នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ស៊ុន ចាន់ថុល៖ ព្រែកជីកហ្វូណនតេជោ គ្រោងបញ្ចប់ការផ្ទៀងផ្ទាត់និយាមកា និងបោះបង្គោលព្រំដីក្នុងពេលដ៏ខ្លីខាងមុខ
សម្តេចតេជោ៖ ថ្ងៃទី១១កក្កដានេះ រដ្ឋសភានឹងកោះប្រជុំ ដើម្បី​ធ្វើ​វិសោធន​កម្ម​ច្បាប់​រដ្ឋ​ធម្មនុញ្ញ​ដក​សញ្ជាតិ ជនជាតិខ្មែរណាដែលឃុបឃិតជាមួយបរទេសបំផ្លាញជាតិសាសន៍ឯង
ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសំណេះសំណាលជាមួយសិស្ស និស្សិត លោកគ្រូ អ្នកគ្រូ នៅមជ្ឈមណ្ឌលអប់រំ និង​បណ្តុះ​បណ្តាល ជាស៊ីមកំចាយមារ
សម្ដេចតេជោជំរុញឱ្យសិង្ហបុរីមានជើងហោះហើរកាន់តែច្រើនមកកាន់កម្ពុជាបន្ទាប់ពីដាក់ឱ្យដំណើរ​ការព្រលានយន្តហោះអន្តរជាតិតេជោ

នយោបាយ​ និង ការអភិវឌ្ឍន៍

ប្រធានអង្គការពាណិជ្ជកម្មក្រៅប្រទេសជប៉ុន៖វិនិយោគិនជប៉ុននឹងបន្តពង្រីកខ្លួនជ្រើសយកកម្ពុជាជាទីតាំងសម្រាប់ការបណ្តាក់ទុនវិនិយោគ

2024/05/10 10:17:23 am        169
Facebook Telegram Linkin
ជប៉ុន៖ កាលពីល្ងាចថ្ងៃព្រហស្បតិ៍ ទី៩ ខែឧសភា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា អមដំណើរដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានដឹកនាំគណៈប្រតិភូកម្ពុជា ចូលរួមជំនួបជាមួយ លោក Ishiguro Norihiko ប្រធានអង្គការពាណិជ្ជកម្មក្រៅប្រទេសជប៉ុន(JETRO) ក្នុងគោលបំណងពិភាក្សាអំពីកិច្ចសហប្រតិបត្តិការចំពោះមុខរវាង ក្រុមប្រឹក្សាអភិវឌ្ឍន៍កម្ពុជា និង JETRO ក្នុងការទាក់ទាញ និងជំរុញវិនិយោគនៅកម្ពុជា។ក្នុងឱកាសនេះ ឯកឧត្តមឧបនាយករដ្ឋមន្ត្រីបានថ្លែងអំណរគុណជូនចំពោះ JETRO សម្រាប់ការជួយគាំទ្រដល់សកម្មភាពជំរុញ និងទាក់ទាញវិនិយោគនានាដែលផ្តួចផ្តើមឡើងដោយកម្ពុជា។ ទន្ទឹមនឹងនេះ ឯកឧត្តមឧបនាយករដ្ឋមន្ត្រីក៏បានជម្រាបជូនភាគីមិត្តអំពីវឌ្ឍនភាពនៃការដោះស្រាយបញ្ហានានាដែលលើកឡើងដោយក្រុមហ៊ុនជប៉ុនក្នុងអំឡុងកិច្ចប្រជុំនៃគណៈកម្មាធិការចម្រុះកម្ពុជា-ជប៉ុនក្រោមក្របខណ្ឌនៃកិច្ចព្រមព្រៀងរវាងព្រះរាជាណាចក្រកម្ពុជា និងជប៉ុនស្តីពីសេរីភាវូបនីយកម្ម ការជំរុញ និងការការពារវិនិយោគ។ ជាកិច្ចបញ្ចប់ ឯកឧត្តមឧបនាយករដ្ឋមន្ត្រីបានស្នើភាគីមិត្តឱ្យបន្តផ្តល់កិច្ចសហការបន្ថែមសំដៅពន្លាតវិសាលភាពនៃកិច្ចសហប្រតិបត្តិការលើកិច្ចការវិនិយោគឱ្យកាន់តែសកម្ម និងគ្រប់ជ្រុងជ្រោយ ជាពិសេសការចែករំលែកបទពិសោធអំពីការរៀបចំមជ្ឈមណ្ឌលផ្តល់កិច្ចសម្រួលធុរកិច្ចដែល JETRO បានរៀបចំយ៉ាងជោគជ័យ សំដៅធ្វើឱ្យប្រសើរឡើងនូវគុណភាពនៃការផ្តល់កិច្ចសម្រួលវិនិយោគរបស់ក្រុមប្រឹក្សាអភិវឌ្ឍន៍កម្ពុជា ឱ្យកាន់តែល្អមួយកម្រិតទៀត។ ជាការឆ្លើយតប លោកប្រធាន JETRO បានសម្តែងនូវសេចក្តីសាទរសម្រាប់ភាពជោគជ័យនៃដំណើរបេសកកម្មគោះទ្វារវិនិយោគិនដែលដឹកនាំដោយឯកឧត្តមឧបនាយករដ្ឋមន្ត្រីមកកាន់ប្រទេសជប៉ុន។ ក្នុងស្មារតីនេះ លោកប្រធានបានឯកភាពជាគោលការណ៍តាមសំណើរបស់ភាគីកម្ពុជា និងបង្ហាញក្តីសង្ឃឹមថាក្រោមការដឹកនាំរបស់រាជរដ្ឋាភិបាលកម្ពុជា គម្រោងវិនិយោគជប៉ុន ដែលកំពុងមានអត្ថិភាពនៅកម្ពុជានឹងបន្តពង្រីកខ្លួនជាលំដាប់ ហើយវិនិយោគិនជប៉ុនដែលមានបំណងពង្រីកទីផ្សាររបស់ខ្លួននឹងជ្រើសយកកម្ពុជា ជាទីតាំងសម្រាប់ការបណ្តាក់ទុនវិនិយោគនាពេលអនាគត៕

ឯកឧត្តម ស៊ុន ចាន់ថុល ធ្វើទស្សនកិច្ចនៅក្រុមហ៊ុន Japan Freight Railway ដើម្បីសិក្សាឈ្វេងយល់អំពីបទពិសោធន៍ការរៀបចំប្រព័ន្ធភស្តុភារកម្ម

2024/05/10 09:50:46 am        158
Facebook Telegram Linkin
ជប៉ុន៖ នាព្រឹកថ្ងៃព្រហស្បតិ៍ទី៩ ខែឧសភា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា អមដំណើរដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន និងគណៈប្រតិភូកម្ពុជា បានធ្វើទស្សនកិច្ចការងារទៅកាន់ក្រុមហ៊ុន Japan Freight Railway ក្នុងគោលបំណងសិក្សាឈ្វេងយល់អំពីបទពិសោធន៍នៃការរៀបចំប្រព័ន្ធភស្តុភារកម្ម និងដឹកជញ្ជូនតាមផ្លូវដែកពីភាគីមិត្ត សំដៅពាំនាំមកនូវឧត្តមានុវត្តន៍ និងធាតុចូលល្អៗ សម្រាប់ធ្វើឱ្យប្រសើរឡើងនូវប្រព័ន្ធដឹកជញ្ជូនតាមផ្លូវដែកនៅកម្ពុជា។ជាការកត់សម្គាល់ ក្រុមហ៊ុន Japan Freight Railway គឺជាក្រុមហ៊ុនយក្សនៃប្រទេសជប៉ុនដែលមានប្រតិបត្តិការជាមធ្យម៤១២ជើងក្នុងមួយថ្ងៃ ផ្លូវរត់ប្រវែង៧៨២៩,១គីឡូម៉ែត្រ និងស្ថានីយកុងតឺន័រចំនួន១២២។ បន្ថែមពីនេះ ក្រុមហ៊ុនដ៏លេចធ្លោមួយនេះ ធ្លាប់បានចូលរួមសិក្សាលើគម្រោងអភិវឌ្ឍន៍ប្រព័ន្ធដឹកជញ្ជូនតាមផ្លូវដែកនៅកម្ពុជា ជាមួយទីភ្នាក់ងារសហប្រតិបត្តិការអន្តរជាតិជប៉ុនផងដែរ។

ហុងគ្រី និងចិនចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រក្នុងដំណើរទស្សនកិច្ចរបស់ប្រធានាធិបតីចិន Xi

2024/05/10 09:27:38 am        221
Facebook Telegram Linkin
ហុងគ្រី និងចិន បានចុះហត្ថលេខាលើកិច្ចព្រមព្រៀងថ្មីមួយចំនួនកាលពីថ្ងៃព្រហស្បតិ៍ដើម្បីធ្វើឱ្យកិច្ចសហប្រតិបត្តិការសេដ្ឋកិច្ចនិងវប្បធម៌រវាងប្រទេសទាំង២កាន់តែល្អប្រសើរថែមទៀត អំឡុងដំណើរទស្សនកិច្ចទៅកាន់ប្រទេសនៅតំបន់អឺរ៉ុបកណ្តាល ដោយលោកប្រធានាធិបតីចិន Xi Jinping ដែលជាដំណើរឆ្ពោះទៅរកការពង្រឹងជំហរសេដ្ឋកិច្ចរបស់ប្រទេសចិននៅក្នុងតំបន់នេះ។ ក្រុមមន្ត្រីហុងគ្រី និងចិន បានបញ្ចប់កិច្ចព្រមព្រៀងភាពជាដៃគូយុទ្ធសាស្ត្រ និងបានចុះហត្ថលេខាលើកិច្ចព្រមព្រៀង និងអនុស្សរណៈនៃការយោគយល់គ្នា ចំនួន ១៨ ផ្សេងទៀត ប៉ុន្តែមិនមានការវិនិយោគធំណាមួយត្រូវបានប្រកាសនៅក្នុងសន្និសីទសារព័ត៌មាននោះទេ។លោក Xi និងលោកនាយករដ្ឋមន្ត្រីហុងគ្រី លោក វីកទ័រ អូបាន (Viktor Orbán) បានជួបពិភាក្សាគ្នានៅរដ្ឋធានី ប៊ុយដាប៉ែស (Budapest) ដែលជាផ្នែកមួយនៃការឈប់សំចតចុងក្រោយរបស់មេដឹកនាំចិន ក្នុងដំណើរទៅកាន់ទឹកដីអឺរ៉ុបរយៈពេល៥ថ្ងៃ ដែលបានទៅបំពេញទស្សនកិច្ចនៅប្រទេសស៊ែរប៊ី និងប្រទេសបារាំងផងដែរ។ ក្នុងអំឡុងសន្និសីទសារព័ត៌មានបន្ទាប់ពីកិច្ចពិភាក្សា លោក Orbán បានសរសើរ ពីមិត្តភាពគ្មានការរំខាន រវាងប្រទេសទាំងពីរចាប់តាំងពីអាណត្តិរបស់លោកបានចាប់ផ្តើមនៅឆ្នាំ ២០១០ ហើយបានសន្យាថាហុងគ្រីនឹងបន្តទទួលការវិនិយោគរបស់ចិនបន្ថែមទៀត។ លោក Orbán បាននិយាយ ខ្ញុំសូមធានាចំពោះលោកប្រធានាធិបតី ថាហុងគ្រីនឹងបន្តផ្តល់លក្ខខណ្ឌយុត្តិធម៌សម្រាប់ក្រុមហ៊ុនចិនដែលវិនិយោគនៅក្នុងប្រទេសរបស់យើង ហើយថាយើងនឹងបង្កើតឱកាសសម្រាប់បច្ចេកវិទ្យាលោកខាងលិចទំនើបបំផុត និងទំនើបបំផុតដើម្បីបំពេញតម្រូវការ និងកសាងកិច្ចសហប្រតិបត្តិការនៅក្នុងប្រទេសហុងគ្រី។ ទីក្រុងប៉េកាំងបានវិនិយោគរាប់ពាន់លាននៅក្នុងប្រទេសហុងគ្រី ហើយមើលឃើញថាសមាជិកសហភាពអឺរ៉ុបមួយនេះ គឺជាមូលដ្ឋានដ៏សំខាន់មួយនៅក្នុងប្លុកពាណិជ្ជកម្មដែលមានសមាជិក ២៧ប្រទេស ។ កាលពីខែធ្នូ ហុងគ្រីបានប្រកាសថាក្រុមហ៊ុនផលិតរថយន្តអគ្គិសនី (EV) ដ៏ធំបំផុតមួយរបស់ពិភពលោកគឺ BYD របស់ប្រទេសចិននឹងបើករោងចក្រផលិតរថយន្ត EV នៅអឺរ៉ុបដំបូងរបស់ខ្លួននៅភាគខាងត្បូងនៃប្រទេសនេះ ជាត្រួសត្រាយផ្លូវមួយដែលអាចលើកកម្ពស់ការប្រកួតប្រជែងនៃឧស្សាហកម្មរថយន្តរបស់ទ្វីបនេះ៕

ឯកឧត្តម ស៊ុន ចាន់ថុល ជួបពិភាក្សាជាមួយប្រធានក្រុមហ៊ុន MinebeaMitsumi ដើម្បីពង្រឹង និងពង្រីកកិច្ចសហប្រតិបត្តិការក្នុងភាពជាដៃគូរវាងរាជរដ្ឋាភិបាល និងវិស័យឯកជន

2024/05/10 09:02:19 am        61
Facebook Telegram Linkin
ជប៉ុន៖ កាលពីរសៀលថ្ងៃព្រហស្បតិ៍ ទី៩ ខែឧសភា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក.អ.ក. អមដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានដឹកនាំគណៈប្រតិភូកម្ពុជា ចូលជួបពិភាក្សាការងារជាមួយលោក Yoshihisa Kainuma ប្រធានក្រុមហ៊ុន ក្នុងគោលបំណងពង្រឹង និងពង្រីកកិច្ចសហប្រតិបត្តិការក្នុងភាពជាដៃគូរវាងរាជរដ្ឋាភិបាល និងវិស័យឯកជនឱ្យកាន់តែយល់ចិត្តគ្នាទៅវិញទៅមកបន្ថែមមួយកម្រិតទៀត។ក្នុងកម្មវិធីនេះ ឯកឧត្តមឧបនាយករដ្ឋមន្ត្រី បានថ្លែងអំណរគុណជូនចំពោះ Minebea ដែលបានផ្តល់នូវសេចក្តីទុកចិត្តខ្ពស់មកលើរាជរដ្ឋាភិបាល និងប្រជាជនកម្ពុជា តាមរយៈការបណ្តាក់ទុនវិនិយោគក្នុងទំហំដ៏ច្រើនគួរឱ្យកត់សម្គាល់។ ជាមួយគ្នានេះ ឯកឧត្តមឧបនាយករដ្ឋមន្ត្រីក៏បានចូលរួមសម្តែងនូវសេចក្តីសាទរ​យ៉ាង​ក្លៀវក្លា​ជូនភាគីក្រុមហ៊ុនសម្រាប់ភាពជោគជ័យនៃប្រតិបត្តិការអាជីវកម្មរបស់ខ្លួននៅកម្ពុជា ហើយ​សមិទ្ធកម្មនៃភាពជោគជ័យខាងលើស្តែងចេញតាមរយៈការបន្តពង្រីកគម្រោងវិនិយោគរបស់ខ្លួនឱ្យមានកំណើនជាលំដាប់។ ជាកិច្ចបញ្ចប់ ឯកឧត្តមឧបនាយករដ្ឋមន្ត្រីបានបង្ហាញនូវជំនឿចិត្តថា MinebeaMitsumi នឹង​បន្តចូលរួមចំណែក​យ៉ាងសកម្មក្នុងការបង្កើតការងារជូនប្រជាពលរដ្ឋក្នុងស្រុក និងជំរុញកំណើន​សេដ្ឋកិច្ចមូលដ្ឋានឱ្យកាន់តែរីកលូតលាស់ស្រស់បំព្រង។ គួរជម្រាបជូនផងដែរថា ស្របពេលនៃជំនួបពិភាក្សាខាងលើ ឯកឧត្តម​ឧបនាយករដ្ឋមន្ត្រី​ក៏បានអញ្ជើញចូលរួមជាគណៈអធិបតីក្នុងពិធីចុះហត្ថលេខាលើកិច្ចព្រមព្រៀងជួលដីឧស្សាហកម្មរយៈពេលវែងរបស់ក្រុមហ៊ុន MinebeaMitsumi ផងដែរ។

ការចាប់ខ្លួនមេបក្សកម្លាំងជាតិដោយសារបុគ្គលនេះនិយាយបំភ្លើសការពិតទាក់ទងនឹងការចែកបណ្ណ​ក្រីក្រជូនពលរដ្ឋ

2024/05/10 08:48:23 am        184
Facebook Telegram Linkin
អ្នកនាំពាក្យរបស់ក្រសួងយុត្តិធម៌ បានបញ្ជាក់ថា ការចាប់ខ្លួនបុគ្គលឈ្មោះ ស៊ុន ចន្ធី ដែល​ជា​មេ​បក្ស​កម្លាំងជាតិ​នោះ គឺដោយសារបុគ្គលរូ​ប​នេះបាន​ផ្សព្វផ្សាយព័​ត៌មាន​តាមរយៈ​បណ្តាញ​សង្គម​ហ្វេស​បុក ដែលមានលក្ខណៈ«ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» និង​បាន​ទម្លាក់​កំហុស​ដល់រាជរដ្ឋាភិបាល​ដោយ​អសុទ្ធចិត្ត​ទាក់ទង​នឹង​ការ​ចែក​បណ្ណ​ក្រីក្រ​ជូន​ប្រជាពលរដ្ឋ​ជាដើម​។តាមរយៈសេចក្តីថ្លែងការណ៍របស់ក្រសួងយុត្តិធម៌ ដែលទូរទស្សន៍BTVទទួលបាន នាព្រឹកថ្ងៃទី១០ ខែ​ឧសភា ឆ្នាំ២០២៤នេះ បានញ្ជាក់ថា ការចាប់ខ្លួនបុគ្គលឈ្មោះ ស៊ុន ចន្ធី អំពី​ដំណើរ​រឿង​ពាក់ព័ន្ធ​នឹង «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» ដោយបុគ្គលរូបនេះ​បាន​ផ្សព្វ​ផ្សាយ​ព័ត៌មានលើបណ្តាញសង្គម ដោយបានទម្លាក់​កំហុស​ដោយ​អសុទ្ធចិត្ត​ទៅ​លើ​រាជ​រដ្ឋាភិបាល លើការចែកប័ណ្ណក្រីក្រជូនប្រជាពលរដ្ឋថាមានការលម្អៀង និងរើសអើង​ព្រម​ទាំង​បាន​មួល​ប​ង្កាច់អំពីការអភិវឌ្ឍ ប្រទេសរបស់រាជរដ្ឋាភិបាល ក្នុងចេតនាញុះញង់បំភ្លើសព័ត៌មាន នាំឱ្យ​ប្រជា​ពលរដ្ឋមានការយល់ច្រឡំ ដែលបង្កភាពវឹកវរធ្ងន់ធ្ងរដល់សន្តិសុខសង្គម និងសណ្ដាប់​ធ្នាប់​សាធារណៈ​ជាដើម​។សេចក្តីថ្លែងការណ៍របស់ក្រសួងបានបញ្ជាក់បន្ថែមថា«ការចាប់ខ្លួននេះ ជាការ​អនុវត្ត​ច្បាប់​ស្រប​តាម​ក្រមនីតិវិធីព្រហ្មទណ្ឌ ហើយការចាប់ខ្លួននេះផងដែរ គឺពាក់ព័ន្ធទៅនឹងអង្គហេតុនៃបទល្មើស ហើយ​ជាការអនុវត្តច្បាប់សុទ្ធសាធ ដោយផ្អែកតាមក្រមព្រហ្មទណ្ឌ និងក្រមនី​តិវិធី​ព្រហ្ម​ទណ្ឌ នៃ​ព្រះរាជា​ណា​ចក្រកម្ពុជា។ ជាមួយគ្នានោះដែរអ្នកនាំពាក្យរបស់ក្រសួងយុត្តិធម៌ ពិនិត្យឃើញថា ការចេញ​សេចក្ដី​ថ្លែងការណ៍​របស់​គណបក្ស​កម្លាំង​ជាតិ ដោយប្រើពាក្យ “ថ្កោលទោស” ចំពោះការអនុវត្តច្បាប់​ដោយ​ស្ថាប័ន​មាន​សមត្ថកិច្ច​បែបនេះ គឺជាការមិនត្រឹមត្រូវ និងមិនអាចទទួលយកបានឡើយ ហើយដែល​គណបក្ស​នេះ​គប្បីពិនិត្យពិចារណាឡើងវិញក្នុងការប្រើប្រាស់ពាក្យពេចន៍ឱ្យបានសមស្រប ដើម្បី​ធានាបាននូវធម្មានុរូបភាពជាតួអង្គនយោបាយមួយ ដែលគោរពច្បាប់ នៅក្នុងសង្គមនីតិរដ្ឋ។សូមបញ្ជាក់ថា លោក ស៊ុន ចន្ធី មេបក្សកម្លាំងជាតិត្រូវបានកម្លាំងសមត្ថកិច្ចធ្វើការចាប់ខ្លួនកាលពី រសៀល​ថ្ងៃទី៩ ខែឧសភា ឆ្នាំ២០២៤នេះ ពេលចុះ​ពី​លើ​យន្ត​ហោះ​មក​ពី​ប្រទេសជប៉ុន។ ការចាប់​ខ្លួន​ដោយសារតែបុគ្គលរូបនេះ បង្ហោះតាមបណ្តាញសង្គមហ្វេសបុក នាំឲ្យពលរដ្ឋយល់ច្រឡំ និង​បង្ក​ឲ្យមានភាពវឹកវរក្នុងសង្គមទាក់ទងនឹងការនិយាយគ្មានការពិតបំភ្លើសចោទប្រកាន់ដល់រាជរដ្ឋាភិបាលថា មានភាពរើសអើង ក្នុងការចែកប័ណ្ណក្រីក្រជូនដល់បងប្អូនប្រជាពលរដ្ឋនោះ៕ អត្ថបទ៖ បាន ចក់

ក្រសួងបរិស្ថានគាំទ្រសកម្មភាពរួមចំណែកឆ្លើយតបនឹងភាពស្អាតនៅក្នុងសង្គមកម្ពុជា

2024/05/10 08:02:41 am        250
Facebook Telegram Linkin
ក្រសួងបរិស្ថានគាំទ្រយ៉ាងទូលំទូលាយ ចំពោះដៃគូទាំងអស់ដែលធ្វើការក្នុងវិស័យបរិស្ថាន ឆ្លើយតបជាពិសេសនឹងភាពស្អាតក្នុងសង្គមកម្ពុជា ដែលផ្តើមពីភាពស្អាតផ្នត់គំនិត ភាពស្អាតបុគ្គល ភាពស្អាតនៅក្នុងសង្គម និងភាពស្អាតរបស់កម្ពុជា នៅក្នុងតំបន់ និងអន្តរជាតិ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងលើកឡើងបែបនេះ នៅក្នុងឱកាសទទួលជួបពិភាក្សាជាមួយ ក្រុមការងារយុវជនបណ្តុំអង្គការសង្គមស៊ីវិល សិស្ស និស្សិត ក្រុមសេដ្ឋកិច្ចក្រៅប្រព័ន្ធនិងអ្នកសារព័ត៌មាន នាទីស្តីការក្រសួងបរិស្ថាន នៅរសៀលថ្ងៃព្រហស្បតិ៍ ទី០៩ ខែឧសភា ឆ្នាំ២០២៤។ ឯកឧត្តមបណ្ឌិត អ៊ាង សុផល្លែត បានបន្ថែមថា យុទ្ធសាស្ត្រភាពស្អាត មានចែងក្នុងយុទ្ធសាស្រ្តចក្រាវិស័យបរិស្ថាន។ កន្លងមកក្រសួងបរិស្ថាន បានដាក់ចេញ យុទ្ធនាការភាពស្អាតផ្ទៃដី ភាពស្អាតផ្ទៃមេឃ និងភាពស្អាតផ្ទៃទឹក។ ចំពោះភាពស្អាតលើផ្ទៃដី គឺភាពស្អាតដែលកើតចេញពីសណ្តានចិត្ត របស់ប្រជាពលរដ្ឋកម្ពុជា និងសិស្សានុសិស្សចំនួន ៨លាននាក់ ចូលរួមយ៉ាងក្លៀវក្លា ក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ៖ «ថ្ងៃនេះ ខ្ញុំមិនប្រើថង់ប្លាស្ទិកទេ»។ ជាមួយគ្នានេះ ឯកឧត្តមរដ្ឋមន្រ្តី បានលើកឡើងថា យុទ្ធនាការបានបណ្តុះគំនិតឱ្យកុមារស្រឡាញ់បរិស្ថាន និងបានបង្កើតភាពស្អាតនេះ ដែលមិនត្រឹមតែធ្វើឱ្យខ្លួនយើងស្អាត ឬការស្អាតចេញពីក្នុងខ្លួននោះទេ ប៉ុន្តែធ្វើខាងក្រៅខ្លួនមានភាពស្អាតបន្ថែមទៀត គឺធ្វើឱ្យសង្គមយើងស្អាត និងប្រទេសជាតិមានបរិស្ថានស្អាត ទៅថ្ងៃអនាគត។ឯកឧត្តមរដ្ឋមន្រ្តី បានលើកឡើងថា នៅពេលនេះយុទ្ធនាការកាត់បន្ថយការប្រើប្រាស់ប្លាស្ទិកនៅកម្ពុជា បានទទួលជោគជ័យ គឺជាមោទនភាពរបស់កម្ពុជាយើង។ យុទ្ធនាការបានឈានដល់ ជំហានទី២ ដែលជំរុញឲ្យមានការចូលរួមរបស់ប្រជាពលរដ្ឋ សម្រេចចិត្តចេញមកសម្អាតផ្ទះ ភូមិឋាន ការរៀបចំបែងចែកសំរាម និងទុកដាក់សំរាម ទៅតាមប្រភេទសំរាម។ ក្នុងឱកាសនេះ ឯកឧត្តមបណ្ឌិត អ៊ាង សុផល្លែត បានជំរុញឱ្យមានការចូលរួមពីគ្រប់អ្នកពាក់ព័ន្ធ ជាពិសេសយុវជនកម្ពុជា បង្កើនតួនាទីចូលរួមអប់រំ និងផ្សព្វផ្សាយ ពីភាពស្អាត ឱ្យបានច្រើនឡើងថែមទៀត ជាពិសេសជំរុញការចូលរួមចំណែកលុបបំបាត់សំណល់ប្លាស្ទិក ការសំអាត់អនាម័យបរិស្ថាន រួមទាំងការទុកដាក់សំរាមឱ្យបានត្រឹមត្រូវ នៅតាមសហគមន៍ ផ្ទះសម្បែង សាលារៀន និងវត្តអារាម ជាដើម។ឯកឧត្តមបណ្ឌិត អ៊ាង សុផល្លែត រួមជាមួយថ្នាក់ដឹកនាំ និងមន្រ្តីរាជការគ្រប់ថ្នាក់ នៃក្រសួងបរិស្ថាន បេ្តជ្ញាចិត្តខ្ពស់ និងមានផែនការយុទ្ធសាស្ត្រច្បាស់លាស់ ក្រោមការចង្អុលបង្ហាញដោយផ្ទាល់សម្តេចធិបតី ហ៊ុន ម៉ាណែត ដើម្បីឆ្លើយតបទៅនឹងការប្រែប្រួលអាកាសធាតុ និងលើកកម្ពស់សេដ្ឋកិច្ចបៃតង ដោយជំរុញសម្រេចគោលដៅកម្ពុជា «ជាប្រទេសអព្យាក្រិតកាបូន និងមានគម្របព្រៃឈើ៦០% នៅឆ្នាំ២០៥០» ដែលនោះហើយ គឺធ្វើឱ្យកម្ពុជាបង្ហាញភាពស្អាតលើឆាកអន្តរជាតិ រួមមាន ៖ ភាពស្អាតរបស់កម្ពុជាជាមួយដៃគូ ភាពស្អាតរបស់កម្ពុជាក្នុងតំបន់ និងភាពស្អាតរបស់កម្ពុជាលើសកលលោក។សូមបញ្ជាក់ថា យោងតាមប្រសាសន៍ដឹកនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ដឹកនាំបង្កើតនិងបានដាក់ចេញយុទ្ធសាស្រ្តចក្រាវិស័យបរិស្ថាន ដែលផ្តោលើមុំយុទ្ធសាស្រ្តអាទិភាពចំនួន៣ គឺ ស្អាត បៃតង និងចីរភាព ក្នុងគោលបំណងប្រែក្លាយសក្តានុពលវិស័យបរិស្ថាន ឱ្យទៅជាឧត្តមប្រយោជន៍ពិតជាក់ស្តែង សម្រាប់ប្រទេសជាតិ និងប្រជាជនកម្ពុជាគ្រប់ជំនាន់៕

ក្រុមតារាវិទូ រកឃើញភពនៅក្រៅប្រព័ន្ធព្រះអាទិត្យ ដែលមានបរិយាកាស

2024/05/09 01:21:14 pm        134
Facebook Telegram Linkin
ក្រុមតារាវិទូបានស្វែងរកអស់រយៈពេលជាច្រើនឆ្នាំសម្រាប់ភព ដែលស្ថិតនៅហួសពីប្រព័ន្ធព្រះអាទិត្យជាមួយនឹងបរិយាកាស ដែលជាលក្ខណៈមួយត្រូវបានគេចាត់ទុកថាមានសារៈសំខាន់សម្រាប់លទ្ធភាពនៃការផ្ទុកជីវិតនៅលើនោះ។ នៅទីបំផុត ក្រុមតារាវិទូហាក់ដូចជាបានរកឃើញទីតាំងសមស្របមួយ ប៉ុន្តែភពនេះ ដែលជាក់ស្តែងមានផ្ទៃថ្មរលាយ ហាក់មិនផ្តល់ក្តីសង្ឃឹមសម្រាប់ការរស់នៅឡើយ។ក្រុមអ្នកស្រាវជ្រាវបាននិយាយកាលពីថ្ងៃពុធ (០៨ ឧសភា) ថា ភពនេះមានលក្ខណៈជាជា «ភពផែនដីដ៏ធំ» (super-Earth) ព្រោះវាជាពិភពថ្មធំជាងភពផែនដីយើង ប៉ុន្តែតូចជាងភពណិបទូន ហើយវាវិលជុំវិញយ៉ាងគ្រោះថ្នាក់ជិតផ្កាយដែលមានពន្លឺស្រអាប់ និងមានទំហំធំជាងព្រះអាទិត្យរបស់យើងបន្តិច ដោយធ្វើដំណើរក្នុងគន្លងយ៉ាងលឿនរៀងរាល់ ១៨ ម៉ោង ឬលើសពីនេះ។ការសង្កេត ដោយប្រើឧបករណ៍ពីរនៅលើកែវយឺតអវកាស ជេមស៍ វេប (James Webb) នេះបង្ហាញពីវត្តមានរបស់បរិយាកាសដ៏សមស្របមួយចំនួន ប៉ុន្តែមិនអាចទទួលយកបានភាគច្រើន ហើយប្រហែលជាបន្តបំពេញបន្ថែមដោយឧស្ម័នពុល ដែលទំនងជាសម្បូរទៅដោយឧស្ម័នកាបូនឌីអុកស៊ីត ឬឧស្ម័នកាបូនម៉ូណូអុកស៊ីត ដែលបញ្ចេញចេញពីមហាសមុទ្រដ៏ធំនៃម៉ាក់ម៉ា។ទិន្នន័យពីឧបករណ៍ វេប នេះមិនបានបញ្ជាក់ច្បាស់ពីកម្រាស់នៃបរិយាកាសនោះទេ។ អ្នកវិទ្យាសាស្ត្រភព លោក រ៉េនយូ ហ៊ូ (Renyu Hu) បាននិយាយថា បរិយាកាសនៅភពនោះអាចក្រាស់ដូចផែនដី ឬក្រាស់ជាងភពសុក្រ ដែលមានបរិយាកាសពុលក្រាស់បំផុតនៅក្នុងប្រព័ន្ធព្រះអាទិត្យ៕

ប្រធានាធិបតីចិន ជួបមេដឹកនាំហុងគ្រី ដើម្បីអបអរសាទរយុគសម័យថ្មី

2024/05/09 01:06:46 pm        110
Facebook Telegram Linkin
លោកនាយករដ្ឋមន្ត្រីហុងគ្រី វីកទ័រ អូបាន (Viktor Orban) កំពុងទទួលស្វាគមន៍លោកប្រធានាធិបតីចិន Xi Jinping ក្នុងទីក្រុងប៊ូដាប៉េស( Budapest) នៅថ្ងៃព្រហស្បតិ៍នេះ បន្ទាប់ពីលោកបានទៅដល់កាលពីល្ងាចថ្ងៃពុធ ដើម្បីពង្រឹងទំនាក់ទំនងដ៏ល្អដែលមានស្រាប់ រវាងក្រុងប៉េកាំង និងសម្ព័ន្ធជិតស្និទ្ធបំផុតរបស់ខ្លួននៅសហភាពអឺរ៉ុបមួយនេះ។ដំណើរទស្សនកិច្ចផ្លូវរដ្ឋទៅកាន់ប្រទេសហុងគ្រី ពេលនេះគឺជាដំណើរចុងរបស់លោក Xi នៅក្នុងតំបន់អឺរ៉ុប ជាលើកដំបូង ចាប់តាំងពីឆ្នាំ២០១៩មក ។ នៅដើមសប្ដាហ៍នេះ មេដឹកនាំចិន រូបនេះ បានចាប់ផ្ដើមដំណើរទស្សនកិច្ចរបស់លោកនៅក្នុងប្រទេសបារាំង ជាដំណើរមួយដែលទទួលបានការស្វាគមន៍យ៉ាងកក់ក្ដៅ តែក៏បានបង្ហាញភាពតានតឹងផងដែររវាងក្រុងប៉េកាំង និង សហភាពអឺរ៉ុបជុំវិញសង្គ្រាមនៅអ៊ុយក្រែន និងពាណិជ្ជកម្មពិភពលោក។ ក្នុងការចេញផ្សាយនៅលើសារព័ត៌មានប្រចាំថ្ងៃគាំទ្ររដ្ឋាភិបាលហុងគ្រី ម៉ាកយ៉ា ណេមហ្សេត ( Magyar Nemzet) មុនការទៅដល់របស់លោក ក្នុងទីក្រុងន៊ូដាប៉េស លោក Xi បានកោតសរសើរមិត្តភាពយូរអង្វែងជាមួយហុងគ្រី ដែលលោកបានហៅថាជាភាពទន់ភ្លន់និងមានទ្រព្យសម្បត្តិ ដូចជាស្រា តូកាជី (Tokaji wine) សំដៅដល់តំបន់ផលិតស្រាទំពាំងបាយជូរដ៏ល្បីល្បាញរបស់ហុងគ្រី។ លោកថា យើងបានហែលឆ្លងការលំបាកជាមួយគ្នា និង បានប្រឆាំងឥទ្ធិពលនយោបាយរួមគ្នា ស្របពេលមានភាពផុយស្រួយចំពោះស្ថានភាពអន្ធរជាតិ៕

ការវាយប្រហារលើអ្នកនយោបាយអាល្លឺម៉ង់ កើនឡើង នៅមុនការបោះឆ្នោត

2024/05/09 01:03:50 pm        65
Facebook Telegram Linkin
ព្រឹទ្ធសមាជិកទីក្រុងប៊ែរឡាំង លោកស្រី ហ្វ្រេនហ្សីសកា ហ្គីហ្វេ(Franziska Giffey) គឺជាអ្នកនយោបាយចុងក្រោយបង្អស់ដែលត្រូវបានវាយប្រហារនៅប្រទេសអាល្លឺម៉ង់ ខណៈប្រទេសនេះត្រៀមខ្លួនសម្រាប់ការបោះឆ្នោត។ លោកស្រី Giffey ត្រូវបានបញ្ជូនទៅកាន់មន្ទីរពេទ្យភ្លាមៗ បន្ទាប់ពីបុរសម្នាក់បានវាយលោកស្រីចំក្បាល នៅក្នុងបណ្ណាល័យមួយកន្លែងកាលពីថ្ងៃអង្គារ។ មន្ត្រីម្នាក់និយាយថា វាពិតជាគួឲ្យភ្ញាក់ផ្អើល និងហួសចិត្ត ដែលថ្មីៗនេះ យើងបានឃើញការវាយប្រហារបែបនេះកាន់តែច្រើនឡើង ដែលមនុស្សត្រូវបានវាយប្រហារដោយសារតែការងារនយោបាយរបស់ពួកគេ ដោយសារតែជំហរនិងអាកប្បកិរិយារបស់ពួកគេ ហើយវាបានធ្វើឲ្យប៉ះពាល់ដល់មនុស្សជាច្រើន។នគរបាល និយាយថា ជនសង្ស័យអាយុ៧៤ឆ្នាំម្នាក់ត្រូវបានឃុំខ្លួន ហើយកាលពីពេលមុន ត្រូវបានគេដឹងថាបានប្រព្រឹត្តបទឧក្រិដ្ឋកម្មស្អប់ខ្ពើម ក្នុងចំណោមឧបទ្ទវហេតុផ្សេងទៀត។ ជនសង្ស័យត្រូវបានគេជឿថាមានបញ្ហាសុខភាពផ្លូវចិត្ត។ អធិការបតីអាល្លឺម៉ង់ លោក Olaf Scholz បានថ្កោលទោសសកម្មភាពនេះនៅលើប្រព័ន្ធផ្សព្វផ្សាយសង្គមថាជារឿងដ៏ «កំសាក»។ការវាយប្រហារលើ លោកស្រី Giffey បានកើតឡើងស្របពេលជាមួយកិច្ចប្រជុំបន្ទាន់មួយរបស់រដ្ឋមន្ត្រីរដ្ឋ ដែលកំពុងអំពាវនាវឱ្យមានការការពារពីនគរបាលឲ្យកាន់តែប្រសើរឡើង ចំពោះអ្នកនយោបាយ ខណៈចំនួននៃការវាយប្រហារដោយពាក្យសំដី និងមកលើរាងកាយ កើនឡើងនៅមុនការបោះឆ្នោតនៅអឺរ៉ុប និងក្នុងតំបន់។ទិន្នន័យរបស់រដ្ឋាភិបាល បង្ហាញថាចំនួននៃការវាយប្រហារលើអ្នកនយោបាយនៅក្នុងប្រទេសអាល្លឺម៉ង់ បានកើនឡើងទ្វេដង ចាប់តាំងពីការបោះឆ្នោតសភាអឺរ៉ុប ឆ្នាំ២០១៩។ ដោយឡែក នៅថ្ងៃតែមួយនៃការវាយប្រហារលើលោកស្រី Giffey មនុស្សពីរនាក់ត្រូវបានចាប់ខ្លួននៅទីក្រុង Dresden ពីបទរុញច្រាន និងស្តោះទឹកមាត់ ដាក់សមាជិកគណបក្ស Greens Party ដែលកំពុងដាក់ផ្ទាំងរូបភាពយុទ្ធនាការ។

រុស្ស៊ី៖ ជម្លោះអ៊ុយក្រែន នឹងចប់ក្នុងរយៈពេលពីរសប្តាហ៍ ប្រសិនបើលោកខាងលិច បញ្ឈប់ការគាំទ្ររបស់ខ្លួន

2024/05/09 12:41:38 pm        163
Facebook Telegram Linkin
រុស្ស៊ីបាននិយាយកាលពីថ្ងៃពុធថា ជម្លោះនៅអ៊ុយក្រែន នឹងបញ្ចប់ក្នុងរយៈពេលតែពីរសប្តាហ៍ប៉ុណ្ណោះ ប្រសិនបើលោកខាងលិច បញ្ឈប់ការផ្គត់ផ្គង់យោធាដល់ទីក្រុងគីវ ដោយលើកឡើងពីការអត្ថាធិប្បាយរបស់ប្រធានគោលនយោបាយការបរទេសរបស់សហភាពអឺរ៉ុប លោក ចូសិប បូរ៉ែល (Josep Borrell)។លោក បូរ៉ែល បាននិយាយនៅដើមខែនេះថា ភាពឋិតថេររបស់អ៊ុយក្រែន ពឹងផ្អែកលើលោកខាងលិច ហើយថា សង្រ្គាមនឹងត្រូវបញ្ចប់ក្នុងរយៈពេលពីរបីសប្តាហ៍ ប្រសិនបើការផ្គត់ផ្គង់សព្វាវុធរបស់លោកខាងលិច បានបញ្ចប់។ លោកបានបញ្ជាក់ថា លោកមិនចង់ឲ្យសង្គ្រាម ចប់បែបនេះទេ។នៅពេលសួរអំពីរបៀបកាត់បន្ថយការប្រឈមមុខដាក់គ្នារវាងរុស្ស៊ី និងលោកខាងលិច អ្នកនាំពាក្យក្រសួងការបរទេសរុស្ស៊ី អ្នកស្រី Maria Zakharova បាននិយាយថា លោកខាងលិច បានលើកឡើងនូវវោហា ស័ព្ទអំពីប្រទេសរុស្ស៊ី។អ្នកស្រី Zakharova បានបញ្ជាក់ថា៖«ចំពោះអ្វីដែលត្រូវការសម្រាប់ការបន្ធូរបន្ថយភាពតានតឹង លោក បូរ៉ែល បាននិយាយថា ប្រសិនបើអ្នក ឈប់ផ្គត់ផ្គង់អាវុធដល់ទីក្រុងគីវ អ្វីៗគ្រប់យ៉ាងនឹងចប់ ក្នុងរយៈពេលពីរសប្តាហ៍។ នេះហើយ គឺជារូបមន្តកាត់បន្ថយភាពតានតឹង»។

បណ្ដាញសង្គម

ព័ត៌មានថ្មីៗ

សម្តេចតេជោ៖ច្បាប់ស្តីពីការដកសញ្ជាតិ មិនមែនជារឿងថ្មីនៅកម្ពុជានោះទេគឺមានតំាងពីសម័យសង្គមរាស្រ្តនិយមមកម្លេះ
07/05/2025 12:07 PM
Facebook Telegram Linkin
លោក Trump៖ ការឆ្លើយតបវិជ្ជមានរបស់ក្រុមហាហ៉ាស អាចជាសញ្ញាមានកិច្ចព្រមព្រៀងនៅហ្កាហ្សា នាសប្តាហ៍ក្រោយ
07/05/2025 12:07 PM
Facebook Telegram Linkin
មន្រ្តីជំនាញក្រសួងបរិស្ថានរកឃើញក្រុមហ៊ុនមួយទៀតនៅសង្កាត់ចោមចៅទី២បង្កផលប៉ះពាល់បំពុលដល់បរិស្ថាន
07/05/2025 12:07 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញបញ្ចុះខណ្ឌសីមា និង សម្ពោធសមិទ្ធផលនានាក្នុងវវត្ត "តូប"
07/05/2025 12:07 PM
Facebook Telegram Linkin
លោក Trump ប្រារព្ធទិវាឯករាជ្យ ដោយមានការបាញ់កាំជ្រួចនៅទីក្រុងវ៉ាស៊ីនតោន
07/05/2025 11:07 AM
Facebook Telegram Linkin
ដោយប្រឈមការគំរាមពីអ្នកតាំងលំនៅ ពលរដ្ឋប៉ាឡេស្ទីនត្រូវបានបង្ខំឱ្យចាកចេញពីសហគមន៍នៅ West Bank
07/05/2025 11:07 AM
Facebook Telegram Linkin
លោក Trump ចុះហត្ថលេខាចូលជាច្បាប់លើសេចក្តីស្នើច្បាប់គោលនយោបាយក្នុងប្រទេស
07/05/2025 11:07 AM
Facebook Telegram Linkin
អភិបាលក្រុង៖ «មនុស្សរាប់រយនាក់បាត់បង់លំនៅឋាន» បន្ទាប់ពីចំហេះព្រៃនៅក្នុងប្រទេសទួរគី
07/05/2025 11:07 AM
Facebook Telegram Linkin
ក្រុមហាម៉ាស៖ ខ្លួនបានឆ្លើយតបទៅនឹងសំណើបទឈប់បាញ់នៅហ្កាហ្សាក្នុង «ស្មារតីវិជ្ជមាន»
07/05/2025 11:07 AM
Facebook Telegram Linkin
អ្នកវិនិយោគនៅកម្ពុជាអំពាវនាវពលកខ្មែរមកពីថៃ ឱ្យងាកមកធ្វើការក្នុងស្រុកវិញ ខណៈការងាររាប់ម៉ឺនកន្លែងកំពុងរងចាំ
07/05/2025 10:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.