BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ និង ការអភិវឌ្ឍន៍

បក្សប្រឆាំងកូរ៉េខាងត្បូងបង្កើនសម្ពាធលើរដ្ឋាភិបាលដើម្បីថ្កោលទោសការបញ្ចេញទឹកនៅរោងចក្រនុយក្លេអ៊ែររបស់ជប៉ុន

កូរ៉េខាងត្បូង៖ សមាជិកសភាគណបក្សប្រឆាំងប្រទេសកូរ៉េខាងត្បូង កំពុងបង្កើនសម្ពាធលើរដ្ឋាភិបាល ដើម្បីថ្កោលទោសផែនការរបស់ប្រទេសជប៉ុន ដើម្បីបញ្ចេញទឹកមានសារធាតុវិទ្យុសកម្មដែលបានធ្វើប្រព្រឹត្តិកម្មរួច ពីរោងចក្រថាមពល Fukushima ដែលត្រូវបានបំផ្លាញដោយរលកយក្សស៊ូណាមិ ចូលទៅក្នុងសមុទ្រ។ រដ្ឋាភិបាល បាននិយាយនៅថ្ងៃសុក្រនេះថា ខ្លួនបានគោរពតាមការសន្និដ្ឋាននៃការពិនិត្យសុវត្ថិភាពធ្វើឡើងដោយអង្គការឃ្លាំមើលនុយក្លេអ៊ែរអង្គការសហប្រជាជាតិ ដែលបានអនុម័តផែនការរបស់ប្រទេសជប៉ុនដើម្បីបញ្ចេញទឹកកាកសំណល់ពីរោងចក្រនុយក្លេអ៊ែរ។ ទីក្រុងសេអ៊ូល បានបញ្ជាក់ថាការប្រមូលផ្តុំសម្ភារៈវិទ្យុសកម្ម បំពេញទៅតាមស្តង់ដាសម្រាប់ការបញ្ចេញទៅសមុទ្រ ហើយការបញ្ចេញទឹកដែលបានធ្វើប្រព្រឹត្តិកម្មរួច ត្រូវបានគេរំពឹងថានឹងគ្មានផលប៉ះពាល់ធំដុំណាមួយលើតំបន់មហាសមុទ្ររបស់យើងនោះទេ។

ប្រមុខ UNនិយាយប្រាប់អ៊ីស្រាអែលថា ការកើនឡើងភាពតានតឹងមិនមែនជាចម្លើយដោះស្រាយបញ្ហានោះទេ

UN៖ អគ្គលេខាធិការអង្គការសហប្រជាជាតិ(UN)លោក Antonio Guterresបាននិយាយថា លោកយល់ពីកង្វល់ស្របច្បាប់របស់អ៊ីស្រាអែលចំពោះសន្តិសុខរបស់ខ្លួន ប៉ុន្តែការកើនឡើងភាពតានតឹង មិនមែនជាចម្លើយត្រូវដោះស្រាយបញ្ហានោះទេ ។ បន្ទាប់ពីប្រតិបត្តិសឹកអ៊ីស្រាអែលនៅជំរំជនភៀសខ្លួនក្រុង Jenin ដែលលោកចាត់ទុកថាជាអំពើហិង្សាដ៏អាក្រក់បំផុតនៅតំបន់វ៉េសប៊ែង នារយៈពេលជាច្រើនឆ្នាំកន្លងមកនេះ លោក Guterres និយាយប្រាប់ក្រុមអ្នកសារព័ត៌មានថា ការប្រើប្រាស់ការវាយប្រហារតាមច្រកអាកាស គឺពុំសមស្របនឹងអនុវត្តន៍ការពង្រឹងច្បាប់នោះទេ ។ លោក Guterresនិយាយថា លោកសូមធ្វើការថ្កោលទោសទាំងស្រុងចំពោះគ្រប់សកម្មភាពនៃអំពើហិង្សាមកលើជនស៊ីវិល ដែលរួមទាំងទង្វើភេរវកម្ម ។ ការវាយប្រហារតាមច្រកអាកាសរបស់អ៊ីស្រាអែល និងប្រតិបត្តិការជើងគោកនៅជំរំជនភៀសខ្លួនដែលមានមនុស្សរស់នៅច្រើនកុះករ គឺជាអំពើហិង្សាដ៏អាក្រក់បំផុតនៅតំបន់វ៉េសប៊ែង ក្នុងរយៈពេលជាច្រើនឆ្នាំកន្លងមកនេះ ដោយវាមានផលប៉ះពាល់ខ្លាំងលើជនស៊ីវិល រួមទាំងអ្នករងរបួសជាង ១រយនាក់ និងមនុស្សរាប់ពាន់នាក់ផ្សេងទៀត ត្រូវបង្ខំចិត្តរត់ភៀសខ្លួន ។ លោកបន្តថា សាលារៀន និងមន្ទីរពេទ្យ រងការខូចខាត បណ្តាញផ្គត់ផ្គង់ទឹក និងចរន្តអគ្គិសនី ត្រូវបានអាក់ខាន ហើយមនុស្សដែលត្រូវការគេជួយ ត្រូវបានរារាំងមិនឲ្យចូលដល់ការជួយសង្រ្គោះ និងការថែទាំសុខភាពចាំបាច់ ៕

មេដឹកនាំកំពូលក្រុមឧទ្ទាមប្រឆាំង FARCរបស់កូឡុំប៊ីលោក Ivan Marquez បានស្លាប់នៅប្រទេសវេណេហ៊្សុយអេឡា

វេណេហ៊្សុយអេឡា៖ ប្រភពព័ត៌មាន ២ដែលនៅជិតស្និតនឹងបញ្ហានេះ បាននិយាយប្រាប់ទីភ្នាក់ងារព័ត៌មានរ៉យទ័រកាលពីថ្ងៃព្រហស្បតិ៍ថា លោក Ivan Marquez ដែលជាមេដឹកនាំដ៏ល្បីឈ្មោះមួយរូបរបស់អតីតក្រុមឧទ្ទាម FARCដែលវិលត្រឡប់មកកាន់អាវុធវិញក្រោយកិច្ចព្រមព្រៀងសន្តិភាពជាមួយរដ្ឋាភិបាលកូឡុំប៊ីនោះ បានស្លាប់នៅក្នុងប្រទេសវេណេហ៊្សុយអេឡា ។ បើទោះបីជាសមាជិកភាគច្រើនរបស់កងកម្លាំងប្រដាប់អាវុធបដិវត្តន៍កូឡុំប៊ី(FARC)ត្រូវបានរំសាយក្រោមកិច្ចព្រមព្រៀងឆ្នាំ ២០១៦ ដែលបានបញ្ចប់តួនាទីរបស់ FARCនៅក្នុងជម្លោះរយៈពេលជិត ៦០ឆ្នាំនៅក្នុងប្រទេសមួយនេះក៏ដោយ ក្រុមធំៗ ២ទៀតដែលបានជំទាស់នឹងកិច្ចព្រមព្រៀងមួយនេះ នៅតែបន្តជួញដូរគ្រឿងញៀន និងជីករ៉ែខុសច្បាប់ដដែល ។ យោងតាមប្រភពព័ត៌មានសន្តិសុខ បានឲ្យដឹងថា ការវាយប្រហារមកលើលោក Marquezដែលមានឈ្មោះពិត Luciano Marín Arango អាចត្រូវបានដឹកនាំដោយលោក Ivan Mordisco ដែលជាមេដឹកនាំក្រុមឧទ្ទាមប្រឆាំងមួយទៀត និងជាគូប្រជែងរបស់ក្រុមឧទ្ទាម FARC ។ ទោះបីជាយ៉ាងណាក៏ដោយ រដ្ឋមន្រ្តីក្រសួងការពារជាតិកូឡុំប៊ីលោក Ivan Velasquez បាននិយាយប្រាប់ក្រុមអ្នកសារព័ត៌មានថា គេនៅពុំទាន់មានព័ត៌មានផ្លូវការនៅឡើយទេលើការស្លាប់របស់លោក Marquez ៕

នាយករដ្ឋមន្ត្រីនូវ៉ែលហ្សេឡង់៖ "ការសន្ទនាដ៏ស្វិតស្វាញ" ជាមួយប្រទេសចិន ប្រសើរជាងគ្មានការពិភាក្សាទាល់តែសោះ

នូវ៉ែលហ្សេឡង់៖ នាយករដ្ឋមន្ត្រីនូវ៉ែលហ្សេឡង់ លោក Chris Hipkins បាននិយាយនៅថ្ងៃសុក្រ (៧ កក្កដា)នេះថា ប្រទេសនូវ៉ែលហ្សេឡង់នឹងទាមទារឱ្យមានការចូលរួមបន្តជាមួយប្រទេសចិន ដែលជាដៃគូពាណិជ្ជកម្មដ៏ធំបំផុតរបស់ខ្លួន ហើយថា "ការសន្ទនាដ៏តឹងតែង" ជាមួយទីក្រុងប៉េកាំង គឺប្រសើរជាងពុំបានពិភាក្សាអ្វីសោះ។លោក Hipkins បាននិយាយថា ប្រទេសនូវ៉ែលហ្សេឡង់នឹងបន្តមិនយល់ស្របជាមួយប្រទេសចិនលើបញ្ហាមួយចំនួន រួមទាំងសិទ្ធិមនុស្ស ប៉ុន្តែផ្លូវនៃការចូលរួមជាមួយប្រទេសចិននឹង "បើកចំហ និងស្មោះត្រង់"។នូវ៉ែលហ្សេឡង់ត្រូវបានគេមើលឃើញថាមានឥទ្ធិពលមធ្យម ឬមិនមានសោះ ទៅលើប្រទេសចិននៅក្នុងសម្ព័ន្ធភាពចែករំលែកព័ត៌មានសម្ងាត់ភ្នែកទាំង៥ (Five Eyes) ដែលរួមមានសហរដ្ឋអាមេរិក និងសម្ព័ន្ធមិត្ត ហើយកំពុងគ្រប់គ្រងទំនាក់ទំនងរបស់ខ្លួនយ៉ាងប្រុងប្រយ័ត្នជាមួយប្រទេសចិន ស្របពេលមានការប្រកួតប្រជែងយុទ្ធសាស្ត្ររវាងទីក្រុងប៉េកាំង និងទីក្រុងវ៉ាស៊ីនតោន។លោក Hipkins បានសង្កត់ធ្ងន់ថា គោលនយោបាយការបរទេសឯករាជ្យរបស់នវ៉ែលហ្សេឡង់មិនមានន័យថាជាជំហរអព្យាក្រឹតទេ ហើយថាប្រទេសនេះនឹងធ្វើការសម្រេចក្នុងផលប្រយោជន៍ជាតិរបស់ខ្លួន៕

គ.ជ.ប អំពាវពាវនាវដល់ម្ចាស់ក្រុមហ៊ុន និងសហគ្រាសនានាអនុញ្ញាតឲ្យនិយោជិត និងកម្មករចូលរួមបោះឆ្នោតតំណាងរាស្រ្តខាងមុខ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីអំពាវនាវចំពោះគ្រប់ម្ចាស់ក្រុមហ៊ុន សហគ្រាស និងគ្រឹះស្ថានទងអស់អនុញ្ញាតឲ្យនិយោជិត កម្មករ-កម្មការិនី ចូលរួមការបោះឆ្នោតជ្រើសរើសតំណាងរាស្រ្ត នីតិកាលទី៧ខាងមុខ។ នេះបើតាមសេចក្តីអំពាវនាវរបស់ គ.ជ.ប ចេញនៅថ្ងៃទី៧ ខែកក្កដា ឆ្នាំ២០២៣។ សេចក្តីអំពាវនាវ បានឲ្យដឹងថា នៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ គឺជាថ្ងៃដែលប្រជាពលរដ្ឋត្រូវទៅ បោះឆ្នោតជ្រើសតាំងតំណាងរាស្ត្រ នីតិកាលទី៧។ ក្នុងនោះ អនុលោមតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ បទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ប្រជាពលរដ្ឋដែលមានឈ្មោះក្នុងបញ្ជីបោះឆ្នោតផ្លូវការឆ្នាំ២០២២ មានសិទ្ធិបោះឆ្នោតជ្រើសតាំងតំណាងរាស្ត្រ។ ដើម្បីឱ្យប្រជាពលរដ្ឋប្រើសិទ្ធិរបស់ខ្លួនស្របតាមច្បាប់ គ.ជ.ប បានអំពាវនាវចំពោះគ្រប់ម្ចាស់សហគ្រាស ក្រុមហ៊ុន រោងចក្រ សណ្ឋាគារ ភោជនីយដ្ឋាន និងគ្រឹះស្ថានទាំងអស់ សូមជួយបង្កលក្ខណៈងាយស្រួល និងអនុញ្ញាតឱ្យនិយោជិត កម្មករ-កម្មការិនី បានធ្វើដំណើរទៅបោះឆ្នោត នៅថ្ងៃអាទិត្យ ទី២៣ ខែកក្កដា ឆាំ្ន២០២៣ នៅតាមឃុំ-សង្កាត់ ដែលពួកគាត់បានចុះឈ្មោះបោះឆ្នោត។ គ.ជ.ប សង្ឃឹមយ៉ាងមុតមាំថា គ្រប់ម្ចាស់សហគ្រាស ក្រុមហ៊ុន រោងចក្រ សណ្ឋាគារ ភោជនីយដ្ឋាន និងគ្រឹះស្ថានទាំងអស់ នឹងបង្កលក្ខណៈងាយស្រួល ដល់និយោជិត កម្មករ-កម្មការិនីបានទៅបោះឆ្នោតជ្រើសតាំងតំណាងរាស្ត្រទៅតាមកាលបរិច្ឆេទជាកំណត់៕

រុស្ស៊ី និងអ៊ុយក្រែន ប្រកាសដោះដូរឈ្លើយសឹក ៤៥នាក់ពីភាគីម្ខាងៗ

អ៊ុយក្រែន៖ កាលពីថ្ងៃព្រហស្បតិ៍ម្សិលមិញ រុស្ស៊ី និងអ៊ុយក្រែន បានប្រកាសដោះដូរឈ្លើយសឹកចំនួន ៤៥នាក់ ពីភាគីម្ខាងៗ ។ ក្រសួងការពារជាតិរុស្ស៊ី បញ្ចេញវីដេអូឃើញទាហានរុស្ស៊ី ៤៥នាក់ វិលត្រឡប់ពីការជាប់ឃុំឃាំងរបស់អ៊ុយក្រែនវិញ ។ លោក Andriy Yermak គឺជាប្រធានបុគ្គលិកប្រធានាធិបតីអ៊ុយក្រែន និយាយថា ទាហាន ៤៥នាក់ និងជនស៊ីវល ២នាក់ ត្រូវបានវិលត្រឡប់មកកាន់ប្រទេសអ៊ុយក្រែនវិញ ។ គួរឲ្យដឹងថា រុស្ស៊ី និងអ៊ុយក្រែន បានដោះដូរឈ្លើយសឹកយូរៗម្តង អំឡុងពេលសង្រ្គាមរបស់ពួកគេ ដែលបច្ចុប្បន្នស្ថិតក្នុងខែទី ១៧ទៅហើយ ។ លោក Lubinetsនិយាយថា ទាហានអ៊ុយក្រែន ២.៥៧៦នាក់ បានមានសេរីភាពវិញ នៅក្នុងការដោះដូរអ្នកទោស ចាប់តាំងពីការចាប់ផ្តើមវាយលុករបស់រុស្ស៊ីទៅលើប្រទេសជិតខាងអ៊ុយក្រែន កាលពីខែកុម្ភៈ ឆ្នាំ ២០២២កន្លងទៅ ៕

ប្រមុខ IAEA មានជំនឿចិត្តខ្ពស់លើការវាយតម្លៃរោងចក្រនុយក្លេអ៊ែរ Fukushima ស្របពេលមានការរិះគន់របស់ចិន

ជប៉ុន៖ ប្រមុខទីភ្នាក់ងារថាមពលអាតូមិកអន្តរជាតិ(IAEA)លោក Rafael Grossi បាននិយាយប្រាប់ទីភ្នាក់ងារព័ត៌មានរ៉យទ័រ នៅថ្ងៃសុក្រនេះថា លោកមានជំនឿចិត្តខ្លាំង ក្នុងការវាយតម្លៃនៃទីភ្នាក់ងាររបស់លោកលើផែនការរបស់ជប៉ុន បញ្ចេញទឹកបន្សាបសារធាតុវិទ្យុសកម្មពីរោងចក្រនុយក្លេអ៊ែរ Fukushimaចូលទៅក្នុងមហាសមុទ្រ ស្របពេលដែលមានការរិះគន់ធ្ងន់ៗ ពីប្រទេសចិន ។ លោក Grossi និយាយថា IAEAមិនឈរតែម្ខាងទៅប្រទេសណាមួយឡើយ ហើយពួកយើងបានធ្វើការវាយតម្លៃតាមបែបវិទ្យាសាស្រ្តលើផែនការមួយនេះ ពោលគឺពុំបានយល់ព្រម ឬផ្តល់សេចក្តីណែនាំចំពោះអ្វីដែលជប៉ុនគួរតែធ្វើនោះទេ ។ លោកបាននិយាយដែរថា លោកបានឮសម្តីអ្នកជំនាញម្នាក់ ឬ២នាក់ ដែលសិក្សាលើផែនការនេះ បង្ហាញក្តីបារម្ភ ប៉ុន្តែលោកជឿជាក់ថា វាមិនមែនជាបញ្ហានោះទេ ហើយរបាយការណ៍របស់ IAEA គឺត្រឹមត្រូវតាមបែបវិទ្យាសាស្រ្ត ។ យោងតាមការអះអាងរបស់ក្រុមឃ្លាំងមើល បានឲ្យដឹងថា ក្រុមការងារដែលបង្កើតឡើងដោយ IAEA កាលពីឆ្នាំ ២០២១ ដើម្បីត្រួតពិនិត្យសុវត្ថិភាពផែនការបញ្ចេញទឹកកាកសំណល់ជាង ១លានតោនពីរោងចក្រនុយក្លេអ៊ែរដែលរងការបំផ្លិចបំផ្លាញដោយសាររលកយក្សស៊ូណាមិ កាលពីឆ្នាំ ២០១១នោះ រួមមានទាំអសមាជិកមកពីអាហ្សង់ទីន អូស្រ្តាលី កាណាដា បារាំង កោះ Marshall កូរ៉េខាងត្បូងរុស្ស៊ី អង់គ្លេស សហរដ្ឋអាមេរិក និងវៀតណាម ៕

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១០ឆ្នាំ២០២៣របស់ខណ្ឌទួលគោក មាន១៥គម្រោង តម្លៃជាង ១៩២៨លានរៀល

ភ្នំពេញ៖ ការដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣ សម្រាប់១០សង្កាត់ របស់ខណ្ឌទួលគោក មានចំនួន១៥គម្រោង មានតម្លៃប៉ាន់ស្មានប្រមាណជាង ១៩២៨លានរៀល ដែលគម្រោងទាំងនេះ មានទាំងការដាក់លូ ,ស្តារលូ ,ការជួសជុលផ្លូវ និងរៀបការ៉ូឡាជាដើម។ពិធីដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣នេះ បានធ្វើឡើង នាព្រឹកថ្ងៃទី០៧ ខែកក្កដា ឆ្នាំ២០២៣ ក្រោមអធិបតីភាពលោក ហួត ហៃ អភិបាលរងរាជធានីភ្នំពេញ ។លោក ជា ពិសី អភិបាលខណ្ឌទួលគោក បានលើកឡើងថា ការដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣នេះ សម្រាប់ទាំង១០សង្កាត់ របស់ខណ្ឌទួលគោកមានចំនួន១៥គម្រោង តម្លៃប៉ាន់ប្រមាណជាង ១៩២៨លានរៀល ក្នុងនោះរួមមាន៖ សង្កាត់ផ្សារដេប៉ូទី១ មាន១គម្រោង ដាក់លូប្រវែង៤២៣ម៉ែត្រ តម្លៃប្រមាណ១៥៨លានរៀល ។ សង្កាត់ផ្សារដេប៉ូទី២ មាន១គម្រោង ដាក់លូប្រវែង៤៤៥ម៉ែត្រ តម្លៃប្រមាណ១៦៤លានរៀល។ សង្កាត់ផ្សារដេប៉ូទី៣ មាន២គម្រោង គឺគម្រោងជួលជុលផ្លូវ១៦៣ម៉ែត្រ និងស្តារលូ២៦៩ម៉ែត្រ តម្លៃប្រមាណ១៥៤លានរៀល។ សង្កាត់ទឹកល្អក់ទី១ មាន២គម្រោង គឺគម្រោងរៀបការ៉ូឡា និងដាក់លូប្រវែង១៣៦ម៉ែត្រ តម្លៃប្រមាណ១៨១លានរៀល។ សង្កាត់ទឹកល្អក់ទី២ មាន១គម្រោង ដាក់លូប្រវែង៥៤៩ម៉ែត្រ តម្លៃប្រមាណ១៧៧លានរៀល។ សង្កាត់ទឹកល្អក់ទី៣ មាន១គម្រោង ដាក់លូប្រវែង៦៦២ម៉ែត្រ តម្លៃប្រមាណ ២២៩លានរៀល។ សង្កាត់បឹងកក់ទី១ មាន១គម្រោង ដាក់លូប្រវែង៥៦២ម៉ែត្រ តម្លៃប្រមាណ១៨៨លានរៀល។ សង្កាត់បឹងកក់ទី២ មាន៣ម្រោង ជួសជុលផ្លូវបេតុងប្រវែង៦០ម៉ែត្រដាក់លូប្រវែង៥០៨ម៉ែត្រ និងស្តារលូប្រវែង៦០០ម៉ែត្រតម្លៃប្រមាណ២៤១លានរៀល។ សង្កាត់ផ្សារដើមគរមានមួយគម្រោង ជួសជុលផ្លូវ៩២ម៉ែត្រ តម្លៃប្រមាណ១៨១លានរៀល ។សង្កាត់បឹងសាឡាង មាន២គ្រោង ជួសជុលផ្លូវបេតុងប្រវែង៥៩ម៉ែត្រ និងដាក់លូប្រវែង៦១៤ម៉ែត្រ តម្លៃប្រមាណ២៤៣លានរៀល ។ សរុបទាំង១០សង្កាត់ ក្នុងចំនួន១៥គម្រោងនេះ មានទឹកប្រាក់ប៉ាន់ស្មានប្រមាណជាង ១៩២៨លានរៀល។លោក ហួត ហៃ អភិបាលរងរាជធានីភ្នំពេញ មានប្រសាសន៍ថា ការដេញថ្លៃគម្រោងមូលនិធិអភិវឌ្ឍន៍សង្កាត់ វាជាការចូលរួមរបស់វិស័យឯកជនតាមរបៀបប្រកួតប្រជែងប្រកបដោយយុត្តិធម៌ តម្លាភាព គណនេយ្យភាព និងអាចជឿទុកចិត្តបាន ពីគ្រប់ភាគីពាក់ព័ន្ធទាំងអស់ ដែលជាមូលដ្ឋានគ្រឹះនៃអភិបាលកិច្ចល្អ ក្នុងការចូលរួមអភិវឌ្ឍន៍មូលដ្ឋាន ដើម្បីឆ្លើយតម្រូវការប្រជាពលរដ្ឋនៅតាមគោលដៅរបស់គម្រោង។ ដូច្នេះ រាល់ការសាងសង់ ត្រូវធ្វើឱ្យមានគុណភាព ស្របតាមបទដ្ឋានបច្ចេកទេស មានសោភ័ណភាព និងមានតម្លៃសមស្រប មិនប៉ះពាល់បរិស្ថានសង្គម ធានាបានសុវត្ថិភាពសាធារណៈ និងប្រើប្រាស់បានយូរអង្វែង។ក្នុងឱកាសនោះ លោក ហួត ហៃ បានធ្វើការណែនាំអោយលោកចៅទាំង១០ និងមន្ត្រីពាក់ព័ន្ធត្រូវតាមដាន គុណភាពគម្រោង តាំងពីពេលអនុវត្តគម្រោងរហូតដល់ ការអនុវត្តគម្រោងត្រូវបានបញ្ចប់១០០% ព្រោះថា ថវិការបស់រដ្ឋច្រើនណាស់បានទំលាក់មកអោយថ្នាក់សង្កាត់ទាំង១០នេះ ដែលមានប្រមាណ៥០ម៉ឺនដុល្លារ៕ អត្ថបទ៖ កុម្ភះ

និយតករនុយក្លេអែរជប៉ុនបានយល់ព្រមលើការបញ្ចេញសំណល់ទឹកនុយក្លេអ៊ែររោងចក្រហ៊្វូគូស៊ីម៉ារបស់ក្រុមហ៊ុន Tepco

ជប៉ុន៖ នៅថ្ងៃសុក្រ (៧ កក្កដា)នេះ និយតករនុយក្លេអ៊ែររបស់ប្រទេសជប៉ុនបានផ្តល់ការអនុម័តសម្រាប់ឲ្យក្រុមហ៊ុន Tokyo Electric Power Co (Tepco) ដែលដំណើរការរោងចក្រថាមពលនុយក្លេអ៊ែរ ហ៊្វូគូស៊ីម៉ា ដៃអ៊ីឈី ដែលត្រូវបានខូចខាត ដើម្បីចាប់ផ្តើមបញ្ចេញសំណល់ទឹកវិទ្យុសកម្មជាងមួយលានតោន។កាលពីថ្ងៃអង្គារ (៤ កក្កដា) អ្គភាពឃ្លាំមើលសកល គឺទីភ្នាក់ងារថាមពលបរមាណូអន្តរជាតិ (IAEA) បាននិយាយថា ការត្រួតពិនិត្យរយៈពេលពីរឆ្នាំបង្ហាញថា ផែនការរបស់ប្រទេសជប៉ុនសម្រាប់ការបញ្ចេញសំណល់ទឹកនេះនឹងមានផលប៉ះពាល់បរិស្ថានតិចតួចប៉ុណ្ណោះ។វិញ្ញាបនបត្ររបស់និយតករជប៉ុនគឺជាជំហានចុងក្រោយដែលអង្គភាពដែលត្រូវការដើម្បីចាប់ផ្តើមដំណើរការបញ្ចេញទឹក៕

ការស្លាប់របស់តារាប៉ុប Coco Lee បង្កឲ្យមានការពិភាក្សាអំពីសុខភាពផ្លូវចិត្ត នៅប្រទេសចិន

ចិន៖ ការស្លាប់របស់តារាចម្រៀងស្រីដ៏មានប្រជាប្រិយភាព Coco Lee បានធ្វើឲ្យពិភពលោកដែលនិយាយភាសាចិនមានការតក់ស្លុត ហើយបានជំរុញឲ្យមានការពិភាក្សាអំពីបញ្ហាសុខភាពផ្លូវចិត្ត នៅលើបណ្ដាញសង្គមរបស់ប្រទេសចិន។យោងតាមការបង្ហោះសារនៅលើបណ្ដាញសង្គម Facebook ពីបងប្អូនស្រីរបស់តារាចម្រៀងរូបនេះ លោកស្រី Carol និង Nancy បានឲ្យដឹងថា លោកស្រី Lee បានលាចាកលោកនេះហើយ បន្ទាប់ពីស្ថិតក្នុងស្ថានភាពសន្លប់បាត់ស្មារតី ចាប់តាំងពីព្យាយាមបញ្ចប់ជីវិតខ្លួនឯង កាលពីចុងសប្តាហ៍កន្លងមកហើយជាមួយគ្នានេះ អ្នកទាំង២ ក៏បានលាតត្រដាងផងដែរថា តារាចម្រៀងស្រីវ័យ ៤៨ឆ្នាំ បានធ្លាក់ខ្លួនឈឺ ក្នុងរយៈពេលប៉ុន្មានឆ្នាំចុងក្រោយនេះ។ក្រោយមរណភាពរបស់តារាចម្រៀងដ៏មានប្រជាប្រិយរូបនេះ សារគោរពវិញ្ញាណក្ខន្ធ ក៏មានឡើងព្រោងព្រាត នៅលើបណ្ដាញសង្គមរបស់ប្រទេសចិន ដោយក្នុងនោះសារមួយដែលមានចុចចូលចិត្តជាង ៣.០០០ដង នៅលើកម្មវិធីបណ្តាញសង្គម Weibo(វ៉ីប៉ូ) ដែលស្រដៀងនឹងបណ្ដាញសង្គម Twitter មានខ្លឹមសារថា៖ «ខ្ញុំមិនអាចជឿរឿងនេះបានទេ។ គាត់តែងតែជានារីដែលមានភាពភ្លឺថ្លា ដែលចូលចិត្តច្រៀង រាំ និងញញឹម»។ខណៈមានការសរសេរសារគោរពដល់វិញ្ញាណក្ខន្ធនេះ មនុស្សជាច្រើន ក៏បានផ្តោតលើបញ្ហាសុខភាពផ្លូវចិត្ត ដែលគ្រួសាររបស់សពបានលើកឡើង។ក្នុងនោះមានឃ្លាសរសេរដូចជាថា តើ«ជំងឺធ្លាក់ទឹកចិត្តនៅជិតអ្នកប៉ុនណា» ដែលមានន័យថា ពេលនេះ បញ្ហា«រោគសញ្ញានៃជំងឺធ្លាក់ទឹកចិត្ត» កំពុងតែពេញនិយមនៅលើវេទិកាអនឡាញផ្សេងៗគ្នា ដោយប្រព័ន្ធផ្សព្វផ្សាយរដ្ឋដូចជា CCTV, People's Daily និង China Daily បានដាក់ចេញនូវខ្លឹមសារ ដើម្បីបង្កើនការយល់ដឹងរបស់មនុស្សអំពីជំងឺធ្លាក់ទឹកចិត្ត និងជំងឺផ្លូវចិត្ត៕

បណ្ដាញសង្គម

ព័ត៌មានថ្មីៗ

បាតុកម្មនៅតំបន់កាស្មៀរ គ្រប់គ្រងដោយប៉ាគីស្ថាន សម្លាប់មនុស្សជាង ១០នាក់ និងរបួសរាប់រយនាក់

ឯកឧត្តមកិត្តិសង្គហបណ្ឌិត គន់ គីម អញ្ជើញចែកអំណោយរបស់កាកបាទក្រហមកម្ពុជាជូនប្រជាពលរដ្ឋរងគ្រោះទឹកជំនន់ក្នុងខេត្តស្ទឹងត្រែង

សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ចូលរួមបច្ច័យ៥០លានរៀល ក្នុងអង្គកឋិនទានព្រះរាជទ្រព្យ ព្រះករុណា ព្រះមហាក្សត្រ

ក្រុម ហាម៉ាសនិយាយថា ផែនការសន្តិភាពរបស់លោកTrump ត្រូវការកែសម្រួលច្រើនទៀត

ក្រសួងការងារ គ្រោងរៀបចំពិព័រណ៍ការងារនៅខេត្តធំៗចំនួន៥ ដើម្បីផ្ដល់ឱកាសការងារជាង ៨ម៉ឺនកន្លែងជូនដល់ពលករទើបត្រឡប់មកពីប្រទេសថៃ

មន្ទីរពេទ្យជាច្រើននៅហ្វីលីពីនបានផ្ទុកអ្នករបួសលើសចំណុះ ខណៈមនុស្សស្លាប់ដោយសាររញ្ជួយដី កើនដល់ជិត១០០នាក់

មជ្ឈមណ្ឌលបណ្តុះបណ្តាលវិជ្ជាជីវៈ ខេត្តមណ្ឌលគិរី ផ្តល់អាហារូបករណ៍ ៣០០កន្លែង លើ ៩មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ

របាយការណ៍៖ អាមេរិក នឹងផ្តល់ចារកម្មសម្ងាត់ឱ្យអ៊ុយក្រែន សម្រាប់ការវាយប្រហារជ្រៅក្នុងទឹកដីរុស្ស៊ី

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ ១៣២៥កន្លែង លើ ១២មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

អ៊ីស្រាអែល ចេញការព្រមានចុងក្រោយដល់អ្នកក្រុងហ្កាហ្សាឱ្យភៀសខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រមុខ UNនិយាយប្រាប់អ៊ីស្រាអែលថា ការកើនឡើងភាពតានតឹងមិនមែនជាចម្លើយដោះស្រាយបញ្ហានោះទេ

មេដឹកនាំកំពូលក្រុមឧទ្ទាមប្រឆាំង FARCរបស់កូឡុំប៊ីលោក Ivan Marquez បានស្លាប់នៅប្រទេសវេណេហ៊្សុយអេឡា

នាយករដ្ឋមន្ត្រីនូវ៉ែលហ្សេឡង់៖ "ការសន្ទនាដ៏ស្វិតស្វាញ" ជាមួយប្រទេសចិន ប្រសើរជាងគ្មានការពិភាក្សាទាល់តែសោះ

រុស្ស៊ី និងអ៊ុយក្រែន ប្រកាសដោះដូរឈ្លើយសឹក ៤៥នាក់ពីភាគីម្ខាងៗ

ប្រមុខ IAEA មានជំនឿចិត្តខ្ពស់លើការវាយតម្លៃរោងចក្រនុយក្លេអ៊ែរ Fukushima ស្របពេលមានការរិះគន់របស់ចិន

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១០ឆ្នាំ២០២៣របស់ខណ្ឌទួលគោក មាន១៥គម្រោង តម្លៃជាង ១៩២៨លានរៀល

និយតករនុយក្លេអែរជប៉ុនបានយល់ព្រមលើការបញ្ចេញសំណល់ទឹកនុយក្លេអ៊ែររោងចក្រហ៊្វូគូស៊ីម៉ារបស់ក្រុមហ៊ុន Tepco

ការស្លាប់របស់តារាប៉ុប Coco Lee បង្កឲ្យមានការពិភាក្សាអំពីសុខភាពផ្លូវចិត្ត នៅប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រមុខ UNនិយាយប្រាប់អ៊ីស្រាអែលថា ការកើនឡើងភាពតានតឹងមិនមែនជាចម្លើយដោះស្រាយបញ្ហានោះទេ

មេដឹកនាំកំពូលក្រុមឧទ្ទាមប្រឆាំង FARCរបស់កូឡុំប៊ីលោក Ivan Marquez បានស្លាប់នៅប្រទេសវេណេហ៊្សុយអេឡា

នាយករដ្ឋមន្ត្រីនូវ៉ែលហ្សេឡង់៖ "ការសន្ទនាដ៏ស្វិតស្វាញ" ជាមួយប្រទេសចិន ប្រសើរជាងគ្មានការពិភាក្សាទាល់តែសោះ

រុស្ស៊ី និងអ៊ុយក្រែន ប្រកាសដោះដូរឈ្លើយសឹក ៤៥នាក់ពីភាគីម្ខាងៗ

ប្រមុខ IAEA មានជំនឿចិត្តខ្ពស់លើការវាយតម្លៃរោងចក្រនុយក្លេអ៊ែរ Fukushima ស្របពេលមានការរិះគន់របស់ចិន

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១០ឆ្នាំ២០២៣របស់ខណ្ឌទួលគោក មាន១៥គម្រោង តម្លៃជាង ១៩២៨លានរៀល

និយតករនុយក្លេអែរជប៉ុនបានយល់ព្រមលើការបញ្ចេញសំណល់ទឹកនុយក្លេអ៊ែររោងចក្រហ៊្វូគូស៊ីម៉ារបស់ក្រុមហ៊ុន Tepco

ការស្លាប់របស់តារាប៉ុប Coco Lee បង្កឲ្យមានការពិភាក្សាអំពីសុខភាពផ្លូវចិត្ត នៅប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍