BTV NEWS

សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី

TOP STORY | សម្ដេចតេជោចេញសារដាស់តឿនដល់ជនរួមជាតិកម្ពុជាត្រៀមខ្លួនវាយចោរឈ្លានពានទឹកដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ និង ការអភិវឌ្ឍន៍

លោក ប្ល៊ីន ខិន៖ អាមេរិក ជិតបញ្ចប់សន្តិសុខសម្រាប់អារ៉ាប៊ីសាអ៊ូឌីត ធ្វើប្រក្រតីភាពទំនាក់ទំនងជាមួយអ៊ីស្រាអែល

រដ្ឋមន្ត្រីការបរទេសលោក អង់តូនី ប៊្លីនខិន ( Antony Blinken) បាននិយាយកាលពីថ្ងៃចន្ទថា សហរដ្ឋអាមេរិកជិតរួចរាល់ហើយជាមួយនឹងកញ្ចប់សន្តិសុខ ដើម្បីផ្តល់ជូនអារ៉ាប៊ីសាអ៊ូឌីត ប្រសិនបើខ្លួនធ្វើឲ្យមានប្រក្រតីភាពទំនាក់ទំនង ជាមួយអ៊ីស្រាអែល ខណៈដែលលោក ស្វែងរកការលើកទឹកចិត្តសម្រាប់អ៊ីស្រា អែល ដើម្បីគាំទ្ររដ្ឋប៉ាឡេស្ទីន។លោក ប៊្លីនខិន កំពុងបំពេញទស្សនកិច្ចនៅព្រះរាជាណាចក្រនេះ ក្នុងការធ្វើដំណើរទី៧របស់ខ្លួន ទៅកាន់តំបន់នេះ ចាប់តាំងពីការវាយប្រហាររបស់ក្រុមហាម៉ាសកាលពីថ្ងៃទី៧ ខែតុលា ទៅលើអ៊ីស្រាអែល ដែលបានឆ្លើយតបជាមួយនឹងការវាយលុកឥតឈប់ឈរ នៅក្នុងតំបន់ហ្គាហ្សា ដែលបាននាំឲ្យមានការរិះគន់ជា សកល។រដ្ឋបាលរបស់លោកប្រធានាធិបតី ចូ បៃដិន (Joe Biden) ខណៈពេលដែលគាំទ្រដល់ប្រទេសអ៊ីស្រា អែល បានស្វែងរកការសម្របសម្រួលពីរដ្ឋាភិបាលរបស់ខ្លួន ដោយកាត់បន្ថយការរំពឹងទុកនៃទំនាក់ទំនងផ្លូវការជាមួយអារ៉ាប៊ីសាអ៊ូឌីតដែលជាអ្នកផ្លាស់ស្ថានការណ៍ដ៏សំខាន់ ពីព្រោះរដ្ឋឈូងសមុទ្រ គឺជាអាណាព្យាបាលនៃទីតាំងដ៏ពិសិដ្ឋបំផុតពីររបស់សាសនាឥស្លាម។ជាផ្នែកមួយនៃកិច្ចព្រមព្រៀងណាមួយទីក្រុងរីយ៉ាដ ត្រូវបានគេរំពឹងថា នឹងទទូចឲ្យមានផ្លូវទៅកាន់ភាពជារដ្ឋសម្រាប់ប៉ាឡេស្ទីន ក៏ដូចជាការធានាសន្តិសុខតាមបែបសម្ព័ន្ធភាពពីទីក្រុងវ៉ាស៊ីនតោន ដែលបានព្យាយាមម្តងហើយម្តងទៀតជាមួយនឹងភាពជោគជ័យមានកំណត់ ដើម្បីផ្លាស់ប្តូរការផ្តោតអារម្មណ៍របស់ខ្លួនចេញពីមជ្ឈិមបូព៌ា។ លោក ប្ល៊ីនខិន បាននិយាយថា៖«ខ្ញុំគិតថា ការងារដែលអារ៉ាប៊ីសាអ៊ូឌីត និងសហរដ្ឋអាមេរិក បាននិងកំពុងធ្វើរួមគ្នាក្នុងលក្ខខណ្ឌនៃកិច្ចព្រមព្រៀងផ្ទាល់របស់យើង ពិតមានសារៈសំខាន់ណាស់ និងជិតឈានដល់ការបញ្ចប់ហើយ»។

អាណត្តិរបស់គណៈកម្មការUN ដែលពិនិត្យទណ្ឌកម្មរបស់កូរ៉េខាងជើង ផុតកំណត់បន្ទាប់ពីរុស្ស៊ីវ៉េតូ

អាណត្តិរបស់គណៈកម្មការអង្គការសហប្រជាជាតិ ក្នុងការតាមដានពិនិត្យការអនុវត្តទណ្ឌកម្មលើប្រទេសកូរ៉េខាងជើង នឹងផុតកំណត់នៅថ្ងៃអង្គារនេះ បន្ទាប់ពីការវ៉េតូរបស់រុស្ស៊ី នៃការបន្តរបស់គណៈកម្មការនេះ។ កាលពីខែមុន រុស្ស៊ីបានវ៉េតូសេចក្តីសម្រេចនៅក្រុមប្រឹក្សាសន្តិសុខអង្គការសហប្រជាជាតិ ដែលបន្តអាណត្តិរបស់គណៈកម្មការ។ ដោយចាប់ផ្តើមនៅឆ្នាំ ២០០៩ គណៈកម្មាការ បានពិនិត្យមើលពីរបៀបដែលទីក្រុងព្យុងយ៉ាង គេចវេសពីការដាក់ទណ្ឌកម្ម និងបានបន្តកម្មវិធីអភិវឌ្ឍន៍នុយក្លេអ៊ែរ និងមីស៊ីលរបស់ខ្លួន។ ក្រុមនេះ បានចេញរបាយការណ៍ពីរដងក្នុងមួយឆ្នាំ។ឯកសារចុងក្រោយ បាននិយាយថា៤០ភាគរយនៃកម្មវិធីអាវុធមហាប្រល័យ របស់ប្រទេសកូរ៉េខាងជើង ត្រូវបានផ្តល់មូលនិធិដោយ «មធ្យោបាយតាមបណ្តាញអ៊ីនធឺណេតខុសច្បាប់» ដោយលើកឡើងពីរបាយការណ៍ដោយរដ្ឋសមាជិកអង្គការសហប្រជាជាតិ។ ក្រុមគណៈកម្មការនេះ ក៏កំពុងតាមដានការផ្គត់ផ្គង់សព្វាវុធដែលត្រូវបានចោទប្រកាន់ថាកូរ៉េខាងជើង ផ្តល់ដល់ប្រទេសរុស្ស៊ី។ ការផ្ទេរបែបនេះនឹងបំពានលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បាននិយាយថា សហរដ្ឋអាមេរិក នឹងធ្វើការជាមួយប្រទេសជប៉ុន កូរ៉េខាងត្បូង និងប្រទេសដទៃទៀតដើម្បីបង្កើតយន្តការថ្មីមួយសម្រាប់ត្រួតពិនិត្យការគេចវេសពីទណ្ឌកម្ម។លោកស្រី តាកឺឈី ម៉ៃកូ(Takeuchi Maiko) អតីតគណៈកម្មការរបស់ក្រុមនេះ បានប្រាប់ប្រព័ន្ធផ្សព្វផ្សាយ NHK ថា លោកស្រីជឿថា រុស្ស៊ីបានវេតូសេចក្តីសម្រេចនេះ ដើម្បីបង្កភាពងាយស្រួលដល់ប្រទេសនេះ ក្នុងការគេចវេសពីទណ្ឌកម្ម ដើម្បីនាំចូលគ្រាប់រំសេវពីប្រទេសកូរ៉េខាងជើង និងធ្វើកិច្ចការផ្សេងៗទៀត។ លោកស្រីបញ្ជាក់ថា ទស្សនៈរបស់លោកស្រីគឺប្រទេសកូរ៉េខាងជើង បានក្លាយជាប្រទេសចាំបាច់សម្រាប់រុស្ស៊ី ខណៈទីក្រុងព្យុងយ៉ាងផ្តល់មីស៊ីលបាលីស្ទីក និងគ្រាប់រំសេវ ដល់ប្រទេសនេះ ក្នុងពេលទីក្រុងមូស្គូវាយលុកលើអ៊ុយក្រែន។

ប្រមុខ NATO អំពាវនាវឱ្យមានការបញ្ជូនជំនួយយោធាបន្ទាន់ ទៅអ៊ុយក្រែន

អគ្គលេខាធិការសម្ព័ន្ធយោធាណាតូ លោក Jens Stoltenberg បាននិយាយថា សហរដ្ឋអាមេរិក និងបណ្តាប្រទេសនៅអឺរ៉ុប ទទួលខុសត្រូវក្នុងការផ្តល់ជំនួយយោធាបន្ទាន់ ដែលពួកគេបានសន្យាចំពោះប្រទេសអ៊ុយក្រែន។លោក Stoltenberg និងប្រធានាធិបតីអ៊ុយក្រែន លោក Volodymyr Zelenskyy បាននិយាយទៅកាន់អ្នកសារព័ត៌មាន បន្ទាប់ពីកិច្ចពិភាក្សានៅទីក្រុងគីវ ប្រទេសអ៊ុយក្រែនកាលពីថ្ងៃចន្ទ។លោក Zelenskyy បាននិយាយសំដៅទៅលើការគាំទ្រផ្នែកយោធាបន្ថែមទៀត ដែលត្រូវបានប្រកាសដោយសហរដ្ឋអាមេរិក និងប្រទេសដទៃទៀត។លោក និយាយថា ពុំបានមើលឃើញមានការវិវឌ្ឍជាវិជ្ជមានណាមួយ ទាក់ទងនឹងការគាំទ្រឲ្យទាន់ពេលវេលាសម្រាប់កងកម្លាំងប្រដាប់អាវុធរបស់ប្រទេសលោក។ ការផ្គត់ផ្គង់មានកំណត់ បានចាប់ផ្តើមហើយ ប៉ុន្តែដំណើរការនេះចាំបាច់ត្រូវតែបង្កើនល្បឿន។ដោយលើកឡើងពីជំនួយយោធាដែលជាប់គាំងសម្រាប់អ៊ុយក្រែន លោក Stoltenberg បាននិយាយថា កង្វះគ្រាប់រំសេវបានធ្វើឱ្យរុស្ស៊ីអាចជំរុញរុលទៅមុខនៅតាមសមរភូមិ។ប៉ុន្តែប្រមុខសម្ព័ន្ធយោធាណាតូ បាននិយាយថា វាមិនយឺតពេលទេសម្រាប់អ៊ុយក្រែន ក្នុងការទទួលជ័យជម្នះ ខណៈការគាំទ្រកាន់តែច្រើនកំពុងកើតមាន។ លោក និយាយថា ទំនួលខុសត្រូវរបស់យើង គឺដើម្បីធានាបានថា ការប្រកាសទាំងនេះត្រូវប្រែក្លាយទៅជាការដឹកជញ្ជូនអាវុធ និងគ្រាប់រំសេវពិតប្រាកដ ឱ្យបានឆាប់តាមដែលអាចធ្វើទៅបាន។អ៊ុយក្រែន ប្រឈមមុខទៅនឹងកង្វះគ្រាប់រំសេវធ្ងន់ធ្ងរ និងប្រព័ន្ធមីស៊ីលការពារដែនអាកាស ដែលបណ្តាលឱ្យកងកម្លាំងរុស្ស៊ី រុលទៅមុខនៅសមរភូមិ នៅអ៊ុយក្រែនភាគខាងកើត។

អ៊ីស្រាអែល ប្រញាប់ប្រញាល់ទប់ស្កាត់ដីកាតុលាការ ICCសម្រាប់ឧក្រិដ្ឋកម្មសង្រ្គាមនៅហ្កាហ្សា

អ៊ីស្រាអែល បានចាប់ផ្តើមយុទ្ធនាការដ៏ធំមួយដើម្បីទប់ស្កាត់តុលាការឧក្រិដ្ឋកម្មអន្តរជាតិ (ICC) មិនឲ្យចេញដីកាចាប់ខ្លួនក្រុមមន្ត្រីជាន់ខ្ពស់របស់ខ្លួន ជុំវិញឧក្រិដ្ឋកម្មសង្រ្គាមនៅក្នុងដែនដីហ្កាហ្សាស្ទ្រីប។ ប្រភពការទូតអ៊ីស្រាអែលបានប្រាប់សារព័ត៌មាន Jerusalem Post កាលពីថ្ងៃអាទិត្យថា ការិយាល័យនាយករដ្ឋមន្ត្រីបារម្ភថាតុលាការICC នឹងចេញដីកាចាប់ខ្លួនក្នុងពេលឆាប់ៗនេះលើលោក នាយករដ្ឋមន្ត្រី Benjamin] Netanyahu រដ្ឋមន្ត្រីការពារជាតិ លោក Yoav Gallant ក៏ដូចជាអគ្គសេនាធិការកងកម្លាំងការពារ IDF លោក ហើហ្សល ហាឡេវី (Herzl Halevi)។ ប្រភពនោះបាននិយាយ តើលោកប្រធានាធិបតីអាមេរិក Joe] Biden នៅឯណា?ហេតុអ្វីបានជាលោកនៅស្ងៀម ខណៈគេចោទអ៊ីស្រាអែល។ ប្រភពអ៊ីស្រាអែលបាន លើកឡើងថា តុលាការដែលមានមូលដ្ឋាននៅទីក្រុងឡាអេ(Hague)មិនអាចធ្វើសកម្មភាពប្រឆាំងនឹងលោក Netanyahu និងមន្ត្រីយោធាជាន់ខ្ពស់ ដោយគ្មានមានការគាំទ្រ ឬយុទ្ធសាស្ត្រពីសហរដ្ឋអាមេរិកនោះទេ។អ្នកវិភាគជនជាតិអ៊ីស្រាអែល លោក Ben Caspit បាននិយាយថា លោក Netanyahu ស្ថិតក្រោមភាពតានតឹងខុសពីធម្មតា ជុំវិញការរំពឹងទុកនៃដីកាចាប់ខ្លួនរបស់តុលាការ ICC លើរូបលោក និងមន្ត្រីអ៊ីស្រាអែលផ្សេងទៀត។មុននេះ ក្រសួងការបរទេសអ៊ីស្រាអែលបានណែនាំស្ថានទូតរបស់ខ្លួននៅទូទាំងពិភពលោកឱ្យត្រៀមខ្លួនសម្រាប់ផលប៉ះពាល់ដែលអាចកើតមាន ប្រសិនបើ តុលាការ ICC ចេញដីកាចាប់ខ្លួនមន្ត្រីអ៊ីស្រាអែលពីបទឧក្រិដ្ឋកម្មសង្គ្រាម និងការរំលោភសិទ្ធិមនុស្សនៅក្នុងតំបន់ហ្កាហ្សា ក្រោយការវាយប្រហាររបស់ក្រុមហាម៉ាសកាលពីថ្ងៃទី៧តុលាឆ្នាំមុន ដែលអ៊ីស្រាអែល និយាយថាក្រុមនេះ បានសម្លាប់មនុស្សជិត ១.២០០ នាក់ ហើយចាប់តាំងពីពេលនោះមក ជនជាតិប៉ាឡេស្ទីនជិត៣៤.៥០០នាក់ ត្រូវបានសម្លាប់ ដែលភាគច្រើនជាស្ត្រី និងកុមារ៕

សម្ដេចតេជោ ហ៊ុន សែន និងកូនប្រុសទាំងបី អញ្ជើញក្នុងពិធីអាហារពេលព្រឹកជាមួយ ព្រះមហាក្សត្រប្រុយណេ និងព្រះរាជបុត្រ

នៅព្រឹកថ្ងៃអង្គារ ទី៣០ ខែមេសា ឆ្នាំ២០២៤នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា រួមជាមួយកូនប្រុសទាំងបី គឺសម្តេចមហាបវរធិបតី ហ៊ុន ម៉ា ណែត នាយករដ្ឋមន្ត្រី នៃព្រះរាជាណាចក្រកម្ពុជា, ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងឯកឧត្តម ឧត្តម សេនីយ៍ ឯក ហ៊ុន ម៉ានិត មេបញ្ជាការរងកងទ័ពជើងគោក បានអញ្ជើញចូលរួមក្នុងពិធីអាហារពេលព្រឹក ជាមួយព្រះចៅស៊ុលតង់ ហាជី ហាសិនណល់ ប៊ូលហ្កះ ព្រះមហាក្សត្រ នៃប្រទេសប្រ៊ុយណេ ដារូសាឡឹម និងព្រះរាជបុត្រ អាប់ ឌុល ម៉ាទីន។ ព្រះរាជពិធីសោយព្រះក្រយាព្រឹករបស់ព្រះចៅស៊ុលតង់ និងព្រះរាជបុត្រ ជាមួយសម្តេចតេជោ ហ៊ុន សែន និងកូនប្រុសទាំង៣ ត្រូវបានធ្វើឡើងនៅសណ្ឋាគាររូសវូតក្នុងអគារវឌ្ឍនៈ ដែលជាសណ្ឋាគារដ៏ប្រណិតកណ្តាលរាជធានីភ្នំពេញ។ ព្រះរាជពិធីសោយព្រះ ក្រយានោះ បានប្រព្រឹត្តទៅក្រោមបរិយាសរីករាយ និងស្និទ្ធស្នាលបំផុតប្រៀបដូចជាគ្រួសារតែមួយ ៕

លោក ហ្សេឡិនស្គី៖ រុស្ស៊ីកំពុងទាញយកប្រយោជន៍ពីការបញ្ជូនអាវុធយឺតយ៉ាវ

ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី ( Volodymyr Zelensky) និយាយថា រុស្ស៊ីកំពុងទាញយកផលប្រយោជន៍ពីការបញ្ជូនអាវុធរបស់លោកខាងលិចយឺតយ៉ាវ ដើម្បីបន្តការវាយលុក។ការអត្ថាធិប្បាយរបស់លោក បានកើតឡើង បន្ទាប់ពីសហរដ្ឋអាមេរិក បានយល់ព្រមលើកញ្ចប់ជំនួយយោធាចំនួន ៦១ ពាន់លានដុល្លារ (៤៩ ពាន់លានផោន) សម្រាប់អ៊ុយក្រែន។លោក ហ្សេឡិនស្គី បានបញ្ជាក់ថា ជំនួយមួយចំនួន បានចាប់ផ្តើមមកដល់ហើយ ប៉ុន្តែបានបន្ថែមថា ចាំបាច់ត្រូវផ្តល់ឲ្យលឿនជាងមុន។លោកកំពុងនិយាយជាមួយប្រធានអង្គការណាតូលោក ចេន ស្តូលថិនប៊ឺក (Jens Stoltenberg) ដែលបានលើកឡើងថា៖«វាមិនយឺតពេលទេសម្រាប់អ៊ុយក្រែន ក្នុងការយកឈ្នះនោះទេ»។ការអត្ថាធិប្បាយនេះ បានកើតឡើងបន្ទាប់ពីអាជ្ញាធរនៅក្នុងកំពង់ផែសមុទ្រខ្មៅនៃទីក្រុងអូដេសា ( Odesa) បាននិយាយថា ការវាយប្រហារដោយមីស៊ីលរបស់រុស្ស៊ី បានសម្លាប់មនុស្ស ៤នាក់ និងរបួស ៣២នាក់។ប្រធានតំបន់អូដេសា លោក Oleh Kiper បាននិយាយថា ស្ត្រីបីនាក់ និងបុរសម្នាក់ បានស្លាប់ ហើយអ្នករងរបួសរួមមានក្មេងអាយុ ៤ឆ្នាំម្នាក់ និង ១៦ឆ្នាំម្នាក់ ព្រមទាំងស្ត្រីមានផ្ទៃពោះផងដែរ។ លោកបន្តថា ផ្ទះប្រជាពលរដ្ឋ និងហេដ្ឋារចនាសម្ព័ន្ធ ត្រូវរងការខូចខាត។កាលពីព្រឹកថ្ងៃចន្ទ រុស្ស៊ីបាននិយាយថា ខ្លួនបានដណ្តើមយកភូមិទី២ ក្នុងរយៈពេលពីរថ្ងៃ ក្នុងដំណើរនៃការវាយលុករបស់ខ្លួន នៅអ៊ុយក្រែនភាគខាងកើត។នៅក្នុងសន្និសីទសារព័ត៌មានរួមគ្នា នៅទីក្រុងគីវ លោកប្រធានាធិបតី ហ្សេឡិនស្គី បាននិយាយថា៖«ឥឡូវនេះ កងទ័ពរុស្ស៊ី កំពុងព្យាយាមទាញយកប្រយោជន៍ពីស្ថានភាពមួយ នៅពេលដែលយើងកំពុងរង់ចាំជំនួយផ្គត់ផ្គង់ពីដៃគូរបស់យើង ជាពិសេសពីសហរដ្ឋអាមេរិក។

ចិនគំរាមសងសឹកអាមេរិក ក្រោយលោក Biden ចុះហត្ថលេខាលើច្បាប់ហាមប្រាមTikTok និងជំនួយតៃវ៉ាន់

ប្រទេសចិន កាលពីថ្ងៃចន្ទទី២៩មេសា សប្ដាហ៍នេះ បាននិយាយថា ខ្លួនកំពុងគំរាមចាត់វិធានការយ៉ាងម៉ឺងម៉ាត់ដើម្បីការពារខ្លួន បន្ទាប់លោកពីប្រធានាធិបតី Biden បានចុះហត្ថលេខាលើសេចក្ដីស្នើច្បាប់កាលពីថ្មីៗនេះ ដែលផ្តល់ជំនួយបរទេសដល់កោះតៃវ៉ាន់ និងបង្ខំឱ្យម្ចាស់ក្រុមហ៊ុនបណ្ដាញសង្គម TikTok មានមូលដ្ឋាននៅប្រទេសចិន លក់ app កម្មវិធីឲ្យខ្លួន បើពុំនោះនឹងត្រូវបានហាមប្រាមមិនឲ្យមានវត្តមាននៅលើទឹកដីសហរដ្ឋអាមេរិក។ ច្បាប់ដែលបានអនុម័តដោយលោក Biden កាលពីថ្ងៃពុធសប្តាហ៍មុន ផ្តល់ជំនួយចំនួន៩៥ ពាន់លានដុល្លារដល់អ៊ុយក្រែន និងអ៊ីស្រាអែល រួមទាំងជិត ២ ពាន់លានដុល្លារ ដើម្បីបំពេញបន្ថែមឃ្លាំងសព្វាវុធរបស់សហរដ្ឋអាមេរិកដែលបានផ្តល់ទៅឱ្យតៃវ៉ាន់ និងសម្ព័ន្ធមិត្តក្នុងតំបន់ផ្សេងទៀត។ ការចុះហត្ថលេខាលើច្បាប់នេះ ក៏បានទុកពេល៩ខែឱ្យក្រុមហ៊ុនមេរបស់ចិន ByteDance ផងដែរដើម្បីលក់ បណ្ដាញសង្គមកម្សាន្ត TikTok ហើយអាចបន្ថែមរយៈពេលបីខែទៀត ប្រសិនបើការលក់កំពុងដំណើរការ។អ្នកនាំពាក្យក្រសួងការបរទេសចិន លោក លីន ជៀន (Lin Jian) បាននិយាយនៅក្នុងសន្និសីទសារព័ត៌មានមួយកាលពីថ្ងៃចន្ទដើមសប្ដាហ៍នេះថា ចិន បដិសេធយ៉ាងដាច់អហង្ការចំពោះការអនុម័តរបស់សហរដ្ឋអាមេរិក និងការចុះហត្ថលេខាលើច្បាប់កញ្ចប់ជំនួយយោធាដែលមានខ្លឹមសារអវិជ្ជមានលើប្រទេសចិន។ កញ្ចប់ជំនួយនេះ បំពានយ៉ាងធ្ងន់ធ្ងរទៅលើអធិបតេយ្យភាពរបស់ចិន។ ហើយក៏រួមបញ្ចូលទាំងជំនួយយោធាដ៏ធំដល់កោះតៃវ៉ាន់ផងដែរ ដែលជាទ្វើបំពានយ៉ាងខ្លាំងលើគោលការណ៍ចិនតែមួយ និងជាការបញ្ជូនសញ្ញាខុសទាំងស្រុងដល់កងកម្លាំងបំបែកខ្លួនឯករាជ្យតៃវ៉ាន់ ។លោកបានបន្តថា ច្បាប់នេះធ្វើឱ្យប៉ះពាល់ដល់គោលការណ៍នៃសេដ្ឋកិច្ចទីផ្សារ និងការប្រកួតប្រជែងដោយយុត្តិធម៌៕

អាជ្ញាធរមីន ទទួលថវិកាសប្បុរសធម៌ ពីវិទ្យាស្ថាន CGTI សម្រាប់លុបបំបាត់ការរងគ្រោះដោយសារគ្រាប់មីននៅកម្ពុជា

ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន បានអញ្ជើញជាអធិបតីទទួលថវិកាសប្បុរសធម៌ ពីវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា (CGTI) ដែលផ្តល់ជូនដោយលោក Robert Hwang អនុប្រធានសមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) និងលោក Andrew Tey នាយកវិទ្យាស្ថានបណ្តុះបណ្តាលវិស័យកាត់ដេរនៅកម្ពុជាស្ថិតនៅទីស្នាក់ការអាជ្ញាធរមីននាថ្ងៃ29មេសាឆ្នាំ2024សម្រាប់ការងារលុបបំបាត់ការរងគ្រោះដោយសារគ្រាប់មីននៅកម្ពុជា។នាឱកាសនោះ លោក Robert Hwang អនុប្រធានអនុប្រធានសមាគមវាយនភ័ណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា បានមានប្រសាសន៍ថា ការផ្តល់ថវិការសប្បុរសធម៌ដល់អាជ្ញាធរមីន នាពេលនេះ ជាការប្តេជ្ញាចិត្ត និងការចូលរួមរបស់របស់វិទ្យាស្ថានបណ្តុះបណ្តាលវិស័យកាត់ដេរនៅកម្ពុជា ក្នុងការលុបបំបាត់ការរងគ្រោះដោយសារគ្រាប់មីនរបស់ប្រជាពល រដ្ឋខ្មែរ ហើយលោកបានកោតសរសើរ និងវាយតម្លៃខ្ពស់ចំពោះបេសកកម្មរបស់អាជ្ញាធរមីន ក្នុងការលុបបំបាត់ការរងគ្រោះដោយសារគ្រាប់មីន និងយុទ្ធភ័ណ្ធគ្រឿងផ្ទុះ ជាពិសេសប្រែក្លាយដីមីនឱ្យក្លាយជាកន្លែងមានសុវត្ថិភាពសម្រាប់ការរស់នៅ និងអភិវឌ្ឍន៍។ជាមួយគ្នានោះឯកឧត្តមបណ្ឌិត លី ធុជ ទេសរដ្ឋមន្ត្រី និងជាអនុប្រធានទី១ អាជ្ញាធរមីន បានថ្លែងអំណរគុណដល់វិទ្យាស្ថានបណ្តុះបណ្តាលវិស័យកាត់ដេរនៅកម្ពុជា ដែលបានផ្តល់ថវិកាសប្បុរសធម៌ និងតែងតែគាំទ្រដល់សកម្មភាពមីននៅកម្ពុជា។ ក្នុងពិធីនេះដែរ ឯកឧត្តម បានបង្ហាញទឹកចិត្តកត្តញ្ញូតាធម៌ ចំពោះ សម្តេចតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចជាវីរៈបុរសដ៏ឆ្នើមមួយរូប បានផ្តួចផ្តើមសកម្ម ភាពបោសសម្អាតមីននៅកម្ពុជា ក្នុងការលុបបំបាត់ការរងគ្រោះរបស់ប្រជាពលរដ្ឋកម្ពុជា និងបានបង្កើតលក្ខខណ្ឌដ៏ប្រសើរសម្រាប់ការអភិវឌ្ឍសេដ្ឋកិច្ចសហគមន៍ ហើយវានឹងក្លាយជាកេរដំណែលដ៏ធំធេងរបស់សម្តេច បន្សល់ទុលដល់ព្រជាពលខ្មែរគ្រប់ជំនាន់។ទន្ទឹមនេះ ឯកឧត្តមទេសរដ្ឋមន្ត្រី បានថ្លែងអំណរគុណដ៏ជ្រាលជ្រៅជូនចំពោះ ការ ដឹកនាំប្រកបដោយចក្ខុវិស័យរបស់ សម្តេចធិបតី នាយករដ្ឋមន្ត្រី ដែលបានបន្តខិតខំដឹកនាំកម្ពុជាឆ្ពោះទៅរកប្រទេសមួយដែលគ្មានការរងគ្រោះដោយសារគ្រាប់មីន ។ ឯកឧត្តមបណ្ឌិត បានលើកឡើងផងដែរថា គិតត្រឹមឆ្នាំ ២០២៣ កម្ពុជាបានរំដោះផ្ទៃដីដែលមានគ្រាប់មីន និងសណល់ជាតិផ្ទុះពីសង្គ្រាម បានសរុបចំនួន ៣. ០២៤ គីឡូម៉ែតក្រឡា ដោយរកឃើញ និងកម្ទេចចោលគ្រាប់មីន និងសំណល់ជាតិផ្ទុះពីសង្រ្គាម រាប់លានគ្រាប់ ប៉ុន្តែទោះយ៉ាង នេះក្តី កម្ពុជានៅសល់ផ្ទៃដីសង្ស័យមានមីនចំនួន ៤៦៨ គីឡូម៉ែតក្រឡា ដែលត្រូវបន្តបោសសម្អាត ដើម្បីឱ្យកម្ពុជាសម្រេចបាននូវគោលដៅគ្មានមីនឆ្នាំ២០២៥ ៕ ដោយ,ភារម្យ

កិច្ចប្រជុំជាន់ខ្ពស់រវាងក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថុ និងធនាគារពិភពលោក និងដៃគូសហការ

កិច្ចប្រជុំជាន់ខ្ពស់រវាងក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថុ និងធនាគារពិភពលោក និងដៃគូសហការរបស់គម្រោងលើកកម្ពស់គុណភាព និងសមធ៌មសុខាភិបាល ដំណាក់កាលទី២ Health Equity and Quality Improvement Project Phase 2 (HEQIP-II), កាលពីថ្ងៃទី២៩ ខែមេសា ឆ្នាំ២០២៤ នៅសណ្ឋាគារ Fairfield Marriott។កិច្ចប្រជុំជាន់ខ្ពស់នេះ ក្រោមអធិបតីភាព ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល រួមជាមួយលោកស្រី Maryam Salim នាយកប្រតិបត្តិការ នៃធនាគារពិភពលោក ប្រចាំតំបន់អាស៊ីបូព៌ា និងប៉ាស៊ីហ្វិក និងតំណាងដៃអភិវឌ្ឍន៍ រួមមាន លោក Andreas Zurbrugg អនុប្រធានបេសកកម្មការទូត នៃស្ថានទូតអូស្ត្រាលី ប្រចាំព្រះរាជាណាចក្រកម្ពុជា លោកស្រី Jenny Scharrer ប្រធានធនាគារអភិវឌ្ឍន៍អាល្លឺម៉ង់ (KfW) នៅកម្ពុជា លោក សុផា រតនា តំណាងរបស់គ្រឹះស្ថានហិរញ្ញប្បទានសកលនៅកម្ពុជា លោកស្រី Shin Jung Yeon អនុប្រធានទីភ្នាក់ងារសហប្រតិបត្តិការអន្តរជាតិកូរ៉េ (KOICA) នៅកម្ពុជា និងតំណាងក្រសួងសេដ្ឋកិច្ច និងហិរញ្ញវត្ថុ ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារ សង្គម ព្រមទាំងអង្គការជាដៃគូ និងថ្នាក់ដឹកនាំក្រសួងសុខាភិបាល សរុបមានចំនួនប្រមាណ ៤២រូប។កិច្ចប្រជុំរៀបចំឡើងក្នុងគោលបំណងដើម្បីពិភាក្សាអំពីអាទិភាពចំបងបំផុតរបស់រដ្ឋាភិបាលសម្រាប់សុខភាព និងផែនការសម្រាប់ការអនុវត្តផែនទីបង្ហាញផ្លូវនៃការធានារ៉ាប់រងសុខភាពជាសកល (UHC) ការកែលម្អគុណភាពនៃការផ្តល់សេវាសុខាភិបាល ការផ្តល់ការគាំពារផ្នែកហិរញ្ញវត្ថុដល់ប្រជាជនក្នុងការស្វែងរកការថែទាំសុខភាព និងផែនការរបស់រដ្ឋាភិបាលទាក់ទងនឹងផ្នែកដែលកំពុងងើបឡើងវិញដូចជា ការត្រៀមលក្ខណៈសង្គ្រោះបន្ទាន់ផ្នែកសុខភាព និងការឆ្លើយតបនឹងអាកាសធាតុនិងសុខភាព។កិច្ចប្រជុំបានពិភាក្សាដោយសង្កត់ធ្ងន់លើរបៀបវារៈសំខាន់ៗចំនួន៤គឺ៖១. អាទិភាពកំពូលរបស់រដ្ឋាភិបាលសម្រាប់សុខភាព និងផែនការសម្រាប់ការអនុវត្តផែនទីបង្ហាញផ្លូវនៃការធានារ៉ាប់រង ឆ្ពោះទៅការគ្របដណ្តប់សុខភាពជាសកល (UHC)២. ការកែលម្អគុណភាពនៃការផ្តល់សេវា៣. ការផ្តល់ការការពារផ្នែកហិរញ្ញវត្ថុដល់ប្រជាជនក្នុងការស្វែងរកការថែទាំសុខភាព៤. ផែនការរបស់រដ្ឋាភិបាលទាក់ទងនឹងតំបន់ដែលកំពុងរីកចម្រើនដូចជា៖ ក្នុងការត្រៀមខ្លួន និងការឆ្លើយតបបន្ទាន់គ្រោះអាសន្នផ្នែកសុខភាព និងការប្រែប្រួលអាកាសធាតុ និងសុខភាព។ឯកឧត្តមសាស្ត្រាចារ្យរដ្ឋមន្ត្រី បានកត់សម្គាល់ថាកិច្ចសន្ទនានេះ នឹងផ្តល់ឱកាសបន្ថែមដល់ក្រសួងសុខាភិបាល ក្រសួងសេដ្ឋកិច្ចនិងហិរញ្ញវត្ថុ អគ្គលេខាធិការដ្ឋាននៃក្រុមប្រឹក្សាជាតិគាំពារសង្គម និងដៃគូអភិវឌ្ឍន៍ ក្នុងគម្រោងលើកកម្ពស់គុណភាពសេវា និងសមធម៌សុខាភិបាល អាចធ្វើការផ្លាស់ប្តូរទស្សនៈគ្នា អំពីទិដ្ឋភាពគោលនយោបាយសំខាន់ៗ នៃវិស័យសុខាភិបាល នាំមកធាតុចូល ឬតម្លៃបន្ថែមដល់ការសម្រួចគោលនយោបាយ និងយុទ្ធសាស្រ្ត ក្នុងការពង្រឹងសមត្ថភាពប្រព័ន្ធសុខាភិបាលឱ្យកាន់តែរឹងមាំ សំដៅលើកកម្ពស់សុខភាព និងសុខុមាលភាពប្រជាជនកម្ពុជា ឱ្យកាន់តែប្រសើរឡើង។លោកស្រីវេជ្ជបណ្ឌិត តំណាងធនាគារពិភពលោក បានថ្លែងនូវអំណរគុណយ៉ាងជ្រាលជ្រៅជូនចំពោះ ឯកឧត្តមសាស្ត្រាចារ្យរដ្ឋមន្ត្រី ដែលបានបញ្ជាក់អំពីគោលជំហរយ៉ាងមុតមាំ និងសហការការគាំទ្រគម្រោង HEQIP-II ព្រមទាំងឆ្លៀតពេលវេលាដ៏មានសារៈសំខាន់ ចូលរួមការផ្លាស់ប្តូរយោបល់កម្រិតខ្ពស់លើបញ្ហាគោលនយោបាយ នៅក្នុងវិស័យសុខាភិបាលកម្ពុជា។ ជាចុងបញ្ចប់នៃកិច្ចពិភាក្សា ឯកឧត្តមសាស្ត្រាចារ្យរដ្ឋមន្ត្រី បានថ្លែងអំណរគុណ ដៃគូអភិវឌ្ឍន៍ និងក្រុមការងារទាំងអស់ និងស្នើសុំឱ្យចូលរួមបន្តកិច្ចសហប្រតិបត្តិការដែលមានស្រាប់ជាមួយក្រសួងសុខាភិបាល ក្នុងការចូលរួមលើកកម្ពស់សុខុមាលភាពរបស់ប្រជាជនកម្ពុជា ដើម្បីសម្រេចបាននូវការគ្របដណ្តប់សុខភាពជាសកល ស្របតាមផែនការយុទ្ធសាស្រ្តបញ្ចកោណ រាជរដ្ឋាភិបាល អាណត្តិទី៧ នៃរដ្ឋសភា ក្រោមការដឹកនាំដ៏ឈ្លាសវៃ និងមុះមុតប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ រដ្ឋា

ចិន គ្រោងនឹងចាប់ផ្តើមបេសកកម្មដ៏គ្រោះថ្នាក់ទៅកាន់ផ្នែក «លាក់ខ្លួន» របស់ព្រះចន្ទ

ប្រទេសចិន នឹងបញ្ជូនយានអវកាសរូបយន្ត (រ៉ូបូត) ក្នុងរយៈពេលប៉ុន្មានថ្ងៃខាងមុខនេះនៅក្នុងការធ្វើដំណើរទៅកាន់ផ្នែកលាក់ខ្លួនកាន់តែជ្រៅរបស់ព្រះចន្ទ ក្នុងបេសកកម្មដ៏គ្រោះថ្នាក់ និងចំណាយខ្ពស់ក្នុងបច្ចេកទេសដំបូងរបស់ខ្លួនក្នុងចំណោមបេសកកម្មចំនួនបី ដែលនឹងត្រួសត្រាយផ្លូវសម្រាប់ការចុះចតរបស់នាវិកចិនជាលើកដំបូង និងបង្កើតមូលដ្ឋាននៅលើប៉ូលខាងត្បូងនៃឋានព្រះចន្ទ។ចាប់តាំងពីបេសកកម្ម ឆាងអឺ (Chang'e) លើកដំបូងក្នុងឆ្នាំ២០០៧ ដែលត្រូវបានគេដាក់ឈ្មោះតាមទេពធីតាទេវកថាព្រះច័ន្ទរបស់ចិនមក ប្រទេសចិនបានបោះជំហានទៅមុខក្នុងដំណើររុករកឋានព្រះចន្ទរបស់ខ្លួន ដោយកាត់បន្ថយភាពគម្លាតផ្នែកបច្ចេកវិទ្យាជាមួយសហរដ្ឋអាមេរិក និងរុស្ស៊ី។នៅឆ្នាំ២០២០ ប្រទេសចិនបាននាំយកគំរូមួយចំនួនត្រឡប់មកវិញពីផ្នែកជិតៗរបស់ព្រះចន្ទនៅក្នុងការទាញយកគំរូលើកដំបូងក្នុងរយៈពេលជាង ៤ ទសវត្សរ៍ ដោយបញ្ជាក់ថាជាលើកដំបូងថាខ្លួនអាចបញ្ជូនយានអវកាសដែលមិនមានអាវកាសយានិក ត្រឡប់មកផែនដីវិញដោយសុវត្ថិភាពពីផ្ទៃព្រះចន្ទ។ក្នុងសប្តាហ៍នេះ ប្រទេសចិនត្រូវបានគេរំពឹងថានឹងបាញ់បង្ហោះយាន ឆាងអឺ-៦ (Chang'e-6) ដោយប្រើយានអវកាសបម្រុងពីបេសកកម្មឆ្នាំ២០២០ ហើយប្រមូលគំរូដី និងថ្មពីផ្នែកនៃព្រះចន្ទ ដែលបែរមុខទៅឆ្ងាយខ្លាំងជាអចិន្ត្រៃយ៍ពីផែនដី។ដោយមិនមានខ្សែបន្ទាត់មើលឃើញដោយផ្ទាល់ជាមួយផែនដី យាន ឆាងអឺ-៦ នេះត្រូវតែពឹងផ្អែកលើផ្កាយរណបបញ្ជូនបន្ត ដែលទើបដាក់ពង្រាយនិងដែលកំពុងធ្វើដំណើរជុំវិញព្រះច័ន្ទ ក្នុងអំឡុងពេលបេសកកម្មរយៈពេល ៥៣ ថ្ងៃរបស់ខ្លួន រួមទាំងគម្រោងនៃការហោះក្រវែលដែលមិនធ្លាប់មានពីមុនមកពីផ្នែក «លាក់ខ្លួន» របស់ព្រះចន្ទ នៅពេលត្រឡប់មកផែនដីវិញ៕

បណ្ដាញសង្គម

ព័ត៌មានថ្មីៗ

សមាជិកសភាជប៉ុន បានគូសបញ្ជាក់អំពី ការ បតេជ្ញាចិត្ត របស់ជប៉ុន ក្នុងការពង្រឹង និង ពង្រីក ទំនាក់ទំនង និង កិច្ចសហប្រតិបត្តិការ ជប៉ុន -កម្ពុជា ឱ្យកាន់តែរីកចម្រេីន និង រឹងមាំបន្ថែមទៀត

តំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP)៖ គ្មានការអភិវឌ្ឍណាអាចប្រព្រឹត្តទៅបាន ដោយគ្មានសន្តិភាពនោះទេ

សម្តេចតេជោ ហ៊ុន សែន អនុញ្ញាតឲ្យ ឯកឧត្តម Abdullah ibn Muhammad Al ash-Sheikh ប្រធានរដ្ឋសភានៃព្រះរាជាណាចក្រអារ៉ាប៊ី សាអូឌីត ចូលជួបសម្តែងការគួរសម

លោក Netany របស់អ៊ីស្រាអែល ត្រូវបានគេរំពឹងថា នឹងជួបលោក Trump នៅសប្តាហ៍ក្រោយ

អង្គការសប្បុរសធម៌ជាង ១៧០ អំពាវនាវឲ្យបញ្ចប់ប្រព័ន្ធចែកចាយជំនួយថ្មី នៅហ្កាហ្សា ដោយបារម្ភពីសុវត្ថិភាពជនស៊ីវិល

រដ្ឋធានីឥណ្ឌា ហាមមិនឲ្យលក់ប្រេងឥន្ធនៈឲ្យរថយន្តចាស់ៗ ជាការប៉ុនប៉ងប្រឆាំងការបំពុល

«សហរដ្ឋអាមេរិក និងកម្ពុជា ធ្វើកិច្ចសហប្រតិបត្តិការទ្វេភាគីដ៏ល្អ និងសម្រេចបាននូវលទ្ធផលលើការលើកកម្ពស់សុខភាព សុខុមាលភាពប្រជាជនកម្ពុជា រួមទាំងចូលរួមចំណែកពង្រឹងសន្តិសុខសុខភាពសកលតាមរយៈការកាត់បន្ថយជំងឺឆ្លង»

សម្ដេចធិបតីជួបជាមួយមេធាវីអន្តរជាតិដើម្បីពិនិត្យ និងពិភាក្សាពាក់ព័ន្ធការបន្តនីតិវិធីរបស់កម្ពុជាប្ដឹងទៅតុលាការយុត្តិធម៌អន្តរជាតិ ICJ ករណីវិវាទព្រំដែនជាមួយថៃ

ឯកឧត្តម សុខ ពុទ្ធិវុធ បានដឹកនាំប្រតិភូក្រសួងប្រៃសណីយ៍ចូលរួមវេទិកាអភិបាលកិច្ចអ៉ីនធឺណិតប្រចាំឆ្នាំ លើកទី២០ នៅទីក្រុង Lillestorm ប្រទេសណ័រវេស

អភិបាលក្រុង Izhevsk៖ មនុស្ស ៣នាក់ស្លាប់ និង ៣៥នាក់រងរបួស ដោយសារការវាយប្រហាររបស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍