នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

សមយុទ្ធសុខាភិបាលរវាងកងទ័ពកម្ពុជា និងចិនចាប់ផ្តើមបើកជាផ្លូវការនាព្រឹកថ្ងៃទី១៦នេះ

2023/09/16 08:15:16 am        398
Facebook Telegram Linkin
សមយុទ្ធរវាងកងទ័ពកម្ពុជា-ចិនផ្នែកសុខាភិបាល ដែលមានឈ្មោះថា«ទេវតាសន្តិភាព ឆ្នាំ២០២៣» បានបើកជាផ្លូវការនាថ្ងៃទី១៦ ខែកញ្ញា ឆ្នាំ២០២៣នេះ នៅបញ្ជាការដ្ឋានទ័ពពិសេសកងទ័ព ជើងគោក នាសង្កាត់កំបូល ខណ្ឌកំបូល រាជធានីភ្នំពេញ។ កម្មវិធីនេះបានប្រព្រឹត្តទៅក្រោមអធិបតីភាពនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ ​និងជាប្រធានគណៈកម្មការដឹកនាំធ្វើលំហាត់ និងសមយុទ្ធរវាងកងយោធពលខេមរភូមិន្ទ ជាមួយបណ្តាប្រទេសជាមិត្ត និងការចាត់តាំង​សមយុទ្ធនានា​ក្នុងកងយោធពលខេមរភូមិន្ទ និងកងទ័ពរំដោះប្រជាជនចិនដឹកនាំដោយវរសេនីយ៍​ឯកពិសេស ហើ លីនយាន ​នាយករង នាយកដ្ឋានសុខាភិបាលអគ្គនាយកដ្ឋានផ្គត់ផ្គង់ភស្តុភា នៃគណៈកម្មាធិការយោធាមជ្ឍឹម នៃសាធារណរដ្ឋប្រជាមានិតចិន។សូមបញ្ជាក់ការធ្វើសមយុទ្ធរួមគ្នារវាងកងទ័ពកម្ពុជា និងចិននេះនឹងធ្វើឡើងចាប់ពីថ្ងៃទី១៦ ដល់ថ្ងៃទី២៦ ខែកញ្ញាឆ្នាំ២០២៣នេះហើយការធ្វើនេះគឺដើម្បីអបអរសាទរខួបលើកទី៦៥ឆ្នាំ នៃការបង្កើតចំណងការទូតរវាងកម្ពុជា-ចិន, ដើម្បីលើកកម្ពស់សមត្ថភាព,ការផ្លាស់ប្តូរ​បទពិសោធន៍ក្នុងកិច្ចសហប្រតិបត្តិការផ្នែកសុខាភិបាល, ប្រតិបត្តិការសង្រ្គោះគ្រោះមហន្តរាយ និងជំងឺឆ្លងផ្សេងៗឲ្យប្រកបដោយប្រសិទ្ធភាពជាដើម។សមយុទ្ធរវាងកងទ័ពកម្ពុជា-ចិនជាលើកដំបូងផ្នែកសុខាភិបាលនេះ ភាគីទាំងពីរបានកំណត់​យកប្រធានបទ«ប្រតិបត្តិការសង្គ្រោះសុខាភិបាល មនុស្សធម៌អន្តរជាតិរួមគ្នា នៅតំបន់គ្រោះមហន្តរាយ ខ្យល់ព្យុះ និងទឹកជំនន់ធ្ងន់ធ្ងរ»ជាដើម។ សមយុទ្ធនេះនឹងធ្វើនៅទីតាំងផ្សេងគ្នា ដោយក្នុងនោះនៅទីកន្លែងបញ្ជាការដ្ឋានទ័ពពិសេស កងទ័ពជើងគោក(អតីតកងពលតូច 911) នៅមន្ទីរពេទ្យព្រះកេតុមាលា នៅព្រលានយន្តហោះយោធា និងនៅមន្ទីរពេទ្យយោធភូមិភាគទី៤ ខេត្តសៀមរាប។ក្រៅពីធ្វើសមយុទ្ធសុខាភិបាលរួមគ្នាជាមួយកងទ័ពកម្ពុជានោះ កងទ័ពរំដោះប្រជាជនចិនក៏នឹង មានគម្រោងធ្វើកិច្ចការមនុស្សធម៌​ដល់បងប្អូនប្រជាពលរដ្ឋខ្មែរផងដែរ ដោយកិច្ចការមនុស្សធម៌នេះ​នឹងចុះព្យាបាលជំងឺដល់បងប្អូនប្រជាពលរដ្ឋដោយឥតគិតថ្លៃនៅមន្ទីរពេទ្យព្រះកេតុមាលា រាជធានីភ្នំពេញ និងនៅមន្ទីរពេទ្យយោធភូមិភាគទី៤ ខេត្តសៀមរាប៕អត្ថបទបាន ចក់ 

សម្តេចព្រះមហាក្សត្រី ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ ៥ពាន់ដុល្លារអាមេរិក ក្នុងការថែទាំសត្វដំរី

2023/09/15 01:58:50 pm        223
Facebook Telegram Linkin
ភ្នំពេញ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ​ក្នុងសេរីភាព សេចក្តីថ្លៃថ្នូរ និងសុភមង្គល ​ជាទីគោរពសក្ការៈដ៏ខ្ពង់ខ្ពស់បំផុត ក្រោមព្រះរាជតម្រិៈទុកដាក់អំពីការអភិរក្សសត្វកម្រផ្សេងៗ ក្នុងព្រះរាជាណាចក្រកម្ពុជា ព្រះអង្គសព្វព្រះរាជហឫទ័យប្រោសព្រះរាជទាននូវព្រះរាជអំណោយជាព្រះរាជទ្រព្យដ៏ថ្លៃថ្លាចំនួន ៥ពាន់ដុល្លារអាមេរិក ជូនសមាគមអភិរក្សដំរី អៃរាវត្តា សម្រាប់ជាវិភាគទានក្នុង​សកម្មភាពអភិរក្ស​សត្វដំរីនៅកម្ពុជា។គួររម្លឹកផងដែរថា កាលពីដើមឆ្នាំទៅមិញក្រសួងបរិស្ថានបានប្រកាសបន្តគាំទ្រសមាគម​អភិរក្សដំរីអៃរាវត្តា Airavata Elephant Foundation ក្នុងការចូលរួមការពារ​ និងអភិរក្សសត្វដំរី ដែលជាសត្វកម្រ ​និងជិតផុតពូជ។ក្រសួងបរិស្ថានបានគាំទ្រការអភិរក្សដំរីនៅកម្ពុជាដោយបានប្រគល់ថវិកាមូលនិធិបរិស្ថាន និងសង្គមជូនទៅ «សមាគមអភិរក្សដំរីអៃរាវត្តា»។ សមាគមអភិរក្សដំរីខ្មែរអៃរាវត្តា​ដែល​មានទីតាំងក្នុងខេត្តរតនគីរី​ ជាមជ្ឈមណ្ឌលបង្កាត់ពូជដំរី ​ដើម្បីធ្វើការអភិរក្ស និងបង្កើនចំនួនដំរីនៅកម្ពុជា៕

ប្រជាពលរដ្ឋក្នុងស្រុកប្រឆាំងនឹងផែនការរុករករ៉ែធម្មជាតិលីចូមរបស់សហភាពអឺរ៉ុប

2023/09/15 01:46:38 pm        195
Facebook Telegram Linkin
នៅតំបន់ Barroso ស្ថិតនៅភាគខាងជើងប្រទេសព័រទុយហ្គាល់ កិច្ចខិតខំរបស់សហរដ្ឋភាពអឺរ៉ុបសម្រាប់ថាមពលស្អាត ត្រូវបានជំទាស់ដោយក្រុមប្រជាពលរដ្ឋក្នុងស្រុក ។ ក្រុមសកម្មជនទាំងអស់នេះដែលបានតវ៉ាប្រឆាំងផែនការរុករុករ៉ែធម្មជាតិលីចូម គឺជាសារធាតុចាំបាច់សម្រាប់អាគុយរថយន្តអគ្គិសនីនោះ មិនមែនជាក្រុមប្រឆាំងតែមួយនោះទេនៅក្នុងប្លុកមួយនេះ ។ ដីគ្រប់គ្រងដោយអ្នកស្រី Maria Loureiro និងគ្រួសាររបស់គាត់ អាចក្លាយជាកន្លែងផលិតមួយក្នុងចំណោមទីតាំងផលិតធនធានរ៉ែមួយនេះដ៏ធំបំផុតរបស់អឺរ៉ុប ស្របពេលដែលសហភាពអឺរ៉ុប ព្យាយាមកាត់បន្ថយការពឹងផ្អែកលើកន្លែងផ្សេងទៀត ដូចជានៅចិន តាមរយៈការផលិតវត្ថុធាតុដើមត្រូវការសម្រាប់បច្ចេកវិទ្យាថាមពលស្អាតនៅក្នុងស្រុក ។ អ្នកស្រី Maria និយាយថា ខ្ញុំប្រឆាំងនឹងការរុករករ៉ែនេះ ។ ខ្ញុំមិនចង់បានវានោះទេ ហើយខ្ញុំក៏មិនលក់ដីនោះដែរ លុះត្រាតែខ្ញុំត្រូវការលក់វា ។ គួរឲ្យដឹងថា ប្រទេសព័រទុយហ្គាល់ គឺជាប្រទេសផលិតសារធាតុលីចូមធំបំផុតរបស់អឺរ៉ុបរួចទៅហើយជាមួយនឹងផលិតបម្រុង ៦៦.០០០តោន ។ តំបន់ Barroso ដែលទេសភាពភ្នំនៅទីនេះ គឺជាតំបន់បេតិកភណ្ឌរបស់អង្គការកសិកម្ម និងស្បៀងអាហារនោះ សម្បូរដោយរ៉ែធម្មជាតិលីចូម ។ ក្រុមហ៊ុន Savannah Resources ដែលមានមូលដ្ឋាននៅទីក្រុងឡុងដ្រ៍ ចក្រភពអង់គ្លេស ចង់កសាងអណ្តូងរ៉ែ ៤កន្លែងនៅទីនេះ ដើម្បីផលិតសារធាតុលីចូមរាល់ឆ្នាំឲ្យគ្រប់គ្រាន់សម្រាប់អាគុយរបស់រថយន្តអគ្គិសនី EV ប្រហែលកន្លះលានគ្រឿង ។ ពួកគេរំពឹងថា នឹងត្រូវចំណាយប្រាក់ ១៦លានដុល្លារ សម្រាប់ទិញដីជាង ៨០៩ហិចតា ៕

ក្រុមហ៊ុនភេសជ្ជៈនៅប៉ូឡូញ តែងតាំងរូបយន្ត AI ជា «នាយកប្រតិបត្តិពិសោធន៍»

2023/09/15 01:39:19 pm        204
Facebook Telegram Linkin
រូបយន្តដែលដំណើរការដោយម៉ូដែលភាសាខ្នាតធំក្នុងទម្រង់ប្រព័ន្ធប្រាជ្ញាសិប្បនិមិត្ត ChatGPT (LLMs) ត្រូវបានតែងតាំងជា «នាយកប្រតិបត្តិពិសោធន៍» សម្រាប់ក្រុមហ៊ុនភេសជ្ជៈមួយ នៅប្រទេសប៉ូឡូញ។ រូបយន្តឈ្មោះ មីកា (Mika) ដែលបង្កើតឡើងដោយក្រុមហ៊ុនគ្រឿងយន្ត ហាន់សុន មានមូលដ្ឋាននៅទីក្រុងហុងកុង នេះ គឺជារូបយន្ត ដែលមានរូបរាងដូចមនុស្សស្រី ទោះបីជាគ្មានជើង ហើយត្រូវផ្លាស់ទីដោយប្រើកង់ក៏ដោយ។ដំបូងឡើយ ផលិតករគ្រឿងយន្ត បានប្រើប្រាស់រូបយន្ត មីកា សម្រាប់កំណត់អត្តសញ្ញាណអតិថិជន ដែលមានសក្តានុពលសម្រាប់ភេសជ្ជៈ ដែលមានតម្លៃថ្លៃលំដាប់ខ្ពស់របស់ពួកគេតែប៉ុណ្ណោះ ប៉ុន្តែឥឡូវនេះភារកិច្ចរបស់ មីកា បានពង្រីកទៅជាភារកិច្ចជាច្រើន រួមទាំងការជ្រើសរើសសិល្បករដើម្បីរចនាដបភេសជ្ជៈផ្ទាល់ខ្លួនផងដែរ។សម្រាប់លោក Marek Szoldrowski ដែលជាប្រធានសម្ព័ន្ធក្រុមហ៊ុនភេសជ្ជៈអឺរ៉ុប បច្ចេកវិទ្យាប្រព័ន្ធប្រាជ្ញាសិប្បនិមិត្តរបស់រូបយន្ត មីកា នេះ បង្ហាញពីមធ្យោបាយដែលរូបយន្តអាចមានតួនាទីសំខាន់ក្នុងអាជីវកម្ម ហើយមិនមែនគ្រាន់តែជាឱកាសផ្សព្វផ្សាយសម្រាប់បច្ចេកវិទ្យាឆ្លាតវៃនោះទេ៕

បារាំងដាក់ច្បាប់បញ្ចេញឧស្ម័នពុលដ៏តឹងរ៉ឹង ខណៈមានបម្រាមលក់ទូរស័ព្ទ Iphone 12 ក្នុងប្រទេសនេះ

2023/09/15 01:35:35 pm        167
Facebook Telegram Linkin
អ្នកជំនាញម្នាក់បានប្រាប់សារព័ត៌មាន រ៉យទ័រ កាលពីថ្ងៃព្រហស្បតិ៍ (១៤ កញ្ញា) ថា ប្រទេសបារាំងមានច្បាប់ដ៏តឹងរឹងសម្រាប់ព័ត៌មានការប៉ះពាល់នឹងវិទ្យុសកម្ម ដែលបង្ខំឱ្យក្រុមហ៊ុនផលិតឧបករណ៍បច្ចេកវិទ្យា បង្ហាញទិន្នន័យអត្រាស្រូបទាញនៃវិទ្យុសកម្មជាក់លាក់ (SAR) នៅក្នុងការផ្សាយពាណិជ្ជកម្ម និងសម្ភារៈទីផ្សារ ។ទីភ្នាក់ងារប្រេកង់បារាំង (ANFR) បានប្រាប់ក្រុមហ៊ុន Apple កាលពីថ្ងៃអង្គារ (១២ កញ្ញា) ឱ្យបញ្ឈប់ការលក់ទូរស័ព្ទ អាយហ្វូន ១២ (iPhone12) នៅក្នុងប្រទេសបារាំង បន្ទាប់ពីការធ្វើតេស្តបានបង្ហាញពី អត្រាស្រូបទាញនៃវិទ្យុសកម្មជាក់លាក់ (SAR) របស់ទូរស័ព្ទ ដែលជារង្វាស់នៃអត្រាថាមពលប្រេកង់វិទ្យុសកម្ម ដែលត្រូវបានស្រូបចូលរាងកាយពីឧបករណ៍មួយ ខ្ពស់ជាងការអនុញ្ញាតស្របច្បាប់។អ្នកជំនាញរូបនោះបានបន្ថែមថា យ៉ាងហោចណាស់ឧបករណ៍ទូរស័ព្ទចំនួន៥ប្រភេទ មិនត្រូវបានអនុញ្ញាតឱ្យលក់ជារៀងរាល់ឆ្នាំ ហើយអ្នកផលិតឧបករណ៍ទាំងនោះ តែងតែត្រូវបានបញ្ជាឱ្យអនុវត្តតាមច្បាប់នៃការបំភាយឧស្ម័ន ដោយការកែតម្រូវកម្មវិធីឧបករណ៍របស់ពួកគេ។អង្គការឃ្លាំមើលរដ្ឋាភិបាលបាននិយាយថា ខ្លួននឹងបញ្ជូនភ្នាក់ងារទៅកាន់ហាងលក់ទូរស័ព្ទរបស់ក្រុមហ៊ុន Apple និងអ្នកចែកចាយផ្សេងទៀត ដើម្បីពិនិត្យមើលប្រភេទទូរស័ព្ទ ដែលហាមប្រាមមិនឲ្យដាក់លក់នេះ ហើយការខកខានមិនបានគោរពតាមបម្រាមនេះ នឹងនាំឱ្យមានការប្រមូលមកវិញនូវប្រភេទទូរស័ព្ទអាយហ្វូន១២ ដែលបានលក់រួចហើយទៅកាន់អ្នកប្រើប្រាស់ ត្រឡប់យកមកវិញទាំងអស់ផងដែរ៕

អង្គការណាសា រើសប្រធានស្រាវជ្រាវ UFO ថ្មី ខណៈខ្លួនមើលមិនឃើញភស្តុតាងនៃវត្តមានមនុស្សភពក្រៅនោះទេ

2023/09/15 01:30:15 pm        430
Facebook Telegram Linkin
កាលពីថ្ងៃព្រហស្បតិ៍ (១៤ កញ្ញា) អង្គការ ណាសា បាននិយាយថា ខ្លួនបានជ្រើសរើសនាយកថ្មីនៃគម្រោងការស្រាវជ្រាវ ទៅលើអ្វីដែលរដ្ឋាភិបាលហៅថា «បាតុភូតពុំមានអត្តសញ្ញាណច្បាស់លាស់» ឬហៅថា UAP ដែលត្រូវបានគេស្គាល់ជាទូទៅថា ជាវត្ថុហោះមិនស្គាល់អត្តសញ្ញាណ (UFOs) ខណៈប្រធានទីភ្នាក់ងារអវកាសអាមេរិកបាននិយាយថា ក្រុមអ្នកជំនាញដែលបានជំរុញឱ្យមានការស្វែងរកការពិតកាន់តែស៊ីជម្រៅ លើបញ្ហាមនុស្សភពក្រៅនេះ បានរកឃើញថាគ្មានភស្តុតាងប្រភពដើម សម្រាប់វត្តមាននៃវត្ថុទាំងនេះទេ។អ្នកគ្រប់គ្រងម្នាក់នៅក្នុងអង្គការណាសា លោក បីល នែលសុន (Bill Nelson) បានចេញសេចក្តីប្រកាសអំពីប្រធានស្រាវជ្រាវថ្មីនេះ ដោយមិនបង្ហាញពីអត្តសញ្ញាណរបស់មន្រ្តីថ្មីនេះទេ បន្ទាប់ពីក្រុមអ្នកជំនាញឯករាជ្យបានផ្តល់អនុសាសន៍នៅក្នុងរបាយការណ៍ថ្មីមួយថា អង្គការណាសា បង្កើនកិច្ចខិតខំប្រឹងប្រែងរបស់ខ្លួនដើម្បីប្រមូលព័ត៌មាននៅលើបាតុភូត UAP និងដើរតួនាទីធំជាងមុនក្នុងការជួយមន្ទីរបញ្ចកោណឲ្យរកឃើញវត្ថុចម្លែកទាំងនោះ។របាយការណ៍បាននិយាយថា អ្នកវិភាគផ្នែកក្រសួងការពារជាតិ និងចារកម្មរបស់សហរដ្ឋអាមេរិក មិនមានទិន្នន័យគ្រប់គ្រាន់ដើម្បីកំណត់ពីប្រភពនៃវត្ថុចម្លែកមួយចំនួន ដែលបានរកឃើញនោះទេ ខណៈវត្ថុខ្លះអាចត្រូវបានពន្យល់ថា ជាបាតុភូតបរិយាកាស យន្តហោះទំនើបមកពីប្រទេសមួយផ្សេងទៀត ឬវត្ថុដែលគ្មានគ្រោះថ្នាក់ ដូចជាបាឡុងអាកាសធាតុជាដើម៕

រដ្ឋមន្ត្រីការពារជាតិចិន ពុំបានបង្ហាញមុខជាច្រើនសប្តាហ៍មកហើយ រួមទាំងមិនបានចូលរួមក្នុងជំនួបជាមួយវៀតណាម

2023/09/15 01:25:11 pm        84
Facebook Telegram Linkin
រដ្ឋមន្ត្រីក្រសួងការពារជាតិចិន លោក លី សាងហ្វ៊ូ (Li Shangfu) បានដកខ្លួនចេញ ភ្លាមៗក្នុងកិច្ចប្រជុំជាមួយបណ្ដាមេដឹកនាំការពារជាតិវៀតណាម កាលពីសប្តាហ៍មុន នេះបើយោងតាមមន្ត្រីបីរូបដែលមានចំណេះដឹងផ្ទាល់អំពីបញ្ហានេះ ស្របពេលមានសំណួរអំពីការអវត្តមានរបស់លោក អស់រយៈពេលជាងពីរសប្តាហ៍ពីទស្សនីយ៍ភាពសាធារណៈ។យោងតាមមន្ត្រីវៀតណាមពីររូបបានឲ្យដឹងថា លោក លី វ័យ៦៥ឆ្នាំ គ្រោងនឹងចូលរួមកិច្ចប្រជុំប្រចាំឆ្នាំស្តីពីកិច្ចសហប្រតិបត្តិការលើវិស័យការពារជាតិ ដែលរៀបចំដោយវៀតណាមនៅតាមព្រំដែនរបស់ខ្លួនជាមួយប្រទេសចិន កាលពីថ្ងៃទី៧ និងទី៨ ខែកញ្ញា ប៉ុន្តែកិច្ចប្រជុំនោះត្រូវបានពន្យារពេល បន្ទាប់ពីទីក្រុងប៉េកាំងបានប្រាប់ទីក្រុងហាណូយប៉ុន្មានថ្ងៃមុនព្រឹត្តិការណ៍ថា រដ្ឋមន្ត្រីរូបនេះកំពុងមាន «បញ្ហាសុខភាព»។ការលុបចោលភ្លាមៗនៃដំណើររបស់លោក លី ធ្វើឡើងបន្ទាប់ពីមានការជំនួសតំណែងដែលមិនអាចពន្យល់បាន របស់អតីតរដ្ឋមន្ត្រីការបរទេសចិន លោក ឈីន កាង (Qin Gang) របស់ប្រទេសចិនក្នុងខែកក្កដា បន្ទាប់ពីអវត្តមានដ៏យូរពីទិដ្ឋភាពសាធារណៈ និងភាពរង្គោះរង្គើនៃការដឹកនាំរបស់ឥស្សរជនកងកម្លាំងរ៉ុក្កែត នៃកងទ័ពរំដោះប្រជាជនចិន ក្នុងប៉ុន្មានខែថ្មីៗនេះ និងជាសកម្មភាពដែលបានចោទជាសំណួរអំពី ការសម្រេចរបស់ថ្នាក់ដឹកនាំចិនផងដែរ៕

សន្និសីទអាស៊ាន-ចិនឆ្នាំ២០២៣ ស្ដីពីកិច្ចសហប្រតិបត្តិការ និងការអភិវឌ្ឍការអប់រំវិជ្ជាជីវៈ

2023/09/15 01:17:27 pm        77
Facebook Telegram Linkin
ទីក្រុងណាននីង៖ នៅថ្ងៃទី១៥ ខែកញ្ញា ឆ្នាំ២០២៣ឯកឧត្តមបណ្ឌិត អ៊ុម រម្យណី រដ្ឋលេខាធិការ នៃក្រសួងអប់រំ យុវជន និងកីឡា ជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ​ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំគណៈប្រតិភូកម្ពុជា​អញ្ជើញចូលរួម ​សន្និសីទអាស៊ាន-ចិនឆ្នាំ២០២៣ ស្ដីពី កិច្ចសហប្រតិបត្តិការ និងការអភិវឌ្ឍន៍ការអប់រំវិជ្ជាជីវៈ (2023 China-ASEAN Conference on Vocational Education Cooperation and Development) ដែលប្រព្រឹត្តទៅនៅទីក្រុងណាននីង ​សាធារណរដ្ឋប្រជាមានិតចិន។ សន្និសីទនេះ ​មានការចូលរួមពីសំណាក់ប្រតិភូតំណាងប្រទេសជាសមាជិកអាស៊ាន នាយកគ្រឹះស្ថានសិក្សា និងគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ព្រមទាំង​ព្រឹទ្ធបុរស សាស្ត្រាចារ្យមកពីសាកលវិទ្យាល័យនានា និងតំណាងក្រុមហ៊ុនមួយចំនួន​មកពីប្រទេស​ក្នុងតំបន់អាស៊ាន និងក្នុងប្រទេសចិនផងដែរ។នៅក្នុងសន្និសីទនាឱកាសនេះ ឯកឧត្តមបណ្ឌិត រដ្ឋលេខាធិការ បានពាំនាំនូវអនុសាសន៍ដ៏ខ្ពង់ខ្ពស់ និងមានសារៈសំខាន់ៗរបស់ឯកឧត្តមបណ្ឌិតសភាចារ្យ ​ឧបនាយករដ្ឋមន្ត្រី ​ពាក់ព័ន្ធនឹង “កិច្ចសហប្រតិបត្តិការ និងការអភិវឌ្ឍន៍វិស័យអប់រំ” ដែលកម្ពុជា​ បាននិងកំពុងបន្តចូលរួមចំណែក​ក្នុងកិច្ចសហប្រតិបត្តិការអាស៊ាន-ចិនសម្រាប់វិស័យអប់រំ ​តាមរយៈ គំនិតផ្ដួចផ្ដើមខ្សែក្រវ៉ាត់ និងផ្លូវ (Belt and Road Initiatives) ដែលក្នុងនោះរួមមាន៖- បរិវត្តកម្មឌីជីថលក្នុងវិស័យអប់រំ ដោយដាក់ចេញចំនុចអាទិភាពចំនួន ៨ចំនុច រួមមាន៖ (១) កំណែទម្រង់សាលារៀន (២) ការអភិវឌ្ឍន៍គ្រូបង្រៀន (៣) ការអប់រំតាមបែបឌីជីថល (៤) ការអប់រំវិទ្យាសាស្ត្រ និងបច្ចេកវិទ្យា (៥) ការលើកកម្ពស់សុខភាពសិក្សា (៦) ការអភិវឌ្ឍន៍យុវជនដើម្បីលើកកម្ពស់ជំនាញសតវត្សទី២១ (៧) ការបង្កើតមជ្ឈមណ្ឌលស្ដង់ដារខ្ពស់នៅកម្រិតឧត្តមសិក្សា និង (៨) ការអភិវឌ្ឍន៍ស្ថាប័ន និងសមត្ថភាព។- ការអភិវឌ្ឍន៍វិស័យវិទ្យាសាស្ត្រនិងបច្ចេកវិទ្យា ការអប់រំនិងបណ្ដុះបណ្ដាលបច្ចេកទេសនិងវិជ្ជាជីវៈ (TVET) និងការលើកកម្ពស់ភាពជាដៃគូនៃវិស័យសាធារណៈ និងវិស័យឯកជន (Public–private partnership) ។ជាចុងក្រោយ ឯកឧត្តមបណ្ឌិត រដ្ឋលេខាធិការ ក៏បានលើកឡើងអំពីកិច្ចខិតខំប្រឹងប្រែងសហការ​ជាមួយប្រទេសជាសមាជិកអាស៊ានទាំងអស់ និងប្រទេសចិនផងដែរ ដើម្បីសម្រេចឱ្យបានជោគជ័យ​ក្នុងការពង្រឹងកិច្ចសហប្រតិបត្តិការ​ក្នុងវិស័យអប់រំរវាងអាស៊ាន និងចិន៕

ឯកឧត្តម ចាយ បូរិន អរគុណជប៉ុន ផ្តល់ជំនួយដ៏សំបូរបែបលើគ្រប់វិស័យមិនថាវិស័យពុទ្ធចក្រ និងអាណាចក្រ

2023/09/15 12:59:08 pm        70
Facebook Telegram Linkin
ភ្នំពេញ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានអនុញ្ញាតឲ្យឯកឧត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង នាព្រឹកថ្ងៃទី១៥ ខែកញ្ញា ឆ្នាំ២០២៣នេះ។ជាកិច្ចចាប់ផ្តើម ឯកឧត្តម ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំព្រះរាជាណាចក្រកម្ពុជា សូមអបអរសាទរចំពោះឯកឧត្តម ចាយ បូរិន ដែលត្រូវបានការផ្តល់សេចក្តីទុកចិត្តពីរដ្ឋសភាអាណត្តិទី៧ និងព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទានត្រាស់បង្គាប់តែងតាំងជារដ្ឋមន្ត្រីក្រសួងធម្មការ និងសាសនា ​នៃព្រះរាជាណាចក្រកម្ពុជា ​និងបានកោតសរសើរនៅស្នាដៃដឹកនាំ របស់​សម្តេចតេជោ ហ៊ុន សែន អតីតនាយករដ្ឋមន្រ្តី ដែលបានដឹកនាំកម្ពុជា ប្រទេសកាន់នៅសាសនា​ព្រះពុទ្ធ​ជាសាសនា​របស់រដ្ឋ ប៉ុន្តែបានបើកយ៉ាងទូលាយនៅគ្រប់សាសនាទាំងអស់ ព្រមទាំងគ្រប់គ្រង​បានយ៉ាងល្អលើសាសនាទាំងអស់​ មិនឲ្យមានកើតវិវាទ ​នឹងគ្នា ។ ក្នុងជំនួបដដែលនេះ ឯកឧត្តម ឯកអគ្គរាជទូត មានគោលបំណងបន្តពង្រឹងកិច្ចសហប្រតិបត្តិការ​ដែល​មានស្រាប់ បើទោះបីជាប្រទេសជប៉ុន ពុំមានព្រះពុទ្ធសាសនា ជាសាសនារបស់រដ្ឋក៏ដោយ ប៉ុន្តែមានអង្គការចាត់តាំង និងសមាគមមួយចំនួននៅប្រទេសជប៉ុន បានកាន់សាសនាព្រះពុទ្ធ កន្លងមកធ្លាប់បានផ្តល់ជំនួយ ជួយដល់ប្រទេសកម្ពុជា ​លើវិស័យសេដ្ឋកិច្ច។ក្នុងនោះក៏មានការជួយលើវិស័យព្រះពុទ្ធសាសនា ដោយជប៉ុនធ្លាប់បានចូលរួមជួយបោះពុម្ព​នៅគម្ពីរ​ព្រះត្រៃបិដកចំនួន១១០ក្បាល ​ជូនមកក្រសួងធម្មការ និងសាសនា ដើម្បីចែកចាយដល់​វត្តអារាម និងបណ្ណាល័យមួយចំនួនរបស់ប្រទេសកម្ពុជា។ ដោយឡែកឯកឧត្តម ឯកអគ្គរាជទូត ជប៉ុន ក៏បានជម្រាបជូនឯកឧត្តមរដ្ឋមន្ត្រីពីកម្មវិធី​ព្រះពុទ្ធសាសនា​អន្តរជាតិ​ ដែលប្រារព្ធធ្វើនៅឆ្នាំ២០២៥ខាងមុខនេះ​ ដោយមានការចូលរួមពីអង្គការ សមាគម ​ពិសេសពុទ្ធសាសនិក ​ដែលកាន់នៅព្រះពុទ្ធសាសនាទាំងនៅអាស៊ី ​និងអឺរ៉ុប។ជាការឆ្លើយតប ​ឯកឧត្តម ចាយ បូរិន បានថ្លែងអំណរគុណដល់រដ្ឋាភិបាល ​និងប្រជាជនជប៉ុន ដែល​កន្លងមកតែងតែផ្តល់នៅជំនួយដ៏សំបូរបែបលើគ្រប់វិស័យ​ មិនថាវិស័យពុទ្ធចក្រ ​និងអាណាចក្រ ចាប់តាំង​ពីអាណត្តិដែលដឹកនាំដោយសម្តេចអគ្គមហាសេនាបតីតេជោ​ ហ៊ុន សែន រហូតមកដល់អាណត្តិទី៧ ​ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តម សង្ឃឹមថា តាមរយៈកិច្ចសហប្រតិបត្តិការយ៉ាងស្អិតរមួតដែល​មានស្រាប់ជាដៃគូ​យុទ្ធសាស្រ្ត និងចំណងមិត្តភាពរវាងព្រះរាជាណាចក្រកម្ពុជា ​និងប្រទេសជប៉ុន និងបន្តគាំទ្រគ្នា​ទៅវិញ​ទៅមកកាន់តែរីកចម្រើនឡើងថែមទៀត ពិសេសលើកិច្ចសហប្រតិបត្តិការ​យ៉ាងជិតស្និត​ជាមួយក្រសួងធម្មការ និងសាសនា ​ដែលជាសេនាធិការបស់រដ្ឋាភិបាលកម្ពុជា ​និងប្រទេសជប៉ុន៕អត្ថបទ រដ្ឋា

ILO បញ្ជាក់ថា អត្រាភាពគ្មានការងារធ្វើជារួមនៅកម្ពុជាគឺ ១,២ ភាគរយ

2023/09/15 12:52:59 pm        166
Facebook Telegram Linkin
ភ្នំពេញ៖ អង្គការអន្តរជាតិខាងការងារ (ILO) នៅថ្ងៃទី១៥ ខែកញ្ញា ឆ្នាំ ២០២៣នេះ បានចេញសេចក្តីថ្លែងការណ៍ បញ្ជាក់ថា អត្រាភាពគ្មានការងារធ្វើជារួម (ដែលត្រូវបានកំណត់ជាអ្នកគ្មានការងារធ្វើគិតជាភាគរយនៃកម្លាំងពលកម្មសរុប) គឺ ១,២ ភាគរយ តាមរបាយការណ៍អង្កេតកម្លាំងពលកម្មកម្ពុជាឆ្នាំ២០១៩។យោងតាមសេចក្តីថ្លែងការណ៍របស់អង្គការអន្តរជាតិខាងការងារ (ILO) ស្តីពីស្ថិតិភាពមានការងារធ្វើ និង​ភាពគ្មានការងារធ្វើ ក្នុងប្រទេសកម្ពុជា ដែលផ្ដល់មកទូរទស្សន៍ BTV ​នាថ្ងៃទី១៥ ខែកញ្ញា ឆ្នាំ ២០២៣នេះ បានបំភ្លឺចំពោះស្ថិតិដែលបាន​បោះពុម្ពផ្សាយ​ក្នុងមូលដ្ឋាន​ទិន្នន័យ​ស្ថិតិកម្លាំង​ពលកម្មរបស់អង្គការអន្តរជាតិ​ខាងការងារនាពេកកន្លងទៅនេះ ​និងបំភ្លឺព័ត៌មានទាក់ទង​នឹង​ស្ថិតិភាព​មានការងារធ្វើ និងភាពគ្មានការងារធ្វើ ​ក្នុងប្រទេសកម្ពុជា។សេចក្តីថ្លែងការណ៍ បានឱ្យដឹងថា ស្ថិតិស្តីពីភាពមានការងារធ្វើដែលបានបោះពុម្ពផ្សាយ​ក្នុងមូលដ្ឋានទិន្នន័យស្ថិតិកម្លាំងពលកម្មរបស់អង្គការអន្តរជាតិខាងការងារ (ILOSTAT) ប្រើនិយមន័យផ្អែកទៅតាមសន្និសីទអន្តរជាតិលើកទី១៣ ​នៃអ្នកជំនាញស្ថិតិការងារ (ICLS ឆ្នាំ១៩៨២)។សេចក្តីថ្លែងការណ៍បញ្ជាក់ថា នៅប្រទេសកម្ពុជា តួលេខថ្មីបំផុតនៃអត្រាភាពមានការងារធ្វើធៀប​នឹងប្រជាជន (employment-to-population ratio) ដែលស្របតាមបទដ្ឋានអន្តរជាតិ គឺបានមកពី​របាយការណ៍អង្កេតកម្លាំងពលកម្មកម្ពុជាឆ្នាំ២០១៩ ហើយអត្រាភាព​មានការងារធ្វើធៀប​នឹង​ប្រជាជនមាន ៦៨,៦ ភាគរយ (ក្នុងនោះ ៧៦,៣ ភាគរយសម្រាប់បុរស និង ៦១,៨ ភាគរយ សម្រាប់ស្ត្រី)។អត្រាភាពមានការងារធ្វើធៀបនឹងប្រជាជនផ្តល់នូវសូចនាកម្ម (ការបង្ហាញ) ​កាន់តែប្រសើរអំពីទំហំ​នៃចំនួន​ប្រជាជនដែលស្ថិតក្នុងភាពមានការងារធ្វើ ​ពីចំណោមប្រជាជន​ក្នុងអាយុធ្វើការសរុប។ នេះជាសូចនាករប្រសើរបំផុតសម្រាប់វាស់វែងថាតើទីផ្សារការងារកំពុងផ្តល់ឱ្យប្រជាជននូវភាពមានការងារធ្វើ បានយ៉ាងណាខ្លះ។ នេះបើតាមសេចក្តីថ្លែងការណ៍ដដែល។សេចក្ដីថ្លែងការណ៍បញ្ជាក់ថា អង្គការអន្តរជាតិខាងការងារ (ILO) មិនបោះពុម្ពផ្សាយនូវអ្វីដែលជួន​កាលគេហៅថា «អត្រាភាពមានការងារធ្វើ» ពីព្រោះវាមិនមែនជាសូចនាករដែល​ត្រូវបានទទួល​ស្គាល់​ជាអន្តរជាតិ និងមិនបន្ថែមព័ត៌មាន​អ្វីក្រៅពីអត្រាភាពគ្មាន​ការងារធ្វើដែលមានរួច​ហើយនោះទេ៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ក្រុមនាវាផ្ទុកយន្តហោះបារាំង ធ្វើដំណើរចូលទៅក្នុងសមុទ្រក្រហម និងឈូងសមុទ្រ Aden
05/06/2026 08:05 PM
Facebook Telegram Linkin
លោក Trump៖ សង្គ្រាមលើអ៊ីរ៉ង់អាចបញ្ចប់បាន បើទីក្រុងតេអេរ៉ង់យល់ព្រមតាមលក្ខខណ្ឌ
05/06/2026 08:05 PM
Facebook Telegram Linkin
កូរ៉េខាងត្បូងផ្អាកពិនិត្យការអំពាវនាវរបស់លោក Trump ឲ្យចូលរួមក្នុងបេសកកម្ម «Project Freedom»
05/06/2026 08:05 PM
Facebook Telegram Linkin
កម្មករ ៩នាក់ បានស្លាប់ ក្នុងហេតុការណ៍ផ្ទុះអណ្តូងរ៉ែធ្យូងថ្មនៅកូឡុំប៊ី
05/06/2026 08:05 PM
Facebook Telegram Linkin
មន្ត្រីឥណ្ឌូនេស៊ី៖ រថយន្តក្រុង និងរថយន្តដឹកប្រេង បុកគ្នានៅកោះ Sumatra បណ្ដាលឲ្យមនុស្ស ១៦នាក់ស្លាប់
05/06/2026 07:05 PM
Facebook Telegram Linkin
ពលរដ្ឋវេណេស៊ុយអេឡា ប្រឈមនឹងការលំបាកក្នុងជីវភាពរស់នៅដោយសារការដាច់ចរន្តអគ្គិសនី និងអាកាសធាតុក្តៅខ្លាំង
05/06/2026 07:05 PM
Facebook Telegram Linkin
ក្រុមហ៊ុន SpaceX បាញ់បង្ហោះផ្កាយរណប Starlink ទៅកាន់ទីអវកាស
05/06/2026 07:05 PM
Facebook Telegram Linkin
អូស្រ្តាលីនឹងចំណាយថវិកាជាង ៧ពាន់លានដុល្លារ ដើម្បីជំរុញស្តុកប្រេងឥន្ធនៈ
05/06/2026 07:05 PM
Facebook Telegram Linkin
ប៉ូឡូញ៖ ណាតូត្រូវតែចំណាយ ៥ភាគរយនៃ GDPរបស់ខ្លួនលើវិស័យការពារជាតិនៅឆ្នាំ ២០៣០
05/06/2026 07:05 PM
Facebook Telegram Linkin
យោធាអ៊ីស្រាអែលចេញការព្រមានជម្លៀស សម្រាប់ភូមិជាង ១០ នៅភាគខាងត្បូងលីបង់
05/06/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.