នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

អ្នកជំនាញអង្គការសហប្រជាជាតិ ជំរុញសហរដ្ឋអាមេរិកកុំឲ្យផ្គត់ផ្គង់គ្រាប់បែកចង្កោមទៅឲ្យអ៊ុយក្រែន

2023/09/21 11:33:19 am        222
Facebook Telegram Linkin
UN៖ លិខិតមួយច្បាប់ដែលបានចេញផ្សាយកាលពីថ្ងៃពុធ បានបង្ហាញថា អ្នកជំនាញអង្គការសហប្រជាជាតិ បានជំរុញឲ្យសហរដ្ឋអាមេរិកពិចារណាការសម្រេចចិត្តរបស់ខ្លួនក្នុងការផ្គត់ផ្គង់គ្រាប់បែកចង្កោមទៅឲ្យអ៊ុយក្រែន ដោយនិយាយថា ការផ្គត់ផ្គង់នេះ អាចធ្វើឲ្យប៉ះពាល់ដល់ជនស៊ីវិល ទោះបីច្រើនទសវត្សរ៍បន្ទាប់ពីការបញ្ចប់ជម្លោះនៅទីនោះក៏ដោយ។នៅក្នុងលិខិត្តរបស់លោកស្រីទៅកាន់រដ្ឋាភិបាលអាមេរិក លោកស្រី Alice Jill Edwards អ្នករាយការណ៍ពិសេសរបស់អង្គការសហប្រជាជាតិ បាននិយាយថា គ្រាប់បែកចង្កោមធ្វើឲ្យរងរបួសដល់ជនស៊ីវិលយ៉ាងធ្ងន់ធ្ងរនិងមិនរើសអើងទាំងនៅពេលប្រើប្រាស់និងក្រោយពេលជម្លោះ ហើយមិនគួត្រូវបានប្រើប្រាស់នោះទេ។ លោកស្រី Edwards អ្នករាយការណ៍ពិសេសទទួលបន្ទុកការដាក់ទណ្ឌកម្ម អំពើឃោឃៅ អមនុស្សធម៌ ឬទាក់ទាក់ទងទៅនឹងការប្រព្រឹត្ត ឬទណ្ឌកម្ម បានសរសេរនៅក្នុងលិខិត្តថា «ខ្ញុំជំរុញដោយក្តីគោរពដល់រដ្ឋាភិបាលរបស់លោក ឲ្យពិចារណាឡើងវិញពីការសម្រេចចិត្តដើម្បីផ្ទេរគ្រាប់បែកចង្កោម ហើយសូមបញ្ឈប់ផែនការណាមួយឈានទៅរកការអនុវត្តន៍ការសម្រេចចិត្តបែបនេះ។ការចេញផ្សាយលិខិត្តនេះ ចុះកាលបរិច្ឆេទថ្ងៃទី១៤ ខែកក្កដា កើតមានឡើងប៉ុន្មានថ្ងៃបន្ទាប់ពី មន្ត្រីសហរដ្ឋអាមេរិក បាននិយាយថារដ្ឋបាលលោក Biden ខិតជិតដល់ការអនុម័តការដឹកជញ្ចូនមីស៊ីលរយៈចម្ងាយឆ្ងាយដែលផ្ទុកដោយគ្រាប់បែកចង្កោមទៅកាន់ប្រទេសអ៊ុយក្រែន ដើម្បីផ្តល់ឲ្យទីក្រុងគីវនូវសមត្ថភាពដើម្បីបង្កឲ្យមានការបំផ្លាញខ្លាំង កាន់តែជ្រៅនៅក្នុងទឹកដីដែលកាន់កាប់ដោយរុស្ស៊ី។គ្រាប់បែកចង្កោមត្រូវបានហាមប្រាម ដោយប្រទេសជាង១០០។ ប្រទេសរុស្ស៊ី អ៊ុយក្រែន និងសហរដ្ឋអាមេរិក មិនបានចុះហត្ថលេខាលើអនុសញ្ញាស្តីពីគ្រាប់បែកចង្កោម ដែលហាមឃាត់ការផលិត ការស្តុកទុក ប្រើប្រាស់ និងផ្ទេរអាវុធនេះនោះទេ៕

កម្ពុជាកំពុងខិតខំចរចាកំណត់ព្រំដែនគោកជាមួយប្រទេសជិតខាង និងឈានទៅកំណត់ព្រំដែនសមុទ្រ

2023/09/21 11:24:44 am        282
Facebook Telegram Linkin
ភ្នំពេញ៖ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានថ្លែងថា បច្ចុប្បន្នប្រទេសកម្ពុជា ​កំពុងខិតខំចរចាកំណត់ព្រំដែនគោក ​ជាមួយប្រទេសជិតខាងទាំងអស់ និងឈានទៅកំណត់ព្រំដែនសមុទ្របន្ថែមទៀត ​ដើម្បីឲ្យព្រំដែនមានសុខសន្តិភាព កិច្ចសហប្រតិបត្តិការ ​និងការអភិវឌ្ឍ ។ក្នុងឱកាសចូលឆ្លើយបំភ្លឺ ​នៅចំពោះមុខសមាជិកព្រឹទ្ធសភា ​ក្នុងសម័យប្រជុំវិសាមញ្ញនីតិកាលទី៤ ដើម្បីពិនិត្យ ​ហើយ​ឲ្យយោបល់​ចំនួន ២បៀបវារៈ ទី១. សេចក្តីព្រាងច្បាប់ស្តីពីការបង្កើត​ក្រសួង​អធិការកិច្ច និងសេចក្តីព្រាងច្បាប់ស្តីពី ​ការបង្កើតរដ្ឋលេខាធិការដ្ឋានកិច្ចការព្រំដែន ​នៅថ្ងៃទី២១ ខែកញ្ញា​ ឆ្នាំ២០២៣ឯកឧត្តម ឡាំ ​ជា ​មានប្រសាសន៍ថា​ គិតមកដល់ពេលនេះ បានធ្វើការ​ខណ្ឌសីម៉ា​បោះបង្គោលព្រំដែនគោក កម្ពុជា-វៀតណាម​ បានចំនួន៨៤ភាគរយ និងបានធ្វើការ​ត្រួតពិនិត្យខ្សែបន្ទាត់ព្រំដែនគោកកម្ពុជា-ឡាវ បានចំនួន៨៦ភាគរយ ។ឯកឧត្តម បានបន្តថា​ រកឃើញបង្គោលព្រំដែនគោក​ កម្ពុជា-ថៃ ចំនួន៧៣ទីតាំង ដែលស្មើ​នឹង៧៤បង្គោល ក្នុងនោះភាគីទាំងពីរ ​បានឯកភាពគ្នាចំនួន ​៤២ទីតាំង​ ដែលស្មើនឹង ៤២បង្គោល និងពុំទាន់បានឯកភាពគ្នាចំនួន ៣១ទីតាំង ស្មើនឹង ៣២បង្គោល ។ឯកឧត្តមរដ្ឋមន្ត្រី បានបន្ថែមថា ​ពាក់ព័ន្ធព្រំដែនសមុទ្ររវាងកម្ពុជាជាមួយថៃ ​និងជាមួយវៀតណាម មិនទាន់​បានចរចាកំណត់ព្រំដែន ហើយនៅពេលចរចាកំណត់ព្រំដែន​គោក​បានចប់ ទើបនឹងធ្វើការ​ចរចាព្រំដែនសមុទ្រជាមួយគ្នា ។ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភាជាតិ ​មានប្រសាសន៍ថា កិច្ចការព្រំដែនជាការងារ​អទិភាព​មួយ ដ៏មានសារៈសំខាន់បំផុត ​ជាអាយុជីវិតរបស់ជាតិ ទាមទារឲ្យមានការយកចិត្តទុក​ដាក់ខ្ពស់ ​ទាំងលើទិដ្ឋភាពច្បាប់ ទិដ្ឋភាពបច្ចេកទេស​ និងទិដ្ឋភាពនយោបាយ សំដៅធានា​រក្សាការពារ ​មិនឲ្យមានការរំលោភបានជាដាច់ខាត​ នូវអធិបតេយ្យ ​និងបូរណភាពទឹកដី នៃព្រះរាជាណាចក្រកម្ពុជា ។គួរបញ្ជាក់ថា សេចក្ដីព្រាងច្បាប់ស្តីពីការបង្កើតក្រសួង​អធិការកិច្ច ​មានចំនួន១០មាត្រា ដោយ​អង្គប្រជុំព្រឹទ្ធសភាជាតិ ​បានពិនិត្យហើយឲ្យយោបល់ឯកភាព​ទាំងស្រុង​ និងឥតកែប្រែចំនួន ៥៩សំឡេង ​ខណៈសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន ក្នុងសំឡេង ៥៩ដូចគ្នា ៕អត្ថបទ បាន សុខរិទ្ធិ

ច្បាប់ហ៊ីចាប(hijab)របស់អ៊ីរ៉ង់៖ ស្ត្រីប្រឈមមុខនឹងការជាប់ពន្ធនាគារ១០ឆ្នាំពីបទស្លៀកពាក់មិនសមរម្យ

2023/09/21 11:13:02 am        235
Facebook Telegram Linkin
អ៊ីរ៉ង់៖សភារបស់ប្រទេសអ៊ីរ៉ង់ បានអនុម័តច្បាប់ដ៏ចម្រូងចម្រាសមួយ ដែលនឹងបង្កើនការជាប់ពន្ធនាគារ និងការផាកពិន័យចំពោះស្ត្រី និងក្មេងស្រីដែលបំពានលើច្បាប់ស្លៀកពាក់ដ៏តឹងរ៉ឹងរបស់ខ្លួន។អ្នកដែលស្លៀកពាក់«មិនសមរម្យ» ប្រឈមមុខនឹងការជាប់ពន្ធនាគាររយៈពេល១០ឆ្នាំ ក្រោមច្បាប់នេះ ដែល«ការកាត់ក្តី»រយៈពេល៣ឆ្នាំ ត្រូវបានយល់ព្រម។វានៅតែត្រូវការអនុម័តដោយក្រុមប្រឹក្សាអាណាព្យាបាល ដើម្បីក្លាយជាច្បាប់។ការសម្រេចនេះ កើតឡើងមួយឆ្នាំ បន្ទាប់ពីការតវ៉ា បានផ្ទុះឡើងជុំវិញការស្លាប់របស់នាង Mahsa Amini នៅក្នុងមន្ទីរឃុំឃាំង ដែលនាងត្រូវបាន ឃុំខ្លួនដោយនគរបាលសីលធម៌ចំពោះការពាក់ហ៊ីចាបមិនបានសមរម្យ។ស្ត្រីបានដុតកន្សែងបង់ក ឬគ្រវីទៅលើអាកាស នៅឯបាតុកម្មទូទាំងប្រទេសប្រឆាំងនឹងគ្រឹះស្ថានបព្វជិត ដែលក្នុងអំឡុងពេលនោះ មនុស្សរាប់រយនាក់ ត្រូវបានគេរាយការណ៍ថា បានស្លាប់ក្នុងការបង្ក្រាបដោយកងកម្លាំងសន្តិសុខ៕

រដ្ឋមន្ត្រីការពារជាតិរុស្ស៊ី៖ ទំនាក់ទំនងរុស្ស៊ី-អ៊ីរ៉ង់ បានឈានដល់កម្រិតថ្មីមួយ

2023/09/21 11:04:44 am        258
Facebook Telegram Linkin
រុស្ស៊ី៖ រដ្ឋមន្ត្រីការពារជាតិរុស្ស៊ី លោក សឺហ្គេ សយហ្គូ (Sergei Shoigu) បាននិយាយក្នុងអំឡុងដំណើរទស្សនកិច្ចរបស់លោកទៅកាន់ទីក្រុងតេអេរ៉ង់ កាលពីថ្ងៃពុធថា ទំនាក់ទំនងរវាងរុស្ស៊ី និងអ៊ីរ៉ង់ បានឈានដល់កម្រិតថ្មីមួយ បើទោះបីជាមានការប្រឆាំងជាច្រើនពីលោកខាងលិចក្តី។ទីភ្នាក់ងារព័ត៌មាន Interfax បានដកស្រង់សម្តីលោកសយហ្គូ ដោយនិយាយថា៖«យើងកំពុងផ្តោតលើសកម្មភាព ដែលបានគ្រោងទុកទាំងមូល ទោះបីជាមានការប្រឆាំងពីសហរដ្ឋអាមេរិក និងសម្ព័ន្ធមិត្តលោកខាងលិចក៏ដោយ។«សម្ពាធទណ្ឌកម្មលើប្រទេសរុស្ស៊ី និងអ៊ីរ៉ង់ បង្ហាញពីភាពឥតប្រយោជន៍របស់វានោះ ខណៈដែលទំនាក់ទំនង រុស្ស៊ី-អ៊ីរ៉ង់ កំពុងឈានដល់កម្រិតថ្មីមួយ»។លោកសយហ្គូ បានជួបជាមួយមន្ត្រីសន្តិសុខជាន់ខ្ពស់អ៊ីរ៉ង់ លោក អាលី អាកបា អាម៉ាឌៀន (Ali Akbar Ahmadian) កាលពីថ្ងៃពុធ ហើយពួកគេ បាននិយាយអំពីប្រធានបទជាច្រើន ជាពិសេសការវិវឌ្ឍ នៅក្នុងតំបន់កូកាស (Caucasus) នេះបើយោងតាមសារព័ត៌មាន Nour News របស់ប្រទេសអ៊ីរ៉ង់។ទីភ្នាក់ងារសារព័ត៌មាន Tasnim របស់អ៊ីរ៉ង់ បានរាយការណ៍ថា លោករដ្ឋមន្ត្រីក្រសួងការពារជាតិរុស្ស៊ី ក៏បានទៅសួរសុខទុក្ខកងកម្លាំងអាកាសនៃកងឆ្មាំបដិវត្តន៍ឥស្លាម(IRGC)កាលពីថ្ងៃពុធ ជាកន្លែងដែលលោក បានជួបជាមួយប្រធានកងកម្លាំងអាកាសនៃកងឆ្មាំបដិវត្តន៍ លោក អាមីរ៉ាលី ហាជីហ្សាដេ ( Amirali Hajizadeh) ខណៈដែលយានដ្រូន មីស៊ីល និងប្រព័ន្ធការពារដែនអាកាសរបស់អ៊ីរ៉ង់ ត្រូវបានដាក់តាំងជូនលោកទស្សនានោះ៕

នាយករដ្ឋមន្ត្រីអ៊ីតាលីស្នើដល់UNធ្វើសង្រ្គាមដោយគ្មានមេត្តាចំពោះការជួញដូរជនអន្តោប្រវេសន៍

2023/09/21 11:01:29 am        228
Facebook Telegram Linkin
អ៊ីតាលី៖ នាយករដ្ឋមន្រ្តីអ៊ីតាលីកាលពីថ្ងៃពុធ បានជំរុញស្នើឲ្យអង្គការសហប្រជាជាតិ ចាប់ផ្តើមធ្វើ«សង្រ្គាមពិភពលោកដោយគ្មានមេត្តា»ប្រឆាំងនឹងក្រុមអ្នករត់ពន្ធជនអន្តោប្រវេសន៍ បន្ទាប់ពីមានការកើនឡើងនៃក្រុមជនអន្តោប្រវេសន៍មកដល់កោះឡាំពីឌូសា( Lampedusa) ។ថ្លែងទៅកាន់មហាសន្និបាតUN នាយករដ្ឋមន្ត្រីស្តាំនិយមលោកស្រី Giorgia Meloni បាននិយាយថា ប្រទេសអ៊ីតាលី ដែលនៅឆ្នាំក្រោយដឹកនាំក្រុមនៃប្រទេសប្រជាធិបតេយ្យដែលមានធនធានទាំង៧ បានត្រៀមខ្លួនរួចជាស្រេច ដើម្បីដឹកនាំកិច្ចខិតខំប្រឹងប្រែងប្រឆាំងនឹង«ជំនូញទាសករនៃសហវត្សរ៍ទីបី»។លោកស្រីបានសួរថា«តើអង្គការមួយដែលបញ្ជាក់សារជាថ្មីនៅក្នុងការបង្កើតឯកសាររបស់ខ្លួនអំពីជំនឿលើសេចក្តីថ្លៃថ្នូរ និងតម្លៃរបស់មនុស្ស អាចធ្វើមិនដឹងមិនឮចំពោះសោកនាដកម្មនេះ បានដែរឬទេ?លោកស្រី បាននិយាយថា៖«ខ្ញុំជឿថា វាជាកាតព្វកិច្ចរបស់អង្គការនេះ ក្នុងការបដិសេធវិធីសាស្រ្តលាក់ពុតណាមួយចំពោះបញ្ហានេះ និងធ្វើសង្រ្គាមពិភពលោកដោយគ្មានមេត្តាប្រឆាំងនឹងក្រុមអ្នកជួញដូរមនុស្ស»៕

ការស្វែងរកនៅតែបន្តក្នុងទីក្រុង ឌើណា របស់លីប៊ី ខណៈមនុស្សរាប់ពាន់នាក់នៅតែបាត់ខ្លួន

2023/09/21 10:57:13 am        195
Facebook Telegram Linkin
លីប៊ី៖  តំបន់ជាច្រើននៃទីក្រុងឌើណា (Derna) របស់ប្រទេសលីប៊ី នៅតែគ្របដណ្ដប់ដោយល្បប់ ដែលត្រូវបានក្លាយជាទីជម្រករបស់សត្វសុនខ។  មនុស្សរាប់ពាន់នាក់នៅតែបន្តបាត់ខ្លួន ដោយមានសាកសពជាច្រើន បានហូរកួចតាមទឹកចូលទៅក្នុងសមុទ្រ។ អង្គការសុខភាពពិភពលោក WHO និយាយថា មនុស្សស្លាប់ប្រមាណ៤.០០០នាក់ ជាចំនួនខុសគ្នាខ្លាំងដែលត្រូវបានរាយការណ៍ដោយមន្ទីរពេទ្យនានានៅក្នុងប្រទេសលីប៊ី ។  ក្រុមអ្នកជួយសង្រ្គោះ កំពុងព្យាយាមស្រង់សាកសពដែលកប់ក្រោម អគារបាក់រលំ ឬរសាត់អណ្ដែតមកច្រាំងសមុទ្រ បន្ទាប់ពីទឹកជំនន់ដ៏មហន្តរាយវាយប្រហារទីក្រុងឌើណា ស្ថិតនៅភាគខាងកើតប្រទេសលីប៊ី។  យោងតាមអឌ្ឍចន្ទក្រហមលីប៊ី គ្រោះមហន្តរាយបង្កឡើងដោយព្យុះមេឌីទែរ៉ាណ ដានីញែល(Daniel) គ្រោះទឹកជំនន់ បានឆក់យកជីវិតមនុស្សជាង១១.០០០នាក់ និងជាង១០.១០០នាក់កំពុងបាត់ខ្លួន។ លោក តាវ ហ្វីកមីស្រាទី (Tawfiq Misrati) ដែលដឹកនាំប្រតិបត្តិការសង្រ្គោះនិងស្វែងរក បាននិយាយថា សាកសពជនរងគ្រោះ៤៨៥នាក់ ត្រូវបានរកឃើញ គិតត្រឹមថ្ងៃអង្គារសប្ដាហ៍នេះ  ។ នៅពេលថ្ងៃសីតុណ្ហភាពនៅក្នុងទីក្រុងឌើណា ដែលរងគ្រោះធ្ងន់ធ្ងរជាងគេំផុត បានហក់ឡើងជាង៣០អង្សាសេ បង្កឲ្យមានក្ដីបារម្ភថា សាកសពស្អុយរលួយ នឹងបង្កឲ្យមានជំងឺ៕

កាណាដាប្រមូលផ្តុំសម្ព័ន្ធមិត្ត ខណៈភាពតានតឹងកើនឡើងជាមួយឥណ្ឌា ជុំវិញឃាតកម្មមេដឹកនាំសាសនាស៊ីគ

2023/09/21 10:53:02 am        203
Facebook Telegram Linkin
ឥណ្ឌា៖ ប្រទេសកាណាដានៅសប្តាហ៍នេះ បានបង្ហាញឱ្យឃើញយ៉ាងច្បាស់ថា ខ្លួនមានរបាយការណ៍ចារកម្មដែលអាចជាប់ពាក់ព័ន្ធនឹងទីភ្នាក់ងាររដ្ឋាភិបាលឥណ្ឌាចំពោះការស្លាប់របស់មេដឹកនាំ ផ្ដាច់ខ្លួន ឥណ្ឌាកាន់សាសនាស៊ីគ (Sikh) ជាប្រភេទព័ត៌មាន ដែលជាធម្មតាបង្កឱ្យមានភាពចលាចលក្នុងចំណោមសម្ព័ន្ធមិត្តប្រជាធិបតេយ្យ មិនមែនមានតែនៅពេលនេះនោះទេ។ ប្រទេសឥណ្ឌាកំពុងត្រូវបានសហរដ្ឋអាមេរិកតាមលួងលោម និងប្រទេសដទៃទៀត ដែលប្រឆាំងប្រទេសចិន ហើយការវាយប្រហារដ៏កម្ររបស់លោកនាយករដ្ឋមន្ត្រីកាណាដា ទ្រូដូ (Trudeau) បានកើតមានឡើង ប៉ុន្មានថ្ងៃ បន្ទាប់ពីទីក្រុង New Delhi បានធ្វើជាម្ចាស់ផ្ទះនៃកិច្ចប្រជុំកំពូល G20 ដែលរុញឲ្យប្រទេសលោកខាងលិចស្ថិតក្នុងជំហរមិនរឹងមាំ។ លោកស្រី ស្តេហ្វានី ខាវីន (Stephanie Carvin) សាស្ត្រាចារ្យផ្នែកទំនាក់ទំនងអន្តរជាតិនៅសាកលវិទ្យាល័យ Ottawa's Carleton បាននិយាយថា ឥណ្ឌាមានសារៈសំខាន់នៅក្នុងការគណនារបស់លោកខាងលិចសម្រាប់តុល្យភាពប្រទេសចិនហើយកាណាដា ក៏មិនមែនដែរ។លោកស្រីនិយាយថានេះពិតជាធ្វើឱ្យប្រទេសកាណាដា ធ្លាក់ចុះក្នុងចំណោមប្រទេសលោកខាងលិចផ្សេងទៀត។លោកនាយករដ្ឋមន្ត្រីJustin Trudeau បានប្រកាសកាលពីថ្ងៃចន្ទថា ប្រទេសកាណាដា កំពុង បន្តការចោទប្រកាន់ដ៏គួរឱ្យជឿជាក់ ដែលថាភ្នាក់ងារឥណ្ឌា អាចមានជាប់ពាក់ព័ន្ធខ្លាំង ចំពោះការសម្លាប់ពលរដ្ឋកាណាដាលោក ហាឌីប ស៊ីញ នីចា ( Hardeep Singh Nijjar)កាលពីខែមិថុនា។នៅពេលនោះ ទីក្រុង អូតាវ៉ា(Ottawa) បានពិភាក្សារួចហើយអំពីបញ្ហានេះជាមួយសម្ព័ន្ធមិត្តសំខាន់ៗ ដូចជា សម្ព័ន្ធភាពការចែករំលែកព័ត៌មានសម្ងាត់ Five Eyes ដែលរួមមានសហរដ្ឋអាមេរិក អង់គ្លេស អូស្ត្រាលី និងនូវែលសេឡង់ផងដែរ។  លោក ជីអេទីក បាចប៉ាអ៊ី (Chietigj Bajpaee )អ្នកជំនាញឥណ្ឌានៅស្ថាប័នស្រាវជ្រាវ Chatham House នៅទីក្រុងឡុងបាននិយាយថា ចក្រភពអង់គ្លេសស្ថិតក្នុងស្ថានភាពលំបាក ក្នុងការជ្រើសរើសរវាងការគាំទ្រកាណាដា និងការប្រឆាំងឥណ្ឌា ជាប្រទេសដែលខ្លួនចង់ធ្វើជាដៃគូពាណិជ្ជកម្ម និងសម្ព័ន្ធមិត្តក្នុងការជួយទប់ទល់ជាមួយប្រទេសចិន៕

ក្រុមជនអន្ធពាលហៃទីអំពាវនាវឲ្យមានការផ្តួលរំលំនាយករដ្ឋមន្ត្រី Henry ខណៈដែលភាពចលាចល កាន់តែកើនឡើងខ្លាំង

2023/09/21 10:34:18 am        183
Facebook Telegram Linkin
ហៃទី៖ មេដឹកនាំក្រុមជនអន្ធពាលដ៏មានឥទ្ធិពលបំផុតរបស់ប្រទេសហៃទី បានអំពាវនាវឲ្យមានការផ្តួលរំលំលោកនាយករដ្ឋមន្ត្រី អារៀល ហែនរី ( Ariel Henry) ដោយប្រដាប់អាវុធ ដោយជំរុញប្រជាជនហៃទីឡើងទៅតាមផ្លូវប្រឆាំងនឹងរដ្ឋាភិបាលដែលមិនជាប់ឆ្នោត ដែលជាការកើនឡើងកម្តៅថ្មីបំផុតនៅក្នុងប្រទេសដែលកំពុងជួបវិបត្តិមនុស្សធម៌នេះ។លោក Jimmy "Barbecue" Cherizier អតីតមន្ត្រីនគរបាល ដែលបច្ចុប្បន្នជាប្រធានក្រុមចម្រុះដ៏មានឥទ្ធិពលនៃក្រុមជនអន្ធពាលដែលគ្រប់គ្រងផ្នែកធំៗនៃទីក្រុងព័រអូប្រាំង បានដឹកនាំក្រុមប្រដាប់អាវុធរបស់លោកក្នុងការដើរក្បួនឆ្លងកាត់រដ្ឋធានីនេះ កាលពីថ្ងៃអង្គារ ដោយបិទផ្លូវនិងដំស្គរយ៉ាងគគ្រឹកគគ្រេង។មេដឹកនាំក្រុមជនអន្ធពាល លោក Cherizier បានប្រាប់សារព័ត៌មានរ៉យទ័រថា៖«យើងកំពុងចាប់ផ្តើមតស៊ូ ដើម្បីផ្តួលរំលំរដ្ឋាភិបាលរបស់អារៀល ហែនរី តាមមធ្យោបាយណាមួយ» ។ «ការតស៊ូរបស់យើង នឹងធ្វើឡើងជាមួយអាវុធ»។លោកបានបន្ថែមថា៖«បាតុកម្មនៅគ្រប់សង្កាត់ដែលមានវណ្ណៈកម្មករ»នឹងធ្វើឡើងជារៀងរាល់ថ្ងៃប្រឆាំងនឹងរដ្ឋាភិបាលរបស់លោកហែនរី ដែលលោកបាននិយាយថា មិនមានភាពស្របច្បាប់។ក្រុមជនអន្ធពាលហៃទីដែលជារឿយៗចូលរួមជាមួយនគរបាលក្នុងការប្រយុទ្ធគ្នាដោយកាំភ្លើង និងប្រាក់ចំណេញពីសកម្មភាពដូចជាការជំរិតទារប្រាក់ និងការជួញដូរគ្រឿងញៀន បានកើនឡើងយ៉ាងខ្លាំង ចាប់តាំងពីការធ្វើឃាតលោកប្រធានាធិបតី ហ្សូវេណែល ម៉ូអីស ( Jovenel Moise) ក្នុងឆ្នាំ២០២១៕

ប្រធានក្រុមប្រឹក្សាសន្តិសុខអង្គការសហប្រជាជាតិ ប្រាប់រុស្ស៊ីឲ្យបញ្ឈប់សង្រ្គាម និងថាលោក Zelenskiy មិនចាំបាច់និយាយទេ

2023/09/21 10:28:27 am        90
Facebook Telegram Linkin
UN៖ នេះគឺជាការបង្ហាញខ្លួនលើកដំបូងរបស់ប្រធានាធិបតីអ៊ុយក្រែនលោក Volodomyr Zelenskiy នៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីការលុកលុយរបស់ទីក្រុងមូស្គូនៅក្នុងប្រទេសរបស់លោក ពេលឯកអគ្គរដ្ឋទូតរុស្ស៊ីលោកវ៉ាស៊ីលីណេបេនស៊ៀ(Vassily Nebenzia) បានជំទាស់នឹងរូបលោកនៅពេលចាប់ផ្តើមនៃកិច្ចប្រជុំ។  លោកនាយករដ្ឋមន្ត្រីអាល់បានី អេឌី រ៉ាម៉ា (Edi Rama)ដែលកាន់តំណែងជាប្រធានកិច្ចប្រជុំដ៏តានតឹងនេះ បានឆ្លើយតបសម្ដីខ្លាំងៗ ទៅកាន់ទីក្រុងមូស្គូ ដោយបាននិយាយថា ការវាយលុកនេះពុំមែនបង្កើតទៅជាសង្គ្រាម តែជាប្រតិបត្តិការយោធាពិសេសដ៏ព្រៃផ្សៃ។ លោក Rama ដែលគេស្គាល់ថាជាមនុស្សចូលចិត្តលេងសើច បាននិយាយទាំងសើចបិទមាត់ថា ខ្ញុំចង់ធានាដល់សហសេវិករុស្ស៊ីរបស់យើង និងអ្នករាល់គ្នានៅទីនេះថា នេះមិនមែនជាប្រតិបត្តិការពិសេសរបស់ប្រធានអង្គសន្និបាត ប្រទេស អាល់បានី  ទេ ។ លោក បានបន្តថា ដោយថ្លែងទៅកាន់លោក ណេបេនស៊ៀ ដោយផ្ទាល់ថានេះគឺជាសេចក្ដីសម្រេចសម្រាប់បញ្ហានេះ ប្រសិនបើអ្នកយល់ព្រម អ្នកត្រូវបញ្ឈប់សង្រ្គាមនេះ ហើយលោក Zelenskiyនឹងមិនចាំបាច់ឡើងនិយាយអ្វីទាំងអស់។  លោក ណេបេនស៊ៀ ពុំបានយល់ព្រមទេ ។ លោកបាននិយាយថា សម័យប្រជុំនេះ គឺជាការបង្ហាញ និងបានរិះគន់លោក Rama ចំពោះអ្វីដែលលោកបាននិយាយថា លោក Rama កំពុងបង្កើតសេចក្ដីថ្លែងការណ៍ចោទប្រកាន់នយោបាយជាងការធ្វើជាអាណាព្យាបាលអព្យាក្រឹត្យនៃនិតិវិធី។ បន្ទាប់ពីសម័យប្រជុំ លោក Zelenskiy បានថ្លែងអំណរគុណលោក Rama នៅលើបណ្ដាញសង្គម ដោយនិយាយថាលោកនាយករដ្ឋមន្ត្រីអាល់បានី ដែលជាសីល្បករនិងជាអតីតកីឡាករបាល់បោះ បានបង្ហាញពិភពលោកពីរបៀបដោះស្រាយដោយផ្ទាល់ចំពោះរុស្ស៊ី ការកុហក់របស់ខ្លួន និង ពុតត្បុតរបស់ខ្លួន៕

នាយឧត្តមសេនីយ៍ ទៀ សីហា អញ្ជើញបិទសមយុទ្ធសុខាពិបាល «ទេវតាសន្តិភាព ឆ្នាំ២០២៣» កម្ពុជា-ចិន

2023/09/21 09:26:45 am        343
Facebook Telegram Linkin
នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៅព្រឹកថ្ងៃទី២១ ខែកញ្ញា ឆ្នាំ ២០២៣នេះ បានអញ្ជើញជាអធិបតីភាពក្នុងពិធីបិទសមយុទ្ធសុខាភិបាល កងយោធពលខេមរភូមិន្ទ ជាមួយ​កងទ័ពរំដោះប្រជាជនចិន ដែលមានឈ្មោះថា «ទេវតាសន្តិភាព ឆ្នាំ២០២៣» នា​បញ្ជាការដ្ឋាន​កង​ទ័ព​ពិសេស ​កងទ័ពជើងគោក ស្ថិតនៅសង្កាត់កំបូល ខណ្ឌកំពូល រាជធានីភ្នំពេញ។សូមបញ្ជាក់ការធ្វើសមយុទ្ធរួមគ្នារវាងកងទ័ពកម្ពុជា និងចិននេះ គឺបានធ្វើឡើងចាប់ពីថ្ងៃទី១៦ ដល់​ថ្ងៃ​ទី​២៦​ ខែកញ្ញាឆ្នាំ២០២៣នេះ ហើយការធ្វើនេះ គឺដើម្បីអបអរសាទរខួប លើកទី៦៥ឆ្នាំ នៃ​ការ​បង្កើត​ចំណង​ការ​ទូតរវាងកម្ពុជា-ចិន, ដើម្បីលើកកម្ពស់​សមត្ថភាព​,ការផ្លាស់ប្តូរ​បទ​ពិសោធន៍​ក្នុង​កិច្ច​សហប្រតិបត្តិការ​ផ្នែកសុខាភិបាល, ប្រតិបត្តិការសង្រ្គោះគ្រោះមហន្តរាយ និងជំងឺឆ្លងផ្សេងៗ​ឲ្យ​ប្រកប​ដោយ​ប្រសិទ្ធ​ភាពជាដើម។សមយុទ្ធរវាងកងទ័ពកម្ពុជា-ចិនជា លើកដំបូង ផ្នែកសុខាភិបាលនេះ ភាគីទាំងពីរ​បាន​កំណត់​យក​ប្រធានបទ​ «ប្រតិបត្តិការសង្គ្រោះសុខាភិបាល មនុស្សធម៌អន្តរជាតិរួមគ្នា នៅតំបន់គ្រោះមហន្តរាយ ខ្យល់​ព្យុះ ​និងទឹកជំនន់ធ្ងន់ធ្ងរ»ជាដើម។ សមយុទ្ធនេះនឹងធ្វើនៅទីតាំងផ្សេងគ្នា ដោយ​ក្នុង​នោះ​នៅ​ទីកន្លែង​បញ្ជាការដ្ឋាន​ទ័ព​ពិសេស កងទ័ពជើងគោក(អតីតកងពលតូច 911) នៅមន្ទីរពេទ្យព្រះកេតុមាលា នៅ​ព្រលាន​យន្ត​ហោះយោធា និងនៅមន្ទីរពេទ្យយោធភូមិភាគទី៤ ខេត្តសៀមរាប។ក្រៅពីធ្វើសមយុទ្ធសុខាភិបាលរួមគ្នាជាមួយកងទ័ពកម្ពុជានោះ កងទ័ពរំដោះប្រជាជនចិនក៏នឹង មាន​គម្រោង​ធ្វើ​កិច្ចការមនុស្សធម៌ដល់បងប្អូនប្រជាពលរដ្ឋខ្មែរផងដែរ ដោយកិច្ចការ​មនុស្សធម៌​នេះ​នឹង​ចុះ​ព្យាបាល​ជំងឺ​ដល់បងប្អូនប្រជាពលរដ្ឋដោយឥតគិតថ្លៃនៅមន្ទីរពេទ្យព្រះកេតុមាលា រាជធានីភ្នំពេញ និង​នៅ​មន្ទីរពេទ្យយោធភូមិភាគទី៤ ខេត្តសៀមរាប៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ប្រេងធ្លាក់ថ្លៃជាង២ដុល្លារ ក្រោយលោក Trump ផ្អាកការបើកច្រកសមុទ្រ Hormuz ដើម្បីស្វែងរកកិច្ចព្រមព្រៀង
05/06/2026 09:05 AM
Facebook Telegram Linkin
ផែនការរបស់អាមេរិកក្នុងការដំឡើងពន្ធរថយន្តអឺរ៉ុបដល់២៥% នឹងប៉ះពាល់បំផុតដល់ទីផ្សារទំនើប
05/06/2026 09:05 AM
Facebook Telegram Linkin
អេស្ប៉ាញ នឹងទទួលនាវាទេសចរណ៍ដែលអ្នកដំណើរឆ្លងវីរុស Hanta នៅកោះ Canary
05/06/2026 09:05 AM
Facebook Telegram Linkin
រុស្ស៊ីវាយប្រហារអ៊ុយក្រែនសម្លាប់មនុស្សច្រើននាក់ ខណៈកំពុងស្វែងរកបទឈប់បាញ់នៅថ្ងៃទិវាជ័យជម្នះរបស់ខ្លួន
05/06/2026 09:05 AM
Facebook Telegram Linkin
ប្រមុខការទូតអាមេរិក៖ លោក Trump និងលោក Xi ទំនងជានឹងពិភាក្សាពីបញ្ហាកោះតៃវ៉ាន់នៅសប្តាហ៍ក្រោយ
05/06/2026 08:05 AM
Facebook Telegram Linkin
លោក Trump ផ្អាកកិច្ចខិតខំប្រឹងប្រែងអមការពារនាវានៅច្រកសមុទ្រ Hormuz ដោយលើកឡើងពីវឌ្ឍនភាពនៃការចរចា
05/06/2026 08:05 AM
Facebook Telegram Linkin
សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់
05/05/2026 09:05 PM
Facebook Telegram Linkin
ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម
05/05/2026 09:05 PM
Facebook Telegram Linkin
នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត
05/05/2026 08:05 PM
Facebook Telegram Linkin
អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់
05/05/2026 08:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.