នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ស៊ុន ចាន់ថុល៖ ព្រែកជីកហ្វូណនតេជោ គ្រោងបញ្ចប់ការផ្ទៀងផ្ទាត់និយាមកា និងបោះបង្គោលព្រំដីក្នុងពេលដ៏ខ្លីខាងមុខ
សម្តេចតេជោ៖ ថ្ងៃទី១១កក្កដានេះ រដ្ឋសភានឹងកោះប្រជុំ ដើម្បី​ធ្វើ​វិសោធន​កម្ម​ច្បាប់​រដ្ឋ​ធម្មនុញ្ញ​ដក​សញ្ជាតិ ជនជាតិខ្មែរណាដែលឃុបឃិតជាមួយបរទេសបំផ្លាញជាតិសាសន៍ឯង
ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសំណេះសំណាលជាមួយសិស្ស និស្សិត លោកគ្រូ អ្នកគ្រូ នៅមជ្ឈមណ្ឌលអប់រំ និង​បណ្តុះ​បណ្តាល ជាស៊ីមកំចាយមារ
សម្ដេចតេជោជំរុញឱ្យសិង្ហបុរីមានជើងហោះហើរកាន់តែច្រើនមកកាន់កម្ពុជាបន្ទាប់ពីដាក់ឱ្យដំណើរ​ការព្រលានយន្តហោះអន្តរជាតិតេជោ

នយោបាយ​ និង ការអភិវឌ្ឍន៍

មន្ត្រីយោធាជាន់ខ្ពស់អាមេរិក ទៅទស្សនកិច្ចនៅអ៊ីស្រាអែល ចំពេលមានការភ័យខ្លាចចំពោះការវាយប្រហាររបស់អ៊ីរ៉ង់

2024/04/12 11:37:18 am        69
Facebook Telegram Linkin
មន្ទីរបញ្ចកោណ បាននិយាយកាលពីថ្ងៃព្រហស្បតិ៍ថា ប្រមុខបញ្ជាការកណ្តាលរបស់សហរដ្ឋអាមេរិក លោកឧត្តមសេនីយ៍ អ៊ីរីក គូរីលឡា (Erik Kurilla) កំពុងស្ថិតនៅក្នុងប្រទេសអ៊ីស្រាអែល ដើម្បីនិយាយជាមួយក្រុមមន្ត្រី ខណៈដែលការភ័យខ្លាចកាន់តែខ្លាំងឡើងអំពីលទ្ធភាពវាយប្រហារលើអ៊ីស្រាអែលដោយអ៊ីរ៉ង់ និងក្រុមសកម្មប្រយុទ្ធដែលខ្លួនគាំទ្រ។អ្នកនាំពាក្យមន្ទីរបញ្ចកោណ លោកឧត្តមសេនីយ៍ឯក Pat Ryder បានប្រាប់អ្នកយកព័ត៌មានថា លោក ឧត្តមសេនីយ៍គូរីលឡា កំពុងស្ថិតនៅក្នុងប្រទេសអ៊ីស្រាអែល។ ដូចដែលខ្ញុំយល់ហើយ លោកកំពុងធ្វើដំណើរជុំវិញតំបន់នេះ។លោក Ryder បាននិយាយថា៖«ការយល់ដឹងរបស់ខ្ញុំ គឺលោកមានគម្រោងធ្វើដំណើរទៅកាន់ប្រទេស អ៊ីស្រាអែល» ប៉ុន្តែ «ដោយសារតែការវិវឌ្ឍថ្មីៗ លោកបានផ្លាស់ប្តូរដំណើររបស់ខ្លួនទៅជួបជាមួយថ្នាក់ដឹកនាំសំខាន់ៗ [កងកម្លាំងការពារអ៊ីស្រាអែល] និងពិភាក្សាអំពីការគំរាមកំហែងផ្នែកសន្តិសុខ នាពេលបច្ចុប្បន្ន នៅក្នុងតំបន់នេះ»។សារព័ត៌មាន Axios បានរាយការណ៍ជាលើកដំបូងអំពីការធ្វើដំណើររបស់លោកគូរីលឡា ដោយកត់សម្គាល់ថា លោកត្រូវបានគេរំពឹងថា នឹងជួបជាមួយរដ្ឋមន្ត្រីការពារជាតិអ៊ីស្រាអែល លោក យ៉ូអាវ ហ្គាឡែនធ៍ (Yoav Gallant) ក្នុងចំណោមអ្នកផ្សេងទៀត។អ៊ីរ៉ង់កំពុងប្តេជ្ញាសងសឹកអ៊ីស្រាអែល បន្ទាប់ពីការវាយប្រហារកាលពីសប្តាហ៍មុនលើអគារមួយ នៅជាប់នឹងស្ថានទូតអ៊ីរ៉ង់ នៅទីក្រុងដាម៉ាស បានសម្លាប់មនុស្ស ១២នាក់ រួមទាំងមេបញ្ជាការជាន់ខ្ពស់ពីរនាក់ផង ដែរ។

ម៉ិកស៊ិក ថ្កោលទោសប្រទេសអេក្វាឌ័រទៅកាន់តុលាការយុត្តិធម៌អន្តរជាតិ ចំពោះការឆ្មក់ចូលស្ថានទូត

2024/04/12 11:27:59 am        57
Facebook Telegram Linkin
រដ្ឋមន្ត្រីការបរទេសម៉ិកស៊ិក លោកស្រី អាលីសៀ បាសេណា(Alicia Barcena) បានប្រកាសកាលពីថ្ងៃព្រហស្បតិ៍ថា រដ្ឋាភិបាលម៉ិកស៊ិក បានថ្កោលទោសជាផ្លូវការចំពោះរដ្ឋាភិបាលប្រទេសអេក្វាឌ័រ ទៅកាន់តុលាការយុត្តិធម៌អន្តរជាតិ (ICJ) ចំពោះការឆ្មក់ចូលរបស់នគរបាលនៅស្ថានទូតម៉ិកស៊ិក ក្នុងទីក្រុងQuito កាលពីថ្ងៃទី ៥ ខែមេសា។លោកស្រី Barcena បាននិយាយរួមជាមួយលោកប្រធានាធិបតី លោក Andres Manuel Lopez Obrador ក្នុងសន្និសីទសារព័ត៌មានប្រចាំថ្ងៃថា «យើងចង់សាកល្បងប្រព័ន្ធយុត្តិធម៌អន្តរជាតិ»។ យើងកំពុងជួបប្រទះភាពទន់ខ្សោយយ៉ាងខ្លាំងនៅក្នុងពិភពពហុភាគី និងក្នុងទំនាក់ទំនងអន្តរជាតិ។ យើងឃើញមានការរំលោភបំពានជាច្រើននៅទូទាំងពិភពលោក ដែលប៉ះពាល់ មិនត្រឹមតែអ្នកការទូតប៉ុណ្ណោះទេ ប៉ុន្តែក៏ប៉ះពាល់ដល់ប្រជាជនស៊ីវិលផងដែរ។បណ្តឹងរបស់ប្រទេសម៉ិកស៊ិក មានគោលបំណងធ្វើឱ្យប្រទេសអេក្វាឌ័រទទួលខុសត្រូវ ចំពោះការបំពាន ចំពោះ «ភាពមិនអាចបំពានបាន» នៅស្ថានទូត និងអំពាវនាវឱ្យផ្អាកប្រទេសអាមេរិកខាងត្បូងមួយនេះ ពីសមាជិកនៃអង្គការសហប្រជាជាតិ លុះត្រាតែប្រទេសនេះសុំទោសជាសាធារណៈ។លោកស្រី Barcena និយាយថា តុលាការ ICJ អាចចេញសេចក្តីសម្រេចលើរឿងនេះ ដើម្បីបណ្តេញប្រទេសអេក្វាឌ័រ ចេញពីអង្គការសហប្រជាជាតិ។គួរំលឹកថា នគរបាលបានសម្រុកចូលស្ថានទូតម៉ិកស៊ិកក្នុងទីក្រុង Quito ប្រទេសអេក្វាឌ័រ កាលពីថ្ងៃទី ៥ ខែមេសា ដើម្បីចាប់ខ្លួនអតីតអនុប្រធានាធិបតីអេក្វាឌ័រ លោក Jorge Glas ប៉ុន្មានម៉ោងបន្ទាប់ពីម៉ិកស៊ិក បានផ្តល់សិទ្ធិជ្រកកោននយោបាយដល់លោក ដែលជំរុញឱ្យម៉ិកស៊ិកផ្តាច់ទំនាក់ទំនងជាមួយប្រទេសអេក្វាឌ័រ។វាពុំកើតឡើងដដែលៗនោះទេ ក្នុងប្រទេសណាមួយលើពិភពលោក ហើយច្បាប់អន្តរជាតិត្រូវតែបាន ធានាថា បរិវេណស្ថានទូតរបស់ប្រទេសមួយនៅក្នុងប្រទេសណាមួយ មិនត្រូវបានរំលោភបំពាន។

IAEA ព្រមានពីការគំរាមកំហែងដល់រោងចក្រនុយក្លេអ៊ែរ Zaporizhzhia

2024/04/12 11:23:24 am        64
Facebook Telegram Linkin
គណៈកម្មការទីភ្នាក់ងារថាមពលអាតូមិកអន្តរជាតិ(IAEA) បានបើកកិច្ចប្រជុំបន្ទាន់មួយ ដើម្បីពិភាក្សាអំពីការវាយប្រហារជាបន្តបន្ទាប់លើរោងចក្រនុយក្លេអ៊ែរ Zaporizhzhia ក្នុងប្រទេសអ៊ុយក្រែន។ កិច្ចប្រជុំនេះ បានធ្វើឡើងនៅទីស្នាក់ការរបស់ទីភ្នាក់ងារនៅក្នុងទីក្រុងវីយែន ប្រទេសអូទ្រីស កាលពីថ្ងៃព្រហស្បតិ៍។កងកម្លាំងរបស់រុស្ស៊ី បានដណ្តើមយករោងចក្រនេះតាំងពីដើមដំបូងនៃសង្រ្គាម។ ការវាយប្រហារចុងក្រោយ បានចាប់ផ្តើមកាលពីថ្ងៃអាទិត្យ ហើយរួមមានការវាយប្រហារដោយយានដ្រូនទៅលើអគារម៉ាស៊ីនរ៉េអាក់ទ័រ។ មន្ត្រីទីភ្នាក់ងារថាមពលអាតូមិកអន្តរជាតិ(IAEA) បាននិយាយថា ការវាយប្រហារនេះពុំបានដោះស្រាយតាមការសម្របសម្រួលសុវត្ថិភាពនុយក្លេអ៊ែរទេ។ មន្រ្តីនៅទីក្រុងមូស្គូ និងទីក្រុងគីវ បានស្តីបន្ទោសគ្នាទៅវិញទៅមក ហើយភាគីទាំងពីរបានស្នើសុំឲ្យមានកិច្ចប្រជុំបន្ទាន់មួយ។

នាយករដ្ឋមន្ត្រីស្លូវ៉ាគីដែលគាំទ្ររុស្ស៊ី ពង្រឹងទំនាក់ទំនងថាមពល និងដឹកជញ្ជូន ទៅកាន់អ៊ុយក្រែន

2024/04/12 11:05:57 am        73
Facebook Telegram Linkin
នាយករដ្ឋមន្ត្រីស្លូវ៉ាគីលោក រ៉ូប៊ឺរ ហ្វីកូ ( Robert Fico) ដែលទស្សនៈគាំទ្ររុស្ស៊ី បានធ្វើឲ្យលោកមានជម្លោះជាមួយសម្ព័ន្ធមិត្ត បានស្វែងរកកិច្ចសហប្រតិបត្តិការស៊ីជម្រៅលើថាមពល ការតភ្ជាប់ផ្លូវដែក និងការដឹកជញ្ជូនគ្រាប់ធញ្ញជាតិជាមួយប្រទេសជិតខាងដែលរងគ្រោះដោយសង្រ្គាម កាលពីថ្ងៃព្រហស្បតិ៍។បន្ទាប់ពីកិច្ចប្រជុំរួមគ្នានៃរដ្ឋាភិបាលស្លូវ៉ាគី និងអ៊ុយក្រែន លោកហ្វីកូ បានបញ្ជាក់ថា ស្លូវ៉ាគីចង់ក្លាយជាអ្នកជិតខាង «ល្អ និងមិត្តភាព»សម្រាប់ប្រទេសអ៊ុយក្រែន។លោកហ្វីកូ បានដឹកនាំការផ្លាស់ប្តូរគោលនយោបាយការបរទេសរបស់ប្រទេសស្លូវ៉ាគី ចាប់តាំងពីឡើងកាន់អំណាច កាលពីខែតុលាឆ្នាំមុន ដោយបញ្ឈប់ជំនួយយោធារបស់រដ្ឋដល់ទីក្រុងគីវ និងការបើកបណ្តាញទំនាក់ទំនងជាមួយទីក្រុងមូស្គូ ទោះបីជាសហភាពអឺរ៉ុប បានព្យាយាមធ្វើឲ្យរដ្ឋាភិបាលរុស្ស៊ីឯកោក៏ដោយ។ប៉ុន្តែលោកហ្វីកូ មានបំណងចង់រក្សាទំនាក់ទំនងពាណិជ្ជកម្មជាមួយទីក្រុងគីវ រួមទាំងការបន្តអនុញ្ញាតឲ្យកិច្ចព្រមព្រៀងពាណិជ្ជកម្មអាវុធ ដំណើរការទៅមុខ។នាយករដ្ឋមន្ត្រីស្លូវ៉ាគីរូបនេះ បាននិយាយនៅក្នុងការថ្លែងសុន្ទរកថាជាមួយសមភាគីអ៊ុយក្រែនលោក ដេនីស ស្មីហាល (Denys Shmyhal) បន្ទាប់ពីកិច្ចប្រជុំនៅស្លូវ៉ាគីភាគខាងកើតថា៖«អ៊ុយក្រែន ត្រូវការជំនួយ ហើយអ៊ុយក្រែនក៏ត្រូវតែបង្ហាញពីសាមគ្គីភាពដែរ»។«ជាការពិតណាស់ វាអាចមានមតិ ឬទស្សនៈផ្សេងគ្នាលើជំនួយ ឬសាមគ្គីភាពនោះ។

ប្រមុខការទូតអាមេរិក ស្នើចិន អារ៉ាប៊ីសាអ៊ូឌីត និងប្រទេសផ្សេងទៀតឲ្យឃាត់អ៊ីរ៉ង់ កុំឲ្យវាយប្រហារលើអ៊ីស្រាអែល

2024/04/12 10:50:39 am        89
Facebook Telegram Linkin
ក្រសួងការបរទេសអាមេរិកបាននិយាយកាលពីថ្ងៃព្រហស្បតិ៍ ១១ខែមេសា សប្ដាហ៍នេះ ថា រដ្ឋមន្ត្រីការបរទេសអាមេរិកលោក Antony Blinken បានស្នើឱ្យរដ្ឋមន្ត្រីការបរទេសរបស់ប្រទេសចិន និងសមភាគីផ្សេងទៀត ប្រើប្រាស់ឥទ្ធិពលរបស់ខ្លួន រារាំងអ៊ីរ៉ង់កុំឲ្យវាយលុកអ៊ីស្រាអែល។ អ្នកនាំពាក្យក្រសួងការបរទេសអាមេរិក លោក Matthew Miller បានប្រាប់អ្នកសារព័ត៌មានថា លោក Blinken បាននិយាយតាមទូរស័ព្ទកាលពីថ្ងៃមុនទៅកាន់សមភាគីចិន ទួរគី អារ៉ាប៊ីសាអ៊ូឌីត និងអឺរ៉ុប ដើម្បីបញ្ជាក់ឱ្យច្បាស់ថា ការកើនឡើងភាពតឹនតឹងនេះ មិនមែនជាការផលប្រយោជន៍របស់នរណាម្នាក់ឡើយ ហើយថាប្រទេសនានាគួរតែជំរុញឱ្យអ៊ីរ៉ង់កុំឱ្យបង្កើនសកម្មភាពនេះ។ លោក Miller បាននិយាយថា Blinken ក៏បាននិយាយតាមទូរស័ព្ទជាមួយរដ្ឋមន្ត្រីការពារជាតិអ៊ីស្រាអែល យ៉ាវ ហ្គាលែន (Yoav Gallant) ដើម្បីបញ្ជាក់ឡើងវិញនូវការគាំទ្រដ៏រឹងមាំរបស់យើងសម្រាប់អ៊ីស្រាអែលប្រឆាំងនឹងការគំរាមកំហែងទាំងនេះ។ មេដឹកនាំកំពូលរបស់អ៊ីរ៉ង់ បានប្តេជ្ញាសងសឹកបន្ទាប់ពីការវាយប្រហាររបស់អ៊ីស្រាអែលកាលពីថ្ងៃទី ១ ខែមេសាលើអគារការទូតអ៊ីរ៉ង់នៅក្នុងរដ្ឋធានី ដាម៉ាស់ (Damascus)ប្រទេសស៊ីរី បានសម្លាប់សមាជិក ៧ នាក់នៃកងឆ្មាំបដិវត្តន៍អ៊ីរ៉ង់រួមទាំងឧត្តមសេនីយ៍ពីរនាក់ផងដែរ។ រដ្ឋមន្ត្រីការពារជាតិអ៊ីស្រាអែល លោក Yoav Gallant បាននិយាយកាលពីថ្ងៃព្រហស្បតិ៍ថា អ៊ីស្រាអែលនឹងឆ្លើយតបដោយផ្ទាល់ចំពោះការវាយប្រហារណាមួយពីសំណាក់ប្រទេសអ៊ីរ៉ង់៕

FBI ព្រួយបារម្ភពីការវាយប្រហារដែលអាចកើតមានក្នុងសហរដ្ឋអាមេរិក បន្ទាប់ពីការសម្លាប់រង្គាលនៅរុស្ស៊ី

2024/04/12 10:02:23 am        152
Facebook Telegram Linkin
ទីភ្នាក់ងារចារកម្មកណ្ដាល FBI របស់សហរដ្ឋអាមេរិក មានការព្រួយបារម្ភអំពីលទ្ធភាពនៃការវាយប្រហារដែលមានអង្គការចាត់តាំងនៅក្នុងសហរដ្ឋអាមេរិក ស្រដៀងទៅនឹងការវាយប្រហារដែលបានសម្លាប់មនុស្សជាង ១៤០ នាក់នៅឯសាលប្រគុំតន្ត្រីរុស្ស៊ី កាលពីខែមុន នេះបើតាមនាយកការិយាល័យនេះបានប្រាប់ក្រុមអ្នកតំណាងរាស្រ្តកាលពីថ្ងៃព្រហស្បតិ៍ (១១ មេសា)។ការវាយប្រហារកាលពីថ្ងៃទី២២ ខែមីនា លើសាលប្រគុំតន្ត្រីនៅជាយក្រុងមូស្គូ បានសម្លាប់មនុស្សយ៉ាងហោចណាស់ ១៤៤ នាក់ ដែលជាចំនួនមនុស្សស្លាប់ច្រើនបំផុតនៅក្នុងប្រទេសរុស្ស៊ី ក្នុងរយៈពេល ២០ ឆ្នាំ។ សាខាមួយនៃក្រុមសកម្មប្រយុទ្ធរដ្ឋឥស្លាមបានអះអាងទទួលខុសត្រូវ ប៉ុន្តែប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្យាយាមស្តីបន្ទោសអ៊ុយក្រែន ចំពោះការវាយប្រហារនេះ ប៉ុន្តែមិនបានលើកឡើងពីភស្តុតាងច្បាស់លាស់។ក្រុមមន្ត្រីអាមេរិក មានការព្រួយបារម្ភអំពីលទ្ធភាពនៃការវាយប្រហារដែលធ្វើឡើងដោយបុគ្គល ឬក្រុមតូច ដែលត្រូវបានបំផុសគំនិតដោយសង្គ្រាមរវាងអ៊ីស្រាអែល និងក្រុមហាម៉ាស នៅហ្កាហ្សា។ លោក គ្រីសស្តូហ្វឺ រ៉េយ (Christopher Wray) នាយក FBI បាននិយាយនៅក្នុងសក្ខីកម្មរបស់ខ្លួននៅចំពោះមុខអនុគណៈកម្មាធិការសភាថា FBI កំពុងព្រួយបារម្ភយ៉ាងខ្លាំងពីការវាយប្រហារសម្របសម្រួលបន្ថែមទៀត បន្ទាប់ពីការសម្លាប់រង្គាលនៅសាលប្រគុំតន្រ្តីរុស្ស៊ី។លោក រ៉េយ បានលើកឡើងពីការព្រួយបារម្ភរបស់ទីភ្នាក់ងារអនុវត្តច្បាប់អំពីអំពើភេរវកម្ម ដើម្បីជួយបញ្ចុះបញ្ចូលសមាជិកសភាឱ្យបង្កើនមូលនិធិសម្រាប់ FBI ទោះបីជាលោកទំនងជាប្រឈមនឹងការរុញច្រានយ៉ាងខ្លាំងពីសមាជិកសភាមកពីបក្សសាធារណរដ្ឋក៏ដោយ៕

នាយករដ្ឋមន្ត្រីជប៉ុន៖ ការគាំទ្ររបស់អាមេរិក សំខាន់ខ្លាំងសម្រាប់ការរស់រានមានជីវិតរបស់អ៊ុយក្រែន

2024/04/12 08:58:57 am        170
Facebook Telegram Linkin
នាយករដ្ឋមន្ត្រីជប៉ុន បានប្រាប់សមាជិកសភាអាមេរិក កាលពីថ្ងៃព្រហស្បតិ៍ (១១ មេសា) ថា អ៊ុយក្រែនកំពុងប្រឈមហានិភ័យក្នុងការចាញ់ក្រោមដៃរុស្ស៊ី ប្រសិនបើពុំមានការគាំទ្រដ៏សំខាន់របស់សហរដ្ឋអាមេរិក ហើយនោះជាមហន្តរាយមួយដែលអាចផ្ដល់ភាពក្លាហានឱ្យចិន បង្កជាវិបត្តិថ្មីនៅអាស៊ីខាងកើត ខណៈលោកជំរុញឱ្យពួកគេយកឈ្នះ «ការសង្ស័យលើខ្លួនឯង» អំពីតួនាទីរបស់ប្រទេសនេះនៅលើឆាកពិភពលោក។នៅក្នុងសុន្ទរកថាលើកដំបូងទៅកាន់កិច្ចប្រជុំរួមនៃសភាដោយមេដឹកនាំជប៉ុនក្នុងរយៈពេលប្រាំបួនឆ្នាំ លោក ហ្វ៊ូមីអូ គីស៊ីដា (Fumio Kishida) បានជំរុញប្រជាជនអាមេរិក កុំឱ្យសង្ស័យពីតួនាទី «ដែលមិនអាចខ្វះបាន» របស់ប្រទេសក្នុងកិច្ចការពិភពលោក ហើយបាននិយាយថា ទីក្រុងតូក្យូ កំពុងប្រឹងប្រែងធ្វើឱ្យប្រសើរឡើងផ្នែកយោធាជាប្រវត្តិសាស្ត្រដើម្បីគាំទ្រសម្ព័ន្ធមិត្តរបស់ខ្លួន។លោក គីស៊ីដា លើកឡើងបែបនេះស្របពេលមានការបែកបាក់យ៉ាងស៊ីជម្រៅនៅក្នុងនយោបាយសហរដ្ឋអាមេរិក ជុំវិញតួនាទីរបស់ប្រទេសនេះនៅលើឆាកពិភពលោកក្នុងឆ្នាំបោះឆ្នោតប្រធានាធិបតី រួមទាំងនៅក្នុងសភាតំណាងរាស្រ្ត។សំណើរបស់លោកប្រធានាធិបតី ចូ បៃដិន (Joe Biden) សម្រាប់ជំនួយចំនួន ៦០ ពាន់លានដុល្លារសម្រាប់អ៊ុយក្រែន ដែលបានអនុម័តព្រឹទ្ធសភាដឹកនាំដោយបក្សប្រជាធិបតេយ្យ ដោយមានការគាំទ្រ ៧០ ភាគរយនៅក្នុងខែកុម្ភៈ ត្រូវបានជាប់គាំងនៅក្នុងសភាដែលគ្រប់គ្រងដោយបក្សសាធារណរដ្ឋ ខណៈដែលប្រធានសភា លោក ប៉ៃ ចនសុន (Mike Johnson) បានបដិសេធមិនអនុញ្ញាតឱ្យមានការបោះឆ្នោត៕

អាមេរិក បានស្នើឲ្យប្រទេសនានាក្នុងតំបន់ ដាក់សម្ពាធលើអ៊ីរ៉ង់ កុំឲ្យចូលរួមក្នុងសង្គ្រាមនៅស៊ូដង់

2024/04/12 08:50:52 am        167
Facebook Telegram Linkin
ឯកអគ្គរដ្ឋទូតសហរដ្ឋអាមេរិកប្រចាំនៅអង្គការសហប្រជាជាតិ លោកស្រី Linda Thomas-Greenfield បាននិយាយកាលពីថ្ងៃព្រហស្បតិ៍ថា សហរដ្ឋអាមេរិក មានការសន្ទនាជាច្រើនអំពីជម្លោះនៅក្នុងប្រទេសស៊ូដង់ ជាមួយប្រទេសនានាក្នុងតំបន់ រួមទាំងការស្នើសុំឱ្យប្រទេសទាំងនេះ ជំរុញអ៊ីរ៉ង់កុំឱ្យចូលរួមក្នុងសង្គ្រាម។ទីភ្នាក់ងារសារព័ត៌មាន Reuters ដោយដកស្រង់ពីប្រភពកងទ័ពជាន់ខ្ពស់ បានរាយការណ៍ថា យានដ្រូនប្រដាប់អាវុធដែលផលិតដោយប្រទេសអ៊ីរ៉ង់ បានជួយកងទ័ពបង្វែរជំនោរនៃជម្លោះ ដោយបានបញ្ឈប់ការរុលទៅមុខរបស់កងកម្លាំងគាំទ្ររហ័សយោធាប៉ារ៉ាជាគូប្រជែងរបស់កងកម្លាំងប្រដាប់អាវុធស៊ូដង់ និងដណ្តើមបានមកវិញដែនដីនៅជុំវិញរដ្ឋធានី ។ប្រភពព័ត៌មានពីអ៊ីរ៉ង់ចំនួន៦ បាននិយាយថា មន្ត្រីក្នុងតំបន់ និងអ្នកការទូត ដ៏ដូចជាប្រភពព័ត៌មានកងទ័ពដែលសុំមិនបញ្ចេញអត្តសញ្ញាណដោយសារតែភាពរសើបនៃព័ត៌មាននោះ បានប្រាប់សារព័ត៌មានរ៉យទ័រថា យោធាស៊ូដង់បានទទួលយានគ្មានមនុស្សបើក (UAVs) ផលិតដោយប្រទេសអ៊ីរ៉ង់ ក្នុងរយៈពេលប៉ុន្មានខែកន្លងទៅនេះ។

ចិន ជំរុញឲ្យហ្វីលីពីនគោរពការសន្យា និងបញ្ឈប់សកម្មភាពបង្កហេតុនៅសមុទ្រចិនខាងត្បូង

2024/04/12 08:46:16 am        178
Facebook Telegram Linkin
អ្នកនាំពាក្យក្រសួងការបរទេសចិនបាននិយាយកាលពីថ្ងៃព្រហស្បតិ៍នៅទីក្រុងប៉េកាំងថា ប្រទេសហ្វីលីពីន ចាំបាច់ត្រូវគោរពការសន្យារបស់ខ្លួន និងបញ្ឈប់សកម្មភាពបង្កហេតុដើម្បីបន្ធូរបន្ថយស្ថានការណ៍នៅសមុទ្រចិនខាងត្បូង។ អ្នកនាំពាក្យ លោកស្រី ម៉ៅនីង (Mao Ning) បាននិយាយនៅក្នុងសន្និសីទសារព័ត៌មានប្រចាំថ្ងៃថាជាបឋមដំបូង ខ្ញុំចង់សង្កត់ធ្ងន់ថា តំបន់ថ្មប៉ប្រះទឹក រិនអាយ (Ren'ai) គឺជាផ្នែកមួយនៃកោះ ណានសា កានតាវ (Nansha Qundao) របស់ប្រទេសចិន។ ចិនមានអធិបតេយ្យភាពដែលមិនអាចប្រកែកបាននៅលើកោះ Nansha រួមទាំង តំបន់ថ្មប៉ប្រះទឹក Ren'ai និងដែនទឹកដែលនៅជាប់គ្នា។ ប្រទេសចិនបាននិងកំពុងធ្វើការជាមួយហ្វីលីពីនដើម្បីគ្រប់គ្រងស្ថានការណ៍នៅលើថ្មប៉ប្រះទឹកនេះ តាមរយៈការសន្ទនា និងការពិគ្រោះយោបល់។ហេតុផលសម្រាប់ស្ថានភាពបច្ចុប្បន្ននៅលើថ្មប៉ប្រះទឹកនេះ គឺច្បាស់លាស់ និងជាក់ស្តែង។ លោកស្រី Maoនិយាយថា ហ្វីលីពីនបានបំពានលើការសន្យារបស់ខ្លួន ហើយបដិសេធមិនព្រមអូសចេញនូវនាវាចម្បាំងដែលដាក់មូលដ្ឋានខុសច្បាប់របស់ខ្លួននៅលើថ្មប៉ប្រះទឹក Ren'ai បដិសេធកិច្ចព្រមព្រៀងដែលបានធ្វើឡើងជាមួយប្រទេសចិនក្នុងអំឡុងការគ្រប់គ្រងរបស់លោក Duterte ហើយបានបំពានអធិបតេយ្យភាពរបស់ចិនដោយចេតនា និងបន្តបង្ករឿងជាមួយចិននៅលើសមុទ្រនេះ។លោកស្រី Mao បាននិយាយថា បើហ្វីលីពីនពិតជាចង់បន្ធូរបន្ថយស្ថានភាពនៅលើតំបន់ថ្មប៉ប្រះទឹកមានជម្លោះ រិន អាយ តាមរយៈការចរចា និងការប្រាស្រ័យទាក់ទងពិតមែន ប្រទេសនេះ គួរតែគោរពតាមការសន្យារបស់ខ្លួន គោរពតាមការឯកភាព និងបញ្ឈប់ការបង្កហេតុ។ហ្វីលីពីនបានបញ្ជូននាវាចម្បាំងដែលចូលចតដោយខុសច្បាប់នៅលើថ្មប៉ប្រះទឹក Ren'ai អស់រយៈពេលជាយូរ។ប្រការនេះបានរំលោភលើអធិបតេយ្យភាពរបស់ប្រទេសចិន និងសេចក្តីប្រកាសស្តីពីការប្រតិបត្តិនៃគូភាគីនៅសមុទ្រចិនខាងត្បូង (DOC) ជាពិសេសមាត្រា ៥ របស់សេចក្តីប្រកាសស្តីពីការប្រតិបត្តិនៃគូភាគី ទាមទារឱ្យហ្វីលីពីនស្រោចស្រង់ស្ថានការណ៍វិលមករកសភាពដើមវិញ នៅលើតំបន់ថ្មប៉ប្រះទឹក Ren'ai៕

អាមេរិក ពង្រឹងទំនាក់ទំនងជាមួយជប៉ុននិងហ្វីលីពីន ដើម្បីទប់ឥទ្ធិពលចិននៅសមុទ្រចិនខាងត្បូង

2024/04/12 08:03:07 am        113
Facebook Telegram Linkin
លោកប្រធានាធិបតីអាមេរិក Joe Biden គ្រោងបង្ហាញការល្បាត និងហ្វឹកហាត់យោធារួមគ្នាជាមួយហ្វីលីពីន និងជប៉ុន ខណៈសម្ព័ន្ធមិត្តព្យាយាមទប់ទល់នឹងការប្រកាសសិទ្ធិគ្រប់គ្រងកាន់តែខ្លាំងឡើងរបស់ចិន នៅក្នុងសមុទ្រចិនខាងត្បូង។ យោងតាមមន្ត្រីរដ្ឋបាលជាន់ខ្ពស់ដែលបានផ្ដល់លទ្ធផលកិច្ចប្រជុំដល់ក្រុមអ្នកសារព័ត៌មាន និងបានធ្វើបទសម្ភាសន៍ដាច់ដោយឡែកជាមួយសារព័ត៌មានBloomberg កិច្ចប្រជុំរបស់លោក Biden កាលពីថ្ងៃព្រហស្បតិ៍ជាមួយនាយករដ្ឋមន្រ្តីជប៉ុនលោក Fumio Kishida និងប្រធានាធិបតីហ្វីលីពីនលោក Ferdinand Marcos Jr នឹងផ្តល់កិច្ចព្រមព្រៀងស្តីពីការល្បាតឆ្មាំសមុទ្រ កិច្ចខិតខំប្រឹងប្រែងរួមគ្នាបែបមនុស្សធម៌ និងជំនួយសង្គ្រោះគ្រោះមហន្តរាយ ក៏ដូចជាការហ្វឹកហ្វឺនដែនសមុទ្រដែលនឹងត្រូវធ្វើឡើងនៅក្នុងប្រទេសជប៉ុន ។ លោកប្រធានាធិបតី Joe Biden បាននិយាយកាលពីថ្ងៃព្រហស្បតិ៍ថា ការប្តេជ្ញាចិត្តរបស់សហរដ្ឋអាមេរិកចំពោះការការពាររបស់ប្រទេសជប៉ុន និងហ្វីលីពីននៅតែរឹងមាំដូចដែកថែប ខណៈលោកធ្វើជាម្ចាស់ផ្ទះសម្រាប់មេដឹកនាំនៃប្រទេសទាំងនោះ ស្របពេលមានជម្លោះដែនទឹកដាច់ដោយឡែកពីគ្នាជាមួយប្រទេសចិន។ កិច្ចប្រជុំត្រីភាគី នេះបានកើតមានឡើង ស្របពេលភាពតានតឹងរវាងក្រុងម៉ានីល និងប៉េកាំង ។ក្នុងប៉ុន្មានសប្ដាហ៍ថ្មីនេះ នាវាឆ្មាំល្បាតឆ្នេរចិន បានរារាំងសកម្មភាពផ្គត់ផ្គង់ឡើងវិញរបស់ហ្វីលីពីនសម្រាប់កងទ័ពឈរជើងនៅលើនាវាសល់ពីសម័យសង្រ្គាមលោកលើកទី២ក្នុងតំបន់ថ្មប៉ប្រះទឹកមានជម្លោះ Second Thomas Shoal ដែលក្រុងម៉ានីលអះអាងសិទ្ធិគ្រប់គ្រងនៅលើប្រជុំកោះស្ព្រាតលី៕

បណ្ដាញសង្គម

ព័ត៌មានថ្មីៗ

អភិបាលខេត្តប៉ៃលិន ពិនិត្យមើលការដាំដុះបន្លែសរីរាង្គ និងកសិផលដើម្បីផ្គត់ផ្គង់ទីផ្សារក្នុងស្រុក និងនាំចេញ
07/06/2025 07:07 PM
Facebook Telegram Linkin
ក្រុមវេជ្ជសាស្ត្រសម្ដេចតេជោ ចុះពិនិត្យ និងព្យាបាលជំងឺជូនប្រជាពលរដ្ឋ ភៀសសឹកដោយមិនគិតថ្លៃ នៅមណ្ឌលសុវត្ថិភាពវត្តពោធិ៍៥០០០ដើម ខេត្តព្រះវិហារ
07/06/2025 05:07 PM
Facebook Telegram Linkin
ឯកឧត្តម ហេង សួរ៖ កត្តាសន្ដិភាពធ្វើឱ្យយុវជនកម្ពុជាកាន់ប៊ិក ជំនួសដោយការកាន់កាំភ្លើងក្នុងសមរភូមិ
07/06/2025 05:07 PM
Facebook Telegram Linkin
«កម្មវិធីប៉ាម៉ានី» ជួយជំរុញបន្ថែមទៀតឱ្យកុមារដឹងពីគុណតម្លៃនៃការសិក្សា និងជួយបំផុសឱ្យកុមារស្រលាញ់ និងខិតខំសិក្សារៀនសូត្រ ក៏ដូចជាលើកទឹកចិត្តឱ្យឪពុកម្តាយ ឬអាណាព្យាបាល ជំរុញកូនៗ ឱ្យខិតខំសិក្សារៀនសូត្រ
07/06/2025 05:07 PM
Facebook Telegram Linkin
នាយករដ្ឋមន្ត្រីជប៉ុននិយាយថា នឹងមិនងាយក្នុងការសម្របសម្រួលជាមួយលោក Trump លើពន្ធទេ
07/06/2025 03:07 PM
Facebook Telegram Linkin
ឯកឧត្តម ហ៊ុន ម៉ានី បំផុសចលនាបរិស្ថានតាមរយៈការជំរុញឱ្យពលរដ្ឋ កងកម្លាំង មន្ត្រីរាជការ សិស្ស និស្សិត ចូលរួមដាំកូនឈើទាំងអស់គ្នាចាប់ផ្តើមពីក្នុងភូមិសាស្ត្រខេត្តកំពង់ស្ពឺ
07/06/2025 03:07 PM
Facebook Telegram Linkin
មនុស្សរាប់ពាន់នាក់បានរងផលប៉ះពាល់នៅទីក្រុងព្រំដែនកូឡុំប៊ី បន្ទាប់ពីភ្លៀងធ្លាក់ខ្លាំង បង្កជាទឹកជំនន់
07/06/2025 02:07 PM
Facebook Telegram Linkin
សម្តេច ម៉ែន សំអន អញ្ជើញជាអធិបតីក្នុងពិធីបុណ្យផ្កាប្រាក់មហាសាមគ្គី ដើម្បីកសាងព្រះវិហារ ស្ថិតក្នុងវត្តជ័យមុនី ទំហំទទឹង ១២ម៉ែត្រ និងបណ្តោយ ២៤ម៉ែត្រ
07/06/2025 02:07 PM
Facebook Telegram Linkin
ប្រមុខ UN ថ្កោលទោសយ៉ាងខ្លាំងចំពោះការវាយប្រហារដោយយានដ្រូនរបស់រុស្ស៊ីលើអ៊ុយក្រែន
07/06/2025 02:07 PM
Facebook Telegram Linkin
អ្នកនាំពាក្យសម្ដេចតេជោ ផ្ដាំទៅក្រុមអ្នកស្ទង់មតិថៃ «កុំបារម្ភរឿងប្រជាប្រិយភាពសម្ដេចតេជោ និងសម្ដេចធិបតី ប៉ុន្ដែគួរខិតខំដោះស្រាយបញ្ហាផ្ទៃ ក្នុងរបស់ខ្លួនវិញ»
07/06/2025 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.