេឃ

កាណាដា៖ នៅពេលដែលវាហាក់ដូចជាមានសុវត្ថិភាពក្នុងការមិនពាក់ម៉ាស់ ប្រជាជនកាណាដាមួយចំនួនកំពុងរុំមុខ នៅគ្រប់ទីកន្លែង ដូចអំឡុងការរាតត្បាតវីរុសកូរ៉ូណា ជាការការពារស្ថានភាពមានផ្សែងដ៏គ្រោះថ្នាក់ ខណៈចំហេះព្រៃកំពុងផ្លាញតំបន់ភាគច្រើនរបស់ប្រទេសនេះ។ ប្រទេសកាណាដាកំពុងមើលឃើញការចាប់ផ្តើមរដូវកាលភ្លើងឆេះព្រៃដ៏អាក្រក់បំផុត មិនធ្លាប់មាន នៅក្នុងទីក្រុងកេបិចដែលបានបំផ្លាញនៅខេត្តOntarioភាគខាងត្បូង និងចូលទៅកាន់សហរដ្ឋអាមេរិក ដែលកំពុងបង្អាក់ជើងហោះហើរជាច្រើន និងកំពុងធ្វើឲ្យមនុស្សជាច្រើនស្នាក់នៅខាងក្នុងលំនៅឋាន។ ក្រុមហ៊ុនម៉ាស់មួយចំនួនដែលបានលក់សម្ភារៈការពារអំឡុងជំងឺរាតត្បាត បានប្រែក្លាយទៅជាការធ្វើទីផ្សារនៃចំហេះព្រៃ។ កាលពីថ្ងៃពុធក្រុមហ៊ុនផ្គត់ផ្គង់ម៉ាស់ United Canada បានបញ្ជូនសារអេឡិចត្រូនិកជា«ការក្រើនរំលឹកសុវត្ថិភាពរដូវកាលភ្លើងឆេះព្រៃ» ដែលរួមមានម៉ាសN95។ ពលរដ្ឋនៅខេត្ត Toronto បានប្រាប់ទូរទស្សន៍រ៉យទ័រថា ខ្ញុំគិតថា ខ្ញុំជឿជាក់លើគោលការណ៍ការណែនាំសុខភាពសាធារណៈ ព្រោះថានោះជាអ្វីដែលអ្នកត្រូវការធ្វើដើម្បីស្នាក់នៅមានសុវត្ថិភាព និងដើម្បីជួយឲ្យមនុស្សម្នាមានសុវត្ថិភាព។ ការសិក្សាលើមនុស្ស ដែលជាប់ពាក់ព័ន្ធទៅនឹងផ្សែងចំហេះព្រៃ មានអត្រាកាន់តែខ្ពស់នៃជំងឺគាំងបេះដូង ដាច់សរសៃឈាមខួក្បាល ស្ទះបេះដូងភ្លាមៗ ដែលធ្វើឲ្យកើនឡើងការចូលបន្ទប់សង្គ្រោះបន្ទាន់សម្រាប់ស្ថានភាពជំងឺផ្លូវដង្ហើម និងធ្វើឲ្យចុះខ្សោយប្រព័ន្ធការពារភាពស៊ាំ។ ចំហេះព្រៃក៏ជាប់ពាក់ព័ន្ធទៅនឹងការធ្វើឲ្យផ្សាភ្នែក និងបញ្ហាស្បែកផងដែរ៕

ទីក្រុងវ៉ាស៊ីនតោន ស្ថិតក្នុងសភាពស្ងៀមស្ងាត់ ខណៈផ្សែងចេញពីចំហេះព្រៃនៅកាណាដា គ្របដណ្ដប់លើរដ្ឋធានីរបស់អាមេរិក

អាមេរិក៖ ការគ្របដណ្ដប់ដោយការបំពុលខ្យល់អាកាសចេញពីចំហេះព្រៃរបស់ប្រទេសកាណាដា បានរុញឲ្យមានការប្រកាសប្រុងប្រយ័ត្នខ្ពស់បន្ថែមទៀត នៅតំបន់សមុទ្រអាត្លង់ទិក កាលពីថ្ងៃព្រហស្បតិ៍ ដែលបានគ្របដណ្ដប់លើរដ្ឋធានីវ៉ាស៊ីនតោន ឌីស៊ី បង្កជាអ័ព្ទប៉ះពាល់ដល់សុខភាព និងជំរុញឲ្យប្រជាពលរដ្ឋរាប់លាននាក់ក្នុងរដ្ឋធានីនេះ ស្នាក់នៅក្នុងផ្ទះ។ ការធ្វើចរាចរណ៍មានសភាពស្ងប់ស្ងាត់ ហើយសេវារថភ្លើងមានមនុស្សជិះតិចជាងធម្មតា ខណៈបណ្ដាក្រុមហ៊ុនជាច្រើនក្នុងទីក្រុងនេះ បានប្រាប់នយោជិតរបស់ខ្លួនឲ្យធ្វើការពីផ្ទះ។ សេវាមិនចាំបាច់មួយចំនួនក្នុងរដ្ឋធានីនេះ ត្រូវបានផ្អាក រួមទាំងនៅតាមឧទ្យាននានា និងកន្លែងលេងកម្សាន្ត ការរដ្ឋានសាងសង់ផ្លូវ និងការប្រមូលសំរាម។ រដ្ឋបាលអាកាសចរណ៍សហព័ន្ធ(FAA) បានពន្យាពេលជើងហោះហើរទៅកាន់តំបន់ទីក្រុង New York និងអាកាសយានដ្ឋាន Philadelphia កាលពីថ្ងៃព្រហស្បតិ៍ ដោយនិយាយថាផ្សែងចេញពីភ្លើងឆេះព្រៃពីកាណាដា បានប៉ះពាល់ដល់ការមើលផ្លូវ និងជើងហោះហើររបស់អាមេរិក។ការប្រកួតបាល់បោះជម្រើសជាតិវ៉ាស៊ីនតោន បានលុបចោលការប្រកួតក្នុងប្រទេសខ្លួន ខណៈដែលសួនសត្វជាតិបានបិទទ្វារនៅថ្ងៃនោះ ។ រដ្ឋបានលោក Biden បានផ្អាកព្រឹត្តិករណ៍ Pride Month ដែលត្រូវគេរំពឹងថា ជាការប្រារព្ធពិធីដ៏ធំសម្រាប់មនុស្សស្រឡាញ់ភេទដូចគ្នា ក្នុងប្រវត្តសាស្ត្ររបស់សេតវិមាន។យោងតាមសេវាព្យាការណ៍ឯកជន Accu Weather នេះគឺជាករណីធ្ងន់ធ្ងរបំផុតនៃផ្សែងចេញពីភ្លើងឆេះព្រៃគ្របដណ្ដប់លើភាគឦសាន របស់សហរដ្ឋអាមេរិក ក្នុងរយៈពេលជាង២០ឆ្នាំមកនេះ។ សេវាព្យាករណ៍អាកាសធាតុជាតិអាមេរិកបានបន្ថែមការប្រុងប្រយ័ត្នគុណភាពខ្យល់ចាប់ពីរដ្ឋ New Englandដល់រដ្ឋ South Carolinaព្រមទាំងផ្នែកមួយចំនួននៅតំបន់ Midwest រួមទាំងរដ្ឋ Ohio Indiana និងរដ្ឋ Michigan៕

មនុស្សរាប់លាននាក់ស្ថិតក្រោមការព្រមានពីគុណភាពខ្យល់ខណៈភ្លើងឆេះព្រៃនៅតែបន្តនៅកាណាដា

កាណាដា៖ មនសុ្សរាប់លាននាក់ នៅអាមេរិកខាងជើង ត្រូវបានណែនាំឲ្យពាក់ម៉ាស់ N95 នៅខាងក្រៅ ដោយសារតែកម្រិតគុណភាពខ្យល់ប៉ះពាល់ដល់សុខភាព បង្កឡើងដោយចំហេះព្រៃធ្ងន់ធ្ងរនៅក្នុងប្រទេសកាណាដា។ ទីក្រុងញ៉ូវយ៉ក នឹងចាប់ផ្តើមចែកម៉ាស់ដោយឥតគិតថ្លៃនៅថ្ងៃព្រហស្បតិ៍នេះ។ ប្រទេសកាណាដា បាននិយាយថា ពលរដ្ឋគួតែពាក់ម៉ាស់ ប្រសិនបើពួកគេពុំអាចស្នាក់នៅតែខាងក្នុងបាន។ ក្រុមមន្ត្រី បានព្រមានថាស្ថានភាពមានផ្សែងយ៉ាងគ្រោះថ្នាក់ ត្រូវបានគេរំពឹងថា នឹងបន្តរហូតដល់ចុងសប្តាហ៍។ ផ្សែងភាគច្រើនកំពុងហុយចញពីទីក្រុងកេបិច ជាកន្លែងដែលមានចំហេះព្រៃ១៥០កន្លែង កំពុងឆេះរាលដាល។ ក្រុមមន្ត្រីបាននិយាយកាលពីថ្ងៃពុធថា ពលរដ្ឋជាង១៥.០០០នាក់ ត្រូវបាគេរំពឹងថា នឹងបង្ខំឲ្យជម្លៀសខ្លួនចញនៅក្នុងទីក្រុងនេះ។ វាជារដូវកាលភ្លើងឆេះព្រៃដ៏អាក្រក់បំផុតរបស់ទីក្រុងកេបិច នៅលើកំណត់ត្រា។ អភិបាលរដ្ឋញ៉ូវយ៉ក លោកស្រី Kathy Hochul បានប្រកាសកាលពីថ្ងៃពុធថា រដ្ឋញ៉ូវយ៉ក នឹងចែកម៉ាស់ចំនួន១លានម៉ាស់ដល់ពលរដ្ឋនៅក្នុងរដ្ឋនៅថ្ងៃព្រហស្បតិ៍នេះ។ លោកស្រីបាននិយាយនៅក្នុងសន្និសីទសារព័ត៌មានថា នេះជាស្ថានភាពបណ្តោះអាសន្នមួយ។ នេះពុំមែនជាជំងឺ Covid នោះទេ ។ លោកស្រីអភិបាលរដ្ឋនិយាយថា រថភ្លើង និងរថយន្តក្រុងនៅទីក្រុង រដ្ឋញ៉ូវយ៉ក មានប្រព័ន្ធបន្សុតខ្យល់គុណភាពខ្ពស់ ដែលធ្វើឲ្យពួកគេមានសុវត្ថិភាពក្នុងការធ្វើដំណើរ៕

ប្រទេសសេណេហ្គាល់ បិទស្ថានកុងស៊ុលជាច្រើននៅក្រៅប្រទេស ក្នុងពេលមានការវាយប្រហារ និងភាពតានតឹងនយោបាយ

សេណេហ្គាល់៖ ក្រសួងការបរទេសប្រទេសសេណេហ្គាល់ បានប្រកាស់កាលពីថ្ងៃអង្គារថា ខ្លួនបានបិទជាបណ្តោះអាសន្នស្ថានកុងស៊ុលនៅក្រៅប្រទេស ក្នុងពេលមានការរាលដាលភាពតានតឹងផ្នែកនយោបាយ ដែលបានបង្កការវាយប្រហារលើបេសកកម្មការទូតរបស់ខ្លួនក្នុងទីក្រុងប៉ារីស ទីក្រុង Bordeaux ទីក្រុងMilan និងទីក្រុងNew York។ ការតវ៉ាដ៏ខ្លាំង បានផ្ទុះឡើងកាលពីសប្តាហ៍មុន ក្នុងរដ្ឋធានី Dakar ប្រទេសេណាហ្គាល់ និងទីក្រុងផ្សេងៗទៀត បន្ទាប់ពីការកាត់ទោស មេដឹកនាំបក្សប្រឆាំងដ៏មានប្រជាប្រីយ៍ លោក Ousmane Sonko។ ការធ្វើកុបកម្មជាច្រើនថ្ងៃ បានបណ្តាលឲ្យមនុស្សយ៉ាងហោចណាស់១៦នាក់ស្លាប់ និងរាប់រយនាក់រងរបួស ខណៈអ្នកគាំទ្ររបស់លោក Sonko បានប៉ះទង្គិចជាមួយកងកម្លាំងសន្តិសុខ។ ភាពរំជើបរំជួលដោយសារវិបត្តិ បានធ្វើឲ្យរង្គោះរង្គើរនៅក្រៅប្រទេស ដោយពលរដ្ឋសេណេហ្គាល់រស់នៅបរទេសនាំទៅរកការធ្វើបាតុកម្ម នៅស្ថានកុងស៊ុលរបស់ប្រទេសនៅក្រៅប្រទេស។ ក្រសួងការបរទេស បាននិយាយថា ក្រសួងកំពុងចាត់វិធានការបង្ការជាមុន ដើម្បីបិទបេសកកម្មការទូតរបស់ខ្លួននៅក្នុងប្រទេសបារាំង អ៊ីតាលី និងសហរដ្ឋអាមេរិក សម្រាប់ពេលបច្ចុប្បន្ន បន្ទាប់ពីការវាយប្រហារជាបន្តបន្ទាប់។ ក្រសួងនិយាយថា ស្ថានកុងស៊ុលសេណេហ្គាល់ នៅក្នុងទីក្រុង Milan ត្រូវបានរងការវាយប្រហារខ្លាំងបំផុតដោយបាននិយាយថា ម៉ាស៊ីនដែលត្រូវបានប្រើប្រាស់ដើម្បីផលិតលិខិតឆ្លងដែន និងអត្តសញ្ញាណប័ណ្ណជាតិ ត្រូវបានបំផ្លាញ។ ក្រសួងនិយាយថា សេវានានា នឹងបន្តនៅស្ថានកុងស៊ុលក្នុងពេលឆាប់ៗ នៅពេលសម្ភារៈ និងស្ថានភាពសន្តិសុខ អាចដំណើរការទៅបាន។

បណ្ដាញសង្គម

ព័ត៌មានថ្មីៗ

អគ្គិភ័យឆាបឆេះរោងចក្រចម្រាញ់ប្រេង Lavan របស់អ៊ីរ៉ង់ រយៈពេលប៉ុន្មានម៉ោងក្រោយមានបទឈប់បាញ់

អារ៉ាប់រួម គូវ៉ែត បារ៉ែន រាយការណ៍ការវាយប្រហារ បើទោះបីជាមានបទឈប់បាញ់អ៊ីរ៉ង់-អាមេរិក

ក្រុមហ៊ុន VINCI Airports ប្ដេជ្ញាបន្តចូលរួមជាមួយរាជរដ្ឋាភិបាល ដើម្បីជំរុញ និងអភិវឌ្ឍឧស្សាហកម្មអាកាសចរណ៍នៅកម្ពុជា

អនុប្រធានាធិបតីអាមេរិក លោក Vance បញ្ជាក់ថា ជម្លោះអ៊ុយក្រែន គឺ «ពិបាកដោះស្រាយបំផុត»

លោក Trump ប្រាប់ថា គ្មានការបង្កើនសារធាតុអ៊ុយរ៉ានីញ៉ូមនៅអ៊ីរ៉ង់ទេ និងសន្យាដាក់ពន្ធ ៥០% លើអ្នកផ្គត់ផ្គង់អាវុធ

បែលហ្ស៊ិកក្លាយជាចំណុចចេញដំណើរថ្មីសម្រាប់ជនអន្តោប្រវេសន៍ទៅកាន់អង់គ្លេស

ជប៉ុនអះអាងថា ការបាញ់មីស៊ីលចុងក្រោយរបស់កូរ៉េខាងជើងពិតជាមិនអាចទទួលយកបាននោះទេ

អារម្មណ៍ច្របូកច្របល់នៅទីក្រុងតែល អាវីវ ចំពោះការប្រកាសបទឈប់បាញ់សង្រ្គាមអ៊ីរ៉ង់របស់លោក Trump

ពលរដ្ឋលីបង់សង្ឃឹមថា នឹងមានការរាប់បញ្ចូលពួកគេនៅក្នុងបទឈប់បាញ់សហរដ្ឋអាមេរិក-អ៊ីរ៉ង់

អគារនៅក្នុងទីក្រុងបាកដាដ ប្រទេសអ៊ីរ៉ាក់ រងការខូចខាតដោយសាការវាយប្រហាររបស់កាំជ្រួចផ្លោង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877