នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ផលិតករក្នុងស្រុកបង្ហាញនូវគោលជំហលក់ផលិតផលមិនទាន់ឡើងថ្លៃនៅឡើយ ទោះបី​តម្លៃ​ប្រេង​ប្រែប្រួល
អ្នកជំនាញហិរញ្ញវត្ថុ៖ ប្រាក់រៀលមានស្ថិរភាពជាងរូបិយប័ណ្ណបរទេសក្នុងស្ថានភាពសកលកំពុងប្រួលប្រែ
NBC និងUNDP ប្រកាសដាក់ឱ្យប្រើប្រាស់របាយការណ៍ស្ដីពី «ដុល្លារូបនីយកម្ម និងការ​ទូទាត់​ប្រាក់​ឈ្នួល​ក្នុង​វិស័យ​នាំ​ចេញ​សំខាន់ៗ» ដើម្បីលើកកម្ពស់ការប្រើប្រាស់ប្រាក់រៀលនៅកម្ពុជា
រដ្ឋមន្ត្រីក្រសួងពាណិជ្ជកម្មកម្ពុជា អញ្ជើញចូលរួមជាវាគ្មិនក្នុងព្រឹត្តិការណ៍ស្ដីពី ពាណិជ្ជកម្ម​សេវា​ដើម្បីការអភិវឌ្ឍ (TS4D) នៅប្រទេសកាម៉េរូន

សេដ្ឋកិច្ច និង កសិកម្ម

ផលិតករក្នុងស្រុកបង្ហាញនូវគោលជំហលក់ផលិតផលមិនទាន់ឡើងថ្លៃនៅឡើយ ទោះបី​តម្លៃ​ប្រេង​ប្រែប្រួល

2026/04/01 11:38:11 am        83
Facebook Telegram Linkin
ផលិតករក្នុងស្រុក បង្ហាញនូវគោលជំហលក់ផលិតផលក្នុងស្ថានភាពលំបាកនេះ លក់​មិន​ទាន់​ឡើង​ថ្លៃ​នៅ​ឡើយ និងបន្តលក់ ដាច់ជាធម្មតាទាំងទីផ្សារក្នុងស្រុក ក៏ជាការនាំចេញ ប៉ុន្តែប្រសិន​បើ​ប្រេង​ឥន្ធនៈ​នៅតែអូសបន្លាយ តម្លៃនៃការលក់ចេញនឹងអាចប្រែប្រួល ខ្លះៗតាម​តម្រូវ​ការ​ទីផ្សារ​ជាក់​ស្តែង។លោកស្រី ចេន សុភាព ស្ថាបនិកសហគ្រាសកីតម្បាញខ្មែរ ដែលលក់ផលិតផលតម្បាញដូចជា ស៊ឹង​ខ្មែរ ហូល ផាមួង ក្រម៉ា និងការផលិតជាសម្លៀកបំពាក់ជាដើម ថ្លែងប្រាប់ BTV ស្តីពីកា​រ​លក់​ផលិត​ផល​ក្នុងស្រុក និងការនាំចេញក្នុងពេលបច្ចុប្បន្ន នេះថា នៅក្នុងស្ថានភាព​ដែល​បាន​កំពុង​អូស​បន្លាយ ​នៃការកើនឡើងតម្លៃប្រេងឥន្ធនៈនេះ ការលក់ដូររបស់លោកស្រី​មិន​ទាន់​មាន​ការ​ឡើង​ថ្លៃ ​នៅឡើយ ដោយរក្សាតម្លៃនូវដើមដ៏ដែល តែទោះបីយ៉ាង​បញ្ហា​នេះ​បាន​ជួប​ប្រទះ​ខ្លះ​ៗ​ទៅ​លើ​បុគ្គលិក អំពីចំណាយទៅលើការធ្វើដំណើរ និងការទិញ និងរបស់របរផ្សេងៗ​សម្រាប់​ផ្គត់ផ្គង់​ប្រចាំ​ថ្ងៃ​របស់​ពួកគាត់។លោកស្រី បន្តថា ចំពោះការលក់ដូរវិញឃើញថា នៅក្នុងស្ថានភាពដ៏លំបាកនេះ ការ​លក់​ដូរ​លើ​ទីផ្សារ​គឺ​មានសមភាពស្ងាត់ បន្តិច ប៉ុន្តែភាគច្រើនអតិថិជនច្រើនកម្ម៉ង់ទិញតាមអនឡាញ ព្រោះថា បញ្ហា​ប្រេងសាំងឡើងថ្លៃប្រជាពលរដ្ឋមិនសូវចេញដំណើរខាង ក្រៅ។ ចំណែកទីផ្សារនាំចេញវិញ លោក​ស្រី បន្ថែមឱ្យដឹងថា ស្ថិតក្នុងស្ថានភាពបច្ចុប្បន្ននេះដែរ ការលក់សម្រាប់ទីផ្សារក្រៅស្រុក នៅមានការបញ្ជាទិញជាបន្តបន្ទាប់ដូចជា ការលក់រាយនៅ សហរដ្ឋអាម៉េរិក និងបារាំងជាដើម។លោក ប៉ែន ប៉ូលី ប្រធានសហគ្រាសពេញហឫទ័យប៉ែន លើកឡើងផងដែរថា នៅ​ពេល​តម្លៃ​ប្រេង​ឥន្ធនៈ​ហក់​ឡើងបែបនេះ ប្រតិបត្តិការនៃខ្សែច្រវាក់ផលិតកម្មនៅលើពិភពលោក ក៏ដូចកម្ពុជា គឺ​ជួប​វិបត្តិ​ដូចគ្នា ព្រោះការធ្វើអាជីវកម្មពឹងផ្អែកលើការដឹកញ្ជូន និង ប្រតិបត្តិការ​នៅ​លើ​ការ​ផលិត​ជា​ដើម​។ លោកបានបញ្ជាក់ថា ស្ថិតក្នុងស្ថានភាពកំពុងឈមនេះ ចំពោះ​ការ​ចែក​ចាយ​ផលិត​ផល​របស់​លោកមិនទាន់ហក់ឡើងថ្លៃនោះឡើយ តែនឹងអាចឡើងថ្លៃបន្តិចបន្តួច នៅ​លើ​ការ​ផ្លាស់​ប្តូរ​សេវា​កម្ម​ដែល​អនុវត្តកន្លងមក។លោក ស៊ាង សេដ្ឋាឋានន្ត អគ្គនាយករងនៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម លើក​ឡើង​ថា ជុំវិញទីផ្សារ ក្នុងនិងក្រៅប្រទេស ក្រសួង​ពាណិជ្ជ​កម្ម​បាន​ខិតខំ​ប្រឹង​ប្រែង​យក​ចិត្ត​ទុក​ដាក់​យ៉ាងខ្លាំង ក្នុងការជំរុញអភិវឌ្ឍន៍ផលិតផល និងការធ្វើ ទីផ្សារផលិតផលក្នុងស្រុក ស្រប​តាម​ស្តង់​ដា ក្នុងនោះចំពោះការសម្រួលពាណិជ្ជកម្មសម្រាប់ទីផ្សារនាំចេញ ក្រសួងបានចរាចរបើក ទីផ្សារ​ជាបន្តបន្ទាប់ តាមរយៈកិច្ចព្រមព្រៀងពាណិជ្ជកម្មទ្វេភាគី និងកិច្ចព្រម​ព្រៀង​ពាណិជ្ជ​កម្ម​ពហុ​ភាគី​ជាដើម ដើម្បីជំរុញការចរាចរ ផលិតផលជាតិលើទីផ្សារឱ្យបានកាន់តែច្រើន៕ អត្ថបទ៖ សុន រ៉ាឌី

អ្នកជំនាញហិរញ្ញវត្ថុ៖ ប្រាក់រៀលមានស្ថិរភាពជាងរូបិយប័ណ្ណបរទេសក្នុងស្ថានភាពសកលកំពុងប្រួលប្រែ

2026/04/01 10:54:52 am        144
Facebook Telegram Linkin
អ្នកជំនាញហិរញ្ញវត្ថុ មើលឃើញការចរាចរប្រាក់រៀលលើទីផ្សារកំពុងរក្សាស្ថិរភាពល្អប្រសើរ ខណៈដែលដុល្លាររូបនីយកម្មកំពុង មានភាពប្រួលប្រែ ហើយការប្រើប្រាស់លុយរៀលដែលជាលុយរបស់ជាតិ អាចទទួលបានអត្ថប្រយោជន៍ និងផ្តល់ងាយស្រួលក្នុងកិច្ច ការពារនៅពេលមានហានីភ័យ។លោកបណ្ឌិត អ៊ិន ចាន់នី អ្នកជំនាញក្នុងវិស័យហិរញ្ញវត្ថុនៅកម្ពុជា និងនាយកប្រតិបត្តិធនាគារ អេស៊ីលីដា លើកក្នុងកិច្ច សម្ភាសន៍ជាមួយ BTV ស្តីពីការចរចារប្រាក់រៀលលើទីផ្សារនៃព្រះរាជាណាចក្រកម្ពុជា ក្នុងពិធីដាក់ឱ្យដំណើរការជាផ្លូវការ នៃការទូទាត់ ឆ្លងដែន តាមឃ្យូអរកូត រវាងកម្ពុជា-សិង្ហបុរី ថា ជុំវិញប្រាក់រៀលនេះ ត្រូវបានគាំទ្រជាចម្បង ដោយកំណើនតម្រូវការប្រាក់រៀល នៅក្នុងជីវភាពរស់នៅ ការកើនឡើងផលិតកម្មកសិកម្ម និងកំណើនទូទាត់ប្រាក់រៀលតាមប្រព័ន្ធអេឡិចត្រូនិចជាដើម។ លោកបណ្ឌិត បន្តថា ជាក់ស្តែងការចរាចរប្រាក់រៀលនៅលើទីផ្សារបច្ចុប្បន្ននេះឃើញថា បាននិងកំពុងរក្សាស្ថិរភាពល្អប្រសើរ នៅក្នុងស្ថានភាពដែលកំពុងមានប្រួលប្រែនៃដុល្លារូបនីយកម្ម និងមានអតិផរណាកម្រិតទាប។ ជុំវិញប្រាក់រៀលនេះ ធនាគារអេស៊ីលីដា គឺជាធនាគារតែមួយគត់ ដែលមានប្រាក់សន្សំជាប្រាក់រៀលមានប្រមាណ ២៤% ខណៈឥណទានជាប្រាក់រៀល មានក្នុងរង្វង់ ២០% ។ លោកបណ្ឌិត បញ្ជាក់យ៉ាងខ្លីថា ក្នុងស្ថានភាពលំបាកនៅមជ្ឈឹមបូព៌ានេះ យើងគួរប្រើប្រាស់រៀល ដែលជារូបិយវត្ថុជាតិ និងអាចធ្វើ ឱ្យយើងទទួលបានអត្ថប្រយោជន៍ និងផ្តល់ងាយស្រួលក្នុងកិច្ចការពារនៅពេលមានហានីភ័យផងដែរ។ជុំវិញប្រាក់រៀលនេះដែរ, ថ្មីៗនេះធនាគារជាតិនៃកម្ពុជា និងកម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) បានដាក់ឱ្យប្រើ ប្រាស់របាយការណ៍សង្ខេបគោលនយោបាយ ស្តីពីដុល្លារូបនីយកម្ម និងផលប៉ះពាល់ក្នុងវិស័យកាត់ដេរ ស្បែកជើង ការបូប និងផលិត ផលធ្វើដំណើរនៅកម្ពុជា ក្នុងឱកាសអបអរទិវាប្រាក់រៀលនិងការដាក់ឱ្យចចរាចរប្រាក់រៀលឡើងវិញ ដោយក្នុងនោះតំណាង (UNDP) ក៏បានប្តេជ្ញាបន្តជួយលើកកម្ពស់ប្រាក់ឱ្យកាន់តែទូលាយ នៅក្នុងប្រតិបត្តិការរបស់ខ្លួន និងបានជំរុញដល់ដៃគូអភិវឌ្ឍន៍ទាំងក្នុង និង ក្រៅប្រព័ន្ធអង្គការសហប្រជាជាតិប្រចាំកម្ពុជាឱ្យចូលរួមផងដែរ៕ អត្ថបទ៖ សុន រ៉ាឌី

NBC និងUNDP ប្រកាសដាក់ឱ្យប្រើប្រាស់របាយការណ៍ស្ដីពី «ដុល្លារូបនីយកម្ម និងការ​ទូទាត់​ប្រាក់​ឈ្នួល​ក្នុង​វិស័យ​នាំ​ចេញ​សំខាន់ៗ» ដើម្បីលើកកម្ពស់ការប្រើប្រាស់ប្រាក់រៀលនៅកម្ពុជា

2026/03/30 11:05:48 am        275
Facebook Telegram Linkin
កាលពីថ្ងៃទី២០ ខែមីនា ឆ្នាំ២០២៦ ធនាគារជាតិនៃកម្ពុជា (NBC) និងកម្ម​វិធី​អភិវឌ្ឍន៍​សហ​ប្រជា​ជាតិ​ប្រចាំកម្ពុជា (UNDP) បានដាក់ឱ្យប្រើប្រាស់ របាយការណ៍​សង្ខេប​គោល​នយោបាយ​ស្តីពី ​“ដុល្លារូបនីយកម្ម និងផលប៉ះពាល់ក្នុងវិស័យកាត់ដេរ ផលិតផលស្បែកជើង ផលិត​ផល​ធ្វើ​ដំណើរ ​និង​កាបូបនៅកម្ពុជា” ក្នុងឱកាសអបអរសាទរទិវាប្រាក់រៀល ខួបលើកទី ៤៦ នៃការដាក់​ឱ្យ​ចរាចរ​ប្រាក់​រៀល​ឡើងវិញ នៅវិទ្យាស្ថានសិក្សាបច្ចេកធនាគារ រាជធានីភ្នំពេញ។ នេះ​បើ​យោង​តាម​សេច​ក្ដី​ប្រកាសរួម។ ឯកឧត្តម ឃឹម លាត ទេសាភិបាលរង ធនាគារជាតិនៃកម្ពុជា មានប្រសាសន៍ថា៖ «ខ្ញុំសូមវាយ តម្លៃ​ខ្ពស់ និងថ្លែងអំណរគុណចំពោះកម្មវិធីអភិវឌ្ឍន៍សហប្រជាជាតិ ដែល​បាន​រួម​ចំណែក​យ៉ាង​សំខាន់​ ក្នុងការគាំទ្រការស្រាវជ្រាវ និងការដាក់ចេញវិធានការគោលនយោបាយ សំដៅ​ពង្រឹង​តួនាទី​ប្រាក់​រៀល ក្នុងការរក្សាស្ថិរភាពម៉ាក្រូសេដ្ឋកិច្ច និងគាំទ្រការអភិវឌ្ឍ​សេដ្ឋកិច្ច​ប្រកប​ដោយ​ចីរភាព​»។លោក អេនរីកូ ហ្គាវេលីយ៉ា តំណាង យូអិនឌីភី ប្រចាំកម្ពុជា បានលើកឡើងថា៖ «ខណៈ​ដែល​លំហូរ​ជំនួយអភិវឌ្ឍន៍ផ្លូវការក្នុងទសវត្សរ៍ ១៩៩០ បានរួមចំណែកដល់ដុល្លារូបនីយកម្ម ពេល​នេះ​គឺ​ជាពេលដែល​យើងទាំងអស់គ្នាត្រូវប្តេជ្ញាចិត្ត ក្នុងការកាត់​បន្ថយ​​ការ​ប្រើ​ប្រាស់​ប្រាក់​ដុល្លារ​នៅ​កម្ពុជា​។ ​យូអិនឌីភី នឹង បន្តលើកកម្ពស់ការប្រើប្រាស់ប្រាក់រៀល ឱ្យកាន់តែ​ទូលំទូលាយ​នៅ​ក្នុង​ប្រតិបត្តិ​ការ​របស់ខ្លួន និងអំពាវនាវ ដល់ដៃគូអភិវឌ្ឍន៍ផ្សេងទៀតទាំងនៅក្នុង និង​ក្រៅប្រ​ព័ន្ធ​អង្គ​ការ​សហ​ប្រជាជាតិឱ្យចូលរួមដូចគ្នា»៕

រដ្ឋមន្ត្រីក្រសួងពាណិជ្ជកម្មកម្ពុជា អញ្ជើញចូលរួមជាវាគ្មិនក្នុងព្រឹត្តិការណ៍ស្ដីពី ពាណិជ្ជកម្ម​សេវា​ដើម្បីការអភិវឌ្ឍ (TS4D) នៅប្រទេសកាម៉េរូន

2026/03/26 09:33:37 am        152
Facebook Telegram Linkin
ភ្នំពេញ៖ នៅព្រឹកទី២៥ ខែមីនា ឆ្នាំ២០២៦ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និង​ជាប្រធានគណៈប្រតិភូកម្ពុជា បានអញ្ជើញចូលរួមជាវាគ្មិនក្នុងព្រឹត្តិការណ៍ស្ដីពី ពាណិជ្ជកម្ម​សេវា​ដើម្បីការអភិវឌ្ឍ (TS4D) ដោយមានការអញ្ជើញចូលរួម​ពិភាក្សា​ពីរដ្ឋមន្រ្តី​ពាណិជ្ជកម្ម​ប្រទេស​ហ្កាណា, ចាម៉ៃកា, រវ៉ាន់ដា, អេត្យូពី និងចក្រភពអង់គ្លេស។ ក្នុងឱកាសនោះ លោកជំទាវរដ្ឋមន្ត្រី បានវាយតម្លៃខ្ពស់ចំពោះការរួម​ចំណែក​របស់​វិស័យ​សេវា​កម្ម​ក្នុង​សេដ្ឋកិច្ចរបស់កម្ពុជា ព្រមទាំងសង្កត់ធ្ងន់សក្ដានុពលនៃពាណិជ្ជកម្មសេវាក្នុងការអភិវឌ្ឍ ពិពិធ​កម្ម​សេដ្ឋកិច្ច និងលើកកម្ពស់កំណើនប្រកបដោយភាពធន់ និងបរិយាបន្ន។ លោកជំទាវរដ្ឋមន្ត្រី បានបន្តទៀតថា កម្ពុជាបាន និងកំពុងបណ្ដុះបណ្ដាលកម្លាំងពលកម្ម ជាពិសេសចំណេះដឹងផ្នែកឌីជីថល ដើម្បី​ត្រៀម​ខ្លួនរួច​ជាស្រេច​ក្នុង​ការ​ទាញ​យក​ផល​ប្រយោជន៍​ពេញ​លេញ​ពីពាណិជ្ជកម្មសេវា ដោយប្រើប្រាស់ច្រកទីផ្សារ​សម្រាប់អ្នកផ្គត់ផ្គង់​សេវា​ដែល​មាន​ក្រោម​ក្រប​ខណ្ឌកិច្ចព្រមព្រៀងក្នុងតំបន់ និងពហុភាគី៕

កម្ពុជាស្នើហិរញ្ញប្បទានពីគម្រោង GMS លើទំហំទឹកប្រាក់ជាង ៣.៦៨០លានដុល្លារ សម្រាប់​ការ​អភិវឌ្ឍជាតិ

2026/03/20 01:03:41 pm        138
Facebook Telegram Linkin
កម្ពុជាស្នើសុំហិរញ្ញប្បទាន ក្នុងក្របខណ្ឌវិនិយោគមហាអនុតំបន់មេគង្គឆ្នាំ២០២៦-២០២៨ សម្រាប់​ការអភិវឌ្ឍចំនួន ៣៣ គម្រោង មានទឹកប្រាក់សរុបប្រមាណជាង ៣.៦៨០ លាន​ដុល្លារ​អាម៉េរិក​ ក្នុងនោះគម្រោងវិនិយោគលើវិស័យដឹកជញ្ជូនត្រូវការទឹកប្រាក់ ច្រើនជាងគេ។លោក អ៊ូ វឌ្ឍនៈរស្មី សមាជិកលេខាធិការដ្ឋានជាតិ នៃកិច្ចសហប្រតិបត្តិការមហាអនុតំបន់មេគង្គ នៃ​ក្រុម​ប្រឹក្សាអភិវឌ្ឍន៍ កម្ពុជា លើកឡើងក្នុងបទបង្ហាញស្តីពីបច្ចុប្បន្នភាពនៃការរបៀបចំគម្រោង ក្នុង​ក្រប​ខណ្ឌវិនិយោគតំបន់មហាអនុតំបន់មេគង្គ (GMS) នេះថា ជុំវិញក្រប​ខណ្ឌ​វិនិយោគ​តំបន់​មហា​អ​នុតំបន់មេគង្គ (GMS) នេះ នៅក្នុងឆ្នាំ២០២៥កន្លងមក កិច្ចប្រជុំឧត្តមមន្រ្តី GMS បាន ឯកភាព​ឱ្យមានការធ្វើឌីថលូបនីយកម្មនៃនីតិវិធី លើការដាក់​ស្នើ​សុំ​គម្រោង​ក្រោម​ក្រប​ខណ្ឌ​តំបន់​ឆ្នាំ​២០២៦-២០២៨ ក្នុងគោល បំណងពង្រឹងប្រសិទ្ធផល កិច្ចសហការរវាងដៃគូពាក់ព័ន្ធ និង​លើក​កម្ពស់គុណភាពនៃសំណើរគម្រោងជាដើម។លោកបន្តថា បញ្ហាខាងលើនេះ លេខាធិការដ្ឋានមហាអនុតំបន់មេគង្គ នៃធនាគារអភិវឌ្ឍន៍អាស៊ី និង​លេខាធិការដ្ឋានជាតិ បានសម្របសម្រួលជាមួយក្រសួង-ស្ថាប័ន និងក្រុម​ការងារ​តាម​វិស័យ​របស់​ GMS ដើម្បីរៀបចំសំណើរគម្រោងក្នុងក្របខណ្ឌវិនិយោគ តំបន់ ២០២៨ ក្នុងនោះ​សម្រាប់​កម្ពុជា​បាន​ស្នើសុំមានសរុបចំនួន ៣៣ គម្រោង ក្នុងទំហំទឹកប្រាក់ប្រមាណជាង ៣.៦៨០ លានដុល្លារ អាម៉េរិក ។ ចំពោះវិស័យដែលស្នើសុំរួមមាន៖ កសិកម្មចំនួន ២ គម្រោង មានទឹកប្រាក់ជាង ៨៤ លានដុល្លារ, បរិស្ថាន ៦ គម្រោង ជាង ៨០០ លានដុល្លារ, សុខាភិបាល ២ គម្រោង ៩៨ លានដុល្លារ, ទេសចរណ៍ ១១ គម្រោង មានទឹកប្រាក់ ២៩៦ លានដុល្លារ, ពាណិជ្ជកម្មនិងវិនិយោគ ០,៥ លានដុល្លារ និងវិស័យដឹកជញ្ជូន សម្រាប់ស្ថាបនាផ្លូវដែក ពីសេរីសោភ័ណ្ឌ-សៀមរាប-ភ្នំពេញ ត្រូវការ ហិរញ្ញប្បទានជិត ២.៤០០ លានដុល្លារអាម៉េរិកផងដែរ។ ឯកឧត្តម ជូ ហេង អគ្គលេខាធិការរងគណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា និងជា អ្នកសម្របសម្រួលជាតិនៃមហាអនុតំបន់មេគង្គ ស្នើសុំដល់ក្រសួង-ស្ថាប័នពាក់ព័ន្ធ សូមចូលរួមផ្តល់ធាតុចូលបន្ថែមលើរបាយការណ៍ វឌ្ឍនភាពនេះ ដើម្បីឱ្យលេខាធិការដ្ឋានជាតិ GMS អាចផ្សព្វផ្សាយ ឬបោះពុម្ភនៅលើរបាយការណ៍ក្នុងបំណាច់ខែមីនា ឆ្នាំ២០២៦ នេះ។ ជុំវិញបញ្ហានេះដែរ ឯកឧត្តម បានវាយតម្លៃខ្ពស់ ចំពោះការខិតខំប្រឹងប្រែងរបស់ក្រសួង-ស្ថាប័នពាក់ព័ន្ធ លើការរៀបចំនូវ របាយការណ៍ ដើម្បីទទួលបាននូវការវិភាជហិរញ្ញប្បទានពីគម្រោង GMS សម្រាប់ការអភិវឌ្ឍន៍ប្រទេសជាតិ។សូមបញ្ជាក់ថា នៅក្នុងមហាអនុតំបន់មេគង្គមានចំនួន ៦ ប្រទេសរួមមាន៖ ចិន កម្ពុជា ភូម៉ា ថៃ ឡាវ និងវៀតណាម ក្នុងនោះប្រទេស ទាំងនេះបានស្នើសុំក្នុងក្របខណ្ឌវិនិយោគមហាអនុតំបន់មេគង្គឆ្នាំ២០២៦-២០២៨ មានចំនួនសរុប ៨៨ គម្រោង ដោយមានទឹក ប្រាក់ស្នើសុំ ប្រមាណជិត ១៩ ពាន់លានដុល្លារអាម៉េរិក៕ អត្ថបទ៖ សុន រ៉ាឌី

ក្រសួងកសិកម្មកំណត់ទិសដៅការងារអាទិភាពចំនួន៥ ដើម្បីបន្តជំរុញ​វិស័យ​កសិកម្ម​ឱ្យ​កាន់​តែ​ទំនើប ​និងមានភាពធន់

2026/03/20 12:14:17 pm        189
Facebook Telegram Linkin
ពិធីសន្និបាតបូកសរុបការងារប្រចាំឆ្នាំ២០២៥ និងលើកទិសដៅឆ្នាំ២០២៦ ក្រសួងកសិកម្ម រុក្ខាប្រមាញ់ និងនេសាទ បានដាក់ចេញនូវទិសដៅអាទិភាពសំខាន់ៗចំនួន ៥ចំណុច ដើម្បីបន្តអនុវត្តការងារឱ្យមានប្រសិទ្ធិភាពបន្ថែមទៀតសម្រាប់ឆ្នាំ២០២៦នេះ ធ្វើយ៉ាងណាជំរុញវិស័យកសិកម្មកម្ពុជាឱ្យកាន់តែទំនើប សម្បូរបែប និងមានភាពធន់។ ប្រភពក្រសួងកសិកម្ម រុក្ខាប្រមាញ់ និងនេសាទ កាលពីល្ងាចថ្ងៃទី១៩ ខែមីនាកន្លងទៅ នៅក្រោយចប់កិច្ចប្រជុំបូកសរុបលទ្ធផលការងារ បានឱ្យដឹងថា ទិសដៅអាទិភាពចំនួន៥ចំណុច សម្រាប់ឆ្នាំ២០២៦នេះ រួមមាន៖ ១. ការបន្តយកចិត្តទុកដាក់លើការរក្សាស្ថិរភាពថ្លៃ៖ តាមដានជាប់ជាប្រចាំនូវនិន្នាការទីផ្សារ និងទប់ស្កាត់ការធ្លាក់ថ្លៃកសិផល ដើម្បីធានាផលប្រយោជន៍ទាំងអ្នកផលិត និងអ្នកប្រើប្រាស់។ ២. ការពង្រីកសហគមន៍កសិកម្មទំនើប ដោយផ្សារភ្ជាប់កសិករទៅនឹងទីផ្សារ និងបន្តពង្រឹងសមត្ថភាពមន្ត្រីកសិកម្មឃុំ។ ៣. ការពង្រឹងការអនុវត្តច្បាប់៖ ទប់ស្កាត់ និងបង្ក្រាបបទល្មើសជលផល ព្រៃឈើ និងសត្វព្រៃ ឱ្យកាន់តែម៉ឺងម៉ាត់ ព្រមទាំងជំរុញបញ្ចប់សេចក្តីព្រាងច្បាប់ស្តីពីព្រៃឈើថ្មី។ ៤. ការគ្រប់គ្រងដីរដ្ឋប្រកបដោយចីរភាព៖ សហការយ៉ាងជិតស្និទ្ធជាមួយក្រសួងរៀបចំដែនដី នគរូបនីយកម្ម និងសំណង់ ដើម្បីពន្លឿនការចុះបញ្ជីដីរដ្ឋ ដូចជាដីព្រៃឈើ ដីព្រៃលិចទឹក និងកន្លែងអភិរក្សជលផល។ និង ៥. ការសម្របសម្រួលការនាំចេញ៖ ជំរុញការដឹកជញ្ជូនកសិផលឆ្លងកាត់ប្រទេសឡាវ ទៅកាន់ប្រទេសចិន ឱ្យកាន់តែរលូន និងមានប្រសិទ្ធភាព។ទាក់ទិនការងារខាងលើនេះ ក្នុងឱកាសបើកអង្គសន្និបាត ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកឡើងអំពីវឌ្ឍនភាព និងលទ្ធផលសម្រេចបានក្នុងការអនុវត្តគោលនយោបាយអាទិភាពទី៥ និងទី៦ របស់រាជរដ្ឋាភិបាល សំដៅឱ្យប្រជាពលរដ្ឋ «មានហូប មានប្រើ មានបាន និងមានរហូត» ។ ឯកឧត្តម បានលើកទឹកចិត្តបន្តការងារឱ្យកាន់តែសកម្មថែមទៀត ទាំងថ្នាក់ជាតិ ថ្នាក់ក្រោមជាតិ និងសហការជាមួយស្ថាប័នពាក់ព័ន្ធ ក្នុងគោលដៅបម្រើផលប្រយោជន៍ប្រជាជន និងសង្គមជាតិ៕យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ គិតក្នុងឆ្នាំ២០២៥ វិស័យកសិកម្មបានរួមចំណែកប្រមាណ ១៦,១% ក្នុងផលិតផលសរុបក្នុងស្រុក (GDP) ជាមួយនឹងកំណើនប្រចាំឆ្នាំ ១,២% ដែលធ្វើឱ្យតម្លៃបន្ថែមសរុបនៃវិស័យនេះកើនឡើងដល់ជាង ៨,៣ពាន់លានដុល្លារអាមេរិក។ ក្នុងនោះ ការនាំចេញសរុប សម្រេចបានទឹកប្រាក់ប្រមាណជិត ៦,៥ពាន់លានដុល្លារ (កើនឡើងជាង ៣២០លានដុល្លារ ធៀបនឹងឆ្នាំ២០២៤) ក្នុងនោះ អនុវិស័យដំណាំមានទំហំធំជាងគេគឺជាង ៥,៦ពាន់លានដុល្លារ៕ អត្ថបទ៖ ឈិត បូរ៉ាវី

ក្រសួងពាណិជ្ជកម្ម អំពាវនាវដល់ម្ចាស់សហគ្រាស និងអ្នកនាំចូលទំនិញ សូមកុំដំឡើង​តម្លៃ​លើស​កម្រិត

2026/03/19 04:16:47 pm        232
Facebook Telegram Linkin
អ្នកនាំពាក្យក្រសួងពាណិជ្ជកម្ម អំពាវនាវដល់ម្ចាស់សហគ្រាសដែលជាអ្នកផលិត និង​កែ​ច្នៃ​ក្នុង​ស្រុក ​អ្នកនាំចូលទំនិញ និងអាជីវករ លក់ដូរលើទីផ្សារ សូមកុំឆ្លៀត​ឱកាស​នៃ​ការ​ដំឡើង​ថ្លៃ​លក់​មុខ​ទំនិញ​ជា​គំហុក ពោលគឺកុំដំឡើងថ្លៃលើសកម្រិតនៅលើទីផ្សារ។ ឯកឧត្តម ប៉ែន សុវិជាតិ អ្នកនាំពាក្យនិងជារដ្ឋលេខាធិការក្រសួងពាណិជ្ជកម្ម ថ្លែង​លើក​ឡើង​ក្នុង​កិច្ច​សម្ភាសន៍​ជា​មួយ BTV ស្តីអំពីថ្លៃមុខទំនិញលើទីផ្សារក្នុងបរិបថបច្ចុប្បន្ននេះថា ជុំវិញបញ្ហា​នៃ​ការ​ហក់​ឡើង​នៃ​តម្លៃប្រេងឥន្ធនៈនេះ និងអ្វីៗនឹងហក់ឡើងទៅ តាមនោះផងដែរ ព្រោះប្រេង​ឥន្ធនៈ​គឺ​ជា​មធ្យោបាយដ៏សំខាន់ សម្រាប់សេវាដឹកញ្ជូន មិនថាការដឹកជញ្ជូនតាមផ្លូវគោក ផ្លូវទឹក ឬ​ផ្លូវអាកាស ជាពិសេសការបម្រើក្នុងប្រតិបត្តិការអាជីវកម្មជាដើម។ឯកឧត្តម បន្តថា ជុំវិញបញ្ហានេះ ក្រសួងពាណិជ្ជកម្មមានវិធាន២សំខាន់គឺ៖ ការអប់រំ និង​ការ​ផ្សព្វ​ផ្សាយ ​អំពីហានីភ័យដែល ជួបប្រទះក្នុងករណីប្រធានស័ក្តិដូចជាបញ្ហាប្រេងឥន្ធនៈនេះជាដើម ក្នុង​នោះ​ចំពោះអ្នកទទួលផលប៉ះពាល់ដោយផ្ទាល់ ជាពិសេសអ្នក ធ្វើអាជីវកម្ម, ខណៈ​តម្លៃ​ប្រេង​ហក់​ឡើង ដំណើរផលិតកម្មគឺពិតណាស់ចៀសមិនផុតអំពីផលប៉ះពាល់នេះឡើយ ដូច្នេះ​ទាំង​អ្នក​ផលិត ​និងកែច្នៃ អ្នកនាំចូលទំនិញពីក្រៅប្រទេស និងអាជីវករដែលកំពុងលក់ដូរលើទីផ្សារជាដើម សូម​មានការឡើងថ្លៃសមរម្យ និងសូមកុំ យកបរិបថដែលកំពុងជួបបញ្ហាប្រឈមនេះ ឆ្លៀត​ឱកាស​ដំឡើង​ថ្លៃ​ហួស​ហេតុនោះឡើយ។ទាក់ទិនការឡើងថ្លៃប្រេងនេះ, លោក មៀវ សុខទ្រី ប្រធានសមាគមអ្នកផលិតចំណីអាហារកម្ពុជា បាន​បង្ហាញនូវការព្រួយ បារម្មណ៍អំពីការប្រកួតប្រែងមិនស្មើរភាព រវាងទំនិញនាំចូល និង​ទំនិញ​ផលិត​ផល​ ឬកែច្នៃដែលផលិតក្នុងស្រុក ខណៈស្ថិតក្នុងបរិបថនេះ ប្រទេស​មួយ​ចំនួន​បាន​បើក​យុទ្ធ​នាការជួយសង្រ្គោះ អំពីការកើនឡើងនៃតម្លៃប្រេងឥន្ធនៈ។ បញ្ហានេះ​ដែរ​លោក​បាន​អំពាវ​នាវ​ដល់​រាជរដ្ឋាភិបាលពិចារណា និងពិនិត្យមើលទ្ធភាពជាក់ស្តែង ជួយដល់កិច្ច​ដំណើរ​ផលិតកម្ម​នៅ​ក្នុង​ស្រុក​ផងដែរ ខណៈទំនិញដែលផលិត និង កែច្នៃក្នុងស្រុក កំពុងមានសម្ទុះ​គាំ​ទ្រ​ពី​ប្រជា​ពលរដ្ឋ​៕ អត្ថបទ៖ សុន រ៉ាឌី

ទីផ្សារចិនគាំទ្រដល់ការនាំចេញទំនិញ និងកសិផលរបស់កម្ពុជាកំពុងមានកំណើនឡើង

2026/03/19 11:46:01 am        154
Facebook Telegram Linkin
ទីផ្សារប្រទេសចិនបាននិងកំពុងគាំទ្រដល់ការនាំចេញទំនិញ និងកសិផលរបស់កម្ពុជាដោយផ្ទាល់ និងកំពុងមានកំណើនកើនឡើង ក្រោមការជំរុញបើកផ្លូវជាច្រើនរវាងកម្ពុជា-ចិន បន្ទាប់ពីការនាំចេញកសិផលតាមច្រកប្រទេសថៃត្រូវបានបិទខ្ទប់។ឯកឧត្តម ប៉ែន សុវិជាតិ អ្នកនាំពាក្យនិងជារដ្ឋលេខាធិការក្រសួងពាណិជ្ជកម្ម លើកឡើងនៅក្នុងកិច្ចសម្ភាសន៍ជាមួយភ្នាក់ងារ អ្នកយកព័ត៌មាន BTV ស្តីពីការធ្វើពាណិជ្ជកម្មទ្វេភាគីរវាងកម្ពុជា-ចិន និងការនាំចេញទំនិញរបស់កម្ពុជាទៅចូលទីផ្សារចិន នេះថា ទីផ្សារចិនគឺជាទីផ្សារចម្បងមួយ ដែលមានប្រជាពលរដ្ឋនិងអ្នកប្រើប្រាស់ច្រើន ដែលជាការរំពឹងមួយធំ សម្រាប់ការលក់ចំណីអាហារ គឿងបរិភោគ-ឧបភោគ និងការលក់កសិកផលផ្សេងៗជាដើម។ឯកឧត្តម បន្ថែមថា ជុំវិញទីផ្សារចិននេះ កន្លងមកមិនទាន់បានធ្វើទីផ្សារដោយផ្ទាល់រវាងកម្ពុជា-ចិននោះទេ ខណៈការនាំ ចេញកសិផលកម្ពុជា ភាគច្រើនតាមរយៈប្រទេសវៀតណាម និងប្រទេសថៃ។ ឯកឧត្តម បន្ថែមថា បន្ទាប់ពីភាគីថៃបិទព្រំដែនជា ឯកតោភាគី ក្រសួងពាណិជ្ជកម្មបានរៀបចំការចុះអនុស្សារណៈជាច្រើនជាមួយប្រទេសចិន (ភាគីអ្នកទិញ) ដូចជា៖ ការលក់ដំឡូងមី ស្វាយចន្ទី អង្ករ និងការលក់បន្លែផ្លែឈើផ្សេងៗទៀត ដែលនេះគឺជាជោគជ័យថ្មីមួយ បានធ្វើឱ្យពាណិជ្ជកម្មទ្វេភាគីនៃប្រទេសពីរ ជាពិសេសការនាំចេញរបស់កម្ពុជាបាននិងកំពុងកើនឡើង ហើយរំពឹងថា ទីផ្សារប្រទេសិនមួយនេះ និងមានលក្ខណៈការធ្វើពាណិជ្ជកម្ម យូរអង្វែង ដោយគាំទ្រដល់ការនាំចេញទំនិញរបស់កម្ពុជា។  សូមបញ្ជាក់ថា នៅក្នុងរយៈពេល២ខែ ដើមឆ្នាំ២០២៦ នេះ យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ការធ្វើ ពាណិជ្ជកម្មទ្វេភាគីកម្ពុជា-ចិន មានទំហំទឹកប្រាក់សរុបជាង ១.៩០០ លានដុល្លាអាម៉េរិក កើនឡើងជាង ២២ ភាគរយ ក្នុងនោះកម្ពុជា បាននាំចេញមានទឹកប្រាក់ជាង ១៦៤ លានដុល្លារ កើនឡើងជាង ៥៩ ភាគរយ ខណៈការនាំចូលពីប្រទេសចិនមានទឹកប្រាក់ជាង ១.៧០០ លានដុល្លារ កើនជិត ២០ ភាគរយ បើធៀបរយៈពេលដូចគ្នាទៅនិងឆ្នាំ២០២៥៕ អត្ថបទ៖ សុន រ៉ាឌី

រាជរដ្ឋាភិបាល កំពុងបន្តកិច្ចសហការល្អជាមួយប្រទេសនាំចូល ដើម្បីធានា​ដល់ការផ្គត់ផ្គង់​ប្រេងឥន្ធនៈ​នៅកម្ពុជា

2026/03/18 03:34:47 pm        268
Facebook Telegram Linkin
អ្នកនាំពាក្យក្រសួងពាណិជ្ជកម្ម ថ្លែងថា ជុំវិញបញ្ហាប្រេងឥន្ធនៈនេះ រាជរដ្ឋាភិបាល បាន​និង​កំពុង​ខិត​ខំ​ប្រឹងនូវគ្រប់មធ្យោបាយ និង ពិនិត្យនូវគ្រប់លក្ខខណ្ឌចាំបាច់នានា ជាពិសេស​ការ​បន្ត​កិច្ច​សហការ​ល្អ​ជាមួយបណ្តាប្រទេសដែលផ្គត់ផ្គង់ ដើម្បីធានានូវលទ្ធភាពផ្គត់ផ្គង់ ប្រេងឥន្ធនៈ​សម្រាប់​​ប្រជាជនកម្ពុជា។ ឯកឧត្តម ប៉ែន សុវិជាតិ អ្នកនាំពាក្យនិងជារដ្ឋលេខាធិការក្រសួងពាណិជ្ជកម្ម ថ្លែងប្រាប់ BTV ស្តីពី​ទីផ្សារប្រេងឥន្ធនៈលើ ពិភពលោក និងការផ្គត់ផ្គងប្រេងឥន្ធនៈនៅកម្ពុជា នេះថា ជុំវិញ​ការ​ផ្ទុះ​ឡើ​​ងសង្គ្រាមនៅតំបន់មជ្ឈិមបូព៌ា បច្ចុប្បន្ន ប្រទេសអ៊ីរ៉ង់បាន កំពង់​បន្ត​វាយ​ប្រហារ​រោង​ចក្រ​ចម្រាញ់​ប្រេង​នៅមជ្ឈិមបូព៌ាមួយចំនួន ដែលផ្គត់ផ្គង់ប្រេងឥន្ធនៈដល់ប្រទេសសឹង្ហបុរី និងស្រប​ពេល​ច្រក​ សមុទ្រ HORMUZ ដែលប្រទេសអ៊ីរ៉ង់កាន់កាប់ នៅកំពុងមានភាពតានតឹងនៅឡើយ ដែល​បញ្ហានេះធ្វើឱ្យនិន្នាការប្រេងឥន្ធនៈបន្ត ឡើងថ្លៃ។ឯកឧត្តម បន្តថា ជុំវិញបញ្ហានេះ រាជរដ្ឋាភិបាល​កម្ពុជា​បាន​និង​កំពុង​បន្ត​ខិតខំ​ប្រឹង​ប្រែង​នូវ​គ្រប់​មធ្យម​បាយ ​ត្រួតពិនិត្យនូវ លក្ខខណ្ឌចាំបាច់ទាំងអស់ ដើម្បីជួយដល់កា​រ​ប្រើប្រាស់​របស់​ប្រជា​ពលរដ្ឋ​ ជាពិសេសការប្រើប្រាស់ក្នុងផលិតកម្ម និងកសិករ ឱ្យទទួល បានតម្លៃសមសម្យ ជាក់​ស្តែង​រាជ​រដ្ឋាភិបាលបានបន្ថយ ៦,៥ សេនដុល្លារក្នុងមួយលីត្រ (សម្រាប់​ប្រេង​គណនា​លក់​រាយ​)។​ បច្ចុប្បន្ន ខណៈដែលតម្លៃប្រេងឥន្ធនៈទិញចូលលើសពី ៩០ ដុល្លារ សម្រាប់ប្រេង​សាំង​ក្នុង​មួយ​បារ៉ែល ​និងលើសពី ១០០ ដុល្លារសម្រាប់ម៉ាស៊ូត រាជរដ្ឋាភិបាលបានបន្ថែម ១សេន ដុល្លារ ក្នុង​មួយលីត្រទៀត ដើម្បីសម្រាលបន្ទុករបស់ប្រជាពលរដ្ឋ។ឯកឧត្តម បន្ថែមឱ្យដឹងថា ជុំវិញបញ្ហាប្រេងឥន្ធនៈនេះ រាជរដ្ឋាភិបាលខិតខំប្រឹងនូវគ្រប់មធ្យោបាយ និង​ពិនិត្យនូវគ្រប់លក្ខខណ្ឌចាំបាច់ នានា ជាពិសេស​ការ​បន្តកិ​ច្ច​សហការ​ល្អ​ជា​មួយ​បណ្តា​ប្រទេស​ដែល​ផ្គត់​ផ្គង់ ដើម្បីធានានូវលទ្ធភាពផ្គត់ផ្គង់ប្រេងឥន្ធនៈសម្រាប់ប្រជាជន កម្ពុជា ព្រោះកម្ពុជា​មាន​តម្រូវ​ការ​ប្រេង​ច្រើន ជាក់ស្តែងនៅក្នុងរយៈពេល២ខែ ដើមឆ្នាំ២០២៦នេះ កម្ពុជាបាននាំចូល​ប្រេង​សាំង និងម៉ាស៊ូតសរុបជាង ៦០០ លានលីត្រ ដែលនេះគឺជាទំហំដ៏ធំមួយ ដែលបាន​កើត​ឡើង​ក្រោម​កិច្ចសហការល្អជាមួយប្រទេសដែល មានកិច្ចសន្យាដូចជា ប្រទេសសឹង្ហបុរី, ម៉ាឡេស៊ី វៀតណាម និងប្រទេសចិន បច្ចុប្បន្ននៅតែបន្តផ្តល់ដល់ការផ្គត់ផ្គង់ប្រេងឥន្ធនៈដល់ ទីផ្សារកម្ពុជា ទោះបី​ស្ថិតក្នុងកាលៈទេសៈលំបាកនេះក៏ដោយ។ទាក់ទិនបញ្ហាប្រេងឥន្ធនៈនេះដែរ, ឯកឧត្តម ប៉ែន សុវិជាតិ បានអំពាវ​នាវ​ដល់​បង​ប្អូន​ប្រជា​ពលរដ្ឋ​, អ្នកប្រកបអាជីវកម្ម និងកសិករ សូមជឿជាក់លើរាជរដ្ឋាភិបាល ក្នុងកា​រ​ដោះ​ស្រាយ​ប​ញ្ហា​ទាំង​អស់​នេះ ​ដោយរាជរដ្ឋាភិបាលនឹងបន្តកិច្ចការជាជំហ៊ានៗ ពិនិត្យ និងដោះស្រាយ​លទ្ធភាព​ស្វែង​រក​ប្រភព​ប្រេង ​ក៏ដូចជាការក្សាតម្លៃសមស្របដល់បងប្អូនផងដែរ។ សូមបញ្ជាក់ថា ជុំវិញតម្លៃប្រេងសាំងនេះ នៅថ្ងៃទី១៧ ខែមីនា ម្សិលមិញនេះ ក្រសួង​ពាណិជ្ជ​កម្ម​បាន​ជូន​ដំណឹង តម្លៃលក់រាយប្រេង ឥន្ធនៈ នៅព្រះរាជាណាចក្រកម្ពុជា ក្នុងនោះប្រេង​សាំង​មាន​តម្លៃ ​៥,៥០០ រៀល និងម៉ាស៊ូត ៦,៥៥០ រៀល/លីត្រ៕ អត្ថបទ៖ សុន រ៉ាឌី

អ្នកនាំពាក្យក្រសួងពាណិជ្ជកម្ម៖ សង្គ្រាមនៅមជ្ឈិមបូព៌ាមិនប៉ះពាល់ការធ្វើពាណិជ្ជកម្មកម្ពុជា-អេមីរ៉ាតអារ៉ាប់រួមទេ

2026/03/18 02:12:13 pm        165
Facebook Telegram Linkin
អ្នកនាំពាក្យក្រសួងពាណិជ្ជកម្ម ថ្លែងថា ការផ្ទុះឡើងសង្គ្រាមនៅតំបន់មជ្ឈិមបូព៌ា មិន​មាន​ការ​ប៉ះ​ពាល់​ដល់​ការធ្វើពាណិជ្ជកម្មរវាង កម្ពុជា ជាមួយអេមីរ៉ាតអារ៉ាប់រួមនោះទេ ខណៈ​បច្ចុប្បន្ន​បាន​និង​កំពុង​ដំណើរ​ល្អ នឹងនៅពេលខាងមុខការធ្វើអាពាណិជ្ជកម្មរវាងភាគីទាំង ពីរ នឹងលេច​ឡើង​នូវ​ប្រភេទ​ពាណិជ្ជ​កម្មសេវា និងពាណិជ្ជកម្មតាមប្រព័ន្ធអេឡិចត្រូនិច។ឯកឧត្តម ប៉ែន សុវិជាតិ អ្នកនាំពាក្យនិងជារដ្ឋលេខាធិការក្រសួងពាណិជ្ជកម្ម បានថ្លែងប្រាប់ BTV ស្តីពី​ការផ្ទុះឡើងសង្គ្រាម នៅតំបន់មជ្ឈិមបូព៌ា និង​កិច្ច​ព្រម​ព្រៀង​ភាព​ជាដៃ​គូ​សេដ្ឋកិច្ច​គ្រប់​ជ្រុង​ជ្រោយ​រវាង​កម្ពុជា និងអេមីរ៉ាតអារ៉ាប់រួម (CEPA) នេះថា បន្ទាប់ ពីការចូលជាធរ​មាន​រវាង​កម្ពុជា និង​អេមីរ៉ាត​អារ៉ាប់ ក្នុងរយៈពេលកន្លងមកនេះ ភាគីទាំងពីរបានបង្កើន​ទំហំ​ពាណិជ្ជ​កម្ម​ប្រកប​ដោយ ​ប្រសិទ្ធភាព ព្រមទាំងមានកិច្ចសហប្រតិបត្តិការមួយចំនួនថែមទៀត នៃការបើក​ទីផ្សារ​សម្រាប់​ផលិតសម្រាប់នាំចេញដូចជា ផលិតផល ហាឡាល់ និងផលិតផលកសិកម្ម ដែល​យើង​កែច្នៃ​សមស្របតាមនៃទីផ្សារនាំចេញ។ឯកឧត្តម បន្តថា បច្ចុប្បន្ន​យើង​នៅ​តែប​ន្ត​ដើម្បី​បើក​ច្រក​ទីផ្សារ​ថ្មី​ៗ​បន្ថែម​ទៀត​ទៅ​កាន់​តំបន់​មជ្ឈិមបូព៌ា ទោះមានការផ្ទុះឡើងសង្គ្រាមនៅតំបន់មជ្ឈិមបូព៌ា តែមិនប៉ះពាល់​ដល់​បណ្តា​ប្រទេស​ដៃ​គូ​ពាណិជ្ជកម្មផ្ទាល់នោះទេ (ដោយអឺរ៉ង់វាយលុកទៅលើមូល ដ្ឋានទ័ពអាមេរិកតែប៉ុណ្ណោះ) ដែល​បញ្ហា​នេះ កម្ពុជានិងអេមីរ៉ាតអារ៉ាប់រួម នៅតែបន្តធ្វើ​យ៉ាង​ណា​ឱ្យ​មាន​ចរន្ត​ពាណិជ្ជ​កម្ម​មាន​ការ​កើន​ឡើង និងផ្តល់ភាពវិជ្ជមានរវាងទីផ្សារទាំងពីរ។ ឯកឧត្តមបញ្ជាក់ថា អ្វីដែលជា​ចំណែក​នៃ​ការ​អនុវត្ត​កិច្ចព្រមព្រៀងភាពជាដៃគូសេដ្ឋកិច្ច គ្រប់ជ្រុងជ្រោយ រវាងកម្ពុជានិងអេមីរ៉ាតអារ៉ាប់រួម (CEPA) គឺនៅតែបន្តនូវកិច្ចសហប្រតិបត្តិការ និងការជំរុញឱ្យមានទំហំពាណិជ្ជកម្ម កាន់​តែ​កើន​ឡើង ​និងការស្វែងរកផលិតភាពផ្សេងៗទៀត ដើម្បីនាំចេញ​មុខ​ទំនិញ​ថ្មី​ទៅកា​ន់​ទីផ្សារ​នោះ​បន្ថែម​។ឯកឧត្តម ប៉ែន សុវិជាតិបានថ្លែងថា «ថ្វី​ត្បិត​ច្រក​ទីផ្សារ​របស់​យើង​កំពុង​រង​គ្រោះ​ពី​សង្គ្រាម​ក៏​ដោយ​យើង​នៅ​តែ​បន្ត​អនុវត្ត​នូវ​កិច្ច​សហការ ដើម្បីធ្វើយ៉ាងណាឱ្យមានចរន្ត ពាណិជ្ជ​កម្ម​ឱ្យ​កាន់​តែ​កើន​ឡើង​រវាង​កម្ពុជា​ជាមួយ ​UAE។សូមបញ្ជាក់ថា ការធ្វើពាណិជ្ជកម្មរវាងកម្ពុជានិងអេមីរ៉ាតអារ៉ាប់រួម បើ​យោង​តាម​របាយ​ការណ៍​ក្រសួង​ពាណិជ្ជ​កម្ម នៅក្នុងរយៈពេល២ ខែ ដើមឆ្នាំ២០២៦ នេះ, ការធ្វើពាណិជ្ជ​កម្ម​រវាង​ភាគី​ទាំង​ពីរ​ មានទំហំទឹកប្រាក់សរុបជាង ១៥ លានដុល្លារអាម៉េរិក ក្នុងកម្ពុជាមាននាំ ចេញ​មាន​ទឹក​ប្រាក់​ជាង​ ១០លានដុល្លារអាម៉េរិក និងការនាំចូលមកទីផ្សារកម្ពុជា មានទឹកប្រាក់ជិត ៥ លាន​ដុល្លារ​អាម៉េរិក៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

កម្លាំងគណៈបញ្ជាការឯកភាពរាជធានី បើកការចុះបង្ក្រាបទីតាំងបង្កប់បទល្មើស Online Scams មួយកន្លែងនៅខណ្ឌសែនសុខ ឃាត់ជនបរទេស២០នាក់
04/02/2026 07:04 AM
Facebook Telegram Linkin
លោក Trump អះអាងថា មេដឹកនាំអ៊ីរ៉ង់ស្នើសុំឲ្យមានបទឈប់បាញ់
04/01/2026 08:04 PM
Facebook Telegram Linkin
ការនាំចេញតែរបស់កេនយ៉ារងផលប៉ះពាល់ដោយសារជម្លោះនៅប្រទេសអ៊ីរ៉ង់
04/01/2026 08:04 PM
Facebook Telegram Linkin
ហ្វីលីពីនស្វែងរកច្រកសុវត្ថិភាពសម្រាប់ប្រេង អំឡុងជំនួបជាមួយអ៊ីរ៉ង់
04/01/2026 08:04 PM
Facebook Telegram Linkin
មេដឹកនាំស៊ីរី ចាត់ទុកការអះអាងពីជនភៀសខ្លួនរបស់អធិការបតីអាល្លឺម៉ង់ថា ជា «ការបំផ្លើស»
04/01/2026 08:04 PM
Facebook Telegram Linkin
អនុរដ្ឋមន្ត្រីបារាំង៖ អង្គការណាតូមិនមែនបង្កើតឡើង ដើម្បីធ្វើប្រតិបត្តិការ នៅច្រកសមុទ្រហ័រមូសទេ
04/01/2026 08:04 PM
Facebook Telegram Linkin
មេដឹកនាំកំពូលអ៊ីរ៉ង់កោតសរសើរដល់ក្រុមហេសបូឡា និងសន្យាបន្តគាំទ្រពួកគេ
04/01/2026 08:04 PM
Facebook Telegram Linkin
លោក Macron សរសើរ «ភាពអាចទស្សន៍ទាយបាន» របស់អឺរ៉ុប ដែលហាក់ប្រៀបទៅលោក Trump
04/01/2026 07:04 PM
Facebook Telegram Linkin
ចិនជំទាស់នឹងការប្តូរឈ្មោះរបស់ហ្វីលីពីន ចំពោះកោះមានជម្លោះ នៅសមុទ្រចិនខាងត្បូង
04/01/2026 07:04 PM
Facebook Telegram Linkin
មន្រ្តីជាន់ខ្ពស់ក្រសួងការពារជាតិថ្លែងអំណរគុណគណ:កម្មាធិការអន្តរជាតិនៃកាកបាទក្រហមដែលបានដើរតួនាទីយ៉ាងសំខាន់ពាក់ព័ន្ធនឹងបញ្ហាជម្លោះព្រំដែនកម្ពុជា-ថៃ
04/01/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.