BTV NEWS

អត្តពលិក ៥០ប្រទេស ត្រៀមចូលរួមព្រឹត្តិការណ៍រត់ចម្ងាយឆ្ងាយលើទឹកដីអង្គរ នាចុងសប្ដាហ៍នេះ

ឯកឧត្តម ហួត ហាក់ ដឹកនាំគណៈប្រតិភូចូលរួមវេទិកាទេសចរណ៍អាស៊ានឆ្នាំ២០២៥ កិច្ចប្រជុំថ្នាក់រដ្ឋមន្រ្តីទេសចរណ៍អាស៊ាន លើកទី២៨ នៅម៉ាឡេស៊ី

ព្រឹត្តិការណ៍សំណេរអង្គរលើកទី២ មានបេក្ខជនសរុប ១២០០នាក់ ខណៈមានបេក្ខជនអាយុតិចជាងគេ ៦ឆ្នាំ និងវ័យចាស់ជាងគេ ៨១ឆ្នាំ

ក្រសួងវប្បធម៌ គ្រោងរៀបចំព្រឹតិ្តការណ៍ «រាត្រីសមោសរ សំពត់បត់ខ្មែរ» លើកទី២ នៅខែកុម្ភៈ ឆ្នាំ២០២៥

វប្បធម៌ និងទេសចរណ៍

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

នៅថ្ងៃទី៧ ខែវិច្ឆិកានេះ ក្រុមការងារអន្តរក្រសួង នៃគណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាបអង្គរ បើកកិច្ចប្រជុំឆ្លងសេចក្តីព្រាង ផែនការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ -ឆ្នាំ២០២៨ ដែលក្នុងសេចក្តីព្រាងផែនការគឺមានគោលបំណងសំខាន់ជំរុញការរៀបចំទាក់ទាញភ្ញៀវទេសចរអន្តរជាតិទស្សនាខេត្តសៀមរាប ឲ្យកំណើននៅរដូវកាល។ឯកឧត្តម ថោង ខុន ទេសរដ្ឋមន្ត្រីទទួលបន្ទុកបេសកម្មពិសេស និងជាប្រធានគណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាប អង្គរ ថ្លែងថា នៅក្នុងកិច្ចប្រជុំ ឆ្លងសេចក្តីព្រាងគណៈកម្មការថ្ងៃនេះ បានបង្ហាញសេចក្តីព្រាងចំនួន២ រួមមាន៖ សេចក្តីព្រាង វិធានការគន្លឹះអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ និងសេចព្រាងផែនការអភិវឌ្ឍន៍ទេសចរណ៍ ខេត្តសៀមរាប ឆ្នាំ២០២៥ ឆ្នាំ២០២៨ ដែលក្នុងសេចក្តីព្រាងផែនការអភិវឌ្ឍនេះ គឺមានគោលបំណងសំខាន់ កាត់បន្ថយគន្លាតកំណើនភ្ញៀវទេសចរអន្តរជាតិទស្សនាខេត្តសៀមរាបនៅក្នុងរដូវភ្លៀងភ្ញៀវតិច និងរដូវទេសចរច្រើន ជំរុញការទាក់ទាញភ្ញៀវទេសចរអន្តរជាតិមកទស្សនាបាននៅគ្រប់រដូវមកច្រើនដង ស្នាក់នៅយូរ ចំណាយច្រើន។ឯកឧត្តម ណេប សាមុត រដ្ឋលេខាធិការធិការទីស្តីការគណៈរដ្ឋមន្ត្រី និងក្នុងនាមជាប្រធានលេខាធិការដ្ឋាន គណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាប អង្គរថ្លែងថា នៅក្នុងដំណើររៀបចំទាក់ទាញភ្ញៀវទេសចរអន្តរមកទស្សនាខេត្តសៀមរាប អង្គរ ក្នុងរដូវភ្លៀង ទេសចរណ៍បៃតង គឺគណៈកម្មការក៏មានផែនការជំរុញរៀបចំព្រឹត្តិការណ៍ទេសចរណ៍ឲ្យបានច្រើន ជំរុញការរៀបចំកញ្ចប់ទេសចរណ៍ពិសេស និងផ្តល់គោលនយោបាយទិដ្ឋាការ ការស្នាក់នៅខេត្ត រៀបចំផលិតផលទេសចរណ៍ខេត្តសៀមរាបឲ្យមានគុណភាព និងទាក់ទាញជាដើម។ឯកឧត្តម ណេប សាមុត បន្តថា នៅក្នុងផែនការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ ឆ្នាំ២០២៨ ក៏នឹងរៀបចំគម្រោងអនុវត្តជាអាទិភាពចំនួន៧គម្រោង ជាពិសេសគម្រោងអភិវឌ្ឍសង្កាត់ទេសចរណ៍គំរូ រៀបចំវត្តទេសចរណ៍គំរូ អភិវឌ្ឍន៍ទេសចរណ៍ឌីជីថល និងការអភិវឌ្ឍតំបន់ចុងឃ្នៀស កំពង់ភ្លុក និងតំបន់គូលេន និងតំបន់មានសក្តានុពលរដ្ឋទេសចរណ៍នានាទៀត។ឯកឧត្តម បញ្ជាក់ថា ជារួមនៅក្នុងផែនការអភិវឌ្ឍន៍ទេសចរណ៍ខេត្តសៀមរាបនេះ នឹងជំរុញការទាក់ទាញភ្ញៀវទេសចរអន្តរជាតិទស្សនាសៀមរាបឲ្យបាន៤លាននាក់នៅឆ្នាំ២០២៨៕ អត្ថបទ៖ ស៊ុម សុខជា

គម្រោងថែទាំ និងជួសជុលកំពែងក្រុងអង្គរធំក្នុង ប្រវែង២៥ម៉ែត្រ នឹងបញ្ចប់នាចុងឆ្នាំនេះ

សៀមរាប៖ តាមរយៈការខិតខំប្រឹងប្រែងរបស់ក្រុមអ្នកជំនាញ នៃអាជ្ញាធរជាតិអប្សរា បានចំណាយពេលជិត៦ខែមកហើយ ដើម្បីជួសជុល ថែទាំ និងពង្រឹងកំពែងធ្វើអំពីថ្មបាយក្រៀម របស់ក្រុងអង្គរធំ ស្ថិតនៅប៉ែកខាងជើង ខ្លោងទ្វារដីឆ្នាំងឱ្យរឹងមាំឡើងវិញ។ មកដល់ពេលនេះ គម្រោងថែទាំ និងជួសជុល កំពែងក្រុងអង្គរធំ ក្នុងប្រវែង២៥ម៉ែត្រ សម្រេចលទ្ធផលបានជាង៧០ភាគរយហើយ ដោយគម្រោងនិងបញ្ចប់នាខែធ្នូ ឆ្នាំ២០២៤ខាងមុខ។លោក ម៉ៅ សុខនី មន្ត្រីបច្ចេកទេសនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានឱ្យដឹងថា គម្រោងថែទាំ ជួសជុល និងពង្រឹងកំពែងក្រុងអង្គរធំ នៅប៉ែកខាងជើង ខ្លោងទ្វារដីឆ្នាំង ក្នុងប្រវែង២៥ម៉ែត្រ ឈានចូលដំណាក់កាលទី៦ហើយ ដោយបានចាប់ផ្តើមពីខែមិថុនា ឆ្នាំ២០២៤ មកដល់ពេលនេះអនុវត្តបានប្រមាណជាង៧០ភាគរយ ដោយគ្រោងនិងបញ្ចប់គម្រោងនាខែធ្នូ ឆ្នាំ២០២៤ខាងមុខ។ លោកបញ្ជាក់ថា ដោយសារកត្តាអាយុកាលរបស់ថ្ម ព្រមទាំងកត្តាធម្មជាតិមួយចំនួនទៀតដូចជា ទឹកភ្លៀងហូរច្រោះ រុក្ខជាតិដុះចាក់ឬសធ្វើឱ្យថ្មញែកចេញពីគ្នា ព្រមទាំងកង្វះការថែទាំ ធ្វើឱ្យថ្មជញ្ជាំងកំពែងពុកផុយ ហើយដួលរលំ។ ដូច្នេះដំណើរការជួសជុល អ្នកជំនាញអាចយកថ្មចាស់ខ្លះមកជួសជុលរៀបផ្គុំវិញនៅផ្នែកខឿន បានប្រមាណ៣០ភាគរយ ចំណែកដីដែលហូរច្រោះ ត្រូវចំណាយយកដីមកចាក់បំពេញបន្ថែម។ ចំណែកបច្ចេកទេសជួសជុល អ្នកជំនាញអះអាងថា អនុវត្តទៅតាមបច្ចេកទេសពីបុរាណមក ដោយគ្រាន់តែបន្ថែមជញ្ជាំងទប់ពីខាងក្រោយ បន្ថែមកម្លាំងឱ្យរឹងមាំ ទប់ស្កាត់កម្លាំងរុញរបស់ដីដែលហូរបុកមក។ជាច្រើនឆ្នាំមកនេះ ក្រុមអ្នកជំនាញធ្លាប់បានជួសជុលកំពែងរបស់ក្រុងអង្គរធំ ដែលសាងសង់ពីថ្មបាយក្រៀមចំនួន៥កន្លែងរួចមកហើយ។ ការជួសជុលថែទាំ ពង្រឹងកំពែងក្រុងអង្គរធំ ក្រៅពីផ្តល់ឱ្យពលរដ្ឋរស់នៅជុំវិញនោះមានការងារ ក៏ជួយឱ្យកំពែងមានសោភ័ណ្ឌឡើងវិញ ចៀសផុតពីការដួលរលំ និងអាចរក្សាទីក្រុងបុរាណមួយនេះ ឱ្យមានរូបរាងដើម ស្រស់ស្អាត បន្តដល់កូនចៅជំនាន់ក្រោយ និងអាចទាក់ទាញទេសចរឱ្យមកកម្សាន្តបានទៀតផង៕

រយៈពេល១០ខែឆ្នាំនេះ គ្រឹះស្ថានអង្គរទទួលបានចំណូលជាង ៣៥លានដុល្លារ ពីការលក់សំបុត្រចូលទស្សនាអង្គរ

សៀមរាប៖ ក្នុងរយៈពេល១០ខែឆ្នាំ២០២៤នេះ គ្រឹះស្ថានអង្គរ បានទទួលប្រាក់ចំណូលជាង៣៥លាន ៩៨ម៉ឺនដុល្លាអាមេរិក ពីការលក់សំបុត្រឱ្យភ្ញៀវទេសចរអន្ដរជាតិចូលទស្សនារមណីយដ្ឋានអង្គរ។ នេះបើយោងតាមសេចក្ដីប្រកាសព័ត៌មាន របស់គ្រឹះស្ថានអង្គរ។ សេចក្ដីប្រកាសព័ត៌មានបានឱ្យដឹងថា ក្នុងរយៈពល១០ខែ ចាប់ពីខែមករា ដល់ខែដំណាច់ខែតុលាឆ្នាំ២០២៤នេះ ភ្ញៀវទេសចរទិញសំបុត្រចូលទស្សនាអង្គរមានចំនួនជាង៧ម៉ឺន៧ពាន់នាក់ នាក់ កើនឡើងជាង២៨ភាគរយ បើធៀបរយៈពេលដូចគ្នាឆ្នាំ២០២៣ និងទទួលបានប្រាក់ចំណូលចំនួន៣៥ ៩៨៧ ៩៦១ដុល្លាអាមេរិក កើនឡើងជាង២៨ភាគរយ បើធៀបនឹងឆ្នាំ២០២៣កន្លងទៅ។សេចក្ដីប្រកាសព័ត៌មានបន្ថែមថា សម្រាប់ខែតុលាឆ្នាំ២០២៤នេះ មានភ្ញៀវទេសចរអន្ដរជាតិទិញបណ្ណចូលទស្សនាអង្គរ មានចំនួន៧៤ ៣៥៣នាក់ បើធៀបនឹងឆ្នាំ២០២៣កន្លងទៅកើនឡើងជាង១៨ភាគរយ និងផ្ដល់ចំណូលថវិកាចំនួន៣ ៤៦៥ ២៣១ដុល្លា កើនឡើងជាង១៨ភាគរយ បើធៀបក្នុងរយៈពេលដូចគ្នានៃឆ្នាំ២០២៣៕

ភ្ញៀវទេសចរជាង ១១ម៉ឺននាក់មកកម្សាន្តក្នុងកម្មវិធីប្រណាំងទូកក្នុងក្រុងដូនកែវ ខេត្តតាកែវ

រយៈពេលពីរថ្ងៃ នៃពិធីប្រណាំងទូកនៅក្នុងក្រុងដូនកែវដែលអាជ្ញាធរខេត្តតាកែវបានរៀបចំធ្វើឡើង មានភ្ញៀវទេសចរជាតិ និងអន្តរជាតិបានមកចូលលេងកម្សាន្តនៅក្នុងពិធីនេះចំនួនជាង ១១ ម៉ឺននាក់។ នេះបើយោងតាមរបាយការណ៍របស់មន្ទីរទេសចរណ៍ខេត្តតាកែវ។ថ្លៃងនៅនៅក្នុងពិធីប្រណាំងទូកនៅថ្ងៃទី២ ឯកឧត្តម វ៉ី សំណាង អភិបាលខេត្តតាកែវបានថ្លៃងអំណរគុណដល់សមត្ថកិច្ច និងអាជ្ញាធរពាក់ព័ន្ធទាំងអស់ដែលបានប្រឹងប្រែងចូលរួមការពារថែរក្សាសុខសុវត្ថិភាពជូនបងប្អូនប្រជាពលរដ្ឋជាង ១០ ម៉ឺននាក់ដែលបានចូលរួមលេងកម្សាន្តនៅក្នុងពិធីប្រណាំងទូកនៅក្នុងក្រុងដូនកែវរយៈពេល២ថ្ងៃនេះប្រកបដោយសុខសុវត្ថិភាពមិនមានបញ្ហាអ្វីកើតឡើងនៅក្នុងពិធីនេះទេ។ឯកឧត្តមអភិបាលខេត្តតាកែវ ក៏បានលើកឡើងពីកត្តាសុខសន្តិភាពនៅក្នុងប្រទេស ព្រោះបើគ្មានសុខសន្តិភាពទេរដ្ឋបាលខេត្តតាកែវមិនអាចរៀបចំពិធីប្រណាំងទូកបានយ៉ាងជោគជ័យបែបនេះឡើយ ដូច្នេះគប្បីថែរក្សាសុខសន្តិភាពសម្រាប់ប្រទេសជាតិឲ្យបានយូរអង្វែងតរៀងទៅ។ថ្លែងនៅក្នុងពិធីបិទការប្រណាំងទូកនៅក្នុងក្រុងដូនកែវខេត្តតាកែវឯកឧត្តម ជា វណ្ណដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះជួយខេត្តតាកែវ បានសំដែងការកោតសរសើរចំពោះរដ្ឋបាលខេត្តតាកែវដែលបានប្រឹងប្រែងបង្កើតកម្មវិធីនេះឡើងបង្កការកម្សាន្តសប្បាយជូនដល់បងប្អូនប្រជាពលរដ្ឋនៅក្នុងខេត្តនិងប្រជាពលរដ្ឋមកពីរាជធានីភ្នំពេញនិងបណ្ដាខេត្តផ្សេងៗទៀតបានមកចូលរួមលេងកម្សាន្តយ៉ាងច្រើនកុះករ។ ឯកឧត្តម មានប្រសាសន៍បន្តថា ក្រោមផ្កាដឹកនាំរបស់រាជរដ្ឋាភិបាលកម្ពុជាបានធ្វើការណែនាំឲ្យអាជ្ញាធរខេត្តក្រុងរៀបចំពិធីផ្សេងៗដើម្បីបង្កលក្ខណៈឱ្យបងប្អូនប្រជាពលរដ្ឋបានសប្បាយរីករាយដែលក្នុងនោះខេត្តតាកែវបានរៀបចំពិធីប្រណាំងទូកនេះឡើងក្នុងរយៈពេល ២ ថ្ងៃប្រកបដោយជោគជ័យជាពិសេសអាជ្ញាធរបានថែរក្សាសុខសុវត្ថិភាពបានយ៉ាងល្អប្រសើរជូនបងប្អូនប្រជាពលរដ្ឋ។គួបញ្ជាក់ថាសម្រាប់លទ្ធផលនៃការប្រណាំងទូកក្នុងរយៈពេល ២ ថ្ងៃកន្លងមកនេះ ទូកដែលទទួលបានលេខ១ បានទៅលើទូករបស់មន្ទីរអប់រំយុវជននិងកីឡាខេត្តតាកែវ លេខ ២ បានទៅលើទូកបាយ៉ង់កោរបារមីរមានជ័យបស់សាលាស្រុកគីរីវង់ លេខ ៣ បានទៅលើកទូកព្រះខ័ណ្ឌមានជ័យបារមីព្រៃកប្បាសរបស់រដ្ឋបាលស្រុកព្រៃកប្បាស លេខ ៤ បានទៅលើទូកសែនជ័យបារមីទន្លេបាទីរបស់សាលាសុខបាទី និងលេខ ៥ បានទៅលើទូកធីវេតសែនជ័យបារមីតេជោរបស់វិទ្យាស្ថានពហុបច្ចេកវិទ្យាតេជោសែន៕

ព្រឹត្តិការណ៍វប្បធម៌តាមតំបន់លើកទី២ ឆ្នាំ២០២៤ ផ្តោតលើប្រធានបទ «មរតកយើង»

ក្រសួងវប្បធម៌ និងវិចិត្រសិល្បៈបានរៀបចំព្រឹត្តិការណ៍ «វប្បធម៌តាមតំបន់» លើកទី២ ឆ្នាំ២០២៤ ផ្តោតលើប្រធានបទ(មរតកយើង) នៅថ្ងៃទី២-៣ ខែវិច្ឆិកា ឆ្នាំ២០២៤ ស្ថិតនៅក្នុងបរិវេណវិទ្យាល័យទូកមាស ក្នុងស្រុកបន្ទាយមាស ខេត្តកំពត ដោយមានដាក់បង្ហាញស្វែងយល់នូវសិល្បៈបុរាណខ្មែរ បេតិកភណ្ឌវប្បធម៌ខ្មែរ និងការបង្ហាញទេពកោសល្យសិល្បៈរបស់យុវជនផងដែរ។លោក ហ៊ួន សាវង ប្រធាននាយកដ្ឋានសិល្បៈសូនរូប និង សិល្បៈសិប្បកម្មបានថ្លែងថា “មរតកយើង” គឺជាប្រធានបទសំខាន់នៃព្រឹត្តិការណ៍វប្បធម៌ បានប្រារព្ធឡើងលើកទី១ កាលពីឆ្នាំ២០២៣ នៅក្នុងខេត្តពោធិ៍សាត់។ ហើយក្នុងឆ្នាំ២០២៤នេះ "មរតកយើង "បានជ្រើសរើសទីតាំងប្រារព្ធនៅក្នុងបរិវេណវិទ្យាល័យទូកមាស ស្រុកបន្ទាយមាស ខេត្តកំពត ដែលមានកម្មវិធីសំខាន់ៗដូចជា កម្មវិធីស្វែងយល់អំពីបេតិកភណ្ឌវប្បធម៌ខ្មែរសម្រាប់សិស្សានុសិស្ស, ការបង្ហាញទេពកោសល្យសិល្បៈរបស់សិស្សវិទ្យាល័យ ,កម្មវិធីដាល់ អំបុក និង ការបង្ហាញសិល្បៈចម្អិនម្ហូបអាហារខ្មែរ, ពិព័រណ៍បង្ហាញកម្មវិធីបណ្តុះបណ្តាលជំនាញសិល្បៈពិព័រណ៍វត្ថុសិប្បកម្មប្រពៃណី និងផលិត ផលសិល្បៈជំនាញជូនតា, ការសម្តែងសិល្បៈទស្សនីយ ភាពចម្រុះ ព្រមទាំងកម្មវិធីសិល្បៈវប្បធម៌ជាច្រើនទម្រង់ទៀតសម្តែងក្នុងពេលរាត្រី ។លោកបន្តថា នៅក្នុងព្រឹត្តិការណ៍នេះ មានគោលដៅបញ្ជ្រៀបការ ស្វែងយល់អំពីសិល្បៈវប្បធម៌សិប្បកម្ម និងប្រពៃណីដល់យុវជន និងការបំផុសសិល្បៈមហាជនក្នុងតំបន់ជុំវិញ និង សហគមន៍សិប្បកម្មមួយចំនួនមកដាក់តាំងបង្ហាញផលិតរបស់ខ្លួនដូចជា សិប្បកម្មអនុស្សាតម្បាញចេកខ្មែរ មកពីស្រុកបាណន់ ខេត្តបាត់ដំបង សិប្បកម្មកូកូ ដឺតាកែវ នៅខេត្ត តាកែវ សិប្បកម្មត្នោត ខេត្តពោធិ៍សាត់ និង សិប្បកម្មប្រពៃណីក្នុងសហគមន៍មូលដ្ឋានជុំវិញដូចជា ស្មូនក្អមឆ្នាំងនៅភូមិដំណាក់ចំបក់ តម្បាញកន្ទេលចចូត វេញខ្សែ ជក់ត្នោត ជាដើម ។ លោកជំទាវ ប៉ែន មុនីមករា រដ្ឋលេខាធិការ តំណាងដ៏ខ្ពង់ខ្ពស់ លោកជំទាវ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និង វិចិត្រសិល្បៈបានកោតសរសើរចំពោះក្រុមការងារនាយកដ្ឋាន សិល្បៈសូនរូបនិងសិល្បៈសិប្បកម្ម ក្រុមការងាររដ្ឋបាលស្រុកបន្ទាយមាស និងក្រុមការងារវិទ្យាល័យទូកមាស ដែលបានខិតខំប្រឹងប្រែងសហការសាមគ្គីគ្នាយ៉ាងល្អរៀបចំព្រឹត្តិការណ៍មួយនេះឲ្យលេចរូបរាងឡើងយ៉ាងឱឡាឫកគួរជាទីមោទនៈ។ លោកជំទាវ ប៉ែន មុនីមករា បាត់ចាត់ទុកព្រឹត្តិការណ៍ទាំង២ថ្ងៃនេះ ជាព្រឹត្តការណ៍ដ៏មានសារៈសំខាន់មួយផ្នែកទៀត នៃការចូលរួមអភិរក្ស ផ្សព្វផ្សាយ និងលើកតម្លៃមត៌កវប្បធម៌ឱ្យកាន់តែផុលផុស។ ទន្ទឹមនឹងនេះ ការ ចូលរួមនិងការខិតខំបញ្ចេញសមត្ថភាពទេពកោសល្យរបស់សិល្បករ-សិល្បការិនី និងសិស្សានុសិស្សក្នុងព្រឹត្តិការណ៍នេះ ក៏សបញ្ជាក់អំពីភាពផ្សេងៗគ្នានៃវប្បធម៌តាមសហគមន៍នៅកម្ពុជា ដែលយើងទាំងអស់គ្នាត្រូវលើកតម្លៃស្របទៅតាមអនុសញ្ញាឆ្នាំ ២០០៥ របស់អង្គការយូណេស្កូ។សូមជម្រាបថា ក្នុងព្រឹត្តិការណ៍នេះមានរៀបចំស្តង់តាំងបង្ហាញ និងបង្ហាត់បង្រៀនអំពីផលិតផលវប្បធម៌ផ្នែកសិល្បៈគំនូរ ឌុក ស្មាច់ ដេប៉ាក់ បត់ផ្កា ធ្វើខ្លែង គូរគំនូរ ផាត់ពណ៌ ដាល់អំបុក ព្រមទាំងវេទិកាពិភាក្សាស្វែង យល់ពីមរតកវប្បធម៌ និងសិល្បៈផ្សេងៗទៀតនៅក្នុងកម្មវិធីពេលថ្ងៃ ចាប់ពីម៉ោង៨ ព្រឹកដល់ម៉ោង៧ល្ងាច។ ក្នុងកម្មវិធីនេះ សាធារណជន ជាពិសេសយុវជន និងក្មួយៗកុមារអាចចូលរួមបានដោយសេរីនៅតាមស្តង់នីមួយ។ដោយឡែកចំពោះទម្រង់សិល្បៈទស្សនីយភាពមកសម្តែងជូនសាធារណជនបានទស្សនាទាំងពីររាត្រីនេះមានក្រុម ភ្លេងប្រពៃណី, គុនល្បុក្កតោ, ចាប៉ីដឹងវែង, សិល្បៈសហសម័យ, ល្ខោនបុរាណ, សិល្បៈសៀក អង្គកាហ្វារពន្លឺសិល្បៈ, និងយីកេអង្គប្រៃ ឬអ្នកស្រុកហៅថា “ឡាំអង្គប្លែ” ក្នុងស្រុកឈូក ខេត្តកំពត ផងដែរ ៕ អត្ថបទ៖ ភារម្យ

កម្ពុជាស្ថិតនៅជួរមុខនៃការអភិរក្ស ប្រភេទសត្វត្រយងយក្សក្នុងពិភពលោក

ក្រុមការងារអភិរក្សសត្វត្រយង នៅកម្ពុជា (CIWG) បានចេញផ្សាយរបាយការណ៍ប្រចាំឆ្នាំ២០២៣ នៅថ្ងៃសុក្រ ទី០១ ខែវិច្ឆិកា ឆ្នាំ២០២៤ ដើម្បីអបអរសាទរចំពោះកិច្ចសហការប្រឹងប្រែងលើការអភិរក្សយ៉ាងយកចិត្តទុកដាក់ចំពោះប្រភេទសត្វត្រយងជិតផុតពូជរបស់កម្ពុជា គឺសត្វត្រយងយក្ស (Thaumatibis gigantea) និងសត្វត្រយងចង្កំកស (Pseudibis davisoni)។ របាយការណ៍នេះបង្ហាញពីការសម្រេចបានសំខាន់ៗដែលបានធ្វើឡើងក្នុងកិច្ចការពារ និងអភិរក្សប្រភេទសត្វដែលជានិមិត្តរូបទាំងពីរនេះក្នុងកំឡុងពេលចាប់ពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ២០២៣។នៅឆ្នាំ២០២៣ ក្រុមការងារសត្វត្រយងនៅកម្ពុជា ដែលមានសមាជិកពីស្ថាប័នរាជរដ្ឋាភិបាល និងអង្គការមិនមែនរដ្ឋាភិបាល សម្រេចបាននូវសមិទ្ធផលដ៏គួរឱ្យកត់សម្គាល់ក្នុងកិច្ចការអភិរក្ស ដែលក្នុងនោះមានដូចជាការបង្កាត់ពូជសត្វត្រយងចង្កំកស បានជោគជ័យជាលើកដំបូងសំរាប់កម្ពុជាក៏ដូចជាសម្រាប់សកលលោក និងកិច្ចខិតខំប្រឹងប្រែងនៅលើទីវាល បានរកឃើញសំបុកសត្វត្រយងយក្សច្រើនជាង៤០សំបុក។ ចំនួនសំបុកសត្វត្រយងយក្សដែលបានរកឃើញនេះ បានឆ្លុះបញ្ចាំងពីការកើនឡើងចំនួនសំបុកជោគជ័យកាលពីឆ្នាំមុន។ ការបន្តពូជរបស់សត្វត្រយងចង្កំកស ក៏មានការកើនឡើងគួរឱ្យកត់សម្គាល់ផងដែរ ដោយកូនកើតថ្មីចំនួន១៧៥ក្បាល បានហើរចេញពីសំបុកដោយជោគជ័យ។ ការធ្វើជំរឿនថ្នាក់ជាតិបានបញ្ជាក់បន្ថែមពីសារៈសំខាន់នៃកិច្ចខិតខំប្រឹងប្រែងរបស់ក្រុមការងារអភិរក្សសត្វត្រយងនៅកម្ពុជា ដោយបានកត់ត្រាសត្វត្រយងចង្កំកស ចំនួន ៧៨៤ក្បាល ដែលជាចំនួនច្រើនគួរឱ្យចាប់អារម្មណ៍ព្រោះវាស្មើនឹង៨៧ ទៅ៩៥% នៃចំនួនប្រជាសាស្ត្រសត្វត្រយងចង្កំកស ដែលមាននៅក្នុងពិភពលោក។ ការកត់ត្រាបានចំនួនដ៏ច្រើននេះបញ្ចាក់អំពីសមិទ្ធផលសម្រេចដ៏ធំនៃការងារអភិរក្សនាពេលកន្លងមក។ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានថ្លែងថា៖ «ប្រទេសកម្ពុជាស្ថិតនៅលំដាប់ជួរមុខ នៃកិច្ចខិតខំប្រឹងប្រែងជាសាកលក្នុងការអភិរក្សសត្វត្រយងយក្ស និងសត្វត្រយងចង្កំកស ដែលភាគច្រើននៃចំនួនប្រជាសាស្ត្ររបស់ប្រភេទសត្វទាំងនេះ មានវត្តមាននៅក្នុងព្រះរាជាណាចក្រកម្ពុជា ច្រើនជាងគេបំផុតនៅក្នុងពិភពលោក។ នេះជាភាពជោគជ័យនៃកិច្ចខិតខំប្រឹងប្រែងអភិរក្សរបស់កម្ពុជាយើង ក្នុងការធានាបានកិច្ចការពារ ថែរក្សា និងអភិរក្សធនធានធម្មជាតិទាំងអស់នៅក្នុងតំបន់ការពារធម្មជាតិ»។ អ្នកនាំពាក្យរូបនេះ បានឱ្យដឹងថា ក្រសួងបរិស្ថាន អ្នកពាក់ព័ន្ធ និងអង្គការដៃគូអភិរក្សចាំបាច់ណាស់ បន្តការចូលរួមអនុវត្តវិធានការ របស់រាជរដ្ឋាភិបាលកម្ពុជា ក្នុងការគ្រប់គ្រងធនធានធម្មជាតិ ក្នុងនោះ «យុទ្ធសាស្រ្តចក្រាវិស័យបរិស្ថាន» ដើម្បីកម្ពុជាមានភាពស្អាត ភាពបៃតង និងចីរភាព ជាពិសេសធានាថា សត្វស្លាបដែលជានិមិត្តរូបទាំងនេះ ត្រូវបានការពារពីការវិនាសផុតពូជ។ នៅក្នុងឆ្នាំ២០២៣ កិច្ចខិតខំប្រឹងប្រែងរបស់ក្រុមការងារអភិរក្សសត្វត្រយងនៅកម្ពុជា (CIWG) បានផ្តោតលើទីជម្រកសំខាន់ៗនៅភាគខាងកើត និងឦសាននៃប្រទេសកម្ពុជា រួមមាន៖ ក្នុងខេត្តព្រះវិហារ ស្ទឹងត្រែង ក្រចេះ មណ្ឌលគិរី និងខេត្តរតនគិរី។ តំបន់ទាំងនេះមានសារៈសំខាន់សម្រាប់ទ្រទ្រង់ការរស់រានមានជីវិតរបស់សត្វត្រយង ហើយក៏ជាទីតាំងដែលកំពុងមានសកម្មភាពអង្កេតតាមដាន សង្រ្គោះ និងការពារនៅក្នុងធម្មជាតិ។ក្រុមការងារអភិរក្សសត្វត្រយងនៅកម្ពុជា បានបញ្ជាក់ថា៖ «កិច្ចខិតខំប្រឹងប្រែងអភិរក្សរបស់ក្រុមការងារអភិរក្សសត្វត្រយង នៅកម្ពុជាក្នុងឆ្នាំ២០២៣ នៅមជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB) បានបង្កាត់ពូជសត្វត្រយងចង្កំកស ដោយជោគជ័យ ដែលនេះជាប្រវត្តិសាស្ត្រនៃការសម្រេចបាននឹងកំពុងដំណើរការបន្តយ៉ាងល្អ។ ភាពជោគជ័យនេះបង្ហាញពីតួនាទីដ៏សំខាន់នៃកម្មភាពអភិរក្សនៅក្រៅទីជម្រកធម្មជាតិក្នុងការលើកកម្ពស់ការរស់រានមានជីវិតនៃប្រភេទសត្វជិតផុតពូជទាំងនេះ និងបញ្ជាក់អំពីតម្រូវការអភិរក្សរបៀបនេះបន្តទៀត។ ក្រុមការងារអភិរក្សសត្វត្រយងនៅកម្ពុជាត្រូវបានបង្កើតឡើងដើម្បីប្រមូលធនធាន និងបង្កើនកិច្ចសហការណ៍លើការងារអភិរក្សសត្វត្រយងជិតផុតពូជទាំងពីរប្រភេទនេះ ក្រុមការងារយើងពឹងផ្អែកលើរបាយការណ៍ នៃការអភិរក្សសត្វត្រយងថ្នាក់ជាតិប្រចាំឆ្នាំនេះដើម្បីតាមដានវឌ្ឍនភាពនៃការអភិរក្សឆ្លើយតបទៅនឹងផែនការសកម្មភាពអភិរក្សសត្វត្រយងដែលបានដាក់ចេញ។ លទ្ធផលដែលបានបង្ហាញក្នុងរបាយការណ៍ដែលផ្សព្វផ្សាយថ្ងៃនេះ គឺជាផ្លែផ្កានៃកិច្ចខិតខំប្រឹងប្រែងរួមគ្នា ហើយក៏ជាការលើកទឹកចិត្តដល់ក្រុមការងារយើង ក្នុងការអភិរក្ស និងការពារទីជម្រករបស់ពួកវាបន្តទៀតដើម្បីធានាវត្តមានរបស់ពួកវានៅក្នុងប្រទេសកម្ពុជា»។សត្វត្រយងយក្ស និងសត្វត្រយងចង្កំកស កំពុងប្រឈមនឹងកត្តាគំរាមកំហែងជាច្រើនរួមមាន ការបាត់បង់ទីជម្រក និងសកម្មភាពរបស់មនុស្សដូចជាការបរបាញ់ជាដើម។ សត្វត្រយងយក្សដែលមានចំនួនតិចជាង ២០០ក្បាល នៅទូទាំងពិភពលោកត្រូវបានចាត់ជាបក្សីតំណាងជាតិរបស់កម្ពុជា ខណៈសត្វត្រយងចង្កំកស បាននិងកំពុងរងគ្រោះកាន់តែខ្លាំងឡើងៗ ទាមទារជាបន្ទាន់នូវកិច្ចខិតខំប្រឹងប្រែងអភិរក្សជាបន្ត៕

៩ខែដើមឆ្នាំ២០២៤ មន្រ្តីអន្តោប្រវេសន៍កម្ពុជាទទួលភ្ញៀវអន្តរជាតិជាង៤លាននាក់ បដិសេធមិនឱ្យចូលប្រមាណមួយពាន់នាក់

មិនទាន់មួយឆ្នាំផង ពោលគឺត្រឹមរយៈពេល៩ខែ ឆ្នាំ២០២៤នេះ មន្រ្តីអន្តោប្រវេសន៍ នៃព្រះរាជាណាចក្រកម្ពុជា បានទទួលភ្ញៀវជាលក្ខណៈអន្តរជាតិចូលមកតាមបណ្ដាច្រកទ្វាព្រំដែនគោក និងអាកាសរហូតទៅដល់ ៤.៨៤៩.៩២២នាក់ ស្មើនឹង ២១៧សញ្ជាតិ កើនឡើង៦,៧៦% ក្នុងនោះភ្ញៀវទេសចរមានចំនួន ៣.៧៦៧.៥១៨នាក់ ស្មើនឹង ៧៧,៦៨%។ នេះបើតាមលោកបណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ។ ដោយឡែក ក្នុងរយៈពេល៩ខែដើមឆ្នាំ២០២៤នោះដូចគ្នា លោកបណ្ឌិត ទូច សុឃៈ បានឱ្យដឹងទៀតថា ក៏មានជនបរទេសចំនួន ១.០២៤នាក់ ស្មើនឹង ៧៨សញ្ជាតិ ត្រូវបានមន្រ្តីអន្តោប្រវេសន៍ បដិសេធការផ្តល់ទិដ្ឋាការ និងបដិសេធមិនឱ្យចូលព្រះរាជាណាចក្រកម្ពុជាផងដែរ។ បន្ទាប់ពីបានរកឃើញពាក់ព័ន្ធក្នុងបញ្ជីមុខសញ្ញា រកឃើញការប្រើប្រាស់លិខិតឆ្លងដែនមិនប្រក្រតី មានគោលបំណងមិនច្បាស់លាស់ និងមិនគ្រប់លក្ខណៈសម្បត្តិឱ្យចូលប្រទេស។ អ្នកនាំពាក្យរងក្រសួងមហាផ្ទៃបានឱ្យដឹងដែរលទ្ធផលការងារក្នុងរយៈពេល ៩ខែ ឆ្នាំ២០២៤នេះ បានសម្រេចឡើង បើទោះបីជាសភាពការណ៍សន្តិសុខពិភពលោកនៅតែបន្តភាពស្មុគស្មាញ ក្នុងនោះសង្គ្រាមរវាង រុស្សី-អ៊ុយក្រែន និងសង្គ្រាមរវាងអ៊ីស្រាអែល និងប្រទេសក្នុងតំបន់មជ្ឈិមបូព៌ាមួយចំនួនក៏បាននិងកំពុងបន្តការប្រយុទ្ធគ្នាយ៉ាងធ្ងន់ធ្ងរ។ បន្ថែមពីលើនេះ ប្រទេស ក្នុងតំបន់មួយចំនួនបានរងគ្រោះធម្មជាតិ។ វិបត្តិទាំងនេះ បានជះឥទ្ធិពល អវិជ្ជមានដល់វិស័យទេសចរណ៍ជាសកល រួមទាំងព្រះរាជាណាចក្រកម្ពុជាផងដែរ។ តែទោះជាយ៉ាងនេះក្តី លោកបណ្ឌិត ទូច សុឃៈ បានគូសបញ្ជាក់ថា ព្រះរាជាណាចក្រកម្ពុជា នៅតែបន្តរក្សាបាន សុខសន្តិភាព សន្តិសុខ សណ្តាប់ធ្នាប់សង្គម បង្កបរិយាកាសដល់ដំណើរការប្រទេសទៅតាមវិស័យនីមួយៗ ប្រព្រឹត្តទៅដោយរលូន ស្របតាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្រោមការដឹកនាំប្រកបដោយថាមពល ភាពឈ្លាសវៃ និងចក្ខុវិស័យច្បាស់លាស់ របស់ សម្តេចមហាបវរ ធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ជាមួយគ្នានោះដើម្បីសម្រួលដល់ការលំបាក និងដោះស្រាយរបាំងនានាដែលប៉ះពាល់ដល់អ្នកដំណើរចេញចូល រួមមាន ការពង្រឹងសេវាកម្មអន្តោប្រវេសន៍នៅតាមច្រកទ្វារអន្តរជាតិ លុបបំបាត់បាតុភាពអសកម្ម និងការសម្រួលបែបបទអោយ បានងាយស្រួល ប្រមុខរាជរដ្ឋាភិបាល ការដាក់ឱ្យដំណើរការប្រព័ន្ធសាលក្របត្រអេឡិចត្រូនិកចូលព្រះរាជាណាចក្រ កម្ពុជា (Cambodia e-Arrival) ដែលបានដាក់អោយអនុវត្តជំហានដំបូងនៅតាមច្រកទ្វារអាកាសយានដ្ឋាន អន្តរជាតិ នាថ្ងៃទី១ ខែកញ្ញា ឆ្នាំ២០២៤៕

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ គ្រោងបើកមហោស្រពជាតិភាពយន្តខ្នាតខ្លីកម្ពុជាលើកទី៤ ក្រោមប្រធានបទ «ភាពយន្តខ្នាតខ្លី ជាជំហានឆ្ពោះទៅកាន់ភាពយន្តខ្នាតវែង» ដែលគ្រោងនឹងរៀបចំនាថ្ងៃទី២៥ ខែវិច្ឆិកា ឆ្នាំ២០២៤ខាងមុខនេះ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានថ្លែងប្រាប់ BTV ព័ត៌មាននាព្រឹកថ្ងៃទី១ ខែវិចិ្ឆកា ឆ្នាំ២០២៤នេះថា តាមរយៈនៃមហោស្រពជាតិភាពយន្តខ្នាតខ្លីនេះគឺជាព្រឹត្តិការណ៍ដ៏មានសារសំខាន់ និងចាំបាច់ក្នុងការជំរុញលើកទឹកចិត្ត ដល់យុវជនដើម្បីបញ្ចេញគំនិតច្នៃប្រឌិត ចែករំលែកនូវព័ត៌មានដែលពួកគេមានតាមរយៈ អេក្រង់ ឬផ្ទាំងសំពត់ស និងជាជំហានដំបូងក្នុងការនាំពួកឲ្យក្លាយជាផលិតករភាពយន្ត។ លោកបន្តថា មហោស្រពនេះធ្វើឡើងដើម្បីប្រកួតប្រជែងវាស់ស្ទង់កម្រិតសមត្ថភាពរបស់យុវផលិតករវ័យក្មេងព្រមទាំងចែករំលែកបទពិសោធន៍ថ្មីៗក្នុងគោលបំណងពង្រឹង និងលើកកម្ពស់ធនធានមនុស្ស រួមចំណែកអភិវឌ្ឍន៍ឧស្សាហកម្មភាពយន្តកម្ពុជា ឲ្យកាន់តែប្រសើរឡើង និងដើម្បីបង្កើននូវបរិយាកាសដ៏សំបូរបែប នៃព្រឹតិ្តការណ៍វប្បធម៌ និងបង្កើននូវផលិតផលវប្បធម៌ថ្មីៗ ដែលមិនត្រឹមតែជួយអភិវឌ្ឍវិស័យភាពយន្តប៉ុណ្ណោះទេ តែថែមទាំងរួមចំណែកយ៉ាងសំខាន់ក្នុងការផ្សព្វផ្សាយពីវប្បធម៌ ប្រពៃណី កិត្យានុភាព និងអត្តសញ្ញាណជាតិ នៅលើឆាកអន្តរជាតិផងដែរ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌លើកឡើងថា «ការរៀបចំមហោស្រពនេះ យើងនឹងគ្រោងធ្វើពិធីបើកនាថ្ងៃទី២៥ ខែវិចិ្ឆកា នៅសាលសន្និសីទចតុម្មុខ ហើយយើងរៀបចំពិធីបិទ និងប្រកាសជាផ្លូវការផ្តល់ពានរង្វាន់ នៅថ្ងៃទី៣០ ខែវិចិ្ឆកា ឆ្នាំ២០២៤ មកដល់ថ្ងៃនេះយើងបានបិទបញ្ចប់ការទទួលពាក្យចូលរួមប្រកួតប្រជែងរបស់យុវជនផលិតករ ត្រឹមថ្ងៃទី៣១ ខែតុលា យើងបានបិទបញ្ចប់ការទទួលពាក្យរួចរាល់ហើយ។ តទៅនេះក្នុងដំណើរការរៀបចំ យើងយកស្នាដៃភាពយន្តសម្រាប់ចូលរួមប្រជែងទាំងអស់នេះ យកទៅសម្រាប់គណៈកម្មាធិការមេប្រយោគពិនិត្យវាយតម្លៃ និងធ្វើការជ្រើសរើសភាពយន្ត សម្រាប់ទៅក្នុងវគ្គផ្តាច់ព្រ័ត្រ។ ហើយក្នុងអំឡុងពេលនៃការរៀបចំពិធីចន្លោះពីថ្ងៃទី២៦ រហូតដល់ថ្ងៃទី២៩ ក៏មានការចាក់បញ្ចាំងស្នាដៃភាពយន្តនៅតាមរោងភាពយន្តមួយចំនួនក្នុងរាជធានីភ្នំពេញ ដើម្បីឲ្យទស្សនិកជន មហាជនចូលទស្សនាគាំទ្រស្នាដៃផលិតកររបស់យើង ឬអាចបោះឆ្នោតជ្រើសរើសស្នាដៃភាពយន្តណាដែលខ្លួនពេញចិត្ត ដែល ផ្តល់ជាពិន្ទុ ក្នុងន័យថា ផ្តល់ជារង្វាន់ដែលភាពយន្តនោះមានមហាជនគាំទ្រច្រើន ជាផ្នែកមួយផងដែរ»។សូមរំលឹកថា ចាប់តាំងពីការបង្កើតឡើងនៅឆ្នាំ២០១៦ មហោស្រពជាតិភាពយន្តខ្នាតខ្លីកម្ពុជា បានដើរតួនាទីយ៉ាងសំខាន់ក្នុងការបង្កើតធនធានមនុស្សថ្មីៗ ប្រកបដោយសមត្ថភាពទេពកោសល្យក្នុងវិស័យភាពយន្ត សម្រាប់ពេលបច្ចុប្បន្ន និងអនាគត។ យុវជនទាំងអស់ បានចូលរួមចំណែកយ៉ាងសកម្មក្នុងការបង្កើតស្នាដៃភាពយន្តថ្មីៗ ប្រកបដោយគំនិតច្នៃប្រឌិត ព្រមទាំងបានបង្គប់នូវអត្ថន័យខ្លឹមសារអប់រំ សីលធម៌ គុណធម៌ និងអត្តសញ្ញាណជាតិ ដែលសកម្មភាពទាំងនេះ មិនត្រឹមតែបានជួយអភិវឌ្ឍន៍ឧស្សាហកម្មភាពយន្តកម្ពុជាប៉ុណ្ណោះទេ តែថែមទាំងបានចូលរួមចំណែកយ៉ាងសំខាន់ក្នុងការថែរក្សា ការពារវប្បធម៌ ប្រពៃណីទំនៀមទំលាប់របស់ជាតិយើង៕ អត្ថបទ រដ្ឋា

កម្ពុជា និងឥណ្ឌា រៀបចំវេទិកាទេសចរណ៍ឆ្នាំ២០២៤ ប្រធានបទ «សក្តានុពលនៃទីផ្សារទេសចរណ៍ឥណ្ឌាសម្រាប់វិស័យទេសចរណ៍កម្ពុជា៖ កាលានុវត្តភាព និងការត្រៀមលក្ខណៈសម្បត្តិ»

ក្រសួងទេសចរណ៍ និងស្ថានទូតឥណ្ឌាប្រចាំកមកម្ពុជា បានរៀបចំវេទិកាទេសចរណ៍កម្ពុជា ឥណ្ឌា ឆ្នាំ២០២៤ ដើម្បីលើកកម្ពស់វិស័យទេសចរណ៍នៃប្រទេសទាំងពីរ។ព្រឹត្តិការណ៍ទេសចរណ៍នេះក្រោមប្រធានបទ «សក្តានុពលនៃទីផ្សារទេសចរណ៍ឥណ្ឌាសម្រាប់វិស័យទេសចរណ៍កម្ពុជា៖ កាលានុវត្តភាព និងការត្រៀមលក្ខណៈសម្បត្តិ» ដែលធ្វើឡើង នៅខេត្តសៀមរាបនាថ្ងៃទី៣១ខែតុលាឆ្នាំ២០២៤នេះ ។ឯកឧត្តម ហួត ហាក់ រដ្ឋមន្រ្ដីក្រសួងទេសចរណ៍លើកឡើងថា ព្រឹត្តិការណ៍នេះ ក៏ជាសកម្មភាពមួយក្នុងចំណោមសកម្មភាពសំខាន់ៗ ដែលក្រសួងទេសចរណ៍ បានទទួលគោលការណ៍អនុញ្ញាតពីរាជរដ្ឋាភិបាល ក្នុងការអនុវត្តគាំទ្រដល់យុទ្ធនាការ «ឆ្នាំទេសចរណ៍ កម្ពុជា-ឥណ្ឌា លើកទី១ ឆ្នាំ២០២៤» ដែលត្រូវបានប្រកាសបើកជាផ្លូវការកាលពីថ្ងៃទី១៧ ខែមិថុនា ឆ្នាំ២០២៤ នៅទីក្រុងញូដេលី នៃសាធារណរដ្ឋឥណ្ឌា ស្របជាមួយការបើកជើងហោះហើរត្រង់ជាប្រវត្តិសាស្ត្ររវាងប្រទេសទាំងពីរដោយក្រុមហ៊ុនអាកាសចរណ៍ជាតិ កម្ពុជាអង្គរអ៊ែរ។ឯកឧត្ដមបន្ដថា កាលពីឆ្នាំ២០២៣កន្លងមក កម្ពុជាបានទទួលទេសចរអន្តរជាតិប្រមាណ៥,៤៥ លាននាក់ ក្នុងនោះ ភ្ញៀវទេសចរឥណ្ឌាមានចំនួនប្រមាណ ៦,៩ ម៉ឺននាក់ និងទេសចរជាតិប្រមាណ១៨,៥ លាននាក់។ ដោយឡែក សម្រាប់រយៈពេល ៨ខែ ដើមឆ្នាំ២០២៤ កម្ពុជាបានទទួលទេសចរអន្តរជាតិប្រមាណ៤,២៩ លាននាក់ កើនឡើង ២២,៥% ក្នុងនោះ ទេសចរឥណ្ឌាមានចំនួនប្រមាណ ៥ ម៉ឺននាក់ កើនឡើង ១៥,២%។វិស័យទេសចរណ៍កម្ពុជា ផ្សារភ្ជាប់យ៉ាងជិតស្និតជាមួយប្រទេសឥណ្ឌាដែលមានទាំងលំហូរទេសចរ និងវិនិយោគឥណ្ឌាផងដែរ។ឯកឧត្ដមបន្ដថា កំណើនទេសចរឥណ្ឌា គឺជាកាលានុវត្តន៍សំខាន់ ដែលមិនត្រឹមតែជំរុញនូវការអភិវឌ្ឍវិស័យទេសចរណ៍ប៉ុណ្ណោះទេ ប៉ុន្តែថែមទាំងបង្កើតនូវឱកាសវិនិយោគក្នុងវិស័យផ្សេងៗទៀតសម្រាប់មូលដ្ឋាននៃកំណើនសេដ្ឋកិច្ច និងការអភិវឌ្ឍប្រទេសជាតិរបស់កម្ពុជា។តាមរយៈព្រឹត្តិការណ៍នានារួមគ្នារវាងកម្ពុជា-ឥណ្ឌា ក្នុងក្របខណ្ឌនៃយុទ្ធនាការ “ឆ្នាំទេសចរណ៍ កម្ពុជា-ឥណ្ឌា លើកទី១ ឆ្នាំ២០២៤” នាពេលនេះ នឹងអាចផ្សព្វផ្សាយកាន់តែច្បាស់ពីវប្បធម៌ ប្រពៃណី និងសក្តានុពលទេសចរណ៍របស់ប្រទេសយើងទាំងពីរ ដែលនឹងមិនត្រឹមតែចូលរួមដល់ការពង្រឹងចំណងមិត្តភាព និងកិច្ចសហប្រតិបត្តិការល្អ ការបង្កើនទំនាក់ទំនងលើវិស័យទេសចរណ៍រវាងកម្ពុជា-ឥណ្ឌាប៉ុណ្ណោះទេ ប៉ុន្តែក៏បង្ហាញពីការយកចិត្តទុកដាក់ជាអាទិភាពយ៉ាងសំខាន់លើប្រភពទីផ្សារឥណ្ឌាសម្រាប់វិស័យទេសចរណ៍កម្ពុជាផងដែរ។ព្រឹត្តិការណ៍នេះក៏នឹងផ្តល់ឱកាសឱ្យអ្នកជំនាញទេសចរណ៍ វិស័យឯកជន ភាគីពាក់ព័ន្ធនៃប្រទេសទាំងពីរបានជួបជុំពិភាក្សា ចែករំលែកគំនិតថ្មីៗ ផ្លាស់ប្តូរបទពិសោធន៍ល្អៗ និងរិះរកយុទ្ធសាស្ត្រចូលរួមអភិវឌ្ឍទេសចរណ៍ប្រកបដោយចីរភាព និងភាពទទួលខុសត្រូវ និងផ្ដល់ឱកាសសម្រាប់វិស័យឯកជននៃប្រទេសទាំងពីរបានជួបជុំគ្នា ពង្រឹងទំនាក់ទំនងទៅវិញទៅមក។«ឆ្នាំទេសចរណ៍កម្ពុជា-ឥណ្ឌាលើកទី១» ត្រូវបានបើកនៅទីក្រុងញូវដេលី ប្រទេសឥណ្ឌារួចហើយកាលពីខែមិថុនា កន្លងទៅ៕

ក្រុមការងារចុះជួយស្រុកបាកានរៀបចំទស្សនកិច្ចកម្សាន្តទៅកាន់ខេត្តសៀមរាប ជូនសិស្សទី១២ ប្រមាណ ១០០០នាក់

ក្រុមការងារចុះជួយមូលដ្ឋានស្រុកបាកាន បានរៀបចំដំណើរទស្សនកិច្ចកម្សាន្តទៅកាន់តំបន់រមណីយដ្ឋានប្រវត្តិសាស្ត្រខេត្តសៀមរាប ជូនដល់ លោកគ្រូអ្នកគ្រូ សិស្សានុសិស្សថ្នាក់ទី១២ ក្នុងស្រុកបាកាន ដែលបានប្រឡងបញ្ចប់សញ្ញាបត្រមធ្យមសិក្សាទុតិយភូមិ សរុបប្រមាណជិត១០០០នាក់ មកពីវិទ្យាល័យបាកាន វិទ្យាល័យអូរតាប៉ោង វិទ្យាល័យព្រះម្លូរ វិទ្យាល័យរំលេច និងសិស្សក្នុងឃុំស្នាមព្រះដែលរៀននៅវិទ្យាល័យទាចំរ៉ាត់ ។ ដំណើរទស្សនកិច្ចកម្សាន្តនេះ ទទួលបានការឧបត្ថម្ភទាំងស្រុងពី ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារចុះជួយមូលដ្ឋានខេត្តពោធិ៍សាត់ និង ឯកឧត្តមបណ្ឌិត ទី នរិន្ទ ប្រធានក្រុមការងារចុះជួយមូលដ្ឋានស្រុកបាកាន និងដោយមានឯកឧត្តមបណ្ឌិត ទី ថានី អនុប្រធានក្រុមការងារចុះជួយស្រុកបាកាន ទទួលបន្ទុករៀបចំ ។ឯកឧត្តមបណ្ឌិត ទី នរិន្ទ មានប្រសាសន៍លើកឡើងថា ក្រុមការងារចុះជួយមូលដ្ឋានស្រុកបាកាន បានរៀបចំដំណើរទស្សនកិច្ចកម្សាន្តនេះ ក្នុងគោលបំណង ឱ្យសិស្សានុសិស្សជួបជុំគ្នាបង្កើតបានជាអនុស្សាវរីយ៍លើទឹកដីអង្គរ ក្រោយពេលបញ្ចប់ការសិក្សារយៈពេល១២ឆ្នាំ ហើយក៏ជាពេលដែលត្រូវបែកគ្នា ដើម្បីបន្តការសិក្សា និងស្វែងរកអនាគត់រៀងៗខ្លួន ហើយនេះក៏ជាការចូលរួមគាំទ្រទេសចរណ៍ក្នុងស្រុកផងដែរ ជាពិសេសឱ្យសិស្សានុសិស្សដែលជាយុវជនបានឃើញស្នាដៃមរតកដ៏អស្ចារ្យរបស់ដូនតាខ្មែរបានបន្សល់ទុកឱ្យកូនចៅជំនាន់ក្រោយ ។ ឯកឧត្តមបណ្ឌិត ទី នរិន្ទ បានបន្តថា ក្រុមការងារចុះជួយមូលដ្ឋានស្រុកបាកាន តែងតែយកចិត្តទុកដាក់រួមចំណែកចូលរួមជួយជម្រុញការសិក្សារបស់សិស្សានុសិស្ស ដោយបានឧបត្ថម្ភគាំទ្រដល់ការរៀបចំការប្រឡងតេស៍សមត្ថភាពសិស្សទី១២ ការបើកវគ្គបង្រៀនបំប៉ន់តៀមប្រឡង កម្មវិធីចែករំលែកបទពិសោធន៍ការជ្រើសរើសជំនាញនិងស្វែងរកអាហារូបកណ៍ រួមនិងកម្មវិធីលើកទឹកចិត្តផ្សេងៗ ដើម្បីធ្វើយ៉ាងណា ឱ្យសិស្សទទួលបានភាគខ្ពស់ក្នុងការប្រឡងជាប់ និងទទួលបានលទ្ធផលល្អ ។ ឯកឧត្តមបណ្ឌិត ទី នរិន្ទ បានបន្តថាក្រុមការងារចុះជួយស្រុកបាកាន ក៏បានតៀមរួចជាស្រេចក្នុងការផ្តល់អាហាររូបកណ៍ និងរៀបចំផ្ទះសម្រាប់ស្នាក់នៅដោយមិនគិតប្រាក់នៅក្រុងភ្នំពេញ ជូនដល់សិស្សានុសិស្សដែលមានជីវភាពខ្វះខាត់ផងដែរ ។ ក្នុងនោះ ឯកឧត្តមបណ្ឌិត ទី នរិន្ទ បានលើកទឹកចិត្តដល់សិស្សានុសិស្សត្រូវមានភាពក្លាហាន កុំឱ្យអស់សង្ឃឹមចំពោះលទ្ធផលប្រឡងជាប់ធ្លាក់ ឬបានលទ្ធផលល្អមិនល្អ ព្រោះបច្ចុប្បន្ន រាជរដ្ឋាភិបាលមានការយកចិត្តទុកដាក់ខ្ពស់ដល់យុវជន ហើយមានជម្រើសច្រើនដើម្បីបន្តអភិវឌ្ឍន៍ខ្លួនឱ្យក្លាយជាធនធានល្អមានគុណភាព ឆ្ពោះទៅរកអនាគត់ល្អភ្លឺស្វាង សម្រាប់ខ្លួនឯង គ្រួសារ និងសង្គមជាតិ ឱ្យតែមានការតាំងចិត្តកុំបោះបង់ កុំយករឿងអបាយមុខដាក់ខ្លួន ព្រោះនេះគ្រាន់តែជាដំណាកកាលដំបូង មិនប្រាកដថាអ្នកប្រឡងជាប់សុទ្ធតែមានអនាគត់ល្អ ហើយអ្នកធ្លាក់គ្មានអនាគតល្អនោះទេ ។ឯកឧត្តមបណ្ឌិត ទី ថានី អ្នកដឹកនាំរៀបចំដំណើរកម្សាន្តនេះ បានឱ្យដឹងថា នេះជាឆ្នាំទី២ហើយដែលក្រុមការងារចុះជួយស្រុកាបាន បានរៀបចំដំណើរកម្សាន្តមកកាន់ខេត្តសៀមរាបជូនដល់សិស្សប្រឡងចប់បាក់ឌុប ដោយឆ្នាំនេះសិស្សជិត១០០០នាក់ត្រូវបែងចែកជា៣ក្រុម ធ្វើដំណើរមកបន្តបន្ទាប់គ្នា ចំពោះទីតាំងជូនទស្សនាមានដូចជា បារាយណ៍ទឹកថ្លា ប្រាសាទអង្គវវត្ត ប្រាសាទនាគព័ន្ធ ប្រាសាទព្រះខ័ន ប្រាសាទបាយ័ន ព្រះពន្លាជល់ដំរី និងប្រាសាទជាច្រើនទៀត ហើយក៏មានរៀបចំអាហារសាមគ្គីជុំគ្នា និងផ្តិតរូបថតអនុស្សាវរីយ៍ជុំគ្នាជូនដល់សិស្សានុសិស្សដែលបានចូលរួមទាំងអស់ផងដែរ ៕ ភិរុណ ពៅ

បណ្ដាញសង្គម

ព័ត៌មានថ្មីៗ

ឯកឧត្តមសាស្រ្តាចារ្យ ឈាង រ៉ា «ឡដុតសំណល់ឆ្លងរោគ នឹងចូលរួមជួយកាត់បន្ថយការចម្លងរោគសុវត្ថិភាព សុខភាពសាធារណៈ បរិស្ថាននៅកម្ពុជា»

ឯកឧត្តមសាស្រ្តាចារ្យ ឈាង រ៉ា «ស្នើសាកលវិទ្យាល័យណាហ្គោយ៉ា ជប៉ុន បង្កើនកិច្ចសហប្រតិបត្តិក្នុងការបណ្តុះបណ្តាលនិស្សិត ពិសេសថ្នាក់បណ្ឌិត (PHD)»

UN ស្វែងរក ៩១០លានដុល្លារ សម្រាប់វិបត្តិមនុស្សធម៌ នៅភាគឦសាននីហ្សេរីយ៉ា

នាយករដ្ឋមន្ត្រីប៉ូឡូញ៖ អឺរ៉ុបគួរតែស្វាគមន៍ការអំពាវនាវរបស់លោក Trump ក្នុងការឲ្យបង្កើនការចំណាយនៅក្នុងសម្ព័ន្ធណាតូ

ព្រិលទន្ទឹងរង់ចាំអស់រយៈពេលជាយូរនាំភាពសប្បាយរីករាយដល់តំបន់ភ្នំ Chrea របស់អាល់ហ្សេរី

ប្រធានជំនួយ៖ អាហ្វហ្គានីស្ថាន ស្ថិតក្នុង «មហន្តរាយ» ដោយសារការផ្អាកជំនួយរបស់សហរដ្ឋអាមេរិក

ជប៉ុន៖ ការវិនិយោគទុនលើហេដ្ឋារចនាសម្ព័ន្ធ AI នឹងជំរុញដល់សេដ្ឋកិច្ចប្រទេសទាំង ២

រថយន្តដឹកគ្រឿងចក្រ ធ្វើដំណើរឆ្លងកាត់ច្រកព្រំដែន Rafah របស់អេហ្ស៊ីបជាមួយតំបន់ហ្កាហ្សា

ចិននិយាយថាគ្មានអ្នកឈ្នះអ្នកចាញ់នោះទេនៅក្នុងសង្រ្គាមពាណិជ្ជកម្ម ក្រោយការគំរាមចុងក្រោយរបស់លោក Trump

ប្រមុខ UN ជួបជាមួយក្រុមថែរក្សាសន្តិភាព UNIFIL នៅតំបន់ភាគខាងត្បូងប្រទេសលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

គម្រោងថែទាំ និងជួសជុលកំពែងក្រុងអង្គរធំក្នុង ប្រវែង២៥ម៉ែត្រ នឹងបញ្ចប់នាចុងឆ្នាំនេះ

រយៈពេល១០ខែឆ្នាំនេះ គ្រឹះស្ថានអង្គរទទួលបានចំណូលជាង ៣៥លានដុល្លារ ពីការលក់សំបុត្រចូលទស្សនាអង្គរ

ភ្ញៀវទេសចរជាង ១១ម៉ឺននាក់មកកម្សាន្តក្នុងកម្មវិធីប្រណាំងទូកក្នុងក្រុងដូនកែវ ខេត្តតាកែវ

ព្រឹត្តិការណ៍វប្បធម៌តាមតំបន់លើកទី២ ឆ្នាំ២០២៤ ផ្តោតលើប្រធានបទ «មរតកយើង»

កម្ពុជាស្ថិតនៅជួរមុខនៃការអភិរក្ស ប្រភេទសត្វត្រយងយក្សក្នុងពិភពលោក

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

ក្រុមការងារចុះជួយស្រុកបាកានរៀបចំទស្សនកិច្ចកម្សាន្តទៅកាន់ខេត្តសៀមរាប ជូនសិស្សទី១២ ប្រមាណ ១០០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

គម្រោងថែទាំ និងជួសជុលកំពែងក្រុងអង្គរធំក្នុង ប្រវែង២៥ម៉ែត្រ នឹងបញ្ចប់នាចុងឆ្នាំនេះ

រយៈពេល១០ខែឆ្នាំនេះ គ្រឹះស្ថានអង្គរទទួលបានចំណូលជាង ៣៥លានដុល្លារ ពីការលក់សំបុត្រ​ចូលទស្សនាអង្គរ

ភ្ញៀវទេសចរជាង ១១ម៉ឺននាក់មកកម្សាន្តក្នុងកម្មវិធីប្រណាំងទូកក្នុងក្រុងដូនកែវ ខេត្តតាកែវ

ព្រឹត្តិការណ៍វប្បធម៌តាមតំបន់លើកទី២ ឆ្នាំ២០២៤ ផ្តោតលើប្រធានបទ «មរតកយើង»

កម្ពុជាស្ថិតនៅជួរមុខនៃការអភិរក្ស ប្រភេទសត្វត្រយងយក្សក្នុងពិភពលោក

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

ក្រុមការងារចុះជួយស្រុកបាកានរៀបចំទស្សនកិច្ចកម្សាន្តទៅកាន់ខេត្តសៀមរាប ជូនសិស្សទី១២ ប្រមាណ ១០០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រយៈពេល១០ខែឆ្នាំនេះ គ្រឹះស្ថានអង្គរទទួលបានចំណូលជាង ៣៥លានដុល្លារ ពីការលក់សំបុត្រចូលទស្សនាអង្គរ