នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤
ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ
គម្រោងពង្រីក និងលើកកម្រិតផ្លូវជាតិលេខ៧ (ស្គន់-ក្រុងកំពង់ចាម) ជាបួនគន្លង សម្រេចលទ្ធផលការងារបានជិត ៩០%ហើយ គិតត្រឹមខែមីនា ឆ្នាំ២០២៦នេះ

នយោបាយ​ និង ការអភិវឌ្ឍន៍

សមាគមពាណិជ្ជករអន្តរជាតិចិន សន្យាបន្តធ្វើជាស្ពានតភ្ជាប់ និងជំរុញទំហំពាណិជ្ជកម្មកម្ពុជា-ចិន

2024/04/27 01:37:34 pm        1395
Facebook Telegram Linkin
ភ្នំពេញ៖ សមាគមពាណិជ្ជកម្មអន្តរជាតិចិន ប្រចាំនៅកម្ពុជា បានអបអរសាទរចំណងមិត្តភាពរវាងកម្ពុជា និងចិន ដែលបានពង្រីកពីមួយកម្រិតទៅមួយកម្រិត ហើយសមាគមក៏បានសន្យាបន្តធ្វើជាស្ពាន ក្នុងការតភ្ជាប់ និងជំរុញនូវទំហំពាណិជ្ជកម្ម និងការវិនិយោគនៃប្រទេសទាំងពីរ ឲ្យកាន់តែមានទំហំធំបន្ថែមទៀត ក្នុងនោះមានវិស័យសំណង់ជាដើម ។ក្នុងជំនួបសម្ដែងការគួរសមពិភាក្សាការងារជាមួយឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីរសៀលថ្ងៃទី២៦ ខែមេសា ឆ្នាំ២០២៤ ប្រធានសមាគមអន្តរជាតិចិនប្រចាំកម្ពុជា បានលើកឡើងថា កាលពីថ្ងៃទី២៥ ខែមេសា សមាគមបានរៀបចំនូវវេទិកាធុរកិច្ច ក្នុងការផ្លាស់ប្ដូរនៃប្រជាជន នៃប្រទេសទាំងពីរ ដែលវេទិកានេះ បានផ្ដល់អត្ថប្រយោជន៍ជាច្រើន ​និងអាចជំរុញឲ្យកិច្ចសហប្រតិបត្តិការកម្ពុជា-ចិន ឆ្ពោះទៅកាន់កម្រិតមួយបន្ថែមទៀត ។លោកប្រធានសមាគម បានបង្ហាញនូវក្តីសង្ឃឹម និងជឿជាក់ថា សមាគមអន្តរជាតិចិន ប្រចាំនៅកម្ពុជា នឹងក្លាយជាស្ពានមួយ ក្នុងជំរុញពាណិជ្ជកម្មរវាងប្រទេសទាំងពីរ បានសហការ​ទៅរលូន ក្រោមយុទ្ធសាស្ត្រផ្លូវមួយក្រវាត់មួយ ក៏ដូចជាយុទ្ធសាស្ត្រសហការគ្រប់ជ្រុងជ្រោយ​រវាងជនជាតិចិន និងកម្ពុជា ខណៈដំណើរទស្សនកិច្ចនៅកម្ពុជានេះ ក៏បាននាំមកនូវអ្នកជំនាញ​ផ្នែកស្រាវជ្រាវ និងអ្នកវិនិយោគលើវិស័យនគរូបនីយកម្ម និងសំណង់ មកស្វែងរកឱកាស​វិនិយោគបន្ថែម នៅកម្ពុជាផងដែរ ។ក្នុងឱកាសនោះ ឯកឧត្តមឧបនាយករដ្ឋមន្ត្រី មានប្រសាសន៍ថា រាជរដ្ឋាភិបាលកម្ពុជា បានចាត់ទុក​ផ្លូវមួយក្រវាត់ និងចិន គឺជាមិត្តភាគយ៉ាងជិតដិត ដែលជាអ្នកវិនិយោគទុនធំនៅកម្ពុជា ហើយ​ឯកភាព​នូវការលើកឡើងពីប្រធានសមាគម ដែលធ្វើជាស្ពានផ្សារភ្ជាប់ទំនាក់ទំងពាណិជ្ជកម្មកម្ពុជា-ចិន និងដើម្បីនាំមកនូវការវិនិយោគបន្ថែមទៀតពីវិនិយោគិនចិន ។ឯកឧត្តម សាយ សំអាល់ បានបន្ថែមថា ក្នុងពេលសមាគម ចង់ឲ្យក្រសួងរៀបចំដែនដី នគរូបនីយកម្ម និងសំណង់ ​ឲ្យជួយការងារវិនិយោគលើវិស័យសំណង់ ​គឺក្រសួងនឹងជួយ​ក្នុងនោះរួមទាំងកិច្ចការរៀបចំដែនដី នគរូបនីយកម្ម ហើយក្រសួងក៏នៅតែត្រូវការបន្ថែម​នូវអ្នកជំនាញពីខាងក្រៅ ជួយលើការងារនេះ ។ជាមួយនេះ ឯកឧត្តមឧបនាយករដ្ឋមន្ត្រី បានប្រាប់ទៅភាគីចិនថា ពេលបច្ចុប្បន្នកម្ពុជា កំពុងខិតខំ​ពន្លឿនការវាស់វែង និងចុះបញ្ជីដីធ្លីជាប្រព័ន្ធ ​ដែលកំពុងដំណើរដោយរលូន និងឲ្យបានឆាប់ចប់ ដើម្បីជាប្រយោជន៍ដល់ការប្រើប្រាស់ផ្សេងៗ របស់ប្រជាពលរដ្ឋ និងដើម្បីទាក់ទាញអ្នក​និយោគ​ពីក្រៅប្រទេស ជាពិសេសការបញ្ចប់នូវទំនាស់ដីធ្លី ៕អត្ថបទ បាន សុខរិទ្ធិ

អង្គការសម្អាតទន្លេ សមុទ្រសហការជាមួយរដ្ឋបាលខេត្តកណ្តាលប្រារព្ធ “ទិវាអំពើល្អ” លើកទី៥

2024/04/27 01:30:57 pm        263
Facebook Telegram Linkin
អង្គការសម្អាតទន្លេ សមុទ្រ (Ocean River) សហការជាមួយរដ្ឋបាលខេត្តកណ្ដាល នៅល្ងាច ថ្ងៃទី២៦ខែមេសា ឆ្នាំ២០២៤ បានរៀបចំប្រារព្ធ “ទិវារអំពើល្អ” លើកទី៥ សំដៅដល់ការជម្រុញលើកទឹកចិត្តប្រជាពលរដ្ឋដែលរស់នៅតាមដងទន្លេមេគង្គ ទន្លេសាប និងទន្លេចតុមុខ ចូលរួមស្រលាញ់បរិស្ថាន ដោយវេចខ្ចប់ និងទុកសំរាមឱ្យបានត្រឹមត្រូវ។ ពិធីនេះរៀបចំនៅសួនច្បារទន្លេបាសាក់ ក្រុងតាខ្មៅ ខេត្តកណ្តាល។បើតាមលោក នូ សុវណ្ណ នាយកប្រតិបត្តិ អង្គការសម្អាតទន្លេ សមុទ្រ បានប្រាប់BTVឱ្យដឹងថា នៅក្នុងប្រទេសកម្ពុជា ទិវាអំពើល្អបានចាប់ផ្តើមនៅដើមឆ្នាំ២០២០ អំឡុងពេលជំងឺកូវីដ-១៩ កំពុងរីករាលដាលយ៉ាងខ្លាំងនៅក្នុងប្រទេស និងពិភពលោក។បន្ទាប់មកក្រុមយុវជនស្ម័គ្រចិត្តរបស់អង្គការសម្អាតទន្លេ សមុទ្រ បាន​គៀង គរ​ថវិកា​ ឧបភោគ​បរិភោគ​ពីសប្បុរសជនក្នុង និងក្រៅប្រទេស ហើយបានចុះចែកអាហារ ភេជ្ជៈជូន​ដល់​ជនក្រីក្រ​មួយ​ចំនួន ដើម្បីសម្រួលដល់ការរស់នៅប្រចាំថ្ងៃក្នុងគ្រាដ៏លំបាកនោះ។ ចាប់តាំងពីពេលនោះមក អង្គការសម្អាតទន្លេ សមុទ្រ ​បានក្លាយជាសមាជិករបស់ Good Deeds Day Global ហើយបានរៀបចំ​កម្មវិធីជារៀងរាល់ឆ្នាំជាមួយពិភពលោកចាប់តាំងពីពេលនោះមក។លោក បានបន្តទៀតថា ចាប់តំាងពីឆ្នាំ២០២០ មកដល់ខែមេសា ២០២៤ នេះ អង្គការសម្អាតទន្លេ សមុទ្រ ​ប្រមូលសំរាមបានចំនួន១៧៥០តោន​ ពីទន្លេមេគង្គ ទន្លេសាប និងទន្លេបាសាក់ ដែលនេះ​ជាអំពើល្អសំរាប់ជាប្រយោជន៍ដល់ប្រជាពលរដ្ឋទូទាំងប្រទេស ​ជម្រុញការទាក់ទាញភ្ញៀវទេសចរ និងការថែទាំធនធានធម្មជាតិនៅប្រទេសកម្ពុជា។ក្រៅពីនេះ លោកបានជំរុញដល់ប្រជាពលរដ្ឋចូលរួមធ្វើអំពើល្អ ដែលនាំមកនូវសេចក្តីសុខ។យុវជនបានឱ្យដឹងដែរថា​ កន្លងទៅពួកគេតែងតែបានធ្វើអំពើល្អដូចជាការផ្តល់ទានដល់ចាស់ជរា និងសម្អាត អនាម័យ ​បរិស្ថានជាដើម។​ លើសពីនេះ យុវជនបាន​បង្ហាញអារម្មណ៍​រីករាយ​ដែលចូលរួមក្នុងទិវាអំពើល្អ។គួរបញ្ជាក់ថា អំពើល្អជាទង្វើងាយៗ ទាំងឡាយណាដែលផ្តល់នូវផលវិជ្ជមានតិច​ ឫច្រើន សម្រាប់​ការរស់នៅរបស់មនុស្ស សត្វ និង និរន្តរភាពរបស់ធនធានធម្មជាតិ។ អំពើល្អ ចាប់ផ្តើមពីបុគ្គលម្នាក់ ពីការគិតល្អ និយាយល្អ និងការប្រព្រឹត្តអំពើល្អ នោះលទ្ធផលនឹងទទួលបានជាវិជ្ជមាន៕ អត្ថបទ៖ទូច សោភ័ណ 

ឯកឧត្តមបណ្ឌិត ណុប នរិន្ទ ប្រកាសគាំទ្រយ៉ាងពេញទំហឹង គម្រោងជីកព្រែកហ្វូណនតេជោ ដែលជាគំនិតផ្តួចផ្តើមរបស់សម្តេចតេជោ

2024/04/27 12:37:39 pm        869
Facebook Telegram Linkin
ភ្នំពេញ៖ ឯកឧត្តមបណ្ឌិត ណុប នរិន្ទ ប្រធានសមាគមគ្រឹះស្ថានឧត្ដមសិក្សាបច្ចេកទេស និងបណ្ដុះ បណ្ដាលវិជ្ជាជីវៈឯកជន ប្រកាសគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណន-តេជោ ដែលជាព្រែកជីក ប្រវត្តិសាស្ត្រលើកទី១នៅកម្ពុជា ដែលជាគំនិតផ្តួចផ្តើមរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធាន ព្រឹទ្ធសភានៃព្រះរាជាណាចក្រកម្ពុជា ហើយបច្ចុប្បន្ន​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ បានបន្តស្នាដៃ និងជំរុញបន្ថែមក្នុងការអភិវឌ្ឍគម្រោង ព្រែកជីកហ្វូណន-តេជោ ឲ្យសម្រេចបាននាពេលអនាគត។នៅលើទំព័រហ្វេសប៊ុករបស់ឯកឧត្តមបណ្ឌិត ណុប នរិន្ទ បានលើកឡើងថា ក្នុងនាមជាពលរដ្ឋខ្មែរមួយរូប ខ្ញុំបាទសូមគាំទ្រយ៉ាងពេញទំហឹងនូវគម្រោងផ្លូវនាវាចរណ៍ព្រែកជីក «ហ្វូណនតេជោ» ដែលជាគម្រោងប្រវត្តិសាស្ត្រលើកទី១ ក្នុងវិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ពីទន្លេទៅសមុទ្រ។ តាមរយៈគម្រោងព្រែកជីកនេះ វានឹងផ្ដល់ផលប្រយោជន៍យ៉ាងច្រើនសម្រាប់សេដ្ឋកិច្ចកម្ពុជា និងសម្រាប់ជីវភាពរស់នៅរបស់ប្រជាពលរដ្ឋទៅថ្ងៃខាងមុខផងដែរ។សូមបញ្ជាក់ថា គម្រោងព្រែកជីកហ្វូណនតេជោនេះ នឹងតភ្ជាប់ផ្លូវទឹករវាងទន្លេទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជា​ពិសេសវិស័យដឹកជញ្ជូន ដូចជា កាត់បន្ថយតម្លៃដឹកជញ្ជូន​ កាត់បន្ថយពេលវេលា ចម្ងាយ ការខូចខាតផ្លូវថ្នល់ ​ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់​ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍ​ផែរណបថ្មីៗជាច្រើន ការពង្រីកតំបន់​អភិវឌ្ឍន៍កសិកម្ម ​ធារាសាស្ត្រ វារីវប្បកម្ម ទេសចរណ៍​ ជួយរំដោះទឹកជំនន់ក្នុងរដូវវស្សា ជួយបង្កើន​ផលត្រីទឹកសាបនៅតាមព្រែក អចលនទ្រព្យ ​និងការវិនិយោគផ្សេងៗ។ល។ ​និយាយជារួម គម្រោងព្រែកជីកហ្វូណនតេជោនេះ ​គឺជាគម្រោងបម្រើផល​ ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជា៕ 

អ្នកឧកញ៉ាបណ្ឌិត ជា រតនា ប្រកាសគាំទ្រយ៉ាងពេញទំហឹង ការអនុវត្តគម្រោងជីកព្រែកហ្វូណន-តេជោ

2024/04/27 12:25:41 pm        777
Facebook Telegram Linkin
អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន សាន់ & ម៉ូន និង ជាប្រឹក្សាផ្ទាល់សម្តេចតេជោ ហ៊ុន សែន បានប្រកាសគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណន-តេជោ ដែលជាព្រែកជីក ប្រវត្តិសាស្ត្រលើកទី១នៅកម្ពុជា ដែលជាគំនិតផ្តួចផ្តើមរបស់ សម្តេចអគ្គមហាសេនាបតីតេជោ ហ៊ុន សែន ប្រធាន ព្រឹទ្ធសភានៃព្រះរាជាណាចក្រកម្ពុជា ហើយបច្ចុប្បន្នសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបន្តស្នាដៃ និងជំរុញបន្ថែមក្នុងការអភិវឌ្ឍគម្រោង ព្រែកជីកហ្វូណន-តេជោ ឲ្យសម្រេចបាននាពេលអនាគត។អ្នកឧកញ៉ា បណ្ឌិត ជា រតនា បានបញ្ជាក់បន្ថែមថា ក្នុងនាមលោកជាពាណិជ្ជករមួយរូប លោក​រំពឹងជឿជាក់ថា គម្រោងព្រែកជីកហ្វូណនតេជោ នឹងចូលរួមចំណែកដ៏សំខាន់ក្នុងការជម្រុញ​នៃការធ្វើពាណិជ្ជកម្មអន្តរជាតិ ការដឹកជញ្ជូនតាមផ្លូវទឹក ការជួយស្រោចស្រពវិស័យកសិកម្ម ជាពិសេសការលើកកម្ពស់ជីវភាពរបស់ប្រជាពលរដ្ឋកម្ពុជាទាំងមូល។ សូមបញ្ជាក់ថា គម្រោងព្រែកជីកហ្វូណនតេជោនេះ នឹងតភ្ជាប់ផ្លូវទឹករវាងទន្លេទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជាពិសេសវិស័យដឹកជញ្ជូន ដូចជា កាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាតផ្លូវថ្នល់ ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ និងការវិនិយោគផ្សេងៗ។ល។ និយាយជារួម គម្រោងព្រែកជីកហ្វូណនតេជោនេះ គឺជាគម្រោងបម្រើផល ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជា !។អ្នកឧកញ៉ាបណ្ឌិត ជា រតនា សូមយកឱកាសដ៏វិសេសវិសាលនេះ បួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រសិទ្ធពរជ័យបវរ សួស្តី សិរីមង្គល វិបុលសុខ មហាប្រសើរជូនសម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ព្រមទាំងក្រុមគ្រួសារជាទីគោរព​ស្រឡាញ់ សូមបានសមប្រកបនូវពុទ្ធពរទាំងបួនប្រការ ៕ 

ឯកឧត្ដម ឃ្លាំង ហួត ប្រកាសគាំទ្រយ៉ាងពេញទំហឹង គម្រោងជីកព្រែកហ្វូណន-តេជោ

2024/04/27 12:18:49 pm        953
Facebook Telegram Linkin
ឯកឧត្ដម ឃ្លាំង ហួត អភិបាលរងរាជធានីភ្នំពេញ ប្រកាសគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណន-តេជោ ដែលជាព្រែកជីក ប្រវត្តិសាស្ត្រលើកទី១នៅកម្ពុជា ដែលជាគំនិតផ្តួចផ្តើមរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធាន ព្រឹទ្ធសភានៃព្រះរាជាណាចក្រកម្ពុជា ហើយបច្ចុប្បន្ន​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ បានបន្តស្នាដៃ និងជំរុញបន្ថែមក្នុងការអភិវឌ្ឍគម្រោង ព្រែកជីកហ្វូណន-តេជោ ឲ្យសម្រេចបាននាពេលអនាគត។នៅលើទំព័រហ្វេសប៊ុក របស់ ឯកឧត្ដម ឃ្លាំង ហួត បានបញ្ជាក់ថា “ ក្នុងនាមខ្ញុំបាទជាពលរដ្ឋខ្មែរម្នាក់​ដែលស្រលាញ់សន្តិភាព និងការអភិវឌ្ឍ សូមប្រកាសគាំទ្រ​យ៉ាងពេញទំហឹងនូវជំហរ​របស់​សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងការសាងសង់ព្រែកជីក ហ្វូណន-តេជោ ឱ្យបានជោគជ័យ ។ យើងខ្ញុំទាំងអស់គ្នាសូមគាំទ្រ ព្រែកជីកហ្វូណន-តេជោ និងការអភិវឌ្ឍរបស់កម្ពុជា ក្នុងសុខសន្តិភាព!។សូមបញ្ជាក់ថា គម្រោងព្រែកជីកហ្វូណនតេជោនេះ នឹងតភ្ជាប់ផ្លូវទឹករវាងទន្លេទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជា​ពិសេសវិស័យដឹកជញ្ជូន ដូចជា កាត់បន្ថយតម្លៃដឹកជញ្ជូន​ កាត់បន្ថយពេលវេលា ចម្ងាយ ការខូចខាតផ្លូវថ្នល់ ​ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់​ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍ​ផែរណបថ្មីៗជាច្រើន ការពង្រីកតំបន់​អភិវឌ្ឍន៍កសិកម្ម ​ធារាសាស្ត្រ វារីវប្បកម្ម ទេសចរណ៍​ ជួយរំដោះទឹកជំនន់ក្នុងរដូវវស្សា ជួយបង្កើន​ផលត្រីទឹកសាបនៅតាមព្រែក អចលនទ្រព្យ ​និងការវិនិយោគផ្សេងៗ។ល។ ​និយាយជារួម គម្រោងព្រែកជីកហ្វូណនតេជោនេះ ​គឺជាគម្រោងបម្រើផល​ ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជា។

ក្រុមសិល្បករ សិល្បការិនី និងពលរដ្ឋខ្មែរ ប្រកាសគាំទ្រគម្រោងព្រែកជីកហ្វូណនតេជោ

2024/04/27 12:12:32 pm        954
Facebook Telegram Linkin
ភ្លាមៗបន្ទាប់ពីមានការប្រកាសអំពាវនាវពីសម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដើម្បីឲ្យបងប្អូនប្រជាពលរដ្ឋខ្មែរគាំទ្រនូវគម្រោងព្រែកជីកហ្វូណនតេជោនោះ នៅថ្ងៃទី២៧ ខែមេសា ឆ្នាំ២០២៤នេះ មានសិល្បករ សិល្បការិនី និង បងប្អូនខ្មែរ ទាំងស្រីទាំងប្រុសបានចេញវីដេអូ បង្ហាញការគាំទ្ររបស់ពួកគេយ៉ាងពេញទំហឹងនូវគម្រោងមួយនេះ។តាមរយៈវីដេអូឃ្លីបដែលបានចេញដាច់ដោយឡែកពីគ្នាជាបន្តបន្ទាប់នាថ្ងៃនេះ បងប្អូនសិល្បករ សិល្បការិនី និងប្រជាពលរដ្ឋទាំងនោះ បានលើកឡើងថា​ ក្នុងនាមប្រជាពលរដ្ឋខ្មែរម្នាក់ពួកគេ ពិតជាមាន ចិត្តសប្បាយរីករាយចំពោះគម្រោងព្រែកជីកហ្វូណនតេជោ ដែលនឹងតភ្ជាប់ពីទឹកសាបទៅកាន់ទឹកប្រៃ ខណៈគម្រោងនេះ នឹងមានវិសាលភាពយ៉ាងធំធេង និងមានប្រយោជន៍យ៉ាងខ្លាំងដល់ប្រទេសកម្ពុជា។ក្នុងឱកាសអញ្ជើញសំណេះសំណាល ក្នុងសន្និបាតលើកទី១ និងកម្មវិធីពិសាអាហារ​សាមគ្គី​មហាគ្រួសារ​សមាគម​ឧកញ៉ាកម្ពុជា នៅសណ្ឋាគារហ្គាដិនស៊ីធី រាជធានីភ្នំពេញ នាថ្ងៃទី២៦ ខែមេសា​ ឆ្នាំ២០២៤នេះ ​សម្តេចតេជោ ​ហ៊ុន សែន ក្នុងនាមប្រធានគណបក្សកាន់អំណាច បាន​បញ្ចេញ​សម្តែក​រាជសី ដោយបានប្រកាសយ៉ាងដាច់ណាត់ថា ​កម្ពុជាគ្មានការរាថយនោះឡើយ​ចំពោះ​គម្រោងធ្វើ«ព្រែកជីកហ្វូណនតេជោ» ហើយសម្តេចក៏បានប្រកាសផងដែរថាកម្ពុជា ក៏គ្មានអ្វីចាំបាច់ត្រូវចចារ និងពិគ្រោះយោបល់ជាមួយអ្នកណានោះដែរ ទាក់ទងនឹងគម្រោងនេះ។សូមរំលឹកថាគម្រោង«ព្រែកជីកហ្វូណនតេជោ» តភ្ជាប់ផ្លូវទឹករវាងទន្លេរទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជាពិសេស​វិស័យដឹកជញ្ជូន ដូចជា ​កាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាត​ផ្លូវថ្នល់ ការកកស្ទះចរាចរណ៍ ​គ្រោះថ្នាក់ចរាចរណ៍ ​ក៏ដូចជាកាត់ បន្ថយនីតិវិធីសម្រាប់នាវា និង​បែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ច​ពិសេស ការអភិវឌ្ឍ​ផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ​ធារាសាស្ត្រ វារីវប្បកម្ម ទេសចរណ៍​ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ ​និងការវិនិយោគផ្សេងៗជាច្រើនទៀត ​និយាយជារួម គម្រោងព្រែកជីកហ្វូណន​តេជោនេះ គឺជាគម្រោងបម្រើផល ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជាតែម្តង៕អត្ថបទបាន ចក់

សន្ទុះគាំទ្រយ៉ាងភ្លូកទឹកភ្លូកដីពីមហាជន រួមទាំងមន្រ្តីបក្សប្រឆាំងមួយចំនួនផង ទាក់ទងនឹងគម្រោងព្រែកជីកហ្វូណនតេជោ

2024/04/27 11:37:18 am        762
Facebook Telegram Linkin
មកដល់វេលានេះ គេសង្កេតឃើញមហាជនខ្មែរ គ្រប់ស្រទាប់វណ្ណៈទាំងអស់រួមទាំងមន្រ្តីគណបក្សប្រឆាំងមួយចំនួនផងមានសន្ទុះយ៉ាងភ្លូកទឹកភ្លូកដី តាមរយៈបណ្តាញសង្គមហ្វេសបុក និងប្រព័ន្ធផ្សព្វផ្សាយនានា បានប្រកាសគាំទ្រយ៉ាងពេញ​ទំហឹង​នូវគម្រោង«ព្រែកជីកហ្វូណនតេជោ»ដោយសារតែពួកគេមានមតិដូច គ្នាថា មានគម្រោងនេះ​នឹងធ្វើឲ្យ​សេដ្ឋកិច្ចកម្ពុជាកាន់តែរីកចម្រើនបន្ថែមទៀត និងលែងពឹងដង្ហើមគេដក ទៀតតាមរយៈនៃការដឹកជញ្ជូនទំនិញទៅខាងក្រៅនោះ។សន្ទុះនៃការគាំទ្ររបស់មហាជនខ្មែរ ទាំងមន្រ្តីជាន់ខ្ពស់រាជរដ្ឋាភិបាល មន្រ្តីរាជការ កងកម្លាំង ប្រដាប់អាវុធ បណ្តាគណបក្សនយោបាយនានា សិល្បករ សិល្បការិនី រួមទាំងបងប្អូន​ប្រជាពលរដ្ឋខ្មែរទាំងក្នុង និងក្រៅប្រទេសបានសរសេរលើបណ្តាញសង្គមហ្វេសបុក ចេញជាវិដេអូឃ្លីប ចេញជាសេចក្តីថ្លែងការណ៍ និងចេញជាញាត្តិផងនោះ បានលើកឡើងថា ពួកគេពិតជាសប្បាយរីករាយយ៉ាងខ្លាំងចំពោះជំហរ របស់រាជរដ្ឋាភិបាលក្នុងការធ្វើព្រែកជីក​ហ្វូណនតេជោ នេះ ខណៈគម្រោងនេះ វានឹងនាំឲ្យកម្ពុជាកាត់បន្ថយ តម្លៃនៃការដឹកជញ្ជូន​កាន់តែច្រើន រួមទាំងបង្កើនសេដ្ឋកិច្ចដល់ប្រជាជនកម្ពុជាកាន់តែល្អប្រសើរផងដែរ។សន្ទុះនៃការគាំទ្ររបស់មហាជនខ្មែរយ៉ាងភ្លូកទឹកភ្លូកដីនេះ ក៏ជាការបង្ហាញនូវសាមគ្គីភាព និងរួម គ្នាដើម្បីអភិវឌ្ឍន៍ប្រទេស ដោយមិនចាំបាច់ពឹកផ្អែកដង្ហើមអ្នកដទៃទៀត ​ដូចអ្វីដែលសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជា បានមានប្រសាសន៍ នាយប់ថ្ងៃទី២៦ ខែ មេសា ឆ្នាំ២០២៤ ក្នុងឱកាសដែលសម្តេច បានអញ្ជើញសំណេះសំណាល ក្នុងសន្និបាតលើកទី១ និងកម្មវិធីពិសាអាហារសាមគ្គីមហាគ្រួសារសមាគមឧកញ៉ាកម្ពុជាផងដែរ។សម្តេចតេជោ ហ៊ុន សែន អតីតនាយករដ្ឋមន្រ្តី និងជាបុរសខ្លាំងរបស់កម្ពុជា បានលើកឡើងថា កម្ពុជាគ្មានការរាថយនោះឡើយចំពោះគម្រោងធ្វើ«ព្រែកជីកហ្វូណនតេជោ» ហើយសម្តេច​ក៏បានប្រកាសផងដែរថា កម្ពុជា ក៏គ្មានអ្វីចាំបាច់ត្រូវចចារ និង​ពិគ្រោះយោបល់​ជាមួយអ្នក​ណានោះដែរ ទាក់ទងនឹងគម្រោងនេះ។ ទាក់ទងនឹងគម្រោងដ៏ប្រវត្តិសាស្រ្តនេះសម្តេចតេជោ ក៏ហ៊ានយកជីវិតមកដាក់ផងដែរ ដើម្បីឲ្យគម្រោងនេះសម្រេចបានជោគជ័យ។ជាមួយគ្នានោះដែរ សម្តេចតេជោ ហ៊ុន សែន ក៏បានអះអាងផងដែរថា បើកម្ពុជាមិនធ្វើព្រែក​ជីកហ្វូណនតេជោទេ គឺកម្ពុជានឹងរស់ដូចសុំដង្ហើមគេដកយ៉ាងដូច្នេះដែរ ​ហើយមួយវិញទៀតប្រសិន បើវៀតណាមគេមិន​សូវសប្បាយចិត្ត នឹងកម្ពុជា រាល់ទំនិញកម្ពុជា​នឹងមិនអាចនាំចេញ​ទៅក្រៅ​បាននោះឡើយ។ សម្តេចក៏បានប្រាប់ទៅវិទ្យាស្ថានសិក្សាស្រាវជ្រាវរដ្ឋវៀតណាមមួយ និង​ជនអគតិមួយក្តាប់តូចផងដែរថា ​កម្ពុជាមិនល្ងង់ដល់ថ្នាក់ឲ្យទឹកសាបហូរចូលសមុទ្រ ឬទឹកប្រៃចូលមកទឹកសាបនោះឡើយ ​ខណៈគម្រោងព្រែកជីកហ្វូណនតេជោនេះ នឹងបង្កើន​សេដ្ឋកិច្ចដល់កម្ពុជាឲ្យកាន់តែរីកចម្រើន ​ហើយជាងនេះទៅទៀតនោះ គម្រោងនេះនឹងកាត​បន្ថយការបង់ពន្ធទៅឲ្យវៀតណាម តាមរយៈការដឹកជញ្ជូនកាន់តែច្រើនផងដែរនោះ ដូច្នេះ​គម្រោងព្រែកជីកហ្វូណនតេជោនេះ​ ត្រូវតែធ្វើជាដាច់ខាត់ដោយគ្មានការរាថយនោះឡើយ៕អត្ថបទ៖ បាន ចក់

លោក Biden៖ លោកមានផែនការជជែកដេញដោលជាមួយលោក Trump អំឡុងកិច្ចសម្ភាសន៍មួយ

2024/04/27 10:59:51 am        294
Facebook Telegram Linkin
ប្រធានាធិបតីសហរដ្ឋអាមេរិក លោក Joe Biden បាននិយាយកាលពីថ្ងៃសុក្រថា លោកនឹងចូលរួមក្នុងកិច្ចពិភាក្សាជជែកដេញដោលជាមួយលោក Donald Trump ដែលជាគូប្រជែងមកពីគណបក្សសាធារណរដ្ឋ ក្នុងការបោះឆ្នោតនៅខែវិច្ឆិកា។ប្រធានគណបក្សប្រជាធិបតេយ្យ បាននិយាយនៅក្នុងបទសម្ភាសន៍ជាមួយពិធីករទូរទស្សន៍ លោក Howard Stern ថា ខ្ញុំនឹងនៅកន្លែងមួយ ខ្ញុំមិនដឹងថានៅពេលណានោះទេ ខ្ញុំសប្បាយចិត្តក្នុងកិច្ចពិភាក្សាជជែកដេញដោលជាមួយលោកត្រាំ។ការលើកឡើងនេះ គឺជាការច្បាស់លាស់បំផុតរបស់លោក Biden លើការរំពឹងទុកនៃការជជែកដេញដោលតំណែងប្រធានាធិបតី។ កាលពីពេលមុន លោក Biden មិនបានប្តេជ្ញាចិត្តក្នុងការជជែកដេញដោលជាមួយលោក Trump ទេ ដោយនិយាយថាកាលពីខែមុន វាអាស្រ័យលើអាកប្បកិរិយារបស់អតីតប្រធានាធិបតីរូបនេះ។លោក Trump ដែលបានបដិសេធមិនជជែកដេញដោលជាមួយគូប្រជែងរបស់លោក មុនពេលឈ្នះការប្រកួតប្រជែងបឋមរបស់គណបក្សសាធារណរដ្ឋកាលពីខែមុននោះ ក្នុងរយៈពេលប៉ុន្មានសប្តាហ៍ថ្មីៗនេះ បាននឹងកំពុងប្រជែងជាមួយលោក Biden ដើម្បីចូលរួមក្នុងការប្រកួតប្រជែងមួយទល់នឹងមួយ ដោយផ្តល់ការជជែកដេញដោលជាមួយគណបក្សប្រជាធិបតេយ្យដែលកំពុងកាន់អំណាច នៅពេលវេលាណាមួយ និងនៅកន្លែងណាក៏ដោយ។លោក Biden មានការព្រួយបារម្ភថា នៅពេលដែលឡើងលើឆាក លោក Trump នឹងមិនគោរពតាមវិន័យ កំណត់ដោយគណៈកម្មការ ហើយទីប្រឹក្សា របស់លោកBiden មួយចំនួននិយាយថា ពួកគេមិនចង់លើកលោក Trump ដោយដាក់លោកនៅលើឆាកតែមួយជាមួយអ្នកកាន់អំណាចគណបក្សប្រជាធិបតេយ្យឡើយ។

បណ្តាគណបក្សនយោបាយនានាប្រកាសគាំទ្រពេញទំហឹង ចំពោះគម្រោងព្រែកជីកហ្វូណនតេជោ

2024/04/27 09:38:45 am        321
Facebook Telegram Linkin
បណ្តាគណបក្សនយោបាយនានា បានចេញសេចក្តីថ្លែងការណ៍ដាច់ដោយឡែកពីគ្នា ប្រកាសគាំទ្រយ៉ាងពេញទំហឹងចំពោះគម្រោង«ព្រែកជីកហ្វូណនតេជោ» ដោយពួកគេមើលឃើញថាគម្រោងព្រែកជីកមួយនេះ នឹងមាន វិសាលភាពធំធេង និងមានប្រយោជន៍យ៉ាងខ្លាំងដល់ប្រទេសកម្ពុជា និងប្រកាសប្រឆាំង ដាច់ខាតចំពោះក្រុមអ្នកញុះញង់ និងរារាំងចំពោះគម្រោងមួយនេះផងដែរ។តាមរយៈសេចក្តីថ្លែងការណ៍ដែលបានចេញជាបន្តបន្ទាប់នាថ្ងៃទី២៧ ខែមេសា ឆ្នាំ២០២៤នេះ បានលើកឡើងថា «សូមសម្តែងការគាំទ្រទាំងស្រុង ចំពោះរាជរដ្ឋាភិបាលកម្ពុជា ក្នុងគម្រោងព្រែកជីក ហ្វូណនតេជោ ដែលតភ្ជាប់ពីទន្លេបាសាក់រាជធានីភ្នំពេញឆ្ពោះទៅខេត្តកែប ក្នុងអធិបតេយ្យភាពនៃព្រះរា ជាណាចក្រកម្ពុជា»។បណ្តាគណបក្សទាំងនោះបានលើកឡើងទៀតថា« មើលឃើញថា ព្រែកជីកហ្វូណន តេជោ ជាគោលដៅសំខាន់ដើម្បីសេដ្ឋកិច្ច និងជីវភាពសង្គមរបស់ប្រជាជនកម្ពុជា ជាការអភិវឌ្ឍនវិស័យ គមនាគមន៍ដឹកជញ្ជូន និងពាណិជ្ជកម្ម ក្របខណ្ឌជាតិ និងអន្តរជាតិរបស់កម្ពុជា»។ការប្រកាសគាំទ្ររបស់របស់បណ្តាគណបក្សនយោបាយនានានៅកម្ពុជានេះ គឺបានធ្វើឡើងភ្លាមៗបន្ទាប់ពីសម្តេចតេជោ ហ៊ុន សែន ប្រធាន ព្រឹទ្ធសភានៃកម្ពុជា និងជាប្រធានគណបក្សកាន់អំណាច បានប្រកាសមិនរាថយចំពោះការធ្វើនូវព្រែកជីក ហ្វូណនតេជោ ហើយសុខចិត្តយកជីវិតមកដាក់ចំពោះគម្រោងនេះ បើទោះបីជាមានការប្រឆាំងពីប្រទេសជិតខាង និងក្រុមជនអគតិមួយក្តាប់តូចយ៉ាងណាក៏ដោយនោះ។ក្នុងឱកាសអញ្ជើញសំណេះសំណាល ក្នុងសន្និបាតលើកទី១ និងកម្មវិធីពិសាអាហារសាមគ្គីមហាគ្រួសារសមាគមឧកញ៉ាកម្ពុជា នៅសណ្ឋាគារហ្គាដិនស៊ីធី រាជធានីភ្នំពេញ នាថ្ងៃទី២៦ ខែមេសា ឆ្នាំ២០២៤នេះ សម្តេចតេជោ ហ៊ុន សែន ក្នុងនាមប្រធានគណបក្សកាន់អំណាច បានបញ្ចេញសម្តែករាជសី ដោយបានប្រកាសយ៉ាងដាច់ណាត់ថា កម្ពុជាគ្មានការរាថយនោះឡើយចំពោះគម្រោងធ្វើ«ព្រែកជីកហ្វូណនតេជោ» ហើយសម្តេចក៏បានប្រកាសផងដែរថាកម្ពុជា ក៏គ្មានអ្វីចាំបាច់ត្រូវចចារ និងពិគ្រោះយោបល់ជាមួយអ្នកណានោះដែរ ទាក់ទងនឹងគម្រោងនេះ។សូមរំលឹកថាគម្រោង«ព្រែកជីកហ្វូណនតេជោ» តភ្ជាប់ផ្លូវទឹករវាងទន្លេរទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជាពិសេសវិស័យដឹកជញ្ជូន ដូចជា កាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាតផ្លូវថ្នល់ ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍន៍ផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ និងការវិនិយោគផ្សេងៗជាច្រើនទៀត និយាយជារួម គម្រោងព្រែកជីកហ្វូណនតេជោនេះ គឺជាគម្រោងបម្រើផល ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជាតែម្តង៕អត្ថបទបាន ចក់

មន្រ្តីជាន់ខ្ពស់ក្នុងជូរាជរដ្ឋាភិបាល មន្រ្តីរាជការ និងប្រជាពលរដ្ឋប្រកាសគាំទ្រពេញទំហឹងគម្រោងព្រែកជីកហ្វូណនតេជោ

2024/04/27 09:06:28 am        230
Facebook Telegram Linkin
មន្រ្តីជាន់ខ្ពស់ក្នុងជូររាជរដ្ឋាភិបាល មន្រ្តីរាជការ កងកម្លាំងប្រដាប់អាវុធគ្រប់ប្រភេទ និងបងប្អូនប្រជាពល រដ្ឋខ្មែរស្ទើតែទូទាំងប្រទេស បានប្រកាសតាមរយៈហ្វេសបុក និងញាត្តិគាំទ្រយ៉ាងពេញទំហឹងចំពោះគម្រោង«ព្រែកជីកហ្វូណនតេជោ» ហើយប្រកាសប្រឆាំងដាច់ខាត់ចំពោះជនអគតិមួយចំនួន ជាពិសេសក្រុមពួកក្បត់ជាតិបីជំនាន់ ដែលធ្វើការញុះញង់ និងរារាំងនៃការធ្វើគម្រោងព្រែកជីកមួយនេះផងដែរ។ការប្រកាសគាំទ្ររបស់មន្រ្តីជាន់ខ្ពស់ក្នុងជូររាជរដ្ឋាភិបាល មន្រ្តីរាជការ កងកម្លាំងប្រដាប់អាវុធគ្រប់ ប្រភេទ និងបងប្អូនប្រជាពលរដ្ឋខ្មែរនេះ គឺបានធ្វើឡើងភ្លាមៗបន្ទាប់ពីសម្តេចតេជោ ហ៊ុន សែន ប្រធាន ព្រឹទ្ធសភានៃកម្ពុជា និងជាប្រធានគណបក្សកាន់អំណាច បានប្រកាសមិនរាថយចំពោះការធ្វើនូវព្រែកជីក ហ្វូណនតេជោ ហើយសុខចិត្តយកជីវិតមកដាក់ចំពោះគម្រោងនេះ បើទោះបីជាមានការប្រឆាំងពីប្រទេសជិតខាង និងក្រុមជនអគតិមួយក្តាប់តូចយ៉ាងណាក៏ដោយនោះ។ក្នុងឱកាសអញ្ជើញសំណេះសំណាល ក្នុងសន្និបាតលើកទី១ និងកម្មវិធីពិសាអាហារសាមគ្គីមហាគ្រួសារសមាគមឧកញ៉ាកម្ពុជា នៅសណ្ឋាគារហ្គាដិនស៊ីធី រាជធានីភ្នំពេញ នាថ្ងៃទី២៦ ខែមេសា ឆ្នាំ២០២៤នេះ សម្តេចតេជោ ហ៊ុន សែន ក្នុងនាមប្រធានគណបក្សកាន់អំណាច បានបញ្ចេញសម្តែករាជសី ដោយបានប្រកាសយ៉ាងដាច់ណាត់ថា កម្ពុជាគ្មានការរាថយនោះឡើយចំពោះគម្រោងធ្វើ«ព្រែកជីកហ្វូណនតេជោ» ហើយសម្តេចក៏បានប្រកាសផងដែរថាកម្ពុជា ក៏គ្មានអ្វីចាំបាច់ត្រូវចចារ និងពិគ្រោះយោបល់ជាមួយអ្នកណានោះដែរ ទាក់ទងនឹងគម្រោងនេះ។នៅតាមបណ្តាញសង្គមហ្វេសបុក និងតាមរយៈញាត្តិដែលបានផ្សព្វផ្សាយលើប្រព័ន្ធផ្សព្វផ្សាយនា នា នៅថ្ងៃទី២៧ខែមេសា នេះមន្រ្តីជាន់ខ្ពស់ក្នុងជូររាជរដ្ឋាភិបាល មន្រ្តីរាជការ កងកម្លាំងប្រដាប់អាវុធគ្រប់ ប្រជាពលរដ្ឋខ្មែរ រួមទាំងអតីតមន្រ្តីជាន់ខ្ពស់របស់អតីតគណបក្សប្រឆាំងផងនោះ ក៏បានប្រកាសគាំទ្រចំ ពោះគម្រោងដ៏ប្រវត្តិសាស្រ្តមួយនេះផងដែរ ដោយសំណេររបស់ពួកគេបានលើកឡើងថា ការធ្វើព្រែកជីកហ្វូណនតេជោ នឹងនាំឲ្យសសៃឈាមសេដ្ឋកិច្ចកម្ពុជាកាន់តែរីកចម្រើនបន្ថែមទៀត ដោយមិនចាំបាច់ បន្តពឹងពាក់អ្នកដទៃតាមរយៈការដឹកជញ្ជូននេះ។រាល់សំណេរដែលសរសេរតាមបណ្តាញសង្គម ដែលមានលក្ខណៈស្រដៀងគ្នានោះ បានលើកឡើងថា«ក្នុងនាមជាពលរដ្ឋខ្មែរម្នាក់ ខ្ញុំសូមគាំទ្រនូវជំហររបស់សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងការសាងសង់«ព្រែកជីក ហ្វូណនតេជោ» ឱ្យបានជោគជ័យ។ ហេដ្ឋារចនាសម្ព័ន្ធរូបវន្តផ្លូវទឹកដ៏សំខាន់នេះ ជាការឆ្លើយតបដ៏ចាំបាច់នូវតម្រូវការនៃការវិវឌ្ឍលើវិស័យសេដ្ឋកិច្ចរបស់កម្ពុជា ដែលត្រូវបានគិតគូរទុកជាយូរមកហើយ។ យើងស្វាគមន៍រាល់សហប្រតិបត្តិការអន្តរជាតិពីបណ្តាប្រទេសទាំងអស់នៅលើសកលលោក ដោយឈរលើសមភាព។ តែយើងមិនអត់ឱនចំពោះចេតនាទុច្ចរិតណាមួយដើម្បីគ្រាន់តែបំពេញតម្រូវការផលប្រយោជន៍របស់ខ្លួន ដោយជាន់ឈ្លីនូវផលប្រយោជន៍របស់កម្ពុជា ដោយផ្នែក ឬទាំងស្រុងនោះឡើយ។ យើងទាំងអស់គ្នាគាំទ្រ ព្រែកជីកហ្វូណនតេជោ និងការអភិវឌ្ឍរបស់កម្ពុជា ក្នុងសុខសន្តិភាព!»សូមបញ្ជាក់ថា គម្រោង«ព្រែកជីកហ្វូណនតេជោ» តភ្ជាប់ផ្លូវទឹករវាងទន្លេរទៅកាន់សមុទ្រកម្ពុជា ដោយឆ្លងកាត់ ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រទេសកម្ពុជា ជាពិសេសវិស័យដឹកជញ្ជូន ដូចជា កាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាតផ្លូវថ្នល់ ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការ ឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍន៍ផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ និងការវិនិយោគផ្សេងៗជាច្រើនទៀត និយាយជារួម គម្រោងព្រែកជីកហ្វូណនតេជោនេះ គឺជាគម្រោងបម្រើផល ប្រយោជន៍ជាតិដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជាតែម្តង៕អត្ថបទបាន ចក់រូបភាព

បណ្ដាញសង្គម

ព័ត៌មានថ្មីៗ

អវកាសយានិកអាមេរិក និងកាណាដា ទាញចំណាប់អារម្មណ៍ទូទាំងពិភពលោក ជាមួយនឹងយានទៅឋានព្រះចន្ទ Artemis II
04/08/2026 04:04 PM
Facebook Telegram Linkin
អ៊ីស្រាអែលជំរុញឲ្យនាវាទាំងអស់ជម្លៀសចេញពីតំបន់សមុទ្រភាគខាងត្បូងលីបង់ រហូតដល់ទីក្រុងTYRE
04/08/2026 04:04 PM
Facebook Telegram Linkin
លោក Trump៖ កិច្ចព្រមព្រៀងជាមួយអ៊ីរ៉ង់ គឺជា «ជ័យជម្នះទាំងស្រុង និងពេញលេញ» សម្រាប់អាមេរិក
04/08/2026 04:04 PM
Facebook Telegram Linkin
គោព្រៃជំទង់កម្ពុជា ចេញទៅប្រកួតពាន U17 អាស៊ាន នៅឥណ្ឌូនេស៊ី
04/08/2026 04:04 PM
Facebook Telegram Linkin
មន្រ្តីជាន់ខ្ពស់ក្រសួងឧស្សាហកម្ម លើកទឹកចិត្តដល់រោងចក្រ សហគ្រាស ប្រើប្រាស់​វត្ថុធាតុដើម​ក្នុងស្រុក
04/08/2026 03:04 PM
Facebook Telegram Linkin
ការធ្លាក់ចុះនៃផលិតកម្មប្រេងនៅមជ្ឈិមបូព៌ា ត្រូវបានប៉ាន់ប្រមាណថា មានចំនួន ៧,៥ លានបារ៉ែល ក្នុង១ថ្ងៃ
04/08/2026 03:04 PM
Facebook Telegram Linkin
នាយករដ្ឋមន្ត្រីប៉ាគីស្ថាន លោក Sharif បញ្ជាក់ថា បទឈប់បាញ់ រវាងអាមេរិក និងអ៊ីរ៉ង់ ត្រូវអនុវត្តគ្រប់ទីកន្លែង
04/08/2026 03:04 PM
Facebook Telegram Linkin
ប្រធានសិទ្ធិមនុស្ស UN ថ្កោលទោសការគំរាមកំហែងរបស់អាមេរិកក្នុងការបំផ្លាញ «អរិយធម៌ទាំងមូល»
04/08/2026 03:04 PM
Facebook Telegram Linkin
កម្ពុជាកំពុងឈានទៅរកប្រព័ន្ធគ្រប់គ្រងថវិកា ដែលមានស្តង់ដាអន្តរជាតិ ដែល​ឆ្លើយ​តប​ទៅ​នឹង​ការ​អភិវឌ្ឍ
04/08/2026 03:04 PM
Facebook Telegram Linkin
ប្រទេសកោះម៉ាដាហ្គាស្កា ប្រកាសគ្រាអាសន្នថាមពលរយៈពេល ១៥ ថ្ងៃ
04/08/2026 03:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.