BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន បញ្ជាក់ថា វ៉ាក់សាំងមានសារសំខាន់សម្រាប់ប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ថា វ៉ាក់សាំងបង្ការជំងឺកូវីដ-១៩ មានសារសំខាន់ក្នុងការប្រយុទ្ធប្រឆាំងនឹងការរាតត្បាតនៃជំងឺកូវីដ-១៩។សម្ដេចតេជោ ហ៊ុន សែន បានលើកឡើងបែបនេះនៅលើទំព័រហ្វេសប៊ុករបស់សម្ដេចនៅព្រឹកថ្ងៃនេះ បន្ទាប់ពីការដឹកជញ្ជូនមកដល់នៃវ៉ាក់សាំងបង្ការកូវីដ-១៩ស៊ីណូហ្វាម ១លានដូសទៀតនៅថ្ងៃនេះ។បើតាមទំព័រហ្វេសប៊ុកសម្ដេច វ៉ាក់សាំងប្រភេទស៊ីណូហ្វាមចំនួន ១លានដូសទៀត ដែលត្រូវបានដឹកជញ្ជូនមកដល់ថ្ងៃនេះ គឺជាវ៉ាក់សាំងដែលរាជរដ្ឋាភិបាលកម្ពុជាបានបញ្ជាទិញពីប្រទេសចិន។គិតត្រឹមថ្ងៃនេះ កម្ពុជាទទួលបានវ៉ាក់សាំងសរុបជាង ១៦លានដូសហើយសម្រាប់ឆ្លើយតបនឹងតម្រូវការរបស់រាជរដ្ឋាភិបាលក្នុងការផ្ដល់ភាពស៊ាំដល់ប្រជាជនកម្ពុជា។សម្ដេចតេជោ ហ៊ុន សែន បានឱ្យដឹងផងដែរថា វ៉ាក់សាំងបង្ការកូវីដ-១៩ចំនួន ៤លានដូសទៀត នឹងត្រូវដឹកជញ្ជូនពីប្រទេសចិនមកកម្ពុជានៅខែសីហាខាងមុខនេះ។កម្ពុជាបានផ្ដល់វ៉ាក់សាំងជូនប្រជាពលរដ្ឋបានជាង ៦លាន ៣៣ម៉ឺននាក់ហើយ ឬស្មើនឹង ៦៣.៣៤ភាគរយគិតត្រឹមថ្ងៃម្សិលមិញនេះ៕

ពលរដ្ឋខេត្តកំពតជាង៣ម៉ឺននាក់ចាក់វ៉ាក់សាំងបង្ការកូវីដ-១៩ ក្នុងជំហ៊ានទី៣

កំពត ៖ ដំណើរកាចាក់វ៉ាក់កូវីដ១៩នៅខេត្តកំពត បាននឹងកំពុងប្រព្រឹត្តទៅដោយរលូន ទោះជាពលរដ្ឋបានមកចូលរួមចាក់ច្រើនក៏ដោយ ប៉ុន្តែសណ្តាប់ធ្នាប់ និងគម្លាតសង្គមនៅតែរក្សាបានយ៉ាងល្អ។ បើតាមមន្ត្រីជំនាញបានឲ្យដឹងថា រយៈពេល៨ថ្ងៃកន្លងមកនេះ មានពលរដ្ឋជាង៣ម៉ឺននាក់ បានមកទទួលវ៉ាក់សាំងកូវីដ១៩។ប្រធានការិយាល័យថ្នាំបង្ការ នៃមន្ទីរសុខាភិបាលខេត្តកំពត លោក ស៊ីន ចូវ បានប្រាប់ឲ្យដឹងថា ការចាក់វ៉ាក់សាំងជំហ៊ានទី៣ ជូនដល់ពលរដ្ឋទូទៅនៅក្រុងកំពត ក្រុងបូកគោ និងនៅទីប្រជុំជនស្រុកទឹកឈូ ស្រុកជុំគិរី និងស្រុកកំពង់ត្រាច បានចាប់ផ្តើមពីថ្ងៃទី១៣ ខែកក្កដា មានមណ្ឌលផ្តល់វ៉ាក់សាំងចំនួន ៧ទីតាំង គឺនៅមន្ទីរពេទ្យបង្អែកខេត្តកំពត សាលាបឋមសិក្សាហ៊ុនសែន១មករា មន្ទីរពេទ្យអនុស្សាវរីយ៍ ស៊ុនយ៉ាឃៀល មណ្ឌលសុខភាពត្រពាំងរពៅ មណ្ឌលសុខភាពត្រពាំងសង្កែ មន្ទីរពេទ្យបង្អែកស្រុកកំពង់ត្រាច មណ្ឌលសុខភាពត្រពាំងរាំងស្រុកជុំគិរី ដែលមានវ៉ាក់សាំងកូវីដ-១៩ ចំនួនពីរប្រភេទ គឺស៊ីណូវ៉ាក់ និងស៊ីណូហ្វាម សរុបចំនួន ១៣៥.៨៥២ដូស។ លោក បានបន្តថា ដំណើរការនៃយុទ្ធនាការចាក់វ៉ាក់សាំងជូនពលរដ្ឋទូទៅនៅខេត្តកំពត កាន់តែប្រព្រឹត្តទៅល្អប្រសើរជាលំដាប់ ហើយពលរដ្ឋនៅតែបន្តមកចាក់ច្រើនដដែល។ តែយ៉ាងណាក៏ដោយ សណ្តាប់ធ្នាប់ និងគម្លាតសង្គម នៅតែត្រូវរក្សាបានយ៉ាងល្អ ដោយសារមានការចូលរួមសហការរៀបចំពីអាជ្ញាធរ និងសមត្ថិច្ច និងក្រុមការងារយុវជន ។លោក ស៊ីន ចូវ បានបញ្ជាក់ថា គិតត្រឹមវេលាម៉ោង៥ល្ងាចថ្ងៃទី២០ ខែកក្កដា ឆ្នាំ២០២១ ការចាក់វ៉ាក់សាំងការពារជំងឺកូវីដ-១៩ ជូនពលរដ្ឋដោយស្ម័គ្រចិត្តនៅទូទាំងខេត្តកំពត សម្រេចបានចំនួន ៣២.១២៣នាក់ ក្នុងនោះស្រីចំនួន ១៧.៦៥៦នាក់។ សម្រាប់យុទ្ធនាការចាក់វ៉ាក់សាំងការពារជំងឺកូវីដ-១៩ក្នុងជំហ៊ានទី៣នេះ នឹងបន្តធ្វើរហូតដល់ថ្ងៃទី២៧ ខែកក្កដា ឆ្នាំ២០២១ខាងមុខ ក្នុងចំនួនវ៉ាក់សាំងសរុប ១៣៥.៨៥២ដូស។ហើយមកដល់ពេលនេះ មិនមានបញ្ហាណាមូយគួរឲ្យកត់សំគាល់ទេ៕អត្ថបទ ៖ សារីម

រដ្ឋមន្ដ្រីការបរទេសខ្មែរ-ឥណ្ឌា នឹងដឹកនាំកិច្ចប្រជុំរដ្ឋមន្រ្តីការបរទេសមេគង្គ-គង្គាលើកទី១១ នាល្ងាចនេះ

ភ្នំពេញ ៖ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងអញ្ជើញធ្វើជាសហប្រធានជាមួយឯកឧត្តម ស៊ូប្រាម៉ានយ៉ាំ ចៃហ្សានកា រដ្ឋមន្រ្តីការបរទេស នៃសាធារណរដ្ឋឥណ្ឌា ដើម្បីដឹកនាំកិច្ចប្រជុំរដ្ឋមន្រ្តីការបរទេស មេគង្គ-គង្គា លើកទី១១ (11th MGC FMM) នាល្ងាចថ្ងៃទី២១ខែកក្កដា ឆ្នាំ២០២១ តាមរយៈវិដេអូពីចម្ងាយ ។ កិច្ចប្រជុំនេះ ក៏មានការចូលរួមពីរដ្ឋមន្រ្តីការបរទេសមេគង្គ ដូចជាប្រទេសឡាវ មីយ៉ាន់ម៉ា ថៃ និងវៀតណាមផងដែរ។យោងតាមសេចក្ដីប្រកាសព័ត៌មានរបស់ក្រសួងការបទេស និងសហប្រតិបត្តិការអន្តរជាតិ ដែលបានចេញកាលពីថ្ងៃ១៩ កក្កដាកន្លងទៅនេះ បានឲ្យដឹងថា រដ្ឋមន្រ្តីទាំងអស់រំពឹងថា នឹងផ្លាស់ប្តូរយោបល់គ្នាផងដែរ លើបញ្ហាតំបន់ និងអន្តរជាតិដែលជាចំណាប់អារម្មណ៍ និងការព្រួយបារម្ភរួម។ប្រភពបានបន្តទៀតថា កិច្ចប្រជុំ 11th MGC FMM តាមប្រព័ន្ធវីដេអូនេះ បញ្ជាក់ពីសមិទ្ធផលថ្មីបន្ថែមទៀតក្រោមកិច្ចសហប្រតិបត្តិការមេគង្គ-គង្គា ក្នុងរយៈពេល ២១ឆ្នាំកន្លងមក សម្រាប់កំណើនសេដ្ឋកិច្ច និងការអភិវឌ្ឍសង្គម នៅក្នុងអនុតំបន់មេគង្គ និងប្រទេសឥណ្ឌា ស្របពេលជាមួយការពង្រឹងកិច្ច សហប្រតិបត្តិការរវាងឥណ្ឌា និងប្រទេសមេគង្គ តាមរយៈទំនាក់ទំនងវប្បធម៌ និងរវាងប្រជាជន និង ប្រជាជន។ ជាមួយគ្នានោះដែរ ដើម្បីអបអរខួបទី២០ នៃកិច្ចសហប្រតិបត្តិការនេះ កិច្ចប្រជុំនឹងមានការបើកសម្ពោធឲ្យដំណើរការនូវគេហទំព័រ MGC ថ្មីស្រឡាងមួយ និងការចាក់បង្ហាញឯកសារវីដេអូ ដែលឆ្លុះបញ្ចាំងអំពីសមិទ្ធផលនៃកិច្ចសហប្រតិបត្តិការ ក៏ដូចជាសង្គមវប្បធម៌ដ៏សម្បូរបែបរបស់ប្រទេសសមាជិក៕អត្ថបទ បាន ចក់

ក្រសួងវប្បធម៌ ផ្ទៀងផ្ទាត់កំណត់ និងចុះបញ្ជីបុរាណដ្ឋាន បានជាង១ពាន់បុរាណដ្ឋាន

ភ្នំពេញ ៖ ក្នុងបរិបទដែលកម្ពុជា កំពុងប្រយុទ្ធប្រឆាំងជំងឺកូវីដ-១៩ និងជំងឺផ្សេងៗ គិតត្រឹមថ្ងៃនេះ ក្រសួងវប្បធម៌ និងវិចិត្រសិល្បៈ កំពុងតែបញ្ជូនមន្រី្តជំនាញ ចុះវាយតម្លៃបញ្ចូល និងចាត់ថ្នាក់បុរាណដ្ឋាន រមណីយដ្ឋាន បានចំនួនជាង១ពាន់ស្ថានីយ ក្នុងចំណោមបុរាណដ្ឋានជាង៦ពាន់ ដែលមាននៅក្នុងបញ្ជី។លោក វឿន វុទី្ធ ប្រធាននាយកដ្ឋានបុរាណវិទ្យា និងបុរេប្រវតិ្តវិទ្យា នៃក្រសួងវប្បធម៌ និងវិចិត្រសិល្បៈ បានប្រាប់BTV ព័ត៌មាននាព្រឹកថ្ងៃទី២១ ខែកក្កដា ឆ្នាំ២០២១នេះថា មន្រី្តជំនាញនាយកដ្ឋានបុរាណវិទ្យា បានធ្វើការផ្ទៀតផ្ទាត់កំណត់ និងចុះបញ្ជីបានចំនួន១១៧០ស្ថានីយ ព្រមទាំងបោះបង្គោលកំណត់ទំហំនិយាមការឃ្វៀលដែនរក្សាការពារ ទុកសម្រាប់រាជរដ្ឋាភិបាលអភិវឌ្ឍន៍ និងប្រជាជនធ្វើកសិកម្ម។ សកម្មភាពខាងលើនេះ ក្រសួងវប្បធម៌ និងវិចិត្រសិល្បៈ បានសហការជាមួយក្រសួងសេដ្ឋកិច្ច និងហិរញ្ញវត្ថុ និងរាជរដ្ឋាភិបាល បានដាក់ទិសដៅបោះបង្គោលការពារ បានចំនួនជាង៧០០ស្ថានីយ ក្នុងចំណោមជាង៦ពាន់ស្ថានីយ មាននៅក្នុងបញ្ជី។លោក វឿន វុទី្ធ បានបញ្ជាក់ទៀតថា ក្រសួងវប្បធម៌ មានវិធានការការពារបុរាណដ្ឋាននោះ គឺទី១. កំណត់ទំហំ តម្រូវឲ្យអាជ្ញាធរដែនដីភូមិ-ឃុំ ទទួលស្គាល់ និងទី២. បើតម្រូវការខានមិនបាន មន្រី្តជំនាញពិនិត្យមើលតម្លៃការពារអភិរក្ស និងតម្លៃសេដ្ឋកិច្ច។ ក្នុងគោលការណ៍ទាំងពីរខាងលើនេះ លោកជំទាវ បណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ តែងតែពិនិត្យហើយ ពិនិត្យទៀត និងមានវិន័យមួយដ៏តឹងរ៉ឹង គឺមិនឲ្យមានមន្រី្តជំនាញណាមួយ ទៅឃុបឃិតជាមួយជនខិលខូច ដើម្បីទៅបំផ្លាញស្ថានីយនោះឡើយ។ ដូច្នេះក្នុងនាមក្រសួងវប្បធម៌ សូមអំពាវនាវដល់ជនរួមជាតិ ជាពិសេសប្អូនៗដែលជាមហាជន ឬ ក៏យុវជនសម័យក្រោយ ចូលរួមថែរក្សាការពារ ផ្តល់ព័ត៌មាន បើឃើញអ្នកណាដែលបំផ្លាញស្ថានីយបុរាណ ឬវត្ថុបុរាណ និងមានការជួញដូរ សុំរាយការណ៍ជូនមកក្រសួងវប្បធម៌ និងវិចិត្រសិល្បៈ។ ដូច្នេះការចូលរួម និងថែរក្សា មិនចាំបាច់ ចាំតែអង្គុយយាមនោះទេ បើម្នាក់ ឃើញម្នាក់ខុស ត្រូវតែផ្តល់ព័ត៌មាន ឃើញជនខិលខូចត្រូវរាយការណ៍។ ការមិនរាយការណ៍ បានន័យថាការឃុបឃិត គឺខ្លួនឯងមិនបានស្រលាញ់វប្បធម៌នោះទេ៕រូបភាព អត្ថបទ រដ្ឋា \

រដ្ឋមន្ដ្រីក្រសួងសាធារណការ និងដឹកជញ្ជូន បន្ដចុះពិនិត្យគម្រោងស្ថាបនាផ្លូវ៣៨ខ្សែនៅក្នុងក្រុងសៀមរាប

សៀមរាប ៖ រដ្ឋមន្ដ្រីក្រសួងសាធារណការ និងដឹកជញ្ជូន ចុះពិនិត្យវឌ្ឍនភាពគម្រោងស្ថាបនាផ្លូវ៣៨ខ្សែ នៅក្រុងសៀមរាប ដើម្បីដើម្បី ពិនិត្យវឌ្ឍនភាពនៃការរៀបចំពីសោភណ្ឌភាពផ្លូវការរៀបចំខឿនចិញ្ចើម ផ្លូវសម្រាប់អ្នកធ្វើដំណើរដោយថ្មើរជើង និងពិនិត្យគុណភាពនៃការចាក់បេតុងស្ពាន និងផ្លូវដើម្បីធានាបាន គុណភាពរឹងមាំស្របតាមបទដ្ឋានបច្ចេកទេស។ក្នុងឱកាសចុះពិនិត្យនៅថ្ងៃទី២០ ខែកក្កដា ឆ្នាំ២០២១នេះ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ដ្រីក្រសួងសាធារណៈការ និងដឹកជញ្ជូន និងជាអនុប្រធានប្រចាំការ នៃគម្រោងស្ថាបនាហេដ្ឋារចនាសម្ព័ន្ធផ្លូវ ៣៨ ខ្សែនៅក្នុងក្រុងសៀមរាប ខេត្តសៀមរាប ក្នុងគោលបំណងដើម្បីពិនិត្យការរៀបចំខឿនចិញ្ចើមផ្លូវសម្រាប់អ្នកធ្វើដំណើរ ដោយថ្មើរជើង ដើម្បីលើកកម្ពស់សោភ័ណភាព សុវត្ថិភាពសងខាងផ្លូវ និងភាពទាក់ទាញដល់ភ្ញៀវជាតិ និងអន្តរជាតិឱ្យស្របតាមបទដ្ឋានបច្ចេកទេស សក្តិសមជាទីក្រុងទេសចរណ៍សម័យទំនើប និងពិនិត្យគុណភាព នៃការចាក់បេតុងស្ពាននិងផ្លូវ ដើម្បីធានាបានគុណភាពរឹងមាំអាចប្រើប្រាស់ជាប់បានយូរអង្វែង នៃគម្រោងសាងសង់ហេដ្ឋារចនាសម្ព័ន្ធផ្លូវចំនួន៣៨ខ្សែ ក្នុងក្រុងសៀមរាប ខេត្តសៀមរាប។សូមជម្រាបថា គម្រោងកែលម្អហេដ្ឋារចនាសម្ព័ន្ធផ្លូវក្នុងក្រុងសៀមរាប ខេត្តសៀមរាបចំនួន៣៨ខ្សែនេះ មានប្រវែងសរុប ១០៨,៧៤១ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩ លាន ដុល្លារអាមេរិក ដោយក្នុងនោះ ចំនួន៩លានដុល្លារអាមេរិក ចំណាយលើការងារចាំបាច់ក្នុងការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ឋិតក្រៅគម្រោងសាងសង់ខ្សែផ្លូវទាំង៣៨នេះ។គម្រោងនេះ អនុវត្តដោយអង្គភាពសាងសង់ចំនួន០៨ រួមមាន៖ ១) កងវិស្វកម្មលេខ១៧៨ស្ពាន-ថ្នល់ នៃនាយកដ្ឋានវិស្វកម្ម ២) កងវិស្វកម្មសម្តេចតេជោ ខេត្តសៀមរាប ៣) កងវិស្វកម្មតេជោ ហ៊ុន សែន សៀមរាប ៤) អគ្គនាយកដ្ឋាន សាធារណការ ៥) អគ្គនាយកដ្ឋានប្រព័ន្ធចម្រោះទឹកកខ្វក់ ៦) នាយកដ្ឋាន គ្រឿងចក្រនិងស្ថាបនាផ្លូវ ៧) នាយកដ្ឋាន ជួសជុល និងថែទាំផ្លូវថ្នល់ និង ៨) មន្ទីរសាធារណការ និងដឹកជញ្ជូនខេត្តសៀមរាប និងត្រួតពិនិត្យបច្ចេកទេសដោយក្រុមការងារអន្តរក្រសួងចំនួន៩ក្រុម ដើម្បីធានាបាននូវគុណភាពជាប់រឹងមាំ ប្រើប្រាស់បានយូរអង្វែងតាមអាយុកាលមាន និងសម្រេចការងារឱ្យបានទាន់ ពេលវេលា។ការសាងសង់ត្រូវបានបែងចែកជាបួនប្រភេទរួមមាន៖ ក) ផ្លូវជួសជុលដោយអ៊ុតបេតុងកៅស៊ូ (AC) បន្ថែមពីលើ កម្រាស់៥សង់ទីម៉ែត្រ ប្រវែងសរុប៣៥,៨៧៦គីឡូម៉ែត្រ ខ) ផ្លូវស្ថាបនាដោយក្រាលបេតុង សរសៃដែក កម្រាស់២០សង់ទីម៉ែត្រ រួចអ៊ុតក្រាលបេតុងកៅស៊ូ(AC)ពីលើ កម្រាស់ ៥ ទៅ ៧ សង់ទីម៉ែត្រ ប្រវែងសរុប៩,៣៨៩ គីឡូម៉ែត្រ គ) ផ្លូវជួសជុលដោយក្រាលថ្មម៉ិច រួចអ៊ុតបេតុងកៅស៊ូ(AC) ពីលើ កម្រាស់៥ ទៅ៧ សង់ទីម៉ែត្រ ប្រវែងសរុប១០,៨៨០ គីឡូម៉ែត្រ ឃ) ផ្លូវស្ថាបនាដោយក្រាលបេតុង សរសៃដែក កម្រាស់ ២០ ទៅ ២៥ សង់ទីម៉ែត្រ ប្រវែងសរុប៥២,៥៩៦ គីឡូម៉ែត្រ។ គម្រោងសាងសង់ផ្លូវចំនួន៣៨ខ្សែក្នុងទីរួមខេត្តសៀមរាប ខេត្តសៀមរាបនេះ មានគោលដៅប្រែក្លាយក្រុង សៀមរាប ខេត្តសៀមរាបឱ្យក្លាយជាទីក្រុងដ៏ទំនើបពោរពេញដោយសោភ័ណភាព បរិស្ថានល្អសម្រាប់ការរស់នៅ ឱ្យសក្តិសមជាទីក្រុងទេសចរណ៍ វប្បធម៌ និងប្រវត្តិសាស្ត្រ អាចទាក់ទាញភ្ញៀវទេសចរណ៍បានកាន់តែច្រើនសំដៅលើកស្ទួយសេដ្ឋកិច្ចជាតិឱ្យកាន់តែមានការរីកចម្រើន ព្រមទាំងធ្វើឱ្យប្រសើរឡើងដល់តភ្ជាប់ពីទីប្រជុំជនក្រុងសៀមរាបទៅកាន់តំបន់ដាច់ស្រយាលផងដែរ។សូមជម្រាបជូនថា ៖ យោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូន វឌ្ឍនភាពគម្រោងសាងសង់ហេដ្ឋារចនាសម្ព័ន្ធផ្លូវចំនួន៣៨ខ្សែនៅក្រុងសៀមរាប ខេត្ត សៀមរាបនេះ គិតត្រឹមថ្ងៃទី១២ ខែកក្កដា ឆ្នាំ២០២១ សម្រេចបាន៦៦.៣៤% ប្រើប្រាស់រយៈពេលសាង សង់ចំនួន៧ខែ៕

ជនបរទេសជាង២ពាន់នាក់ស្នាក់នៅ និងបំពេញការងារក្នុងខេត្តសៀមរាប បានទទួលចាក់វ៉ាក់សាំងបង្ការជំងឺកូវីដ-១៩

សៀមរាប ៖ ការចាក់វ៉ាក់សាំងការពារជំងឺកូវីដ-១៩ ដូសទី១ ជូនដល់ជនបរទេសទាំងអស់ដែលកំពុងស្នាក់នៅ និងកំពុងបំពេញការងារក្នុងខេត្តសៀមរាប បានដំណើរការហើយនៅព្រឹកថ្ងៃទី២០ ខែកក្កដា ឆ្នាំ២០២១នេះ។ទីតាំងផ្ដល់វ៉ាក់សាំងនេះ ធ្វើឡើងនៅក្នុងមន្ទីរពេទ្យបង្អែកខេត្តសៀមរាប។ លោកឱសថការី លឹម ហេង អនុប្រធានមន្ទីរពេទ្យបង្អែកខេត្ត និងជាប្រធានមណ្ឌលផ្តល់វ៉ាក់សាំងបានមានប្រសាសន៍ថា ចំពោះការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសទាំងអស់ដែលកំពុងស្នាក់នៅ និងកំពុងបំពេញការងារក្នុងខេត្តសៀមរាប នាពេលនេះ គឺធ្វើឡើង និង តាមគោលការណ៍ មិនគិតថ្លៃ និងស្របតាមគោលការណ៍ស្ម័គ្រចិត្ត ។លោក បានបន្ថែមទៀតថា តាមផែនការក្រុមការងារគឺត្រូវ តែបន្ត ការចាក់វ៉ាក់សាំងបង្ការជំងឺកូវីដ១៩ ជូនដល់ជនបរទេសទាំងអស់ដែលរស់នៅ និងបំពេញការងារក្នុងខេត្តសៀមរាប ឲ្យបានគ្រប់ៗគ្នា រហូតដល់ថ្ងៃទី២៣ ខែកក្កដា ផងដែរ។ក្នុងការចាក់វ៉ាក់សាំងការពារជំងឺកូវីដ-១៩ នេះគឺផ្តល់ជូនដល់តែចំពោះជនបរទេសដែល បានធ្វើសំណើមកកាន់រដ្ឋបាលខេត្តសៀមរាប នារយៈពេលកន្លងមក ហើយចំពោះជនបរទេសដែលបានចុះឈ្មោះចាក់វ៉ាក់គឺមានចំនួនប្រមាណជាង២ពាន់នាក់ផងដែរ ។តាមសេចក្តីជូនដំណឹងរបស់រដ្ឋបាលខេត្តសៀមរាប ស្តីពីការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសក្នុងខេត្តសៀមរាប បានបញ្ជាក់ថា ចំពោះជនបរទេសទាំងអស់ដែល មានបំណងចង់ទៅទទួលការចាក់វ៉ាក់សាំងការពារកូវីដ១៩ សូមភ្ជាប់ជាមួយនៅឯកសារពាក់ព័ន្ធ ដែលមានដូចជា លិខិតឆ្លងដែន ដែលទិដ្ឋាការនៃការស្នាក់នៅ ក្នុងប្រទេសកម្ពុជានៅមានសុពលភាព (គិតត្រឹមថ្ងៃទី៣០ខែកក្កដាឆ្នាំ២០២១ ) ហើយចំពោះជនបរទេស ទាំងឡាយណាដែលមានទិដ្ឋាការនៃការស្នាក់នៅក្នុងប្រទេសកម្ពុជាហួសសុពលភាព ហើយមានបំណងចង់ចាក់វ៉ាក់សាំងការពារជំងឺកូវីដ១៩ គឺត្រូវទៅធ្វើការពន្យាទិដ្ឋាការនៃការស្នាក់នៅ ក្នុងប្រទេសកម្ពុជា ស្របតាមនីតិវិធី ដែលមានជាធរមាន និងលិខិតបញ្ជាក់សុខភាព ឬវេជ្ជបញ្ជានៃការប្រើប្រាស់ថ្នាំនានាដែលកំពុប្រើប្រាស់ជារៀងរាល់ថ្ងៃ (ប្រសិនបើមាន ) ៕អត្ថបទ ៖ ឈិត សាវី

លោកជំទាវ ឱ វណ្ណឌីន ប្រាប់ដល់ក្រុមអគតិមួយចំនួនដែលប្រឆាំងនឹងថ្នាំចិន បើមិនបានជួយអ្វីទេកុំយកជើងរាទឹក

ភ្នំពេញ ៖ លោកជំទាវ ឱ វណ្ណឌីន បានផ្តាំផ្ញើដល់ក្រុមអគតិមួយចំនួនជាពិសេសក្រុមពួកប្រឆាំង ដែលតែងតែលើកឡើងអំពីថ្នាំវ៉ាក់សាំង និងឱសថបុរាណចិនក្នុងការការព្យាបាលមេរោគកូវីដ១៩ នៅប្រទេសកម្ពុជា ថាបើពួកផងខ្លួនមិនបានជួយអ្វីទេ សូមកុំយកជើងរាទឹក និងកុំរំខានក្នុងការព្យាបាលជំងឺកូវីដ១៩ជូនដល់បងប្អូនប្រជាពលរដ្ឋធ្វើអ្វី ខណៈដែលពួកអគតិទាំងនោះ លើកឡើងនាពេលកន្លងទៅភាគច្រើនដូចពាក់វែនតាខ្មៅមើលមិនឃើញអ្វីទាល់តែសោះ។ការលើកឡើងរបស់ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាលកម្ពុជា គឺបានធ្វើឡើងបន្ទាប់ពីក្រុមប្រឆាំង និងក្រុមព័ត៌មានមួយក្តាប់តូចបានផ្សព្វផ្សាយ និងវិភាគលើកឡើងថា ថ្នាំវ៉ាក់សាំងចិន និងថ្នាំឱសថចិនវាគ្មានប្រសិទ្ធភាពអ្វីនោះទេ ក្នុងការព្យាបាលបងប្អូនប្រជាពលរដ្ឋដែលមានផ្ទុកមេរោគកូវីដ១៩។ថ្លែងប្រាប់អ្នកសារព័ត៌មាននាព្រឹកថ្ងៃទី២០ ខែកក្កដា ឆ្នាំ២០២១នេះ ខណៈបានយកថវិកា១០លានរៀលជាអំណោយរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងគ្រឿងឧបភោគបរិភោគមួយចំនួនទៀត ជូនបុគ្គលស្ម័គ្រចិត្តចាក់វ៉ាក់សាំងកូវីដ-១៩ លេខរៀងទី៦លាន គឺអ្នកស្រីផេង សឿនអាយុ៦៧ឆ្នាំ ជាកសិករ រស់នៅភូមិតាអុង ឃុំតាអុង ស្រុកចំការលើ ខេត្តកំពង់ចាម ។ លោកជំទាវឱ វណ្ណឌីន បានបន្ដថា ការផ្សព្វផ្សាយនាពេលកន្លងទៅរបស់ប្រព័ន្ធផ្សព្វផ្សាយមួយចំនួនទាក់ទងនឹងថ្នាំចិនដែលបានចរាចរណ៍ឲ្យព្យាបាលនៅប្រទេសកម្ពុជា គឺមិនបានឆ្លុះបញ្ចាំងឲ្យបានច្បាស់លាស់ ហើយការលើកឡើងបែបនេះ គឺពិតជាមាននិន្នាការ ខណៈថ្នាំឱសថចិននេះបានប្រើប្រាស់នៅតាមបណ្តាប្រទេសជាច្រើនទាំងនៅតំបន់អឺរ៉ុប និងអាស៊ីនោះ។ជាមួយគ្នានោះដែរ លោកជំទាវ ឱ វណ្ណឌីន ក៏បានបញ្ជាក់ផងដែរថា ថ្នាំឱសថចិនដែលបានយកមកព្យាបាលជំងឺកូវីដ១៩នៅប្រទេសកម្ពុជានេះ វាមិនបានធ្វើឲ្យជំងឺជាសះស្បើយទាំងស្រុងនោះទេ ប៉ុន្តែវាអាចជួយសម្រាលក្នុងការឆ្លង និងឈឺបានរយៈពេលដែលវេជ្ជបណ្ឌិតបានកំណត់នោះ។យ៉ាងណាក៏ដោយលោកជំទាវ ឱ វណ្ណឌីន ក៏បានអំពាវនាវយ៉ាងទទួច សូមកុំឲ្យបងប្អូនប្រជាពលរដ្ឋជឿតាមការឃោសនាពីសំណាក់ជនអគតិមួយចំនួនទាក់ទងនឹងការប្រើប្រាស់ថ្នាំ និងឱសថអ្វីផ្សេងៗក្រៅពីក្រសួងសុខាភិបាលដែលបានអនុញ្ញាត ហើយមួយវិញទៀតសូមបន្តប្រុងប្រយ័ត្នឲ្យបានខ្ពស់បន្ថែមទៀត ជាពិសេសអនុវត្តឲ្យបានខ្ជាប់ខ្ជួននូវវិធាន៣កុំ ៣ការពារ ខណៈមេរោគកូវីដ១៩នៅតែឆ្លងដល់យើងគ្រប់រូបដដែល បើទោះបីជាយើងបានចាក់ថ្នាំវ៉ាក់សាំងការពារក៏ដោយនោះ៕អត្ថបទ បាន ចក់

អភិបាលខេត្តកំពត អំពាវនាវដល់ពលរដ្ឋឲ្យមើលថែកុមារកុំឲ្យឆ្លងជំងឺកូវីដ១៩

កំពត ៖ ដើម្បីបង្ការទប់ស្កាត់ការឆ្លងរីករាលកូវីដ១៩ នៅក្នុងមូលដ្ឋាន ពិសេសកុំឲ្យឆ្លងទៅដល់កុមារ អភិបាលខេត្តកំពត បានបន្តអំពាវនាវដល់ប្រជាពលរដ្ឋ ត្រូវបង្កើនការយកចិត្តទុកដាក់មើលថែកូនចៅឲ្យបានល្អ ហើយបើគ្មានការងារចាំបាច់ សូមកុំអនុញ្ញាតឲ្យកុមារចេញទៅលេងក្រៅផ្ទះ។ ថ្លែងនៅព្រឹកថ្ងៃទី១៩ខែកក្កដា ឆ្នាំ២០២១ ក្នុងពិធីនាំយកអំណោយមនុស្សធម៌កាកបាទក្រហមកម្ពុជាចែកជូនដល់ប្រជាពលរដ្ឋងាយរងគ្រោះ និងរងផលប៉ះពាល់ដោយសារជំងឺកូវីដ-១៩ ចំនួន ១១៨គ្រួសារ មកពីឃុំ ចំនួន៥ក្នុងស្រុកអង្គរជ័យខេត្តកំពត ឯកឧត្តមជាវ តាយ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពតបានមានប្រសាសន៍ផ្តាំផ្ញើសួរសុខទុក្ខពីសំណាក់សម្ដេចតេជោហ៊ុន សែន និងសម្ដេចកិតិ្ដព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះពលរដ្ឋគ្រប់រូប។ ឯកឧត្តម ជាវ តាយ បានក្រើនរំលឹកដល់ប្រជាពលរដ្ឋ ឲ្យយកចិត្តទុកដាក់ថែរក្សាអនាម័យឲ្យបានល្អ ហូបស្អាត ផឹកស្អាត និងរស់នៅស្អាត ពិសេសរួមគ្នាអនុវត្តនូវវិធានការសុខាភិបាលគឺ ៣កុំ ៣ការពារ ឱ្យបានជាប្រចាំ ដើម្បីរួមគ្នាប្រយុទ្ធនិងបង្ការទប់ស្កាត់ការឆ្លងរាតត្បាតជំងឺកូវីដ១៩ ក្នុងសហគមន៍។ ជាងនេះទៅទៀត ឯកឧត្តម ក៏បានលើកទឹកចិត្តដល់ប្រជាពលរដ្ឋទាំងអស់ត្រូវបង្កើនស្មារតី យកចិត្ត ទុកដាក់លើការថែទាំកុមារ ឲ្យបានល្អ ហើយមាតាបីតា និងអណាព្យាបាលមិនត្រូវអនុញ្ញាតឲ្យកុមារដែលជាកូនឬចៅ ដើរលេងក្រៅបរិវេណផ្ទះនោះឡើយ ព្រោះកុមារងាយប្រឈមនឹងការឆ្លងកូវីដ១៩ ។ តាមរបាយការណ៍នៃការរកឃើញអ្នកវិជ្ជមានឆ្លងកូវីដ១៩ រយៈពេលប៉ុន្មានថ្ងៃចុងក្រោយ មានករណីវិជ្ជមានចំពោះកុមារច្រើន ដោយសារការធ្វេសប្រហែលរបស់ឳពុកម្តាយ ឬអាណាព្យាបាល។ អំណោយចែកជូនពលរដ្ឋទាំង ១១៨គ្រួសារ ក្នុងមួយគ្រួសារទទួលបាន ៖ អង្ករ ២៥គីឡូ មី១កេស ត្រីខ១យួរ ទឹកត្រី១យួរ និងថវិកា២ម៉ឺនរៀល៕

នាយឧត្តមសេនីយ៍ នេត សាវឿន ផ្តល់ថវិកាជាង១២ម៉ឺនដុល្លារ ដល់សាខាកាកបាទក្រហមខេត្តព្រៃវែង

ព្រៃវែង ៖ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានផ្តល់ថវិកាជាង១២ម៉ឺនដុល្លារដល់សាខាកាកបាទក្រហមខេត្តព្រៃវែង ដើម្បីចូលរួមអបអរសាទរខួបទី១៥៨ ទិវាពិភពលោកកាកបាទក្រហមអឌ្ឍចន្ទក្រហម ៨ឧសភា ឆ្នាំ២០២១ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ»។ថវិកានេះគឺបានផ្តល់ជូនដោយលោកឧត្តមសេនីយ៍ទោ ឆុំ ស៊ត ស្នងការរងហិរញ្ញកិច្ច និងភស្តុភារ តំណាងឯកឧត្តម ឧត្តមសេនីយ៍ឯក ឡោ សុឡេង អគ្គស្នងការរងនគរបាលជាតិ និងជាស្នងការហិរញ្ញកិច្ច និងភស្តុភារប្រគល់ជូន លោកឧកញ៉ា សុខ ផេង អនុប្រធានអចិន្រ្តៃយ៍គណៈកម្មាធិការសាខាកាកបាទក្រហមកម្ពុជា ខេត្តព្រៃវែង តំណាងឯកឧត្តម ជា សុមេធី អភិបាលខេត្តព្រៃវែង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត ដើម្បីទុកសម្រាប់ជួយទ្រទ្រង់បន្តដល់សកម្មភាពមនុស្សធម៌នៅក្នុងខេត្ត ឲ្យកាន់តែមានប្រសិទ្ធភាពគុណភាព និងភាពរស់រវើក។លោកឧត្តមសេនីយ៍ទោ ឆុំ ស៊ត បានថ្លែងថា ថវិកាដែលប្រគល់ជូនសាខាកាកបាទក្រហមកម្ពុជា ខេត្តព្រៃវែងនាពេលនេះ គឺបានពីការចូលរួមឧបត្ថមត្ភពី សម្តេចក្រឡាហោម ស ខេង ឧបនាយករដ្ឋមន្រ្តី ក្រសួងមហាផ្ទៃ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានកិត្តិយសសាខាកាកបាទក្រហមកម្ពុជា ខេត្តព្រៃវែង ក្រុមការងារថ្នាក់ជាតិចុះមូលដ្ឋានខេត្តព្រៃវែង និងសប្បុរសជននានា។ លោកឧត្តមសេនីយ៍ទោ បញ្ជាក់ថា ថវិកានេះ ស្តែងចេញឲ្យឃើញពីទឹកចិត្តសប្បុរស និងក៏ជាវប្បធម៌ នៃការចែករំលែកជួយគ្នា ក្នុងការរួមចំណែកជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ លោកឧត្តមសេនីយ៍បន្តថា ថ្វីត្បិតកម្ពុជាបច្ចុប្បន្នក៏ជាប្រទេសមួយក្នុងចំណោមប្រទេសផ្សេងៗទៀតលើសកលលោក ដែលបានរងផលប៉ះពាល់ពីជំងឺកូវីដ-១៩ ក៏ដោយក៏ប៉ុន្តែថវិកាដែលប្រមូលបាននៅតែមានចំនួនច្រើន នេះសបញ្ជាក់ឲ្យឃើញពីភាពជឿជាក់លើការដឹកនាំប្រកបដោយគតិបណ្ឌិតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងដោយមានការយកចិត្តទុក្ខដាក់ខ្ពស់ពីថ្នាក់ដឹកនាំគ្រប់ជាន់ថ្នាក់ និងសប្បុរសជននានា ក្នុងការរួមចំណែកលើវិស័យមនុស្សធម៌។ក្នុងឱកាសនោះលោកឧកញ៉ា សុខ ផេង បានសម្តែងនូវការគោរពកោតសរសើរ និងថ្លែងអំណរគុណចំពោះ សម្តេចក្រឡាហោម ស ខេង ឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន និងក្រុមការងារថ្នាក់ជាតិចុះមូលដ្ឋានខេត្តព្រៃវែង ព្រមទាំងសប្បុរសជននានា ដែលជារៀងរាល់ឆ្នាំបានលះបង់ធនធានថវិកាផ្ទាល់ ក្នុងការចូលរួមជាកាកបាទក្រហមកម្ពុជា ។លោកឧកញ៉ា សុខ ផេង បានគូសបញ្ជាក់ថា នៅជិត២អាណត្តិ ដែលឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ធ្វើជាប្រធានកិត្តិយសសាខា ឯកឧត្តម បានខិតខំកៀគរធនធានថវិកា ដើម្បីជួយគាំទ្រដល់សកម្មភាពមនុស្សធម៌របស់សាខា ជាពិសេសធ្វើឲ្យសាខាមានលទ្ធភាពឆ្លើយតបបានទាន់ពេលវេលាចំពោះប្រជាពលរដ្ឋ ដែលរងគ្រោះដោយគ្រោះមហន្តរាយនានា។លោកឧកញ៉ា សុខ ផេង បានលើកឡើងទៀតថា ទោះស្ថិតក្នុងបរិបទជំងឺកូវីដ-១៩ ប៉ុន្តែសាខាកាកបាទក្រហមខេត្ត នូវតែទទួលបានការឧបត្ថម្ភគាំទ្រជាច្រើនពីសប្បុរសជននានា ។ជាមួយគ្នានោះសាខាខេត្តក៏បានចូលរួមជាមួយគណៈកម្មការប្រយុទ្ធនឹងជំងឺកូវីដ-១៩ ខេត្ត ដោយបានឧបត្ថម្ភនូវគ្រឿងឧបភោគបរិភោគជាច្រើន ដើម្បីចែកជូនទៅបងប្អូនប្រជាពលរដ្ឋ ដែលកំពុងសម្រាកព្យាបាលជំងឺកូវីដ-១៩ នៅតាមបណ្តាក្រុង-ស្រុក នៅទូទាំងខេត្តផងដែរ៕អត្ថបទ បាន ចក់

ក្រសួងអភិវឌ្ឍន៍ជនបទចុះពិនិត្យ និងបញ្ចប់សុពលភាពការស្ថាបនាផ្លូវ២ខ្សែក្នុងខេត្តកំពង់ស្ពឺ

កំពង់ស្ពឺ ¶ ៖ ឯកឧត្តម ប៊ុន ចន្ទវណ្ណៈ រដ្ឋលេខាធិការតំណាង ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នាថ្ងៃទី ១៩ ខែកក្កដា ឆ្នាំ ២០២១ នេះ បានដឹកនាំគណៈកម្មការអន្ដរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យវាយតម្លៃប្រគល់-ទទួល និងបញ្ចប់សុពលភាពលើការងារស្ថាបនាផ្លូវចំនួន ០២ គម្រោងដូចខាងក្រោម ៖-គម្រោងទី១៖ ការងារស្ថាបនាផ្លូវក្រាលកៅស៊ូ DBST ០១ខ្សែ ប្រវែង ៨ ០០០ ម៉ែត្រ ទទឹង ៦ ម៉ែត្រ ចាប់ពីភូមិស្លាបលែង ឃុំស្វាយរំពេរ ទៅភូមិ ដូនពេញ ឃុំទួលសាលា ស្រុកប្រសេដ្ឋ ខេត្តកំពង់ស្ពឺ ។-គម្រោងទី២៖ ការងារស្តារឡើងវិញផ្លូវក្រាលកៅស៊ូពីរជាន់ប្រភេទ DBST ០១ខ្សែ ប្រវែង ១២ ១០០ ម៉ែត្រ ទទឹងខ្នងលើក្រាលកៅស៊ូ ៦ ម៉ែត្រ ចាប់ពីផ្សារប៉ាង្កសី ភូមិត្រពាំងខ្យង ឃុំទួលអំពិល ទៅភូមិព្រះម្លប់ ឃុំភារីមានជ័យ ស្រុកប្រសេដ្ឋ ខេត្តកំពង់ស្ពឺ(បញ្ចប់សុពលភាព)។ គម្រោងផ្លូវក្រាលកៅស៊ូ DBST ទាំងពីរខ្សែខាងលើនេះ អនុវត្តដោយនាយកដ្ឋានវិស្វកម្មក្រសួងការពារជាតិ៕

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន បញ្ជាក់ថា វ៉ាក់សាំងមានសារសំខាន់សម្រាប់ប្រយុទ្ធប្រឆាំងនឹងជំងឺកូវីដ-១៩

ពលរដ្ឋខេត្តកំពតជាង៣ម៉ឺននាក់ចាក់វ៉ាក់សាំងបង្ការកូវីដ-១៩ ក្នុងជំហ៊ានទី៣

រដ្ឋមន្ដ្រីការបរទេសខ្មែរ-ឥណ្ឌា នឹងដឹកនាំកិច្ចប្រជុំរដ្ឋមន្រ្តីការបរទេសមេគង្គ-គង្គាលើកទី១១ នាល្ងាចនេះ

ក្រសួងវប្បធម៌ ផ្ទៀងផ្ទាត់កំណត់ និងចុះបញ្ជីបុរាណដ្ឋាន បានជាង១ពាន់បុរាណដ្ឋាន

រដ្ឋមន្ដ្រីក្រសួងសាធារណការ និងដឹកជញ្ជូន បន្ដចុះពិនិត្យគម្រោងស្ថាបនាផ្លូវ៣៨ខ្សែនៅក្នុងក្រុងសៀមរាប

ជនបរទេសជាង២ពាន់នាក់ស្នាក់នៅ និងបំពេញការងារក្នុងខេត្តសៀមរាប បានទទួលចាក់វ៉ាក់សាំងបង្ការជំងឺកូវីដ-១៩

លោកជំទាវ ឱ វណ្ណឌីន ប្រាប់ដល់ក្រុមអគតិមួយចំនួនដែលប្រឆាំងនឹងថ្នាំចិន បើមិនបានជួយអ្វីទេកុំយកជើងរាទឹក

អភិបាលខេត្តកំពត អំពាវនាវដល់ពលរដ្ឋឲ្យមើលថែកុមារកុំឲ្យឆ្លងជំងឺកូវីដ១៩

នាយឧត្តមសេនីយ៍ នេត សាវឿន ផ្តល់ថវិកាជាង១២ម៉ឺនដុល្លារ ដល់សាខាកាកបាទក្រហមខេត្តព្រៃវែង

ក្រសួងអភិវឌ្ឍន៍ជនបទចុះពិនិត្យ និងបញ្ចប់សុពលភាពការស្ថាបនាផ្លូវ២ខ្សែក្នុងខេត្តកំពង់ស្ពឺ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

​សម្ដេច​តេជោ ហ៊ុន សែន បញ្ជាក់​ថា វ៉ាក់សាំង​មាន​សារ​សំខាន់​សម្រាប់​ប្រយុទ្ធ​ប្រឆាំង​នឹង​ជំងឺ​កូវីដ-១៩

ពលរដ្ឋខេត្តកំពតជាង៣ម៉ឺននាក់ចាក់វ៉ាក់សាំងបង្ការកូវីដ-១៩ ក្នុងជំហ៊ានទី៣

រដ្ឋមន្ដ្រីការបរទេសខ្មែរ-ឥណ្ឌា នឹងដឹកនាំកិច្ចប្រជុំរដ្ឋមន្រ្តីការបរទេសមេគង្គ-គង្គាលើកទី១១ នាល្ងាចនេះ

ក្រសួងវប្បធម៌ ផ្ទៀងផ្ទាត់កំណត់ និងចុះបញ្ជីបុរាណដ្ឋាន បានជាង១ពាន់បុរាណដ្ឋាន

រដ្ឋមន្ដ្រីក្រសួងសាធារណការ និងដឹកជញ្ជូន បន្ដចុះពិនិត្យគម្រោងស្ថាបនាផ្លូវ៣៨ខ្សែ​នៅ​ក្នុង​ក្រុងសៀមរាប

ជនបរទេសជាង២ពាន់នាក់ស្នាក់នៅ និងបំពេញការងារក្នុងខេត្តសៀមរាប បានទទួលចាក់​វ៉ាក់សាំង​បង្ការជំងឺកូវីដ-១៩

លោកជំទាវ ឱ វណ្ណឌីន ប្រាប់ដល់ក្រុមអគតិមួយចំនួនដែលប្រឆាំងនឹងថ្នាំចិន បើមិនបានជួយអ្វីទេកុំយកជើងរាទឹក

អភិបាលខេត្តកំពត អំពាវនាវដល់ពលរដ្ឋឲ្យមើលថែកុមារកុំឲ្យឆ្លងជំងឺកូវីដ១៩

នាយឧត្តមសេនីយ៍ នេត សាវឿន ផ្តល់ថវិកាជាង១២ម៉ឺនដុល្លារ ដល់សាខាកាកបាទ​ក្រហម​ខេត្តព្រៃវែង

ក្រសួងអភិវឌ្ឍន៍ជនបទចុះពិនិត្យ និងបញ្ចប់សុពលភាពការស្ថាបនាផ្លូវ២ខ្សែក្នុងខេត្តកំពង់ស្ពឺ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន បញ្ជាក់ថា វ៉ាក់សាំងមានសារសំខាន់សម្រាប់ប្រយុទ្ធប្រឆាំងនឹងជំងឺកូវីដ-១៩

រដ្ឋមន្ដ្រីក្រសួងសាធារណការ និងដឹកជញ្ជូន បន្ដចុះពិនិត្យគម្រោងស្ថាបនាផ្លូវ៣៨ខ្សែនៅក្នុងក្រុងសៀមរាប

ជនបរទេសជាង២ពាន់នាក់ស្នាក់នៅ និងបំពេញការងារក្នុងខេត្តសៀមរាប បានទទួលចាក់វ៉ាក់សាំងបង្ការជំងឺកូវីដ-១៩

នាយឧត្តមសេនីយ៍ នេត សាវឿន ផ្តល់ថវិកាជាង១២ម៉ឺនដុល្លារ ដល់សាខាកាកបាទក្រហមខេត្តព្រៃវែង