BTV NEWS

ឯកឧត្តម ស៊ុន ចាន់ថុល៖ ព្រែកជីកហ្វូណនតេជោ គ្រោងបញ្ចប់ការផ្ទៀងផ្ទាត់និយាមកា និងបោះបង្គោលព្រំដីក្នុងពេលដ៏ខ្លីខាងមុខ

សម្តេចតេជោ៖ ថ្ងៃទី១១កក្កដានេះ រដ្ឋសភានឹងកោះប្រជុំ ដើម្បីធ្វើវិសោធនកម្មច្បាប់រដ្ឋធម្មនុញ្ញដកសញ្ជាតិ ជនជាតិខ្មែរណាដែលឃុបឃិតជាមួយបរទេសបំផ្លាញជាតិសាសន៍ឯង

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសំណេះសំណាលជាមួយសិស្ស និស្សិត លោកគ្រូ អ្នកគ្រូ នៅមជ្ឈមណ្ឌលអប់រំ និងបណ្តុះបណ្តាល ជាស៊ីមកំចាយមារ

សម្ដេចតេជោជំរុញឱ្យសិង្ហបុរីមានជើងហោះហើរកាន់តែច្រើនមកកាន់កម្ពុជាបន្ទាប់ពីដាក់ឱ្យដំណើរការព្រលានយន្តហោះអន្តរជាតិតេជោ

នយោបាយ និង ការអភិវឌ្ឍន៍

លោកស្រី Harris នាំមុខលោក Trump ចំនួន ៥ពិន្ទុនៅក្នុងការស្ទង់មតិថ្មីរបស់ស្ថាប័ន Ipsos

បេក្ខភាពប្រធានាធិបតីមកពីគណបក្សប្រជាធិបតេយ្យ លោកស្រី កាម៉ាឡា ហារីស (Kamala Harris) នាំមុខលោក ដូណាល់ត្រាំ (Donald Trump) បេក្ខភាពមកពីគណបក្សសាធារណរដ្ឋ ចំនួន ៥ពិន្ទុក្នុងតួលេខ ៤២ភាគរយទល់នឹង ៣៧ភាគរយ ក្នុងការប្រជែងតំណែងសម្រាប់ការបោះឆ្នោតប្រធានាធិបតីសហរដ្ឋអាមេរិក នៅថ្ងៃទី០៥ ខែវិច្ឆិកា នេះបើយោងតាមការស្ទង់មតិរបស់ស្ថាប័នស្រាវជ្រាវ អ៊ីបសូស (Ipsos) ដែលបានចេញផ្សាយកាលពីថ្ងៃព្រហស្បតិ៍ (០៨ សីហា)។ការស្ទង់មតិនេះបានរកឃើញថា លោកស្រី Harris បានពង្រីកការនាំមុខរបស់ខ្លួនចាប់តាំងពីការស្ទង់មតិកាលពីថ្ងៃទី ២២-២៣ ខែកក្កដា របស់សារព័ត៌មាន រ៉យទ័រ និង Ipsos មកដែលធ្លាប់បានរកឃើញថាលោកស្រីទទួលបានការគាំទ្រ ៣៧ភាគរយទល់នឹង ៣៤ភាគរយលើសលោក Trump។ សូមបញ្ជាក់ថា Ipsos បានធ្វើការស្ទង់មតិខែសីហានេះដោយឯករាជ្យពីរ៉យទ័រ។នៅក្នុងការស្ទង់មតិដាច់ដោយឡែកមួយ Ipsos បានរកឃើញថា លោកស្រី Harris នាំមុខលោក Trump ចំនួន ៤២ភាគរយទល់នឹង ៤០ភាគរយនៅក្នុងរដ្ឋទាំងប្រាំពីរគឺ អារីហ្សូណា (Arizona), ចចា (Georgia), មីឈីហ្កាន់ (Michigan), ណេវ៉ាដា (Nevada), ណសខារ៉ូឡាញណា (North Carolina), ផិនស៊ីលវេនៀ (Pennsylvania) និង វីស្ខនស៊ិន (Wisconsin)។ តួលេខនោះមិនបានបំបែកលទ្ធផលដាច់ដោយឡែកសម្រាប់រដ្ឋនីមួយៗទេ។លោកស្រី Harris បានចូលរួមក្នុងការប្រកួតប្រជែងកាលពីថ្ងៃទី២១ ខែកក្កដា នៅពេលដែលលោកប្រធានាធិបតី Joe Biden វ័យ ៨១ឆ្នាំបានបោះបង់បេក្ខភាព ហើយបានគាំទ្រលោកស្រី Harris។ ការស្ទង់មតិរបស់ Reuters និង Ipsos ភាគច្រើនកាលពីមុនបានបង្ហាញថា លោក Biden និងលោក Trump នាំមុខគ្នាប្រកៀកប្រកិតនៅពេលដែលលោក Biden នៅជាបេក្ខភាព ដោយបង្ហាញថាប្រធានាធិបតីរូបនេះបាត់បង់ការគាំទ្រដែលលោកធ្លាប់មាននៅចំណុចដូចគ្នាក្នុងការបោះឆ្នោតឆ្នាំ២០២០ ដែលពេលនោះលោកបានយកឈ្នះលើលោក Trump៕

ចិន ចង់ពង្រីកទីតាំងផលិតនាវា ដើម្បីផ្តួលអាមេរិក ប្រសិនបើមានសង្គ្រាមក្នុងពេលអនាគត

នៅក្នុងផែស្ងួតដែលទើបនឹងសាងសង់ថ្មីនៅលើមូលដ្ឋានសាងសង់នាវានៃកោះ ឆាងស៊ីង (Changxing) របស់ប្រទេសចិន នៅខាងក្រៅទីក្រុងសៀងហៃ នាវាវាយប្រហារទាំងលើដីគោកនិងសមុទ្រដ៏ធំបំផុតរបស់ពិភពលោក ត្រូវបានបង្កើតឡើងក្នុងទ្រង់ទ្រាយដ៏រឹងមាំ ដែលក្រុមអ្នកជំនាញនិយាយថាអាចនឹងចាប់ផ្តើមដំណើរការនៅឆ្នាំ២០២៥។ប្រសិនបើការវាយតម្លៃបានមកពីរូបថតផ្កាយរណបនោះបង្ហាញថាជារឿងត្រឹមត្រូវ ការសាងសង់នាវាវាយលុកប្រភេទ ០៧៦-ខ្លាស (076 Class) ដំបូងរបស់ចិន ដែលដាក់ឈ្មោះថា «យូណាន» (Yunan) នេះនឹងក្លាយជាការរំលឹកមួយផ្សេងទៀតនៃកិច្ចខិតខំបង្កើនល្បឿនកសាងយោធារបស់ទីក្រុងប៉េកាំង ជាការត្រៀមលក្ខណៈរបស់ខ្លួនសម្រាប់ហេតុការណ៍ណាមួយនាពេលអនាគត ដោយការពង្រីកទីតាំងផលិតនាវារបស់ខ្លួន។នេះនឹងធ្វើឱ្យនាវាចម្បាំងដ៏ធំបំផុតមួយរបស់ពិភពលោកមានវត្តមានក្នុងរយៈពេលខ្លីជាង ខណៈមូលដ្ឋានផលិតនាវាបច្ចុប្បន្នរបស់សហរដ្ឋអាមេរិក ឬអឺរ៉ុប ត្រូវការពេលយូរជាងនោះដើម្បីជួសជុលនាវាចម្បាំង ឬនាវាពិឃាតណាមួយ។ នេះក៏ទំនងជានឹងបង្កើនការភ័យខ្លាចសម្រាប់អ្នកដែលជឿជាក់ថា ទីក្រុងប៉េកាំងឥឡូវនេះកំពុងគិតចង់ត្រៀមរៀបចំសម្រាប់ជម្លោះដ៏ធំមួយនាពេលអនាគត ដែលភាគច្រើនទំនងជាបង្កឡើងដោយការក្រសោបយកកោះតៃវ៉ាន់។យោងតាមក្រុមមន្ត្រីអាមេរិកបានឱ្យដឹងថា ប្រធានាធិបតីចិន លោក ស៊ី ជីនពីង (Xi Jinping) បានបញ្ជាឱ្យយោធារបស់លោកត្រៀមខ្លួនដើម្បីធ្វើប្រតិបត្តិការបែបនោះនៅឆ្នាំ២០២៧ ដែលជាការលើកឡើងដែលទីក្រុងប៉េកាំងបដិសេធ ខណៈក៏មិនទាន់មានការសម្រេចចិត្តយ៉ាងម៉ឺងម៉ាត់ក្នុងការចាប់ផ្តើមសកម្មភាពយោធានោះទេ។ ការត្រៀមលក្ខណៈទាំងនាវាយោធា និងស៊ីវិលនេះ ស្ថិតក្នុងល្បឿនមួយដែលឥឡូវនេះបង្កការព្រួយបារម្ភដល់បណ្ដាគូប្រជែងដ៏មានសក្តានុពលរបស់ទីក្រុងប៉េកាំង ជាពិសេសសហរដ្ឋអាមេរិក ហើយនេះក៏អាចជាសញ្ញាបង្ហាញពីការត្រៀមខ្លួនជាស្រេចក្នុងជម្លោះណាមួយ៕

សមាជិកគណបក្សភ្លើងទៀននៅតែបន្តសុំចូលរួមជីវភាពនយោបាយជាមួយគណបក្សប្រជាជនកម្ពុជាដូចភ្លៀងរលឹម

ក្នុងរយៈពេលប៉ុន្មានខែនេះ គេបានមើលឃើញសមាជិក សមាជិកាមកពីគណបក្សភ្លើងទៀនបានប្រកាសផ្តាច់ខ្លួនចេញពីបក្សប្រឆាំង សុំចូលរួមក្នុងជីវភាពនយោបាយជាមួយគណបក្សប្រជាជនកម្ពុជាវិញជាបន្តបន្ទាប់ដូចភ្លៀងរលឹមរដូវវស្សា។ជាក់ស្តែងកាលពីថ្ងៃទី៨សីហាតាមតេឡេក្រាមផ្លូវការរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានបង្ហាញឃ្លីបវីដេអូ របស់សមាជិក សមាជិក មកពីគណបក្សភ្លើងទៀន ជាបេក្ខភាពនៃក្រុមប្រឹក្សាសង្កាត់ព្រៃឃ្មុំចំនួន៨រូប និងសង្កាត់កំពង់កណ្តាល ខេត្តកំពតចំនួន១រូប បានប្រកាសផ្តាច់ខ្លួនពីបក្សប្រឆាំង និងគោរពស្នើសម្តេចតេជោសុំចូលរួមជីវភាព នយោបាយជាមួយគណបក្សប្រជាជនកម្ពុជា។សូមបញ្ជាក់ថា គិតមកដល់ពេលនេះមានបងប្អូនដែលបានផ្តាច់ខ្លួនចាកចេញពីបក្សប្រឆាំងយ៉ាងច្រើនដោយសារតែពួកគាត់បានមើលឃើញពីគោលនយោបាយដ៏ត្រឹមត្រូវ និងការដឹកនាំប្រកបដោយជោគជ័យរបស់គណបក្សប្រជាជននិងរាជរដ្ឋាភិបាលលើការអភិវឌ្ឍ ជាពិសេសការបន្តរក្សាបាននូវសុខសន្តិភាព ស្ថិរភាព និងការអភិវឌ្ឍលើគ្រប់វិស័យ ដើម្បីផលប្រយោជន៍សម្រាប់ប្រទេសជាតិ និងប្រជាជនជាធំ គឺខុសពីបក្សប្រឆាំងដែលពុំមានអ្វីក្រៅពីការបំភ្លៃ បំពុល មួលបង្កាច់រាជរដ្ឋាភិបាលដើម្បីតែមហិច្ឆតាទុច្ចរឹត ចង់ផ្តួលរំលំរាជរដ្ឋាភិបាលស្របច្បាប់តែប៉ុណ្ណោះ៕

សម្ដេចធិបតី ហ៊ុន ម៉ាណែត អនុញ្ញាតឱ្យនាយកប្រតិបត្តិក្រុមហ៊ុន Gumball 3000 ជួបពិភាក្សាការងារ

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាព្រឹកថ្ងៃទី៩ ខែសីហា ឆ្នាំ ២០២៤នេះ បានអនុញ្ញាតឱ្យ លោក Maximillion Cooper ស្ថាបនិក និងជានាយកប្រតិបត្តិ នៃក្រុមហ៊ុន Gumball 3000 ចូលជួបសម្ដែងការគួរសម និងពិភាក្សាការងារនៅវិមានសន្តិភាព។ក្រុមហ៊ុន Gumball 3000 ត្រូវបានបង្កើតឡើងក្នុងឆ្នាំ១៩៩៩ ដោយជនជាតិអង់គ្លេស គឺជាម៉ាកយីហោដ៏ល្បីផ្តោតលើកការរៀបចំព្រឹត្តិការណ៍ ការកម្សាន្ត និងរបៀបរស់នៅបែបប្រណិតភាព។ការរៀបចំព្រឹត្តិការណ៍ “Gumball 3000 Rally in Cambodia” នឹងចូលរួមចំណែកលើកកម្ពស់វិស័យទេសចរណ៍របស់កម្ពុជា ជាពិសេសទេសចរណ៍ទៅក្នុងខេត្តសៀមរាប។

រាជរដ្ឋាភិបាល ណែនាំឲ្យស្ថាប័នពាក់ព័ន្ធបន្តយកចិត្តទុកដាក់ និងលើកកម្ពស់ការអភិវឌ្ឍ និងអភិរក្សជនជាតិដើមភាគតិច

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពជា បានណែនា ដល់ក្រសួងអភិវឌ្ឍន៍ជនបទ និងស្ថាប័នពាក់ព័ន្ធទាំងអស់បន្តយកចិត្តទុកដាក់អនុវត្តន៍ការងារលើកកម្ពស់អភិវឌ្ឍ និងអភិរក្សដល់បងប្អូនជនជាតិដើមភាគតិចឲ្យកាន់តែល្អប្រសើរបន្ថែមទៀត ខណៈរាជរដ្ឋាភិបាល បានចាត់ទុកជនជាតិដើមភាគតិច មានសិទ្ធិស្មើគ្នាទាំងអស់របស់ប្រជាជនកម្ពុជាដោយមិនគិតពីពូជសាសន៍ ពណ៌សម្បុរ ភេទ ភាសា ជំនឿ និងសាសនានោះ។ក្នុងឱកាសអបអរសាទរទិវាអន្ដរជាតិជនជាតិដើមភាគតិចពិភពលោក លើកទី៣០ និងលើកទី២០ នៅកម្ពុជានាថ្ងៃទី៩ ខែសីហា ឆ្នាំ២០២៤នេះ ក្រោមប្រធានបទ«ការការពារសិទ្ធិរស់នៅ និងប្រាស្រ័យទាក់ទងតាមបែបប្រពៃណីជនជាតិដើមភាគតិចដោយស្ម័គចិត្ត»សម្តេចធិបតី ហ៊ុន ម៉ាណែត នាយករដ្ឋ មន្រ្តីបានលើកឡើងថា «រាជរដ្ឋាភិបាលបាននិងកំពុងយកចិត្តទុកដាក់យ៉ាងខ្លាំងដល់បងប្អូនជនជាតិដើមភាគតិច ក្នុងការការពារ អភិរក្ស និងថែរក្សាតម្លៃសីលធម៌ វប្បធម៌ ប្រពៃណីដ៏ល្អផូរផង់ និងរស់រវើក ជាពិសេសបានផ្ដល់ឱកាស និងសិទ្ធិសេរីភាពក្នុងការបញ្ចេញមតិ ដើម្បីចូលរួមចំណែក អភិវឌ្ឍន៍ប្រទេសជាតិ។ យើងកត់សម្គាល់ឃើញថា ក្នុងរយៈពេលចុងក្រោយនេះ ការងារអភិវឌ្ឍន៍និង អភិរក្សជនជាតិដើមភាគតិចមានការរីកចម្រើន និងសម្រេចបាននូវសមិទ្ធផលជាច្រើនគួរជាទីមោទនៈ។ ទាំងអស់នេះ កើតឡើងពីការប្តេជ្ញាចិត្ត ការយកចិត្តទុកដាក់ និងការខិតខំប្រឹងប្រែងយ៉ាងសកម្មរបស់ រាជរដ្ឋាភិបាល និងមានការចូលរួមសហការ និងគាំទ្រយ៉ាងជិតស្និទ្ធពីដៃគូអភិវឌ្ឍ អង្គការមិនមែនរដ្ឋាភិបាល និងការចូលរួមយ៉ាងសកម្មពីគ្រប់ភាគីពាក់ព័ន្ធទាំងអស់ ដែលនេះបានឆ្លុះបញ្ចាំងឱ្យឃើញ អំពីការយល់ដឹងនូវសារៈសំខាន់នៃការងារអភិវឌ្ឍន៍ និងអភិរក្សជនជាតិដើមភាគតិច»។យ៉ាងណាក៏ដោយ តាមរយៈសារលិខិតអបអរសាទរទិវាអន្ដរជាតិជនជាតិដើមភាគតិចនេះដែរ សម្តេចធិបតី នាយករដ្ឋមន្រ្តី ក៏បានអំពាវនាវឲ្យក្រសួងអភិវឌ្ឍន៍ជនបទត្រូវបន្តយកចិត្តទុកដាក់អនុវត្តន៍ការងារលើកកម្ពស់ការអភិវឌ្ឍ និងអភិរក្សជនជាតិដើមភាគតិច ស្របតាមផែនការយុទ្ធសាស្ត្ររបស់ក្រសួង និងគោលនយោបាយជាតិ ស្តីពីការអភិវឌ្ឍជនជាតិដើមភាគតិច និងត្រូវរៀបចំឯកសារគតិយុត្តពាក់ព័ន្ធផ្សេងៗ ដើម្បីជំរុញឱ្យការងារអភិវឌ្ឍន៍ និងអភិរក្សជនជាតិដើមភាគតិចកាន់តែមានប្រសិទ្ធភាព។ ហើយក្រសួងអភិវឌ្ឍន៍ជនបទ ត្រូវបន្តពង្រឹងការសម្របសម្រួល និងសហប្រតិបត្តិការជាមួយក្រសួង ស្ថាប័ន្ធពាក់ព័ន្ធ និងខិតខំស្វែងរកការគាំទ្រ និងកៀរគរធនធានបន្ថែមពីដៃគូអភិវឌ្ឍនានាអង្គការមិនមែនរដ្ឋាភិបាល និងភាគីពាក់ព័ន្ធទាំងអស់ ដើម្បីបង្កើនវឌ្ឍនភាពបន្ថែមលើការងារអភិវឌ្ឍន៍ និងអភិរក្សជនជាតិដើមភាគតិច ជាពិសេសការចុះបញ្ជី និងការទទួលស្គាល់អត្តសញ្ញាណជនជាតិដើមភាគតិច។សម្តេចធិបតី នាយករដ្ឋមន្រ្តី ក៏បានណែនាំដល់ក្រសួងអភិវឌ្ឍន៍ជនបទ ត្រូវយកចិត្តទុកដាក់លើការងារអភិវឌ្ឍន៍ និងអភិរក្សជនជាតិដើម ភាគតិច ដោយខិតខំរៀបចំ និងអភិវឌ្ឍន៍ភូមិជនជាតិដើមភាគតិចទៅជាភូមិគំរូ ផ្អែកលើសក្ដានុពល វប្បធម៌ ទំនៀមទម្លាប់ ប្រពៃ និងទេសចរណ៍ ដើម្បីលើកកម្ពស់ជីវភាពរស់នៅរបស់បងប្អូនជន ជាតិដើមភាគតិច ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល។ភាគីពាក់ព័ន្ធទាំងអស់ ត្រូវបន្តអប់រំ និងផ្សព្វផ្សាយអំពីភាពចាំបាច់ និងសារៈសំខាន់ការអភិវឌ្ឍនិងអភិរក្សជនជាតិដើមភាគតិច ឱ្យបានទូលំទូលាយ ទៅដល់គ្រប់សហគមន៍ជនជាតិដើមភាគ តិច និងសាធារណជន។ មួយវិញទៀតគ្រប់ភាគីពាក់ព័ន្ធទាំងអស់ ត្រូវប្រកាន់ខ្ជាប់នូវអភិក្រម ការអភិវឌ្ឍដើរទន្ទឹមនឹងការអភិរក្ស ក្នុងគោលដៅកសាងសង្គមជាតិមួយដែលមានសមាហរណកម្ម សុខដុមនីយកម្ម មិនមានការរើសអើងក្នុងនាមជនជាតិខ្មែរតែមួយផងដែរ។សូមបញ្ជាក់ថា នៅកម្ពុជានាពេលបច្ចុប្បន្ននេះ មានជនជាតិដើមភាគតិច ដូចជាកួយ ទំពួន គ្រឹង ចារាយ ព្នង ព្រៅ កាវ៉ែត ស្ទៀង ក្រោល មិល កាចក់ ព័រ ខោញ ជង សួយ ថ្នូន លុន ស្ទូច រដែ ខិ រអង ល្ហុង ល្អីន សំរ និងជនជាតិដើមភាគតិចមួយចំនួនផ្សេងទៀត។ បងប្អូនជនជាតិដើមភាគតិចទាំងអស់ មានប្រមាណជា ១,៤% នៃចំនួនប្រជាជនសរុប និងរស់នៅក្នុងខេត្តមួយចំនួនដូចជា រតនៈគិរី មណ្ឌលគិរី ក្រចេះ ព្រះវិហារ កំពង់ធំ ស្ទឹងត្រែង ឧត្តរមានជ័យ ត្បូងឃ្មុំ ពោធិ៍សាត់ កំពង់ស្ពឺ កោះកុង បាត់ដំបង ព្រះសីហនុ បន្ទាយមានជ័យ សៀមរាប និងនៅតាមតំបន់មួយចំនួនទៀត៕ អត្ថបទ បាន ចក់

អ្នកតាមដានស្ថានភាពនយោបាយ និងអភិវឌ្ឍន៍សង្គមប្រកាសថ្កោលទោសទណ្ឌិតក្បត់ជាតិបីជំនាន់ ដែលញុះញង់ឲ្យពលរដ្ឋខ្មែររត់រកសេចក្តីស្លាប់

អ្នកតាមដានស្ថានភាពនយោបាយ និងការអភិវឌ្ឍន៍សង្គម លោក យឿន យឿត បានប្រកាសថ្កោលទោសយ៉ាងដាច់អហង្ការ ចំពោះជនក្បត់ជាតិបីជំនាន់ ដែលបានធ្វើការញុះញង់ឲ្យបងប្អូនប្រជាពលរដ្ឋខ្មែររត់រកសេចក្តីស្លាប់តាមរយៈការធ្វើបាតុកម្មហិង្សាដូចប្រទេសបង់ក្លាដេស ហើយថាការញុះញង់របស់ជននេះជាទង្វើរមានចេតនាបំផ្លិតបំផ្លាញជាតិសាសន៍ខ្លួនឯងសុទ្ធសាធ។តាមរយៈកិច្ចសម្ភាសន៍ជាមួយទូរទស្សន៍BTV តាមតេលេក្រាម នាថ្ងៃទី៩ ខែសីហា ឆ្នាំ២០២៤នេះ លោក យឿន យឿត បានលើកឡើងថា ការផ្សព្វផ្សាយតាមរយៈវីដេអូឃ្លីបរបស់ជនក្បត់ជាតិបីជំនាន់ កាលពីថ្ងៃទី៨ ខែសីហាកន្លងទៅនេះ ដើម្បីអំពាវនាវឲ្យបងប្អូនប្រជាពលរដ្ឋខ្មែរ ធ្វើបាតុកម្មដូចប្រទេសបង់ក្លាដេសនោះ គឺមិនអាចទៅរួចនោះឡើយ ហើយថាការនិយាយរបស់ទណ្ឌិតរត់ចោលស្រុករូបនេះក៏ គ្មានបងប្អូនប្រជាពលរដ្ឋណាស្តាប់ និងធ្វើតាមតទៅទៀតដែរ ដោយសារតែជនធ្វើអ្វី និយាយអ្វីមិនដែល គិតដល់ផលប្រយោជន៍ជាតិ និងប្រជាជនជាធំនោះទេ ពោលគឺគិតតែផលប្រយោជន៍ខ្លួនតាំងពីនៅស្រុក ខ្មែររហូតដល់រត់ចោលស្រុកនោះ។ លោកយឿន យឿត បានលើកឡើងទៀតថា នេះគឺជាទង្វើដ៏អាក្រក់បំផុតដែលជនក្បត់ជាតិបីជំនាន់រូបនេះបាននឹងកំពុងប្រមាថជីវិតរបស់ប្រជាពលរដ្ឋខ្មែរខ្លួនឯង ដោយព្យាយាមញុះញង់អូសទាញពលរដ្ឋឲ្យយកជីវិតទៅស្លាប់ដើម្បីបម្រើមហិច្ឆិតា និងគំនុំរបស់ខ្លួន។ អស់រយៈពេលជាច្រើនឆ្នាំមកនេះទណ្ឌិតរត់ចោលស្រុករូបនេះ តែងបានបំផុសបំផុលញុះញង់ពលរដ្ឋគ្រប់រូបភាព ដើម្បីធ្វើអោយប្រទេសជាតិមានចលាចលមិនឈប់មិនឈរ។អ្នកតាមដានស្ថានភាពនយោបាយ និងការអភិវឌ្ឍន៍សង្គមរូបនេះ បានសង្កត់ធ្ងន់ថា«សូមថ្កោលទោសប្រឆាំងយ៉ាងដាច់អហង្កាចំពោះទណ្ឌិត សម រង្ស៊ី ដែលព្យាយាមញុះញង់ឲ្យប្រជាពលរដ្ឋខ្មែរយកជីវិតទៅស្លាប់ ដើម្បីតែបំពេញមហិច្ឆិតារបស់ខ្លួន ហើយក៏សូមអំពាវនាវផងដែរដល់បងប្អូនខ្មែរទាំងអស់ទាំងក្នុង និងក្រៅប្រទេសសូមកុំជឿ ចំពោះអ្នកនយោបាយដែលរត់ចោលស្រុកមួយនេះ ដែលព្យាយាមអូសទាញឲ្យបងប្អូនឲ្យខាតបង់ផលប្រយោជន៍ និងគ្រោះថ្នាក់ដល់អាយុជីវិត ហើយក្នុងនាមប្រជាពលរដ្ឋខ្មែរម្នាក់សូមចាត់ទុកទណ្ឌិត សម រង្ស៊ី ថា ជាជនវង្វេងស្មារតី បំផ្លាញជាតិសាសន៍ខ្លួនឯងម្តងហើយម្តងទៀត»។លោក យឿន យឿត ក៏បានប្រកាសប្ដេជ្ញាចិត្តផងដែរថា ក្នុងនាមជាកូនខ្មែរមួយរូប សូមចូលរួមទប់ស្កាត់ និងកម្ចាត់ចោលនយោបាយជ្រុលនិយមរបស់ជនក្បត់ជាតិបីជំនាន់ និងបក្សពួក ដែលធ្វើសកម្មភាពនយោបាយទុច្ចរិតញុះញង់លាបពណ៌ឱ្យខ្មែរបែកបាក់សាមគ្គីផ្ទៃក្នុងម្តងហើយម្តងទៀត ដើម្បីតែបម្រើនយោបាយឱ្យបរទេស និងភាពច្រណែនឈ្នានីសរបស់ជននេះផងដែរ៕អត្ថបទ បាន ចក់

សម្តេចធិបតី៖ រាជរដ្ឋាភិបាលកំពុងខិតខំបង្កើនធនធានមនុស្សក្នុងដំណើរឆ្ពោះទៅឆ្នាំ២០៥០

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងបញ្ជាក់អំពីការខិតខំជំរុញ បង្កើនធនធានមនុស្ស ដែលជាស្នូលនៃដំណើរឆ្ពោះទៅរកសម្រេចចក្ខុវិស័យឆ្នាំង២០៥០ នៃគោលនយោ បាយរបស់រាជរដ្ឋាភិបាល ។ក្នុងឱកាសអញ្ជើញជាអធិបតីសម្ពោធសាកលវិទ្យាល័យ De Montfort ដែលជាសាកលវិទ្យាល័យ លើកដំបូងរបស់ចក្រភពអង់គ្លេសលើទឹកដីកម្ពុជា នាព្រឹកថ្ងៃទី៨ ខែសីហានេះ សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលនីតិកាលទី៧ នៃរដ្ឋសភា បានបន្តការយកចិត្តទុកដាក់ខ្ពស់ ក្នុងការបណ្ដុះធនធានមនុស្ស សម្រាប់ជំរុញការអភិវឌ្ឍប្រទេសជាតិឆ្ពោះទៅកាន់ប្រទេសមានចំណូលខ្ពស់ ស្របតាមចក្ខុវិស័យកម្ពុជាឆ្នាំ២០៥០ ។សម្តេចមហាបវរធិបតី ហ៊ុន ម៉ាណែត បានផ្តាំផ្ញើថា ដើម្បីឈានទៅដល់គោលដៅនេះ ស្ថាប័ន ឧត្តមសិក្សា គឺជាដៃគូសំខាន់ដែលមិនអាចខ្វះបានរបស់រាជរដ្ឋាភិបាល បើនិយាយជារួម និងដោយឡែក ស្ថាប័នឧត្តមសិក្សារបស់អង់គ្លេសថ្មីមួយនេះ ក៏មានតម្លៃបន្ថែមជាពិសេសរបស់ខ្លួនទាក់ទងទៅនឹងការចូល រួមចែករំលែកបទពិសោធន៍របស់អង់គ្លេសនៅក្នុងការកសាងសង្គម-សេដ្ឋកិច្ច និងឧស្សាហកម្មជឿនលឿន ដែលផ្អែកលើចំណេះដឹង និងជំនាញ ៕អត្ថបទ៖ មុត សុទ្ធ

សម្តេចធិបតី៖ វត្តមានសាកលវិទ្យាល័យ De Montfortគឺជាកាលានុវត្តភាពមួយទៀត សម្រាប់និស្សិតកម្ពុជា

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ការបើកសាកលវិទ្យាល័យDe Montfort របស់អង់គ្លេសនៅលើទឹកដីនៃព្រះរាជាណាចក្រកម្ពុជានាពេលនេះ គឺជាកាលានុវត្តភាពថ្មីមួយទៀតសម្រាប់ សិស្សនិស្សិតកម្ពុជា ហើយសម្តេចធិបតី រំពឹងថា សាកលវិទ្យាល័យនេះ ក្លាយទៅជាហឹប និងដែកឆក់នៃការវិនិយោគមកពីចក្រភពអង់គ្លេសមកលើទឹកដីកម្ពុជា ឲ្យកាន់តែខ្លាំងក្លាឡើងបន្ថែមទៀតផងដែរ។ក្នុងឱកាសអញ្ជើញចូលរួមជាអធិបតីភាពសម្ពោធដាក់ឲ្យប្រើប្រាស់ជាផ្លូវនៃសាកលវិទ្យាល័យ De Montfort របស់អង់គ្លេស នាថ្ងៃទី៨ ខែសីហា ឆ្នាំ២០២៤នេះសម្តេចធិបតី បានបញ្ជាក់ថា វត្តមានជារូបវន្តនៃសាកលវិទ្យាល័យរបស់ប្រទេសមហាអំណាចមួយនេះ នឹងផ្តល់នូវអត្ថប្រយោជន៍ខាងវិស័យអប់រំដល់កម្ពុជាកាន់តែល្អប្រសើរបន្ថែមទៀត។ ជាមួយគ្នាសម្តេច ក៏បានលើកទឹកចិត្តឲ្យសាកលវិទ្យាល័យនេះ ធ្វើការសហការជាមួយ ស្ថាប័នពាក់ព័ន្ធរបស់កម្ពុជា ដើម្បីទទួលបានការគាំទ្រផេ្សងៗទាក់ទងនឹងការបណ្តុះសហគ្រិនភាព ដើម្បីចូលរួម បង្កើតការងារជាក់ស្តែងនៅកម្ពុជាផងដែរ។នៅក្នុងឱកាសសម្ពោធជាផ្លូវការនូវសាកលវិទ្យាល័យដ៏ល្បីល្បាញរបស់អង់គ្លេស លើទឹកដីកម្ពុជានេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្តែងមោទនភាពចំពោះសាកលវិទ្យាល័យ មួយនេះដែលមាននៅកម្ពុជា ខណៈវត្តមាននេះ គឺកើតឡើងដំបូងគេបង្អស់នៅតំបន់អាស៊ីអាគ្នេយ៍នេះ។សូមបញ្ជាក់ថា សាកលវិទ្យាល័យDe Montfort ត្រូវបានបង្កើតឡើងក្នុងឆ្នាំ១៨៧០ និងមានប្រវត្តិនៃការ បង្រៀនជាង១៥០ឆ្នាំ។មាននិស្សិតប្រមាណបីម៉ឺនប្រាំពាន់នាក់កំពុងសិក្សានៅក្នុងចក្រភពអង់គ្លេស និងក្រៅប្រទេស។ សាកលវិទ្យាល័យនេះ មានកម្រិតស្តង់ដាអន្តរជាតិពិតៗ មានសាខានៅចក្រភពអង់គ្លេស មជ្ឈិមបូព៌ា (ឌុបៃ) អាស៊ីបូព៌ា (កាហ្សាក់ស្ថាន) និងបច្ចុប្បន្ននៅអាស៊ីអាគ្នេយ៍គឺនៅប្រទេសកម្ពុជានេះតែម្តង៕ អត្ថបទបាន ចក់

ចក្រភពអង់គ្លេស និងអេហ្ស៊ីប ចេញការព្រមានសម្រាប់ការហោះហើរលើដែនអាកាសអ៊ីរ៉ង់ និងលីបង់

ចក្រភពអង់គ្លេស និងអេហ្ស៊ីប កាលពីថ្ងៃពុធ (០៧ សីហា) បានស្នើឱ្យក្រុមហ៊ុនអាកាសចរណ៍របស់ពួកគេជៀសវាងកុំហោះហើរលើដែនអាកាសអ៊ីរ៉ង់ និងលីបង់ ស្របពេលមានការភ័យខ្លាចកាន់តែខ្លាំងឡើងនៃជម្លោះកាន់តែទូលំទូលាយនៅក្នុងតំបន់ បន្ទាប់ពីការសម្លាប់សមាជិកជាន់ខ្ពស់នៃក្រុមសកម្មប្រយុទ្ធហាម៉ាស និងហេសបូឡា។សេចក្ដីណែនាំរបស់ចក្រភពអង់គ្លេស ចំពោះក្រុមហ៊ុនអាកាសចរណ៍របស់ខ្លួនឱ្យចៀសវាងដែនអាកាសរបស់លីបង់ បានធ្វើឡើងប៉ុន្មានម៉ោងបន្ទាប់ពីអេហ្ស៊ីប បានណែនាំក្រុមហ៊ុនអាកាសចរណ៍របស់ខ្លួនទាំងអស់ឱ្យជៀសវាងដែនអាកាសអ៊ីរ៉ង់ រយៈពេលបីម៉ោងនៅព្រឹកព្រលឹមថ្ងៃព្រហស្បតិ៍ (០៨ សីហា) នេះ។ ក្រុមហ៊ុនអាកាសចរណ៍ជាច្រើននៅទូទាំងពិភពលោកកំពុងកែប្រែកាលវិភាគរបស់ពួកគេដើម្បីជៀសវាងការហោះហើរលើដែនអាកាសអ៊ីរ៉ង់ និងលីបង់ ខណៈកំពុងផ្អាកជើងហោះហើរទៅកាន់អ៊ីស្រាអែល និងលីបង់ផងដែរ។ជើងហោះហើរឆ្លងកាត់តំបន់ជម្លោះបានក្លាយជាបញ្ហាសុវត្ថិភាពឧស្សាហកម្មចម្បងក្នុងមួយទសវត្សរ៍មុន បន្ទាប់ពីជើងហោះហើរ MH17 របស់ម៉ាឡេស៊ី ត្រូវបានបាញ់ទម្លាក់នៅអ៊ុយក្រែន ដោយបានសម្លាប់មនុស្សទាំងអស់នៅលើយន្តហោះចំនួន ២៩៨នាក់។ ក្រុមហ៊ុនអាកាសចរណ៍ យូណាយធីត អ៊ែរឡាញស៍ (United Airlines) ដែលមានមូលដ្ឋាននៅអាមេរិក បាននិយាយកាលពីថ្ងៃពុធថា ជើងហោះហើររបស់ខ្លួនទៅកាន់ទីក្រុងតែលអាវីវ ដែលត្រូវបានផ្អាកកាលពីថ្ងៃទី៣១ ខែកក្កដា ដោយសារការព្រួយបារម្ភអំពីសុវត្ថិភាព ក៏នៅតែត្រូវបានផ្អាកដដែល។គួររម្លឹកថា ក្នុងឆ្នាំ២០២០ អង្គភាពការពារដែនអាកាសអ៊ីរ៉ង់បាននិយាយថា ខ្លួនបានបាញ់ទម្លាក់ជើងហោះហើរ PS752 របស់ក្រុមហ៊ុនអាកាសចរណ៍អន្តរជាតិអ៊ុយក្រែនដោយច្រឡំ ដោយបានសម្លាប់មនុស្សទាំងអស់ ១៧៦នាក់នៅលើយន្តហោះនោះ ភ្លាមៗបន្ទាប់ពីបានហោះចេញពីអាកាសយានដ្ឋានទីក្រុងតេអេរ៉ង់។ នៅពេលនោះ ពួកគេកំពុងស្ថិតក្នុងការប្រុងប្រយ័ត្នខ្ពស់ ដោយសារតែភាពតានតឹងកើនឡើងខ្លាំងជាមួយសហរដ្ឋអាមេរិក៕

សម្ដេចធិបតី៖ ការបើកសាខាសាកលវិទ្យាល័យអង់គ្លេសនៅកម្ពុជា បានរួមចំណែកលើកស្ទួយទំនាក់ទំនងប្រទេសទាំងពីរ

ក្នុងឱកាសអញ្ជើញជាអធីបតីពិធីសម្ពោធដាក់ឱ្យដំណើរការបណ្តុះបណ្តាលរបស់សាកលវិទ្យាល័យដ៏ល្បីរបស់ចក្រភពអង់គ្លេស ដឹ ម៉ុងហ្វត (DE MONTFORT) នាព្រឹកថ្ងៃទី៨ ខែសីហា ឆ្នាំ២០២៤ នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា ការបើកសាខាសាកលវិទ្យាល័យដ៏ល្បីរបស់ចក្រភពអង់គ្លេសនៅកម្ពុជា គឺបានរួមចំណែកលើកស្ទួយទំនាក់ទំនងរបស់ប្រទេសកម្ពុជា និងចក្រភពអង់គ្លេស។សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់ថា រាជរដ្ឋាភិបាលអាណត្តិទី៧ បានយកចិត្តទុកដាក់ខ្ពស់បំផុតចំពោះកត្តាមនុស្សនៅក្នុងការអភិវឌ្ឍប្រទេសជាតិឆ្ពោះទៅប្រទេសមានចំណូលកម្រិតខ្ពស់ស្របតាមចក្ខុវិស័យកម្ពុជាឆ្នាំ ២០៥០។ សម្ដេចបន្តថា ដើម្បីឈានទៅដល់គោលដៅនេះ រាជរដ្ឋាភិបាលកម្ពុជា តាំងពីអាណត្តិមុន រហូតមកដល់អាណត្តិទី៧នេះ បានចាត់ទុកគ្រឹះស្ថានសិក្សា និងឧត្តមសិក្សា វិស័យឯកជន គឺជាដៃគូយ៉ាងសំខាន់មិនអាចខ្វះបាន។ សម្ដេចធិបតីបន្តថា ស្ថាប័នគ្រឹះស្ថានឧត្តមសិក្សា ដ៏ល្បីរបស់ចក្រភពអង់គ្លេសដែលទើបបើកដំណើរការនៅកម្ពុជានេះ គឺមានតម្លៃបន្ថែមទាក់ទងទៅនឹងការចូលរួមចែករំលែកបទពិសោធន៍របស់អង់គ្លេស នៅក្នុងការកសាងសង្គម សេដ្ឋកិច្ច និងឧស្សាហកម្មជឿនលឿនដែលផ្អែកលើចំណេះដឹង និងជំនាញ។ក្នុងឱកាសនោះសម្ដេចធិបតី នាយករដ្ឋមន្រ្ដីបានបញ្ជាក់បន្ថែមថា ការវិនិយោគរបស់សាកលវិទ្យាល័យ ដឹ ម៉ុងហ្វត (DE MONTFORT) នៅកម្ពុជា ក៏ជាការផ្ដល់ផលប្រយោជន៍ទៅវិញទៅមកដែលមានសក្ដានុពលយូរអង្វែង រវាងកម្ពុជា និងអង់គ្លេស។ សម្ដេចធិបតី ក៏បានលើកទឹកចិត្តឱ្យសាកលវិទ្យាល័យនេះសហការឱ្យបានជិតស្និទ្ធជាមួយបណ្ដាញធុរកិច្ចរបស់ចក្រភពអង់គ្លេសដើម្បីជំរុញការផ្សារភ្ជាប់ជាមួយការអប់រំ និងទីផ្សារការងារ និងលើកទឹកចិត្តឱ្យសាកលវិទ្យាល័យសហការជាមួយស្ថាប័នពាក់ព័ន្ធរបស់កម្ពុជាដើម្បីទទួលបានការគាំទ្រផ្សេងៗពាក់ព័ន្ធនឹងការបណ្ដុះបណ្ដាលសហគ្រិនភាព ឈានទៅចូលរួមបង្កើតការងារជាក់ស្ដែងនៅកម្ពុជា៕ អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

ក្រសួងការពារជាតិកម្ពុជា អំពាវនាវឱ្យកងទ័ពថៃ កំពុងឈរជើងនៅប្រាសាទតាក្របីអនុវត្តការងាររបស់ខ្លួនឱ្យបានត្រឹមត្រូវ និងការទទួសខុសត្រូវ

រដ្ឋមន្ត្រីការបរទេសបារាំងស្វាគមន៍ការសម្រេចរបស់ចិន ជុំវិញស្រាកូញាក់ ប៉ុន្តែប្រាប់ថា បញ្ហានៅតែមាន

ម៉ាឡេស៊ីដាក់ពន្ធប្រឆាំងការបង្ខូចតម្លៃលើផលិតផលដែក និងដែកថែបរបស់ចិន កូរ៉េខាងត្បូង និងវៀតណាម

ក្រុមប្រទេស BRICS នឹងថ្កោលទោសវិធានការពន្ធរបស់លោក Trump

ឯកឧត្តមរដ្ឋមន្ត្រី ជា វ៉ាន់ដេត ដឹកនាំកិច្ចប្រជុំលើកទី៧ របស់ គ.រ.ឌ. ពិនិត្យលើស្ថានភាព និងយន្តការនៃការទប់ស្កាត់ការវាយប្រហារសាយប័រ (Cyber Attack)

EU ត្រូវបានរាយការណ៍ថា គ្រោងស្តុកទុកធនធានរ៉ែសំខាន់ៗ អំឡុងពេលមានហានិភ័យភូមិសាស្ត្រនយោបាយ

អ៊ុយក្រែនឲ្យដឹងថា ខ្លួនបានវាយប្រហារអាកាសយានដ្ឋានយោធារុស្ស៊ី

ជើងជ្រូក និងស្លាបមាន់ បង្កកជិត ៤តោនត្រូវបានកម្លាំងជំនាញនៃអគ្គនាយកដ្ឋានសុខភាពសត្វ និងផលិតកម្មសត្វ ឆ្មក់បង្រ្កាប

លោក Trump៖ អាមេរិកនឹងចាប់ផ្តើមកិច្ចពិភាក្សាជាមួយចិន ជុំវិញកិច្ចព្រមព្រៀង TikTok សប្តាហ៍ក្រោយ

ជប៉ុនត្រៀមសម្រាប់ការរញ្ជួយដីបន្ថែមទៀត ខណៈអាជ្ញាធរច្រានចោលការឃោសនាបំផ្លើសពីថ្ងៃវិនាសកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោកស្រី Harris នាំមុខលោក Trump ចំនួន ៥ពិន្ទុនៅក្នុងការស្ទង់មតិថ្មីរបស់ស្ថាប័ន Ipsos

ចិន ចង់ពង្រីកទីតាំងផលិតនាវា ដើម្បីផ្តួលអាមេរិក ប្រសិនបើមានសង្គ្រាមក្នុងពេលអនាគត

សមាជិកគណបក្សភ្លើងទៀននៅតែបន្តសុំចូលរួមជីវភាពនយោបាយជាមួយគណបក្សប្រជាជនកម្ពុជាដូចភ្លៀងរលឹម

សម្ដេចធិបតី ហ៊ុន ម៉ាណែត អនុញ្ញាតឱ្យនាយកប្រតិបត្តិក្រុមហ៊ុន Gumball 3000 ជួបពិភាក្សាការងារ

សម្តេចធិបតី៖ រាជរដ្ឋាភិបាលកំពុងខិតខំបង្កើនធនធានមនុស្សក្នុងដំណើរឆ្ពោះទៅឆ្នាំ២០៥០

សម្តេចធិបតី៖ វត្តមានសាកលវិទ្យាល័យ De Montfortគឺជាកាលានុវត្តភាពមួយទៀត សម្រាប់និស្សិតកម្ពុជា

ចក្រភពអង់គ្លេស និងអេហ្ស៊ីប ចេញការព្រមានសម្រាប់ការហោះហើរលើដែនអាកាសអ៊ីរ៉ង់ និងលីបង់

សម្ដេចធិបតី៖ ការបើកសាខាសាកលវិទ្យាល័យអង់គ្លេសនៅកម្ពុជា បានរួមចំណែកលើកស្ទួយទំនាក់ទំនងប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោកស្រី Harris នាំមុខលោក Trump ចំនួន ៥ពិន្ទុនៅក្នុងការស្ទង់មតិថ្មីរបស់ស្ថាប័ន Ipsos

ចិន ចង់ពង្រីកទីតាំងផលិតនាវា ដើម្បីផ្តួលអាមេរិក ប្រសិនបើមានសង្គ្រាមក្នុងពេលអនាគត

សមាជិកគណបក្សភ្លើងទៀននៅតែបន្តសុំចូលរួមជីវភាពនយោបាយជាមួយគណបក្សប្រជាជនកម្ពុជាដូចភ្លៀងរលឹម

សម្ដេចធិបតី ហ៊ុន ម៉ាណែត អនុញ្ញាតឱ្យនាយកប្រតិបត្តិក្រុមហ៊ុន Gumball 3000 ជួបពិភាក្សាការងារ

សម្តេចធិបតី៖ រាជរដ្ឋាភិបាលកំពុងខិតខំបង្កើនធនធានមនុស្សក្នុងដំណើរឆ្ពោះទៅឆ្នាំ២០៥០

សម្តេចធិបតី៖ វត្តមានសាកលវិទ្យាល័យ De Montfortគឺជាកាលានុវត្តភាពមួយទៀត សម្រាប់និស្សិតកម្ពុជា

ចក្រភពអង់គ្លេស និងអេហ្ស៊ីប ចេញការព្រមានសម្រាប់ការហោះហើរលើដែនអាកាសអ៊ីរ៉ង់ និងលីបង់

សម្ដេចធិបតី៖ ការបើកសាខាសាកលវិទ្យាល័យអង់គ្លេសនៅកម្ពុជា បានរួមចំណែកលើកស្ទួយទំនាក់ទំនងប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍