BTV NEWS

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

សន្តិសុខ និង សង្គម

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ

ភ្នំពេញ ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានបញ្ជាក់ថា ចំពោះបុគ្គលរូបណា ដែលល្មើសពាក់ព័ន្ធអាល់កុលក្លែងបន្លំ ឬអាល់កុលក្លែងក្លាយ នឹងប្រឈមមុខចំពោះផ្លូវច្បាប់ ដូចជា ការព្យួរ ការដកហូត ការលុបចោលវិញ្ញាបនបត្រ ឬអាជ្ញាប័ណ្ណ ការពិន័យអន្តរការណ៍ ទោសពិន័យជាប្រាក់ ឬឈានដល់ទោសដាក់ពន្ធធនាគារ។ឯកឧត្តម ផាន អូន អគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម នៅព្រឹកថ្ងៃទី២ ខែមិថុនា ឆ្នាំ២០២១នេះ បានថ្លែងថា មន្ត្រីស៊ើបអង្កេតក្តី នគរបាលយុត្តិធម៌ក្តី ជានិច្ចកាលអគ្គនាយកដ្ឋាន ក.ប.ប. តែងតែចាត់វិធានការដោយអនុលោមតាមនីតិវិធីច្បាប់ ពិសេសច្បាប់ស្តីពីការគ្រប់គ្រងគុណភាព សុវត្ថិភាព លើផលិតផលទំនិញ និងសេវា និងច្បាប់ស្តីពីកិច្ចការពារអ្នកប្រើប្រាស់ទៅតាមទំហំនៃបទល្មើស ហើយករណីធ្ងន់ធ្ងរកសាងសំណុំរឿងបញ្ជូនទៅតុលាការ។ ឯកឧត្តម ផាន អូន បានបន្ថែមថា ទាក់ទិនករណីខាងលើនេះ ការបង្ក្រាបបទល្មើសពាក់ព័ន្ធអាល់កុលក្លែងបន្លំក្តី ឬអាល់កុលក្លែងក្លាយឆ្នាំ២០២១នេះ មានបរិមាណថយចុះចំនួនប្រមាណជាង ៣០តោន បើធៀបនឹងរយៈពេលដូចគ្នា និងឆ្នាំ២០២០ ដែលមានប្រមាណជាង ៨០តោន។លោក ឆៃ សុវណ្ណ អាជីវករលក់ម៉ាស់ និងអាល់កុល នៅម្តុំផ្លូវ៦០ម៉ែត្រ រាជធានីភ្នំពេញ បានគាំទ្រលើចំណាត់ការខាងលើនេះ ចំពោះបុគ្គលដែលគិតប្រយោជន៍របស់ខ្លួនធំជាងប្រជាពលរដ្ឋដែលទិញយកទៅប្រើប្រាស់ក្នុងគោលបំណងសម្លាប់មេរោគ។សូមបញ្ជាក់ថា គិតក្នុងរយៈពេលពេញ១ខែឧសភា កន្លងទៅនេះ ដោយមានការណែនាំ និងចង្អុលបង្ហាញរបស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានចុះបង្ក្រាប និងរឹបអូសអាល់កុលក្លែងក្លាយ ឬ មេតាណុលសរុបចំនួនប្រមាណជាង ៥៣តោនឯណោះ៕អត្ថបទ ៖ ឈិត បូរ៉ាវី

បើករថយន្តសេរីទំនើប BMW គេចពីរម៉ូតូជ្រុលទៅបុកសួនច្បារពុះចែកទ្រូងផ្លូវ បណ្តាលឲ្យរងការខូចខាត

ភ្នំពេញ ៖ យុវជនម្នាក់បើករថយន្តសេរីទំនើបម៉ាក BMW ក្នុងល្បឿនលឿនគេចពីអ្នកបើកបរម៉ូតូជ្រុលចង្កូត ទៅបុកនឹងសួនច្បារពុះចែកទ្រូងផ្លូវពេញទំហឹង បណ្តាលឲ្យរថយន្តរងការខូចខាត។ ហេតុការណ៍បង្កការភ្ញាក់ផ្អើល បានកើងឡើងកាលពីវេលាម៉ោង១១ នឹង៣០នាទី ថ្ងៃទី០១ ខែមិថុនា ឆ្នាំ២០២១ ដែលស្ថិតនៅតាមបណ្តោយផ្លូវភ្នំពេញ ហាណូយ ស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញមានម៉ូតូមួយគ្រឿងម៉ាកស្កុបពីរពណ៌ស ពាក់ស្លាកលេខ កំពត1O -5278 បើកបរដោយបុរសម្នាក់ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់ តែមានរថយន្តសេរីទំនើបមួយគ្រឿងម៉ាក BMW ពណ៌ខ្មៅ ពាក់ស្លាកលេខ កម្ពុជា S.T.8586 បើកបរដោយយុវជនម្នាក់ធ្វើដំណើរក្នុងទិសដៅស្របគ្នាមកពីក្រោយ ហើយបើកគេចពីម៉ូតូដែលនៅខាងមុខ បណ្តាលឲ្យគៀម៉ូតូដួល ហើយជ្រុលចង្កូតទៅបុកនឹងសួនច្បារពុះចែកទ្រូងផ្លូវពេញទំហឹងបណ្តាលឲ្យរថយន្តរងការខូចខាតយ៉ាង ចំណែកម្ចាស់ម៉ូតូបានរងរបួសស្រាល។ក្រោយកើតហេតុសមត្ថកិច្ចបាន ចុះមកដល់កន្លែងកើតហេតុ ហើយបានធ្វើការសម្របសម្រួលភាគីខាងដោយម្ចាស់រថយន្ត BMW សងសំណងចំនួន១០០ដុល្លារ ទៅខាងភាគីម៉ូតូ ដើម្បីបញ្ចប់រឿងនៅកន្លែងកើតហេតុ ។ ចំណែកឯរថយន្ត សមត្ថកិច្ចបានឲ្យម្ចាស់រករថយន្តស្ទូចយកទៅជួសជុលដោយខ្លួនឯង៕អត្ថបទ ៖ កុម្ភះ

ក្រុមហ៊ុន GFX ស្នើឱ្យវិនិយោគិនចូលរួមប្តឹងបុគ្គលទីបី លើសំណុំរឿងបាត់បង់លុយពីគណនី

ភ្នំពេញ ៖ ក្រុមហ៊ុនឈ្មួញជើងសារឧបករណ៍និស្សន្ទ GFX បានស្នើឱ្យវិនិយោគិន ចូលរួមជាមួយក្រុមហ៊ុនប្តឹងបុគ្គលទីបី នៅពីក្រោយសំណុំរឿងបាត់បង់លុយរបស់វិនិយោគរបស់ក្រុមហ៊ុន។ ការស្នើនេះធ្វើឡើងបន្ទាប់ពីមានការប្រមូលផ្តុំគ្នាតវ៉ានៃវិនិយោគិននៅមុខការិយាល័យកណ្តាលក្រុមហ៊ុនGFX កាលពីម្សិលមិញ។ការតវ៉ាទាមទារដោះស្រាយសំណុំរឿងបាត់បង់លុយក្នុងគណនីរបស់វិនិយោគនៃក្រុមហ៊ុន GFX បានបញ្ចប់ដោយមិនទាន់មានដំណោះស្រាយណាមួយត្រូវបានធ្វើឡើង។ ប៉ុន្តែវិនិយោគិន បានលើកឡើងថា ក្រោយកិច្ចប្រជុំមួយកាលពីថ្ងៃទី៣១ ខែឧសភា ក្រុមហ៊ុនបានស្នើដល់វិនិយោគិនដែលមានបញ្ហាបាត់បង់លុយពីគណនី ឱ្យចូលរួមប្តឹងជាមួយក្រុមហ៊ុន ប្តឹងប្រឆាំងនឹងបុគ្គលទីបី ជាជនបរទេស ដែលត្រូវបានគេចោទប្រកាន់ថា មានជាប់ពាក់ព័ន្ធនឹងករណីនេះ។ក្រុមការងារBTV ព្យាយាមទាក់ទងសុំការការបកស្រាយជុំវិញដំណោះស្រាយជុំវិញសំណុំរឿងនេះ ពីនិយ័តករមូលបត្រកម្ពុជា ដែលជាស្ថាប័នទទួលការចុះបញ្ជីក្រុមហ៊ុនភ្នាក់ងារឈ្មួញជើងសារ។ឯកឧត្តម ស៊ូ សុជាតិ អគ្គនាយកនិយ័តករមូលបត្រកម្ពុជា បានបញ្ជាក់ កាលពីថ្ងៃម្សិលមិញថា “ការងារនេះ ស្ថិតក្រោមការដោះស្រាយ ក្នុងគោលដៅការពារប្រយោជន៍វិនិយោគិន។ សូមអធ្យាស្រ័យ ដោយស្ថិតក្រោមចំណាត់ការ ខ្ញុំអាចជម្រាបជូនប៉ុណ្ណេះ។សូមបញ្ជាក់ថា ការជួញដូរឧបករណ៍និស្សន្ទ ឬ ដេរីវ៉េទីវ សំដៅទៅការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍លោហៈធាតុមានតម្លៃរូបិយប័ណ្ណអន្តរជាតិ និងប្រេងឆៅជាដើម៕អត្ថបទ ៖ ឈិត បូរ៉ាវី

អាជ្ញាធរខេត្តឧត្ដរមានជ័យ រៀបចំទីតាំងព្យាបាលអ្នកជំងឺកូវីដ-១៩ ដាច់ដោយឡែកពីអ្នកធ្វើចត្តាឡីស័ក

ឧត្ដរមានជ័យ ៖ អាជ្ញាធរខេត្តឧត្តរមានជ័យ បានត្រៀមទីតាំងវិទ្យាល័យតេជោសែនសំរោង សម្រាប់ធ្វើជាកន្លែងព្យាបាល ជំងឺកូវីដ-១៩ លើពលករឆ្លងដែនមកពីថៃ។ឯកឧត្តម ប៉ែន កុសល្យ អភិបាលខេត្តឧត្ដរមានជ័យ បានបញ្ជាក់ថា ទីតាំងវិឡាល័យតេជោសែន សំរោង ដែលមានទីតាំងស្ថិតនៅក្នុងក្រុងសំរោង កំពុងត្រូវបានរៀបចំធ្វើជាទីតាំងព្យាបាលអ្នកវិជ្ជមានជំងឺកូវីដ-១៩ លើពលករខ្មែរ ដែលធ្វើដំណើរឆ្លងដែនមកពីប្រទេសថៃ ដែលជាទីតាំងចត្តាឡីស័ក កម្រិត១ និងកម្រិត២។ឯកឧត្តម បានឲ្យដឹងថា ការត្រៀមទីតាំងថ្មីបន្ថែមទៀត សម្រាប់ដាក់អ្នកជំងឺកូវីដ-១៩នេះ ដោយ សារបច្ចុប្បន្ន មានកំណើនពលករខ្មែរ ដែលឆ្លងដែនមកពីប្រទេសថៃ ពីមួយថ្ងៃទៅមួយថ្ងៃ និងត្រូវបានរកឃើញវិជ្ជមានកូវីដ-១៩ ជាបន្តបន្ទាប់។ ដូច្នេះ ដើម្បីបង្ការទុកជាមុននោះ អាជ្ញាធរខេត្ត ត្រូវតែធ្វើការបែងចែកទីតាំងកន្លែងព្យាបាល ដោយដាក់ដាច់ដោយឡែកពីគ្នា រវាងអ្នកមានវិជ្ជមានកូវីដ-១៩ និងអ្នកធ្វើចត្តាឡីស័ក ការធ្វើបែប គឺអាចរក្សាសុខភាពរបស់ពលករទាំងអស់នេះបានយ៉ាងល្អប្រសើរ។លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានបញ្ជាក់ថា គិតត្រឹមថ្ងៃទី១ មិថុនា ពលករឆ្លងដែនមកពីប្រទេសថៃ មានវិជ្ជមានជំងឺកូវីដ-១៩ សរុបចំនួន៥២នាក់ ក្នុងនោះ២នាក់ ពាក់ព័ន្ធករណីព្រឹត្តិការណ៍សហគមន៍២០កុម្ភៈ និងបានជាសះស្បើយចំនួន១៦នាក់ និងអ្នកកំពុងសម្រាកព្យាបាលជំងឺកូវីដ ចំនួន៣៨នាក់ រីឯអ្នកកំពុងធ្វើចត្តាឡីស័ក ចំនួន២៧០នាក់ជាងផងដែរ៕អត្ថបទ៖ ឃិន សារិទ្ធ

ករណីឆ្លងកូវីដ-១៩លើកម្មកររោងចក្រ នៅខេត្តស្វាយរៀង រាលដាលដល់១៥រោងចក្រហើយ

ស្វាយរៀង ៖ មកដល់ពេលនេះ ករណីឆ្លងជំងឺកូវីដ-១៩ លើកម្មកររោងចក្រ នៅក្នុងខេត្តស្វាយរៀង បានរាលដាល ដល់១៥រោងចក្រហើយ។ អាជ្ញាធរខេត្ត កំពុងយកចិត្តទុកដាក់ក្នុងការគ្រប់គ្រងសភាពការណ៍ ដើម្បីផ្ដាច់ឫសគល់នៃការចម្លង។មកដល់ពេលនេះ កម្មករ កម្មការិនី ចំនួនជាង៣៧០នាក់ហើយ ដែលកំពុងបម្រើការងារនៅក្នុងរោងចក្រចំនួន១៥ទីតាំងផ្សេងគ្នា ក្នុងតំបន់សេដ្ឋកិច្ចពិសេសជាច្រើន ក្នុងខេត្តស្វាយរៀង ត្រូវបានរក ឃើញថា ឆ្លងកូវីដ-១៩។ ក្រុមគ្រូពេទ្យ បានចុះយកសំណាកផ្ទាល់នៅតាមរោងចក្រនីមួយៗ និងនៅតាមតំបន់របស់ពួកគេស្នាក់នៅធ្វើចត្តាឡីស័ក នៅតាមតំបន់នានា ក្នុងឃុំសង្កាត់ទាំង៨០ ក្នុងខេត្តស្វាយរៀង ។ នេះបើការឱ្យដឹងពីលោកវេជ្ជបណ្ឌិត អ៊ឹម បុត្រ ប្រធានក្រុមចត្តាឡីស័កថ្នាក់ខេត្តស្វាយរៀង។លោកវេជ្ជបណ្ឌិត បានបញ្ជាក់ថា ទន្ទឹមនឹងមានអ្នកឆ្លងជាង៣៧០នាក់ គឺមានអ្នកពាក់ព័ន្ធប្រមាណជាងបីពាន់នាក់ផ្សេងទៀត។ រោងចក្រទាំង១៥ ដែលកំពុងមានការឆ្លងកូវីដ-១៩លើកម្មករ គឺ ស្ថិតនៅក្នុងតំបន់សេដ្ឋកិច្ចពិសេសសានតុង តំបន់សេដ្ឋកិច្ចពិសេស តាយសេង តំបន់សេដ្ឋកិច្ចពិសេស មេនហានធេន និងតំបន់សេដ្ឋកិច្ចពិសេសមួយចំនួនផ្សេងទៀត។ រោងចក្រទាំងនោះ បានបិទផ្នែកខ្លះ ដែលរងផលប៉ះពាល់តែប៉ុណ្ណោះ។លោកវេជ្ជបណ្ឌិត អ៊ឹម បុត្រ បានបញ្ជាក់ថា អ្នកដែលមានវិជ្ជមានជំងឺកូវីដ-១៩ ត្រូវបានបញ្ជូនទៅ សម្រាកព្យាបាលនៅតាមមន្ទីរព្យាបាលជំងឺកូវីដ-១៩នានា នៅក្នុងខេត្តនេះ ដែលមកទល់ពេលនេះ សុខ ភាពរបស់ពួកគេ គឺល្អប្រសើរ ចំណែកអ្នកពាក់ព័ន្ធ ត្រូវបានដាក់ឱ្យធ្វើចត្តាឡីស័កនៅតាមរោងចក្រមួយចំនួន និងមួយចំនួនទៀត ត្រូវបានដាក់ឱ្យធ្វើចត្តាឡីស័ក នៅតាមខ្នងផ្ទះ។របាយការណ៍របស់មន្ទីរសុខាភិបាលខេត្តស្វាយរៀង បានឱ្យដឹងថា ចាប់តាំងពីមានព្រឹត្តិការណ៍សហគមន៍២០កុម្ភៈ ក្នុងស្វាយរៀង មានពលរដ្ឋខ្មែរ និងជនបរទេស បានកើតជំងឺកូវីដ-១៩ ចំនួន៨៨០នាក់ ក្នុងនោះបានជាសះស្បើយ ចំនួនជាង៣០០នាក់ និងអ្នកដែលជាប់ពាក់ព័ន្ធដែលតម្រូវឱ្យធ្វើចត្តាឡីស័ក នៅតាមខ្នងផ្ទះ មានប្រមាណជាង៥ពាន់នាក់៕អត្ថបទ៖ ភា សារិទ្ធ

កម្ពុជារកឃើញពលរដ្ឋ៦១៦នាក់ទៀតឆ្លងកូវីដ-១៩ ខណៈអ្នកជំងឺ៧៥៣នាក់បន្ថែមទៀតបានជាសះស្បើយឡើងវិញ

ភ្នំពេញ៖ ក្រសួងសុខាភិបាល បានប្រកាសនៅថ្ងៃនេះថា មនុស្ស ៦១៦នាក់ទៀតត្រូវបានរកឃើញឆ្លងមេរោគកូវីដ-១៩ ដែលភាគច្រើនលើសលប់សុទ្ធតែជាប់ពាក់ព័ន្ធទៅនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ៥៨៥នាក់ដែលបានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ៣១នាក់ទៀត គឺជាករណីនាំចូលពីក្រៅប្រទេស។ក្រសួងសុខាភិបាលក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៦នាក់ទៀត បានស្លាប់បាត់បង់ជីវិតដោយសារតែជំងឺនេះ ដែលនាំឱ្យតួលេខអ្នកស្លាប់សរុបកើនដល់ ២២០នាក់ហើយ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣០ ៧១០នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៣ ៣៨៩នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៧៥៣នាក់ ដែលក្រសួងទើបប្រកាសនៅថ្ងៃនេះផងដែរ៕

ខេត្តកំពង់ចាម រកឃើញពលរដ្ឋ៣១នាក់ទៀតឆ្លងកូវីដ-១៩ ភាគច្រើននៅស្រុកជើងព្រៃ ស្រុកបាធាយ និងស្រុកកំពង់សៀម

កំពង់ចាម ៖ រដ្ឋបាលខេត្តកំពង់ចាម បានប្រកាសថា ប្រជាពលរដ្ឋចំនួន ៣១នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ បន្ទាប់ពីពួកគេបានប៉ះពាល់នឹងកម្មការិនីដែលបានឆ្លងមេរោគនេះ។ក្នុងសេចក្ដីប្រកាស រដ្ឋបាលខេត្តកំពង់ចាម បញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ១៦នាក់នៅក្នុងស្រុកជើងព្រៃ បន្ទាប់មកទៀតពលរដ្ឋ ៧នាក់ទៀតនៅស្រុកបាធាយ ខណៈស្រុកកំពង់សៀមមានពលរដ្ឋ ៥នាក់បន្ថែមទៀត ត្រូវបានរកឃើញឆ្លងមេរោគផ្លូវដង្ហើមនេះ។ចំណែកឯស្រុកកងមាស និងស្រុកស្រីសន្ធរ រដ្ឋបាលខេត្តកំពង់ចាមប្រកាសថា រកឃើញពលរដ្ឋតែម្នាក់ប៉ុណ្ណោះបានឆ្លងមេរោគកូវីដ-១៩នៅក្នុងស្រុកនីមួយៗ។ករណីឆ្លងថ្មីទាំងនេះ ត្រូវបានរកឃើញក្នុងចំណោមកម្មករកម្មការិនី ២ ៩៤៨នាក់ ដែលមន្ត្រីសុខាភិបាលខេត្តកំពង់ចាម បានធ្វើតេស្តកាលពីថ្ងៃម្សិលមិញនេះ។បើតាមរដ្ឋបាលខេត្តនេះ ពលរដ្ឋឆ្លងថ្មីទាំង ៣១នាក់នោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម និងមណ្ឌលព្យាបាលកម្រិតស្រាលស្ថិតក្នុងបរិវេណនៃវិទ្យាល័យព្រះសីហនុ។ថ្ងៃម្សិលមិញនេះដែរ អ្នកជំងឺកូវីដ-១៩ចំនួន ៦០នាក់ទៀត ក៏ត្រូវបានអនុញ្ញាតឱ្យវិលត្រឡប់ទៅផ្ទះសម្បែងរបស់ពួកគេវិញផងដែរ បន្ទាប់ពីត្រូវបានព្យាបាលជាសះស្បើយ ដែលនាំឱ្យតួលេខអ្នកជាសះស្បើយសរុបឡើងដល់ ៣១០នាក់ហើយនៅក្នុងខេត្តនេះ ខណៈអ្នកជំងឺកូវីដ-១៩ចំនួន ៥៧២នាក់ទៀតកំពុងស្ថិតក្រោមការព្យាបាលបន្ត៕

សមត្ថកិច្ច បើកកិច្ចស្រាវជ្រាវបង្ក្រាបក្រុមឧក្រិដ្ឋជនជនបរទេសចំនួន៦នាក់ រឹបអូសគ្រឿងញៀនជាង១០០គីឡូក្រាម

ភ្នំពេញ ៖ សមត្ថកិច្ចជំនាញ មន្ទីរប្រឆាំងបទល្មើសគ្រឿងញៀន ស្នងការដ្ឋាននគរបាលខេត្តកណ្តាល និងស្នងការដ្ឋាននគរបាលរាជធានីភ្នំពេញ បើកកិច្ចប្រតិបត្តិការបង្ក្រាបក្រុមឧក្រិដ្ឋជន ជនបរទេសចំនួន ៦នាក់ក្នុងបទល្មើស ជួញដូរ កែច្នៃ វេចខ្ចប់ និងដឹកជញ្ជូនគ្រឿងញៀនឆ្លងដែនទៅប្រទេសវៀតណាម ព្រមទាំងរឹបអូសគ្រឿងញៀនជាង១០០ គីឡូក្រាម។អនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ។នៅថ្ងៃទី ២៨-២៩-៣០ ខែឧសភា ឆ្នាំ២០២១ មន្ទីរប្រឆាំងបទល្មើសគ្រឿងញៀន បានចាត់តាំងក្រុមជំនាញ ដឹកនាំសហការស្រាវជ្រាវបង្ក្រាបដោយមាន លោក ឧត្តមសេនីយ៍ទោ សារី បុត្រសត្យា នាយករងមន្ទីរ លោកឧត្ដមសេនិយ៍ទោ ឈឿន សុចិត្ត ស្នងការ និងលោក គង់ ស៊ីដន ស្នងការរង នៃស្នងការដ្ឋាននគរបាលខេត្តកណ្តាល លោក ឧត្តមសេនីយ៍ត្រី គល់ យី ស្នងការរងនគរបាលរាជធានីភ្នំពេញ ព្រមទាំងមានការ ការដឹកនាំ សម្របសម្រួលពីលោក សេង រិទ្ធី ព្រះរាជអាជ្ញារងនៃអយ្យការអមសាលាដំបូងខេត្តកណ្តាល និងលោក ស៊ិត វណ្ណៈ ព្រះរាជអាជ្ញារង អយ្យការអមសាលាដំបូងរាជធានីភ្នំពេញ បានដំណើរការ ស៊ើបអង្កេតស្រាវជ្រាវបង្ក្រាប។លទ្ធផល ៖ ឃាត់ខ្លួន និងឆែកឆេរទីតាំង ៤កន្លែងនៅ ស្រុកមុខកំពូលខេត្តកណ្ដាល នៅ ខ័ណ្ឌច្បារ អំពៅ១កន្លែង និង៣កន្លែងនៅ ខ័ណ្ឌបឹងកេងកង រាជធានីភ្នំពេញ។សមត្ថកិច្ចឃាត់ខ្លួន ៖ ជនសង្ស័យចំនួន ៦នាក់ ភេទប្រុស (វៀតណាម ១នាក់ និងចិន៥នាក់)។1. ឈ្មោះ ង្វៀន យ៉ាំងយិន(Nguyen Van Vinh) ភេទប្រុស អាយុ ៣៥ឆ្នាំ ជនជាតិវៀតណាម សញ្ជាតិវៀតណាម2. ឈ្មោះ LIANG LI HUA ភេទប្រុស អាយុ ៦០ឆ្នាំ ជនជាតិ ចិន។3. ឈ្មោះ QIU QING WEI ភេទប្រុស អាយុ ៦០ឆ្នាំ ជនជាតិ ចិន ។4. ឈ្មោះ CHEN ZHI QIANG ភេទប្រុស អាយុ ៦០ឆ្នាំ ជនជាតិ ចិន សញ្ជាតិ កាណាដា ។5. ឈ្មោះ CHEN SHEN TANG ភេទប្រុស កើតថ្ងៃទី29/03/1964 ជនជាតិ ចិន ។6.ឈ្មោះ LI YI ភេទប្រុសកើតថ្ងៃទី 27/10/1997 ជនជាតិ ចិន ។ចាប់យកវត្ថុតាងគ្រឿងញៀន ៖1. អិចស្តាស៊ី (MDMA) ទម្ងន់: ៩៤ គ.ក្រ ៣១២ក្រ.៨៨ ក្រាម2. មេតំហ្វេតាមីន(ICE) ទម្ងន់ ៤២.៨៥ ក្រាម3. សារធាតុផ្សំ(P2P)ទម្ងន់ ១០គ.ក្រ ៥១៩ក្រ.៨៨។រឹបអូស សម្ភារៈវត្ថុ តាង ៖1. សម្ភារៈ សំរាប់កែច្នៃ វេចខ្ចប់ ជញ្ជីងថ្លឹង មួយចំនួនធំ។2. រថយន្ត ២គ្រឿង។3. អាវុធខ្លី ២ដើម( ម៉ាកCF98-9 បង់ ២ គ្រាប់ចំនួន ១៥គ្រាប់ និង ម៉ាក P0220 បង់ ២ និងគ្រាប់ចំនួន ៧គ្រាប់) ។4. អាវុធខ្លី(កែច្នៃ) ២ដើម5. ខ្នោះដៃ ២គូរ ទូរស័ព្ទដៃ ២គ្រឿង ។ បច្ចុប្បន្ន ជនសង្ស័យ ព្រមទាំងវត្ថុតាងចាប់យកខាងលើ បញ្ជូនទៅស្នងការដ្ឋាននគរបាលខេត្តកណ្តាល ដើម្បីកសាងសំណុំរឿងតាមនីតិវិធី បញ្ជូនទៅសាលាដំបូងខេត្តកណ្តាលដើម្បីចាត់ការតាមច្បាប់៕

ខេត្តតាកែវរកឃើញពលរដ្ឋ១៩នាក់ទៀតឆ្លងកូវីដ-១៩ ភាគច្រើនរកឃើញនៅស្រុកបាទី និងស្រុកត្រាំកក់

តាកែវ៖ ខេត្តតាកែវ បានប្រកាសពីការរកឃើញមនុស្សចំនួន១៩នាក់ទៀតបានឆ្លងមេរោគកូវីដ-១៩កាលពីថ្ងៃម្សិលមិញនេះ ដែលភាគច្រើនរកឃើញនៅស្រុកបាទី និងស្រុកត្រាំកក់។ចំនួនអ្នកឆ្លងកូវីដ-១៩ថ្មីនៅក្នុងខេត្តនេះ ត្រូវបានមើលឃើញតាមរយៈរបាយការណ៍មួយដែលស្នងការដ្ឋាននគរបាលខេត្តតាកែវ ផ្ញើទៅអភិបាលខេត្តតាកែវ កាលពីថ្ងៃម្សិលមិញនេះ។របាយការណ៍នោះ បង្ហាញថា ស្រុកបាទីបានរកឃើញពលរដ្ឋចំនួន ៧នាក់ទៀតឆ្លងមេរោគកូវីដ-១៩ ក្នុងនោះមានអាជីវករផ្សារសំរោងយ៉ោង២នាក់ កសិករ ២នាក់ កូនសិស្ស ២នាក់ កម្មការិនីរោងចក្រសាន់បូ ១នាក់ និងអ្នកបើករថយន្ត ១នាក់។ចំណែកឯស្រុកត្រាំកក់វិញ របាយការណ៍ដដែលនេះបញ្ជាក់ថា បានរកឃើញមនុស្ស ៦នាក់ទៀតឆ្លងកូវីដ-១៩ ក្នុងនោះមានកសិករ ២នាក់ អាជីវករម្នាក់នៅផ្សារត្រពាំងអណ្ដើក កម្មការិនីរោងចក្រម្នាក់ អ្នកលក់ដូរនៅផ្ទះម្នាក់ និងជនជាតិម្នាក់។របាយការណ៍ឱ្យដឹងទៀតថា ក្រុងដូនកែវក៏បានរកឃើញពលរដ្ឋ ២នាក់ទៀតឆ្លងកូវីដ-១៩ផងដែរ ក្នុងនោះមានយោធាម្នាក់ និងពលករខ្មែរម្នាក់ដែលទើបវិលត្រឡប់មកពីប្រទេសថៃ។នៅឯស្រុកសំរោងឯណោះវិញ កសិករម្នាក់ និងកម្មការិនីម្នាក់ គឺជាករណីឆ្លងថ្មីដែលអាជ្ញាធរខេត្តតាកែវត្រូវបានរកឃើញនៅថ្ងៃម្សិលមិញនេះ។សម្រាប់ស្រុកព្រៃកប្បាស និងស្រុកកោះអណ្ដែត បានរកឃើញករណីឆ្លងថ្មីតែមួយប៉ុណ្ណោះនៅក្នុងស្រុកនីមួយៗ ដែលជាពលករខ្មែរវិលត្រឡប់មកពីប្រទេសថៃ និងពលរដ្ឋធ្វើដំណើរទៅពីរាជធានីភ្នំពេញ៕

ខេត្តស្វាយរៀងរកឃើញមនុស្ស៤៣នាក់ទៀតឆ្លងកូវីដ-១៩ សុទ្ធតែជាកម្មករកម្មការិនីនៅតំបន់សេដ្ឋកិច្ចពិសេសក្រុងបាវិត

ស្វាយរៀង៖ កម្មករកម្មការិនីនៅតំបន់សេដ្ឋកិច្ចក្រុងបាវិតរហូតដល់ ៤៣នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តស្វាយរៀង បានបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើកម្មការិនីចំនួន ៣៨នាក់ និងកម្មករចំនួន ៥នាក់ ដែលពួកទាំងអស់គ្នាសុទ្ធតែបម្រើការនៅរោងចក្រយូលី ស្ថិតនៅក្នុងតំបន់សេដ្ឋកិច្ចពិសេសមួយនៃក្រុងបាវិត ជាប់ព្រំដែនកម្ពុជា-វៀតណាម។បើតាមរដ្ឋបាលខេត្តស្វាយរៀង កម្មករកម្មការិនីទាំង ៤៣នាក់ដែលទើបរកឃើញឆ្លងមេរោគកូវីដ-១៩នេះ ត្រូវបានបញ្ជូនទៅសម្រាកព្យាបាលនៅមណ្ឌលព្យាបាលជំងឺកូវីដ-១៩បាវិត។រដ្ឋបាលខេត្តមួយនេះ បញ្ជាក់ថា អាជ្ញាធរកំពុងស្វែងរក និងពិនិត្យសំណាកលើអ្នកពាក់ព័ន្ធផ្សេងទៀត ដើម្បីរកមេរោគកូវីដ-១៩ និងដាក់ឱ្យនៅដាច់ដោយឡែកដើម្បីតាមដានសុខភាព។កម្មករកម្មការិនីជាច្រើននាក់នៅតំបន់សេដ្ឋកិច្ចពិសេសត្រូវបានរកឃើញរកឃើញឆ្លងមេរោគកូវីដ-១៩ចាប់តាំងពីសប្ដាហ៍មុនមក៕

បណ្ដាញសង្គម

ព័ត៌មានថ្មីៗ

ឯកឧត្តម ឧត្តមសេនីយ៍ឯក ឌី វិជ្ជា កោតសរសើរដល់កងកម្លាំងគ្រប់លំដាប់ថ្នាក់ការពារ សន្តិសុខជារួមនៅទូទាំងប្រទេសមានភាពល្អប្រសើរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ ចុះពិនិត្យផ្ទះភៀសសឹក បន្ទាប់ពីមានខ្យល់កន្រ្តាក់ ក្នុងខេត្តបន្ទាយមានជ័យ

ស.ស.យ.ក និងគណៈបញ្ជាការឯកភាពរាជធានីភ្នំពេញវាយតម្លៃខ្ពស់ពីការរៀបចំព្រឹត្តិការណ៍នគរសង្ក្រាន្ត

កុងហ្គោ និងក្រុមឧទ្ទាមយល់ព្រមបន្ធូរបន្ថយការធ្វើដំណើរសម្រាប់ក្បួនរថយន្តជំនួយ និងចៀសវាងការវាយប្រហារជនស៊ីវិល

អ្នកនពាំពាក្យ៖ សមរភូមិក្រោយ និងសមរភូមិមុខត្រូវបានផ្សារភ្ជាប់គ្នាយ៉ាងជិតស្និទ្ធ ល្អិតរមួត តាមរយៈការចែករម្លែកការសប្បាយរីករាយ ការលំបាក និងការផ្ញើសារសួរសុខទុក្ខ

ប្រធានាធិបតីប្រេស៊ីល និងនាយករដ្ឋមន្រ្តីអេស្ប៉ាញលើកកម្ពស់គោលនយោបាយវឌ្ឍនភាព

អ្នកនាំពាក្យ៖ កិច្ចការពារបូរណភាពទឹកដី និងប្រជាជនជាអាទិភាពខ្ពស់បំផុតរបស់រាជរដ្ឋាភិបាល ខណៈកម្ពុជាសង្ឃឹមថាភាគីថៃនឹងបន្តគោរពតាមខ្លឹមសារនៃសេចក្តីប្រកាសរួម

គណៈប្រតិភូសភាកម្ពុជា ជួបពិភាក្សាទ្វេភាគីជាមួយប្រធានរដ្ឋសភាតួកគីយ៉េ និងថ្លែងសុន្ទរកថាក្នុងមហាសន្និបាត IPU លើកទី១៥២

មេដឹកនាំកំពូលអ៊ីរ៉ង់៖ កងទ័ពជើងទឹកត្រៀមខ្លួនរួចរាល់ក្នុងការបង្កបរាជ័យដ៏ជូរចត់ថ្មីដល់អាមេរិក និងអ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ

បើករថយន្តសេរីទំនើប BMW គេចពីរម៉ូតូជ្រុលទៅបុកសួនច្បារពុះចែកទ្រូងផ្លូវ បណ្តាលឲ្យរងការខូចខាត

ក្រុមហ៊ុន GFX ស្នើឱ្យវិនិយោគិនចូលរួមប្តឹងបុគ្គលទីបី លើសំណុំរឿងបាត់បង់លុយពីគណនី

អាជ្ញាធរខេត្តឧត្ដរមានជ័យ រៀបចំទីតាំងព្យាបាលអ្នកជំងឺកូវីដ-១៩ ដាច់ដោយឡែកពីអ្នកធ្វើចត្តាឡីស័ក

ករណីឆ្លងកូវីដ-១៩លើកម្មកររោងចក្រ នៅខេត្តស្វាយរៀង រាលដាលដល់១៥រោងចក្រហើយ

កម្ពុជារកឃើញពលរដ្ឋ៦១៦នាក់ទៀតឆ្លងកូវីដ-១៩ ខណៈអ្នកជំងឺ៧៥៣នាក់បន្ថែមទៀតបានជាសះស្បើយឡើងវិញ

ខេត្តកំពង់ចាម រកឃើញពលរដ្ឋ៣១នាក់ទៀតឆ្លងកូវីដ-១៩ ភាគច្រើននៅស្រុកជើងព្រៃ ស្រុកបាធាយ និងស្រុកកំពង់សៀម

សមត្ថកិច្ច បើកកិច្ចស្រាវជ្រាវបង្ក្រាបក្រុមឧក្រិដ្ឋជនជនបរទេសចំនួន៦នាក់ រឹបអូសគ្រឿងញៀនជាង១០០គីឡូក្រាម

ខេត្តតាកែវរកឃើញពលរដ្ឋ១៩នាក់ទៀតឆ្លងកូវីដ-១៩ ភាគច្រើនរកឃើញនៅស្រុកបាទី និងស្រុកត្រាំកក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អាជីវ​ករ​លក់ទឹក​អាល់កុល​ក្លែងក្លាយ ប្រឈម​នឹង​ការ​ដក​អាជ្ញាប័ណ្ណ ​និង​ទទួលទោស​ដាក់​ពន្ធ​ធនាគារ

ក្រុមហ៊ុន GFX ស្នើឱ្យ​វិនិយោគិន​ចូលរួម​ប្តឹង​បុគ្គល​ទី​បី​ លើ​សំណុំរឿង​បាត់បង់​លុយ​ពី​គណនី​

ករណី​ឆ្លង​កូ​វីដ​-១៩​លើ​កម្មករ​រោងចក្រ​ នៅ​ខេត្តស្វាយរៀង រាលដាល​ដល់​១៥​រោងចក្រ​ហើយ​

ខេត្ត​តាកែវ​រក​ឃើញ​ពលរដ្ឋ​១៩​នាក់​ទៀត​ឆ្លង​កូវីដ-១៩ ភាគ​ច្រើន​រក​ឃើញ​នៅ​ស្រុក​បាទី និង​ស្រុក​ត្រាំកក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ

ក្រុមហ៊ុន GFX ស្នើឱ្យវិនិយោគិនចូលរួមប្តឹងបុគ្គលទីបី លើសំណុំរឿងបាត់បង់លុយពីគណនី

ករណីឆ្លងកូវីដ-១៩លើកម្មកររោងចក្រ នៅខេត្តស្វាយរៀង រាលដាលដល់១៥រោងចក្រហើយ

ខេត្តតាកែវរកឃើញពលរដ្ឋ១៩នាក់ទៀតឆ្លងកូវីដ-១៩ ភាគច្រើនរកឃើញនៅស្រុកបាទី និងស្រុកត្រាំកក់