BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

មេនគរបាលការពារព្រំដែន អំពាវនាវដល់ប្រជាពលរដ្ឋកុំឲ្យលួចឆ្លងដែនខុសច្បាប់ទៅប្រទេសគេបន្តទៀត

ភ្នំពេញ ៖ ប្រធាននាយកដ្ឋាននគរបាលការពារព្រំដែន ឧត្តមសេនីយ៍ឯក លៀង ភារម្យ បានធ្វើការអំពាវនាវដល់បងប្អូនប្រជាពលរដ្ឋខ្មែរទាំងអស់ គប្បីកុំលួចឆ្លងដែនខុសច្បាប់ ទៅប្រទេសថៃបន្តទៀត ខណៈការលួចឆ្លងដោយប្រថុយប្រថាននេះ វានឹងប្រឈមគ្រោះថ្នាក់ជាច្រើន ដោយយថាហេតុណាមួយនោះ។នៅក្នុងកិច្ចសម្ភាសន៍ជាមួយអ្នកសារព័ត៌មានបន្ទាប់ពីប្រជុំបូកសរុបលទ្ធផលការងារ ប្រចាំខែកញ្ញា និងលើកទិសដៅការងារអនុវត្ត សម្រាប់ខែតុលា ឆ្នាំ២០២០នេះ នៅនាយកដ្ឋាននគរបាលការពារព្រំដែន ដែលស្ថិតនៅសង្កាត់ព្រែកឯក ខណ្ឌច្បារអំពៅ រាជធានីភ្នំពេញ នាព្រឹកថ្ងៃទី២៨ ខែកញ្ញា ឆ្នាំ២០២០ នេះ ឯកឧត្តមឧត្តមសេនីយ៍ឯក លៀង ភារម្យ បានលើកឡើងថា នគរបាលការពារព្រំដែន គ្រប់ច្រកទាំងអស់តែងតែធ្វើការឃាត់ខ្លួន និងអប់រំជាច្រើនលើកច្រើនសារមកហើយ ដល់បងប្អូនប្រជាពលរដ្ឋខ្មែរយើង ដែលបានលួចឆ្លងដែនខុសច្បាប់នោះ។ ប៉ុន្តែពួកគាត់មួយចំនួនទៀតនៅតែបន្តលួចឆ្លងដែនដោយខុសច្បាប់ដដែលតាមរយៈមេខ្យល់ ដោយមិនខ្លាចជាន់មីន ខ្លាចឆ្លងនូវជំងឺផ្សេងៗ និងមិនខ្លាចអាជ្ញាធរថៃ ចាប់ខ្លួនជាដើម។ទាក់ទងនឹងបញ្ហាតាមបណ្តោយព្រំដែនកម្ពុជា និងប្រទេសជិតខាងនេះដែរ ឯកឧត្តមឧត្តមសេនីយ៍ឯក លៀង ភារម្យ ក៏បានលើកឡើងផងដែរថា នាពេលបច្ចុប្បន្ននេះ តាមបណ្តោយព្រំដែនរបស់កម្ពុជាមានសភាពស្ងប់ស្ងាត់ពុំមានករណីអ្វីធំដុំនោះទេ ក្រៅពីប្រទាក់ក្រឡាគ្នាមួយចំនួនលើតំបន់មិនទាន់បានឯកភាពគ្នា។ ប៉ុន្តែទោះជាយ៉ាងនេះក្តី ករណីនេះ ត្រូវបានថ្នាក់លើកំពុងដោះស្រាយគ្នាដោយសន្តិវិធី និងមិនមានការផ្ទុះអាវុធដាក់គ្នានោះឡើយ។សូមបញ្ជាក់ថា នៅក្នុងកិច្ចប្រជុំប្រចាំខែនោះ ឧត្តមសេនីយ៍ លៀង ភារម្យ ក៏បានអំពាវនាវដល់បងប្អូននគរបាលការពារព្រំដែនទាំងអស់បន្តយកចិត្តទុកដាក់អនុវត្តន៍ឲ្យបានខ្ជាប់ខ្ជួនបន្ថែមទៀតផងដែរ នូវ វិធានការការពារមេរោគកូវីដ១៩ និងមេរោគផ្សេងៗទៀត ស្របទៅតាមការណែនាំរបស់រាជរដ្ឋាភិបាល និងក្រសួងសុខាភិបាល ហើយមួយវិញទៀតក៏ត្រូវប្រុងព្រៀបជាប់និច្ចក្នុងកិច្ចការពារបូរណភាពទឹកដី និងសន្តិសុខសណ្តាប់ធ្នាប់ នៅតាមខ្សែបណ្តោយព្រំដែនជាមួយប្រទេសជិតខាងឲ្យបានល្អប្រកបដោយសន្តិវិធីផងដែរ៕

ព័ត៌មាន ជាតិនយោបាយ និង ការអភិវឌ្ឍន៍ យោធិននៃកងពលតូចថ្មើរជើងលេខ៥១ ចុះជួយច្រូតស្រូវប្រជាពលរដ្ឋរងគ្រោះដោយទឹកជំនន់ នៅស្រុកមង្គលបូរី

បន្ទាយមានជ័យ ៖ ដោយមានការសំណូមពរពីប្រជាពលរដ្ឋ និងអាជ្ញាធរនៅក្នុងមូលដ្ឋាន ករណីទឹកជំនន់ទឹកភ្លៀង ដែលបានហូរធ្លាក់ពីខាងលើ ពីខេត្តបាត់ដំបង និងពីស្រុកម៉ាឡៃ ខេត្តបន្ទាយមានជ័យ បានបណ្តាលអោយលិចស្រូវប្រាំងរបស់ប្រជាពលរដ្ឋប្រមាណ៥០ហិកតា ស្ថិតនៅភូមិក្រមុល និងភូមិ ចកលិច ឃុំ រហាត់ទឹក ស្រុកមង្គលបូរី ខេត្តបន្ទាយមានជ័យ។លោកវរសេនីយ៍ឯក សឹង្ហ ទុំ មេបញ្ជាការកងពលតូចថ្មើរជើងលេខ៥១ យោធភូមិភាគទី៥ បានអញ្ជើញចុះត្រួតពិនិត្យ ស្ថានភាពដោយផ្ទាល់ និងបានចាត់តាំងកម្លាំងចំនួន៥០០នាក់ សហការជាមួយអាជ្ញាធរមូលដ្ឋាន ចុះជួយច្រូតស្រូវដែលលិចទឹកជូនប្រជាពលរដ្ឋ។នៅក្នុងប្រតិបត្តិការនោះ មេបញ្ជាការ កងពលតូចថ្មើរជើងលេខ៥១ បានក្រើនរំលឹក ដល់ប្រជាពលរដ្ឋត្រូវមានការប្រុងប្រយ័ត្នឱ្យបានខ្ពស់ បំផុត ជាពិសេស គឺរឿងទឹកជំនន់ដោយសារទឹកភ្លៀងនេះ ដែលអាចនឹងបំផ្លិចបំផ្លាញ ទ្រព្យសម្បត្តិ និង ផលដំណាំ ខ្ទេចគ្មានសល់អ្វីឡើយបើយើងធ្វេសប្រហែស។ប្រជាពលរដ្ឋពិតជាមានការសប្បាយរីករាយ ដោយបានឃើញកងកម្លាំងចុះជួយទាន់ពេលវេលា ដែលអាចឱ្យពួកគាត់មានលទ្ធភាពគ្រប់គ្រាន់ក្នុងការ ប្រមូលផលទុកសម្រាប់ហូបផង លក់ខ្លះបានថវិកាសម្រាប់ ធ្វើឡើងវិញពេលទឹកជំនន់ស្រកចុះ។ឆ្លៀតក្នុងឱកាសនោះដែរប្រជាពលរដ្ឋ និងអាជ្ញាធរមូលដ្ឋានក៏បានថ្លែងអំណរគុណជូនចំពោះ ឯកឧត្តម មេបញ្ជាការ កងទ័ពជើងគោក មេបញ្ជាការយោធភូមិភាគទី៥ និងមេបញ្ជាការកងពល ដែលតែងតែយកចិត្តទុកដាក់ចាត់តាំងកម្លាំងចុះជួយប្រជាពលរដ្ឋរងគ្រោះដោយធម្មជាតិផ្សេងៗគ្រប់កាលទេសៈ ស័ក្តិសមជាកងទ័ពសម័យតេជោសន្តិភាពពិតប្រាកដមែន៕

ប្រធានក្រុមការងារចុះជួយសង្កាត់កោះដាច់ ជំរុញពលរដ្ឋឱ្យទៅពិនិត្យមើលឈ្មោះបោះឆ្នោត

ភ្នំពេញ ៖ ប្រធានក្រុមការងារចុះជួយសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ បានជំរុញដល់ ពលរដ្ឋដែលធ្លាប់បានបោះឆ្នោត ឱ្យទៅពិនិត្យឈ្មោះបោះឆ្នោតដែលបិទផ្សាយដោយគណៈកម្មាធិការជាតិ រៀបចំការបោះឆ្នោត ហើយចំពោះអ្នកដែលទើបគ្រប់អាយុបោះឆ្នោត ឱ្យទៅចុះឈ្មោះបោះឆ្នោតឱ្យបាន គ្រប់ៗគ្នា សម្រាប់តៀមចូលរួមបោះឆ្នោតសំខាន់ៗ នាពេលខាងមុខ ដែលរួមមាន ការបោះឆ្នោតជ្រើសក្រុម ប្រឹក្សាឃុំ សង្កាត់ និងការបោះឆ្នោតជ្រើសតាំងតំណាងរាស្ត្រជាដើម។ឯកឧត្តម ណុប ចាន់ណារិន រដ្ឋលេខាធិការក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារចុះជួយសង្កាត់កោះដាច់ ខណ្ឌជ្រោយចង្វារ ក្នុងពិធីចែកជូនប័ណ្ណសមធម៌ ឬ ប័ណ្ណក្រីក្រ (ក្រ១) និង (ក្រ២) ជូនពលរដ្ឋក្រីក្រចំនួន ៤០គ្រួសារក្នុងសង្កាត់កោះដាច់ ខណ្ឌជ្រោយចង្វារ បានមានប្រសាសន៍ថា សម្រាប់ការបោះឆ្នោតមានសារសំខាន់ណាស់នៅក្នុងប្រទេសប្រជាធិបតេយ្យ ដែល ជារបបផ្តល់អំណាចជាធំទៅឱ្យប្រជាពលរដ្ឋដែលជាម្ចាស់ឆ្នោត ដូច្នេះពលរដ្ឋត្រូវអនុវត្តនូវសិទ្ធិរបស់ខ្លួន ក្នុងការជ្រើសរើសអ្នកតំណាងឱ្យមកបំរើដល់ពលរដ្ឋ ហើយថា ដើម្បីអាចបោះឆ្នោតបាន អ្នក បោះ ឆ្នោត ត្រូវមានឈ្មោះនៅក្នុងបញ្ជីអ្នកបោះឆ្នោតរបស់គណៈកម្មាធិការជាតិរៀបចំការបោះឆ្នោត ជាការចាំបាច់។ ហេតុដូចនេះហើយចំពោះបងប្អូនដែលធា្លប់បានបោះឆ្នោតកន្លងទៅៗ សូមទៅពិនិត្យមើល ឈ្មោះរបស់ ខ្លួនដែលបានបិទផ្សាយដោយគណៈកម្មាធិការជាតិរៀបចំការបោះឆ្នោតនៅតាមមូលដ្ឋាន របស់ខ្លួន ហើយ ចំពោះអ្នកទើបគ្រប់អាយុបោះឆ្នោត សូមទៅចុះឈ្មោះបោះឆ្នោតឱ្យបានគ្រប់ៗគ្នា ដើម្បីអាចចូលរួម សម្រេចជោគវាសនារបស់ជាតិតាមរយៈសន្លឹកឆ្នោតដ៏មានតម្លៃមួយសន្លឹករបស់បងប្អូន។ចំពោះការចែកប័ណ្ណក្រីក្រជូនពលរដ្ឋ ឯកឧត្តម ណុប ចាន់ណារិន មានប្រសាសន៍ថា ក្នុងន័យ ជួយសម្រាលការខ្វះខាតរបស់ពលរដ្ឋក្រីក្រនៅក្នុងអំឡុងពេលនៃវិបត្តិជំងឺកូវីដ១៩នេះ រាជរដ្ឋាភិបាល បាន បញ្ចេញកញ្ចប់ថវិកាមួយដើម្បីចែកជូនដល់អ្នកខ្វះខាតពិតប្រាកដជាប្រចាំខែ ដោយចំនួនថវិកាដែល ទទួលបានគឺទៅតាមកម្រិតនៃភាពក្រីក្រ ហើយទាក់ទងទៅ នឹងបញ្ហាជំងឺកូវីដ១៩នេះដែរ ឯកឧត្តមប្រធាន ក្រុមការងារចុះជួយសង្កាត់កោះដាច់បានអំពាវនាវដល់ពលរដ្ឋឱ្យបន្តការប្រុងប្រយ័ត្នចំពោះជំងឺនេះ ដោយ ត្រូវបន្តអនុវត្តតាមការណែនាំរបស់ក្រសួងសុខាភិបាល។នៅក្នុងឱកាសនោះដែរ ឯកឧត្តម ឧកញ៉ា សំ ប៊ន ទីប្រឹក្សាសម្តេចក្រឡាហោម ស ខេង បានរំលឹក ដល់ពលរដ្ឋឱ្យបន្តរក្សាជីវិតនៃសុខសន្តិភាព ដោយមិនត្រូវចូល រួមក្នុងសកម្មភាព បំផ្លិចបំផ្លាញ សន្តិភាព របស់ក្រុមជ្រុលនិយមឡើយ ដោយឯកឧត្តម បានគូសបញ្ជាក់ថា សន្តិភាពដែលយើងមានដូចសព្វថ្ងៃនេះ គឺរកមកបានដោយលំបាកណាស់ នយោបាយ ឈ្នះ ឈ្នះ របស់សម្តេចតេជោ ទើបអាចពន្លត់ភ្លើង សង្គ្រាម ដ៏រ៉ាំរ៉ៃជាច្រើនឆ្នាំនៅកម្ពុជាបាន។ ដូច្នេះ សន្តិភាពមិនគួរត្រូវបាន បំផ្លិចបំផ្លាញជាដាច់ខាត ផ្ទុយទៅវិញ គឺត្រូវ តែមានការការពារឱ្យនៅជាប់ជានិរន្តរ ដើម្បីអាចឱ្យយើង កសាងប្រទេសជាតិ មានការរីក ចំរើន បន្ថែមទៀត៕

សម្ដេចកិត្តិព្រឹទ្ធបណ្ឌិត ថ្លែងអំណរព្រះរាជគុណព្រះមហាក្សត្រ សព្វព្រះរាជហឫទ័យប្រោសព្រះរាជូបត្ថម្ភព្រះរាជទ្រព្យ ១,០០០ដុល្លារ ដល់កាកបាទក្រហមកម្ពុជា សម្រាប់ខែកញ្

ភ្នំពេញ ៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នៅថ្ងៃទី២៨ ខែកញ្ញា ឆ្នាំ២០២០នេះ បានទូលថ្វាយនូវសារលិខិតថ្លែងអំណរព្រះរាជគុណថ្វាយចំពោះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វព្រះរាជហឫទ័យប្រោសព្រះរាជូបត្ថម្ភ នូវព្រះរាជទ្រព្យចំនួន១ពាន់ដុល្លារ ចំពោះកាកបាទក្រហមកម្ពុជា សម្រាប់ខែកញ្ញា ឆ្នាំ២០២០។ក្នុងសារលិខិតនោះមានខ្លឹមសារថា៖ «ខ្ញុំម្ចាស់ ព្រមទាំងសហការីទាំងអស់នៃកាកបាទក្រហមកម្ពុជា មានសេចក្ដីរីករាយឥតឧបមា ដោយបានទទួលនូវព្រះរាជទ្រព្យចំនួន ១,០០០ដុល្លារ (មួយពាន់ដុល្លារអាមេរិក) អំពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជូបត្ថម្ភ ចំពោះកាកបាទក្រហមកម្ពុជា សម្រាប់ខែកញ្ញា ឆ្នាំ២០២០ តាមរយៈ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង»។ក្នុងនាមថ្នាក់ដឹកនាំ សមាជិក សមាជិកា មន្ត្រី និងបុគ្គលិកទាំងអស់នៃកាកបាទក្រហមកម្ពុជា «ខ្ញុំម្ចាស់ សូមព្រះបរមរាជានុញ្ញាតដ៏ខ្ពង់ខ្ពស់ ក្រាបបង្គំទូលថ្វាយអំណរព្រះរាជគុណដ៏ខ្ពង់ខ្ពស់បំផុត ថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ចំពោះព្រះរាជទានព្រះរាជទ្រព្យនេះ ដើម្បីទ្រទ្រង់សកម្មភាពមនុស្សធម៌របស់កាកបាទក្រហមកម្ពុជា សម្រាប់ជួយសង្គ្រោះប្រជារាស្ត្រកម្ពុជាក្រីក្រទទួលរងគ្រោះដោយគ្រោះមហន្តរាយផ្សេងៗ»។ក្នុងសារលិខិតនោះ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្លែងបន្ដថា «ខ្ញុំម្ចាស់ សូមបួងសួងគុណបុណ្យព្រះរតនត្រ័យ តេជៈបារមីនៃវត្ថុស័ក្ដិសិទ្ធិនានាក្នុងលោក ព្រះបារមីទេវតារក្សាព្រះមហាស្វេតច្ឆត្រ និងព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមព្រះមេត្តាប្រោសព្រះរាជទានព្រះពរជ័យបវរមហាប្រសើរ ថ្វាយចំពោះ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គប្រកបដោយព្រះបរមសុខគ្រប់ប្រការ គង់ប្រថាប់ក្នុងព្រះមហាសិរីរាជសម្បត្តិជាម្លប់ដ៏ត្រជាក់ត្រជុំសម្រាប់ប្រជារាស្ត្រកម្ពុជា ជ្រកកោនតរៀងទៅ»៕

របាយការណ៍៖ លោកTrump មិនបានបង់ពន្ធលើប្រាក់ចំណូលរយៈពេល ១០ឆ្នាំក្នុងរយៈពេល ១៥ឆ្នាំចុងក្រោយ

អាមេរិក៖ ប្រធានាធិបតីអាមេរិកលោក Donald Trump បានបង់ពន្ធប្រាក់ចំណូលសហព័ន្ធត្រឹមតែ ៧៥០ ដុល្លារក្នុងឆ្នាំ២០១៦ ជាឆ្នាំដែលលោកបានឈ្នះការបោះឆ្នោត នេះបើយោងតាមការចុះផ្សាយរបស់កាសែតញូវយ៉កថែមស៍ (The New York Times) កាលពីថ្ងៃអាទិត្យទី២៧ ខែកញ្ញាដោយដកស្រង់ទិន្នន័យប្រមូលពន្ធដែលមានរយៈពេលជាង ២០ ឆ្នាំ។របាយការណ៍នោះ បានបន្ថែមទៀតថា លោកក៏បានចំណាយត្រឹមតែ ៧៥០ដុល្លារអាមេរិកផងដែរ ក្នុងឆ្នាំដំបូងរបស់លោកនៅសេតវិមានហើយលោកពុំបានបង់ពន្ធលើប្រាក់ចំណូលអ្វីទាំងអស់ក្នុងរយៈពេល ១០នៃរយៈពេល១៥ឆ្នាំមុន ព្រោះលោកបានរាយការណ៍ថាបានខាតបង់ប្រាក់ច្រើនជាងអ្វីដែលលោករកបាន។ភ្លាមៗនោះលោក Trump បានច្រានចោលរបាយការណ៍នេះដោយហៅថា របាយការណ៍របស់សារព័ត៌មានThe New York Times ថាជាព័ត៌មានក្លែងក្លាយទាំងស្រុង។ លោកនិយាយថា ដំបូងឡើយលោកបានចំណាយយ៉ាងច្រើនហើយលោកបានបង់ពន្ធលើប្រាក់ចំណូលរបស់រដ្ឋជាច្រើនផងដែរ។ការថ្លែងរបស់លោកត្រាំ ធ្វើឡើងក្នុងអំឡុងសន្និសីទសារព័ត៌មាននៅឯសេតវិមានកាលពីល្ងាចថ្ងៃអាទិត្យ ជាទីដែលលោកបានអះអាងផងដែរថា លោកបានបង់ពន្ធហើយ ប៉ុន្តែពុំបានបញ្ជាក់ពីព័ត៌មានលម្អិតទេ៕

អង្គការ WHO៖ អាហ្វ្រិកមានចំណេះត្រូវបង្រៀនពិភពលោកពីភាពធន់នឹងជំងឺ COVID-19

ស្វីស៖ អង្គការសុខភាពពិភពលោក(WHO) បាននិយាយថា អាហ្វ្រិកបានរាយការណ៍ករណីឆ្លង និងស្លាប់ដោយសារជំងឺCOVID-19 ទាបជាងគេបំផុត នៅលើពិភពលោក ហើយការព្រួយបារម្ភពីការរីករាលដាលឆ្លងសកល អាចនឹងបំផ្លិចបំផ្លាញទ្វីបមួយនេះ ដែលគិតមកទល់នឹងពេលនេះ ជំងឺមួយនេះ មិនទាន់សម្រេចចេញជារូបរាងនៅឡើយទេ ដោយសារតែភាគច្រើន នៃពលរដ្ឋរបស់ពួកគេ នៅក្មេង។គួរឲ្យដឹងថា ៥០ភាគរយ នៃប្រជាជននៅអាហ្វ្រិក គឺជាយុវជន ដែលអាចធន់នឹងជំងឺ COVID-19។ ទោះបីជាយ៉ាងណាក៏ដោយ ប្រធានគ្រាអាសន្ននៃទីភ្នាក់ងារសុខភាពអង្គការសហប្រជាជាតិមួយនេះ បានធ្វើការព្រមានថា អាហ្វ្រិកត្រូវការការពារ ដោយសារលោក កត់សំគាល់ឃើញថា ជំងឺ COVID-19មាននូវផលប៉ះពាល់ផ្សេងៗគ្នា នៅទូទាំងប្រទេសទាំង ៥៥ប្រទេស នៅក្នុងទ្វីបមួយនេះ។លោកវេជ្ជបណ្ឌិត ម៉ៃឃើល រ៉ាយអ៊ិន គឺជាប្រធានគ្រាអាសន្នអង្គការសុខភាពពិភពលោក បាននិយាយថា លោកពេញចិត្តទីកន្លែងដូចជានៅប្រទេសអាហ្វ្រិកខាងត្បូង ដែលអាចគ្រប់គ្រងជំងឺមួយនេះបាន ហើយពួកយើងមិនបានមើលឃើញផលប៉ះពាល់ធ្ងន់ធ្ងរនោះទេ ហើយអាហ្វ្រិក មានអត្ថប្រយោជន៍ពីលក្ខណៈប្រជាសាស្ត្ររបស់ពួកគេផងដែរ។លោករ៉ាយអ៊ិន បានកើតសរសើរដល់ការងាររបស់ទីភ្នាក់ងារមនុស្សធម៌ និងរដ្ឋាភិបាលនៅអាហ្វ្រិក សម្រាប់ការងារដែលពួកគេបានធ្វើ ដើម្បីការពារពលរដ្ឋងាយរងគ្រោះ ដែលរួមទាំងអ្នកមានផ្ទុកជំងឺអេដស៍ និងជនភៀសខ្លួន៕ អត្ថបទ៖ សារ៉ាត់

ចិន គ្រោងនឹងផលិតវ៉ាក់សាំងបង្ការជំងឺ COVID-19ចំនួន១ពាន់លានដូសក្នុងឆ្នាំ២០២១

ចិន៖ មន្ត្រីសុខភាពចិន បាននិយាយកាលពីថ្ងៃសុក្រសប្ដាហ៍មុនថា ខ្លួនមានសមត្ថភាពផលិតប្រចាំឆ្នាំនូវវ៉ាក់សាំងបង្ការជំងឺ COVID-19ចំនួន ១ពាន់លានដូស នៅឆ្នាំ២០២១ខាងមុខ បន្ទាប់ពីមានកម្មវិធីទ្រទ្រង់របស់រដ្ឋាភិបាល សម្រាប់ការសាងសង់រោងចក្រថ្មីៗជាច្រើនកន្លែង។លោក ចេង ចុងវ៉ៃ គឺជាមន្ត្រីមកពីគណៈកម្មការសុខភាពជាតិចិន បាននិយាយថា យើងមានសមត្ថភាពផលិតវ៉ាក់សាំងបង្ការជំងឺ COVID-19ចំនួន ៦១០លានដូស នៅដំណាច់ឆ្នាំនេះ។លោកបាននិយាយនៅក្នុងសន្និសីទសារព័ត៌មានថា នៅឆ្នាំក្រោយយើងមានសមត្ថភាពផលិតប្រចាំឆ្នាំរហូតជាង ១ពាន់លានដូស។ខណៈពេលនោះដែរ ក្រុមហ៊ុនឱសថខ្នាតយក្ស Pfizer និង Moderna របស់អាមេរិក គ្រោងនឹង ផលិតវ៉ាក់សាំងបង្ការជំងឺ COVID-19ចំនួន ១ពាន់លានដូសផងដែរ ក្នុងឆ្នាំ ២០២១។លោកចេង បាននិយាយទៀតថា ការចែកចាយវ៉ាក់សាំងទាំងនេះ នឹងផ្តល់អាទិភាពដល់ក្រុមការងារនៅខ្សែបន្ទាត់មុខ ដូចជាក្រុមការងារសុខភាព បុគ្គលិកតាមព្រំដែន និងមនុស្សចាស់ មុនពេលដែលយើងអាចផលិតបានសម្រាប់សាធារណជន។សូមបញ្ជាក់ថា រដ្ឋាភិបាលចិន បានលើកកម្ពស់ការសាងសង់ទីតាំងធ្វើតេស្តវ៉ាក់សាំង និងរោងចក្រផលិតវ៉ាក់សាំងបង្ការជំងឺ COVID-19 ហើយបច្ចុប្បន្ន ពួកគេមានគំរូវ៉ាក់សាំង ៩ប្រភេទរួចហើយដែលកំពុងសាកល្បងលើមនុស្ស ក្នុងនោះ វ៉ាក់សាំង ៤ប្រភេទ កំពុងសាកល្បងនៅដំណាក់កាលទី៣ និងដំណាក់កាលផ្តាច់ព្រ័ត្រ៕

នាយករដ្ឋមន្ត្រីឥណ្ឌា សន្យាថានឹងជួយពិភពលោក ក្នុងការផលិតវ៉ាក់សាំងបង្ការជំងឺ COVID-19

ឥណ្ឌា៖ នាយករដ្ឋមន្ត្រីឥណ្ឌា លោកណារ៉េនដ្រា ម៉ូឌី បានសន្យាថា ប្រទេសរបស់លោកនឹងជួយពិភពលោកក្នុងការផលិត និងចែកចាយវ៉ាក់សាំងបង្ការជំងឺ COVID-19 ស្របពេលដែលលោកមិនបាននិយាយអ្វីនោះទេ នៅក្នុងសុន្ទរកថា មហាសន្និបាតអង្គការសហប្រជាជាតិ(UN) របស់លោក កាលពីថ្ងៃសៅរ៍ ពាក់ព័ន្ធនឹងករណីស្លាប់ខ្ពស់នៅក្នុងប្រទេសរបស់លោក ដោយសារតែជំងឺដ៏កាចសាហាវនេះ។អនុសាសន៍របស់លោកម៉ូឌី ដែលបានថតទុកមុនដោយសារកិច្ចប្រជុំធ្វើឡើងតាម Video Conference នោះ បាននិយាយផងដែរថា គ្មាននោះទេភាពតានតឹងកើនឡើងជាមួយប្រទេសជិតខាង ប៉ាគីស្ថាន ដែលនាយករដ្ឋមន្ត្រីរបស់ពួកគេ គឺលោក អ៊ីមរ៉ាន់ ខាន់ បាននិយាយនៅក្នុងសុន្ទកថារបស់លោកកាលពីថ្ងៃសុក្រ ដោយរិះគន់ខ្លាំងៗមកលើឥណ្ឌា ជាហេតុធ្វើឲ្យមានការប៉ះទង្គិចពាក្យសម្តីគ្នារវាងមន្ត្រីការទូតប្រទេសទាំង២ នៅក្នុងសាលប្រជុំមហាសន្និបាត។ទោះបីជាយ៉ាងណាក៏ដោយ លោកម៉ូឌី មិនបានពិភាក្សានោះទេពាក់ព័ន្ធនឹងជម្លោះរបស់ឥណ្ឌាជាមួយចិន លើតំបន់ព្រំដែនឡាដាក់ ជាកន្លែងដែលមានភាពទាល់ច្រកអស់រយៈពេលជាច្រើនខែមកហើយ ក្រោយពីមានការប៉ះទង្គិចគ្នាដោយហិង្សាបណ្តាលឲ្យមនុស្សស្លាប់មនុស្សច្រើនបំផុតរវាងភាគីទាំង២ ក្នុងរយៈពេលជាច្រើនទសវត្សរ៍កន្លងមកនេះ៕ អត្ថបទ៖ សារ៉ាត់

សិស្សវិទ្យាល័យ ជា ស៊ីម សាមគ្គី និងទួលទំពូង ឡើងទៅវគ្គផ្ដាច់ព្រ័ត្រ ក្នុងការប្រកួតជជែកដេញដោលថ្នាក់ជាតិ

ភ្នំពេញ៖ បន្ទាប់ពីឆ្លងកាត់ការប្រកួតប្រជែងជាច្រើនវគ្គមកនេះ ក្រុមសិស្សនៃវិទ្យាល័យ ជា ស៊ីមសាមគ្គី និងក្រុមសិស្សមកពីវិទ្យាល័យ ទួលទំពូង បានជាប់វគ្គពាក់កណ្ដាលផ្ដាច់ព្រ័ត្រ ក្នុងការប្រកួតជជែកដេញដោលថ្នាក់ជាតិ។ ក្រុមទាំងពីរនឹងត្រូវចូលរួមប្រកួតវគ្គផ្ដាច់ព្រ័ត្រយកជើកឯក នៅខែតុលាឆ្នាំ ២០២០ខាងមុខ។ជុំវិញការប្រកួតជជែកដេញដោលថ្នាក់ជាតិឆ្នាំ ២០២១ ដែលរៀបចំឡើងដោយក្រសួង អប់រំ នាពេលនេះ បានរកឃើញក្រុមសិស្សមកពីវិទ្យាល័យចំនួន ២ដើម្បីចូលរួមវគ្គផ្ដាច់ព្រ័ត្រដែលនឹងធ្វើឡើងនៅថ្ងៃទិ ២៤ ខែតុលាខាងមុខ។ សម្រាប់ក្រុមដែលនឹងចូលរួមប្រកួតវគ្គផ្ដាច់ព្រ័តខាងមុខនេះ គឺមកពីវិទ្យាល័យ ជា ស៊ីម សាមគ្គី និងសិស្សមកពិវិទ្យាល័យទួលទំពូង។ការរៀបចំការប្រកួតជជែកដេញដោលថ្នាក់ជាតិនេះ គឺធ្វើឡើង ដើម្បីឆ្លើយតបតាមគោលនយោបាយ ស្ដីពីការអភិវឌ្ឍយុវជនកម្ពុជា និងកំណែទម្រង់ស៊ីជម្រៅរបស់ក្រសួងអប់រំ យុវជន និងកីឡា ដោយកំណត់យកសិស្សថ្នាក់ទី១១ តាមគ្រឹះស្ថានអប់រំរដ្ឋនិងឯកជន នៅរាជធានីភ្នំពេញជាគោលដៅអាទិភាព។ ការប្រកួតជជែកដេញដោលថ្នាក់ជាតិនេះ ធ្វើឡើងក្នុងគោលបំណង បណ្តុះបណ្តាលយុវជន ឱ្យចេះប្រើប្រាស់នូវវប្បធម៌សន្ទនាតាមរយៈការជជែកដេញដោលក្នុងការរួមចំណែក ដោះស្រាយបញ្ហាជាតិ ឬបញ្ហាផ្សេងៗ ដែលពួកគេជួបប្រទះ។ហើយកម្មវិធីនេះ ក៏នឹងចូលរួម កសាងសមត្ថភាពយុវជនឱ្យមានភាពក្លាហាន ចេះប្រើប្រាស់សិទ្ធិស្របច្បាប់ប្រកបដោយភាពឈ្លាសវៃក្នុងការបញ្ចេញមតិដើម្បីទទួលបាននូវផ្លែផ្កាជាវិជ្ជមានជូនសង្គម។លើសពីនេះ ក៏ជួយពង្រឹងជំនាញនៃការត្រិះរិះពិចារណា ការសិក្សាស្រាវជ្រាវ ការចែករំលែកគំនិត ការទាក់ទាញការគាំទ្រ ជំនាញក្នុងការនិយាយសាធារណៈ និងផ្តល់ឱកាសឱ្យយុវជនបញ្ចេញគំនិតយោបល់ បង្ហាញសមត្ថភាព និងទេពកោសល្យជាសាធារណៈក្នុងការជជែកដេញដោលក្នុងសមរភូមិគំនិត នៃសង្គមពុទ្ធិ ដើម្បីស្វែងរកនូវសុខដុមនីយកម្មសម្រាប់ទាំងអស់គ្នា។ម្យ៉ាងវិញទៀត ការប្រកួតជជែកដេញដោលថ្នាក់ជាតិនេះ ក៏បានបង្កើនបណ្តាញទំនាក់ទំនងល្អរវាងយុវជននិងយុវជន ដើម្បីផ្លាស់ប្តូរបទពិសោធន៍គ្នាក្នុងតម្លៃមិត្តភាពផង និងពង្រីកធនធានយុវជន ដើម្បីអាចអភិវឌ្ឍខ្លួនក្លាយជាមូលធនមនុស្សសម្រាប់ជាតិកម្ពុជា៕ អត្ថបទ៖ គឹម ហុក

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ

ភ្នំពេញ៖ ទេសាភិបាលធនាគារជាតិនៃកម្ពុជា ថ្លែងឲ្យដឹងថា កំណើនតម្រូវការប្រាក់រៀល ត្រូវបានគាំទ្រជាចម្បងដោយកំណើនជំនឿទុកចិត្តរបស់សាធារណជន ដែលទទួលបានជាចម្បងពីសន្តិភាព និងស្ថិរភាពម៉ាក្រូសេដ្ឋកិច្ច និងហិរញ្ញវត្ថុ ជាក់ស្តែងរយៈពេល ២០ឆ្នាំចុងក្រោយនេះ តម្រូវការប្រាក់រៀល បានកើនឡើងជាមធ្យមប្រមាណ ១៦% ក្នុងមួយឆ្នាំៗ។ឯកឧត្តម ជា ចាន់តូ ទេសាភិបាលធនាគារជាតិ នៃកម្ពុជា ថ្លែងលើកឡើងក្នុងឱកាសប្រារព្ធខួបអនុស្សាវរីយ៍លើកទី ៤០ នៃការបង្កើតប្រាក់រៀលឡើងវិញ នៅថ្ងៃទី២៨ ខែកញ្ញា ឆ្នាំ២០២០ នេះថា ប្រាក់រៀលមានសារៈសំខាន់នៅក្នុងសេដ្ឋកិច្ច ចាប់តាំងពីដើមទសវត្សរ៍ឆ្នាំ២០០០មក ក្នុងនោះរាជរដ្ឋាភិបាលបានកំណត់គោលនយោបាយលើកកម្ពស់ប្រាក់រៀលជាអាទិភាពសំខាន់មួយ នៅក្នុងយុទ្ធសាស្ត្រអភិវឌ្ឍន៍វិស័យហិរញ្ញវត្ថុ ដើម្បីជំរុញការអភិវឌ្ឍវិស័យធនាគារនិងហិរញ្ញវត្ថុ និងពង្រឹងភាពធន់នៃសេដ្ឋកិច្ច។វិធានការដែលបានអនុវត្ត បានជួយរួមចំណែកលើកកម្ពស់ការប្រើប្រាស់ប្រាក់រៀលជាលំដាប់ ជាក់ស្ដែងរយៈពេល ២០ឆ្នាំចុងក្រោយនេះ តម្រូវការប្រាក់រៀល បានកើនឡើងជាមធ្យមប្រមាណ ១៦% ក្នុងមួយឆ្នាំៗ។ កំណើនតម្រូវការប្រាក់រៀល ត្រូវបានគាំទ្រជាចម្បងដោយកំណើនជំនឿទុកចិត្តរបស់សាធារណជន ដែលទទួលបានជាចម្បងពីសន្តិភាព និងស្ថិរភាពម៉ាក្រូសេដ្ឋកិច្ចនិងហិរញ្ញវត្ថុ។ជាក់ស្តែងសេដ្ឋកិច្ចកម្ពុជាមានកំណើនជាមធ្យមប្រមាណ ៧,៨% ជាមួយអត្រាអតិផរណាត្រូវបានរក្សាឱ្យស្ថិតក្នុងកម្រិតទាបប្រមាណ ២,៥% ហើយប្រាក់រៀលមានស្ថិរភាពល្អប្រសើរក្នុងរង្វង់ ៤.០៥០ រៀលក្នុងមួយដុល្លារអាមេរិក ក្នុងរយៈពេលពីរទសវត្សរ៍ចុងក្រោយ។ជុំវិញស្ថានភាពប្រាក់រៀល, លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានលើកឡើងថា ការដែលធ្វើឲ្យប្រាក់រៀលមានកំណើនពីមួយឆ្នាំទៅមួយឆ្នាំនេះ គឺដោយសារកំណើនធំៗរួមមាន៖ ធនាគារជាតិនៃកម្ពុជាមានច្បាប់គ្រប់គ្រងត្រឹមត្រូវ, និងការគ្រប់គ្រងតាមគោលនយោបាយរូបិយវត្ថុរបស់ជាតិ ជម្រុញឲ្យសេដ្ឋកិច្ចរីកច្រើនលូតលាស់ ប្រកបដោយចីរភាព និងគ្រប់គ្រង់អតិផរណាបាន ដោយបានធ្វើឲ្យប្រជាជនគ្រប់ស្រទាប់វណ្ណៈជឿជាក់លើប្រាក់រៀល។ទាក់ទងនិងស្ថិរភាពប្រាក់រៀលនេះ, ឯកឧត្តម ជា ចាន់តូ បានបញ្ជាក់ថា សមិទ្ធផលដ៏ល្អប្រសើរ ដែលសម្រេចបានរហូតដល់បច្ចុប្បន្ននេះ មិនថាតែប្រាក់រៀលនោះឡើយ គឺបានកើតចេញពីកិច្ចខិតខំប្រឹងប្រែងរបស់គ្រប់ភាគីពាក់ព័ន្ធទាំងអស់។ សន្តិភាពបានបង្កលក្ខណៈឱ្យយើងទាំងអស់គ្នារួបរួមសាមគ្គី ខិតខំប្រឹងប្រែងផ្តោតការយកចិត្តទុកដាក់ទៅលើការអភិវឌ្ឍប្រកបដោយភាពប្រាកដប្រជា។សន្តិភាព ដែលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា សម្រេចបាន និងបន្តរក្សាយ៉ាងរឹងមាំ គឺជាមូលដ្ឋាននៃគ្រប់ការអភិវឌ្ឍសេដ្ឋកិច្ចនិងសង្គមកម្ពុជា និងការប្រើប្រាស់ប្រាក់រៀលប្រកបដោយនិរន្តរភាព៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ការជាសះស្បើយពីជំងឺអេបូឡានាំមកនូវសញ្ញានៃក្តីសង្ឃឹមនៅកុងហ្គោ ខណៈករណីសង្ស័យលេចឡើងនៅក្រៅទ្វីបអាហ្វ្រិក

ការផ្ទុះគ្រាប់មីនក្នុងតំបន់គ្រប់គ្រងដោយក្រុមឧទ្ទាមនៅមីយ៉ាន់ម៉ា បានសម្លាប់មនុស្សរាប់សិបនាក់

ថ្នាលផ្ទៀងផ្ទាត់ឯកសារ verify.gov.tl ដែលអភិវឌ្ឍដោយកម្ពុជា បានសម្ពោធដាក់ឲ្យប្រើប្រាស់ជាផ្លូវការ នៅប្រទេសទីម័រឡេស្តេ

កងទ័ពអ៊ីស្រាអែលដណ្តើមបានប្រាសាទយុទ្ធសាស្ត្រនៅលីបង់ក្នុងការឈ្លានពានដ៏ជ្រៅបំផុតចូលប្រទេសនេះ ក្នុងរយៈពេល២៦ ឆ្នាំ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មេនគរបាលការពារព្រំដែន អំពាវនាវដល់ប្រជាពលរដ្ឋកុំឲ្យលួចឆ្លងដែនខុសច្បាប់ទៅប្រទេសគេបន្តទៀត

ប្រធានក្រុមការងារចុះជួយសង្កាត់កោះដាច់ ជំរុញពលរដ្ឋឱ្យទៅពិនិត្យមើលឈ្មោះបោះឆ្នោត

របាយការណ៍៖ លោកTrump មិនបានបង់ពន្ធលើប្រាក់ចំណូលរយៈពេល ១០ឆ្នាំក្នុងរយៈពេល ១៥ឆ្នាំចុងក្រោយ

អង្គការ WHO៖ អាហ្វ្រិកមានចំណេះត្រូវបង្រៀនពិភពលោកពីភាពធន់នឹងជំងឺ COVID-19

ចិន គ្រោងនឹងផលិតវ៉ាក់សាំងបង្ការជំងឺ COVID-19ចំនួន១ពាន់លានដូសក្នុងឆ្នាំ២០២១

នាយករដ្ឋមន្ត្រីឥណ្ឌា សន្យាថានឹងជួយពិភពលោក ក្នុងការផលិតវ៉ាក់សាំងបង្ការជំងឺ COVID-19

សិស្សវិទ្យាល័យ ជា ស៊ីម សាមគ្គី និងទួលទំពូង ឡើងទៅវគ្គផ្ដាច់ព្រ័ត្រ ក្នុងការប្រកួតជជែកដេញដោលថ្នាក់ជាតិ

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រធាន​ក្រុមការងារ​ចុះ​ជួយ​សង្កាត់​កោះដាច់ ​ជំរុញ​ពលរដ្ឋ​ឱ្យ​ទៅ​ពិនិត្យមើល​ឈ្មោះ​បោះឆ្នោត​

របាយការណ៍​៖ ​លោក​Trump មិនបាន​បង់ពន្ធ​លើ​ប្រាក់ចំណូល​រយៈពេល ១០​ឆ្នាំ​ក្នុង​រយៈពេល ១៥ឆ្នាំ​ចុងក្រោយ​

អង្គការ WHO៖ អាហ្វ្រិក​មានចំណេះ​ត្រូវ​បង្រៀន​ពិភពលោក​ពី​ភាព​ធន់​នឹង​ជំងឺ COVID-19

ចិន​ គ្រោង​នឹង​ផលិត​វ៉ាក់សាំង​បង្ការ​ជំងឺ COVID-19​ចំនួន​១​ពាន់​លាន​ដូ​ស​ក្នុង​ឆ្នាំ២០២១

នាយករដ្ឋមន្ត្រី​ឥណ្ឌា សន្យា​ថា​នឹង​ជួយ​ពិភពលោក​ ក្នុង​ការផលិត​វ៉ាក់សាំង​បង្ការ​ជំងឺ COVID-19

តម្រូវការ​ប្រាក់​រៀល​ បាន​កើន​ឡើងជា​មធ្យម ១៦​ភាគរយ ក្នុង​មួយឆ្នាំៗ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រធានក្រុមការងារចុះជួយសង្កាត់កោះដាច់ ជំរុញពលរដ្ឋឱ្យទៅពិនិត្យមើលឈ្មោះបោះឆ្នោត

របាយការណ៍៖ លោកTrump មិនបានបង់ពន្ធលើប្រាក់ចំណូលរយៈពេល ១០ឆ្នាំក្នុងរយៈពេល ១៥ឆ្នាំចុងក្រោយ

អង្គការ WHO៖ អាហ្វ្រិកមានចំណេះត្រូវបង្រៀនពិភពលោកពីភាពធន់នឹងជំងឺ COVID-19

ចិន គ្រោងនឹងផលិតវ៉ាក់សាំងបង្ការជំងឺ COVID-19ចំនួន១ពាន់លានដូសក្នុងឆ្នាំ២០២១

នាយករដ្ឋមន្ត្រីឥណ្ឌា សន្យាថានឹងជួយពិភពលោក ក្នុងការផលិតវ៉ាក់សាំងបង្ការជំងឺ COVID-19

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ