BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

រាជរដ្ឋាភិបាលនៅក្នុងអាណត្តិថ្មីនេះ បានដាក់ចេញនូវគោលនយោបាយអនុគ្រោះជាច្រើន ដល់វិស័យកសិកម្មរួមមាន ការព្យូរទុក ការបង់ប្រាក់រំដោះពន្ធលើប្រាក់ចំណូល ការលើកលែងអាករលើតម្លៃបន្ថែម និងអាករលើតម្លៃពិសេសបន្ថែមជាដើម ដើម្បីលើកកម្ពស់ វិស័យកសិកម្ម ជាពិសេសស្រូវអង្ករឱ្យមានការប្រកួតប្រជែងលើទីផ្សារ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍លើកឡើងនៅក្នុងពិធីបិទ វេទិកាស្រូវអង្ករកម្ពុជា លើកទី៧ ឆ្នាំ២០២៤ នៅថ្ងៃទី១០ ខែកញ្ញា ឆ្នាំ ២០២៤នេះថា កន្លងមក រាជរដ្ឋាភិបាលបានដាក់ចេញនូវ ភាពអនុគ្រោះជាច្រើនដូចជា ការលើកលែងពន្ធប្រចំាឆ្នាំ លើដីកសិកម្មរបស់កសិករ, ការលើកលែងពន្ធប្រចាំឆ្នាំលើដីសម្បទានសេដ្ឋកិច្ច ពាក់ព័ន្ធកសិកម្ម, សហគ្រាសកសិកម្មដែលសុំការអនុគ្រោះតាមរយៈគម្រោងមានលក្ខណៈគ្រប់គ្រាន់, អាករលើតម្លៃបន្ថែមជាបន្ទុក របស់រដ្ឋ លើការនាំចូលនិងការផ្គត់ផ្គង់ទំនិញដូចជា៖ ជី ពូជដំណាំ ចំណីសត្វ និងការលើកលែងអាករផលិតផលកសិកម្មមិនទាន់កែច្នៃ ហើយរាជរដ្ឋាភិបាលក្នុងអាណត្តិថ្មីនេះ ក៏បន្តការដាក់ចេញនូវគោលនយោបាយអនុគ្រោះជាច្រើនផ្សេងទៀត ដើម្បីលើកកម្ពស់វិស័យ កសិកម្មនៅកម្ពុជាឱ្យកាន់តែប្រសើរ។សម្ដេចធិបតី មានប្រសាសន៍បន្ថែមថា ក្រៅពីគោលការណ៍ខាងលើ រាជរដ្ឋាភិបាលក៏បានសម្រួលនៅក្នុងការបញ្ចុះថ្លៃអគ្គិសនី លើវិស័យកសិកម្មផ្សេងៗ ធ្វើយ៉ាងណាកាត់បន្ថយថ្លៃដើមនៃការប្រកួតប្រជែង ហើយសម្តេចកំពុងពិនិត្យមើលលទ្ធភាពដើម្បីជួយផ្សេងៗទៀត។ជុំវិញវិស័យស្រូវអង្ករនេះ, ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា លើកឡើងថា ក្រោមការយកចិត្តទុកដាក់ដ៏ខ្ពស់របស់រាជរដ្ឋាភិបាល ដែលមានសេនាធិការដូចជា ក្រសួងកសិកម្ម រុក្ខាប្រមាញ់ និងនេសាទ លើការអភិវឌ្ឍពូជស្រូវ និងបច្ចេកទេស ដាំដុះ, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើបទដ្ឋានស្តង់ដារ និងការកិនកែច្នៃ, ក្រសួងពាណិជ្ជកម្ម លើការធ្វើពិពិធកម្មទីផ្សារ និងការផ្សព្វផ្សាយ លើឆាកអន្តរជាតិ, ព្រមទាំងមានការចូលរួមពីក្រសួងស្ថាប័ននានា រួមទាំងដៃគូអភិវឌ្ឍន៍របស់ បណ្តាប្រទេសជាមិត្ត និងស្ថាប័នអន្តរជាតិ នៃអង្គការសហប្រជាជាតិ បានជួយលើកកម្ពស់វិស័យស្រូវអង្ករកម្ពុជាគឺបានពង្រីកគោលដៅ ទីផ្សារនាំចេញដែលមានការកើនពីចំនួន ៣៥ គោលដៅនៅឆ្នាំ ២០១០ រហូតដល់ ១២១ គោលដៅត្រឹមឆ្នាំ ២០២៣ បានកំពុងធ្វើឱ្យ អង្ករកម្ពុជាទទួលស្គាល់ពេញពិភពលោក, ជាក់ស្តែងនៅក្នុងរយៈពេល ៨ខែឆ្នាំ២០២៤នេះ អង្ករកម្ពុជាបាននាំចេញ មានចំនួន ១១២ ពាន់តោន និងស្រូវ មានចំនួន ៣,៣ លានតោន៕ អត្ថបទ៖ សុន រ៉ាឌី

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

នៅរសៀលថ្ងៃទី១០ខែកញ្ញា សម្ដេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាបានអនុញ្ញាតឲ្យលោក Samuel Chung ប្រធានសមាគមវប្បធម៌កូរ៉េ(KCA-Korean Culture Association) ចូលជួបសម្ដែងការគួរសម។សម្ដេចតេជោបានសំដែងនូវសេចក្តីសប្បាយរីករាយដែលបានជួបជាមួយសមាគមវប្បធម៌កូរ៉េ ក្នុងឱកាសដែលសម្តេចបានអញ្ជើញមកទីក្រុងអ៊ីឆន់ នៃសាធារណរដ្ឋកូរ៉េ ដើម្បីចូលរួមក្នុងវេទិកាចំណេះដឹងពិភពលោកខួបលើកទី២៥។លោកប្រធានសមាគមបានជំរាបជូនសម្តេចថា លោកក៏ធ្លាប់បានសិក្សាអំពីប្រវត្តិសាស្ត្រ ការដែលសម្តេចតេជោបានបញ្ចប់សង្គ្រាម ហើយនាំមកនូវសុខសន្តិភាព និងប្រទេសកម្ពុជាឱ្យមានការរីកចម្រើនរហូតមកដល់សព្វថ្ងៃ។លោកប្រធានសមាគមក៏បានគោរពជំរាបជូនសម្តេចថា លោកបាននិងកំពុងធ្វើកិច្ចសហប្រតិបត្តិការជាមួយលោកជំទាវ ឯកអគ្គរាជទូតកម្ពុជានៅទីក្រុងសេអ៊ូល ដើម្បីរៀបចំសកម្មភាពនានានៃគម្រោងផ្លាស់ប្ដូរវប្បធម៌គ្នាទៅវិញទៅមក ដោយកម្ពុជា និងសាធារណរដ្ឋកូរ៉េមានទំនាក់ទំនងល្អ ហើយកិច្ចសហការនេះគឺធ្វើតាមរយៈស្ថានទូតកម្ពុជានៅទីក្រុងសេអ៊ូល។ លោកក៏បានសំណូមពរ ឱ្យរាជរដ្ឋាភិបាលកម្ពុជាគាំទ្រគម្រោងនានាដើម្បីបំរើឱ្យទំនាក់ទំនងកិច្ចសហប្រតិបត្តិការលើវិស័យវប្បធម៌នៃប្រទេសទាំង២ ឱ្យមានការរីកចម្រើន។លោកថា កាលពីខែឧសភាកន្លងមករូបថត២០០០សន្លឹកអំពីវិស័យវប្បធម៌នៅកម្ពុជាដូចជារូបថតប្រាសាទអង្គរវត្ត ប្រាសាទបុរាណនានាជាច្រើនត្រូវបានដាក់តាំងនៅទីក្រុងសេអ៊ូល ហើយនៅថ្ងៃទី២៦កញ្ញាខាងមុខនេះ នឹងរៀបចំធ្វើរាត្រីសមោសរមួយ ដើម្បីរៃអង្គាសពីសប្បុរសជនជួយដល់ក្រុមគ្រូពេទ្យធីតានៅកម្ពុជា។ សមាគមវប្បធម៌កូរ៉េក៏មានគម្រោងរៀបចំពិព័រណ៍គំនូរ និងរាត្រីស្រមោលសថ្ងៃទី១ ខែធ្នូ ឆ្នាំ២០២៤ នៅទីរួមខេត្តសៀមរាបក្នុងគោលដៅធ្វើអោយ រាត្រីស្រមោលសនោះបានប្រព្រឹត្តិទៅជោគជ័យ ដោយ សមាគមវប្បធម៌កូរ៉េនិងនាំយកទៅជាមួយនូវសិល្បករ សិល្បការិនីល្បីៗ ទៅធ្វើការបង្ហាញម៉ូតនៅកម្ពុជាផងដែរ។លោកក៏បានជំរាបជូនអំពីបំណងផ្លាស់ប្ដូរប្រជាជន និងប្រជាជន ដើម្បីឱ្យបានស្គាល់អំពីវប្បធម៌របស់កម្ពុជា ជាពិសេសកូនៗរបស់កម្ពុជានៅប្រទេសកូរ៉េបានស្គាល់នូវអត្តសញ្ញាណវប្បធម៌ជាតិរបស់គេ។ទន្ទឹមនេះ សមាគមក៏មានគម្រោងរៀបចំជាវេទិកា ឬសិក្ខាសាលា ផ្សេងៗឱ្យបានសកម្មរវាងប្រទេសទាំង២។សម្ដេចតេជោបានថ្លែងអំណរគុណ ចំពោះគម្រោងនានាដែល លោកប្រធានសមាគមវប្បធម៌កូរ៉េបានរៀបរាប់ អំពីទំនាក់ទំនង នៃកិច្ចសហប្រតិបត្តិការរវាងប្រទេសទាំងពីរដែលបានធ្វើកន្លងមក និងនៅពេលអនាគត ដើម្បីជំរុញនូវទំនាក់ទំនងវប្បធម៌រវាងប្រទេសទាំងពីរ។សម្ដេចបានបញ្ជាក់ថា ដើម្បីឲ្យការផ្លាស់ប្ដូរ និងការតភ្ជាប់តាមរយៈការផ្លាស់ប្ដូរវប្បធម៌នេះគឺមានតម្លៃ មិនគ្រាន់តែសម្រាប់ប្រជាជន និងប្រជាជនទេ ប៉ុន្តែក៏មានតម្លៃ លើការពង្រឹងទំនាក់ទំនងរវាងរដ្ឋ និងរដ្ឋ និងរវាងរាជធានី និងរាជធានីផងដែរ។ សម្តេចថាការផ្លាស់ប្ដូរប្រជាជននិងប្រជាជនក៏ជាចំណែកជួយជំរុញដល់វិស័យទេសចរណ៍ រវាងប្រទេសទាំងពីរ ដោយប្រទេសទាំង២ ជាដន្លងនឹងគ្នា ក្នុងនោះស្ត្រីខ្មែរប្រមាណជា៨ពាន់នាក់បានរៀបការជាមួយបុរសកូរ៉េ ហើយមានកូន ចៅជាង១ម៉ឺននាក់ ដែលកូនចៅ របស់គេគឺត្រូវស្គាល់អំពីវប្បធម៌ នៃប្រទេសទាំងពីរនិងត្រូវបង្កើតឲ្យមានការទៅមក ដើម្បីឲ្យគេបានស្គាល់នូវជីដូនជីតារបស់គេ និងធ្វើឲ្យមានការបង្កើនល្បឿនលំហូរទេសចរណ៍ រវាងប្រទេសទាំងពីរផងដែរ។សម្ដេចក៏បានលើកទឹកចិត្តឲ្យរដ្ឋាភិបាលកម្ពុជានិងរដ្ឋាភិបាលកូរ៉េ បន្តធ្វើការជាមួយគ្នា លើការផ្លាស់ប្ដូរវប្បធម៌នេះ ហើយសង្ឃឹមថា លោកប្រធានសមាគមវប្បធម៌កូរ៉េ និងអញ្ជើញទៅធ្វើទស្សនកិច្ចនៅប្រទេសកម្ពុជាញឹកញាប់។លោកប្រធានសមាគមក៏បញ្ជាក់ថា កាលពីខែសីហាលោក និងសមាគមបានទៅទស្សនកិច្ច និងទស្សនាប្រាសាទអង្គរវត្ដ។ ជាចុងក្រោយសម្តេច បានលើកទឹកចិត្តឲ្យសមាគមធ្វើការឲ្យកាន់តែជិតស្និទ្ធជាមួយលោកជំទាវឯកអគ្គរាជទូតកម្ពុជា នៅសាធារណរដ្ឋកូរ៉េដើម្បីធ្វើសកម្មភាពក្នុង គោលដៅផ្លាស់ប្ដូរវប្បធម៌ និងវប្បធម៌ក៏ដូចជាការផ្លាស់ប្ដូរប្រជាជននិងប្រជាជន ដើម្បីជំរុញដល់កំណើនទេសចរណ៍រវាងប្រទេសទាំង២ឲ្យបានកាន់តែច្រើនថែមទៀត៕ អត្ថបទ មុត សុទ្ធ

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានចែករំលែកនូវទស្សនៈវិស័យសាមគ្គីភាព សក្តានុពល ពហុភាគីនិយម របស់អាស៊ាន ជាពិសេសអាស៊ានបានប្រកាន់ខ្ជាប់ដោយយកប្រជាជនជាស្នូល។ សម្ដេចតេជោ ហ៊ុន សែន ប្រធានព្រឹទ្ធសភា នៃកម្ពុជា បានគូសបញ្ជាក់បែបនេះតាមរយៈសុន្ទរកថាពិសេសក្រោមប្រធានបទ (មាគ៌ាឆ្ពោះទៅកាន់សន្តិសហវិជ្ជមាននិងវិបុលភាពក្នុងអាស៊ាន) ក្នុង «វេទិកាចំណេះដឹងពិភពលោកលើកទី២៥» នៅសាធារណរដ្ឋកូរ៉េ នាថ្ងៃទី១០ខែកញ្ញានេះ។សម្តេចតេជោថ្លែងថា អាស៊ានបានទាក់ទាញវិនិយោគ និងដៃគូពីខាងក្រៅមកវិនិយោគយ៉ាងច្រើនដោយពុំមានថមថយនោះទេគឺមានតែការកើនឡើងជាលំដាប់ពីមួយឆ្នាំទៅមួយឆ្នាំ។ សម្តេចបន្តថា បើទោះបីពេលខ្លះ នៅក្នុងបរិបទសកល បានជួបប្រទះនូវការធ្លាក់ចុះសេដ្ឋកិច្ចយ៉ាងណាក៏ដោយ បានក្លាយពីតំបន់ដែលរងការអភិវឌ្ឍន៍ទៅជាតំបន់ដែលជួយដឹកនាំកំណើនសេដ្ឋកិច្ចតំបន់ និងសកលផងដែរ។សម្តេចតេជោបានបញ្ជាក់ពីភាពខ្លាំងរបស់អាស៊ាន ដែលបានផ្តល់អាទិភាពខ្ពស់បំផុតទៅដល់ការធ្វើសមាហរណកម្មសេដ្ឋកិច្ច ជាពិសេសការបង្កើតឡើងកិច្ចព្រមព្រៀងពាណិជ្ជកម្មសេរីជាមួយដៃគូជាច្រើនដូចជាកូរ៉េ ចិន ជប៉ុន អូស្ត្រាលីជាដើម និងភាពជាដៃគូសេដ្ឋកិច្ចគ្រប់ជ្រុងជ្រោយ ដែលទាំងអស់នេះ កម្ពុជាគាំទ្រជានិច្ច ដល់ពហុភាគី និយម ដោយសេរី បើកចំហរ មានបរិយាបន្ន និងតម្លាភាពដែល មានអង្គការពាណិជ្ជកម្មពិភពលោកជាស្នូល។ សម្តេចថា អាស៊ានក៏បាននិងកំពុងខិតខំគិតគូរ ស្វែងរកប្រភពកំណើនថ្មី ខ្សែច្របាក់ផ្គត់ផ្គង់តំបន់ ឲ្យកាន់តែប្រសើរ ពីការតភ្ជាប់វិទ្យាសាស្ត្របច្ចេកវិទ្យា ដែលតំបន់អាស៊ានបន្តសម្រេចបានមិនត្រឹមតែកំណើនសេដ្ឋកិច្ចខ្ពស់ប៉ុណ្ណោះទេ តែថែមទាំងមានភាពធន់និងមានជីវភាពកំណើនផងដែរ។ អាទិភាពទាំងអស់នេះ ត្រូវបានច្បាស់ក្នុងការរៀបចំចក្ខុវិស័យសហគមន៍អាស៊ានឆ្នាំ២០៤៥ ក៏ដូចជាផែនការយុទ្ធសាស្ត្រ នៃសសរស្ដម្ភទាំងបីរបស់សហគមន៍អាស៊ានផងដែរ។ អាស៊ានបានប្រកាន់ខ្ជាប់នូវគោលការណ៍បរិយាប័ន្ននៅក្នុងការកសាងសហគមន៍របស់ខ្លួន ដែលផ្ដោតលើប្រជាជន និងយកប្រជាជនជាស្នូលជាមួយនឹងចក្ខុវិស័យមិនទុកកន្លែងណាមួយ ឬប្រជាជនណាម្នាក់ចោលនោះទេ។ សម្ដេចសង្ឃឹមថា បទបង្ហាញនេះនឹងចូលរួមចំណែកផ្ដល់ជាពុទ្ធិសម្រាប់សាធារណជននៅវេទិកាអន្តរជាតិ ដើម្បីឲ្យពួកគេបានស្គាល់ និងយល់កាន់តែច្បាស់ពីអាស៊ាន និងពីសមិទ្ធផលក៏ដូចជាយន្តការរបស់អាស៊ាន ដែលយកសន្តិភាព ស្ថេរភាពតំបន់ធ្វើជាមូលដ្ឋានស្នូល ដើម្បីជំរុញសមាហរណកម្ម និងវិបុលភាពសម្រាប់ប្រជាជនក្នុងតំបន់៕ អត្ថបទ៖ មុត សុទ្ធ

ប្រធានរដ្ឋសភាកូរ៉េខាងត្បូងអរគុណសម្ដេចតេជោ ហ៊ុន សែន ដែលបានបង្កើតទំនាក់ទំនងរវាងប្រទេសទាំងពីរបានយ៉ាងល្អ

នៅទីក្រុងសែអ៊ូលព្រឹកថ្ងៃទី១០កញ្ញានេះ សម្ដេចតេជោ ហ៊ុន សែន ប្រធានព្រឹទ្ធសភានៃ កម្ពុជា បានដឹកនាំគណៈប្រតិភូអញ្ជើញចូលជួបសំដែងការគួរសមនិងពិភាក្សាការងារជាមួយនឹងឯកឧត្តម អ៊ូ វ៉ន់ ស៊ីក (Woo Won-Shik) ប្រធានរដ្ឋសភានៃសាធារណរដ្ឋកូរ៉េ នៅវិមានរដ្ឋសភា នៃសាធារណរដ្ឋកូរ៉េ។ឯកឧត្តម ប្រធានរដ្ឋសភាកូរ៉េ បានសំដែងស្វាគមន៍យ៉ាងកក់ក្តៅចំពោះសម្ដេចតេជោនិងគណៈប្រតិភូ ដែល បានអញ្ជើញបំពេញទស្សនកិច្ចនៅសាធារណរដ្ឋកូរ៉េ ជាពិសេសគឺបានអញ្ជើញទៅវិមានរដ្ឋសភាកូរ៉េ។ ឯកឧត្តមបានកោតសរសើរ ចំពោះការដឹកនាំរបស់សម្ដេចដែលបានដឹកនាំរាជរដ្ឋាភិបាលកម្ពុជា ក្នុងឋានៈជានា យករដ្ឋមន្ត្រីអស់រយៈពេលដ៏យូរ ដែលនាំប្រទេសមករកសុខសន្តិភាពនិងមានការរីកចម្រើនហើយក្នុងឱកាសនេះឯកឧត្តមបានសូមអបអរសាទរជាថ្មីចំពោះសម្ដេចតេជោដែលត្រូវបានជ្រើសរើសជាប្រធានព្រឹទ្ធសភានៅឆ្នាំនេះ។បើតាមឯកឧត្តម ស៊្រី ថាមរ៉ុង្គ ប្រតិភូអមដំណើរសម្តេចតេជោបានឱ្យដឹងថា ភាគីកូរ៉េបានអរគុណចំពោះសម្តេចតេជោ ដែលបាននាំមកនូវការកសាងទំនាក់ទំនងរវាងប្រទេសទាំង២បានយ៉ាងល្អ។ឯកឧត្តមក៏បានអរគុណចំពោះសម្ដេចតេជោប្រធានព្រឹទ្ធសភាពផងដែរដែលឯកឧត្តមបានដឹងថាសម្ដេចបានចូលរួមចំណែកយ៉ាងច្រើននៅក្នុងការកសាងទំនាក់ទំនងរវាងសាធារណរដ្ឋកូរ៉េនិងកម្ពុជាដោយបានស្ដារនូវទំនាក់ទំនងឡើងវិញនៅឆ្នាំ ១៩៩៧ ហើយឯកឧត្តមសង្ឃឹមថាទំនាក់ទំនងមិត្តភាពនិងកិច្ចសហប្រតិបត្តិការរវាងប្រទេសទាំងពីរសាធារណៈរដ្ឋកូរ៉េនិងកម្ពុជានឹងកាន់តែរីកចម្រើនថែមទៀតនៅពេលអនាគត។ឯកឧត្តមក៏បានជម្រាបជូនសម្ដេចផងដែរថាកម្ពុជាបានបង្កើតឡើងហើយ នូវសមាគមមិត្តភាពព្រឹទ្ធសភានិងរដ្ឋសភាកម្ពុជា ជាមួយនឹងសភានៃសាធារណរដ្ឋកូរ៉េ ឱ្យឯកឧត្តមសូមស្វាគមន៍យ៉ាងកក់ក្តៅចំពោះការបង្កើតស្វាគមនេះឡើងហើយឯកឧត្តមមានការសោកស្ដាយដែលខាងភាគីកូរ៉េមិនទាន់បានបង្កើតឡើងនៅឡើយ ហើយសន្យាថានឹងបង្កើតឡើងនៅពេលឆាប់ៗនេះ។ ឯកឧត្តមបានសម្ដែងនូវការពេញចិត្តនិងរីករាយនៅការកើតឡើងទំនាក់ទំនងវិស័យពាណិជ្ជកម្មនិងកិត្តិយោគដែលទំហំពាណិជ្ជកម្មទ្វេភាគីរវាងប្រទេសទាំងពីរមានការកើតឡើងយ៉ាងខ្លាំង ហើយការបង្កើតនៅកិច្ចព្រមព្រៀងពាណិជ្ជកម្មសេរីកន្លងមក និងបានបង្ករលក្ខណៈកាន់តែងាយស្រួល សម្រាប់ក្រុមហ៊ុនកូរ៉េប្រមាណជាង២០០បានទៅចូលរួម វិនិយោគនៅកម្ពុជា។ ឯកឧត្តមក៏បានស្នើសុំ សម្ដេចតេជោនិងរាជរដ្ឋាភិបាលកម្ពុជាគាំទ្រ និងសម្រួលដល់ការវិនិយោគរបស់សាធារណរដ្ឋកូរ៉េផងដែរ ដើម្បីអាចឲ្យពួកគេមានលទ្ធភាពពង្រីកនៅទំនាក់ទំនងនិងកិច្ចសហប្រតិបត្តិការបង្កើនការវិនិយោគនៅកម្ពុជាបន្ថែមទៀត ហើយការឯកភាពគ្នាបង្កើតនូវតំបន់សេដ្ឋកិច្ចពិសេស សម្រាប់ក្រុមហ៊ុនកូរ៉េដែលបានព្រមព្រៀងក្នុងដំណើរទស្សនកិច្ចរបស់សម្ដេចធិបតីនាយករដ្ឋមន្ត្រីកន្លងមក ភាគីកូរ៉េនឹងពិចារណា រៀបចំបង្កើតឡើងនូវតំបន់សេដ្ឋកិច្ចពិសេសនេះ។ ឯកឧត្តមបន្តថា កូរ៉េនិងបន្តដល់តួនាទីសំខាន់ក្នុងការផ្ទាល់នៅគំរោងODA ដើម្បីគាំទ្រដល់ការរីកចម្រើននិងការរស់នៅរបស់ប្រជាជនកម្ពុជាកាន់តែល្អប្រសើរ ហើយតាមអង្គការ កយ កា របស់កូរ៉េ ក៏បានចូលរួមចំណែកនៅក្នុងការដោះមាននិងគម្រោងជាច្រើនទៀត។នៅពេលបច្ចុប្បន្នក៏ដូចជាអនាគត។ឯកឧត្តមក៏បានសម្ដែងនូវការរីករាយចំពោះកិច្ចសហប្រតិបត្តិការនានាដែលរួមចំណែកនៅក្នុងកិច្ចសហប្រតិបត្តិការលើពិភពលោកក្នុងការប្រយុទ្ធប្រឆាំងការប្រែប្រួលអាកាសធាតុហើយឯកឧត្តមសង្កេតឃើញថាប្រទេសកម្ពុជាបានខិតខំយ៉ាងច្រើន ហើយរដ្ឋាភិបាលនៃសាធារណរដ្ឋកូរ៉េក៏បាននិងកំពុងគាំទ្រនូវគម្រោងរបស់កម្ពុជាក្នុងការកាត់បន្ថយឧស្ម័នដែលកើតចេញពីផ្ទះកញ្ចក់និង សកម្មភាពនានានៃគម្រោងមេគង្គផងដែរ និងរីករាយដែលបានឃើញទំនាក់ទំនងរវាងប្រជាជននៅប្រជាជនមានការផ្លាស់ប្ដូរឡើងវិញបន្ទាប់ពីវិបត្តិកូវីដ១៩ ជាពិសេសប្រជាជនកូរ៉េបានទៅទស្សនកិច្ចប្រាសាទរអង្គរវត្ដនិងខិតខំធ្វើយ៉ាងណាសម្រួលសេវាទេសចរណ៍ដើម្បីប្រជាជនកម្ពុជាបានទៅទស្សនកិច្ចនៅកូរ៉េផងដែរហើយសង្ឃឹមថាទំហំទេសចរនៃប្រទសទាំង២នឹងមានការកើនឡើង។ទន្ទឹមនេះរដ្ឋាភិបាលកូរ៉េក៏បាននិងកំពុងជួយសម្រួលដល់ការ រស់នៅរបស់ប្រជាជនកម្ពុជានៅសាធារណរដ្ឋកូរ៉េប្រមាណជា៦ម៉ឺននាក់ ដោយកែសម្រួលលក្ខខណ្ឌការងារ ប្រកបដោយសន្តិភាព និងការពារពលករទាំងនោះឲ្យបានត្រឹមត្រូវ។ សម្ដេចតេជោ បានថ្លែងអំណរគុណចំពោះប្រធានរដ្ឋសភាកូរ៉េ ដែលបានទទួលស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់សម្ដេចជាលើកដំបូងក្នុងឋានៈជាអង្គការនីតិបញ្ញត្តិ។ សម្ដេចក៏បានអបអរសាទរ ឯកឧត្តម អ៊ូ វ៉ន់ស៊ីក ដែលត្រូវបានតែចង់ជាប្រធានរដ្ឋសភាកន្លងមក និង បានថ្លៃអំណរគុណ ដែលឯកឧត្តមប្រធានរដ្ឋសភាពកូរ៉េបានសម្ដែងនូវការលើកទឹកចិត្តឲ្យមាន ការរីកចម្រើនថែមទៀតនាយទំនាក់ទំនងរវាងសាធារណរដ្ឋកូរ៉េនិងកម្ពុជា។ សម្ដេចក៏បានសម្ដែងនៅក្រោយរីករាយផ្ទាល់តែចំពោះទំនាក់ទំនងរវាងប្រទេសទាំងពីរដែលត្រូវបានលើកកម្ពស់ដល់ទំនាក់ទំនងដៃគូជាយុទ្ធសាស្ត្រ ហើយសម្ដេចក៏បានរំលឹកផងដែរថាការផ្ដួចផ្ដើមឲ្យមានទំនាក់ទំនងឡើងវិញរវាងកម្ពុជានិងសាធារណរដ្ឋកូរ៉េពិតជាមិនងាយស្រួលទេ។ហើយដែលសម្ដេចបានតស៊ូស្វះស្វែងខិតខំធ្វើឲ្យទំនាក់ទំនងចាប់តាំងពីឆ្នាំ១៩៩៦មកធ្វើឲ្យទំនាក់ទំនងនេះមានការរីកចម្រើនឡើងវិញហើយរហូតដល់ពេលនេះយើងមានការរីកចម្រើនទាំងក្នុងវិស័យសេដ្ឋកិច្ចនិងនយោបាយ។សម្តេចពិតជាមានមោទនភាពដែលខ្លួនសម្តេចផ្ទាល់ជាស្ថាបនិក បានរួមចំណែក កសាងនៅទំនាក់ទំនងនេះហើយពេញចិត្តចំពោះការរីកលូតលាស់លើគ្រប់វិស័យរវាងប្រទេសទាំងពីរ។ ឆ្លៀតឱកាសនេះដែរសម្ដេចតេជោក៏បានថ្លែងអំណរគុណដល់សាធារណរដ្ឋកូរ៉េដែលបានរួមចំណែកនិងជួយដល់ការអភិវឌ្ឍន៍របស់កម្ពុជាដែលមានការរីកចម្រើនរហូតដល់សព្វថ្ងៃហើយ សម្តេចក៏មិនភ្លេចសំដែងការដឹកគុណចំពោះសាធារណរដ្ឋកូរ៉េដែលពុំបានបិទច្រកចេញចូលចំពោះកម្ពុជានៅពេលដែលមានជំងឺរាតត្បាតកូវីដ-១៩ ដោយនៅតែមានការហោះហើរជាធម្មតាដែលជាច្រកចេញសម្រាប់ប្រជាជនកម្ពុជានិងជនបរទេសចេញចូលនៅក្នុងប្រទេសកម្ពុជា។ សម្ដេចបានសម្ដែងនូវក្តីសង្ឃឹមថាតាមរយៈនៃការបើកព្រលានយន្តហោះថ្មីនៅសៀមរាបនិងគម្រោងបើកព្រលានយន្តហោះនៅភ្នំពេញនៃឆ្នាំក្រោយអាចទៅជួយពង្រីកថែមទៀតនៅទំហំទេសចរណ៍និងបានថ្លែងអំណរគុណដល់សាធារណរដ្ឋកូរ៉េដែលបានអនុគ្រោះនិងសម្រួលលក្ខ័ណ្ឌការរងារដល់ពលករកម្ពុជា ដើម្បីពេលត្រឡប់ទៅកម្ពុជាវិញបាននាំយកនូវបច្ចេកប្រជាបច្ចេកទេសទំនើបទៅបង្កើតការងារនៅកម្ពុជារួមចំណែកដោយការអភិវឌ្ឍសេដ្ឋកិច្ចនៅកម្ពុជាផងដែរ។ សម្ដេចថាប្រទេសទាំងពីរកម្ពុជានិងកូរ៉េជា ប្រទេសដន្លងនឹងគ្នាដោយប្រជាជនកម្ពុជា ជាពិសេសស្ត្រីកម្ពុជាបានរៀបការជាមួយនឹងជនជាតិកូរ៉េជាច្រើនប្រមាណជាប្រាំបីពាន់នាក់ដែលមានកូនចៅរហូតដល់ទៅប្រមាណជា១៥.000 នាក់ហើយសម្តេចក៏សំណូមពរឲ្យរដ្ឋាភិបាលកូរ៉េផ្ដល់ឱកាសឲ្យកូនចៅរបស់ពួកគេបានរៀនទាំងភាសាខ្មែរនិងកូរ៉េផង ដើម្បីឲ្យគេមានលទ្ធភាពក្នុងការធ្វើទំនាក់ទំនងទៅវិញទៅមក ក៏ដូចជាការជួយដល់សេដ្ឋកិច្ចរបស់ប្រទេសកូរ៉េផងដែរ។ សម្ដេចក៏បាន ជម្រាបជូនផងដែរថា រាជរដ្ឋាភិបាលអាណត្តិថ្មីរបស់សម្ដេចធិបតីនាយករដ្ឋមន្ត្រីបានខិតខំការពារថែទាំអ្នកវិនិយោគទុនកូរ៉េ ហើយរាជរដ្ឋាភិបាលនឹងខិតខំប្រឹងប្រែងការពារធានានូវសុខសន្តិភាពជារួមសម្រាប់ ការពារដល់អ្នកវិនិយោគផងដែរ។ សម្ដេចក៏បានសម្ដែងនូវការអបអរសាទរនិងទន្ទឹងរង់ចាំ ការស្ថាបនាស្ពានមិត្តភាពកម្ពុជា-កូរ៉េ ឆ្លងទន្លេសាបនិងទន្លេមេគង្គដែលនឹងចេញជារូបរាងនៅពេលមិនយូរខាងមុខហើយក៏សូមថ្លែងអំណរគុណដល់សាធារណៈរដ្ឋកូរ៉េដែលកំពុងបន្តជួយផ្លូវលេខ៤៨ ផ្លូវជាតិលេខ២ និងលេខ២១៕

រដ្ឋបាលអាមេរិក បញ្ជូនរបាយការណ៍យុទ្ធសាស្ត្រអ៊ុយក្រែន ដែលរង់ចាំជាយូរមកហើយទៅកាន់សភា

ប្រភពចំនួនបីបាននិយាយកាលពីថ្ងៃចន្ទ (០៩ កញ្ញា) ថា រដ្ឋបាលរបស់លោកប្រធានាធិបតីអាមេរិក Joe Biden បានបញ្ជូនឱ្យសភានូវរបាយការណ៍សម្ងាត់មួយស្តីពីយុទ្ធសាស្ត្រក្នុងសង្គ្រាមអ៊ុយក្រែន ប៉ុន្មានខែបន្ទាប់ពីកាលបរិច្ឆេទផុតកំណត់ខែមិថុនា ជាមួយសំណើច្បាប់ចំណាយរាប់ពាន់លានដុល្លារដែលសមាជិកសភាបានអនុម័តកាលពីខែមេសា។ជំនួយការសភាម្នាក់និយាយថា របាយការណ៍ដែលរង់ចាំជាយូរមកហើយនោះបានទៅដល់ដៃសមាជិកសភាកាលពីថ្ងៃចន្ទ ប៉ុន្តែពួកគេមិនទាន់ពិនិត្យមើលនៅឡើយទេ។ ប្រភពពីរផ្សេងទៀត ដែលសុំមិនបញ្ចេញឈ្មោះបានបញ្ជាក់ថា របាយការណ៍នោះត្រូវបានប្រគល់ជូនសភារួចហើយ។ សេតវិមានមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។សភាបានអនុម័តជំនួយក្នុងសង្រ្គាម និងជំនួយយោធាជិត ១៧៥ពាន់លានដុល្លារសម្រាប់អ៊ុយក្រែន និងប្រទេសសម្ព័ន្ធមិត្ត។ បន្ទាប់ពីពន្យារពេលជាច្រើនខែ សភាតំណាងរាស្រ្តដែលដឹកនាំដោយបក្សសាធារណរដ្ឋ បានអនុម័តសំណើច្បាប់ចំណាយបន្ថែមចំនួន ៩៥ពាន់លានដុល្លារនៅក្នុងខែមេសា ដែលរួមមានទឹកប្រាក់ចំនួន ៦១ពាន់លានដុល្លារសម្រាប់អ៊ុយក្រែន។ជាផ្នែកមួយនៃច្បាប់នោះ សភាបានស្នើឱ្យរដ្ឋបាលលោក Biden បញ្ជូនយុទ្ធសាស្ត្រលម្អិតសម្រាប់សង្រ្គាមអ៊ុយក្រែននៅដើមខែមិថុនា។ ការគាំទ្ររបស់លោក Biden សម្រាប់អ៊ុយក្រែនត្រូវបានគាំទ្រដោយបក្សប្រជាធិបតេយ្យ និងបក្សសាធារណរដ្ឋជាច្រើននៅក្នុងសភា។ ទោះជាយ៉ាងនេះក្ដី សមាជិកបក្សសាធារណរដ្ឋខ្លះបានរិះគន់រដ្ឋបាលលោក Biden ចំពោះការដាក់កម្រិតលើអ៊ុយក្រែនក្នុងការប្រើគ្រឿងយុទ្ធោបករណ៍របស់អាមេរិក ដោយការបដិសេធមិនផ្គត់ផ្គង់អាវុធដែលអាចវាយប្រហារគោលដៅជ្រៅក្នុងប្រទេសរុស្ស៊ី៕

លោក Josep Borrell៖ អឺរ៉ុប ត្រៀមជាស្រេចផ្តល់សមត្ថភាពដឹកជញ្ជូនក្នុងការបើកច្រកព្រំដែន Rafah ឡើងវិញ

នៅក្នុងដំណើរទស្សនកិច្ចទៅកាន់ផ្នែកខាងប្រទេសអេហ្ស៊ីប នៅច្រកឆ្លងកាត់ព្រំដែនទីក្រុង Rafah ប្រធានគោលនយោបាយការបរទេសរបស់សហភាពអឺរ៉ុប លោក Josep Borrell បាននិយាយ កាលពីថ្ងៃចន្ទ ទី៩ ខែកញ្ញា ថា សហភាពអឺរ៉ុប បានត្រៀមខ្លួនរួចជាស្រេចក្នុងការបង្កើនផ្នែកដឹកជញ្ជូនរបស់ខ្លួន ដើម្បីជួយក្នុងការបើកច្រកឆ្លងកាត់ព្រំដែនឡើងវិញ។លោក Borrell បានពិនិត្យប្រតិបត្តិការព្រំដែន ដឹកនាំដោយអង្គការអឌ្ឍចន្ទក្រហមអេហ្ស៊ីប និងបានជួបជាមួយប្រធានាធិបតីរបស់ប្រទេសលោក Abdel Fattah al-Sisi នៅក្នុងទីក្រុងគែរ។លោក Borrell ក៏បានលើកឡើងផងដែរអំពីការដាក់ទណ្ឌកម្មដែលត្រូវបានស្នើឡើងទៅលើរដ្ឋមន្ត្រី ទីភ្នាក់ងារ និងស្ថាប័នពាក់ព័ន្ធ ក្នុងការពង្រីកអាណានិគមខុសច្បាប់នៅតំបន់ West Bank ។លោក Borrell បានប្រកាសពីការដាក់ទណ្ឌកម្មកាលពីសប្តាហ៍មុន ហើយលោកបានរិះគន់ជាសាធារណៈទៅលើរដ្ឋមន្ត្រីសន្តិសុខអ៊ីស្រាអែល លោក Itamar Ben-Gvir និងរដ្ឋមន្ត្រីហិរញ្ញវត្ថុ លោក Bezalel Smotrich ចំពោះសេចក្តីថ្លែងការណ៍ដែលលោកបានចាត់ទុកថា «អាក្រក់» និង «ជាការញុះញង់ឱ្យមានឧសក្រិដ្ឋកម្មសង្រ្គាម»។ ពលរដ្ឋនៅទីក្រុង Khan Younis និងគ្រួសារភៀសខ្លួនពីទីក្រុង Rafah បានបន្តទៅមន្ទីរពេទ្យ ដែលមានមនុស្សច្រើន ដោយនាំកូនៗរបស់ពួកគេទៅចាក់វ៉ាក់សាំងប្រឆាំងជំងឺស្វិតដៃជើង។

មន្ត្រីបោះឆ្នោតអាមេរិក រិះគន់ការគំរាមរបស់លោក Trump ក្នុងការចាប់មន្រ្តីដាក់ពន្ធនាគារ បើជាប់ឆ្នោត

ក្រុមមន្រ្តីគ្រប់គ្រងការបោះឆ្នោតនៅសហរដ្ឋអាមេរិក និងយុទ្ធនាការរបស់បេក្ខជនប្រធានាធិបតីនៃគណបក្សប្រជាធិបតេយ្យ លោកស្រី Kamala Harris កាលពីថ្ងៃចន្ទ (០៩ កញ្ញា) បានរិះគន់ខ្លាំងៗលើការគំរាមកំហែងរបស់លោក Donald Trump ក្នុងការចាប់មន្ត្រីបោះឆ្នោត “ពុករលួយ” ដាក់ពន្ធនាគារប្រសិនបើលោកឈ្នះឆ្នោតនៅថ្ងៃទី០៥ ខែវិច្ឆិកា ដោយចោទប្រកាន់បេក្ខភាពបក្សសាធារណរដ្ឋរូបនេះពីការបំភិតបំភ័យ និងញុះញង់ឱ្យមានលទ្ធភាពនៃអំពើហិង្សាក្នុងប្រទេស។មន្រ្តីបោះឆ្នោតទាំងនេះបានឆ្លើយតបទៅនឹងការបង្ហោះតាមប្រព័ន្ធផ្សព្វផ្សាយសង្គមដោយបេក្ខជនប្រធានាធិបតីបក្សសាធារណរដ្ឋលោក Trump កាលពីថ្ងៃសៅរ៍ ដែលលោកបានគំរាមមនុស្សមួយចំនួនជាមួយនឹងការកាត់ទោស ប្រសិនបើពួកគេចូលរួមក្នុងការក្លែងបន្លំសន្លឹកឆ្នោតក្នុងការបោះឆ្នោតឆ្នាំ២០២៤។ គួររម្លឹកថា ការសិក្សាជាច្រើនបានរកឃើញថាការក្លែងបន្លំក្នុងការបោះឆ្នោតនៅសហរដ្ឋអាមេរិក គឺកម្រមានខ្លាំងណាស់។លោក Trump ក៏បានអះអាងដោយគ្មានមូលដ្ឋានម្តងទៀតថា ការចាញ់ឆ្នោតឆ្នាំ២០២០ របស់លោកទល់នឹងប្រធានាធិបតីបក្សប្រជាធិបតេយ្យ លោក Joe Biden គឺព្រោះតែការក្លែងបន្លំ ដោយនេះជាសារដូចគ្នាដែលលោកបានផ្តល់ឱ្យអ្នកគាំទ្រមុនពេលមានការសម្រុកចូលដ៏កម្រោលក្នុងវិមានកាពីតូលរបស់អាមេរិក កាលពីថ្ងៃទី០៦ ខែមករា ឆ្នាំ២០២១។អ្នកប្រជាធិបតេយ្យជាច្រើនបានពណ៌នាការបង្ហោះរបស់លោក Trump នេះថាជា «អំពើទុច្ចរិត» ហើយបាននិយាយថា នេះអាចជាការញុះញង់ឱ្យមានអំពើហិង្សាផ្នែកនយោបាយ៕

សម្ដេចធិបតី ហ៊ុន ម៉ាណែត អនុញ្ញាតឲ្យអគ្គនាយកប្រចាំតំបន់អាស៊ីប៉ាស៊ីហ្វិកនៃក្រុមហ៊ុន ហ៊ិននីគែន ចូលជួបសម្ដែងការគួរសម និងពិភាក្សាការងារ

នាព្រឹកថ្ងៃទី១០ ខែកញ្ញា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឲ្យលោក Jacco Van Der Linden អគ្គនាយកប្រចាំតំបន់អាស៊ីប៉ាស៊ីហ្វិក នៃក្រុមហ៊ុន ហ៊ិននីគែន (Heineken) ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្រុមហ៊ុន ហ៊ិននីគែន ខេមបូឌា (Heineken Cambodia) មានវត្តមាននៅកម្ពុជាក្នុងរយៈពេល ៣០ឆ្នាំមកនេះ ហើយមានវឌ្ឍនភាពក្នុងដំណើរអាជីវកម្មប្រកបដោយភាពជោគជ័យ និងទទួលបានការគាំទ្រយ៉ាងច្រើន។ ជាមួយគ្នានេះ ការចូលរួមចំណែករបស់ក្រុមហ៊ុន ក៏បានលើកកម្ពស់ដល់សេដ្ឋកិច្ច បង្កើតឱកាសការងារ និងអាជីវកម្មលើទីផ្សារជាច្រើន។

មេដឹកនាំបក្សប្រឆាំងវ៉េណេស៊ុយអេឡា៖ យើងនឹងបន្តតស៊ូ ដើម្បីសេរីភាព បន្ទាប់ពីទៅដល់អេស្ប៉ាញ

មេដឹកនាំគណបក្សប្រឆាំងប្រទេសវ៉េណេស៊ុយអេឡា លោក Gonzalez បាននិយាយថា លោកជឿជាក់ថា លោកនឹងបន្តការតស៊ូសម្រាប់ការត្រឡប់មកវិញនូវលទ្ធិប្រជាធិបតេយ្យ នៅក្នុងប្រទេសវ៉េណេស៊ុយអេឡា នៅក្នុងការថតសំឡេង ដែលទទួលបានដោយសារព័ត៌មាន Reuters បន្ទាប់ពីលោកបានទៅដល់ប្រទេសអេស្ប៉ាញ កាលពីថ្ងៃអាទិត្យ ទី៨ ខែកញ្ញា។លោក Gonzalez ជាអ្នកដែលបានជំទាស់ទៅនឹងការប្រកាសជ័យជម្នះរបស់ប្រធានាធិបតី លោក Nicolas Maduro នៅក្នុងការបោះឆ្នោតប្រធានាធិបតី កាលពីខែកក្កដា បានទៅដល់មូលដ្ឋានយោធា Torrejon de Ardoz ជាមួយភរិយារបស់លោក បន្ទាប់ពីបានស្វែងរកសិទ្ធិជ្រកកោននៅទីនោះ។នៅក្នុងការថតសំឡេង លោក Gonzalez បាននិយាយថា ការចាកចេញរបស់លោកពីទីក្រុង Caracas គឺ «ត្រូវបានហ៊ុព័ទ្ធដោយសម្ពាធ ការបង្ខិតបង្ខំ និងការគំរាមកំហែង។ការចាកចេញរបស់បុរសវ័យ៧៥ឆ្នាំរូបនេះ ត្រូវបានចាត់ទុកដោយសហរដ្ឋអាមេរិក សហភាពអឺរ៉ុប និងប្រទេសមហាអំណាចផ្សេងទៀតនៅក្នុងតំបន់ ថាជាអ្នកទទួលជ័យជម្នះក្នុងការបោះឆ្នោត ដែលមានភាពចម្រូងចម្រាស់ បានកើតឡើងមួយសប្តាហ៍ បន្ទាប់ពីអាជ្ញាធរប្រទេសវ៉េណេស៊ុយអេឡា បានចេញដីកាចាប់ខ្លួនលោក ដោយចោទប្រកាន់លោក ពីបទសមគំនិត និងបទព្រហ្មទណ្ឌផ្សេងៗទៀត។ បេក្ខជនប្រធានាធិបតីគណបក្សប្រឆាំងវ៉េណេស៊ុយអេឡា លោក Edmundo Gonzalez បានភៀសខ្លួនទៅកាន់ប្រទេសអេស្ប៉ាញកាលពីថ្ងៃអាទិត្យ ខណៈលោកស្វែងរកសិទ្ធិជ្រកកោនចាកចេញពីរដ្ឋាភិបាលរបស់លោក Nicolas Maduro ក្នុងពេលវិបត្តិកំពុងបន្ត ជុំវិញការបោះឆ្នោតដែលមានភាពចម្រូងចម្រាស់។ក្រសួងការបរទេសអេស្ប៉ាញ បាននិយាយនៅក្នុងសេចក្តីថ្លែងការណ៍ថា លោក Gonzalez ដែលបានជំទាស់ទៅនឹងការប្រកាសជ័យជម្នះរបស់លោក Maduro បានទៅដល់មូលដ្ឋានយោធា Torrejon de Ardoz ជាមួយភរិយារបស់លោក ។

អាកាសយានដ្ឋានអន្តរជាតិតេជោបើកការហោះហើរសាកល្បងជាលើកដំបូង

បន្ទាប់ពីសាងសង់រួចរាល់នូវដំណាក់កាលទីមួយ អាកាសយានដ្ឋានអន្តរជាតិតេជោ បានបើកប្រតិបត្តិការហោះហើរសាកល្បងជាលើកដំបូង ត្រួតពិនិត្យប្រព័ន្ធហោះហើរ ដើម្បីធានាថាឧបករណ៍ទាំងអស់នេះធ្វើការដោយសុវត្ថិភាព មុននឹងសម្ពោធដាក់ឱ្យប្រើប្រាស់ជាផ្លូវការក្នុងពេលឆាប់ៗខាងមុខនេះ។ក្នុងដំណើរទស្សនកិច្ចចុះត្រួតពិនិត្យវឌ្ឍនភាពការងារ និងពិនិត្យនូវប្រតិបត្តិការការហោះហើរសាកល្បង កាលពីព្រឹកថ្ងៃទី៩ ខែកញ្ញា ឆ្នាំ២០២៤ម្សិលមិញនេះ ប្រព្រឹត្តទៅដោយមានការអញ្ជើញចូលរួមពី លោកអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលធនាគារ កាណាឌីយ៉ា គ្រុប ព្រមទាំងមានការអញ្ជើញចូលរួមពី ឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុក នៃរដ្ឋលេខាធិការដ្ឋានអាកាសចរណ៍ស៊ីវិល និងក្រុមការងារបច្ចេកទេស ព្រមទាំងថ្នាក់ដឹកនាំ និងសមាជិកគណៈកម្មការដឹកនាំគ្រប់គ្រង និងសម្របសម្រួលដោះស្រាយការងាររៀបចំប្រតិបត្តិការអាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយ និងតំណាងក្រុមហ៊ុន ខេមបូឌា អ៊ែរផត អ៊ិនវេសមិន ខូអិលធីឌី (CAIC)។ប្រតិបត្តិការហោះហើរសាកល្បងជាលើកដំបូងនេះ បានប្រើប្រាស់យន្តហោះខ្នាតតូច ដើម្បីត្រួតពិនិត្យឧបករណ៍បញ្ជាការហោះហើរ ដោយផ្តោតលើប្រព័ន្ធស្ទង់មើលទិសទី និងគមនាគមន៍ នៅមុនថ្ងៃដាក់ឱ្យដំណើរការហោះហើរជាផ្លូវការនាដើមឆ្នាំ២០២៥ខាងមុខ។តាមការឱ្យដឹងពីរដ្ឋលេខាធិការដ្ឋានអាកាសចរស៊ីវិល ការហោះហើរសាកល្បង នៅអាកាសយានដ្ឋានអន្តរជាតិតេជោនាពេលនេះ គឺជាការហោះហើរធ្វើតេស្តបច្ចេកទេសឧបករណ៍ មិនមែនជាការហោះហើរសាកល្បងបែបពាណិជ្ជកម្មដឹកមនុស្សនោះទេ។ ការហោះហើរសាកល្បងនេះ នឹងត្រូវធ្វើឡើងចំនួន២ដង៖ លើកទី១ មានរយៈពេល ៥ថ្ងៃ ចាប់ពីថ្ងៃទី៨-១២ ខែកញ្ញា ឆ្នាំ២០២៤ និងលើកទី២ មានរយៈពេល ៦ថ្ងៃ ចាប់ពីថ្ងៃទី២៣-២៨ ខែកញ្ញា ឆ្នាំ២០២៤។អាកាសយានដ្ឋានអន្ដរជាតិតេជោ ជាអាកាសយានដ្ឋានលំដាប់ 4F និងជាអាកាសយានដ្ឋានដ៏ធំលំដាប់ថ្នាក់ទី៩ នៅលើពិភពលោក ដែលសាងសង់លើផ្ទៃដី ២៦០០ហិកតា ស្ថិតនៅចម្ងាយ ១៩ គីឡូម៉ែត្រពីរាជធានីភ្នំពេញ។ បច្ចុប្បន្នមានបុគ្គលិក និងកម្មករប្រមាណ១៧០០ នាក់កំពុងធ្វើការនៅក្នុងគម្រោងនេះ។ មកដល់ពលនេះ ការសាងសង់អាកាសយានដ្ឋានអន្តរជាតិតេជោនេះ សម្រេចបាន ៨៤% នៃថវិកាចំនួន ១,២ពាន់លានដុល្លារ នៃថវិកាសរុប ១,៥ពាន់លានដុល្លារដែលត្រូវចំណាយ។គម្រោងអភិវឌ្ឍសាងសង់អាកាសយានដ្ឋានអន្តរជាតិតេជោលំដាប់ថ្នាក់4F ត្រូវបានបែងចែកជា ៣ដំណាក់កាល។ ដំណាក់កាលទី១ អាកាសយានដ្ឋានអន្តរជាតិនេះ អាចទទួលអ្នកដំណើរបានប្រមាណ ១៣លាននាក់ក្នុងមួយឆ្នាំ, ដំណាក់កាលទី២ អាចទទួលបានអ្នកដំណើរ ៣០លាននាក់ក្នុង១ឆ្នាំ និងដំណាក់កាលទី៣ អាចទទួលបានអ្នកដំណើររហូតដល់ ៥០លាននាក់ក្នុងមួយឆ្នាំ។កាលានុវត្តភាពថ្មីនេះ នឹងក្លាយជាសក្តានុពលស្រូបទាញដ៏ខ្លាំងក្លា និងសំខាន់សម្រាប់វិស័យទេសចរណ៍ក្នុងភូមិសាស្ត្ររាជធានីភ្នំពេញ និយាយដោយឡែក ព្រមទាំងវិស័យទេសចរណ៍នៅទូទាំងប្រទេស និយាយជារួម។ បន្ថែមពីនេះ ក៏នឹងអាចទាក់ទាញដល់វិនិយោគិន មកវិនិយោគនៅកម្ពុជា រួមទាំងផ្តល់ប្រយោជន៍សេដ្ឋកិច្ចដល់ប្រជាពលរដ្ឋផងដែរ៕ អត្ថបទ៖ សុភានាថ

បណ្ដាញសង្គម

ព័ត៌មានថ្មីៗ

ឯកឧត្តម ចាយ បូរិន និងលោកជំទាវ ដឹកនាំមន្រ្តីរាជការក្រោមឱវាទ អញ្ជើញចូលរួមក្នុងពិធីសូត្រមន្ត ចម្រើនព្រះបរិត្ត សម្តែងធម៌ទេសនា ពិធីបុណ្យកាន់បិណ្ឌវេនទី៣ នៅវត្តបទុមវតីរាជវរារាម

ក្រុមឧទ្ទាមមានសម្ព័ន្ធជាមួយ ISIS សម្លាប់មនុស្សជាង ៥០នាក់ នៅឯពិធីបុណ្យសពភាគខាងកើតកុងហ្គោ

ប្រជាពលរដ្ឋនៅស្រុកកោះធំ ថ្លែងនូវការសប្បាយចិត្ត ទទួលបានផ្លូវបេតុងជាសមិទ្ធផលថ្មីក្នុងមូលដ្ឋាន

លោក Hegseth ៖ ការដាក់ពង្រាយកងទ័ពអាមេរិកនៅការ៉ាអ៊ីបមិនមែនជាការហ្វឹកហាត់នោះទេ

កយកាកម្ពុជា បានរៀបចំបទបង្ហាញដល់មន្ត្រីរាជការកម្ពុជា មុនចេញដំណើរទៅចូលរួមវគ្គបណ្តុះបណ្តាលនៅប្រទេសកូរ៉េ

កម្ពុជា ហ្វីលីពីន ពង្រឹងកិច្ចសហប្រតិបត្តិការ ធានានូវសន្តិសុខស្បៀង និងជំរុញកសិ-ពាណិជ្ជកម្ម

តុលាការ ICC បើកសវនាការព្រហ្មទណ្ឌប្រឆាំងមេដឹកនាំក្រុមឧទ្ទាមអ៊ូហ្គង់ដាលោក Joseph Kony

អ្នកនាំពាក្យក្រសួងព័ត៌មាន អំពាវនាវដល់ អ្នកសារព័ត៌មាន រាយការណ៍បញ្ហាជម្លោះព្រំដែន ប្រកបដោយវិជ្ជាជីវៈ

សកម្មជនកូរ៉េខាងត្បូងនាំគ្នាតវ៉ាប្រឆាំងការវាយឆ្មក់អន្តោប្រវេសន៍នៅសហរដ្ឋអាមេរិក

ទន្លេហូរប្រៀបច្រាំងបង្កជាទឹកជំនន់ធ្ងន់ធ្ងរនៅរដ្ឋ Gujarat ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

ប្រធានរដ្ឋសភាកូរ៉េខាងត្បូងអរគុណសម្ដេចតេជោ ហ៊ុន សែន ដែលបានបង្កើតទំនាក់ទំនងរវាងប្រទេសទាំងពីរបានយ៉ាងល្អ

រដ្ឋបាលអាមេរិក បញ្ជូនរបាយការណ៍យុទ្ធសាស្ត្រអ៊ុយក្រែន ដែលរង់ចាំជាយូរមកហើយទៅកាន់សភា

លោក Josep Borrell៖ អឺរ៉ុប ត្រៀមជាស្រេចផ្តល់សមត្ថភាពដឹកជញ្ជូនក្នុងការបើកច្រកព្រំដែន Rafah ឡើងវិញ

មន្ត្រីបោះឆ្នោតអាមេរិក រិះគន់ការគំរាមរបស់លោក Trump ក្នុងការចាប់មន្រ្តីដាក់ពន្ធនាគារ បើជាប់ឆ្នោត

មេដឹកនាំបក្សប្រឆាំងវ៉េណេស៊ុយអេឡា៖ យើងនឹងបន្តតស៊ូ ដើម្បីសេរីភាព បន្ទាប់ពីទៅដល់អេស្ប៉ាញ

អាកាសយានដ្ឋានអន្តរជាតិតេជោបើកការហោះហើរសាកល្បងជាលើកដំបូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

រដ្ឋបាលអាមេរិក បញ្ជូនរបាយការណ៍យុទ្ធសាស្ត្រអ៊ុយក្រែន ដែលរង់ចាំជាយូរមកហើយទៅកាន់សភា

លោក Josep Borrell៖ អឺរ៉ុប ត្រៀមជាស្រេចផ្តល់សមត្ថភាពដឹកជញ្ជូនក្នុងការបើកច្រកព្រំដែន Rafah ឡើងវិញ

មន្ត្រីបោះឆ្នោតអាមេរិក រិះគន់ការគំរាមរបស់លោក Trump ក្នុងការចាប់មន្រ្តីដាក់ពន្ធនាគារ បើជាប់ឆ្នោត

មេដឹកនាំបក្សប្រឆាំងវ៉េណេស៊ុយអេឡា៖ យើងនឹងបន្តតស៊ូ ដើម្បីសេរីភាព បន្ទាប់ពីទៅដល់អេស្ប៉ាញ

អាកាសយានដ្ឋានអន្តរជាតិតេជោបើកការហោះហើរសាកល្បងជាលើកដំបូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍