នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់
នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ
ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

អាជ្ញាធរខេត្ដ បិទផ្អាកបណ្ដោះអាសន្នរោងចក្រប្រាំ ក្នុងតំបន់សេដ្ឋកិច្ចពិសេស ដែលពាក់ព័ន្ធនឹងអ្នកជំងឺកូវីដ-១៩

2021/05/04 05:12:27 am        792
Facebook Telegram Linkin
 ព្រះសីហនុ ៖ វិបត្ដិឆ្លងរីករាលដាលជំងឺកូវីដ-១៩ នៅក្នុងសហគមន៍ បានធ្វើឱ្យអាជ្ញាធរខេត្ដ សម្រេចបិទផ្អាក​បណ្ដោះអាសន្ន និងដាក់ ជាមណ្ឌលចត្ដាឡីស័ក ទីតាំងពាណិជ្ជកម្មចម្រុះជាង ១០០កន្លែង រហូតដល់​សម្រេច​បិទខ្ទប់ក្រុងព្រះសីហនុ ទាំងមូល និងបាន កំណត់ទីតាំងខ្លះជាតំបន់ក្រហម​ ដោយសារមានការ​ឆ្លងរីករាល​ដាលធ្ងន់ធ្ងរជំងឺកូវីដ-១៩ នៅក្នុងសហគមន៍។ការឆ្លងរីករាល ដាលជំងឺនេះ នៅតែមិនថមថយរហូតកើតមាននៅក្នុងរោងចក្រសហគ្រាស ដែលធ្វើឱ្យអាជ្ញាធរ​ខេត្ដ សម្រេចបិទផ្អាកបណ្ដោះ អាសន្នរោងចក្រ ៥កន្លែងបន្ថែមទៀត ដែលជាប់ពាក់ព័ន្ធនឹងអ្នកជំងឺកូវីដ-១៩ រហូតមកដល់ថ្ងៃទី៤ ខែឧសភា ឆ្នាំ២០២១។អ្នកនាំពាក្យសាលាខេត្តព្រះសីហនុ លោក ឃាង ភារម្យ ប្រាប់ថា ដើម្បីទប់ស្កាត់ការឆ្លងរីករាលដាលជំងឺកូវីដ-១៩ បន្ថែមទៀត ដល់កម្មករនៅក្នុងរោងចក្រ រដ្ឋបាលខេត្ដព្រះសីហនុ​ បានសម្រេចផ្អាកជាបណ្ដោះអាសន្ន​ដំណើរការអាជីវកម្មរោងចក្រចំនួន ០៥ គឺរោងចក្រ Nature Flooring, TGH Cambodia, ជាំងសាង (ខេមបូឌា) ស្ព័ត & ស្ដេសិនណឺរី, ដាប់ប៊ែលយូ អ៊ីជីស៊ី មេនូហ្វេកធើរីង និងរោងចក្រ ខេម អាយឃែរ ក្នុងតំបន់សេដ្ឋកិច្ច​ពិសេសក្រុងព្រះសីហនុ ស្ថិតនៅភូមិពូធឿង ឃុំបិតត្រាំង ស្រុកព្រៃនប់ ខេត្ដព្រះសីហនុ ដែលជាប់ពាក់ព័ន្ធ​ នឹងអ្នកជំងឺកូវីដ-១៩។ លោក បន្ដថា ខេត្ដ បានបិទផ្អាកបណ្ដោះអាសន្ន និងដាក់ជាមណ្ឌលចត្ដាឡីស័កទីតាំងពាណិជ្ជកម្ម​ចម្រុះ​សរុបជាង ១០០ កន្លែង ដែលមានការពាក់ព័ន្ធជាមួយអ្នកជំងឺកូវីដ-១៩ ក្នុងនោះខេត្ដបានចបញ្ចប់ជាមណ្ឌល​ចត្តាឡីស័ក និងបើកឱ្យដំណើរ ការអាជីវកម្មឡើងវិញសរុបជិត ១០០ទីតាំង និងបានអនុញ្ញាត​ឱ្យមានអ្នកចេញ​ពីមណ្ឌលចត្តាឡីស័កសរុបជាង ១ម៉ឺននាក់ (ស្រី៥ពាន់) និងអ្នកនៅក្នុងមណ្ឌលចត្តាឡីស័កថ្ងៃនេះជាង ២ម៉ឺននាក់ (ស្រីជាង១ម៉ឺន)។ គិតត្រឹមម្សិលម៉ិញថ្ងៃទី៣ ខែឧសភា ខេត្ដ រកឃើញអ្នកវិជ្ជមានចម្រុះជាតិសាសន៍ (អ្នកឆ្លងជំងឺកូវីដ-១៩) សរុបជិត ២.០០០នាក់ (ស្រីជាង១.០០០) ក្នុងនោះមានអ្នកជាសះស្បើយសរុបជាង ៨០០នាក់ (ស្រីជាង៥០០) និងអ្នកជំងឺស្លាប់ ដោយសារជំងឺកូវីដ-១៩ សរុបចំនួន ០៨នាក់ (ស្រី៥) ជនជាតិខ្មែរទាំងអស់។ ចណែកឯអ្នកជំងឺនៅសល់ជាង ១.០០០នាក់ ភាគច្រើនជាជនជាតិខ្មែរ (ស្រីជាង ៦០០) បាន​និងកំពុងបន្ដសម្រាកព្យាបាលនៅមន្ទីរពេទ្យបង្អែកខេត្ដព្រះសីហនុ និងកន្លែងព្យាបាលសណ្ឋាគារ​សាកាណា និងសណ្ឋាគារសម័យថ្មី អន្ដរជាតិ ក្រុងព្រះសីហនុ៕អត្ថបទ៖ គង់ ប៊ុនថា

ខេត្តកំពង់ធំ រកឃើញអ្នកឆ្លងសហគមន៍ កើនឡើងដល់៥១នាក់ និងកំពុងធ្វើច័ត្តាឡីស័ក១.២៥៤នាក់

2021/05/04 10:56:35 am        89
Facebook Telegram Linkin
កំពង់ធំ៖ ព្រឹត្តិការណ៍ឆ្លងសហគមន៍២០ កុម្ភៈ ចាប់ផ្តើមឆ្លងទៅកាន់ខេត្តកំពង់ធំកាលពីដើមខែមីនា ឆ្នាំ២០២១, គិតរហូតមកដល់ថ្ងៃទី០៤ ខែឧសភា ឆ្នាំ២០២១ នេះចំនួនអ្នកឆ្លងមានចំនួន៥១នាក់ និងកំពុងសម្រាកធ្វើច័ត្តាឡីស័កចំនួន១.២៥៤នាក់។តាមរបាយការណ៍បញ្ជាក់របស់របាលខេត្តកំពង់ធំ នៅថ្ងៃទី០៤ ខែឧសភា ឆ្នាំ២០២១, បញ្ជាក់ថា ចំនួនអ្នកឆ្លងកូវីដ១៩ ក្នុងខេត្តកំពង់ធំ កំពុងកើនឡើងខ្ពស់ឆាប់រហ័សពាក់ព័ន្ធព្រឹត្តិការណ៍ឆ្លងសហគមន៍ ដែលនៅព្រឹកនេះផ្ទាល់មានអ្នកឆ្លងសរុបចំនួន៥១នាក់ និងកំពុងធ្វើច័ត្តាឡីស័ក ចំនួន១.២៥៤នាក់។ បច្ចុប្បន្ននេះ គ្រប់ក្រុងស្រុកទាំងប្រាំបួន រៀបចំមណ្ឌលច័ត្តាឡីស័ករៀងៗខ្លួន ដែលមណ្ឌលច័ត្តាឡីស័កទាំងអស់រៀបចំនូវការស្នាក់នៅនៃអ្នកប៉ះពាល់ផ្ទាល់ និងប្រយោលផ្សេងគ្នា។របាយការណ៍ដដែល បាន​បញ្ជាក់ថា បច្ចុប្បន្នព្រឹត្តិការណ៍ឆ្លងសហគមន៍នៅភូមិខេត្តកំពង់ធំទាំងមូលកើតឡើងចំនួនបួនស្រុក ក្នុងចំណោមប្រាំបួនក្រុង មានស្រុកតាំងគោក ស្រុកប្រាសាទសំបូរ ស្រុកស្ទោង និងស្រុកកំពង់ស្វាយ ដែលមានអ្នកចំនួនអ្នកប៉ះពាល់ផ្ទាល់កើនឡើងជាបន្តបន្ទាប់ និងរកឃើញអ្នកវិជ្ជមានថ្មីៗបន្ថែមទៀត ពាក់ព័ន្ធ ជាមួយការឆ្លងរីករាលដាល នៅភូមិលាបទង ស្រុកស្ទោង ខេត្តកំពង់ធំ។ ជាក់ស្តែងកាលពីថ្ងៃទី០៣ ខែឧសភា សំណាកវិជ្ជមានអ្នកដែលជាប់ព្រឹត្តិការណ៍នៅភូមិលាបទង ផ្សារសេរីស្ទោង មានអ្នកវិជ្ជមានថ្មីចំនួន ១៥នាក់ ។ សរុបរួមនៅថ្ងៃទី០៤ ខែឧសភា ឆ្នាំ២០២១ នេះ ចំនួនអ្នកឆ្លងសរុបមាន៥១នាក់ អ្នកធ្វើតេស្ដ​ សំណាកសរុបចំនួន១.២៥៤នាក់ ព្យាបាលជាសះស្បើយចេញពីមន្ទីរពេទ្យខេត្តចំនួន១២នាក់, កំពុងសម្រាក និងព្យាបាលនៅមន្ទីរពេទ្យខេត្តចំនួន៣៩នាក់ និងកំពុងបិទខ្ទប់ភូមិលាបទង ផ្សារសេរីស្ទោង ស្ថិតនៅក្នុងស្រុកស្ទោង ដើម្បីបន្តស្រាវជ្រាវរកអ្នកដែលពាក់ព័ន្ធ និងធ្វើតេស្ដ​រកករណីវិជ្ជមានលើប្រជាពលរដ្ឋប៉ះពាល់ផ្ទាល់ និងប្រយោលបន្ថែមទៀត។ ឯកឧត្តម សុខ លូ អភិបាលខេត្តកំពង់ធំ សូមអំពាវនាវដល់ប្រជាពលរដ្ឋទាំងអស់ដែលពាក់ព័ន្ធដោយផ្ទាល់ និងប្រយោល នៅផ្សារសេរីស្ទោងទាំងអស់បន្តធ្វើច័ត្តាឡីស័កខ្លួនឯងចំនួន១៤ថ្ងៃ និងតាមដានសុខភាពខ្លួនជាប្រចាំក្នុងករណីមានបញ្ហាសុខភាព ត្រូវប្រញាប់ រាយការណ៍មកកាន់អាជ្ញាធរ ឬហៅទូរស័ព្ទទៅកាន់លេខ១១៥ ដោយឥតគិតថ្លៃដើម្បីទទួលបានសេវាសុខាភិបាលជាបន្ទាន់៕

អភិបាលខេត្តកោះកុង ជំរុញឱ្យមន្រ្តីជំនាញ​ពន្លឿន​ការរកទីតាំងធ្វើឈាបនដ្ឋាន

2021/05/03 04:15:27 pm        467
Facebook Telegram Linkin
កោះកុង ៖ ​លោកជំទាវអភិបាលខេត្តកោះកុង នៅព្រឹកថ្ងៃទី៣ ខែឧសភានេះ ប្រាប់ដល់មន្រ្តីជំនាញពាក់ព័ន្ធប្រឹងប្រែងពន្លឿនការងារកំណត់រកទីតាំងសាងសង់ ឈាបនដ្ឋាន​ បូជាសពអ្នកស្លាប់​ដោយ​សារជំងឺកូវីដ១៩។លោកជំទាវ មិថុនា ភូថង អភិបាលខេត្តកោះកុង ដឹកនាំមន្រ្តីអង្គភាពមន្ទីរជំនាញចុះពិនិត្យមើលទីតាំង​ដោយផ្ទាល់ ស្ថិតនៅតាមបណ្តោយផ្លូវជាតិលេខ៤៨​ ត្រង់ចំណុចបង្គោលគីឡូម៉ែត្រ​លេខ១៣៦ ភូមិទួលគគីរលើ ឃុំទួលគគីរ ស្រុកមណ្ឌលសីមា​ ដើម្បីរកទីតាំង​ដ៏​សមស្រប​មួយ​សម្រាប់​សាងសង់ ឈាបនដ្ឋាន បូជាសពស្លាប់ដោយជំងឺកូវីដ-១៩។លោកជំទាវអភិបាលខេត្ត ក៏ណែនាំឱ្យមន្រ្តីមន្ទីរជំនាញ ចំណុះដោយខេត្ត ចាំបាច់ពន្លឿនការងារវាស់វែងរៀបចំទីតាំង និងគូសប្លង់ឈាបនដ្ឋានឱ្យបានលឿន មុននឹងផ្តើមដំណើរការសាងសង់នៅពេលខាងមុខឆាប់ៗ។គម្រោងសាងសង់ឈាបនដ្ឋាននេះ ត្រូវបានលោក ឃឹម ច័ន្ទឌី អភិបាលរងខេត្តកោះកុង លើកឡើងថា ដោយសារតែលក្ខណៈភូមិសាស្រ្តខេត្តរវាងទីរួមខេត្ត និងបណ្តាស្រុកឆ្ងាយពីគេ និងមន្ទីរពេទ្យព្យាបាលអ្នកជំងឺកូវីដ ១៩ផងនោះ។ ខេត្តនឹងធ្វើឈាបនដ្ឋានចំនួន២ទីតាំងលើដីបម្រុង​ទុករបស់ខេត្ត ដោយទី១នៅឃុំទួលគគីរ ស្រុកមណ្ឌលសីមា និងទី២នៅស្រុកបូទុមសាគរ។លោក ឃឹម ច័ន្ទឌី បន្ថែមទៀតថា កន្លងទៅ ក្រុមការងារខេត្តធ្លាប់សិក្សារើសទីតាំងនៅតំបន់បន្ទាយ៩៧ម្តង ហើយសម្រាប់ទីរួមខេត្ត ប៉ុន្តែលក្ខណៈភូមិសាស្រ្តស្ថិតនៅឆ្ងាយពិបាកធ្វើដំណើរក៏កំណត់មកទីតាំងនៅថ្មីឃុំទួលគគីរដែលមានរយៈចម្ងាយ១០០ម៉ែត្រពីផ្លូវជាតិលេខ៤៨។ករណីមានអ្នកស្លាប់ដោយកូវីឌ១៩នៅមន្ទីរពេទ្យបង្អែកស្រុកស្រែអំបិល កន្លងទៅពិនិត្យឃើញថា វត្តស្ទឹងពង្រូលមានទីតាំងឆ្ងាយពីទីរួមស្រុក ក៏តម្រូវឱ្យយកមកបូជានៅគម្រោងធ្វើឈាបន​ដ្ឋានផង ធ្វើឡដុតកាកសំណល់ជីវសាស្រ្តផង នៅលើដីបម្រុងទុករបស់ឃុំជីត្រេះ ស្រុកបូទុមសាគរ វិញ។ចំពោះផ្ទៃដីស្ថាបនាឈាបនដ្ឋានកំណត់យកដីប្រើប្រាស់២ហិចតាក្នុងមួយឈាបនដ្ឋាន រីឯថវិកាដែលត្រូវចំណាយលើដំណើរការសាងសង់ គឺរដ្ឋបាលខេត្តជាអ្នកទទួលបន្ទុកគៀងគរមូលនិធិពីសប្បុរសជនឱ្យបានឆាប់រហ័ស៕អត្តបទ ឈឹម មករា

អាជ្ញាធរខេត្តតាកែវ សម្រេចផ្អាកដំណើរការរោងចក្រចំនួន៤ ​នៅស្រុកបាទី

2021/05/03 07:09:11 am        204
Facebook Telegram Linkin
តាកែវ៖ រដ្ឋបាលខេត្តតាកែវ នៅព្រឹកថ្ងៃទី០៣ ខែឧសភា ឆ្នាំ២០២១នេះ បានចេញសេចក្តីសម្រេចមួយ ដោយធ្វើការផ្អាកដំណើរការ ជាបណ្តោះអាសន្នចំពោះរោងចក្រចំនួន ៤ ដែលមានទីតាំងនៅក្នុងឃុំឃ្លាំងសម្បត្តិ ស្រុកបាទី ខេត្តតាកែវ និងតម្រូវឲ្យកម្មករនិយោជិតជាង១២០០នាក់ ត្រូវធ្វើតេស្តរកវីរុសកូវីដ១៩ និងធ្វើចត្តាឡីស័ក ឲ្យបានត្រឹមត្រូវ។លោក ម៉ឹង វីរីយ៉ា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តតាកែវ បានថ្លែងឲ្យដឹងថា អាជ្ញាធរខេត្តបានសម្រេចផ្អាកជាបណ្តោះអាសន្ន នូវចង្វាក់ផលិតកម្មក្រុមហ៊ុនចំនួន៤ រួមមាន ទី១ ក្រុមហ៊ុន ភីវី អ៊ុនដាសស្រ្ទី ខេមបូឌា មានកម្មករ កម្មការិនី សរុបចំនួន ៧៦៤ នាក់ក្នុងនោះស្រី៥៣៣នាក់ ទី២ ក្រុមហ៊ុនហួរ លីមី ខេមបូឌា មានកម្មករ កម្មការិនី សរុបចំនួន១៤០នាក់ ក្នុងនោះស្រី៨៧នាក់។ ទី៣ ក្រុមហ៊ុនលូន វៃ ថេកស្តាយ មានកម្មករ កម្មការិនី សរុបចំនួន១៩នាក់ ក្នុងនោះ ស្រី០៨នាក់។ទី៤ ក្រុមហ៊ុនលីនតុន មេនូហ្វេកធើរីង មានកម្មករកម្មការិនី សរុបចំនួន ២៧៨ នាក់ ក្នុងនោះស្រី១៩៥ នាក់ ចាប់ពីថ្ងៃទី០៣ ខែឧសភា ឆ្នាំ២០២១ រហូតដល់មានការជូនដំណឹងជាថ្មី។លោកប្រធានមន្ទីរការងារ និងបណ្ដុះបណញដាលវិជ្ជាជីវៈខេត្តតាកែវ មានប្រសាសន៍បន្តថា ចំពោះ និយោជក និយោជិត និងកម្មករ កម្មការិនីទាំង៤ក្រុមហ៊ុន​ ត្រូវសហការចូលរួមផ្តល់ ​សំណាកទៅវិភាគរកមេរោគកូវីដ-១៩ ដល់មន្ត្រីសុខាភិបាលដែល និងទៅយកសំណាកដល់រោងចក្រផ្ទាល់តែម្ដង ​ព្រមទាំងចូលរួមសហការ​ជាមួយអាជ្ញាធរ ក្នុងការទប់ស្កាត់ ស្រាវជ្រាវ និងរុករកអ្នកប៉ះពាល់ផ្សេងៗទៀត ដើម្បីយកសំណាកទៅពិនិត្យរកជំងឺកូវីដ១៩។លោក ម៉ឹង វីរីយ៉ា មានប្រសាសន៍បន្តថា ​និយោជក និយោជិត និងកម្មករ កម្មការិនី នៃក្រុមហ៊ុនទាំង៤ ​បន្ទាប់ពីបានយកសំណាករួច ត្រូវធ្វើចត្តាឡីស័ក ឱ្យបានត្រឹមត្រូវតាមការណែនាំ របស់ក្រសួងសុខាភិបាល​ ដោយឡែកចំពោះរោងចក្រទាំង៤នេះអាច និងត្រូវផ្អាកដំណើរការចំនួន១៤ថ្ងៃ ទើបអាចដំណោះការជាធម្មតាវិញ ៕ 

បុគ្គលិក​ក្រុមហ៊ុនវីរ៉ាក់ប៊ុនថាំ ត្រូវ​បាន​មន្ទីរសុខាភិបាលខេត្តបាត់ដំបង យកសំណាកមកពិនិត្យជាថ្មី រកឃើញអវិជ្ជមានកូវីដ១៩ទាំងអស់​

2021/05/03 12:15:59 pm        309
Facebook Telegram Linkin
បាត់ដំបង ៖ បើតាមការចេញលទ្ធផលរបស់មន្ទីរសុខាភិបាលខេត្តបាត់ដំបង នាយប់រំលងអាធ្រាត ឈានចូលថ្ងៃទី០៣ខែឧសភា ក្រោយពីយកសំណាក បុគ្គលិកវីរៈប៊ុនថាំ សាខាខេត្តបាត់ដំបង ចំនួន៨៨នាក់ ក្នុងនោះស្រី៣៥នាក់ រួមទាំងតៃ កុងឡាន ដែលអាជ្ញាធរខេត្តប៉ៃលិន បានរកឃើញវិជ្ជមានកូវីដ១៩នោះ គឺលទ្ធផលតេស្ត ដោយ ម៉ាស៊ីន GyneXpert របស់មន្ទីរសុខាភិបាលខេត្តបាត់ដំបង គឺអវិជ្ជមានកូវីដ១៩ទាំងអស់ ។ទោះបីយ៉ាងណាគេនៅរង់ចាំលទ្ធផលបញ្ជាក់បន្ថែមទៀតពីប៉ាស្ទ័រទីក្រុងភ្នំពេញ ចំពោះតៃកុងឡានដែលអាជ្ញាធរ ខេត្តប៉ៃលិនរកឃើញថា វិជ្ជមានកូវីដ១៩នោះ ។លោកបណ្ឌិតវឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបង បានបញ្ជាក់ឲ្យដឹងថា តៃកុងឡានដែលអាជ្ញាធរខេត្តប៉ៃលិន តេស្តរកឃើញវិជ្ជមាន កូវីដ១៩នោះ ត្រូវបានមន្ទីរសុខាភិបាលខេត្តបាត់ដំបង យកមកពិនិត្យជាថ្មីឃើញ លទ្ធផលផ្ទុយពីអាជ្ញាធរខេត្តប៉ៃលិន គឺលទ្ធផលតេស្តថ្មី អវិជ្ជមានកូវីដ១៩ ។សូមបញ្ជាក់ថា តៃកុងឡានម្នាក់របស់ក្រុមហ៊ុនវីរៈប៊ុនថាំ ដែលដឹកឥវ៉ាន់មានទិសដៅពី ពីក្រុងប៉ោយប៉ែត ខេត្តបន្ទាយមានជ័យ កាត់តាមផ្លូវជាតិលេខ៥៩ មកទម្លាក់ឥវ៉ាន់នៅក្បាលដំរី និង ស្រុកម៉ាឡៃ ព្រមទាំង ស្រុកជាប់ព្រំដែនទាំងបីរបស់ខេត្តបាត់ដំបង កំរៀង ភ្នំព្រឹក សំពៅលូន និង ខេត្តប៉ៃលិន នោះ ត្រូវបាន មន្រ្តី ជំនាញនៅខេត្តប៉ៃលិន ស្ទាក់នាំយក ទៅពិនិត្យ សំណាក ឃើញមានវិជ្ជមាន កូវីដ១៩ម្នាក់ នាថ្ងៃទី០២ខែឧសភា។ក្រោយពីទទួលបានព័ត៌មាននេះ រដ្ឋបាលខេត្តបាត់ដំបង បានសម្រេចបិទការិយាល័យ ក្រុមហ៊ុនដឹក ជញ្ជូនវីរៈប៊ុនថាំនៅស្រុកកំរៀង ស្រុកភ្នំព្រឹក និង សំពៅលូនភ្លាមៗ នាព្រលប់ថ្ងៃទី០២ខែឧសភា ។ចំណែកសាខា៤ទីតាំងក្នុងក្រុងបាត់ដំបង ក៏ត្រូវបានចងខ្សែបិទការចេញចូល និង ប្រមូលសំណាក បុគ្គលិកទាំង៧សាខា ខាងលើ ចំនួន ៨៨នាក់ មកយកសំណាកធ្វើតេស្តទាំងយប់ គឺលទ្ធផល អវិជ្ជមានទាំងអស់ ។ក្រោយពីលទ្ធផលតៃកុងដែលអាជ្ញាធរខេត្តប៉ៃលិន រកឃើញវិជ្ជមានកូវីដ១៩នោះ បែជាមន្ទីរសុខាភិបាល ខេត្តបាត់ដំបង រកឃើញអវិជ្ជមានកូវីដ១៩វិញនោះ គេមិនទាន់ដឹងថា អាជ្ញាធរមានចំណាត់ ការយ៉ាងណាបន្តទៀតនោះទេ ជុំវិញទីតាំងរបស់ក្រុមហ៊ុនដឹកជញ្ជូនវីរៈប៊ុនថាំខាងលើនេះ ៕អត្ថបទ ៖ សុខរិទ្ធ

ពលរដ្ឋខ្មែរ០៤នាក់ទៀតស្លាប់ដោយសារជំងឺកូវីដ-១៩ តួលេខអ្នកស្លាប់សរុបឡើងដល់១០៦នាក់

2021/05/03 11:34:47 am        490
Facebook Telegram Linkin
ភ្នំពេញ៖ ក្រសួងសុខាភិបាលប្រកាសនៅថ្ងៃនេះថា ពលរដ្ឋខ្មែរ ០៤នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុប ឡើងទៅដល់ ១០៦នាក់។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ពលរដ្ឋខ្មែរទាំង ០៤នាក់ដែលបានស្លាប់ដោយសារជំងឺកូវីដ-១៩នោះ សុទ្ធតែជាបុរសទាំងអស់។ក្រសួងសុខាភិបាលឱ្យដឹងថា បុរសម្នាក់អាយុ ២៤ឆ្នាំ ដែលរស់នៅក្នុងស្រុកបាធាយ ខេត្តកំពង់ចាម បានស្លាប់កាលពីថ្ងៃសៅរ៍កន្លងមកនេះ នៅឯមន្ទីរពេទ្យបង្អែកខេត្ត ៣ថ្ងៃប៉ុណ្ណោះក្រោយពីបុរសរូបនេះ ត្រូវបានរកឃើញឆ្លងមេរោគកូវីដ-១៩ បន្ថែមលើជំងឺប្រចាំកាយផងដែរ។ក្រសួងបានឱ្យដឹងទៀតថា បុរសម្នាក់ទៀតអាយុ ៤០ឆ្នាំដែលរស់នៅក្នុងខណ្ឌទួលគោក បានស្លាប់កាលពីថ្ងៃម្សិលមិញនេះ នៅឯមន្ទីរពេទ្យមិត្តភាពខ្មែរ-សូវៀត ១៩ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ-១៩។ចំណែកឯបុរសម្នាក់ទៀតអាយុ៥៥ឆ្នាំ ដែលរស់នៅក្នុងខណ្ឌមានជ័យ ក្រសួងសុខាភិបាលបញ្ជាក់ថា បានស្លាប់កាលពីថ្ងៃម្សិលមិញ នៅឯមន្ទីរពេទ្យមិត្តភាពខ្មែរ-សូវៀតដែរ តែ ៣ថ្ងៃប៉ុណ្ណោះបន្ទាប់ពីគាត់ត្រូវបានរកឃើញឆ្លងមេរោគកូវីដ-១៩ ហើយត្រូវបានបញ្ជូនទៅសម្រាកព្យាបាលនៅមន្ទីរពេទ្យ។ក្រសួងឱ្យដឹងទៀតថា បុរសម្នាក់ទៀតអាយុ៦១ឆ្នាំដែលរស់នៅក្នុងខណ្ឌមានជ័យដែរ បានស្លាប់នៅព្រឹកថ្ងៃនេះ នៅឯមន្ទីរពេទ្យមិត្តភាពខ្មែរ-សូវៀត ៤ថ្ងៃក្រោយពីគាត់ត្រូវបានរកឃើញឆ្លងមេរោគកូវីដ-១៩។ក្រសួងបញ្ជាក់ថា ពលរដ្ឋខ្មែរទាំង ០៤នាក់នេះ បានស្លាប់បាត់បង់ជីវិត បន្ទាប់ពីសួតរបស់ពួកគាត់រលាកធ្ងន់ធ្ងរ ដែលបង្កឡើងដោយវីរុសកូវីដ-១៩។គិតត្រឹមថ្ងៃនេះ តួលេខផ្លូវការចេញដោយក្រសួងសុខាភិបាលបញ្ជាក់ថា កម្ពុជាមានមនុស្សដល់ទៅ ១០៦នាក់ហើយបានស្លាប់ដោយសារជំងឺកូវីដ-១៩នៅក្នុងរយៈពេល ៥២ថ្ងៃចុងក្រោយមកនេះ៕ 

កម្ពុជា​រក​ឃើញ​មនុស្ស​៨៤១​នាក់​ទៀត​ឆ្លង​កូវីដ-១៩ ករណី​ឆ្លង​សរុប​ឡើង​លើស​១​ម៉ឺន៥​ពាន់​នាក់

2021/05/03 04:40:13 am        186
Facebook Telegram Linkin
ភ្នំពេញ៖ ក្រសួង​សុខាភិបាល​បាន​ប្រកាស​នៅ​ថ្ងៃ​នេះ​ថា មនុស្ស​ដល់​ទៅ ៨៤១​នាក់ទៀត​ត្រូវ​បាន​រក​ឃើញ​ឆ្លង​មេរោគ​កូវីដ-១៩ ដែល​នាំ​ឱ្យ​ចំនួន​ឆ្លង​សរុប​នៅ​កម្ពុជា​កើន​ឡើង​លើស ១​ម៉ឺន ៥​ពាន់​នាក់​ហើយ​នៅ​ត្រឹម​ថ្ងៃ​នេះ។ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា ករណី​ឆ្លង​ថ្មី​ទាំង ៨៤១​នាក់​នេះ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគន៍​២០​កុម្ភៈ​ទាំង​អស់។បើតាមក្រសួងសុខាភិបាល ករណីឆ្លងថ្មីដែលប្រកាសនៅថ្ងៃនេះ ត្រូវបានរកឃើញច្រើនបំផុតនៅរាជធានីភ្នំពេញរហូតដល់ ៥២៥នាក់ បន្ទាប់មករកឃើញអ្នកឆ្លងថ្មីចំនួន ១៥៣នាក់ទៀតនៅខេត្តបន្ទាយមានជ័យ ខណៈដែលខេត្តព្រះសីហនុ រកឃើញអ្នកឆ្លងថ្មី ៦២នាក់បន្ថែមទៀត។ក្រសួងសុខាភិបាលឱ្យដឹងទៀតថា ខណៈដែលខេត្តកណ្ដាលរកឃើញអ្នកឆ្លងថ្មី ៣៣នាក់ទៀតនោះ ខេត្តកំពង់ចាមរកឃើញអ្នកឆ្លងថ្មី ២១នាក់បន្ថែមទៀតដែរ ហើយបន្ទាប់មកខេត្តកំពង់ធំ បានរកឃើញអ្នកឆ្លងថ្មី ១៥នាក់បន្ថែមទៀត។សម្រាប់ខេត្តតាកែវ និងខេត្តត្បូងឃ្មុំ រកឃើញអ្នកឆ្លងថ្មី ០៩នាក់បន្ថែមទៀតនៅក្នុងខេត្តនីមួយៗនេះ បន្ទាប់មកខេត្តសៀមរាប និងកំពង់ស្ពឺ រកឃើញ ៧នាក់ និង ៦នាក់បន្តបន្ទាប់គ្នា ហើយខេត្តព្រៃវែងវិញរកឃើញអ្នកឆ្លងថ្មីត្រឹមតែ ០១នាក់ប៉ុណ្ណោះ។គិតត្រឹមថ្ងៃនេះ កម្ពុជារកឃើញមនុស្សដល់ទៅ ១៥ ៣៦១នាក់ហើយបានឆ្លងមេរោគកូវីដ-១៩នៅទូទាំងប្រទេស ក្នុងនោះអ្នកឆ្លងដល់ទៅ ១៤ ៩០៨៦នាក់ ឬខ្ទង់ ៩៦ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ចំណែកអ្នកជាសះស្បើយសរុបវិញ ក្រសួងសុខាភិបាលបញ្ជាក់ថា មានចំនួន ៥ ៤៣០នាក់ហើយ ក្នុងនោះមានទាំងអ្នកជាសះស្បើយថ្មី ៦១នាក់ទៀត ដែលក្រសួងប្រកាសនៅថ្ងៃនេះផងដែរ ខណៈអ្នកជំងឺ ៩ ៨១៨នាក់ទៀត កំពុងស្ថិតក្រោមការព្យាបាលបន្ត៕

ពលរដ្ឋ​កម្ពុជា​០៣​នាក់​ទៀត​ស្លាប់​ដោយសារ​ជំងឺ​កូវីដ-១៩ តួលេខ​អ្នក​ស្លាប់​សរុប​ឡើង​ដល់​៩៦​នាក់

2021/05/01 05:37:13 am        313
Facebook Telegram Linkin
ភ្នំពេញ៖ ក្រសួង​សុខាភិបាល​បាន​ប្រកាស​នៅ​ថ្ងៃ​នេះ​ថា ពលរដ្ឋ​ខ្មែរ០៣​នាក់​ទៀត​បាន​ស្លាប់​ដោយសារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​កើន​ឡើង​ដល់៩៦​នាក់។ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​និយាយ​ថា ពលរដ្ឋ​ខ្មែរ​ទាំង ៣​នាក់​ដែល​ស្លាប់​ដោយសារ​ជំងឺ​កូវីដ-១៩​នោះ មានស្ត្រី ២​នាក់ និង​បុរស​ម្នាក់។ក្រសួងសុខាភិបាល បញ្ជាក់ថា បុរសអាយុ៦១ឆ្នាំ ដែលរស់នៅក្នុងសង្កាត់ផ្សារកណ្ដាល ខណ្ឌដូនពេញ បានស្លាប់បាត់បង់ជីវិតកាលពីថ្ងៃម្សិលមិញនេះនៅឯមន្ទីរពេទ្យមិត្តភាពខ្មែរ-សូវៀត ៦ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ-១៩។រីឯស្ត្រីម្នាក់អាយុ៦៧ឆ្នាំដែលរស់នៅក្នុងសង្កាត់ទួលសង្កែ ខណ្ឌឫស្សីកែវ ក្រសួងសុខាភិបាលបានបញ្ជាក់ថា បានស្លាប់កាលពីថ្ងៃម្សិលមិញនៅឯមន្ទីរពេទ្យមិត្តភាពខ្មែរ-សូវៀតដែរ តែ ១ថ្ងៃប៉ុណ្ណោះក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ-១៩។ក្រសួងសុខាភិបាលឱ្យដឹងទៀតថា ស្ត្រីអាយុ៧៦ឆ្នាំដែលរស់នៅក្នុងសង្កាត់ស្ទឹងមានជ័យ ក្នុងខណ្ឌមានជ័យ បានស្លាប់កាលពីថ្ងៃម្សិលមិញដែរ នៅឯមន្ទីរពេទ្យមិត្តភាពខ្មែរ-សូវៀតដូចគ្នា ត្រឹមតែ ២ថ្ងៃប៉ុណ្ណោះបន្ទាប់ពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ ក្រោយរកឃើញឆ្លងមេរោគកូវីដ-១៩។

រក​ឃើញ​មនុស្ស​៣៨៨​នាក់​ទៀត​ឆ្លង​​កូវីដ-១៩ ខណៈ​អ្នកជាសះស្បើយ​ចំនួន​៤៨​នាក់​ទៀត​បន្ថែមទៀត

2021/05/01 05:41:09 am        220
Facebook Telegram Linkin
 ភ្នំពេញ៖ ក្រសួង​សុខាភិបាល​បាន​ប្រកាស​នៅ​ថ្ងៃ​នេះ​ថា មនុស្ស ៣៨៨​នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ ខណៈ​អ្នក​ជំងឺ ៤៨​នាក់​ទៀត ជាសះ​ស្បើយ​ឡើង​វិញ។ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា ករណី​ឆ្លង​ថ្មី​ដល់​ទៅ ៣៨៧​នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍ ២០​កុម្ភៈ ហើយ ១​ករណី​ទៀត គឺ​ជា​ករណី​នាំ​ចូល​ដែល​ត្រូវ​បាន​រក​ឃើញ​លើ​ពលករ​ខ្មែរ​វិល​ត្រឡប់​មក​ពី​ប្រទេស​ថៃ។បើតាមក្រសួងសុខាភិបាល ករណីឆ្លងថ្មីទាំងអស់នេះ ត្រូវបានរកឃើញច្រើនបំផុតនៅរាជធានីភ្នំពេញដែលមានចំនួនរហូតដល់ទៅ ៣៣១នាក់ បន្ទាប់មកខេត្តបន្ទាយមានជ័យរកឃើញអ្នកឆ្លងថ្មី ៣៥នាក់ ខណៈខេត្តព្រៃវែងរកឃើញអ្នកឆ្លងថ្មី ០៨នាក់។សម្រាប់ខេត្តកណ្ដាលវិញ ក្រសួងបញ្ជាក់ថា រកឃើញអ្នកឆ្លងថ្មី ០៤នាក់ បន្ទាប់មកខេត្តកំពង់ស្ពឺរកឃើញ អ្នកឆ្លងថ្មី ០៣នាក់ ហើយខេត្តតាកែវ និងកំពង់ចាម រកឃើញអ្នកឆ្លងថ្មី ០២នាក់ក្នុងខេត្តនីមួយៗ ខណៈដែលខេត្តសៀមរាប និងស្វាយរៀង រកឃើញត្រឹមតែ ០១នាក់ថ្មីនៅក្នុងខេត្តនីមួយៗ។គិតត្រឹមថ្ងៃនេះ កម្ពុជារកឃើញមនុស្សដល់ទៅ ១៣ ៧៩០នាក់ហើយបានឆ្លងមេរោគកូវីដ-១៩នៅទូទាំងប្រទេស ក្នុងនោះអ្នកឆ្លងមេរោគកូវីដ-១៩ដល់ទៅ ១៣ ២៣៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ទន្ទឹមគ្នានេះ ក្រសួងសុខាភិបាលក៏បញ្ជាក់ផងដែរថា អ្នកជំងឺកូវីដ-១៩សរុបចំនួន ៥ ២០០នាក់ហើយត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៤៨នាក់ដែលក្រសួងប្រកាសនៅថ្ងៃនេះផងដែរ ខណៈអ្នកជំងឺសរុប ៨ ៤៨៧នាក់ទៀត កំពុងស្ថិតក្រោមការព្យាបាលបន្ត៕

អាជ្ញារធរស្រុកឆ្លូង បិទហាងគោដុតមួយកន្លែង និងមនុស្ស​៤នាក់ ពាក់ព័ន្ធករណីវិជ្ជមានកូវីដ -១៩

2021/05/01 05:39:32 am        124
Facebook Telegram Linkin
ក្រចេះ ៖ អាជ្ញារធរមូលដ្ឋានស្រុកឆ្លូង សហការជាមួយមន្រ្តីសុខាភិបាល ដឹកនាំដោយលោក ធីម ស៊ាងឡេង អភិបាលរងស្រុកឆ្លូង បានចុះបិទហាងគោដុតមួយកន្លែង យីហោ ប៉ោលាង គោដុត១៦៨ ជាបណ្ដោះអាសន្ន និងអ្នកពាក់ពន្ធ័ប្រុសស្រីចំនួន ៤នាក់ ត្រូវធ្វើចត្តាឡីស័ក ចំនួន ១៤ថ្ងៃ នៅមន្ទីរពេទ្យបង្អែកស្រុកឆ្លូង ។ការចុះបិតទីតាំងលក់គោដុតខាងលើនោះដែរ គឺធ្វើឡើងកាលពី រសៀលថ្ងៃទី៣០ ខែមេសា ឆ្នាំ២០២១ នៅចំណុច​ភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ដោយមូល ហេតុរកឃើញថា អ្នកមកហូបគោដុតនៅហាងនេះ បានធ្វើតេស្តសំណាករកឃើញ វិជ្ជមានជំងឺកូវីដ-១៩ ។តាមការបញ្ជាក់របស់លោក ធីម ស៊ាងឡេង អភិបាលរងស្រុកឆ្លូង កាលពីរសៀលថ្ងៃ ដដែលនោះដែរ បានបញ្ជាក់ឲ្យដឹងថា ការចុះបិទហាងនេះបណ្ដោះអាសន្ន ដោយមូលហេតុ កាលពីថ្ងៃទី២៧ ខែមេសា ឆ្នាំ២០២១ មានឈ្មោះ តាំង វេងម៉េង ភេទប្រុស អាយុ៥១ឆ្នាំ មានទីលំភូមិប៉ើស២ ឃុំប៉ើស ស្រុកក្រូចឆ្មា ខេត្តត្បូងឃ្មំ  បានមកហូបចុកនៅក្នុងហាង ប៉ោលាងគោដុតនេះ ហើយនៅថ្ងៃទី៣០ ខែមេសានេះ បុរសរូបនោះ ត្រូវធ្វើតេស្តសំណាក់ រកឃើញវិជ្ជមានកូវីដ១៩ នៅខេត្តត្បូងឃ្មុំ ។ដោយឈ្មោះ តាំង វេងម៉េង ជាមនុស្សម្នាក់ក្នុងចំណោមមនុស្ស៥នាក់ផ្សេងទៀត ដែលត្រូវបានរដ្ឋបាលខេត្តត្បូងឃ្មុំ ចេញសេចក្ដីប្រកាសព័ត៌មានស្ដីពី ការរកឃើញមនុស្ស ៥នាក់បន្ថែមទៀត កើតជំងឺកូវីដ-១៩ រស់នៅភូមិដីដុះ ឃុំប៉ើស២ ស្រុកក្រូចឆ្មា ខេត្តត្បូងឃ្មុំ ។ ដោយក្នុងនោះ រួមមាន ទី១- ឈ្មោះ តាំង វេងម៉េង ភេទប្រុស អាយុ៥១ឆ្នាំ, ទី២- ឈ្មោះ នៅ ផល ភេទប្រុស អាយុ៥៨ឆ្នាំ, ទី៣- ឈ្មោះ ឃាង រាង ភេទប្រុស អាយុ៣៦ឆ្នាំ,ទី៤- ឈ្មោះ ឡូត ម៉េងលី ភេទប្រុស អាយុ១៨ឆ្នាំ, និងទី៥- ឈ្មោះ ចន ផេង ភេទប្រុស អាយុ៤០ឆ្នាំ រស់នៅភូមិខាងលើជាមួយគ្នា ។ករណីនេះ ជំនាញសុខាភិបាលបានដាក់ខ្សែហ៊ុមព័ទ្ធមិនឲ្យមនុស្សចេញចូលដាក់កម្លាំងយាមច្បាស់លាស់ ហើយបាននាំអ្នកពាក់ព័ន្ធមនុស្សប្រុសស្រីចំនួន ៤នាក់ (ស្រី២នាក់) យកសំណាកធ្វើការពិនិត្យនៅមន្ទីរពេទ្យបង្អែកឆ្លូង។បច្ចុប្បន្នអ្នកទាំង ៤ នាក់ កំពង់ធ្វើចត្ដាឡីស័កនៅមន្ទីរពេទ្យបង្អែងឆ្លូង ដោយអនុវត្ដតាម វិធានការរបស់ក្រសួងសុខាភិបាល ៕ដោយ ៖ សេង ម័រ

បណ្ដាញសង្គម

ព័ត៌មានថ្មីៗ

កម្ពុជា-ចិន ប្ដេជ្ញាបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ
04/22/2026 09:04 PM
Facebook Telegram Linkin
ចៅក្រម ICC បដិសេធសំណើសុំដោះលែងអតីតប្រធានាធិបតីហ្វីលីពីន លោក Duterte
04/22/2026 08:04 PM
Facebook Telegram Linkin
អ៊ីរ៉ង់និយាយថា ការទូតពឹងផ្អែកលើផលប្រយោជន៍ជាតិ ពុំមែនការសម្រេចចិត្តលើការចរចាទេ
04/22/2026 08:04 PM
Facebook Telegram Linkin
អ្នកការទូត បញ្ជាក់ថា អ៊ីរ៉ង់ «នឹងមិនចរចាក្រោមការគំរាមកំហែង» នោះឡើយ
04/22/2026 08:04 PM
Facebook Telegram Linkin
ប្រទេសលីបង់ និងរុស្ស៊ី ចុះហត្ថលេខាលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត និងពិសេស
04/22/2026 08:04 PM
Facebook Telegram Linkin
លីបង់នឹងស្នើសុំការបន្តបទឈប់បាញ់រយៈពេលមួយខែ ក្នុងជំនួបជាមួយអ៊ីស្រាអែល
04/22/2026 08:04 PM
Facebook Telegram Linkin
អាល្លឺម៉ង់ប្ដេជ្ញាកសាងកងទ័ពខ្លាំងបំផុតរបស់អឺរ៉ុប នៅឆ្នាំ២០៣៩ ដើម្បីរារាំងរុស្ស៊ី
04/22/2026 07:04 PM
Facebook Telegram Linkin
EU អនុម័តប្រាក់កម្ចី ៩០ពាន់លានអឺរ៉ូដល់អ៊ុយក្រែន និងទណ្ឌកម្មថ្មី លើរុស្ស៊ី ក្រោយហុងគ្រីបោះបង់សិទ្ធិវេតូ
04/22/2026 07:04 PM
Facebook Telegram Linkin
ឯកអគ្គរដ្ឋទូតឡាវប្តេជ្ញាចិត្តបន្តពង្រឹង និងពង្រីកទំនាក់ទំនងដ៏ល្អប្រសើររវាងប្រទេសកម្ពុជា និងឡាវ លើគ្រប់វិស័យ
04/22/2026 07:04 PM
Facebook Telegram Linkin
រដ្ឋមន្ត្រីការបរទេសអ៊ីស្រាអែលអំពាវនាវឲ្យលីបង់ធ្វើការជាមួយអ៊ីស្រាអែល ប្រឆាំងនឹងក្រុមហេសបូឡា
04/22/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.