BTV NEWS

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវ នៅទីតាំងដីសម្បទានសង្គមកិច្ច ខេត្តឧត្តរមានជ័យ

នយោបាយ និង ការអភិវឌ្ឍន៍

រដ្ឋសភាបន្តសម័យប្រជុំ លើកទី១ នីតិកាលទី៧ ដើម្បីអនុម័តសេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល

នៅព្រឹកថ្ងៃទី៩ ខែតុលា ឆ្នាំ២០២៣ រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំរដ្ឋសភា លើកទី១ នីតិកាលទី៧ ក្រោមអធិបតីភាពដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត ជាម យៀប ប្រធានរដ្ឋសភាស្តីទី ដោយមានវត្តមានសមាជិកសមាជិការដ្ឋសភា ពេលចាប់ផ្តើមសម័យប្រជុំ មានចំនួន ១០១រូប។របៀបវារៈនៃការបន្តសម័យប្រជុំលើកទី១ នីតិកាលទី៧ នាថ្ងៃនេះគឺ ការពិភាក្សា និងអនុម័តសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានអាកាសចរណ៍ស៊ីវិល៕

ក្រុមតាលីបង់៖ ចំនួនអ្នកស្លាប់ពីគ្រោះរញ្ជួយដីនៅអាហ្វហ្គានីស្ថានកើនដល់២.៤៤៥នាក់ ខណៈតួលេខអាចកើនឡើងទៀត

អាហ្វហ្គានីស្ថាន៖ ក្រុមបាលតាលីបង់របស់អាហ្វហ្គានីស្ថាន បាននិយាយកាលពីថ្ងៃអាទិត្យ (៨ តុលា) ថា មនុស្សជាង២.៤០០នាក់ បានស្លាប់ក្នុងគ្រោះរញ្ជួយដីនៅប្រទេសអាហ្វហ្គានីស្ថាន ខណៈការស្លាប់អាចកើនឡើងបន្ថែមទៀត ដោយធ្វើឲ្យគ្រោះធម្មជាតិនោះ ក្លាយជាគ្រោះរញ្ជួយដ៏មហន្តរាយបំផុត ដែលបានវាយប្រហារប្រទេសសម្បូរទៅដោយភ្នំ ព្រមទាំងងាយនឹងរញ្ជួយដីមួយនេះ ក្នុងរយៈពេលជាច្រើនឆ្នាំមក។ ការរញ្ជួយដីកាលពីថ្ងៃសៅរ៍ នៅភាគខាងលិចនៃប្រទេសនេះ បានវាយប្រហារទីក្រុងចម្ងាយ ៣៥គីឡូម៉ែត្រ នៅភាគពាយព្យនៃទីក្រុង Herat ក្នុងកម្រិត៦,៣រ៉ិចទ័រ នេះបើតាមការស្ទង់មតិភូគព្ភសាស្ត្រសហរដ្ឋអាមេរិក (USGS)។ការរញ្ជួយដីទាំងនោះ ស្ថិតក្នុងចំណោមគ្រោះរញ្ជួយដី ដែលមានមនុស្សស្លាប់ច្រើនបំផុតក្នុងពិភពលោកក្នុងឆ្នាំនេះ បន្ទាប់ពីការរញ្ជួយដីនៅប្រទេសទួរគី និងស៊ីរី ដែលបានសម្លាប់មនុស្សប្រមាណ៥០.០០០ នាក់ កាលពីខែកុម្ភៈ។ លោក Janan Sayeeq អ្នកនាំពាក្យក្រសួងគ្រោះមហន្តរាយអាហ្វហ្គានីស្ថាន បាននិយាយនៅក្នុងសារមួយទៅកាន់សារព័ត៌មាន រ៉យទ័រ ថា ចំនួនអ្នកស្លាប់បានកើនឡើងដល់ ២.៤៤៥នាក់ហើយ ប៉ុន្តែលោកបានកែប្រែចំនួនអ្នករបួសមកនៅត្រឹម «ជាង២.០០០នាក់ប៉ុណ្ណោះ » ព្រោះនៅមុននោះ លោកបាននិយាយថា មនុស្ស ៩.២៤០នាក់បានរងរបួស។ លោក Sayeeq បានបន្ថែមថា លំនៅឋានចំនួន ១.៣២០ខ្នង ត្រូវបានខូចខាត ឬបំផ្លាញផងដែរ៕

អ៊ីស្រាអែល វាយប្រហារសងសឹក បន្ទាប់ពីការវាយប្រហាររបស់ក្រុមហាម៉ាស ដែលធ្វើឲ្យចំនួនអ្នកស្លាប់កើនឡើងដល់ជាង១.១០០នាក់

អ៊ីស្រាអែល៖ អ៊ីស្រាអែលបានវាយលុកតំបន់ហ្គាហ្សារបស់ប៉ាឡេស្ទីន ដោយបានសម្លាប់មនុស្សរាប់រយនាក់ ជាការសងសឹកចំពោះការវាយប្រហារដ៏បង្ហូរឈាមបំផុតមួយក្នុងប្រវត្តិសាស្ត្ររបស់ខ្លួន នៅពេលក្រុមអ៊ីស្លាមហាម៉ាសបានសម្លាប់ជនជាតិអ៊ីស្រាអែល ៧០០នាក់ និងចាប់ជម្រិតរាប់សិបនាក់ទៀត។ការវាយលុករបស់ក្រុមយុទ្ធជនហាម៉ាសទូទាំងទីក្រុងរបស់អ៊ីស្រាអែលកាលពីថ្ងៃសៅរ៍គឺជាការលុកលុយដ៏សាហាវបំផុតចាប់តាំងពីការវាយប្រហាររបស់អេហ្ស៊ីបនិងស៊ីរីនៅក្នុងសង្គ្រាមចំទិវាដ៏ពិសិដ្ឋ យ៉ុម គីពួរ (Yom Kippur) កាលពី៥០ ឆ្នាំមុន ហើយបានគំរាមដុតបញ្ឆេះការផ្ទុះឡើងមួយទៀតនៅក្នុងជម្លោះមិនចេះចប់។ ជាការឆ្លើយតប ការវាយប្រហារតាមអាកាសរបស់អ៊ីស្រាអែលកាលពីថ្ងៃអាទិត្យបានវាយប្រហារលើប្លុកលំនៅដ្ឋាន ផ្លូវក្រោមដី វិហារអ៊ីស្លាម និងផ្ទះរបស់មន្ត្រីក្រុមហាម៉ាសនៅតំបន់ហ្គាហ្សា ដោយបានសម្លាប់មនុស្សជាង ៤០០នាក់ រួមទាំងកុមារ ២០នាក់ តាមសន្យារបស់លោកនាយករដ្ឋមន្ត្រី បេន ចាមីន ណេតានយ៉ាហ៊ូ (Benjamin Netanyahu) ចំពោះការសងសឹកដ៏ខ្លាំងក្លា។រដ្ឋមន្ត្រីក្រសួងការពារជាតិអ៊ីស្រាអែល លោកយ៉ាវ ហ្គាឡាន(Yoav Gallant) នៅទីក្រុង អូហ្វាគីម( Ofakim) ដែលបានរងរបួស និងត្រូវចាប់ជាចំណាប់ខ្មាំង បាននិយាយថា តំបន់ហ្គាហ្សា នឹងត្រូវ សងយ៉ាងធ្ងន់ធ្ងរនូវអ្វីដែលខ្លួនបានធ្វើ ដែលនឹងផ្លាស់ប្តូរការពិតជាច្រើនជំនាន់ ។លើសពីការរារាំងតំបន់ហ្គាហ្សា កងកម្លាំងអ៊ីស្រាអែល និងកងជីវពល ហេស្បូឡា (Hezbollah) គាំទ្រដោយប្រទេសលីបង់របស់អ៊ីរ៉ង់ បានបាញ់តបតដោយកាំភ្លើងធំ និងគ្រាប់រ៉ូកែត ខណៈដែលនៅក្នុងប្រទេសអេហ្ស៊ីប អ្នកទេសចរជនជាតិអ៊ីស្រាអែលពីរនាក់ត្រូវបានបាញ់សម្លាប់ រួមជាមួយនឹងមគ្គុទ្ទេសក៍ម្នាក់៕

សម្តេចតេជោ ហ៊ុន សែន ផ្ញើលិខិតរំលែកទុក្ខក្រុមគ្រួសារសពនិស្សិតកសិកម្មដែលរងគ្រោះស្លាប់ក្នុងការប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់

ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នៅថ្ងៃទី៨ ខែតុលា ឆ្នាំ ២០២៣នេះ បានផ្ញើសារចូលរួមរំលែកទុក្ខដ៏ក្រៀមក្រំទៅកាន់ក្រុមគ្រួសារសព លោក ចាន់ ឧត្តម ដែលបានរងគ្រោះបាត់បង់ជីវិតក្នុងការវាយប្រហារគ្នារវាងកងទ័ពអ៊ីស្រាអែល និងក្រុមហាម៉ាស់(ប៉ាឡេស្ទីន)។យោងតាមលិខិតរំលែកមរណទុក្ខ សម្ដេចតេជោ មានក្តីរំជួលចិត្តឥតឧបមានិងការ សោកស្តាយជាពន់ពេក ដោយបានទទួលដំណឹងដ៏ក្រៀមក្រំថា លោក ចាន់ ឧត្តម ដែលជាកូន បង្កើតរបស់លោក លោកស្រី និងជានិស្សិតនៅសាកលវិទ្យាល័យភូមិន្ទកសិកម្ម (ចំការដូង) បានទទួល មរណភាពដោយសារហេតុការណ៍ប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់ នៅថ្ងៃសៅរ៍ ទី០៧ ខែតុលា ឆ្នាំ២០២៣ ក្នុងជន្មាយុ ២៤ឆ្នាំ ក្នុងអំឡុងពេលលោកកំពុងស្នាក់នៅនិងបន្តការសិក្សា នៅប្រទេសអ៊ីស្រាអែល។ក្នុងវេលាប្រកបដោយសមានទុក្ខដ៏មហាក្រៀមក្រំនេះ សម្ដេចតេជោ ចូលរួមរំលែកនូវមរណទុក្ខប្រកប ដោយក្តីសង្វេគ សោកស្តាយ ស្រណោះ អាឡោះអាល័យជាទីបំផុតជាមួយលោក លោកស្រី និង ក្រុមគ្រួសារនៃសព ចំពោះការបាត់បង់លោក ចាន់ ឧត្តម ដែលជាការបាត់បង់នូវធនធានមនុស្ស មួយរូបដែលបានកំពុងបំពេញបេសកកម្មបន្តការសិក្សា ដើម្បីបង្កើនកម្រិតសមត្ថភាពយកមកបំរើប្រទេសជាតិ ។ជាមួយគ្នានេះដែរ សម្ដេចតេជោ សូមឧទ្ទិសបួងសួងដល់ដួងវិញ្ញាណក្ខន្ធលោក ចាន់ ឧត្តម សូមឆាប់ បានចាប់កំណើតកើតក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕

សម្ដេចធិបតីទូរស័ព្ទផ្ទាល់រំលែកទុក្ខក្រុមគ្រួសារសពនិស្សិតកសិកម្មដែលរងគ្រោះស្លាប់ ក្នុងការប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានទូរស័ព្ទដោយផ្ទាល់ និងផ្ញើលិខិតចូលរួមរំលែកទុក្ខដ៏ក្រៀមក្រំទៅកាន់ក្រុមគ្រួសារសព លោក ចាន់ ឧត្តម ដែលបានរងគ្រោះបាត់បង់ជីវិត ក្នុងការវាយប្រហារគ្នារវាងកងទ័ពអ៊ីស្រាអែល និងក្រុមហាម៉ាស់(ប៉ាឡេស្ទីន) ។តាមសារលិខិតរំលែកមរណទុក្ខ សម្ដេចធិបតីនាយករដ្ឋមន្រ្ដី ផ្ញើជូន ឪពុកម្ដាយ និងភរិយា សម្ដេចបានសម្ដែងនូវសេចក្តីក្តុកក្តួលរំជួលចិត្តឥតឧបមា ដោយបានទទួលដំណឹងថា លោក ចាន់ ឧត្តម ដែលត្រូវជាកូនប្រុស និងជាស្វាមី និងជានិស្សិត នៃសាកលវិទ្យាល័យភូមិន្ទកសិកម្ម (ចំការដូង) អាយុ ២៤ឆ្នាំ បានទទួលមរណភាពដោយហេតុការណ៍ប្រយុទ្ធគ្នារវាងកងទ័ពអ៊ីស្រាអែល និងក្រុម ហាម៉ាស់ នៅថ្ងៃសៅរ៍ ទី៧ ខែតុលា ឆ្នាំ២០២៣ ខណៈកំពុងស្នាក់នៅ និងបន្តការសិក្សានៅប្រទេសអ៊ីស្រាអែល។សម្ដេចធិបតី បានចូលរួមរំលែកទុក្ខប្រកបដោយក្ដីសង្វេគ អនិច្ចលក្ខណធម៌យ៉ាងជ្រាលជ្រៅ ព្រមទាំងសោកស្តាយស្រណោះអាឡោះអាល័យស្ទើររកទីបំផុតគ្មាន ព្រោះថាការបាត់បង់លោក ចាន់ ឧត្ដម គឺជាការបាត់បង់នូវកូនប្រុស ចៅប្រុស និងប្អូនប្រុស ដែលប្រកបដោយ កតញ្ញូតាធម៌ គុណធម៌ ចំពោះឪពុកម្តាយ ជីដូន ជីតា និងបងប្រុសស្រីបង្កើតជាទីស្រលាញ់ទាំងអស់ ហើយនេះ ក៏ជាការបាត់បង់ធនធានមនុស្សដ៏មានសក្តានុពលមួយរូប ដែលបាន និងកំពុងបំពេញបេសកកម្មសិក្សាបង្កើន កម្រិតសមត្ថភាព ដើម្បីយកមកបម្រើឧត្តមប្រយោជន៍ជាតិ សាសនា ព្រះមហាក្សត្រ និងប្រជាជនកម្ពុជា ជាទីស្នេហាបំផុតនៃយើង។សម្ដេចធិបតី និងភរិយា សូមឧទ្ទិសបួងសួងដល់ដួងវិញ្ញាណក្ខន្ធ លោក ចាន់ ឧត្តម សូមឆាប់បានយោងយកកំណើតកើតក្នុងសុគតិភពគ្រប់ៗជាតិ កុំបីឃ្លៀងសឃ្លាតឡើយ៕

សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញកាន់បិណ្ឌទី៩ នៅវត្តចំពុះក្អែក

ភ្នំពេញ៖ នាព្រឹកថ្ងៃអាទិត្យ ៩រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែតុលា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និង សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ព្រមទាំងក្រុមគ្រួសារ ញាតិមិត្ត រួមជាមួយថ្នាក់ដឹកនាំមួយចំនួនទៀត បានអញ្ជើញចូលរួមកាន់បិណ្ឌវេណទី៩ ជាមួយពុទ្ធបរិស័ទជិតឆ្ងាយ នៅវត្តមុន្នីសុវណ្ណ «ហៅវត្តចំពុះក្អែក» ស្ថិតក្នុងខណ្ឌច្បារអំពៅ រាជធានីភ្នំពេញ ។ដោយគោរពយ៉ាងខ្ជាប់ខ្ជួនតាមទំនៀមទម្លាប់ ប្រពៃណីព្រះពុទ្ធសាសនា និងជាការឧទ្ទិសតបស្នងសងគុណចំពោះវិញ្ញាណក្ខន្ធ មាតាបិតា ញាតិការទាំងឡាយដែលបានចែកឋានទៅកាន់លោកខាងមុខ ជារៀងរាល់ឆ្នាំ ក្នុងវេណទី៩ នៃពិធិបុណ្យភ្ជុំបិណ្ឌ ដែលជាពិធីបុណ្យតាមបែបសាសនាដ៏ធំរបស់ពុទ្ធសាសនិកជនខ្មែរយើង សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងបងប្អូន កូនចៅ ក្រុមគ្រួសារសម្តេច តែងមកកាន់ទីអារាម វត្តជំពុះក្អែក ដើម្បីនាំយកនូវគ្រឿងចង្ហាន់បិណ្ឌបាត ម្ហូប អាហារ ភេសជ្ជៈនំចំណី គ្រឿងឧបភោគបរិភោគទាំងឡាយ រួមទាំងបច្ច័យ ដើម្បីវេរប្រគេនចំពោះព្រះសង្ឃពុំដែលខកខាន ឡើយ។ក្នុងសាលាឆាន់នៃទីអារាមដ៏ល្អប្រណិត និងធំស្កឹមស្កៃនេះ សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ បាន អញ្ជើញបូជា,ទៀន,ធូប ថ្វាយចំពោះព្រះពុទ្ធបដិមា និងបា្ររព្ធពិធីសូត្រមន្ត សមាទានសីល តាមសិក្ខាបទ ដើម្បីរំលឹកដល់គុណបុណ្យ ព្រះរតនត្រ័យ និងព្រះសម្មាសម្ពុទ្ធព្រះបរមគ្រូ ដែលពុទ្ធសានិកជនខ្មែរយើងគោរពប្រតិបត្តិរហូតមក។លំដាប់អំពីបទនមស្សការ សមាទានសីលចប់សព្វគ្រប់ សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ឯកឧត្តម លោកជំទាវ ជាក្រុមគ្រួសារ បុត្រធិតា និងពុទ្ធបរិស័ទទាំងអស់ បានអញ្ជើញរាប់បាត្រ បង្សុកូល ជាកិច្ចឧទ្ទិសកុសលផលបុណ្យ ជូនវិញ្ញាណក្ខ័ន បុព្វការីជន មាតាបិតាដែលបានចែកឋានទៅកាន់បរលោកខាងមុខ ក្នុងនោះមានវិញ្ញាណក្ខន្ធអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង វិញ្ញាណក្ខន្ធមហាឧបាសិកា ឌី ប៉ុក ជាបិតាមាតាបង្កើតសម្តេចតេជោ ហ៊ុន សែន វិញ្ញាណក្ខន្ធមហាឧបាសក លីនគ្រី វិញ្ញាណក្ខន្ធ អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ជាបិតាមាតាបង្កើត សម្តេចកិត្តិព្រឹទ្ធបណ្ឌិត វិញ្ញាណក្ខន្ធសម្តេចឧត្តមទេពញាណ ហ៊ុន ណេង បងប្រុសបង្កើតសម្តេចតេជោ វិញ្ញាណក្ខន្ធលោកជំទាវមហាសទ្ធាភិរ័ត្នធម្មសិរីរតន៍អគ្គមហាឧបាសិកាពុទ្ធសាសនូបត្ថម្ភក៌ ប៊ុន សុថា ប្អូនបង្កើតសម្តេចកិត្តិព្រឹទ្ធបណ្ឌិត វិញ្ញាណក្ខន្ធកុមារា ហ៊ុន កំសត់ បុត្រាច្បងសម្តេចតេជោ និងសម្តេចកិត្តិព្រឹទ្ធបណ្ឌិត និងញាតិការសាច់សារលោហិត ដែលបានចែកឋានទៅកាន់វរៈលោកខាងមុខហើយនោះ សូមវិញ្ញាណក្ខន្ធអ្នកមានគុណទាំងអស់បានសោយសុខ ក្នុងឋានដ៏ខ្ពង់ខ្ពស់ និងសុគតិភព កុំបីឃ្លាងឃ្លាតឡើយ។ មួយផ្នែកនៃកុសលផលបុណ្យ ដែលកើតមានក្នុងថ្ងៃនេះ ក៏សូមឧទ្ទិសជូនវិញ្ញាណក្ខន្ធវីរជនអ្នកស្នេហាជាតិ ដែលបាន ពលីជីវិត ក្នុងបុព្វហេតុជាតិមាតុភូមិ ព្រមទាំងវិញ្ញាណក្ខន្ធ ជនរួមជាតិខ្មែរស្លូតត្រង់ជាង៣លាននាក់ ដែលបានបាត់បង់អាយុជីវិតយ៉ាងអយុត្តិធម៌ ក្នុងរបបប្រល័យពូជសាសន៍ ប៉ុលពត សូមអោយវិញ្ញាណក្ខ័នអ្នកទាំងអស់នោះ បានសោយសុខក្នុងឋានសុគតិភពគ្រប់ៗគ្នា។ ម្យ៉ាងវិញទៀត តាមរយៈអំណាចនៃផល្លានិសង្ឃកើតចេញពីទឹកចិត្តជ្រះថ្លា ក្នុងថ្ងៃកាន់បិណ្ឌនេះដែរ សម្តេចព្រះពោធិវង្ស អំ លឹម ហេង ព្រះសង្ឃនាយករងទី១ នៃព្រះរាជាណាចក្រកម្ពុជា និងព្រះថេរានុថេរគ្រប់ព្រះអង្គ ទាំង២០៥អង្គ ដែលគង់ក្នុងទីអារាម វត្តមុនីសុវណ្ណ បានលើកឧទ្ទិសថ្វាយដល់វត្ថុសក្តិសិទ្ធក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមតាមជួយបីបាច់ថែរក្សាការពារ និងទ្រទ្រង់វិញ្ញាណក្ច័ន្ធលោកអ្នកមានគុណទាំងអស់របស់សម្តេចទាំងទ្វេ សូមបានយោនយក កំណើតក្នុងទីឋានដ៍ខ្ពង់ខ្ពស់។ អានិសង្ឃដែលកើតមានក្នុងថ្ងៃនេះ ក៍សូមលើកថ្វាយដល់អស់វត្ថុសក្តិសិទ្ធលោក សូមជួយប្រោសព្រហ្មប្រសិទ្ធិពរជ័យ សិរីមង្គលគ្រប់ប្រការ ជូនសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមមានសុខភាពល្អបរិបូរណ៍ ជន្មាយុ យឺនយូរ ពូលានុភាពមាំមួន បញ្ញាញាណភ្លឺថ្លា ដើម្បីបន្តស្ថិតនៅជាអ្នកដឹកនាំបំរើជាតិ សាសនា ព្រះមហាក្សត្រ ឲ្យកាន់តែទទួលបាននូវការអភិវឌ្ឍរីកចំរើនលើគ្រប់វិស័យ ប្រជាពលរដ្ឋទទួលបាននូវភាពសុខដុមរមនា និងការរីកចំរើនគ្រប់ក្រុមគ្រួសារ។សូមបញ្ជាក់ថា នៅក្នុងឱកាស នៃការប្រារព្វពិធីបុណ្យភ្ជុំ-ភ្ជុំបិណ្ឌ ឆ្នាំថោះ បញ្ចស័ក ពុទ្ធសករាជ២៥៦៧នេះ សម្តេចអគ្គមហាសេ នាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានរៀបចំនូវទេយ្យទានប្រគេនព្រះសង្ឃចំនួន ១០វត្តផ្សេងទៀត ក្រៅពីវត្តមុនីសុវណ្ណ ក្នុងនោះរួមមាន វត្តមុនីប្រសិទ្ធវង្ស វត្តចន្ទបុរីវង្ស វត្តព្រែកតាទែន វត្តក្រពើហារ វត្តបុទុមវតី វត្តក្របៅ វត្តតាខ្មៅ វត្តព្រែកសំរោង វត្តវាំងចាស់ និងវត្តព្រែកឬស្សី ដែលវត្តនីមួយៗទទួលបាននូវភេសជ្ជៈទឹកសុទ្ធ ទឹកក្រូច ទឹកត្រឡាច ទឹកសណ្តែក មៀនកំប៉ុង ទឹកគូលេន ទឹកដោះគោខាប់ ត្រីខកំប៉ុង កាកាវ ស្ករស តែ មី នំ អង្ករ និងបច្ច័យ ក្នុង១វត្តៗ ២លានរៀល។ ក្នុងឱកាសនេះ សម្តេចអគ្គមហាសេនាបតីតេជោ ហ៊ុនសែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងក្រុមគ្រួសារ បាននាំយកគ្រឿងឧបភោគ បរិភោគ និងភេជ្ជៈជាច្រើនមុខ និងបច្ច័យ ជាសទ្ធាជ្រះថ្លាផ្ទាល់ និងបច្ច័យជាការបរិច្ចាកពីពុទ្ធបរិស័ទវេនបិណ្ឌទី៩ សរុបចំនួន៥២លាន២សែនរៀល និង១ម៉ឺន២ពាន់២៧០ដុល្លា ប្រគេនសម្តេច ព្រះពោធិវង្ស សំរាប់តម្កល់ទុកកសាងសមិទ្ធិផលនានា ក្នុងវត្តជុំពុះក្អែកនេះ។ ដោយឡែកសម្តេចតេជោ និងសម្តេចកិត្តិព្រឹទ្ធបណ្ឌិត បានបវរណាចតុបច្ច័យ ប្រគេនព្រះសង្ឃ ២០៥អង្គ ក្នុងមួយអង្គៗបច្ច័យ៥ម៉ឺនរៀល។នៅក្នុងពិធីបុណ្យកាន់បិណ្ឌវេន៩នេះ សម្តេចតេជោ និងសម្តេចកិត្តិព្រឹទ្ធបណ្ឌិត ឯកឧត្តម លោកជំទាវជាពុទ្ធបរិស័ទទាំងអស់ បានអញ្ជើញពូនភ្នំខ្សាច់ ពូភ្នំអង្ករ ដើម្បីរំដោះនូវទុក្ខទោសផងទាំងពួង ទាំងក្នុងពេលបច្ចុប្បន្ន និងទៅអនាគតជាតិ ពិសេស បួងសួងដល់គុណបុណ្យព្រះរតនត្រ័យថែរក្សាក្នុងលោក សូមតាមជួយបីបាច់ថែរក្សាព្រះរាជាណាចក្រកម្ពុជា បានរួចចាកផុតពីគ្រោះភ័យអាសន្តអន់ក្រ ហើយប្រជាជនបានគ្រប់ស្រទាប់វណ្ណៈបានរស់នៅក្នុងភាពសុខដុមរមនា ក្រោមម្លប់សន្តិភាព និងការអភិវឌ្ឍ ដែលជាមរតកដ៏មានតម្លៃ និងមិនអាចកាត់ថ្លៃបានរបស់សម្តេចអគ្គមហាសេនាបតីតេជោ ហ៊ុន សែន និងក្រោមម្លប់នៃព្រះបារមីដ៏ត្រជាក់ត្រជុំ នៃព្រះករុណាព្រះបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត៕

សម្តេចធិបតី៖ និស្សិតខ្មែរបីរូបត្រូវបានអគ្គកុងស៊ុលខ្មែរប្រចាំនៅប្រទេសអ៊ីស្រាអែលជួយសង្រ្គោះចេញពីតំបន់គ្រោះថ្នាក់

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា និស្សិតខ្មែរ បីរូបត្រូវបានអគ្គកុងស៊ុលខ្មែរប្រចាំនៅប្រទេសអ៊ីស្រាអែលជួយសង្រ្គោះចេញពីតំបន់ក្រហម (តំបន់គ្រោះ ថ្នាក់) ខណៈនិស្សិតខ្មែរបីនាក់នេះស្ថិតនៅជាមួយនិស្សិតខ្មែរដែលបានបាត់បង់ជីវិតក្រោយវាយប្រហាររវាង កងទ័ពអ៊ីស្រាអែល និងក្រុមហាម៉ាស់កាលពីថ្ងៃទី៧ម្សិលមិញនោះ។តាមរយៈសារសំឡេងបន្ទាន់របស់សម្តេចធិបតី ហ៊ុន ម៉ាណែត នាព្រឹកថ្ងៃទី៨ ខែតុលា ឆ្នាំ ២០២៣នេះ បានបញ្ជាក់ថា ក្រោយទទួលដំណឹងយ៉ាងក្រៀមក្រំបំផុតថា មាននិស្សិតខ្មែរម្នាក់បានស្លាប់នៅប្រទេសអ៊ីស្រាអែល ក្នុងហេតុការណ៍ប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់ កាលពីម្សិលមិញមក សម្តេចសូមសម្តែងនូវការសោកស្តាយជាពន់ពេក ចំពោះការបាត់បង់ជីវិតនិស្សិតខ្មែររូបនេះ ហើយសូមចូលរួមរំលែកទុក្ខដ៏ក្រៀមក្រំបំផុតជាមួយគ្រួសារជនរងគ្រោះផងដែរ និងមួយវិញទៀត សម្តេច ក៏បានបញ្ជាក់ផងដែរថា នាពេលនេះរាជរដ្ឋាភិបាលកម្ពុជា បានកំពុងធ្វើការទំនាក់ទំនងជាមួយអាជ្ញាធរ អ៊ី ស្រាអែលដើម្បីធ្វើបុណ្យសព និងសម្របសម្រួល ដើម្បីធ្វើមាតុភូមនិវត្តសពរបស់និស្សិតដែលបានបាត់បង់ ជីវិតនោះមកកម្ពុជាវិញផងដែរ ខណៈបុណ្យសពនេះគឺជាបន្ទុករបស់រាជរដ្ឋាភិបាល។តាមរយៈសារសំឡេងបន្ទាន់នេះដែរ សម្តេចធិបតី នាយករដ្ឋមន្រ្តី ក៏បានបញ្ជាក់ប្រាប់ដល់និស្សិត និងប្រជាពលរដ្ឋខ្មែរដែលកំពុងរស់នៅប្រទេសអ៊ីស្រាអែលផងដែរថា នាពេលនេះរាជរដ្ឋាភិបាលបានកំពុងយកចិត្តទុកដាក់ជាប្រចាំអំពីសុវត្ថិភាពរបស់បងប្អូនខ្មែរទាំងអស់ ដែលកំពុងមានវត្តមាននៅប្រទេសអ៊ីស្រាអែល ហើយរាជរដ្ឋាភិបាលក៏កំពុងធ្វើការទំនាក់ទំនងឲ្យអស់ពីលទ្ធភាព ដើម្បីធ្វើយ៉ាងណាធានានូវសុវត្ថិភាពរបស់បងប្អូនដែលកំពុងរស់នៅទីនោះ ហើយជាងនេះទៅទៀតសម្តេចធិបតីក៏សូមជូនពរដល់បងប្អូនទាំងអស់ ដែលរស់នៅទៅនោះសូមទទួលបាននូវសុខសុវត្ថិភាពគ្រប់ៗគ្នាផងដែរ៕ អត្ថបទ៖ បាន ចក់

និស្សិតខ្មែរម្នាក់បានបាត់បង់ជីវិតក្នុងការប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់ កាលពីថ្ងៃទី៧ម្សិលមិញ

និស្សិតខ្មែរម្នាក់ក្នុងចំណោមពលរដ្ឋខ្មែរចំនួន ៤៥០នាក់ ដែលកំពុងស្នាក់ប្រទេសអ៊ីស្រាអែល បានបាត់បង់ជីវិត ក្រោយមានការប្រយុទ្ធគ្នាមួយយ៉ាងធ្ងន់ធ្ងររវាងកងទ័ពអ៊ីស្រាអែល និងក្រុមហាម៉ាស់ កាលពីថ្ងៃទី៧ ខែតុលា ឆ្នាំ២០២៣ម្សិលមិញនេះ ហើយរាជរដ្ឋាភិបាលកម្ពុជាបានសម្តែងការសោកស្តាយ និងសូមចូលរួមរំលែកទុកយ៉ាងក្រៀមក្រំបំផុតជាមួយក្រុមគ្រួសារសពជនរងគ្រោះផងដែរ។យោងតាមសេចក្តីថ្លែងការណ៍របស់អង្គភាពអ្នកនាំពាក្យរាជរដ្ឋាភិបាលកម្ពុជា នាថ្ងៃទី៨ ខែតុលា ឆ្នាំ២០២៣នេះបានបញ្ជាក់ថា រាជរដ្ឋាភិបាលកម្ពុជាបានទទួលដំណឹងយ៉ាងក្រៀមក្រំបំផុតថា មាននិស្សិតខ្មែរម្នាក់ ក្នុងចំណោមពលរដ្ឋខ្មែរចំនួន៤៥០នាក់ កំពុងមានវត្តមាននៅប្រទេសអ៊ីស្រាអែល បានទទួលរងគ្រោះរហូតបាត់បង់ជីវិត ក្នុងហេតុការណ៍ប្រយុទ្ធគ្នារវាងកងទ័ពអ៊ីស្រាអែល និងក្រុមហាម៉ាស់ ដែលបាន ផ្ទុះឡើងចាប់ពីថ្ងៃទី៧ម្សិលមិញមក ហើយរាជរដ្ឋាភិបាលសូមសម្តែងនូវការសោកស្តាយជាពន់ពេក ចំពោះការបាត់បង់ជីវិតនិស្សិតខ្មែររូបនេះ និងសូមចូលរួមរំលែកទុក្ខដ៏ក្រៀមក្រំបំផុតជាមួយគ្រួសារជនរងគ្រោះ។តាមសេចក្តីថ្លែងការណ៍របស់អង្គភាពអ្នកនាំពាក្យបានលើកឡើងទៀតថា ភ្លាមៗក្រោយពីការ ទទួលដំណឹង នៃការប្រយុទ្ធគ្នានេះ និងការអនុវត្តតាមអនុសាសន៍របស់សម្តេចធិបតីហ៊ុន ម៉ាណែត នាយករដ្ឋមន្រ្តីនៃកម្ពជា ក្រសួងការបរទេស និងសហប្រតិបត្តិការអន្តរជាតិ ព្រមទាំងស្ថាប័នមានសមត្ថកិច្ច របស់កម្ពុជា បានធ្វើទំនាក់ទំនងជាប់ជាប្រចាំជាមួយរដ្ឋាភិបាល និងអាជ្ញាធរអ៊ីស្រាអែល ដើម្បី ជួយផ្តល់ការការពារសុវត្ថិភាពដល់ប្រជាពលរដ្ឋខ្មែរទាំងអស់ដែលកំពុងមានវត្តមាននៅទីនោះ។ ហើយរហូតមកទល់ពេលនេះ ក្រុមការងាររបស់កម្ពុជាបានទាក់ទង់ជាមួយនិស្សិតខ្មែរភាគច្រើនរួចហើយ ដើម្បី តាមដានពីសុវត្ថិភាពរបស់ពួកគេ។តាមរយៈសេចក្តីថ្លែងការណ៍ខាងលើនេះដដែលបានបញ្ជាក់បន្ថែមទៀតថា រាជរដ្ឋាភិបាលកម្ពុជា កំពុងបន្តតាមដានយ៉ាងយកចិត្តទុកដាក់បំផុតចំពោះសភាពការណ៍ ក្នុងប្រទេសអ៊ីស្រាអែល និងសហការ ជាប់ជាប្រចាំជាមួយអាជ្ញាធរអ៊ីស្រាអែល ដើម្បីការពារសុវត្ថិភាពជូនប្រជាប្រជាពលរដ្ឋខ្មែរដែលកំពុងនៅទីនោះ។ជាមួយគ្នានោះដែរ រាជរដ្ឋាភិបាលសូមជម្រាបដល់បងប្អូនប្រជាពលរដ្ឋខ្មែរ ដែលកំពុងមានវត្តមាន នៅក្នុងប្រទេសអ៊ីស្រាអែលនាពេលនេះ សូមទាក់ទងតាមប្រព័ន្ធ Whatapps ឬTelegram មកលេខទូរស័ព្ទ+85586881688 ដើម្បីរាជរដ្ឋាភិបាលអាចទទួលព័ត៌មានបន្ថែមអំពីសុវត្ថិភាពរបស់បងប្អូន និងជួយ ផ្តល់ការសម្របសម្រួលឲ្យបានទាន់ពេលវេលាក្នុងករណីចំាបាច់។ ហើយមួយវិញទៀតរាជរដ្ឋាភិបាលក៏ សូមអំពាវនាវដល់ពលរដ្ឋខ្មែរទាំងអស់ដែលកំពុងស្នាក់នៅប្រទេសអ៊ីស្រាអែល ស្តាប់តាមការណែនាំរបស់ របស់អាជ្ញាធរអ៊ីស្រាអែល ឲ្យបានខ្ជាប់ខ្ជួនដើម្បីរក្សាសុវត្ថិភាពរបស់ខ្លួនផងដែរ៕ អត្ថបទ៖ បាន ចក់

ការលក់ចំណីអាហារ និងភេសជ្ជៈ ដែលប៉ះពាល់សុខភាពសិស្សនៅតាមសាលាត្រូវបានកាត់បន្ថយច្រើន

ភ្នំពេញ៖ បច្ចុប្បន្នអ្នកលក់ដូរនៅតាមសាលារៀនជាច្រើនទៅទូទាំងប្រទេសកម្ពុជា បានចូលរួមឆ្ពោះទៅលែង លក់ភេសជ្ជៈ និងចំណីអាហារ ដែលនាំឱ្យមានហានិភ័យចំពោះសុខភាពសិស្ស ទៅថ្ងៃអនាគត។ នេះបើតាមការឱ្យដឹងពីលោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា ។លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានប្រាប់BTVថា ដើម្បី ថែរក្សាសុខភាពសិស្សានុសិស្សនៅសាលារៀន ក្រសួងអប់រំ បានបង្កើតនាយកដ្ឋានមួយ ដែលមានឈ្មោះ ថា នាយកដ្ឋានសុខភាពសិក្សា ដែលមានតួនាទីធ្វើការងារជាប្រចាំជាមួយសាលារៀន ក្នុងរៀបចំឯកសារ ណែនាំ និងអប់រំពីចំណេះដឹងផ្សេងៗ ពាក់ព័ន្ធនឹងសុវត្ថិភាពចំណីអាហារ ។ ក្រៅពីនេះនាយកដ្ឋាន ក៏បានរៀបចំក្រុមការងារចុះទៅតាមសាលារៀនជាប់ជាប្រចាំផងដែរ ។លោក អ៊ុក វណ្ណា នាយករងវិទ្យាល័យហ៊ុន សែន-ប៊ុនរ៉ានី ច្បារអំពៅ បានឱ្យដឹងថា ស្របទៅតាម គោលការណ៍ណែនាំរបស់ក្រសួងអប់រំ សាលារៀនតែងធ្វើការផ្សព្វផ្សាយអប់រំទៅដល់សិស្សានុសិស្ស និង ជាពិសេសអ្នកលក់ដូរនៅក្នុងសាលារៀន ឱ្យបានយល់ដឹងពីអនាម័យ សុវត្ថិភាពចំណីអាហារ និងហាមមិន ឲ្យលក់ចំណីអាហារណាប៉ះពាល់សុខភាពនោះទេ ខណៈបច្ចុប្បន្ន ការលក់ចំណីអាហារទាំងនោះកាត់ បន្ថយបានច្រើន ។បើតាមសេចក្តីណែនាំរបស់ក្រសួងអប់រំ យុវជន និងកីឡា ចំណីអាហារហាមឃាត់ក្នុងគ្រឹះស្ថាន សិក្សា មាន៦ប្រភេទ រួមមាន៖ ទី១. ចំណីអាហារគ្រប់ប្រភេទ ដែលហួសកំណត់កាលបរិច្ឆេទ ទី២. គ្រឿង ស្រវឹង និងផលិតផលថ្នាំជក់គ្រប់ប្រភេទ ទី៣. ចំណីអាហារ ដែលមិនមានប្រភពច្បាស់លាស់ ទី៤. ភេសជ្ជៈ ប៉ូវកម្លាំង ភេសជ្ជៈផ្អែមខ្លាំង កាហ្វេ ការ៉េម ទឹកស៊ីរ៉ូ គ្រប់ប្រភេទ ទី៥. ស្ករសូកូឡា ស្ករគ្រាប់ និងស្ករកៅស៊ូ គ្រប់ប្រភេទ និងទី៦. ចាហួយគ្រប់ប្រភេទ នំដូណាត់ នំផ្អែមខ្លាំង ៕ អត្ថបទ៖ ទូច សោភ័ណ

អាស៊ែរបៃហ្សង់ បានចោទប្រកាន់លោកម៉ាក្រុងពីបទជ្រៀតជ្រែកក្នុងកិច្ចចរចាសន្តិភាពជាមួយអាមេនី

ប្រទេសអាស៊ែរបៃហ្សង់ បានស្តីបន្ទោសលោក អេម៉ានូអែល ម៉ាក្រុង (Emmanuel Macron)ចំពោះការជ្រៀតជ្រែកក្នុងកិច្ចពិភាក្សាសន្តិភាពដ៏សំខាន់ជាមួយប្រទេសអាមេនី បន្ទាប់ពីការវាយលុកផ្លេកបន្ទោរនៅតំបន់ណាហ្គូណ័រ-ការ៉ាបាក់។ឯកអគ្គរដ្ឋទូតរបស់ទីក្រុងបាគូប្រចាំនៅចក្រភពអង់គ្លេស បាននិយាយថា ប្រទេសរបស់លោក នឹងត្រឡប់ទៅរកកិច្ចចរចាដែលសម្របសម្រួលដោយសហភាពអឺរ៉ុប ដែលជុំចុងក្រោយបំផុតដែលនឹងត្រូវធ្វើឡើងនៅថ្ងៃព្រហស្បតិ៍ ដរាបណាបារាំង និងអាល្លឺម៉ង់ ត្រូវបានដកចេញពីការធ្វើជាអ្នកសម្របសម្រួល។លោក អេលីន ស៊ុលីម៉ាណូវ (Elin Suleymanov) បានថ្លែងប្រាប់សារព័ត៌មាន The Telegraph ថា លោក អ៊ីលហាម អាលីយ៉េវ (Ilham Aliyev) ប្រធានាធិបតីអាស៊ែរបៃហ្សង់ នឹងត្រៀមខ្លួនជួបជាមួយលោក នីកូល ប៉ាស៊ីនយ៉ាន ( Nikol Pashinyan) នាយករដ្ឋមន្ត្រីអាមេនី ប្រសិនបើកិច្ចពិភាក្សាធ្វើឡើង ដោយលោក ឆាល មីឆែល (Charles Michel) ប្រធានក្រុមប្រឹក្សាអឺរ៉ុប ប៉ុន្តែមិនមែនលោកម៉ាក្រុងទេ។លោក ស៊ុលីម៉ាណូវ ក៏បានបដិសេធផងដែរថា ទីក្រុងកំពង់ផែបាគូ គ្រោងនឹងឈ្លានពានប្រទេសអាមេនីបន្ទាប់ពីដណ្តើមយកបានតំបន់ណាហ្គូណ័រ-ការ៉ាបាក់ មកគ្រប់គ្រងវិញ កាលពីខែមុន។

បណ្ដាញសង្គម

ព័ត៌មានថ្មីៗ

កូរ៉េខាងជើងច្រានចោលការចោទប្រកាន់របស់អាមេរិកថា ទីក្រុងព្យុងយ៉ាង គឺជាការគំរាមកំហែងតាមប្រព័ន្ធអ៊ីនធឺណិត

ប្រធានាធិបតីគុយបាបរិហារទណ្ឌកម្មថ្មីរបស់សហរដ្ឋអាមេរិកលើប្រទេសរបស់លោក

មនុស្ស ១១នាក់ស្លាប់ ក្នុងហេតុការណ៍ក្រឡាប់រថយន្តក្រុងនៅភាគខាងលិចម៉ិកស៊ិក

ក្រុមមន្រ្តីនិយាយថា សហរដ្ឋអាមេរិកដកទាហាន ៥ពាន់នាក់ចេញពីប្រទេសអាល្លឺម៉ង់

អ្នកនាំពាក្យ៖ កម្មវិធីនយោបាយ និងការអភិវឌ្ឍរបស់កម្ពុជា បាននិងកំពុងដំណើរការទៅមុខជានិច្ច បើទោះបីកម្ពុជារងការឈ្លានពានពីថៃ

ប្រតិភូសភាប្រើភាសាបារាំង ១៧ប្រទេសធ្វើសិក្ខាសាលា អំពីក្របខ័ណ្ឌ និងការប្រើប្រាស់ឌីជីថលក្នុងសភា

ជម្លោះនៅតែកើតមានរវាងក្រុមហេសបូឡា និងអ៊ីស្រាអែលនៅតំបន់ភាគខាងត្បូងលីបង់

លោក Trump និយាយថា មានលទ្ធភាពដែលអាមេរិកអាចចាប់ផ្តើមវាយប្រហារអ៊ីរ៉ង់ម្តងទៀត

មនុស្សយ៉ាងហោច ៩នាក់ស្លាប់ ក្នុងហេតុការណ៍អគ្គិភ័យនៅទីក្រុងញូវដែល្លី ប្រទេសឥណ្ឌា

សហរដ្ឋអាមេរិកអនុម័តលក់អាវុធតម្លៃ ៨,៦ពាន់លានដុល្លារដល់សម្ព័ន្ធមិត្តមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមតាលីបង់៖ ចំនួនអ្នកស្លាប់ពីគ្រោះរញ្ជួយដីនៅអាហ្វហ្គានីស្ថានកើនដល់២.៤៤៥នាក់ ខណៈតួលេខអាចកើនឡើងទៀត

សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញកាន់បិណ្ឌទី៩ នៅវត្តចំពុះក្អែក

ការលក់ចំណីអាហារ និងភេសជ្ជៈ ដែលប៉ះពាល់សុខភាពសិស្សនៅតាមសាលាត្រូវបានកាត់បន្ថយច្រើន

អាស៊ែរបៃហ្សង់ បានចោទប្រកាន់លោកម៉ាក្រុងពីបទជ្រៀតជ្រែកក្នុងកិច្ចចរចាសន្តិភាពជាមួយអាមេនី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមតាលីបង់៖ ចំនួនអ្នកស្លាប់ពីគ្រោះរញ្ជួយដីនៅអាហ្វហ្គានីស្ថានកើនដល់២.៤៤៥នាក់ ខណៈតួលេខអាចកើនឡើងទៀត

សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញកាន់បិណ្ឌទី៩ នៅវត្តចំពុះក្អែក

ការលក់ចំណីអាហារ និងភេសជ្ជៈ ដែលប៉ះពាល់សុខភាពសិស្សនៅតាមសាលាត្រូវបានកាត់បន្ថយច្រើន

អាស៊ែរបៃហ្សង់ បានចោទប្រកាន់លោកម៉ាក្រុងពីបទជ្រៀតជ្រែកក្នុងកិច្ចចរចាសន្តិភាពជាមួយអាមេនី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍