BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

សម្ដេចតេជោ៖ រឿងវប្បធម៌ជាតិ អ្វីៗត្រូវធ្វើឡើងដោយមានក្បួនខ្នាតត្រឹមត្រូវ មិនដូច្នោះវាស្មើនឹងការបំផ្លាញទៅវិញ

ភ្នំពេញ៖ នៅថ្ងៃទី០៨ ខែមីនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា ការបង្ហាញនូវវប្បធម៌ សិល្បៈខ្មែរ ទៅដល់ប្រជាពលរដ្ឋដែលរស់នៅបច្ចុប្បន្ន និងសម្រាប់ក្មេងជំនាន់ក្រោយ តៗជំនាន់ គឺជារឿងល្អ ប៉ុន្ដែប្រសិនបើការបង្ហាញនោះមិនបានត្រឹមត្រូវតាមក្បួនខ្នាតស្មើនឹងការបំផ្លាញនូវវប្បធម៌ខ្មែរទៅវិញ។ សម្ដេចតេជោ ហ៊ុន សែន បានមានប្រសាសន៍បញ្ជាក់បែបនេះតាមរយៈសារសំឡេងលើបណ្ដាញតេឡេក្រាម ពាក់ព័ន្ធការមិនយល់គ្នារវាងលោកលោកស្រី ទ្រី ដាណា ដែលមានគោលបំណងចូលរួមក្នុងការផ្សព្វផ្សាយវប្បធម៌ខ្មែរជាមួយនឹងក្រសួង វប្បធម៌ និងវិចិត្រសិល្បៈ។ សម្ដេចមានប្រសាសន៍ថា សម្ដេចពិតជាមានការសប្បាយរីករាយ ដោយឃើញប្រជាពលរដ្ឋខ្មែរដែលមានបំណងបង្ហាញនូវវប្បធម៌របស់ខ្មែរ។ សម្ដេចតេជោមានប្រសាសន៍ថា ការបង្ហាញនូវវប្បធម៌ សិល្បៈខ្មែរ ទៅដល់ប្រជាពលរដ្ឋដែលរស់នៅបច្ចុប្បន្ន និងសម្រាប់ក្មេងជំនាន់ក្រោយតៗជំនាន់ គឺជារឿងល្អ ប៉ុន្ដែប្រសិនបើការបង្ហាញនោះមិនបានត្រឹមត្រូវតាមក្បួនខ្នាត ស្មើនឹងការបំផ្លាញនូវវប្បធម៌ខ្មែរទៅវិញ។ សម្ដេចតេជោបញ្ជាក់ថា ករណីនេះមិនអាចខ្ជីខ្ជាបានទេ ពីព្រោះគ្រោះថ្នាក់ខ្លាំងណាស់នៅពេលដែលវប្បធម៌ខ្មែរដែលមានអ្វីដែលជាចំណាំច្បាស់លាស់ហើយបែរជាធ្វើឱ្យក្លាយទៅវិញ តាមរយៈការតាំងបង្ហាញដោយមិនបានយកគំរូឱ្យបានត្រឹមត្រូវម៉ត់ចត់ ដែលអាចនឹងធ្វើឱ្យប៉ះពាល់ដល់វប្បធម៌ខ្លួនឯងផង និងប៉ះពាល់ដល់វប្បធម៌ប្រទេសដទៃផង ហើយប្រទេសដទៃអាចចោទប្រកាន់ប្រទេសកម្ពុជាថាលួចបន្លំវប្បធម៌របស់គេជាដើម។ សម្ដេចតេជោបញ្ជាក់ថា នៅតាមបណ្ដាប្រទេសជុំវិញតំបនអាស៊ាននេះ មានសម្លៀកបំពាក់ទម្រង់ប្រហាក់ប្រហែលគ្នា ដែលនោះគឺជារឿងដែលត្រូវជៀសវាងដែលកម្ពុជាអាចនឹងត្រូវទទួលរងនូវការចោទប្រកាន់។ ប៉ុន្ដែ អ្វីដែលសំខាន់ គឺវប្បធម៌របស់ខ្មែរនឹងក្លាយ ហើយបញ្ហានេះ កាលពីជាង ១០ ឆ្នាំមុនសម្ដេចតេជោ ក៏ធ្លាប់បានប្រតិកម្មជាមួយនឹងការថតខ្សែភាពយន្តទាក់ទិនជាមួយនឹងសម្លៀកបំពាក់ដែលពេលនោះសម្ដេចបានចោទសួរថា តើសម្លៀកបំពាក់នោះ ពីសម័យកាលណាទើបបានជាចេញក្នុងការថតខ្សែភាពយន្ត?៕ស្ដាប់ប្រសាសន៍ទាំងស្រុងរបស់សម្ដេចតេជោ ៖ https://fb.watch/j7KgPqMDEx/

អ្នកនាំពាក្យ អំពាវនាវបញ្ឈប់ប្រើពាក្យតំបន់ស តំបន់មិនច្បាស់លាស់ ឬតំបន់ត្រួតស៊ីគ្នា

ភ្នំពេញ៖ ឯកឧត្តម ផៃ ស៊ីផាន ប្រធានអ្នកនាំពាក្យរាជរដ្ឋាភិបាល បានអំពាវនាវសូមមានការ ប្រុងប្រយ័ត្នកុំប្រើពាក្យតំបន់ស តំបន់មិនច្បាស់លាស់ ឬតំបន់ត្រួតស៊ីគ្នា ព្រោះជាសម្តីរបស់ អ្នកនយោបាយថៃ ប្រើប្រាស់ចង់រំលោភយកដីនៅតាមព្រំដែនរបស់កម្ពុជា ។ក្នុងសន្និសីទសារព័ត៌មានស្តីពី ភាពជោគជ័យសម្រេចបានរយៈពេល ៥ឆ្នាំ របស់ខេត្តពោធិ៍សាត់ នៅថ្ងៃទី៧ ខែមីនា ឆ្នាំ២០២៣ ឯកឧត្តម ផៃ ស៊ីផាន បាមមានប្រសាសន៍ថា គ្មានពាក្យតំបន់ស តំបន់មិនច្បាស់លាស់ ឬត្រួតស៊ីគ្នានោះទេ គឺមានតែតំបន់ដែលមិនទាន់មានការសម្រេចរបស់គណៈកម្មាធិការព្រំដែនចម្រុះ កម្ពុជា-ថៃ ដែលជាអ្នកត្រួតពិនិត្យមើលបង្គោលព្រំដែន ។ឯកឧត្តម អំពាវនាវដល់អភិបាលខេត្ត នៅជាប់នឹងព្រំដែន ឬកងកម្លាំងការពារព្រំដែន សូមមានការប្រុងប្រយ័ត្ន កុំប្រើពាក្យទាំងអស់នេះ ហើយសូមប្រាប់បន្តទៅពលរដ្ឋផ្សេងទៀត ដែលការលើកឡើងទាំងអស់នេះ មិនមែនចង់ឲ្យកម្ពុជា និងថៃ មានវិវាទនឹងគ្នានោះដែរ ។ឯកឧត្តម ផៃ ស៊ីផាន បានបន្ថែមថា ពាក្យទាំងអស់នេះ ត្រូវបានបង្កើតឡើងដោយអ្នកនយោបាយថៃ គឺលោក អាប់ ភីស៊ីត វាចាយជីវ៉ា អតីតនាយករដ្ឋមន្ត្រី ប៉ុន្តែយ៉ាងណាប្រទេសកម្ពុជា និងប្រទេសថៃ គឺជាមិត្តល្អនឹងគ្នា ដោយមានតែអ្នកនយោបាយមួយចំនួនប៉ុណ្ណោះ មានចិត្តអប្រិយ បានប្រើនូវពាក្យទាំងនេះ ។គួរបញ្ជាក់ថា កាលពីជាង១០ឆ្នាំមុន ក្រុមជ្រុលនិយម ឬអ្នកនយោបាយថៃ បានបង្ករឿងនៅតាមព្រំដែន និងរហូតដល់មានការប៉ះទង្គិចអាវុធ រវាងកងទ័ពកម្ពុជា និងថៃ នៅក្នុងតំបន់ប្រាសាទព្រះវិហារ និងតំបន់មួយចំនួនទៀត ៕អត្ថបទ បាន សុខរិទ្ធិ

សម្ដេចតេជោ ហ៊ុន សែន ជំរុញពង្រឹងអំណាចស្ត្រី ជាពិសេសក្នុងវិស័យសេដ្ឋកិច្ច

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានមានប្រសាសន៍ថា គោលដៅធំជាអាទិភាព របស់សម្ដេច គឺពង្រឹងអំណាចសេដ្ឋកិច្ចស្ត្រីឲ្យខាងតែបាន ព្រោះស្ត្រីត្រូវបានចាត់ទុកជាឆ្អឹងខ្នង នៃសង្គម និងសេដ្ឋកិច្ចជាតិ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ ទិវាអន្តរជាតិនារី៨មីនា ខួបលើកទី១១២ ឆ្នាំ២០២៣ នៅព្រឹកថ្ងៃទី៧ ខែមីនា នេះ សម្ដេចតេជោ បានគូសបញ្ជាក់ថា ការពង្រឹងសមត្ថភាពស្ត្រី គឺនៅតែបន្តជា អាទិភាព និងកាន់តែចាំបាច់ ដើម្បីឲ្យស្ត្រី និងក្មេងស្រី កាន់តែទទួលបានកាលានុវត្តភាពពេញលេញ និង ប្រកបដោយសមភាពនៅគ្រប់ទិដ្ឋភាព។សម្ដេចក៏បានស្នើឲ្យគ្រប់ក្រសួង ស្ថាប័នដៃគូពាក់ព័ន្ធ អាជ្ញាធរគ្រប់លំដាប់ថ្នាក់ វិស័យឯកជន ព្រម ទាំងប្រជាជនចូលរួមគាំទ្រ និងអនុវត្តការងារបញ្ជ្រាបយេនឌ័រនិងបង្កើតភាពអង់អាចដល់ស្ត្រី ។គោលនយោបាយពង្រឹងសមភាពយេនឌ័ររបស់រាជរដ្ឋាភិបាល បានចាត់ទុកស្ត្រីជាឆ្អឹងខ្នង នៃការ អភិវឌ្ឍសេដ្ឋកិច្ច និងសង្គមជាតិ និងការបញ្ជ្រាបយេនឌ័រជាអន្តរវិស័យក្នុងការធានានូវចីរភាព នៃសន្តិភាព និងកិច្ចអភិវឌ្ឍន៍ ដើម្បីកំណើនការងារ សមធម៌ និងប្រសិទ្ធភាព ក្នុងការកសាងមូលដ្ឋានឆ្ពោះទៅសម្រេច ចក្ខុវិស័យកម្ពុជា នាឆ្នាំ២០៣០-២០៥០ ផែនការយុទ្ធសាស្ត អភិវឌ្ឍជាតិ ២០១៩-២០២៣ និងគោលដៅ អភិវឌ្ឍន៍ប្រកបដោយចីរភាពកម្ពុជាឆ្នាំ២០៣០ ៕អត្ថបទ៖ មុត សុទ្ធ

ប្រសាសន៍សំខាន់របស់សម្តេចតេជោ ក្នុងឱកាសអញ្ជើញប្រារព្ធទិវានារី អន្តរជាតិ ៨ មីនា ខួបលើកទី១១២

ភ្នំពេញ៖ ប្រសាសន៍សំខាន់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសអញ្ជើញជាអធិបតីដ៏ខ្ពង់ខ្ពស់បំផុត ប្រារព្ធពិធីអបអរសាទរទិវានារី អន្តរជាតិ ៨មីនា ខួបលើកទី១១២ នៅវិមានសន្តិភាព។សម្តេចតេជោ ហ៊ុន សែន បានប្រកាសថា អ្វីដែលយើងត្រូវធ្វើដើម្បីអំណាចស្ត្រីនោះ គឺត្រូវធ្វើយ៉ាងម៉េចឱ្យស្ត្រីមានកម្រិតសេដ្ឋកិច្ចល្អប្រសើរ ព្រោះកត្តាសេដ្ឋកិច្ចនេះ គឺជាការសម្រេចដ៏ធំរបស់ស្ត្រី។សម្តេចតេជោ បានប្រកាសថា កិច្ចការដែលត្រូវបន្តនោះ គឺត្រូវពង្រឹង និងបង្កើតឱ្យមានអន្តេវាសិកដ្ឋានសម្រាប់និស្សិតជាស្ត្រីឱ្យបានកាន់តែច្រើន។ សម្តេចក៏បានអំពាវនាវដល់សប្បុរសជនជួយគាំពារ ដើម្បីអាចបង្កើតអន្តេវាសិកដ្ឋានតាមកម្រិតមធ្យមសិក្សា និងថ្នាក់ឧត្តមសិក្សា។សម្តេចតេជោ ហ៊ុន សែន បញ្ជាក់ថា គោលដៅធំ និងជាអាទិភាពដែលរាជរដ្ឋាភិបាល និងគ្រប់ស្ថាប័នពាក់ព័ន្ធត្រូវធ្វើ គឺត្រូវការពង្រឹងអំណាចស្រ្ដីក្នុងវិស័យសេដ្ឋកិច្ចឱ្យបានកាន់តែធំធេងថែមទៀត តាមរយៈការពង្រឹងអំណាចដល់ស្រ្ដីនូវគ្រប់ការងារជាពិសេសអំណាចគ្រប់គ្រងសេដ្ឋកិច្ចគ្រួសារ។សម្តេចតេជោ ហ៊ុន សែន បានសម្តែងការព្រួយបារម្ភចំពោះទម្ងង់ នៃអំពើហិង្សា ដែលមានស្ថានភាពធ្ងន់ធ្ងរ រហូតដល់បុរសជាប្តីបាញ់សម្លាប់ប្រពន្ធ កាលពីពេលថ្មីៗនេះ និងទម្រង់ហិង្សាផ្សេងៗទៀត។សម្តេចតេជោ បានលើកឡើង ពីការហែកហួរគ្នារវាងប្តី-ប្រពន្ធ លែងលះគ្នាតាមបណ្តាញសង្គមFacebook ដែលជារឿងអាម៉ាសបំផុត មិនត្រឹមតែបុគ្គលទាំងសងខាងនោះទេ វាបានជះឥទ្ធិពលធ្ងន់ធ្ងរដល់កូនៗ និងក្រុមគ្រួសារ។សម្តេចតេជោ ហ៊ុន សែន អំពាវនាវដល់ក្រុមគ្រួសារទាំងឡាយ បើសិនជាក្រុមគ្រួសាររស់នៅមិនចុះសម្រុងជាមួយគ្នា ត្រូវដោះស្រាយគ្នាដោយសន្ដិវិធី ដើម្បីរក្សាកិត្តិយសគ្រួសារ និងសីលធម៌នៅក្នុងសង្គម។សម្តេចតេជោ ហ៊ុន សែន បានចោទសួរទៅកាន់បណ្ដាតំណាងស្ថានទូត និងបរទេសមួយចំនួនថា តើបានដឹងទេថា នាអំឡុងពេលដែលគ្រួសារសម្ដេចតេជោ និងភរិយាសម្ដេចកំពុងសម្រក់ទឹកភ្នែក បែរជាមានជនអាក្រក់នៅក្រៅប្រទេសមួយចំនួនមកប្រមាថដល់ភរិយា និងគ្រួសារសម្ដេចទៅវិញ តើរឿងនេះអស់លោកបរទេសអាចទទួលយកបានទេ?សម្តេចតេជោ ហ៊ុន សែន ប្រកាសសារជាថ្មីថា សម្ដេចនឹងគ្មានថ្ងៃប្រើប៊ិចដើម្បីចុះហត្ថលេខា ស្នើសុំការលើកលែងទោសដល់ជនអាក្រក់ដែលប្រមាថដល់ក្រុមគ្រួសាររបស់សម្ដេចដាច់ខាត។សម្តេចតេជោ ហ៊ុន សែន បញ្ជាក់ថា កាលពីថ្ងៃទី០៦ ខែមីនា សម្ដេចបានចុះហត្ថលេខា ទៅលើការផ្ដល់ប្រាក់ឧបត្ថម្ភចំពោះស្ថានភាពដែលរោងចក្រត្រូវបានព្យួរ ដែលក្នុងនោះកម្មករប្រមាណ ៣២០០០ នាក់ ក្នុងនោះមានស្រ្ដី ២៦០០០ នាក់ នឹង ទទួលបានប្រាក់ឧបត្ថម្ភដូចអំឡុងសម័យកាលកូវីដ-១៩ដែរ។សម្តេចតេជោ ហ៊ុន សែន បានប្រកាសថា គណៈរដ្ឋមន្ត្រីអាណត្តិទី៧ រដ្ឋមន្ត្រីក្រសួងវប្បធម៌ និងវិចិត្រសិល្បៈ និងរដ្ឋមន្ត្រីក្រសួងកិច្ចការនារី នឹងមិនត្រូវផ្លាស់ប្តូរឡើយ។សម្តេចតេជោ បានប្រកាសថា យោងតាមការស្ទង់មតិដោយឯករាជ្យមួយបានបញ្ជាក់ថា អត្រារបស់ស្ត្រីគាំទ្រសម្តេចតេជោ ហ៊ុន សែន មានចំនួនច្រើនជាងបុរស។សម្តេចតេជោ ហ៊ុន សែន បានប្រកាសជាថ្មីថា «ជួយស្ត្រី គឺជួយខ្លួនឯង»។ ជួយប្រពន្ធ ជួយបងស្រី ជួយប្អូនស្រី ជួយកូនស្ត្រី និងជួយស្ត្រីឯទៀត គឺជួយខ្លួនឯង៕

សម្តេចតេជោ ហ៊ុន សែន អញ្ជើញជាអធិបតីប្រារព្ធពិធី អបអរសាទរទិវានារីអន្តរជាតិ ៨មីនា លើកទី១១២

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃអង្គារ ទី០៧ ខែមីនា ឆ្នាំ២០២៣នេះ បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីប្រារព្ធអបអរសាទរទិវានារី អន្តរជាតិ ៨ មីនា ខួបលើកទី១១២ នៅវិមានសន្តិភាព។ទិវាដ៏សំខាន់នេះ ប្រារព្ធធ្វើឡើង ជារៀង រាល់ ឆ្នាំ ដើម្បីរំលឹកដល់ការតស៊ូ និងគំរូវីរភាពរបស់នារី ក្នុងការទាមទារសិទ្ធិសេរី និងគេចផុតពីទង្វើជិះជាន់នានា។គួរបញ្ជាក់ថា៖ ទិវាអន្តរជាតិនារី ៨មីនា ឆ្នាំ២០២៣នេះ ក្រសួងកិច្ចការនារីបានសម្រេចយកមូលបទ «ស្រ្តីរួមគ្នា រក្សាសុខសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល» ក្នុងការរំលេចពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា បង្កលក្ខណៈ ឱ្យតម្លៃនៃការចូលរួមរបស់ស្ត្រីដែលមិនអាចកាត់ថ្លៃបានក្នុងការថែរក្សាសុខសន្តិភាព ក៏ដូចជាកំពុងចូលរួមយ៉ាងសកម្ម ក្នុង ការពន្លឿនកិច្ចអភិវឌ្ឍលើគ្រប់វិស័យ ជាពិសេសនៅក្នុងយុគសម័យឌីជីថល ក្រោយវិបត្តិកូវីដ-១៩ និងកសាងភាពធន់ រឹងមាំ និងអភិវឌ្ឍប្រកបដោយចីរភាព។ប្រធានបទនេះបានគូសបញ្ជាក់ពីសារៈសំខាន់លើការលើកកម្ពស់ និងបន្តជំរុញការអនុវត្តគោលនយោបាយពង្រឹងសមភាពយេនឌ័ររបស់រាជរដ្ឋាភិបាល ដែលបានចាត់ទុកស្ត្រីជាឆ្អឹងខ្នង នៃការអភិវឌ្ឍសេដ្ឋកិច្ច និងសង្គមជាតិ និងការ បញ្ជ្រាបយេនឌ័រជាអន្តរវិស័យក្នុងការធានានូវចីរភាព នៃសន្តិភាព និងកិច្ចអភិវឌ្ឍ ដើម្បីកំណើនការងារ សមធម៌ និងប្រសិទ្ធភាព ក្នុងការកសាងមូលដ្ឋានឆ្ពោះទៅសម្រេចចក្ខុវិស័យកម្ពុជា នាឆ្នាំ២០៣០-២០៥០ ផែនការយុទ្ធសាស្ត្រអភិវឌ្ឍជាតិ ២០១៩-២០២៣ និងគោលដៅអភិវឌ្ឍប្រកបដោយចីរភាពកម្ពុជាឆ្នាំ២០៣០។ មានសន្តិភាព គឺ មានអ្វីៗគ្រប់យ៉ាង។ក្រសួងកិច្ចការនារី ក៏សូមថ្លែងអំណរគុណយ៉ាងជ្រាលជ្រៅជូនចំពោះប្រមុខរាជរដ្ឋាភិបាល និងក្រសួង ស្ថាប័ន ដៃគូអភិវឌ្ឍន៍ទាំងអស់ ដែលបានគាំទ្រ និងចូលរួមយ៉ាងសកម្មបង្កលក្ខណៈឱ្យស្ត្រី ពង្រីកសក្តានុពលរបស់ខ្លួន ក្នុង កិច្ចការពារ និងបន្តស្តារសេដ្ឋកិច្ចឡើងវិញ ព្រមទាំងកសាងប្រទេសជាតិលើគ្រប់វិស័យ៕

សម្ដេចតេជោ ណែនាំឱ្យសាខាបក្សនៅអាមេរិក បើកទ្វារស្វាគមន៍ក្រុមប្រឆាំងឱ្យចូលរួមនឹងបក្សប្រជាជន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៃកម្ពុជា និងជាប្រធានគណបក្សប្រជាជនកម្ពុជា បានធ្វើការណែនាំដល់សាខាបក្សប្រជាជន នៅអាមេរិក ឱ្យបើកទ្វារស្វាគមន៍ក្រុមប្រឆាំង ចូលជាសមាជិកគណបក្សប្រជាជនកម្ពុជា បន្ទាប់ពីពួកគេ បានសូមទោស និងដឹងកំហុសរបស់ខ្លួន ។ក្នុងពិធីប្រគល់វិញ្ញាបនបត្រ និងសញ្ញាបត្រដល់សិក្ខាកាម និស្សិត នៃវិទ្យាស្ថានខ្មែរជំនាន់ថ្មី នៅ ព្រឹកថ្ងៃទី៦ ខែមីនានេះ សម្តេចតេជោ ហ៊ុន សែន បានប្រកាសដល់សាខាបក្សនៅអាមេរិក ឱ្យទទួលយក លោក ធី ចចា ជាសមាជិកគណបក្សប្រជាជនកម្ពុជា បន្ទាប់លោកបានសូមទោស និងដឹងកំហុសរបស់ខ្លួន ដែលធ្លាប់ធ្វើកន្លងមកលើសម្តេច និងគណបក្សប្រជាជនកម្ពជា ។គួរបញ្ជាក់ថា កន្លងមកតែងតែមានអ្នករិះគន់ ឬសមាជិកបក្សប្រឆាំងជាច្រើននៅឯក្រៅប្រទេស បន្ទាប់ពីបានយល់ និងមើលឃើញពីការរីកចម្រើនរបស់ប្រទេសកម្ពុជា ក្រោមការដឹកនាំរបស់គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជាប្រមុខ បានងាកមកចូលរួមជាមួយបក្សប្រជាជន កម្ពុជាជាហូរហែ ជាពិសេសក្នុងរយៈពេលចុងក្រោយនេះ គឺក្រុមយុវជនជាច្រើន ដែលពីមុនក៏ធ្លាប់បានរិះ គន់រាជរដ្ឋាភិបាល បានងាកមកចូលរួមជីវភាពជាមួយបក្សប្រជាជនកម្ពុជា ៕អត្ថបទ៖ មុត សុទ្ធ

សម្ដេចតេជោ ហ៊ុន សែន៖ «កម្ពុជាបានឆ្លងកាត់វាល៣ដ៏លំបាកដូច្នេះត្រូវរក្សាឱ្យបាននូវសន្ដិភាព»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា ប្រទេសកម្ពុជា បានឆ្លងកាត់នូវវាល៣ ដែលជាទុក្ខលំបាកបំផុតជាប្រវត្តិសាស្រ្ដ ក្នុងនោះមាន ទី១ វាលសង្គ្រាម, ទី២ វាលអត់ឃ្លាន ដូចជាជំនាន់ ប៉ុល ពត ពលរដ្ឋស្លាប់ព្រោះអត់ឃ្លានប៉ុន្ដែកម្ពុជាបានឆ្លងផុតរួចហើយ និងវាលទី៣ គឺជំងឺដង្កាត់ដែលកម្ពុជាកំពុងហែលឆ្លង ។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងបែបនេះក្នុងឱកាសសម្ដេចអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីសរុបជិត ២ ពាន់នាក់ នៅមជ្ឈមណ្ឌលសន្និបាត និងពិព័រណ៍ជ្រោយចង្វារ នាថ្ងៃទី៦ ខែមីនា ឆ្នាំ២០២៣។សម្តេចតេជោ ហ៊ុន សែន បានដាស់តឿនដល់អ្នកដទៃ ពិសេសបរទេស កុំធ្វើសកម្មភាពណាមួយដែលធ្វើឱ្យកម្ពុជាកើតឡើងនូវសង្គ្រាមដែលជាទុក្ខលំបាកបែបនេះដល់កម្ពុជាឡើងវិញឱ្យសោះ។ សម្ដេចតេបញ្ជាក់ថា កម្ពុជាមិនអត់ឱនដល់សកម្មភាពណាមួយដែលបំផ្លាញកម្ពុជាឡើង។ សម្ដេចសង្ឃឹមថា ក្រុមប្រទេសដែលធ្វើកម្មភាពគាំទ្រឱ្យមានសង្គ្រាមនៅកម្ពុជានាពេលកន្លងមកនោះ នឹងមិនដុតកម្លោចជួយដល់ក្រុមប្រឆាំងរហូតឈានទៅបង្កើតបដិវត្ដន៍ពណ៌នៅកម្ពុជាម្ដងទៀតនោះទេ ពីព្រោះប្រទេសកម្ពុជាបានរងការឈឺចាប់ខ្លាំងណាស់ជាមួយសង្រ្គាមនេះ។សម្ដេចតេជោ ហ៊ុន សែន បានបញ្ជាក់ថា ពេលខ្មែរស្លាប់ ពួកបរទេសទាំងនោះ មិនបានមកស្លាប់ជាមួយខ្មែរនោះទេ ប៉ុន្ដែនៅពេលខ្មែរមានសន្ដិភាព ពួកគេបែរជាមកខ្វល់ខ្វាយជាមួយកម្ពុជាទៅវិញ។ ដូច្នេះសម្ដេចតេជោ សង្ឃឹមថា អ្នកទាំងនោះនឹងមិនបង្ករសង្គ្រាមលើកទី៣នៅកម្ពុជានោះទេ។ សម្ដេចតេបញ្ជាក់ថា អ្នកទាំងនោះ តាំងខ្លួនជាប្រទេសប្រជាធិបតេយ្យ ប៉ុន្ដែពួកអ្នកទាំងនោះបែរជាគាំទ្រសង្គ្រាមទៅវិញ។ សម្ដេចតេជោ បញ្ជាក់ថា ក្រុមបរទេសទាំងនោះ សូម្បីតែរឿងកំពង់ផែសមុទ្ររាម បែរជាក្លាយទៅជាកង្វល់របស់ពួកគេ ដោយពួកគេបានបង្ហាញនៅភាពអសន្ដិសុខរបស់ខ្លួន ប៉ុន្ដែពួកគេមិនដែលខ្វល់ពីកម្ពុជានៅអំឡុងពេលរងគ្រោះដោយសារសង្គ្រាមឡើយ៕អត្ថបទ៖ វ៉ន ដារ៉ា

សម្តេចតេជោ ចំអកឲ្យសកម្មជនគណបក្សមួយចំនួនខ្លួនពុំមានអ្វីសោះ សន្យាឱ្យនេះឱ្យនោះ ដល់ប្រជាជន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចំអកឱ្យសកម្មជនគណបក្សមួយចំនួន ខណៈខ្លួនឯងជិះកងសោះ ទៅឃោសនាទិញម៉ូតូឲ្យប្រជាពលរដ្ឋ និងផ្ទះខ្លួនឯងប្រក់ស្បូវ និងស្លឹកសោះបែរជាទៅសន្យាធ្វើផ្ទះឲ្យគេសុទ្ធតែប្រក់ក្បឿងទៅវិញ។ក្នុងឱកាសអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីជិត២ពាន់នាក់ នាព្រឹកថ្ងៃទី៦ ខែមីនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា រដូវនេះដល់រដូវដេញថ្លៃទៀតហើយ ចំពោះគណបក្សនយោបាយ ព្រោះជារដូវឈានទៅរកការបោះឆ្នោតនៅក្នុងខែកក្កដា ខាងមុខ។ ប៉ុន្តែសម្តេចចង់តែអស់សំណើចគឺអ្នកនយោបាយខ្លះជិះកង់ទេ តែហ៊ានសន្យាផ្តល់ម៉ូតូដល់ប្រជាពលរដ្ឋ រស់នៅផ្ទះស្បូវទេ តែហានសន្យាផ្តល់ផ្ទះក្បឿងដល់ប្រជាពលរដ្ឋនៅពេលដែលគណបក្សខ្លួនជាប់ឆ្នោតនោះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានបញ្ជាក់ផងដែរថា រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា គឺពុំដែលសន្យាខ្យល់នោះទេ។ ករណីនេះគឺសម្តេចមិនបន្ទុចបង្អាប់ឲ្យគណបក្សណាដែរ ប៉ុន្តែជាក់ស្តែងការអនុវត្តរបស់គណបក្សប្រជាជន គឺបានធ្វើពិតប្រាកដដូចបច្ចុប្បន្ន បងប្អូនប្រជាពលរដ្ឋ ជាពិសេសបងប្អូនកម្មករ-កម្មការិនីពេលជួបវិបត្តិផ្សេងដូចជាបញ្ហាកូវីដ១៩ក្តី គឺសម្តេចបានចេញបទបញ្ជាភ្លាមៗឲ្យក្រសួងពាក់ព័ន្ធធ្វើការដោះស្រាយជូនពួកគាត់ ជាពិសេសគឺករណីផ្តល់ថវិកាប្រចាំខែជូនពូកគាត់តែម្តង។ នេះហើយគឺជាការគិតគូរពីសំណាក់សម្តេចជូនដល់ប្រជាពលរដ្ឋខ្មែរគ្រប់រូបនោះ៕ អត្ថបទបាន ចក់

សម្តេចតេជោ ហ៊ុន សែន៖ គ្មានបរទេសណាមកស្រឡាញ់ខ្មែរជាងខ្មែរគ្នាឯងនោះទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា គ្មានបរទេសណាមកស្រឡាញ់ខ្មែរជាងខ្មែរគ្នាឯងនោះទេ ខណៈពេលខ្មែរមានសង្រ្គាម ពួកគេទាំងនោះរត់ចោលខ្មែរអស់ហើយ ទុកឱ្យខ្មែររងទុក្ខ និងស្លាប់យ៉ាងច្រើន ប៉ុន្តែពេលខ្មែរមានសុខសន្តិភាពពួកទាំងនោះ បែជាមកតាំងខ្លួនកង្វល់នេះកង្វល់នោះទៅវិញ។ក្នុងឱកាសអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីជិត២ពាន់នាក់ នាព្រឹកថ្ងៃទី៦ ខែមីនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា មានប្រទេសខ្លះនាពេលបច្ចុប្បន្ននេះបានសម្តែងកង្វល់នេះកង្វល់នោះដល់កម្ពុជា ខណៈកម្ពុជាយើងកំពុងមានសុខសន្តិភាព និងការអភិវឌ្ឍស្ទើគ្រប់វិស័យ ប៉ុន្តែពេលដែលកម្ពុជាមានសង្រ្គាមពួកគេទាំងនោះមិនបាននៅក្បែរកម្ពុជាឡើយថែមទាំងជួយគាំទ្រទៅវិញ ជាក់ស្តែងដូចជាការធ្វើរដ្ឋប្រហារយោធាពីសំណាក់ លោក លន់ នល់ ក្នុងទសវត្សន៍៧០ និងគាំទ្ររបស់កម្ពុជាប្រជាធិបតេយ្យ(របបខ្មែរក្រហម)នៅក្នុងអង្គការសហប្រជាជាតិដើមនោះ។ជាមួយគ្នានោះដែរ សម្តេចតេជោ ហ៊ុន សែន ក៏បានអះអាងជាថ្មីម្តងទៀតផងដែរថា សម្តេចនឹងមិនលើកលែងឲ្យអ្នកណាក៏ដោយដែលចង់បំផ្លិតបំផ្លាញសុខសន្តិភាព ដែលកម្ពុជាកំពុងមានសព្វថ្ងៃគឺមិនអាចទៅរួចនោះឡើយ ខណៈសុខសន្តិភាពនេះគឺកម្ពុជាបានរកមកដោយកម្រនោះ។នៅក្នុងឱកាសនោះដែរ សម្តេចតេជោ ហ៊ុន សែន ក៏បានលើកឡើងផងដែរថា មានប្រទេសមួយគ្រាន់តែទាក់ទងរឿងបញ្ហាសមុទ្ររាម គេបានសម្តែងការព្រួយបារម្ភអំពីសន្តិសុខរបស់ប្រទេសគេ ខណៈដែលប្រទេសនោះ មានចម្ងាយរាប់ម៉ឺនគីឡូម៉ែត្រពីកម្ពុជា ប៉ុន្តែគេមិនបានកង្វល់អំពីសន្តិសុខនៅកម្ពុជាដែរនោះទេ ដោយបញ្ហាសមុទ្ររាមនេះគេបានចោទប្រកាន់នេះប្រកាន់នោះមកលើកម្ពុជាម្តងហើយម្តងទៀតនោះ៕ អត្ថបទ បាន ចក់

ប្រសាសន៍សំខាន់ៗរបស់សម្តេចតេជោ ក្នុងពិធីប្រគល់សញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីជិត២ពាន់នាក់

ភ្នំពេញ៖ ប្រសាសន៍សំខាន់ៗរបស់សម្តេចតេជោ ហ៊ុន សែន នាយករដ្ឋមន្ត្រី ក្នុងឱកាសអញ្ជើញជាអធិបតីពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីសរុបជិត២ពាន់នាក់ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ រាជធានីភ្នំពេញ នៅថ្ងៃទី០៦ ខែមីនា ឆ្នាំ២០២៣។សម្តេចតេជោ ហ៊ុន សែន បានប្រកាសថា គិតត្រឹមថ្ងៃទី០៦ខែមីនា ឆ្នាំ២០២៣នេះ សល់រយៈពេលតែ ៦០ថ្ងៃទៀតប៉ុណ្ណោះ នៃដំណើរឆ្ពោះទៅធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២ ដែលត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។សម្តេចតេចជោ ហ៊ុន សែន បានប្រកាសថា ក្នុងស្ថានភាពកូវីដ-១៩ ការសិក្សាអប់រំ បណ្តុះបណ្តាល ត្រូវបានធ្វើឡើងតាមរបត់ថ្មី ជាពិសេសតាមអនឡាញ។ទោះជាបែបនេះក្តី ដំណើរការបណ្តុះបណ្តាលនៅតែបន្ត រហូតដល់កម្ពុជាអាចមានលទ្ធភាពបើកប្រទេសឡើង និងដំណើរការប្រក្រតីភាព នៃការអប់រំបណ្តុះបណ្តាល។សម្តេចតេជោ ហ៊ុន សែន បានប្រកាសកោតសរសើរដល់វិទ្យាស្ថានខ្មែរជំនាន់ថ្មី ដែលបានប្រឹងប្រែង ក្នុងការចូលរួមចំណែកកសាងធនធានមនុស្ស តាមរយៈការបណ្តុះបណ្តាលសិស្សវិជ្ជាជីវៈ និងនិស្សិតកម្រិតបរិញ្ញាបត្ររង កម្រិតបរិញ្ញាបត្រ កម្រិត បរិញ្ញាបត្រជាន់ខ្ពស់ ទៅតាមផែនការយុទ្ធសាស្ត្ររបស់ខ្លួន ។សម្តេចតេជោ ហ៊ុន សែន ប្រកាសថា កម្ពុជាបានដំណើរការចាក់វ៉ាក់សាំងកូវីដ-១៩ ដល់ប្រជាពលរដ្ឋគ្រប់រូប ដែលពេលនោះយើងហៅថា «ចាក់ស្រោចវ៉ាក់សាំង» ដែលពេលនេះសម្តេចសូមហៅថា «មុជវ៉ាក់សាំង»តែម្តង ដែលធ្វើឱ្យកម្ពុជា មានលទ្ធផលបើកប្រទេសឡើងវិញ ដំណើរការសង្គម និងសេដ្ឋកិច្ចដូចពេលបច្ចុប្បន្ននេះ។សម្តេចតេជោ ហ៊ុន សែន បានប្រកាសមិនអត់ឱនឱ្យនរណាក៏ដោយ ដែលមានបំណងចង់បំផ្លាញសុខសន្តិភាពនៅកម្ពុជា។ សម្តេចតេជោ បញ្ជាក់ថា កម្ពុជាត្រូវតែរក្សាសុខសន្តិភាពនេះឱ្យបាន ទោះស្ថិតក្នុងតម្លៃណាក៏ដោយ។សម្តេចតេជោ ហ៊ុន សែន ប្រកាសដល់បរទេសខ្លះ សូមកុំលូកដៃចូលកិច្ចការផ្ទៃក្នុងកម្ពុជា។ សូមកុំបង្កើតកំហុស និងសោកនាដកម្មជាថ្មីមកលើប្រទេសកម្ពុជា។ សម្តេចបញ្ជាក់ថា «ខ្លួនជាប្រទេសជាប្រជាធិបតេយ្យ សេរី បែរជាគាំទ្រសកម្មភាពរដ្ឋប្រហារ ,ខ្មែរក្រហម និងបដិវត្តន៍នៅកម្ពុជា»។សម្តេចតេជោ ហ៊ុន សែន បានបញ្ជាក់ថា កម្ពុជាបានឆ្លងកាត់ភាពអត់ឃ្លាន ក្លាយជាប្រទេសដែលមានផលិតកម្មកសិកម្មខ្ពស់ ដូចជា៖ ស្រូវ ពោត ដំបូង... ដែលកម្ពុជាកំពុងមានតម្រូវការនាំចេញទៅកាន់ទីផ្សារបរទេស ក្រៅពីផ្គត់ផ្គង់តម្រូវនៅក្នុងស្រុក។សម្ដេចតេជោ បានបញ្ជាក់ថា ពេលខ្មែរស្លាប់ ពួកអ្នកក្រៅប្រទេសទាំងនោះ មិនបានមកស្លាប់ជាមួយខ្មែរទេ ប៉ុន្ដែនៅពេលខ្មែរមានសន្ដិភាព ពួកគេបែរជាមកខ្វល់ខ្វាយជាមួយកម្ពុជាទៅវិញ។សម្តេចតេជោ ហ៊ុន សែន បានផ្តាំផ្ញើដល់បរទេសទាំងឡាយថា « សូមកុំបង្កសង្គ្រាមកម្ពុជាបន្តទៀត...[] សូមកុំតាំងខ្លួនជាប្រទេសប្រជាធិបតេយ្យ ប៉ុន្ដែបែរជាគាំទ្រសង្គ្រាមទៅវិញ»។សម្ដេចតេជោ បានបញ្ជាក់ថា ក្រុមបរទេសមួយចំនួននោះ សូម្បីតែរឿងកំពង់ផែសមុទ្ររាម បែរជាក្លាយទៅជាកង្វល់របស់ពួកគេ ដោយពួកគេបានបង្ហាញនៅភាពអសន្ដិសុខរបស់ខ្លួន ប៉ុន្ដែពួកគេមិនដែលខ្វល់ពីកម្ពុជានៅអំឡុងពេលរងគ្រោះដោយសារសង្គ្រាមឡើយ។សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋទូទាំងប្រទេស សូមគិតគូរ ប្រុងប្រយ័ត្នខ្ពស់បញ្ហាសុខភាព ខណៈដែលពិភពលោកកំពុងមានការប្រែប្រួលអាកាសធាតុ ដែលនាំដោយមានជំងឺច្រើន។សម្តេចតេជោ ហ៊ុន សែន ប្រកាសដាស់តឿនដល់ជនមួយចំនួន ដែលមានចេតនាចង់បង្កសង្គ្រាមនៅកម្ពុជា។ សម្តេចប្រកាសមិនអត់ឱនឱ្យនរណាក៏ដោយ មិនថា ខ្មែរ ឬបរទេសឡើយ ដែលចង់បង្កសង្គ្រាម និងបំផ្លាញសុខសន្តិភាពនៅកម្ពុជា។ សម្តេចបញ្ជាក់ថា «កម្ពុជាមានសង្គ្រាមឆ្អែតឆ្អន់ហើយ...»។សម្តេចតេជោ ហ៊ុន សែន ប្រកាសដល់បរទេសដែលគាំទ្រឱ្យមានរដ្ឋប្រហារទម្លាក់សម្តេចឪ និងគាំទ្រខ្មែរក្រហមវាលពិឃាត សូមកុំបង្កើតកំហុសជាថ្មីដល់ប្រទេសកម្ពុជា។សម្ដេចតេជោ ហ៊ុន សែន បានបញ្ជាក់ថា កម្ពុជា បានឆ្លងកាត់វាល៣ ដែលជាទុក្ខលំបាក ក្នុងនោះមាន វាលទី១ គឺវាលសង្គ្រាម វាលទី២ គឺវាលអត់ឃ្លាន ដូចជាជំនាន់ ប៉ុល ពត ពលរដ្ឋស្លាប់ព្រោះអត់ឃ្លាន ប៉ុន្ដែកម្ពុជាបានឆ្លងផុតរួចហើយ។ ប៉ុន្ដែវាលទី៣ គឺជំងឺឆ្លង ដែលកម្ពុជាកំពុងហែលឆ្លង ពីព្រោះបញ្ហាជំងឺនេះ បានកើតឡើងជាបន្តបន្ទាប់ រាប់ចាប់តាំងពីជំងឺផ្ដាសាយបង្សី ជំងឺសាជ្រូក និងជំងឺកូវីដ-១៩ ជាដើម ដែលវាបានបំប្លែងខ្លួនជាបន្តបន្ទាប់។សម្តេចតេជោ ហ៊ុន សែន បានដាស់តឿនដល់អ្នកដទៃ សូមកុំធ្វើសកម្មភាពណាមួយដែលធ្វើឱ្យកម្ពុជាកើតឡើងនូវសង្គ្រាមឡើងវិញឱ្យសោះ។ សម្ដេចតេជោបញ្ជាក់ថា កម្ពុជាមិនអត់ឱនដល់សកម្មភាពណាមួយ ទោះបីតម្លៃណាក៏ដោយ ដែលបានសកម្មភាពបំផ្លាញកម្ពុជានោះទេ។សម្តេចតេជោ ហ៊ុន សែន បានបញ្ជាក់ឡើងវិញទៀតថា ដើម្បីជំរុញដល់កំណើនសេដ្ឋកិច្ច និងផលិតកម្មនៅក្នុងស្រុក កម្ពុជាកំពុងផ្ដល់នូវការរៀបចំការបណ្ដុះបណ្ដាលជំនាញវិជ្ជាជីវៈ ដល់ននិស្សិតក្រីក្រចំនួន ១,៥ លាននាក់។សម្តេចតេជោ បានប្រកាសថា រាជរដ្ឋាភិបាលកម្ពជា កើតចេញពីគណបក្សប្រជាជនកម្ពុជា បានប្រឹងប្រែងបំពេញគោលនយោបាយ និងកម្មវិធីនយោបាយរបស់ខ្លួនបានយ៉ាងល្អប្រសើរ ក្នុងនោះមាននយោបាយគាំពារសង្គម និងប្រជាពលរដ្ឋ ដែលគោលបយោបាយទាំងនោះត្រូវបានអនុវត្តន៍ និងទទួលផលរួចមកហើយ។សម្តេចតេជោ ហ៊ុន សែន បានប្រកាសថា ពេលនេះគឺជាពេលតថ្លៃ នៃនយោបាយ ដោយគណបក្សខ្លះសន្យាហួសហេតុ ទោះពួកគេដឹងថា មិនអាចធ្វើបានតាមសន្យាក៏ដោយ។ ការសន្យានោះមានដូចជា៖ បញ្ចុះតម្លៃសាំងឱ្យទាប ខណៈដែលកម្ពុជាមិនមែនជាប្រទេសផលិតប្រេង, សន្យាទិញទិញឡាន ម៉ូតូ ធ្វើផ្ទះថ្មឱ្យប្រជាពលរដ្ឋ ខណៈដែលខ្លួនគ្មានទាំងកង់ជិះ និងនៅផ្ទះស្លឹក ឬស្បូវ។សម្តេចតេជោ ហ៊ុន សែន បានផ្តាំផ្ញើដល់មន្ត្រី ដែលបានផ្ញើសារជូនសម្តេច សូមសរសេរឱ្យខ្លី និងចំៗចំណុច ព្រោះសម្តេចគ្មានពេលវេលាគ្រប់គ្រាន់សម្រាប់អាន និងមើលសារដ៏វែងអន្លាយទាំងនោះទេ។សម្តេចតេជោ បានផ្តាំផ្ញើដល់មន្ត្រីទាំងអស់ បើមិនចាំបាច់ទេ សូមកុំផ្ញើសារជូនសម្តេចនាពេលព្រឹក ជាពិសេសសារអាក្រក់ៗ។សម្តេចតេជោ ហ៊ុន សែន បានបញ្ជាក់ថា ពេលនេះ សភាពការណ៍សេដ្ឋកិច្ចពិភពលោកមិនល្អទេ ទាំងនៅអាមេរិក និងនៅអឺរ៉ុប ជាពិសេសគឺនៅអឺរ៉ុបនេះតែម្ដង។ សម្ដេចថ្លែងថា ថ្វីត្បិតពេលនេះ មិនបង្កនូវបញ្ហាធ្ងន់ធ្ងរ ប៉ុន្ដែស្ថានភាពនេះបានធ្វើឱ្យ ប៉ះពាល់ដល់អតិផរណានៅគ្រប់ប្រទេសទាំងអស់។សម្តេចតេជោ ហ៊ុន សែន បានទទួលនូវរបាយការណ៍ពីសហជីពមួយ ដែលបានសំណូមពរពាក់ព័ន្ធរោងចក្រព្យួរការងារ ដោយសម្ដេច បានបញ្ជូនបញ្ហានេះទៅរដ្ឋមន្រ្ដីក្រសួងការងារ និងបណ្ដុះបណ្ដាលវិជ្ជាជីវៈ និងរដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ ដើម្បីដោះស្រាយ និងអន្តរាគមន៍បន្ទាន់រួចហើយ។សម្តេចតេជោ ហ៊ុន សែន បញ្ជាក់ថា ពេលកូវីដ-១៩ផ្ទុះឡើង មានកម្មកររាប់លានដាក់អត់ការងារធ្វើ នៅទូទាំងពិភពលោក។ សម្តេចតេជោ បញ្ជាក់ថា «កម្មករមួយចំនួននៅកម្ពុជាអត់ការងារធ្វើរាប់ឆ្នាំ តែមានលទ្ធភាពធ្វើបាតុកម្មប្រឆាំងរាជរដ្ឋាភិបាល និងរោងចក្រ»។ សម្តេចបញ្ជាក់ថា «លុយធ្វើបាតុកម្មនោះបានមកពីណា? ចែកដល់បាតុករកន្លែងណា?ក៏សម្តេចដឹងដែរ...[]កម្ពុជាមិនល្ងង់ទេ»។សម្តេចតេជោ ហ៊ុន សែន ប្រកាសថា កន្លងមានការសម្របសម្រួលចង់ទិញការប្រមូលពន្ធគយនៅកម្ពុជា តែសម្តេចបានបដិសេធចោលភ្លាមៗតែម្តង និងសម្តែងការហួសចិត្តយ៉ាងខ្លាំង។សម្តេចបញ្ជាក់ថា «គយជាសេវាអធិបតេយ្យរបស់ជាតិ មិនអាចឱ្យក្រុមហ៊ុន ឬបរទេសណា មកប្រមូលជំនួសកម្ពុជាបានឡើយ»។សម្តេចតេជោ ហ៊ុន សែន បានប្រកាសគាំពារដល់កម្មករ ដែលត្រូវរោងចក្រព្យួរ និងសម្រួលដល់ជីវភាពរស់នៅប្រចាំថ្ងៃ រហូតដល់ពួកគេ មានលទ្ធភាពកសាងលទ្ធកម្មជីវភាពល្អប្រសើរឡើងវិញ។សម្តេចតេជោ ហ៊ុន សែន អំពាវនាវដល់បងប្អនប្រជាពលរដ្ឋខ្មែររស់នៅក្រៅប្រទេស ទោះធ្លាប់ជេរប្រមាថ រិះគន់ គណបក្សប្រជាជនកម្ពុជា, រាជរដ្ឋាភិបាល និងសម្តេចក៏ដោយ សូមអញ្ជើញមកលេងស្រុកកំណើតរបស់ខ្លួន ដោយមិនមានការចាប់ចង ឬធ្វើទុក្ខម្នេញ ដូចការបំផុសព័ត៌មានបំពុលរបស់ក្រុមអគតិមួយចំនួនឡើយ។សម្តេចតេជោ ហ៊ុន សែន បានប្រកាសដល់សាខាបក្សនៅអាមេរិកឱ្យទទួលយកលោក ធី ចចា ជាសមាជិកគណបក្សប្រជាជនកម្ពុជា បន្ទាប់លោក ធី ចចា បានសូមទោស និងដឹងកំហុសរបស់ខ្លួន ដែលធ្លាប់ធ្វើកន្លងមកលើសម្តេច និងគណបក្សប្រជាជនកម្ពុជា។សម្តេចតេជោ ហ៊ុន សែន បានប្រកាសជាថ្មីដល់ប្រជាពលរដ្ឋខ្មែររបស់នៅឯនាយសមុទ្រ សូមធ្វើដំណើរមកលេងកម្ពុជា ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលឆាប់ៗខាងមុខនេះ ដោយសម្តេចចាត់ទុកជាឆ្នាំទស្សនាកម្ពុជា។សម្តេចតេជោ ហ៊ុន សែន បានប្រកាសដល់សាលារាជធានីភ្នំពេញ សូមបន្តផ្តល់រថយន្តក្រុងសាធារណៈដឹកជញ្ជូនប្រជាពលរដ្ឋក្នុងឱកាសបុណ្យចូលឆ្នាំថ្មី ប្រពៃណីជាតិដោយឥតគិតថ្លៃទៅតាមបណ្តាខេត្ត-ក្រុង និងគោលដោនានា ដោយត្រូវបន្ថែមខ្សែរត់ជាង២០០គ្រឿងទៀត លើចំនួនដែលមានស្រាប់៕

បណ្ដាញសង្គម

ព័ត៌មានថ្មីៗ

ព្រឹទ្ធសភាអាមេរិក អនុម័តការកាត់បន្ថយសហព័ន្ធ ៩ពាន់លានដុល្លាររបស់លោក Musk

ជំនួយការប្រធានាធិបតី៖ រុស្ស៊ីធ្វើមាតុភូមិនិវត្តន៍សាកសពទាហានអ៊ុយក្រែនចំនួន ១.០០០នាក់ដែលបានស្លាប់ នៅសរមភូមិ

មនុស្ស ៣នាក់ស្លាប់ ពេលកូរ៉េខាងត្បូងរងការវាយប្រហារដោយភ្លៀងធ្លាក់ខ្លាំងបំផុតក្នុងរយៈពេល ១២០ឆ្នាំ

គណបក្ស Sanseito របស់ជប៉ុន បដិសេធមិនមានការទាក់ទងជាមួយរុស្ស៊ី

ក្រុមតាលីបង់ បដិសេធការចាប់ខ្លួន ឬតាមដានជនជាតិអាហ្វហ្គានីស្ថាន បន្ទាប់ពីការលេចធ្លាយទិន្នន័យរបស់អង់គ្លេស

ហ្ស៊កដានី ជម្លៀសកុមារឈឺ ៣៥នាក់ ចេញពីតំបន់ហ្កាហ្សា ដើម្បីយកទៅព្យាបាល

លោក Trumpគ្រោងទស្សនកិច្ចទៅកាន់ប៉ាគីស្ថាន ដែលជាដំណើរលើកដំបូងរបស់ប្រធានាធិបតីអាមេរិកចាប់តាំងពីឆ្នាំ ២០០៦

ចិននិយាយថា សារធាតុហ្វេនតានីល គឺជាបញ្ហារបស់អាមេរិក មិនមែនចិននោះទេ

មនុស្ស ២នាក់ស្លាប់ និងច្រើននាក់រងរបួស ក្រោយការវាយឆ្មក់លើវិហារកាតូលិកនៅតំបន់ហ្កាហ្សា

របបយោធាមីយ៉ាន់ម៉ា អះអាងដណ្តើមបានមកវិញនូវទីក្រុង ក្បែរសាលាយោធា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អ្នកនាំពាក្យ អំពាវនាវបញ្ឈប់ប្រើពាក្យតំបន់ស តំបន់មិនច្បាស់លាស់ ឬតំបន់ត្រួតស៊ីគ្នា

សម្ដេចតេជោ ហ៊ុន សែន ជំរុញពង្រឹងអំណាចស្ត្រី ជាពិសេសក្នុងវិស័យសេដ្ឋកិច្ច

ប្រសាសន៍សំខាន់របស់សម្តេចតេជោ ក្នុងឱកាសអញ្ជើញប្រារព្ធទិវានារី អន្តរជាតិ ៨ មីនា ខួបលើកទី១១២

សម្តេចតេជោ ហ៊ុន សែន អញ្ជើញជាអធិបតីប្រារព្ធពិធី អបអរសាទរទិវានារីអន្តរជាតិ ៨មីនា លើកទី១១២

សម្ដេចតេជោ ណែនាំឱ្យសាខាបក្សនៅអាមេរិក បើកទ្វារស្វាគមន៍ក្រុមប្រឆាំងឱ្យចូលរួមនឹងបក្សប្រជាជន

សម្ដេចតេជោ ហ៊ុន សែន៖ «កម្ពុជាបានឆ្លងកាត់វាល៣ដ៏លំបាកដូច្នេះត្រូវរក្សាឱ្យបាននូវសន្ដិភាព»

សម្តេចតេជោ ចំអកឲ្យសកម្មជនគណបក្សមួយចំនួនខ្លួនពុំមានអ្វីសោះ សន្យាឱ្យនេះឱ្យនោះ ដល់ប្រជាជន

សម្តេចតេជោ ហ៊ុន សែន៖ គ្មានបរទេសណាមកស្រឡាញ់ខ្មែរជាងខ្មែរគ្នាឯងនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អ្នកនាំពាក្យ អំពាវនាវបញ្ឈប់ប្រើពាក្យតំបន់ស តំបន់មិនច្បាស់លាស់ ឬតំបន់ត្រួតស៊ីគ្នា

សម្ដេចតេជោ ហ៊ុន សែន ជំរុញពង្រឹងអំណាចស្ត្រី ជាពិសេសក្នុងវិស័យសេដ្ឋកិច្ច

ប្រសាសន៍សំខាន់របស់សម្តេចតេជោ ក្នុងឱកាសអញ្ជើញប្រារព្ធទិវានារី អន្តរជាតិ ៨ មីនា ខួបលើកទី១១២

សម្តេចតេជោ ហ៊ុន សែន អញ្ជើញជាអធិបតីប្រារព្ធពិធី អបអរសាទរទិវានារីអន្តរជាតិ ៨មីនា លើកទី១១២

សម្ដេចតេជោ ណែនាំឱ្យសាខាបក្សនៅអាមេរិក បើកទ្វារស្វាគមន៍ក្រុមប្រឆាំងឱ្យចូលរួមនឹងបក្សប្រជាជន

សម្ដេចតេជោ ហ៊ុន សែន៖ «កម្ពុជាបានឆ្លងកាត់វាល៣ដ៏លំបាកដូច្នេះត្រូវរក្សាឱ្យបាននូវសន្ដិភាព»

សម្តេចតេជោ ចំអកឲ្យសកម្មជនគណបក្សមួយចំនួនខ្លួនពុំមានអ្វីសោះ សន្យាឱ្យនេះឱ្យនោះ ដល់ប្រជាជន

សម្តេចតេជោ ហ៊ុន សែន៖ គ្មានបរទេសណាមកស្រឡាញ់ខ្មែរជាងខ្មែរគ្នាឯងនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍