នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤

នយោបាយ​ និង ការអភិវឌ្ឍន៍

សម្តេចធិបតីនាយករដ្ឋមន្រ្តី៖ ការដោះដូរពលរដ្ឋពីតំបន់អង្គរមិនមែនយកដីលក់ទេ គឺដើម្បីផលប្រយោជន៍ជាតិ និងពលរដ្ឋ

2023/12/08 10:44:24 am        334
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការផ្លាស់ប្ដូរទីលំនៅរបស់បងប្អូនប្រជាពលរដ្ឋពីក្នុងតំបន់អង្គរ មិនមែនដើម្បីយកដីទៅលក់ឱ្យក្រុមហ៊ុនឯកជននោះទេ គឺជាការគិតគូរដល់ផលប្រយោជន៍រួមសម្រាប់ជាតិ និងប្រជាពលរដ្ឋ ខណៈតំបន់អភិរក្សអង្គរគឺជាកន្លែងហាមឃាត់។ថ្លែងក្នុងឱកាសអញ្ជើញចុះជួបសំណេះសំណាល ជាមួយបងប្អូនប្រជាពលរដ្ឋរស់នៅតំបន់រុនតា ឯកនៅក្នុងស្រុកបន្ទាយស្រី ខេត្តសៀមរាប នាព្រឹកថ្ងៃទី៨ ខែធ្នូ ឆ្នាំ២០២៣នេះ សម្ដេចធិបតី ហ៊ុន ម៉ាណែត បានលើកឡើងថា ការបំផ្លាស់ទីរបស់បងប្អូនចេញពីតំបន់អភិរក្សអង្គរ គឺធ្វើឡើងដើម្បីស្របទៅ តាមច្បាប់របស់អង្គការយូណេស្កូ មិនដូចការលើកឡើងរបស់​ជនណាម្នាក់ថា យកដីទៅលក់ឲ្យក្រុមហ៊ុន ឯកជននោះទេ ហើយប្រសិនគិតថា រាជរដ្ឋាភិបាលមានគំនិត​ទុច្ចរិក​ក្នុងគោលបំណងឱ្យប្រជាពលរដ្ឋចេញពីតំបន់អង្គរ ដើម្បីយកដីរបស់ពួកគាត់ទៅឱ្យក្រុមហ៊ុនវិនិយោគ នោះប្រហែលជាប្រជាពលរដ្ឋមិនស្ម័គ្រចិត្តមកទីតាំងថ្មីនេះឡើយ។ជាមួយគ្នានោះដែរសម្តេចធិបតី ហ៊ុន ម៉ាណែត ក៏បានលើកឡើងផងដែរថា ការ ដោះដូរ​ដោយឲ្យបងប្អូនប្រជាពលរដ្ឋចេញពីតំបន់អភិរក្សអង្គរនេះ គឺជាការគិតគួរច្បាស់លាស់​របស់​សម្តេចតេជោ ហ៊ុន សែន អតីតនាយករដ្ឋមន្រ្តី ដោយសម្តេចធ្វើបែបនេះ គឺដើម្បីតស៊ូការពារជាតិ ការពារសម្បត្តិវប្បធម៌ជាតិ ខណៈតំបន់រមណីដ្ឋានអង្គរ ជាសម្បត្តិបេតិកភណ្ឌពិលោក៕អត្ថបទបាន ចក់

សម្តេចធិបតីប្រកាសប្តេជ្ញាចិត្តអភិវឌ្ឍន៍តំបន់រុនតាឯក ឲ្យកាន់តែរីកច្រើនបន្ថែមរហូតក្លាយជាទីក្រុង

2023/12/08 10:08:38 am        287
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា អះអាងថា រាជរដ្ឋាភិបាល​នឹង​បន្តខិតខំអភិវឌ្ឍន៍​តំបន់រុនតាឯក ដែលស្ថិតនៅស្រុកបន្ទាយស្រី ខេត្តសៀមរាប ឲ្យកាន់តែរីកចម្រើនបន្ថែមទៀត ពោលគឺនឹងប្រែក្លាយឲ្យទៅជាក្រុងរុនតាឯកតែម្តង។ថ្លែងនៅក្នុងឱកាសអញ្ជើញក្នុងពិធីជួបសំណេះសំណាលជាមួយប្រជាពលរដ្ឋនៅតំបន់រុនតាឯក នាព្រឹកថ្ងៃទី៨ ខែធ្នូ ឆ្នាំ២០២៣នេះ សម្តេចធិបតី នាយករដ្ឋមន្រ្តី បានបញ្ជាក់ថា ក្រោយប្រើ​រយៈពេលជាងប្រាំរយថ្ងៃតំបន់រុនតាឯក ​បានក្លាយទៅជាតំបន់អភិវឌ្ឍន៍យ៉ាងច្រើន ជាពិសេស​ផ្នែកហេដ្ឋារចនាសម្ព័ន្ធ សាលារៀន មន្ទីរពេទ្យ និងវត្តជាដើម ហើយរាជរដ្ឋាភិបាលប្តេជ្ញា​ចិត្តនឹង​ខិតខំ​អភិវឌ្ឈន៍តំបន់នេះ ឲ្យកាន់តែរីកចម្រើនក្លាំងក្លាបន្ថែមទៀត ដោយមិន​ថមថយ​នោះឡើយ។សម្តេចធិបតីនាយករដ្ឋមន្រ្តី បានបញ្ជាក់ទៀតថា រាជរដ្ឋាភិបាលរួមគ្នាអភិវឌ្ឍន៍ជាតិ​ជាប្រយោជន៍​ដល់ប្រជាពលរដ្ឋនៅក្នុងសម័យបច្ចុប្បន្ន ​និងទៅអនាគត ​ប៉ុន្តែក៏មិនអាចភ្លេចបានឡើយ​នូវ​បុព្វហេតុ​ក្នុងការអភិរក្សនូវ​កេរដំណែល​របស់ដូនតាផងដែរ ហើយ​សម្តេចក៏បាន​ប្រកាសថ្លែង​អំណរគុណ​ចំពោះបងប្អូន ប្រជាពលរដ្ឋដែលបានស្ម័គ្រចិត្តមករស់នៅតំបន់រុនតាឯកនេះផងដែរ ដើម្បីកុំឲ្យមានផលប៉ះពាល់ដល់ក្នុង ​បរិវេណ​រមណីយដ្ឋាន​អង្គរនោះ៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសជួបសំណេះសំណាលជាមួយ "បងប្អូនប្រជាពលរដ្ឋរស់នៅក្នុងតំបន់រុនតាឯក"

2023/12/08 08:55:01 am        545
Facebook Telegram Linkin
សៀមរាប៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៨ ខែធ្នូ ឆ្នាំ២០២៣ អញ្ជើញជួបសំណេះសំណាលជាមួយ "បងប្អូនប្រជាពលរដ្ឋរស់នៅក្នុងតំបន់រុនតាឯក" ស្ថិតនៅក្នុងស្រុកបន្ទាយស្រី ខេត្តសៀមរាប។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី រម្លឹកឱ្យដឹងថា សម្ដេចតេជោ ហ៊ុន សែន អតីត នាយករដ្ឋមន្ត្រី បានអញ្ជើញទៅកាន់តំបន់រុនតាឯក ក្នុងទឹកដីខេត្តសៀមរាប ចំនួន ៤ លើក ដើម្បីបង្ហាញពីការយកចិត្តទុកដាក់ និងចុះបញ្ជាផ្ទាល់ដល់ផ្នែកពាក់ព័ន្ធ ដើម្បីពន្លឿនការងារសាងសង់ និងរៀបចំ ហេដ្ឋារចនាសម្ព័ន្ធនានាជូនពលរដ្ឋបានរស់នៅដោយផាសុក និងឆាប់រហ័ស។-សម្ដេចធិបតី ហ៊ុន ម៉ាណែត៖ គេសួរថា តើរវាងប្រសាទអង្គរវត្ត និងប្រជាជនតើជ្រើសរើសយកមួយណា? ចម្លើយ គឺរាជរដ្ឋាភិបាល ជ្រើសរើសយកទាំងពីរ គ្រាន់តែជម្រើសនេះមានការលំបាកបន្ដិចសម្រាប់រាជរដ្ឋាភិបាល។-សម្តេចមធិបតី ហ៊ុន ម៉ាណែត រម្លឹកឱ្យដឹងថា តំបន់រមណីយដ្ឋានមួយចំនួន ដែលបានដាក់ចូលក្នុងបញ្ជីបេតិកភណ្ឌពិភពលោករួចហើយ ត្រូវបានដកចេញវិញ ដោយសារតែមិនគោរពតាមលក្ខខណ្ឌរបស់អង្គការយូណេស្កូ ក្នុងនោះមានដូចជាករណីប្រទេសអង់គ្លេស និងប្រទេសមួយចំនួនផ្សេងទៀតជាដើម។-សម្តេចធិបតី ហ៊ុន ម៉ាណែត៖ ក្រុងរុនតាឯក ក្នុងទឹកដីខេត្តសៀមរាបនឹង លេចរូបរាងនាពេលឆាប់ៗខាងមុខនេះ។ រុនតាឯក នឹងក្លាយជាក្រុងសំខាន់មួយក្នុងខេត្តសៀមរាប។-សម្តេចធិបតី បានប្តេជ្ញាចិត្តថា រាជរដ្ឋាភិបាលនឹងបន្តខិតខំអភិវឌ្ឍន៍តំបន់រុនតាឯក ស្ថិតនៅស្រុកបន្ទាយស្រី ខេត្តសៀមរាប ឲ្យកាន់តែរីកចម្រើនបន្ថែមទៀត។-សម្ដេចធិបតី ហ៊ុន ម៉ាណែត ថ្លែងអំណរគុណដល់គណៈកម្មការអន្តរក្រសួង ដែលបានរួមគ្នាស្ថាបនា ហេដ្ឋារចនាសម្ព័ន្ធនានាក្នុងភូមិធម្មជាតិរុនតាឯក និងតំបន់ពាក់ស្នែងជូនដល់ប្រជាពលរដ្ឋសរុបជាង ៤ពាន់គ្រួសារ។ សម្ដេចធិបតីជំរុញដល់ក្រុមការងារអន្តរក្រសួងខិតខំបន្តអនុវត្តការងារអភិវឌ្ឍន៍តំបន់នេះឱ្យសម្រេចបានជោគជ័យនាពេលខាងមុខ។-សម្ដេចធិបតី ហ៊ុន ម៉ាណែត បានបញ្ជាក់ថា ការអភិវឌ្ឍភូមិធម្មជាតិរុនតាឯក និងតំបន់ពាក់ស្នែង អាចសម្រេចទៅបាន គឺត្រូវមានការចូលរួមពីប្រជាពលរដ្ឋទាំងអស់នៅក្នុងតំបន់នេះ មិនអាចអភិឌ្ឍន៍ទៅបានដោយគ្មានការចូលរួមពីសំណាក់ប្រជាពលរដ្ឋនោះទេ។ សម្ដេចធិបតីបានថ្លែងអំណរគុណដល់ប្រជាពលរដ្ឋដែលបានស្ម័គ្រចិត្តចាកចេញពីតំបន់​រមណីយដ្ឋាន​អង្គរមករស់នៅតំបន់នេះ។-សម្តេចធិបតី ហ៊ុន ម៉ាណែត បញ្ជាក់ច្បាស់ៗនៅចំពោះមុខពលរដ្ឋនៅក្នុងទឹក ដីខេត្តសៀមរាបថា ការអំពាវនាវរបស់សម្ដេចតេជោ ឱ្យពលរដ្ឋចាកចេញពីតំបន់រមណីយដ្ឋានអង្គរ មិនមែនដើម្បីយកដីនោះលក់ដើម្បីសាងសង់អគារ ឬ ធ្វើជាតំបន់ពាណិជ្ជកម្មនោះទេ ប៉ុន្តែគឺដើម្បីផល ប្រយោជន៍ជាតិទាំងអស់គ្នា គឺការពារកុំឱ្យគេដកតំបន់រមណីយដ្ឋានអង្គរ ចេញពីបញ្ជីយូណេស្កូ។-សម្ដេចធិបតី ហ៊ុន ម៉ាណែត ថ្លែងថា មួយជីវិតសម្តេចតេជោតស៊ូដើម្បីជាតិ និងប្រជាជន។ សម្ដេចតេជោ មិនយកដីនៅរមណីយដ្ឋានអង្គរនេះទៅវិនិយោគឱ្យក្រុមហ៊ុនឯកជនមកធ្វើអគារ ១០០ជាន់នោះទេ ប៉ុន្ដែគឺខិតខំថែរក្សាប្រាង្គប្រាសាទសម្បត្តិវប្បធម៌កេរ្តិ៍ដំណែលដូនតាខ្មែរ។-សម្តេចធិបតី ហ៊ុន ម៉ាណែត បានសម្រេចឱ្យបុគ្គលិកស្ម័គ្រចិត្តនៅមណ្ឌល សុខភាពរុនតាឯកចំនួន ៨នាក់ បានចូលក្នុងក្របខណ្ឌមន្ត្រីរាជការពេញសិទ្ធិ។-សម្តេចធិបតី ហ៊ុន ម៉ាណែត បានប្រកាសផ្ដល់អគារសិក្សាចំនួន ២ជាន់ ស្មើនឹង ១២ បន្ទប់ជូនដល់សាលាបឋមសិក្សារុនតាឯក។-សម្តេចនាយករដ្ឋមន្ត្រី បានសម្រេចឱ្យគ្រូស្ម័គ្រចិត្តនៅសាលាបឋមសិក្សារុនតាឯកចំនួន ១០ នាក់ បានចូលក្នុងក្របខណ្ឌមន្ត្រីរាជការពេញសិទ្ធិរបស់ក្រសួងអប់រំ យុវជន និងកីឡា។-សម្តេចធិបតី ហ៊ុន ម៉ាណែត បានសម្រេចផ្ដល់ដីសម្រាប់សាងសង់សាលា និងផ្ដល់អគារមួយខ្នងចំនួន ២ជាន់បន្ថែម ដល់សាលានៅរុនតាឯក។-សម្តេចធិបតី នាយករដ្ឋមន្ត្រី បានសម្រេចឱ្យគ្រូស្ម័គ្រចិត្តនៅវិទ្យាល័យរុនតា ឯកចំនួន ១៤ នាក់ បានចូលក្នុងក្របខណ្ឌមន្ត្រីរាជការពេញសិទ្ធិរបស់ក្រសួងអប់រំ យុវជន និងកីឡា។-សម្តេចធិបតី ហ៊ុន ម៉ាណែត បានសម្រេចដាក់ឱ្យដំណើរការរថយន្តចំនួន ១០ គ្រឿង សម្រាប់ដឹកពលរដ្ឋនៅតំបន់រុនតាឯក ទៅកាន់ទីរួមខេត្តសៀមរាបទាំងទៅទាំងមក ដោយមិនគិ តប្រាក់។-សម្តេចធិបតី នាយករដ្ឋមន្ត្រី បានស្នើឱ្យពន្លឿនការសាងសង់ ជាពិសេសគឺ ប្រែក្លាយពីផ្លូវដី ទៅជាផ្លូវបេតុង និងកៅស៊ូទាំងអស់ឱ្យបានឆាប់។-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអំពាវនាវដល់ពលរដ្ឋទាំងអស់ សូមរួមគ្នាថែ រក្សាដួងព្រលឹងជាតិនៅតំបន់រមណីយដ្ឋានអង្គរ ឱ្យមានជីវិតរស់រវើករាប់ពាន់ឆ្នាំតទៅមុខទៀត។

រដ្ឋមន្រ្តីក្រសួងកសិកម្ម ចូលរួមបើកកម្មវិធីពិព័រណ៍ការងារក្នុងវិស័យកសិកម្ម នៅសាកលវិទ្យាល័យភូមិន្ទកសិកម្ម

2023/12/08 08:52:49 am        285
Facebook Telegram Linkin
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៨ ខែធ្នូ ឆ្នាំ២០២៣នេះ បានចូលរួមបើកកម្មវិធីពិព័រណ៍ការងារក្នុងវិស័យកសិកម្ម នៅសាកលវិទ្យាល័យភូមិន្ទកសិកម្ម។កម្មវិធីពិព័រណ៍ការងារក្នុងវិស័យកសិកម្មនេះ រៀបចំឡើងក្នុងគោលបំណង ដើម្បីផ្សារភ្ជាប់គម្លាត រវាងឧត្តមសិក្សា និងវិស័យឯកជន ដោយផ្តល់នូវវេទិកាមួយសម្រាប់និស្សិត អ្នកអប់រំ និងអ្នកជំនាញក្នុងវិស័យកសិកម្ម និងឧស្សាហកម្ម ភ្ជាប់ទំនាក់ទំនង ផ្លាស់ប្តូរគំនិត និងស្វែងរកឱកាសនៅក្នុងវិស័យអប់រំកសិកម្ម។

សម្តេចធិបតី ហ៊ុន ម៉ាណែត ជួបសំណេះសំណាលជាមួយ "បងប្អូនប្រជាពលរដ្ឋរស់នៅក្នុងតំបន់រុនតាឯក"

2023/12/08 07:44:30 am        246
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៨ ខែធ្នូ ឆ្នាំ២០២៣ អញ្ជើញជួបសំណេះសំណាលជាមួយ "បងប្អូនប្រជាពលរដ្ឋរស់នៅក្នុងតំបន់រុនតាឯក" ស្ថិតនៅក្នុងស្រុកបន្ទាយស្រី ខេត្តសៀមរាប។

ព្រឹទ្ធសភាបក្សសាធារណរដ្ឋរបស់អាមេរិក រារាំងសំណើច្បាប់ជំនួយអ៊ុយក្រែន និងអ៊ីស្រាអែល ជុំវិញបញ្ហាព្រំដែន

2023/12/07 02:44:14 pm        153
Facebook Telegram Linkin
សេចក្ដីស្នើច្បាប់ចំណាយបន្ទាន់ដើម្បីផ្តល់ជំនួយសន្តិសុខថ្មីរាប់ពាន់លានដុល្លារដល់អ៊ុយក្រែន និងអ៊ីស្រាអែលមួយ ត្រូវបានរារាំងនៅក្នុងព្រឹទ្ធសភាអាមេរិក កាលពីថ្ងៃពុធ (០៦ ធ្នូ) ខណៈសមាជិកបក្សសាធារណរដ្ឋបានជំរុញការទាមទាររបស់ពួកគេសម្រាប់វិធានការតឹងរ៉ឹងដើម្បីគ្រប់គ្រងបញ្ហាអន្តោប្រវេសន៍នៅព្រំដែនសហរដ្ឋអាមេរិក ជាមួយម៉ិកស៊ិក។ការបោះឆ្នោតនេះ គឺមានការគាំទ្រ ៤៩សំឡេងទល់នឹងការប្រឆាំង ៥១សំឡេង ដែលធ្វើឱ្យវិធានការចំណាយចំនួន ១១០,៥ពាន់លានដុល្លារ មិនអាចទទួលបានគ្រប់៦០សំឡេងដែលត្រូវការនៅក្នុងព្រឹទ្ធសភា ដែលមានសមាជិក១០០រូប ដើម្បីត្រួសត្រាយផ្លូវក្នុងការចាប់ផ្តើមការជជែកដេញដោលបាន ដែលនេះបានគំរាមកំហែងដល់ការជំរុញរបស់លោកប្រធានាធិបតី ចូ បៃដិន (Joe Biden) ក្នុងការផ្តល់ជំនួយថ្មីមុនដំណាច់ឆ្នាំ២០២៣។ការបោះឆ្នោតនេះធ្វើឡើងតាមជួរគណបក្ស ដោយរាល់សមាជិកព្រឹទ្ធសភាមកពីគណបក្សសាធារណរដ្ឋបានបោះឆ្នោតប្រឆាំង រួមជាមួយលោកព្រឹទ្ធសមាជិក ប៊ឺនី សានដឺស៍ (Bernie Sanders) ជាអ្នកនយោបាយឯករាជ្យដែលជាទូទៅបោះឆ្នោតយល់ស្របជាមួយគណបក្សប្រជាធិបតេយ្យ ប៉ុន្តែបានសម្តែងការព្រួយបារម្ភអំពីការផ្តល់មូលនិធិដល់ «យុទ្ធសាស្ត្រយោធាអមនុស្សធម៌» របស់អ៊ីស្រាអែល នាពេលបច្ចុប្បន្នប្រឆាំងនឹងប៉ាឡេស្ទីន។សមាជិកគណបក្សសាធារណរដ្ឋបាននិយាយថា វាជាការចាំបាច់ក្នុងការចាត់វិធានការសម្រាប់គោលនយោបាយអន្តោប្រវេសន៍កាន់តែតឹងរ៉ឹងជាងមុននិងការគ្រប់គ្រងព្រំដែនភាគខាងត្បូង។ បើទោះជាសំណើច្បាប់នេះឆ្លងផុតព្រឹទ្ធសភាក៏ដោយ ក៏វានៅតែចាំបាច់ត្រូវអនុម័តនៅក្នុងសភាតំណាងរាស្រ្ត ដែលគ្រប់គ្រងដោយគណបក្សសាធារណរដ្ឋ ជាទីដែលអ្នកសាធារណរដ្ឋរាប់សិបនាក់បានបោះឆ្នោតប្រឆាំងនឹងជំនួយរបស់អ៊ុយក្រែន រួមទាំងប្រធានសភាអាមរិក លោក ម៉ៃ ចនសុន (Mike Johnson) ផងដែរ៕

រដ្ឋមន្រ្តីកសិកម្មជំរុញឲ្យសម្ព័ន្ធ កាស៊ីក ពង្រឹងប្រសិទ្ធិភាពសេដ្ឋកិច្ចដល់កសិករ

2023/12/07 02:07:00 pm        150
Facebook Telegram Linkin
ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិនិត្យវឌ្ឍភាពការងាររបស់សម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា (កាស៊ីក) នៅទីស្តីការក្រសួងកសិកម្ម។ក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៧ ខែធ្នូ ឆ្នាំ២០២៣នេះ បានឲ្យដឹងថា ក្នុងជំនួបនេះ ​ឯកឧត្តមរដ្ឋមន្ត្រី ​បានគូសបញ្ជាក់ថា ​ជាគោលនយោបាយ ក្រសួង​កំពុងជំរុញ​ដំណាំ​សរីរាង្គ​នៅខេត្តព្រះវិហារ ​ដោយត្រូវធ្វើយ៉ាងណាកាត់បន្ថយថ្លៃដើមផលិត ​ចំណាយតិច ចំណេញច្រើន ​និងមានប្រសិទ្ធភាពសេដ្ឋកិច្ចពិតប្រាកដ។ ជាមួយគ្នានេះដែរ​ឯកឧត្តមរដ្ឋមន្ត្រី បាន​ណែនាំ​ដល់ក្រុមការងារ​ត្រូវធ្វើការសិក្សាឱ្យបានច្បាស់លាស់​អំពីផលិតភាពសេដ្ឋកិច្ច ​និងសុវត្ថិភាព ​ដែលមានលក្ខណៈវិទ្យាសាស្ត្រ ​បៃតងនិងនិរន្តរភាព ដែល​អាចអនុវត្តបាន ព្រមទាំងផ្តល់ផលចំណេញដល់កសិករ៕

ចក្រភពអង់គ្លេស ប្រកាសដាក់ទណ្ឌកម្មថ្មីសំដៅលើយន្តការសង្គ្រាមរបស់លោកពូទីន នៅអ៊ុយក្រែន

2023/12/07 01:58:44 pm        128
Facebook Telegram Linkin
ចក្រភពអង់គ្លេសកាលពីថ្ងៃពុធ បានប្រកាសពីការដាក់ទណ្ឌកម្មថ្មីមួយប្រឆាំងនឹង «យន្តការសង្គ្រាម» របស់រុស្ស៊ី នៅអ៊ុយក្រែន ខណៈលោក David Cameron បានធ្វើដំណើរទៅក្រុងវ៉ាស៊ីនតោនសម្រាប់ដំណើរទស្សនកិច្ចលើកដំបូងរបស់លោក ក្នុងនាមជារដ្ឋមន្ត្រីការបរទេស។ការដាក់ទណ្ឌកម្មថ្មីនេះ រារាំងក្រុមហ៊ុនរបស់ចក្រភពអង់គ្លេសពីការទំនាក់ទំនងជាមួយអាជីវកម្ម និងបុគ្គលនៅក្នុងប្រទេសមួយចំនួនដូចជា បេឡារុស ចិន ស៊ែរប៊ី ទួរគី អារ៉ាប់រួម និងអ៊ូសបេគីស្ថាន ក្នុងចំណោមប្រទេសដទៃទៀត។ការិយាល័យបរទេសរបស់ចក្រភពអង់គ្លេស បាននិយាយនៅក្នុងសេចក្តីថ្លែងការណ៍មួយថា ទណ្ឌកម្មថ្មីចំនួន៤៦ផ្តោតលើ «បុគ្គលនិងក្រុមនានាដែលផ្គត់ផ្គង់ និងផ្តល់មូលនិធិដល់យន្តការសង្គ្រាមរបស់ (លោក ប្រធានាធិបតីរុស្ស៊ី វ្ល៉ាឌីមៀ ពូទីន)។ ក្នុងចំណោមអ្នកទាំងនោះរួមមាន «អ្នកដើរតួបីនាក់ ដែលគាំទ្របណ្តាញក្រុមទាហានស៊ីឈ្នួល Wagner Group និងប្រតិបត្តិករចំនួន៤នៃអ្វីដែលគេហៅនាវារបស់កងនាវាស្រមោល ដែលត្រូវបានប្រើប្រាស់ដោយប្រទេសរុស្ស៊ី ដើម្បីទប់ទល់នឹងទណ្ឌកម្មទាក់ទងនឹងប្រេង ដែលដាក់ដោយចក្រភពអង់គ្លេសជាមួយនឹងដៃគូ G7»។ក្រុមប្រដាប់អាវុធ ដែលមានទំនាក់ទំនងជាមួយកងទ័ពរុស្ស៊ី ដូចជាកម្លាំងទាហានស៊ីឈ្នួល Wagner បានធ្វើសកម្មភាព នៅក្នុងប្រទេសអ៊ុយក្រែន ហើយត្រូវបានចោទប្រកាន់ពីបទរំលោភបំពានច្បាប់មនុស្សធម៌អន្តរជាតិច្រើនរាប់មិនអស់។

សម្ដេចធិបតី គាំទ្រគម្រោងក្រុមហ៊ុនយក្សចិន បង្កើតវិទ្យាស្ថានបណ្តុះបណ្តាលធនធានមនុស្សលើវិស័យវិស័យប្រព្រឹត្តកម្មទឹកស្អាត និងទឹកកខ្វក់នៅកម្ពុជា

2023/12/07 01:54:55 pm        157
Facebook Telegram Linkin
ភ្នំពេញ៖ នាព្រឹកថ្ងៃទី៧ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក លី ដៅសុង (Li Daosong) ប្រធានក្រុមហ៊ុន Beijing Urban Construction Group Co., LTD (BUCG) និងគណៈប្រតិភូ ចូលជួបសម្តែងការគួរសម នៅវិមានសន្តិភាព ។ក្នុងឱកាសនៃជំនួបនេះ លោក លី ដៅសុង បានថ្លែងអំណរគុណចំពោះ សម្តេចធិបតី ដែលបាន​ឆ្លៀតពេល​វេលាដ៏មមាញឹកអនុញ្ញាត​ឱ្យរូបលោក ​និងគណៈប្រតិភូ ចូលជួបសម្តែងការគួរសម ព្រមទាំងបានផ្តាំផ្ញើការសាកសួរសុខទុក្ខគោរពជូនចំពោះ ​សម្តេចតេជោ ហ៊ុន សែន ប្រធាន​ឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី នៃព្រះរាជាណាចក្រកម្ពុជា ផងដែរ ។ លោកប្រធានក្រុមហ៊ុន បានជម្រាបជូន សម្តេចធិបតី អំពីគម្រោងវិនិយោគមួយចំនួនរបស់ក្រុមហ៊ុន ពាក់ព័ន្ធនឹងផ្នែក​ប្រព្រឹត្តកម្មទឹកស្អាត និងទឹកកខ្វក់ នៅតាមបណ្តាខេត្ត-ក្រុងមួយចំនួនក្នុងប្រទេស​កម្ពុជា រួមមានខេត្តបាត់ដំបង, សៀមរាប, កំពង់ចាម, កំពង់ស្ពឺ, ព្រះសីហនុ និងក្រុងសេរីសោភ័ណ្ឌ ។ លើសពីនេះ ក្រុមហ៊ុន ក៏កំពុងធ្វើការសិក្សាលទ្ធភាពក្នុងការសាងសង់ប្រព័ន្ធប្រព្រឹត្តកម្មទឹកស្អាត​នៅ​តំបន់ខាងកើតទន្លេមេគង្គ​ និង​ខាងលិចប៉ែកខាងលើទន្លេមេគង្គ ​ព្រមជាមួយនឹងគម្រោងបង្កើត​វិទ្យាស្ថាន​បណ្តុះបណ្តាលធនធានមនុស្សលើវិស័យវិស័យប្រព្រឹត្តកម្មទឹកស្អាត និងទឹកកខ្វក់ ព្រមទាំងវិស័យមួយចំនួនផ្សេងទៀត ។ មួយវិញទៀតលោកប្រធានក្រុមហ៊ុន BUCG ក៏បានជម្រាបបញ្ជាក់ជូន សម្តេចនាយករដ្ឋមន្ត្រី ផងដែរថា ក្រុមហ៊ុននឹងនាំមកនូវបច្ចេកវិទ្យាទំនើបថ្មីៗក្នុងការអនុវត្តគម្រោងនានារបស់ខ្លួន ដើម្បីចូលរួមចំណែកដល់ការអភិវឌ្ឍប្រទេសកម្ពុជា ស្របតាមយុទ្ធសាស្ត្របញ្ចកោណ​ដំណាក់កាលទី១ ដែលបានដាក់ចេញដោយរាជរដ្ឋាភិបាល អាណត្តិទី ៧ នេះ ។ជាការឆ្លើយតប សម្តេចធិបតី ​បានសម្តែងនូវកិច្ចស្វាគមន៍ចំពោះគណៈប្រតិភូក្រុមហ៊ុន BUCG ដែល​បានអញ្ជើញមកបំពេញទស្សនកិច្ចនៅកម្ពុជា ​នាឱកាសនេះ ស្របពេលដែលឆ្នាំ២០២៣នេះ ជាខួប​លើកទី៦៥ នៃចំណងការទូតកម្ពុជា-ចិន ​និងត្រូវបានកំណត់ជាឆ្នាំមិត្តភាពរវាងប្រទេសទាំងពីរ។ ជាមួយគ្នានេះ សម្តេចធិបតី ក៏បានថ្លែងនូវការកោតសរសើរ និងវាយតម្លៃខ្ពស់ចំពោះការចូលរួម​ចំណែក​របស់ក្រុមហ៊ុន ​BUCG នៅក្នុងដំណើរការអភិវឌ្ឍរបស់កម្ពុជា ជាពិសេសផ្នែកហេដ្ឋារចនា​សម្ព័ន្ធសាធារណៈ ​និងការលើកកម្ពស់សុខភាពសាធារណៈ ​តាមរយៈ គម្រោងវិនិយោគជាច្រើន​ក្នុងផ្នែកប្រព្រឹត្តកម្មចម្រោះទឹកកខ្វក់ ​និងទឹកស្អាត​ ក៏ដូចជាការចូលរួមសហការជាមួយវិទ្យា​ស្ថានតេជោសែន​សាធារណការ និងដឹកជញ្ជូន ក្នុងការបណ្តុះបណ្តាលធនធានមនុស្ស លើវិស័យ​សំខាន់ៗ រួមមាន៖ ប្រព្រឹត្តកម្មទឹកកខ្វក់ និងប្រព័ន្ធបង្ហូរទឹក, ការសាងសង់ផ្លូវរថភ្លើងលើដី និងក្រោមដីក្នុងទីក្រុង ផ្លូវ ថ្នល់ និងស្ពាន ។ជាចុងក្រោយ សម្តេចធិបតី បានគាំទ្រចំពោះគម្រោងបង្កើតវិទ្យាស្ថានបណ្តុះបណ្តាលធនធាន​មនុស្ស​លើវិស័យ​វិស័យប្រព្រឹត្តកម្មទឹកស្អាត និងទឹកកខ្វក់ និងបានជំរុញឱ្យក្រុមហ៊ុនបន្តនាំយកនូវ​បច្ចេកវិទ្យាទំនើបថ្មីៗ ដើម្បីចូលរួមចំណែកនៅក្នុងវិស័យប្រព្រឹត្តកម្មទឹកកខ្វក់ ​និងការផ្គត់ផ្គង់​ទឹកស្អាត​ ដើម្បីគាំទ្រដល់កិច្ចគាំពារបរិស្ថាន ​និងការលើកកម្ពស់សុខភាពសាធារណៈ នៅកម្ពុជា ព្រមជាមួយនឹងការលើកទឹកចិត្តឱ្យក្រុមហ៊ុនពិនិត្យមើលលទ្ធភាពក្នុងការពង្រីកការវិនិយោគ​នៅ​ក្នុងវិស័យ​សក្តានុពលផ្សេងទៀត ​ដូចជាវិស័យហេដ្ឋារចនាសម្ព័ន្ធរូបវ័ន្តជាដើម ៕

លោកZelnekyy អំពាវនាវដល់មេដឹកនាំប្រទេសG7 ឲ្យបន្តជំនួយសម្រាប់អ៊ុយក្រែន

2023/12/07 12:39:09 pm        89
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy បានអំពាវនាវដល់បណ្តាមេដឹកនាំនៃក្រុមប្រទេស G7 ឲ្យបន្តការផ្តល់ជំនួយសម្រាប់ប្រទេសដែលញាំញីដោយសង្គ្រាមរបស់លោក។ លោក Zelenskyy ត្រូវបានគេអញ្ជើញឲ្យនិយាយនៅក្នុងកិច្ចប្រជុំកំពូលG7 តាមបណ្តាញអ៊ីនធឺណិត។ លោកបានអរគុណដល់ ប្រទេសជប៉ុន សម្រាប់តួនាទីរបស់ប្រទេសនេះ ជាប្រធានក្រុមប្រទេសមានឧស្សាហកម្មរីកលូតលាស់ទាំង៧ ឬ G7 នៅឆ្នាំនេះ ដោយនិយាយថាអំឡុងពេលនេះជាលទ្ធផលនៃផ្លែផ្កា។លោក Zelenskyy បានបញ្ជាក់ថាស្នាដៃរបស់អ៊ុយក្រែននៅឆ្នាំនេះ អាចធ្វើទៅបានដោយមានការគាំទ្ររបស់ក្រុមប្រទេសG7។ ពួកវារួមមាន ការស្តារឡើងវិញការដឹកជញ្ជូនផលដំណាំជាធម្មតាពីសមុទ្រខ្មៅ ការពង្រឹងការការពាររោងចក្រថាមពល និងហេដ្ឋារចនាសម្ព័ន្ធផ្សេងទៀត និងការទប់ស្កាត់កងទ័ពរុស្ស៊ីនៅសមរភូមិ។ សហរដ្ឋអាមេរិក នៅតែជាអ្នកគាំទ្រធំបំផុតរបស់អ៊ុយក្រែន ប៉ុន្តែកិច្ចពិភាក្សាជុំវិញជំនួយសម្រាប់ទីក្រុងគីវ បានជាប់គាំងនៅសភា។ ប្រធានាធិបតី លោក Joe Biden បានបង្ហាញការផ្តល់មូលនិធិ ដែលអាចអស់នៅចុងឆ្នាំនេះ លុះត្រាតែ សភាអនុម័ត កញ្ចប់ថវិកាថ្មី។ លោក Zelenskyy និយាយថារុស្ស៊ីសង្ឃឹមសម្រាប់តែរឿងមួយប៉ុណ្ណោះ ដែលថា នៅឆ្នាំក្រោយ សាមគ្គីភាពរបស់ពិភពលោកសេរី នឹងដួលរលំ។ លោកនិយាយបន្ថែមថា ពិភពលោកសេរី ត្រូវការជាសំខាន់ គឺត្រូវរក្សាសាមគ្គីភាពរបស់ខ្លួន រក្សាអន្តរកម្ម រក្សាការគាំទ្រសម្រាប់អ្នកទាំងឡាយណាដែលសេរីភាព ត្រូវបានរងការវាយប្រហារ។

បណ្ដាញសង្គម

ព័ត៌មានថ្មីៗ

រត់ពាក់ម៉ារ៉ាតុងភ្នំពេញឆ្នាំនេះ រៀបចំកាន់តែអធិកអធម ខណៈ NOCC អំពាវនាវឲ្យប្រជាពលរដ្ឋចុះឈ្មោះឲ្យបានរួសរាន់
04/29/2026 11:04 AM
Facebook Telegram Linkin
ថ្លៃលក់រាយប្រេងឥន្ធនៈនៅតាមស្ថានីយអនុវត្តចាប់ពីថ្ងៃទី២៩ ខែមេសានេះតទៅបានហក់ឡើងបន្តិចវិញក្រោយធ្លាក់ចុះបានមួយរយៈ
04/29/2026 11:04 AM
Facebook Telegram Linkin
គ្រាប់បាល់ហូរដូចទឹកភ្លៀងស៊ុតគ្នា ៩ គ្រាប់ចុងក្រោយ PSG ឈ្នះ Bayern Munich ៥-៤ ជើងទីមួយ
04/29/2026 10:04 AM
Facebook Telegram Linkin
១០ថ្ងៃក្រោយចូលឆ្នាំគ្រោះថ្នាក់ចរាចរណ៍សម្លាប់អ្នកដំណើរជាង៣០នាក់ ខណៈគ្រោះអគ្គិភ័យបំផ្លាញផ្ទះជិត២០ខ្នង
04/29/2026 10:04 AM
Facebook Telegram Linkin
តម្លៃប្រេងបន្តកើនឡើងព្រោះរបាយការណ៍ថា អាមេរិកនឹងបន្តបិទកំពង់ផែអ៊ីរ៉ង់ ដែលអូសបន្លាយការរំខានការផ្គត់ផ្គង់នៅមជ្ឈិមបូព៌ា
04/29/2026 10:04 AM
Facebook Telegram Linkin
អ្នកនាំពាក្យយោធាអ៊ីរ៉ង់និយាយថា កុំទាន់គិតថាសង្គ្រាមជាមួយអាមេរិក និងអ៊ីស្រាអែល ចប់
04/29/2026 10:04 AM
Facebook Telegram Linkin
បី​រដូវកាល​ជាប់​គ្នា បឹងកេតជួបព្រះខ័នរាជ ​​ក្នុងវគ្គពាក់កណ្ដាលផ្ដាច់ព្រ័ត្រពាន​រង្វាន់​សម្ដេចតេជោ, ២លើកព្រះខ័នរាជឡើងវគ្គផ្ដាច់ព្រ័ត្រ ចុះលើកនេះ?​
04/29/2026 10:04 AM
Facebook Telegram Linkin
អេមីរ៉ាតអារ៉ាប់រួម ដើរចេញពី OPEC និង OPEC+ ដែលអាចប៉ះពាល់យ៉ាងខ្លាំងដល់ក្រុមប្រទេសផលិតប្រេងសកល
04/29/2026 10:04 AM
Facebook Telegram Linkin
អង្គភាពស៊ីម៉ាកកំពុងបន្តបោសសម្អាតគ្រាប់បែកចង្កោម ដែលទាហាថៃបាញ់ផ្លោងដោយមិនរើសគោលដៅ ចូលដីស្រែចម្ការ និងផ្ទះពលរដ្ឋខ្មែរនៅតាមព្រំដែន
04/29/2026 09:04 AM
Facebook Telegram Linkin
ព្រះមហាក្សត្រអង់គ្លេស Charles អំពាវនាវឱ្យមានឯកភាពរបស់ NATO និងគាំទ្រអ៊ុយក្រែនក្នុងសង្កថានៅសភាអាមេរិក
04/29/2026 09:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.