នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង
សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព
សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន អញ្ជើញ​ទទួល​ជួប​ពិភាក្សា​ការងារជា​មួយ​បណ្ដារដ្ឋ​មន្ត្រី​ទេសចរណ៍​អាស៊ាន

2022/01/19 05:48:44 am        555
Facebook Telegram Linkin
ភ្នំពេញ៖ នៅព្រឹកថ្ងៃទី ១៩ ខែមករាឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយបណ្ដារដ្ឋមន្ត្រីទេសចរណ៍អាស៊ាន ដឹកនាំដោយឯកឧត្តម លឹម ចុកហ៊ុយ អគ្គលេខាធិការអាស៊ាន។នៅក្នុងជំនួបដែលធ្វើឡើងនៅឯសណ្ឋាគារសុខាខេត្តព្រះសីហនុ សម្ដេចតេជោនាយករដ្ឋមន្ត្រី បាន​មាន​ប្រសាសន៍បញ្ជាក់អំពីស្ថានភាពជំងឺកូវីដ១៩ នៅក្នុងប្រទេសកម្ពុជា ជាពិសេសយុទ្ធនាការ​នៃ​ការចាក់វ៉ាក់សាំង។អ្វីដែលកម្ពុជាក៏ដូចជាសមាជិកអាស៊ានដទៃទៀតបាន ​និងកំពុងធ្វើកន្លងទៅនេះ​បាន​ឆ្លុះបញ្ចាំង​អំពីការ​ខិតខំប្រឹងប្រែង ​ក្នុងយុទ្ធនាការចាក់វ៉ាក់សាំង ដើម្បីធ្វើយ៉ាងណាស្ដារវិស័យ​ទេសចរណ៍​នៅក្នុងតំបន់អាស៊ាន។សម្ដេចតេជោ បានមានប្រសាសន៍ទៀតថា រហូតមកដល់ពេលនេះ ការប្រើប្រាស់វ៉ាក់សាំង​ពិតជា​មានឥទ្ធិពល ​និងមានប្រសិទ្ធភាព ដែលកន្លងមកនេះបញ្ហានៃជំងឺកូវីដ១៩ បានជះឥទ្ធិពលយ៉ាងខ្លាំង​ទៅ​លើវិស័យទេសចរណ៍របស់ប្រទេសកម្ពុជា ក៏ដូចជាទេសចរណ៍ក្នុងតំបន់អាស៊ានផងដែរ។ ជាក់ស្ដែងមុនពេលមានជំងឺកូវីដ១៩ ​កម្ពុជាទទួលភ្ញៀវទេសចរប្រមាណជា ៦ លាននាក់ ហើយ​ក្រោយពេលមានជំងឺកូវីដ១៩ភ្ញៀវទេសចរអន្តរជាតិបានធ្លាក់មកត្រឹម ២ម៉ឺននាក់ប៉ុណ្ណោះ ។ សម្ដេចតេជោ មានប្រសាសន៍ថា រាជរដ្ឋាភិបាលកម្ពុជាបានខិតខំជួយ ដល់ប្រជាពលរដ្ឋជាពិសេស​ប្រជាពលរដ្ឋដែលមានផលប៉ះពាល់ដោយជំងឺកូវីដ១៩ នេះ។សម្ដេចតេជោ ក៏បានជម្រាបជូនដល់បណ្ដារដ្ឋមន្ត្រីទេសចរណ៍អាស៊ានថា កម្ពុជា​ខិតខំ​ជំរុញ​ការចាក់វ៉ាក់សាំងដុសជំរុញគឺដូសទី៣ និងដូសទី៤ សម្រាប់អ្នកដែលស្ថិតនៅជួរមុខ។ ដែលកត្តាទាំងអស់នេះ ធ្វើឲ្យកម្ពុជាអាចមានឱកាសបើកប្រទេសជាតិឡើងវិញ។នៅពេលនេះ ដោយ​សារកម្ពុជាបានស្រោចវ៉ាក់សាំងចាក់ជូនប្រជាពលរដ្ឋ យើងបានបើកប្រទេសឡើងវិញ​ ដោយ​មិនមានការធ្វើចត្តាឡីស័ក នៅពេលនេះទេ។លើសពីនេះទៀត សម្ដេចបានគូសបញ្ជាក់ថា ពេលយើងមានកូវីដ-១៩ យើងបានឃើញថា​សមាជិក​អាស៊ាននីមួយៗ បានចាត់វិធានការខុសៗគ្នាក្នុងការឆ្លើយតបនឹងជំងឺរាតត្បាតកូវីដ-១៩ហើយ​យើងពិតជាគ្មានជម្រើសសោះដោយសារជំងឺកូវីដ-១៩នេះ ​ដោយវាបានជះឥទ្ធិពលយ៉ាងខ្លាំង​ហើយ​បណ្ដាប្រទេសសមាជិកអាស៊ាននីមួយៗ ត្រូវតែការពារជីវិតប្រជាពលរដ្ឋរបស់ខ្លួនប៉ុន្តែក្រោយពីយើងចាក់វ៉ាក់សាំងហើយយើងកាត់បន្ថយនិងបានរៀនរស់ជាមួយនឹងកូវីដ-១៩។សម្ដេច ក៏បានគូសបញ្ជាក់អំពីកំណើនសេដ្ឋកិច្ចកម្ពុជាដែលឆ្នាំ ២០២០ ដោយសារឥទ្ធិពលនៃកូវីដ-១៩ កំណើនសេដ្ឋកិច្ចបានធ្លាក់ចុះ ប៉ុន្តែឆ្នាំ២០២១កន្លងទៅ បានឡើងជាង៣% ឯណោះ ខណៈធនាគារពិភពលោកបាន​ទស្សន៍ទាយ​ថា​អាចកើនឡើងបានប្រមាណ២% ប៉ុន្តែជាក់ស្ដែងបានកើនឡើងរហូតដល់ជាង៣%ឯណោះ។សម្ដេច បានបញ្ជាក់ថា ស្ថានភាពបច្ចុប្បន្នបានប្រសើរហើយៗ​សម្ដេច​បានស្នើឲ្យមានការជំរុញការ​ធ្វើដំណើរ​ក្នុងអាស៊ានជាពិសេស​គួរពិនិត្យឡើងវិញនូវការធ្វើដំណើររបស់ប្រជាពលរដ្ឋក្នុងវិស័យ​ទេសចរណ៍នេះ ដោយសម្តេចស្នើឱ្យកិច្ចប្រជុំរដ្ឋមន្ត្រីទេសចរណ៍អាស៊ាននេះ ពិនិត្យមើលឡើងវិញ ដោយសារទេសចរណ៍ជាផ្នែកមួយដ៏សំខាន់នៃសេដ្ឋកិច្ច ម្យ៉ាងទៀតដោយសារទំនាក់ទំនងរវាង​ប្រជាជន និងប្រជាជនជាការសំខាន់ផងដែរ។សម្ដេច បានជម្រាបទៀតថា កន្លងមកកម្ពុជាមាន​ប៉ូល​សេដ្ឋកិច្ចរហូតដល់ ៣ គឺមានរាជធានីភ្នំពេញ ខេត្តព្រះសីហនុ និងខេត្តសៀមរាប ហើយឥឡូវនេះ រាជរដ្ឋាភិបាលក៏បានបង្កើតប៉ូលទី៤ ផងដែរ នៅប៉ែក​ឦសានប្រទេសដែលមាន ឧស្សាហកម្ម កសិកម្ម មានដូចជាកាហ្វេ​និងគ្រាប់ស្វាយ​ចន្ទីជាដើម។លើសពីនេះទៀតសម្ដេចតេជោ បាន​គូសបញ្ជាក់អំពីការខិតខំរបស់រាជរដ្ឋាភិបាលកម្ពុជា​ក្នុងការ​វិនិយោគបន្ថែមលើការកសាងហេដ្ឋារចនាសម្ព័ន្ធនៅខេត្តព្រះសីហនុ និងខេត្តសៀមរាបដោយ កម្ពុជា​បានចាយថវិកាមួយចំនួនក្នុងការកសាងបន្ថែមនូវហេដ្ឋារចនាសម្ព័ន្ធដូចជាផ្លូវថ្នល់ជាដើម។សម្ដេច បានគូសបញ្ជាក់ថា យើងនឹងបញ្ចប់ការកសាងផ្លូវល្បឿនលឿន​នៅពេលខាងមុខពីភ្នំពេញ​ទៅខេត្តព្រះសីហនុ ហើយកំពុងពិចារណាលើការកសាងផ្លូវរថភ្លើងល្បឿនលឿនផងដែរ រវាងភ្នំពេញ​និងប្រទេសថៃ និងភ្នំពេញប្រទេសវៀតណាម នៅពេលអនាគត។ឯកឧត្តម អគ្គលេខាធិការអាស៊ាន បានមានប្រសាសន៍ថា ឯកឧត្តមពិតជាថ្លែងអំណរគុណដល់​សម្ដេច​តេជោ​នាយករដ្ឋមន្ត្រីចំពោះវត្តមានដ៏ខ្ពង់ខ្ពស់​របស់សម្ដេចនៅក្នុងកម្មវិធីបើក​វេទិកាទេស​ចរណ៍​អាស៊ាន​ក៏ដូចជាក្នុងកម្មវិធីបើកកិច្ចប្រជុំរដ្ឋមន្ត្រីទេសចរណ៍​អាស៊ានផងដែរ។ឯកឧត្តម បន្តថា អ្វីដែលសម្ដេច​បានលើកឡើងក្នុងការជំរុញសមាហរណកម្មអាស៊ាន ជាពិសេស​ឧស្សាហកម្មទេសចរណ៍ជាតែម្ដង ដែលកន្លងមកមានការប៉ះពាល់យ៉ាងខ្លាំងដោយ​សារ​ការជះ​ឥទ្ធិពលនៃការឆ្លងរាតត្បាតជំងឺកូវីដ-១៩។ឯកឧត្តមថា អ្វីដែលសម្ដេចតេជោនាយករដ្ឋមន្ត្រីផ្ដល់វត្តមាន​និងសន្ទរកថា​របស់សម្ដេច​បានលើកទឹកចិត្ត​និងណែនាំឲ្យបណ្ដាប្រទេសអាស៊ានបន្តខិតខំក្នុងការជំរុញធ្វើយ៉ាង​ណាឱ្យ​បាន​ជាលទ្ធផល​ផ្លែផ្កា​ជាក់ស្ដែងនៅពេលខាងមុខ ហើយឯកឧត្តម​ក៏បានសាទរកម្ពុជាដែលបាន​បើក​វេទិកាទេសចរណ៍អាស៊ានលើកដំបូងក្នុងរយៈពេល២ឆ្នាំ ដោយសារយើងមិនបានរៀបចំពីមុនមក​ដោយ​សារបញ្ហាកូវីដ-១៩។ដូច្នេះអ្វីដែលកម្ពុជាបានធ្វើនេះជា​ជោគជ័យហើយកន្លែងដែលល្អ​ក្នុងការ​ជំរុញឲ្យមានវេទិកាទេសចរណ៍អាស៊ានកម្ពុជានេះគឺល្អណាស់។ មិនត្រឹមតែប៉ុណ្ណោះ ឯកឧត្តមមាន​ប្រសាសន៍​ផងដែរថា​ការដែលយើងរៀបចំបើកឡើងវិញវេទិកាទេសចរណ៍អាស៊ាន​នេះ​ក៏បញ្ជាក់អំពីការបើកឡើងវិញនៃទេសចរណ៍អាស៊ានផងដែរ។ឯកឧត្តមបញ្ជាក់ថា កន្លងទៅមុនកូវីដ-១៩ ផ្នែកវិស័យទេសចរណ៍បើគិតជា​ GDPស្មើនឹង១៤,៣%នៃ GDPអាស៊ាន​សរុបទាំងមូល ហើយបើគិតនៅក្នុងមុខរបរការងារក្នុងអាស៊ាន​គឺស្មើប្រមាណ​ជាង១៣%ឯណោះ។ដូច្នេះវិស័យទេសចរណ៍នេះ​ សំខាន់ណាស់សម្រាប់​ទ្រទ្រង់​សហគ្រាស​នៃមីក្រូតូច និងមធ្យមក្នុងអាស៊ានហើយក៏ជាផ្នែកមួយដ៏សំខាន់នៃកំណើនសេដ្ឋកិច្ចក្នុងអាស៊ាន។ឯកឧត្តម បានបញ្ជាក់សារជាថ្មីថា​ ការ​ប្រជុំនៅខេត្តព្រះសីហនុ​សម្រាប់រដ្ឋមន្ត្រី​ទេសចរណ៍អាស៊ាន​នេះ​គឺបានបញ្ជូនសារ​សំខាន់ណាស់​អំពីការធ្វើដំណើរ​សម្រាប់ទេសចរណ៍ក្នុងអាស៊ាន​ឡើងវិញ​ក៏ដូចជា​សម្រាប់ជូនសារទៅក្រៅតំបន់អាស៊ានថាវិស័យទេសចរណ៍​អាស៊ាន​បានបើកឡើងវិញ​ហើយ។ក្នុងកិច្ចប្រជុំនេះដែរ ឯកឧត្តមគូសបញ្ជាក់ថា នៅប្រទេសកម្ពុជាកិច្ចប្រជុំរដ្ឋមន្ត្រីទេសចរណ៍​នឹងអនុម័ត​លើ​ឯកសារមួយចំនួនជាពិសេសក្នុងការស្ដារឡើងវិញ​លើវិស័យទេសចរណ៍ក្រៅពីកូវីដ ហើយជាពិសេសទៀតសេចក្តីប្រកាសទីក្រុងភ្នំពេញនេះធ្វើយ៉ាងណាជំរុញទេសចរណ៍ដែលមានលក្ខណៈធន់និងបត់បែន។ឯកឧត្តមបញ្ជាក់ដែរថា ការងារអាទិភាពរបស់កម្ពុជាឆ្នាំនេះ​ក្នុងក្របខណ្ឌវិស័យទេសចរណ៍គឺ​ជំរុញធ្វើ​យ៉ាង​ណា​ឱ្យសេដ្ឋកិច្ចអាស៊ានងើបឡើងវិញហើយវិស័យទេសចរណ៍នេះគឺ​អាចចូលរួម​ក្នុងការអនុវត្តនូវគំនិតផ្ដួចផ្ដើមមួយចំនួនក្នុងការជួយជម្រុញសេដ្ឋកិច្ចអាស៊ានក្នុងការពង្រឹងវិស័យទេសចរណ៍អាស៊ាន​ ជាពិសេសដល់អ្នកដែលប្រកបអាជីពលើវិស័យទេសចរណ៍នេះ។ឯកឧត្តមអគ្គលេខាធិការអាស៊ាន បានមានប្រសាសន៍ទៀតថា យើងនឹងបន្តធ្វើការយ៉ាងជិតស្និត​ជាមួយ​បណ្ដាស​មាជិកអាស៊ានទាំងអស់ធ្វើយ៉ាងម៉េចបើកឡើងវិញវិស័យ​ទេសចរណ៍ហើយសំខាន់​ណាស់អ្វី​ដែលសម្ដេចតេជោបានស្នើឲ្យអាស៊ានធ្វើយ៉ាង​ណារៀបចំបើក​និងអនុវត្តរបៀងអាស៊ាន​សម្រាប់ការធ្វើដំណើររបស់អាស៊ានយើងមានផែនការក្នុងការបើកនិងជំរុញជាពិសេសការធ្វើដំណើរទេសចរណ៍នៅពេលខាងមុខនេះ ជាពិសេសពាក់ព័ន្ធផ្នែកផ្សេងៗទៀតដូចជាសុខាភិបាល ដឹកជញ្ជូននិងការបរទេស។ដូច្នេះអគ្គលេខាធិការបានសន្យាជាមួយសម្ដេចតេជោថា អគ្គលេខាធិការអាស៊ាននឹងខិតខំធ្វើការងារ​ជាមួយ​សមាជិក​អាស៊ានដៃគូពាក់ព័ន្ធនឹងវិស័យមួយចំនួនធ្វើយ៉ាងណា​ជំរុញឲ្យអនុវត្តបានក្នុងការ​ធ្វើដំណើរ​នៅក្នុងក្របខ័ណ្ឌអាស៊ាន ប៉ុន្តែអ្វីដែលចាំបាច់គឺត្រូវរៀបចំ​ឱ្យមានផែនការសកម្មភាពហើយ​ការងារ​និងលើក​យកមក​ពិភាក្សានៅក្នុងខែមិនាខាងមុខនៅពេលរដ្ឋមន្ត្រី​សុខាភិបាលជួបគ្នានៅ​ពេល​ខាងមុខ៕

អ្នកតំណាងរាស្ត្រមណ្ឌលខេត្តកំពង់ចាម បានផ្តល់ម៉ូតូដល់សិស្សជាប់និទ្ទេសA ក្នុងស្រុកស្ទឹងត្រង់

2022/01/19 11:28:02 am        425
Facebook Telegram Linkin
កំពង់ចាម៖ឯកឧត្តម ហ៊ុន ណេង អ្នកតំណាងរាស្ត្រមណ្ឌលខេត្តកំពង់ចាម ផ្តល់ជារង្វាន់លើកទឹកចិត្តជាម៉ូតូ និងថវិកាដល់សិស្សានុសិស្សដែលប្រលងជាប់និទ្ទេស A មកពីវិទ្យាល័យចំនួន៣ នៅក្នុងស្រុកស្ទឹងត្រង់។ដើម្បីរួមចំណែកលើកទឹកចិត្តចំពោះក្មួយៗ ដែលបានខិតខំប្រឹងប្រែងរៀនសូត្រ រហូត​ទទួល​បានលទ្ធផលល្អប្រសើរ នៅព្រឹកថ្ងៃទី១៩ ខែមករានេះ ឯកឧត្តម ហ៊ុន ណេង សមាជិក​គណៈកម្មាធិការអចិន្ត្រៃយ៍រដ្ឋសភាជាតិ ប្រធានគណៈកម្មការទី៤ នៃរដ្ឋសភាជាតិ និង​ជាតំណាងរាស្ត្រមណ្ឌលកំពង់ចាម បានផ្ដល់ម៉ូតូ និងថវិកាមួយចំនួន ដល់សិស្សជាប់និទ្ទេស ជាប់ A ចំនួន១៣នាក់ ជាសិស្សរៀននៅវិទ្យាល័យចំនួន៣ ក្នុងស្រុកស្ទឹងត្រង់គឺ ៖ វិទ្យាល័យ ហ៊ុន សែន ស្ទឹងត្រង់ចំនួន ០៨នាក់ ។ ២.វិទ្យាល័យ ហ៊ុន សែន មេសជ្រៃ ចំនួន ០២នាក់ ។ និង៣.វិទ្យាល័យ ហ៊ុន សែន ពាមកោះស្នា ចំនួន ០៣នាក់ ។ ពិធីនេះក៏មានការអញ្ជើញចូលរួមពីលោកជំទាវ កុល ធារិន អ្នកតំណាងរាស្ត្រមណ្ឌលកំពង់ចាម លោក កៅ សុខអាន អភិបាលរងខេត្ត និងលោកឧញ៉ាព្រមទាំងតំណាងមន្ទីរ អង្គភាពពាក់ព័ន្ធ​ក្នុងខេត្តអាជ្ញាធរស្រុកស្ទឹងត្រង់ មាតា បិតា ឬអាណាព្យាបាលសិស្ស និងក្មួយៗចៅៗ ជាប់និទ្ទេស A ទាំង ២៣នាក់ផងដែរ ។នាឱកាសនោះ ឯកឧត្តម ហ៊ុន ណេង បានគូសបញ្ជាក់ថា នេះគឺជាកិត្តិយស ដ៏ធំធេងសម្រាប់ក្មួយៗ ចៅៗខ្លួនឯងផ្ទាល់ ក៏ដូចជាក្រុមគ្រួសារ និងជាកិត្តិយសរបស់អាជ្ញាធរនៅក្នុងមូលដ្ឋានផងដែរ ។ ឯកឧត្ដម បន្តថា ចៅៗក្មួយៗទាំងអស់គ្នា បានដឹងហើយថា ឆ្លងកាត់ការលំបាកជាច្រើន ជាពិសេស ឧបសគ្គ នៃការឆ្លងរាលដាលនៃជម្ងឺកូវីដ១៩ នៅទូទាំងពិភពលោក ក៏ដូចជានៅក្នុងតំបន់ យ៉ាងណា​ក៏ដោយក៏ក្មួយៗ ចៅៗ នៅតែតស៊ូព្យាយាមខិតខំរៀនសូត្រជំនះនូវរាល់ឧបសគ្គចំពោះមុខ រហូត​ទទួល​បានលទ្ធផលផ្លែផ្កាដូចពេលនេះ ។ ឯកឧត្ដម បញ្ជាក់ដែរថា ជាការឆ្លើយតបទៅនឹងកិច្ចខិតខំ ក៏ដូចជា លទ្ធផលរបស់ក្មួយៗ ចៅៗ នាពេលនេះ ក្នុងនាមឯកឧត្ដម ជាអ្នកទទួលខុសត្រូវ ក្នុងស្រុកស្ទឹងត្រង់ ក៏សូមចូលរួមអបអរសាទរ និងចូលរួមផ្ដល់ការលើកទឹកចិត្តចំពោះក្មួយៗ ចៅៗជាមធ្យោបាយ និងថវិកាមួយចំនួនដើម្បី ក្មួយៗចៅៗ ​ប្រើប្រាស់ក្នុងអំឡុងពេលបន្តការសិក្សានៅកម្រិតឧត្ដមសិក្សា ។ ម្យ៉ាងវិញទៀតការផ្ដល់ការលើកទឹកចិត្ត នាថ្ងៃនេះ វាក៏ជាគំរូដ៏ល្អ ​សម្រាប់ក្មួយៗចៅៗ ជំនាន់ក្រោយ ឲ្យខិតខំប្រឹងប្រែងរៀនសូត្របានពូកែ ដើម្បីមានឱកាសទទួលបានរង្វាន់ដូចពេលនេះផងដែរ ។នាឱកាសនោះដែរអ្នកតំណាងរាស្ត្រមណ្ឌលកំពង់ចាម បានផ្តាំផ្ញើដល់ក្មួយទាំងអស់ ត្រូវ​ខិតខំរៀន​សូត្របន្តទៅមុខទៀត ជាពិសេសការក្រេបជញ្ជក់យកចំណេះដឹង ក្នុងអំឡុងពេលបន្តការសិក្សា នៅ​ថ្នាក់កម្រិតឧត្ដមសិក្សា ដើម្បីក្លាយខ្លួនជាកូនល្អ យុវជនល្អ និងជាពលរដ្ឋល្អ ហើយយកចំណេះដឹង និងសមត្ថភាពនោះ ចូលរួមចំណែកអភិវឌ្ឍសេដ្ឋកិច្ចគ្រួសារ​និងសង្គមជាតិ ឲ្យ​កាន់តែរីកចំរើនទ្វេរឡើង ។សូមបញ្ជាក់ថា រង្វាន់លើកទឹកចិត្តរបស់ឯកឧត្តម ហ៊ុន ណេង អ្នកតំណាងរាស្ត្រមណ្ឌលកំពង់ចាម ផ្ដល់ជូនសិស្សជាប់និទ្ទេស A ទាំង ១៣នាក់ ក្នុងម្នាក់ៗទទួលបាន ៖ ម៉ូតូ ១គ្រឿង និងថវិកាចំនួន ២០ម៉ឺនរៀល ។សូមរំលឹកដែរថា ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២០-២០២១ នេះ នៅទូទាំងខេត្តកំពង់ចាម មានបេក្ខជនប្លងសរុប ចំនួន ៧.០៦៤នាក់ ស្រី ៣.៩៥៩នាក់ ។ ជាមួយនោះ​ សិស្សបានប្រលងជាប់សរុប ចំនួន ៤.៣៣៣នាក់ ក្នុងនោះសិស្សជាប់និទ្ទេស A មានចំនួន ១១៨នាក់ ៕

គ្រួសារកងកម្លាំងនៃអគ្គលេខាធិការដ្ឋានក្រសួងការពារជាតិ ចាប់ផ្ដើមចាក់វ៉ាក់សាំងកូវីដ១៩ ដូសទី៤

2022/01/19 11:15:54 am        332
Facebook Telegram Linkin
ភ្នំពេញ៖ ថ្នាក់ដឹកនាំ រួមទាំងនាយទាហាន ពលទាហាន និងក្រុមគ្រួសារ នៃអគ្គលេខាធិការដ្ឋានក្រសួងការពារជាតិ នៅថ្ងៃទី១៩ ខែមករា ឆ្នាំ២០២២នេះ បានចាប់ផ្ដើមចាក់វ៉ាក់សាំងកូវីដ១៩ ដូសទី៤ ខណៈកម្ពុជាកំពុងមានការឆ្លងរាលដាលប្រភេទបំប្លែងថ្មីអូមីក្រុង នៅក្នុងសហគមន៍ ។ក្នុងឱកាសដឹកនាំការចាក់វ៉ាក់សាំងដូសទី៤ នៅថ្ងៃទី១៩ខែមករា នាយឧត្តមសេនីយ៍ សំ វណ្ណថន អគ្គលេខាធិការដ្ឋានក្រសួងការពារជាតិ មានប្រសាសន៍ថា វ៉ាក់សាំងដូសទី៤នេះ គឺជាការជំរុញ​ប្រសិទ្ធភាព​បន្ថែមទៀត ក្នុងការទប់ស្កាត់ការឆ្លងជំងឺកូវីដ១៩ ហើយការផ្ដល់វ៉ាក់សាំងទី៤នេះ គឺមិនអាចកាត់ថ្លៃបាននោះទេ ចំពោះការខិតខំប្រឹងប្រែងរបស់រាជរដ្ឋាភិបាល ដែលមាន​សម្ដេចតេ​ជោ ហ៊ុន សែន ជាប្រមុខដឹកនាំ​ក្នុងការស្វែងរកនូវវ៉ាក់សាំង រួមទាំងការផ្ដល់​ជំនួយផ្សេងៗ​ពី​ប្រទេសជាមិត្ត ។ឯកឧត្តម នាយឧត្តមសេនីយ៍ បានបន្ថែមថា នេះគឺជាជោគជ័យមួយបន្ថែមទៀត សម្រាប់កម្ពុជា ដែល​មានលទ្ធភាពចាក់វ៉ាក់សាំងដល់ពលរដ្ឋ ចាប់ពីដូសទី១ រហូតដល់ដូសទី៤នេះ ដូច្នេះក្នុង​នាមអគ្គលេខាធិការដ្ឋានក្រសួងការពារជាតិ សូមថ្លែងអំណរគុណយ៉ាងជ្រាលជ្រៅ ចំពោះរាជ​រដ្ឋាភិបាលអគុណសម្ដេចតេជោ ​និងអរគុណសន្តិភាព ។ក្នុងពេលទទួលបានវ៉ាក់សាំងដូសទី៤ កងទ័ព និងក្រុមគ្រួសារបានសម្ដែងនូវការសប្បាយរីករាយ ហើយប្ដេជ្ញាថា ទោះបីបានទទួលវ៉ាក់សាំងដូសទី៤នេះ​ ក៏ដោយក៏​នៅ​បន្តអនុវត្តនូវវិធានការ ៣កុំ ៣ការពារឲ្យបានខ្ជាប់ខ្ជួន ។បច្ចុប្បន្នរាជរដ្ឋាភិបាល កំពុងពន្លឿនការចាក់សាំងដល់ប្រជាពលរដ្ឋ ពិសេសដូសជំរុញ ​ឬដូសទី៣ នៅទូទាំង​ប្រទេស​ ហើយក៏ពុងចាក់វ៉ាក់សាំងដូសទី៤​ ដល់អ្នកមានអទិភាពមួយចំនួន រួមទាំង​បាន​បន្តអំពាវនាវ ​ដល់ពលរដ្ឋដែលមិនទាន់ចាក់វ៉ាក់សាំង ​សូមនាំគ្នាទៅចាក់ បើមិនមានបញ្ហា​សុខភាព​អ្វីនោះទេ ៕ អត្ថបទ បាន សុខរិទ្ធិ

ខេត្តឧត្ដរមានជ័យ ចាប់ផ្ដើមយុទ្ធនាការចាក់វ៉ាក់សាំងដូសជំរុញជូនកុមារ និងយុវវ័យ

2022/01/18 04:24:51 pm        431
Facebook Telegram Linkin
ឧត្ដរមានជ័យ៖ នៅថ្ងៃនេះ រដ្ឋបាលខេត្តឧត្ដរមានជ័យ បានបើកយុទ្ធនាការចាក់វ៉ាក់សាំងដូសជំរុញជូនដល់កុមារ និង យុវវ័យអាយុចាប់ពី១២ ដល់ក្រោម១៨ឆ្នាំ ដើម្បីទប់ទល់ទៅនឹងហានិភ័យនៃការឆ្លងជំងឺកូវីដ-១៩ប្រភេទ បំប្លែងថ្មី អូមីក្រុង ដែលបានឆ្លងចូលសហគមន៍កម្ពុជាហើយនោះ។ឯកឧត្តម ប៉ែន កុសល្យ អភិបាលខេត្តឧត្ដរមានជ័យ និងជាប្រធានគណៈកម្មការចំពោះកិច្ចចាក់ វ៉ាក់សាំងខេត្ត ក្នុងពិធីប្រកាសបើកយុទ្ធនាការចាក់វ៉ាក់សាំងជូនកុមារនិងយុវ័យ នៅថ្ងៃនេះ បានធ្វើការអំពាវនាវដល់អាណាព្យាបាល ឱ្យនាំកូនៗរបស់ខ្លួន ដែលមានអាយុចាប់ពី១២ឆ្នាំ ដល់ក្រោម១៨ឆ្នាំទាំងអស់ ទៅទទួលការចាក់វ៉ាក់សាំងដូសទី៣ឲ្យបានគ្រប់ៗគ្នា ចាប់ពីថ្ងៃទី១៨ ខែមករានេះទៅ តាមទីតាំងដែលធ្លាប់ បានទទួលការចាក់វ៉ាក់សាំងកន្លងមក នៅតាមក្រុង-ស្រុកទាំង៥ ដែលអាជ្ញាធរ បានរៀបចំតាមគោលការស្ម័គ្រចិត្ត ដើម្បីបង្កើនកងការពារខ្លួនទប់ទល់​នឹងជំងឺកូវីដ-១៩ ពិសេសប្រភេទបំប្លែងថ្មី អូមីក្រុង។ឯកឧត្តម បានបញ្ជាក់ថា ការចាក់វ៉ាក់សាំងដូសទី៣ គឺនឹងអាចបង្កើនភាពស៊ាំបានច្រើនក្នុងសរីរាង្គ កាយ ដើម្បីបង្ការាករឆ្លងជំងឺកូវីដ-១៩​បានច្រើន​ ឬប្រសិនបើឆ្លង ក៏មិនអាចមានបញ្ហាធ្ងន់ធ្ងរ​ចំពោះ​សុខភាពនោះដែរ៕អត្ថបទ៖ ឃិន សារិទ្ធ

កិច្ចសហប្រតិបត្តិការរវាងភាគីកម្ពុជា-ចិន នឹងផ្តល់កាលានុវត្តភាពដល់វិនិយោគិនលើវិស័យកសិកម្ម

2022/01/18 04:03:12 pm        499
Facebook Telegram Linkin
ភ្នំពេញ៖ ឯកឧត្តម វេង សាខុន ក្រសួងកសិកម្មរុក្ខាប្រមាញ់ និងនេសាទ សង្ឃឹមជឿជាក់ថា កិច្ចសហប្រតិបត្តិការគ្រប់ជ្រុងជ្រោយរវាងកម្ពុជា-ចិន នឹងផ្តល់កាលានុវត្តភាពសម្រាប់វិនិយោគិន កសិករម្ចាស់ចំការ និងអាជីវករមានឱកាសពង្រីកសក្តានុពលផលិតកែច្នៃ និងនាំចេញស្រប​តាម​គន្លង​ប្រក្រតីភាពថ្មី។នៅក្នុងជំនួបសម្តែងការ​គួរសម​ និងកិច្ចសហប្រតិបត្តិការលើវិស័យកសិកម្ម ​កាលពីថ្ងៃទី១៧ មករា ឆ្នាំ២០២២កន្លងទៅ ​នៅទីស្តីការក្រសួង​ជាមួយក្រុមហ៊ុន ហ័រឡុង ឯកឧត្តម​ វេង សាខុន បាន​លើក​ឡើងថា ​បច្ចុប្បន្នមានក្រុមហ៊ុនចិនជាច្រើនបានមកធ្វើការវិនិយោគ​លើវិស័យ​កសិកម្ម ដោយការ​វិនិយោគនេះ ​គឺ​មាន​បំណងអភិវឌ្ឍវិស័យកសិកម្មកម្ពុជា ដើម្បីធានា​បាន​បរិមាណ​ផ្គត់ផ្គង់​ គុណភាព សុវត្ថិភាព និងស្តងដារទីផ្សារនាំចេញ។ឯកឧត្តម សង្ឃឹមថា នាពេល​អនាគតដ៏ខ្លី ​សកម្មភាពវិនិយោគរបស់ក្រុមហ៊ុនចិន​ដែល​បាន​និង​កំពង់​ដំណើរការ នឹងធ្វើឲ្យផលិតផលកសិកម្មកម្ពុជា មានវត្តមាននៅលើទីផ្សារអន្តរជាតិ ជាពិសេស​ទីផ្សារចិន​កាន់​តែច្រើន​ឡើងថែមទៀត។ឯកឧត្តមរដ្ឋមន្ត្រី បានបញ្ជាក់ជូនថា ​យោងលើកិច្ចព្រមព្រៀងភាពជាដៃគូយុទ្ធសាស្រ្តគ្រប់ជ្រុង​ជ្រោយរវាងប្រទេសទាំងពីរ បានទាក់ទាញវិនិយោគិនចិនជា​ ច្រើនមកវិនិយោគលើវិស័យកសិកម្ម ហើយមួយ​ក្នុងចំណោមក្រុមហ៊ុនធំៗទាំងនោះ ​គឺក្រុមហ៊ុនហ៊ុនទី ដែលបានដាក់ទុនវិនិយោគ​បង្កើត​មជ្ឈមណ្ឌលកសិ-ឧស្សាហកម្ម លើផ្ទៃដី ៨០ហិចតា ដោយធ្វើការបែងចែកទីផ្សារផ្លែឈើ អគារ​កែច្នៃ អគារវេចខ្ចប់​ ឃ្លាំងស្តុក (Cold storage) អគារ​ពិព័រណ៍​កសិផល​កន្លែង​សម្លាប់មេរោគ និង​សត្វល្អិត​ចង្រៃ ​សម្រាប់ផ្លែឈើដូចជា ស្វាយ មានប៉ៃលិន ចេក ដូង​ និងផលិតផលវារីវប្បកម្មផងដែរ។ល។ ដើម្បីជួយជំរុញដល់ការនាំចេញកសិផលកម្ពុជា​ រដ្ឋាភិបាលចិនបានឧបត្ថម្ភមន្ទីរពិសោធន៍ ថ្នាំការពារ​ជំងឺឆ្លងគោ-ក្របី និង​ជំងឺដំពកស្បែកគោផងដែរ។តាមរយៈជំនួយឧបត្ថម្ភនេះ ​ឯកឧត្តមរដ្ឋមន្ត្រីបានថ្លែងអំណរគុណយ៉ាងជ្រាលជ្រៅ​ជូនចំពោះ​រដ្ឋាភិបាល​នៃសាធារណរដ្ឋប្រជាមានិតចិន ​ស្ថានទូតចិន អគ្គរដ្ឋបាលគយដែលបានផ្តល់​កិច្ច​សហការពិនិត្យ ​និងវាយតម្លៃលើគុណភាព​ និងលក្ខខណ្ឌតម្រូវភូតគាមអនាម័យលើផលិតផលផ្លែ ស្វាយកែវរមៀតកម្ពុជា ​និងមានប៉ៃលិន ហើយ​ឈានទៅសម្រេច​អនុញ្ញាត​ជាផ្លូវ​ការឲ្យផលិត​ផល​ស្វាយ និងចេកអំបូង​លឿង​នាំ​ចេញ​ទៅកាន់ទីផ្សារចិន​ជាផ្លូវការកន្លងមក។ មួយវិញទៀត ​សកម្មភាព​វិនិយោគរបស់​ក្រុមហ៊ុនចិន​ គឺ​ពិតជានឹងចូលរួមបំពេញ​បន្ថែមនូវខ្សែច្រវាក់​ផលិតកម្មផ្លែឈើ ខ្សែច្រវាក់តម្លៃ ​និរន្តរភាពផលិតកម្ម និងទីផ្សារនាំចេញ៕អត្ថបទ៖ ឈិត បូរ៉ាវី

មន្ត្រីជំនាញ៖ ទោះយុវជនចូលរួមស្ទើរគ្រប់វិស័យក្នុងសង្គម តែនៅមានបញ្ហាសុខភាព និង​អាហារូបត្ថម្ភ

2022/01/18 03:37:37 pm        423
Facebook Telegram Linkin
ភ្នំពេញ៖ មន្ត្រីជាន់ខ្ពស់ក្រសួងសុខាភិបាល បានឱ្យដឹងថា បច្ចុប្បន្ន ថ្វីត្បិតយុវជន មានឱកាសចូលរួមស្ទើរតែ គ្រប់វិស័យក្នុងសង្គមក៏ដោយ ប៉ុន្តែពួកគេមួយចំនួន នៅតែមានបញ្ហាប្រឈមនឹងសុខភាព និងកង្វះអាហារូបត្ថម្ភ ដែលបណ្ដាលមកពីកត្តាចំណេះដឹងនៅមានកម្រិត ។ក្នុងពិធីបើកវគ្គបណ្ដុះបណ្ដាលយុវជនជើងឯកអាហារូបត្ថម្ភ ស្តីពីមូលដ្ឋានគ្រឹះអាហារូបត្ថម្ភ របបអាហារសុខភាព សុវត្ថិភាពចំណីអាហារ ការបញ្ចូលមីក្រូសារជាតិក្នុងចំណីអាហារ និងស្លាកសញ្ញាផលិតផលចំណីអាហារ នៅថ្ងៃទី១៨ ខែមករានេះ លោកជំទាវវេជ្ជបណ្ឌិត ប្រាក់ សោភ័ណ្ឌនារី រដ្ឋលេខាធិការក្រសួងសុខាភិបាល បានលើកឡើងថា ឆ្នាំ២០១៣ របាយការណ៍​អង្គការសហប្រជាជាតិ បានបង្ហាញថា កម្ពុជាមានយុវជនអាយុក្រោម៣០ឆ្នាំ ប្រមាណ ៦៥.៣ភាគរយ នៃប្រជាជនសរុប ដែលនេះជាកម្លាំងស្នូល និងសក្ដានុពលមួយ ក្នុងការ​អភិវឌ្ឍប្រទេសជាតិ នាពេលបច្ចុប្បន្ន ​ក៏ដូចជាថ្ងៃអនាគត ។លោកជំទាវ បានបន្តថា យុវជនកម្ពុជា បាននឹងកំពុងចូលរួមយ៉ាងសកម្ម ក្នុងវិស័យសង្គម វប្បធម៌ សេដ្ឋកិច្ច និងនយោបាយដោយពួកគេ មិនត្រឹមតែបានចូលរួមរាល់សកម្មភាពទាំងនោះទេ តែក៏បានក្លាយជាអ្នកដឹកនាំក្នុងវិស័យមួយចំនួនផងដែរ ​ហើយក៏ជាតួអង្គដ៏សំខាន់មួយ ក្នុងការ​ជួយ​ជំរុញការផ្លាស់ប្តូរ និងជាអ្នកដឹកនាំមិនអាចខ្វះបាន ដើម្បីចូលរួមលើកកម្ពស់ការយល់ដឹង​អាហា​រូបត្ថម្ភ របបអាហារសុខភាព និងសុវត្ថិភាពចំណីអាហារ ដើម្បីរួមចំណែកកាត់បន្ថយ​បញ្ហា​អាហារូបត្ថម្ភ គ្រប់ទម្រង់នៅកម្ពុជា ។លោកជំទាវ បានសង្កត់ធ្ងន់ថា ថ្វីត្បិតតែយុវជនមានឱកាសចូលរួមស្ទើរតែគ្រប់វិស័យក្នុងសង្គមក៏ ដោយតែយុវជនកម្ពុជា ​ក៏នៅមានបញ្ហាប្រឈមមួយចំនួន​ ជាពិសេសបញ្ហាសុខភាព និង​អាហារូបត្ថម្ភ ដូចជាកង្វះមីក្រូសារជាតិ ស្លេកស្លាំង ​ស្គមស្គាំង​ និងធាត់ជ្រុល ដែល​បណ្ដាល​មក​ពី​កត្តាចំណេះដឹង និងការផ្លាស់ប្តូរឥរិយាបទលើផ្នែកសុខភាព ​និងអាហារូបត្ថម្ភនៅមានកម្រិត ។លោកជំទាវ ប្រាក់ សោភ័ណ្ឌនារី បានរំពឹងថា អ្នកចូលរួមវគ្គបណ្ដុះបណ្ដាលនេះ ​ដែលធ្វើឡើង នៅ​ថ្ងៃទី១៨-១៩ ខែមករានេះ ​ដែលបានរៀបចំ និងឧបត្ថម្ភគាំទ្រអង្គការ Helen Keller ​និងគម្រោង ម៉ូសេ ហ្វូ (MUSEFO) នោះ​ នឹងជួយ​ផ្សព្វផ្សាយ​សារ​គន្លឹះដល់ពលរដ្ឋទាំងអស់​លើការអនុវត្តល្អប្រសើរ​ប្រចាំថ្ងៃ ​ដូចជាការបរិភោគអាហារ​ចម្រុះ​មុខ ​សម្បូរសារ​ជាតិ​ចិញ្ចឹម​ខ្ពស់ ការបរិភោគអាហារមានជាតិខ្លាញ់ អំបិល និងស្ករតិច ​ការជំរុញលើកកម្ពស់ ការបំបៅ​កូន​ដោយទឹកដោះម្ដាយ ​និងអាហារបន្ថែមដល់កុមារ ​និងការ ​ហាត់ប្រាណជាប្រចាំ៕អត្ថបទ៖ បាន សុខរិទ្ធ

អគ្គលេខាធិការអាស៊ានគាំទ្រកម្ពុជាធ្វើជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិអាស៊ាន នៅឆ្នាំ២០២២

2022/01/18 03:25:52 pm        597
Facebook Telegram Linkin
ភ្នំពេញ៖ អគ្គលេខាធិការអាស៊ាន បានគាំទ្រចំពោះក្រសួងការពារជាតិកម្ពុជា ក្នុងការរៀបចំធ្វើជាម្ចាស់ផ្ទះកិច្ច ប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំរដ្ឋមន្ត្រីការពារជាតិបូក នៅឆ្នាំ២០២២ និងបានប្តេជ្ញាធ្វើការ ជាមួយក្រសួងការពារជាតិកម្ពុជា និងសម្របសម្រួលការងារគ្រប់បែបយ៉ាងជាមួយ ប្រទេសដៃគូទាំងអស់ សំដៅរួមគ្នាជួយរៀបចំកិច្ចប្រជុំដំណើរការឱ្យសម្រេចជោគជ័យ។ក្នុងជំនួបជាមួយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កាល​ពីរសៀលម្សិលមិញ នៅរាជធានីភ្នំពេញ ក្នុងនាមអគ្គលេខាធិការអាស៊ាន ​លោក លីម ចុកហ៊ុយ បាន​បង្ហាញពីការប្ដេជ្ញាបន្តយកចិត្តទុកដាក់ជួយសម្របសម្រួលរាល់កិច្ចការទាំងឡាយ ពាក់ព័ន្ធនឹងវិស័យ ការពារជាតិ ពិសេសឯកសារទស្សនទានចំនួនបី គឺទី១- កិច្ចសហប្រតិបត្តិការកងទ័ពអាស៊ាន ទប់​ស្កាត់ការ ឆ្លងដែននៃជំងឺកូវីដ១៩, ទី២- ការចូលរួមប្រតិបត្តិការរក្សាសន្តិភាពស្ត្រីអាស៊ាន សន្តិភាព និងសន្តិសុខ និង ទី៣- បង្កើតកិច្ចសហប្រតិបត្តិការសកលវិទ្យាល័យការពារជាតិអាស៊ាន និងសេចក្តីថ្លែងការណ៍រួម ។លោកបានបញ្ជាក់ថា នឹងចាត់ក្រុមការងារពិសេសមួយក្រុម សហការជាមួយក្រុមការងារក្រសួង ការពារជាតិ ទទួលបន្ទុកកិច្ចការអាស៊ាននេះ។ ក្នុងនាមម្ចាស់ផ្ទះរៀបចំកិច្ចប្រជុំរដ្ឋមន្ត្រី​ការពារជាតិ​អាស៊ាន ​និងកិច្ចប្រជុំពាក់ព័ន្ធ នៅឆ្នាំនេះ​ សម្តេចពិជ័យសេនា ទៀ បាញ់ បានប្តេជ្ញាចិត្តខិតខំ​ប្រឹងប្រែង​រៀបចំ​កិច្ចប្រជុំរដ្ឋមន្ត្រីការពារជាតិអាស៊ាន ​និងកិច្ចប្រជុំពាក់ព័ន្ធឱ្យទទួលបានជោគជ័យ។សម្តេចពិជ័យសេនា បានជម្រាបជូនអគ្គលេខាធិការអាស៊ានថា ការធ្វើម្ចាស់ផ្ទះប្តូរវេនកិច្ចប្រជុំរដ្ឋ មន្ត្រីការពារជាតិអាស៊ាន ​និងកិច្ចប្រជុំពាក់ព័ន្ធឆ្នាំ២០២២ កម្ពុជា ​បានរៀបចំកិច្ចប្រជុំចំនួន១៣ និងបានត្រៀមរៀបចំឯកសារ ​ធនធានមនុស្ស ​និងមធ្យោបាយផ្សេងៗបានរួចរាល់។ ដោយសារប្រទេសកម្ពុជា មានស្ថានភាពល្អក្នុងការទប់ស្កាត់ការរីករាលដាលជំងឺកូដ-១៩ ​ទើបកម្ពុជា គ្រោងនឹងរៀបចំកិច្ចប្រជុំដោយផ្ទាល់ ដែលគ្រោងនឹងរៀបចំនៅទីស្តីការក្រសួងការពារជាតិថ្មី និងនៅតាមខេត្តមួយចំនួន។សម្តេចពិជ័យសេនា បានសង្កត់ធ្ងន់ថា «ទោះបីកម្ពុជា បានរៀបចំឯកសារពាក់ព័ន្ធរួចរាល់ ​សម្រាប់ កិច្ច​ប្រជុំនេះ ប៉ុន្តែកម្ពុជា នៅតែតម្រូវការធាតុចូលបន្ថែមពីបណ្តាប្រទេសអាស៊ាន ពិសេស​ពី​អគ្គលេធិការ ដ្ឋានអាស៊ាន ​ទៅលើការងារខ្លឹមសារ និងរដ្ឋបាល ដូចនេះស្នើអគ្គលេខាធិការអាស៊ាន បន្ត​ជួយសម្រប សម្រួលរាល់កិច្ចការទាំងឡាយពាក់ព័ន្ធនឹងវិស័យការពារជាតិ ពិសេស​ឯកសារ​ទស្សនទាន​ទាំងបី។សម្តេចពិជ័យសេនា បានបញ្ជាក់ថា ​រហូតមកដល់ពេលនេះ កម្ពុជា ​ទើបទទួលបានការស្នើសុំរៀប ចំកិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ានបូក១ រួមមាន៖ រុស្ស៉ី និងជប៉ុន ដូច្នេះសម្តេច បាន​ស្នើអគ្គលេខាធិការដ្ឋានអាស៊ាន ជួយជំរុញ​និងសម្របសម្រួលជាមួយប្រទេសដៃគូដទៃទៀត ក្នុង​ការស្នើសុំរៀបចំ កិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ានបូក១ នៅចុងឆ្នាំនេះ៕ អត្ថបទ៖ បាន ចក់

អាជ្ញាធរជាតិអប្សរាបើកឱ្យទស្សនាវង់នៅលើប្រាសាទបាយ័ន

2022/01/18 08:11:25 am        1032
Facebook Telegram Linkin
សៀមរាប៖ អាជ្ញាធរជាតិអប្សរា បានដាក់ឱ្យដំណើរការវង់ទស្សនាថ្មី នៅលើប្រាសាទបាយ័ន ដើម្បីសម្រួលដល់រំហូរការចូលទស្សនារបស់ភ្ញៀវទេសចរក្នុងប្រាសាទកុំឱ្យកកកុញ។លោក សេង សុធារ៉ា អនុប្រធាននាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា ឱ្យដឹងនៅថ្ងៃទី១៨ខែមករានេះថា ការរៀបចំវង់ទស្សនាថ្មីនៅប្រាសាទបាយ័ននេះ ដើម្បី​រៀបចំ​រំហូរភ្ញៀវតាមប្រាសាទ​ឱ្យមានលំដាប់​លំដោយ ​ចៀសវាង​ការ​កកស្ទះ នៅពេលអ្នក​ទេសចរណ៍​ដើរ​ទស្សនាផ្ទាំងចម្លាក់ មិនបានគ្រប់ជ្រុងជ្រោយ។ លោកបញ្ជាក់ថា ​ការរៀបចំនេះ ក៏ក្នុងបំណង​ឱ្យទេសចរបានដឹងពីគុណតម្លៃប្រាសាទ​ដែលមាន​ដូចជា​ប្រវត្តិសាស្រ្ត ក្បាច់ចម្លាក់ ក្នុង​រោងទងទាំងអស់​ដែលកន្លងមកទេសចរ​តែង​ទស្សនារំលង​ទិដ្ឋភាពខ្លះ និងជួយរក្សាគំលាតសុវត្ថិភាពដល់ទេសចរ ​ខណៈដែលជំងឺកូវីដ១៩ មិនទាន់ទៅ​ណា​ឆ្ងាយ។ ការធ្វើដូច្នេះ ​អាចកាត់បន្ថយពីហានិភ័យ ​រក្សាគំលាតបានច្រើន ស្របតាម​គោលការណ៍​ណែនាំរបស់ក្រសួងសុខាភិបាល។លោក បានបន្តថា វង់ទស្សនាថ្មីនេះមានជំរើសក្នុងការទស្សនាចំនួន៣ខ្សែ ដោយរៀបចំនៅជាន់ទី១ និងទី២ ខណៈដែលជាន់ទី៣ ​បានបិទបណ្ដោះអាសន្ន ​ដើម្បីជួសជុល។ការទស្សនាខ្សែទី១ មានរយៈពេល ១ម៉ោងនិង៤៥នាទី ខ្សែទី២ ​មានរយៈពេល ៥៥នាទី និងខ្សែទី៣ មានរយៈពេល ៤៥នាទី។បន្ថែមពីនេះ ការរៀបចំ​វង់​ទស្សនាថ្មីនេះ​ ក៏មានការរៀបចំចំណុច​ទីតាំង​ដែលថតរូបភាពស្អាត​ចំនួន ៤កន្លែង ដើម្បីឱ្យទេសចរ​ផ្តិតរូបភាពពួកគេ ​ជាមួយចំណុចពិសេសទាំងនោះ។ ​ជាមួយគ្នានេះ អាជ្ញាធរជាតិអប្សរាក៏បានរៀបចំផ្ទាំងព័ត៌មានថ្មីនៅ​តាម​រោងទង ​ចំនួនបីភាសាផងដែរ ​មានភាសាខ្មែរ អង់គ្លេស និងចិន។បើតាមលោកអនុប្រធាននាយកដ្ឋានអភិវឌ្ឍន៍ទេសចរណ៍រូបនោះ ​បន្ថែមថា កន្លងមកអាជ្ញាធរ​ជាតិ​អប្សរា ធ្លាប់បានរៀបចំវង់ទស្សនានេះនៅតាមប្រាសាទផ្សេងៗ​ទៀតរួចហើយ ដូចជា​ប្រាសាទ​អង្គរវត្ត ប្រាសាទតាព្រហ្ម និងប្រាសាទបន្ទាយស្រីជាដើម។ លោក បន្ដថា អាជ្ញាធរជាតិអប្សរា​ក៏កំពុងគិតគូរក្នុងការរៀបចំ​តាមប្រាសាទ​ដទៃទៀតផងដែរ ក្នុង​ន័យលើករៀបចំរំហូរវង់ទស្សនារបស់ទេសចរ និងលើកពីគុណតម្លៃប្រាសាទទាំងនោះជាដើម៕

ក្រុងសៀមរាប ​ជាប់ជ័យលាភី​ជាទី​ក្រុង​ទេសចរណ៍​ស្អាត​ អាស៊ាន​លើកទី៣

2022/01/18 12:41:48 pm        508
Facebook Telegram Linkin
សៀមរាប៖ ក្រសួងទេសចរណ៍ បានឱ្យដឹងថា ទីក្រុងសៀមរាប បានជាប់ជ័យលាភីជាទីក្រុងទេសចរណ៍ស្អាតអាស៊ានលើកទី៣ ដោយមានសុពលភាព៣ឆ្នាំ ចាប់ពីឆ្នាំ២០២២ ដល់ឆ្នាំ២០២៤ ដោយគ្រោងនឹងប្រគល់ជ័យលាភីរង្វាន់ទេសចរណ៍អាស៊ាន នាឱកាសវេទិកាទេសចរណ៍អាស៊ានឆ្នាំ២០២២ នៅខេត្តព្រះសីហនុ។យោងតាមសេចក្ដីជូនដំណឹងរបស់ក្រសួងទេសចរណ៍ ចេញផ្សាយនៅថ្ងៃទី ១៧ខែមករា ឆ្នាំ២០២២នេះថា គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ បានឱ្យដឹងថា ដោយមានការឯកភាព​ជា​គោលការណ៍​ដ៏ខ្ពង់ខ្ពស់​ពីរាជរដ្ឋាភិបាល ទីក្រុង​ទេសចរណ៍ឆ្នើម​របស់​កម្ពុជាចំនួន ៣ រួមមាន៖ ទីក្រុងបាត់ដំបង ​ទីក្រុងព្រះសីហនុ ​និងទីក្រុងសៀមរាប បាន​ចូលរួម​ប្រឡងប្រណាំង ​ហើយ​ទទួលបានជ័យលាភីជាទីក្រុងទេសចរណ៍ស្អាត​អាស៊ានលើកទី៣ សុពលភាព​ឆ្នាំ ២០២២-២០២៤ ​ហើយជ័យលាភីនេះ ​ដោយគ្រោងនឹងចែក នៅក្នុងពិធី​ប្រគល់​ជ័យលាភីរង្វាន់ទេសចរណ៍អាស៊ាន នាឱកាសវេទិកាទេសចរណ៍អាស៊ាន ឆ្នាំ២០២២ នៅខេត្តព្រះសីហនុ។សេចក្ដីជូនដំណឹង បានបន្ដថា រដ្ឋមន្ត្រីទេសចរណ៍អាស៊ាន នឹងប្រគល់រង្វាន់ទីក្រុងទេសចរណ៍ស្អាត​អាស៊ាននេះ ជូនដល់ដល់ទីក្រុងទេសចរណ៍ចំនួន ​២១ នៅក្នុងំបន់អាស៊ាន។​ ជាមួយគ្នានេះ គណៈកម្មាធិការជាតិវាយតម្លៃទីក្រុងស្អាត ​បាននឹង​កំពុងជំរុញ​ចលនាប្រឡងប្រណាំងទីក្រុងស្អាត ទាំងនៅ​កម្រិតថ្នាក់ជាតិ និងកម្រិត ​តំបន់អាស៊ាន សំដៅចូលរួមដល់ការជំរុញការកសាង​ទី​ក្រុងឆ្លាតវៃ​ (Smart City)​ នៅក្នុងតំបន់អាស៊ាន។ សេចក្ដីជូនដំណឹង​ដដែល បានបន្ដថា ការណ៍នេះបាន​ឆ្លុះបញ្ចាំង​ពីតួនាទី និងការចូលរួមរបស់កម្ពុជា​ក្នុងតំបន់​ ក្រោមការដឹកនាំដ៏ឈ្លាសវៃប្រកប ​ដោយគតិបណ្ឌិតរបស់ សម្ដេចអគ្គមហាសេនាបតីតេ​ជោ ហ៊ុន សែន ​នាយករដ្ឋមន្ត្រីនៃព្រះរាជាណាចក្រកម្ពុជា។ការប្រគល់រង្វាន់នេះ ធ្វើឡើងដើម្បីពង្រឹងភាពទាក់ទាញ និងបង្កើនភាពប្រកួតប្រជែង របស់​ទីក្រុង​ទេសចរណ៍​អាស៊ាន ក៏ដូចជាពង្រឹងគុណភាពផលិតផល ​និងសេវាកម្មទេសចរណ៍នៅតាម បណ្តា​ទីក្រុងរបស់អាស៊ាន ​ស្របតាមផែនការយុទ្ធសាស្ត្រទេសចរណ៍អាស៊ាន ​ឆ្នាំ២០១៦-២០២៥ សំដៅ ធ្វើឱ្យអាស៊ានក្លាយជាគោលដៅទេសចរណ៍ប្រកប​ដោយគុណភាព​ និងភាពទាក់ទាញ ផ្តល់ភាព​កក់ក្ដៅ ដល់ភ្ញៀវទេសចរ។ ប​ន្ថែមលើពីនោះ ការប្រកួតប្រជែងនេះ ​ក៏បានជំរុញដល់ការរៀបចំ​មជ្ឈដ្ឋាន​រស់នៅ​របស់​ប្រជាពលរដ្ឋ ​តាមបណ្តាទីក្រុងនៅក្នុងតំបន់អាស៊ាន​ឱ្យកាន់តែប្រសើរឡើង ព្រមទាំង​ចូលរួម​យ៉ាងមាន​ប្រសិទ្ធភាព​ដល់ការអភិវឌ្ឍទីក្រុងប្រកបដោយនិរន្តរភាព ​សុវត្ថិភាព និងបរិយាបន្ន។សូមបញ្ជាក់ថា ស្ដង់ដា​ទីក្រុងទេសចរណ៍ស្អាតអាស៊ាន ត្រូវបានដឹកនាំរៀបចំឡើងដោយក្រសួង ទេស​ចរណ៍កម្ពុជា និងគណៈកម្មាធិការជាតិវាយតម្លៃទីក្រុងស្អាត​ តាំងពីឆ្នាំ២០១១ និង​ដោយមានការ​គាំទ្រ​ ពីរដ្ឋ​មន្ត្រីទេសចរណ៍អាស៊ាន​ ហើយស្ដង់ដា​នេះត្រូវបានអនុម័ត និង​ដាក់​ឱ្យអនុវត្តន៍ជាផ្លូវការកាលពី ​វេទិកា​ទេសចរណ៍អាស៊ាន​ ឆ្នាំ២០២២ដល់ឆ្នាំ២០២៤៕

រាជ​រដ្ឋាភិបាល​ណែនាំ​ឱ្យ​ប្រារព្ធ​ទិវា​នយោបាយ​ឈ្នះ ឈ្នះ ២៩​ធ្នូ ទូទាំង​ប្រទេសដើម្បី​ចង​ចាំ​គុណូបការៈ​ស្ថាបនិក​សន្តិភាព

2022/01/18 12:24:04 pm        276
Facebook Telegram Linkin
ភ្នំពេញ៖ ប្រមុខ​រាជ​រដ្ឋាភិបាល​កម្ពុជា សម្ដេច​តេជោ ហ៊ុន សែន បាន​ណែនាំ​ឱ្យ​ដាក់​បញ្ចូល​ទិវា​នយោបាយ​ឈ្នះ ឈ្នះ ២៩ ធ្នូ ទៅ​ក្នុង​ប្រតិទិន​ប្រចាំ​ឆ្នាំ ប៉ុន្តែមិន​មែន​ជា​ថ្ងៃ​ឈប់​សម្រាក​ជា​សាធារណៈ​នោះ​ឡើយ។ក្នុង​សារចរ​ណែនាំ​មួយសម្ដេច​តេជោ ហ៊ុន សែន បាន​បញ្ជាក់​ថា រាជ​រដ្ឋាភិបាល​បាន​កំណត់​យក​ថ្ងៃ​ទី​២៩ ខែ​ធ្នូ ឆ្នាំ​១៩៩៨ គឺ​ជា​ថ្ងៃ​បញ្ចប់​ទាំង​ស្រុង​នូវ​សង្គ្រាម​ស៊ីវិល​នៅ​កម្ពុជា​មិន​មាន​ការ​បង្ហូរ​ឈាម និង​ទទួល​បាន​សន្តិភាព​ពេញ​លេញ។សម្ដេច​តេជោ ហ៊ុន សែន ក៏​សម្រេច​ណែនាំ​ទៅ​គ្រប់​ស្ថាប័ន​រដ្ឋ និង​ឯកជន ឱ្យ​ដាក់​បញ្ចូល​ទិវា​ឈ្នះ ឈ្នះ ​២៩ ធ្នូ ក្នុង​ប្រតិទិន​ប្រចាំ​ឆ្នាំ។ប្រមុខ​រាជ​រដ្ឋាភិបាល​កម្ពុជា ក៏​បាន​ណែនាំ​ទៅ​គ្រប់​ស្ថាប័ន​រដ្ឋ និង​គ្រឹះស្ថាន​ឯកជន ឱ្យ​អបអរ​សាទរ​ទិវា​នយោបាយ​ឈ្នះ ឈ្នះ ២៩ ធ្នូ ជាមួយ​ការ​លើក​ស្លាក​ដែល​សរសេរ​ថា «អរគុណ​សន្តិភាព! អរគុណ​នយោបាយ​ឈ្នះ ឈ្នះ! ដឹង​គុណ​ស្ថាបនិក មគ្គុទ្ទេសក៍​ឯក និង​ប្រតិបត្តិករ​នយោបាយ​ឈ្នះ ឈ្នះ ដែល​នាំ​មក​នូវ​សន្តិភាព និង​ការ​ឯកភាព​ជាតិ​ពេញ​លេញ!»។សម្ដេច​តេជោ ហ៊ុន សែន បាន​បញ្ជាក់​ថា ការ​ណែនាំ​ឱ្យ​ដាក់​បញ្ចូល​ទិវា​នយោបាយ​ឈ្នះ ឈ្នះ ២៩ ធ្នូ ក្នុង​ប្រតិទិន​ប្រចាំ​ឆ្នាំ​នេះ គឺ​ដើម្បី​ដឹង​គុណ​កតញ្ញូ និង​ចង​ចាំ​គុណូបការៈ​ដ៏​ថ្លៃ​ថ្លា​នេះ។នៅ​ក្នុង​ពិធី​សម្ពោធ​ដាក់​ឱ្យ​ប្រើ​ប្រាស់​អគារ​ថ្មី​នៃ​ទីស្ដី​ការ​ក្រសួង​ការពារជាតិកាលថ្ងៃ​ទី​២៩ ខែ​ធ្នូ​កន្លង​មក​នេះ សម្ដេច​តេជោ ហ៊ុន សែន បាន​​ស្នើ​ឱ្យ​មាន​ការ​ដាក់​បញ្ចូល​ថ្ងៃ​ទី​២៩ ធ្នូ ទៅ​ក្នុង​ប្រតិទិន​ប្រចាំ​ឆ្នាំ​ចាប់​ពី​ឆ្នាំ​នេះ​ត​ទៅ ប៉ុន្តែ សម្ដេច​បញ្ជាក់​ថា មិន​មែន​ជា​ថ្ងៃ​ឈប់​សម្រាក​សាធារណៈ​នោះ​ឡើយ៕

បណ្ដាញសង្គម

ព័ត៌មានថ្មីៗ

ប្រតិភូសភាពាណិជ្ជកម្មនាំយកនូវគ្រឿងឧបភោគបរិភោគ និងថវិកាផ្ដល់ជូនកងកម្លាំងជួរមុខនៅខេត្តឧត្តរមានជ័យ
06/26/2025 04:06 PM
Facebook Telegram Linkin
វិស័យឧស្សាហកម្មនឹងមានកំណើន ៧,៨% ក្នុងឆ្នាំ២០២៥ ហើយនិន្នាការនេះនិងផ្តល់កាលានុវត្តថ្មីៗដល់ MSMEs
06/26/2025 04:06 PM
Facebook Telegram Linkin
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
06/26/2025 04:06 PM
Facebook Telegram Linkin
ក្រសួង៖ អ៊ីរ៉ង់បើកដែនអាកាសនៅភាគខាងកើតនៃប្រទេសឡើងវិញ
06/26/2025 04:06 PM
Facebook Telegram Linkin
លោក Starmer ជំរុញឲ្យណាតូដាក់សម្ពាធលោក Putin ដើម្បីកុំឲ្យពន្យារពេលបញ្ចប់សង្គ្រាម
06/26/2025 04:06 PM
Facebook Telegram Linkin
សេដ្ឋវិទូរបស់សេតវិមាន៖ គោលនយោបាយរបស់លោក Trump នឹងកាត់បន្ថយឱនភាព ១១សែនកោដិដុល្លារ
06/26/2025 04:06 PM
Facebook Telegram Linkin
អ៊ីរ៉ង់នឹងទទួលបានមេរៀនដ៏ធំ អំពីថា តើលោក Putin ជាសម្ព័ន្ធមិត្តដ៏គួរឲ្យទុកចិត្តបានដែរ ឬទេ
06/26/2025 04:06 PM
Facebook Telegram Linkin
អ៊ីរ៉ង់ចាត់ទុកការនិយាយរបស់ប្រមុខណាតូ អំពីការវាយប្រហាររបស់អាមេរិកថា ជារឿងគួរឲ្យអាម៉ាស់
06/26/2025 04:06 PM
Facebook Telegram Linkin
អាមេរិករិះគន់ខ្លាំងៗដល់ព័ត៌មាន ដែលថា អ៊ីរ៉ង់យកសារធាតុអ៊ុយរ៉ានីញ៉ូមចេញ មុនពេលទម្លាក់គ្រាប់បែក
06/26/2025 04:06 PM
Facebook Telegram Linkin
សមាជិកសភាអាមេរិកអំពាវនាវឲ្យមានទំនាក់ទំនងកាន់តែជិតស្និទ្ធប្រឆាំងនឹង«សម្ព័ន្ធភាពមិនស្មោះត្រង់»របស់កូរ៉េខាងជើង ចិន និងរុស្ស៊ី
06/26/2025 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.