នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ទីក្រុងរីយ៉ាដ និងតូក្យូ ពង្រឹងកិច្ចសហប្រតិបត្តិការលើសន្តិសុខថាមពល អ៊ីដ្រូសែន និងអាម៉ូញាក់

2023/07/17 02:18:14 pm        193
Facebook Telegram Linkin
ជប៉ុន៖  នាយករដ្ឋមន្រ្តីជប៉ុនលោក Fumio Kishidaមាននូវជំនួបជាមួយក្រុមមេដឹកនាំអារ៉ាប៊ីសាអូឌីត នៅទីក្រុងសមុទ្រក្រហម Jeddahជាកន្លែងដែលលោកបានធ្វើដំណើរមកដល់កាលពីថ្ងៃអាទិត្យ ដែលជាផ្នែកមួយនៃដំណើរទស្សនកិច្ចនៅតំបន់មជ្ឈិមបូព៌ា ។  អារ៉ាប៊ីសាអូឌីត បាននិយាយកាលពីថ្ងៃអាទិត្យថា ពួកគេនៅតែប្តេជ្ញាចិត្តទទួលយកការផ្គត់ផ្គង់ប្រេងសម្រាប់ប្រទេសជប៉ុន ហើយនិងបន្តកិច្ចសហប្រតិបត្តិការជាមួយទីក្រុងតូក្យូ លើអ៊ីដ្រូហ្សែនស្អាត អាម៉ូញាក់ និងប្រេងឥន្ធនៈកាបូនដែលបានកែឆ្នៃឡើងវិញ ។  សេចក្តីថ្លែងការណ៍បង្ហោះនៅលើគេហទំព័រក្រសួងថាមពលដោយដកស្រង់សម្តីរដ្ឋមន្រ្តីអារ៉ាប៊ីសាអូឌីតគឺព្រះអង្គម្ចាស់ Abdulaziz bin Salman បានឲ្យដឹងថា រាជាណាចក្រមួយនេះ នឹងបន្តផ្គត់ផ្គង់ប្រេងឆៅអារ៉ាប៊ីសាអូឌីតសម្រាប់បម្រុងប្រេងរបស់រដ្ឋបាលខេត្ត Okinawaនៅភាគខាងត្បូងប្រទេសជប៉ុន ។  ក្រសួងថាមពលអារ៉ាប៊ីសាអូឌីត បាននិយាយថា ពួកគេបានចុះហត្ថលេខាលើកិច្ចព្រមព្រៀងជាមួយក្រសួងពាណិជ្ជកម្ម និងឧស្សាហកម្មជប៉ុន ដើម្បីផលិតអ៊ីដ្រូហ្សែនស្អាត ផលិតអាម៉ូញាក់ និងប្រេងឥន្ធនៈកាបូនដែលបានកែឆ្នៃឡើងវិញ ។  ដោយឡែក រដ្ឋមន្រ្តីក្រសួងវិនិយោគអារ៉ាប៊ីសាអូឌីតលោក Khalid al-Falih បាននិយាយប្រាប់ទូរទស្សន៍រដ្ឋ Al Ekhbariya ថា ប្រទេសទាំង ២ បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការចំនួន ២៦កិច្ចព្រមព្រៀង អំឡុងដំណើរទស្សនកិច្ចរបស់លោក Kishida ៕

អតិផរណាជះឥទ្ធិពលលើការចំណាយរបស់ភ្ញៀវទេសចរនៅសហរដ្ឋអាមេរិក

2023/07/17 02:15:14 pm        227
Facebook Telegram Linkin
អាមេរិក៖ អតិផរណាដ៏ខ្ពស់នៅសហរដ្ឋអាមេរិកទំនងជាដាក់បន្ទុកលើតម្រូវការទេសចរណ៍ និងការចំណាយរបស់អ្នកប្រើប្រាស់ក្នុងអំឡុងរដូវវិស្សមកាលរដូវក្តៅនេះ។ការស្ទង់មតិនាពេលថ្មីៗនេះដែលធ្វើឡើងដោយក្រុមហ៊ុនប្រឹក្សា Redfield & Wilton Strategies តំណាងឲ្យក្រុមហ៊ុនវិភាគ Newsweek បង្ហាញថា ការចំណាយខ្ពស់សម្រាប់ការរស់នៅប្រចាំថ្ងៃបានធ្វើឱ្យជនជាតិអាមេរិកចំនួន ៤៩ភាគរយបោះបង់គម្រោងធ្វើដំណើរកម្សាន្តសម្រាប់រយៈពេលបីខែខាងមុខ ខណៈដែល ៦០ភាគរយនៃអ្នកដែលធ្វើដំណើរកម្សាន្តវិស្សមកាលរដូវក្តៅបាននិយាយថា ការចំណាយសមរម្យមានតួនាទីដ៏សំខាន់នៅក្នុងផែនការដំណើរកម្សាន្តរបស់ពួកគេ។នៅក្នុងលក្ខខណ្ឌនៃការចំណាយសរុប ទិន្នន័យបង្ហាញថា ដោយសារបញ្ហាអតិផរណាការចំណាយរបស់អ្នកទេសចរណ៍ក្នុងខែមីនាឆ្នាំនេះ ខ្ពស់ជាងឆ្នាំ២០១៩ ចំនួន៧ភាគរយ។ អតិផរណាប្រចាំឆ្នាំរបស់សហរដ្ឋអាមេរិកបានធ្លាក់ចុះមកត្រឹម ៣ភាគរយកាលពីខែមុន ដែលជាអត្រាប្រចាំឆ្នាំតូចបំផុតចាប់តាំងពីខែមីនា ឆ្នាំ២០២១មក នេះបើយោងតាមទិន្នន័យក្រុមហ៊ុន CPI ចុងក្រោយបង្អស់ ដែលចេញផ្សាយកាលពីថ្ងៃពុធដោយការិយាល័យស្ថិតិការងាររបស់សហរដ្ឋអាមេរិក។ថ្វីបើមានតួលេខអតិផរណាល្អក្នុងរយៈពេលចុងក្រោយនេះក៏ដោយ ការទទួលបានអតិផរណាត្រលប់ទៅគោលដៅ ២ភាគរយវិញនៅត្រូវការរយៈពេលយូរទៀត នេះបើយោងតាមធនាគារកណ្តាលអាមេរិក៕

អ្នកជំនាញ៖ ការពង្រីកខ្លួនរបស់ណាតូ ជំរុញឲ្យមានអសន្តិសុខ និងការចំណាយយោធារបស់អាស៊ាន

2023/07/17 02:11:36 pm        175
Facebook Telegram Linkin
អាស៊ាន៖ អ្នកវិភាគឈានមុខគេរបស់ប្រទេសម៉ាឡេស៊ី បានលើកឡើងថា វោហារសាស្ត្ររបស់អង្គការណាតូ (NATO) ដែលលាបពណ៌ប្រទេសចិនថា ជាមហាអំណាចឈ្លានពាន បានបង្កើតនូវយល់ដឹងក្លែងក្លាយពីអសន្តិសុខ នៅក្នុងបណ្តាប្រទេសអាស៊ី និងពលរដ្ឋរបស់ប្រទេសទាំងនេះ ដែលជំរុញឲ្យប្រទេសបង្កើនការចំណាយផ្នែកយោធា និងពាក់ព័ន្ធនឹងការរត់ប្រណាំងសព្វាវុធ។ ហើយវត្តមាន និងការពង្រីកខ្លួនរបស់អង្គការនេះ ក៏បានធ្វើឲ្យប៉ះពាល់ស្ថានភាពមិនចូលបក្សសម្ព័ន្ធ និងអព្យាក្រឹតភាពនៃបណ្តាប្រទេសមួយចំនួន ព្រមទាំងធ្វើឲ្យពាណិជ្ជកម្មអន្តរជាតិ និងកិច្ចសហប្រតិបត្តិការសេដ្ឋកិច្ចស្ថិត ក្នុងស្ថានភាពគ្រោះថ្នាក់។លោកស្រី Lee Pei May អ្នកជំនាញនយោបាយនៃសាកលវិទ្យាល័យអ៊ីស្លាមអន្តរជាតិម៉ាឡេស៊ី បានប្រាប់សារព័តមាន Xinhua ក្នុងបទសម្ភាសន៍ថ្មីៗនេះថា ដោយបានដើរហួសពីវត្ថុបំណងដើមរបស់ខ្លួន ការបន្តពង្រីកខ្លួនជារឿយៗរបស់អង្គការណាតូ កំពុងជះឥទ្ធិពលជាអស្ថិរភាពលើកិច្ចការពិភពលោក ខណៈដែលប្លុកនេះ នៅតែព្យាយាមពាក់ព័ន្ធក្នុងពិភពលោកពហុប៉ូលដែលកំពុងលេចធ្លោនេះ។លោកស្រីបាននិយាយថា សម្ព័ន្ធភាពយោធានេះ ទោះបីជាត្រូវបានបង្កើតឡើងដោយប្រទេសដៃគូនៅអឺរ៉ុបក៏ដោយ ក៏ប៉ុន្តែអង្គការនេះបានសម្របតាមទាំងស្រុង ចំពោះឆន្ទៈរបស់សហរដ្ឋអាមេរិក ដែលធ្វើសកម្មភាពជាឯកតោភាគី ខណៈពេលដែលរំពឹងថា នឹងមានការអនុលោមតាមយ៉ាងស្ងាត់ស្ងៀមរបស់ប្រទេសសមាជិកផ្សេងទៀត។ លោកស្រី Lee បានលើកឡើងថា ការបន្តវោហារសាស្ត្រប្រឈមដាក់គ្នារបស់ណាតូនេះ មិនត្រឹមតែសំដៅប្រឆាំងនឹងប្រទេសដែលខ្លួនយល់ឃើញថា ជាសត្រូវ នៅក្នុងទ្វីបអឺរ៉ុបប៉ុណ្ណោះទេ ប៉ុន្តែឥឡូវនេះថែមទាំងបានរាលដាលដល់ទ្វីបអាស៊ីហើយ ដោយសម្ព័ន្ធភាពដែលដឹកនាំដោយសហរដ្ឋអាមេរិកមួយនេះ កំពុងតាំងខ្លួនប្រកួតប្រជែងជាមួយចិន ដោយធ្វើឲ្យពាណិជ្ជកម្មអន្តរជាតិ និងកិច្ចសហប្រតិបត្តិការសេដ្ឋកិច្ចស្ថិតក្នុងគ្រោះថ្នាក់។លោកស្រី Lee បានបន្ថែមថា វិធានការណ៍ដាក់សម្ពាធដល់សមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) ក៏នឹងមានផលប៉ះពាល់យ៉ាងធ្ងន់ធ្ងរដល់តំបន់ផងដែរ ប្រសិនប្រទេសជាសមាជិកបានដាក់ខ្លួនចូលទៅ ហើយជ្រើសរើសយកភាគីម្ខាងទៀត ប្រឆាំងប្រទេសចិន ដែលជាដៃគូពាណិជ្ជកម្មដ៏សំខាន់។ដោយជំរុញឲ្យអាស៊ានរក្សាមជ្ឈត្តភាព និងអព្យាក្រឹតភាពរបស់ខ្លួនជំនួសវិញ ហើយផ្តោតលើការអភិវឌ្ឍសេដ្ឋកិច្ច និងពាណិជ្ជកម្ម លោកស្រី Lee បានសង្កត់ធ្ងន់ថា សមាជិកអាស៊ានមានសិទ្ធិបង្ហាញនូវកង្វល់របស់ខ្លួន និងរក្សាជំហររបស់ខ្លួន ដោយបដិសេធការប៉ុនប៉ង ក្នុងទាញពួកគេឲ្យចូលទៅក្នុងសម្ព័ន្ធភាពណាមួយ៕

ក្រុមហាម៉ាស់គ្មានលុយបើកប្រាក់បៀវត្សរ៍ជូនមន្រ្តីរដ្ឋការនៅតំបន់ហ្គាហ្សា ក្រោយការពន្យាពេលជំនួយរបស់កាតា

2023/07/17 02:07:27 pm        213
Facebook Telegram Linkin
ក្រុមហាម៉ាស់ដែលគ្រប់គ្រងតំបន់កាន់កាប់ហ្គាហ្សាស្រ្ទីប ពុំមានលទ្ធភាពបើកប្រាក់បៀវត្សន៍ជូនមន្រ្តីរដ្ឋការ៥ម៉ឺននាក់នោះទេ ក្នុងនោះក្រុមមន្រ្តី បានការដាក់ការស្តីបន្ទោសការខកខាននេះ ទៅលើការពន្យាពេលការផ្តល់ប្រាក់បៀវត្សរ៍ប្រចាំខែពីប្រទេសកាតា ដែលជាម្ចាស់ជំនួយដ៏សំខាន់ដល់តំបន់ក្រក្រីរបស់ប៉ាឡេស្ទីនមួយនេះ ។   វិបត្តិប្រាក់បៀវត្សរ៍នេះដែរ បង្កឲ្យមានការរិះគន់ច្រើនខុសពីធម្មតានៅលើបណ្តាញព័ត៌មានសង្គមក្នុងតំបន់ហ្គាហ្សា ដែលរួមទាំងនិយោជិកខ្លួនឯងផ្ទាល់មួយចំនួនរបស់ក្រុមហាម៉ាស់ ។ ការធ្លាក់ចុះប្រាក់ចំណូលពន្ធ ហើយនិងការហក់ឡើបខ្ពស់ការចំណាយលើថ្លៃរស់នៅ បានធ្វើឲ្យស្ថានភាពកាន់តែយ៉ាប់យ៉ឺនខ្លាំង  គួរឲ្យដឹងថាភាគច្រើននៃប្រជាពលរដ្ឋ ២,៣លាននាក់ក្នុងតំបន់ហ្គាហ្សា រស់នៅក្នុងភាពក្រីក្រ ហើយសេដ្ឋកិច្ចរបស់ពួកគេ ពឹងផ្អែកខ្លាំងលើជំនួយបរទេស ។  ប្រទេសកាតា បានចំណាយលុយរាប់រយលានដុល្លារ ចាប់តាំងពីឆ្នាំ ២០១៤រហូតមក លើគម្រោងសំណង់ ។ បច្ចុប្បន្នពួកគេចំណាយប្រាក់ ៣០លានដុល្លារក្នុង១ខែ ជាប្រាក់ឧបត្ថម្ភដល់ក្រុមគ្រួសារ ប្រេងឥន្ធនៈសម្រាប់អគ្គិសនី និងជួយបើកប្រាក់បៀវត្សរ៍ជូនមន្រ្តីរដ្ឋការផងដែរ ។  ទោះបីជាយ៉ាងណាក៏ដោយ ក្រុមមន្រ្តីហាម៉ាស់ និយាយថា គ្មានជំនួយប្រាក់បៀវត្សរ៍ ទទួលបាននោះទេ ចាប់តាំងពីការផ្តល់ប្រាក់ជាងពាក់កណ្តាលនៃប្រាក់ឧបត្ថម្ភ ៥លានដុល្លារ ដើម្បីគាំទ្រដល់ការបើប្រាក់បៀវត្សរ៍ប្រចាំខែឧសភា ។  ដោយឡែកនៅក្នុងទីក្រុង Dohaវិញ ការិយាល័យព័ត៌មានអន្តរជាតិកាតា ពុំបានឆ្លើយតបភ្លាមៗនោះទេចំពោះសំណើរសុំសេចក្តីអធិប្បាយ ជុំវិញបញ្ហាមួយនេះ ៕

សហរដ្ឋអាមេរិកធ្វើការជាមួយប្រទេសឥណ្ឌាដើម្បីបង្កើនល្បឿននៃការផ្លាស់ប្តូរថាមពល

2023/07/17 02:02:15 pm        182
Facebook Telegram Linkin
អាមេរិក៖ រដ្ឋមន្ត្រីក្រសួងរតនាគារសហរដ្ឋអាមេរិកលោកស្រី Janet Yellen បាននិយាយនៅថ្ងៃចន្ទនេះថា សហរដ្ឋអាមេរិកកំពុងធ្វើការជាមួយប្រទេសឥណ្ឌាដើម្បីបង្កើតកម្មវិធីវិនិយោគមួយក្នុងការកាត់បន្ថយការចំណាយលើដើមទុន និងបង្កើនការវិនិយោគឯកជន ដើម្បីតាមដានការផ្លាស់ប្តូរថាមពលរបស់ឥណ្ឌាយ៉ាងឆាប់រហ័ស។បន្ទាប់ពីកិច្ចប្រជុំទ្វេភាគីជាមួយរដ្ឋមន្ត្រីហិរញ្ញវត្ថុឥណ្ឌាលោកស្រី Nirmala Sitharaman នៅខាងក្រៅវេទិកាកិច្ចប្រជុំក្រុមប្រទេសទាំង២០ (G20) លោកស្រី Yellen បាននិយាយថា ប្រទេសទាំងពីរបាននិងកំពុងសហការគ្នាលើបញ្ហាសេដ្ឋកិច្ចជាច្រើន រួមទាំងកិច្ចសហប្រតិបត្តិការពាណិជ្ជកម្ម និងបច្ចេកវិទ្យា ព្រមទាំងការពង្រឹងខ្សែសង្វាក់ផ្គត់ផ្គង់ផងដែរ។លោកស្រីក៏បាននិយាយផងដែរថា ប្រទេសទាំងពីរជិតឈានដល់កិច្ចព្រមព្រៀងមួយស្តីពីប្រព័ន្ធពន្ធអប្បបរមាជាសាកល ក្នុងអំឡុងពេលដំណើរទស្សនកិច្ចលើកទីបីរបស់លោកស្រីទៅកាន់ប្រទេសឥណ្ឌានៅឆ្នាំនេះ ដែលបង្ហាញពីភាពជិតស្និទ្ធកាន់តែខ្លាំងឡើងរវាងប្រទេសទាំងពីរ។ភាពប្រសើរឡើងនៃទំនាក់ទំនងទ្វេភាគីត្រូវបានគូសបញ្ជាក់ក្នុងអំឡុងពេលដំណើរទស្សនកិច្ចផ្លូវរដ្ឋរបស់នាយករដ្ឋមន្ត្រីឥណ្ឌាលោក Narendra Modi ទៅកាន់ទីក្រុងវ៉ាស៊ីនតោនកាលពីខែមុន ដែលបានមើលឃើញកិច្ចព្រមព្រៀងការពារជាតិ និងបច្ចេកវិទ្យាខ្ពស់មួយចំនួនត្រូវបានចុះហត្ថលេខា៕

តម្លៃបន្លែនៅកូរ៉េខាងត្បូងកើនឡើងដោយសាររលកកម្ដៅ និងភ្លៀងធ្លាក់យ៉ាងខ្លាំងបំផ្លាញដំណាំ

2023/07/17 01:53:37 pm        49
Facebook Telegram Linkin
កូរ៉េខាងត្បូង៖ សីតុណ្ហភាពក្តៅហែង និងភ្លៀងធ្លាក់ដ៏ខ្លាំងបានវាយប្រហារប្រទេសកូរ៉េខាងត្បូងក្នុងខែកក្កដានេះ ដោយបានធ្វើឱ្យខូចខាតយ៉ាងធ្ងន់ធ្ងរលើការផ្គត់ផ្គង់ និងផលិតកម្មបន្លែ ព្រមទាំងជំរុញឱ្យតម្លៃបន្លែក្នុងស្រុកកើនឡើងខ្ពស់ជាងធម្មតា។យោងតាមទិន្នន័យដែលបានចេញផ្សាយកាលពីថ្ងៃសៅរ៍ដោយសាជីវកម្មកសិកម្មនេសាទ និងស្បៀងអាហាររបស់កូរ៉េបានឲ្យដឹងថា តម្លៃនៃផលិតផលកសិកម្មសំខាន់ៗចំនួន១៩មុខរបស់ប្រទេសនេះបានកើនឡើងបើធៀបនឹងខែមុន។ជាឧទាហរណ៍ តម្លៃលក់ដុំនៃសាឡាត់មួយប្រអប់ទម្ងន់ ៤គីឡូក្រាមកើនឡើងទ្វេដងពីខែមុនរហូតដល់ ២៦.០០០វ៉ុន (ប្រហែល២០,៤៨ដុល្លារ)។ ហើយតម្លៃស្ពៃខ្មៅ និងស្ពៃក្តោបបានកើនឡើង ៩០,២ភាគរយ និង ៥១,៧ភាគរយរៀងគ្នាក្នុងមួយខែ នេះបើយោងតាមទិន្នន័យ។ទិន្នន័យផ្លូវការរបស់ក្រសួងកសិកម្ម រុក្ខាប្រមាញ់ បសុសត្វ និងស្បៀងអាហាររបស់ប្រទេស បានបង្ហាញថា ភ្លៀងធ្លាក់ក្នុងសប្តាហ៍ចុងក្រោយនៃខែមិថុនា បានជន់លិចលើផ្ទៃដីដំណាំជាង ៤.០០០ ហិចតា រួមទាំងវាលស្រែ និងវាលសណ្តែកជាច្រើនទៀតផង។អ្វីដែលអាក្រក់ជាងនេះទៅទៀតនោះគឺ ភ្លៀងធ្លាក់ខ្លាំងបានវាយលុកដីស្រែចំការនៅតំបន់ជនបទកាន់តែច្រើនចាប់តាំងពីថ្ងៃព្រហស្បតិ៍មក ដោយធ្វើឱ្យមានការបំផ្លិចបំផ្លាញដល់វិស័យកសិកម្មដ៏ផុយស្រួយរបស់ប្រទេសនេះ និងនាំមកនូវក្តីបារម្ភកាន់តែច្រើនអំពីការខូចខាតដំណាំ និងការឡើងថ្លៃបន្លែផងដែរ។ភ្លៀងធ្លាក់ដ៏ខ្លាំងកាលពីចុងសប្ដាហ៍នៅក្នុងកូរ៉េខាងត្បូងបានសម្លាប់មនុស្ស៤០នាក់ ខណៈដែល៩នាក់ទៀតបាត់ខ្លួន៕

ក្រុមហ៊ុន Twitter បាត់បង់ចំណូលពីការផ្សាយពាណិជ្ជកម្មជិតពាក់កណ្តាលចាប់តាំងពីលោក Elon Musk កាន់កាប់មក

2023/07/17 01:50:43 pm        71
Facebook Telegram Linkin
អាមេរិក៖ ក្រុមហ៊ុន Twitter បានបាត់បង់ប្រាក់ចំណូលស្ទើរតែពាក់កណ្តាលពីការផ្សាយពាណិជ្ជកម្មរបស់ខ្លួនចាប់តាំងពីក្រុមហ៊ុននេះត្រូវបានទិញយកដោយលោក Elon Musk ក្នុងតម្លៃ ៤៤ពាន់លានដុល្លារ កាលពីខែតុលាឆ្នាំមុនមក។ លោកបាននិយាយថា ក្រុមហ៊ុននេះមិនបានឃើញកំណើនចំណូលដែលត្រូវបានគេរំពឹងទុកកាលពីខែមិថុនានោះទេ ប៉ុន្តែលោកបានបន្ថែមថា ខែកក្កដា គឺជា «ខែរកចំណូលបានគ្រាន់បើជាងខែមុន»។បន្ទាប់ពីការបញ្ឈប់បុគ្គលិករាប់ពាន់នាក់ និងកាត់បន្ថយសេវាកម្មផ្សេងៗមក លោក Musk បាននិយាយថាក្រុមហ៊ុន Twitter មានប្រាក់ចំណូលចំនួន ៣ពាន់លានដុល្លារនៅក្នុងឆ្នាំ២០២៣នេះ ដោយធ្លាក់ចុះពីចំនួន ៥,១ពាន់លានដុល្លារកាលពីឆ្នាំ២០២១។លោកស្រី Linda Yaccarino ដែលពីមុនជាប្រធានផ្នែកផ្សាយពាណិជ្ជកម្មនៅក្រុមហ៊ុន NBCUniversal ត្រូវបានតែងតាំងជានាយកប្រតិបត្តិរបស់ក្រុមហ៊ុន Twitter កាលពីខែមិថុនា ដែលជាការផ្លាស់ប្តូរដើម្បីបង្ហាញថា ការផ្សាយពាណិជ្ជកម្មនៅតែជាអាទិភាពសម្រាប់ក្រុមហ៊ុន Twitter ។ លោកស្រី Yaccarino បាននិយាយថា ក្រុមហ៊ុន Twitter គ្រោងនឹងផ្តោតលើវីដេអូ អ្នកបង្កើតមាតិកា និងដៃគូពាណិជ្ជកម្មផងដែរ៕

ឯកឧត្តម ហ៊ុន ម៉ានី ប្រាប់ទៅពលរដ្ឋកុំជឿការឃោសនាបំផ្លាញសន្លឹកឆ្នោត

2023/07/17 01:44:06 pm        131
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី អនុប្រធានទី១ ក្រុមការងារគណបក្សប្រជាជនកម្ពុជា ចុះមូលដ្ឋាន​ជួយខេត្តកំពង់ស្ពឺ បានប្រាប់ទៅប្រជាពលរដ្ឋ កុំជឿតាមការឃោសនារបស់ជន​ខិលខូច​ដែល​ព្យាយាម​ផ្សព្វផ្សាយ​អោយពលរដ្ឋបំផ្លាញសន្លឹកឆ្នោត។ នេះជាការលើកឡើងក្នុងការជួបសំណេះសំណាលជាមួយសមាជិក​ គណបក្សប្រជាជនកម្ពុជា រស់នៅ ឃុំអូរ និងឃុំគីរីវ័ន្ត ស្រុកភ្នំស្រួច ខេត្តកំពង់ស្ពឺ។ឯកឧត្តម ហ៊ុន ម៉ានី អនុប្រធានទី១ ក្រុមការងារ​គណបក្សប្រជាជន​កម្ពុជា ចុះមូលដ្ឋានជួយ​ខេត្តកំពង់ស្ពឺ ​បានលើកឡើងប្រាប់ទៅប្រជាពលរដ្ឋ រស់នៅស្រុកភ្នំស្រួច ​ខេត្តកំពង់ស្ពឺ កុំអោយ​ជឿលើការឃោសនា ​របស់ជនខិលខូចមួយចំនួន ​ដែលព្យាយាមផ្សព្វផ្សាយអោយ​មានការបំផ្លាញ​សន្លឹកឆ្នោត។ ឯកឧត្តម លើកឡើងថា កំឡុងពេលនេះរឺប៉ុន្មានថ្ងៃទៅមុខ គឺអាចមានជនខិលខូចមួយចំនួន បន្លំខ្លួន​ជាអ្នកធ្វើការតាមបណ្ដាការ​ បន្លំខ្លួនថា​ មានទំនាក់ទំនងជាមួយ គ.ជ.ប ​រឺអាចបន្លំខ្លួនជាសមាជិក គណបក្សប្រជាជនកម្ពុជា​ ដើរបោកប្រាស់ប្រជាពលរដ្ឋ។ ឯកឧត្តមបន្តថា ការបោកប្រាស់ធ្វើឡើងក្រោមរូបភាពផ្សេងៗ ​ដូចជាប្រាប់អោយពលរដ្ឋយក​អត្តសញ្ញាណបណ្ណ​ថតចម្លង ទៅចូលរួមបោះឆ្នោត ការប្រាប់អោយគូសសន្លឹកឆ្នោត​ខុសពីការ​កំណត់​របស់ គ.ជ.ប និងការប្រាប់ទៅប្រជាពលរដ្ឋមិនចាំបាច់ទៅបោះឆ្នោត​ក៏មិនមានបញ្ហាអ្វីដែរ។ឯកឧត្តម លើកឡើងដែរថា​ ជនខិលខូចតែងបង្កបញ្ហា ​និងធ្វើការផ្សព្វផ្សាយទុច្ចរិត រាល់កំឡុង​ពេលការបោះឆ្នោតចូលមកដល់។ជាការក្រើនរម្លឹកជាថ្មីផងដែរ ​ឯកឧត្តម ហ៊ុន ម៉ានី បញ្ជាក់ទៅប្រជាពលរដ្ឋ ត្រូវយកអត្តសញ្ញាណ​បណ្ណ​ច្បាប់ដើម ​រឺឯកសារបញ្ជាក់អត្តសញ្ញាណ ទៅចូលរួមបោះឆ្នោត ​និងត្រូវគូសសន្លឹកឆ្នោតអោយ​បានត្រឹមត្រូវ ​កុំអោយរហែក ប្រឡាក់ជាដើម ​ព្រោះវានឹងក្លាយជាសន្លឹកឆ្នោតមិនបានការ។ សម្រាប់​ប្រជាពលរដ្ឋ​ ជាសមាជិកគណបក្សប្រជាជនកម្ពុជា ដែលបានចូលរួមក្នុងកម្មវិធី​ជួប​សំណេះសំណាល​ថ្ងៃនេះ​ ក៏បានលើកឡើងដែរថា ពួកគេនឹងមិនចាញ់បោកការ​ឃោសនាទុច្ចរិត​ណាមួយ​ពី​ការ​បោះឆ្នោតនោះទេ។ ​ពួកគេថា ​ការឃោសនាបំផ្លាញសន្លឹកឆ្នោតជាអំពើខុសឆ្គង។ ពួកគេក៏យល់ច្បាស់ពីការបោះឆ្នោត និងត្រៀមខ្លួនរួចជា​ស្រេច​ដើម្បីបោះឆ្នោតជូនគណបក្ស​ប្រជាជន​កម្ពុជាផងដែរ។គួរបញ្ជាក់ថា កំឡុងពេលនេះ ​ជាកំឡុងពេលយុទ្ធនាការឃោសនាបោះឆ្នោត ​សម្រាប់គណបក្សទាំង ១៨ ដែលចូលរួមប្រកួតប្រកួតប្រជែងក្នុងការបោះឆ្នោតជ្រើសរើស​តំណាងរាស្រ្តនីតិកាលទី ៧។ តាមការកំណត់របស់ គ.ជ.ប ការឃោសនាបោះឆ្នោត គឺនឹង​បញ្ចប់នៅថ្ងៃទី​២១ ខែកក្កដា ឆ្នាំ ២០២៣។ រីឯការបោះឆ្នោត គឺប្រព្រឹត្តិទៅនៅថ្ងៃទី ​២៣ ខែកក្កដា ៕ អត្ថបទ៖ គឹមហុក

ផ្សែងបង្កឡើងពីភ្លើងឆេះព្រៃ បានគ្របដណ្តប់ពីលើទីក្រុង Edmonton នៅភាគខាងលិចប្រទេសកាណាដា

2023/07/17 01:42:34 pm        154
Facebook Telegram Linkin
កាណាដា៖ ផ្សែងបង្កឡើងពីភ្លើងឆេះព្រៃ បានគ្របដណ្តប់ទីក្រុង Edmontonស្ថិតនៅតំបន់ភាគខាងលិចប្រទេសកាណាដា ធ្វើឲ្យកើតមានផ្សែងធូលីកាលពីចុងសប្តាហ៍កន្លងទៅ ។  ប្រទេសកាណាដា ស្ថិតនៅលើផ្លូវជួបរដូវភ្លើងឆេះព្រៃដ៏អាក្រក់បំផុត ក្នុងនោះភ្លើងឆេះព្រៃ បានឆាបឆេះទ្រង់ទ្រាយធំផងដែរនៅតំបន់ភាគខាងកើតប្រទេស ស្របពេលដែលការបំភាយឧស្ម័នបង្កឡើងដោយសារភ្លើងឆេះព្រៃ បានឡើងដល់កម្រិតខ្ពស់បំផុត ។ ដីព្រៃលើផ្ទៃក្រឡាប្រហែល ១០លានហិច បានឆាបឆេះរួចទៅហើយនៅទូទាំងប្រទេស ចាប់តាំងពីខែឧសភារហូតមក ។  លោក Bill Blairគឺជារដ្ឋមន្រ្តីទទួលបន្ទុកផ្នែកសង្រ្គោះបន្ទាន់កាណាដា បាននិយាយថា នៅក្នុងខេត្ត Quebec យោធាកាណាដា ត្រូវបានដាក់ពង្រាយ ដើម្បីជួយជម្លៀសបន្ទាន់នៅភាគខាងជើងខេត្ត ។  ដោយឡែក នៅក្នុងខេត្ត British Columbia ក្រុមភ្នាក់ងារពន្លត់អគ្គិភ័យ ប្រហែល ២ពាន់នាក់ កំពុងព្យាយាមពន្លត់ភ្លើងឆេះព្រៃជាង ៣៥០កន្លែង ៕

ឯកឧត្តម ប៉ាន សូរស័ក្តិ បន្តចុះណែនាំរបៀបគូសសន្លឹកគាំទ្រគណបក្សប្រជាជន ក្នុងមូលដ្ឋានស្រុកព្រៃឈរ

2023/07/17 01:28:46 pm        230
Facebook Telegram Linkin
ភ្នំពេញ៖ ក្នុងយុទ្ធនាការឃោសនាបោះឆ្នោតថ្ងៃទី១៧ ឯកឧត្តម ប៉ាន សូរស័ក្តិ បេក្ខជនតំណាងរាស្រ្តមណ្ឌលខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ បានបន្តចុះផ្សព្វផ្សាយកម្មវិធីនយោបាយ និងណែនាំអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជា ដល់សមាជិក សមាជិកាគណបក្សឃុំព្រៃឈរ ស្រុកព្រៃឈរ។នៅក្នុងកម្មវិធីចុះផ្សព្វផ្សាយ នៅព្រឹកថ្ងៃទី១៧ ខែកក្កដា ឆ្នាំ២០២៣នេះ ឯកឧត្តមបេក្ខជន​តំណាងរាស្រ្ត បានរំឮកនូវគុណបំណាច់របស់គណបក្សប្រជាជនកម្ពុជា ក្នុងការជួយសង្រ្គោះ​ប្រជាជន​ចេញពីរបបប្រល័យពូជសាសន៍ ប៉ុល ពត, ជាពិសេសនយោបាយឈ្នះឈ្នះ ដែលធ្វើឱ្យប្រទេសកម្ពុជាមានលទ្ធិប្រជាធិបតេយ្យ ​សេរីពហុបក្ស ការបង្រួបបង្រួមជាតិ ផ្សះផ្សាជាតិ រហូតទទួលបានសុខសន្តិភាពពេញលេញ ក្រោមការដឹកនាំប្រកបដោយគតិបណ្ឌិត​របស់​សម្តេចតេជោនាយករដ្ឋមន្រ្តី ព្រមទាំងទទួលបានសមិទ្ធផល និងភាពជោគជ័យជាច្រើន រួមមាន៖ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្ដូងទឹក ភ្លើងអគ្គិសនី រោងចក្រកសិដ្ឋាន សំណង់តូចធំ សាលារៀន មន្ទីរពេទ្យ វត្តអារាម។ល។, ជោគជ័យនៃការប្រយុទ្ធឈ្នះជំងឺកូវីដ-១៩, ជោគជ័យដ៏ត្រចះត្រចង់ក្នុងការធ្វើជាម្ចាស់ផ្ទះនៃកិច្ចប្រជុំកំពូលអាស៊ាន, ជោគជ័យក្នុងការរៀបចំកម្មវិធីអង្គរសង្ក្រាន, ជោគជ័យជាប្រវត្តិសាស្រ្ត ក្នុងការធ្វើជាម្ចាស់ផ្ទះនៃការរៀបចំព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ និងអាស៊ានប៉ារ៉ាហ្គេមលើកទី១២ ដែលទើបបិទបញ្ចប់កាលពីពេលថ្មីៗកន្លងទៅនេះ។ឯកឧត្តម បានបញ្ជាក់ថា សន្តិភាព និងសមិទ្ធផលទាំងនេះ បានមកពីការយកអាយុជីវិត​ធ្វើជា​ដើមទុន និងពលិកម្មដ៏ធំធេងរបស់សមាជិក សមាជិកាគណបក្សប្រជាជនកម្ពុជា។ ជាមួយគ្នានេះ ឯកឧត្តម បានសម្ដែងនូវការគាំទ្រយ៉ាងពេញទំហឹងចំពោះ សម្តេចតេជោ ហ៊ុន សែន ជាបេក្ខភាពនាយករដ្ឋមន្រ្តី សម្រាប់នីតិកាលទី៧ និងគាំទ្រ ឯកឧត្តម ហ៊ុន ម៉ាណែត ជាបេក្ខភាព​នាយករដ្ឋមន្រ្តីសម្រាប់ពេលអនាគត​ ព្រមទាំងបានសម្តែងនូវការគាំទ្រចំពោះសារនយោបាយរបស់ សម្តេចតេជោ គឺ “អរគុណសន្តិភាព” ដែលមានតម្លៃមិនសាបសូន្យ, ព្រោះថាបើគ្មានសន្តិភាព ក៏នឹងត្រូវបាត់បង់អ្វីៗទាំងអស់ ហេតុនេះយើងទាំងអស់គ្នា ត្រូវប្តេជ្ញាចិត្តចូលរួម​ក្នុងការការពារ​សន្តិភាពឱ្យរឹងមាំស្ថិតស្ថេរគង់វង្សជានិច្ច ​តាមរយៈការទៅចូលរួមបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ខាងមុខនេះឱ្យបានគ្រប់ៗគ្នា ​ហើយត្រូវបោះឆ្នោតជូនគណបក្សប្រជាជនកម្ពុជា៕

បណ្ដាញសង្គម

ព័ត៌មានថ្មីៗ

ឯកឧត្តម វង្សី វិស្សុត ចុះសួរទុក្ខបងប្អូនពលករពីប្រទេសថៃ ក្នុងខេត្តកំពង់ធំ
10/03/2025 09:10 PM
Facebook Telegram Linkin
ទីក្រុងគីវ៖ រុស្ស៊ីបើកការវាយប្រហារធំបំផុតមិនធ្លាប់មាន លើទីតាំងឧស្ម័ន
10/03/2025 08:10 PM
Facebook Telegram Linkin
ប៉ាគីស្ថាន៖ ផែនការរបស់លោក Trump ពាក់ព័ន្ធនឹងហ្កាហ្សា មិនស្របនឹងសំណើរបស់បណ្ដារដ្ឋមូស្លីម
10/03/2025 08:10 PM
Facebook Telegram Linkin
ប្រជាជនឆេកទៅបោះឆ្នោត ខណៈបេក្ខជននាំមុខគេ សន្យាចំណាយកាន់តែច្រើន និងបន្ថយជំនួយអ៊ុយក្រែន
10/03/2025 08:10 PM
Facebook Telegram Linkin
អ្នកជំនាញ៖ វិស័យគណនេយ្យនិងសវកម្ម បានឆ្លើយតបទៅនិងការវិវត្តសេដ្ឋកិច្ច និងតម្រូវការអាជីវកម្ម
10/03/2025 08:10 PM
Facebook Telegram Linkin
ប្រភព៖ អៀរឡង់ត្រៀមបន្ថយទណ្ឌកម្ម លើអ៊ីស្រាអែល ដោយសារមានសម្ពាធពីក្រុមហ៊ុន
10/03/2025 08:10 PM
Facebook Telegram Linkin
យានដ្រូនវាយប្រហាររោងចក្រចម្រាញ់ប្រេង នៅទីក្រុង Orsk របស់រុស្ស៊ី ចម្ងាយ ១.៤០០គីឡូម៉ែត្រពីព្រំដែនអ៊ុយក្រែន
10/03/2025 07:10 PM
Facebook Telegram Linkin
ស៊ុយអែតគ្រោងធ្វើឲ្យការឃ្លាំមើលរបស់ឆ្មាំល្បាតឆ្នេរកាន់តែប្រសើរឡើង នៅសមុទ្របាល់ទិក
10/03/2025 07:10 PM
Facebook Telegram Linkin
ខេត្តព្រះសីហនុ ផ្សព្វផ្សាយច្បាប់ និងលិខិតបទដ្ឋានពាក់ព័ន្ធការស្នាក់នៅ និងការប្រើប្រាស់ជនបរទេស នៅក្នុងក្រុមហ៊ុន និងកាស៊ីណូ
10/03/2025 06:10 PM
Facebook Telegram Linkin
ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីក្នុងពិធីជួបសំណេះសំណាលជាមួយនិស្សិតអាហារូបករណ៍
10/03/2025 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.