BTV NEWS

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

សន្តិសុខ និង សង្គម

ជនសង្ស័យ ឆក់កាបូបជនបរទេសបានទឹកប្រាក់ជាង២០ម៉ឺនដុល្លារ ត្រូវនគរបាលបញ្ជូនទៅតុលាការ នៅព្រឹកថ្ងៃទី២១នេះ

ភ្នំពេញ ៖ ជនសង្ស័យ២នាក់ ដែលជាមុខសញ្ញាឆក់សកម្មក្នុងរាជធានីភ្នំពេញ ធ្វើសកម្មភាពឆក់កាបូបជនបរទេស បានប្រាក់ជាង២០ម៉ឺនដុល្លារ ត្រូវបាននគរបាលការិយាល័យព្រហ្មទណ្ឌកម្រិតធ្ងន់ នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃតាមស្រាវជ្រាវបង្ក្រាប ត្រូវបានកសាងសំណុំរឿង បញ្ជូនខ្លួនទៅអយ្យអមសាលាដំបូងរាជធានីភ្នំពេញ នៅព្រឹកថ្ងៃទី២១ ខែឧសភា ឆ្នាំ២០២១ ដើម្បីចាត់ការតាមផ្លូវច្បាប់។ជនសង្ស័យទាំង២នាក់ ទី១មានឈ្មោះ ស្វាយ រិទ្ធី ហៅ(ប៊យ) អាយុ ២៥ឆ្នាំ មុខរបរ មិនពិតប្រាកដ ឃាត់ខ្លួននៅផ្លូវ២៨៨ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ ។ ទី២.ឈ្មោះ ជុំ ស៊ីដែន ភេទប្រុស អាយុ ៣១ឆ្នាំ មុខរបរ មិនពិតប្រាកដ ឃាត់ខ្លួននៅចំណុចផ្លូវជាតិ៤ សង្កាត់កន្ទោក ខណ្ឌកំបូល រាជធានីភ្នំពេញ (ជនដៃដល់និងធ្លាប់ជាប់ពន្ធនាគារ)។ ចំណែកជនរងគ្រោះឈ្មោះ WONG KIN WAH ភេទប្រុស អាយុ ៣៨ឆ្នាំ ជនជាតិចិន។គួររំលឹកផងដែរ កាលពីថ្ងៃទី១៨ ខែឧសភា ឆ្នាំ២០២១ វេលាម៉ោង ១៥ និង ៣០នាទី ជនរងគ្រោះបានចេញពីធនាគារABA ផ្លូវត្រសក់ផ្អែម ជិះម៉ូតូកង់បី (PASSAPP) ក្នុងគោលបំណងទៅធនាគារ ហួយវ័ន នៅផ្លូវនរោត្តម ដោយ បានដាក់កាបូបស្ពាយ ពីមុខខ្លួន ដោយពាក់ ខ្សែរកាបូបលើស្មាខាងស្តាំ លុះមកដល់ចំណុចមុខផ្សារផេនស៊ល ផ្លូវ២១៤ សង្កាត់បឹងរាំង ក៏ស្រាប់តែមានជនសង្ស័យចំនួន ០២នាក់ ជិះម៉ូតូចំនួន ០២ គ្រឿង ម៉ាក ហុងដា ឃ្លីក សេរីឆ្នាំ២០២០ ពណ៌ខ្មៅ គ្មានស្លាកលេខ និងម៉ូតូម៉ាក និច (NEX) ឆ្នាំ២០២០ ពណ៌ ទឹកប្រាក់ គ្មានស្លាកលេខ បានធ្វើសកម្មភាពឆក់យកកាបូប បានសម្រេច រួចជនសង្ស័យទាំងពីរក៏បានបើកម៉ូតូគេចចេញពីកន្លែងកើតហេតុតែម្តង ៕អត្ថបទ ៖ កុម្ភះ

ខេត្តកណ្ដាល សម្រេចបន្តផ្អាកដំណើរការផ្សាររដ្ឋ ទាំងអស់រយៈពេល១សប្ដាហ៍ទៀត

កណ្ដាល៖ រដ្ឋបាលខេត្តកណ្ដាលសម្រេចបន្តផ្អាកដំណើរការផ្សាររដ្ឋទាំងអស់នៅក្នុងភូមិសាស្ត្រក្រុងតាខ្មៅ ដោយថា ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។រដ្ឋបាលខេត្តកណ្ដាល បានសម្រេចបែបនេះ នៅក្នុងសេចក្ដីសម្រេចមួយដែលចេញកាលពីថ្ងៃម្សិលមិញនេះដោយអភិបាលខេត្តកណ្ដាល លោក គង់ សោភ័ណ្ឌ។បើតាមសេចក្ដីសម្រេចនេះ ផ្សាររដ្ឋទាំងអស់នៅក្នុងក្រុងតាខ្មៅ តម្រូវឱ្យផ្អាកដំណើរការជាបណ្ដោះអាសន្នរយៈពេល ១សប្ដាហ៍ទៀត ចាប់ពីថ្ងៃនេះរហូតដល់ថ្ងៃទី២៦ ខែឧសភា។ក្រុងតាខ្មៅដែលត្រូវបានចាត់ទុកជាភូមិសាស្ត្រតែមួយជាមួយរាជធានីភ្នំពេញ ត្រូវបានដាក់ឱ្យស្ថិតក្រោមវិធានការបិទខ្ទប់ដូចរាជធានីភ្នំពេញផងដែរ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ភូមិសាស្ត្រមួយនេះ ត្រូវបានកែសម្រួលពី«តំបន់ក្រហម»មកនៅត្រឹមជា«តំបន់លឿង»ហើយ ក្រោយពីមើលឃើញការធ្លាក់ចុះនៃចំនួនករណីឆ្លងមេរោគកូវីដ-១៩៕

ខេត្តបន្ទាយមានជ័យ រកឃើញមនុស្ស១៤៦នាក់ទៀត នៅក្រុងប៉ោយប៉ែត ឆ្លងមេរោគកូវីដ-១៩

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសពីការរកឃើញមនុស្សដល់ទៅ ១៤៦នាក់ផ្សេងទៀត ឆ្លងមេរោគកូវីដ-១៩ ដែលសុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តបន្ទាយមានជ័យប្រកាសថា បានរកឃើញមនុស្ស ១៤៦នាក់ឆ្លងមេរោគកូវីដ-១៩នៅឯក្រុងប៉ោយប៉ែត ជាប់ព្រំដែនកម្ពុជា-ថៃ ដែលមានទាំងជនជាតិខ្មែរ និងជនបរទេស។រដ្ឋបាលខេត្តបន្ទាយមានជ័យ ក៏បានអំពាវនាវទៅដល់ប្រជាពលរដ្ឋដទៃទៀតដែលបានប៉ះពាល់ជាមួយអ្នកឆ្លងកូវីដ-១៩ទាំង ១៤៦នាក់នេះ ឱ្យទៅផ្ដល់សំណាកដើម្បីពិនិត្យរកមេរោគ និងរក្សាខ្លួននៅដាច់ដោយឡែកដើម្បីតាមដានសុខភាពខ្លួនឯង៕

កម្ពុជារកឃើញមនុស្ស៤១៥នាក់ទៀត ឆ្លងកូវីដ-១៩ ខណៈអ្នកជំងឺ៧៤៥នាក់ទៀតជាសះស្បើយ

ភ្នំពេញ៖ ក្រសួងសុខាភិបាល បានប្រកាសពីការរកឃើញមនុស្សដល់ទៅ៤១៥នាក់ទៀត បានឆ្លងមេរោគកូវីដ-១៩ ខណៈអ្នកជំងឺ ៧៤៥នាក់ទៀត ក៏ត្រូវបានព្យាបាលជាសះស្បើយផងដែរ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាល បានបញ្ជាក់ថា ករណីឆ្លងថ្មីដល់ទៅ ៤៤១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លង ៤នាក់ទៀត គឺជាករណីនាំចូល។បើតាមក្រសួងសុខាភិបាល កម្ពុជាបានរកឃើញមនុស្សដល់ទៅ ២៣ ៦៩៧នាក់ហើយបានឆ្លងមេរោគកូវីដ-១៩នៅទូទាំងប្រទេសគិតចាប់តាំងចុងខែមករា ឆ្នាំ២០២០មក។ក្រសួងសុខាភិបាល បានឱ្យដឹងផងដែរថា មនុស្ស ៥នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ១៦៤នាក់ ហើយនៅក្នុងរយៈពេល ៦៨ថ្ងៃចុងក្រោយមកនេះ។ក្រសួងសុខាភិបាល ក៏បានឱ្យដឹងទៀតថា អ្នកជំងឺកូវីដ-១៩សរុប ១៥ ៧០០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ៧៤៥នាក់ដែលក្រសួងប្រកាសនៅថ្ងៃនេះផងដែរ៕

អាជីវករផ្សារសំរោងយ៉ោងទាំងអស់ តម្រូវឲ្យទៅធ្វើតេស្ត ខណៈរកឃើញវិជ្ជមានកូវីដ១៩ កាន់តែច្រើននៅតំបន់នោះ

តាកែវ៖ រដ្ឋបាលខេត្តតាកែវ បានតម្រូវឱ្យអាជីវករទាំងអស់នៅផ្សារសំរោងយ៉ោង ស្ថិតក្នុងស្រុកបាទី ទៅផ្ដល់សំណាកដើម្បីពិនិត្យរកមេរោគកូវីដ-១៩ បន្ទាប់ពីបានរកឃើញករណីឆ្លងកូវីដ-១៩ កាន់តែច្រើននៅតំបន់នោះ ដែលពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីសម្រេចកាលពីថ្ងៃម្សិលមិញនេះ រដ្ឋបាលខេត្តតាកែវ បានសម្រេចផ្អាកជាបណ្ដោះអាសន្ននូវដំណើរអាជីវកម្ម និងការលក់ដូរទាំងអស់នៅផ្សារសំរោងយ៉ោង ស្ថិតក្នុងភូមិស្មៅខ្ញី នៃឃុំត្រពាំងសាប ចាប់ពីថ្ងៃនេះ រហូតដល់មានការជូនដំណឹងឡើងវិញ។រដ្ឋបាលខេត្តនេះ បានបញ្ជាក់ថា រាល់អាជីវករទាំងអស់ដែលលក់ដូរនៅផ្សារនេះ តម្រូវឱ្យទៅផ្ដល់សំណាកដើម្បីរកមេរោគកូវីដ-១៩ នៅឯមណ្ឌលចត្តាឡីស័ក ស្ថិតក្នុងបរិវេណសាលាបឋមសិក្សាហាំងង៉ោ ស្មៅខ្ញី ឬក៏នៅតាមមន្ទីរពេទ្យបង្អែកនៅជិតលំនៅឋាន។រដ្ឋបាលខេត្តនេះ ក៏បានតម្រូវឱ្យអាជីវករ និងសមាជិកក្រុមគ្រួសាររបស់ពួកគេទាំងអស់ ត្រូវរក្សាខ្លួននៅដាច់ដោយឡែក ឬធ្វើចត្តាឡីស័កផងដែរ។អំឡុងពេលនៃការផ្អាកនេះ អាជ្ញាធរខេត្តតាកែវ បានហាមឃាត់ការជួបជុំ ឬការប្រមូលផ្ដុំមនុស្សគ្រប់ប្រភេទ ប៉ុន្តែ ត្រូវបានលើកលែងសម្រាប់ករណីចាំបាច់ និងបន្ទាន់មួយចំនួន៕

ខេត្តកំពង់ចាម រកឃើញស្ត្រី៥២នាក់ ឆ្លងមេរោគកូវីដ-១៩ សុទ្ធតែពាក់ព័ន្ធនឹងកម្មការិនីរោងចក្រនៅស្រុកជើងព្រៃ

កំពង់ចាម៖ រដ្ឋបាលខេត្តកំពង់ចាម បានប្រកាសពីការរកឃើញប្រជាពលរដ្ឋដល់ទៅ ៥២នាក់បន្ថែមទៀត បានឆ្លងមេរោគកូវីដ-១៩ ដែលភាគច្រើនបានឆ្លងមេរោគនេះ បន្ទាប់ពីពាក់ព័ន្ធនឹងកម្មការិនីរោងចក្រនៅស្រុកជើងព្រៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បានប្រកាសថា មន្ត្រីសុខាភិបាលខេត្តនេះបានយកសំណាកពីកម្មករកម្មការិនីដល់ទៅ ៦១២នាក់ កាលពីថ្ងៃម្សិលមិញនេះ ហើយបានរកឃើញស្ត្រី ៥២នាក់ បានឆ្លងមេរោគកូវីដ-១៩។រដ្ឋបាលខេត្តកំពង់ចាមបញ្ជាក់ថា ស្ត្រីទាំងអស់ដែលត្រូវបានរកឃើញឆ្លងមេរោគកូវីដ-១៩ ត្រូវបានបញ្ជូនទៅសម្រាកព្យាបាលនៅឯមន្ទីរពេទ្យមេគង្គកំពង់ចាម។បើតាមសេចក្ដីប្រកាសព័ត៌មាន រដ្ឋបាលខេត្តនេះកំពុងស្វែងរកមនុស្សផ្សេងទៀតដែលបានប៉ះពាល់ជាមួយស្ត្រីទាំង ៥២នាក់ខាងលើនេះ ដើម្បីយកសំណាកមកពិនិត្យ និងដាក់ឱ្យនៅដាច់ដោយឡែក៕

សារធាតុមេតាណុល ត្រូវបានរកឃើញនៅក្នុងស្រាស ដែលបានសម្លាប់អ្នកផឹក ១១នាក់នៅស្រុកល្វាឯម

កណ្ដាល៖ លទ្ធផលវិភាគលើស្រា-ស ក្រោយពីអ្នកផឹក ១១នាក់ បានស្លាប់ នៅក្នុងស្រុកល្វាឯម ខេត្តកណ្ដាល បានបង្ហាញថា មានសារធាតុពុលមេតាណុលលើសកម្រិតពិតមែន។ នេះបើតាមការអះអាងរបស់អភិបាល ស្រុកល្វាឯម។លោក កន សុកកាយ អភិបាលស្រុកល្វាឯម បានប្រាប់BTVនៅរសៀលនេះថា លទ្ធផលធ្វើតេស្ត ស្រា-ស ស្រាថ្នាំ ដែលត្រូវបានដាក់លក់នៅតាមតៀមចំនួន២៨ គឺស្ទើរតែទាំងអស់ មានលាយសារធាតុមេតាណុលពុលលើសកម្រិត ចំណែកផ្ទះផលិតស្រាវិញ ដែលមានម្ចាស់ឈ្មោះ ប៊ូ ស៊ន កំពុងជាប់ការសង្ស័យរង់ចាំការស៊ើបអង្កេតរបស់មន្ត្រីជំនាញបន្តទៀត។លោកបានឱ្យដឹងថា គិតមកដល់ពេលនេះ អ្នកដែលបានផឹកស្រា-ស ស្រាថ្នាំ តាំងពីថ្ងៃទី១០ ខែឧសភានេះ ចំនួនជិត៨០នាក់ ត្រូវបានពិនិត្យសុខភាព ដែលក្នុងនោះ ចំនួន៥នាក់ ឋិតក្នុងអាការៈត្រូវសង្គ្រោះ ដោយត្រូវបានបញ្ជូនទៅឯមន្ទីរពេទ្យរាជធានីភ្នំពេញរួចហើយ។ រីឯស្រា-ស ស្រាថ្នាំទាំងអស់ ត្រូវបានលោកសុំគោលការណ៍កម្ទេចចោល មិនឱ្យនៅសល់ទៀតឡើយ។លោកបានបញ្ជាក់ទៀតថា ថ្ងៃនេះ មេឃុំទាំង១៤ ត្រូវបានកោះមកប្រជុំបន្ទាន់ ដើម្បីដាក់ផែនការបិទការលក់ស្រាគ្រប់ប្រភេទ និងពិសេសកន្លែងផលិតស្រា ត្រូវមានវិធានការម៉ឺងម៉ាត់បំផុត។ បើករណីរកឃើញថា ហ៊ានលួចលក់ទៀត អាជ្ញាធរ នឹងចាត់ការតាមច្បាប់ភ្លាមៗតែម្ដង ដោយគ្មានការយោគយល់ទេ។លោកអភិបាលស្រុក បានអំពាវនាវដល់ប្រជាពលរដ្ឋទូទាំងស្រុកល្វាឯម ពិសេសគឺអ្នកដែលបានផឹកស្រា-ស ស្រាថ្នាំ ដែលទិញពីស្រុកល្វាឯម ឱ្យមានការប្រុងប្រយ័ត្នខ្ពស់ ព្រោះស្រាទាំងនេះ មានផ្ទុកសារធាតុមេតាណុលលើសកម្រិត ដែលបង្កឱ្យពុលមនុស្ស ឈានដល់ការបាត់បង់អាយុជីវិតបាន។លោក ហួត វណ្ណថូ ប្រធានមន្ទីរឧស្សាហកម្ម និងសិប្បកម្ម ខេត្តកណ្ដាល បានបញ្ជាក់ថា ការផលិតស្រានៅតំបន់នេះ គឺគ្មានច្បាប់អនុញ្ញាតទេ ដែលកន្លងមកមន្ត្រីជំនាញ ធ្លាប់បានអប់រំណែនាំឱ្យផលិតតាមបទដ្ឋានបច្ចេកទេសត្រឹមត្រូវ កុំលាយលើសកម្រិត កុំធ្វើហួសប្រមាណដោយសេចក្ដីលោភលន់ ដែលអាចបង្កគ្រោះថ្នាក់ដល់អ្នកទទួលទាន តែទីបំផុតពួកគេបានប្រព្រឹត្តកំហុសឆ្គងបង្កឲ្យមនុស្សស្លាប់ទាល់តែបាន។សូមរំលឹកថា មនុស្ស១១នាក់ដែលបានស្លាប់ជាបន្តបន្ទាប់មកដល់ថ្ងៃនេះ គឺក្រោយពីបានផឹកស្រា-ស នៅក្នុងពិធីបុណ្យសពមួយ កាលពីថ្ងៃទី១០ ខែឧសភានេះ នៅក្នុងភូមិតាស្គរ ឃុំសារិកាកែវ ស្រុកល្វាឯម៕ អត្ថបទ៖ សៅ យ៉ាម៉ង់

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ

ភ្នំពេញ៖ ជនជាតិចិន និងខ្មែរជាង៦០នាក់ ដែលនគរបាលឃាត់ខ្លួនកាលពីយប់មិញ ព្រោះតែបំពានវិធានការរដ្ឋបាល ដោយប្រមូល ផ្ដុំជួបជុំគ្នាទទួលទានគ្រឿងស្រវឹង និងទាក់ទិនសារធាតុញៀនផងនោះ មកដល់ពេលនេះនគរបាលបាននឹងកំពុងបន្តការសាកសួរ នៅឡើយ។ប្រភពព័ត៌មានបានឱ្យដឹងថា ករណីបង្ក្រាបក្រុមជនជាតិចិន និងបុគ្គលិកខ្មែរជាង ៦០នាក់ នៅក្នុងខុនដូមួយក្នុងខណ្ឌបឹងកេងកងកាលពីយប់មិញ នគរបាលមិនទាន់បញ្ជូនអ្នកទាំងអស់នោះទៅតុលាការនៅឡើយទេ គឺកំពុងបន្តការសាកសួរនៅដំណាក់កាលនគរបាលនៅឡើយ។ប្រភពព័ត៌មានបានបន្ថែមថា ក្រុមមនុស្សទាំងអស់ដែលនគរបាលឃាត់ខ្លួនមានចំនួន ៦៤នាក់ ក្នុងនោះ មានស្ដ្រី ៣០នាក់ បុរស ៣៤នាក់ គឺបុរសខ្មែរ ០៥នាក់ បុរសជនជាតិចិន២៩នាក់ ហើយនិងស្ដ្រីខ្មែរ៤នាក់ និងស្ដ្រីចិន ២៦នាក់។ការឆ្មក់បង្ក្រាប គឺបានធ្វើឡើងកាលពីវេលាម៉ោង១២រំលងអាធ្រាត្រ ឈានចូលថ្ងៃទី១៩ ខែឧសភា ឆ្នាំ ២០២១ នៅក្នុងអាគារខុនដូ មួយកន្លែង ត្រង់ជាន់ទី៧ និងជាន់ទី៨ ស្ថិតនៅខាងក្រោយមន្ទីរពេទ្យរបេង ជាប់ផ្លូវលេខ៩៥ កែងផ្លូវលេខ២៨៨ ក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ក្រោយបង្ក្រាបនគរបាលបាននាំខ្លួនមនុស្សទាំង៦៤ នាក់ទៅ កាន់ ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ។ទាក់ទិនការបង្ក្រាបនេះ BTV មិនអាចទំនាក់ទំនងសុំការពន្យល់បន្ថែមបានទេ ពីលោកវរសេនីយ៍ឯក ប៊ុត សត្យា ប្រធានការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ដោយទូរស័ព្ទហៅចូល តែគ្មានអ្នកទទួល។ករណីនេះ ត្រូវបានគេមើលឃើញថា ជាការបំពានវិធានការរដ្ឋបាលរបស់សាលារាជធានីភ្នំពេញ និងក្រសួងសុខាភិបាល ដែលបានដាក់ចេញដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ ត្រង់មាត្រា ១០ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ -១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ក៏ដូចជាអនុក្រឹត្យ ស្ដីពីវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ -១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត បានកំណត់ទណ្ឌកម្ម ចំពោះបទមិនគោរវិធានការរដ្ឋបាលនេះ គឺត្រូវផ្តន្ទាទោសជាពិន័យអន្តរការណ៍ពី ១លានរៀល ទៅ ៥លានរៀល ប៉ុន្តែបើបានបណ្ដាលឱ្យមានការចម្លងជំងឺកូវីដ ១៩ ដល់អ្នកដទៃ ត្រូវផ្ដន្ទាទោសដាក់ពន្ធនាគារពី ៦ខែ ទៅ៣ឆ្នាំ និងពិន័យជាប្រាក់ពី ២លានរៀល ទៅ ១០លានរៀល ជាងនេះទៅទៀតបើបានបណ្ដាលឱ្យប៉ះពាល់ធ្ងន់ធ្ងរដល់សុខភាពសាធារណៈ នោះនឹងត្រូវផ្ដន្ទាទោសដាក់ពន្ធនាគារពី ២ឆ្នាំ ទៅ៥ឆ្នាំ និងពិន័យជាប្រាក់ពី ៥លានរៀល ទៅ ២០លានរៀល ៕ អត្ថបទ ៖ ប្រាក់ វ៉ាន់ដា

សមត្ថកិច្ចរាជធានីភ្នំពេញ ឃាត់ខ្លួនក្រុមមនុស្សស្រីប្រុសជាង ៦០នាក់ ដែលបំពានបម្រាមជួបជុំគ្នាផឹកស៊ី

ភ្នំពេញ៖ ក្រុមមនុស្សស្រីប្រុស ចំនួនជាង ៦០នាក់ ត្រូវបានកម្លាំងសមត្ថកិច្ចចម្រុះ នៃស្នងការដ្ឋាននគរបាលរាជធានីភ្នំពេញ ឃាត់ខ្លួនកាលពីយប់មិញ ដោយសារការប្រមូលផ្ដុំគ្នាផឹកស៊ី ល្មើសបម្រាមដែលត្រូវបានដាក់ ចេញដោយសាលារាជធានីភ្នំពេញ ដើម្បីទប់ស្កាត់ការឆ្លងរាលដាលជំងឺកូវីដ-១៩។ក្រុមសមត្ថកិច្ចចម្រុះ នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវឆ្មក់បង្ក្រាបក្រុមមនុស្ស ដែលបានប្រមូលផ្ដុំគ្នាស៊ីផឹក កាលពីវេលាម៉ោង១២រំលងអធ្រាត្រ ឈានចូលថ្ងៃទី១៩ ខែឧសភានេះ នៅក្នុងអាគារខុនដូមួយកន្លែង ជាប់ផ្លូវ៩៥ កែងផ្លូវ២៨៨ ក្នុងសង្កាត់បឹងកេងកងទី២ ខណ្ឌបឹងកេងកង។សមត្ថកិច្ច បានឲ្យដឹងថា ក្រុមមនុស្សប្រុសស្រីទាំងនេះ ដែលភាគច្រើនជាជនជាតិចិន បានបង្កើតកម្មវិធីជួបជុំគ្នាផឹកស៊ី និងប្រើប្រាស់គ្រឿងញៀន ល្មើសទៅនឹងវិធានការរដ្ឋបាលរបស់សាលារាជធានីភ្នំ ពេញ និងក្រសួងសុខាភិបាល។បច្ចុប្បន្ន កម្លាំងសមត្ថកិច្ច កំពុងធ្វើកំណត់ហេតុ សាកសួរ ដើម្បីកសាងសុំណុំរឿងចាត់ការបន្តតាមច្បាប់៕ អត្ថបទ៖ ម៉ឺន កុម្ភៈ

ខេត្តកំពង់ចាម ផ្អាកដំណើរការរោងចក្រខាលីងតុន ជាបណ្ដោះអាសន្ន ដើម្បីទប់ស្កាត់ការរាលដាល នៃមេរោគកូវីដ-១៩

កំពង់ចាម៖ រដ្ឋបាលខេត្តកំពង់ចាម សម្រេចបិទដំណើរការរោងចក្រមួយកន្លែង ស្ថិតនៅក្នុងស្រុកជើងព្រៃ ដោយថា ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចចេញនៅថ្ងៃនេះ អភិបាលខេត្តកំពង់ចាម លោក អ៊ុន ចាន់ដា បានសម្រេចផ្អាកដំណើរការផលិតកម្មរោងចក្រ រោងចក្រខាលីងតុន (ខេមបូឌា) ដែលមានទីតាំងស្ថិតក្នុងភូមិរវៀង ឃុំខ្នុរដំបង រយៈពេល ១៤ថ្ងៃចាប់ពីថ្ងៃនេះ រហូតដល់ថ្ងៃទី០១ ខែមិថុនា ខាងមុខនេះ។រដ្ឋបាលខេត្តកំពង់ចាម បញ្ជាក់ថា ការសម្រេចផ្អាកដំណើរការរោងចក្រមួយនេះ ជាបណ្ដោះអាសន្ននេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩៕

បណ្ដាញសង្គម

ព័ត៌មានថ្មីៗ

ឯកឧត្តម ឧត្តមសេនីយ៍ឯក ឌី វិជ្ជា កោតសរសើរដល់កងកម្លាំងគ្រប់លំដាប់ថ្នាក់ការពារ សន្តិសុខជារួមនៅទូទាំងប្រទេសមានភាពល្អប្រសើរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ ចុះពិនិត្យផ្ទះភៀសសឹក បន្ទាប់ពីមានខ្យល់កន្រ្តាក់ ក្នុងខេត្តបន្ទាយមានជ័យ

ស.ស.យ.ក និងគណៈបញ្ជាការឯកភាពរាជធានីភ្នំពេញវាយតម្លៃខ្ពស់ពីការរៀបចំព្រឹត្តិការណ៍នគរសង្ក្រាន្ត

កុងហ្គោ និងក្រុមឧទ្ទាមយល់ព្រមបន្ធូរបន្ថយការធ្វើដំណើរសម្រាប់ក្បួនរថយន្តជំនួយ និងចៀសវាងការវាយប្រហារជនស៊ីវិល

អ្នកនពាំពាក្យ៖ សមរភូមិក្រោយ និងសមរភូមិមុខត្រូវបានផ្សារភ្ជាប់គ្នាយ៉ាងជិតស្និទ្ធ ល្អិតរមួត តាមរយៈការចែករម្លែកការសប្បាយរីករាយ ការលំបាក និងការផ្ញើសារសួរសុខទុក្ខ

ប្រធានាធិបតីប្រេស៊ីល និងនាយករដ្ឋមន្រ្តីអេស្ប៉ាញលើកកម្ពស់គោលនយោបាយវឌ្ឍនភាព

អ្នកនាំពាក្យ៖ កិច្ចការពារបូរណភាពទឹកដី និងប្រជាជនជាអាទិភាពខ្ពស់បំផុតរបស់រាជរដ្ឋាភិបាល ខណៈកម្ពុជាសង្ឃឹមថាភាគីថៃនឹងបន្តគោរពតាមខ្លឹមសារនៃសេចក្តីប្រកាសរួម

គណៈប្រតិភូសភាកម្ពុជា ជួបពិភាក្សាទ្វេភាគីជាមួយប្រធានរដ្ឋសភាតួកគីយ៉េ និងថ្លែងសុន្ទរកថាក្នុងមហាសន្និបាត IPU លើកទី១៥២

មេដឹកនាំកំពូលអ៊ីរ៉ង់៖ កងទ័ពជើងទឹកត្រៀមខ្លួនរួចរាល់ក្នុងការបង្កបរាជ័យដ៏ជូរចត់ថ្មីដល់អាមេរិក និងអ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ជនសង្ស័យ ឆក់កាបូបជនបរទេសបានទឹកប្រាក់ជាង២០ម៉ឺនដុល្លារ ត្រូវនគរបាលបញ្ជូនទៅតុលាការ នៅព្រឹកថ្ងៃទី២១នេះ

ខេត្តកណ្ដាល សម្រេចបន្តផ្អាកដំណើរការផ្សាររដ្ឋ ទាំងអស់រយៈពេល១សប្ដាហ៍ទៀត

ខេត្តបន្ទាយមានជ័យ រកឃើញមនុស្ស១៤៦នាក់ទៀត នៅក្រុងប៉ោយប៉ែត ឆ្លងមេរោគកូវីដ-១៩

កម្ពុជារកឃើញមនុស្ស៤១៥នាក់ទៀត ឆ្លងកូវីដ-១៩ ខណៈអ្នកជំងឺ៧៤៥នាក់ទៀតជាសះស្បើយ

អាជីវករផ្សារសំរោងយ៉ោងទាំងអស់ តម្រូវឲ្យទៅធ្វើតេស្ត ខណៈរកឃើញវិជ្ជមានកូវីដ១៩ កាន់តែច្រើននៅតំបន់នោះ

ខេត្តកំពង់ចាម រកឃើញស្ត្រី៥២នាក់ ឆ្លងមេរោគកូវីដ-១៩ សុទ្ធតែពាក់ព័ន្ធនឹងកម្មការិនីរោងចក្រនៅស្រុកជើងព្រៃ

សារធាតុមេតាណុល ត្រូវបានរកឃើញនៅក្នុងស្រាស ដែលបានសម្លាប់អ្នកផឹក ១១នាក់នៅស្រុកល្វាឯម

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ

សមត្ថកិច្ចរាជធានីភ្នំពេញ ឃាត់ខ្លួនក្រុមមនុស្សស្រីប្រុសជាង ៦០នាក់ ដែលបំពានបម្រាមជួបជុំគ្នាផឹកស៊ី

ខេត្តកំពង់ចាម ផ្អាកដំណើរការរោងចក្រខាលីងតុន ជាបណ្ដោះអាសន្ន ដើម្បីទប់ស្កាត់ការរាលដាល នៃមេរោគកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​កណ្ដាល​ សម្រេច​បន្ត​ផ្អាក​ដំណើរ​ការ​ផ្សារ​រដ្ឋ​ ទាំង​អស់​រយៈ​ពេល​១​សប្ដាហ៍​ទៀត

ខេត្ត​បន្ទាយមានជ័យ​ រក​ឃើញ​មនុស្ស​១៤៦​នាក់​ទៀត​ នៅ​ក្រុង​ប៉ោយប៉ែត ​ឆ្លង​មេរោគ​កូវីដ-១៩​

កម្ពុជា​រក​ឃើញ​មនុស្ស​៤១៥​នាក់​ទៀត ​ឆ្លង​កូវីដ-១៩ ខណៈ​អ្នក​ជំងឺ៧៤៥​នាក់​ទៀត​ជា​សះ​ស្បើយ

សារធាតុ​មេតាណុល​ ត្រូវ​បាន​រកឃើញ​នៅក្នុង​ស្រា​​ស​ ដែល​បាន​សម្លាប់​អ្នក​ផឹក​ ១១​នាក់​នៅ​ស្រុក​ល្វាឯម​

នគរបាល​កំពុង​បន្ត​សាកសួរ​ជនជាតិ​ចិន និង​ខ្មែរ​ ៦៤​នាក់​ដែល​ជួបជុំ​ទទួល​គ្រឿង​ស្រវឹង​ក្នុង​ខុន​ដូ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តកណ្ដាល សម្រេចបន្តផ្អាកដំណើរការផ្សាររដ្ឋ ទាំងអស់រយៈពេល១សប្ដាហ៍ទៀត

ខេត្តបន្ទាយមានជ័យ រកឃើញមនុស្ស១៤៦នាក់ទៀត នៅក្រុងប៉ោយប៉ែត ឆ្លងមេរោគកូវីដ-១៩

កម្ពុជារកឃើញមនុស្ស៤១៥នាក់ទៀត ឆ្លងកូវីដ-១៩ ខណៈអ្នកជំងឺ៧៤៥នាក់ទៀតជាសះស្បើយ

សារធាតុមេតាណុល ត្រូវបានរកឃើញនៅក្នុងស្រាស ដែលបានសម្លាប់អ្នកផឹក ១១នាក់នៅស្រុកល្វាឯម

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ