BTV NEWS

អាណិកជនខ្មែរច្រើនថែមទៀតមកលេងស្រុកកំណើត អបអរសាទរបុណ្យចូលឆ្នាំថ្មី ជួយលើកកម្ពស់សេដ្ឋកិច្ចជាតិ

នាវាទេសចរណ៍មួយដឹកភ្ញៀវទេសចរសរុបជាង៦០០នាក់ ចូលចតនៅកំពង់ផែក្រុងព្រះសីហនុ

សភាពាណិជ្ជកម្ម និងឧស្សាហកម្មទីក្រុងអ៊ិនឈុនសន្យានឹងជួយផ្សព្វផ្សាយសក្តានុពលទេសចរណ៍នៅកម្ពុជា

ឧទ្យានជាតិគិរីរម្យ កំពុងក្លាយជាមជ្ឈមណ្ឌលវប្បធម៌ និងព្រះពុទ្ធសាសនាដ៏ធំនៅកម្ពុជា និងជាកន្លែងទេសចរណ៍ដ៏មានសក្ដានុពល

វប្បធម៌ និងទេសចរណ៍

ទិន្នន័យជំរឿនសត្វក្រៀលមានការកើនឡើង ក្នុងរយៈពេល២០ឆ្នាំចុងក្រោយនេះ

សត្វក្រៀលជាប្រភេទបក្សីដែលមានទំងន់ធ្ងន់ និងខ្ពស់ជាងគេហើយអាចហើរបានក្នុងរយៈចម្ងាយឆ្ងាយ ដែលបច្ចុប្បន្នកំពុងតែទទួលរងការគម្រាមកំហែងឈានទៅជិតផុតពូជអាស្រ័យដោយចំនួនប្រជាសាស្រ្តមានការថយចុះ។ តាមទិន្នន័យជំរឿនចំនួនកត់ត្រាបានខ្ពស់បំផុតនៅកម្ពុជា និងវៀតណាមមាន ៨៧៨ក្បាល ក្នុង២០០២ ធ្លាក់មកដល់ ១៥៦ក្បាលក្នុងឆ្នាំ២០២២។ក្រសួងបរិស្ថាន បានសហការជាមួយអង្គការជីវិតធម្មជាតិនៅកម្ពុជា (NLC), អង្គការសមាគមអភិរក្សសត្វព្រៃ (WCS), អង្គការមូលនិធិសត្វក្រៀល (ICF) បានធ្វើជំរឿនសត្វក្រៀលនៅប្រទេសកម្ពុជាឆ្នាំ២០២៣នៅតាមទីតាំងសំខាន់ៗក្នុងប្រទេសកម្ពុជា និងវៀតណាមដូចជាតំបន់ដីសណ្តរទន្លេមេគង្គ តំបន់ជុំវិញបឹងទន្លេសាប និងតំបន់ព្រៃរបោះខ្ពង់រាបភាគខាងជើង និងឥសាន្ត។កាលបរិច្ឆេទ នៃការធ្វើជំរឿងសត្វក្រៀលនៅប្រទេសកម្ពុជា គឺធ្វើឡើងនៅខែធ្នូ មករា កុម្ភៈ មីនា មេសា និងខែឧសភា។ លទ្ធផលជំរឿនចុងក្រោយនេះកត់ត្រាបានក្រៀលចំនួនខ្ពស់បំផុតក្នុងខែកុម្ភៈគឺ១៨០ក្បាល តួលេខថ្មីនេះបង្ហាញសញ្ញាវិជ្ជមានបើប្រៀបធៀបទៅ និងលទ្ធផលឆ្នាំ២០២២ដែលរាប់បានតែ១៥៦ក្បាល និងឆ្នាំ២០២១រាប់បានតែ១៦១ក្បាល។ សត្វក្រៀល២ក្បាលបានកត់ត្រាបានក្នុងប្រទេសវៀតណាមក្នុងកំឡុងពេលជំរឿននេះ។សំបុករបស់សត្វក្រៀលដែលជាសត្វកំពុងរងការគំរាមកំហែងជាសាកលមួយសំបុករួមទាំងសត្វក្រៀលពេញវ័យមួយគូ ត្រូវបាន់រគេប្រទះឃើញរស់នៅក្នុងទីជម្រកវាលទំនាបនៃតំបន់ទន្លេមេគង្គ ក្នុងដែនជម្រកសត្វព្រៃសំបូរ ខេត្តក្រចេះ។ នេះជារបកគំហើញថ្មីបំផុតផ្អែកតាមសេចក្តីរាយការណ៍ នាព្រឹកថ្ងៃទី២៩ ខែកក្កដា ឆ្នាំ២០២៣ ពីក្រុមអ្នកវិទ្យាសាស្ត្ររបស់មន្ទីរបរិស្ថានខេត្តក្រចេះ នៃក្រសួងបរិស្ថាន និងអង្គការ WWF កម្ពុជា។ កាលពីម្សិលមិញ ក្រុមអ្នកស្រាវជ្រាវបានបញ្ជាក់អំពីវត្តមានរបស់សត្វក្រៀលមួយសំបុកនេះនៅក្នុងតំបន់នៃដែនជម្រក បន្ទាប់ពីពួកគេបានទទួលព័ត៌មានអំពីវត្តមានសត្វនេះពីប្រជាជនសហគមន៍ហើយបានចុះពិនិត្យ និងបានកត់ត្រាដល់ទីតាំងក្នុងតំបន់ទីជម្រកនោះ។ ដោយក្តីរំភើបចិត្តជាខ្លាំង លោក អៀម សំអ៊ន់ ប្រធានកម្មវិធីស្រាវជ្រាវសត្វព្រៃរបស់អង្គការ WWF បានគូសបញ្ជាក់ពីសារៈសំខាន់នៃការរកឃើញនេះ ដោយបានបញ្ជាក់ថាវាគឺជាកំណត់ត្រាវិទ្យាសាស្ត្រដំបូងបង្អស់នៃសំបុកសត្វក្រៀលរួមជាមួយនឹងសត្វពេញវ័យបន្តពូជមួយគូផងដែរនៅក្នុងតំបន់ព្រៃលិចទឹកទន្លេមេគង្គសម្រាប់រយៈពេល២០ឆ្នាំកន្លងមកនេះ។ លោកបាននិយាយទៀតថា៖ របកគំហើញដ៏អស្ចារ្យនេះពិតជាជំរុញឲ្យមានកិច្ចខិតខំប្រឹងប្រែងអភិរក្សបន្ថែមទៀតការពារក្នុងតំបន់ទីជម្រកពីសំណាក់ដៃគូរដ្ឋាភិបាលរបស់យើង សហគមន៍ អង្គការ WWF និងភាគីពាក់ព័ន្ធផ្សេងទៀត។ សត្វក្រៀលគឺជាសត្វស្លាបមានមាឌធំមួយប្រភេទដែលអាចធ្វើចរាចររយៈចម្ងាយឆ្ងាយ ហើយត្រូវបានចាត់ថ្នាក់ជាប្រភេទសត្វងាយរងគ្រោះក្នុងបញ្ជីក្រហម IUCN។ ក្នុងខែកក្កដា ឆ្នាំ២០២៣ នេះដែរ ក្រុមអ្នកស្រាវជ្រាវក៏បានកត់ត្រាទុកនូវសត្វក្រៀល ចំនួន ៤ ក្បាលផ្សេងទៀត ដែលកំពុងរស់នៅក្នុងដែនជម្រកសត្វព្រៃស្រែពក ដែលជាតំបន់ការពារធម្មជាតិមួយទៀតស្ថិតក្រោមការគ្រប់គ្រងរបស់ក្រសួងបរិស្ថាន និងគាំទ្រដោយអង្គការ WWF ។ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានមានប្រសាសន៍ថា« វាជាដំណឹងដ៏រីករាយដែលលទ្ធផលជំរឿនឆ្នាំ២០២៣បង្ហាញពីសញ្ញាវិជ្ជមានព្រោះថា ទិន្នន័យជំរឿនសត្វក្រៀលក្នុងរយៈពេល ១០ឆ្នាំចុងក្រោយបានបង្ហាញនិន្នាការថយចុះរហូត។ ក្រសួងបរិស្ថានសូមវាយតម្លៃខ្ពស់ចំពោះកិច្ចខិតខំប្រឹងប្រែងរួម ក្នុងការការពារនិងអភិរក្សធនធានធម្មជាតិ និងសត្វព្រៃ ដែលលទ្ធផលពេលនេះបានបង្ហាញពីប្រសិទ្ធភាព នៃការអនុវត្តផែនការសកម្មភាពនានារបស់ក្រសួងបរិស្ថាន និងអង្គការដៃគូ និងបង្ហាញពីភាពប្រសើរឡើងនៃការអភិរក្សធនធានធម្មជាតិនៅកម្ពុជា ការយល់ដឹងរបស់ប្រជាពលរដ្ឋ ការផ្លាស់ប្តូរឥរិយាបថសាធារណជនចំពោះសត្វព្រៃ។ ចំពោះសត្វក្រៀលនេះ ក្រសួងបរិស្ថានបានយកចិត្តទុកដាក់ខ្ពស់ជាក់ស្តែងនាថ្ងៃទី១៤ ខែកក្កដា ឆ្នាំ២០២៣ បានចេញសេចក្តីសំរេចបង្កើតក្រុមការងារអភិរក្សក្រៀលដើម្បីបន្តកិច្ចខិតខំប្រឹងប្រែងរួមគ្នាបន្ថែមទៀត ដើម្បីផ្តល់ជម្រកសុវត្ថិភាពដល់សត្វនេះតាមរយៈការអនុវត្តច្បាប់ ការស្រាវជ្រាវ ការបង្កើតសេដ្ឋកិច្ចមូលដ្ឋាន និងការអបរ់ផ្សព្វផ្សាយ»៕

មនុស្ស ៥នាក់ ស្លាប់ ខណៈព្យុះវាយប្រហារភាគខាងជើងអ៊ីតាលី និងភ្លើងឆេះព្រៃ នៅកោះ Sicily

ជើងអ៊ីតាលី៖ យ៉ាងហោចណាស់មនុស្ស ៥នាក់ ត្រូវបានគេដឹងថា បានស្លាប់ នៅក្នុងប្រទេសអ៊ីតាលី កាលពីថ្ងៃអង្គារ (ទី២៥ ខែកក្កដា) បន្ទាប់ពីមានព្យុះដ៏មានឥទ្ធិពល នៅភាគខាងជើង និងភ្លើងឆេះព្រៃ នៅកោះ Sicily ដែលអាចនាំឲ្យរដ្ឋាភិបាលប្រកាសភាពអាសន្ន នៅក្នុងតំបន់ដែលរងគ្រោះខ្លាំងបំផុត។នាយករដ្ឋមន្ត្រី លោកស្រី Giorgia Meloni បាននិយាយថា ក្មេងស្រីវ័យ ១៦ឆ្នាំម្នាក់ ដែលកំពុងធ្វើដំណើរទៅបោះជំរំ ស្ថិតក្នុងចំណោមមនុស្ស ២នាក់ ដែលបានស្លាប់ដោយសារព្យុះ ដែលបានវាយប្រហារភាគខាងជើងប្រទេសអ៊ីតាលី។ ក្មេងស្រីជំទង់នោះ បានបាត់បង់ជីវិតនៅពេលដែលដើមឈើមួយដើមដួលរលំសង្កត់តង់របស់នាង អំឡុងពេលបោះជំរំកាយរិទ្ធនៅជិតទីក្រុង Brescia បន្ទាប់ពីមានខ្យល់បក់ខ្លាំង និងភ្លៀងធ្លាក់ពេញមួយយប់។ ហើយកាលពីថ្ងៃចន្ទ ស្ត្រីវ័យកណ្តាលម្នាក់ បានស្លាប់ បន្ទាប់ពីដើមឈើដួលរលំពីលើ នៅទីប្រជុំជន Lissone ភាគខាងជើងទីក្រុង Milan។ចំណែកនៅកោះ Sicily ឯណោះវិញ អ្នកគ្រប់គ្រងតំបន់ លោក Renato Schifani បាននិយាយថា លោកមានគម្រោងស្នើរដ្ឋាភិបាល នៅមុនកិច្ចប្រជុំថ្នាក់រដ្ឋមន្ត្រី ដើម្បីប្រកាសភាពអាសន្ន សម្រាប់កោះមេឌីទែរ៉ាណេមួយនេះ។អ្នកពន្លត់អគ្គីភ័យនៅលើកោះនេះ បានចំណាយពេលមួយយប់ ដើម្បីទប់ទល់នឹងចំហេះព្រៃ ដែលជាការឆេះមួយ ក្នុងចំណោមការឆេះ នៅជិតខ្លាំងនឹងអាកាសយានដ្ឋាន Palermo ដែលកន្លែងនោះ ត្រូវបានបិទអស់រយៈពេលជាច្រើនម៉ោង នៅព្រឹកថ្ងៃអង្គារ។នាយកដ្ឋានការពារជនស៊ីវិលរបស់ប្រទេសអ៊ីតាលី កាលពីថ្ងៃអង្គារ បានរាយការណ៍ពីភ្លើងឆេះយ៉ាងសន្ធោសន្ធៅ នៅទូទាំងភាគខាងត្បូង ដោយនិយាយថា ជំនួយផ្លូវអាកាសត្រូវបានស្នើសុំ សម្រាប់ឧបទ្ទវហេតុចំនួន៩ នៅកោះ Sicily ចំនួន៩ នៅតំបន់កាឡាប៊្រីយ៉ា (Calabria) និងមួយទៀតនៅកោះសាឌីណាយ៉ា (Sardinia)៕

តុលាការបែលហ្ស៊ិក កាត់ទោសជនជាប់ចោទ ៦នាក់ពីបទឃាតកម្ម ជុំវិញករណីបំផ្ទុះគ្រាប់បែក នៅទីក្រុងប៊្រុចសែល ឆ្នាំ២០១៦

បែលហ្ស៊ិក៖ តុលាការក្រុងប្រ៊ុចសែល កាលពីថ្ងៃអង្គារ (ទី២៥ ខែកក្កដា) បានកាត់ទោសបុរស ៦នាក់ ពីបទឃាតកម្ម និង ២នាក់ផ្សេងទៀត ពីបទបង្កភេរវកម្ម បន្ទាប់ពីមានការកាត់ក្តីដ៏ធំបំផុត ដែលមិនធ្លាប់មានរបស់ប្រទេសនេះ ចំពោះករណីបំផ្ទុះគ្រាប់បែករបស់ពួកអ៊ីស្លាមនិយម កាលពីឆ្នាំ២០១៦ នៅរដ្ឋធានីរបស់ប្រទេសបែលហ្ស៊ិក ដែលបានឆក់យកជីវិតមនុស្ស ៣២នាក់។ជនទាំង ៦នាក់ ក្នុងចំណោមជនជាប់ចោទចំនួន១០នាក់ ត្រូវបានរកឃើញថា មានទោសពីបទមនុស្សឃាត និងប៉ុនប៉ងមនុស្សឃាត ក្នុងបរិបទអ្នកបង្កភេរវកម្ម ពាក់ព័ន្ធនឹងការរួមចំណែករបស់ពួកគេ ក្នុងហេតុការណ៍បំផ្ទុះគ្រាប់បែកចំនួន២ នៅព្រលានយន្តហោះ Brussels និងការបំផ្ទុះគ្រាប់បែកលើកទី៣ នៅលើរថភ្លើងក្រោមដីរបស់ទីក្រុងប៊្រុចសែល កាលពីថ្ងៃទី២២ ខែមីនា ឆ្នាំ២០១៦។ជនទាំង ៦នាក់នោះ និងមនុស្ស ២នាក់ផ្សេងទៀត ក៏ត្រូវបានកាត់ទោសពីបទចូលរួមក្នុងសកម្មភាពរបស់អង្គការភេរវកម្មផងដែរ។ ចំណែកឯ បុរស ២នាក់ផ្សេងទៀត ត្រូវបានដោះលែង។ ការសម្រេចក្ដី នឹងមានការបើកសវនាការដាច់ដោយឡែក ដើម្បីកំណត់ទោសនានា នៅខែកញ្ញា។ អ្នកដែលត្រូវបានរកឃើញថា មានទោសក្នុងបទឃាតកម្ម អាចប្រឈមនឹងការជាប់ទោសអស់មួយជីវិត។ក្នុងចំណោមអ្នកដែលត្រូវបានកាត់ទោសនោះ មានម្នាក់ឈ្មោះលោក Salah Abdeslam គឺជាជនសង្ស័យសំខាន់ជាងគេ ក្នុងសវនាការនេះ ពាក់ព័ន្ធនឹងការវាយប្រហារក្រុងប៉ារីសរបស់ប្រទេសបារាំង ដែលបានសម្លាប់មនុស្ស ១៣០នាក់។ នៅពេលរត់គេចខ្លួនពីរដ្ឋធានីរបស់ប្រទេសបារាំង រូបគេត្រូវបានចាប់ខ្លួន នៅទីក្រុងប្រ៊ុចសែល ៤ថ្ងៃមុនមានការវាយប្រហារ នៅប្រទេសបែលហ្ស៊ិក៕

ក្រសួងវប្បធម៌ គ្រោងរៀបចំមហោស្រពចាប៉ីដងវែងទូទាំងប្រទេស ក្រោមប្រធានបទ វប្បធម៌សន្តិភាព

ភ្នំពេញ៖ ក្រសួងវប្បធម៌ និងវិចិត្រសិល្បៈ គ្រោងរៀបចំមហោស្រពចាប៉ីដងវែងទូទាំងប្រទេស ឆ្នាំ២០២៣ ក្រោមប្រធានបទ «វប្បធម៌សន្តិភាព» ដែលនឹងប្រារព្ធឡើងចំនួន៣ថ្ងៃ ចាប់ពីថ្ងៃទី០២-០៣-០៤ ខែតុលា ឆ្នាំ២០២៣ខាងមុខនេះ។បើតាមលោក ឈាង ឆដាភ័ក្រ ប្រធាននាយកដ្ឋានសិល្បៈទស្សនីយភាព ប្រាប់BTV ព័ត៌មាននាព្រឹកថ្ងៃទី២៤ ខែកក្កដា ឆ្នាំ២០២៣នេះថា ក្រសួងនឹងរៀបចំមហោស្រពចាប៉ីដងវែង ទូទាំងប្រទេស ឆ្នាំ២០២៣ ការរៀបចំព្រឹត្តិការណ៍វប្បធម៌នេះ ក្នុងគោលបំណងចូលរួមថែរក្សាលើកស្ទួយ អភិរក្ស តម្លៃសិល្បៈវប្បធម៌ប្រពៃណីជាតិ និងអត្តសញ្ញាណជាតិ សំដៅរួមចំណែកអភិវឌ្ឍសង្គម និងលើកកម្ពស់កិត្យានុភាពជាតិ ជាពិសេសចាប៉ីដងវែងដែលបានបញ្ចូលជាសម្បត្តិបេតិកភណ្ឌអរូបី នៃមនុស្សជាតិរបស់អង្គការយូណេស្កូ កាលពីថ្ងៃទី៣០ ខែវិច្ឆិកា ឆ្នាំ២០១៦។ មហោស្រពចាប៉ីដងវែង ប្រារព្ធឡើងនៅសាលមហោស្រពនាយកដ្ឋានសិល្បៈទស្សនីយភាព និងមានការផ្សាយផ្ទាល់តាមរយៈបណ្ដាញសង្គមហ្វេសប៊ុក ផេកផ្លូវការរបស់ក្រសួងវប្បធម៌ និងវិចិត្រសិល្បៈ។ អាស្រ័យហេតុនេះ សូមលោក លោកស្រី ប្រធានមន្ទីរវប្បធម៌ និងវិចិត្រសិល្បៈ រាជធានី-ខេត្ត និងប្រធានអង្គការ សមាគមសិល្បៈ ដែលប្រតិបត្តិការងារទាក់ទង នឹងវិស័យសិល្បៈវប្បធម៌ ធ្វើការផ្សព្វផ្សាយឱ្យបានទូលំទូលាយដល់គ្រប់មជ្ឈដ្ឋានមហាជន ដើម្បីឱ្យសិល្បករ សិល្បការិនី ដែលមានជំនាញ និងទេពកោសល្យលើទម្រង់សិល្បៈចាប៉ីដងវែង បានចូលរួមប្រឡងក្នុងមហោស្រពដ៏មានសារៈសំខាន់នេះ ក្នុងបុព្វហេតុថែរក្សា ការពារ និងលើកស្ទួយទម្រង់សិល្បៈចាប៉ីដងវែង ឱ្យកាន់តែរីកដុះដាលថែមទៀត។ មហោស្រពអនុលោមតាមស្មារតីខាងលើ ក្រសួង នឹងដំណើរការប្រឡងជ្រើសរើសបេក្ខជនចូលរួមប្រកួតនៅក្នុងចាប៉ីដងវងទូទាំងប្រទេស ឆ្នាំ២០២៣ តាមលក្ខខណ្ឌ និងកាលបរិច្ឆេទដូចខាងក្រោម៖ បេក្ខជនជាមន្ត្រីរាជការ ឬមហាជន ដែលពុំមែនជាបេក្ខជនជ័យលាភី នៃមហោស្រពចាប៉ីដងវែងទូទាំងប្រទេស ក្នុងឆ្នាំកន្លងៗមក។ ចំពោះបេក្ខជន ជានារី និងជនមានពិការភាពដែលមានសមត្ថភាពសមស្របត្រូវបានលើកទឹកចិត្ត និងបេក្ខជនត្រូវបំពេញពាក្យសុំប្រឡង និងប្រវត្តិរូបសង្ខេបចំនួន០១ច្បាប់ (តាមគំរូដែលមានស្រាប់) ក្នុងករណីក្រុមការងាររៀបចំមហោស្រព ពិនិត្យឃើញវីដេអូរបស់បេក្ខជនណាមួយខុសលក្ខខណ្ឌ នោះក្រុមការងារមិនបញ្ជូនឯកសារឲ្យគណៈកម្មការមេប្រយោគពិនិត្យវាយតម្លៃឡើយ។សូមបញ្ជាក់ផងដែរថា រង្វាន់ជ័យលាភី បេក្ខជន ដែលឈ្នះការប្រឡងប្រជែងក្នុងមហោស្រពចាប៉ីដងវែង ទូទាំងប្រទេស ឆ្នាំ២០២៣ នឹងទទួលបាន ជ័យលាភីលេខ១ ៖ ទទួលបានពានមាស១ ទឹកប្រាក់ ៦,០០០,០០០រៀល, -ជ័យលាភីលេខ២ ៖ ទទួលបានពានប្រាក់១ ទឹកប្រាក់ ៤,០០០,០០០រៀល, - ជ័យលាភីលេខ៣ ៖ ទទួលបានពានសំរិទ្ធ១ ទឹកប្រាក់ ២,០០០,០០០រៀល, -ជ័យលាភីលេខ៤ និង៥ ៖ ទទួលបានបណ្ណសរសើរ១ ទឹកប្រាក់១,០០០,០០០រៀល៕ អត្ថបទ៖ រដ្ឋា

យុទ្ធនាការ “១ម៉ឺនរៀល ១ម៉ឺននាក់” សម្រាប់កុមារកម្ពុជា ទទួលបានថវិកាបរិច្ចាគ ជិត២លានដុល្លារអាមេរិក ក្នុងអំឡុងពេល ២សប្ដាហ៍កន្លងមកនេះ

ភ្នំពេញ៖ បន្ទាប់ពីបានបើកយុទ្ធនាការបានរយៈពេល២សប្ដាហ៍មក, យុទ្ធនាការ “១ម៉ឺនរៀល១ម៉ឺននាក់”សម្រាប់កុមារកម្ពុជា ដែលត្រូវបានបង្កើតឡើងដើម្បីចូលរួមអបអរសាទរ ទិវាកុមារអន្តរជាតិ១ មិថុនា ទទួលបានថវិកាបរិច្ចាគចំនួនជិត ២លានដុល្លារអាមេរិក ពីសប្បុរសជនជាង២០ម៉ឺនានាក់ (គិតរួមទាំងការបរិច្ចាគតាមប្រព័ន្ធធនាគារ និងដោយផ្ទាល់នៅមន្ទីរពេទ្យគន្ធបុប្ផា) ។សូមរលឹកជូនថា មូលនិធិគន្ធបុប្ផាកម្ពុជា គឺជាស្ថាប័នជាតិមួយដែលមានតួនាទីក្នុងការកៀរគរការបរិច្ចាគ ពីសប្បុរសជន ដើម្បីរួមគ្នារក្សានិរន្តរភាពរបស់មន្ទីរពេទ្យគន្ធបុប្ផាទាំង៥ទីតាំង ខណៈចំណាយជាមធ្យមប្រចាំសប្ដាហ៍អស់ប្រមាណ ៨៤ ម៉ឺនដុល្លារអាមេរិក ឬស្មើនឹងជាង៤០លានដុល្លារក្នុង១ឆ្នាំៗ ឯណោះ។មូលនិធិគន្ធបុប្ផាកម្ពុជា សូមលើកទឹកចិត្តសប្បុរសជននានា បន្តរួមគ្នាជាមួយមូលនិធិគន្ធបុប្ផាកម្ពុជា ក្នុងស្មារតី “ខ្មែរជួយខ្មែរ” ដើម្បីនាំមកនូវភាពញញឹមរបស់កុមារដែលជាអនាគតដ៏ភ្លឺស្វាងរបស់កម្ពុជា ទោះបីជានៅពេលយុទ្ធនាការ “១ម៉ឺនរៀល១ម៉ឺននាក់”សម្រាប់កុមារកម្ពុជា នឹងត្រូវបញ្ចប់នៅដំណាច់ខែមិថុនា ឆ្នាំ២០២៣ ខាងមុខនេះក៏ដោយ៕

ស្ត្រីទីមួយរបស់សហរដ្ឋអាមេរិក Jill Biden ទស្សនាពីរ៉ាមីតរបស់ប្រទេសអេហ្ស៊ីប

អេហ្ស៊ីប៖ លោកស្រី Jill Biden ស្ត្រីទីមួយរបស់សហរដ្ឋអាមេរិក នៅថ្ងៃសៅរ៍ (ទី៣ ខែមិថុនា) នេះ បានទៅទស្សនាប្រាសាទពីរ៉ាមីតខេត្តហ្ស៊ីណា ដោយការទៅទស្សនានេះ ជាផ្នែកមួយនៃដំណើរទស្សនកិច្ចរបស់លោកស្រីនៅប្រទេសអេហ្ស៊ីប។លោកស្រី Biden បានធ្វើដំណើរទស្សនាប្រាសាទពីរ៉ាមីត និងប្រាសាទ Great Sphinx របស់ទីតាំងបុរាណស្ថានទីនេះជាមួយប្រធានឧត្តមក្រុមប្រឹក្សាស្រាវជ្រាវវត្ថុបុរាណ លោក Mostafa Waziri។ស្រ្តីទីមួយរបស់សហរដ្ឋអាមេរិក បានទៅដល់ប្រទេសអេហ្ស៊ីប កាលពីថ្ងៃសុក្រ (ទី២ ខែមិថុនា) ដែលជាផ្នែកមួយនៃដំណើរទស្សនកិច្ចក្រៅប្រទេស ក្នុងនោះរួមបញ្ចូលទាំងដំណើរទៅប្រទេសម៉ារ៉ុក និងព័រទុយហ្គាល់ផងដែរ។នៅមុននោះ លោកស្រីបានជួបជាមួយសមភាគីអេហ្ស៊ីបលោកស្រី Entissar Amer និងស្វាមីរបស់លោកស្រីលោកប្រធានាធិបតី Abdel Fattah al-Sisi។ បន្ទាប់មក លោកស្រី Biden ក៏បានទៅទស្សនាសាលាបច្ចេកទេស និងវិហារអ៊ីស្លាម al-Azhar ដ៏ល្បីល្បាញផងដែរ៕

កម្ពុជាត្រៀមបំបែកកំណត់ត្រាពិភពលោករាំម៉ាឌីហ្សុនអ្នកចូលរួម៤៩៩៩នាក់ នាពេលបន្តិចទៀតនេះ

សៀមរាប៖ កម្ពុជាត្រៀមបំបែកកំណត់ត្រាពិភពលោករាំម៉ាឌីហ្សុនអ្នកចូលរួម៤៩៩៩នាក់ នៅព្រឹកថ្ងៃទី១៥ ខែមេសា ឆ្នាំ២០២៣បន្តិចទៀតនេះ។កម្មវិធីបំបែកឯតទគ្គកម្មរាំចង្វាក់ម៉ាឌីហ្សុននាពេលនេះ គឺធ្វើឡើងក្នុងគោលបំណងបង្ហាញពី មិត្តភាព សាមគ្គីភាពជាធ្លុងមួយ តាមរយៈការរាំចង្វាក់រាំម៉ាឌីហ្សូនកាលពីឆ្នាំ២០១៥ យើងបានរៀបចំរួចម្ដងមកហើយ ចំនួន ២០១៥ នាក់ដោយឡែកសម្រាប់ឆ្នាំ ២០២៣ ចំនួនទៅតាមការគ្រោងទុកចំនួន ៤,៩៩៩ នាក់ការបំបែកឯតទគ្គកម្មរាំម៉ាឌីហ្សូនជាថ្មីម្តងទៀត និងធំជាងមុន គឺជាការបង្ហាញប្រាប់សកលលោកថា សមត្ថភាព និងលទ្ធភាពរបស់កម្ពុជា គឺមានការរីកចម្រើនពីមួយថ្ងៃ ទៅមួយថ្ងៃ ក្រោមពាក្យស្លោកថា “ខ្មែរធ្វើបាន”។លើសពីនេះថែមទៀត កម្មវិធីបំបែកឯតទគ្គកម្មនេះក៏ត្រូវបានរៀបចំឡើងវិញ ក្នុងគោលបំណងអបអរសាទរខួប១០ឆ្នាំ នៃព្រឹត្តិការណ៍អង្គរសង្ក្រាន្ត ដោយនាំត្រឡប់មកវិញនូវទស្សនីយភាពដ៏អស្ចារ្យលំដាប់ពិភពលោក និងការចងចាំគួរជាទីមោទករបស់ប្រជាជនកម្ពុជា ក៏ដូចជាការបង្កើតឱកាសចូលរួមរាំលេងកម្សាន្តរបស់មហាជន និងភ្ញៀវទេសចរណ៍អន្តរជាតិក្នុងព្រឹត្តិការណ៍អង្គរសង្ក្រាន្ត ឆ្នាំ២០២៣។ អ្នកចូលរួមរាំបំបែកឯតទគ្គកម្ម រួមមាន៖ប្អូនៗ យុវជន សិស្សានុសិស្ស ដែលមកពីតាមបណ្តាសាលារដ្ឋ និងឯកជននៅក្នុងក្រុងសៀមរាបប្អូនៗ យុវជន មកពីតាមបណ្តាស្រុក ចំនួន ៥ គឺ ស្រុកពួក ស្រុកសូនិគម ស្រុកប្រាសាទបាគង ស្រុកបន្ទាយស្រី និងស្រុកអង្គធំប្អូនៗប្អូនៗ គរុសិស្សមកពីសាលាគរុកោសល្យមន្ទីរអង្គភាពនិស្សិតមកពីសកលវិទ្យាល័យក្នុងក្រុងសៀមរាប៕

ឯកឧត្តម ហ៊ុន ម៉ានី ជូនដំណើរយុវជនស្ម័គ្រចិត្ត ទៅកាន់ខេត្តសៀមរាប ដើម្បីត្រៀមចូលរួមក្នុងព្រឹតិ្តការណ៍អង្គរសង្រ្កាន្ត

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នាព្រឹកថ្ងៃទី១០ ខែមេសា ឆ្នាំ២០២៣នេះ បានអញ្ជើញជូនដំណើរយុវជនស្ម័គ្រចិត្តប្រមាណ៥០០នាក់ ក្នុងចំណោមយុវជនជាង៧០០នាក់ ដោយធ្វើដំណើរចាកចេញ ពីរាជធានីភ្នំពេញ ទៅកាន់ខេត្តសៀមរាប ដើម្បីត្រៀមចូលរួមក្នុងព្រឹត្តិការណ៍អង្គរសង្រ្កាន្ត នាពេលខាងមុខនេះ។ ឯកឧត្តម ហ៊ុន ម៉ានី ថ្លែងអំណរគុណដល់យុវជន ដែលបានស្ម័គ្រចិត្តចូលរួមក្នុងព្រឹតិ្តការណ៍អង្គរសង្រ្កាន្ត។ ជាពិសេសព្រឹត្តិការណ៍អង្គរសង្រ្កាន្តតែងតែមានការគាំទ្រយ៉ាងខ្លាំង ពីសំណាក់ក្រុមយុវជនស្ម័គ្រចិត្ត ដែលជាកម្លាំងស្នូលយ៉ាងសំខាន់ ក្នុងការជំរុញឲ្យមហាព្រឹត្តការណ៍មួយនេះ ប្រព្រឹត្តទៅបានយ៉ាងរលូន។ ពីមួយឆ្នាំទៅមួយឆ្នាំ អង្គរសង្រ្កាន្តត្រូវបានដឹកនាំអនុវត្តន៍ដោយឈរលើគោលការណ៍ចូលរួមដោយស្ម័គ្រចិត្ត ពីយុវជនគ្រប់ទិសទី ដែលពួកគាត់បានធ្វើការងារនេះ តាំងពីការរៀបចំគម្រោង ការអនុវត្តន៍ និងការដឹកនាំទៅតាមក្រុមតាមផ្នែកតូចៗជាច្រើនជារៀងរាល់ឆ្នាំ នៃការរៀបចំអង្គរសង្រ្កាន្ត ។ឯកឧត្តមបន្តថា សហភាពសហព័ន្ធយុវជនកម្ពុជា តែងតែធ្វើការសម្ភាសន៍ ចម្រាញ់ និងសម្រាំងជាច្រើនដំណាក់កាល ដើម្បីឲ្យសមស្របទៅតាមតម្រូវការងារ ជាងនេះទៅទៀត ក្រុមការងារជំនាញតាមផ្នែកនីមួយៗ ក៏ដូចជាតួនាទី និងភារកិច្ចរបស់យុវជនស្ម័គ្រចិត្តនីមួយៗយ៉ាងជាក់លាក់។ ទោះបីជាយុវជនចូលរួមជាការស្ម័គ្រចិត្តក៏ពិតមែន តែការអនុវត្តការងារ គឺមានភាពច្បាស់លាស់ ម្ចាស់ការ ដោយមានវិជ្ជាជីវៈ និងទំនួលខុសត្រូវខ្ពស់។លោក ភឹម ម៉ាដូណា អនុប្រធានក្រុមការងារដឹកជញ្ជូនក្នុងព្រឹតិ្តការណ៍អង្គរសង្រ្កាន្ត បានឲ្យដឹងថា នេះជាឆ្នាំទី៥ហើយ ដែលលោកបានសម្របសម្រួលចូលរួមក្នុងព្រឹតិ្តការណ៍ដ៏មហាអស្ចារ្យនេះ ដែលទទួលបន្ទុកលើក្រុមការងារដឹកជញ្ជូននេះ។ ហើយថ្ងៃនេះ ជាការចេញដំណើរលើកទី២ ដែលលើកទី១ បានចេញដំណើរ មានចំនួនជាង៤០នាក់។ ព្រឹកនេះក្នុងផែនការត្រូវចេញដំណើរជាង៧០០នាក់ ប៉ុន្តែសមាសភាពអញ្ជើញមកផ្ទាល់មានចំនួនតែ៥២២រូបទេ ដោយសារតែក្រុមការងារមួយចំនួនលោក បានអញ្ជើញចេញដំណើរទៅមុន។ គួរបញ្ជាក់ថា ការងារស្ម័គ្រចិត្តព្រឹត្តិការណ៍អង្គរសង្រ្កាន្តនេះ បានបង្កើតឱកាសសម្រាប់យុវជនសរុបប្រមាណ ៥,០០០នាក់ ចូលរួមកិច្ចការសង្គម ដែលជាឱកាសរៀនសូត្រដ៏ល្អមួយសម្រាប់ពួកគាត់ក្នុងការអភិវឌ្ឍទាំងជំនាញរឹង (ការសម្តែង ការលេងល្បែងប្រជាប្រិយ) និងជំនាញទន់ (ការដឹកនាំក្រុមទំនាក់ទំនង ការដោះស្រាយឧបសគ្គ)។ មិនតែប៉ុណ្ណោះ វាក៏ជាឱកាសសម្រាប់យុវជនក្នុងការផ្សាភា្ជប់ទំនាក់ទំនង និងបង្កើតបណ្តាញទាក់ទងដ៏ធំមួយ។ តាមរយៈបទពិសោធន៍ទាំងនេះ នឹងអាចធ្វើឲ្យពួកគេកាន់តែមានសមត្ថភាពក្នុងការបំពេញការងារក្នុងវិជ្ជាជីវៈរបស់ខ្លួននៅអនាគតផងដែរ៕(អត្ថបទ៖ រដ្ឋា)

ខេត្តសៀមរាបមានសណ្ឋាគារ ២៣៧ និងផ្ទះភ្ញៀវ ២៨៣ទីតាំង ខណៈសន្ទុះភ្ញៀវទេសចរកំពុងមានកំណើនឡើងវិញ

ភ្នំពេញ៖ ឯកឧត្ដម ទៀ សីហា អភិបាល ខេត្តសៀមរាបបញ្ជាក់ថា ខេត្តសៀមរាបមានសណ្ឋាគារ ២៣៧ ទីតាំង ស្នើនឹង១៥.២២២បន្ទប់ ខណៈក្រោយកូវីដ-១៩រាជរដ្ឋាភិបាលអាចគ្រប់គ្រងស្ថានការកូវីដ-១៩បានល្អ ធ្វើឱ្យកំណើនភ្ញៀវទេសចរមកទស្សនាខេត្តសៀមរាប មានសន្ទុះកើនឡើងវិញនៅឆ្នាំ២០២២ ក្នុងនោះមានភ្ញៀវទេសចរសរុបចំនួន ២.៦៩២.៤២៣នាក់ ភ្ញៀវបរទេសចំនួន ២៨៧.៤៥៤នាក់។ឯកឧត្ដម ទៀ សីហា បញ្ជាក់បែបនេះ ក្នុងសន្និសីទសារព័ត៌មាន ស្ដីពី «ភាពជោគជ័យក្នុងរយៈពេល៥ឆ្នាំកន្លងមក» របស់រដ្ឋបាលខេត្ត សៀមរាប នាព្រឹកថ្ងៃទី២៩ ខែមីនា ឆ្នាំ២០២៣ នៅទីស្តីការគណៈរដ្ឋមន្ត្រី។ឯកឧត្តមថ្លែងថា វិស័យទេសចរណ៍បានរួមចំណែកយ៉ាងសំខាន់ សម្រាប់ចូលរួមចំណែក លើកស្ទួយជីវភាពប្រជាជន និងសេដ្ឋកិច្ចខេត្តទាំងមូល។ ឯកឧត្តមបានឱ្យដឹងថា ខេត្តមានសណ្ឋាគារ ២៣៧ទីតាំង ស្មើនឹង ១៥២២២បន្ទប់ មានផ្ទះភ្ញៀវ ២៨៣ ទីតាំង ភោជនីយដ្ឋាន ២៣៩ កន្លែង ហាងម៉ាហ្សា ៦៩ កន្លែង មគ្គុទេសក៍ទេសចរណ៍ ៥ ១១៧ នាក់ និងទីភ្នាក់ងារទេសចរណ៍ ៣២១។ ឯកឧត្តមបញ្ជាក់ថា ភ្ញៀវទេសចរណ៍កាលពីឆ្នាំ ២០១៨ មានភ្ញៀវទេសចរសរុបចំនួន ៥,៧ លាននាក់ ក្នុងនោះភ្ញៀវអន្តរជាតិចំនួន ២,៥ លាននាក់ ប៉ុន្តែ ដោយសារវិបត្តិសកលនៃជំងឺកូវីដ-១៩ បានជះឥទ្ធិពលយ៉ាងខ្លាំងចំពោះវិស័យទេសចរណ៍ខេត្ដ ចាប់ពីឆ្នាំ ២០១៩ ដែលសេវាកម្មទេសចរណ៍ត្រូវបានបិទ និងផ្អាកស្ទើរតែទាំងស្រុង ហើយទើបនឹងបានចាប់ផ្តើម មានកំណើនភ្ញៀវទេសចរប្រសើរឡើងវិញនៅឆ្នាំ២០២២ ក្រោមការដឹកនាំប្រកបដោយគតិបណ្ឌិតរបស់ប្រមុខរាជរដ្ឋាភិបាល លើការងារបង្ការទប់ស្កាត់ជំងឺកូវីដ-១៩ ការចាក់វ៉ាក់សាំងការពារជំងឺកូវីដ-១៩ ជូនប្រជាជនក្នុងខេត្តសៀមរាប៕

មនុស្សជាច្រើនកុះករចូលរួមដង្ហែតុក្កតាយក្សលើកទី១២ នៅក្រុងសៀមរាប

សៀមរាម៖ ប្រជាពលរដ្ឋខ្មែរ និងភ្ញៀវទេសចរអន្ដរជាតិជាច្រើនកុះករ បាននាំគ្នាចូលរួមអបអរពិធីដង្ហែតុក្កតាយក្សលើកទី១២ នៅក្នុងក្រុងសៀមរាប ដើម្បីលើកស្ទួយនូវវិស័យសិល្បៈ វិស័យអប់រំ វប្បធម៌ បរិស្ថាន និងដើម្បីឱ្យភ្ញៀវទេសចរមានការចាប់អារម្មណ៍ពីវិស័យសិល្បៈ។ ក្បួនដង្ហែតុក្កតាយក្សនេះបានចាប់ផ្ដើមពីម៉ោង ៧ នាពេលរាត្រីថ្ងៃទី១១ ខែមីនា ឆ្នាំ២០២៣នេះ ដោយចេញពីចំណុចមុខវត្ដដំណាក់ កាត់តាមបណ្ដោយផ្លូវដឹងស្ទឹងសៀមរាប និងផ្លូវសំខាន់ៗមួយចំនួនទៀត ឆ្ពោះទៅកាន់សួនច្បារព្រះរាជដំណាក់ក្រុងសៀមរាប ដើម្បីដាក់តាំងបង្ហាញឱ្យប្រជាពលរដ្ឋទស្សនាកំសាន្ដ និងចូលរួមគាំទ្រដល់ស្នាដៃសិល្បៈ និងបង្ហាញដល់ភ្ញៀវទេសចរទស្សនាកំសាន្ដ។ ពិធីដង្ហែនេះដោយមានអ្នកទេសជាតិ និងអន្ដរជាតិរាប់ពាន់នាក់ចូលរួមដង្ហែ និងឈរអបអរតាមដងផ្លូវ អមដោយការប្រគុំតន្ដ្រី ការរាំច្រៀង និងសំឡេងហ៊ោរកញ្ជ្រៀវកងរំពងផងដែរនាពេលរាត្រីផង។ប្រជាពលរដ្ឋខ្មែរដែលបានចូលរួមទស្សនាបានបង្ហាញពីអារម្មណ៍រីករាយ ដោយលើកឡើងថា ការបង្កើតក្បួនដង្ហែតុក្កតាយក្សនេះ គឺជាសក្ខីភាពបង្ហាញពីប្រទេសជាតិមានសុខសន្ដិភាព ការរស់ឡើងវិញនូវវិស័យទេសចរណ៍ និងការលើកកម្ពស់វិស័យសិល្បៈវប្បធម៌នៅក្នុងតំបន់ទេសចរអង្គរ ជាពិសេសធ្វើឱ្យមានការទាក់ទាញអ្នកទេសចរទៅកំសាន្ដនៅខេត្ដសៀមរាបផងដែរ។ ពួកគាត់សម្ដែងនូវមោទនភាពដែលក្រុងសៀមរាបមានការបង្កើត នូវកម្មវិធីទាក់ទាញអ្នកទេសចរបែបនេះ ក្រោយពីអាក់ខានជាង ២ឆ្នាំដោយសារជំងឺកូវីដ១៩។ ជាមួយគ្នានេះ តុក្កតាយក្សនេះ ពិតជាសិល្បៈកែឆ្នៃដ៏ល្អឥតខ្ចោះរបស់អ្នករៀបចំ ព្រោះរូបតុក្កតានិមួយៗរចនាឡើងបង្កប់នូវអត្ថន័យយ៉ាងជ្រាលជ្រៅសម្រាប់ប្រជាពលរដ្ឋខ្មែរ៕

បណ្ដាញសង្គម

ព័ត៌មានថ្មីៗ

សម្តេចធិបតី ហ៊ុន ម៉ាណែត អញ្ជើញចូលរួមពិធីបើកកិច្ចប្រជុំកំពូលស្តីពីសុខភាពតែមួយ

ប្រភពប៉ាគីស្ថាន៖ កិច្ចប្រឹងប្រែង ដើម្បីសម្រួលដល់ការចរចា រវាងសហរដ្ឋអាមេរិក និងអ៊ីរ៉ង់ កំពុងបន្ត

អាមេរិកវាយប្រហារគោលដៅយោធាលើកោះ Kharg របស់អ៊ីរ៉ង់ ខណៈលោក Vance ប្រាប់ថា គ្មានការប្តូរយុទ្ធសាស្ត្រទេ

ប្រេងឡើងថ្លៃ និងកង្វះខាតប្រេង រុញច្រានឲ្យអ្នកប្រើប្រាស់ប៉ាគីស្ថានងាកមករកម៉ូតូអគ្គិសនី

លោក Trumpថា សង្គមមនុស្សទាំងមូលនឹងត្រូវស្លាប់នៅយប់នេះ បើសិនជាអ៊ីរ៉ង់មិនបង្កើតកិច្ចព្រមព្រៀង

[UPDATE] លោក Trump បញ្ជាក់ថា «អារ្យធម៌ទាំងមូលនឹងលែងមាននៅយប់នេះ» បើអ៊ីរ៉ង់មិនធ្វើកិច្ចព្រមព្រៀង

ចិនសង្ឃឹមថា ភាគីពាក់ព័ន្ធនឹងសង្រ្គាមអ៊ីរ៉ង់អាចក្តាប់ឱកាស ដើម្បីសន្តិភាព និងចាប់ផ្តើមកិច្ចពិភាក្សាឡើងវិញ

អ៊ីរ៉ង់គំរាមរំខានការផ្គត់ផ្គង់ប្រេង និងឧស្ម័ន ក្នុងតំបន់ «ជាច្រើនឆ្នាំ» បើហេដ្ឋារចនាសម្ព័ន្ធស៊ីវិលត្រូវបានវាយប្រហារ

WHO ៖ ការជម្លៀសផ្នែកវេជ្ជសាស្រ្តនៅតំបន់ហ្កាហ្សា បានផ្អាក ក្រោយកម្មករជាប់កិច្ចសន្យាម្នាក់ត្រូវបានសម្លាប់

BREAKING NEWS ៖ សង្គមមនុស្សទាំងមូលនឹងត្រូវស្លាប់នៅយប់នេះ បើសិនជាអ៊ីរ៉ង់មិនបង្កើតកិច្ចព្រមព្រៀង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ទិន្នន័យជំរឿនសត្វក្រៀលមានការកើនឡើង ក្នុងរយៈពេល២០ឆ្នាំចុងក្រោយនេះ

មនុស្ស ៥នាក់ ស្លាប់ ខណៈព្យុះវាយប្រហារភាគខាងជើងអ៊ីតាលី និងភ្លើងឆេះព្រៃ នៅកោះ Sicily

ក្រសួងវប្បធម៌ គ្រោងរៀបចំមហោស្រពចាប៉ីដងវែងទូទាំងប្រទេស ក្រោមប្រធានបទ វប្បធម៌សន្តិភាព

ស្ត្រីទីមួយរបស់សហរដ្ឋអាមេរិក Jill Biden ទស្សនាពីរ៉ាមីតរបស់ប្រទេសអេហ្ស៊ីប

កម្ពុជាត្រៀមបំបែកកំណត់ត្រាពិភពលោករាំម៉ាឌីហ្សុនអ្នកចូលរួម៤៩៩៩នាក់ នាពេលបន្តិចទៀតនេះ

ខេត្តសៀមរាបមានសណ្ឋាគារ ២៣៧ និងផ្ទះភ្ញៀវ ២៨៣ទីតាំង ខណៈសន្ទុះភ្ញៀវទេសចរកំពុងមានកំណើនឡើងវិញ

មនុស្សជាច្រើនកុះករចូលរួមដង្ហែតុក្កតាយក្សលើកទី១២ នៅក្រុងសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ទិន្នន័យជំរឿនសត្វក្រៀលមានការកើនឡើង ក្នុងរយៈពេល២០ឆ្នាំចុងក្រោយនេះ

មនុស្ស ៥នាក់ ស្លាប់ ខណៈព្យុះវាយប្រហារភាគខាងជើងអ៊ីតាលី និងភ្លើងឆេះព្រៃ នៅកោះ Sicily

ក្រសួងវប្បធម៌ គ្រោងរៀបចំមហោស្រពចាប៉ីដងវែងទូទាំងប្រទេស ក្រោមប្រធានបទ វប្បធម៌សន្តិភាព

ស្ត្រីទីមួយរបស់សហរដ្ឋអាមេរិក Jill Biden ទស្សនាពីរ៉ាមីតរបស់ប្រទេសអេហ្ស៊ីប

កម្ពុជាត្រៀមបំបែកកំណត់ត្រាពិភពលោករាំម៉ាឌីហ្សុនអ្នកចូលរួម៤៩៩៩នាក់ នាពេលបន្តិចទៀតនេះ

ខេត្តសៀមរាបមានសណ្ឋាគារ ២៣៧ និងផ្ទះភ្ញៀវ ២៨៣ទីតាំង ខណៈសន្ទុះភ្ញៀវទេសចរកំពុងមានកំណើនឡើងវិញ

មនុស្ស​ជាច្រើន​កុះករ​ចូលរួម​ដង្ហែ​តុក្កតា​យក្ស​លើក​ទី​១២​ នៅ​ក្រុង​សៀមរាប​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សជាច្រើនកុះករចូលរួមដង្ហែតុក្កតាយក្សលើកទី១២ នៅក្រុងសៀមរាប