នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤

នយោបាយ​ និង ការអភិវឌ្ឍន៍

គណៈមេធាវីកម្ពុជា ចុះ MOU ជាមួយគណៈមេធាវីនៃសាធារណរដ្ឋកូរ៉េ ដើម្បីពង្រឹង​កិច្ច​សហប្រតិបត្តិការគ្នា

2023/11/25 09:34:19 pm        99
Facebook Telegram Linkin
ភ្នំពេញ៖ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញចុះហត្ថលេខាលើអនុស្សរណៈនៃការយោគយល់គ្នាជាមួយលោក Kim Young Hoon ប្រធានគណៈមេធាវីនៃសាធារណរដ្ឋកូរ៉េ នៅសណ្ឋាគារ Four Seasons ទីក្រុងបឹងហ្គាឡូរ៉ូ (Bengaluru) ប្រទេសឥណ្ឌា។ការចុះហត្ថលេខាលើអនុស្សរណៈនៃការយោគយល់គ្នានេះ ក្នុងគោលបំណង បង្កើនកិច្ចសហប្រតិបត្តិការលើការងារចែករំលែកចំណេះដឹង បទពិសោធន៍ច្បាប់ តាមរយៈការរៀបចំកម្មវិធីបណ្តុះបណ្តាលរួមគ្នា និងការផ្លាស់ប្តូរកម្មសិក្សាមេធាវីនៅក្នុងប្រទេសទាំងពីរ។ ក្នុងឱកាសនោះដែរ ឯកឧត្តមបានសំដែងអំណរសាទរចំពោះកិច្ចសហការល្អនៃគណៈមេធាវីទាំងពីរ និងបានជម្រាបជូនសមភាគី ពីកម្មវិធីលើកកម្ពស់ ទេពកោសល្យច្បាប់ជូនមេធាវី ពិសេសមេធាវីវ័យក្មេង គម្រោងនៃការរៀបចំការប្រកួតកីឡាអន្តរជាតិពានរង្វាន់គណៈមេធាវី និងសិក្ខាសាលាអន្តរជាតិស្តីពីជំនួយផ្លូវច្បាប់និងសិទ្ធិទទួលបានយុត្តិធម៌ ដែលរៀបចំដោយគណៈមេធាវីនៃព្រះរាជាណាចក្រកម្ពុជានាពេលខាងមុខ៕

ឯកឧត្តម វង សូត ​ដឹក​នាំគណៈ​ប្រតិភូ​ជាន់​ខ្ពស់​រដ្ឋសភាកម្ពុជាចូលរួមកិច្ចប្រជុំក្រុមប្រឹក្សាប្រតិបត្តិនៃសភាតំបន់អាស៊ី នៅ​សាធា​រណ​រដ្ឋតួកគី

2023/11/25 09:19:47 pm        131
Facebook Telegram Linkin
ភ្នំពេញ៖ នៅយប់ថ្ងៃសៅរ៍ ទី២៥ ខែវិច្ឆិកា ឆ្នាំ២០២៣ ឯកឧត្តម វង សូត អនុប្រធានទី២ រដ្ឋសភា និងជាតំណាងដ៏ខ្ពង់ខ្ពស់​ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញដឹកនាំគណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ចាកចេញពីអាកាសយានដ្ឋានអន្តរជាតិភ្នំពេញ ឆ្ពោះទៅកាន់ទីក្រុងអាន់តាលីយ៉ានៃសាធារណរដ្ឋតួកគី ដើម្បីចូលរួមកិច្ចប្រជុំក្រុមប្រឹក្សាប្រតិបត្តិនៃសភាតំបន់អាស៊ី ហៅកាត់ថា APA ដែលរដ្ឋសភាជាតិនៃសាធារណរដ្ឋតួកគីធ្វើជាម្ចាស់ផ្ទះ ចាប់ពីថ្ងៃទី២៦ ដល់ថ្ងៃទី២៩ ខែវិច្ឆិកា ឆ្នាំ២០២៣ តបតាមការអញ្ជើញរបស់ ឯកឧត្តម នូម៉ាន គូទូមូស (Prof. Dr. Numan Kurtulmuş) ប្រធានរដ្ឋសភាជាតិនៃសាធារណរដ្ឋតួកគី និងជាប្រធាន APA។នៅក្នុងអំឡុងពេលចូលរួមកិច្ចប្រជុំនេះ ឯកឧត្តមអនុប្រធានទី២រដ្ឋសភា ក៏គ្រោងដឹកនាំគណៈប្រតិភូចូលជួបសម្តែងការគួរសម និងពិភាក្សាការងារជាមួយ​ ឯកឧត្តម នូម៉ាន គូទូមូស ប្រធានរដ្ឋសភានៃសាធារណរដ្ឋតួកគី និងគណៈប្រតិភូសភាមកពីប្រទេសមួយចំនួនទៀតផងដែរ។សូមជម្រាបថា ក្រុមប្រឹក្សាប្រតិបត្តិនៃសភាតំបន់អាស៊ី មានប្រតិភូសភាមកពីប្រទេសសមាជិកដែលត្រូវប្រជុំយ៉ាងហោចណាស់២ដងក្នុង១ឆ្នាំ៖ ម្តងប្រជុំភ្លាមៗ មុនពេលកិច្ចប្រជុំពេញអង្គ និងម្តងទៀតជាធម្មតា ប្រហែលបីខែមុនកិច្ចប្រជុំពេញអង្គ។ក្នុងឆ្នាំ២០២៣ កិច្ចប្រជុំក្រុមប្រឹក្សាប្រតិបត្តិនៃសភាតំបន់អាស៊ី ត្រូវបានធ្វើជាម្ចាស់ផ្ទះដោយរដ្ឋសភាជាតិនៃប្រទេសតួកគី។ ពិធីបើកកិច្ចប្រជុំក្រុមប្រឹក្សាប្រតិបត្តិសភាតំបន់អាស៊ី ប្រព្រឹត្តទៅនៅថ្ងៃទី២៧ ខែវិច្ឆិកា ឆ្នាំ២០២៣ ដោយមានការចូលរួមថ្លែងសុន្ទរកថាបើពីឯកឧត្តម នូម៉ាន គូទូមូស ប្រធាន APA។កិច្ចប្រជុំខាងលើ មានការចូលរួមពីប្រធានសភា អនុប្រធាន និងសមាជិកសភា នៃបណ្តាសភាជាសមាជិក APA ដើម្បីពិនិត្យពិភាក្សា និងអនុម័តលើរបៀបវារៈសម្រាប់មហាសន្និបាតលើទី១៤ ដែលត្រូវសភានៃសាធារណរដ្ឋអាស៊ែបៃហ្សង់ធ្វើជាម្ចាស់ផ្ទះ ក្នុងឆ្នាំ២០២៤៕

អបអរសាទរ! កម្ពុជាត្រូវបានអនុសញ្ញាអូតាវ៉ាបោះឆ្នោតជ្រើសតាំងជាប្រធាន និងជាម្ចាស់ផ្ទះរៀបចំកិច្ចប្រជុំត្រួតពិនិត្យឡើងវិញ លើកទី៥ ឆ្នាំ២០២៤

2023/11/25 09:11:12 am        250
Facebook Telegram Linkin
ភ្នំពេញ៖ អបអរសាទរកម្ពុជា ត្រូវបានអង្គសន្និសីទរដ្ឋភាគីលើកទី២១ នៃ​អនុសញ្ញា​ស្តីពី​ការ​ហាម​ការ​ប្រើប្រាស់​មីនប្រឆាំងមនុស្ស (អនុសញ្ញាអូតាវ៉ា) នៅទីក្រុងហ្សឺណែវ ប្រទេសស្វីស ថ្ងៃទី ២៤ ខែវិច្ឆិកា ឆ្នាំ២០២៣ បោះឆ្នោតជ្រើសតាំងជាប្រធាន និងជាម្ចាស់​ផ្ទះរៀប​ចំ​កិច្ច​ប្រជុំ​ត្រួត​ពិនិត្យ​ឡើង​លើកទី៥ ឆ្នាំ ២០២៤ ដែលកម្ពុជាប្រសិទ្ធនាមជា «កិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន»។កិច្ច​ប្រជុំត្រួតពិនិត្យឡើងវិញនៃអនុសញ្ញាអូតាវ៉ាត្រូវបានប្រព្រឹត្តទៅជារៀងរាល់៥ឆ្នាំម្តងហើយ  កម្ពុជា គឺ ជាប្រទេសទី៥ នៅលើសកលលោក និងជាប្រទេសដំបូងគេបង្អស់ ក្នុងតំបន់អាស៊ី ដែល​ធ្វើជាប្រធាន និងជាម្ចាស់ផ្ទះដឹកនាំកិច្ចប្រជុំនេះ។ កិច្ចប្រជុំលើកទី១ធ្វើនៅប្រទេសកេនយ៉ា​ឆ្នាំ២០០៤ លើកទី២ នៅប្រទេសកូឡុំប៊ី ឆ្នាំ២០០៩ លើកទី៣ នៅប្រទេសម៉ូសំប៊ិក ឆ្នាំ២០១៤ លើកទី៤ នៅប្រទេសន័រវែស ឆ្នាំ២០១៩ និងលើកទី៥ នៅប្រទេសកម្ពុជា ឆ្នាំ២០២៤ ខាងមុខ។ក្នុងនាមជាប្រធាន និងម្ចាស់ផ្ទះដឹកនាំកិច្ចប្រជុំ កម្ពុជាបានជ្រើសយកទឹកដីខេត្តសៀមរាប សម្រាប់ ការរៀបចំ និងមានការចូលរួមពីរដ្ឋសមាជិក ចំនួន ១៦៤ ប្រទេស និងរដ្ឋអង្កេតការណ៍ផ្សេងៗ ព្រមទាំងអង្គការ-ស្ថាប័នពិភពលោកជាច្រើនទៀត។ កិច្ចប្រជុំកំពូលសៀមរាប-អង្គរ គឺជាវេទិកា​ដែល​កម្ពុជានឹងបញ្ជាក់ជូន សហគមន៍អន្តរជាតិ ពីការប្តេជ្ញាចិត្ត ចំពោះការបោស​សម្អាត​មីន​ប្រឆាំង​មនុស្សឱ្យអស់ និងពិនិត្យ មើលលើ វឌ្ឍនភាពនៃការអនុត្តផែនការសកម្មភាពកន្លង មក ។ កម្ពុជាគ្រោងនឹងដាក់ចេញនូវការងារអាទិភាពចំនួន ៣រួមមាន៖១. ជំរុញសកលភាវូបនីយកម្មនៃអនុសញ្ញា៖ ជំរុញ ប្រទេសមិនមែនរដ្ឋភាគីឱ្យចូលរួមជារដ្ឋភាគី ឬចូលរួមកិច្ចប្រជុំ ឬអនុវត្តទិដ្ឋភាពនានានៃអនុសញ្ញា២. ពង្រឹងការអនុវត្តមាត្រា៥នៃអនុសញ្ញា៖ បោសសម្អាតមីនប្រឆាំងមនុស្ស និង៣. ជួយជនរងគ្រោះដោយសារមីន និងសំណល់ជាតិផ្ទុះពីសង្រ្គាមជាងនេះទៅទៀតកម្ពុជានឹងរៀបចំឱ្យមានជាសេចក្តី ថ្លែងការណ៍ស្តីពី ផែនការសកម្មភាព ៥ ឆ្នាំបន្ត សម្រាប់រដ្ឋសមាជិក និងភាគីពាក់ព័ន្ធទាំងអស់យកទៅអនុវត្តន៍ ដោយមានឈ្មោះថា “សេចក្តី ថ្លែង ការ ណ៍ សៀមរាប -អង្គរ_ Siem Reap – Angkor Declaration or Siem Reap – Angkor Action Plan" ដែលនឹងត្រូវប្រើប្រាស់ក្នុងឯកសារប្រវត្តិសាស្ត្ររបស់អង្គការសហប្រជាតិ ។ក្នុងឱកាសនេះ ខ្ញុំសូមកោតសរសើរជូនចំពោះ ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន ថ្នាក់ដឹកនាំមន្រ្តី បុគ្គលិក អាជ្ញាធរមីន ប្រទេសជាមិត្ត ដៃគូអភិវឌ្ឍន៍ ប្រតិបត្តិករ ជាតិ-អន្តរជាតិ សហគមន៍ សកម្មភាពមីន និងគ្រប់ភាគីពាក់ព័ន្ធ​ សម្រាប់កិច្ចខិតខំប្រឹងប្រែង និងចូលរួមចំណែកជំរុញឱ្យប្រទេស និងប្រជាជនកម្ពុជារួចចាកផុតពីទុក្ខវេទនា​ដោយសារ​មីន​ប្រឆាំង​មនុស្សដែលជាមរតកសង្រ្គាមដ៏រ៉ាំរ៉ៃនៅកម្ពុជា ។ ខ្ញុំក៏សូមថ្លែងអំណរគុណចំពោះរដ្ឋជាសមាជិក នៃអនុសញ្ញាអូតាវ៉ា និងសហគមន៍អន្តរជាតិ ដែលតែងតែផ្តល់ការគាំទ្រ និងវាយតម្លៃខ្ពស់ដល់កិច្ចខិតខំប្រឹងប្រែងរបស់កម្ពុជាក្នុងកិច្ចការ សកម្មភាពមីនក៏ដូចជាបានផ្តល់សេចក្តីទុកចិត្តជ្រើសតាំងកម្ពុជាធ្វើជាប្រធាន និងម្ចាស់ផ្ទះ រៀបចំកិច្ចប្រជុំកំពូលដ៏មានសារសំខាន់នេះ ។   សូមជម្រាបថា អនុសញ្ញាអូតាវ៉ា ឬហៅបានថាអនុសញ្ញាស្តីពីការហាម ការប្រើប្រាស់មីនប្រឆាំង​មនុស្ស ឬហៅពេញថា អនុសញ្ញាស្តីពីការហាមការប្រើប្រាស់ ការរក្សាទុក ការផលិត និង​ការ​ផ្ទេរ​គ្រាប់មីនប្រឆាំងមនុស្ស និងការបំផ្លាញគ្រាប់មីន ។ អនុសញ្ញានេះ គឺជាអនុសញ្ញា របស់ អង្គការ សហប្រជាជាតិ និង ជា ការឆ្លើយតបគ្រប់ជ្រុងជ្រោយរបស់សហគមន៍អន្តរជាតិ ចំពោះ​បញ្ហា​មនុស្ស​ធម៌ ដែលបង្កឡើងដោយមីនប្រឆាំងមនុស្ស ដែលជាអាវុធ បង្កផលអាក្រក់ដ៏ធ្ងន់ធ្ងរ ទោះបីជាជម្លោះប្រដាប់អាវុធបានបញ្ចប់ទៅជាច្រើនទសវត្សរ៍ក៏ដោយ៕

ហុងគ្រី ប្រឆាំងនឹងការដាក់បញ្ចូលអ៊ុយក្រែន ក្នុងសហភាពអឺរ៉ុបក្នុងអំឡុងពេលសង្គ្រាម

2023/11/24 01:33:07 pm        408
Facebook Telegram Linkin
រដ្ឋមន្ត្រីការបរទេសហុងគ្រី នៅទីស្នាក់ការអង្គការសហប្រជាជាតិក្នុងទីក្រុងញូវយ៉ក បាននិយាយថា ប្រទេសហុងគ្រីគឺប្រឆាំងនឹងការដាក់បញ្ចូលអ៊ុយក្រែន ទៅក្នុងសហភាពអឺរ៉ុប ក្នុងអំឡុងពេលសង្រ្គាមព្រោះវាជាពេលវេលាដ៏សាកសមសម្រាប់រុស្ស៊ី និងអ៊ុយក្រែន ក្នុងការចរចាសន្តិភាព។នៅក្នុងបទសម្ភាសន៍ផ្តាច់មុខជាមួយទូរទស្សន៍កណ្តាលចិន (CCTV) រដ្ឋមន្ត្រីក្រសួងការបរទេស និងពាណិជ្ជកម្មហុងគ្រី លោក ភីធឺ ហ្ស៊ីចចាតូ (Peter Szijjarto) បាននិយាយថា ការយកចិត្តទុកដាក់ជាសកលលើជម្លោះរុស្ស៊ី និងអ៊ុយក្រែន បានផ្លាស់ប្តូរដោយសារតែសង្គ្រាមនៅតំបន់ហ្កាហ្សា ស្ទ្រីប ហើយឥឡូវនេះគឺជាពេលវេលាដ៏ល្អឥតខ្ចោះសម្រាប់ ភាគីទាំងពីរក្នុងការធ្វើការចរចាសន្តិភាពដើម្បីការពារកុំឲ្យមានអ្នករងគ្រោះ និងការបំផ្លិចបំផ្លាញបន្ថែមទៀត។លោក ហ្ស៊ីចចាតូ បានបន្ថែមថា មានទស្សនៈផ្សេងគ្នាជាច្រើននៅក្នុងរដ្ឋាភិបាលហុងគ្រី នៅពេលនិយាយអំពីសមាជិកភាពសហភាពអឺរ៉ុបរបស់អ៊ុយក្រែន តែទោះជាយ៉ាងណាក៏ដោយ ការដាក់បញ្ចូលភាគីមួយនៃសង្រ្គាម នឹងបង្កើនភាពតានតឹងបន្ថែមទៀត ហើយនាំសហភាពអឺរ៉ុបចូលទៅក្នុងសង្រ្គាមកាន់តែខ្លាំង ហើយប្រទេសមួយ ដែលកំពុងមានសង្រ្គាម មានភាពមិនច្បាស់លាស់ និងបញ្ហាជាច្រើនដែលមិនអាចដោះស្រាយបាន៕

លោក Netanyahu ចោទអង្គការសហប្រជាជាតិថា យឺតយ៉ាវក្នុងការផ្តល់ជំនួយសង្គ្រោះដល់ជនភៀសខ្លួននៅហ្កាហ្សា

2023/11/24 01:30:04 pm        371
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានចោទប្រកាន់អង្គការសហប្រជាជាតិកាលពីថ្ងៃព្រហស្បតិ៍ថា មានភាពយឺតយ៉ាវក្នុងការចូលរួមក្នុងវិបត្តិមនុស្សធម៌ដែលកំពុងកើនឡើងនៅក្នុងតំបន់ហ្កាហ្សា ដោយបាននិយាយថា បុគ្គលិកផ្តល់ជំនួយបន្ទាន់របស់អង្គការសហប្រជាជាតិ ពុំបានចូលទៅក្នុង «តំបន់សុវត្ថិភាព» ដែលបានរៀបចំសម្រាប់ជនភៀសខ្លួនប៉ាឡេស្ទីននោះទេ។លោក Netanyahu បាននិយាយនៅក្នុងអំឡុងពេលជំនួបជាមួយនាយករដ្ឋមន្រ្តីអេស្ប៉ាញ លោក Pedro Sanchez និងនាយករដ្ឋមន្ត្រីបែលហ្ស៊ិក លោក Alexander De Croo នៅទីក្រុងហ្សេរុយសាឡឹមថា អ៊ីស្រាអែលកំពុងធ្វើអ្វីៗគ្រប់យ៉ាងនៅក្នុងអំណាចរបស់ខ្លួន ដើម្បីបញ្ចៀសការបង្កគ្រោះថ្នាក់ដល់ជនស៊ីវិល ខណៈក្រុមហាម៉ាស់ កំពុងធ្វើប្រតិបត្តិការពីខាងក្នុងទីតាំងជនស៊ីវិល និងអង្គការសហប្រជាជាតិ ដោយប្រើប្រាស់ប្រជាជនជាខែលការពារខ្លួន។ យោធាអ៊ីស្រាអែល បាននិយាយថា ខ្លួនបានបង្ហាញភស្តុតាងថា មន្ទីរពេទ្យ Al Shifa នៅតំបន់ហ្កាហ្សា ត្រូវបានប្រើជាមជ្ឈមណ្ឌលទីបញ្ជាការ និងជាមជ្ឈមណ្ឌលគ្រប់គ្រងសម្រាប់ចលនាឥស្លាមនិយមហាម៉ាស។

មេដឹកនាំកូរ៉េខាងជើងនិយាយថា ការបាញ់បង្ហោះផ្កាយរណប គឺជាការអនុវត្តន៍សិទ្ធិស្វ័យការពារ

2023/11/24 12:42:32 pm        272
Facebook Telegram Linkin
ប្រព័ន្ធផ្សព្វផ្សាយរដ្ឋបានរាយការណ៍ថា មេដឹកនាំកូរ៉េខាងជើងលោក គីម ជុងអ៊ុន បាននិយាយថា ការបាញ់បង្ហោះផ្កាយរណបចារកម្មកាលពីពេលថ្មីៗរបស់ប្រទេស គឺជាការអនុវត្តសិទ្ធិស្វ័យការពាររបស់ខ្លួន ខណៈទីក្រុងព្យុងយ៉ាងបានរៀបចំព្រឹត្តិការណ៍នេះដើម្បីបង្ហាញថា ខ្លួនអាចវាយប្រហារគ្រប់ទីកន្លែងលើពិភពលោក។ កូរ៉េខាងជើងបាននិយាយថា ខ្លួនបានដាក់ផ្កាយរណបចារកម្មដំបូងនៅក្នុងគន្លងតារាវិថី ធ្វើឲ្យមានការថ្កោលទោសពីអន្តរជាតិចំពោះការរំលោភលើសេចក្តីសម្រេចរបស់អង្គការសហប្រជាជាតិ ដែលរារាំងការប្រើប្រាស់បច្ចេកវិទ្យារបស់ប្រទេសនេះក្នុងការអនុវត្តកម្មវិធីមីស៊ីលបាលីស្ទីក។ ទីភ្នាក់ងារសារព័ត៌មាន KCNA បានរាយការណ៍ថា លោក Kim បានធ្វើទស្សនកិច្ចនៅរដ្ឋបាលបច្ចេកវិទ្យាអវកាសជាតិ ដើម្បីសាទរអ្នកវិទ្យាសាស្ត្រ និងអ្នកបច្ចេកទេសអវកាស និងបាននិយាយថា ការបាញ់បង្ហោះផ្កាយរណបកាលពីថ្ងៃអង្គារគឺជា «ការចាប់ផ្តើមព្រឹត្តិការណ៍» ក្នុងការប្រឈមមុខ «វិធានការដ៏គ្រោះថ្នាក់ និងការឈ្លានពាន» របស់កងកម្លាំងបង្កអរិភាព។លោក Kim និយាយថា ការមានផ្កាយរណបឈ្លបយកការណ៍ គឺជាការអនុវត្តពេញលេញនៃសិទ្ធិស្វ័យការពារ ដែលកងកម្លាំងប្រដាប់អាវុធកូរ៉េខាងជើង មិនអាចសុខចិត្តចុះចាញ់ ឬបញ្ឈប់ឡើយ ទោះបីស្ថិតក្នុងឱកាសណាក៏ដោយ។ប្រទេសកូរ៉េខាងជើង បានរៀបចំពិធីអបអរការបាញ់បង្ហោះផ្កាយរណបកាលពីថ្ងៃព្រហស្បតិ៍ ដែលនាយករដ្ឋមន្ត្រីលោក Kim Tok Hun បាននិយាយថាផ្កាយរណបនឹងអភិវឌ្ឍយោធាកូរ៉េខាងជើងទៅជា «កងទ័ពល្អបំផុតរបស់ពិភពលោក ដែលមានសមត្ថភាពវាយប្រហារពិភពលោកទាំងមូល»។មន្ត្រីកូរ៉េខាងត្បូងបាននិយាយថា ការបាញ់បង្ហោះចុងក្រោយនេះ ទំនងជាមានជំនួយបច្ចេកទេសពីប្រទេសរុស្ស៊ី ក្រោមភាពជាដៃគូកំពុងរីកចម្រើន ដែលបានមើលឃើញថា ទីក្រុងព្យុងយ៉ាងផ្គត់ផ្គង់ទៅឲ្យប្រទេសរុស្ស៊ីនូវគ្រាប់កាំភ្លើងធំរាប់លានគ្រាប់។

ការពិភាក្សារវាងបក្សប្រឆាំងកោះតៃវ៉ាន់ លើសំណើបេក្ខជនមេដឹកនាំ ធ្លាក់ក្នុងភាពតានតឹង បន្ទាប់ពីប៉ះទង្គិចពាក្យសម្ដី

2023/11/24 12:39:23 pm        152
Facebook Telegram Linkin
ការពិភាក្សារវាងគណបក្សប្រឆាំងសំខាន់ពីររបស់កោះតៃវ៉ាន់ ស្តីពីការបង្កើតសំណើបេក្ខជនមេដឹកនាំរួមគ្នាមួយ បានធ្លាក់ក្នុងភាពតានតឹងយ៉ាងខ្លាំងកាលពីថ្ងៃព្រហស្បតិ៍ (២៣ វិច្ឆិកា) បន្ទាប់ពីការប៉ះទង្គិចពាក្យសម្ដីដ៏គួរឱ្យភ្ញាក់ផ្អើលមួយបានផ្សាយបន្តផ្ទាល់តាមកញ្ចក់ទូរទស្សន៍ ដែលក្នុងនោះបណ្ដាមេដឹកនាំគណបក្ស បានឈ្លោះប្រកែកគ្នានិងបង្ហាញពីការសន្ទនាឯកជនដ៏រសើប។គណបក្សប្រឆាំងគូមីនតាំង (KMT) និងគណបក្សប្រជាជនតៃវ៉ាន់ (TPP) ដែលបក្សទាំងពីរកំពុងធ្វើយុទ្ធនាការដើម្បីបង្កើតទំនាក់ទំនងកាន់តែប្រសើរឡើងជាមួយប្រទេសចិន កាលពីមុនបានយល់ព្រមធ្វើការជាមួយគ្នាប្រឆាំងនឹងគណបក្សប្រជាធិបតេយ្យ (DPP) ដែលកំពុងកាន់អំណាច ប៉ុន្តែមិនមានការរីកចម្រើនលើផែនការសម្រាប់ការរួបរួមលើសំណើបេក្ខជនមេដឹកនាំទេ។នៅក្នុងគ្រាដ៏គួរឱ្យភ្ញាក់ផ្អើលបំផុតមួយតាមការផ្សាយផ្ទាល់លើកញ្ចក់ទូរទស្សន៍នៃកិច្ចពិភាក្សា បេក្ខជនមេដឹកនាំនៃបក្សគូមីនតាំង លោក ហួរ យុអ៊ីស (Hou Yu-ih) បានអានសារឯកជនមួយពីបេក្ខជនរបស់បក្សប្រជាជនតៃវ៉ាន់ លោក កូ វ៉ិនជេ (Ko Wen-je) ដែលក្នុងនោះលោក កូ បាននិយាយថា លោក ធឺរី ហ្គូវ (Terry Gou) ដែលជាអ្នកនយោបាយឯករាជ្យ ប៉ុន្តែមិនបានចុះឈ្មោះបេក្ខភាពមេដឹកនាំ ត្រូវតែស្វែងរកហេតុផលមួយដើម្បីបោះបង់ការប្រជែងតំណែងមេដឹកនាំកោះតៃវ៉ាន់។ ការប៉ះទង្គិចដ៏តានតឹងនេះបានកើតឡើងតិចជាងមួយថ្ងៃ មុនពេលដែលបក្សប្រឆាំងមួយនេះត្រូវចុះឈ្មោះបេក្ខជនមេដឹកនាំរបស់ខ្លួនជាមួយគណៈកម្មការរៀបចំការបោះឆ្នោតមុនការបោះឆ្នោតថ្ងៃទី ១៣ ខែមករា ដែលកំពុងកើតឡើងនៅពេលដែលប្រទេសចិន បង្កើនសម្ពាធយោធារបស់ខ្លួនដើម្បីព្យាយាម និងបង្ខំកោះនេះឱ្យទទួលយកការទាមទារសិទ្ធអធិបតេយ្យភាពរបស់ទីក្រុងប៉េកាំង៕

យានចម្លងដំណាក់កាលនៃការបាញ់បង្ហោះផ្កាយរណបរបស់កូរ៉េខាងជើង បានផ្ទុះ

2023/11/24 10:40:51 am        166
Facebook Telegram Linkin
យានចម្លងដំណាក់កាលមួយក្នុងចំណោមយានដំណាក់កាលផ្សេងទៀតនៃការបាញ់បង្ហោះផ្កាយរណបរបស់កូរ៉េខាងជើង បានផ្ទុះបន្ទាប់ពីការបំបែកខ្លួនកាលពីថ្ងៃអង្គារ នេះបើតាមវីដេអូដែលថតបានដោយក្រុមសង្កេតការណ៍តារាសាស្ត្រកូរ៉េខាងត្បូង បានបង្ហាញនៅក្នុងអ្វីដែលក្រុមអ្នកវិភាគមួយចំនួនបាននិយាយថា អាចជាការបំផ្លិចបំផ្លាញដោយចេតនាដើម្បីការពារការស្ដារឡើងវិញ។ ប្រទេសកូរ៉េខាងជើងបានបាញ់បង្ហោះផ្កាយរណបចារកម្មដំបូងរបស់ខ្លួនទៅកាន់គន្លងតារាវិថីកាលពីថ្ងៃអង្គារ បន្ទាប់ពីការប៉ុនប៉ងចំនួនពីរលើកកាលពីមុនក្នុងឆ្នាំនេះ បានបរាជ័យដោយយានទាំងនោះបានធ្លាក់ក្នុងអំឡុងពេលហោះហើរ។វីដេអូនេះត្រូវបានថតដោយកាមេរ៉ាដែលសាកលវិទ្យាល័យ យ៉ុនសៃ (Yonsei) របស់កូរ៉េខាងត្បូង ប្រើសម្រាប់មើលអាចម៍ផ្កាយ។ ក្រុមអ្នកវិភាគបាននិយាយថា វាបង្ហាញពីរ៉ូកែតឈ្មោះ ចុលលីម៉ា-១ (Chollima-1) ហោះកាត់មេឃ ហើយយានដំណាក់កាលមួយបានបំបែកខ្លួន។ បន្ទាប់មក យានដំណាក់កាលជាន់ក្រោមបានធ្លាក់ទៅឆ្ងាយមួយសន្ទុះ មុនពេលផ្ទុះឡើងមួយរំពេច និងបែកជាកំទេចកំទី។លោក ម៉ាកូ ឡាងប្រូក (Marco Langbroek) អ្នកជំនាញផ្កាយរណបនៅសកលវិទ្យាល័យសាកលវិទ្យាល័យបច្ចេកវិទ្យាក្នុងប្រទេសហូឡង់ ដែលហ្វ (Delft) បាននិយាយ គេមិនអាចប្រាប់ឱ្យប្រាកដបានទេថា តើការផ្ទុះនោះជាចេតនា ឬជាឧបទ្ទវហេតុ ប៉ុន្តែកូរ៉េខាងជើងបាននិយាយថា ខ្លួនបានប្រើយន្តការបំផ្លិចបំផ្លាញដោយខ្លួនឯង អំឡុងពេលការបាញ់បង្ហោះចុងក្រោយរបស់ខ្លួនកាលពីខែសីហា ជាវិធានការសុវត្ថិភាព បន្ទាប់ពីយាននោះបានបរាជ័យ។ក្រសួងការពារជាតិកូរ៉េខាងត្បូង បានប្រាប់សភាកាលពីថ្ងៃព្រហស្បតិ៍ (២៣ វិច្ឆិកា) ថា យោធាកូរ៉េខាងត្បូងកំពុងស្វែងរក និងស្រង់យកកំទេចកំទីពីរ៉ូកែតដែលបានផ្ទុះនោះ។ ក្រុមអ្នកជំនាញបាននិយាយថា ការយកមកវិញនូវផ្នែកនៃយានដែលផ្ទុះនេះ អាចផ្តល់នូវការស៊ើបការណ៍ដ៏មានតម្លៃលើសមត្ថភាព និងសមាសធាតុរបស់វា ខណៈកូរ៉េខាងត្បូង បានចោទប្រកាន់រុស្ស៊ី ថាបានផ្តល់ជំនួយបច្ចេកទេសដល់កូរ៉េខាងជើង សម្រាប់ការបាញ់បង្ហោះចុងក្រោយនេះ៕

លទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) នៅតាមបណ្ដាខេត្ត ប្រកាសជាផ្លូវការហើយ

2023/11/24 09:01:18 am        2798
Facebook Telegram Linkin
ក្រសួងអបរំ យុវជន និងកីឡា នៅព្រឹកថ្ងៃទី២៤ ខែវិច្ឆិកា ឆ្នាំ២០២៣នេះ បានប្រកាស​លទ្ធផលប្រឡងសញ្ញាបត្រមធ្យមសិក្សាទុតិយភូមិ នៅតាមបណ្ដាជាផ្លូវការហើយ។-មណ្ឌលខេត្តមណ្ឌលគិរី៖ https://web.facebook.com/moeys.gov.kh/posts/739329704887122-មណ្ឌលខេត្តស្ទឹងត្រែង៖ https://web.facebook.com/moeys.gov.kh/posts/739363421550417-មណ្ឌលខេត្តកោះកុង៖ https://www.facebook.com/moeys.gov.kh/posts/739374064882686-មណ្ឌលខេត្តរតនគិរី៖ https://web.facebook.com/moeys.gov.kh/posts/739746528178773-មណ្ឌលខេត្តក្រចេះ៖ https://www.facebook.com/moeys.gov.kh/posts/739757791510980-មណ្ឌលខេត្តកែប៖ https://www.facebook.com/moeys.gov.kh/posts/739278254892267-មណ្ឌលខេត្តកំពង់ចាម៖ https://www.facebook.com/moeys.gov.kh/posts/739841001502659-មណ្ឌលខេត្តឧត្ដរមានជ័យ៖ https://www.facebook.com/moeys.gov.kh/posts/739712934848799-មណ្ឌលខេត្តព្រះវិហារ៖ https://www.facebook.com/moeys.gov.kh/posts/739726018180824-មណ្ឌលខេត្តប៉ៃលិន៖ https://web.facebook.com/moeys.gov.kh/posts/739368828216543-មណ្ឌលខេត្តព្រះសីហនុ៖ https://www.facebook.com/moeys.gov.kh/posts/739751238178302-មណ្ឌលខេត្តសៀមរាប៖ https://web.facebook.com/moeys.gov.kh/posts/740016994818393-មណ្ឌលខេត្តពោធិ៍សាត់៖​ https://web.facebook.com/moeys.gov.kh/posts/740017284818364-មណ្ឌលខេត្តស្វាយរៀង៖​ https://www.facebook.com/moeys.gov.kh/posts/740024721484287-មណ្ឌលខេត្តតាកែវ៖ https://web.facebook.com/moeys.gov.kh/posts/740050514815041-មណ្ឌលខេត្តកំពង់ឆ្នាំង៖ https://web.facebook.com/moeys.gov.kh/posts/740051194814973-មណ្ឌលខេត្តកំពង់ស្ពឺ៖ https://web.facebook.com/moeys.gov.kh/posts/740067674813325-មណ្ឌលខេត្តបាត់ដំបង៖ https://web.facebook.com/moeys.gov.kh/posts/740085918144834-មណ្ឌលខេត្តកំពត៖ https://web.facebook.com/moeys.gov.kh/posts/740086174811475-មណ្ឌលខេត្តកំពង់ធំ៖ https://web.facebook.com/moeys.gov.kh/posts/740097524810340-មណ្ឌលខេត្តព្រៃវែង៖ https://web.facebook.com/moeys.gov.kh/posts/740104568142969-មណ្ឌលខេត្តត្បូងឃ្មុំ៖ https://web.facebook.com/moeys.gov.kh/posts/740105048142921-មណ្ឌលខេត្តបន្ទាយមានជ័យ៖ https://web.facebook.com/moeys.gov.kh/posts/740115944808498 

សម្ដេចធិបតី៖ ក្រោមការដឹកនាំដោយសម្ដេចតេជោ ហ៊ុន សែន កម្ពុជាកសាងបានមូលដ្ឋានគ្រឹះសេដ្ឋកិច្ចរឹងមាំ

2023/11/23 02:24:59 pm        293
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសានស៍ថា ប្រទេសកម្ពុជា ក្នុងរយៈកាលជាងពីរ​ទសវត្សរ៍​ចុងក្រោយនេះ ​ផ្ដើមចេញពីនយោបាយឈ្នះ ឈ្នះ របស់សម្ដេចតេជោ ហ៊ុន សែន​ អតីតនាយករដ្ឋមន្រ្ដីនៃកម្ពុជា កម្ពុជាកសាងបាននូវ​មូលដ្ឋាន​គ្រឹះសេដ្ឋកិច្ចរឹងមាំ​សម្រាប់ការអភិវឌ្ឍ​ដោយប្រកាន់យកប្រព័ន្ធសេដ្ឋកិច្ចទីផ្សារ។ សម្ដេចធិបតី នាយករដ្ឋមន្រ្ដី មានប្រសាសន៍ក្នុងឱកាស អញ្ជើញជាអធិបតីក្នុងសន្និសីទចក្ខុវិស័យ​ប្រទេសកម្ពុជា​ឆ្នាំ២០២៣ ដែលរៀបចំឡើងនៅសណ្ឋាគារសុខា នៅព្រឹកថ្ងៃទី២៣ ខែវិច្ឆិកា ឆ្នាំ២០២៣នេះថា សន្និសីទនេះគឺជាវេទិកាដ៏សំខាន់។ ដោយសារប្រធានបទឆ្នាំនេះ ផ្ដោតលើការ​គិតគូរ ពីដំណើរការរបស់កម្ពុជា ឆ្ពោះទៅឆ្នាំ ២០៣០ ​និងឆ្នាំបន្តបន្ទាប់ វត្តមានរបស់អ្នកពាក់ព័ន្ធ​ចូលរួមក្នុងវេទិកាក្នុងថ្ងៃនេះ​ បានបង្ហាញពីការផ្ដេជ្ញាចិត្តខ្ពស់ ក្នុងស្មារតីរួមចំណែក និង​សហការ​គូសវាស់ ​តម្រង់ទិស ​និងកំណត់ជោគវាសនាកម្ពុជា។ សម្ដេចធិបតី ហ៊ុន ម៉ាណែត មានប្រសាសន៍ថា ការគិតគូរទៅអនាគតចាំបាច់ត្រូវឈរលើមូលដ្ឋាន​សមិទ្ធផល​ដែលសម្រេច​បាននាពេលកន្លងមក​ ពោលគឺការគិតពី​អនាគត​កាន់តែឆ្ងាយទៅមុខ ចាំបាច់​ត្រូវពិនិត្យមើលអតីតកាល​ ដើម្បីឱ្យមានមូលដ្ឋានគ្រប់គ្រាន់។ សម្ដេចធិបតីនាយករដ្ឋមន្រ្ដីបានរម្លឹកឡើងថា ​ក្នុងរយៈកាលជាងពីរ​ទសវត្សរ៍​ចុងក្រោយនេះ ផ្ដើមចេញ​ពីនយោបាយឈ្នះ ឈ្នះ របស់សម្ដេចតេជោ ហ៊ុន សែន​ អតីតនាយករដ្ឋមន្រ្ដីនៃកម្ពុជា កម្ពុជាកសាង​បាននូវមូលដ្ឋានគ្រឹះសេដ្ឋកិច្ចរឹងមាំ សម្រាប់ការអភិវឌ្ឍដោយប្រកាន់យកប្រព័ន្ធ​សេដ្ឋកិច្ច​ទីផ្សារ តាមរយៈ ទី១ ការបើកចំហរ ការធ្វើពាណិជ្ជកម្មអន្តរជាតិឈរលើគោលការណ៍​ពហុភាគីនិយម។ ទី២ ​ការជំរុញ ទាក់ទាញ​ការ​វិនិយោគ​ផ្ទាល់ពី​បរទេស​ ដើម្បី​ជាមូលដ្ឋាន​កសាង​ជន្ទល់ថ្មីៗ សម្រាប់​ទ្រទ្រង់​កំណើន​សេដ្ឋកិច្ច។ ទី៣ ការពង្រឹង ​និងការស្ដារ​ហេដ្ឋា​រចនា​សម្ព័ន្ធរឹង ដូចជា​ផ្លូវថ្នល់ ទឹក និងភ្លើង ​ដើម្បីលើកកម្ពស់ការតភ្ជាប់​ សម្រួលការចល័តធនធាន និងកម្លាំង​ពលកម្ម ក៏ដូចជាពង្រាយមូលដ្ឋានផលិតកម្ម។ ទី៤ ការបន្ត​អភិវឌ្ឍន៍​ និង​ការ​លើកកម្ពស់មូល​ធនមនុស្ស ​ដើម្បីចូលរួម​នៅក្នុងសកម្មភាពសេដ្ឋកិច្ច និងបង្កើនផលិតភាព ​និងទី៧ ការកែ​ទម្រង់ស្ថាប័ន និងអភិបាលកិច្ចជាប្រចាំ ដើម្បីធានាប្រសិទ្ធភាពនៃការគ្រប់គ្រងប្រព័ន្ធនយោបាយ និង​សេដ្ឋកិច្ច រួមទាំងប្រព័ន្ធហិរញ្ញវត្ថុសាធារណៈ ​និងប្រព័ន្ធធនាគារឱ្យមានប្រសិទ្ធភាព និង​ស័ក្ដិសិទ្ធិ​ភាពព្រមទាំងបែងចែកឱ្យមានផ្លែផ្កា កំណើន​ ឱ្យមានសមធម៌ ​និងបរិយាបន្ន។ សម្ដេចធិបតី ហ៊ុន ម៉ាណែត បានបញ្ជាក់ថា ​ជាលទ្ធផលកម្ពុជាសម្រចបានកំណើនសេដ្ឋកិច្ចរឹងមាំ​ប្រកបដោយចីរភាពក្នុងអត្រាជាមធ្យមប្រមាណ ​៧% ក្នុងមួយឆ្នាំសម្រាប់រយៈពេលជាង ២ ​ទសវត្សរ៍​កន្លងមក ​ដែលនាំឱ្យកម្ពុជា​សម្រេចបានក្នុងឋាន​ជាប្រទេសមាន​ចំណូលមធ្យមកម្រិតទាបក្នុងឆ្នាំ ២០១៥ ​ដោយ​ទំហំផលិតផលក្នុងស្រុកកើនឡើងប្រមាណ​ ១០ ដង ​ពីប្រមាណ ៣,១១ ប៊ីលលានដុល្លារ​អាមេរិកក្នុងឆ្នាំ ១៩៩៨ ដល់ ២៩,៦០​ ប៊ីលលានដុល្លារអាមេរិក​ ក្នុងឆ្នាំ ២០២២។ ចំណែក ផលិតផលក្នុងស្រុកសរុប (ផ.ស.ស) ​សម្រាប់មនុស្សម្នាក់បានកើនឡើងរហូត ៧ ដង គឺប្រមាណ ២៥៣ ដុល្លារ ក្នុងឆ្នាំ ១៩៩៨ ដល់ប្រមាណ ​១៧៨៤ ដុល្លារ​ នៅក្នុងឆ្នាំ ២០២២។ អត្រាភាពក្រីក្រធ្លាក់ចុះក្រោម ១០ ភាគរយ នៅមុនវិបត្តិជំងឺកូវីដ-១៩ និងគម្លាតវិសមភាព​សង្គមកាន់តែរួញតូច ​ហើយរចនាសម្ព័ន្ធសេដ្ឋកិច្ចកម្ពុជាបាន​ផ្ដាស់ប្ដូរ​ពីសេដ្ឋកិច្ចពឹងផ្អែកជា​ចំបង​លើកសិកម្មប្រពៃណី ​ទៅជាសេដ្ឋកិច្ចពឹងលើឧស្សាហកម្ម ​និងសេវាកម្ម ដែល​មាន​តម្លៃបន្ថែមខ្ពស់ជាង៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ប្រធានជំនួយ UN ធ្វើដំណើរទៅកាន់សូម៉ាលី ខណៈកង្វះខាតស្បៀងអាហារ និងមូលនិធិកាន់តែធ្ងន់ធ្ងរ
04/29/2026 09:04 PM
Facebook Telegram Linkin
អង្គភាពអ្នកនាំពាក្យរាជរដ្ឋាភិបាលបន្តបេសកកម្មតម្រង់ទិសស្ដីពី «ប្រសិទ្ធភាពព័ត៌មាន និងការគ្រប់គ្រងសាធារណមតិ»
04/29/2026 09:04 PM
Facebook Telegram Linkin
រូបិយប័ណ្ណរបស់អ៊ីរ៉ង់ធ្លាក់ដល់កម្រិតទាបបំផុត ខណៈបន្តមានបទឈប់បាញ់ផុយស្រួយជាមួយអាមេរិក
04/29/2026 08:04 PM
Facebook Telegram Linkin
ហេតុការណ៍ដេញចាក់នៅតំបន់ជនជាតិជ្វីហ្វទីក្រុងឡុងដ្រ៍ បណ្តាលឲ្យមនុស្ស ២នាក់ រងរបួស
04/29/2026 08:04 PM
Facebook Telegram Linkin
ចិននឹងហាមឃាត់ការលក់យានដ្រូន នៅទីក្រុងប៉េកាំង ដោយសារក្ដីបារម្ភផ្នែកសន្តិសុខ
04/29/2026 08:04 PM
Facebook Telegram Linkin
ផ្កាថ្មប៉ប្រះទឹក Abrolhos របស់ប្រេស៊ីល ធ្លាក់ចុះ ១៥ភាគរយ ក្នុងរយៈពេលជាង ១៨ឆ្នាំ
04/29/2026 08:04 PM
Facebook Telegram Linkin
រុស្ស៊ី៖ ការចាកចេញពី OPECរបស់អារ៉ាប់រួម នឹងបង្កើនផលិតកម្មសកល ធ្វើឲ្យតម្លៃប្រេងធ្លាក់ចុះនៅពេលអនាគត
04/29/2026 08:04 PM
Facebook Telegram Linkin
សង្រ្គាមនៅអ៊ុយក្រែនបង្កើនការប្រើប្រាស់រថពាសដែកផលិតនៅប្រទេសស៊ុយអែត
04/29/2026 08:04 PM
Facebook Telegram Linkin
រុស្ស៊ី៖ ការផ្គត់ផ្គង់យានដ្រូនអឺរ៉ុបដល់អ៊ុយក្រែន អាចមានផលវិបាកមិនអាចព្យាករបាន
04/29/2026 08:04 PM
Facebook Telegram Linkin
សីតុណ្ហភាពកើនឡើងនៅប្រទេសឥណ្ឌា ជំរុញតម្រូវការកង្ហា និងម៉ាស៊ីនត្រជាក់
04/29/2026 08:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.