BTV NEWS

អាកាសយានដ្ឋានអន្តរជាតិភ្នំពេញ នឹងបើកជាសួនសាធារណៈ នៅក្នុងឱកាសពិធីបុណ្យចូលឆ្នាំខ្មែរ

ការរៀបចំតុបតែងលម្អតំបន់វត្តភ្នំ កំពុងដំណើរការយ៉ាងសស្រាក់សស្រាំ ខណៈថ្ងៃចូលឆ្នាំកាន់តែកៀក

អាណិកជនខ្មែរច្រើនថែមទៀតមកលេងស្រុកកំណើត អបអរសាទរបុណ្យចូលឆ្នាំថ្មី ជួយលើកកម្ពស់សេដ្ឋកិច្ចជាតិ

នាវាទេសចរណ៍មួយដឹកភ្ញៀវទេសចរសរុបជាង៦០០នាក់ ចូលចតនៅកំពង់ផែក្រុងព្រះសីហនុ

វប្បធម៌ និងទេសចរណ៍

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

កោះកុង ៖ រយៈពេល ២ថ្ងៃនៃការឈប់សម្រាក ខេត្តកោះកុង មានភ្ញៀវទេសចរសរុបជិត៩ពាន់នាក់ បានមកលេងកម្សាន្តស្នាក់ នៅតាមរមណីយដ្ឋាននានា។ ទោះបីជាអាកាសធាតុបានអំណោយផលល្អយ៉ាងណាក៏ដោយ។ក្នុងឱកាសព្រះរាជពិធីគ្រងព្រះបរមរាជសម្បត្តិរបស់ព្រះមហាក្សត្រ និងពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី២៩ ដល់ថ្ងៃទី៣០ ខែតុលា ឆ្នាំ២០២០ គឺមានភ្ញៀវទេសចរជាតិ និងអន្តរជាតិសរុប៨.៩៦៦នាក់ បានមកស្នាក់នៅ និងលេងកម្សាន្តនៅតាមរមណីយដ្ឋានផ្សេងៗ ក្នុងខេត្តកោះកុង។គូសបញ្ជាក់ប្រាប់ទូរទស្សន៍ប៊ីធីវី នៅព្រឹកថ្ងៃទី៣១ខែតុលា លោក សុខ ចាន់គ្រឹស្នា ប្រធានមន្ទីរទេសចរណ៍ ខេត្តកោះកុង វាយតម្លៃបឋមថា តួលេខអ្នកទេសចរថយចុះច្រើន បើធៀបនឹងរយៈពេលដូចគ្នាកាលពីឆ្នាំមុន ព្រោះតែបញ្ហាគ្រោះទឹកជំនន់ នៅតាមបណ្តាភាគពាយព្យប្រទេសកម្ពុជាកន្លងទៅ ធ្វើឱ្យបាត់បង់ឱកាសដំណើរកម្សាន្ត ស្របពេលជំងឺវិបត្តិជំងឺកូវីដ១៩ផងដែរ។ ត្បិតអាកាសធាតុភ្លៀងខ្យល់ស្ងប់ស្ងាត់ល្អអំឡុងពេលថ្ងៃឈប់សម្រាកក៏ដោយ។លោកប្រធានមន្ទីរទេសចរណ៍ខេត្តកោះកុង ឱ្យដឹងទៀតថា មន្ទីរបានណែនាំដល់ក្រុមអាជីវកម្ម និងប្រតិបត្តិករផ្នែកសេវាកម្សាន្តស្នាក់នៅទាំងអស់ពីរបៀបថែរក្សាអនាម័យបរិស្ថានសោភណ្ឌ ពង្រឹងគុណភាពចំណីអាហារ រក្សាតម្លៃផលិតផលសេវាកម្មឱ្យសមរម្យ ជាពិសេសអនុវត្តវិធានការទប់ស្កាត់ការរីករាលដាលជំងឺកូវីដជាដើម។ក្រុមអ្នកទេសចរក្នុងស្រុកមកពីរាជធានីភ្នំពេញ និងខេត្តកំពង់ស្ពឺ ដែលបានមកកម្សាន្តនៅរមណីយដ្ឋានធម្មជាតិព្រៃកោងកាងពាមក្រសោប សម្តែងនូវក្តីរំភើបចិត្តក្រោយពីទស្សនាចរពីភាពខៀវខ្ចីព្រៃប្រឹក្សា ដើរលើស្ពានយោល ព្រមទាំងបរិភោគអាហារសមុទ្រស្រស់។ក្រុមអ្នកទេសចរដដែល អះអាងថា សេវាកម្មនិងផលិតផលលក់ដូរជូនពួកគាត់ គឺតម្លៃអាចទទួលបានមិនថ្លៃពេកនោះទេ ហើយសំណូមពរដល់អាជីវករបន្តរក្សាតម្លៃបែបរហូត ដើម្បីស្តារសេដ្ឋកិច្ចឡើងវិញក្រោយជួបបញ្ហាវិបត្តិជំងឺកូវីដ។អ្នកស្រី ទិត្យ ប៉ោង អ្នកលក់សំបុត្រចូលកម្សាន្តសហគមន៍ទេសចរពាមក្រសោប លើកឡើងថា ២ថ្ងៃមកនេះ មានភ្លៀងទេសចរចូលលេងត្រឹម៩០០នាក់ទេ គឺថយចុះ៥ទៅ៦ពាន់នាក់ ធៀបនឹងឆ្នាំ២០១៩ កន្លងទៅ ដោយអ្នកស្រីយល់ថាមកពីគ្រោះទឹកជំនន់ និងជំងឺកូវីដតែម្តង៕អត្ថបទ ៖ ឈឹម មករា

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង

កំពត ៖ នៅថ្ងៃទី២០ ខែធ្នូ នេះ ទីតាំងវិថីលក់ម្ហូបអាហារ ឬហៅថា Food Street មួយកន្លែង នៅតាមបណ្តោយ សួនច្បារ ជិតផ្សារណាត់ ក្នុងក្រុងកំពត ត្រូវបានបើកដំណើរការលក់ម្ហូបអាហារខ្មែរ ជាលើកដំបូង នៅក្នុង ប្រទេសកម្ពុជា ដែលមន្ត្រីក្រសួងទេសចរណ៍ បានឱ្យដឹងថា វិថីលក់ម្ហូបអាហារនេះ មិនមែនបើកលក់តែ រយៈពេលបីថ្ងៃ ក្នុងកម្មវិធីបុណ្យសមុទ្ទនេះទេ ពោលត្រូវបើកដំណើរការជារៀងរហូត។លោក តុប សុភក្ត្រ អនុរដ្ឋលេខាធិការ និងជាអ្នកនាំពាក្យក្រសួងទេសចរណ៍ បានប្រាប់BTV នៅថ្ងៃ ទី២០ ខែធ្នូ នេះថា ការបើកឱ្យមានវិថីលក់ម្ហូបអាហារនៅខេត្តកំពត ដំបូងគេ នៅកម្ពុជា គឺធ្វើឡើងស្រប តាមគោលការណ៍ចង់បានរបស់អង្គការទេសចរណ៍ពិភពលោក នៃអង្គការសហប្រជាជាតិ (UNWTO) និងស្របតាមការណែនាំរបស់ប្រមុខរាជរដ្ឋាភិបាល។លោកបានបញ្ជាក់ថា វិថីលក់ម្ហូបអាហារនេះ គឺត្រូវបានបង្កើតឡើងក្នុងគោលដៅសំខាន់ គឺធ្វើការ ផ្សព្វផ្សាយផលិតផលទេសចរណ៍ និងការបង្ហាញអត្តសញ្ញាណម្ហូបខ្មែរ រចនាបថខ្មែរ ជូនភ្ញៀវទេសចរជាតិ អន្តរជាតិ និងទាក់ទាញភ្ញៀវទេសចរអន្តរជាតិ ឱ្យស្នាក់នៅបានយូរនៅក្នុងប្រទេសកម្ពុជាផងដែរ។លោក តុប សុភក្ត្រ បានឱ្យដឹងថា វិថីលក់ម្ហូបអាហារ នេះ បានបើកបើកដំណើរការ ដំបូងប្រមាណ ៥៥តូប ដែលតុបតែងតាមរចនាបថខ្មែរ ហើយម្ហូបអាហារប្រមាណ៩០ភាគរយ គឺជាអាហារ ដែលជាអត្ត សញ្ញាណខ្មែរ ដែលមានគុណភាព និងស្តង់ដាអនាម័យខ្ពស់ ហើយក្រៅពីនេះ ជាប្រភេទភេសជ្ជៈនាំចូល មកពីក្រៅប្រទេស។ វិថីម្ហូបអាហារខ្មែរនេះ គឺជាទីតាំងស្តង់ដារមួយ ដែលមិនអនុញ្ញាតឱ្យយានជំនិះគ្រប់ ប្រភេទ បើកបរឆ្លងកាត់ ឬចូលចតឡើយ គឺអនុញ្ញាតឱ្យភ្ញៀវដើរទស្សនា ពិសារអាហារ និងស្តាប់ដូរតន្ត្រី ខ្នាតតូច ដើម្បីកម្សាន្តអារម្មណ៍ នៅពេលពិសារអាហារដ៏ឆ្ងុយឆ្ងាញ់របស់ខ្មែរតែប៉ុណ្ណោះ។តាមការគ្រោងទុក ក្រសួងទេសចរណ៍ នឹងបើកទីតាំងវិថីលក់ម្ហូបអាហារនេះ នៅតាមបណ្តាខេត្ត មួយចំនួនទៀត ជាពិសេសនៅខេត្តកែប ហើយនៅខេត្តបាត់ដំបង នៅក្នុងឱកាសរៀបចំបុណ្យទន្លេ នៅខែ មីនា ឆ្នាំ២០២០ ៕

កម្ពុជា និងចិន បានប្រឹងប្រែងក្នុងការជំរុញកិច្ចសហប្រតិបត្តិការ និងការផ្លាស់ប្តូរគ្នាឱ្យកាន់តែស៊ីជម្រៅក្នុងវិស័យវប្បធម៌ សិល្បៈ និងខ្សែភាពយន្តរវាងប្រទេសទាំងពីរ

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានលើកឡើងថា ប្រទេសកម្ពុជានិងចិនបានប្រឹងប្រែងក្នុងការជំរុញកិច្ចសហប្រតិបត្តិការ និងការផ្លាស់ប្តូរគ្នាឱ្យកាន់តែស៊ីជម្រៅក្នុងវិស័យវប្បធម៌ សិល្បៈ និងខ្សែភាពយន្តរវាងប្រទេសទាំងពីរ។ការថ្លែងរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បែបនេះក្នុងពិធីសម្ពោធបើកព្រឹត្តិការណ៍ ដំណើរភាពយន្តចល័តចិន-កម្ពុជា លើកទី៤, នៅសាលសន្និសីទចតុម្មុខ រសៀលថ្ងៃទី៤ វិច្ឆិកា ២០១៩នេះ។លោកជំទាវកិត្តិសង្គហបណ្ឌិត ម៉ែន សំអន បានបន្តថា តាមរយៈព្រឹត្តិការណ៍ “ដំណើរភាពយន្តចល័តចិន-កម្ពុជាដ៏ឆ្នើម”នេះ យើងអាចមើលឃើញថា វិទ្យុមិត្តភាពកម្ពុជាចិន មិនត្រឹមតែ បានចូលរួមយ៉ាងសកម្មក្នុងសកម្មភាព ផ្សព្វផ្សាយព័ត៌មាន និងផ្លាស់ប្តូរវប្បធម៌រវាងប្រទេសនិងប្រជាជនទាំងពីរប៉ុណ្ណោះទេ ថែមទាំងបានដើរតួនាទីជាស្ពានចម្លងក្នុងការលើកកម្ពស់ការយល់ដឹង និងផ្លាស់ប្តូរវប្បធម៌និងព័ត៌មានរវាងប្រជាជននៃប្រទេសទាំងពីរ ព្រមទាំងបានចូលរួមក្នុងការពង្រឹងចំណងមិត្តភាពជាប្រពៃណី រវាងកម្ពុជានិងចិន ឱ្យកាន់តែរឹងមាំនិងស្ថិតស្ថេរជារៀងរហូត។ព្រោះថាព្រះរាជាណាចក្រកម្ពុជា និងសាធារណរដ្ឋប្រជាមានិតចិន បានចាប់ផ្តើមមានទំនាក់ទំនង ការទូតជាផ្លូវការ ចាប់ពីថ្ងៃទី១៩ ខែកក្កដា ឆ្នាំ១៩៥៨មក ពោលគឺតាំង ពីជំនាន់អតីតព្រះមហាក្សត្រ កម្ពុជា សម្តេចព្រះបរមរតនកោដ្ឋ នរោត្តម សីហនុ និងឯកឧត្តមប្រធាន ម៉ៅ សេទុង ក៏ដូចជាឥស្សរជនកម្ពុជា និងចិនជំនាន់ ក្រោយ រហូតដល់បច្ចុប្បន្ន ដែលមានសម្តេចតេជោ ហ៊ុន សែន ជាប្រមុខរាជរដ្ឋភិបាល និងឯកឧត្តម ប្រធានស៊ី ជិងពីង។ពេលនេះចំណងមិត្តភាពកម្ពុជា និងចិន មានរយៈពេលជាង៦០ឆ្នាំមកហើយ ដែលបង្កើតជា «ភាពជាដៃគូកិច្ចសហប្រតិបត្តិការ យុទ្ធសាស្ត្រគ្រប់ជ្រុងជ្រោយកម្ពុជា-ចិន» នៅឆ្នាំ ២០១០ ដែលបានផ្តល់ផលប្រយោជន៍ជាច្រើន មិនត្រឹមតែប្រជាជនចិនប៉ុណ្ណោះទេ ប៉ុន្តែ សម្រាប់មនុស្សជាតិទាំងមូល។ជាការពិត គំនិតផ្តួចផ្តើមខ្សែក្រវាត់ និងផ្លូវ ដែលរដ្ឋាភិបាលចិនបានដាក់ចេញពិតជាបានពង្រីក និងលើកកម្ពស់ «ភាពជាដៃគូដែលមានប្រយោជន៍ទៅវិញទៅមក» «កិច្ចសហប្រតិបត្តិការឈ្នះឈ្នះ»និង«វិបុលភាពរួមគ្នា»រវាងបណ្តាប្រទេសនៅតាមខ្សែក្រវាត់ និងផ្លូវ តាមរយៈការតភ្ជាប់ហេដ្ឋារចនាសម្ព័ន្ធរូបវន្ត ស្ថាប័ន និងប្រជាជន ក៏ដូចជាសហប្រតិបត្តិការផ្នែកធុរកិច្ច វប្បធម៌ និងវិស័យសំខាន់ៗដទៃទៀតទាំងបច្ចុ ប្បន្ន និងអនាគត។ជាក់ស្តែងចាប់តាំងពីឆ្នាំ១៩៩៩ មកដល់បច្ចុប្បន្ន សម្តេចតេជោនាយករដ្ឋមន្ត្រីបានធ្វើទស្សនកិច្ចផ្លូវការ ទៅប្រទេសចិន ចំនួន ១៩លើកមកហើយ។ កាលពីឆ្នាំ២០១៨ ប្រទេសយើងទាំងពីរក៏បានប្រារព្ធខួប ៦០ឆ្នាំ នៃទំនាក់ទំនងកម្ពុជា-ចិនផងដែរ ដើម្បីរំលឹកដល់ចំណងទំនាក់ទំនងការទូតនិងមិត្តភាពជាប្រពៃណីរវាងប្រទេសទាំងពីរកម្ពុជានិងចិន។ចាប់តាំងពីឆ្នាំ២០១៦មក ព្រឹត្តិការណ៍“ដំណើរភាពយន្តចល័តចិន-កម្ពុជាដ៏ឆ្នើម” ដែលបានរៀបចំឡើងដោយវិទ្យុមិត្តភាពកម្ពុជាចិន ដោយសហការ ជាមួយនាយកដ្ឋានសិល្បៈ ភាពយន្ត និងផ្សព្វផ្សាយវប្បធម៌នៃក្រសួងវប្បធម៌និងវិចិត្រសិល្បៈរបស់កម្ពុជា បានចាក់បញ្ចាំងអស់រយៈពេល៣ឆ្នាំជាប់ៗគ្នារួចមកហើយ ដែលបានគ្របដណ្ដប់ខេត្ត-ក្រុងចំនួន២០នៅក្នុងប្រទេសកម្ពុជា ហើយបានចាក់បញ្ជាំង ជូន ប្រជាជនខ្មែរជិត១០ម៉ឺននាក់ នៅតាមតំបន់នីមួយៗ បានចូលរួមទស្សនា។ជាចុងក្រោយលោកជំទាវកិត្តិសង្គហបណ្ឌិត ម៉ែន សំអន សូមជូនពរឱ្យព្រឹត្តិការណ៍”ដំណើរភាពយន្តចល័តចិន-កម្ពុជាដ៏ឆ្នើមលើកទី៤” នេះទទួលបានជោគជ័យកាន់តែធំធេងថែមទៀត និងសង្ឃឹមថាវិទ្យុមិត្តភាពកម្ពុជាចិននឹងនៅតែបន្តការខិតខំបំពេញការងារ របស់ខ្លួនបន្តទៀត ដើម្បីបម្រើអារម្មណ៍ប្រិយមិត្តអ្នកស្តាប់កម្ពុជា និងទទួលបាន ការគោរពស្រឡាញ់គាំទ្រកាន់តែច្រើនពីសំណាក់ប្រជាជនកម្ពុជា។ទន្ទឹមគ្នានោះឯកឧត្តម Wang Wentian អគ្គរដ្ឋទូតចិន ប្រចាំព្រះរាជាណាចក្រកម្ពុជា បានមានប្រសាសន៍ថា ទំនាក់ទំនងរវាងប្រទេស និងប្រទេសស្ថិតនៅក្រោមការស្រលាញ់គ្នាទៅវិញទៅមកនៃប្រជាជន ហើយការស្រលាញ់គ្នាទៅវិញទៅមក នៃប្រជាជនស្ថិតក្រោមការយល់ចិត្តគ្នាទៅវិញទៅមក។ ថ្នាក់ដឹកនាំកំពូលនៃប្រទេសទាំងពីរបានចាត់ទុកឆ្នាំ២០១៩ ជាឆ្នាំវប្បធម៌ ទេសចរណ៍រវាងកម្ពុជា និងចិន គឺដើម្បីជំរុញកិច្ចទំនាក់ទំនងមនុស្សសាស្ត្រនៃប្រទេសទាំងពីរកាន់តែល្អប្រសើរ។ប្រទេសកម្ពុជា និងចិន ជាប្រទេសបុរាណដែលមានប្រវតិ្តសាស្ត្រយូរអង្វែង និងអរិយធម៌នៃវប្បធម៌ដ៏ផូផង់ វប្បធម៌ចិន និងអរិយអធម៌អង្គរគួរតែពង្រឹងការសិក្សា និងស្រាវជ្រាវទៅវិញទៅមក ដើម្បីសម្រេចបានការអភិវឌ្ឍ និងមានវិបុលភាពរួមគ្នា។បច្ចុប្បន្នប្រទេសកម្ពុជា និងចិន កំពុងចូលរួមយ៉ាងសកម្មក្នុងការកសាងសហគមន៍ជោគវាសនារួមក្រោមអត្ថន័យយុទ្ធសាស្ត្រ ហើយកិច្ចទំនាក់ទំនងលើវិស័យមនុស្សសាស្ត្រជាផ្នែកមួយយ៉ាងសំខាន់ដែលមិនអាចខ្វះបានក្នុងចំណោមនៃផ្នែកដទៃផងដែរ៕

វត្តយុគន្ធរហៅវត្តឆ្នុកទ្រូ ស្រុកបរិបូរណ៍ ទទួលអង្គកឋិនទានពីជំទាវ កែវ ម៉ាលី ទីប្រឹក្សាសម្ដេចប្រធានព្រឹទ្ធិសភា

ភ្នំពេញ៖ ដោយមានសទ្ធាជ្រះថ្លា ក្នុងវិស័យព្រះពុទ្ធសាសនា លោកជំទាវ កែវ ម៉ាលី ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា រួមនឹងក្រុមការងារ បានដង្ហែរអង្គកឋិនទាន ទៅកាន់វត្តយុគន្ធរ ហៅវត្តឆ្នុកទ្រូ ឃំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង តាមប្រពៃណីសាសនា ដើម្បីបន្តកសាងនូវសមិទ្ធផលនានានៅក្នុងវត្តនេះ។ក្នុងឱកាសនោះ លោកជំទាវ បាននាំយកនូវទេយ្យទាន និងបច្ច័យមួយចំនួនប្រគេន ព្រះសង្ឃដែលគង់ក្នុងវត្តនេះ និងបានប្រគេនបច្ច័យសម្រាប់កសាងវត្តដែលបានប្រមូលពីពុទ្ធបរស័ទចូលរួមជិតមួយម៉ឺនដុល្លារ។សូមបញ្ជាក់ថា កឋិនទាន គឺជាបុណ្យមួយ ដែលមានតែក្នុងព្រះពុទ្ធសាសនាប៉ុណ្ណោះ និងជាទានមានមកតាមផ្លូវព្រះវិន័យ ហើយក៏ជាកាលទានដ៏ពិសេសមួយមានកំណត់ពេលវេលាច្បាស់លាស់ ពុំមែនចេះតែធ្វើនៅពេលណា ក៏បានតាមចិត្តចង់នោះឡើយ។ រយៈកាលទទួលកឋិនទានក្ដី និងរយៈកាលកឋិនទានក្ដី អាចធ្វើបានតែក្នុងសម័យតែ ១ខែគត់ (២៩ថ្ងៃ) ចាប់ពីថ្ងៃ ១រោច ខែអស្សុជ ដល់ថ្ងៃ១៥កើត ខែកត្តិក។ក្នុងវត្តមួយ បើការចាំវស្សា គ្មានភិក្ខុសោះ ក៏មិនអាចហែកឋិនចូលដែរ ព្រោះសាមណេរ គ្មានសិទ្ធិទទួលក្រាលគ្រងកឋិនទេ លុះតែយ៉ាងហោចបំផុតត្រូវមានភិក្ខុ១អង្គដែរហើយដែលបានចាំវស្សាអស់៣ខែ បានត្រឹមត្រូវទើបអាចហែកឋិនចូលបាន ៕

សម្តេចតេជោ ហ៊ុន សែន អញ្ជើញសំណេះសំណាលនិងពិសាអាហារសាមគ្គីជាមួយប្រជាពលរដ្ឋខ្មែរ ជាគ្រីស្ទបរិស័ទ ជាង ៣,០០០នាក់ នៅមជ្ឈមណ្ឌលកោះពេជ្រ

ភ្នំពេញ៖ នៅល្ងាចថ្ងៃសៅរ៍ ១៤កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១២ ខែតុលា ឆ្នាំ២០១៩ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញផ្តល់កិត្តិយក្នុងពិធិសំណេះសំណាល និងពិសារអាហារសាមគ្គីជាមួយប្រជាពលរដ្ឋខ្មែរ ជាគ្រីស្ទបរិស័ទសរុបជាង ៣,០០០នាក់ នៅមជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញ។តាមការអោយដឹងពី ឯកឧត្តម ទេសរដ្ឋមន្ត្រី ហ៊ឹម ឆែម រដ្ឋមន្ត្រីក្រសួងធម្មការ និងសាសនា បានឱ្យដឹងថា បច្ចុប្បន្នប្រជាពលរដ្ឋខ្មែរដែលបានជឿលើគ្រីស្ទសាសនាមានចំនួនសរុប ១១៤,៤០២នាក់។គ្រីស្ទសាសនា ក៏បានដើរតួនាទីយ៉ាងសំខាន់ ក្នុងការជួយពង្រឹង និងអប់រំសីលធម៌ ចរិយាធម៌សង្គម និងចូលរួមយ៉ាងសកម្មក្នុងការកសាង និងអភិវឌ្ឍសង្គមកម្ពុជា ឱ្យមានសុខសន្តិភាព ស្ថិរភាព រស់នៅប្រកបដោយភាពថ្លៃថ្នូរ និងសុខដុមរមនាជាមួយគ្នា វៀរចាកផុតពីការរើសអើង ប្រកាន់ពូជសាសន៍ ពណ៌សម្បុរ និន្នាការជំនឿសាសនា អំពើប្រទូសរ៉ាយ អំពើហឹង្សាផ្សេងៗ ទាំងនៅក្នុងគ្រួសារ សហគមន៍ ក៏ដូចជានៅក្នុងសង្គមជាតិទាំងមូល។សម្តេចតេជោ ហ៊ុន សែន បានបង្ហាញនូវក្តីរីករាយសប្បាយចិត្ត ដែលបានអញ្ជើញចូលរួមសំណេះសំណាល និងពិសារអាហារសាគ្គីជាមួយបងប្អូនគ្រីស្ទបរិស័ទនាពេលនេះ។ នេះជាលើកទី៤ ហើយដែលសម្តេចតេជោ បានអញ្ជើញជួបសំណេះសំណាលជាមួយថ្នាក់ដឹកនាំ និងបងប្អូនគ្រីស្ទបរិស័ទ ដើម្បីសុខដុមនីយកម្មវិស័យគ្រីស្ទសាសនានៅក្នុងប្រទេសកម្ពុជា។សម្តេចតេជោក៏បានថ្លែងអំណរគុណចំពោះបងប្អូនបរជាពលរដ្ឋដែលជាអ្នកកាន់គ្រីស្ថសាសនាទាំងអស់ក្នុងប្រទេសកម្ពុជា ដែលតែងតែចូលរួមចំណែកជាមួយរាជរដ្ឋាភិបាលកម្ពុជាក្នុងការការអភិវឌ្ឍប្រទេសជាតិ និងចូលរួមថែរក្សាសុខសន្តិភាព ជាពិសេសកន្លងមកនេះ បានចូលរួមបោះឆ្នោតជូនគណបក្សប្រជាជនកម្ពុជា។សម្តចតេជោ ហ៊ុន សែន បានមានប្រសាសន៍ថាសាសនាធំៗនៅកម្ពុជាមាន៣ធំៗរួមមាន៖ ព្រះពុទ្ធសាសនា ដែលជាសាសនារបស់រដ្ឋ , មានឥស្លាមសាសនា និងគ្រីស្ទសាសនា។ ហើយសាសនាទាំងអស់ អាចរស់នៅជាមួយគ្នាបានដោយមិនមានជម្លោះសាសនានោះទេហើយរាជរដ្ឋាភិបាលតែងតែផ្តល់ឱកាសនិងគាំទ្រចំពោះសាសនាទាំងអស់នោះដោយមិនមានការបំបិទសិទ្ធអ្នកកាន់សាសនាអ្វីឡើយ។កម្ពុជាពិជាមានមោទនៈភាពចំពោះសាសនាទាំងអស់ដែលបានរស់នៅមិនមានជម្លោះនឹងគ្នា ហើយក៏មិនមានការវាយប្រហារខាងណានោះទេ។សម្រាប់ប្រទេសកម្ពុជាបងប្អូនជឿទៅលើសាសនាមួយណា គឺជាសិទ្ធសេរីភាពរបស់បងប្អូន។ សម្ដេចតេជោនាយករដ្ឋមន្ត្រី បានមានប្រសាសន៍ថា សាសនាទាំងអស់នៅក្នុងប្រទេសកម្ពុជាបានរស់ឡើងវិញក្រោយពីរបបប្រល័យពូជសាសន៍ ប៉ុល ពត បានដួលរលំ។ទំនាក់ទំនងរដ្ឋ និងសាសនាពិតជាបានបំពេញអោយគ្នាទៅវិញទៅមក ហើយនៅលើលោកនេះគ្មានសាសនាណាដែលប្រដៅមនុស្សអោយធ្វើអំពើអាក្រក់នោះទេ នៅក្នុងពិធីសំណេះសំណាលនោះផងដែរ សម្តេចតេជោ ហ៊ុន សែន បានអំពាវនាវអោយប្រជាពលរដ្ឋអនុវត្តនូវចំនុចសំខាន់ៗចំនួន០៦ចំនុច៖១)ត្រូវរួមគ្នាការពារសន្តិភាព សន្តិសុខ សណ្ដាប់ធ្នាប់ក្នុងសង្គមអោយបានគង់វង្ស ពីព្រោះបើមិនមានសន្តិភាពទេ កុំនិយាយពីការរីកចម្រើនខាងសាសនាអោយសោះ មានសន្តិភាព យើងអាចធ្វើអ្វីៗបានគ្រប់យ៉ាង។២)ត្រូវចូលរួមអនុវត្តអោយបានខ្ចប់ខ្ចួន នូវគោលនយោបាយភូមិឃុំមានសុវត្តិភាព ដូចជាចូលរួមលុបបំបាត់ចោរឆក់ ចោរប្លន់ ល្បែងស៊ីសងនានា។៣)តាមសហគមន៍ ឬតាមវិហារសាសនា ត្រូវចូលរួមក្នុងយុទ្ធនាការកាត់បន្ថយ និងលុបបំបាត់បញ្ហាគ្រឿងញៀនខុសច្បាប់ផ្សេងៗ។៤) ត្រូវយកចិត្តទុកដាក់លើបញ្ហាចរាចរណ៍ ដែលជាបញ្ហាសំខាន់ក្នុងប្រទេសរបស់យើង។ ដូច្នេះក្នុងពេលធ្វើដំណើរនៅលើដងផ្លូវ ត្រូវគោរពច្បាប់ចរាចរណ៍ទាំងអស់គ្នា។ ថ្ងៃនេះ ថ្ងៃស្អែកកុំអោយមានគ្រោះថ្នាក់ចរាចរណ៍។៥)ត្រូវបន្តការយកចិត្តទុកដាក់លើការធ្វើសុខដុមនីយកម្មសាសនាខ្លួនឯង និងធ្វើអោយមានទំនាក់ទំនងល្អជានិច្ច ជាមួយសាសនាដ៏ទៃទៀតផងដែរ។៦)ត្រូវបន្តធ្វើការបណ្តុះបណ្តាលធនធានមនុស្សអោយបានច្រើនបន្ថែមទៀត ដើម្បីងាយស្រួលក្នុងការចូលរួមចំណែកក្នុងសង្គម និងការអភិវឌ្ឍន៍លើវិស័យផ្សេងៗទៀតជាមួយរាជរដ្ឋាភិបាលកម្ពុជា។សម្តេចតេជោនាយករដ្ឋមន្ត្រី សូមឲ្យបងប្អូនអ្នកគោរពប្រតិបត្តិគ្រីស្ទសាសនា ទាំងអស់ចូលរួមជាមួយរាជរដ្ឋាភិបាលក្នុងការបន្តរក្សាសន្តិភាពដើម្បីអភិវឌ្ឍន៍ប្រទេសកម្ពុជាយើងឲ្យកាន់តែមានការអភិវឌ្ឍទៅមុខទៀត។នៅក្នុងឱកាសនោះ សម្តេចតេជោ ហ៊ុន សែន បានជូនពរបងប្អូនគ្រីស្ទបរិស័ទទាំងអស់សូមជួបតែសេចក្តីសុខចម្រើនគ្រប់ៗគ្នា និងសូមព្រះយេស៊ូគ្រីស្ទព្រះអង្គប្រទានពរដល់បងប្អូនកូនក្មួយគ្រីស្ទបរិស័ទទូទាំងប្រទេស៕

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ

ភ្នំពេញ៖ ការគ្រប់គ្រងចង្ហាន់ នំចំណី ក្នុងឱកាសបុណ្យភ្ជុំបិណ្ឌនៅតាមវត្តអារាមមួយចំនួននៅរាជធានីភ្នំពេញត្រូវបានកត់សំគាល់ពីការចេះបែងចែកបានយ៉ាងល្អ ពោល គឺមិនមានខ្ជះខ្ជាយឬទុកឱ្យផ្អូមចោលនោះឡើយ។ ព្រះសង្ឃនៅតាមវត្តអារាមមួយចំនួនបានវេចខ្ចប់ចង្ហាន់ និងចែកបន្តទៅប្រជាពុទ្ធបរិស័ទ ជាពិសេសអ្នកដែលប្រឈមទៅនឹងការខ្វះខាត។ម្ហូបអាហារ នំចំណីដ៏សំបូរបែបនៅតាមទីវត្តអារាមមួយចំនួននៅរាជធានីភ្នំពេញ បានធ្វើឱ្យមតិមួយបារម្ភ ពីការទុកដាក់មិនបានល្អ ប៉ុន្តែ ផ្ទុយទៅវិញ គេសង្កេតឃើញនៅតាមវត្តអារាមមួយនៅរាជធានីភ្នំពេញបានយល់ដឹង និងមានការបែងចែង ចង្ហាន់បានយ៉ាងល្អ។ ជាក់ស្ដែងដូចជាវត្តបទុមវតីរាជវរារាម ជាដើមបានយក អាហារ ដែលប្រជាពុទ្ធបរិស័ទប្រគេន វេចខ្ចប់ ដួសដាក់ឆ្នាំង យកទៅចែកជូនដល់ប្រជាពលរដ្ឋ ដែលមកសម្រាកព្យាបាលជម្ងឺ នៅមន្ទីរពេទ្យគន្ធបុប្ផា ដែលទាំងអស់នេះបានចូលរួមចំណែកកាត់បន្ថយការចំណាយ និងមិនខ្ជះខ្ជាយនោះទេ។ចំណែកឯព្រះសង្ឃគង់នៅវត្តសុវណ្ណមុនីសាគរសំរោងអណ្តែតវិញ ក៏មិនខុសពីវត្តបទុវតីដែរ សម្តេចព្រះសាក្យមុនី រ័ត្ន សារឿន សមាជិកថេរសភាសង្ឃ នៃព្រះរាជាណាចក្រកម្ពុជា មានសង្ឃដីកាថា វត្តសំរោង អណ្តែតនៅពេលដែលព្រះសង្ឃឆាន់ត្រង់រួច ព្រះសង្ឃតែងតែប្រកាស តាមឧឧគ្ឃោសនស័ព្ទ អញ្ជើញមនុស្សម្នារទាំងអស់ ដែលនៅក្នុងបរិវណវត្ត អោយមកទទួលទានអាហារ ជារៀងរាល់ថ្ងៃនៅក្នុងឱកាសបុណ្យកាន់បិណ្ឌនេះ។ មិនថាជនអនាថា អ្នកសុំទាន អ្នករត់ម៉ូតូឌុប ម៉ូតូកង់បី អ្នកលក់នំចំណីជាដើម អោយមកពិសារអាហារជារៀងរាល់ នេះជាសង្ឃដិការបស់ព្រះអង្គ។ប្រជាពលរដ្ឋដែលបានទទួលអាហារពីព្រះសង្ឃ ម្នាក់ៗបានសំដែងនូវទឹកចិត្ត ត្រេកអរយ៉ាងខ្លាំង ចំពោះទឹកចិត្ត ព្រះសង្ឃទាំងអស់ ដែលបានចែកជូន នូវចំណីអាហារទាំងនេះ មកដល់ពួកគាត់ជារៀងរាល់ថ្ងៃ នៅក្នុងឱកាសបុណ្យកាន់បិណ្ឌនេះ ស្របពេលដែលពួកគាត់កំពុង តែមានការខ្វះខាត់ក្នុងជីវភាព និងគ្រាន់បានបន្ធូរបន្ថយ ការចំណាយលើការហូបចុកប្រចាំថ្ងៃ បានមួយគ្រាៗផងដែរ។តាមរយៈសកម្មភាពទាំងនេះ គឺបានឆ្លុះបញ្ចាំងពីវប្បធម៌ នៃការចែករំលែក និងឆ្លើយតបទៅតាមសេចក្តីត្រូវការ។ ជារៀងរាល់ឆ្នាំគេតែងតែឃើញមានការបញ្ចេញមតិ វែកញែកគ្នាជារឿយៗ អំពីម្ហូបអាហារដែលមានច្រើនលើសលប់ ដែលធ្វើឱ្យមានបារម្ភពីការគ្រប់គ្រងមិនបានល្អ ខណៈក្មេងកំព្រា ជនអនាថាមួយចំនួន កំពុងប្រឈមការអត់ឃ្លាន៕

ជនរងគ្រោះទាំងអស់ក្នុងរបបខ្មែរក្រហម ស្ថិតនៅក្នុងការចងចាំ និងការគិតគូរខ្ពស់បំផុតពីរាជរដ្ឋាភិបាល

ភ្នំពេញ៖ លោក ឆាយ វិសុទ្ធ ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង បានបញ្ជាក់ថា រាជរដ្ឋាភិបាលកម្ពុជា មានឆន្ទៈខ្ពស់ គិតគូរទៅដល់ជនរងគ្រោះទាំងអស់នៅទូទាំងប្រទេសកម្ពុជា ដែលបានឆ្លងកាត់ សំលាប់ដោយរបបកម្ពុជា ប្រជាធិបតេយ្យ។ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង ប្រាប់យ៉ាងដូច្នេះ ក្នុងឱកាសដែរលោកជំទាវ កិត្ដិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច តំណាងដ៍ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃរាជរដ្ឋាភិបាលកម្ពុជា បានចូលរួមប្រារព្ធពិធីបុណ្យសូត្រមន្តកាន់បិណ្ឌបង្សុកូល ឧទ្ទិសកុសល្យផលបុណ្យដល់ព្រលឹងអ្នកស្លាប់ រាបម៉ឺននាក់នៅមជ្ឈមណ្ឌលប្រល័យពូជសាសន៍ទួលស្លែង រយៈពេល០២ថ្ងៃ ពីថ្ងៃទី១៧-១៨ កញ្ញា ២០១៩នេះ។លោក បន្តទៀតថា ក្រៅការស្វែងរកយុតិ្តធម៌ កម្មវិធីថ្ងៃនេះ ក៏បង្ហាញពីការសហការគ្នារវាងរាជរដ្ឋាភិបាល និងវិស័យឯកជននានា មូលមតិគ្នា ក្នុងការចងចាំទៅដល់ជនរងគ្រោះទាំងអស់។ មានន័យថា ប្រជាពលរដ្ឋស្លូតត្រង់ដែលបាត់បង់ជីវិត មិនមានន័យថា ទៅដោយការបំភ្លេចចោលនោះទេ គឺយើងបានរំលឹកជារៀងរាល់ឆ្នាំ ជាពិសេសនៅក្នុងសារមនី្ទរទួលស្លែង។នាឱកាសនោះ លោកជំទាវកិត្ដិសង្គហបណ្ឌិត ម៉ែន សំអន ក៏បានអុជធូប បួងសួង រាប់បាត្រ សូមអោយព្រលឹងវិញ្ញាណទាំងនោះ បានទៅចាប់កំណើតនៅទីឋានដែលសមគួរផងចុះ។ លោកជំទាវកិត្ដិសង្គហបណ្ឌិត ម៉ែន សំអន បានថ្លែងថា ការធ្វើបុណ្យកាន់បិណ្ឌនេះ ជាចំណែកមួយ គឺដើម្បីឧទ្ទិសដល់ដួងវិញ្ញាណក្ខន្ធរបស់ឥស្សរជន វីរជន យុទ្ធជន ដែលបានលះបង់ជីវិតដើម្បីបុព្វហេតុរំដោះជាតិ និងប្រជាជនពីរបបណានិគមចាស់ ថ្មី និងពីរបប ប្រល័យពូជសាសន៍ ប៉ុល ពត។ជាពិសេសជាងនេះទៅទៀត គឺប្រជាជន ស្លូតត្រង់ដែលទទួលរងទុក្ខ ទារុណកម្ម យ៉ាងព្រៃផ្សៃ និងស្លាប់យ៉ាងអយុត្តិធម៌បំផុតនៅក្នុងរបបកម្ពុជាប្រជាធិបតេយ្យ។ ដូច្នេះ សូមឱ្យដួងវិញ្ញាណក្ខន្ធអ្នកទាំងអស់ សូមឱ្យបានទៅកាន់សុគតិភពកុំបីឃ្លៀងឃ្លាតឡើយ៕

នាយឧត្តមសេនីយ៍ ប៉ែន វិបុល និងលោកជំទាវ តំណាង ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតី ក្នុងពិធីកាន់បិណ្ឌវេន៣

ភ្នំពេញ ៖ ក្នុងឱកាសនៃបងប្អូនប្រជាពលរដ្ឋខ្មែរ ជាពុទ្ធបរិស័ទ ដែលគោរពប្រតិបត្តិ ទំនៀមទម្លាប់ ប្រកាន់ខ្ជាប់ប្រពៃណី ព្រះពុទ្ធសាសនា ហើយតែងតែធ្វើបុណ្យធ្វើទាន នៅគ្រប់រដូវកាល នៃពិធីបុណ្យនីមួយៗជារៀងរាល់ឆ្នាំនោះ សម្រាប់ឱកាស នៃពិធីបុណ្យកាន់បិណ្ឌ ភ្ជុំបិណ្ឌ ឆ្នាំនេះត្រូវជាវេនទី៣ នៃថ្ងៃកាន់បិណ្ឌ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតី ក្នុងពិធីកាន់បិណ្ឌវេន៣ ព្រមទាំងក្រុមគ្រួសារកូនចៅញាតិសន្ដានទាំងអស់ រួមជាមួយថ្នាក់ដឹកនាំអគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទជិតឆ្ងាយ បានអញ្ជើញចូលរួមកាន់បិណ្ឌនៅ វត្តបទុមវតីរាជវរារាម ដែលស្ថិតក្នុងសង្កាត់ចតុមុខ ខណ្ឌដូនពេញ។ពិធីកាន់បិណ្ឌវេនទី៣ បានប្រព្រឹត្តទៅដោយរលូននៅរសៀលថ្ងៃអាទិត្យ ២រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែកញ្ញា ឆ្នាំ២០១៩នេះ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ រួមជាមួយ អគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទចំណុះជើងវត្តជិតឆ្ងាយ បានអញ្ជើញចូលរួម សូត្រមន្ត សមាទានសីល និមន្តព្រះសង្ឃចម្រើនព្រះបរិត្ត និងសម្តែងធម្មទេសនា ទាក់ទងទៅនឹងពិធីបុណ្យកាន់បិណ្ឌ និងភ្ជុំបិណ្ឌ ដែលជាពិធីមួយត្រូវបានពុទ្ធបរិស័ទខ្មែរទូទាំងប្រទេស ប្រារព្ធធ្វើជារៀងរាល់ឆ្នាំ ក្នុងជំនឿយ៉ាងមុតមាំលើទស្សនៈកម្មផល ធ្វើល្អ បានល្អ ធ្វើអាក្រក់ បានអាក្រក់។លុះព្រឹកឡើងថ្ងៃចន្ទទី១៦ ខែឆ្នាំដដែល ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ រួមជាមួយ ថ្នាក់ដឹកនាំអគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទចំណុះជើងវត្តជិតឆ្ងាយ បានជួបជុំគ្នាម្តងទៀតនៅបរិវេណវត្តបទុមវតីរាជវរារាម ដែលស្ថិតក្នុងសង្កាត់ចតុមុខ ខណ្ឌដូនពេញ ដើម្បីបន្តកម្មវិធីបុណ្យកាន់បិណ្ឌវេន៣នេះ ដោយបានរៀបចំថ្វាយផ្កាភ្ញីចំពោះព្រះរតនត្រ័យ និងនមស្សការ សមាទានសីល រាប់បាត្រ ប្រគេនបច្ច័យព្រះសង្ឃ ឧទ្ទិសកុសលជូន ដល់បុព្វការីជន ញាតិកាទាំង ៧សណ្តាន និងនាយ នាយរង ពលនគរបាល ដែលបានពលី ជាកិច្ចបង្ហើយពិធីបុណ្យកាន់បិណ្ឌវេនទី៣។នៅក្នុងឱកាសកាន់បិណ្ឌវេនទី៣នេះ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ បាននាំយកនូវទេយ្យទានទៅប្រគេនព្រះសង្ឃ ក្នុងពិធីកាន់បិណ្ឌវេនទី៣នេះ រួមមាន ៖ អង្ករចំនួន ៤បាវ ស្មើ ២០០គីឡូក្រាម, ស្ករស ចំនួន៥០គីឡូក្រាម, តែចំនួន ២០គីឡូក្រាម, ទឹកក្រូច ចំនួន ២០កេស, ទឹកបរិសុទ្ធឱរ៉ាល់(ដបតូច) ២០កេស, មីចំនួន ២៤កេសតូច, ត្រី.ខកំប៉ុងចំនួន៤កេសធំ, ប្រគេនសម្តេចសង្ឃនាយក នន្ទ ង៉ែត បច្ច័យចំនួន ២លានរៀល, ប្រគេនសម្តេចសង្ឃបច្ច័យចំនួន ១លានរៀល និងសាដក់១, ប្រគេនគ្រូសូត្រឆេ្វងចំនួន ២០ម៉ឺនរៀល និងសាដក់១, ប្រគេនព្រះសង្ឃ៣១អង្គ ក្នុង១អង្គ បច្ច័យចំនួន ៥ម៉ឺនរៀល និងសាដក់១, បច្ច័យសម្រាប់កសាងវត្តចំនួន ១០លានរៀល, ប្រគេនសម្តេចសង្ឃថវិកា ៥លានរៀល និងអង្ករចំនួន៥តោន ដើម្បីជួយសម្រួលដល់ការស្នាក់នៅរបស់សិស្ស និស្សិត, ប្រគេនព្រះសង្ឃទេសនាបច្ច័យ ១លានរៀល និងសាដក់១ ទឹកសុទ្ធ២កេស ទឹកប្រទាល១កេស , ជូនលោកអាចារ្យ និងគណៈកម្មការវត្ត១០នាក់ ក្នុង១នាក់ បច្ច័យ៣ម៉ឺនរៀល និងជូនតាជី យាជី ២០នាក់ ក្នុង១នាក់ បច្ច័យចំនួន ២ម៉ឺនរៀល។សូមជម្រាបថា ពិធីបុណ្យភ្ជុំបិណ្ឌជាពិធីបុណ្យដ៏ធំមួយក្នុងចំណោមពិធីបុណ្យធំៗផ្សេងទៀត ដែលប្រជាជនកម្ពុជា ប្រារព្ធធ្វើជារៀងរាល់ឆ្នាំ ពិធីបុណ្យភ្ជុំបិណ្ឌតែងតែប្រារព្ធធ្វើរយៈពេល១៥ថ្ងៃ ចាប់ពីថ្ងៃ១ រោច ខែភទ្របទ រហូតដល់ថ្ងៃ១៥រោច ខែភទ្របទ ដែលពិធីបុណ្យនេះគេចាត់ទុកថា ជាពិធីបុណ្យគោរពវិញ្ញាណក្ខន្ធ និងការឧទ្ទិសមគ្គផលជូនដល់បុព្វការីជនដែលបានចែកឋានទៅហើយឲ្យបានទទួល ព្រមទាំងបានរួចផុតពីបាបកម្មទាំងឡាយផងដែរ៕

ពិធីសែនព្រះខែកាន់តែពេញនិយមនៅកម្ពុជា

ភ្នំពេញ៖ ពិធីសែនព្រះខែនឹងឈានមកដល់ នាយប់ថ្ងៃទី១៣ កញ្ញា នេះ ជាការកត់សម្គាល់ នៅមុនថ្ងៃសែនមកដល់នៅតាមដងផ្លូវតូចធំក្នុងរាជធានីភ្នំពេញ នៅតាមហាងនំនានាបានរៀបចំស្តង់លក់នំជាច្រើនប្រភេទផ្សេងៗគ្នា ក្នុងនោះពលរដ្ឋខ្មែរជាប់សែស្រឡាយចិន បាននាំគ្នាទិញត្រៀមទុកសែន។អ្នកគ្រប់គ្រងទូទៅនៅហាងនំអប្សរា លោក សំណាង ប្រាប់ឲ្យដឹងថា បុណ្យនេះមានប្រវត្តិនិងប្រារព្ធធ្វើរៀងរាល់ឆ្នាំតាំងពីយូរយាណាស់មកហើយ សម្រាប់ជនជាតិចិនទាំងរស់នៅក្នុងប្រទេសចិន និងបណ្តាប្រទេសនានា រួមទាំងកម្ពុជាផងដែរ។ពាក់ព័ន្ធនឹងការប្រារព្ធពិធីបុណ្យខាងលើនេះដែរ លោក បានបញ្ជាក់ថា ក្នុងរដូវសែនព្រះខែ ហាងរបស់លោកផលិតនំចែកចាយនៅតាមបណ្តាស្តង់ប្រមាណជា ១០ម៉ឺនប្រអប់ឯណោះ ក្នុងតម្លៃពី ៦ដុល្លារ ដល់ជិត២០០ដុល្លារ ក្នុងមួយប្រអប់។តាមការសាកសួរពីប្រជាពលរដ្ឋដែលទៅទិញនំព្រះខែ បានរៀបរាប់ថា ជារៀងរាល់ឆ្នាំតែងតែប្រារព្ធ និងមិនដែលអាក់ខានឡើយ ព្រោះមានជាប់ខ្សែស្រឡាយចិន។ បន្ថែមពីនេះទៀត គឺក្នុងគោលបំណងសុំសេចក្តីសុខ ៕

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក

ភ្នំពេញ៖ នៅក្នុងសន្និសីទអន្តរជាតិ លើកទី១ ស្តីពីទេសចរណ៍ម្ហូបអាហារកម្ពុជា នៅថ្ងៃទី២១ ខែសីហានេះ តំណាងអង្គការទេសចរណ៍ពិភពលោក UNWTOនិងអង្គការUNESCO នៃអង្គការសហប្រជាជាតិ បានគាំទ្រកម្ពុជាចំពោះការស្នើសុំម្ហូបអាហារប្រពៃណីខ្មែរ ចំនួន១០មុខ ត្រៀមដាក់បញ្ចូលក្នុងបញ្ជីសម្បត្តិបេតិកភណ្ឌអរូបីពិភពលោក។បើតាមការអោយដឹងពីឯកឧត្តម ថោង រដ្ឋសក្កិ អគ្គនាយក អគ្គនាយកដ្ឋានអភិវឌ្ឍទេសចរណ៍ និងសហប្រតិបត្តិការអន្តរជាតិនៃក្រសួងទេសចរណ៍ បានថ្លែងថា តាមរយៈសន្និសីទអន្តរជាតិស្តីពីទេសចរណ៍ម្ហូបអាហារកម្ពុជានៅពេលនេះ ក្រសួងនឹងស្នើសុំគោលការណ៍រាជរដ្ឋាភិបាល ដើម្បីរៀបចំឯកសារមុខម្ហូបខ្មែរជាសម្លរចំនួន៥ និងមុខម្លូបជាបង្អែមប្រពៃណីចំនួន៥ទៀត ត្រៀមដាក់បញ្ចូលបញ្ជីបញ្ចូលក្នុងបញ្ជីសម្បត្តិបេតិកភណ្ឌអរូបីយពិភពលោក។ឯកឧត្ដម បន្តថា មកដល់ពេលនេះ ក្រសួងទេសចរណ៍ បានសហការជាមួយក្រសួងវប្បធម៌ និងវិចិត្រសិល្បៈ រៀបចំឯកសារមុខម្ហូបអាហារខ្មែរទាំងនេះ បានមួយចំនួនរួចហើយ ក្រសួងនឹងបន្តពិភាក្សារៀបចំផ្នែកបច្ចេកទេសជាមួយ អង្គការUNESCO ដើម្បីត្រៀមដាក់បញ្ចូលបញ្ជីបញ្ចូលក្នុងបញ្ជីសម្បត្តិបេតិកភណ្ឌអរូបីយពិភពលោក។នៅពេលនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានស្នើមន្ត្រី និងភាគីពាក់ព័ន្ធ ត្រូវរួមគ្នាកែច្នៃ ចងក្រងខ្លឹមសារ បកស្រាយបង្ហាញអំពីម្ហូបអាហារ ដែលជាសម្បត្តិវប្បធម៌ បេតិកភណ្ឌទាំងនេះ ដើម្បីចូលរួមលើកកម្ពស់ជីវភាពរស់នៅ របស់ប្រជាពលរដ្ឋក្នុងតំបន់នោះ តាមរយៈការមកដល់នៃទេសចរជាតិ-អន្តរជាតិ និងត្រៀមដាក់បញ្ចូលក្នុងបញ្ជីបេតិកភណ្ឌផងដែរ។បើតាមលោក Xu Jing នាយកប្រចាំតំបន់អាស៊ី-ប៉ាស៊ីហ្វិក នៃអង្គការទេសចរណ៍ពិភពលោក (UNWTO) បានថ្លែងថា ការអភិរក្សម្ហូបអាហារ គឺវាផ្សារភ្ជាប់នឹងការងារកសិកម្ម នៅក្នុងតំបន់មួយ ហើយវាក៏ជាអត្តសញ្ញាណទ្រព្យសម្បត្តិបេតិកភណ្ឌ របស់ប្រទេសមួយ ដែលគេកំពុងផ្តោតការយកចិត្តដាក់ខ្ពស់ និងត្រូវរៀបចំដាក់បញ្ចូលក្នុងបញ្ជីបេតិកភ័ណ្ឌពិភពលោក ដើម្បីបង្ហាញអោយប្រជាពលរដ្ឋនៅពិភពលោក មានការយល់ដឹង៕

បណ្ដាញសង្គម

ព័ត៌មានថ្មីៗ

គណៈកម្មការគ្រប់គ្រងល្បែងពាណិជ្ជកម្មកម្ពុជាដកហូតអាជ្ញាបណ្ណកាស៊ីណូពីក្រុមហ៊ុន ខេ ប៊ី អាយ (ខេមបូឌា) ភីអិលស៊ី

អ្នកការទូត៖ មេដឹកនាំអ៊ុយក្រែន កំពុងឆ្លងកាត់ «ខ្សែបន្ទាត់ក្រហម» ដោយវាយប្រហារសាលារៀនរុស្ស៊ី

រុស្ស៊ីនិយាយថា ការរំខានពីសង្គ្រាមនៅមជ្ឈិមបូព៌ា បានបើកឱកាសពាណិជ្ជកម្មថ្មីៗសម្រាប់ប្រទេសនេះ

ក្រសួងសុខាភិបាល៖ ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់ កើនឡើងជាង១.៥០០នាក់

ថ្នាក់ដឹកនាំអាកាសចរណ៍ស៊ីវិល ចុះសួរសុខទុក្ខ និងនាំយកអំណោយសម្តេចធិបតីចែកជូនពលទាហានការពារនៅព្រំដែន ៥០៤ ក្នុងឱកាសចូលឆ្នាំថ្មី

ក្រសួងមុខងារសាធារណៈ និងក្រសួងការបរទេសនឹងរៀបចំការប្រឡងប្រជែងជ្រើសរើសមន្ត្រីក្របខ័ណ្ឌប្រភេទ “ក” ចំនួន ៥២កន្លែង

ក្រសួងកសិកម្ម កំពុងរៀបចំផែនការជាជំហានៗ ដើម្បីស្តារជីវភាពពលរដ្ឋភៀសសឹកតាមរយៈការធ្វើកសិកម្មប្រមូលផ្ដុំនៅជម្រកបណ្ដោះអាសន្ន

អវកាសយានិកអាមេរិក និងកាណាដា ទាញចំណាប់អារម្មណ៍ទូទាំងពិភពលោក ជាមួយនឹងយានទៅឋានព្រះចន្ទ Artemis II

អ៊ីស្រាអែលជំរុញឲ្យនាវាទាំងអស់ជម្លៀសចេញពីតំបន់សមុទ្រភាគខាងត្បូងលីបង់ រហូតដល់ទីក្រុងTYRE

លោក Trump៖ កិច្ចព្រមព្រៀងជាមួយអ៊ីរ៉ង់ គឺជា «ជ័យជម្នះទាំងស្រុង និងពេញលេញ» សម្រាប់អាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ

ជនរងគ្រោះទាំងអស់ក្នុងរបបខ្មែរក្រហម ស្ថិតនៅក្នុងការចងចាំ និងការគិតគូរខ្ពស់បំផុតពីរាជរដ្ឋាភិបាល

ពិធីសែនព្រះខែកាន់តែពេញនិយមនៅកម្ពុជា

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

រយៈពេល​២​ថ្ងៃ​ឈប់សម្រាក ​ខេត្តកោះកុង​ ទទួល​អ្នកទេសចរ​ជិត​៩​ពាន់​នាក់​ មានការថយចុះ​បើធៀបឆ្នាំមុន

មន្ត្រី​ក្រសួងទេសចរណ៍ ឱ្យដឹងថា វិថី​លក់​ម្ហូបអាហារ​ជាច្រើន​កន្លែង ​នឹងត្រូវ​បង្កើត​ឡើង​

ភ្ជុំបិណ្ឌ​ឆ្នាំនេះ អាហារ នំចំណី ត្រូវបាន​គ្រប់គ្រង​បាន​យ៉ាង​ល្អ

ពិធី​សែន​ព្រះ​ខែ​កាន់តែ​ពេញ​និយម​នៅ​កម្ពុជា​

UNESCO​ គាំទ្រ​មុខម្ហូប​ចំនួន​១០​ត្រៀម​ដាក់បញ្ចូល​បញ្ជី​បេតិកភណ្ឌ​អរូបី​យ​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ

ពិធីសែនព្រះខែកាន់តែពេញនិយមនៅកម្ពុជា

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក