BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

មន្ត្រីជំនាញ ៖ ទឹកទន្លេហក់ឡើងយឺត នឹងធ្វើឱ្យប៉ះពាល់ដល់ការបន្តពូជរបស់ពពួកមច្ឆជាតិ

ស្ទឹងត្រែង ៖ មន្ត្រីជំនាញ បានឱ្យដឹងថា ទឹកទន្លេមេគង្គខេត្តស្ទឹងត្រែង មានការហក់ឡើងយឺតខុសប្រក្រតី នៅឆ្នាំ នេះ។ ការហក់ឡើងយឺតនៃទឹកទន្លេមេគង្គ នឹងធ្វើឱ្យប៉ះពាល់ដល់ការបន្តពូជរបស់ពួកមច្ឆជាតិ និងធ្វើឱ្យ ជីវភាពរបស់ប្រជានេសាទផងដែរ។ឆ្នាំនេះ ស្ថានភាពអាកាសធាតុ បានប្រែប្រួលខុសពីឆ្នាំមុន បានធ្វើឱ្យទឹកក្នុងអាងទន្លេមេគង្គលើ ក្នុងខេត្តស្ទឹងត្រែង ហក់ឡើងយឺតជាងបណ្ដាឆ្នាំមុនៗ ដែលបញ្ហានេះនឹងធ្វើឱ្យមានការប៉ះពាល់ដល់ការ បន្តពូជត្រី និងបាត់បង់កំណើនពូជមច្ឆាជាតិមួយចំនួន។ នេះបើតាមការអះអាងរបស់លោក ទុំ នីរ៉ូ នាយ ខណ្ឌជលផលខេត្តស្ទឹងត្រែង។លោក បានសំដែងនូវការព្រួយបារម្ភចំពោះការបន្ដពូជត្រី ព្រោះនៅពេលដែលត្រីបញ្ចេញពងកូន បែរជាស្ថានភាពទឹកនៅក្នុងដងទន្លេមេគង្គ ក៏ដូចជាដងទន្លេសេសាន ទន្លេសេកុង និងទន្លេស្រែពក មិនមាន ការហក់ឡើង ជាហេតុធ្វើឲ្យការញាស់នៃពួកកូនត្រីគ្រប់ប្រភេទមានការបាត់បង់ខ្លះៗ។ប្រជានេសាទ ក្នុងក្រុងស្ទឹងត្រែង បានឱ្យដឹងដែរថា ឆ្នាំនេះ ការនេសាទរបស់ពួកគេ មានការ ប្រឈម ដោយឆ្នាំនេះ ទឹកតូច ខ្សត់ត្រី ។លោក ទុំ នីរ៉ូ នាយ ខណ្ឌជលផលខេត្តស្ទឹងត្រែង បានឱ្យដឹងថា ឆ្នាំនេះ ជាឆ្នាំមួយដែលទឹកមានកម្រិតតិច បំផុត បើធៀបទៅឆ្នាំ២០១៨ ២០១៩ កន្លងទៅ ដែលទឹកបានហក់ឡើងពេញដងទន្លេ តាំងពីពាក់ កណ្ដាលខែកក្កដា និងខែសីហា ម្ល៉េះ តែសម្រាប់ឆ្នាំនេះ ចុងខែកញ្ញាទៅហើយ ទឹកនៅតិចតួចនៅឡើយ ដែលជាហេតុធ្វើឲ្យផលនេសាទមានការថមថយ៕

អាជ្ញាធរខេត្តបាត់ដំបង ប្រាប់ពលរដ្ឋឱ្យមានការប្រុងប្រយ័ត្ន ខណៈទឹកកំពុងហក់ឡើង

បាត់ដំបង ៖ បើទោះបីទឹកស្ទឹងសង្កែ មិនទាន់ឡើងដល់កម្រិតប្រកាស អាសន្ន ប៉ុន្តែអាជ្ញាធរខេត្ត បានអំពាវនាវឱ្យ ប្រជាពលរដ្ឋ រស់នៅតាមដងស្ទឹង មានការប្រុងប្រយ័ត្នជានិច្ច ព្រោះទឹកនៅប៉ែកខាងលើកំពុងហក់ឡើង ហើយអាជ្ញាធរខេត្ត ក៏បានត្រៀមរួចរាល់ដែរនូវទីទួលសុវត្ថិភាពជាង២០០កន្លែង និងសម្ភារទប់ទឹក។លោក ឡុង ផល្គុន ប្រធានមន្ទីរធនធានទឹក និងឧតុនិយម ខេត្តបាត់ដំបង បានប្រាប់BTV នៅព្រឹក ថ្ងៃទី២៣ ខែកញ្ញា នេះថា គិតត្រឹមនៅជិតថ្ងៃត្រង់នេះ ទឹកស្ទឹងសង្កែ ឡើងមិនទាន់ដល់១០ម៉ែត្រនោះទេ ប៉ុន្តែវាអាចនឹងឡើងលើស១០ម៉ែត្រ ហើយកម្រិតទឹក ដែលទម្លាក់ពីទំនប់កង្ហត់ ក៏មិនអាចឈានដល់ ចំណុចប្រកាសអាសន្ននោះដែរ។លោក បានបន្តថា ចំពោះកម្រិតទឹក ដែលត្រូវទម្លាក់មកចំនួន៤ទ្វារ ដែលចំនួននេះគឺធម្មតា ហើយ ចំពោះកម្រិតទឹក ដែលឈានដល់ចំណុចប្រកាសអាសន្ន គឺ១៤ម៉ែត្រ៨០ ឬ១៥ម៉ែត្រ ហើយរហូតមកដល់ ពេលនេះ ទឹកជំនន់នៅមិនទាន់បង្កផលប៉ះពាល់លិចលង់ផ្ទះ ឬដំណាំរបស់ប្រជាពលរដ្ឋនៅឡើយទេ។ទឹកភ្លៀងធ្លាក់ច្រើន ប៉ុន្មានថ្ងៃមកនេះនេះ នៅប្រភពទឹកខាងលើ មានដូចជាស្ទឹងបឡាង ឬហៅ ស្ទឹងសំឡូតចាស់ ស្ទឹងគ្រញូង និងស្ទឹងប៉ៃលិន មានទឹកច្រើន និងបានហូរចូលទៅទំនប់ពហុបំណងសេក សក ហើយធ្វើឲ្យកម្ពស់ទឹកមានកើនឡើងខ្ពស់ ដោយខ្លាចមានផលប៉ះពាល់នៅប៉ែកខាងលើខ្លាំង ជំនាញ បានបើកទ្វារទឹកនៅទំបន់សេកសក ទម្លាក់មកទំនប់កង្ហត់ និងបើកទ្វារទឹកបន្តតាមប្រឡាយមេនានា រួមទាំងស្ទឹងសង្កែ។ឆ្នាំនេះ ស្ទឹងសង្កែ ទើបហក់ឡើងខ្លាំងលើកទី១ ខណៈរាល់ឆ្នាំគិតត្រឹមរយៈពេលដូចគ្នា គឺមានទឹក ជំនន់ហក់ឡើងច្រើនដងនៅក្នុងស្ទឹង ដោយទឹកជំនន់នោះតែងបង្កការប៉ះពាល់ដល់ផ្ទះ និងដំណាំរបស់ ប្រជាពលរដ្ឋ ស្ថិតនៅជាប់នឹងដងស្ទឹងដ៏ធំមួយនេះផងដែរ ពិសេសនៅស្រុកឯកភ្នំ ព្រោះនៅជិតបឹងទន្លេ សាប៕អត្ថបទ៖ បាន សុខរិទ្ធ

ឯកឧត្តម ហ៊ុន ម៉ានី ចុះពិនិត្យមើលផលលំបាកលើគ្រឹះស្ថានសិក្សានៅបាត់ដំបង

បាត់ដំបង៖ គណៈប្រតិភូគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា ដឹកនាំដោយឯកឧត្តម ហ៊ុន ម៉ានី បានចាប់ផ្តើមបេសកកម្មក្នុងខេត្តបាត់ដំបង ដោយការចុះទស្សនកិច្ច និងជួបសំណេះសំណាលជាមួយគណៈគ្រប់គ្រងសាលា លោកគ្រូ អ្នកគ្រូ នៅវិទ្យាល័យនេតយ៉ង់ ស្ថិតក្នុងក្រុងបាត់ដំបង ។ដោយដំណើរទស្សនកិច្ច របស់គណៈកម្មការទី៧នេះ ប្រព្រឹត្តទៅក្នុងគោលបំណងដើម្បីស្វែងយល់បន្ថែមពីផលលំបាកបង្កដោយវិបត្តិជំងឺកូវីដ១៩ លើគ្រឹះស្ថានសិក្សានៅតាមមូលដ្ឋានផ្ទាល់ និងពិនិត្យស្ថានភាពជាក់ស្តែងរបស់វិទ្យាល័យ ក្នុងការអនុវត្តដំណើរការបើកឡើងវិញ ក្នុងដំណាក់កាលទី២ ក៏ដូចជាស្តាប់នូវបញ្ហាប្រឈម និងសំណូមពរនានារបស់ថ្នាក់ដឹកនាំសាលា លោកគ្រូ អ្នកគ្រូ មុនឈានដល់ការជួបប្រជុំជាមួយគណៈអភិបាលខេត្ត និងមន្ទីរអប់រំ នារសៀលនេះ ដើម្បីពិភាក្សាលើទិដ្ឋភាពជារួមនៃស្ថានភាពវិស័យអប់រំក្នុងក្របខណ្ឌ ខេត្តបាត់ដំបងផ្ទាល់ ។ក្នុងឱកាសនោះ ឯកឧត្តម ហ៊ុន ម៉ានី ប្រធានគណៈប្រតិភូ ក៏ដូចជាប្រតិភូគណៈកម្មការ បានកត់សម្គាល់ ចំពោះការគិតគូរខ្ពស់របស់ថ្នាក់ដឹកនាំសាលា ក្នុងការដាក់ចេញវិធានការជាដំណោះស្រាយរួមគ្នា តាមរយៈការរៀបចំជាផែនការសកម្មភាព និងបទបញ្ជាផ្ទៃក្នុងរបស់សាលាផ្ទាល់ សម្រាប់ការអនុវត្តគោលការណ៍ណែនាំនានា ស្របតាមការណែនាំរបស់ក្រសួងអប់រំ យុវជន និងកីឡា ។ទន្ទឹមនឹងនេះ គណៈកម្មការ សូមកោតសរសើរ និងវាយតម្លៃខ្ពស់ចំពោះលោកគ្រូ អ្នកគ្រូ ទាំងអស់ ដែលបានខិតខំចូលរួមសហការជាមួយថ្នាក់ដឹកនាំសាលា ក្នុងការបន្តបង្រៀនដល់សិស្សានុសិស្ស បើទោះជាវិបត្តិកូវីដ១៩ បាននិងកំពុងបង្កការលំបាក ដែរទាមទារឲ្យមានការចំណាយកម្លាំង និងពេលវេលាច្រើនក្នុងការកែច្នៃ រិះរកយុទ្ធសាស្ត្របង្រៀនស្របតាមសភាពការណ៍ និងការប្រើប្រាស់អ្វីដែលមានក្នុងដៃឲ្យអស់ពីសមត្ថភាព ដើម្បីធានាការផ្ដល់ការអប់រំដល់សិស្សានុសិស្ស ជាពិសេសក្នុងដំណាក់កាលការបើកសាលាឡើងវិញ ៕

អភិបាលខេត្តព្រះវិហារ ៖ ក្រោយពីទទួលបានដី មិនត្រូវទុកឲ្យនៅទំនេរ និងហាមមិនឲ្យមានតំបន់អបគមន៍ ជាដាច់ខាតនៅលើដីនោះ

ព្រះវិហារ ៖ ឯកឧត្តម ប្រាក់ សុវណ្ណ ផ្ដាំផ្ញើដល់ប្រជាពលរដ្ឋក្រោយទទួលបានដី មិនត្រូវទុកដីទាំងនេះ ឲ្យនៅទំនេរ ដោយមិនបានបង្កបង្កើនផលលើដីទាំងនោះឡើយ នឹងជាពិសេសហាមដាច់ខាតមិនឲ្យមានតំបន់អបគមន៍ អ្វីមួយ នៅលើដីទាំងនោះ ។ថ្លែងនៅព្រឹកថ្ងៃទី២៣ ខែកញ្ញា ឆ្នាំ២០២០នេះ ឯកឧត្តម ប្រាក់ សុវណ្ណ អភិបាលនៃគណៈអភិបាលខេត្តព្រះវិហារ ក្នុងពិធីចាប់ឆ្នោតទទួលដីឡូតិ៍កសិកម្មចំនួន២ហិកតាសម្រាប់បងប្អូនប្រជាពលរដ្ឋ៣១៨គ្រួសារ ក្នុងចំណោម១០៤៤គ្រួសារ រស់នៅភូមិធម្មជាតិឃុំស្រអែមស្រុកជាំក្សាន្ត ខេត្តព្រះវិហារ ។ឆ្លៀតក្នុងឱកាសនោះ ឯកឧត្តម អភិបាលខេត្ត បានលើកឡើងថា នេះវាជាលើកទី៥ហើយៗក៏ជាលើកចុងក្រោយដែរ ក្នុងការចាប់ឆ្នោតទទួលដីឡូតិ៍កសិកម្មចំនួន២ហិកតាក្នុង១គ្រួសារ សម្រាប់បងប្អូនប្រជាពលរដ្ឋ៣១៨គ្រួសារដែលមានឈ្មោះក្នុងបញ្ជីសរុបទាំងអស់១០៤៤គ្រួសារមានឈ្មោះទទួលដីចំនួន២ហិកតាដែលជារបបនឹងជាអំណោយដ៏វិសេសវិសាលរបស់សម្តេចតេជោហ៊ុន សែន ប្រមុខរាជរដ្ឋាភិបាលកម្ពុជា តាមរយះថ្នាក់ដឹកនាំរដ្ឋបាលខេត្តព្រះវិហារ ដោយផ្ទាល់នោះ។ឯកឧត្តម បានថ្លែងអំណរគុណដល់បងប្អូនប្រជាពលរដ្ឋដែលបានទទួលយកនូវការរងចាំពេលវេលាមួយដែលបានអូសបន្លាយយូរបន្តិច ក៏ប៉ុន្តែក្នុងការងចាំយូរបន្តិចនេះ បងប្អូនក៏បានទទួលបានដីដែលស្របច្បាប់ ពីប្រមុខរាជរដ្ឋាភិបាលកម្ពុជា តាមរយៈថ្នាក់ដឹកនាំរដ្ឋបាលខេត្តព្រះវិហារ ។ឯកឧត្តម ប្រាក់ សុវណ្ណ បានបញ្ជាក់ផងដែរថា អត្ថប្រយោជន៍សំខាន់ពីរដែលបងប្អូនទទួលបាននាពេលនេះ ទី១,ដីស្រែ នឹងទី២,ផ្លូវថ្នល់ចូលទៅកាន់ស្រែនោះផងដែរ ។ ឯកឧត្តម អភិបាលខេត្ត ក៏បានធ្វើការផ្ដាំផ្ញើដល់បងប្អូនប្រជាពលរដ្ឋមិនត្រូវយកដីទាំងនេះទៅសម្រាប់ដាំដំណាំអ្វី១ដែលច្បាប់បានហាមឃាត់នោះឡើយ មួយវិញទៀតក៏មិនត្រូវយកទីតាំងដីទាំងនេះទៅបង្កើតជាទីតាំងបើកបនល្បែងស៊ីសង។ក្នុងនោះ ឯកឧត្តម អភិបាលខេត្ត បានអំពាវនាវឲ្យបងប្អូនប្រជាពលរដ្ឋមានការប្រុងប្រយ័ត្ន ចំពោះជំងឺកូវីត–១៩ ព្រោះវាហាក់បីដូចអង្គុយរងចាំចូលមកខ្លួនយើង ដោយមិនបានដឹងនូវពេលដែលយើងមានការធ្វេសប្រហែសនោះ ។ អញ្ចឹងដើម្បីកុំឲ្យជំងឺទាំងនេះចូលជ្រៀតជ្រែកក្នុងខ្លួនយើង ក៏ដូចក្នុងសហគមន៍យើងនោះ សូមបងប្អូនប្រជាពលរដ្ឋធ្វើយ៉ាងណាត្រូវចេះអនាម័យដោយលាងដៃជាមួយនឹងសាប៊ូ អាល់កុល ជែល ឲ្យបានញឹកញាប់នឹងជាប្រចាំផងដែរ៕ដោយ ៖ សាវី

នគរត្រូវមានស្មារតីប្រុងប្រយ័ត្នខ្ពស់ជាប់ជានិច្ច ចំពោះឧបាយកលសកម្មភាពរបស់ក្រុមអមិ

ភ្នំពេញ ៖ ឧត្តមសេនីយ៍ឯក អ៊ី សុខឃី អគ្គស្នងការរងនគរបាលជាតិ បានក្រើនរំលឹកដល់នគរបាល នៃនាយកដ្ឋានគ្រប់គ្រងសន្តិសុខឯកជនទាំងអស់ ត្រូវមានស្មារតីប្រុងប្រយ័ត្នខ្ពស់ជាប់ជានិច្ច ចំពោះឧបាយកល សកម្មភាពរបស់ក្រុមអមិត្ត ដែលពង្រីកនូវផែនការកខ្វក់ផ្ដួលរំលំរាជរដ្ឋាភិបាល និងត្រូវស្មោះត្រង់ចំពោះព្រះមហាក្សត្រ និងរាជរដ្ឋាភិបាលស្របច្បាប់ដែលបានមកពីការបោះឆ្នោតរបស់ប្រជាពលរដ្ឋខ្មែរ។ក្នុងឱកាស ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិ ដល់នាយនគរបាលជាន់ខ្ពស់ នៃនាយកដ្ឋានគ្រប់គ្រងសន្ដិសុខឯកជន នៅព្រឹកថ្ងៃទី២៣ ខែកញ្ញា ឆ្នាំ២០២០នេះឯកឧត្តមឧត្តមសេនីយ៍ឯក អ៊ី សុខឃី បានលើកឡើងថា« ក្នុងនាមយើងជានគរបាល ត្រូវដឹងគុណ និងមានភក្ដីភាព ការពារដាច់ខាតចំពោះព្រះមហាក្សត្រ ប្រមុខនៃរាជរដ្ឋាភិបាល ក្រសួងមហាផ្ទៃ និងអគ្គស្នងការដ្ឋាននគរបាលជាតិ ទោះស្ថិតក្នុងកាលៈទេសៈបែបណាក៏ដោយ ត្រូវមានស្មារតីប្រុងប្រយ័ត្នខ្ពស់ជាប់ជានិច្ច ចំពោះឧបាយកល សកម្មភាពរបស់ក្រុមអមិត្ត ដែលពង្រីកនូវផែនការកខ្វក់ផ្ដួលរំលំរាជរដ្ឋាភិបាលត្រូវពង្រឹងសាមគ្គីផ្ទៃក្នុងអង្គភាព និងបន្តប្រពៃណីសាមគ្គីភាពផ្ទៃក្នុងឲ្យបានល្អបន្ដទៀតត្រូវគោរពច្បាប់ចរាចរណ៍ ពិសេសយានយន្ដដែលបំពាក់ផ្លាកលេខអង្គភាពជាដើមនោះ»។ជាមួយគ្នានោះដែរឯកឧត្តមឧត្តមសេនីយ៍ឯក ក៏បានថ្លែង កោតសរសើរដល់មន្ដ្រីនគរបាល នៃនាយកដ្ឋានគ្រប់គ្រងសន្ដិសុខឯកជនទាំងអស់ ដែលបានខិតខំប្រឹងប្រែងបំពេញការងារ រហូតទទួលបាននូវមុខតំណែង និងដំឡើងឋានន្តរសក្ដិ ខណៈអ្វីដែលទទួលបាននៅថ្ងៃនេះ គឺបានមកពីអ្វីដែលសាមីខ្លួនខិតខំប្រឹងប្រែងកន្លងមក ។បើតាមឧត្តមសេនីយ៍ឯក អ៊ី សុខឃី មន្ដ្រីនគរបាលដែលទទួលបានមុខតំណែង និងដំឡើងឋានន្តរសក្ដិទាំងអស់ ត្រូវគិតថា នេះជាបន្ទុកថ្មីបន្ថែមទៀតសម្រាប់ខ្លួនឯង ពោលត្រូវយកអ្វីដែលថ្នាក់ដឹកនាំប្រគល់ជូននេះ ប្រើប្រាស់ឲ្យចំគោលដៅ និងទៅតាមអ្វីដែលជាការបញ្ជាដឹកនាំ ហើយមិនត្រូវយកទៅគៀបសង្កត់ប្រជាពលរដ្ឋនោះទេ។ បន្ថែមពីនេះ លោកឧត្តមសេនីយ៍ ក៏បានក្រើនរំលឹក និងណែនាំនូវការងារមួយចំនួនផងដែរ។ជាមួយគ្នានេះ ឧត្តមសេនីយ៍ឯក លឹម សុខារស្មី ប្រធាននាយកដ្ឋានគ្រប់គ្រងសន្ដិសុខឯកជន ក៏បានធ្វើសេចក្ដីរាយការណ៍ដែរ អំពីអ្វីដែលនាយកដ្ឋានសម្រេចបាន ពិសេសពាក់ព័ន្ធការងារបណ្ដុះបណ្ដាលភ្នាក់ងារសន្ដិសុខឯកជននេះ ដោយ រហូតមកដល់ពេលនេះ បានបើកវគ្គបំប៉នជំនាញភ្នាក់ងារ សន្ដិសុខឯកជន ចំនួន២៧វគ្គ ដែលមានសិក្ខាកាមចូលរួមសរុប ៥,១៣១នាក់ (ស្រី១៣៤នាក់) ក្នុងនោះ ភ្នាក់ងារសន្ដិសុខឯកជន មកពីក្រុមហ៊ុនផ្ដល់សេវា សន្ដិសុខឯកជន និងសហគ្រាស-គ្រឹះស្ថាន សរុប៥,០៣៧នាក់, មន្ត្រីនាយកដ្ឋាន ចំនួន៥៩នាក់, មន្ត្រីការិយាល័យគ្រប់គ្រងសន្ដិសុខឯកជន នៃស្នងការដ្ឋាននគរបាលរាជធានី-ខេត្ត ចំនួន៣៥នាក់៕

ពលរដ្ឋរងគ្រោះដោយសារជំនន់ទឹកភ្លៀង នៅស្រុកសាលាក្រៅជិត ១០០គ្រួសារ ទទួលអំណោយពីសាខាកាកបាទក្រហមកម្ពុជាខេត្តប៉ៃលិន

ប៉ៃលិន៖ ថ្ងៃទី២៣ ខែកញ្ញា ឆ្នាំ២០២០ ឯកឧត្ដម ផាន់ ចាន់ធុល ប្រធានកិត្តិយសសាខាកាកបាទក្រហមកម្ពុជាខេត្តប៉ៃលិន អមដំណើរដោយ ឯកឧត្តម សៅ សារ៉ាត់ អនុប្រធានគណៈកម្មាធិការសាខាកាកបាទក្រហមកម្ពុជាខេត្ត តំណាងលោកជំទាវបណ្ឌិត បាន ស្រីមុំ ប្រធានសាខា បានដឹកនាំសមាជិកកិត្តិយសសាខា, សមាជិកគណៈកម្មាធិការសាខា អនុសាខា យុវជនកាកបាទក្រហមខេត្ត និងយុវជនសហភាពសហព័ន្ធយុវជនកម្ពុជាខេត្ត ព្រមទាំងក្រុមការងារ អញ្ជើញចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ ទៅឧបត្ថម្ភជូនដល់ប្រជាពលរដ្ឋរងគ្រោះដោយសារជំនន់ទឹកភ្លៀង ចំនួន ៩៦គ្រួសារ នៅឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដោយក្នុងមួយគ្រួសារៗទទួលបាន៖ អង្ករ ២៥គីឡូក្រាម ត្រីខ ១យួរ ឃីតចំនួន ២ (ក្រម៉ា១ អាវ៣ មុង១ មី១៥កញ្ចប់ ទឹកស៊ីអ៊ីវ១ដប) និងថវិកាចំនួន ៥ម៉ឺនរៀលផងដែរ។ឯកឧត្ដម ផាន់ ចាន់ធុល ប្រធានកិត្តិយសសាខាកាកបាទក្រហមកម្ពុជាខេត្ត បានពាំនាំនូវប្រសាសន៍ផ្ដាំផ្ញើសួរសុខទុក្ខ និងក្ដីនឹករលឹក អាណិតអាសូរក្រៃលែង ពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលសម្ដេចប្រធាន ជាមាតាមនុស្សធម៌កម្ពុជា តែងតែគិតគូរពីសុខទុក្ខរបស់ប្រជាពលរដ្ឋងាយរងគ្រោះ និងរងគ្រោះ ដោយគ្រោះមហន្តរាយ និងឧបទ្ទវហេតុផ្សេងៗ នៅទូទាំងប្រទេសគ្រប់ពេលវេលា ដោយមិនមានការរើសអើង វណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។ឯកឧត្ដមប្រធានកិត្តិយសសាខា បានបន្តថា ជាក់ស្ដែងកន្លងមក សាខាកាកបាទក្រហមកម្ពុជាខេត្តប៉ៃលិន ដែលមានលោកជំទាវបណ្ឌិត បាន ស្រីមុំ ជាប្រធានសាខា គឺបានជំរុញគ្រប់សកម្មភាពការងារមនុស្សធម៌ ឱ្យអនុវត្តន៍ទៅដោយរលូន និងមានប្រសិទ្ធភាពខ្ពស់ ដោយប្រកាន់ភ្ជាប់ នូវគោលការណ៍គ្រឹះទាំង ៧ប្រការ របស់ចលនាកាកបាទក្រហមកម្ពុជា ក្នុងការឆ្លើយតបបានទាន់ពេលវេលា ចំពោះជនរងគ្រោះ និងជនងាយរងគ្រោះ ព្រមទាំងបានផ្ដល់ជាសម្ភារៈ គ្រឿងឧបភោគបរិភោគ និងថវិកាមួយចំនួន ដល់ប្រជាពលរដ្ឋដែលរងគ្រោះដោយឧបទ្ទវហេតុផ្សេងៗដូចជា ខ្យល់កន្ត្រាក់ គ្រោះរាំងស្ងួត ទឹកជំនន់ គ្រោះអគ្គីភ័យ គ្រោះថ្នាក់ចរាចរណ៍ ពលរដ្ឋមានជីវភាពខ្វះខាត គ្រួសារជនពិកា កុមារកំព្រា អ្នករស់នៅជាមួយមេរោគអេដស៍ ចាស់ជរាគ្មានទីពឹង និងគ្រួសារសពខ្វះខាត ជាដើម។នៅក្នុងឱកាសនោះផងដែរ ឯកឧត្តម ផាន់ ចាន់ធុល ក៏បានមានប្រសាសន៍ផ្ដាំផ្ញើដល់បងប្អូនប្រជាពលរដ្ឋទាំងអស់ សូមយកចិត្តទុកដាក់ទៅលើបញ្ហាសុខភាព ដោយត្រូវរក្សាអនាម័យក្នុងការរស់នៅជាប្រចាំ ដូចជា៖ លាងដៃនឹងសាប៊ូ ហូបទឹកឆ្អិន និងដេកក្នុងមុងជានិច្ច ដើម្បីជៀសវាងការកើតមានជំងឺតម្កាត់ផ្សេងៗ ជាពិសេសជំងឺកូវីត–១៩ ហើយបើមានបញ្ហាសុខភាព សូមប្រញាប់ប្រញាល់ទៅកាន់មណ្ឌលសុខភាព ឬមន្ទីរពេទ្យ ដែលជិតបំផុត ដើម្បីទទួលបានការព្យាបាលទាន់ពេលវេលា។សូមរំលឹកថា ដោយសារមានភ្លៀងធ្លាក់ច្រើនថ្ងៃជាប់ៗគ្នា កាលពីថ្ងៃទី១៩/២០/២១ ខែកញ្ញា ឆ្នាំ២០២០ បណ្តាលឱ្យទឹកស្ទឹងប៉ៃលិន និងតាមអូរនានាក្នុងខេត្ត មានសភាពឡើងខុសប្រក្រតី ហើយបានជន់លិចលំនៅដ្ឋានរបស់ប្រជាពលរដ្ឋ នៅឃុំស្ទឹងត្រង់ ស្រុកសាលាក្រៅ ចំនួន ៩៦គ្រួសារ លិចប៉ះពាល់ផ្ទៃដីចំការ ចំនួន ៨៩ហិតតា ខូចខាតហេដ្ឋារចនាសម្ព័ន្ធមួយចំនួន និងស្លាប់ស្ត្រីម្នាក់ ដែលឆ្លងអូរព្រំដែនពេលជំនន់ទឹកភ្លៀងកំពុងឡើង (រកសពមិនទាន់ឃើញ)៕ អត្ថបទ៖ បាន សុខរិទ្ធ

គ្រឿងញៀន នៅតែជាបញ្ហាបង្កឲ្យប៉ះពាល់ដល់សន្តិសុខសណ្ដាប់ធ្នាប់សាធារណៈសុខុមាលភាព និងការអភិវឌ្ឍសង្គម

កំពត៖ ផ្អែកតាមសភាពការណ៍គ្រឿងញៀនខុសច្បាប់ ទាំងនៅក្នុងក្របខណ្ឌអន្តរជាតិ និងនៅក្នុងតំបន់នៅតែបង្ហាញឲ្យឃើញថា តម្រូវការគ្រឿងញៀនសំយោគមានកំណើនខ្ពស់ ជាមួយគ្នានេះសកម្មភាពផលិតគ្រឿងញៀន នៅក្នុងតំបន់ភាគច្រើន ប្រព្រឹត្តដោយឧក្រិដ្ឋជនប្រដាប់អាវុធ និងទទួលមូលនិធិ ពីក្រុមឧក្រិដ្ឋជនគ្រឿងញៀនអន្តរជាតិ ហើយបាននឹងកំពុងពង្រីកខ្លួនកាន់តែធំជាងមុន បង្កឲ្យប៉ះពាល់ដល់សន្តិសុខសណ្ដាប់ធ្នាប់សាធារណៈសុខុមាលភាព និងការអភិវឌ្ឍសង្គម។នេះបើតាមប្រសាសន៍របស់ ឯកឧត្ដមឧត្ដមសេនីយ៍ឯក នាក់ យុទ្ធា អគ្គលេខាធិការរងអាជ្ញាធរជាតិប្រយុទ្ធប្រឆាំងគ្រឿងញៀន នៅក្នុងកិច្ចប្រជុំផ្សព្វផ្សាយរបាយការណ៍ស្ដីពីលទ្ធផលការងារត្រួតពិនិត្យគ្រឿងញៀនខុសច្បាប់ក្នុងឆមាសទី១ និងលើកទិសដៅអនុវត្តការងារឆមាសទី២ឆ្នាំ២០២០ របស់គណៈកម្មាធិការត្រួតពិនិត្យគ្រឿងញៀនខេត្ត នៅថ្ងៃទី២៣ ខែកញ្ញា ឆ្នាំ២០២០។ឯកឧត្ដម បានបន្តថា ដើម្បីកាត់បន្ថយ និងឈានទៅលប់បំបាត់បទល្មើសជួញដូរ និងប្រើប្រាស់គ្រឿងញៀននៅកម្ពុជា អាជ្ញាធរ សមត្ថកិច្ចជំនាញ និងពាក់ព័ន្ធត្រូវរួមគ្នាអនុវត្តវិធានការចំនួន៧ចំណុច ៖ទី១. ការអប់រំផ្សព្វផ្សាយ បង្ការ ទប់ស្កាត់ និងបដិសេធគ្រឿងញៀន, ទី២. ការព្យាបាល ស្តារនីតិសម្បទា បណ្តុះបណ្តាលវិជ្ជាជីវៈ បំណិនជីវិត ការធ្វើសមាហរណកម្ម និងចាកចេញពីគ្រឿងញៀន ៣. ការពង្រឹងប្រសិទ្ធភាពអនុវត្តច្បាប់, ៤. ការត្រួតពិនិត្យសារធាតុគីមីផ្សំ, ៥. កិច្ចសហប្រតិបត្តិការអន្តរជាតិជាមួយប្រទេសជាប់ព្រំដែន, ៦. កិច្ចសហប្រតិបត្តិការអន្តរជាតិជាមួយបណ្តាប្រទេសក្នុងតំបន់និងដៃគូអភិវឌ្ឈន៍នានា និង ៧. ការពង្រឹងយន្តការត្រួតពិនិត្យគ្រឿងញៀននៅថ្នាក់ជាតិ និងថ្នាក់ក្រោមជាតិ។ឯកឧត្ដម ជាវ តាយ អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្ត បានវាយតម្លៃសភាពការណ៍ នៃការចរាចរគ្រឿងញៀន ទាំងក្នុងក្របខ័ណ្ឌជាតិ និងក្របខណ្ឌក្នុងតំបន់ នៅតែបង្ហាញឃើញថា បានពង្រីកខ្លួនកាន់តែធំជាងមុន ដែលជាកត្តាមួយជះឥទ្ធិពលមកលើកម្ពុជា ធ្វើឱ្យរងនូវឥទ្ធិពលដ៏អាក្រក់ និងបានគំរាមកំហែង តាមរយៈការចរាចរណ៍ឆ្លងកាត់ និងហូរចូលគ្រឿងញៀនទាំងតាមផ្លូវគោក ផ្លូវទឹក ផ្លូវអាកាស និងតាមបញ្ហាប្រៃសណីយ៍។ឯកឧត្ដមជាវ តាយស្នើដល់អាជ្ញាធរ មន្ទីរអង្គភាពជំនាញ និងកងកម្លាំងទាំងអស់ ត្រូវ បង្កើនការអប់រំផ្សព្វផ្សាយ លើកកម្ពស់ការយល់ដឹងជាសាធារណៈពីគ្រោះថ្នាក់នៃគ្រឿងញៀន ជំរុញ និងលើកទឹកចិត្តឲ្យមានការចូលរួមយ៉ាងសកម្មផុលផុសគ្រប់ផ្នែកគ្រប់វិស័យ ទាំងរដ្ឋ និងឯកជន។តាមរបាយការណ៍របស់ស្នងការដ្ឋាននគរបាលខេត្តកំពតនៅឆមាសទី១ ឆ្នាំ២០២០ បានបង្ក្រាបបទល្មើសគ្រឿងញៀនចំនួន១៣៣ករណី ឃាត់ខ្លួនជនសង្ស័យចំនួន២១២នាក់ ស្រី១៣នាក់ ចាប់យកវត្ថុតាងគ្រឿងញៀនប្រភេទមេតំហ្វេតាមីនចំនួន ៦០២កញ្ចប់ ទម្ងន់៦៤៤,១៧ក្រាម, ប្រភេទម៉ាទឹកកក៨កញ្ចប់ធំ និង៥៥កញ្ចប់តូច ទម្ងន់៤៣,៤៥ក្រាម រួមនឹងប្រភេទគ្រឿងញៀនផ្សេងៗ និងឧបករណ៍ប្រើប្រាស់គ្រឿងញៀនមួយចំនួនទៀត៕ អត្ថបទ៖ អាន សារីម

មន្ទីរពេទ្យបង្អែកខេត្តគ្រប់ខេត្ត ជាគោលដៅនៃការកសាងអាគារសម្រាកព្យាបាលអ្នកជំងឺ

សៀមរាប៖ មន្ទីរពេទ្យបង្អែកខេត្តសៀមរាប បើកសម្ពោធអាគារសម្រាប់សម្រាកព្យាបាល ១ខ្នង ស្មើនឹង២ជាន់ ដែលអាចដាក់គ្រែអ្នកជំងឺបានជាង១០០គ្រែ ខណៈពេលដែលមន្ទីរពេទ្យមួយនេះ មានគ្រែអ្នកជំងឺសរុប៣៧០គ្រែ និងត្រូវបានប្រើប្រាស់ប្រចាំថ្ងៃ ក្នុងតម្រូវការលើសពី១០០%។នៅព្រឹកថ្ងៃទី២៣ ខែកញ្ញា ឆ្នាំ២០២០ មន្ទីរពេទ្យបង្អែកខេត្តសៀមរាប បានរៀបចំបើកសម្ពោធដាក់ឲ្យប្រើប្រាស់ជាផ្លូវការ អាគារសម្រាកព្យាបាលជំងឺទូទៅ១ខ្នង ដែលត្រូវបានជួសជុល និងកសាងពង្រីកបន្ថែម ជាអំណោយសប្បុរសនៃលោកជំទាវឧកញ៉ា អគ្គមហាឧបាសិកាកិត្តិបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍ។លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានបង្ហាញឲ្យដឹងនៅក្នុងរបាយការណ៍ថា៖ មន្ទីរពេទ្យបង្អែកខេត្តសៀមរាបមានគ្រែអ្នកជំងឺចំនួន៣៧០គ្រែ ហើយការប្រើប្រាស់ជាក់ស្ដែងប្រចាំថ្ងៃក្នុងពេលបច្ចុប្បន្ននេះលើសពី១០០% ក្នុងនោះ ពី១០ ទៅ ១៥% នៃអ្នកជំងឺ គឺមកពីបណ្តាខេត្តផ្សេងៗផងដែរ។អាគារសម្រាកព្យាបាលជំងឺ ដែលកំពុងបើកសម្ពោធដាក់ឲ្យប្រើប្រាស់ជាផ្លូវការនេះ ពីមុនមានតែជាន់ផ្ទាល់ដី ទំហំ ១៤ម៉ែត្រ គុណ ១៩ម៉ែត្រប៉ុណ្ណោះ។ក្រោយពីការជួសជុលកសាងកែលំអថ្មី អាគារមួយនេះត្រូវបានកសាងបន្ថែមពីលើមួយជាន់ថ្មីទៀត និងពង្រីកបានដល់ ២២ម៉ែត្រ គុណ ១៩ម៉ែត្រ ដោយចំណាយអស់ថវិកាជាង១៦ម៉ឺនដុល្លារ។ ក្នុងមួយអាគារនេះ ទាំងជាន់ផ្ទាល់ដីនិងជាន់លើអាចដាក់គ្រែទទួលអ្នកជំងឺឲ្យសម្រាកព្យាបាលនៅទីនោះបានចំនួន១១០គ្រែ។លោកជំទាវឧកញ៉ាអគ្គមហាឧបាសិកាកិត្តិបណ្ឌិត សៀង ចាន់ហេង បានលើកឡើងថា មានអ្វីៗទាំងអស់សម្រាប់ថ្ងៃនេះ គឺមិនអាចបំភ្លេចបានទេ នូវការដឹងគុណថ្ងៃ៧មករា១៩៧៩ ដែលជាថ្ងៃផ្តល់កំណើតទី២ដល់ប្រជាជាតិកម្ពុជា និងមិនអាចកាត់ផ្តាច់បាននោះឡើយ ចំពោះពាក្យថា អគុណសន្តិភាព ដែលមានសម្តេចតេជោ ហ៊ុន សែន ជាស្ថាបនិកដ៏ឈ្លាសវ៉ៃ។ ការថែរក្សាសន្តិភាព គឺជាកត្តាចម្បងសម្រាប់ការធ្វើដំណើរឆ្ពោះទៅរកការអភិវឌ្ឍជាតិ ដែលទាំងនេះគឺជាកាតព្វកិច្ចចូលរួមនៃប្រជាជនកម្ពុជាទាំងមូល ក្នុងធ្លុងមហាសាមគ្គីជាតិ។លោកជំទាវឧកញ៉ា ក៏បានបង្ហាញនូវការប្តេជ្ញាចិត្តផងដែរថា ក្នុងន័យដឹងគុណ៧មករា សម្រាប់លោកជំទាវផ្ទាល់ មួយផ្នែកនៃការចូលរួមកសាងសង្គមជាតិ វិស័យសុខាភិបាលគឺជាគោលដៅមួយដ៏ធំ លោកជំទាវបានសម្រេចចិត្តរួចហើយថា ៖ នឹងត្រូវកសាងឲ្យបាន អាគារសម្រាកព្យាបាលនៃអ្នកជំងឺ សម្រាប់ដាក់ជូនមន្ទីរពេទ្យបង្អែកគ្រប់ខេត្តទូទាំងប្រទេស ក្នុងមួយខេត្ត ១អាគារ កម្ពស់ ៥ជាន់។គម្រោងនេះ កំពុងត្រូវបានអនុវត្តបានប្រមាណជា៩៥%ហើយ នៅខេត្តកណ្តាល និងខេត្តកំពង់ស្ពឺ និងត្រូវបន្តទៅបណ្តាខេត្តផ្សេងៗទៀត។ សម្រាប់មន្ទីរពេទ្យបង្អែកខេត្តសៀមរាប ក៏ត្រូវបានទទួលគម្រោងនេះដែរ លើអាគារដែលត្រូវបានជួសជុលកែលម្អកន្លងមក។លោក ពិន ប្រាកដ អភិបាលរងខេត្តសៀមរាប វាយតម្លៃថា៖ អាគារសម្រាកព្យាបាលដែលកំពុងបើកសម្ពោធដាក់ឲ្យប្រើប្រាស់ជាផ្លូវការនេះ ពិតជាត្រូវបាននាំមកនូវអត្ថប្រយោជន៍ដ៏សំខាន់ និងបានជួយបំពេញកង្វះខាតនៃមន្ទីរពេទ្យផងដែរ ហើយអ្វីដែលសំខាន់ជាងនេះ គឺជាការបើកលទ្ធភាពរបស់មន្ទីរពេទ្យមួយកម្រឹតទៀត ក្នុងការជួយសង្គ្រោះសុខភាព និងអាយុជីវិតនៃអ្នកជំងឺ ប្រកបដោយសេវាគុណភាព មិនប្រកាន់ពូជសាសន៍ និងនិន្នាការនយោបាយអ្វីនោះឡើយ៕អត្ថបទ៖ ងីញ គឹមលែង

អាជ្ញាធរ ត្រូវហាមឃាត់រាល់ការសាងសង់លំនៅឋាន ឬ សំណង់ផ្សេងៗ នៅលើដីចំណីផ្លូវឬខ្នងប្រឡាយទឹក

កំពត៖ អភិបាលខេត្តកំពតប្រាប់ដល់មន្ត្រីជំនាញ និងពាក់ព័ន្ធ រួមទាំងអាជ្ញាធរអាជ្ញាធរគត្រូវហាមឃាត់រាល់ការសាងសង់លំនៅឋានឬសំណង់ទាំងឡាយណានៅលើដីចំណីផ្លូវ ឬខ្នងប្រឡាយទឹក ឬទំនប់ទឹកកសាធារណៈ ដើម្បីបញ្ចៀសផលប៉ះពាល់ ហើយបង្កភាពងាយស្រួលក្នុងការកែលំអហេដ្ឋារចនាសម្ព័ន្ធនៅថ្ងៃក្រោយ។នៅរសៀលថ្ងៃទី២២ ខែកញ្ញា ឆ្នាំ២០២០ ឯកឧត្ដម ជាវ តាយ អភិបាលនៃគណៈអភិបាលខេត្ត បានដឹកនាំកិច្ចប្រជុំ ពិនិត្យពិភាក្សាលើគម្រោងកែលំអហេដ្ឋារចនាសម្ព័ន្ធសាធារណៈក្នុងឃុំចំនួន២ គឺឃុំត្រពាំងធំ និងឃុំព្រែកត្នោតស្រុកទឹកឈូខេត្តកំពត។តាមបទបង្ហាញរបស់មន្ទីររៀបចំដែនដី នគរូបនីយកម្ម និងសំណង់ខេត្ត គម្រោងទី១. គឺការស្ដារប្រឡាយប្រវែង២០០០ម៉ែត្រ ស្ថិតក្នុងភូមិត្រពាំងជ្រៃ ឃុំត្រពាំងធំ ស្រុកទឹកឈូ គម្រោងទី២. ការសាងសង់ផ្លូវបេតុងទំហំ១២ម៉ែត្រ ប្រវែង១៨៤២ម៉ែត្រក្នុងភូមិព្រែកត្នោត ឃុំព្រែកត្នោត ស្រុកទឹកឈូ។ឯកឧត្ដមជាវ តាយ អភិបាលខេត្ត បានសម្ដែងការគាំទ្រដល់គម្រោងទាំងពីរខាងលើព្រោះវាជាតម្រូវការចាំបាច់របស់ពលរដ្ឋនៅមូលដ្ឋាននោះ។ តែទោះជាយ៉ាងណាក៏ដោយ ឯកឧត្ដមអភិបាលខេត្តបានបញ្ជាក់ថា ការអភិវឌ្ឍន៍សាងសង់ហេដ្ឋារចនាសម្ព័ន្ធនានា រមែងតែងតែមានផលប៉ះពាល់ដោយជៀសមិនផុត។ដូច្នេះ ឯកឧត្ដមអភិបាលខេត្តក៏បានស្នើដល់មន្ត្រីជំនាញ និងអាជ្ញាធរពាក់ព័ន្ធត្រូវរួមគ្នាពិនិត្យ និងពិភាក្សាផ្ដល់ជាយោបល់ ដើម្បីធ្វើយ៉ាងណាឱ្យដំណើរការស្ដារ និងកសាងប្រព័ន្ធប្រឡាយទឹក និងផ្លូវបេតុង ក្នុងគម្រោងទាំងពីរខាងលើនេះ ឲ្យទទួលបានលទ្ធផលជោគជ័យ។ឯកឧត្ដម ក៏បានក្រើនរំលឹកដល់មន្ត្រីជំនាញនិងពាក់ព័ន្ធ អាជ្ញាធរមូលដ្ឋាន ត្រូវយកចិត្តទុកដាក់ហាមឃាត់រាល់ការសាងសង់លំនៅឋាន ឬសំណង់ផ្សេងៗរបស់ប្រជាពលរដ្ឋនៅលើដីចំណីផ្លូវ ដីខ្នងប្រឡាយ ឬដីទំនប់ទឹក នៅក្នុងមូលដ្ឋានរបស់ខ្លួន ដើម្បីជៀសវាងការប៉ះពាល់ដល់សណ្ដាប់ធ្នាប់សាធារណៈ និងពិបាកធ្វើការដោះស្រាយផលប៉ះពាល់នៅពេលមានគម្រោងកែលម្អហេដ្ឋារចនាសម្ព័ន្ធផ្សេងៗទៅថ្ងៃក្រោយនោះ៕

សម្តេចតេជោ ហ៊ុន សែន ផ្ញើសារអបអរសាទរខួប ២៧ឆ្នាំ នៃទិវាប្រកាសឲ្យប្រើប្រាស់រដ្ឋធម្មនុញ្ញកម្ពុជា

ភ្នំពេញ៖ តាមរយៈហ្វេសប៊ុកនៅព្រឹកថ្ងៃទី២៤ ខែកញ្ញា ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្ញើសារអបអរសាទរខួប២៧ឆ្នាំនៃទិវាប្រកាសប្រើរដ្ឋធម្មនុញ្ញនៃព្រះរាជាណាចក្រកម្ពុជា។សម្តេចបានសរសេរថា នៅថ្ងៃទី២៤ ខែកញ្ញា ឆ្នាំ២០២០នេះ គឺជាខួបទី ២៧ឆ្នាំ ដែលកម្ពុជាបានប្រកាសអោយប្រើប្រាស់ជាផ្លូវការនូវរដ្ឋធម្មនុញ្ញនៃព្រះរាជាណាចក្រកម្ពុជា។ផ្តើមចេញ ពីកិច្ចព្រមព្រៀង ទីក្រុងប៉ារីស ស្តីពីដំណោះស្រាយរួមបញ្ចប់នូវវិបត្តិកម្ពុជា ដែលប្រព្រឹត្តទៅនៅ ថ្ងៃទី២៣ ខែតុលា ឆ្នាំ ១៩៩១ គឺកម្ពុជា បានផ្លាស់ប្តូរចូលទៅក្នុងរបត់ប្រវត្តិសាស្ត្រថ្មីមួយ ដោយមាន ការឯកភាពផ្ទៃក្នុងការដោះស្រាយបញ្ហានយោបាយ ដោយកម្ពុជាបានឯកភាពគ្នារៀបចំការបោះឆ្នោត នៅក្នុង ខែឧសភា ឆ្នាំ១៩៩៣ ដែលមានការគាំទ្រពីអង្គការសហប្រជាជាតិ អ៊ុនតាក់ (UNTAC)។ បន្ទាប់មក រដ្ឋធម្មនុញ្ញជាតិ ក៏ត្រូវបានបង្កើតឡើងជាប្រវត្តិសាស្ត្រនៅក្នុងឆ្នាំ១៩៩៣ ។នៅថ្ងៃទី២៤ ខែកញ្ញា ឆ្នាំ១៩៩៣ នៅក្នុងមហាប្រាសាទទេវាវិនិច្ឆ័យ នៅក្នុងព្រះបរមរាជវាំង ព្រះករុណាព្រះបាទសម្តេចព្រះ នរោត្តម សីហនុ អតីតមហាវីរក្សត្រ ព្រះបរមរតនកោដ្ឋ ព្រះអង្គបានឡាយព្រះហត្ថលេខាលើព្រះរាជក្រម ប្រកាសឲ្យប្រើរដ្ឋធម្មនុញ្ញ នៃព្រះរាជាណាចក្រកម្ពុជាជាផ្លូវការ។ នៅថ្ងៃទី២៤ ខែកញ្ញា គឺជាថ្ងៃកំណើតរដ្ឋធម្មនុញ្ញ ឆ្នាំ១៩៩៣ដែលមកដល់ ឆ្នាំ២០២០ គឺរដ្ឋធម្មនុញ្ញកម្ពុជា មានអាយុកាល២៧ឆ្នាំហើយ។រដ្ឋធម្មនុញ្ញ គឺជាច្បាប់កំពូលនៃព្រះរាជាណាចក្រកម្ពុជា។ ច្បាប់ និងសេចក្តីសម្រេចទាំងឡាយនៃស្ថាប័ននានារបស់រដ្ឋ ត្រូវស្របទៅនឹងរដ្ឋធម្មនុញ្ញជាដាច់ខាត។ ចំណុចសំខាន់ៗបំផុតមួយចំនួនដែលបានចែងច្បាស់នៅក្នុងរដ្ឋធម្មនុញ្ញមានដូចជាកម្ពុជាត្រូវគោរពដាច់ខាតនូវ របបរាជានិយមអាស្រ័យរដ្ឋធម្មនុញ្ញ របបប្រជាធិបតេយ្យសេរីពហុបក្ស ហើយរដ្ឋធម្មនុញ្ញកម្ពុជា បានចែងអំពីគោលការណ៍នៃការបែងចែកអំណាចដាច់ដោយឡែកពីគ្នា គឺអំណាចនីតិប្បញ្ញត្តិ, នីតិប្រតិបត្តិ និង តុលាការហើយក៏បានអនុម័តនូវសិទ្ធិជា មូលដ្ឋានរបស់ប្រជាពលរដ្ឋ និង គោលការណ៍នីតិរដ្ឋជាដើម ៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្ត្រីជំនាញ ៖ ទឹកទន្លេហក់ឡើងយឺត នឹងធ្វើឱ្យប៉ះពាល់ដល់ការបន្តពូជរបស់ពពួកមច្ឆជាតិ

អាជ្ញាធរខេត្តបាត់ដំបង ប្រាប់ពលរដ្ឋឱ្យមានការប្រុងប្រយ័ត្ន ខណៈទឹកកំពុងហក់ឡើង

ឯកឧត្តម ហ៊ុន ម៉ានី ចុះពិនិត្យមើលផលលំបាកលើគ្រឹះស្ថានសិក្សានៅបាត់ដំបង

នគរត្រូវមានស្មារតីប្រុងប្រយ័ត្នខ្ពស់ជាប់ជានិច្ច ចំពោះឧបាយកលសកម្មភាពរបស់ក្រុមអមិ

គ្រឿងញៀន នៅតែជាបញ្ហាបង្កឲ្យប៉ះពាល់ដល់សន្តិសុខសណ្ដាប់ធ្នាប់សាធារណៈសុខុមាលភាព និងការអភិវឌ្ឍសង្គម

មន្ទីរពេទ្យបង្អែកខេត្តគ្រប់ខេត្ត ជាគោលដៅនៃការកសាងអាគារសម្រាកព្យាបាលអ្នកជំងឺ

អាជ្ញាធរ ត្រូវហាមឃាត់រាល់ការសាងសង់លំនៅឋាន ឬ សំណង់ផ្សេងៗ នៅលើដីចំណីផ្លូវឬខ្នងប្រឡាយទឹក

សម្តេចតេជោ ហ៊ុន សែន ផ្ញើសារអបអរសាទរខួប ២៧ឆ្នាំ នៃទិវាប្រកាសឲ្យប្រើប្រាស់រដ្ឋធម្មនុញ្ញកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មន្ត្រី​ជំនាញ​ ៖ ទឹកទន្លេ​ហក់​ឡើង​យឺត​ នឹង​ធ្វើឱ្យ​ប៉ះពាល់​ដល់​ការ​បន្ត​ពូជ​របស់​ពពួក​មច្ឆជាតិ

អាជ្ញាធរខេត្ត​បាត់ដំបង ​ប្រាប់​ពលរដ្ឋ​ឱ្យមាន​ការប្រុងប្រយ័ត្ន​ ខណៈ​ទឹក​កំពុង​ហក់​ឡើង​

ឯកឧត្តម ហ៊ុន ម៉ា​នី ចុះ​ពិនិត្យមើល​ផល​លំបាក​លើ​គ្រឹះស្ថានសិក្សា​នៅ​បាត់ដំបង

នគរ​ត្រូវ​មាន​ស្មារតី​ប្រុងប្រយ័ត្ន​ខ្ពស់​ជាប់​ជានិច្ច​ ចំពោះ​ឧបាយកល​សកម្មភាព​របស់​ក្រុម​អមិ

មន្ទីរ​ពេទ្យបង្អែក​ខេត្ត​គ្រប់​ខេត្ត ជា​គោលដៅនៃ​ការ​កសាង​អាគារ​សម្រាក​ព្យាបាល​អ្នក​ជំងឺ

អាជ្ញាធរ ​ត្រូវ​ហាមឃាត់​រាល់​ការសាងសង់​លំនៅឋាន ​ឬ ​សំណង់​ផ្សេងៗ​ នៅ​លើ​ដី​ចំណីផ្លូវ​ឬ​ខ្នង​ប្រឡាយ​ទឹក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មន្ត្រីជំនាញ ៖ ទឹកទន្លេហក់ឡើងយឺត នឹងធ្វើឱ្យប៉ះពាល់ដល់ការបន្តពូជរបស់ពពួកមច្ឆជាតិ

អាជ្ញាធរខេត្តបាត់ដំបង ប្រាប់ពលរដ្ឋឱ្យមានការប្រុងប្រយ័ត្ន ខណៈទឹកកំពុងហក់ឡើង

ឯកឧត្តម ហ៊ុន ម៉ានី ចុះពិនិត្យមើលផលលំបាកលើគ្រឹះស្ថានសិក្សានៅបាត់ដំបង

នគរត្រូវមានស្មារតីប្រុងប្រយ័ត្នខ្ពស់ជាប់ជានិច្ច ចំពោះឧបាយកលសកម្មភាពរបស់ក្រុមអមិ

មន្ទីរពេទ្យបង្អែកខេត្តគ្រប់ខេត្ត ជាគោលដៅនៃការកសាងអាគារសម្រាកព្យាបាលអ្នកជំងឺ

អាជ្ញាធរ ត្រូវហាមឃាត់រាល់ការសាងសង់លំនៅឋាន ឬ សំណង់ផ្សេងៗ នៅលើដីចំណីផ្លូវឬខ្នងប្រឡាយទឹក