BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

នយោបាយ និង ការអភិវឌ្ឍន៍

មេបញ្ជាការតំបន់ប្រតិបត្តិការសឹករងខេត្តឧត្តរមានជ័យ ជួបជាមួយប្រតិភូយោធភូមិភាគទី៧ កងទ័ពប្រជាជនវៀតណាម

ឧត្តរមានជ័យ៖ នៅថ្ងៃទី១៤ ខែមិថុនាឆ្នាំ២០២២នេះ លោកឧត្តមសេនីយ៍ទោ តន់ ញាណ មេបញ្ជាការតំបន់ប្រតិបត្តិការសឹករង ខេត្តឧត្តរមានជ័យ ជួបជាមួយប្រតិភូយោធភូមិភាគទី៧ កងទ័ពប្រជាជននៃសាធារណៈរដ្ឋ សង្គមនិយមវៀតណាម ក្នុងគោលបំណងដើម្បីសហការគ្នា បន្តក្នុងការរុករកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្រ្គាមនៅកម្ពុជា ។ក្នុងជំនួបពិភាក្សានោះដែរ លោកឧត្តមសេនីយ៍ទោ តន់ ញាណ បានសម្តែងនូវការស្វាគមន៍យ៉ាងកក់ក្តៅចំពោះវត្តមានប្រតិភូយោធភូមិភាគទី៧ កងទ័ពប្រជាជន នៃសាធារណៈរដ្ឋសង្គមនិយមវៀតណាមដែលកន្លងមក បានសហការគ្នាជាមួយកងទ័ពកម្ពុជាក្នុងការរុករកអដ្ឋិធាតុកងទ័ពស្ម័គ្រចិត្តវៀតណាម ដែលពលីជីវិតក្នុងសម័យសង្រ្គាមនៅកម្ពុជា ពិសេសនោះអដ្ឋិធាតុកងទ័ពដែលបានពលីជីវិតកាលពីសម័យសង្គ្រាមនៅក្នុងភូមិសាស្រ្តខេត្តឧត្តរមានជ័យ ដែលជាសមរភូមិក្តៅចុងក្រោយបង្អស់ នៃការបញ្ចប់សង្រ្គាម។លោកឧត្តមសេនីយ៍ទោ មេបញ្ជាការតំបន់ប្រតិបត្តិការសឹករងឧត្តរមានជ័យ បានបន្តថា ចំពោះការពលីរបស់កងទ័ពស្ម័គ្រចិត្តវៀតណាម កាលពីសម័យសង្រ្គាមនៅកម្ពុជានោះ គឺជាគុណបំណាចមិនអាចកាត់ថ្លៃបានដែលបងប្អូនហ៊ានលះបង់សាច់ស្រស់ឈាមស្រស់នឹងបានពលីជីវិតបានបន្សល់ទុកនូវអដ្ឋិធាតុជាច្រើនកន្លែងនៅក្នុងខេត្តមួយនេះ។ក្នុងឱកាសនោះដែរ លោកឧត្តមសេនីយន៍ត្រី ជូ វ៉ាន់បាញ់ អនុប្រធាននយោបាយយោធភូមិភាគទី៧ កងទ័ពប្រជាជនវៀតណាម បានធ្វើការវាយតម្លៃនិងកោតសរសើរខ្ពស់ចំពោះកិច្ចសហប្រតិបត្តិការកន្លងមក ជាមួយកងទ័ពកម្ពុជានៅតំបន់ប្រតិបត្តិការសឹករងខេត្តឧត្តរមានជ័យ ដែលតែងតែជួយសម្របសម្រួលរាល់បញ្ហាប្រឈមផ្សេងៗដល់ក្រុមការងារក្នុងការរុករកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីបាត់ជីវិតនៅកម្ពុជា កាលពីសម័យសង្រ្គាម។ ទាំងអស់នេះ សបញ្ជាក់ឲ្យឃើញកាន់តែច្បាស់ ពីចំណងមិត្តភាពរវាងកម្ពុជា-វៀតណាម ឱ្យកាន់តែមានភាពស្អិតរមួតបន្ថែមទៀត និងជាមិត្តភាពដ៏រឹងមាំយូរអង្វែងផងដែរ ៕ អត្ថបទ៖ ឃិន សារិទ្ធ

អ្នកនាំពាក្យ គ.ជ.ប៖ ការផ្ទៀងផ្ទាត់សន្លឹកឆ្នោត២ថ្ងៃនេះ គ្មានភាពមិនប្រក្រតីកើតឡើងឡើយ

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យ គ.ជ.ប ឲ្យដឹងថា រយៈពេល២ថ្ងៃនៃការផ្ទៀងផ្ទាត់សន្លឹកឆ្នោតនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ មកនេះ គ្មានភាពមិនប្រក្រតីកើតឡើងនោះឡើយ។ថ្លែងប្រាប់BTVនៅថ្ងៃទី១៤ ខែមិថុនា ឆ្នាំ២០២២ ឯកឧត្តម ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត បានឲ្យដឹងថា បន្ទាប់ពីលទ្ធផលបឋម និងការបិទផ្សាយលទ្ធផលបណ្តោះអាសន្ននៃការបោះឆ្នោតឃុំ-សង្កាត់ជាសាធារណៈតាមបណ្តាគណៈកម្មការឃុំ-សង្កាត់រៀបចំការបោះឆ្នោត នៅទូទាំងប្រទេស បានបញ្ចប់ គ.ជ.ប ក៏បន្តការងារផ្ទៀងផ្ទាត់សន្លឹកឆ្នោតក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ រយៈពេលពីរថ្ងៃ។ឯកឧត្តម បន្តថា រយៈពេល២ថ្ងៃនៃការផ្ទៀងផ្ទាត់សន្លឹកពីការិយាល័យបោះឆ្នោតនីមួយៗ មិនមានភាពប្រក្រតីណាមួយបានកើតឡើងឡើយ ហើយ គ.ជ.ប នឹងឈានទៅរកការប្រកាសលទ្ធផលផ្លូវការទៅតាមការគ្រោងទុក នៅថ្ងៃទី២៦ ខែមិថុនា ខាងមុខ។លោក ចាន់ ដារ៉ាវុធ តំណាងសហព័ន្ធនិស្សិតបញ្ញវន្តប្រជាធិបតេយ្យកម្ពុជា និងជាអ្នកសង្កេតការណ៍ដែលចូលរួមតាមដានការផ្ទៀងផ្ទាត់សន្លឹកឆ្នោត លើកឡើងថា ការរៀបចំផ្ទៀងផ្ទាត់សន្លឹកឆ្នោតនេះ ជាការផ្តល់នូវភាពត្រឹមត្រូវ តម្លាភាពបន្ថែមទៀតជូនបណ្តាគណបក្សនយោបាយនានា។ ការផ្ទៀងផ្ទាត់សន្លឹកឆ្នោតមានរយៈពេល២ថ្ងៃ ចាប់ពីថ្ងៃទី១៣ ដល់ថ្ងៃទី១៤ ខែមិថុនា ឆ្នាំ២០២២ ខណៈគណៈកម្មការឃុំ-សង្កាត់រៀបចំការបោះឆ្នោតតាមបណ្តារាជធានី-ខេត្ត កំពុងបន្តដោះស្រាយបណ្តឹងជាបន្តបន្ទាប់។សម្រាប់ការបោះឆ្នោតឃុំ-សង្កាត់ អាណត្តិទី៥នេះ ក្នុងចំណោមប្រជាពលរដ្ឋសរុបជាង ៩លាននាក់ មានប្រជាពលរដ្ឋចូលរួមបោះឆ្នោតចំនួនជាង ៧លាន៣សែននាក់ បានចូលរួមបោះឆ្នោតឃុំ-សង្កាត់ អាណត្តិទី៥។ ក្រៅពីការរៀបចំរបស់ គ.ជ.ប ដោយស្របតាមនីតិវិធី និងតម្លាភាព ការបោះឆ្នោតឃុំ-សង្កាត់នេះ ក៏មានការចូលរួមសង្កេតការណ៍ដោយបណ្តាស្ថាប័ន អង្គការ សហគមន៍ចំនួន៧២ និងសហគមន៍អន្តរជាតិចំនួន១៩ ព្រមទាំងមានភ្ញៀវពិសេសចំនួន ៥ស្ថាប័នផងដែរ ក្នុងនោះមានស្ថានទូតជប៉ុន អូស្រ្តាលី និងរុស្ស៉ីជាដើម ខណៈអ្នកសង្កេតការណ៍ដែល គ.ជ.ប អនុញ្ញាតចូលរួមសរុបចំនួនជាង ៧ម៉ឺននាក់៕ អត្ថបទ សេក ឧត្តម

គណបក្សប្រជាជនកម្ពុជាប្តឹងលោក សុន ឆ័យ ឱ្យតុលាការផ្តន្ទាទោសតាមច្បាប់ និងទារសំណងជំងឺចិត្តចំនួន ៤.០០០លានរៀល(ប្រហែល ១លានដុល្លារ)

ភ្នំពេញ៖ គណបក្សប្រជាជនកម្ពុជា ប្តឹងលោក សុន ឆ័យ ពាក់ព័ន្ធការបំភ្លៃលើការពិតលើដំណើរការបោះឆ្នោតក្រុមប្រឹក្សាឃុំ/សង្កាត់ និង សុំឱ្យតុលាការផ្តន្ទាទោសតាមច្បាប់ និងទារសំណងជំងឺចិត្តចំនួន ៤.០០០លានរៀល (ប្រហែល ១លានដុល្លារអាមេរិក)។គួរបញ្ជាក់ថា លោក សុន ឆ័យ ក្នុងបទសម្ភាសន៍ក្នុងកម្មវិធី Idea Talk របស់ The Cambodia Daily បានចោទប្រកាន់ធ្ងន់ៗថា «លើកនេះ វាគ្រប់គ្រងដោយបក្សមួយទាំងស្រុង ពីលើដល់ក្រោម ចង់ធ្វើអ្វីក៏បានដែរ ហើយលទ្ធផលបោះឆ្នោត មិនឆ្លុះបញ្ចាំងពីឆន្ទៈពលរដ្ឋទេ វាមានការបំភ័យ វាមានការទិញ វាមានការលួច បានវាសល់ប៉ុណ្ណឹង....! »។លោក សុន ឆ័យ បានចោទប្រកាន់ទៀតថា «យើងមិនចង់ប្រៀបធៀបរឿងចោរលួចគោទេ ដូចយើងនិយាយអីចឹង ចោរលួចគោ បើវាលួចគោ៣ហើយ យើងម៉េចក៏មិនឱ្យវាលួចទាំង៥ទៅ អានេះយើងនិយាយភាសាសាមញ្ញទៅចុះ នេះជាឆន្ទៈពលរដ្ឋ ឆន្ទៈមួយចំនួនត្រូវគេបំបាត់ វានៅសល់ឆន្ទៈមួយចំនួនទៀត ដែលយើងការពារបាន....»៕

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»

ភ្នំពេញ៖ សម្តេចតេជោ ហ៊ុន សែន បានប្រកាសលើបណ្តាញសង្គម Facebook នៅមុននេះបន្តិថា សម្តេចមានការភ័ន្តច្រលំលើពេលវេលា ក្នុងការប្រកាសដោយផ្ទាល់មាត់ ពីការដំឡើងប្រាក់បៀវត្សរ៍ជូនមន្ត្រីរាជការ កងកម្លាំងប្រដាប់អាវុធ ក្នុងពេលជួបសំណេះសំណាលបិទវគ្គបណ្តុះបណ្តាលសិស្សសាលាភូមិសាលាភូមិន្ទរដ្ឋបាល កាលពីព្រឹកថ្ងៃទី១៣ ខែមិថុនា ឆ្នាំ២០២២ម្សិលម៉ិញ។ខ្លឹមសារសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា «ម្សិលមុិញ ខ្ញុំបានប្រកាសអំពីការដំឡើងបៀវត្សរ៍ជូនមន្ត្រីរាជការ និងកងកម្លាំងប្រដាប់អាវុធក្នុងភាពមិនច្បាស់លាស់អំពីពេលវេលា ដែលបង្កឱ្យមានការភ័ន្តច្រឡំ»។សម្តេចតេជោ ហ៊ុន សែន បានប្រកាសបន្ថែមដោយសង្កត់ធ្ងន់ថា ការដំឡើងបៀវត្សរ៍ និងត្រូវចាប់ផ្តើមនៅខែមករាឆ្នាំ២០២៣៕

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញចាក់វ៉ាក់សាំងដូសជំរុញ ដូសទី៥ បង្ការជំងឺកូវីដ-១៩ នៅវិមានរដ្ឋសភាដែលរៀបចំដោយក្រសួងសុខាភិបាល និងអគ្គលេខាធិការដ្ឋានរដ្ឋសភា នៅព្រឹកថ្ងៃទី១៤ មិថុនា ឆ្នាំ២០២២នេះ។សម្តេចប្រធានរដ្ឋសភាបានអំពាវនាវដល់ជនរួមជាតិទាំងអស់ទៅចាក់វ៉ាក់សាំងដូសជំរុញឱ្យបានគ្រប់គ្នាៗ ដើម្បីការពារជំងឺកូវីដ-១៩ ដោយសារជំងឺដ៍សាហាវនេះនៅតែជាក្តីកង្វល់របស់មនុស្សជាតិនៅឡើយ មានតែវ៉ាក់សំាងដែលអាចទប់ស្កាត់មិនឱ្យជំងឺនេះធ្លាក់ក្នុងសភាពក្នុងសភាពធ្ងន់ធ្ងរបាន។សម្តេចប្រធានរដ្ឋសភា បានអំពាវនាវដល់ជនរួមជាតិបន្តអនុវត្តវិធានការសុខាភិបាល បីកុំ បីការពារ ឱ្យបានខ្ជាប់ខ្ជួនជាប្រចាំ ទោះបីគ្រប់ៗគ្នាបាន ទទួលវ៉ាក់សំាងទំាងដូសមូលដ្ឋាន និងជំរុញហើយក្តី។សម្តេចអគ្គមហាពញាចក្រី ហេង សំរិន បានសម្តែងការកោតសរសើរចំពោះរាជរដ្ឋាភិបាល ដែលបានខិតខំប្រឹងប្រែងការពារអាយុជីវិតប្រជាពលរដ្ឋ ជាពិសេសការអនុវត្តគោលនយោបាយវ៉ាក់សាំងបានយ៉ាងជោគជ័យ នៅក្នុងនោះកម្ពុជាមិនខ្វះវ៉ាក់សំាងនឹងចាក់ជូនពលរដ្ឋឡើយជាមួយផែនការច្បាស់លាស់វែងឆ្ងាយទៅមុខទៀត ដូចជាការបង្កើតរោងចក្រផលិតវ៉ាក់សំាងនៅប្រទេសតែម្តង។សម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅចំពោះបណ្តាប្រទេសជាមិត្ត អង្គការដៃគូអភិវឌ្ឍន៍ទាំងឡាយដែលបានផ្តល់ជំនួយជាថវិកា វ៉ាក់សាំង និងឧបករណ៍វិទ្យាសាស្រ្តដល់កម្ពុជា ក្នុងការទប់ស្កាត់ ការពារអាយុជីវិតប្រជាពលរដ្ឋពីជំងឺកូវីដ-១៩ ជាបន្តបន្ទាប់ រហូតមក៕

កម្ពុជា-ចិន ចុះហត្ថលេខាស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាងឆ្នាំ២០២២

ភ្នំពេញ៖ ឯកឧត្ដម ប្រាក់ សុខុន ឧបនាយករដ្ឋមន្រ្ដី រដ្ឋមន្រ្ដីការបរទេស និងសហប្រតិបត្តិការអន្តរជាតិ និងឯកឧត្ដម វ៉ាង វិន ធាន (WANG Wentian) ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា នៅថ្ងៃទី១៣ ខែមិថុនានេះ បានចុះហត្ថលេខាលើកិច្ចព្រមព្រៀង ស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការ មេគង្គ-ឡានឆាង ឆ្នាំ២០២២ នៅទីស្ដីការក្រសួង។ក្រសួងការបរទេស និងសហប្រតិបត្តិការអន្តរជាតិ ក្រោយចប់ពិធីចុះហត្ថលេខា បានឲ្យដឹងថា ក្រោមក្របខ័ណ្ឌ មូលនិធិពិសេសនៃកិច្ចសហប្រតិបត្តិការមេគង្គ-ឡានឆាង គម្រោងចំនួន១៣ នឹងត្រូវបានគាំទ្រ និងផ្តល់មូលនិធិ ដែលមានទឹកប្រាក់ចំនួនជាង ៤លាន ៣៣ម៉ឺនដុល្លារ ភាគច្រើនគ្របដណ្តប់លើសកម្មភាពក្នុងវិស័យ បច្ចេកវិទ្យាព័ត៌មាន អភិវឌ្ឍន៍ជនបទ ទេសចរណ៍ បរិស្ថាន ការប្រយុទ្ធប្រឆាំងនឹងព័ត៌មានក្លែងក្លាយ អន្តោប្រវេសន៍ និងការគ្រប់គ្រងព្រំដែន ការស្រាវជ្រាវ អាកាសចរណ៍ ក៏ដូចជាការអភិរក្សបេតិកភណ្ឌ ក្នុងចំណោមវិស័យដទៃទៀត។ឯកឧត្តមឧបនាយករដ្ឋមន្ត្រី ប្រាក់ សុខុន បានមានប្រសាសន៍ថា ចាប់តាំងពីដាក់ឱ្យប្រើប្រាស់នៅឆ្នាំ២០១៦មក មូលនិធិពិសេសនេះ បានផ្ដល់នូវលទ្ធផលជាក់ស្ដែង និងបានរួមចំណែកក្នុងការលើកកម្ពស់ការអភិវឌ្ឍសេដ្ឋកិច្ច-សង្គមនៃប្រទេសមេគង្គ-ឡានឆាង។ឯកឧត្តម ឱ្យដឹងទៀតថា នៅឆ្នាំនេះ កម្ពុជាបានទទួលគម្រោងថ្មីចំនួន ១៣បន្ថែមទៀត ដែលមានថវិកាជាង ៤លានដុល្លារ។ គម្រោងថ្មីៗទាំងនេះ នឹងរួមចំណែកបន្ថែមទៀតក្នុងការដោះស្រាយតម្រូវការអភិវឌ្ឍន៍ នៅកម្ពុជា លើវិស័យអភិវឌ្ឍន៍ជនបទ ធនធានទឹក កសិកម្ម បរិស្ថាន ការកសាងសមត្ថភាព និងបេតិកភណ្ឌ វប្បធម៌។ឯកឧត្តមឧបនាយករដ្ឋមន្ត្រី បានលើកឡើងបន្តថា រយៈកាលកន្លងទៅ តាមរយៈមូលនិធិពិសេសនៃកិច្ចសហប្រតិបត្តិការមេគង្គ-ឡានឆាងនេះ កម្ពុជាទទួលបានអត្ថប្រយោជន៍ពីគម្រោងជាក់ ស្ដែងចំនួន៨០ ដែលមានឥទ្ធិពល វិជ្ជមានយ៉ាងធំធេងទៅលើការរស់នៅរបស់ប្រជាជន តាមរយៈការអភិវឌ្ឍសេដ្ឋកិច្ច និងសង្គមដ៏រឹងមាំ និងធន់ ក៏ដូចជារួមចំណែកដល់ការលើកកម្ពស់ជីវភាពរស់នៅរបស់ប្រជាជននៅទូទាំងអនុតំបន់ផងដែរ។ ឯកឧត្តមបន្តថា បើទោះជារងនូវផលប៉ះពាល់នៃជំងឺរាតត្បាតកូវីដ-១៩ រួមជាមួយបញ្ហាប្រឈមនានានៅក្នុងតំបន់ និងសកលយ៉ាងណាក៏ដោយ យើងបានជួបជុំគ្នានៅទីនេះថ្ងៃនេះ ដើម្បីអបអរសាទរ និងបង្ហាញពីភាពធន់ តាមរយៈព្រឹត្តិការណ៍ជាទៀងទាត់នេះ ក្នុងគោលបំណងបញ្ជាក់ឡើងវិញនូវជំនឿចិត្ត និងការប្ដេជ្ញាចិត្តនៅក្នុងកិច្ចសហប្រតិបត្តិការពហុភាគី ដែលផ្ដោតលើការអភិវឌ្ឍ៕ អត្ថបទ៖ ឈិត បូរ៉ាវី

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

ភ្នំពេញ៖ ឯកឧត្តមទេសរដ្ឋរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានជំរុញឲ្យពង្រឹងការរៀបចំនៅថ្នាក់ជាតិ និងថ្នាក់ក្រោមជាតិ ត្រៀមឆ្លើយតបឲ្យបានទាន់ពេលវេលា ពាក់ព័ន្ធបញ្ហាគ្រោះមហន្តរាយ ដែលអាចកើតមាននៅក្នុងរដូវវស្សានេះ ។ ក្នុងកិច្ចប្រជុំឆ្លងរបាយការណ៍ ស្តីពីលទ្ធផលការងារគ្រប់គ្រងគ្រោះមហន្តរាយ ក្នុងខែឧសភា និងទិសដៅអនុវត្ត ខែមិថុនា ឆ្នាំ២០២២ នាថ្ងៃទី១៣ ខែមិថុនា ឆ្នាំ២០២២ ឯកឧត្តម គន់ គីម មានប្រសាសន៍ថា អ្នកពាក់ព័ន្ធត្រូវពង្រឹងយន្តការ នៃការតាមដានស្ថានភាពអាកាសធាតុ និងហេតុការណ៍គ្រោះមហន្តរាយ ដែលកើតមានក្នុងក្របខណ្ឌទូទាំងប្រទេស និងក្នុងតំបន់ ដើម្បីបន្តការផ្សព្វផ្សាយឱ្យដល់សហគមន៍ បានទាន់ពេលវេលា ។ឯកឧត្តម បានបន្តថា ថ្នាក់ជាតិ និងថ្នាក់ក្រោមជាតិ ត្រូវពង្រឹងការត្រៀមរៀបចំ ដើម្បីឆ្លើយតបទៅនឹងហេតុការណ៍គ្រោះមហន្តរាយ ដែលអាចនឹងកើតមានក្នុងរដូវវស្សា ឱ្យទាន់ពេលវេលាតាមរយៈកិច្ចសហប្រតិបត្តិការ ជាមួយក្រសួងស្ថាប័នពាក់ព័ន្ធ កងប្រតិបត្តិការរុករក និងសង្គ្រោះ កាកបាទក្រហមកម្ពុជា អាជ្ញាធរមូលដ្ឋាន ដៃគូអភិវឌ្ឍន៍ និងអង្គការដៃគូ ។ ជាមួយនេះ ឯកឧត្តមទេសរដ្ឋមន្ត្រី បានវាយតម្លៃខ្ពស់ និងកោតសរសើរថ្នាក់ដឹកនាំ និងមន្ត្រីទាំងអស់ ដែលប្រឹងប្រែងដោះស្រាយការលំបាក និងបានអនុវត្តការងារបានច្រើនគួរឱ្យកត់សម្គាល់ ដើម្បីឆ្លើយតបនឹងបញ្ហាគ្រោះមហន្តរាយផ្សេងៗ ដែលបានកើតឡើងជារៀងរាល់ឆ្នាំ ។យោងតាមរបាយការណ៍ បានឱ្យដឹងថា ភ្លៀងកក់ខែក្នុងរដូវប្រាំងឆ្នាំនេះ បានបន្តធ្លាក់រាយប៉ាយតាមបណ្តាខេត្តជាច្រើន ហើយខេត្តខ្លះមានភ្លៀងធ្លាក់ ក្នុងបរិមាណពី៧០-១០០មីលីម៉ែត្រ រហូតមានប៉ះពាល់ដំណាំស្រូវរបស់ពលរដ្ឋ ហើយមានករណីបាក់ដាច់ទំនប់អាងស្តុកទឹក របស់ក្រុមហ៊ុនចំការចេកហ័ងអាញ់ ក្នុងឃុំស្រែអង្រ្កង ស្រុកកូនមុំ ខេត្តរតនគិរី បណ្តាលឱ្យលិចផ្ទះកម្មករ ៧ល្វែង មាន១៥០ បន្ទប់និងតូបលក់ទំនិញ២ ជម្លៀសកម្មករទៅទីទួលសុវត្តិភាពចំនួន ១៧៦គ្រួសារ ស្មើ៥៧០នាក់ ។របាយការណ៍បន្តថា បញ្ហាគ្រោះមហន្តរាយ បង្កឡើងដោយខ្យល់កន្រ្តាក់ នៅដើមឆ្នាំនេះ បានប៉ះពាល់រាជធានី-ខេត្ត ចំនួន១៣ ស្លាប់មនុស្សម្នាក់ ខណៈករណីរន្ទះបាញ់ ធ្វើឱ្យបាត់បង់អាយុជីវិត ចំនួន១៣នាក់ (ស្រី៣) របួស៨នាក់ និងងាប់គោក្របី ៣០ក្បាល ។ ចំណែកបញ្ហាអគ្គិភ័យ កើតមានចំនួន ៣៧លើក នៅរាជធានី-ខេត្ត ចំនួន១៦ ខូចខាតផ្ទះចំនួន ១៣៧ខ្នង-ល្វែង ស្លាប់មនុស្ស ៥នាក់ និងរបួស ៦នាក់ ៕ (ដោយ៖ បាន សុខរិទ្ធិ)

នាយឧត្តមសេនីយ៍ សៅ សុខា ដឹកនាំកិច្ចប្រជុំជាមួយភាគីវៀតណាម ដើម្បីត្រៀមរៀបចំពិធីខួបលើកទី៤៥

ត្បូងឃ្មុំ៖ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពតនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅព្រឹកថ្ងៃទី១៣ ខែមិថុនា ឆ្នាំ២០២២ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ បានអញ្ជើញដឹកនាំកិច្ចប្រជុំជាមួយភាគីវៀតណាម ដើម្បីត្រៀមរៀបចំពិធីខួបលើកទី៤៥ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ – ២០ មិថុនា ២០២២) និងសម្ពោធសមិទ្ធផលនានា នៅតំបន់ប្រវត្តិសាស្ត្រយោធាតេជោកោះថ្ម X-16 ។

ផ្សាយឡើងវិញ!! ប្រសាសន៍សម្ដេចតេជោ ហ៊ុន សែន ក្នុងពិធីបិទវគ្គបណ្ដុះបណ្ដាលឆ្នាំ២០២០-២០២១ របស់សាលាភូមិន្ទរដ្ឋបាល

នៅព្រឹកថ្ងៃទី១៣ ខែមិថុនា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបិទវគ្គ បណ្ដុះបណ្ដាលឆ្នាំ២០២០-២០២១ និងបើកវគ្គបណ្ដុះបណ្ដាលឆ្នាំ ២០២២ របស់សាលាភូមិន្ទរដ្ឋបាល នៅមជ្ឈមណ្ឌលសន្និបាតនិងពិព័រណ៍អន្តរជាតិជ្រោយចង្វា៕

គ.ជ.ប ចាប់ផ្តើមដំណើរការផ្ទៀងផ្ទាត់សន្លឹកឆ្នោត

ភ្នំពេញ៖ នៅថ្ងៃនេះ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប បានចាប់ផ្តើមដំណើរការផ្ទៀងផ្ទាត់សន្លឹកឆ្នោត នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥។ថ្លែងប្រាប់អ្នកសារព័ត៌មាន នៅថ្ងៃទី១៣ ខែមិថុនា ឆ្នាំ២០២២ ឯកឧត្តម ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា បន្ទាប់ពីលទ្ធផលបឋម និងការបិទផ្សាយលទ្ធផលបណ្តោះអាសន្នជាសាធារណៈ តាមបណ្តាគណៈកម្មការឃុំ-សង្កាត់រៀបចំការបោះឆ្នោត នៅទូទាំងប្រទេស បានបញ្ចប់ គ.ជ.ប កំពុងឈានដល់ដំណាក់កាលធ្វើការផ្ទៀងផ្ទាត់សន្លឹកឆ្នោតរបស់ប្រជាពលរដ្ឋក្នុងបោះឆ្នោតជ្រើសរើសក្រុមប្រឹក្សាឃុំ-សង្កាត់។ ឯកឧត្តម បន្តថា គ.ជ.ប បានរៀបចំក្រុមការងារចំនួន៥ក្រុម ដើម្បីប្រមូលលទ្ធផលការបោះឆ្នោត ក្នុងការផ្ទៀងផ្ទាត់សន្លឹកឆ្នោតនីមួយៗ សំដៅធានាអំពីភាពត្រឹមត្រូវ ក៏ដូចជាការរាប់សន្លឹកឆ្នោតកាលពីកន្លងទៅ។ឯកឧត្តម ហង្ស ពុទ្ធា អះអាងថា ការផ្ទៀងផ្ទាត់សន្លឹកឆ្នោតត្រូវបានអនុញ្ញាតឲ្យតាមដានទាំងតំណាងគណបក្សនយោបាយ និងអ្នកសង្កេតការណ៍ជាតិ និងអន្តរជាតិ។ដោយឡែក លោក សាខុន ប៉ូរិន តំណាងសហព័ន្ធនិស្សិតបញ្ញវន្តប្រជាធិបតេយ្យកម្ពុជា លើកឡើងថា ការចំហររបស់ គ.ជ.ប ជុំវិញការផ្ទៀងផ្ទាត់សន្លឹកឆ្នោតឆ្លុះបញ្ចាំងថា គ.ជ.ប បានអនុវត្តត្រឹមត្រូវទៅតាមច្បាប់របស់ខ្លួន។គួរបញ្ជាក់ថា ការផ្ទៀងផ្ទាត់សន្លឹកឆ្នោត មានរយះពេល២ថ្ងៃ ចាប់ពីថ្ងៃទី១៣ ដល់ថ្ងៃទី១៤ ខែមិថុនា ឆ្នាំ២០២២ ខណៈគណៈកម្មការឃុំ-សង្កាត់រៀបចំការបោះឆ្នោតតាមបណ្តារាជធានី-ខេត្តកំពុងបន្តដោះស្រាយបណ្តឹងជាបន្តបន្ទាប់។សម្រាប់ការបោះឆ្នោតឃុំ-សង្កាត់ អាណត្តិទី៥នេះ ក្នុងចំណោមប្រជាពលរដ្ឋសរុបជាង ៩លាននាក់ មានប្រជាពលរដ្ឋចូលរួមបោះឆ្នោតចំនួនជាង ៧លាន៣សែន បានចូលរួមបោះឆ្នោតឃុំ-សង្កាត់ អាណត្តិទី៥។ ក្រៅពីការរៀបចំរបស់ គ.ជ.ប ដោយស្របតាមនីតិវិធី និងតម្លាភាពការបោះឆ្នោតឃុំ-សង្កាត់នេះ ក៏មានការចូលរួមសង្កេតការណ៍ដោយបណ្តាស្ថាប័ន អង្គការ សហគមន៍ចំនួន៧២ និងសហគមន៍អន្តរជាតិចំនួន១៩ ព្រមទាំងមានភ្ញៀវពិសេសចំនួន ៥ស្ថាប័នផងដែរ ក្នុងនោះមានស្ថានទូតជប៉ុន អូស្រ្តាលី និងរុស្ស៉ីជាដើម ខណៈអ្នកសង្កេតការណ៍ដែល គ.ជ.ប អនុញ្ញាតចូលរួមសរុបចំនួនជាង ៧ម៉ឺននាក់៕ អត្ថបទ សេក ឧត្តម

បណ្ដាញសង្គម

ព័ត៌មានថ្មីៗ

លោក Putin៖ រុស្ស៊ីត្រៀមរួចរាល់សម្រាប់ការចរចាជាមួយអ៊ុយក្រែន លុះត្រាផ្អែកលើកិច្ចព្រមព្រៀងទីក្រុងអ៊ីស្តង់ប៊ុលឆ្នាំ២០២២

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

សមាគមរៀបចំពិធីចាប់ឆ្នោតប្រគល់ផ្ទះជូនអតីតយុទ្ធជនចំនួន ៥១គ្រួសារនៅភូមិប៊ុនរ៉ានីសែនជ័យដំណាក់ទ្រយឹង

សល់តែ៦ថ្ងៃទៀតប៉ុណ្ណោះ សម្រាប់ «យុទ្ធនាការ ១ម៉ឺនរៀល ១ម៉ឺននាក់ ឆ្នាំ២០២៦» របស់មូលនិធិគន្ធបុប្ផាកម្ពុជា, សូមចូលរួមបរិច្ចាគ ដើម្បីមន្ទីរពេទ្យគន្ធបុប្ផា អាចបន្តបេសកកម្មសង្រ្គោះជីវិតទារក និងកុមារនៅកម្ពុជា

រលកកម្ដៅដ៏ក្ដៅបំផុតមិនធ្លាប់មាន បង្កឱ្យមានការព្រមានពីសុខភាពនៅទូទាំងទ្វីបអឺរ៉ុប

ប្រធានាធិបតីរុស្ស៊ី លោក Putin និយាយថា ទីក្រុងគីវ ចង់បង្កអស្ថិរភាពដល់រុស្ស៊ី

សហរដ្ឋអាមេរិក ជំរុញសន្តិភាពយូរអង្វែង ខណៈកិច្ចចរចារវាងអ៊ីស្រាអែលនិងលីបង់ ចាប់ផ្តើម

កម្ពុជាសង្កត់ធ្ងន់ពីសារៈសំខាន់នៃការអនុវត្តសេចក្តីសម្រេចចិត្តរបស់ក្រុមប្រឹក្សាសន្តិសុខ និងការមិនអាចរំលោភបំពានបានលើសាលដីការបស់តុលាការយុត្តិធម៌អន្តរជាតិ

អង្គការសហប្រជាជាតិ ចាប់ផ្តើមជម្លៀសនាវិកជាង១១.០០០នាក់ ដែលជាប់ខ្លួននៅច្រកសមុទ្រ Hormuz

រដ្ឋមន្ត្រីការបរទេសអាមេរិក ច្រានចោលការទាមទារឲ្យបង់ប្រាក់របស់អ៊ីរ៉ង់នៅច្រកសមុទ្រ Hormuz ខណៈភាពតានតឹងនៃកិច្ចព្រមព្រៀងកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មេបញ្ជាការតំបន់ប្រតិបត្តិការសឹករងខេត្តឧត្តរមានជ័យ ជួបជាមួយប្រតិភូយោធភូមិភាគទី៧ កងទ័ពប្រជាជនវៀតណាម

អ្នកនាំពាក្យ គ.ជ.ប៖ ការផ្ទៀងផ្ទាត់សន្លឹកឆ្នោត២ថ្ងៃនេះ គ្មានភាពមិនប្រក្រតីកើតឡើងឡើយ

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

កម្ពុជា-ចិន ចុះហត្ថលេខាស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាងឆ្នាំ២០២២

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

នាយឧត្តមសេនីយ៍ សៅ សុខា ដឹកនាំកិច្ចប្រជុំជាមួយភាគីវៀតណាម ដើម្បីត្រៀមរៀបចំពិធីខួបលើកទី៤៥

គ.ជ.ប ចាប់ផ្តើមដំណើរការផ្ទៀងផ្ទាត់សន្លឹកឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មេបញ្ជាការតំបន់ប្រតិបត្តិការសឹករងខេត្តឧត្តរមានជ័យ ជួបជាមួយប្រតិភូយោធភូមិភាគទី៧ កងទ័ពប្រជាជនវៀតណាម

អ្នកនាំពាក្យ គ.ជ.ប៖ ការផ្ទៀងផ្ទាត់សន្លឹកឆ្នោត២ថ្ងៃនេះ គ្មានភាពមិនប្រក្រតីកើតឡើងឡើយ

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍​​ និងត្រូវចាប់ផ្តើមនៅខែមករា ឆ្នាំ២០២៣»

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

កម្ពុជា-ចិន ចុះហត្ថលេខាស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាងឆ្នាំ២០២២

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

នាយឧត្តមសេនីយ៍ សៅ សុខា ដឹកនាំកិច្ចប្រជុំជាមួយភាគីវៀតណាម ដើម្បីត្រៀមរៀបចំពិធីខួបលើកទី៤៥

គ.ជ.ប ចាប់ផ្តើមដំណើរការផ្ទៀងផ្ទាត់សន្លឹកឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»