នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤
ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ
គម្រោងពង្រីក និងលើកកម្រិតផ្លូវជាតិលេខ៧ (ស្គន់-ក្រុងកំពង់ចាម) ជាបួនគន្លង សម្រេចលទ្ធផលការងារបានជិត ៩០%ហើយ គិតត្រឹមខែមីនា ឆ្នាំ២០២៦នេះ

នយោបាយ​ និង ការអភិវឌ្ឍន៍

ស្លូវេនី ក្លាយជាប្រទេសសហភាពអឺរ៉ុបចុងក្រោយបង្អស់ ដែលទទួលស្គាល់រដ្ឋប៉ាឡេស្ទីន

2024/06/05 09:31:07 am        213
Facebook Telegram Linkin
ស្លូវេនី បានក្លាយជាប្រទេសចុងក្រោយបង្អស់របស់សហភាពអឺរ៉ុប ដែលទទួលស្គាល់រដ្ឋប៉ាឡេស្ទីនឯករាជ្យមួយ បន្ទាប់ពីសភារបស់ខ្លួនបានអនុម័តវិធានការនេះជាមួយនឹងសំឡេងភាគច្រើនកាលពីថ្ងៃអង្គារ (០៤ មិថុនា) ដោយបានច្រានចោលការអំពាវនាវឱ្យធ្វើប្រជាមតិលើបញ្ហានេះដោយគណបក្សប្រឆាំងធំបំផុត។រដ្ឋាភិបាលកាលពីសប្តាហ៍មុនបានសម្រេចទទួលស្គាល់ប៉ាឡេស្ទីនជារដ្ឋឯករាជ្យ និងអធិបតេយ្យភាពតាមជំហាននៃប្រទេសអេស្ប៉ាញ អៀរឡង់ និងន័រវេស ដែលជាផ្នែកនៃកិច្ចខិតខំប្រឹងប្រែងកាន់តែទូលំទូលាយក្នុងការសម្របសម្រួលសម្ពាធលើអ៊ីស្រាអែល ដើម្បីបញ្ចប់ជម្លោះនៅតំបន់ហ្កាហ្សា។លោកនាយករដ្ឋមន្ត្រី រ៉ូប៊ឺត ហ្កូឡូប (Robert Golob) បាននិយាយនៅលើបណ្ដាញសង្គម X ថា «ការទទួលស្គាល់ប៉ាឡេស្ទីនថ្ងៃនេះជារដ្ឋអធិបតេយ្យ និងឯករាជ្យ ផ្ញើក្តីសង្ឃឹមដល់ប្រជាជនប៉ាឡេស្ទីននៅតំបន់ វេសបែង (West Bank) និងហ្កាហ្សា»។ គណបក្សស្តាំនិយមប្រជាធិបតេយ្យស្លូវេនី (SDS) ដែលជាគណបក្សប្រឆាំងដ៏ធំបំផុតបានអះអាងថា នេះមិនមែនជាពេលវេលាត្រឹមត្រូវក្នុងការទទួលស្គាល់រដ្ឋប៉ាឡេស្ទីនឯករាជ្យមួយទេ ហើយថាវិធានការរបស់រដ្ឋាភិបាលនេះនឹងគ្រាន់តែជាការលើកទឹកចិត្តដល់ «អង្គការភេរវករហាម៉ាស» ប៉ុណ្ណោះ៕

អាមេរិក រំពឹងថានឹងបន្តទំនាក់ទំនងជិតស្និទ្ធ និងកិច្ចសន្ទនាសិទ្ធិមនុស្សជាមួយឥណ្ឌា ក្រោយការបោះឆ្នោត

2024/06/05 09:27:26 am        195
Facebook Telegram Linkin
សហរដ្ឋអាមេរិក បាននិយាយកាលពីថ្ងៃអង្គារ (០៤ មិថុនា) ថា ខ្លួនរំពឹងថានឹងបន្តទំនាក់ទំនងជិតស្និទ្ធ រួមជាមួយនឹងការពិភាក្សាអំពីបញ្ហាសិទ្ធិមនុស្សជាមួយប្រទេសឥណ្ឌា បន្ទាប់ពីការបោះឆ្នោត ដែលលោកនាយករដ្ឋមន្ត្រី ណារ៉េនដ្រា ម៉ូឌី (Narendra Modi) នឹងបន្តរក្សាអំណាច ប៉ុន្តែមានសំឡេងភាគច្រើនស្ដួចស្ដើងដ៏គួរឱ្យភ្ញាក់ផ្អើល។ការរាប់សន្លឹកឆ្នោត ដែលជិតបញ្ចប់កាលពីយប់ថ្ងៃអង្គារ បានបង្ហាញឱ្យឃើញថា សម្ព័ន្ធភាពរបស់លោក ម៉ូឌី បានទទួលជ័យជម្នះ ទោះបីជាមានសំឡេងភាគច្រើនដ៏ស្ដួចស្ដើងគួរឱ្យភ្ញាក់ផ្អើលក៏ដោយ។ លោក ម៉ូឌី ហាក់ចង់រក្សាអំណាចជាប្រមុខក្រុមចម្រុះដែលកំពុងកាន់អំណាច ប៉ុន្តែគណបក្សជាតិនិយមហិណ្ឌូ បារ៉ាទីយ៉ា ចាណាតា (Bharatiya Janata) របស់លោកបានបាត់បង់សំឡេងភាគច្រើនទាំងស្រុងជាលើកដំបូងក្នុងរយៈពេលមួយទស្សវត្សរ៍។កាលពីឆ្នាំមុន ក្នុងដំណើរទស្សនកិច្ចរបស់លោក ម៉ូឌី ទៅកាន់សហរដ្ឋអាមេរិក ប្រទេសទាំងពីរបានប្រកាសអំពីកិច្ចព្រមព្រៀងជាច្រើនស្តីពី បន្ទះឈីប រ៉ែសំខាន់ៗ បច្ចេកវិទ្យា កិច្ចសហប្រតិបត្តិការលើវិស័យការពារជាតិ និងអវកាស។ ក្រសួងការបរទេសអាមេរិក បាននិយាយថា ខ្លួននឹងបន្តលើកឡើងការព្រួយបារម្ភអំពីសិទ្ធិមនុស្សជាមួយឥណ្ឌា។ ខណៈពេលដែលមានការរិះគន់ម្តងម្កាលដោយទីក្រុងវ៉ាស៊ីនតោន ក្រុមអ្នកវិភាគនយោបាយនិយាយថា អាមេរិកជៀសវាងការរិះគន់ជាសាធារណៈ ព្រោះសង្ឃឹមថាឥណ្ឌា នឹងដើរតួជាអ្នកប្រឆាំងទៅនឹងប្រទេសចិនដែលកំពុងពង្រីកខ្លួន។ រដ្ឋាភិបាលក្រោមការដឹកនាំរបស់លោក ម៉ូឌី បដិសេធការរើសអើងប្រឆាំងនឹងជនជាតិភាគតិច និងក្រុមអ្នកប្រឆាំង ហើយនិយាយថាខ្លួនធ្វើការដើម្បីផលប្រយោជន៍របស់ប្រជាជនឥណ្ឌាទាំងអស់ ប៉ុន្តែអ្នកតស៊ូមតិសិទ្ធិមនុស្សជំទាស់នឹងរឿងនេះ៕

ឯកឧត្តម ប៉ែន បូណា៖ កម្ពុជាគឺជាប្រទេសដែលយកពន្ធតិច និងអនុគ្រោះបំផុត តែការអភិវឌ្ឍលឿនរហ័ស

2024/06/05 09:06:04 am        303
Facebook Telegram Linkin
ឯកឧត្តម ប៉ែន បូណា ប្រធានអង្គភាពអ្នកនាំពាក្យរាជរដ្ឋាភិបាល៖ រាជរដ្ឋាភិបាលដឹកនាំដោយគណបក្សប្រជាជនកម្ពុជាតាំងពីជំនាន់សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នដឹកនាំដោយ សម្តេចធិបតី ហ៊ុន ម៉ាណែត បានផ្តល់ការអនុគ្រោះបំផុតចំពោះការយកពន្ធពីប្រជាពលរដ្ឋ ជាពិសេសពលរដ្ឋក្រីក្រ និងអ្នកមានចំណូលទាប ត្រូវបានរាជរដ្ឋាភិបាលគិតគូរជាអាទិភាពនិងព្យាយាមបញ្ចៀសពួកគេមិនឱ្យជាប់ពន្ធឡើយ។ ជាក់ស្តែង រដ្ឋមិនយកពន្ធដីកសិកម្មជាលក្ខណៈគ្រួសារ មិនយកពន្ធលើសម្ភារកសិកម្ម ផលិតផលកសិកម្ម និងអចលនទ្រព្យដែលមានតម្លៃក្រោម ១០០ លានរៀល ឬ ២៥ ០០០ ដុល្លារអាម៉េរិក។ លើកលែងពន្ធប្រថាប់ត្រាលើការផ្ទេរកម្មសិទ្ធិអចលទ្រព្យក្រោមឬស្មើ ៧ម៉ឺនដុល្លារអាម៉េរិក។ រដ្ឋមិនយកពន្ធប្រថាប់ត្រាផ្ទេរមរតកជាអំណោយមួយលើក មិនយកពន្ធផ្លូវម៉ូតូឬកង់បី។ ប្រាក់បៀវត្សទាបជាង ១,៥ លានរៀល មិនជាប់ពន្ធ។ អ្នកប្រកបរបរតូចតាចដែលមានផលរបរក្រោម ២៥០ លានរៀល មិនតម្រូវឱ្យ មានកាតព្វកិច្ចបង់ពន្ធទេ។ ទន្ទឹមគ្នានេះ គោលនយោបាយអនុគ្រោះដល់អាជីវកម្មនានា ដែលជួបការលំបាក ក៏ត្រូវបានដាក់ចេញជាបន្តបន្ទាប់ និងនៅតែអនុវត្តជាប្រចាំ។ នៅមានការអនុគ្រោះ ព្រមទាំងការលើកលែងជាច្រើនផ្សេងទៀតដែលរដ្ឋបានផ្តល់ជូន។ក្រៅពីមិនជាប់ពន្ធ ពលរដ្ឋក្រីក្រនិងងាយរងហានិភ័យត្រូវបានរាជរដ្ឋាភិបាលចាត់ទុកជាអាទិភាពក្នុងការទទួលបានការឧបត្ថម្ភ គាំពារពីរដ្ឋ។ ជាក់ស្តែង ក្នុងអំឡុងការរីករាលដាលនៃជំងឺកូវីដ-១៩ រដ្ឋបានចំណាយថវិកាជាង ១ ២០០ លានដុល្លារអាម៉េរិក ដើម្បីជួយពលរដ្ឋក្រីក្រដែលរងគ្រោះ។ បច្ចុប្បន្ន កម្មវិធីគោលនយោបាយអាទិភាព៦ចំណុចដែលដាក់ចេញដោយសម្តេចធិបតី ហ៊ុន ម៉ាណែត កំពុងបន្តជួយគាំពារដល់ពលរដ្ឋក្រីក្រនិងងាយរងហានិភ័យដូចជា ការផ្តល់ជូនសេវាសុខាភិបាល ការបណ្តុះបណ្តាលកូនអ្នកក្រីក្រដោយឥតបង់ប្រាក់ និងថែមទាំងទទួលបានការឧបត្ថម្ភប្រចាំខែទៀត គោលនយោបាយអភិវឌ្ឍន៍សេដ្ឋកិច្ចក្រៅប្រព័ន្ធ កម្មវិធីជាតិជំនួយសង្គម និងគោលនយោបាយគាំពារវិស័យកសិកម្មជាដើម សុទ្ធសឹងតែជាគោលនយោបាយគាំពារពលរដ្ឋក្រីក្រនិងងាយរងហានិភ័យ។ ទោះបីជាស្ថាប័នហិរញ្ញវត្ថុអន្តរជាតិ និងប្រទេសដៃគូអភិវឌ្ឍន៍នានាតែងផ្តល់អនុសាសន៍ឱ្យរាជរដ្ឋាភិបាលបង្កើនការប្រមូលពន្ធ ដើម្បីឆ្លើយតបទៅនឹងតម្រូវការជាក់ស្តែងនៃការអភិវឌ្ឍប្រទេសក៏ដោយ ក៏រាជរដ្ឋាភិបាលគណបក្សប្រជាជនកម្ពុជា នៅតែបន្តគោលនយោបាយអនុគ្រោះពន្ធដល់ប្រជាពលរដ្ឋជាពិសេសពលរដ្ឋក្រីក្រដដែល។ ទោះបីជាយកពន្ធតិច ប៉ុន្តែ កម្ពុជាត្រូវបានអង្គការសហប្រជាជាតិចាត់ទុកជាប្រទេសដែលកាត់បន្ថយភាពក្រីក្របានលឿនរហ័សបំផុតមួយក្នុងលោក។ ចាកចេញពីគំនរផេះផង់នៃភ្លើងសង្គ្រាមនិងរបបប្រល័យពូជសាសន៍ កម្ពុជាបានឆ្លងផុតពីប្រទេសក្រីក្រឈានចូលប្រទេសដែលមានចំណូលមធ្យមកម្រិតទាប ហើយកំពុងត្រៀមខ្លួនក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានចំណូលខ្ពស់នៅឆ្នាំ២០៥០។ ហេដ្ឋារចនាសម្ព័ន្ធរូបវន្តនានាដូចជា ផ្លូវ ស្ពាន សាលារៀន មន្ទីរពេទ្យ អគារខ្ពស់ៗ ហាងទំនិញ ផ្សារទំនើប យានយន្តកកកុញលើដងផ្លូវ និងស្នាមញញឹមរបស់ប្រជាពលរដ្ឋ សុទ្ធសឹងជាភស្តុតាងជាក់ស្តែងនៃសមិទ្ធផលដែលកើតចេញពីសុខសន្តិភាពនិងការអភិវឌ្ឍ។ ប្រទេសមួយដែលយកពន្ធតិចបំផុត តែអភិវឌ្ឍបានលឿនរហ័សបំផុតបែបនេះ ពិតជាកម្រមានណាស់។ សមិទ្ធផលដ៏អស្ចារ្យនេះកើតចេញពីទេពកោសល្យពិសេស នៃការដឹកនាំរបស់សម្តេចតេជោ ហ៊ុន សែន ជាអតីតនាយករដ្ឋមន្ត្រី និងសម្តេចធិបតី ហ៊ុន ម៉ាណែត ជានាយករដ្ឋមន្ត្រីបន្តវេនដែលជាក្តីសង្ឃឹមពិតប្រាកដរបស់ប្រជាពលរដ្ឋខ្មែរ៕

អាមេរិក៖ លោក Netanyahu អាចនឹងអូសបន្លាយសង្គ្រាមហ្កាហ្សា ដើម្បីគោលបំណងនយោបាយ

2024/06/05 08:20:00 am        214
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) បាននិយាយថា មេដឹកនាំអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) អាចនឹងធ្វើឱ្យការបញ្ចប់សង្រ្គាមនៅតំបន់ហ្កាហ្សា មានភាពជាប់គាំងដោយសារហេតុផលនយោបាយ នេះបើយោងតាមបទសម្ភាសន៍ជាមួយទស្សនាវដ្តី ថែម (Time) ចេញផ្សាយកាលពីថ្ងៃអង្គារ (០៤ មិថុនា)។ការអត្ថាធិប្បាយនៅក្នុងបទសម្ភាសន៍កាលពីថ្ងៃទី២៨ ឧសភា នេះ ត្រូវបានធ្វើឡើងប៉ុន្មានថ្ងៃមុនពេលលោក បៃដិន រៀបរាប់លម្អិតអំពីសំណើបទឈប់បាញ់នៅហ្កាហ្សា ហើយខណៈដែលនាយករដ្ឋមន្ត្រីអ៊ីស្រាអែល កំពុងជួបការលំបាកជាមួយការបែកបាក់នយោបាយយ៉ាងស៊ីជម្រៅនៅក្នុងប្រទេស។ នៅពេលត្រូវសាកសួរថាតើលោកគិតថាលោក ណេតាន់យ៉ាហ៊ូ កំពុងអូសបន្លាយសង្រ្គាមសម្រាប់ហេតុផលនយោបាយផ្ទាល់ខ្លួន ឬយ៉ាងណា លោក បៃដិន បានឆ្លើយថា «មានហេតុផលគ្រប់គ្រាន់ដែលមនុស្សគ្រប់គ្នាអាចសន្និដ្ឋានបានបែបនោះ»។លោក បៃដិន ដែលបាននិងកំពុងជំរុញឱ្យមានការបញ្ចប់សង្រ្គាមជិតប្រាំបីខែនោះ ក៏បាននិយាយផងដែរថា គេមិនច្បាស់ទេថា តើកងកម្លាំងអ៊ីស្រាអែល បានប្រព្រឹត្តឧក្រិដ្ឋកម្មសង្រ្គាមនៅហ្កាហ្សា ឬយ៉ាងណា។ លោកបានច្រានចោលការចោទប្រកាន់ដែលថាអ៊ីស្រាអែល កំពុងប្រើប្រាស់ភាពអត់ឃ្លានរបស់ជនស៊ីវិលជាវិធីសាស្រ្តនៃសង្គ្រាម ប៉ុន្តែបាននិយាយថា «ខ្ញុំគិតថាពួកគេបានចូលរួមក្នុងសកម្មភាពដែលមិនសមរម្យមួយចំនួន»។អ្នកនាំពាក្យរដ្ឋាភិបាលអ៊ីស្រាអែល លោក ដេវីដ មេនសឺ (David Mencer) ដែលត្រូវបានសួរអំពីបទសម្ភាសន៍នោះ បាននិយាយថា នោះគឺ «នៅក្រៅបទដ្ឋានការទូត» សម្រាប់លោក បៃដិន ក្នុងការធ្វើអត្ថាធិប្បាយបែបនេះអំពីលោក ណេតាន់យ៉ាហ៊ូ។ ការស្ទង់មតិបង្ហាញថា ប្រជាជនអ៊ីស្រាអែល ភាគច្រើនគាំទ្រសង្គ្រាម ប៉ុន្តែបានបន្ទោសលោក ណេតាន់យ៉ាហ៊ូ ចំពោះការបរាជ័យផ្នែកសន្តិសុខ នៅពេលដែលខ្មាន់កាំភ្លើងក្រុមហាម៉ាស បានវាយលុកតាមសហគមន៍អ៊ីស្រាអែល នៅជិតតំបន់ហ្កាហ្សា កាលពីថ្ងៃទី០៧ ខែតុលា ហើយនឹងមិនគាំទ្រលោកនោះទេ ប្រសិនបើមានការបោះឆ្នោតម្ដងទៀត៕

ក្រុមហាម៉ាស ចង់ឱ្យអ៊ីស្រាអែល ប្តេជ្ញាចំពោះបទឈប់បាញ់អចិន្ត្រៃយ៍ និងដកទ័ពទាំងស្រុងពីហ្កាហ្សា

2024/06/05 08:15:51 am        248
Facebook Telegram Linkin
មន្ត្រីជាន់ខ្ពស់មកពីក្រុមសកម្មប្រយុទ្ធប៉ាឡេស្ទីនមួយនេះបាននិយាយកាលពីថ្ងៃអង្គារ (០៤ មិថុនា) ថា ក្រុមហាម៉ាស មិនអាចយល់ព្រមលើកិច្ចព្រមព្រៀងណាមួយបានទេ លុះត្រាតែអ៊ីស្រាអែល ធ្វើការប្តេជ្ញាចិត្ត «ច្បាស់លាស់» ចំពោះបទឈប់បាញ់ជាអចិន្ត្រៃយ៍ និងការដកទ័ពទាំងស្រុងចេញពីតំបន់ហ្កាហ្សាស្ទ្រីប។ប្រទេសកាតា ដែលរួមជាមួយនឹងសហរដ្ឋអាមេរិក និងអេហ្ស៊ីប បាននិងកំពុងសម្របសម្រួលកិច្ចចរចារវាងក្រុមហាម៉ាស និងអ៊ីស្រាអែល ក៏បានជំរុញឱ្យអ៊ីស្រាអែល ផ្តល់ជំហរច្បាស់លាស់ដែលមានការគាំទ្រពីរដ្ឋាភិបាលទាំងមូលរបស់ខ្លួន ដើម្បីឈានដល់កិច្ចព្រមព្រៀងមួយ។លោកប្រធានាធិបតីអាមេរិក ចូ បៃដិន (Joe Biden) កាលពីថ្ងៃសុក្រ សប្ដាហ៍មុន បានបង្ហាញនូវសំណើបីដំណាក់កាល ដែលដំណាក់កាលដំបូងរួមមានបទឈប់បាញ់រយៈពេលប្រាំមួយសប្តាហ៍ នៅពេលដែលកងកម្លាំងអ៊ីស្រាអែលនឹងដកខ្លួនចេញពី «ផ្នែកដែលមានប្រជាជនរស់នៅទាំងអស់» នៃតំបន់ហ្កាហ្សា និងដោះលែងចំណាប់ថ្នូរមួយចំនួន រួមទាំងមនុស្សចាស់ និងស្ត្រីផងដែរ នៅក្នុងផ្លាស់ប្តូរអ្នកទោសប៉ាឡេស្ទីនរាប់រយនាក់។លោក អូសាម៉ា ហានដាន (Osama Hamdan) មន្ត្រីក្រុមហាម៉ាស បានប្រាប់សន្និសីទសារព័ត៌មានតាមទូរទស្សន៍ថា «អ៊ីស្រាអែលគ្រាន់តែចង់បានដំណាក់កាលមួយដែលចំណាប់ថ្នូរទាំងអស់ត្រូវបានដោះលែង ហើយបន្ទាប់មកប្រទេសនេះនឹងបន្តការឈ្លានពាន និងធ្វើសង្រ្គាមលើប្រជាជន»។ សហរដ្ឋអាមេរិក បាននិយាយកាលពីថ្ងៃអាទិត្យ ថា ប្រសិនបើក្រុមហាម៉ាស ទទួលយកផែនការដែលបានស្នើឡើងនោះ នោះគេរំពឹងថាអ៊ីស្រាអែល ក៏នឹងធ្វើទទួលយកដូចគ្នា៕

លោក Modi អះអាងពីជ័យជម្នះការបោះឆ្នោតលើកទី៣ ខណៈសម្ព័ន្ធភាពរបស់លោក ឈានឆ្ពោះទៅរកសំឡេងភាគច្រើនស្តួចស្តើង

2024/06/05 08:12:16 am        247
Facebook Telegram Linkin
លោកនាយករដ្ឋមន្ត្រីឥណ្ឌា Narendra Modi បានអះអាងពីជ័យជម្នះក្នុងការបោះឆ្នោតសម្រាប់គណបក្សរបស់លោក និងសម្ព័ន្ធភាពរបស់ខ្លួនកាលពីថ្ងៃអង្គារ ទី៤ ខែមិថុនា ប៉ុន្តែក្រុមប្រឆាំងបាននិយាយថា ពួកគេបានដាក់ទោសដល់គណបក្សកាន់អំណាច ដោយធ្វើឱ្យមានការព្យាករណ៍ខុស និងកាត់បន្ថយសំឡេងភាគច្រើនក្នុងសភារបស់ពួកគេ។ លោក Modi បានសរសេរនៅលើប្រព័ន្ធផ្សព្វផ្សាយសង្គម X ថា ប្រជាជនបានដាក់ជំនឿរបស់ពួកគេលើសម្ព័ន្ធប្រជាធិបតេយ្យជាតិ (NDA) ជាលើកទីបីជាប់ៗគ្នា។នេះគឺជាជោគជ័យក្នុងប្រវត្តិសាស្ត្រឥណ្ឌា។ លោក Modi ត្រូវបានទទួលស្វាគមន៍ក្នុងពិធីយ៉ាងអធិកអធម កាលពីថ្ងៃអង្គារ នៅពេលលោកបានទៅដល់ទីស្នាក់ការគណបក្ស ក្រោយជ័យជម្នះក្ដោបក្ដាប់អំណាចអាណត្តិទី៣ រយៈពេល៥ឆ្នាំ បន្តទៀត។ហើយលោកបានថ្លែងអំណរគុណដល់ក្រុមអ្នកគាំទ្ររបស់លោក។ ការរាប់សន្លឹកឆ្នោត ដែលជិតបញ្ចប់កាលពីយប់ថ្ងៃអង្គារ បានបង្ហាញឱ្យឃើញថា សម្ព័ន្ធភាពរបស់លោកModiបានទទួលជ័យជម្នះ ទោះបីជាមានសំឡេងភាគច្រើនស្ដួចស្ដើងគួរឱ្យភ្ញាក់ផ្អើលក៏ដោយ។ ព្រោះតែមិនដូចការបោះឆ្នោតពីរអាណត្តិមុន គណបក្សជាតិនិយមហិណ្ឌូ Bharatiya Janata (BJP) របស់លោក Modi នឹងត្រូវការដៃគូសម្ព័ន្ធភាពរបស់ខ្លួន ដើម្បីឆ្លងផុតសំឡេងភាគច្រើន ២៧២ អាសនៈ នៅក្នុងសភាជាន់ទាបដែលមានអាសនៈសរុបចំនួន ៥៤៣ នេះបើយោងតាមការរាប់សន្លឹកឆ្នោតដែលកំពុងបន្ត។ លោក Modi បានកំណត់គោលដៅជាង៤០០ អាសនៈសម្រាប់សម្ព័ន្ធប្រជាធិបតេយ្យជាតិរបស់លោកប៉ុន្តែបច្ចុប្បន្នកំពុងនាំមុខត្រឹមតែប្រហែល ២៩០ អាសនៈប៉ុណ្ណោះ នេះបើយោងតាមទិន្នន័យរបស់គណៈកម្មាធិការរៀបចំការបោះឆ្នោតដែលទើបរាប់បានប្រមាណបីភាគបួន។ គណបក្ស BJP ខ្លួនឯងកំពុងនាំមុខក្នុងអាសនៈចំនួន២៣៩ បើធៀបនឹង ៣០៣ អាសនៈ ក្នុងការបោះឆ្នោតកាលពីឆ្នាំ២០១៩ ។ ការបោះឆ្នោត៧ ដំណាក់កាលបានចាប់ផ្តើមកាលពីថ្ងៃទី ១៩ ខែមេសា ហើយបានបញ្ចប់នៅថ្ងៃទី ១ ខែមិថុនាថ្មីៗនេះ ដោយមានអ្នកទៅបោះឆ្នោតជាង ៦៤០ លាននាក់ នៅក្នុងការអនុវត្តលទ្ធិប្រជាធិបតេយ្យដ៏ធំបំផុតរបស់ពិភពលោក៕

កម្ពុជា និងហ្វាំងឡង់បន្តពង្រឹង និងពង្រីកកិច្ចសហប្រតិបត្តិការលើវិស័យសំខាន់ៗជាច្រើន

2024/06/04 02:51:49 pm        104
Facebook Telegram Linkin
ភ្នំពេញ៖ នាព្រឹកថ្ងៃទី៤ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Jyri Järviaho ឯកអគ្គរដ្ឋទូតហ្វាំងឡង់ប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅទីក្រុងបាងកក ចូលជួបសម្តែងការគួរសម និងជម្រាបលា នៅវិមានសន្តិភាព។ក្នុងឱកាសនៃជំនួប ឯកឧត្តម Jyri Järviaho បានថ្លែងអំណរគុណចំពោះសម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបឯកឧត្តម ចូលជួបសម្តែងការគួរសម និងជម្រាបលា ក្នុងឱកាសបញ្ចប់អាណត្តិការទូតរបស់ឯកឧត្តម ព្រមទាំងបានអបអរសាទរចំពោះសម្ដេចធិបតី ដែលត្រូវបានរដ្ឋសភាបោះឆ្នោតជ្រើសតាំងជានាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា កាលពីខែសីហា ឆ្នាំ២០២៣ កន្លងទៅនេះ។ ជាមួយគ្នានេះ ឯកឧត្តមឯកអគ្គរដ្ឋទូត ក៏បានចូលរួមសម្តែងនូវមរណទុក្ខចំពោះការសោយព្រះទិវង្គតរបស់សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា និង បានគោរពជម្រាបជូនសម្ដេចធិបតីថា ក្នុងអាណត្តិការទូតរយៈពេល ៤ ឆ្នាំនៅកម្ពុជា ឯកឧត្តមបានចូលរួមចំណែកក្នុងការពង្រឹង និងពង្រីកកិច្ចសហប្រតិបត្តិការ និងការគាំទ្រដល់ការអភិវឌ្ឍសង្គម-សេដ្ឋកិច្ចនៅកម្ពុជាលើវិស័យជាច្រើន ដូចជា៖ ការបោសសំអាតមីន ការគ្រប់គ្រងនិងចុះបញ្ជីដីធ្លី ការជួយដល់អង្គជំនុំជម្រះវិសាមញ្ញក្នុងតុលាការកម្ពុជា និងការគាំទ្រដល់ការអភិវឌ្ឍសង្គមផងដែរ។ ឯកឧត្តមឯកអគ្គរដ្ឋទូត ក៏បានបញ្ជាក់អំពីការបន្តក្នុងការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យអប់រំ ការបណ្ដុះបណ្ដាលវិជ្ជាជីវៈ សុខាភិបាល ពាណិជ្ជកម្ម និងវិស័យបរិស្ថាន។ជាការឆ្លើយតប សម្តេចធិបតី បានស្វាគមន៍ចំពោះវត្តមានរបស់ ឯកឧត្តម Jyri Järviaho ព្រមទាំងបានអរគុណ និងបានវាយតម្លៃខ្ពស់ចំពោះការចូលរួមចំណែកយ៉ាងសកម្មរបស់ឯកឧត្តមឯកអគ្គរដ្ឋទូត ក្នុងការពង្រឹង និងពង្រីកទំនាក់ទំនងការទូត និងកិច្ចសហប្រតិបត្តិការក្នុងអាណត្តិការទូតរបស់ឯកឧត្តម លើវិស័យជាច្រើន ជាពិសេសលើវិស័យអប់រំ ដោយសម្ដេចធិបតី បានគូសបញ្ជាក់ ថារាជរដ្ឋាភិបាលនីតិកាលទី៧ នៃរដ្ឋសភា នឹងបន្តអនុវត្តគោលនយោបាយលើកកម្ពស់វិស័យអប់រំ តាមរយៈការផ្តល់អាទិភាពលើការកសាងមូលធនមនុស្សប្រកបដោយសមត្ថភាព និងសុខភាព ដើម្បីអភិវឌ្ឍសង្គម-សេដ្ឋកិច្ចឱ្យកាន់តែរីកចម្រើន និងរឹងមាំបន្ថែមទៀត។ ពាក់ព័ន្ធនឹងការបណ្ដុះបណ្ដាលវិជ្ជាជីវៈ សម្ដេចធិបតី ក៏បានគូសបញ្ជាក់ថា រាជរដ្ឋាភិបាលបានដាក់ចេញនូវគោលនយោបាយជាអាទិភាពក្នុងការអភិវឌ្ឍជំនាញវិជ្ជាជីវៈ និងបច្ចេកទេស ដើម្បីឆ្លើយតបទៅនឹងតម្រូវការទីផ្សារការងារប្រកបដោយភាពបត់បែន និងតាមតម្រូវការជាក់ស្តែង ព្រមទាំងពង្រឹងសមត្ថភាពបន្ថែមតាមរយៈការរៀបចំជំនាញឡើងវិញ (Reskilling) និងការបង្កើនជំនាញ (Upskilling)។មុននឹងបញ្ចប់ សម្ដេចធិបតី ក៏បានសម្តែងនូវការស្វាគមន៍ និងលើកទឹកចិត្តដល់រដ្ឋាភិបាលហ្វាំងឡង់ក្នុងការបន្តពង្រឹង និងពង្រីកកិច្ចសហប្រតិបត្តិការលើវិស័យអប់រំ សុខាភិបាល ពាណិជ្ជកម្ម និងបរិស្ថាន បន្ថែមទៀត តាមរយៈកិច្ចសហការជាមួយក្រសួង-ស្ថាប័នពាក់ព័ន្ធនៃរាជរដ្ឋាភិបាលកម្ពុជា រួមមាន៖ ក្រសួងអប់រំ យុវជន និងកីឡា ក្រសួងការងារ និងបណ្តុះបណ្តាលវិជ្ជាជីវៈ ក្រសួងសុខាភិបាល ក្រសួងពាណិជ្ជកម្ម និងក្រសួងបរិស្ថាន។ ជាទីបញ្ចប់ សម្តេចធិបតីក៏បានជូនពរ ឯកឧត្តមឯកអគ្គរដ្ឋទូត ឱ្យទទួលបានជោគជ័យក្នុងបេសកកម្មការងារថ្មីរបស់ឯកឧត្តម និងធ្វើមាតុភូមិនិវត្តន៍ប្រកបដោយសុវត្ថិភាព៕

រដ្ឋមន្រី្តពាណិជ្ជកម្មលើកទឹកចិត្តក្រុមហ៊ុនអង្ករ ចុះកិច្ចព្រមព្រៀមជាមួយសហរដ្ឋអាម៉េរិក ដើម្បីពង្រីកការនាំចេញ

2024/06/04 02:46:54 pm        174
Facebook Telegram Linkin
លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម កាលពីល្ងាចថ្ងៃទី៣ មិថុនា ឆ្នាំ២០២៤នេះ បានទទួលជួបពិភាក្សាការងារជាមួយ លោក Patrick Murphy អនុប្រធានប្រតិបត្តិទទួលបន្ទុកផ្នែកបញ្ជាទិញអង្ករ និងគ្រាប់ធញ្ញជាតិ នៃក្រុមហ៊ុន Otis McAllister, Inc និងគណៈប្រតិភូសហព័ន្ធស្រូវអង្ករកម្ពុជា ស្ដីពីការពិនិត្យលទ្ធភាពក្នុងការបញ្ជាទិញអង្ករកម្ពុជា សម្រាប់ចែកចាយក្នុងទីផ្សារអាមេរិក។ ផេកផ្លូវការរបស់ក្រសួងពាណិជ្ជកម្មកម្ពុជា បានបញ្ជាក់ថា ក្នុងជំនួបនាឱកាសនោះ លោកអនុប្រធានប្រតិបត្តិក្រុមហ៊ុន បានសម្តែងនូវមោទនភាព និងការពេញចិត្តនូវភាពរីកចម្រើនជារួមរបស់កម្ពុជាដែលខុសប្លែកពីអ្វីដែលលោកធ្លាប់បានទទួលព័ត៌មាននៅខាងក្រៅ។ លើសពីនេះ លោកបានធ្វើការកត់សម្គាល់ និងកោតសរសើរទៅ​លើ​កសិកម្មកម្ពុជា ជាពិសេសផលិតផលអង្ករ ​ដែលធានាបាននូវគុណភាព និងបរិមាណដែល​ទទួលយកបាន។ ជាកិច្ចឆ្លើយតប លោកជំទាវរដ្ឋមន្ត្រី បានលើកទឹកចិត្តឱ្យក្រុមហ៊ុននាំចេញអង្ករធំៗចំនួន១៦ ដែលជាសមាជិករបស់សហព័ន្ធ ធ្វើការដោយផ្ទាល់ជាមួយក្រុមហ៊ុន Otis McAllister ដើម្បីឈាន​ដល់ការចុះកិច្ចព្រមព្រៀងបញ្ជាទិញអង្ករកម្ពុជាចូលទៅផ្សារសហរដ្ឋអាមេរិកក្នុងពេលឆាប់ៗខាងមុខ៕អត្ថបទ ឈិត បូរ៉ាវី 

កម្ពុជាធ្វើម្ចាស់ផ្ទះកិច្ចប្រជុំកំពូលហ្វ្រង់កូហ្វូនី ឆ្នាំ២០២៦ នឹងទាក់ទាញវិនិយោគិន​ និងទេសចរ​​ បន្ថែមទៀតមកពីបណ្ដាប្រទេសនិយាយភាសាបារាំង

2024/06/04 02:35:37 pm        143
Facebook Telegram Linkin
ភ្នំពេញ៖ នាព្រឹកថ្ងៃទី៤ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក ខេលវិន ម៉ូ (Kelvin Mo) ប្រធានការិយាល័យតំណាងសភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ ប្រទេសកាណាដា និងគណៈប្រតិភូ ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប លោក ខេលវិន ម៉ូ បានថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ដែលបានចំណាយពេលដ៏មមាញឹកអនុញ្ញាតឱ្យរូបលោក និងគណៈប្រតិភូ ចូលជួបសម្ដែងការគួរសម និងពិភាក្សាការងារ ព្រមទាំងអរគុណចំពោះការសម្របសម្រួលរបស់របស់ក្រសួង-ស្ថាប័នពាក់ព័ន្ធ ក្នុងការរៀបចំដំណើរទស្សនកិច្ចរបស់លោក និងគណៈប្រតិភូនៅកម្ពុជា​ប្រកបដោយភាពរលូន​ និងជោគជ័យ​ នាឱកាសនេះ។ លោក ខេលវិន ម៉ូ បានអបអរសាទរ និងវាយតម្លៃខ្ពស់ចំពោះការអភិវឌ្ឍរីកចម្រើន យ៉ាងឆាប់រហ័សរបស់ព្រះរាជាណាចក្រកម្ពុជា ជាពិសេសការសម្រេចបាននូវកំណើនសេដ្ឋកិច្ចខ្ពស់ និងមានចីរភាព ក្រោមការដឹកនាំប្រកបដោយភាពឈ្លាសវៃរបស់សម្ដេចធិបតី។ ជាមួយគ្នានេះ លោក ខេលវិន ម៉ូ ក៏បានអបអរសាទរចំពោះកម្ពុជាដែលនឹងធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនី ឆ្នាំ២០២៦ ដែលតាមរយៈកិច្ចប្រជុំកំពូលនេះ កម្ពុជានឹងមានលទ្ធភាពកាន់តែច្រើនបន្ថែមទៀត ក្នុងការទាក់ទាញវិនិយោគិន និងទេសចរ​​ មកពីបណ្ដាប្រទេសប្រើប្រាស់ភាសាបារាំង។ បន្ថែមលើនេះ លោកខេលវិន ម៉ូ បានគោរពជម្រាបជូនសម្ដេចធិបតី ថា គោលបំណងនៃដំណើរទស្សនកិច្ចរបស់រូបលោក និងគណៈប្រតិភូ គឺដើម្បីស្វែងយល់បន្ថែមទៀតអំពីសក្ដានុពល និងកាលានុវត្តភាពនៃការវិនិយោគរបស់កម្ពុជា គោលនយោបាយ យុទ្ធសាស្ត្ររបស់រាជរដ្ឋាភិបាលកម្ពុជាក្នុងការទាក់ទាញវិនិយោគ និង គោរពស្នើសុំអនុសាសន៍ណែនាំរបស់សម្ដេចធិបតី ក្នុងការជំរុញ និងផ្សារភ្ជាប់ទំនាក់ទំនងនៃការវិនិយោគរវាងកម្ពុជា និងកាណាដាឱ្យកាន់តែល្អប្រសើរថែមទៀត។ ជាការឆ្លើយតប សម្តេចធិបតី បានស្វាគមន៍ និងរីករាយដែលបានជួបពិភាក្សាការងារជាមួយលោក ខេលវិន ម៉ូ និងគណៈប្រតិភូ និងអបអរសាទរ លោក ខេលវិន ម៉ូ ដែលត្រូវបានបោះឆ្នោតជ្រើសតាំងជាប្រធានការិយាល័យតំណាងសភាពាណិជ្ជកម្មកម្ពុជា​ ប្រចាំទីក្រុងម៉ុងរ៉េអាល់ ប្រទេសកាណាដា។ សម្ដេចធិបតីបានគូសបញ្ជាក់ថា ការិយាល័យតំណាងសភាពាណិជ្ជកម្មកម្ពុជានៅក្រៅប្រទេសត្រូវបានបង្កើតឡើងនៅតាមបណ្ដាប្រទេសមួយចំនួនដូចជា សហរដ្ឋអាម៉េរិក អូស្ត្រាលី ជប៉ុន ហើយបច្ចុប្បន្នកំពុងត្រូវបានបង្កើតបន្ថែមនៅប្រទេសបារាំង និងបណ្ដាប្រទេសក្នុងសហភាពអឺរ៉ុប ក្នុងគោលបំណងផ្សារភ្ជាប់ទំនាក់ទំនងលើវិស័យពាណិជ្ជកម្ម និងវិនិយោគរវាងកម្ពុជាជាមួយបណ្តាប្រទេសនានា ក៏ដូចជាទំនាក់ទំនងរវាងប្រជាជន និងប្រជាជនផងដែរ។ ជាក់ស្តែង​ ការិយាល័យតំណាងសភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ បានដើរតួនាទីជាស្ពានភ្ជាប់ទំនាក់ទំនងរវាងប្រជាជន និងប្រជាជននៃប្រទេសទាំងពីរ ក៏ដូចជាវិនិយោគិនផងដែរ។ សម្ដេចធិបតី សង្ឃឹមយ៉ាងមុតមាំថា ការិយាល័យតំណាងសភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ នឹងសហការជិតស្និទ្នជាមួយសភាពាណិជ្ជកម្មកម្ពុជា ដើម្បីពង្រីកសក្ដានុពល និងកាលានុវត្តភាពនៃការវិនិយោគ​ និងពាណិជ្ជកម្ម រវាងប្រទេសទាំងពីរ និងបានស្នើដល់ការិយាល័យតំណាងសភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ ជួយបំពេញនូវកិច្ចការជាអាទិភាពចំនួន២ រួមមាន៖ (១) ផ្សព្វផ្សាយពីសក្ដានុពលនៅកម្ពុជា លើវិស័យពាណិជ្ជកម្ម ទេសចរណ៍ និងកាលានុវត្តភាពនៃការវិនិយោគនៅកម្ពុជា​​ និង (២) គាំទ្រគំនិតផ្ដួចផ្ដើមរបស់រាជរដ្ឋាភិបាលកម្ពុជា ក្នុងការជំរុញពាណិជ្ជកម្មកម្ពុជា-កាណាដា ក៏ដូចជាការបំពេញតួនាទីជាអ្នកសម្របសម្រួលក្នុងកិច្ចចរចាពាណិជ្ជកម្ម និងការនាំចេញផលិតផលរបស់កម្ពុជាទៅកាន់ប្រទេសកាណាដា។មុននឹងបញ្ចប់ សម្ដេចធិបតីបានគូសបញ្ជាក់ថា កម្ពុជាកំពុងត្រៀមរៀបចំកិច្ចប្រជុំកំពូលហ្វ្រង់កូហ្វូនី ឆ្នាំ២០២៦ ព្រមទាំងបានគូសរំលេចពីគំនិតផ្ដួចផ្ដើមរបស់សម្ដេចធិបតី ក្នុងការបង្កើតនូវមជ្ឈមណ្ឌលវប្បធម៌​ និងភាសាបារាំង ថ្នាក់តំបន់ នៅក្នុងប្រទេសកម្ពុជា សម្រាប់បម្រើឱ្យការផ្សព្វផ្សាយវប្បធម៌​បារាំង និង​ ការបណ្តុះបណ្តាលភាសាបារាំង​ ដល់ប្រជាជននៃបណ្តាប្រទេសនៅក្នុងតំបន់អាស៊ី។ជាទីបញ្ចប់ សម្ដេចធិបតី ក៏បានលើកទឹកចិត្តដល់ការិយាល័យតំណាងសភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ សហការជាមួយក្រសួងពាណិជ្ជកម្ម ក្នុងការផ្សព្វផ្សាយកាលានុវត្តធុរកិច្ច​​ និងពាណិជ្ជកម្ម​​ រវាងប្រទេសកម្ពុជា និងកាណាដា ផងដែរ៕

មន្ត្រីអ៊ីស្រាអែល៖ ការពណ៌នា​របស់លោក បៃដិន អំពីសំណើបទឈប់បាញ់ គឺមិនច្បាស់លាស់ទេ

2024/06/04 02:12:00 pm        148
Facebook Telegram Linkin
មន្ត្រីជាន់ខ្ពស់អ៊ីស្រាអែល បានប្រាប់សារព័ត៌មាន NBC News ថា ការពិណ៌នារបស់លោកប្រធានាធិបតី ចូ បៃដិន អំពីសំណើបទឈប់បាញ់របស់អ៊ីស្រាអែល គឺ «មិនច្បាស់លាស់ទេ ខណៈដែលការសង្ស័យ បានកើនឡើងកាលពីថ្ងៃចន្ទ ជុំវិញជំហររបស់សម្ព័ន្ធមិត្តអាមេរិក លើកិច្ចព្រមព្រៀងនេះ។លោក បៃដិន បាននិយាយនៅក្នុងសេចក្តីប្រកាសដ៏គួរឲ្យភ្ញាក់ផ្អើលមួយ កាលពីថ្ងៃសុក្រថា លោកកំពុងគូសបញ្ជាក់អំពីសំណើបទឈប់បាញ់ ដែលធ្វើឡើងដោយអ៊ីស្រាអែល និងបានអនុម័តដោយអ្នកសម្របសម្រួលដល់ក្រុមហាម៉ាស។ប៉ុន្តែមន្ត្រីរូបនេះ បានចោទសួរអំពីការពិពណ៌នារបស់លោក បៃដិន អំពីសំណើបទឈប់បាញ់ ខណៈដែលនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ ដែលកំពុងប្រឈមនឹងសម្ពាធកាន់តែខ្លាំងឡើងពីទីក្រុងវ៉ាស៊ីនតោន និងក្រុមគ្រួសារនៃចំណាប់ថ្នូរនៅម្ខាង និងរដ្ឋមន្ត្រីស្តាំនិយមដែលគំរាមកំហែងទម្លាក់រដ្ឋាភិបាលរបស់ខ្លួន នៅម្ខាងទៀត បាននិយាយថា លោក បៃដិន បានដាក់ចេញតែផ្នែកខ្លះនៃសំណើរបស់ អ៊ីស្រាអែលប៉ុណ្ណោះ។មន្ត្រីរូបនេះ ពិតជាសង្ស័យថា អ៊ីស្រាអែល បានយល់ព្រមដកកងទ័ពរបស់ខ្លួនទាំងស្រុងចេញពីតំបន់ហ្កាហ្សាស្ទ្រីប ដែលជាផ្នែកនៃកិច្ចព្រមព្រៀងមួយ ដើម្បីដោះលែងចំណាប់ថ្នូរនៅសេសសល់ ប្រហែល ១២៥នាក់ ដែលកំពុងជាប់ឃុំនៅទីនោះ។មន្ត្រីដដែល បានអះអាងថា៖«អ៊ីស្រាអែល មិនបានផ្លាស់ប្តូរលក្ខខណ្ឌ ដើម្បីឈានដល់បទឈប់បាញ់ជា អចិន្ត្រៃយ៍ទេ។ វានឹងកើតឡើង បន្ទាប់ពីគោលដៅរបស់យើង ត្រូវបានសម្រេច រួមទាំងការបំផ្លាញសមត្ថភាពយោធា និងការគ្រប់គ្រងរបស់ក្រុមហាម៉ាស»។

បណ្ដាញសង្គម

ព័ត៌មានថ្មីៗ

សាលាដំបូងរាជធានីភ្នំពេញឃុំខ្លួនឧក្រិដ្ឋជនជាមេឃ្លោង ១៨រូប ពាក់ព័ន្ធឧក្រិដ្ឋកម្មឆបោកតាមប្រព័ន្ធបច្ចេកវិទ្យាដាក់ពន្ធនាគារបណ្តោះអាសន្ន
04/02/2026 05:04 PM
Facebook Telegram Linkin
ប៉ាគីស្ថាន បញ្ជាក់ថា អាហ្វហ្គានីស្ថាន គឺជាអ្នកមានកាតព្វកិច្ចបញ្ចប់អរិភាព
04/02/2026 05:04 PM
Facebook Telegram Linkin
កម្លាំងជំនាញ CMAC ដោះបន្សាបគ្រាប់បែកទម្លាក់ពីយន្តហោះដោយទ័ពអាកាសសៀមឈ្លានពានកាលពីនៅថ្ងៃទី១០ ខែធ្នូ ឆ្នាំ២០២៥ ប្រភេទ MK-82 ទម្ងន់ប្រមាណជាង ២៣០គីឡូក្រាមដោយជោគជ័យ
04/02/2026 05:04 PM
Facebook Telegram Linkin
អ្នកកែច្នៃ៖ការឡើងថ្លៃមុខទំនិញ មិនធ្វើឱ្យប៉ះពាល់ដល់អតិថិជន និងទីផ្សារនាំចេញរបស់កម្ពុជានោះទេ
04/02/2026 05:04 PM
Facebook Telegram Linkin
តំណាងរដ្ឋមន្ត្រីក្រសួងអភិវឌ្ឍន៍ ចុះវាយតម្លៃបញ្ចប់សុពលភាពផ្លូវក្រាលដីល្បាយក្រួស និងបើកការដ្ឋានស្ថាបនាផ្លូវ DBST
04/02/2026 05:04 PM
Facebook Telegram Linkin
រដ្ឋមន្រ្ដីក្រសួងការងារណែនាំមន្រ្ដីឱ្យបង្កើនប្រសិទ្ធភាពផ្ដល់សេវាកម្មនៅមន្ទីរពេទ្យមូលដ្ឋានដើម្បីឱ្យសមាជិក ប.ស.ស. មកទទួលសេវាជួយសម្រាលបន្ទុកដល់មន្ទីរពេទ្យថ្នាក់ជាតិ
04/02/2026 05:04 PM
Facebook Telegram Linkin
វឌ្ឍនភាពថ្មីគម្រោងគ្រប់គ្រងធនធានទឹកចម្រុះហ្វូណនតេជោ៖ពិធីបើកការដ្ឋានសាងសង់កំណាត់ទី២ នឹងប្រារព្ធឡើងនៅថ្ងៃទី១១ ខែមេសាខាងមុខនេះក្រោមអធិបតីភាពសម្ដេចធិបតីនាយករដ្ឋមន្រ្ដី
04/02/2026 04:04 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ ប្រមុខកងទ័ពអ៊ីរ៉ង់ ប្រាប់មេបញ្ជាការឲ្យត្រៀម សម្រាប់ការវាយប្រហារណាមួយ
04/02/2026 04:04 PM
Facebook Telegram Linkin
ក្រុមហ៊ុនអាកាសចរណ៍ចិន នឹងបន្ថែមតម្លៃ ដោយសារប្រេងឥន្ធនៈ លើជើងហោះហើរក្នុងស្រុក
04/02/2026 04:04 PM
Facebook Telegram Linkin
នាវាចំនួន ២.១៩០គ្រឿង ជាប់គាំងនៅក្នុងឈូងសមុទ្រ ដោយសារអ៊ីរ៉ង់បិទផ្លូវ
04/02/2026 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.