BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

តាកែវ ៖ យុទ្ធនាការចាក់វ៉ាក់សាំងជូនមន្ត្រីរាជការ អតីតយុទ្ធជន និងអ្នកពាក់ព័ន្ធនានា នៅទូទាំងខេត្តតាកែវ ចាប់តាំងពីខែកុម្ភៈ រហូតមកដល់ពេលនេះ គឺសម្រេចបានជិតបីម៉ឺននាក់ហើយ គឺបានចាក់ទាំងពីរលើក។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា មន្ត្រីជំនាញសុខាភិបាល បានធ្វើយុទ្ធនាការចាក់វ៉ាក់សាំងចំនួន២លើក ជូនមន្ត្រីរាជការនៅក្នុងខេត្ត និងអតីតយុទ្ធជន ដោយសម្រេចបានលទ្ធផលចំនួន២ម៉ឺន៨ពាន់នាក់ ដោយក្នុងនោះ អ្នកចាក់ចំនួន២លើក សម្រេចបាន៥០ភាគរយ និងលើកទី១ បាន៥០ភាគរយ។លោកប្រធានមន្ទីរសុខាភិបាលខេត្តតាកែវ បានបន្តថា មន្ត្រីជំនាញសុខាភិបាល កំពុងតែបន្តសកម្ម ភាពចាក់វ៉ាក់សាំងជូនមន្ត្រីរាជការលើកទី២ ជារៀងរាល់ថ្ងៃ ហើយបានធ្វើសកម្មភាពក្នុងការយកសំណាក និងព្យាបាលកម្មករ ប្រជាពលរដ្ឋមួយចំនួន ដែលផ្ទុកមេរោគកូវីដ១៩ ដែលកំពុងតែសម្រាកព្យាបាលនៅតាមមន្ទីរពេទ្យបង្អែកក្រុងស្រុកមួយចំនួនផងដែរ។ដោយឡែកចំពោះកម្មកររោងចក្រមួយចំនួន នៅក្នុងខេត្តតាកែវ ដែលកំពុងតែឆ្លងជំងឺកូវីដ១៩ជាពិសេសកម្មករ នៅក្នុងស្រុកបាទី ត្រូវបានលោកវេជ្ជបណ្ឌិត នុត ស៊ីណាត បានបញ្ជាក់ថា មិនទាន់ដឹងច្បាស់ថា នឹងចាក់ជូនកម្មករ នៅពេលណានៅឡើយនោះទេ ដោយបញ្ហានេះ ថ្នាក់លើកំពុងតែធ្វើការផ្ដោតចាក់វ៉ាក់សាំងនៅរាជធានីភ្នំពេញ និងខេត្តកណ្ដាល ដែលមានការឆ្លងរីករាលដាលខ្លាំង៕អត្ថបទ៖ គុជ វិភាគ

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

បាត់ដំបង ៖ នៅដើមឆ្នាំ២០២១នេះ អាជ្ញាធរខេត្តបាត់ដំបង បានឃាត់ខ្លួនពួកមេខ្យល់ ដែលប្រព្រឹត្តបទល្មើស លួចនាំពលករឆ្លងដែនដោយខុសច្បាប់ទៅប្រទេសថៃ ជាង៥០នាក់ ហើយបានបញ្ជូនពួកគេទាំងនោះទៅតុលាការ ដើម្បីចាត់ការតាមនីតិវិធីច្បាប់ ។លោកស្រី រស់ ជីវី ស្នងការរងនគបាលខេត្តបាត់ដំបង ទទួលបន្ទុកការងារជួញដូរមនុស្ស បានឲ្យដឹងថា ចាប់តាំងពីដើមឆ្នាំ២០២១ ដល់ថ្ងៃទី១១ ខែឧសភា សមត្ថកិច្ចខេត្តបាត់ដំបង បានសហការបង្ក្រាបការនាំមនុស្សឆ្លងដែនចេញ និងចូល រវាងប្រទេសថៃ និងកម្ពុជាដោយខុសច្បាប់ ចំនួន៣៤ករណី ឃាត់ខ្លួនពួកមេខ្យល់បានចំនួន៥៦នាក់ (ស្រី៣នាក់) ហើយពលករចំនួន១២៥នាក់ (ស្រី៥៥នាក់) និងអនីតិជន៥នាក់ ត្រូវបានអប់រំ និងយកទៅធ្វើចត្តាឡីស័កទាំងអស់។លោកស្រី បានបន្តថា បើប្រៀបធៀបចំនួនពលករ ដែលមេខ្យល់នាំចេញចូលដោយខុសច្បាប់ រវាងប្រទេសថៃ និងកម្ពុជា ទាំង៣៤ករណីនេះ មានចំនួនប្រហាក់ប្រហែលគ្នា ហើយនៅដើមខែឧសភានេះ ខណៈពលករត្រឡប់មកពីប្រទេសថៃ រកឃើញមានវិជ្ជមានកូវីដ១៩ ជាបន្តបន្ទាប់នោះ សមត្ថកិច្ចពាក់ព័ន្ធ នៅតាមបណ្តាច្រកជាប់ព្រំដែនប្រទេសថៃ បានបង្កើននូវការប្រុងប្រយ័ត្នខ្លាំងជាងមុន។លោកស្រីស្នងការរង បានបញ្ជាក់ថា អាជ្ញាធរ មិនឲ្យពលករត្រឡប់មកពីប្រទេសថៃ ចូលសហគមន៍ ដោយមិនបានត្រួតពិនិត្យ និងដាក់ឲ្យធ្វើចត្តាឡីស័ក នោះឡើយ ហើយក៏បានបង្ក្រាបក្រុមមេខ្យល់នាំពលករលួចនាំពលករឆ្លងដែនដោយខុសច្បាប់ បញ្ជូនទៅកាន់តុលាការជាបន្តបន្ទាប់ ។ពាក់ព័ន្ធ នឹងការបង្ក្រាបបទល្មើស លួចនាំពលករឆ្លងដែនខុសច្បាប់ ទៅប្រទេសថៃនោះ សមត្ថកិច្ចការពារព្រំដែន កាលពីយប់ថ្ងៃទី១០ ខែឧសភា នេះ បានឃាត់ខ្លួនពួកមេខ្យល់ចំនួន៣នាក់ ដែលប្រុងនាំពលករចំនួន១៤នាក់ លួចឆ្លងដែនទៅថៃ ហើយអាជ្ញាធរ បានបញ្ជូនខ្លួនពួកមេខ្យល់ទាំងអស់នោះទៅតុលាការហើយដែរ ។បើតាមរបាយការណ៍ របស់មន្ទីរសុខាភិបាលខេត្តបាត់ដំបង ចាប់ពីមានការផ្ទុះឆ្លងរាលដាលក្នុងសហគមន៍ខេត្តសាមុទសាខន ប្រទេសថៃ គិតត្រឹមថ្ងៃទី១១ ខែឧសភា ពលករ ដែលបានត្រឡប់មកពីប្រទេសថៃ តាមច្រកនានាជាប់ខេត្តបាត់ដំបង មានចំនួនជាង២ម៉ឺននាក់៕អត្ថបទ៖ បាន សុខរិទ្ធ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ

តាខ្មៅ ៖ រដ្ឋបាលខេត្តកណ្តាល នៅព្រឹកថ្ងៃទី១២ ខែឧសភានេះ នឹងធ្វើការវិនិច្ឆ័យភូមិតាខ្មៅ២ ឬហៅតំបន់ភូមិវប្បធម៌ នៅក្នុងសង្កាត់តាខ្មៅ ដែលកន្លងមក បានចាត់ជាតំបន់ក្រហម នឹងធ្វើការវិនិច្ឆ័យប្រែជាតំបន់លឿងទុំវិញ ហើយតាមរយៈការវិនិច្ឆ័យឡើងវិញ គឺបានធ្វើអោយក្រុងតាខ្មៅទាំងមូលក្លាយជាតំបន់លឿងទាំងស្រុង។ឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងប្រាប់BTV ថា នៅទូទាំងក្រុងតាខ្មៅ គិតមកដល់ព្រឹកថ្ងៃទី១២ ខែឧសភានេះ គឺមានតែភូមិចំនួនមួយប៉ុណ្ណោះ គឺភូមិតាខ្មៅ២ ឬហៅភូមិវប្បធម៌ កំពុងស្ថិតក្នុងតំបន់ក្រហម ហើយនៅថ្ងៃនេះ រដ្ឋបាលខេត្តកណ្តាល នឹងធ្វើការវិនិច្ឆ័យឡើងវិញកំណត់ភូមិនេះ ទៅជាតំបន់លឿងទុំវិញ ខណៈនៅថ្ងៃចុងក្រោយនេះ តាមរយៈឧបករណ៍ Rapid Test គឺយើងបានយកទៅធ្វើតេស្តពិនិត្យសំណាករកមេរោគកូវីដ-១៩ លើអ្នកភូមិដែលកំពុងបិទខ្ទប់នោះ បានរកឃើញអ្នកភូមិនេះ មានឆ្លងថ្មីចំនួនតែ៤នាក់ បន្ថែមទៀត និងបានបញ្ជូនទៅព្យាបាលយ៉ាងត្រឹមត្រូវ។ឯកឧត្តម បញ្ជាក់ថា កាលពីមុននៅក្រុងតាខ្មៅ មានសង្កាត់ចំនួន៤ ក្នុងចំណោមសង្កាត់ចំនួន១០ បានចាត់ជាតំបន់លឿងទុំ មកដល់បច្ចុប្បន្ននេះ គឺបានចាត់ជាតំបន់លឿងអស់ហើយ។ ហើយបើយើងពិនិត្យស្ថានភាពក្រុងតាខ្មៅជារួម នៅក្នុងរយៈពេល៦ថ្ងៃ បន្ទាប់ពីរាជរដ្ឋាភិបាលបានប្រកាសបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនេះ កត់សំគាល់ឃើញថា ចរាចរណ៍ធ្វើដំណើរនៃអ្នកដំណើរនៅតាមដងផ្លូវ គឺមានការពាក់ម៉ាស់ទាំងអស់គ្នា ហើយ ស្ទើរគ្រប់មូលដ្ឋានអាជីវកម្មតូចធំ ហាងលក់ទំនិញ ភោជនីយដ្ឋាន ហាងអាហារដ្ឋាននៅតាមទីសាធារណៈនានា ត្រូវបានបើកដំណើរការឡើងវិញជាធម្មតា លើកលែងតែផ្សារតាខ្មៅថ្មី និងផ្សារតាខ្មៅចាស់ គឺមិនទាន់បានបើកដំណើរការឡើងវិញ ហើយមូលដ្ឋានអាជីវកម្មនានាដែលច្បាប់បានតម្រូវអោយបិទជាបណ្តោះអាសន្ន មានដូចជា ហាងលក់ស្រាបៀរ ក្លឹបបៀរហ្គាឌិន KTV ខារ៉ាអូខេ និងមណ្ឌលកម្សាន្តនានាទៀត គឺមិនទាន់អនុញ្ញាតអោយបើកឡើងវិញនោះទេ។ឯកឧត្តម គង់ សោភ័ណ្ឌ បន្តថា ដោយឡែកគ្រប់ស្រុកនានា ដែលនៅជាប់នឹងបណ្តាខណ្ឌនានារបស់រាជធានីភ្នំពេញ វាអាចឈានទៅរកការធូរស្រាលបាន គឺអាស្រ័យទៅស្ថានការណ៍កូវីដ១៩ នៅក្នុងរាជធានីភ្នំពេញ ព្រោះប្រជាពលរដ្ឋនៅតាមបណ្តាស្រុកជាប់រាជធានីភ្នំពេញទាំងនោះ គឺមានទំនាក់ទំនងលំហូរចេញចូលធ្វើការងារពីគ្នាទៅវិញទៅមក៕អត្ថបទ ស៊ុម សុខជា

មនុស្ស០៥នាក់ទៀតស្លាប់ ដោយសារជំងឺកូវីដ-១៩ ខណៈកម្ពុជារកឃើញមនុស្ស៤៧២នាក់ទៀតបានឆ្លងមេរោគនេះ

ភ្នំពេញ៖ ក្រសួងសុខាភិបាលបានប្រកាសនៅថ្ងៃថា មនុស្ស ៥នាក់ទៀត បានស្លាប់បាត់បង់ជីវិតដោយសារតែជំងឺកូវីដ-១៩ ខណៈមនុស្ស ៤៧២នាក់ផ្សេងទៀត ត្រូវបានរកឃើញឆ្លងមេរោគនេះផងដែរ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ការស្លាប់មនុស្ស ០៥នាក់បន្ថែមទៀតនេះ ជំរុញឱ្យតួលេខអ្នកស្លាប់ដោយសារជំងឺកូវីដ-១៩សរុប ឡើងដល់ ១៣៦នាក់ហើយនៅក្នុងរយៈពេលត្រឹមតែ ៩០ថ្ងៃចុងក្រោយប៉ុណ្ណោះគិតចាប់ពីថ្ងៃទី១១ ខែមីនាកន្លងមក នៅពេលដែលកម្ពុជាប្រកាសពីករណីស្លាប់ជាលើកដំបូងជាផ្លូវការ។ករណីឆ្លងថ្មីដល់ទៅ ៤៦៩នាក់ បានឆ្លងមេរោគកូវីដ-១៩ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ៣ករណីទៀត គឺជាករណីនាំចូលពីក្រៅប្រទេស។បើតាមក្រសួងសុខាភិបាល កម្ពុជាបានរកឃើញមនុស្សដល់ទៅ ២០ ៦៩៥នាក់ហើយបានឆ្លងមេរោគកូវីដ-១៩នេះ គិតចាប់តាំងពីចុងខែមករា ឆ្នាំ២០២០មក នៅពេលដែលកម្ពុជាប្រកាសពីករណីឆ្លងលើកដំបូង។ក្រសួងសុខាភិបាលក៏បានឱ្យដឹងផងដែរថា អ្នកជំងឺកូវីដ-១៩សរុបដល់ទៅ ៨ ៥៣៩នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ៣៦៩នាក់ទៀត ដែលក្រសួងទើបតែប្រកាសនៅថ្ងៃនេះផងដែរ៕

ករណីមនុស្ស០៥នាក់ឆេះស្លាប់ ក្នុងភ្នក់ភ្លើង នៅខេត្តកំពង់ឆ្នាំង ឃាតករគឺជាប្តី និងជាឪពុក

កំពង់ឆ្នាំង ៖ នៅម៉ោង១១និង១០នាទី ថ្ងៃទី១២ ខែឧសភា ឆ្នាំ២០២១នេះ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានបញ្ជាក់ថា ករណីមនុស្ស០៥នាក់ឆេះស្លាប់ ក្នុងភ្នក់ភ្លើងនៅក្នុងភូមិដើមជ្រែ ឃុំខុនរ៉ង ស្រុកបរិបូណ៌នោះ ជាករណីឃាតកម្ម ដោយឃាតករគឺជាប្តី និងជាឪពុក។ឃាតកររូបនោះ បានសារភាពនៅចំពោះមុខសមត្ថកិច្ចថា រូបគេពិតជាបានសម្លាប់ប្រពន្ធ និងកូនអាយុ៣ឆ្នាំ ដោយសារប្រពន្ធជេរប្រទេចរូបគេមិនឈប់នៅយប់នោះ។ ក្រោយពីខឹងប្រពន្ធជេរមិនឈប់ រូបគេក៏បានយកកាំបិតចុងស្រួចចាក់ទៅលើប្រពន្ធចំនួន២កាំបិត ស្លាប់ភ្លាម និងបានទាត់កូនតូចអាយុ០៣ឆ្នាំអោយស្លាប់ផងដែរ ។ បន្ទាប់មកដោយឃើញកូនអាយុ០៩ឆ្នាំម្នាក់ និងកូនភ្លោះអាយុ០៧ឆ្នាំ០២នាក់ទៀតយំស្លន់ស្លោ ឃាតករជាប្តីបានយកពូកមកបិតច្រកជណ្តើឡៅតឿ មិនអោយកុមារទាំង០៣ចុះរួច ហើយក៏បានដុតសំលាប់ទាំងអស់តែម្តងទៅ៕

មេធាវីស្ម័គ្រចិត្តសម្តេចតេជោ ចេញស្រាវជ្រាវករណីកញ្ញា មាន ពេជ្ររីតា ប្ដឹង ឧកញ៉ា ហេង សៀរ ពីបទប៉ុនប៉ងរំលោភក្នុងរថយន្ត

ភ្នំពេញ ៖ ឯកឧត្តម គី តិច ប្រធានក្រុមមេធាវីស្មគ្រ័ចិត្ត សម្តេច តេជោ បានបញ្ជាក់ប្រាប់BTV តាមសារតេលេក្រាម អោយដឹងថា លោក នឹងចាត់អោយមេធាវីស្ម័គ្រចិត្តសម្តេចតេជោ ចេញស្រាវជ្រាវជាបឋម ប៉ុន្តែមិនទាន់ដល់ដំណាក់កាលនៃការ ការពារនៅឡើយ ចំពោះពាក្យបណ្តឹង របស់កញ្ញា មាន ពេជ្ររីតា ដែលបានដាក់ពាក្យប្តឹង ឧកញ៉ា ហេង សៀរ ពីបទប៉ុនប៉ងរំលោភសេពសន្ថវៈនៅក្នុងរថយន្ត។ ឯកឧត្តម បន្ថែមថា ដំណាក់កាលនេះ មេធាវី កំពុងតែសហការជាមួយនគរបាលយុត្តិធម៌ និង ស្ថាប័នអយ្យការដើម្បីស្វែងរកការពិត ចំពោះករណីមួយនេះ។សូមបញ្ជាក់ថា ករណីប៉ុនប៉ងរំលោភសេពសន្ថវៈនេះ បានកើតឡើងកាលពីរសៀលថ្ងៃទី០៤ ខែឧសភា ឆ្នាំ២០២១ នៅក្បែរផ្សារគីឡូលេខ៤ ខណ្ឌទួលគោក រាជធានីភ្នំពេញ បន្ទាប់ពីឧកញ៉ា ហេង សៀ បានហៅទូរស័ព្ទឱ្យនាងទៅជួបដើម្បីផ្ដល់អំណោយជូននាង ដើម្បីចែកបន្តដល់អ្នករងគ្រោះដោយការរាលដាលជំងឺកូវីដ១៩ និងហៅឱ្យចូលក្នុងរថយន្តរបស់គាត់ ដើម្បីពិភាក្សាការងារ៕អត្ថបទ ៖ ដាវណ្ណ

សមត្ថកិច្ចបាត់ដំបង ឃាត់ខ្លួនមេខ្យល់ ០៣នាក់ បម្រុងនាំពលករ ១៤នាក់ លួចឆ្លងដែនទៅថៃ

បាត់ដំបង៖ កម្លាំងនគរបាលការពារព្រំដែនគោកលេខ៨១៩ បានចុះបង្ក្រាបបទល្មើសប្រុងលួចនាំពលករចំនួន ១៤នាក់ ឆ្លងដែនខុសច្បាប់ទៅប្រទេសថៃ ចំនួន ០២ករណី នៅចំណុចភូមិសាស្ត្រស្រុកកំរៀង ខេត្តបាត់ដំបង ដោយបានឃាត់ខ្លួនមេខ្យល់ចំនួន ០៣នាក់។លោកវរសេនីយ៍ឯក ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៩ បានឲ្យដឹងថា ប្រតិបត្តិការណ៍លួចនាំពលករឆ្លងដែនខុសច្បាប់នេះ ធ្វើឡើងនៅវេលាម៉ោងជាង១០ យប់ថ្ងៃទី១០ ខែឧសភា ឆ្នាំ២០២១។លោកស្រី រស់ ជីវី ស្នងការរងនគរបាលខេត្តបាត់ដំបង ទទួលបន្ទុកការងារជួញដូរមនុស្ស បានឲ្យដឹងថា ក្រោយទប់ស្កាត់បាន កម្លាំងការពារព្រំដែន បានបញ្ជូនមកកាន់ស្នងការនគរបាលខេត្ត ដើម្បីរៀបចំសំណុំរឿងបញ្ជូនទៅកាន់តុលាការ ចាត់ការតាមច្បាប់៕ អត្ថបទ៖ បាន សុខរិទ្ធ

វ៉ាក់សាំងមកដល់ថ្មី ត្រូវផ្តល់ទៅតំបន់ក្រហម ខណៈពលរដ្ឋដែលត្រូវចាក់នៅតំបន់នេះកើនជិត ៨សែននាក់

ភ្នំពេញ៖ នាយឧត្តមសេនីយ៍ ឥត សារ៉ាត់ ប្រធានប្រតិបត្តិការយុទ្ធនាការចាក់វ៉ាក់សាំងការពារជំងឺកូវីដ-១៩ របស់ក្រសួងការពារជាតិនៅតំបន់ក្រហម បានថ្លែងថា វ៉ាក់សាំងស៊ីណូវ៉ាក់ប្រមាណ ៥០ម៉ឺនដូស ទើបមកដល់ថ្មីនេះ ត្រូវផ្តល់ទៅតំបន់ក្រហម ខណៈប្រជាពលរដ្ឋដែលត្រូវចាក់នៅតំបន់ក្រហមនេះ កើនជិត ០៨សែននាក់។ស្របពេលយុទ្ធនការចាក់វ៉ាក់សាំងបង្ការកូវីដ-១៩ ជូនប្រជាពលរដ្ឋនៅតំបន់ក្រហមកំពុងតែដំណើរការនាយឧត្តមសេនីយ៍ ឥត សារ៉ាត់ ប្រធានប្រតិបត្តិការយុទ្ធនាការចាក់វ៉ាក់សាំងការពារជំងឺកូវីដ-១៩របស់ក្រសួងការពារជាតិនៅតំបន់ក្រហម នៅថ្ងៃទី១១ ខែឧសភា ឆ្នាំ២០២១នេះ បានប្រាប់BTV ថា ចំពោះដំណើរការចាក់វ៉ាក់សាំងបង្ការកូវីដ-១៩ ជូនប្រជាពលរដ្ឋនៅតំបន់ក្រហម បានប្រព្រឹត្តទៅដោយប្រក្រតី និងមានភាពល្អប្រសើរ ក្រោមការសហការបានយ៉ាងល្អរវាងក្រុមគ្រូពេទ្យយោធា និងអាជ្ញាធរមូលដ្ឋាន ក្នុងនោះ ប្រជាពលរដ្ឋ ក៏បានយកចិត្តទុកដាក់អំពីការណែនាំ និងអនុវត្តនូវវិធានសំខាន់ៗរបស់អាជ្ញាធរ។ នាយឧត្តមសេនីយ៍ ឥត សារ៉ាត់ បានបញ្ជាក់ថា នៅថ្ងៃនេះ កម្ពុជាទទួលបានវ៉ាក់សាំងស៊ីណូវ៉ាក់ ដែលជាការបញ្ជាទិញពីចិនចំនួន៥០ម៉ឺនដូស នឹងត្រូវផ្តល់ទៅតំបន់ក្រហម ខណៈប្រជាពលរដ្ឋដែលត្រូវចាក់នៅតំបន់ក្រហមនៃខណ្ឌទាំង៦ក្នុងរាជធានីភ្នំពេញកើនជិត៨សែននាក់។នាយឧត្តមសេនីយ៍ ឥត សារ៉ាត់ បន្តថា បើទោះបីដំណើរការចាក់វ៉ាក់សាំងជូនប្រជាពលរដ្ឋនៅតំបន់ក្រហមមានការកើនឡើងក្តី ក៏រាជរដ្ឋាភិបាលបានត្រៀមគ្រប់គ្រាន់ចំពោះចំនួនវ៉ាក់សាំងដែលត្រូវប្រើប្រាស់ដូចគ្នា ដើម្បីឆ្លើយតបតាមអនុសាសន៍របស់សម្តេចតេជោនាយករដ្ឋមន្ត្រី គឺមិនបញ្ឈប់ការចាក់ឡើយ ប្រសិនប្រជាពលរដ្ឋទាំងអស់ពុំទាន់ទទួលបានវ៉ាក់សាំង។បើតាមរបាយការណ៍ របស់ក្រសួងការពារជាតិ គិតត្រឹមថ្ងៃទី១០ ខែឧសភា ក្រុមគ្រូពេទ្យយោធាបានចាក់វ៉ាក់សាំងជូនប្រជាពលរដ្ឋនៅតំបន់ក្រហមនៃខណ្ឌចំនួន ០៦រួមមាន៖ ខណ្ឌពោធិ៍សែនជ័យ ខណ្ឌមានជ័យ ខណ្ឌដង្កោ ខណ្ឌកំបូល ខណ្ឌឫស្សីកែវ និងខណ្ឌទួលគោក បានចំនួនជិត ៤៥ម៉ឺននាក់ហើយ៕ អត្ថបទ៖ សេក ឧត្តម

សមត្ថកិច្ចកោះហៅ ម្ចាស់ហ្វេសបុកឈ្មោះឱសថស្ថានបុរាណភ្នំទ្រទ្រង់ មកធ្វើកិច្ចសន្យាទទួលកំហុសរបស់ខ្លួន

ភ្នំពេញ ៖ នៅរសៀលថ្ងៃទី១១ ខែឧសភា ឆ្នាំ២០២១នេះ ម្ចាស់ហ្វេសបុកឈ្មោះ«ឱសថស្ថានបុរាណភ្នំទ្រទ្រង់» ត្រូវបានសមត្ថកិច្ចហៅមកវាស់កម្ពស់ និងធ្វើកិច្ចសន្យាទទួលកំហុសរបស់ខ្លួន ។យោងតាមប្រភពពីស្នងការដ្ឋាននគរបាលរាជធានីភ្នំពេញ បានឲ្យដឹងទៀតថា បុរសម្នាក់ដែលបានប្រើប្រាស់គណនី ហ្វេសបុកឈ្មោះ «ឱសថស្ថានបុរាណ ភ្នំទ្រទ្រង់» ត្រូវបានសមត្ថកិច្ច នៃអធិការដ្ឋាននគរបាលខណ្ឌមានជ័យ កោះហៅឲ្យចូលខ្លួន មកបំភ្លឺ ធ្វើកិច្ចសន្យា ទទួលកំហុស និងបានថតជា វីដេអូសុំទោសជាសាធារណៈ នូវកំហុសរបស់ខ្លួន ដែលបានចោទប្រកាន់ខុសពីការពិតមកលើលោកអធិការនគរបាលខណ្ឌមានជ័យ ។ ប្រភពដដែល បានបន្ដទៀតថា ខណៈនេះសមត្ថកិច្ចជំនាញកំពុងតែស្រាវជ្រាវរកម្ចាស់លេខទូរស័ព្ទម្នាក់ទៀត ដែលបន្លំខ្លួនជាអធិការខណ្ឌមានជ័យ ដើម្បីចូលខ្លួនមកបកស្រាយបំភ្លឺលើករណីបន្លំខ្លួនជាអធិការនេះផងដែរ ៕

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល

កោះកុង ៖ ក្រុមការងារចំពោះកិច្ចទប់ស្កាត់កូវីដ១៩ នៅប៉ុស្តិ៍ត្រួតពិនិត្យសុខភាព បានរកឃើញបុរសម្នាក់ វិជ្ជមានកូវីដ១៩ និងមនុស្ស៧នាក់ផ្សេងទៀត សង្ស័យដោយតម្រូវឱ្យធ្វើចត្តាឡីស័ក នៅមណ្ឌលដែលរៀបចំទុកដោយរដ្ឋបាលស្រុកស្រែអំបិល។បុរសវ័យកណ្តាលម្នាក់ ត្រូវបានធ្វើតេស្តរហ័សហើយរកឃើញកើតជំងឺកូវីដ១៩ភ្លាមៗ ក្រោយពិនិត្យរយៈពេល១៥នាទី ចំណែកអ្នកពាក់ព័ន្ធលើរថយន្តក្រុងចំនួន៧នាក់ ផ្សេងទៀត ក្នុងនោះស្ត្រី២នាក់ឋិតនៅក្នុងការសង្ស័យតម្រូវឱ្យធ្វើចត្តាឡីស័ក១៤ថ្ងៃ។លោក ហូ សុខហួន ប្រធានមន្ទីរពេទ្យបង្អែកស្រុកស្រែអំបិល ឱ្យដឹងនៅរសៀលថ្ងៃទី១១ ខែឧសភានេះថា ពិតជារកឃើញបុរសម្នាក់ដែលបានកើតជំងឺកូវីដ១៩ប៉ុស្តិ៍ពិនិត្យសុខភាព តាមបណ្តោយផ្លូវជាតិលេខ៤៨ ភូមិអូរជ្រៅ ឃុំបឹងព្រាវ ប្រាកដមែន ដោយបុរសរូបនេះ បានធ្វើដំណើរមកពីភូមិសំបូរ ឃុំសំបូរ ស្រុកបាធាយ ខេត្តកំពង់ចាម តាមរយៈរថយន្តក្រុងក្រុមហ៊ុនអូឡុងពេជ្រ ចូលមកកាន់ទឹកដីខេត្តកោះកុង កាលពីថ្ងៃទី១០ ឧសភា ម្សិលមិញ។លោកប្រធានមន្ទីរពេទ្យបង្អែកស្រុកស្រែអំបិល បន្ថែមទៀតថា បច្ចុប្បន្នបុរសឈ្មោះ ហៀក ហេង វ័យ៤២ឆ្នាំបញ្ជូន មកបន្ទប់ពិនិត្យព្យាបាលរួចរាល់ហើយ។ ដោយឡែកអ្នករួមដំណើរចំនួន៧នាក់ បូកនឹងអ្នកបើកឡាន ធ្វើតេស្តអវិជ្ជមាន ប៉ុន្តែតម្រូវឱ្យធ្វើចត្តាឡីស័ក នៅអតីតអគារការិយាល័យបរិស្ថានស្រុក។គួរកត់សម្គាល់ថា ប៉ុន្មានថ្ងៃនេះ មានមនុស្ស៣នាក់ហើយដែលរកឃើញកើតជំងឺកូវីដ ក្រោយធ្វើតេស្តរហ័សនៅប៉ុស្តិ៍ពិនិត្យសុខភាពផ្លូវជាតិលេខ៤៨ ឃុំបឹងព្រាវ ហើយពួកគេសុទ្ធតែទទួលបានការព្យាបាលយ៉ាងដិតដល់ក្រុមគ្រូពេទ្យ។ឯកឧត្តម វេជ្ជបណ្ឌិត ទៅ ម៉ឹង ទីប្រឹក្សាក្រសួង និងជាមន្ទីរសុខាភិបាលខេត្តកោះកុង ថ្លែងថា គោលដៅអ្នកដំណើរខាងលើមកកោះកុង ដើម្បីរកការងារធ្វើ និងមកលេងបងប្អូន។ ឯកឧត្តម នៅតែចាត់ទុកថារក្សាប៉ុស្តិ៍ត្រួតពិនិត្យសុខភាពអ្នកដំណើរតាមដងផ្លូវជាតិដើរតួនាទីយ៉ាងសំខាន់មិនអាចខ្វះបានលើវិធានការទប់ស្កាត់ជំងឺកូវីដឆ្លងរាលដាលក្នុងសហគមន៍។លោក ជា ច័ន្ទកញ្ញា អភិបាលស្រុកស្រែអំបិល ពន្យល់ថា តាមការសម្រេចរបស់សម្តេចតេជោ អនុញ្ញាតឱ្យធ្វើដំណើរឆ្លងខេត្ត និងបើកដំណើរការតំបន់ទេសចរណ៍កម្សាន្តឡើងវិញ ការដាក់ប៉ុស្តិ៍ពិនិត្យសុខភាពចំពោះអ្នកដំណើរដែលបានឆ្លងកាត់ភូមិសាស្ត្រស្រុក គឺមិនហាមឃាត់ការធ្វើដំណើររបស់បងប្អូនពលរដ្ឋទេ តែចាំបាច់អនុវត្តវិធានការសុខាភិបាលដោយវាស់កម្ដៅ លាងដៃនឹងអាល់ ពាក់ម៉ាស់ឱ្យត្រឹមត្រូវ ព្រមទាំងសួរនាំពីប្រវត្ថិ និងគោលដៅធ្វើដំណើរចូលមកខេត្តកោះកុង។បច្ចុប្បន្ន ខេត្តកោះកុង មានតែអ្នកជំងឺកូវីដ៧នាក់ ជាជនជាតិចិន កំពុងសម្រាកព្យាបាលជំងឺនៅក្នុងមន្ទីរពេទ្យស្រុកស្រែអំបិល ក៏តែមិនយូរនោះទេ ពួកគេនឹងជាសះស្បើយពីជំងឺហើយ ក្រោមការយកចិត្តទុកដាក់ពិនិត្យតាមដានព្យាបាល និងយកសំណាកទៅតេស្តជាបន្តបន្ទាប់គ្នា៕អត្ថបទ ៖ ឈឹម មករា

បណ្ដាញសង្គម

ព័ត៌មានថ្មីៗ

អឺរ៉ុបត្រៀមខ្លួនឆ្លើយតបវិបត្តិថាមពលដោយសារសង្គ្រាមអ៊ីរ៉ង់ ជាលើកទី២ រយៈពេល ៤ឆ្នាំ

ការចរចា រវាងអាមេរិក និងអ៊ីរ៉ង់ មិនច្បាស់លាស់ ដោយដំណើររបស់លោក Vance ត្រូវបានលុបចោល

ក្រសួង-ស្ថាប័នចំនួន៣ ចាប់ផ្ដើមទទួលពាក្យជ្រើសរើសមន្ត្រីថ្មី ក្រោយទទួលការអនុញ្ញាតពីរដ្ឋាភិបាល

មន្ទីរពេទ្យគន្ធបុប្ផា អំពាវនាវដល់ពលរដ្ឋចូលរួមបរិច្ចាគឈាម ខណៈតម្រូវការឈាមកើនឡើង

គ.ស.ម.ក. ដាក់លិខិតទៅកាសែត The Wall Street Journal ឱ្យលុបពាក្យ “Scambodia” និងសុំទោសជាផ្លូវការចំពោះកម្ពុជា

មគ្គទេ្ទសក៍ទេសចរណ៍ជិត១០០នាក់ ចូលរួមប្រលងដំឡើងកម្រិតមគ្គទ្ទេសក៍ទេសចរណ៍ថ្នាក់ជាតិ និងតំបន់

ប្រជានុរាស្រ្តបន្តបួងសួងថ្វាយព្រះពរព្រះមហាក្សត្រឱ្យឆាប់ជាសះស្បើយពីព្រះរោគ

អ្នកវិភាគនយោបាយបង្ហាញសុទិដ្ឋិនិយមចំពោះការរីកចម្រើនទំនាក់ទំនងបន្ថែមទៀតរវាងចិន និងកម្ពុជា

អ៊ីរ៉ង់រិះគន់ខ្លាំងៗ ចំពោះការចរចាសន្តិភាពរបស់អាមេរិក ដោយចាត់ទុកថា ជាការ «ខ្ជះខ្ជាយពេលវេលា»

អ្នកនាំពាក្យ៖ បញ្ហាព្រំដែនជាមួយថៃមិនធ្វើឱ្យពលរដ្ឋខ្មែរបាក់ទឹកចិត្តឡើយតែធ្វើឱ្យរួបរួមគ្នាកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ

មនុស្ស០៥នាក់ទៀតស្លាប់ ដោយសារជំងឺកូវីដ-១៩ ខណៈកម្ពុជារកឃើញមនុស្ស៤៧២នាក់ទៀតបានឆ្លងមេរោគនេះ

ករណីមនុស្ស០៥នាក់ឆេះស្លាប់ ក្នុងភ្នក់ភ្លើង នៅខេត្តកំពង់ឆ្នាំង ឃាតករគឺជាប្តី និងជាឪពុក

សមត្ថកិច្ចបាត់ដំបង ឃាត់ខ្លួនមេខ្យល់ ០៣នាក់ បម្រុងនាំពលករ ១៤នាក់ លួចឆ្លងដែនទៅថៃ

វ៉ាក់សាំងមកដល់ថ្មី ត្រូវផ្តល់ទៅតំបន់ក្រហម ខណៈពលរដ្ឋដែលត្រូវចាក់នៅតំបន់នេះកើនជិត ៨សែននាក់

សមត្ថកិច្ចកោះហៅ ម្ចាស់ហ្វេសបុកឈ្មោះឱសថស្ថានបុរាណភ្នំទ្រទ្រង់ មកធ្វើកិច្ចសន្យាទទួលកំហុសរបស់ខ្លួន

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មនុស្ស​ជិត​៣ម៉ឺន​នាក់ ​នៅក្នុង​ខេត្តតាកែវ​ បាន​ចាក់​វ៉ាក់សាំង​ទាំងពីរ​លើក

អាជ្ញាធរខេត្ត​បាត់ដំបង​ បញ្ជូន​ក្រុម​មេខ្យល់​ជាង​៥០​នាក់​ ទៅ​តុលាការ

ក្រុង​តាខ្មៅ​ បាន​វិនិច្ឆ័យ​ជា​តំបន់​លឿង ​ខណៈ​តំបន់​ក្រហម​ ក្នុងភូមិ​តាខ្មៅ​២ ​ប្រែជា​តំបន់​លឿងទុំ​

ករណី​មនុស្ស០៥នាក់ឆេះស្លាប់​ ក្នុង​ភ្នក់ភ្លើង​ នៅខេត្តកំពង់ឆ្នាំង ​​ឃាតករ​គឺ​ជា​ប្តី ​និង​ជា​ឪពុក

សមត្ថកិច្ច​​​បាត់ដំបង​ ឃាត់ខ្លួន​មេខ្យល់ ០៣​នាក់ បម្រុង​នាំ​ពលករ ​១៤​នាក់ លួច​ឆ្លងដែន​ទៅ​ថៃ​

អ្នក​ដំណើរ​៧​នាក់​សង្ស័យ​ និង​ម្នាក់ទៀត​ រក​ឃើញវិជ្ជមាន​​កូ​វីដ​១៩​ នៅ​ស្រុក​ស្រែអំបិល​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ

ករណីមនុស្ស០៥នាក់ឆេះស្លាប់ ក្នុងភ្នក់ភ្លើង នៅខេត្តកំពង់ឆ្នាំង ឃាតករគឺជាប្តី និងជាឪពុក

សមត្ថកិច្ចបាត់ដំបង ឃាត់ខ្លួនមេខ្យល់ ០៣នាក់ បម្រុងនាំពលករ ១៤នាក់ លួចឆ្លងដែនទៅថៃ

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល