BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

យកវិទ្យាល័យ ជា ស៊ីម សាមគ្គី ជាកន្លែងព្យាបាលអ្នកជំងឺកូ-វីដ និងធ្វើចត្តាឡីស័ក

ភ្នំពេញ ៖ អភិបាលរាជធានីភ្នំពេញ បានរៀបចំដោយផ្ទាល់ នឹងយកវិទ្យាល័យ ជា ស៊ីមសាមគ្គី ក្លាយជាកន្លែងសម្រាប់ព្យាបាលអ្នកជំងឺកូវីដ-១៩ ដែលមានចំនួន២០០គ្រែ។អាជ្ញាធររាជធានីភ្នំពេញបាននិងកំពុងរៀបចំ វិទ្យាល័យជា ស៊ីម សាមគ្គី ជាកន្លែងសម្រាប់ព្យាបាលអ្នកជំងឺកូវីដ-១៩ ហើយអាគារផ្នែកខ្លះធ្វើជាកន្លែងចត្តាឡីស័ក ផងដែរ ខណៈជំងឺនេះមិនបានធូរស្រាលនៅឡើយទេ តែបានបន្ថែមអ្នកជំងឺកាន់តែច្រើន ដែលធ្វើឱ្យនៅតាមមន្ទីរពេទ្យនានារបស់រដ្ឋមិនអាចទទួលអ្នកជំងឺអស់ ។វិទ្យាល័យ ជា ស៊ីម សាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក ហើយ នៅព្រឹកថ្ងៃទី០៩ ខែមេសានេះ ឯកឧត្ដម ឃួង ស្រេង អភិបាលរាជធានីភ្នំពេញ បានដឹកនាំអាជ្ញាធរ និងមន្ទីរសុខាភិបាល ចុះពិនិត្យទីតាំងវិទ្យាល័យ ជា ស៊ីមសាមគ្គី ដើម្បីទុកជាកន្លែងសម្រាប់ព្យាបាលអ្នកជំងឺ-១៩ ឱ្យបានសមរម្យ ហើយមួយផ្នែកខ្លះ នៃអគារវិទ្យាល័យនេះ ក៏ត្រូវរៀបចំជាកន្លែងសម្រាប់ធ្វើចត្តាឡីស័កផងដែរ ។ក្នុងឱកាស ចុះពិនិត្យស្ថានភាពនៃការរៀបចំទីតាំងខាងលើនេះ ឯកឧត្ដម ឃួង ស្រេង បានបញ្ជាក់ថា ទីតាំងខាងលើនេះ ត្រូវរៀបចំគ្រែចំនួន២០០ គ្រែ សម្រាប់អ្នកជំងឺ និង១០គ្រែទៀតសំរាប់ក្រុមគ្រូពេទ្យដែលត្រូវព្យាបាលអ្នកជំងឺកូវីដ-១៩ ៕អត្ថបទ ៖ ប្រាក់ វ៉ាន់ដា

ទីតាំងចាក់វ៉ាក់សាំងចំនួន ៣ នៅខណ្ឌច្បារអំពៅ កំពុងបន្តដំណើរការសម្រាប់ក្រុមគោលដៅនិងពលរដ្ឋស្ម័គ្រចិត្ត

ភ្នំពេញ ៖ គិតមកត្រឹមថ្ងៃទី ៩ខែមេសា ឆ្នាំ ២០២១នេះ ភូមិសាស្ត្រខណ្ឌច្បារអំពៅ គឺមានទីតាំងចាក់វ៉ាក់សាំងចំនួន ៣កំពុងដំណើរការដើម្បីចាក់វ៉ាក់សាំងជូនក្រុមគោលដៅ ដោយរាប់បញ្ចូលទាំង ក្រុមមន្ត្រី មនុស្សចាស់វ័យចាប់ពី ៦០ឆ្នាំឡើងទៅ និងប្រជាពលរដ្ឋដែលស្ម័គ្រចិត្តទទួលការចាក់វ៉ាក់សាំង។ក្នុងខណ្ឌច្បារអំពៅ គឺមានទីតាំងចាក់វ៉ាក់សាំងចំនួន ៣កំពុងដំណើរការ សម្រាប់ការចាក់វ៉ាក់សាំងជូនដល់ក្រុមគោលដៅ និងប្រជាពលរដ្ឋដែលស្ម័គ្រចិត្ត។ ជាក់ស្ដែងទីតាំងទាំង ៣ដែលកំពុងបន្តយុទ្ធនាការរបស់ខ្លួននេះ គឺស្ថិតនៅមន្ទីរពេទ្យបង្អែកច្បារអំពៅ ដែលចាក់វ៉ាក់សាំងជូនក្រុមគោលដៅ និងមនុស្សចាស់អាយុចាប់ពី ៦០ឆ្នាំឡើងទៅ ទីតាំងពីរគឺស្ថិតនៅមណ្ឌលសុខភាព ព្រែកឯង សម្រាប់ការចាក់ជូនមនុស្សចាស់អាយុចាប់ពី ៦០ឆ្នាំឡើងទៅដូចគ្នា និងទីតាំង៣ គឺស្ថិតនៅសាលាបឋមសិក្សាបឹងឈូកប្រជុំវង្ស ដែលជាទីតាំងថ្មីបង្កើតឡើងកាលពីថ្ងៃទី ៥ខែមេសាកន្លងទៅ សម្រាប់ប្រជាពលរដ្ឋទូទៅដែលស្ម័គ្រចិត្តចាក់វ៉ាក់សាំង។ទីតាំងចាក់វ៉ាក់សាំងថ្មីសម្រាប់ប្រជាពលរដ្ឋទូទៅដែលស្ម័គ្រចិត្តនេះ គឺមានវត្តមានរបស់ប្រជាពលរដ្ឋជាច្រើន មកទទួលការចាក់ និងមានការរៀបចំគោរពតាម ការណែនាំដោយមិនមានការប្រមូលផ្ដុំផ្ទុយពីវិធានការការពារនោះទេ។ ក្នុងឱកាសមកទទួលការចាក់វ៉ាក់សាំងនាពេលនេះ ពួកគាត់ជាប្រជាពលរដ្ឋដែលបានស្ម័គ្រចិត្ត ក៏បានថ្លែងអំណរគុណដល់រាជរដ្ឋាភិបាល និងមើលឃើញថាវ៉ាក់សាំងនេះមានសារៈប្រយោជន៍ជាខ្លាំង សម្រាប់ខ្លួនគាត់ គ្រួសារគាត់ និងសង្គមជាតិ។សម្រាប់ទីតាំងភូមិសាស្ត្រខណ្ឌច្បារអំពៅ គឺទើបបិទបញ្ចប់ទីតាំងចាក់វ៉ាក់សាំងមួយកន្លែងនៅវិទ្យាល័យច្បារអំពៅ ក្រោយពីទីតាំងនេះ បានបញ្ចប់ការចាក់វ៉ាក់សាំងជូនក្រុមគ្រូបង្រៀនរួចរាល់។ ជុំវិញដំណើរការចាក់វ៉ាក់សាំងនៅទូទាំងរាជធានីភ្នំពេញ ជាទីតាំងមានការរីករាលដាលនៃជំងឺកូវីដ-១៩ ខ្លាំង គឺកំពុងពន្លឿនការចាក់វ៉ាក់សាំងគ្រប់ខណ្ឌទាំង ១៤។ ហើយរដ្ឋបាលរាជធានីភ្នំពេញ បានបង្កើតទីតាំងចាក់វ៉ាក់សាំងថ្មី១កន្លែង ក្នុង១ខណ្ឌ សម្រាប់ការចាក់ជូនប្រជាពលរដ្ឋទូទៅដែលស្ម័គ្រចិត្ត ដើម្បីពន្លឿនការងារយុទ្ធនាការចាក់វ៉ាក់សាំងនេះ៕អត្ថបទ៖គឹមហុក

សម្តេចតេជោ អំពាវនាវឱ្យពលរដ្ឋដែលពាក់ព័ន្ធ នឹងអ្នកឆ្លងកូវីដ-១៩ ទៅឱ្យពេទ្យយកចំណាកទៅធ្វើតេស្ត

ភ្នំពេញ ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានធ្វើការអំពាវនាវដល់ប្រជាពលរដ្ឋទាំងអស់ ដែលដឹងថា ខ្លួនមានការពាក់ព័ន្ធដោយផ្ទាល់ និងដោយប្រយោល ជាមួយអ្នកមានជំងឺកូវីដ-១៩ ត្រូវតែទៅ ឱ្យគ្រូពេទ្យយកសំណាក ដើម្បីធ្វើតេស្តរកជំងឺកូវីដ-១៩។ តាមរយៈហ្វេសប៊ុកផ្លូវការ នៅព្រឹកថ្ងៃទី០៩ ខែមេសានេះ សម្តេចតេជោ ប្រមុខរាជរដ្ឋាភិបាល បាន អំពាវនាវ ដល់ប្រជាពលរដ្ឋខ្មែរទាំងអស់ ឱ្យបន្តការប្រុងប្រយ័ត្នខ្ពស់ ចំពោះស្ថានភាព នៃការឆ្លងរីករាលដាលជំងឺកូវីដ-១៩ នាពេលបច្ចុប្បន្ននេះ។ស្ថានភាពឆ្លងរីករាលដាល នៃជំងឺកូវីដ-១៩ ដែលកើតចេញពីព្រឹត្តិការណ៍សហគមន៍២០កុម្ភៈ កំពុងតែមានវិសាលភាពធំឡើងពីមួយថ្ងៃទៅមួយថ្ងៃគួរឱ្យព្រួយបារម្ភ ដែលមកដល់ពេលនេះ មានអ្នកឆ្លង ចំនួនជាងបីពាន់នាក់ ក្នុងនេះ ព្យាបាលជាសះស្បើយ មានចំនួនជិតពីរពាន់នាក់ និងស្លាប់២៤នាក់។ព្រឹត្តិការណ៍សហគមន៍២០កុម្ភៈ កំពុងបង្កហានិភ័យធ្ងន់ធ្ងរដល់រាជធានី-ខេត្ត ចំនួន៤ គឺរាជធានី ភ្នំពេញ ខេត្តកណ្តាល ខេត្តព្រះសីហនុ និងស្វាយរៀង ជាពិសេសគឺនៅរាជធានីភ្នំពេញតែម្តង ដែលបាននឹង កំពុងឆ្លងរីករាលដាលយ៉ាងខ្លាំងពីមួយថ្ងៃទៅមួយថ្ងៃ។ដោយសារហានិភ័យនេះ ប្រជាពលរដ្ឋ ត្រូវបានអំពាវនាវម្ដងហើយម្ដងទៀត ឱ្យមានការប្រុងប្រយ័ត្នកម្រិតខ្ពស់ជាទីបំផុត បើមិនមានការចាំបាច់ទេ កុំចេញពីផ្ទះ ជាពិសេសត្រូវប្រកាន់ខ្ជាប់នូវវិធានការ ៣ការពារ គឺពាក់ម៉ាស់ ឧស្សាហ៍លាងសម្អាតដៃនឹងសាប៊ូ ឬ ជែល រក្សាគម្លាតសុវត្ថិភាពសង្គម និងបុគ្គល ចាប់ពី១ម៉ែត្រកន្លះឡើងទៅ ឱ្យបានគ្រប់ៗគ្នា នៅគ្រប់ទីកន្លែង និងប្រកាន់ខ្ជាប់វិធានការ ៣កុំ គឺ កុំចូលទៅ កន្លែងដែលបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូល កុំ ទៅកន្លែងមានមនុស្សច្រើនកុះករ កុំប៉ះពាល់គ្នា ចាប់ដៃគ្នា កុំកៀកស្មាគ្នា និងកុំអោបគ្នា ។ល៕អត្ថបទ ៖ មុត សុទ្ធ

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី៩ មេសានេះ បានថ្វាយសារលិខិតថ្វាយព្រះពរដល់អង្គព្រះមហាក្សត្រ ក្នុងឱកាសឆ្នាំថ្មី ប្រពៃណីជាតិដែលនឹងឈានមកដល់ក្នុងពេលដ៏ខ្លីខាងមុខនេះ។សារលិខិតមានខ្លឹមសារថាព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ បពិត្រ ព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ស្ថិតក្នុងអភិលក្ខិតសម័យដ៏សិរីមង្គលឧត្តុង្គឧត្តម នៃពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នា ពេលឆាប់ៗខាងមុខនេះ ក្នុងនាមខ្ញុំម្ចាស់ និងសមាជិក សមាជិកា អ្នកស្ម័គ្រចិត្តកាកបាទក្រហមកម្ពុជា ជាបឋម សូម ព្រះបរមរាជានុញ្ញាតលំឱនកាយបង្គំថ្វាយព្រះសព្ទសាធុការពរជ័យ បវរសួស្តី សិរីវិវឌ្ឍ នាជាអនេកប្បការ ថ្វាយ ព្រះករុណា ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់ព្រះប្រកប ដោយព្រះរាជសុខភាពពេញបរិបូរណ៍ ព្រះពលានុភាពមាំមួនក្លៀវក្លា ព្រះបញ្ញាញាណភ្លឺថ្លាត្រចះត្រចង់ ព្រះជន្មាទីឃាយុ យឺនយូរជាងរយព្រះវស្សា ដើម្បី ព្រះអង្គ គង់ប្រថាប់ជាម្លប់អម្រឹតដ៏ត្រជាក់ត្រជំ ប្រទានដល់ប្រជានុរាស្ត្រជ្រកកោនដោយ ក្តីសុខដុមរមនា ជាភិយ្យោភាពតរៀងទៅ។ក្នុងវរោកាសដ៏វិសេស វិសាលនេះ ខ្ញុំម្ចាស់ និងសហការី នៃកាកបាទក្រហមកម្ពុជា សូមថ្វាយនូវព្រះកតញ្ញូកតវេទីតាធម៌ដ៏ធំធេងចំពោះព្រះវិសុទ្ធគុណដ៏ខ្ពង់ខ្ពស់ជាអតិបរមា ដែលជានិច្ចកាល ព្រះករុណា ថ្លៃវិសេសជាអម្ចាស់ទ្រង់ ស្តេចសព្វព្រះរាជហឫទ័យ លះបង់ពេលវេលា និងព្រះកាយពលដោយពុំគិតពីការ នឿយហត់ បំពេញនូវព្រះរាជបូជនិយកិច្ច ដ៏ឧត្តុង្គឧត្តម បម្រើឧត្តមប្រយោជន៍ ជាតិ សាសនា និងមហាប្រជានុរាស្ត្រ ជាទីស្រឡាញ់របស់ព្រះអង្គ ប្រកបដោយព្រះ ព្រហ្មវិហារធម៌ និងព្រះរាជទសពិធរាជធម៌ដ៏បរិសុទ្ធ។ ទន្ទឹមនេះទៀត ព្រះករុណាជាអម្ចាស់ជីវិតលើត្បូង ទ្រង់ស្ដេចសព្វ ព្រះរាជហឫទ័យប្រោសព្រះរាជទាន លើកកម្ពស់គាំទ្រ បរិច្ចាគព្រះរាជទ្រព្យ ប្រទានកាកបាទក្រហមកម្ពុជា ដើម្បីមានលទ្ធភាព ពង្រឹងយន្តការសង្គ្រោះប្រជាជនដែលរងគ្រោះដោយគ្រោះមហន្តរាយផ្សេងៗ នៅទូទាំងព្រះរាជាណាចក្រកម្ពុជា តាមព្រះ រាជលំអានដ៏ខ្ពង់ខ្ពស់បំផុត របស់ ព្រះវររាជបិតាជាតិខ្មែរ ព្រះបរមរតនកោដ្ឋ ព្រមទាំង សម្តេចព្រះមហាក្សត្រី ព្រះវរ រាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលជាទីគោរពសក្ការៈដ៏ខ្ពង់ខ្ពស់បំផុត ។ជាថ្មីម្តងទៀត ខ្ញុំម្ចាស់ ព្រមទាំងសហការី សូមលំឱនកាយឧទ្ទិសបួងសួងដល់វត្ថុស័ក្ដិសិទ្ធិ ទាំងអស់ក្នុងលោក ដួង ព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ជំនាន់ ទេវតារក្សាព្រះមហាស្វេតច្ឆត្រ ជាពិសេស ព្រះបារមីដួងព្រះវិញ្ញាណក្ខន្ធ ព្រះមហាវីរក្សត្រ ព្រះបរម រតនកោដ្ឋ ជាទីសក្ការៈ ព្រមទាំងទេវតារក្សាឆ្នាំថ្មី ឆ្នាំឆ្លូវ ត្រីស័ក ព.ស.២៥៦៤ ព្រះនាម មណ្ឌាទេវី សូមបន្តអភិបាលគ្រងរក្សា ព្រះករុណាជាអម្ចាស់ជីវិតលើត្បូង ជាទីគោរព សក្ការៈដ៏ខ្ពង់ខ្ពស់បំផុត សូមព្រះប្រកបដោយព្រះពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕អត្ថបទ ៖ មុត សុត

ក្រសួងអប់រំ សម្រេចបិទអង្គភាពថ្នាក់ជាតិទាំងអស់ ដើម្បីបង្ការការរាតត្បាត នៃជំងឺកូវីដ-១៩

ភ្នំពេញ ៖ ក្រសួងអប់រំ យុវជន និងកីឡា សម្រេចបិទការធ្វើការនៅតាមស្ថាប័ន របស់ក្រសួងនៅថ្នាក់ជាតិទាំងអស់ ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩។ក្នុងសេចក្ដីណែនាំចេញនៅថ្ងៃទី០៩ ខែមេសានេះ រដ្ឋមន្ត្រីក្រសួងអប់រំ យុវជន និងកីឡា ឯកឧត្ដមបណ្ឌិតសភាចារ្យ ហង់ជួន ណារ៉ុន បានណែនាំទៅមន្ត្រីអប់រំទាំងអស់នៅអង្គភាពថ្នាក់ជាតិ ឱ្យបំពេញការងាររដ្ឋបាលតាមប្រព័ន្ធអនឡាញទាំងស្រុង និងធ្វើការពីផ្ទះរៀងៗខ្លួន។សម្រាប់ការរៀបចំមន្ត្រីសម្រាប់បំពេញការងារប្រចាំវេននោះ រដ្ឋមន្ត្រី ហង់ជួន ណារ៉ុន ប្រាប់ថា មិនចាំបាច់រៀបចំឱ្យមានទៀតទេ ហើយផ្ទុយទៅវិញឯកឧត្តម រដ្ឋមន្ដ្រី ប្រាប់ឱ្យមន្ត្រីទាំងអស់តាមដានសុខភាពរបស់ខ្លួនឯង និងរាយការណ៍ជាបន្ទាន់ទៅកាន់លេខ ១១៥ ប្រសិនបើមានរោគសញ្ញាសង្ស័យពាក់ព័ន្ធនឹងជំងឺកូវីដ១៩៕

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី៩ មេសានេះ បានថ្វាយសារលិខិតថ្វាយព្រះពរដល់អង្គសម្តេចម៉ែ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយស កាកបាទក្រហមកម្ពុជា ក្នុងឱកាសឆ្នាំថ្មី ដែលនឹងឈានមកដល់នៅប៉ុន្មានថ្ងៃទៀតនេះ។សារលិខិត មានខ្លឹមសារថា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយស កាកបាទក្រហមកម្ពុជា ជាទីសក្ការៈ ដ៏ខ្ពង់ខ្ពស់បំផុត។ បពិត្រ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាស ដ៏មហានក្ខត្តឫក្សឧត្ដុង្គឧត្ដម នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំឆ្លូវ ត្រីស័កព.ស.២៥៦៤ ដែលនឹងឈានចូលមកដល់នាពេលឆាប់ៗខាងមុខនេះ នាងខ្ញុំម្ចាស់ ព្រមទាំងសហការីគ្រប់លំដាប់ថ្នាក់ នៃកាកបាទក្រហម កម្ពុជា សូមព្រះបរមរាជានុញ្ញាតលំឱនកាយថ្វាយព្រះសព្ទសាធុការពរបវរសួស្ដី សិរីវឌ្ឍនមង្គលគ្រប់ប្រការ ថ្វាយ សម្តេច ព្រះមហាក្សត្រី ព្រះវររាជមាតាជាតិខ្មែរ ជាអម្ចាស់ជីវិត ទ្រង់ស្ដេចព្រះប្រកបដោយព្រះរាជសុខភាពល្អបរិបូរណ៍ និង ព្រះពលានុភាពខ្លាំងក្លា ព្រះបញ្ញាញាណភ្លឺថ្លា ត្រចះត្រចង់វាងវៃ ព្រះជន្មាទីឃាយុយឺនយូរជាងរយព្រះវស្សា ដើម្បី ហ្លួងម៉ែ ជាអម្ចាស់ជីវិត គង់ប្រថាប់ជាម្លប់ត្រជាក់ត្រជំ ប្រទានដល់ប្រជាពលរដ្ឋជាកូន ជាចៅ ចៅទួត ចៅលួត របស់ព្រះអង្គជ្រក កោនដោយក្តីសុខដុមរមនា ជាភិយ្យោភាពអស់កាលដ៏យូរអង្វែងតរៀងទៅ។ក្នុងអភិសម័យថ្លៃថ្លាឧត្ដុង្គឧត្ដមនេះ នាងខ្ញុំម្ចាស់ និងសហការី នៃកាកបាទក្រហមកម្ពុជា សូមអភិវន្ទន៍ថ្វាយនូវព្រះ កតញ្ញូកតវេទិតាធម៌ដ៏ជ្រាលជ្រៅ ចំពោះព្រះវិសុទ្ធគុណដ៏ខ្ពង់ខ្ពស់ជាអតិបរមា សម្តេចព្រះមហាក្សត្រី ព្រះវររាជមាតា ជាតិខ្មែរជាអម្ចាស់ ទ្រង់ស្ដេចស្ថិតក្នុងព្រះមហាកិត្តិនាម ជាព្រះប្រធានកិត្តិយសកាកបាទក្រហមកម្ពុជា ព្រះអង្គតែងយកព្រះ ទ័យទុកដាក់ប្រទានភាពកក់ក្តៅដល់ប្រជារាស្ត្រ និងក្តីអភិរម្យត្រជាក់ត្រជុំសម្រាប់កូន ចៅ ចៅទួតរបស់ព្រះអង្គ ប្រកប ដោយព្រះព្រហ្មវិហារធម៌ និងព្រះរាជទសពិធរាជធម៌ដ៏បរិសុទ្ធ និងជាពិសេសទៅទៀត ហ្លួងម៉ែជាអម្ចាស់ជីវិត តែងបាន ប្រោសព្រះរាជទាន បរិច្ចាគព្រះរាជទ្រព្យយ៉ាងទៀងទាត់ដល់កាកបាទក្រហមកម្ពុជា សំដៅគាំទ្រយន្តការមនុស្សធម៌ សង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយផ្សេងៗ ក្នុងបរិ ការណ៍នៃបេសកកម្មប្រយុទ្ធប្រឆាំងការរីក រាលដាលជាសកលនៃជំងឺកូវីដ១៩ ក្នុងការលើកកម្ពស់សុខុមាលភាព និងជីវភាពរស់នៅរបស់ប្រជារាស្ត្រទូទាំងព្រះរាជា ណាចក្រកម្ពុជា។ក្នុងឱកាសដ៏សិរីសួស្ដីបុណ្យចូលឆ្នាំថ្មីប្រពៃណីជាតិ ខណៈនេះនាងខ្ញុំម្ចាស់ និងសហការី សូមបួងសួងដល់គុណ បុណ្យព្រះរតនត្រ័យ វត្ថុស័ក្ដិសិទ្ធិក្នុងលោក ព្រះបារមីអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ព្រះបារមីដួងព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ ជាទីសក្ការៈ និងទេវតាឆ្នាំថ្មី ឆ្នាំឆ្លូវ ត្រីស័ក ពស.២៥៦៤ ព្រះនាម មណ្ឌាទេវី សូមអភិបាលគ្រងរក្សា សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈ សូមទ្រង់ព្រះប្រកបដោយព្រះពុទ្ធពរទាំង៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕អត្ថបទ ៖ មុត សុត

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានកោតសរសើរដល់ឯកឧត្ដមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ សម្រាប់កិច្ចខិតខំប្រឹងប្រែងកៀរគរមន្ត្រីរាជការ និងបុគ្គលិកក្រោមឱវាទក្រសួង ឱ្យចាក់វ៉ាក់សាំងលើសពីចំនួនកំណត់។សម្ដេចតេជោ ហ៊ុន សែន បានកោតសរសើរដល់ឯកឧត្ដម ជា សុផារ៉ា ដោយផ្ទាល់មាត់បែបនេះនៅក្នុងសារជាសំឡេងមួយដែលត្រូវបានផ្ញើចេញតាមប្រព័ន្ធបញ្ចូនសារតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «តែមានក្រសួងមួយគឺក្រសួងរៀបចំដែនដី នគរូបនីយកម្ម និងសំណង់របស់ឯកឧត្ដមឧបនាយករដ្ឋមន្ត្រី ជា សុផារ៉ា គឺបែរជាចាក់វ៉ាក់សាំងលើសចំនួន ដោយសារតែមន្ត្រីជាប់កិច្ចសន្យា អ្នកថែសួន អ្នកធ្វើអនាម័យ ក៏មកសុំចាក់វ៉ាក់សាំងដែរ។សម្ដេចមានប្រសាសន៍បន្តថា៖ «នេះគឹជាការលើកទឹកចិត្តដ៏អស្ចារ្យមួយដែលខ្ញុំយកឱកាសនេះកោតសរសើរ។ ឯកឧត្ដម ជា សុផារ៉ា មានការព្រួយបារម្ភថា ចាក់វ៉ាក់សាំងលើសចំនួន តែខ្ញុំប្រាប់ថា នេះគឺជាកាយវិការដ៏ល្អដែលសូម្បីតែអ្នកថែសួន សូម្បីតែអ្នកធ្វើអនាម័យនៅក្រសួងរៀបចំដែនដី នគរូបនីយកម្ម និងសំណង់ ដែលត្រូវបានចាក់ទាំងអ្នកបម្រើការបែបនេះ»។ចំណែកឯកងទ័ពស្ថិតក្រោមក្រសួងការពារជាតិវិញ សម្ដេចតេជោ ហ៊ុន សែន មានប្រសាសន៍ផងដែរថា បានចាក់ស្ទើរតែទាំងអស់ហើយនៅក្រោមការដឹកនាំដ៏ម៉ឺងម៉ាត់ដោយសម្ដេចពិជ័យសេនា ទៀ បាញ់ ដែលជារដ្ឋមន្ត្រីក្រសួងការពារជាតិ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

បុគ្គលិកអប់រំរដ្ឋ និងឯកជន បានអញ្ជើញមកចាក់វ៉ាក់សាំង Sinovac នៅវិទ្យាល័យ ជា ស៊ីម ជ្រោយចង្វារ

ភ្នំពេញ៖ យុទ្ធនាការចាក់វ៉ាក់សាំងស៊ីណូវ៉ាក់(Sinovac) ចាប់ពីថ្ងៃទី០១ ខែមេសា ២០២១នេះ បុគ្គលិកអប់រំរដ្ឋ និងឯកជន បានអញ្ជើញមកចាក់វ៉ាក់សាំង Sinovac នៅវិទ្យាល័យ ជា ស៊ីម ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ឯកឧត្តម ហេង សុខគង់ ប្រធានសម្ព័ន្ធគ្រូពេទ្យស្ម័គ្រចិត្ត សហភាពសហព័ន្ធយុវជនកម្ពុជា បានឲ្យដឹងថា ថ្ងៃនេះ ពិតជាមានកិតិ្តយស ដែលសម្ព័ន្ធគ្រូពេទ្យស្ម័គ្រចិត្ត សហភាពសហព័ន្ធយុវជនកម្ពុជា និងមានលោកជំទាវ យឹម ឆៃលីន ហ៊ុនម៉ានី ជាប្រធានកិតិ្តយស នៃសម្ព័ន្ធគ្រូពេទ្យស្ម័គ្រចិត្ត សហភាពសហព័ន្ធយុវជនកម្ពុជា បានអនុញ្ញាតឲ្យក្រុមគ្រូពេទ្យ ចូលរួមការងារចាក់វ៉ាក់សាំងកូវីដ១៩ ជាមួយគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស។ហើយថ្ងៃនេះ ជាថ្ងៃទី១ នៃយុទ្ធនាការចាក់វ៉ាក់សាំងស៊ីណូវ៉ាក់ ដែលយើងទើបទទួលបានពីមិត្តចិន ចំនួន១លាន៥សែនដូស។ ហើយជាគោលដៅស្របតាមអនុសាសន៍ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា គឺក្នុងរយៈពេល ០១ខែ ត្រូវចាក់វ៉ាក់សាំង ឲ្យបានចំនួន ១លានដូស។ជាមួយគ្នានោះដែរ បុគ្គលិក នៃមនី្ទរអប់រំ យុវជន និងកីឡា រាជធានីភ្នំពេញ ចំនួន៣រូប បានមកទទួលការចាក់វ៉ាក់សាំងស៊ីណូវ៉ាក់ និយាយស្រដៀងគ្នាថា ការចាក់វ៉ាក់សាំង ស៊ីណូវ៉ាក់នេះ ជាការល្អណាស់ ដែលរាជរដ្ឋាភិបាលបានយកចិត្តទុកដាក់ និងដើម្បីទប់ស្កាត់ ការពារកុំឲ្យមេរោគកូវីដ១៩នេះ ឆ្លងរាលដាលដល់ប្រទេសជាតិ និងសង្គមជាតិយើង។ឯកឧត្តម បានបញ្ជាក់ទៀតថា ក្រុមគ្រូពេទ្យរបស់យើង បានទទួលការបណ្តុះបណ្តាលដោយផ្ទាល់ពីមន្រី្តជំនាញ និងថ្នាក់ដឹកនាំជំនាញ នៃក្រសួងសុខាភិបាល។ ទន្ទឹមនឹងនោះ ក្រសួងសុខាភិបាល នឹងបណ្តុះបណ្តាលក្រុមគ្រូពេទ្យជាបន្តទៀត ដើម្បីធ្វើការចាក់វ៉ាក់សាំងកូវីដ១៩ ក្នុងក្របខណ្ឌរាជធានី-ខេត្ត បន្ថែមពីលើគ្រូពេទ្យដែលមានស្រាប់ នៅតាមបណ្តាខេត្តទាំងអស់នោះ។ នៅថ្ងៃនេះដែរ យើងសង្កេតឃើញថា នៅតាមបណ្តាខេត្តនីមួយៗ ក៏បើកយុទ្ធនាការចាក់វ៉ាក់សាំងកូវីដ១៩ ប៉ុន្តែ ទោះបីជាយ៉ាងណាក៏ដោយ អនុវត្តន៍តាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន យើងនឹងមានក្រុមគ្រូពេទ្យស្ម័គ្រចិត្តពីរាជធានីភ្នំពេញបន្ថែមទៀត ដើម្បីជួយពន្លឿនការងារនៃការចាក់វ៉ាក់សាំងកូវីដ១៩នេះ ឲ្យសម្រេចតាមគោលដៅកំណត់។ សម្រាប់សម្ព័ន្ធគ្រូពេទ្យស្ម័គ្រចិត្ត សហភាពសហព័ន្ធយុវជនកម្ពុជា តាមការអនុញ្ញាតដ៏ខ្ពង់ខ្ពស់របស់ឯកឧត្តម ហ៊ុន ម៉ានី រហូតមកដល់ថ្ងៃនេះ យើងមានសមាជិករហូតដល់៤៦៩នាក់ ដែលត្រៀមចូលរួមក្នុងកិច្ចសហប្រតិបតិ្តការនេះ ហើយក្រៅពីនេះយើងក៏មានក្រុមគ្រូពេទ្យស្ម័គ្រចិត្តផ្សេងទៀត ដែលអាចមានចំនួនច្រើន ជាង ១០០០នាក់ ក្នុងយុទ្ធនាការចាក់វ៉ាក់សាំងស៊ីណូវ៉ាក់នេះ៕ អត្ថបទ៖ ហួត រដ្ឋា

អាជ្ញាធរខេត្តបាត់ដំបង ធ្វើផ្លូវចាក់កៅស៊ូមួយខ្សែ តភ្ជាប់ផ្លូវល្បឿនលឿន នៅស្រុកថ្មគោល

បាត់ដំបង៖ រដ្ឋបាលខេត្តបាត់ដំបង រួមជាមួយមន្ទីរសាធារណការ និងដឹកជញ្ជូនខេត្ត បានធ្វើការអភិវឌ្ឍជួសជុលកែលម្អផ្លូវខេត្តមួយខ្សែ ចាក់កៅស៊ូប្រភេទ DBST ដែលផ្លូវនេះ តភ្ជាប់ជាមួយផ្លូវល្បឿនលឿន នៅចំណុចឃុំជ្រៃ ស្រុកថ្មគោល ដើម្បីជាប្រយោជន៍ដល់ការធ្វើដំណើរបស់ពលរដ្ឋ កាន់តែងាយស្រួលជាងមុខ។ បើតាមលោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្តបាត់ដំបង មានប្រសាសន៍ថា ផ្លូវនេះឈ្មោះ ១៥៩ បេ១ (159B1) សរុបចំនួន ១៣គីឡូម៉ែត្រ ប៉ុន្តែ ជាជំហានដំបូងគឺធ្វើការចាក់កៅស៊ូចំនួន ១៥០០ម៉ែត្រសិន ដោយមានការដាក់លូវ និងស្ដារប្រឡាយនៅអមផ្លូវ ខណៈសល់ជាង ១១គីឡូម៉ែត្រទៀត ជាផ្លូវក្រាលគ្រួសក្រហម ។លោកបន្តថា ផ្លូវនេះស្ថិតក្នុងគម្រោងស្នើសុំរបស់មន្ទីរ ក្នុងការជួសជុលកែលម្អឡើងវិញ បន្ទាប់ពីទទួលការប៉ះពាល់ដោយទឹកជំនន់ កាលពីចុងឆ្នាំ២០២០ សរុបចំនួន១៥គម្រោង ដោយផ្លូវផ្សេងៗទៀតក្នុងទីប្រជុំជន បានធ្វើការកែលម្អរួចរាល់ហើយ នៅតែផ្លូវមួយខ្សែនេះ ។លោក ព្រួញ រិទ្ធថា បានបញ្ជាក់ថា ចំពោះការស្ថាបនាផ្លូវនេះ គឺមានការចូលរួមសហការល្អពីសំណាក់ពលរដ្ឋ រស់នៅអមសងខាងផ្លូវមានទាំងការរុះរើនូវរបងសំណង់នានា តាមការស្នើសុំរបស់អាជ្ញាធរ ខណៈពួកគាត់ក៏បានថ្លែងអំណរគុណ ចំពោះការជួយអភិវឌ្ឍនូវនេះផងដែរ ។ក្នុងពេលអញ្ជើញចុះពិនិត្យការស្ថាបនាផ្លូវលេខ១៥៩ បេ១ នៅរសៀលថ្ងៃទី៣១ ខែមិនា ឆ្នាំ២០២១ ឯកឧត្តម ងួន រតនៈ អភិបាលខេត្តបាត់ដំបង បានណែនាំទៅមន្ទីរសាធារណការ និងដឹកជញ្ជូន ត្រូវធ្វើការជួសជុលផ្លូវឲ្យមានគុណភាពល្អ កុំឲ្យមានការរិះគន់ពីសំណាក់ប្រជាពលរដ្ឋ ថាអាជ្ញាធរធ្វើផ្លូវខ្ជីខ្ជា ផ្លូវគ្មានគុណភាព ធ្វើឲ្យខាតបង់ថវិកាជាតិ។ជាមួយគ្នានេះ ឯកឧត្តមអភិបាល ក៏បានជំរុញដល់មន្ទីរ ខិតខំជួសជុលកែលម្អផ្លូវនានា តាមតម្រូវការ និងសូមណូមពររបស់ប្រជាពលរដ្ឋឲ្យអស់លទ្ធភាព ដើម្បីឲ្យឆ្លើយតបនឹងតម្រូវការរបស់ពួកគាត់។គួរបញ្ជាក់ថា ក្រោយពេលទឹកជំនន់ អាជ្ញាធរខេត្តបាត់ដំបង រួមនឹងមន្ទីរជំនាញ បានធ្វើការជួសជុលកែលម្អផ្លូវជាច្រើនខ្សែ ដែលមានទាំងផ្លូវក្រាលកៅស៊ូប្រភេទ AC ដែលជាផ្លូវមានសភាពរលូនស្រួលធ្វើដំណើរ, ផ្លូវកៅស៊ូប្រភេទ DBST និងផ្លូវក្រាលគ្រួសក្រហម រួមទាំងមានការសាងស្ពាន និងដាក់លូរំដោះទឹក ៕ អត្ថបទ៖ បាន សុខរិទ្ធ

រាជរដ្ឋាភិបាល អំពាវនាវមិនឲ្យមានការជួបជុំ រួមទាំង ពិធីសាសនាផង ក្នុងឱកាសបុណ្យចូលឆ្នាំខ្មែរ ខាងមុខនេះ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានអំពាវនាវដល់បងប្អូនជនរួមជាតិទាំងអស់ គប្បីជៀសវាងនូវការរៀបចំពិធីផ្សេងៗ ដូចជាពិធីសាសនា ឬការជួបជុំគ្នាទាំងឡាយណា ដែលមានសភាពអ៊ូអរ និងមានមនុស្សច្រើនជាដើមនោះ នៅក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ ។យោងតាមសារាចរណែនាំរបស់សម្តេចតេជោ ហ៊ុន សែន នាថ្ងៃទី៣១ ខែមីនានេះ ស្តីពីវិធានការបង្ការ និងទប់ស្កាត់ការរាតត្បាតនៃជំងឺកូវីដ១៩ នៅក្នុងឱកាសឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ដែលនឹងប្រព្រឹត្តិទៅ នាថ្ងៃទី១៤ដល់ថ្ងៃទី១៦ ខែមេសា ឆ្នាំ២០២១ខាងមុខនេះ បានអំពាវនាវដល់បងប្អូនជនរួមជាតិទាំងអស់បន្តប្រុងប្រយ័ត្នឲ្យបានខ្ជាប់ខ្ជួនបន្ថែមទៀត នៃវិធានការបង្ការទប់ស្កាត់ នូវមេរោគកូវីដ១៩ ស្របទៅតាមការណែនាំរបស់ក្រសួងសុខាភិបាល និងអាជ្ញាធរមូលដ្ឋាន។សម្តេចតេជោ ហ៊ុន សែន បានអំពាវនាវដល់ជនរួមជាតិទាំងអស់ដោយ«សូមនៅជួបជុំក្រុមគ្រួសារតាមគេហដ្ឋានរៀងៗខ្លួន ជៀសវាងការធ្វើដំណើរចេញក្រៅផ្ទះដោយមិនចាំបាច់ និងជៀសវាងការធ្វើដំណើរមិនចាំបាច់ឆ្លងកាត់រាជធានី-ខេត្ត។ ជៀសវាង នូវការធ្វើដំណើរមិនចាំបាច់ ទៅកាន់ ឬក៏ចេញចូលតំបន់ ឬទីកន្លែងដែលមានហានិភ័យខ្ពស់នៃការឆ្លងរាលដាលជំងឺកូវីដ១៩ ដែលបានកំណត់ដោយក្រសួងសុខាភិបាល និងអាជ្ញាធរមានសមត្ថកិច្ចពាក់ព័ន្ធ។ ជៀសវាងនូវការរៀបចំពិធីផ្សេងៗ រួមទាំងពិធីសាសនា ផង ឬការជួបជុំទាំងឡាយណាដែលមានសភាពអ៊ូអរ និងមានមនុស្សចូលរួមច្រើនជាដើម»។ក្នុងសារាចរនេះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានបន្តក្រើនរំលឹកដល់បងប្អូនជនរួមជាតិទាំងអស់បន្តអនុវត្តវិធានការ«៣ការពារ និង៣កុំ» ព្រមជាមួយនឹងវិធានការសុខាភិបាលចាំបាច់ផ្សេងៗទៀតសំដៅបង្ការ និងទប់ស្កាត់ការឆ្លងរាលដាលនូវជំងឺកូវីដ១៩ឲ្យបានខ្ជាប់ខ្ជួន និងគ្រប់គ្នាៗផងដែរ។ក្នុងគោលបំណងធានាការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈព្រមទាំងកាត់បន្ថយឲ្យបានជាអតិបរមានូវផលប៉ះពាល់នៃការឆ្លងកូវីដ១៩នេះ សម្តេចតេជោ ហ៊ុន សែន ក៏បានអំពាវនាវដល់ ស្ថាប័នអាជ្ញាធរសមត្ថកិច្ចពាក់ព័ន្ធគ្រប់លំដាប់ថ្នាក់ទាំងអស់ ត្រូវចាត់វិធានការចាំបាច់នានា សំដៅគ្រប់គ្រង និងធានាសន្តិសុខ សុវត្ថិភាព និងសណ្តាប់ធ្នាប់សាធារណៈឲ្យបានល្អប្រសើរ ព្រមទាំងធានានូវការគោរព និងអនុវត្តវិធានការសុខាភិបាល និងទប់ស្កាត់ការឆ្លងរីករាលដាលនៃជំងឺកូវីដ១៩នេះ ដោយម៉ត់ចត់ និងខ្ជាប់ខ្ជួន ដែលបានអនុលោមតាមបទប្បញ្ញត្តិច្បាប់ និងលិខិតបទដ្ឋានជាធរមាន ទាំងនៅក្នុងការគ្រប់គ្រងចរាចរណ៍ ការដឹកជញ្ជួនមនុស្ស និងការធ្វើដំណើរឆ្លងកាត់រាជធានី-ខេត្ត និងទាំងនៅតាមទីតាំងសាធារណៈនានា ពិសេសនៅតាមវត្តអារាម រមណីយដ្ឋាន និងទីតាំងផ្សេងៗទៀត ដែលមានសភាពអ៊ូអរជាដើមផងដែរ។ស្របពេលនេះដែរ សម្តេចតេជោ ហ៊ុន សែន ក៏បានអំពាវនាវជាថ្មីម្តងទៀតដល់ក្រុមហ៊ុន និងអាជីវករដឹកជញ្ជូនអ្នកដំណើរគ្រប់ប្រភេទ មិនត្រូវដំឡើងថ្លៃសេវាដឹកជញ្ជួនអ្នកដំណើរនោះឡើយ ហើយត្រូវយកចិត្តទុកដាក់អនុវត្តវិធានការសុខាភិបាលសំដៅបង្ការ និងទប់ស្កាត់ការឆ្លងរាលដាលនៃជំងឺកូវីដ១៩ដោយម៉ត់ចត់ និងខ្ជាប់ខ្ជួនចំពោះអ្នកដំណើរនៅលើយានយន្តរបស់ពួកខ្លួនផងដែរ៕អត្ថបទ បាន ចក់

បណ្ដាញសង្គម

ព័ត៌មានថ្មីៗ

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អភិបាលខេត្តបន្ទាយមានជ័យ អំពាវនាវដល់មន្ត្រីរាជការសប្បុរសជនចូលរួមយុទ្ធនាការ "១ម៉ឺនរៀល ១ម៉ឺននាក់"

អគ្គកុងស៊ុលវៀតណាម រៀបចំកម្មវិធីសប្ដាហ៍វប្បធម៌វៀតណាម ឆ្នាំ២០២៦ នៅខេត្ដសៀមរាប

រដ្ឋបាលខេត្តកំពតត្រៀមទុរេនទុំ ២តោន សម្រាប់ទទួលទេសចរចូលរួមព្រឹត្តិការណ៍ «មរតកផ្លែឈើ និងនំចំណីកំពត»

មន្ត្រីជំនាញ ស្នើដល់កសិករ សហគមន៍ និងអ្នកពាក់ព័ន្ធរួមគ្នាលើកកម្ពស់វិស័យកសិកម្មខេត្តកែប

គណៈកម្មការការពារទប់ស្កាត់ និងបង្ក្រាបបទល្មើសធនធានធម្មជាតិ ផ្សព្វផ្សាយសេចក្តីជូនដំណឹងស្ដីពីរដូវបិទនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

យកវិទ្យាល័យ ជា ស៊ីម សាមគ្គី ជាកន្លែងព្យាបាលអ្នកជំងឺកូ-វីដ និងធ្វើចត្តាឡីស័ក

ទីតាំងចាក់វ៉ាក់សាំងចំនួន ៣ នៅខណ្ឌច្បារអំពៅ កំពុងបន្តដំណើរការសម្រាប់ក្រុមគោលដៅនិងពលរដ្ឋស្ម័គ្រចិត្ត

សម្តេចតេជោ អំពាវនាវឱ្យពលរដ្ឋដែលពាក់ព័ន្ធ នឹងអ្នកឆ្លងកូវីដ-១៩ ទៅឱ្យពេទ្យយកចំណាកទៅធ្វើតេស្ត

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

ក្រសួងអប់រំ សម្រេចបិទអង្គភាពថ្នាក់ជាតិទាំងអស់ ដើម្បីបង្ការការរាតត្បាត នៃជំងឺកូវីដ-១៩

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

បុគ្គលិកអប់រំរដ្ឋ និងឯកជន បានអញ្ជើញមកចាក់វ៉ាក់សាំង Sinovac នៅវិទ្យាល័យ ជា ស៊ីម ជ្រោយចង្វារ

អាជ្ញាធរខេត្តបាត់ដំបង ធ្វើផ្លូវចាក់កៅស៊ូមួយខ្សែ តភ្ជាប់ផ្លូវល្បឿនលឿន នៅស្រុកថ្មគោល

រាជរដ្ឋាភិបាល អំពាវនាវមិនឲ្យមានការជួបជុំ រួមទាំង ពិធីសាសនាផង ក្នុងឱកាសបុណ្យចូលឆ្នាំខ្មែរ ខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

យក​វិទ្យាល័យ​ ជា ស៊ីម​ សាមគ្គី ជា​កន្លែង​ព្យាបាល​អ្នកជំងឺ​កូ​-វីដ និង​ធ្វើ​ច​ត្តា​ឡី​ស័ក

សម្តេច​កិត្តិ​ព្រឹទ្ធ​បណ្ឌិត​ថ្វាយព្រះពរ​ព្រះមហាក្សត្រ ​ក្នុងឱកាស​ឆ្នាំ​ថ្មី​ប្រពៃណី​ជាតិខ្មែរ

ក្រសួង​អប់រំ​ សម្រេច​បិទ​អង្គភាព​ថ្នាក់​ជាតិ​ទាំង​អស់​ ដើម្បី​បង្ការ​ការ​រាតត្បាត ​នៃ​ជំងឺ​កូវីដ​-១៩

សម្តេច​កិត្តិ​ព្រឹទ្ធ​បណ្ឌិត​ ថ្វាយព្រះពរ​សម្តេចព្រះ​មហាក្សត្រី ​ក្នុងឱកាស​ឆ្នាំ​ថ្មី​ប្រពៃណី​ជាតិ

បុគ្គលិកអប់រំរដ្ឋ និងឯកជន បានអញ្ជើញមកចាក់វ៉ាក់សាំង Sinovac នៅវិទ្យាល័យ ជា ស៊ីម ជ្រោយចង្វារ

អាជ្ញាធរខេត្តបាត់ដំបង ធ្វើផ្លូវចាក់កៅស៊ូមួយខ្សែ តភ្ជាប់ផ្លូវល្បឿនលឿន នៅស្រុកថ្មគោល

រាជរដ្ឋាភិបាល អំពាវនាវមិនឲ្យមានការជួបជុំ រួមទាំង ពិធីសាសនាផង ក្នុងឱកាសបុណ្យចូលឆ្នាំខ្មែរ ខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

យកវិទ្យាល័យ ជា ស៊ីម សាមគ្គី ជាកន្លែងព្យាបាលអ្នកជំងឺកូ-វីដ និងធ្វើចត្តាឡីស័ក

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

ក្រសួងអប់រំ សម្រេចបិទអង្គភាពថ្នាក់ជាតិទាំងអស់ ដើម្បីបង្ការការរាតត្បាត នៃជំងឺកូវីដ-១៩

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ