BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

រថយន្តជាប់នៅតាមដងផ្លូវលិចទឹកនៅទីក្រុងឈីកាហ្គោ សហរដ្ឋអាមេរិក

អាមេរិក៖ យានជំនិះជាច្រើនត្រូវបានជាប់នៅក្នុងទីក្រុង ឈីកាហ្គោ បន្ទាប់ពីភ្លៀងធ្លាក់ និងព្យុះផ្គររន្ទះវាយប្រហារតំបន់នេះកាលពីថ្ងៃអាទិត្យ (២ កក្កដា)។ ទីភ្នាក់ងារសេវាអាកាសធាតុជាតិបានចេញការព្រមានអំពីទឹកជំនន់ដ៏គំហុកសម្រាប់បណ្តាតំបន់នានា ហើយបានស្នើឱ្យប្រជាពលរដ្ឋដាក់កម្រិតការធ្វើដំណើរនៅក្នុងតំបន់នេះ។ការប្រកួតកីឡាកាលពីថ្ងៃអាទិត្យរវាង ក្រុម Cleveland Guardians និងក្រុមម្ចាស់ផ្ទះ Chicago Cubs ត្រូវបានពន្យារពេលដោយសារបញ្ហាអាកាសធាតុនេះ៕

គ្រូពេទ្យនាំពលរដ្ឋប៉ាឡេស្ទីនរងរបួសទៅមន្ទីរពេទ្យបន្ទាប់ពីការវាយឆ្មក់របស់អ៊ីស្រាអែលក្នុងទីក្រុង Jenin

អ៊ីស្រាអែល៖ កងកម្លាំងប្រទេសអ៊ីស្រាអែល បានវាយឆ្មក់នៅទីក្រុងJenin តំបន់ West Bank ពេញមួយយប់ឈានចូលដល់ថ្ងៃចន្ទនេះ ដោយបើកការវាយប្រហារ ដែលពលរដ្ឋនិយាយថា មានទាំងមីស៊ីលបាញ់ពីលើអាកាស និងចាប់ផ្តើមប្រយុទ្ធដោយកាំភ្លើង ដែលបានបន្តរហូតដល់ពេលព្រឹកបណ្តាលឲ្យមនុស្សយ៉ាងហោចណាស់៣នាក់ស្លាប់។ ដោយមានសំឡេងការបាញ់កាំភ្លើងធំ និងគ្រឿងផ្ទុះ ត្រូវបានលាន់លឺនៅទូទាំងទីក្រុងជាច្រើនម៉ោងបន្ទាប់ពីការវាយប្រហារដោយយានដ្រូន ដែលលាន់លឺយ៉ាងច្បាស់នៅលើក្បាល ដែលកងពលតូចនៅទីក្រុង Jenin ជាអង្គភាពមួយត្រូវបានបង្កើតឡើងរួមមានក្រុមជីវពលផ្សេងៗគ្នា មានមូលដ្ឋាននៅក្នុងជំរំជនភៀសខ្លួនដ៏ធំរបស់ទីក្រុង បាននិយាយថា ខ្លួនកំពុងតតាំងជាមួយកងកម្លាំងអ៊ីស្រាអែល។អ្នកបើកបររថយន្តសង្គ្រោះប៉ាឡេស្ទីនលោក Khaled Alahmad បាននិយាថា អ្វីដែលកំពុងកើតឡើងនៅក្នុងជំរំជនភៀសខ្លួនគឺជាសង្គ្រាមពិត។ មានការវាយប្រហារពីលើអាកាសដាក់គោលដៅមកលើជំរំ ជារៀងរាល់ពេល យើងបើកបរដោយមានរថយន្តសង្គ្រោះ៥ទៅ៧គ្រឿង ហើយយើងត្រឡប់មកវិញមានអ្នករងរបួសពេញរថយន្ត។ យោធាអ៊ីស្រាអែល និយាយថា កងកម្លាំងរបស់ខ្លួន បានវាយប្រហារលើអគារមួយកន្លែង ដែលបម្រើជាមជ្ឈមណ្ឌលទីបញ្ជាការសម្រាប់អ្នកប្រយុទ្ធមកពីកងពលទីក្រុង Jenin ជាអ្វីដែលខ្លួនបានចាត់ទុកថាជាកិច្ចប្រឹងប្រែងប្រឆាំងភេរវកម្មដ៏ខ្លាំងក្លា នៅក្នុងតំបន់ West Bank។ ក្រសួងសុខាភិបាលប៉ាឡេស្ទីន បានបញ្ជាក់ថា មនុស្សយ៉ាងហោច៣នាក់ បានស្លាប់ ក្នុងទីក្រុង Jenin ខណៈមនុស្សម្នាក់ផ្សេងទៀត បានស្លាប់នៅក្នុងទីក្រុង Ramallah បន្ទាប់ពីត្រូវបានបាញ់ចំក្បាល នៅប៉ុស្តិ៍ត្រួតពិនិត្យ៕

មន្ត្រីក្រុង Baltimore របស់អាមេរិក ជំរុញឲ្យសហគមន៍ផ្ដល់ព័ត៌មានពីជនសង្ស័យ ក្នុងការបាញ់ប្រហារបណ្ដាលឲ្យមនុស្សស្លាប់

អាមេរិក៖ បន្ទាប់ពីមនុស្ស២នាក់ បានស្លាប់ និង ២៨នាក់ផ្សេងទៀត រងរបួស ដោយក្នុងនោះរួមទាំងកុមារប្រមាណជា១៤នាក់ផង នៅក្នុងការបាញ់ប្រហារដ៏រង្គាល នៅទីក្រុងបាល់ទីម័រ (Baltimore) រដ្ឋម៉ារីឡែន (Maryland) សហរដ្ឋអាមេរិក កាលពីព្រឹកថ្ងៃអាទិត្យ (ទី២ ខែកក្កដា) មន្ត្រីនៅតំបន់នេះ បានជំរុញឲ្យសហគមន៍ចេញមកផ្តល់ព័ត៌មាន ឬវីដេអូណាមួយ ពាក់ព័ន្ធនឹងហេតុការណ៍នេះ។ស្នងការស្ដីទីនៃនាយកដ្ឋានគរបាលរបស់ទីក្រុងបាល់ទីម័រ (Baltimore) លោក Richard Worley បាននិយាយថា កម្លាំងនគរបាលនៅតែតាមស្វែងរកជនសង្ស័យជាច្រើននាក់។ នគរបាលបានប្រាប់អ្នកយកព័ត៌មានថា ស្ត្រីវ័យ ១៨ឆ្នាំ និងបុរសវ័យ ២០ឆ្នាំម្នាក់ បានស្លាប់ ហើយមនុស្ស ៩នាក់ នៅតែត្រូវព្យាបាលក្នុងមន្ទីរពេទ្យដោយសាររងរបួសដោយសារគ្រាប់កាំភ្លើង កាលពីរសៀលថ្ងៃអាទិត្យ ដោយក្នុងនោះមនុស្សមួយចំនួនស្ថិតក្នុងស្ថានភាពធ្ងន់ធ្ងរ។លោក Worley បានប្រាប់ទៀតថា ក្នុងចំណោមអ្នករងរបួស មានជនរងគ្រោះ ១៤នាក់ ដែលមានអាយុក្រោម ១៤ឆ្នាំ ដោយកត់សម្គាល់ថាពួកគេនៅតែព្យាយាមបញ្ជាក់អាយុជនរងគ្រោះ។ សោកនាដកម្មនេះ បានធ្វើឲ្យរង្គោះរង្គើទីក្រុងបាល់ទីម័រ (Baltimore) ចម្ងាយ ៤០ម៉ាយល៍ (៦៤គីឡូម៉ែត្រ) ភាគខាងជើងនៃទីក្រុងវ៉ាស៊ីនតោនឌីស៊ី (Washington DC) ជាការចាប់ផ្តើមវិស្សមកាល៤កក្កដានៃចុងសប្តាហ៍ នៅពេលដែលប្រជាជនអាមេរិកជាធម្មតាជួបជុំគ្នាដើម្បីបង្កើតក្បួនដង្ហែ ជុំគ្នាអាំងសាច់ និងបាញ់កាំជ្រួចភ្ញី។ប្រព័ន្ធផ្សព្វផ្សាយក្នុងស្រុក បានរាយការណ៍ថា ការបាញ់ប្រហារនេះ បានកើតឡើងក្នុងរយៈពេលខ្លី ក្រោយពាក់កណ្តាលអធ្រាត្រ នៅឯពិធីជប់លៀងប្លុក «Brooklyn Day» នៅសង្កាត់ Brooklyn Homes នៃទីក្រុង Baltimore ដែលមានមនុស្សចូលរួមរាប់រយនាក់ ហើយសាក្សីម្នាក់ បានប្រាប់ស្ថានីយ៍ទូរទស្សន៍ Fox 45 ថា ពួកគេបានលឺសំឡេងបាញ់ពី ២០គ្រាប់ទៅ ៣០គ្រាប់៕

ភ្លៀងធ្លាក់ខ្លាំងវាយប្រហារភាគខាងត្បូងប្រទេសជប៉ុន ខណៈកម្ដៅខ្លាំងវាយប្រហារភាគខាងលិច និងខាងជើង

ជប៉ុន៖ មន្ត្រីឧតុនិយមប្រទេសជប៉ុន កំពុងអំពាវនាវឱ្យប្រជាជននៅតំបន់ Kyushu ភាគខាងត្បូងប្រទេសឲ្យ ប្រុងប្រយ័ត្នចំពោះបំណាក់ដី និងទឹកជំនន់ ដោយភ្លៀងធ្លាក់ខ្លាំង ដែលបានធ្លាក់មកលើតំបន់នេះកាលពីចុងសប្តាហ៍ នឹងអាចបន្តកើតមានឡើងទៀត។ ស្ថានីយ៍ទូរទស្សន៍រដ្ឋ NHK បានរាយការណ៍នៅថ្ងៃចន្ទ ទី ៣ ខែកក្កដានេះថា ការប្រឈមខ្លាំងនៅតែមាននៅជុំវិញតំបន់ Kyushu ដោយនាំមកនូវភ្លៀងធ្លាក់យ៉ាងគំហុក ។ មន្ត្រីអាកាសធាតុបាននិយាយថា ផ្នែកការប្រឈមមុខត្រូវបានគេរំពឹងថានឹងនៅតែមាននៅជុំវិញតំបន់ Kyushu ដោយនាំមកនូវភ្លៀងច្រើនជាង ៥០មីលីម៉ែត្រក្នុងមួយម៉ោង។យោងតាមសារព័ត៌មាន NHK បានឱ្យដឹងថា ភ្លៀងធ្លាក់រហូតដល់ ៦៥ មីលីម៉ែត្រ ត្រូវបានកត់ត្រា ក្នុងរយៈពេលមួយម៉ោងនៅក្នុងខេត្ត Oita នៅព្រឹកថ្ងៃចន្ទនេះ។ ប្រជាជនត្រូវបានគេជូនដំណឹងឱ្យប្រុងប្រយ័ត្នចំពោះបំណាក់ដី ទឹកជំនន់នៅតំបន់ទំនាប ទន្លេហៀរប្រៀបច្រាំង រន្ទះ និងខ្យល់កន្ត្រាក់។ ពួកគេនិយាយថា នៅតំបន់ដែលរងផលប៉ះពាល់ដោយភ្លៀងធ្លាក់ខ្លាំងនាពេលថ្មីៗនេះ ហានិភ័យនៃបំណាក់ដី និងគ្រោះមហន្តរាយផ្សេងៗអាចនឹងកើនឡើង៕

ការបាញ់ប្រហារទ្រង់ទ្រាយធំនៅទីក្រុង Baltimore បណ្តាលឲ្យមនុស្ស២នាក់ស្លាប់ និង ២៨ នាក់រងរបួសក្នុងពិធីជប់លៀង

អាមេរិក៖ យោងតាមរបាយការណ៍របស់នគរបាល និងប្រព័ន្ធផ្សព្វផ្សាយក្នុងតំបន់បានឲ្យដឹងថា មនុស្សពីរនាក់បានស្លាប់ និង២៨នាក់ផ្សេងទៀត បានរងរបួសនៅក្នុងការបាញ់ប្រហារទ្រង់ទ្រាយធំមួយនៅទីក្រុង Baltimore រដ្ឋ Maryland កាលពីថ្ងៃអាទិត្យ នៅកន្លែងកើតហេតុក្នុងពិធីជប់លៀងថ្ងៃឈប់សម្រាកចុងសប្តាហ៍។ យោងតាមនគរបាលនៅទីក្រុង Baltimore ជាទីក្រុងមានចម្ងាយប្រហែល ៦៤ គីឡូម៉ែត្រ ភាគខាងជើងទីក្រុង Washington DC បានឱ្យដឹងថា ស្ត្រីអាយុ ១៨ ឆ្នាំ និងបុរសអាយុ២០ឆ្នាំ ត្រូវបានបាញ់សម្លាប់ ហើយជនរងគ្រោះ៣នាក់ កំពុងស្ថិតក្នុងស្ថានភាពធ្ងន់ធ្ងរ។ ជនសង្ស័យ នៅមានសេរីភាពនៅឡើយ ។ អភិបាលក្រុង លោក Brandon Scott និងនាយកដ្ឋាននគរបាលបាននិយាយនៅក្នុងសេចក្តីថ្លែងការណ៍រួមថា ការស៊ើបអង្កេតកំពុងធ្វើឡើង ហើយយើងនឹងមិនសម្រាកនោះទេ រហូតដល់អ្នកទទួលខុសត្រូវ ត្រូវបានចាប់ខ្លួន។ សោកនាដកម្មនេះបានធ្វើឲ្យរង្គោះរង្គើរទីក្រុងនៅថ្ងៃឈប់សម្រាកចុងសប្តាហ៍ក្នុងខែកក្កដានេះ នៅពេលដែលប្រជាជនអាមេរិកជាធម្មតាជួបជុំគ្នាសម្រាប់ពិធីក្បួនព្យុហយាត្រា ការរៀបសាច់អាំង និងមើលកាំជ្រួចភ្ញី។ ប្រព័ន្ធផ្សព្វផ្សាយក្នុងតំបន់បានរាយការណ៍ថា ការបាញ់ប្រហារបានកើតឡើងភ្លាមៗក្រោយពាក់កណ្តាលអធ្រាត្រនៅពិធីជប់លៀងប្លុក «Brooklyn Day» នៅក្នុងតំបន់ Brooklyn Homes នៃទីក្រុង Baltimore ដែលមានមនុស្សរាប់រយនាក់បានមកចូលរួម។ សាក្សីម្នាក់បានប្រាប់ទូរទស្សន៍ Fox 45 ថាពួកគេបានឮការបាញ់កាំភ្លើងពី២០ទៅ ៣០ គ្រាប់។ នគរបាលនិយាយថា មនុស្ស៩នាក់ត្រូវបានដឹកចេញពីកន្លែងកើតហេតុទៅកាន់មន្ទីរពេទ្យក្នុងតំបន់ ខណៈមនុស្ស២០នាក់ផ្សេងទៀតដែលរងគ្រោះដែរនោះបានទៅកាន់មន្ទីរពេទ្យក្នុងតំបន់។ ផ្នែកសង្គ្រោះបន្ទាន់របស់មន្ទីរពេទ្យ Medstar Harbor Hospital បានព្យាបាលអ្នកជំងឺចំនួន ១៩ នាក់កាលពីព្រឹកថ្ងៃអាទិត្យ ដែលសុទ្ធតែមានរបួសក្នុងស្ថានភាពផ្សេងគ្នាដោយគ្រាប់កាំភ្លើង បន្ទាប់ពីឧបទ្ទវហេតុនេះ។

មានអំពើហិង្សាជាបន្តបន្ទាប់នៅប្រទេសបារាំង បន្ទាប់ពីពិធីបុណ្យសពយុវជនដែលត្រូវនគរបាលបាញ់សម្លាប់

កុបកម្ម និងការតវ៉ាជាច្រើនបានវាយប្រហារប្រទេសបារាំងសម្រាប់យប់ទី៥ កាលពីថ្ងៃសៅរ៍ បន្ទាប់ពីពិធីបុណ្យសពរបស់ក្មេងជំទង់ម្នាក់ដែលត្រូវបានបាញ់សម្លាប់កាលពីថ្ងៃអង្គារដោយមន្រ្តីនគរបាលម្នាក់ ទោះបីជាស្ថានភាពហាក់ដូចជាមិនសូវខ្លាំងក្លាដូចថ្ងៃមុនៗក៏ដោយ។នៅព្រឹកព្រលឹមថ្ងៃអាទិត្យនេះ ស្ថានការណ៍បានស្ងប់ស្ងាត់ជាងកាលពីបួនយប់មុន ប៉ុន្តែរថយន្តជាច្រើននៅតែអាចត្រូវបានគេឃើញថាបានក្រឡាប់ និងឆេះនៅក្នុងទីក្រុងប៉ារីស ដោយមានមនុស្សព្យាយាមវាយកម្ទេចអគាររបស់ហាងនានា។ការបាញ់ប្រហារកាលពីថ្ងៃអង្គារលើយុវជនវ័យ ១៧ឆ្នាំឈ្មោះ Nahel ដែលមានដើមកំណើតនៅអាហ្វ្រិកខាងជើងត្រូវបានថតតាមវីដេអូ។ ហេតុការណ៍នោះបានបន្តឲ្យមានការត្អូញត្អែរជាយូរមកហើយនៃអំពើហិង្សារបស់នគរបាល ព្រមទាំងការរើសអើងពូជសាសន៍ក្នុងចំណោមសហគមន៍ចម្រុះជាតិសាសន៍ និងក្រីក្ររបស់ប្រទេសនេះ។ភាពចលាចលទូទាំងប្រទេសដែលបានកើតឡើងនេះ បានបង្ខំឱ្យប្រធានាធិបតីបារាំងលោក Emmanuel Macron ពន្យារពេលដំណើរទស្សនកិច្ចផ្លូវរដ្ឋទៅកាន់ប្រទេសអាល្លឺម៉ង់។ វាជាវិបត្តិដ៏អាក្រក់បំផុតសម្រាប់ការដឹកនាំរបស់លោក Macron ចាប់តាំងពីការតវ៉ាដែលគេហៅថា "អាវកាក់ពណ៌លឿង" បានធ្វើឱ្យបាត់បង់ជីវិតភាគច្រើនក្នុងប្រទេសបារាំងកាលពីចុងឆ្នាំ២០១៨មក៕

មនុស្សរាប់ម៉ឺននាក់ធ្វើបាតុកម្មប្រឆាំងកំណែទម្រង់ប្រព័ន្ធតុលាការនៅអ៊ីស្រាអែល សម្រាប់រយៈពេល ២៦សប្តាហ៍ជាប់ៗគ្នា

មនុស្សរាប់ម៉ឺននាក់នៅអ៊ីស្រាអែល បានបានជួបជុំគ្នាតាមដងផ្លូវនៅក្នុងទីក្រុងតែល អាវីវ កាលពីថ្ងៃសៅរ៍ម្សិលមិញ ដើម្បីតវ៉ារយៈពេល ២៦សប្តាហ៍ជាប់ៗគ្នា ពោលគឺរយៈពេលប៉ុន្មានថ្ងៃប៉ុណ្ណោះ ក្រោយពេលក្រុមតំណាងរាស្រ្តចាប់ផ្តើមជជែកគ្នាពីសេចក្តីព្រាងច្បាប់ដែលនឹងកំណត់អំណាចរបស់តុលាការកំពូល ក្រុមបាតុករ នាំគ្នាគ្រវីទង់ជាតិអ៊ីស្រាអែល និងស្រែកពាក្យ “ប្រជាធិបតេយ្យ” ពេលដែលពួកគេសន្យាបន្តធានាដល់លទ្ធិប្រជាធិបតេយ្យរបស់អ៊ីស្រាអែល ។ បាតុកម្មប្រឆាំងរដ្ឋាភិបាល បានបង្ខំឲ្យនាយករដ្ឋមន្រ្តីអ៊ីស្រាអែលលោក Benjamin Netanyahu ផ្អាកកិច្ចខិតខំប្រឹងប្រែងខាងប្រព័ន្ធតុលាការរបស់លោកកាលពីថ្ងៃមីនា ដើម្បីអនុញ្ញាតឲ្យមានកិច្ចប្រជុំសម្របសម្រួលជាមួយគណបក្សប្រឆាំង ។ លោកបានប្រកាសថា កិច្ចប្រជុំទាំងនោះពុំទទួលបានផ្លែផ្កានោះទេកាលពីសប្តាហ៍មុន ហើយលោកបានបញ្ជាឲ្យពិនិត្យមើលច្បាប់មួយចំនួនឡើងវិញ ។ នៅក្នុងបទសម្ភាសន៍បង្ហោះលើគេហំព័ររបស់កាសែត Wall Street Journal កាលពីថ្ងៃព្រហស្បតិ៍ លោក Netanyahu និយាយថា លោកបានដកចេញខ្លឹមសារស្នូលនៃផែនការជម្លោះដ៏ជូរចត់មួយនេះ បើទោះបីជាលោកនៅតាមរកការផ្លាស់ប្តូរវិធីជ្រើសរើសចៅក្រមក៏ដោយ ៕

Update៖ មនុស្សចំនួន០៨នាក់បានស្លាប់ ក្នុងអគ្គិភ័យឆេះទីតាំងអតីតខារ៉ាអូខេមួយកន្លែង

ភ្នំពេញ៖ រហូតដល់ព្រឹកថ្ងៃទី០២ ខែកក្កដា ឆ្នាំ២០២៣ កម្លាំងជំនាញនៃការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ប្រាក់ថា អគ្គិភ័យឆេះទីតាំងអតីតខារ៉ាអូខេ មួយកន្លែង នៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ បានបណ្ដាលឲ្យមានមនុស្សប្រុសស្រីចំនួន០៨នាក់ បានស្លាប់។គួរបញ្ជាក់ផងដែរ ហេតុការណ៍គ្រោះអគ្គិភ័យបានកើតឡើងនៅវេលាម៉ោង៥ល្ងាចថ្ងៃទី០១ ខែកក្កដា ឆ្នាំ២០២៣ នៅចំណុចអតីតខារ៉ាអូខេមួយកន្លែង ស្ថិតនៅតាមបណ្ដោយផ្លូវលេខ២០៦ កែងផ្លូវលេខ២១៥ ក្រុម៤៤ ភូមិ១០ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ក្នុងប្រតិបត្តិការនេះ រថយន្តពន្លត់អគ្គិភ័យបានមកដល់ទីតាំងចំនួន៣០គ្រឿង បានប្រើប្រាស់ទឹកអស់ចំនួន១១១ឡាន ទើបបពន្លត់រលត់ជាស្ថាពរ។ ចំពោះមូលហេតុកម្លាំងជំនាញកំពុងធ្វើការស្រាវជ្រាវបន្ត៕ អត្ថបទ៖ កុម្ភៈ

អគ្គិភ័យឆេះទីតាំងអតីតខារ៉ាអូខេមួយកន្លែង បណ្ដាលឲ្យមនុស្ស៦នាក់ស្លាប់

ភ្នំពេញ៖ អគ្គិភ័យឆេះទីតាំងអតីតខារ៉ាអូខេ មួយកន្លែង នៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ បានបណ្ដាលឲ្យមានមនុស្សប្រុសស្រីចំនួន០៦នាក់ បានស្លាប់។ហេតុការណ៍គ្រោះអគ្គិភ័យបានកើតឡើងនៅវេលាម៉ោង៥ល្ងាចថ្ងៃទី០១ ខែកក្កដា ឆ្នាំ២០២៣ នៅចំណុចអតីតខារ៉ាអូខេមួយកន្លែង ស្ថិតនៅតាមបណ្ដោយផ្លូវលេខ២០៦ កែងផ្លូវលេខ២១៥ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ចំពោះមូលហេតុកម្លាំងជំនាញកំពុងធ្វើការស្រាវជ្រាវបន្ត៕

ភ្លៀងធ្លាក់យ៉ាងខ្លាំង បណ្តាលឲ្យមានទឹកជំនន់ធ្ងន់ធ្ងរនៅខេត្តហ៊ូណាន ប្រទេសចិន

ចិន៖ ភ្លៀងធ្លាក់ខ្លាំងបានបំផ្លិចបំផ្លាញតំបន់នានានៅខេត្ត Xiangxi Tujia និងតំបន់ស្វយ័ត Miao ក្នុងខេត្ត ហ៊ូណានប្រទេសចិនភាគកណ្តាលកាលពីថ្ងៃសុក្រ បណ្តាលឱ្យមានការជន់លិចផ្លូវថ្នល់ អគារលំនៅឋាន និងតំបន់កសិកម្ម។ អាជ្ញាធរមូលដ្ឋានបានចេញការព្រមានភ្លាមៗអំពីអាកាសធាតុធ្ងន់ធ្ងរ និងបានចល័តកម្លាំងសង្គ្រោះបន្ទាន់ដើម្បីដោះស្រាយស្ថានភាព។ តំបន់ក្នុងទីក្រុង និងទីប្រជុំជននៅជុំវិញនៃតំបន់ Baojing ក្នុងខេត្តបានរងផលប៉ះពាល់ជាពិសេសដោយភ្លៀងធ្លាក់ខ្លាំង ដោយតំបន់នេះទទួលទឹកភ្លៀងជិត ២៨០ មីលីម៉ែត្រក្នុងរយៈពេល ១២ម៉ោង។ខណៈផ្លូវមួយកន្លែងបានប្រែក្លាយទៅជាទន្លេមានភក់ល្បប់ដោយទឹកជន់លិចកំពុងហូរ ការិយាល័យអាកាសធាតុក្នុងតំបន់បានចេញការព្រមានពណ៌ក្រហមសម្រាប់ភ្លៀងធ្លាក់ខ្លាំង ជាកម្រិតខ្ពស់បំផុត នៅពេលថ្ងៃត្រង់។ ភ្លៀងធ្លាក់ឥតឈប់ឈរបានបណ្តាលឲ្យមានការខូចខាតផលដំណាំ លំនៅឋាន និងហាងទំនិញជាច្រើន និងបណ្តាលឲ្យប្រជាពលរដ្ឋច្រើននាក់ជាប់គាំង។ ក្រុមអ្នកពន្លត់អគ្គីភ័យក្នុងតំបន់បានឆ្លើយតបភ្លាមៗ ហើយបានប្រញាប់ប្រញាល់ទៅកាន់តំបន់រងផលប៉ះពាល់ដោយទូកជ័រ។ ដោយសារតែភ្លៀងធ្លាក់ខ្លាំង មនុស្សជាង ១.០០០ នាក់ មកពីក្រុងទាំង ១២ ក្នុងតំបន់ Baojing ត្រូវបានជម្លៀសចេញដោយជោគជ័យទៅកាន់ទីតាំងដែលមានសុវត្ថិភាព។តំបន់ Guzhang ក្នុងខេត្តក៏បានជួបស្ថានភាពអាកាសធាតុខ្លាំងផងដែរ ដែលចាប់ផ្តើមកាលពីម៉ោង ០១:០០នាទី កាលពីថ្ងៃសុក្រ។ គិតត្រឹមម៉ោង ១១:០០ យប់ តំបន់នេះត្រូវបានជន់លិច ដោយមានភ្លៀងធ្លាក់ជាមធ្យម ១២៥ មីលីម៉ែត្រ ដោយតំបន់មួយចំនួនទទួលទឹកភ្លៀងលើសពី ២៨០ មីលីម៉ែត្រ ដែលនាំឱ្យមានការជន់លិចធ្ងន់ធ្ងរនៅតាមដងផ្លូវក្នុងក្រុងជាច្រើន និងមានបំណាក់ដីនៅជិតផ្លូវរូងក្រោមដីនៅភ្នំជុំវិញនោះ។ កិច្ចខិតខំប្រឹងប្រែងដើម្បីស្ដារឡើងវិញនូវផ្លូវធ្វើដំណើរកំពុងដំណើរការ។ នាយកដ្ឋានអាកាសធាតុក្នុងតំបន់បានព្យាករណ៍ថា ភ្លៀងធ្លាក់ខ្លាំងនឹងបន្តរហូតដល់ព្រឹកថ្ងៃចន្ទ៕

បណ្ដាញសង្គម

ព័ត៌មានថ្មីៗ

កម្ពុជា-អាស៊ែបៃហ្សង់ នឹងបន្តពង្រឹង និងពង្រីកកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

កូរ៉េខាងជើង និងរុស្ស៊ី ចុះហត្ថលេខាលើផែនការសហប្រតិបត្តិការ ៣ឆ្នាំ ស្តីពីការគ្រប់គ្រងគ្រោះមហន្តរាយ

អាកាសយានដ្ឋាន Nuremberg របស់អាល្លឺម៉ង់ បិទដំណើរការដោយសារគ្រាអាសន្នផ្នែកអាកាសចរណ៍

ស៊ុយអែត៖ លោកស្រី Andersson ប្រាប់ថា គណបក្សរបស់លោកស្រី នៅមិនអាចបង្កើតរដ្ឋាភិបាលបាន

លោក TRUMP ថា លោកមិនជឿថា ចិន និងរុស្ស៊ី កំពុងជួយអ៊ីរ៉ង់នោះទេ

សម្ដេចធិបតី៖រយៈពេល៤ថ្ងៃហើយ មិនទាន់បានឃើញលោក អ៊ុ សំអាន ផ្តល់ចម្លើយច្បាស់លាស់ពាក់ព័ន្ធនឹងការអញ្ជើញរបស់សម្ដេចនៅឡើយទេ

សារព័ត៌មាន RIA៖ រុស្ស៊ីចាត់ទុកការរឹបអូសនាវាដឹកប្រេងដោយបារាំងថា ជាការរំលោភលើច្បាប់អន្តរជាតិ

ហ្ស៊កដានីជំរុញឲ្យសមាជិក OIC រួមគ្នាដោះស្រាយការរំលោភបំពានរបស់អ៊ីស្រាអែល

ប្រមុខរដ្ឋកាតា៖ សន្តិសុខ និងអធិបតេយ្យភាពរបស់បណ្តាប្រទេសឈូងសមុទ្រ មិនអាចត្រូវបានគេបំពានបានឡើយ

រុស្ស៊ីអះអាងថា បានវាយប្រហារលើនាវាដែលដឹកសម្ភារៈយោធាទៅកាន់ទីក្រុង Mykolaiv របស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877