នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤
ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ

នយោបាយ​ និង ការអភិវឌ្ឍន៍

បេសកជនអាមេរិក គ្រោងនឹងធ្វើទស្សនកិច្ចនៅទីក្រុងបេរូត ដើម្បីបន្តការចរចាបន្ធូរបន្ថយភាពតានតឹង

2024/03/04 10:04:26 am        357
Facebook Telegram Linkin
មន្ត្រីជាន់ខ្ពស់លីបង់ បាននិយាយកាលពីថ្ងៃអាទិត្យថា បេសកជនអាមេរិក លោក Amos Hochstein គ្រោងនឹងធ្វើទស្សនកិច្ចនៅទីក្រុងបេរូត( Beirut) នៅថ្ងៃចន្ទនេះ ដើម្បីបន្តកិច្ចខិតខំប្រឹងប្រែងការទូត សំដៅកាត់បន្ថយជម្លោះ នៅទូទាំងព្រំដែនលីបង់ និងអ៊ីស្រាអែល និងនាំមកនូវស្ថិរភាព។ក្រុមហេសបូឡាដែលគាំទ្រដោយប្រទេសលីបង់ និងអ៊ីស្រាអែល បានជាប់គាំងក្នុងអរិភាពអស់ជាច្រើនខែ ស្របទៅនឹងសង្រ្គាមហ្កាហ្សា។ ក្រុមនេះ បានសម្គាល់ជម្លោះដ៏អាក្រក់បំផុតរវាងសត្រូវប្រដាប់ដោយអាវុធធុនធ្ងន់ ចាប់តាំងពីសង្គ្រាមឆ្នាំ ២០០៦ ដែលជំរុញឲ្យមានការភ័យខ្លាចដល់ការប្រឈមមុខដាក់គ្នាកាន់តែធំឡើង។អនុប្រធានសភានៃប្រទេសលីបង់ លោក Elias Bou Saab ជាមន្ត្រីមួយរូបដែលត្រូវជួបជាមួយលោក Hochstein បានប្រាប់សារព័ត៌មានរ៉យទ័រថា លោកជឿថា ពេលវេលានៃដំណើរទស្សនកិច្ចរបស់លោកបានចង្អុលបង្ហាញពីវឌ្ឍនភាពក្នុងកិច្ចខិតខំប្រឹងប្រែង ដើម្បីទទួលបានបទឈប់បាញ់ហ្កាហ្សា«ក្នុងរយៈពេលប៉ុន្មានម៉ោង ឬប៉ុន្មានថ្ងៃខាងមុខនេះ»។លោកបាននិយាយថា៖«ប្រសិនបើរឿងនេះ កើតឡើង ខ្ញុំជឿថា ដំណើរទស្សនកិច្ចរបស់ Hochstein លើកនេះ នឹងមានសារៈសំខាន់ខ្លាំង ក្នុងការតាមដានបទឈប់បាញ់ នៅព្រំដែនភាគខាងត្បូងរបស់យើង និងដើម្បីពិភាក្សាអំពីអ្វីដែលត្រូវការសម្រាប់ស្ថិរភាព និងការបញ្ចប់លទ្ធភាពនៃការពង្រីកសង្រ្គាមជាមួយប្រទេសលីបង់។ ទីក្រុងវ៉ាស៊ីនតោន បានទទូចថា កិច្ចព្រមព្រៀងបទឈប់បាញ់នៅក្នុងសង្គ្រាមនៅតំបន់ហ្កាហ្សា គឺជិតដល់ហើយ ហើយគួរតែចូលជាធរមាន នៅដើមខែបុណ្យរ៉ាម៉ាដាន មួយសប្តាហ៍ទៀត។

រថយន្តបំពាក់ទូត្រជាក់ច្រើនគ្រឿងដឹកទំនិញឆ្លងដែនចូលកម្ពុជា តាមច្រកអូរស្មាច់ ត្រូវពលរដ្ឋសង្ស័យដឹកបំណែកសាច់បង្កក

2024/03/01 03:36:41 pm        242
Facebook Telegram Linkin
ក្នុងមួយថ្ងៃៗត្រូវបានគេសង្កេតឃើញថា មានរថយន្តប្រភេទទូឃ្លុបបំពាក់ដោយម៉ាស៊ីនត្រជាក់ ឬទូក្លាសេតូចធំប្រមាណជាង ១០គ្រឿង បានធ្វើសកម្មភាពដឹកជញ្ជូនទំនិញឆ្លងដែនចូលកម្ពុជា តាមច្រកទ្វារព្រំដែនអន្តរជាតិអូរស្មាច់ ស្ថិតនៅក្នុងភូមិសាស្រ្តខេត្តឧត្តរមានជ័យ ដោយពុំឃើញមានសមត្ថកិច្ចជំនាញប្រចាំការនៅច្រកទ្វារនោះត្រួតពិនិត្យឬឆែកឆេឡើយ ដែលករណីនេះ ត្រូវប្រជាពលរដ្ឋសង្ស័យថា មានដឹកបំណែកសាច់បង្កក ដែលពួកគាត់ចាត់ទុកថា ជាសាច់ច្បាប់ហាមឃាត់ ឬខុសច្បាប់។ជាក់ស្តែង នៅព្រឹកថ្ងៃទី២៩ ខែកុម្ភៈ ឆ្នាំ២០២៤ ម្សិលមិញនេះ ភ្នាក់ងារទូរទស្សBTV Newsបាន​ទៅផ្តិតយករូបភាពពីច្រកទ្វារ​ព្រំដែន​អន្តរជាតិអូរស្មាច់ ​គឺបានឃើញ​មានរថយន្តប្រភេទទូឃ្លុបបំពាក់​ដោយម៉ាស៊ីនត្រជាក់តូចធំ​ប្រមាណជាង១០គ្រឿង ​ដូចការលើកឡើងរបស់ប្រជាពលរដ្ឋពិតមែន និងបានដឹងទៀតថា ​រថយន្តខាងលើគឺដឹកទំនិញបែបនេះ ចូលតាមច្រកទ្វារអូរស្មាច់ ឆ្ពោះទៅផែស្ងួត​ដែលនៅចម្ងាយប្រមាណ ៦គីឡូម៉ែត្រពីទីតាំងច្រកទ្វារ គឺស្ថិតនៅភូមិអូរពក សង្កាត់កូនក្រៀល ក្រុងសំរោង ​ប៉ុន្តែមិនបានដឹងថា ជាទំនិញអ្វីឱ្យប្រាកដនោះទេ។ ដោយឡែក ប្រភពពីមន្ត្រីមួយចំនួននៅក្នុងខេត្តឧត្តរមានជ័យ បានបង្ហើប​ដោយសុំមិនបញ្ចេញ​អត្តសញ្ញាណ​ បានឱ្យដឹងថា រថយន្តប្រភេទបំពាក់ទូម៉ាស៊ីនត្រជាក់ខាងលើនេះ គឺដឹកបំណែក​សាច់បង្កក ជ្រូក មាន់ ទា ចូលកម្ពុជាជារៀលរាល់ថ្ងៃ ​និងគ្មានអ្នកហ៊ានពិនិត្យពិតមែន។ ជាក់ស្តែង ភ្នាក់ងារទូរទស្សBTV Newsបានសាកសួរទៅលោក ឯម បញ្ញារិទ្ធ ប្រធានច្រកទ្វារព្រំដែន​អន្តរជាតិអូរស្មាច់ កាលពីថ្ងៃទី២៩ ​ខែកុម្ភៈ ឆ្នាំ២០២៤​ លោកបានឆ្លើយតបថា ពាក់ព័ន្ធ​នឹងករណី​ខាងលើនេះ លោកពុំមានជំនាញក្នុងការត្រួតពិនិត្យអ្វីនោះទេ​ ចំពោះករណីនេះ លោកបានត្រឹមតែ​សម្លឹង​មើលរថយន្តដែលដឹកឆ្លងកាត់តែប៉ុណ្តោះ ​ព្រោះវាជាជំនាញរបស់សមត្ថិកិច្ចពាក់ព័ន្ធ ជាអ្នកត្រួតពិនិត្យ។ចំណែកលោក វ៉ាន់ ក្តេរ ប្រធានគយច្រកទ្វារព្រំដែនអន្តរជាតិអូរស្មាច់ បានប្រាប់តាមទូរស័ព្ទ​យ៉ាងដូច្នេះថា ​ករណីខាងលើលោកមិនអាចឆ្លើយ ឬអត្ថាធិប្បាយបានទេ តែបើចង់ដឹងច្បាស់ សូមប្អូនសួរទៅខាងអគ្គនាយកដ្ឋានគយ និងរដ្ឋករចុះ។ ចំណែកអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា ឯកឧត្តម គន់ ញឹម បានប្រាប់តាមទូរសព្ទ កាលពីថ្ងៃទី២៩ ខែកុម្ភៈ យ៉ាងខ្លីថា ចាំលោកពិនិត្យ និងសួរនាំករណីនេះសិន!។ដោយឡែក ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រក្ខាប្រមាញ់ និងសេសាទ បាប្រាប់ពាក់ព័ន្ធនឹងករណីខាងលើនេះដែរថា​ បច្ចុប្បន្ននេះ យើងមិនទាន់​មាន​ការ​ហាមឃាត់ការនាំចូលសាច់បង្កកនោះទេ ប៉ុន្តែនឹងមានការហាមឃាត់បំណែក​នៃ​សាច់បង្កករយៈពេល៦ខែជាបណ្តោះអាសន្ន ​ដែលនឹងចាប់ពីខែមីនា ឆ្នាំ២០២៤នេះទៅ។អគ្គនាយកដ្ឋាន​គយ ​និង​រដ្ឋាករ​កម្ពុជា បាន​ចេញ​ប្រកាស​មួយ​កាលពី​ថ្ងៃ​ទី​២៣ ​ខែ​កុម្ភៈ ​ឆ្នាំ​២០២៤ ​ដោយ​ផ្អាក​ជា​បណ្តោះ​អាសន្ន​លើ​ការ​នាំ​ចូល​គ្រឿង​ក្នុង​សត្វ​ និង​បំណែក​សាច់​បង្កក​រយៈ​ពេល​៦​ខែ ​ចាប់​ពី​ថ្ងៃ​ទី​១២​ ខែមីនា​ដល់​១២​ កញ្ញា​ឆ្នាំ​២០២៤​។ ​ការ​​ផ្អាក​ការ​នាំ​ចូល​ប្រភេទ​ទំនិញ​ទាំង​នេះ​ គឺ​ដោយ​សារ​តែ​កន្លង​មក​សមត្ថ​កិច្ច​ចាប់​បាន​​គ្រឿង​ក្នុង​សត្វ ​និង​សាច់​បង្កក​ដែល​នាំ​ចូល​ពី​ក្រៅ​ប្រទេស ​មាន​ខូច​គុណ​ភាព​ និង​​រក្សា​ទុក​មិន​បាន​ត្រឹម​ត្រូវ​ ដែល​ប៉ះពាល់​ដល់​សុខ​ភាព​អ្នក​បរិភោគ​ និង​ពលរដ្ឋអ្នកចិញ្ចឹមកម្ពុជា៕

អ៊ីរ៉ង់កំពុងបញ្ជូនដ្រូនវាយប្រហារទៅឲ្យយោធាស៊ូដង់

2024/03/01 01:03:09 pm        121
Facebook Telegram Linkin
មន្ត្រីអាមេរិក និងអារ៉ាប់ ប្រាប់សារព័ត៌មាន Semafor ថា អ៊ីរ៉ង់កំពុងបង្កើនការដឹកជញ្ជូនយានដ្រូនវាយប្រហារទៅឲ្យយោធាស៊ូដង់ ដោយបានធ្វើសង្គ្រាមស៊ីវិលរបស់ប្រទេសអាហ្រ្វិកខាងជើងនេះមានលក្ខណៈជាអន្តរជាតិ និងផ្តល់ឲ្យទីក្រុងតេអេរ៉ង់យ៉ាងសំខាន់នូវសម្ព័ន្ធមិត្តថ្មី តាមរយៈការដាក់ពង្រាយអាវុធ ទៅក្នុងសមុទ្រក្រហម។កងកម្លាំងប្រដាប់អាវុធស៊ូដង់ (SAF) ត្រូវបានជាប់គាំង នៅក្នុងជម្លោះរយៈពេលជិតមួយឆ្នាំ ជាមួយកងកម្លាំងគាំទ្ររហ័សរបស់ក្រុមឧទ្ទាម (RSF) ដែលបានបំបែកប្រទេសនេះ និងបានហៀរចូលទៅក្នុងប្រទេសជិតខាងដូចជាប្រទេសឆាដ និងស៊ូដង់ខាងត្បូង។ សង្រ្គាមនេះ បានផ្តល់ឲ្យអ៊ីរ៉ង់នូវឱកាសកាលពីខែតុលាឆ្នាំមុន ដើម្បីបង្កើតទំនាក់ទំនងការទូតឡើងវិញជាមួយរដ្ឋាភិបាលទីក្រុងខាទុំ (Khartoum) ជាលើកដំបូង ចាប់តាំងពីឆ្នាំ ២០១៦ ហើយអាចបញ្ចប់ការផ្លាស់ប្តូរយុទ្ធសាស្រ្តរបស់ស៊ូដង់ឆ្ពោះទៅរកលោក ខាងលិច។ប្រទេសដែលពីមុនត្រូវបានសហរដ្ឋអាមេរិកចាត់ទុកជារដ្ឋឧបត្ថម្ភដល់អំពើភេរវកម្ម បានធ្វើឲ្យប្រសើរឡើងយ៉ាងខ្លាំងនូវទំនាក់ទំនងរបស់ខ្លួនជាមួយទីក្រុងវ៉ាស៊ីនតោន ក្នុងអំឡុងពេលរដ្ឋបាលរបស់លោកត្រាំ ហើយបានយល់ព្រមក្នុងឆ្នាំ២០២០ ដើម្បីបង្កើតទំនាក់ទំនងការទូតជាមួយអ៊ីស្រាអែល។ ទោះបីជាយ៉ាងណាក៏ដោយ សង្គ្រាមស៊ីវិលកាន់តែអាក្រក់របស់ប្រទេសស៊ូដង់ ដែលរាប់បញ្ចូលទាំងការកំណត់គោលដៅទៅលើជនស៊ីវិល បានបញ្ឈប់ជំហានទាំងនេះឆ្ពោះទៅរកភាពប្រក្រតីឡើងវិញ ហើយរដ្ឋបាលលោកបៃដិន បានដាក់ទណ្ឌកម្មថ្មីទាំងកងកម្លាំងប្រដាប់អាវុធស៊ូដង់ (SAF) និងកម្លាំងគាំទ្ររហ័សរបស់ក្រុមឧទ្ទាម (RSF) ក្នុងប៉ុន្មានខែថ្មីៗនេះ។មន្ត្រីអាមេរិក និងអារ៉ាប់ ដែលបានដឹងពីព័ត៌មានចារកម្ម បានប្រាប់សារព័ត៌មាន Semaforថា ជាផ្នែកមួយនៃការពង្រីកទំនាក់ទំនងរបស់អ៊ីរ៉ង់ជាមួយទីក្រុងខាទុំ ទីក្រុងតេអេរ៉ង់ បានចាប់ផ្តើមបញ្ជូនយានដ្រូនវាយប្រហារទៅឲ្យកងកម្លាំងប្រដាប់អាវុធស៊ូដង់ ក្នុងរយៈពេលប៉ុន្មានខែថ្មីៗនេះ។ កងកម្លាំងប្រដាប់អាវុធស៊ូដង់ ត្រូវបានគេរំពឹងថា នឹងដាក់ពង្រាយយានដ្រូន Mohajer-6 ដើម្បីព្យាយាម និងរារាំងប្រតិបត្តិការវាយលុករបស់កម្លាំងគាំទ្ររហ័សរបស់ក្រុមឧទ្ទាមដែលបានគ្រប់គ្រងផ្ទៃដីដ៏ធំនៃភាគកណ្តាល និងភាគខាងលិចស៊ូដង់ ក៏ដូចជាទីក្រុងខាទុំកាលពីឆ្នាំមុន។ បច្ចុប្បន្ននេះ រដ្ឋាភិបាលស៊ូដង់ និងមេបញ្ជាការកងកម្លាំងប្រដាប់អាវុធស៊ូដង់ លោកឧត្តមសេនីយ៍ Abdel Fattah al-Burhan ភាគច្រើនមានមូលដ្ឋាន នៅក្រៅកំពង់ផែស៊ូដង់នៅលើសមុទ្រក្រហម។

រដ្ឋាភិបាលអាល្លឺម៉ង់ បង្កើនជំនួយមនុស្សធម៌សម្រាប់តំបន់ហ្កាហ្សាចំនួន២០លានអឺរ៉ូ

2024/03/01 12:58:49 pm        200
Facebook Telegram Linkin
រដ្ឋមន្ត្រីការបរទេសអាល្លឺម៉ង់ លោកស្រី អានណាឡេណា បែបក់ (Annalena Baerbock) បាននិយាយកាលពីថ្ងៃព្រហស្បតិ៍ថា រដ្ឋាភិបាលអាល្លឺម៉ង់ កំពុងបង្កើនជំនួយមនុស្សធម៌ចំនួន២០លានអឺរ៉ូ (២១,៦ លានដុល្លារ)បន្ថែមទៀតសម្រាប់ប្រជាជននៅតំបន់ហ្កាហ្សាស្ទ្រីបដែលបិទជិត ស្ថិតនៅក្រោមការការវាយប្រហារឥតឈប់ឈេររបស់អ៊ីស្រាអែលអស់រយៈពេលជាច្រើនខែហើយនោះ។ ប្រមុខការទូតរបស់ប្រទេសអាល្លឺម៉ង់ បានសង្កត់ធ្ងន់ថា ទោះបីជាយ៉ាងណាក៏ដោយ រហូតមកដល់ពេលនេះ វាមិនគ្រប់គ្រាន់ ដើម្បីបំពេញតម្រូវការរបស់ប្រជាជនហ្កាហ្សាទេ។ លោកស្រីបែបក់ បានបន្ថែមថា ចំនួននៃរថយន្តដឹកទំនិញដែលដឹកស្បៀងអាហារសង្គ្រោះជីវិត ថ្នាំពេទ្យ និងការផ្គត់ផ្គង់ជំនួយផ្សេងទៀតទៅកាន់តំបន់ហ្កាហ្សា បានធ្លាក់ចុះយ៉ាងខ្លាំង ក្នុងប៉ុន្មានសប្តាហ៍ថ្មីៗនេះ។ «នេះមិនអាចទទួលយកបានទេ។ រដ្ឋាភិបាលអ៊ីស្រាអែល ត្រូវតែអនុញ្ញាតឲ្យជំនួយមនុស្សធម៌ចូលទៅកាន់តំបន់ហ្កាហ្សាដោយគ្មានការរារាំង មានសុវត្ថិភាព និងជាបន្ទាន់។យោងតាមការិយាល័យការបរទេសអាល្លឺម៉ង់ ទីក្រុងប៊ែរឡាំង បានផ្តល់ប្រាក់សរុបចំនួន ២០៦,៥ លានអឺរ៉ូដល់ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ជិតបូព៌ា (UNRWA) ក្នុងឆ្នាំហិរញ្ញវត្ថុចុងក្រោយ។ ក្នុងចំណោមនោះ ៨៣លានអឺរ៉ូ បានផ្តល់ប្រយោជន៍ដល់ប្រជាជននៅតំបន់ហ្កាហ្សា។UNRWA បានរងការរិះគន់ក្នុងប៉ុន្មានសប្តាហ៍ថ្មីៗនេះ បន្ទាប់ពីមានការចោទប្រកាន់របស់អ៊ីស្រាអែលថា បុគ្គលិករបស់ខ្លួនមួយចំនួន បានជាប់ពាក់ព័ន្ធក្នុងការវាយប្រហារកាលពីថ្ងៃទី៧ ខែតុលា ទៅលើអ៊ីស្រា អែល។ប្រទេសសរុបចំនួន១៦ រួមទាំងប្រទេសអាល្លឺម៉ង់ បានចាប់ផ្តើមផ្អាកផ្តល់ជំនួយដល់ UNRWA បន្ទាប់ពីមានការចោទប្រកាន់នោះ។

មេដឹកនាំតំបន់បាល់កង់ ព្រមព្រៀងកាត់បន្ថយការចំណាយហិរញ្ញវត្ថុ ដោយសម្លឹងទៅរកទីផ្សារតែមួយរបស់អឺរ៉ុប

2024/03/01 12:45:22 pm        106
Facebook Telegram Linkin
មេដឹកនាំនៃរដ្ឋតំបន់បាល់កង់ខាងលិចទាំងប្រាំមួយ កាលពីថ្ងៃព្រហស្បតិ៍ បានព្រមព្រៀងកាត់បន្ថយការចំណាយ លើប្រតិបត្តិការហិរញ្ញវត្ថុ នៅទូទាំងតំបន់នៅចុងឆ្នាំនេះ ដែលនឹងក្លាយជាជំហានដំបូង ឆ្ពោះទៅរកដំណើរការចូលទៅកាន់ទីផ្សារសហភាពអឺរ៉ុបតែមួយ។ មេដឹកនាំនៃប្រទេសតំបន់បាល់កង់ខាងលិចទាំងប្រាំមួយមាន ប្រទេសអាល់បានី បូស្នី កូសូវ៉ូ ម៉ុងតេណេហ្គ្រោ ម៉ាសេដូនខាងជើង និងប្រទេសស៊ែប៊ី បានជួបប្រជុំគ្នានៅទីក្រុង Tirana ប្រទេសអាល់បានី ដើម្បីពិភាក្សាអំពីកំណែទម្រង់ ដែលត្រូវការដើម្បីចូលទៅដំណើរការផែនការកំណើន ៦ពាន់លានអឺរ៉ូ របស់សហភាពអឺរ៉ុប ដែលត្រូវបានបង្ហាញកាលពីខែតុលាមុន។ ផែនការកំណើនរបស់សហភាពអឺរ៉ុប សម្រាប់តំបន់នេះ នឹងរួមមានការបើកទីផ្សាររួមរបស់ខ្លួន ទៅកាន់បណ្តាប្រទេសនៅតំបន់បាល់កង់ខាងលិច នៅក្នុងវិស័យជាច្រើនដូចជា ការបញ្ជូនទំនិញ និងសេវាកម្មដោយសេរី ការដឹកជញ្ជូននិងថាមពល។ ប៉ុន្តែជាថ្នូរមកវិញ ប្រទេសទាំងអស់ ចាំបាច់ត្រូវអនុវត្តកំណែទម្រង់ និងដោះស្រាយរាល់បញ្ហាឈានមុខដែលនៅសេសសល់ជាមួយប្រទេសជិតខាង។ ស្នងការសហភាពអឺរ៉ុប លោក អូលីវ័រ វ៉ាហេលីយី(Oliver Varhelyi) បាននិយាយថា ការកាត់បន្ថយការចំណាយលើប្រតិបត្តិការហិរញ្ញវត្ថុក្នុងចំណោមប្រទេសទាំងប្រាំមួយ ក្នុងឆ្នាំ ២០២៤ ពុំមែនជាការលំបាកធំនោះទេ ព្រោះធនាគារនៅក្នុងប្រទេសទាំងនោះ ភាគច្រើនដំណើរការដោយធនាគារអឺរ៉ុប ដែលអាចអនុវត្តច្បាប់ដូចគ្នា។ លោក Varhelyi បាននិយាយថា បញ្ហាប្រឈមនឹងស្ថិតនៅត្រង់ថាតើច្បាប់ទាំងនោះ អាចអនុវត្តបានលឿនប៉ុណ្ណានៅក្នុងបណ្តាប្រទេសតំបន់បាល់កង់។ ប្រទេសស៊ែប៊ី និងម៉ុងតេណេហ្គ្រោ គឺជាប្រទេសដំបូងគេនៅក្នុងតំបន់ ដែលចាប់ផ្តើមកិច្ចចរចាសមាជិកភាពសហភាពអឺរ៉ុប ហើយប្រទេសអាល់បានី និងម៉ាសេដូនខាងជើង បានចាប់ផ្តើមកិច្ចចរចាជាមួយទីក្រុងប្រ៊ុចសែល ក្នុងឆ្នាំ ២០២២។ ប្រទេសបូស្នី និងកូសូវ៉ូ នៅពីក្រោយឆ្ងាយពីប្រទេសជិតខាងខ្លួនក្នុងដំណើរការនេះ។

កោះតៃវ៉ាន់ប្រឈសម្ពាធឥតឈប់ឈរ ខណៈចិនបង្កើនសកម្មភាពយោធាមុនពិធីស្បថចូលកាន់តំណែងនៅកោះនេះ

2024/03/01 12:41:12 pm        136
Facebook Telegram Linkin
កោះតៃវ៉ាន់កំពុងប្រឈមសម្ពាធពីប្រទេសចិនឥតឈប់ឈរមុនពិធីស្បថចូលកាន់តំណែងមេដឹកនាំបន្ទាប់របស់ខ្លួន នៅថ្ងៃទី២៤ខែឧសភា ដោយក្នុងនោះក្រុមមន្ត្រីក្នុងទីក្រុងតៃប៉ិ បារម្ភថាទីក្រុងប៉េកាំងនឹងដាក់សម្ពាធថែមទៀតតាមរយៈការធ្វើសមយុទ្ធទ្រង់ទ្រាយធំដែលពិបាកនឹងបញ្ចៀសជម្លោះដោយផ្ទាល់បាន។ ចាប់តាំងពីមេដឹកនាំលំដាប់ទី២ បច្ចុប្បន្នលោក ឡៃ ឆឹង-ទ (Lai Ching-te) បានឈ្នះតំណែងជាមេដឹកនាំកាលពីនៅខែមករា ប្រទេសចិនចាត់ទុកលោក ឡៃ ជាអ្នកបំបែកខ្លួន ទីក្រុងប៉េកាំងបានដណ្តើមយកសម្ព័ន្ធមិត្តការទូត ផ្លាស់ប្តូរផ្លូវអាកាសនៅច្រកសមុទ្រតៃវ៉ាន់ដ៏តូចចង្អៀត និងបានចាប់ផ្តើមការល្បាតឆ្មាំឆ្នេរសមុទ្រជាទៀងទាត់ជុំវិញតំបន់កោះ គីនមិន (Kinmen)គ្រប់គ្រងដោយកោះតៃវ៉ាន់ ដែលជាឆ្នេរសមុទ្រធំបំផុតរបស់ប្រទេសចិន។ចិន អះអាងសិទ្ធិកាន់កាប់លើកោះតៃវ៉ាន់ គ្រប់គ្រងតាមបែបប្រជាធិបតេយ្យ ថាជាទឹកដីរបស់ខ្លួនទោះមានការបដិសេធយ៉ាងដាច់អហង្ការពីកោះនេះក៏ដោយ។ដោយបានធ្វើដំណើរទស្សនកិច្ចទៅកាន់ទីក្រុងតៃប៉ិកាលពីសប្តាហ៍មុន តំណាងរាស្ត្រសហរដ្ឋអាមេរិកលោក ម៉ៃ ហ្គាឡាហ័រ (Mike Gallagher) បាននិយាយថា ការល្បាតរបស់ទីក្រុងប៉េកាំងនៅជុំវិញទីក្រុង Kinmen ដែលជាការជិះនាវាឆ្វែលចុះឆ្វែលឡើងពីទីក្រុងសាយមិន(Xiamen)និងទីក្រុងខ្វាងចូវ (Quanzhou)របស់ប្រទេសចិន គឺជាផ្នែកមួយនៃគំរូការដាក់សម្ពាធឥតឈប់ឈរលើកោះតៃវ៉ាន់។ មន្ត្រីបរទេសម្នាក់ដែលតាមដានបញ្ហាសន្តិសុខក្នុងតំបន់ បានពណ៌នាអំពីអ្វីដែលកំពុងកើតឡើងថាជា ការដាក់សម្ពាធឥតឈប់ឈរ ដោយរក្សាសារដែលថាទីក្រុងប៉េកាំងមិនចូលចិត្តលោកឡៃ ប៉ុន្តែដោយមិនបានរៀបចំល្បែងសង្គ្រាម ដូចដែលប្រទេសនេះបានធ្វើសកម្មភាពយោធាពីរដងនៅជុំវិញកោះកាលពីមួយឆ្នាំកន្លះកន្លងទៅ ឬបង្ខំឱ្យមានការប្រឈមដាក់គ្នាដោយយោធាដោយផ្ទាល់នោះឡើយ។ប្រទេសចិននិយាយថា សកម្មភាពល្បាតឆ្នេរ គឺដើម្បីធានាសុវត្ថិភាពរបស់អ្នកនេសាទរបស់ខ្លួន។ អ្នកនេសាទជនជាតិចិនពីរនាក់បានស្លាប់កាលពីខែមុន ព្រោះតែព្យាយាមរត់គេចពីឆ្មាំល្បាតឆ្នេររបស់កោះតៃវ៉ាន់ បន្ទាប់ពីចូលទៅជិតកូនកោះ Kinmen ដែលមានការយាមកាមដ៏តឹងតែង៕

អាមេរិក មិនរំពឹងនោះទេថា នឹងមានការបោះឆ្នោតដោយសេរី និងយុត្តិធម៌នៅប្រទេសអ៊ីរ៉ង់

2024/03/01 12:36:55 pm        108
Facebook Telegram Linkin
អ្នកនាំពាក្យក្រសួងការបរទេស លោក Matthew Miller បានប្រាប់អ្នកសារព័ត៌មាន កាលពីថ្ងៃព្រហស្បតិ៍ ថា ទីក្រុងវ៉ាស៊ីនតោន ពុំមានការរំពឹងទុកនោះទេថា ការបោះឆ្នោតសភាក្នុងប្រទេសអ៊ីរ៉ង់ នៅថ្ងៃសុក្រ ទី១ ខែមីនានេះ នឹងប្រព្រឹត្តទៅដោយសេរី និងយុត្តិធម៌។លោក Miller បាននិយាយថា ពិភពលោកបានដឹងជាយូរមកហើយថា ប្រព័ន្ធនយោបាយរបស់ប្រទេស អ៊ីរ៉ង់ គ្មានប្រព័ន្ធលទ្ធិប្រជាធិបតេយ្យ ប្រព័ន្ធរដ្ឋបាល តុលាការ និងប្រព័ន្ធបោះឆ្នោត ប្រកបដោយតម្លាភាពនោះទេ។អ្នកបោះឆ្នោតអ៊ីរ៉ង់ ធ្វើដំណើរទៅបោះឆ្នោតដើម្បីជ្រើសរើសសភាបន្ទាប់របស់ប្រទេស និងសភាអ្នកជំនាញដ៏មានឥទ្ធិពល។ រៀងរាល់បួនឆ្នាំម្តង សាធារណជន ត្រូវទៅបោះឆ្នោតឱ្យសមាជិកសភាអ៊ីរ៉ង់ចំនួន ២៩០រូប។ សភា គឺជាស្ថាប័ននីតិបញ្ញត្តិរបស់ប្រទេស ហើយសមាជិករបស់ខ្លួន ទទួលខុសត្រូវលើការពង្រៀងច្បាប់ អនុម័តថវិកាប្រចាំឆ្នាំ និងសន្ធិសញ្ញា ឬកិច្ចព្រមព្រៀងអន្តរជាតិណាមួយ។ ប៉ុន្តែ មិនទទួលខុសត្រូវចំពោះគោលនយោបាយការបរទេស ឬនុយក្លេអ៊ែរនោះទេ។ទោះបីជាប្រជាជនអ៊ីរ៉ង់ អាចបោះឆ្នោតបានក៏ដោយ វាមានដែនកំណត់មួយចំនួនចំពោះដំណើរការលទ្ធិប្រជាធិបតេយ្យ នៅក្នុងប្រទេសអ៊ីរ៉ង់។

UN និយាយថា ប្រទេសចំនួនប្រាំ សន្យាបញ្ជូនបុគ្គលិកសម្រាប់បេសកកម្មសន្តិសុខ នៅហៃទី

2024/03/01 12:31:34 pm        123
Facebook Telegram Linkin
អ្នកនាំពាក្យរបស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ថា ប្រទេស បាហាម៉ា បង់ក្លាដែស បាបាដូស បេនីន និងប្រទេសឆាត បានជូនដំណឹងជាផ្លូវការដល់អង្គការសហប្រជាជាតិ អំពីបំណងរបស់ពួកគេក្នុងការរួមចំណែកបុគ្គលិកដល់កងកម្លាំងអន្តរជាតិ ដើម្បីជួយដល់នគរបាលជាតិប្រទេសហៃទី ប្រយុទ្ធប្រឆាំងក្រុមប្រដាប់អាវុធ ។ អ្នកនាំពាក្យអង្គការសហប្រជាជាតិ លោក Stephane Dujarric បានប្រាប់អ្នកសារព័ត៌មានថា ការរួមចំណែកថវិកាចំនួន ១០,៨លានដុល្លារ ក៏ត្រូវបានដាក់បញ្ចូលទៅក្នុងមូលនិធិ ដើម្បីជួយបេសកកម្មគាំទ្រសន្តិសុខពហុសាសន៍ផងដែរ។ ក្រុមប្រឹក្សាសន្តិសុខអង្គការសហប្រជាជាតិ បានអនុញ្ញាត កាលពីខែតុលា ឲ្យមានបេសកកម្មសន្តិសុខបរទេសទៅកាន់ប្រទេសហៃទី រយៈពេលមួយឆ្នាំបន្ទាប់ពីប្រទេសតំបន់ការ៉ាអ៊ីបមួយនេះ បានស្នើសុំជំនួយដើម្បីប្រយុទ្ធប្រឆាំងក្រុមជនអន្ធពាលហិង្សា ដែលបានវាយលុកនៅក្នុងរដ្ឋធានី ព័រអូប្រាំង។ ការឆ្លើយតបទៅនឹងសំណើសុំជំនួយរបស់ប្រទេសហៃទី ត្រូវបានពន្យារពេល ដោយសារតែការព្យាយាមដើម្បីស្វែងរកប្រទេសដែលមានឆន្ទៈដឹកនាំបេសកកម្មជំនួយសន្តិសុខ។ ប្រទេស កេនយ៉ា បានឈានមុខ កាលពីឆ្នាំមុនដោយការសន្យាសម្រាប់ការបញ្ជូននគរបាលចំនួន ១.០០០នាក់ ប៉ុន្តែក្រោយមក តុលាការក្នុងតំបន់ បានរារាំងចំណាត់ការនេះ ថាមិនស្របតាមរដ្ឋធម្មនុញ្ញ។ លោក Dujarric បាននិយាយថា ប្រទេសបេនី បានប្រាប់ថា ខ្លួនមានផែនការបញ្ជូនបុគ្គលិកប្រហែល ១.៥០០ នាក់។ អង្គការសហប្រជាជាតិ បាននិយាយថា ប្រជាជនប្រហែល ៥,៥ លាននាក់ នៅក្នុងប្រទេសហៃទី ជាចំនួនពាក់កណ្តាលនៃចំនួនប្រជាជន ត្រូវការជំនួយមនុស្សធម៌ ហើយប្រទេសនេះកំពុងអំពាវនាវសម្រាប់ជំនួយ៦៧៤លានដុល្លារ ក្នុងឆ្នាំ២០២៤ នេះ។ កាលពីឆ្នាំមុន អង្គការសហប្រជាជាតិ បានទទួលជំនួយត្រឹមតែមួយភាគបីប៉ុណ្ណោះ ដែលស្ថាប័នបានស្នើសុំ។

ប្រមុខហិរញ្ញវត្ថុ G20 បរាជ័យក្នុងការឈានដល់សេចក្តីថ្លែងការណ៍រួម ដោយសារបញ្ហាហ្កាហ្សា និងអ៊ុយក្រែន

2024/03/01 12:26:52 pm        143
Facebook Telegram Linkin
បណ្ដាមេដឹកនាំហិរញ្ញវត្ថុមកពីប្រទេសដែលមានសេដ្ឋកិច្ចធំជាងគេលើពិភពលោក បានបរាជ័យក្នុងការយល់ព្រមលើសេចក្តីថ្លែងការណ៍រួមមួយ ខណៈពួកគេបានបញ្ចប់កិច្ចពិភាក្សាកាលពីថ្ងៃព្រហស្បតិ៍ (២៩ កុម្ភៈ) ដោយមានការខ្វែងគំនិតគ្នាជុំវិញសង្គ្រាមនៅហ្កាហ្សា និងអ៊ុយក្រែន ដែលបានគ្របដណ្តប់លើកិច្ចខិតខំប្រឹងប្រែងដើម្បីបង្កើតការឯកភាពគ្នាលើការអភិវឌ្ឍន៍សេដ្ឋកិច្ចពិភពលោក។ប្រទេសប្រេស៊ីល ដែលជាម្ចាស់ផ្ទះទទួលរដ្ឋមន្ត្រីហិរញ្ញវត្ថុ និងប្រធានធនាគារកណ្តាលមកពីក្រុមប្រទេសសេដ្ឋកិច្ចធំៗចំនួនម្ភៃ (G20) បានចេញសេចក្តីសង្ខេបរបស់ខ្លួនជំនួសឱ្យសេចក្តីប្រកាសរួមមួយ។សេចក្តីសង្ខេបរបស់ប្រទេសប្រេស៊ីល ដែលស្របតាមពង្រាងសេចក្តីប្រកាសមើលឃើញដោយទីភ្នាក់ងារព័ត៌មានរ៉យទ័រកាលពីថ្ងៃអង្គារនោះ បានលើកឡើងពីហានិភ័យសេដ្ឋកិច្ចនៃ «សង្រ្គាម និងការកើនឡើងនៃជម្លោះ» ប៉ុន្តែបានជំរុញឱ្យមានការពិភាក្សាលើបញ្ហាទាំងនោះនៅវេទិកាផ្សេងទៀត។ ឯកសារនោះក៏បានកត់សម្គាល់ផងដែរនូវហានិភ័យខ្ពស់នៃ «ភាពអន់ថយ» របស់សេដ្ឋកិច្ចពិភពលោក ដែលនឹងធ្វើឱ្យមានអតិផរណា។ក្រុមមន្ត្រីប្រេស៊ីល ដែលធ្វើជាម្ចាស់ផ្ទះព្រឹត្តិការណ៍នេះបានព្យាយាមផ្តោតការពិភាក្សាលើកិច្ចសហប្រតិបត្តិការសេដ្ឋកិច្ច ដើម្បីដោះស្រាយបញ្ហាដូចជាបម្រែបម្រួលអាកាសធាតុ និងភាពក្រីក្រ ប៉ុន្តែបណ្តាប្រទេសរួមទាំងអាល្លឺម៉ង់ បានជំរុញឱ្យមានសេចក្តីថ្លែងការណ៍រួម ដែលនិយាយអំពីសង្គ្រាមនៅអ៊ុយក្រែន និងហ្កាហ្សា ជំនួសវិញ៕

សហរដ្ឋអាមេរិក មិនមានការចង្អុលបង្ហាញដែលថារុស្ស៊ី កំពុងរៀបចំប្រើអាវុធនុយក្លេអ៊ែរទេ

2024/03/01 12:20:27 pm        145
Facebook Telegram Linkin
សហរដ្ឋអាមេរិក មិនមានសញ្ញាណាមួយដែលចង្អុលបង្ហាញថារុស្ស៊ី កំពុងរៀបចំប្រើប្រាស់អាវុធនុយក្លេអ៊ែរនោះទេ ហើយនឹងបន្តតាមដានយ៉ាងយកចិត្តទុកដាក់ នេះបើយោងតាមអ្នកនាំពាក្យក្រសួងការបរទេសអាមេរិក លោក ម៉ាធូ មីលឡឺ (Matthew Miller) បានប្រាប់អ្នកយកព័ត៌មានកាលពីថ្ងៃព្រហស្បតិ៍ (២៩ កុម្ភៈ) បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្រមានថាទីក្រុងមូស្គូ មានអាវុធនុយក្លេអ៊ែរសម្រាប់វាយប្រហារគោលដៅលោកខាងលិច។លោក មីលឡឺ បានប្រាប់អ្នកយកព័ត៌មានថា នេះមិនមែនជាលើកទីមួយទេដែលគេ «បានមើលឃើញវោហាសាស្ត្រមិនទទួលខុសត្រូវពីលោក ពូទីន» ហើយនេះមិនមែនជាពាក្យសម្ដីដែលមេដឹកនាំនៃ «រដ្ឋប្រដាប់អាវុធនុយក្លេអ៊ែរ» ត្រូវនិយាយនោះទេ។លោក ពូទីន បានប្រាប់បណ្តាប្រទេសលោកខាងលិច កាលពីថ្ងៃព្រហស្បតិ៍ថាពួកគេកំពុងប្រថុយនឹងការបង្កសង្គ្រាមនុយក្លេអ៊ែរ ប្រសិនបើបញ្ជូនកងទ័ពទៅប្រយុទ្ធនៅអ៊ុយក្រែន ដោយព្រមានថាទីក្រុងមូស្គូ មានអាវុធដើម្បីវាយប្រហារគោលដៅនៅលោកខាងលិច។ប្រធានាធិបតីរុស្ស៊ី បានចេញមុខព្រមានពីសង្រ្គាមនុយក្លេអ៊ែររបស់ខ្លួនជាមួយនឹងសេចក្តីយោងជាក់លាក់មួយចំពោះគំនិតរបស់ប្រធានាធិបតីបារាំង លោក អ៊ីម៉ានុយអ៊ែល ម៉ាក្រុង (Emmanuel Macron) កាលពីថ្ងៃចន្ទ ដែលថាសមាជិកអង្គការណាតូអឺរ៉ុប នឹងបញ្ជូនកងទ័ពទៅកាន់អ៊ុយក្រែន ដោយនោះជាការលើកឡើងដែលត្រូវបានច្រានចោលភ្លាមៗដោយសហរដ្ឋអាមេរិក អាល្លឺម៉ង់ អង់គ្លេស និងប្រទេសដទៃទៀត៕

បណ្ដាញសង្គម

ព័ត៌មានថ្មីៗ

ជនភៀសខ្លួនរ៉ូហ៊ីងយ៉ា ប្រឈមសេចក្តីស្លាប់ក្នុងសមុទ្រ ដើម្បីស្វែងរកជីវិតល្អប្រសើរ
04/21/2026 09:04 PM
Facebook Telegram Linkin
ជនអន្តោប្រវេសន៍ចង់បានភាពស្របច្បាប់ចំណាយពេលពេញមួយយប់នៅក្រៅសាលាក្រុងអេស្ប៉ាញ
04/21/2026 09:04 PM
Facebook Telegram Linkin
EU រំពឹងថានឹងមានការសម្រេចចិត្តវិជ្ជមានលើប្រាក់កម្ចី ៩០ពាន់លានអឺរ៉ូដល់អ៊ុយក្រែននៅថ្ងៃពុធស្អែកនេះ
04/21/2026 09:04 PM
Facebook Telegram Linkin
ខ្មាន់កាំភ្លើងសម្លាប់ស្រ្តីជនជាតិកាណាដាម្នាក់ និងមនុស្សជាច្រើននាក់ទៀតរងរបួសនៅពីរ៉ាមីត Teotihuacan
04/21/2026 09:04 PM
Facebook Telegram Linkin
នាយអគ្គលេនាធិការកងទ័ពរុស្ស៊ី៖ កងកម្លាំងទីក្រុងមូស្គូ ដណ្តើមបានទឹកដី ១.៧០០គ.មក្រឡារបស់អ៊ុយក្រែនក្នុងឆ្នាំនេះ
04/21/2026 09:04 PM
Facebook Telegram Linkin
ប្រភព៖ នាវាអ៊ីរ៉ង់ដែលរឹបអូសបានទំនងជាដឹកទំនិញប្រើបានទាំងយោធា និងស៊ីវិល
04/21/2026 09:04 PM
Facebook Telegram Linkin
ឈីលី និងសហរដ្ឋអាមេរិក ចុះហត្ថលេខាលើកិច្ចព្រមព្រៀងរ៉ែ និងសន្តិសុខ
04/21/2026 09:04 PM
Facebook Telegram Linkin
ក្រុមអ្នកវិទ្យាសាស្រ្តរចនាកម្មវិធីលើកដំបូងរបស់អាហ្វ្រិកខាងត្បូង ដើម្បីព្រមានពលរដ្ឋពីកម្រិតកង្វក់បរិយាកាស
04/21/2026 09:04 PM
Facebook Telegram Linkin
ប្រេសិតក្រុមប្រឹក្សាសន្តិភាពមានសុទិដ្ឋិនិយមចំពោះការអនុវត្តផែនការតំបន់ហ្កាហ្សា
04/21/2026 09:04 PM
Facebook Telegram Linkin
អាមេរិកមានជំនឿចិត្តថា កិច្ចប្រជុំសន្តិភាពជាមួយអ៊ីរ៉ង់នឹងបន្ត ខណៈឱសានវាទបទឈប់បាញ់ជិតមកដល់
04/21/2026 09:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.