នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

ប្រធានាធិបតីអាមេរិក ទទួលស្គាល់ប្រទេសប៉ាស៊ីហ្វិកចំនួនពីរ ក្នុងសកម្មភាពប្រឆាំងនឹងប្រទេសចិន

2023/09/26 01:13:35 pm        469
Facebook Telegram Linkin
ប្រធានាធិបតីអាមេរិក លោក ចូ បៃដិន បាននិយាយថា សហរដ្ឋអាមេរិកបានទទួលស្គាល់ជាផ្លូវការ នូវប្រជាជាតិប៉ាស៊ីហ្វិកនៃប្រជុំកោះ ឃុក (Cook) និងប្រទេសកោះ នីញូអេ (Niue) កាលពីថ្ងៃចន្ទ (២៥ កញ្ញា) ខណៈដែលលោកធ្វើជាម្ចាស់ផ្ទះទទួលមេដឹកនាំក្នុងតំបន់ ក្នុងគោលបំណងដើម្បីទប់ទល់នឹងឥទ្ធិពលរបស់ប្រទេសចិន។ សេចក្តីប្រកាសនេះ បានធ្វើឡើងនៅពេលចាប់ផ្តើមនៃកិច្ចប្រជុំកំពូល ជាមួយវេទិកាប្រជុំកោះប៉ាស៊ីហ្វិក ដែលមានសមាជិក១៨ប្រទេស ដោយក្រុមមន្ត្រីអាមេរិកបាននិយាយថា លោកប្រធានាធិបតីកំពុងប្រកាសជំហររបស់អាមេរិក ដែលមានការអះអាងបន្ថែមទៀតនៅក្នុងតំបន់។លោក បៃដិន បាននិយាយនៅក្នុងសេចក្តីថ្លែងការណ៍ថា ក្រុងវ៉ាស៊ីនតោនបានទទួលស្គាល់ប្រជុំកោះ ឃុក និងប្រទេសកោះ នីញូអេ ជារដ្ឋ «អធិបតេយ្យភាព និងឯករាជ្យ» ហើយនឹងបង្កើតទំនាក់ទំនងការទូតជាមួយប្រទេសទាំងពីរនេះផងដែរ។ ប្រជុំកោះ ឃុក និងប្រទេសកោះ នីញូអេ រួមគ្នា មានអ្នករស់នៅតិចជាង២០.០០០ នាក់ប៉ុណ្ណោះ ប៉ុន្តែបង្កើតបានជាតំបន់សេដ្ឋកិច្ចដ៏ធំទូលាយមួយនៅប៉ាស៊ីហ្វិកខាងត្បូង។បន្ទាប់ពីរយៈពេលរាប់ទស្សវត្សរ៍ នៃការត្រូវបានចាត់ទុកជាប្រភពទឹកដែលទាក់ទងគ្នា ប៉ាស៊ីហ្វិកខាងត្បូងបានក្លាយជាសង្វៀនដ៏សំខាន់មួយ សម្រាប់ការប្រកួតប្រជែងរវាងសហរដ្ឋអាមេរិក និងប្រទេសចិន ដែលមានការអះអាងកាន់តែខ្លាំងឡើង។ ប្រទេសចិនក៏បានបង្កើនជំហានសេដ្ឋកិច្ច នយោបាយ និងយោធាយ៉ាងខ្លាំងក្នុងតំបន់មហាសមុទ្រយុទ្ធសាស្ត្រនេះផងដែរ៕

កូរ៉េខាងត្បូង ធ្វើជាម្ចាស់ផ្ទះទទួល ជប៉ុននិងចិន ខណៈព្យាយាមផ្ដល់ទំនុកចិត្តដល់ទីក្រុងប៉េកាំងឡើងវិញ

2023/09/26 12:47:17 pm        402
Facebook Telegram Linkin
នៅថ្ងៃអង្គារ (២៦ កញ្ញា) នេះ ប្រទេសកូរ៉េខាងត្បូង បានធ្វើជាម្ចាស់ផ្ទះទទួលអ្នកការទូតជាន់ខ្ពស់មកពីប្រទេសចិន និងជប៉ុន សម្រាប់កិច្ចប្រជុំត្រីភាគីដ៏កម្រមួយ ដែលត្រូវបានគេមើលឃើញថា មានគោលបំណងធានាផ្ដល់ទំនុកចិត្តនូវការព្រួយបារម្ភរបស់ទីក្រុងប៉េកាំង ចំពោះការរឹតបន្តឹងកិច្ចសហប្រតិបត្តិការរបស់សម្ព័ន្ធមិត្តទាំងពីររវាងខ្លួន និងទីក្រុងវ៉ាស៊ីនតោន។អនុរដ្ឋមន្ត្រីការបរទេសកូរ៉េខាងត្បូង លោក ឆុង យ៉ុងវ៉ុន (Chung Byung-won) បានស្វាគមន៍អនុរដ្ឋមន្ត្រីការបរទេសជាន់ខ្ពស់ជប៉ុន លោក តាកេហីរ៉ូ ហ្វ៊ូណាកូស៊ី (Takehiro Funakoshi) និងលោក នុង យ៉ុង (Nong Rong) ជំនួយការរដ្ឋមន្ត្រីការបរទេសចិន ខណៈដែលបណ្ដាអ្នកការទូតទាំងនោះដើរចូលទៅក្នុងបន្ទប់ប្រជុំ។ អ្នកទាំងបីបានចាប់ដៃគ្នាដើម្បីបង្ហាញមុខអ្នកសារព័ត៌មាន មុនពេលអង្គុយជាមួយគណៈប្រតិភូសម្រាប់ការពិភាក្សារបស់ពួកគេ។កិច្ចប្រជុំនេះមានគោលបំណងមួយផ្នែក ដើម្បីកំណត់ដំណាក់កាលសម្រាប់ការបន្តនៃកិច្ចប្រជុំកំពូលបីភាគី រវាងមេដឹកនាំប្រទេស ដែលបានធ្វើឡើងចុងក្រោយក្នុងឆ្នាំ២០១៩។ កិច្ចពិភាក្សាទាំងនោះ ត្រូវបានផ្អាកស្របពេលមានជម្លោះផ្លូវច្បាប់ ការទូត និងពាណិជ្ជកម្មរវាងទីក្រុងសេអ៊ូល និងទីក្រុងតូក្យូ ជុំវិញបញ្ហានៃ ការកាន់កាប់របស់ជប៉ុនលើកូរ៉េ ក្នុងអំឡុងឆ្នាំ១៩១០ ដល់ឆ្នាំ១៩៤៥។មន្ត្រីជាន់ខ្ពស់រដ្ឋាភិបាលកូរ៉េខាងត្បូងមួយរូបបាននិយាយថា ប្រទេសចិនបានសកម្មក្នុងការស្វែងរកកិច្ចសហប្រតិបត្តិការត្រីភាគី និងរៀបចំកិច្ចប្រជុំ ចាប់តាំងពីទំនាក់ទំនងរវាងទីក្រុងសេអ៊ូល និងទីក្រុងប៉េកាំងមានភាពរង្គោះរង្គើក្នុងឆ្នាំ២០១៧ ជុំវិញការដាក់ពង្រាយប្រព័ន្ធប្រឆាំងមីស៊ីល THAAD របស់សហរដ្ឋអាមេរិក នៅក្នុងប្រទេសកូរ៉េខាងត្បូងមក៕

អាមេរិកកំពុងពិចារណាបង្កើតខ្សែទូរស័ព្ទទាន់ហេតុការណ៍ជាមួយចិន ដើម្បីបញ្ចៀសវិបត្តិ

2023/09/26 12:11:04 pm        240
Facebook Telegram Linkin
សារព័ត៌មាន Reuters បានរាយការណ៍ថា សហរដ្ឋអាមេរិក កំពុងពិចារណាបង្កើតខ្សែរទូរស័ព្ទទាន់ហេតុការណ៍ជាមួយចិនដើម្បីបញ្ជៀសវិបត្តិដែនអាកាសស្របពេលភាពតានតឹងកាន់តែធ្ងន់ធ្ងរ។ ប្រធានប្រតិបត្តិការដែនអាកាសលោកឧត្ដមសេនីយ៍ ឆានស៍ សាលស្មែន (Chance Saltzman) បានប្រាប់សារព័ត៌មាន Reuters កាលពីថ្ងៃចន្ទថា អាមេរិក បានរៀបចំពិភាក្សាផ្ទៃក្នុងអំពីការបង្កើតខ្សែទូរស័ព្ទទាន់ហេតុការណ៍(hotline)មួយដើម្បីកាត់បន្ថយវិបត្តិដែនអាកាស។ទោះយ៉ាងណា លោកបានគូសបញ្ជាក់ថាសហរដ្ឋអាមេរិក ពុំទាន់បានចូលរួមជាមួយចិន នៅឡើយទេចំពោះបញ្ហានេះ ។ ទំនាក់ទំនងរវាងសហរដ្ឋអាមេរិក និងចិន បានធ្លាក់ចុះដោយសារវិបត្តិជាច្រើន រួមទាំង ការប្រឈមដាក់គ្នាយ៉ាងខ្លាំងដោយយោធានៅក្នុងសមុទ្រចិនខាងត្បូង និងច្រកសមុទ្រតៃវ៉ាន់ ឧបទ្ទវហេតុបាញ់ទម្លាក់បាឡុងចារកម្ម កាលពីខែកុម្ភៈកន្លងទៅ និងរបាយការណ៍ថ្មីៗដែលថា ចិន កំពុងតាមដានអាមេរិកពីប្រទេសគុយបារយៈពេលជាច្រើនឆ្នាំមកនេះ។ លោកនិយាយថា វិធានការដ៏សំខាន់ ក្នុងការបង្កើតប្រព័ន្ធទូរស័ព្ទទាន់ហេតុការណ៍ ដើម្បីឆ្លើយតបទៅនឹងវិបត្តិដែនអាកាស គឺជាសញ្ញាមួយប្រទេស ទាំង២អាចបើកចំហឲ្យមានកិច្ចសហប្រតិបត្តិការបន្ថែមទៀតនាពេលអនាគត។ លោកបានប្រាប់សារព័ត៌មាន Reuters ការប្រាស្រ័យទាក់ទងគ្នាកាន់តែច្រើនជាមួយបណ្តាប្រទេសដូចជាប្រទេសជប៉ុននឹងរារាំងប្រទេសចិន ក៏ដូចជាប្រឆាំងនឹង "សកម្មភាពបង្កហេតុផ្សេងៗ" ដូចជាការរារាំងសញ្ញារបស់ផ្កាយរណបជាដើម៕

វិមានក្រឹមឡាំង៖ ការទទួលស្គាល់របស់កាណាដា ចំពោះអតីតយុទ្ធជនដែលបានបម្រើការឱ្យពួកណាស៊ីគឺជារឿង «គួរឱ្យខឹងសម្បា»

2023/09/26 11:30:31 am        219
Facebook Telegram Linkin
វិមានក្រឹមឡាំងបាននិយាយកាលពីថ្ងៃចន្ទ (២៥ កញ្ញា) ថាវាជារឿង «គួរឲ្យខឹងសម្បា» ដែលប្រធានសភាកាណាដា បានលើកសរសើរបុគ្គលម្នាក់នៅក្នុងកិច្ចប្រជុំសភា ដែលបានបម្រើការនៅក្នុងអង្គភាពណាស៊ី ក្នុងអំឡុងពេលសង្គ្រាមលោកលើកទីពីរ។ ប្រធានសភាកាណាដា លោក Anthony Rota បានសូមអភ័យទោសកាលពីថ្ងៃអាទិត្យ (២៤ កញ្ញា) បន្ទាប់ពីបានទទួលស្គាល់លោក Yaroslav Hunka វ័យ៩៨ ឆ្នាំថា ជា «វីរបុរសអ៊ុយក្រែន» នៅចំពោះមុខសភាកាណាដា។លោក Hunka ដែលបានបម្រើការក្នុងសង្គ្រាមលោកលើកទី២ ក្នុងនាមជាសមាជិកនៃកងពលធំ Waffen Grenadier ទី១៤ នៃក្រុមប្រដាប់អាវុធ SS របស់ណាស៊ី បានទទួលការស្វាគមន៍ពីរពីសមាជិកសភាក្នុងអំឡុងពេលដំណើរទស្សនកិច្ចរបស់ប្រធានាធិបតីអ៊ុយក្រែន លោក Volodymyr Zelenskiy នៅក្នុងប្រទេសកាណាដាផងដែរ៕

អាមេរិក និងប៉ូឡូញចុះហត្ថលេខាលើកិច្ចព្រមព្រៀងកម្ចីការពារជាតិចំនួន ២ពាន់លានដុល្លារ

2023/09/26 11:27:12 am        225
Facebook Telegram Linkin
ក្រសួងការបរទេស បាននិយាយកាលពីថ្ងៃចន្ទថា សហរដ្ឋអាមេរិក បានចុះហត្ថលេខាលើកិច្ចព្រមព្រៀងប្រាក់កម្ចីផ្ទាល់ចំនួន ពីរពាន់លានដុល្លារ ដើម្បីគាំទ្រដល់កម្មវិធីទំនើបកម្មផ្នែកការពារជាតិរបស់ប្រទេសប៉ូឡូញ។កិច្ចព្រមព្រៀងផ្តល់ហិរញ្ញប្បទានយោធាបរទេសជំរុញកិច្ចសហប្រតិបត្តិការការពារជាតិរបស់ប្រទេសទាំងពីរ ខណៈដែលប៉ូឡូញ កំពុងស្វែងរកការជំរុញកងកម្លាំងប្រដាប់អាវុធរបស់ខ្លួន បន្ទាប់ពីការឈ្លានពាន របស់រុស្ស៊ីលើអ៊ុយក្រែន។ក្រសួងការបរទេស បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា៖«បន្ថែមពីលើតួនាទីគាំទ្រកណ្តាលរបស់ខ្លួនក្នុងការសម្របសម្រួលជំនួយអន្តរជាតិដល់ប្រទេសអ៊ុយក្រែនដែលនៅជិតខាង ប៉ូឡូញ បានបង្ហាញពីការប្តេជ្ញាចិត្តរបស់ខ្លួនក្នុងការពង្រឹងសន្តិសុខក្នុងតំបន់ តាមរយៈការវិនិយោគដ៏រឹងមាំរបស់ខ្លួន ក្នុងការចំណាយលើវិស័យការពារជាតិ»។ប្រទេសប៉ូឡូញ គឺជាសម្ព័ន្ធមិត្តឈានមុខរបស់សហរដ្ឋអាមេរិក ហើយបានឈរនៅលើកំពូលតារាងចំណាយរបស់អង្គការណាតូ នៅឆ្នាំនេះ។ សម្ព័ន្ធភាពយោធានេះ បានព្យាករថា ប្រទេសប៉ូឡូញ នឹងផ្តល់ឲ្យ ៣,៩ភាគរយនៃផលិតផលក្នុងស្រុកសរុប ទៅក្នុងគោលដៅយោធា ដែលជិតស្មើពីរដងនៃគោលដៅពីរភាគរយបច្ចុប្បន្នរបស់អង្គការណាតូ។

ប្រឡាយក្រវាត់រាជធានីប៉ែកខាងលិច កំពុងត្រូវបានស្ដារបាន ៨០ភាគរយ ដើម្បីទប់ទល់នឹងការជន់លិច

2023/09/26 11:21:15 am        396
Facebook Telegram Linkin
ភ្នំពេញ៖ ប្រឡាយអូរតាគុជ ក្នុងមូលដ្ឋានខណ្ឌសែនសុខ ដែលស្ថិតនៅប៉ែកខាងលិច នៃរាជធានីភ្នំពេញ ត្រូវបានក្រុមអាជ្ញាធរខណ្ឌ និងមន្ត្រីជំនាញ ​កំពុងបន្តដំណើរការចុះកាយ និង​ស្តារប្រលាយទាំងមូល ​ដើម្បីឱ្យប្រព័ន្ធបង្ហូរទឹកអាចហូរបានទៅដោយរលូន បញ្ចៀស​បាន​នូវជន់លិច​ភូមិពលរដ្ឋរស់នៅ ខណៈរដូវនេះជារដូវវស្សាផងដែរនោះ ។ប្រឡាយអូរតាគុជខាងលើនេះ មានប្រវែងសរុប ៣១១៥ម៉ែត្រ ( ៣គីឡូម៉ែត្រ ) គិតចាប់ពីផ្លូវ​លេខ២០១១ ដល់ផ្លូវលេខ៥៩៨ ដែលមានភូមិមួយចំនួន​ ស្ថិតក្នុងសង្កាត់ចំនួន០៤ នៅ​ប្របសងខាងប្រលាយ​ រួមមានសង្កាត់ភ្នំពេញថ្មី , សង្កាត់គោកឃ្លាង , សង្កាត់ទឹកថ្លា , និងសង្កាត់ អូរបែកក្អម ។លោក សាំង សុភះវិចិត្រ អភិបាលរងខណ្ឌសែនសុខ បានប្រាប់ BTV ឱ្យដឹងថា គិតត្រឹមថ្ងៃទី២៦ ខែកញ្ញា ឆ្នាំ២០២៣នេះ ​អាជ្ញាធរខណ្ឌបានកាយ និងស្តារប្រឡាយអស់រយៈពេល១៥ថ្ងៃហើយ ដោយសម្រេចលទ្ធិផលបានប្រមាណពី៧០ ទៅ៨០ភាគរយ ​ហើយនឹងត្រូវស្តាររួចរាល់ ១០០ភាគរយ នៅក្នុងសប្តាហ៍នេះតែម្តង ។ ដោយការស្តារនេះ ​ធ្វើឡើងចាប់ពីគល់ស្ពានលេខ២០០៥ និងផ្លូវលេខ១០០៣ ដោយប្រើអេស្កាវ៉ាទ័០៣គ្រឿង ​និងសាឡង់០១គ្រឿង ។ លោកអភិបាលរងខណ្ឌ បន្ថែមថា ការកាយ និងស្តារប្រឡាយនេះ វានឹងជួយរំដោះទឹក បញ្ចៀស​ការជន់លិចនៅតាមបណ្តាភូមិពលរដ្ឋមួយចំនួនឱ្យកាន់តែប្រសើរឡើងផងដែរ ។ ទន្ទឹមនឹងសកម្មភាពចុះកាយ ​និងស្តារនោះ ​លោកអភិបាលរង ក៏បាន​សំណូមពរដល់​ពលរដ្ឋរស់នៅប្របសងប្រឡាយ​ មេត្តាចូលរួមថែរក្សាបរិស្ថានអនាម័យ​ទាំងអស់គ្នា ដោយ​សូម​បញ្ចៀសឱ្យបាននូវការបោះចោលសំរាម ​និងកាកសំណល់ផ្សេងៗ​ចូលទៅក្នុងប្រឡាយ​ ដែលជា​កត្តាបង្កឱ្យប្រឡាយ​មានការកកកុញស្ទះ ​មិនអាចហូរទឹកបានលឿន ​រាល់ពេលមេឃភ្លៀងខ្លាំងម្តងៗ ។ពលរដ្ឋរស់នៅប្របសងខាងប្រលាយ ក៏បានសម្តែងអារម្មណ៍រីករាយ ចំពោះសកម្មភាព​គិតគូរយកចិត្តទុកដាក់របស់អាជ្ញាធរខណ្ឌ​ ដែលបានចុះកាយ ​និងស្តារប្រឡាយ​ឱ្យបានជ្រៅ និង​បើកមុខទឹកឱ្យកាន់តែធំ ​ដើម្បីធ្វើឱ្យប្រព័ន្ធទឹកអាចហូរបានលឿនរហ័ស ​ដោយមិនមានការរាំងស្ទះ បង្កជាការជន់លិច​ប៉ះពាល់​ដល់​ការរស់នៅរបស់ពលរដ្ឋបន្តទៀត ។ សូមបញ្ជាក់ថា ​ដើម្បីឆ្លើយតប ​និង​បញ្ចៀស​បាននឹងការជន់លិចនៅក្នុងរាជធានីភ្នំពេញផងដែរនោះ ក្នុងមួយរយៈក្រោយមកនេះ ​ប្រឡាយ​មេ​សំខាន់ៗ​ជាច្រើន​នៅក្នុងរាជធានីភ្នំពេញ មានដូចជា​ប្រឡាយ​បឹងសាឡាង ​និងប្រឡាយ​បឹងត្របែកជាដើម ​ត្រូវបានក្រុម​អាជ្ញាធរមូលដ្ឋាន និង​មន្ត្រីជំនាញ បាន​គិតគូរ​យកចិត្តទុកចុះកាយ ​និងស្តារជាបន្តបន្ទាប់រួចរាល់ហើយផងដែរ ដើម្បី​ទប់ស្កាត់​ការជន់លិច ៕ អត្ថបទ៖ លីហេង 

ក្មេងប្រុសម្នាក់ត្រូវបានមន្ទីរពេទ្យគន្ធបុប្ផាជួយសង្រ្គោះជីវិតទាន់ពេលក្រោយពស់ស្រកាចាស់ចឹក​រលួយដៃ

2023/09/26 11:12:20 am        406
Facebook Telegram Linkin
ក្មេងប្រុសម្នាក់ មានអាយុ៦ឆ្នាំ ត្រូវបានមន្ទីរពេទ្យគន្ធបុប្ផាជួយសង្រ្គោះបានទាន់ពេលវេលា បន្ទាប់ពីក្មេងប្រុសរូបនេះ ត្រូវពស់ស្រកាចាស់ចឹកហើយពិសជ្រាបចូលក្នុងឈាម បណ្តាលឲ្យរលួយដៃ ខ្សោយដង្ហើម និងខូចតម្រងនោម​ស្រួចស្រាវ​យ៉ាង​ធ្ងន់ធ្ងរនោះ។យោងតាមផេកហ្វេសបុក​ ដែលមានឈ្មោះថា Dr Beat Richner ដែលបានបង្ហោះនាថ្ងៃទី២៦ ខែកញ្ញានេះ ​បានឲ្យដឹងថា ក្មេងប្រុសអាយុ៦ឆ្នាំនេះ ត្រូវបានពស់ស្រកាចាស់ចឹកនិងត្រូវបានបញ្ជូន​មកពី​មន្ទីរពេទ្យខេត្តកំពត២ថ្ងៃបន្ទាប់មកពិសពស់បានជ្រាបចូលក្នុងឈាម ធ្វើឲ្យរលួយដៃ​និងខ្សោយដង្ហើម ហើយចុងក្រោយបណ្តាលឲ្យពុលខ្សោយតម្រងនោមស្រួចស្រាវ​យ៉ាងធ្ងន់ធ្ងរ​បំផុត។ ប៉ុន្តែក្មេងប្រុសត្រូវបានជួយសង្រ្គោះជីវិត ​ដោយចាក់ថ្នាំបន្សាបចម្រុះពិស លាងឈាម​តាមស្រោមពោះសង្រ្គោះតម្រងនោម​ និងសង្រ្គោះដង្ហើមដោយម៉ាស៊ីនសប់ដង្ហើម អស់រយៈពេល២១ថ្ងៃ ​តែថ្ងៃនេះ(ថ្ងៃទី២៦) ក្មេងប្រុសបានរួចជីវិត និងត្រូវបន្តព្យាបាល​បណ្តុះស្បែកឡើងវិញ។តាមរយៈផេកហ្វេសបុកខាងលើនេះដែរ ​បានបញ្ជាក់ឲ្យដឹងផងដែរថា ពស់ស្រកាចាស់ មាន​ពិសចម្រុះគ្នា ធ្វើឲ្យរលួយសាច់វិបត្តិកំណកឈាម និងហូរឈាម អាចធ្វើឲ្យប្រព័ន្ធប្រាសាទ​ឈប់ដំណើរការ និងធ្វើឲ្យតម្រងនោមលែងដំណើរការទៀតផង។យ៉ាងណាក៏ដោយក្មេងប្រុសរងគ្រោះខាងលើនេះត្រូវបាន​ជួយសង្រ្គោះជីវិតទាន់ពេលា ហើយការព្យាបាលក្មេងប្រុសនេះ ​ដូចអ្នកជំងឺក្មេងៗ​នាពេលកន្លងមកផងដែរ គឺការព្យាបាល​ដោយឥតគិតថ្លៃទាំង អស់៕អត្ថបទ បាន ចក់

កូរ៉េខាងត្បូង ធ្វើក្បួនព្យុហយាត្រាយោធាដ៏កម្រ ក្នុងទីក្រុងសេអ៊ូល ខណៈមានការគំរាមពីកូរ៉េខាងជើង

2023/09/26 10:30:18 am        273
Facebook Telegram Linkin
ប្រទេសកូរ៉េខាងត្បូងនឹងធ្វើព្យុហយាត្រាយោធាធំបំផុតមិនធ្លាប់មានលើកដំបូងរបស់ខ្លួនក្នុងរយៈពេល១០ឆ្នាំ នៅថ្ងៃអង្គារទី២៦ខែកញ្ញា នេះ ដោយមានអាវុធ ចាប់ពីមីស៊ីលបាលីស្ទីក រហូតដល់ឧទ្ទម្ភាចក្រវាយប្រហារទូទាំងទីក្រុងសេអ៊ូល ជាការបង្ហាញកម្លាំង ខណៈខ្លួនប្រកាន់ជំហរកាន់តែខ្លាំងប្រឆាំងប្រទេសកូរ៉េខាងជើង។ព្រឹតិ្តការណ៍នេះ កើតឡើងខណៈលោកប្រធានាធិបតីកូរ៉េខាងត្បូង យ៉ុន សុកយ៉ូល ( Yoon Suk Yeol) បានប្រកាន់ជំហរដ៏រឹងមាំប្រឆាំងកូរ៉េខាងជើង ដែលជាការបង្ហាញសមយុទ្ធអាវុធនិងយោធាដ៏មានអំណាចនៃយុទ្ធសាស្ត្ររបស់លោកក្នុងការទប់ទល់កម្មវិធីនុយក្លេអ៊ែរនិងមីស៊ីលរបស់កូរ៉េខាងជើង។ក្បួនព្យុហយាត្រានេះ ប្រារព្ធដល់ទិវាកងកម្លាំងប្រដាប់អាវុធរបស់ប្រទេសនេះ ដែលធម្មតា ជាព្រឹត្តិការណ៍ស្ងៀមស្ងាត់ ខុសពីព្រឹត្តិការណ៍ដ៏ធំគគ្រឹកគគ្រេងរបស់កូរ៉េខាងជើងក្រោមការដឹកនាំរបស់លោក Kim Jong Un ដែលរួមទាំង អាវុធយុទ្ធសាស្ត្រ ដូចជាមីស៊ីល្ទីកអន្តរទ្វីប (ICBM)។ក្រសួងការពារជាតិនិយាយថា ព្រឹត្តិការណ៍ពេញមួយថ្ងៃនៅក្នុងទីក្រុងសេអ៊ូល នឹងមានការចូលរួមពីទាហានរាប់ពាន់នាក់ និងរថក្រោះផលិតក្នុងស្រុករបស់កូរ៉េខាងត្បូង និងកាំភ្លើងធំ ព្រមទាំងយន្តហោះវាយប្រហារ និងយានដ្រូន ដែលត្រូវបានចូលរួមដោយទាហាន៣០០នាក់ ក្នុងចំណោមទាហានអាមេរិក២៨.៥០០នាក់ ដែលតាំងមូលដ្ឋាននៅក្នុងប្រទេសនេះ ។ការបង្ហាញនេះ មានក្បួនព្យុហយាត្រាចម្ងាយ២គីឡួម៉ែត្រឆ្លងកាត់ស្រុកពាណិជ្ជកម្មនិងធុរកិច្ចសំខាន់របស់ក្រុងសេអ៊ូល រហូតដល់តំបន់ ក្វាងវ៉ាម៉ុន (Gwanghwamun) ដែលជាមាត់ច្រកទៅកាន់វិមានដ៏ធំស្កឹមស្កៃនៅកណ្ដាលទីក្រុងសេអ៊ូល។គួររម្លឹកថា កូរ៉េខាងត្បូង បានរៀបចំក្បួនព្យុហយាត្រាយោធាតាមផ្លូវចុងក្រោយកាលពីឆ្នាំ២០១៣៕

ប្រជាពលរដ្ឋជាង៥ពាន់គ្រួសារ ក្នុងខេត្តកំពង់ធំ កំពុងរងផលប៉ះពាល់ដោយសារទឹកជំនន់

2023/09/26 10:17:06 am        453
Facebook Telegram Linkin
កំពង់ធំ៖ ប្រជាពលរដ្ឋប្រមាណជាង៥.២០០គ្រួសារ កំពុងរងផលប៉ះពាល់ដោយសារទឹកជំនន់ ខណៈដែលហេដ្ឋារចនាសម្ព័ន្ធផ្លូវថ្នល់សាលារៀន វត្តអារ៉ាមនិងដំណាំផ្សេងៗទៀត កំពុងត្រូវបានទឹកជំនន់ធ្វើឲ្យលិចលង់ផងដែរ។នៅថ្ងៃទី២៥ ខែកញ្ញា ឆ្នាំ២០២៣ ឯកឧត្តមកិត្តិសង្គហបណ្ឌិត គន់ គីម អនុប្រធានទី១នៃគណៈកម្មាធិការជាតិគ្រប់គ្រងគ្រោះអន្តរាយ អញ្ជើញទៅត្រួតពិនិត្យ ស្ថានភាពទឹកជំនន់ និងផលប៉ះពាល់ដែលបណ្ដាលមកពីជំនន់ទឹកភ្លៀង នៅឃុំឈូក ស្រុកប្រាសាទសំបូរ ខេត្តកំពង់ធំ។ ក្នុងដំណើរនៃការពិនិត្យនេះ ឯកឧត្តមសង្កេតឃើញស្ថានភាពទឹកនៅតែបន្តកើនឡើង ដែល​នឹងធ្វើប្រជាពលរដ្ឋ នៅតែបន្តរងផលប៉ះពាល់ទាំងការធ្វើដំណើរ ​និងជីវភាពរស់នៅប្រចាំថ្ងៃ។ ក្នុងឱកាសនោះ ឯកឧត្តមទេសរដ្ឋមន្ត្រី ណែនាំដល់អាជ្ញាធរដែនដី ភូមិ ឃុំ ស្រុក ត្រូវយកចិត្តទុកដាក់ណែនាំដល់ប្រជាជនឲ្យមានការប្រុងប្រយ័ត្នខ្ពស់ ហើយត្រូវត្រៀមកងកម្លាំង និងមធ្យោបាយគ្រប់ប្រភេទ​ ដើម្បីដឹកជញ្ជូនពួកគាត់ទៅកាន់ទីទួលសុវត្ថិភាព ​ក្នុងកាលៈទេសៈ ដែលទឹកជំនន់នៅតែបន្តកើនឡើង ធ្វើប្រជាពលរដ្ឋគ្រោះថ្នាក់។ ក្នុងនោះ មន្ទីរ ស្ថាប័ន​ពាក់ព័ន្ធ​ត្រូវវាយ​តម្លៃឲ្យបានច្បាស់លាស់អំពីផលប៉ះពាល់ ​ដែលបណ្ដាលមកពីគ្រោះទឹកជំនន់នេះ មានជាអាទិ៍ ​បញ្ហាប្រព័ន្ធផ្លូវគមនាគមន៍ បញ្ហាប្រជាពលរដ្ឋ ដែលរងផលប៉ះពាល់​មានជីវភាព​លំបាកខ្វះខាត និងការខូចខាតផលដំណាំផ្សេងៗ​ដែលកើតមានឡើង ​ដើម្បីត្រៀមស្តារការខូចខាត និងដោះស្រាយជូន ប្រជាពលរដ្ឋយើងឲ្យបានសម្យ ​និងទាន់ពេលវេលា។តាមរបាយការណ៍របស់ ឯកឧត្តម ងួន រតនៈ អភិបាលខេត្តកំពង់ធំ​ បញ្ជាក់ថា ស្ថានភាពទឹកក្នុង​ខេត្តកំពង់ធំ គិតត្រឹមថ្ងៃទី២៥ ខែកញ្ញា នៅតែបន្តកើនឡើង ​ដែលនៅស្ថានីយកំពង់ធំ មានកំពស់ ១៣.៧២ ម៉ែត្រ លើសកំពស់​ប្រកាសឲ្យមាន​ការប្រុងប្រយ័ត្ន០.២២ម៉ែត្រ។ បច្ចុប្បន្នស្ថានភាពទឹក ​ធ្វើឲ្យប៉ះពាល់មានចំនួន ២៩ឃុំ ស្មើ ១៥៣ភូមិមាន៥.២៨៣គ្រួសារ ដែលមានប្រជាពលរដ្ឋ​សរុបចំនួន ២១.៣២៣ នាក់។ ប្រជាពលរដ្ឋ ចេញពីលំនៅឋាន២០៩គ្រួសារ មានមនុស្សចំនួន ៣១៨នាក់ កំពុងស្នាក់នៅលើទីទួលសុវត្ថិភាព១៩ គ្រួសារ ។ ប៉ះពាល់ផ្ទះសម្បែង ២.២២៥ខ្នង សាលារៀនចំនួន ៤៣សាលា ផ្អាកដំណើរការសាលារៀនចំនួន ១៨សាលា ប៉ះពាល់វត្តអារាមចំនួន ០៦កន្លែង ប៉ះពាល់ដំណាំរួមផ្សំចំនួន ១៨៧ ហិកតា ប៉ះពាល់ដំណាំស្រូវចំនួន ២.៧៥០ហិកតា ប៉ះពាល់ផ្លូវកៅស៊ូចំនួន ៣.៥៥៥ ម៉ែត្រ ប៉ះពាល់ផ្លូវបេតុងចំនួន ៣៣៤ ម៉ែត្រ ប៉ះពាល់ផ្លូវគ្រួស​ក្រហមចំនួន ៥១.៤០៥ ម៉ែត្រ ប៉ះពាល់ផ្លូវដីស ៣.៤៦៥ ម៉ែត្រ ប៉ះពាល់ស្ពានបេតុង ០១កន្លែង ស្ពានឈើ ០៦កន្លែង ខូច ០១ និងប៉ះពាល់លូកាត់ផ្លូវ ៨៧កន្លែង។ ក្នុងនាមអាជ្ញាធរខេត្ត ឯកឧត្តម ​អំពាវនាវដល់ប្រជាពលរដ្ឋទាំងអស់ ​សូមបង្កើនការប្រុងប្រយ័ត្ន​ក្នុងការរស់នៅប្រចាំថ្ងៃ ​ជាពិសេសកុមារតូចៗ​ ដែលត្រូវការជាចាំបាច់នូវអនាម័យ​ដើម្បីគេចផុត​ពីជំងឺឆ្លង ទន្ទឹមនេះប្រជាពលរដ្ឋគ្រប់ផ្ទះក៏ត្រូវត្រៀម ម្ហូបអាហារ ថ្នាំសង្កូវខ្លះៗ ដើម្បីសង្គ្រោះបឋម ដើម្បីជៀសវាងគ្រោះថ្នាក់ធ្ងន់ធ្ងរផងដែរ។

សិស្សានុសិស្សនៅអនុវិទ្យាល័យព្រៃព្រាល ចុះទស្សនកិច្ចសិក្សា ទៅកាន់ប្រាសាទសំបូរព្រៃគុក

2023/09/26 10:05:35 am        394
Facebook Telegram Linkin
កំពង់ធំ ៖ នៅថ្ងៃទី២៥ ខែកញ្ញា ឆ្នាំ២០២៣, អនុវិទ្យាល័យព្រៃព្រាល រៀបចំដំណើរទស្សនៈកិច្ចសិក្សា របស់សិស្សទៅកាន់តំបន់ប្រសាទបេតិកភណ្ឌពិភពលោក ប្រាសាទសំបូរព្រៃគុក ដើម្បីលក្ខណៈសំខាន់ៗរបស់ប្រាសាទ។លោក ម៉ាក់ សាន់នី នាយកសាលាអនុវិទ្យាល័យព្រៃព្រាល លើកឡើងថា គោលបំណង​នៃ​ទស្សនកិច្ច​សិក្សា នៅថ្ងៃនេះ ដើម្បីពង្រឹងការសិក្សាបន្ថែមរបស់សិស្ស​ដោយផ្សារភ្ជាប់​ការសិក្សា​ទ្រឹស្ដីទៅនិងការអនុវត្តជាក់ស្ដែង ស្វែងយល់ពីប្រវត្តិ​ ប្រពន្ធ័សិក្សាជំនាញ ​និងផលិតផល សេវា​កម្មរបស់វិទ្យា​ស្ថានបច្ចេកវិទ្យាកំពង់ឈើទាល ការសិក្សាស្វែងយល់ពីតំបន់ប្រវត្តិសាស្រ្ត​ប្រាសាទ​សំបូរព្រៃគុកលើកទឹកចិត្តដល់សិស្សដែលខិតខំសិក្សាពេញមួយឆ្នាំសិក្សា និងលើកទឹកចិត្តលោក​គ្រូអ្នកគ្រូ ដែលបានបង្ហាត់បង្រៀនដល់សិស្សានុសិស្ស។លោកស្រី ជា សោភារី ប្រធាននាយកដ្ឋានអភិវឌ្ឍទេសចរណ៍ ​នៃអាជ្ញាធរជាតិសំបូរព្រៃគុក ​ថ្លែងថា សិស្សានុសិស្សយល់ដឹងពីការបញ្ចូលប្រាសាទសំបូរព្រៃគុកជាបេតិកភណ្ឌពិភពលោក ​នៅថ្ងៃទី០៨ ខែកក្កដា ឆ្នាំ២០១៧ ដោយមានលក្ខខណ្ឌយ៉ាងតិចចំនួន៦ចំណុច ទើបទទួលបាន​ជាបេតិកភណ្ឌពិភពលោក ដើម្បីប្រជាជនកម្ពុជាទទួលស្គាល់ជាសម្បត្តិវប្បធម៌យ៉ាងពិតប្រាកដ។ លោកស្រីបានបន្តទៀតថា សម្រាប់ទស្សនកិច្ចសិក្សាថ្ងៃនេះគឺចង់បង្ហាញពីប្រវត្តិនៃប្រាសាទ​សំបូរព្រៃគុក ជាតំបន់ឥសានបុរៈ ដើម្បីទាក់ទាញភ្ញៀវជាតិ ​អន្តរជាតិមកទស្សនាជារៀងរាល់ថ្ងៃ ព្រមទាំងចូលរួមថែរក្សាប្រវត្តិសាស្ត្រឲ្យបានគង់វង្សយូរអង្វែង៕ 

បណ្ដាញសង្គម

ព័ត៌មានថ្មីៗ

គំនរសំរាមឈីលីស្ថិតនៅលើកំពូលបញ្ជីសកលសម្រាប់ការបំភាយឧស្ម័នមេតាន នៅក្នុងរបាយការណ៍បរិស្ថានរបស់ UN
05/05/2026 07:05 PM
Facebook Telegram Linkin
ប៉ាគីស្ថានអំពាវនាវឲ្យគោរពបទឈប់បាញ់ ក្រោយមានការវាយប្រហារដោយអ៊ីរ៉ង់ លើអារ៉ាប់រួម
05/05/2026 07:05 PM
Facebook Telegram Linkin
អង្គការសហប្រជាជាតិបញ្ជាក់ការគាំទ្រអ្នករស់រានពីគ្រាប់បែកបរមាណូ ស្របពេលក្តីបារម្ភចំពោះការរឹតត្បិតពិព័រណ៍ UN
05/05/2026 06:05 PM
Facebook Telegram Linkin
នាយករដ្ឋមន្ត្រីឥណ្ឌា ផ្ដួលគូប្រជែងជាមួយនឹងជ័យជម្នះយ៉ាងធំធេង នៅក្នុងការបោះឆ្នោតប្រចាំរដ្ឋ
05/05/2026 06:05 PM
Facebook Telegram Linkin
ហេតុការណ៍យន្តហោះខ្នាតតូចធ្លាក់បុកអគារនៅប្រេស៊ីល បណ្តាលឲ្យមនុស្ស ៣នាក់ស្លាប់
05/05/2026 06:05 PM
Facebook Telegram Linkin
WHO កំពុងធ្វើការជាមួយភាគីពាក់ព័ន្ធ ដើម្បីជម្លៀសអ្នកដំណើរឆ្លងវីរុស Hanta ២នាក់ ចេញពីនាវាទេសចរណ៍
05/05/2026 06:05 PM
Facebook Telegram Linkin
កូរ៉េខាងត្បូងនឹងស៊ើបអង្កេតអគ្គិភ័យលើនាវានៅច្រកសមុទ្រ Hormuz ខណៈលោក Trump បន្ទោសអ៊ីរ៉ង់
05/05/2026 06:05 PM
Facebook Telegram Linkin
អ៊ុយក្រែនរិះគន់ «ភាពមិនស្មោះត្រង់»របស់រុស្ស៊ី មុនពេលមានបទឈប់បាញ់ដាច់ដោយឡែកពីគ្នា
05/05/2026 06:05 PM
Facebook Telegram Linkin
ឯកអគ្គរដ្ឋទូត៖ ប្រមុខការទូតអាមេរិក លោក RUBBIO នឹងធ្វើការសន្ទនា «ដោយស្មោះត្រង់» ជាមួយសម្តេចប៉ាប LEO
05/05/2026 06:05 PM
Facebook Telegram Linkin
លោក Trump និយាយពីកំណើនការនាំចេញប្រេងវែណេស៊ុយអេឡាថា ប្រេងរាប់រយលានបារ៉ែល កំពុងហូរចេញ
05/05/2026 06:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.