BTV NEWS

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ និង ការអភិវឌ្ឍន៍

ឯកឧត្តមឧបនាយករដ្ឋមន្ត្រី កែ គឹមយ៉ាន ដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

កំពង់ចាម៖ នៅព្រឹកថ្ងៃទី ៧ ខែឧសភា ឆ្នាំ២០២២ នេះ ឯកឧត្តមឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានដឹកនាំប្រតិភូដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង សមាជិកគណៈកម្មាធិការអចិន្រ្តៃយ៍រដ្ឋសភា និងជាតំណាងរាស្រ្តមណ្ឌលខេត្តកំពង់ចាម ដែលតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម។

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ដឹកនាំសមាជិកព្រឹទ្ធសភាដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

កំពង់ចាម៖ នៅព្រឹកថ្ងៃទី ៧ ខែឧសភា ឆ្នាំ២០២២ នេះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានដឹកនាំសមាជិក សមាជិកាព្រឹទ្ធសភា ដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម ខេត្តកំពង់ចាម។

គ.ជ.ប៖ អ្នកមានឈ្មោះបោះឆ្នោតបានបាត់ ខូច ឬអត្តសញ្ញាណប័ណ្ណហួសសុពលភាព សូមទៅឃុំសង្កាត់ ធ្វើលិខិតបញ្ជាក់

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសថា ប្រជាពលរដ្ឋណា ដែលមានឈ្មោះក្នុងបញ្ជីបោះឆ្នោត ប៉ុន្តែបានបាត់ ខូច អត្តសញ្ញាណប័ណ្ណហួសសុពលភាព ឬកំពុងធ្វើតែមិនទាន់បានទទួល សូមអញ្ជើញទៅគណៈកម្មការរៀចំកាបោះឆ្នោតឃុំ-សង្កាត់ ដែលខ្លួនបោះឆ្នោត ដើម្បីឲ្យមន្ត្រីជួយធ្វើលិខិតបញ្ជាក់ ដើម្បីបានសិទ្ធិបោះឆ្នោតនាពេលខាងមុខនេះ ។នៅក្នុងពិធីផ្សព្វផ្សាយ ជូនដល់តំណាងគណបក្សនយោបាយ អង្គការសង្កេតការណ៍បោះឆ្នោត និងអ្នកសារព័ត៌មាន អំពីដំណើរការបោះពុម្ពសន្លឹកឆ្នោត នៅថ្ងៃទី៦ ខែឧសភា ឆ្នាំ២០២២ ឯកឧត្តម សោម សូលីដា អគ្គលេខាធិការរងគណៈកម្មាធិការជាតិរៀបចំការបោះឆ្នោត បានលើកឡើងថា ការទៅធ្វើលិខិតបញ្ជាក់នេះ ត្រឹមតែរយៈពេល១ខែ គឺចាប់ពីថ្ងៃទី៥ ខែឧសភា ដល់ថ្ងៃទី៣ ខែមិថុនា ឆ្នាំ២០២២ ដូចនេះអ្នកសារព័ត៌មាននានា ក៏ដូចជាអាជ្ញាធរមូលដ្ឋាន ជួយផ្សព្វផ្សាយឲ្យបានទូលំទូលាយ ដើម្បីឲ្យប្រជាពលរដ្ឋបានដឹង ។ការបោះឆ្នោតជ្រើសរើសក្រុមប្រឹក្សាឃុំសង្កាត់ នៅក្នុងអាណត្តិទី៥នេះ ដែលនឹងប្រព្រឹត្តិទៅនៅថ្ងៃទី៥ ខែមិថុនា ឆ្នាំ២០២២ ពលរដ្ឋមានឈ្មោះក្នុងបញ្ជីឈ្មោះបោះឆ្នោតចំនួនជាង៩លាន ២សែននាក់ ដោយបច្ចុប្បន្ន គ.ជ.ប កំពុងបោះពុម្ភសន្លឹកឆ្នោត ចំនួនជាង ៩២០០ ០០០សន្លឹក រួមទាំងសន្លឹកឆ្នោតត្រៀមបម្រុងចំនួនជាង ១លាន ២សែនសន្លឹកថែមទៀត ហើយមានគណបក្សនយោបាយ នឹងចូលរួមឈរឈ្មោះឆ្នោតចំនួន ១៧គណបក្ស ៕

ប្រធានក្រុមការងារគណបក្សចុះមូលដ្ឋានឃុំកំពង់ហៅ សំណេះសំណាលជាមួយសមាជិកបក្សជាង ៨០០នាក់

កំពង់ឆ្នាំង៖ លោក ឆាយ លាភា ប្រធានក្រុមការងារថ្នាក់ខេត្តចុះមូលដ្ឋានឃុំពង់ហៅ ស្រុកកំពង់លែង និងក្រុមការងារ បានចុះជួបសំណេះសំណាលជាមួយមេគ្រួសារបក្សចំនួន ៨០៥នាក់ មកពីភូមិកោះក្អែក និងភូមិដូនវៀត ឃុំកំពង់ហៅ ស្រុកកំពង់លែង ខេត្តកំពង់ឆ្នាំង នៅថ្ងៃទី០៦ ខែឧសភា ឆ្នាំ២០២២។លោក ឆាយ លាភា បានថ្លែងអំណរគុណដល់បងប្អូន សមាជិក-សមាជិកា គណបក្សប្រជាជន ដែលតែងតែគាំទ្រ ស្រឡាញ់ និងបោះឆ្នោតជូនគណបក្សប្រជាជន ជារៀងរហូតមក និងពន្យល់ដល់សមាជិក-សមាជិកា ដែលចូលរួមទាំងអស់ ឲ្យចងចាំជានិច្ចពីគុណូបការៈរបស់គណបក្សប្រជាជនកម្ពុជា និងបោះឆ្នោតជូនគណបក្សឲ្យបានគ្រប់ៗគ្នា និងបានបង្ហាញពីការរីកចម្រើន ការអភិវឌ្ឍន៍គ្រប់វិស័យ ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលសម្រេចបានកន្លងមក។ ជាមួយគ្នានេះលោក ឆាយ លាភា បានសំណូមពរដល់បងប្អូនយើងកុំឲ្យចាញ់បោកសំដីភូតភរ កុហុក បោកប្រាស់ របស់ពួកអគតិ ។

កម្ពុជា ធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅកាន់មីយ៉ាន់ម៉ា

ភ្នំពេញ៖ នៅថ្ងៃនេះ ឯកឧត្តម ឧបនាយករដ្ឋមន្រ្តី ប្រាក់ សុខុន និងអគ្គលេខាធិការអាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា។នៅថ្ងៃទី៦ ខែឧសភា ឆ្នាំ២០២២ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសនិង សហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់ ត្រូវបានអញ្ជើញចូលរួមដោយផ្ទាល់ និងតាមប្រព័ន្ធវីដេអូ ដោយតំណាងជាន់ខ្ពស់មកពីប្រទេសជាសមាជិកអាស៊ានទាំងអស់ ដៃគូខាងក្រៅរបស់ អាស៊ាន ទីភ្នាក់ងារជំនាញអង្គការសហប្រជាជាតិ និងបណ្តាអង្គការអន្តរជាតិពាក់ព័ន្ធនៅក្នុងប្រទេសមីយ៉ាន់ម៉ា។ក្នុងកិច្ចប្រជុំ ឯកឧត្តម ឧបនាយករដ្ឋមន្រ្តី ប្រាក់ សុខុន មានប្រសាសន៍ថា កិច្ចប្រជុំនាពេលនេះ គឺជាឱកាសផ្លាស់ប្តូរទស្សនៈ និងបទពិសោធនគ្នាទៅវិញទៅមក ដើម្បីរៀបចំជាជំនួយមនុស្សធម៌ជូនប្រជាជនមីយ៉ាន់ម៉ា។ ឯកឧត្តម សង្កត់ធ្ងន់ថា ក្នុងនាមគ្រួសារសហគមន៍អាស៊ាន ត្រូវធ្វើយ៉ាងណាមិនឱ្យប្រជាជនមីយ៉ាន់ម៉ា ណាម្នាក់ ត្រូវបានទុកចោលឡើយ។ជាមួយគ្នានេះ ឯកឧត្តម លឹម ចុក ហ៊ុយ អគ្គលេខាធិការអាស៊ាន មានប្រសាសន៍ថា អាស៊ានត្រូវជួយគ្នាទៅវិញទៅមកផ្អែកលើបញ្ហាសុខភាពរបស់ប្រជាជនមីយ៉ាន់ម៉ា ដោយការចែកចាយជំនួយមនុស្សធម៌ពីដៃគូសន្ទនានានា។កិច្ចប្រជុំពិគ្រោះយោបល់នេះ នឹងផ្តល់ជាវេទិកាកម្រិតខ្ពស់មួយសម្រាប់អាស៊ានធ្វើការពិភាក្សាផ្តួចផ្តើមឱ្យមានកិច្ចសន្ទនាមួយដែលមានការចូលរួមពីភាគីពាក់ព័ន្ធ ដើម្បីផ្តល់នូវមគ្គុទេ្ទសក៍អំពីរបៀបក្នុងការជំរុញជំនួយមនុស្សធម៌របស់អាស៊ានឱ្យទៅដល់ប្រជាជនមីយ៉ាន់ម៉ា ដែលកំពុងត្រូវការបំផុតដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះយោបល់នេះ រៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការផ្តល់ជំនួយមនុស្សធម៌នៅមីយ៉ាន់ម៉ា ដើម្បីធានាបានថា នឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយចំពោះបញ្ហាប្រឈមនានា ដែលពាក់ព័ន្ធទៅនឹងប្រតិបត្តិការរបស់មជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ស្តីពីការគ្រប់គ្រង គ្រោះមហន្តរាយ និងវិធីសាស្រ្តនានាដែលជួយគាំទ្រទៅដល់ការផ្តល់វ៉ាក់សាំងបង្ការជំងឺកូវីដ-១៩ ទៅដល់សហគមន៍នានានៅមីយ៉ាន់ម៉ាផងដែរ៕ អត្ថបទ សេក ឧត្តម

តំណាងគណបក្សនយោបាយ និងអ្នកសង្កេតការណ៍ទៅពិនិត្យទីតាំងបោះពុម្ពសន្លឹកឆ្នោត ដើម្បីបង្ហាញពីតម្លាភាព

ភ្នំពេញ៖ តំណាងគណបក្សនយោបាយនានា ដែលនឹងចូលរួមបោះឆ្នោត ជ្រើសរើសក្រុមប្រឹក្សាឃុំសង្កាត់នាពេលខាងមុខ អង្គការសង្កេតការណ៍បោះឆ្នោត និងអ្នកសារព័ត៌មាន បានចុះពិនិត្យទីតាំងបោះពុម្ភសន្លឹកឆ្នោតរបស់ គណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីបង្ហាញពីតម្លាភាព និងយុត្តិធម៌សម្រាប់គណបក្សទាំងអស់ ។នៅក្នុងពិធីផ្សព្វផ្សាយ ជូនដល់តំណាងគណបក្សនយោបាយ អង្គការសង្កេតការណ៍បោះឆ្នោត និងអ្នកសារព័ត៌មាន អំពីដំណើរការបោះពុម្ពសន្លឹកឆ្នោត នៅថ្ងៃទី៦ ខែឧសភា ឆ្នាំ២០២២ ឯកឧត្តម ប្រាជ្ញ ចន្ទ ប្រធាន គ.ជ.ប មានប្រសាសន៍ថា នៅមុនពេលបោះឆ្នោត គឺគ.ជ.ប តែងតែអញ្ជើញគ្រប់ភាគីទាំងអស់ ដើម្បីទៅពិនិត្យនិងសង្កេតមើលសង្វាក់ នៃកន្លែងផលិតសន្លឹកឆ្នោតជាក់ស្ដែង ខណៈការបោះឆ្នោតក្រុមប្រឹក្សាឃុំសង្កាត់ នៅមិនដល់១ខែទៀតនោះ ។ឯកឧត្តម បានបន្តថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥នេះ មាន ១៦៥២ ឃុំ-សង្កាត់ ហើយសន្លឹកឆ្នោតត្រូវផលិតចំនួន ១ ៦៥២ប្រភេទ ទៅតាមឃុំសង្កាត់ បានន័យថា ឃុំសង្កាត់នីមួយៗជាមណ្ឌលបោះឆ្នោត ហើយសន្លឹកឆ្នោតតាមឃុំសង្កាត់នីមួយៗ ត្រូវធ្វើទៅតាមចំនួនគណបក្ស ដែលបានឈរបេក្ខជន និងតាមការចាប់លំដាប់លេខរៀង ។បើតាមឯកឧត្តម ហង្ស ពុទ្ធា អ្នកនាំពាក្យ គ.ជ.ប លើកឡើងថា នៅក្នុងការិយាល័យបោះឆ្នោតនីមួយៗ គឺតួលេខនៃការបោះពុម្ភសន្លឹកឆ្នោត ត្រូវនឹងចំនួនបញ្ជីឈ្មោះនៅក្នុងការិយាល័យ និងបូកចំនួន ចន្លោះពី២៥ ទៅ៧៤សន្លឹក ហើយនៅទូទាំងប្រទេស សន្លឹកឆ្នោតមានចំនួន ៩ ២០៥ ៦៨១នាក់ និងការិយាល័យបោះឆ្នោតមានចំនួន ២៣ ៦០២ការិយាល័យ ហើយសម្រាប់សន្លឹងឆ្នោតត្រៀមបម្រុងមានចំនួន ១ ២៣៩ ០០០សន្លឹក ។គួរបញ្ជាក់ថា បោះឆ្នោតក្រុមប្រឹក្សាឃុំសង្កាត់ នឹងធ្វើឡើងនៅថ្ងៃទី៥ ខែមិថុនា ឆ្នាំ២០២២ ដោយមានគណបក្សនយោបាយចំនួន១៧ ចូលរួមឈរឈ្មោះ ហើយគណបក្សប្រជាជនកម្ពុជា មានបេក្ខជនឈរឈ្មោះជាប្រធានក្រុមប្រឹក្សាឃុំសង្កាត់ ទាំង១ ៦៥២ឃុំ-សង្កាត់ ៕ អត្ថបទ បាន សុខរិទ្ធិ

ប្រេសិតពិសេសប្រធានអាស៊ាន និងអគ្គលេខាធិការអាស៊ាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា

ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ និងជាប្រេសិតពិសេសប្រធានអាស៊ានសម្រាប់មីយ៉ាន់ម៉ា និងឯកឧត្តម លឹម ចុកហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌អាស៊ាន ធ្វើជាសហប្រធាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌អាស៊ានសម្រាប់មីយ៉ាន់ម៉ា នៅព្រឹកថ្ងៃទី ០៦ ខែឧសភា ឆ្នាំ២០២២នេះ នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់នេះ ផ្តល់ជាវេទិកាកម្រិតខ្ពស់មួយសម្រាប់អាស៊ានធ្វើការពិភាក្សាផ្តួចផ្តើមឱ្យមានកិច្ចសន្ទនាមួយដែលមានការចូលរួមពីភាគីពាក់ព័ន្ធ ដើម្បីផ្តល់នូវមគ្គុទេ្ទសក៍អំពីរបៀបក្នុងការជំរុញជំនួយមនុស្សធម៌របស់អាស៊ានឱ្យទៅដល់ប្រជាជនមីយ៉ាន់ម៉ា ដែលកំពុងត្រូវការបំផុត ដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះ យោបល់ នេះ រៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការ ផ្តល់ជំនួយមនុស្សធម៌ នៅមីយ៉ាន់ម៉ា ដើម្បីធានាបានថានឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយ ចំពោះបញ្ហាប្រឈម នានា ដែលពាក់ព័ន្ធប្រតិបត្តិការរបស់មជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ ស្តីពីការគ្រប់គ្រងគ្រោះមហន្តរាយ (AHA Centre), និងវិធីសាស្រ្តនានាដែលជួយគាំទ្រទៅដល់ការផ្តល់ វ៉ាក់សាំងជំងឺកូវីដ-១៩ ទៅដល់សហគមន៍នានានៅមីយ៉ាន់ម៉ា៕

សម្តេចតេជោ ហ៊ុន សែន៖ បងប្អូនយើងបែកគ្នាដោយពុំបានលាគ្នា...បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសរសេរសារខ្លីដ៏សង្វេគ នៃមរណភាពឯកឧត្តម ហ៊ុន ណេង ដែលជាបងប្រុសបង្កើត ដោយមានខ្លឹមសារថា «បងប្អូនយើងបែកគ្នា ដោយពុំបានលាគ្នា និងនិយាយជាមួយគ្នាសូម្បីមួយម៉ាត់។ បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ»។គួរបញ្ជាក់ថា ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម បានទទួលមរណភាពដោយគាំងបេះដូង នៅរសៀលថ្ងៃទី០៥ ខែឧសភា ឆ្នាំ២០២២នេះ ក្នុងជន្មាយុ៧២ឆ្នាំ ៕

បងប្អូនខ្មែររស់នៅអាមេរិក មានមោទនភាព នឹងក្រវីទង់ជាតិខ្មែរទទួលស្វាគមន៍សម្តេចតេជោ

ភ្នំពេញ៖ បងប្អូនប្រជាពលរដ្ឋខ្មែរមួយចំនួន បានសម្តែងមោទនភាព នឹងត្រៀមទង់ជាតិខ្មែរក្រវីស្វាគមន៍ ពេលវត្តមានសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅសហរដ្ឋអាមេរិក ខណៈប្រធានាធិបតីសហរដ្ឋអាមេរិកលោក ចូ បៃឌិន អញ្ជើញសម្តេចទៅកាន់អាមេរិក ដើម្បីចូលរួមកិច្ចប្រជុំកំពូលពិសេសអាស៊ានអាមេរិក ដែលនឹងប្រព្រឹត្តទៅ នាថ្ងៃទី១២-១៣ខាងមុខនេះ។នៅក្នុងកិច្ចសម្ភាសន៍ជាមួយទូរទស្សន៍BTVតាមរយៈវិដេអូពីចម្ងាយ (ពី USA) នាព្រឹកថ្ងៃទី៥ ខែឧសភា ឆ្នាំ២០២២នេះ ប្រជាពលរដ្ឋ បានលើកឡើងថា ក្នុងនាមលោកជាពលរដ្ឋខ្មែរម្នាក់ដែលកំពុងស្នាក់អាស្រ័យនៅសហរដ្ឋអាមេរិក លោកពិតជាមានមោទនភាពយ៉ាងខ្លាំងចង់មើលចង់ឃើញ និងចង់ជួបមុខសម្តេចតេជោ ហ៊ុន សែន ពេលដែលសម្តេចទៅដល់សហរដ្ឋអាមេរិក ខណៈដែលលោកចង់មើលចង់ឃើញ មុខសម្តចដោយផ្ទាល់នេះ ដោយសារតែលោកស្ងប់ស្ងែងថា ជាក្មេងកសិករក្រីក្រម្នាក់បានក្លាយទៅជានាយករដ្ឋមន្រ្តីដឹកនាំប្រទេសជាតិនោះ។សម្ដេចតេជោ ហ៊ុន សែន នឹងអញ្ជើញចេញដំណើរពីកម្ពុជាទៅកាន់សហរដ្ឋអាមេរិក ដោយយន្តហោះពិសេសរបស់កម្ពុជា នៅថ្ងៃទី១០ ខែឧសភា ឆ្នាំ២០២២នេះ ហើយនៅល្ងាចថ្ងៃទី ១០ដដែលនេះ សម្តេចតេជោនឹងផ្តើមជួបជាមួយបងប្អូនខ្មែរ ដែលរស់នៅទីនោះ ដែលបានមកស្វាគមន៍ និងទទួលសម្តេចនៅព្រលានយន្តហោះ។ ថ្ងៃទី១១សម្តេចក៏នឹងបន្តជួបជាមួយបងប្អូនខ្មែរដែលមានចំនួនច្រើនជាបន្តទៀត ដែលបានអញ្ជើញមកស្វាគមន៍ និងសួរសុខទុក្ខជាមួយសម្ដេច។ ដោយឡែកសម្រាប់ថ្ងៃទី១២ និងថ្ងៃទី១៣ សម្តេចតេជោ ហ៊ុន សែន នឹងចូលរួមកិច្ចប្រជុំកំពូលពិសេសអាស៊ាន-អាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក។ពេលវត្តមានទៅដល់ទីក្រុងវ៉ាស៊ីនតោន សហរដ្ឋអាមេរិក មានបងប្អូនខ្មែររាប់ពាន់នាក់ដែលកំពុង រស់នៅសហរដ្ឋអាមេរិក បានកំពុងទន្ទឹងរងចាំទទួល និងស្វាគមន៍សម្តេចតេជោ ហ៊ុន សែន ខណៈបងប្អូនខ្មែរទាំងនោះបានចាត់ទុកដំណើរទស្សនកិច្ចរបស់ថ្នាក់ដឹកនាំកំពូលកម្ពុជានេះ វាជាកាលានុវត្តភាពមួយទៀតដើម្បីបង្កើនទំនាក់ទំនងទ្វេភាគីរវាងកម្ពុជា និងអាមេរិកឲ្យកាន់តែមានភាពល្អប្រសើបន្ថែមទៀតនោះ៕ អត្ថបទ៖ បាន ចក់

លោកស្រី ពេជ ចន្ទមុន្នី ជួបសំណេះសំណាល និងសួរសុខទុក្ខចាស់ជរានៅអង្គការមូលនិធិកុមារកម្ពុជា(CFF) ស្ទឹងមានជ័យ

ភ្នំពេញ៖ លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានដឹកនាំក្រុមការងារអញ្ជើញចុះសួរសុខទុក្ខ និងផ្តល់អំណោយជូនលោកយាយ លោកតា នៅអង្គការមូលនិធិកុមារកម្ពុជានៅថ្ងៃទី០៥ ខែឧសភា ឆ្នាំ២០២២។ លោកស្រី ពេជ ចន្ទមុន្នី បានផ្ដាំផ្ញើការសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្តេចកិតិ្តបណ្ឌិត ជូនលោកយាយ លោកតា ដែលជាមនុស្សចាស់ក្នុងកម្មវិធីមនុស្សចាស់របស់អង្គការមូលនិធិកុមារកម្ពុជា។ លោកស្រី បញ្ជាក់ថា សម្តេចទាំងទ្វេតែងតែគិតគូរយកចិត្តទុកដាក់ចំពោះសុខទុកតម្រូវការការរស់នៅបារម្ភចំពោះសុខភាពរបស់លោកយាយ លោកតា អ៊ុ ពូ មីងជាពិសេសក្នុងដំណាក់កាលនៃការរីករាលដាលជំងឺកូវីដ-១៩។សូមបញ្ជាក់ថា កម្មវិធីមនុស្សចាស់របស់អង្គការមូលនិធិកុមារកម្ពុជាមានចំនួន៨៥នាក់ ដែលកម្មវិធីនេះជួយដល់មនុស្សចាស់នៅក្នុងសហគមន៍ស្ទឹងមានជ័យ តាមរយៈការឧបត្ថម្ភថវិកា សម្ភារៈ គ្រឿងឧបភោគបរិភោគ ប្រចាំសប្តាហ៍ និងការផ្ដល់ជូននូវការព្យាបាលដោយឥតគិតថ្លៃ។ក្រៅពីនោះ លោកយាយ លោកតា នៅក្នុងកម្មវិធីមនុស្សចាស់នេះក៏ទទួលបានការឧបត្ថម្ភជាថវិកា សម្ភារៈ គ្រឿងឧបភោគបរិភោគ ដែលជាអំណោយរបស់សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិតតាមរយៈលោក ហ៊ុន ម៉ាណែត និងលោកស្រី ពេជ ចន្ទមុន្នីនាពេលកន្លងមកផងដែរ៕

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អរគុណថ្នាក់ដឹកនាំ អាជ្ញាធរកម្ពុជា ជួយសម្រួល និងរក្សាសុវត្ថិភាពជូនគណៈប្រតិភូអន្តរជាតិចូលរួមមហាសន្និបាតកាយប្ញទ្ធិនារីពិភពលោក

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំងសមុទ្រនៅភាគខាងកើតប្រទេសលីប៊ី

រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធទិវាយោគៈអន្តរជាតិ ដើម្បីជំរុញសកម្មភាពកីឡា និងទេសចរណ៍

កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់

លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ

អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង

ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្តមឧបនាយករដ្ឋមន្ត្រី កែ គឹមយ៉ាន ដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

គ.ជ.ប៖ អ្នកមានឈ្មោះបោះឆ្នោតបានបាត់ ខូច ឬអត្តសញ្ញាណប័ណ្ណហួសសុពលភាព សូមទៅឃុំសង្កាត់ ធ្វើលិខិតបញ្ជាក់

ប្រធានក្រុមការងារគណបក្សចុះមូលដ្ឋានឃុំកំពង់ហៅ សំណេះសំណាលជាមួយសមាជិកបក្សជាង ៨០០នាក់

កម្ពុជា ធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅកាន់មីយ៉ាន់ម៉ា

តំណាងគណបក្សនយោបាយ និងអ្នកសង្កេតការណ៍ទៅពិនិត្យទីតាំងបោះពុម្ពសន្លឹកឆ្នោត ដើម្បីបង្ហាញពីតម្លាភាព

បងប្អូនខ្មែររស់នៅអាមេរិក មានមោទនភាព នឹងក្រវីទង់ជាតិខ្មែរទទួលស្វាគមន៍សម្តេចតេជោ

លោកស្រី ពេជ ចន្ទមុន្នី ជួបសំណេះសំណាល និងសួរសុខទុក្ខចាស់ជរានៅអង្គការមូលនិធិកុមារកម្ពុជា(CFF) ស្ទឹងមានជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្តមឧបនាយករដ្ឋមន្ត្រី កែ គឹមយ៉ាន ដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

គ.ជ.ប៖ អ្នកមានឈ្មោះបោះឆ្នោតបានបាត់ ខូច ឬ​អត្តសញ្ញាណប័ណ្ណ​ហួសសុពលភាព សូម​ទៅ​ឃុំសង្កាត់​ ធ្វើលិខិតបញ្ជាក់

ប្រធានក្រុមការងារគណបក្សចុះមូលដ្ឋាន​ឃុំកំពង់ហៅ សំណេះសំណាលជាមួយសមាជិកបក្សជាង ៨០០នាក់

កម្ពុជា ធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅកាន់មីយ៉ាន់ម៉ា

តំណាងគណបក្សនយោបាយ និងអ្នកសង្កេតការណ៍ទៅពិនិត្យទីតាំង​បោះពុម្ព​សន្លឹកឆ្នោត ដើម្បី​បង្ហាញ​ពី​តម្លាភាព

បងប្អូនខ្មែររស់នៅអាមេរិក​ មានមោទនភាព​ នឹងក្រវីទង់ជាតិខ្មែរ​ទទួលស្វាគមន៍​សម្តេចតេជោ

លោកស្រី ពេជ ចន្ទមុន្នី ជួបសំណេះសំណាល និងសួរសុខទុក្ខចាស់ជរានៅអង្គការមូលនិធិកុមារកម្ពុជា(CFF) ស្ទឹងមានជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គ.ជ.ប៖ អ្នកមានឈ្មោះបោះឆ្នោតបានបាត់ ខូច ឬអត្តសញ្ញាណប័ណ្ណហួសសុពលភាព សូមទៅឃុំសង្កាត់ ធ្វើលិខិតបញ្ជាក់

ប្រធានក្រុមការងារគណបក្សចុះមូលដ្ឋានឃុំកំពង់ហៅ សំណេះសំណាលជាមួយសមាជិកបក្សជាង ៨០០នាក់

តំណាងគណបក្សនយោបាយ និងអ្នកសង្កេតការណ៍ទៅពិនិត្យទីតាំងបោះពុម្ពសន្លឹកឆ្នោត ដើម្បីបង្ហាញពីតម្លាភាព

បងប្អូនខ្មែររស់នៅអាមេរិក មានមោទនភាព នឹងក្រវីទង់ជាតិខ្មែរទទួលស្វាគមន៍សម្តេចតេជោ