នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

រដ្ឋមន្ត្រីការបរទេសអ៊ុយក្រែន រំពឹងថា កម្ពុជានឹងជួយអ៊ុយក្រែន រំដោះផ្ទៃដីមានមីន បង្កប់ដោយកងទ័ពរុស្ស៊ី

2022/11/12 11:52:08 am        329
Facebook Telegram Linkin
ភ្នំពេញ៖ រដ្ឋមន្ត្រីការបរទេសអ៊ុយក្រែន បានរំពឹងថា អ្នកជំនាញដោះមីនរបស់កម្ពុជា នឹងជួយដល់កងកម្លាំងដោះមីនរបស់អ៊ុយក្រែន ក្នុងការ​រំដោះផ្ទៃដីដែលមានមីន ​បង្កប់របស់កងទ័ពរុស្ស៊ី ​ក្នុងអំឡុងនៃការឈ្លានពាន ។នេះជាការលើកឡើងរបស់លោក ឌីមេត្រូ គូលេបា (Dmytor Kuleba) រដ្ឋមន្ត្រីការបរទេសអ៊ុយក្រែន ក្នុងសន្និសីទសារព័ត៌មាន នាថ្ងៃទី១២ ខែវិច្ឆិកា ឆ្នាំ២០២២នេះ ជុំវិញនៃការអញ្ជើញ​មក​ចូលរួម​ក្នុងកិច្ចប្រជុំកំពូលអាស៊ាន លើកទី៤០ និង៤១ និងកិច្ចប្រជុំពាក់ព័ន្ធនានា ដែលកម្ពុជាធ្វើជាម្ចាស់ផ្ទះ ។គួរបញ្ជាក់ថា រាជរដ្ឋាភិបាលកម្ពុជា តាមរយៈមជ្ឈមណ្ឌលសកម្មភាពកំចាត់មីនកម្ពុជា​ (CMAC) នឹង​បញ្ជូនមន្ត្រីជំនាញបច្ចេកទេស ចំនួន៣នាក់ ទៅបំពេញបេសកកម្មជួយហ្វឹកហ្វឺន​មន្ត្រីជំនាញ​សកម្មភាពមីន នៃប្រទេសអ៊ុយក្រែន ក្រោមការគាំទ្រគម្រោងជំនួយរបស់ប្រទេសជប៉ុន ហើយ​កម្លាំង​ស៊ីម៉ាក់ ត្រូវសហការឲ្យបានល្អជាមួយមិត្តជប៉ុន ដើម្បីជួយដល់អ៊ុយក្រែន បំផ្លាញចោលគ្រាប់មីន ។ ជាផែនការក្រុមដំបូងអាចចេញដំណើរនៅដើមខែធ្នូ ឆ្នាំ២០២២ ​និងក្រុមទី២ អាចបំពេញ​បេសកកម្មនេះ នៅក្នុងត្រីមាសទី១ ឆ្នាំ២០២៣ ។ក្នុងសេចក្តីប្រកាសព័ត៌មានរបស់ក្រសួងការបរទេស ​និងសហប្រតិបត្តិការអន្តរជាតិ ស្តីពី​លទ្ធផលជំនួបរបស់សម្ដេចតេជោ​ ហ៊ុន សែន នាយករដ្ឋមន្ត្រី នៃកម្ពុជា និងឯកឧត្តម វ៉ូឡូឌីមៀ ហ្ស៊ែឡិនស្គី ​កាលពីថ្ងៃទី១ ខែវិច្ឆិកា បានឲ្យដឹងថា​ ដោយមានកិច្ចសហប្រតិបត្តិការពីប្រទេសជប៉ុន កម្ពុជា​បានត្រៀមខ្លួនជាស្រេច ​ក្នុងការបញ្ជូនអ្នកដោះមីនរបស់កម្ពុជា ទៅជួយបណ្ដុះបណ្ដាលដល់​អ្នកដោះមីន​ របស់អ៊ុយក្រែនតាមពេលវេលាសមស្រប ៕ អត្ថបទ បាន សុខរិទ្ធិ

សម្តេចតេជោ៖ កិច្ចប្រជុំកំពូលអាស៊ាន-ឥណ្ឌានឹងក្លាយ​ទៅជាបង្គោលចរដ៏សំខាន់​ក្នុងការទាក់ទង​ផ្នែក​សេដ្ឋកិច្ច និងនយោបាយ

2022/11/12 11:40:53 am        163
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាស៊ាន បាន​ថ្លែង​អះអាងថា កិច្ចប្រជុំកំពូលអាស៊ាន និងឥណ្ឌាលើកទី១៩ នឹង​ក្លាយ​ទៅ​ជា​បង្គោលចរ​ដ៏​សំខាន់​មួយ នៃទំនាក់ទំនង ផ្នែកសេដ្ឋកិច្ច,នយោបាយ, និងសង្គមវប្បធម៌ របស់អាស៊ាន និងឥណ្ឌា បើ​ទោះ​​បី​ជាអស់រយៈពេល៣០ឆ្នាំ នៃទំនាក់ទំងរវាងអាស៊ាន និង​ឥណ្ឌា​មាន​បញ្ហា​ប្រឈម​មួយ​ចំនួន​ក៏ដោយ​តែភាពរីកចំរើនរវាងភាគីទាំងពីរ នៅតែបន្តមានដដែល។ថ្លែងនៅក្នុងពិធីបើកកិច្ចប្រជុំអាស៊ាន-ឥណ្ឌា នៅថ្ងៃទី១២ ខែវិច្ឆិកា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា កិច្ចប្រជុំនេះនឹងធ្វើឲ្យទំនាក់ទំនងរវាងអាស៊ាន និង​ឥណ្ឌា​កាន់​តែ​ល្អ​ប្រ​សើ​បន្ថែមទៀត ជាពិសេសផ្នែកសេដ្ឋកិច្ច នយោបាយ និងវប្បធម៌ជាដើម។សម្តេចតេជោ នាយករដ្ឋមន្រ្តី និងជាប្រធានអាស៊ានបានបញ្ជាក់ថា«ជាការពិតក្នុងបីទសវត្សន៍ កន្លងមក ទោះបីជាជួបប្រទះនូវបញ្ហាប្រឈមនានា អាស៊ាន និងឥណ្ឌាមានការរីកចំរើន​ឥតឈប់​ឈរ ដែល បានក្លាយទៅជាពូលសង្គម-សេដ្ឋកិច្ចសំខាន់ពីរ​នៅ​លើ​ពិភពលោក។ ជាមួយនិងលទ្ធផលនៃការអភិវឌ្ឍនេះ កិច្ចសហប្រតិបត្តិការអាស៊ាន-ឥណ្ឌា ក៏កាន់តែរីកចំរើន និង​មាន​មូលដ្ឋាន​កាន់​តែទូលំទូលាយជាលំដាប់ ដោយសារការប្តេជ្ញាចិត្តដ៏មុះមុតក្នុងការពង្រឹងភាពជាដៃគូ ដើម្បីឲ្យអាស៊ាន-ឥណ្ឌា មានទំនាក់ទំនងកាន់ តែស្អិតរមួត និងមានលទ្ធភាពកាន់តែខ្ពស់ ក្នុងការធានា និងនាំមកនូវសន្តិភាព និងវិបុលភាពរួមជូនប្រជា ជនរបស់យើងទាំងបច្ចុប្បន្ន និងទៅអនាគត»។ ជាមួយគ្នានោះដែរ សម្តេចតេជោ ហ៊ុន សែន ប្រធានអាស៊ាន ក៏បានសម្តែងការពេញចិត្តចំពោះ វឌ្ឍនភាពគួរឲ្យកត់សម្គាល់ នៃការអនុវត្តផែនការសកម្មភាព ដើម្បីអនុវត្តន៍ភាពជាដៃគូអាស៊ាន-ឥណ្ឌា សម្រាប់សន្តិភាព,វឌ្ឍនភាព និងវិបុលភាពរួម២០២១-២០២៥។ សម្តេចតេជោ ហ៊ុន សែន ក៏បានលើក ឡើងផងដែរថាកម្ពុជាក៏សូមស្វាគមន៍ការជំរុញកិច្ចសហប្រតិបត្តិការទ្វេភាគីអាស៊ាន-ឥណ្ឌា តាមរយៈគំនិត ផ្តួចផ្តើមជាច្រើនរបស់ឥណ្ឌា ផ្នែកលើគោលការឆ្ពោះទៅទិសខាងកើតផងដែរ៕អត្ថបទ៖ បាន ចក់

ខ្លឹមសារសំខាន់ៗនៃសន្និសីទសារព័ត៌មានរបស់រដ្ឋមន្ត្រីការបរទេសអ៊ុយក្រែន

2022/11/12 11:11:27 am        432
Facebook Telegram Linkin
ភ្នំពេញ៖ ឯកឧត្ដម ឌីមេត្រូ គូលេបា រដ្ឋមន្ត្រីការបរទេសអ៊ុយក្រែន នៅថ្ងៃទី១២ ខែវិច្ឆិកា ឆ្នាំ២០២២នេះ កំពុងធ្វើសន្និសីទសារព័ត៌មានស្តីពី លទ្ធផលនៃការអញ្ជើញមកចូលរួមកិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំពាក់ព័ន្ធនានា ។សន្និសីទសារព័ត៌មាន រដ្ឋមន្ត្រីការបរទេសអ៊ុយក្រែន បានថ្លែងថា ទំនាក់ទំនងរវាងអ៊ុយក្រែន ជាមួយអាស៊ាន គឺជាអាទិភាពចម្បងរបស់អ៊ុយក្រែន។រដ្ឋមន្ត្រីការបរទេសអ៊ុយក្រែន៖ យើងទទួលបាននូវសារជាច្រើនពីបណ្ដាប្រទេសអាស៊ាន ដែលបង្ហាញនូវការគាំទ្រចំពោះអ៊ុយក្រែន។រដ្ឋមន្ត្រីការបរទេសអ៊ុយក្រែន បានអំពាវនាវដល់បណ្ដាប្រទេសអាស៊ាន ចាត់រាល់វិធានការ ចំពោះរុស្ស៊ីឱ្យបញ្ឈប់រាល់សកម្មភាពយោធា និងការរារាំងចំពោះការនាំចេញគ្រាប់​ធញ្ញជាតិ​ទៅកាន់បណ្ដាប្រទេសនានាក្នុងពិភពលោក ​ដើម្បីបង្ការកុំឱ្យមានការប្រឈមនឹងគ្រោះអត់ឃ្លាន។រដ្ឋមន្ត្រីការបរទេសអ៊ុយក្រែន រំពឹងថា អ្នកជំនាញកម្ពុជានឹងជួយដល់កងកម្លាំងអ៊ុយក្រែន នៅក្នុងការរំដោះផ្ទៃដីដែលបង្កប់ដោយមីនរបស់កងទ័ពរុស្ស៊ី។ឯកឧត្ដម ឌីមេត្រូ គូលេបា ខ្ញុំមើលឃើញថា រុស្ស៊ីបានលើកឡើងពីការចរចាស្វែងរកដំណោះស្រាយ​សម្រាប់បញ្ហានៅអ៊ុយក្រែន ​គឺដើម្បីបិទបាំងសកម្មភាពអាក្រក់របស់ខ្លួននៅអ៊ុយក្រែនប៉ុណ្ណោះ។រដ្ឋមន្ត្រីការបរទេសអ៊ុយក្រែន៖ នេះគឺជាលើកទី១​ ដែលអ៊ុយក្រែន ត្រូវបានអញ្ជើញចូលរួមកិច្ច​ប្រជុំ​កំពូលអាស៊ាននៅកម្ពុជា។រដ្ឋមន្ត្រីការបរទេសអ៊ុយក្រែន៖ កងទ័ពរុស្ស៊ីបានធ្វើទារុណកម្ម និងបំពានរំលោភលើពលរដ្ឋអ៊ុយ ក្រែន នៅគ្រប់កន្លែងដែលគេចូលកាន់កាប់ សូម្បីក្នុងរបាយការណ៍របស់ UN និងរបាយការណ៍របស់ អង្គការសិទ្ធិមនុស្សក៏មានសរសេរពីសកម្មភាពអាក្រក់របស់កងទ័ពរុស្ស៊ី លើពលរដ្ឋអ៊ុយក្រែន ទាំងនោះដែរ។រដ្ឋមន្ត្រីការបរទេសអ៊ុយក្រែន៖ ខ្ញុំបានជួបពិភាក្សាជាមួយចិន ដើម្បីឱ្យជួយបញ្ឈប់សកម្មភាពយោធារបស់រុស្ស៊ី លើអ៊ុយក្រែន។ រដ្ឋមន្ត្រីការបរទេសអ៊ុយក្រែន៖ តើប្រទេសធំ ត្រូវតែឈ្លានពានលើប្រទេសតូចឬ ?

UN ជំរុញដល់របបដឹកនាំមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់

2022/11/12 11:03:17 am        235
Facebook Telegram Linkin
ភ្នំពេញ៖ ថ្លែងក្នុងសន្និសីទសារព័ត៌មាននៅអំឡុងចូលរួមកិច្ចប្រជុំកំពូលអាស៊ាននៅកម្ពុជា និងកិច្ចប្រជុំកំពូលពាក់ព័ន្ធ នៅថ្ងៃទី១២ ខែវិច្ឆិកា ឆ្នាំ២០២២ ឯកឧត្ដម António Guterres អគ្គលេខាធិការអង្គការសហប្រជាជាតិ ​បានលើកឡើងថា ឯកឧត្ដមជំរុញឱ្យរបបគ្រប់គ្រងមីយ៉ាន់ម៉ា​បច្ចុប្បន្ន ដោះលែងអ្នកទោសនយោបាយទាំងអស់។ក្រៅពីការលើកឡើងបែបនេះឯកឧត្ដម ក៏បានស្នើដល់គ្រប់ភាគីពាក់ព័ន្ធទាំងអស់នៅមីយ៉ាន់ម៉ា ដោះ ស្រាយជម្លោះដែលកំពុងកើតមានដោយសន្តិវិធីផងដែរ។ឯកឧត្ដម ក៏បានបង្ហាញនូវក្ដីរំពឹងផងដែរ ឥណ្ឌូណេស៊ីដែលនឹងទទួលជាប្រធានអាស៊ាន​នៅ​ឆ្នាំ២០២៣ ឆ្នាំក្រោយ នឹងបន្តដោះស្រាយបញ្ហាដែលកំពុងកើតមាននៅមីយ៉ាន់ម៉ា តាមមធ្យោបាយវិជ្ជមាន៕ ដោយ៖ គង់ ឌិន

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយអនុប្រធានាធិបតីឥណ្ឌា

2022/11/12 10:59:09 am        236
Facebook Telegram Linkin
ភ្នំពេញ៖ នៅព្រឹកថ្ងៃសៅរ៍ទី១២ ខែវិច្ឆិកា ឆ្នាំ២០២២នេះ ដដែលនេះ បន្ទាប់ កិច្ចប្រជុំកំពូលអាស៊ានបូក៣ រួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអញ្ជើញជួបពិក្សាការងារជាមួយ ឯកឧត្ដម SHRI JAGDEEP DHANKHAR អនុប្រធានាធិបតីឥណ្ឌា នៅសណ្ឋាគារសុខាភ្នំពេញ។

ខ្លឹមសារសំខាន់ៗ នៃសន្និសីទសារព័ត៌មានរបស់អគ្គលេខាធិការអង្គការសហប្រជាតិ

2022/11/12 10:41:51 am        252
Facebook Telegram Linkin
ភ្នំពេញ៖ អគ្គលេខាធិការអង្គការសហប្រជាតិ (UN) លោក Antonio Guterres នៅថ្ងៃទី១២ ខែវិច្ឆិកា ឆ្នាំ២០២២ កំពុងធ្វើសន្និសីទសារព័ត៌មានស្តីពីលទ្ធផលនៃដំណើរមកចូលរួមកិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំនានាជាមួយដៃគូពាក់ព័ន្ធ ។សន្និសីទសារព័ត៌មាន អគ្គលេខាធិការអង្គការសហប្រជាជាតិ បានជំរុញឱ្យរបបគ្រប់គ្រងមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់។អគ្គលេខាធិការអង្គការសហប្រជាជាតិ ស្នើដល់ប្រទេសទាំងអស់ ជាពិសេសប្រទេស G20 ដែលគ្រោងបើកកិច្ចប្រជុំនៅឥណ្ឌូណេស៊ី រួមគ្នាសង្គ្រោះបរិស្ថានពិភពលោក។អគ្គលេខាធិការអង្គការសហប្រជាជាតិ៖ ខ្ញុំជំរុញដល់ប្រទេស G20 ទាំងអស់ រួមគ្នាដោះស្រាយ​បញ្ហានៅអ៊ុយក្រែន​ និងវិបត្តិស្បៀងអាហារ ​ដែលកំពុងកើតមាននៅក្នុងពេលបច្ចុប្បន្ននេះ។អគ្គលេខាធិការអង្គការសហប្រជាជាតិ៖ ខ្ញុំជឿជាក់ថា ឥណ្ឌូណេស៊ីដែលនឹងទទួលជាប្រធានអាស៊ាននៅឆ្នាំ២០២៣ ឆ្នាំក្រោយ នឹងដោះស្រាយបន្តបញ្ហាដែលកំពុងកើតមាននៅមីយ៉ាន់ម៉ា។

រដ្ឋមន្រ្តីការបរទេសរុស្ស៊ី អញ្ជើញមកដល់ប្រទេសកម្ពុជាហើយ

2022/11/12 09:53:08 am        228
Facebook Telegram Linkin
ភ្នំពេញ៖ រដ្ឋមន្ត្រីការបរទេសរុស្ស៊ី លោក Sergey Lavrov បានអញ្ជើញមកដល់ប្រទេសកម្ពុជាហើយ នៅព្រឹកថ្ងៃទី១២ ខែវិច្ឆិកា ឆ្នាំ២០២២នេះ ដើម្បីចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនានា។

សម្តេចតេជោ ហ៊ុន សែន៖ ចិន កូរ៉េខាងត្បូង និងជប៉ុន ជាដៃគូរមិនអាចខ្វះបានរបស់អាស៊ានលើកិច្ចសហការទាំងសេដ្ឋកិច្ច សន្តិភាព និងនយោបាយ

2022/11/12 09:23:34 am        453
Facebook Telegram Linkin
ភ្នំពេញ៖ ក្នុងពេលដឹកនាំកិច្ចប្រជុំកំពូលអាស៊ានបូកបី នៅថ្ងៃទី១២ ខែវិច្ឆិកា ឆ្នាំ២០២២ សម្តេចតេជោ ហ៊ុន សែន ប្រធានអាស៊ាន ថ្លែងថា តាមរយៈអាស៊ានបូកបី គឺជាដៃគូដ៏សំខាន់ដែលមិនអាចខ្វះបានរបស់អាស៊ានគ្រប់ទិដ្ឋភាពទាំងអស់ ទាំងកិច្ចសហប្រតិបត្តិការសេដ្ឋកិច្ច សន្តិភាព និងនយោបាយ ដែលបានរួមចំណែកដ៏សំខាន់ក្នុងការលើកកម្ពស់សន្តិភាព វិបុលភាពនៅក្នុងតំបន់។ សម្តេចតេជោ បញ្ជាក់ថា ការជួបជុំនាពេលនេះ បានបញ្ជាក់យ៉ាងច្បាស់ពីការប្តេជ្ញាចិត្តឥតងាករេនៃថ្នាក់ដឹកនាំប្រទេសអាស៊ានបូកបី និងការពង្រឹង ក៏ដូចជាកាន់តែធ្វើឲ្យស៊ីជម្រៅ និងកិច្ចសហប្រតិបត្តិការលើគ្រប់វិស័យ ជាពិសេសក្នុងការរួមគ្នាដោះស្រាយបញ្ហាប្រឈមដ៏លំបាកនានាក្នុងក្របខណ្ឌតំបន់ និងសកល។ ក្នុងនាមប្រធានអាស៊ាន សម្តេចតេជោ ហ៊ុន សែន ថ្លែងបន្តថា ជាការពិតប្រវត្តិសាស្រ្តបានបង្ហាញឲ្យឃើញថា ទោះស្ថិតក្នុងកាលៈទេសៈណាក៏ដោយអាស៊ានបូកបីតេងតែប្រកាន់ខ្ជាប់ស្មារតីរួបរួមជានិច្ច។ សម្តេចតេជោ ហ៊ុន សែន មានប្រសាសន៍បន្ថែមថ ភាពជោគជ័យ សមិទ្ធផលនូវកិច្ចសហប្រតិបត្តិការរបស់អាស៊ានបូកបីបានមកពីការខិតខំប្រឹងប្រែងឥតឈប់ឈរពីការប្រតិបត្តិការជិតស្និទ្ធ និងសាមគ្គីភាពដ៏រឹងមាំរបស់យើង។ ជាការកត់សម្គាល់ យន្តការអាស៊ានបូកបីបន្តជាកម្លាំងចលករស្នូលដែលមិនអាចខ្វះបានក្នុងការលើកកម្ពស់កិច្ចសហប្រតិបត្តិការនៅអាស៊ីបូព៌ាក៏ដូចជាក្នុងការឆ្លើយតបទៅនឹងវិបត្តនានាប្រកបដោយប្រសិទ្ធភាព៕ 

មេដឹកនាំអាស៊ាន កំពុងដំណេីរការកិច្ចប្រជុំកំពូលអាស៊ានបូកបី លេីកទី២៥ ជាមួយ ចិន ជប៉ុន និងកូរ៉េខាងត្បូង

2022/11/12 09:20:56 am        203
Facebook Telegram Linkin
ភ្នំពេញ៖ ខណៈនេះមេដឹកនាំអាស៊ាន កំពុងដំណេីរការកិច្ចប្រជុំកំពូលអាស៊ានបូកបី លេីកទី២៥ ជាមួយ ចិន ជប៉ុន និងកូរ៉េខាងត្បូង នៅថ្ងៃទី១២ ខែវិច្ឆិកា ឆ្នាំ២០២២ ។

កម្រងរូបភាព នៃការអញ្ជើញដល់ព្រលានយន្តហោះអន្តរជាតិភ្នំពេញ របស់លោក ចូ បៃដិន ប្រធានាធិបតីអាមេរិក

2022/11/12 08:57:54 am        165
Facebook Telegram Linkin
ភ្នំពេញ៖ លោក ចូ បៃដិន ប្រធានាធិបតីសហរដ្ឋអាមេរិក បានអញ្ជេីញមកដល់ព្រះរាជាណាចក្រកម្ពុជាហើយ នៅព្រឹកថ្ងៃទី១២ ខែវិច្ឆិកា ឆ្នាំ២០២២នេះ ដើម្បីចូលរួមកិច្ចប្រជុំកំពូលអាស៊ាន-អាមេរិក លេីកទី១០ ។  ប្រធានាធិបតីសហរដ្ឋអាមេរិក នឹងប្រជុំទ្វេភាគីជាមួយសម្តេចតេជោ ហ៊ុន សែន ប្រធានអាស៊ានឆ្នាំ២០២២ នារសៀលនេះនៅសណ្ឋាគារសុខាភ្នំពេញ ៕

បណ្ដាញសង្គម

ព័ត៌មានថ្មីៗ

អ្នកវិភាគ៖ អ៊ីស្រាអែលបែកបាក់ និងឯកា ក្រោយរយៈពេល ២ឆ្នាំនៃសង្រ្គាមហ្កាហ្សា
10/08/2025 07:10 PM
Facebook Telegram Linkin
លោក Erdogan សង្ឃឹមមានដំណោះស្រាយ ជុំវិញទណ្ឌកម្ម យន្តហោះ F-35 និងបញ្ហាផ្លូវច្បាប់ Halkbank ក្រោយជួបលោក Trump
10/08/2025 07:10 PM
Facebook Telegram Linkin
ឯកឧត្តម ហ៊ុន ម៉ានី អញ្ជើញជាអធិបតីភាពប្រកាសទទួលស្គាល់ប្រធានកិត្តិយស និងសមាសភាពគណៈកម្មាធិការស.ស.យ.ក. ខេត្តកំពត
10/08/2025 07:10 PM
Facebook Telegram Linkin
រង្វាន់ណូបែលផ្នែកគីមី ជារបស់អ្នកវិទ្យាសាស្ត្រ ៣រូប សម្រាប់ស្នាដៃដ៏មហស្ចារ្យ ដូច Harry Potter ក្នុងស្ថាបត្យកម្មម៉ូលេគុល
10/08/2025 07:10 PM
Facebook Telegram Linkin
ចិន និងម៉ាឡេស៊ី នឹងធ្វើសមយុទ្ធយោធារួមគ្នា នៅខែតុលា
10/08/2025 07:10 PM
Facebook Telegram Linkin
សម្តេចតេជោស្នើឲ្យរាជរដ្ឋាភិបាល​កម្ចាត់ចោលរាល់មន្រ្តី និងឈ្មួញណានៅបន្តនាំទំនិញមកពីថៃខណៈកំ ពុងបិទព្រំដែន
10/08/2025 06:10 PM
Facebook Telegram Linkin
មនុស្ស ៣នាក់ ត្រូវបានសម្លាប់ក្នុងការវាយប្រហារមីស៊ីលអ៊ុយក្រែនលើតំបន់ Belgorod របស់រុស្ស៊ី
10/08/2025 06:10 PM
Facebook Telegram Linkin
លោក Cristiano Ronaldo ក្លាយជាមហាសេដ្ឋីដំបូងគេរបស់វិស័យបាល់ទាត់
10/08/2025 06:10 PM
Facebook Telegram Linkin
នាយករដ្ឋមន្ត្រីចាំផ្ទះបារាំង សង្ឃឹមមានកិច្ចព្រមព្រៀងថវិកា ដោយធ្វើឲ្យការបោះឆ្នោតមុនអាណត្តិកាន់តែរសាត់ឆ្ងាយទៅ
10/08/2025 06:10 PM
Facebook Telegram Linkin
ផ្លូវជនបទក្នុងខេត្តចំនួនពីរ បានស្ថាបនាប្រកបដោយគុណភាព ឆ្លើយតបការរស់នៅរបស់ប្រជាជន
10/08/2025 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.