នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

សម្តេច សាយ ឈុំ ស្នើឲ្យទូតខ្មែរថ្មីបំពេញការងារនៅក្រៅប្រទេស​ខិតខំ​ពង្រឹង​កិច្ច​សហប្រតិបត្តិការ​ឲ្យ​កាន់តែល្អថែមទៀត

2021/12/28 11:44:35 am        754
Facebook Telegram Linkin
ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានជំរុញដល់ឯកអគ្គរាជទូតខ្មែរថ្មី ដែលបំពេញការងារនៅក្រៅប្រទេស ខិតខំប្រឹងប្រែងកិច្ចការងាររបស់ខ្លួន ឲ្យបានល្អប្រសើរបន្ថែមទៀត ជាមួយប្រទេសដែលពួកផងខ្លួន ត្រូវព្រះមហាក្សត្រត្រាស់បង្គាប់តែងតាំងឲ្យបំពេញបេសកកម្មនោះ។ថ្លែងក្នុងឱកាស អនុញ្ញាតឱ្យឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា​ទើបតែងតាំងថ្មីប្រចំាប្រទេសនានាចំនួន០៣រូប ​ចូលជួបសម្តែងការគួរសម និងទទួល​អនុសាសន៍​ណែនាំ​មុននឹងចេញដំណើរទៅបំពេញភារកិច្ចនោះ ​សម្តេច វិបុលសេនាភក្តី សាយ ឈុំ បាន​លើក​ឡើងថា «សូមយកចិត្តទុកដាក់ខិតខំប្រឹងប្រែងខិតខំពង្រឹងពង្រីកនូវទំនាក់ទំនង និង​កិច្ច​សហប្រតិបត្តិការ​លើគ្រប់វិស័យ​រវាងប្រទេសកម្ពុជា ​និងប្រទេស​សាមី ​ឱ្យបានរឹងមាំ ​និងខ្លាំងក្លា ដើម្បី​ជា​គុណ​ប្រយោជន៍​ដ៏​ឧត្ដុង្គឧត្ដម​សម្រាប់ប្រជាជន ​និងប្រទេសទាំងពីរ ​ទាំងក្នុងពេលបច្ចុប្បន្ន និងទៅអនាគត»។ក្តាប់ជាប់គ្រប់សភាពការណ៍របស់ប្រទេសជាតិយើង ក៏ដូជាសភាពការណ៍អន្តរជាតិ ដែលមានការ​ពាក់ព័ន្ធ​នឹងប្រទេសជាតិយើងសំដៅ ​និងបង្កលក្ខណងាយស្រួលសម្រាប់យើងក្នុង​ការ​ផ្សព្វផ្សាយ​ជូនប្រជាពលរដ្ឋនៃព្រះរាជាណាចក្រកម្ពុជា​ ដែលបាននឹងកំពុងរស់នៅ ធ្វើការងារនៅប្រទេស​ដែល​ឯកឧត្តម​ធ្វើជាឯកអគ្គរាជទូតជាដើមនោះ ។សម្តេចជាមួយគ្នានោះដែរ សម្តេចវិបុលសេនាភក្តី សាយ ឈុំ បានសម្តែងនូវការ​អបអរសាទរ​ចំពោះ​ឯកឧត្តម ទាំង០៣រូប ដែលត្រូវបាន​ព្រះមហាក្សត្រត្រាស់បង្គាប់តែងតាំង​ជា​ឯកអគ្គរាជទូតថ្មី​ប្រចាំ​ប្រទេសទាំង០៣ ​មានដូចជា​ឯកឧត្តម ទុយ រី ឯកអគ្គរាជទូតប្រចាំប្រទេសជប៉ុន ឯកឧត្តម កែវ ឈា ឯកអគ្គរាជទូតប្រចាំសហរដ្ឋអាមេរិក និងម៉ិកស៊ីកូ និងឯកឧត្តម ផន ពៅ ឯកអគ្គរាជទូតប្រចាំ​សាធារណរដ្ឋ​ហ្វីលីពីន។សម្តេចប្រធានព្រឹទ្ធសភាក៏បាន​ផ្ដាំផ្ញើ ​ឲ្យយកចិត្តទុកដាក់ក្តាប់គ្រប់សភាពការណ៍ ដែលកើតមាន​ឡើង​នៅ​ប្រទេសដែលឯកឧត្តម​ធ្វើ​ជាឯកអគ្គរាជទូត ហើយជូនព័ត៌មានទាំងអស់​នោះមក​ដល់​ប្រទេសជាតិយើងវិញ ​ដើម្បីជ្រាប​ ឬក៏ដើម្បីយើងមានគោលការណ៍ និងវិធានការជា​ការ​រឹតចំណង​មិត្តភាព សាមគ្គីភាព ​និងកិច្ចសហប្រតិបត្តិការជាមួយនឹងបណ្តាប្រទេសទាំងអស់នោះ។សូមខិតខំប្រឹងប្រែងឱ្យមានការផ្លាស់ប្តូរ ទស្សនកិច្ចរវាងថ្នាក់ដឹកនាំកំពូល ថ្នាក់ដឹកនាំជាន់ខ្ពស់ មន្ត្រីជំនាញតាមស្ថាប័ននានា ​និងខិតខំឱ្យមានកិច្ចសហប្រតិបត្តិការផ្លាស់ប្តូរខាងសេដ្ឋកិច្ច ពាណិជ្ជកម្ម វិនិយោគ ទេសចរណ៍ អប់រំ វប្បធម៌ បច្ចេកទេស...។ ដើម្បីជាគុណប្រយោជន៍សម្រាប់ប្រទេសទាំងពីរ ​ក៏ដូចជាគុណប្រយោជន៍ប្រទេសកម្ពុជា។ក្នុងនាម​ឯកអគ្គរាជទូតទាំង០៣រូប​ ឯកឧត្តម ទុយ រី ​បានសន្យាថា នឹងខិតខំអនុវត្តតាម​អនុសាសន៍​ណែនាំ​ដ៏ខ្ពង់ខ្ពស់របស់សម្តេចប្រធានព្រឹទ្ធសភា​ និងខិតខំផ្សព្វផ្សាយនូវកិត្យានុភាពប្រទេសជាតិ ពង្រឹង​ពង្រីកទំនាក់ទំនង​សហប្រតិបត្តិការជាមួយ​នឹងប្រទេសម្ចាស់ផ្ទះ​ និងឯកអគ្គរាជទូត រដ្ឋទូត​ប្រទេស​ផ្សេងៗទៀត ​និងខិតខំទាក់ទាញជំនួយនៃប្រទេសជាមិត្ត វិនិយោគិន អ្នកទេសចរ​ឱ្យ​មកកម្ពុជា​កាន់តែច្រើន ​ដើម្បីលើកកម្ពស់សេដ្ឋកិច្ច សង្គមនៃព្រះរាជាណាចក្រកម្ពុជា​ឱ្យកាន់​តែរីក​ចម្រើន​ឡើងថែមទៀត៕អត្ថបទ៖ បាន ចក់

អភិបាលខេត្តឧត្តរមានជ័យ ជំរុញបេក្ខជនឱ្យប្រើប្រាស់សមត្ថភាពក្នុងការប្រឡង

2021/12/27 04:52:01 pm        575
Facebook Telegram Linkin
ឧត្ដរមានជ័យ៖ អភិបាលខេត្តឧត្ដរមានជ័យ បានជំរុញឱ្យបេក្ខជនទាំងអស់ ប្រើប្រាស់សមត្ថភាពក្នុងការប្រឡងយក សញ្ញាបត្រ ដើម្បីវាស់ស្ទង់ពីកម្រិតចំណេះដឹង ដែលបានសិក្សាអស់រយៈពេលជាច្រើនឆ្នាំមកហើយនោះ។ឯកឧត្តម ប៉ែន កុសល្យ អភិបាលខេត្តឧត្តរមានជ័យ ពេលបើកវិញ្ញាសារប្រឡងសញ្ញាបត្រមធ្យម​សិក្សាទុតិយភូមិ ​នៅវិឡាល័យតេជោ សែន សំរោង ​នៅព្រឹកថ្ងៃទី២៧ ខែធ្នូនេះ បានក្រើន​រំលឹក​បេក្ខជន ប្រឡងទាំងអស់ ត្រូវមានស្មារតីទទួលខុសត្រូវខ្ពស់ចំពោះការណែនាំរបស់ក្រសួងអប់រំ យុវជន និងកីឡា ក៏ដូចជាវិធានការណែនាំរបស់ក្រសួងសុខាភិបាល ក្នុងការបង្ការទប់ស្កាត់​ការ​ឆ្លងកូវីដ-១៩។លោក ប៊ិច រតនា ប្រធានមន្ទីរអប់រំ យុវជន និងកីឡា ខេត្តឧត្តរមានជ័យ បានឱ្យដឹងថា សម័យ​ប្រឡង​សញ្ញាបត្រមធ្យមសិក្សាទុតិយភូមិ ឆ្នាំសិក្សា២០២០/២០២១នេះ ក្នុងខេត្តនេះ មាន​បេក្ខ​ជនដាក់ ពាក្យប្រឡង ចំនួន១៤៧៩ ចែកចេញជាបីមណ្ឌល ចំនួន៦០បន្ទប់ ១- មណ្ឌលប្រឡង​វិឡាល័យ​តេជោ សែន សំរោង ២- មណ្ឌលប្រឡងវិឡាល័យហ៊ុន សែន ​ឧត្តរមានជ័យនិង៣- មណ្ឌល​សាលាបឋមសិក្សាក៥ ។លោកបានបញ្ជាក់ថា ដំណើរការប្រឡង​ ថ្ងៃទី១នេះ ប្រព្រឹត្តទៅល្អ ​សិស្សគោរពតាមលក្ខខណ្ឌ នៃ ការប្រឡង ​បើទោះជាសិស្សពីរនាក់ ​ត្រូវបានពិនិត្យរកឃើញវិជ្ជមានកូវីដ-១៩ក្ដី៕ អត្ថបទ៖ ឃិន សារិទ្ធ 

ក្រសួងការពារជាតិ​នឹង​ប្រារព្ធ​ពិធី​យ៉ាង​អធិកអធម​នៅ​ក្នុង​បរិវេណ​វិមាន​ឈ្នះឈ្នះ​ នៅ​ថ្ងៃឆ្លង​ឆ្នាំ២០២១ចូលឆ្នាំ២០២២

2021/12/27 02:17:46 pm        344
Facebook Telegram Linkin
ភ្នំពេញ៖ ក្រសួងការពារជាតិកម្ពុជា នឹងប្រារព្ធពិធីយ៉ាងអធិកអធម នៅក្នុងបរិវេណវិមាន ឈ្នះ ឈ្នះ ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ចាប់ពីថ្ងៃទី៣០ រហូតដល់យប់រំលងអាធ្រាតថ្ងៃទី៣១ ខែធ្នូ ឆ្នាំ២០២១នេះ ដើម្បីអបអរសាទរខួប២៣ឆ្នាំ នៃទិវានយោបាយ ឈ្នះ ឈ្នះ និងខួបលើកទី៣ នៃការដាក់ឲ្យដំណើរការជាសាធារណៈនៃវិមាន ឈ្នះ ឈ្នះ។ថ្លែងប្រាប់អ្នកសារព័ត៌មានបន្ទាប់ពីចុះត្រួតពិនិត្យ នូវការរៀបចំស្តង់តាំង​ពិព័រណ៍ សម្រាប់​សមិទ្ធផល​តាមបណ្តាអង្គភាពនានាចំណុះឲ្យក្រសួងការពារជាតិ ​នៅវិមាន ឈ្នះ ឈ្នះ ​នាព្រឹកថ្ងៃទី២៧ ខែធ្នូ ឆ្នាំ២០២១នេះ ​នាយឧត្តមសេនីយ៍ ណឹម សុវត្ថិ ​ទីប្រឹក្សា​ពិសេសសម្តេចពិជ័យសេនា ទៀ បាញ់ និង​ជាអគ្គនាយកអគ្គនាយកដ្ឋាននយោបាយកិច្ចការបរទេស ​និងជាប្រធានក្រុមការងារសិក្សាស្រាវជ្រាវ និងសាងសង់ វិមានឈ្នះ ឈ្នះ បានឲ្យដឹងថា​ នៅក្នុងឱកាសប្រារព្ធ​ពិធីខាងលើនេះ ​នឹងមានការ​ប្រគំតន្ត្រី ​បាញ់កាំជ្រួច និងពិធីកំសាន្តនានាជាច្រើនទៀត​ ដើម្បីអបអរសាទរខួបខាងលើនេះ បន្ទាប់​ពី​អាក់ខាន​មួយឆ្នាំកន្លងទៅ ដោយសារបញ្ហានៃការរីករាលដាលនូវមេរោគកូវីដ១៩នោះ។ក្នុងសន្និសីទសារព័ត៌មាននោះដែរ ឯកឧត្តមនាយឧត្តមសេនីយ៍ ណឹម សុវត្ថិ ​ក៏បានរំលឹកអំពីអត្ថន័យ នៃសំណង់វិមានឈ្នះ ឈ្នះផងដែរថា វិមាននេះគឺជាកំពូលវិមានដែលមានជ្រុងបី​តំណាង​ឲ្យ​នយោបាយ​គន្លឹះសំខាន់ៗចំនួន ៣នាំឲ្យនយោបាយឈ្នះ-ឈ្នះ​ទទួលបាន​ជោគជ័យ (ទី១.ការធានារូបកាយ និងអាយុជីវិត, ទី២. ធានាអាជីព និងមុខរបរ និងទី៣. ការធានាកម្មសិទ្ធិ និង​ទ្រព្យ​សម្បត្តិ ទាំងចលនទ្រព្យ និងអចលនទ្រព្យ), ទី ២. តួវិមានដែលមានជ្រុង ៥ តំណាងឲ្យយុទ្ធ​សាស្ដ្រ DIFID (បំបែក ឯកោបញ្ចប់ ធ្វើសមាហរណកម្ម និង អភិវឌ្ឍ) ដែលជាយុទ្ធសាស្ដ្ររំលាយ​អង្គការ​ចាត់តាំងនយោបាយ និងយោធាខ្មែរក្រហម និងសារសំខាន់ ទី៣. តួវិមានមានជ្រុង ប្រាំពីរ តំណាងកត្តា​នាំឲ្យនយោបាយ ឈ្នះ-ឈ្នះ ទទួលបានជោគជ័យ ។នៅជាប់លើវិមានមានឆ្លាក់សិលាចារឹក​ចំនួន២ផ្ទាំង គឺសិលាចរឹកផ្ទាំងទី១ បង្ហាញពីជោគជ័យ​នៃ​នយោបាយឈ្នះ-ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលធ្វើ​ឱ្យ​ប្រទេស​ជាតិ​ទាំងមូល​ ទទួលបានសុខ​សន្តិភាព​ពេញលេញ​ មានឯកភាពជាតិ និងឯកភាពទឹកដី​ទាំងស្រុង​ចាប់ពីចុងឆ្នាំ១៩៩៨មក។ ​អត្ថន័យនៃការកសាងវិមាន​ ឈ្នះ-ឈ្នះ​ គឺដើម្បីចារឹក និងតម្កល់និមិត្តរូប វត្ថុតាង ​និងសមិទ្ធផលទាំង​អស់ដែលពាក់ព័ន្ធទុកជាការចងចាំ និងជាមេរៀន​សម្រាប់មនុស្សជំនាន់​ក្រោយតរៀងទៅ។ សិលាចរឹកផ្ទាំងទី២​ បង្ហាញអំពីការបញ្ចុះបឋមសិលាសាង​សង់វិមានឈ្នះ-ឈ្នះ នាម​សប្បុរសជនដែលកសាងថែទាំ​ ការពាររួមទាំងការអំពាវនាវរបស់​សប្បុរសជន​ទាំងឡាយ ដែល​មានបំណងល្អចំពោះសំណង់ប្រវត្តិសាស្ត្រ។យ៉ាងណាក៏ដោយ នៅក្នុងឱកាស​ប្រារព្ធ​ពិធី​យ៉ាង​អធិកអធម ខួប២៣ឆ្នាំនៃទិវានយោបាយ ឈ្នះ ឈ្នះ និងខួបលើកទី៣នៃការដាក់ឲ្យដំណើរ​ការជាសាធារណៈនៃវិមាន ឈ្នះ ឈ្នះនេះដែរនាយ​ឧត្តមសេនីយ៍​ ណឹម សុវត្ថិ ​ក៏បានអំពាវនាវដល់បងប្អូនជនរួមជាតិ ដែលនឹងចូលទស្សនាកំសាន្ត​គប្បី​ត្រូវធ្វើជា​ ម្ចាស់ការដោយខ្លួនឯង ​ពោលគឺត្រូវបន្តគោរពឲ្យបានខ្ជាប់ខ្ជួននូវវិធាន​ការរបស់​រាជ​រដ្ឋាភិបាល ​និងក្រសួង សុខាភិបាលក្នុងកិច្ចការពារ​ និងទប់ស្កាត់ការរីករាលដាលនូវមេរោគកូវីដ១៩ ជាពិសេសគឺមេរោគកូវីដ១៩ ​បំប្លែងថ្មី ប្រភេទអូមីក្រុងនេះតែម្តង។សូមបញ្ជាក់ថា នៅក្នុងពិធីខួប២៣ឆ្នាំនៃទិវានយោបាយ ឈ្នះ ឈ្នះ និងខួបលើកទី៣​នៃការដាក់ឲ្យ​ដំណើរការជាសាធារណៈនៃវិមាន ឈ្នះ ​ឈ្នះនេះដែរ ​នឹងប្រារព្ធធ្វើឡើងក្រោមអធិបតីភាពពី សម្តេច​ពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ​និងជាប្រធានក្រុមការងារ សាងសង់វិមានឈ្នះ ឈ្នះ៕ អត្ថបទ បាន ចក់

បេក្ខជនប្រឡងមួយចំនួននៅរាជធានី មានសង្ឃឹមជាប់បន្ទាប់ពីបញ្ចប់ការប្រឡងព្រឹកនេះ

2021/12/27 01:33:41 pm        715
Facebook Telegram Linkin
ភ្នំពេញ៖ បេក្ខជនប្រលងសញ្ញាបត្រមធ្យមសិក្សាទុតិយភូម (បាក់ឌុប) ក្នុងមណ្ឌលវិទ្យាល័យបាក់ទូក នៅថ្ងៃទី២៧ ខែធ្នូនេះ បានប្រាប់BTVថា វិញ្ញាសារប្រឡងនៅព្រឹកនេះ គឺពួកគេធ្វើបានច្រើន និងមានសង្ឃឹមជាប់ ខណៈការប្រឡងមានការរឹតបន្តឹងដូចឆ្នាំមុនៗដដែល។វិញ្ញាសារប្រឡងនៅព្រឹកនេះ ផ្នែកវិទ្យាសាស្រ្ត មានពីរមុខវិជ្ជា គឺប្រវិត្តវិទ្យា និងជីវៈវិទ្យា ផ្នែកវិទ្យា សាស្រ្តសង្គម មានពីរមុខវិជ្ជាដែរ គឺផែនដី បរិស្ថានវិទ្យា និងប្រវត្តិវិទ្យា។ នៅពេលរសៀល មានមុខវិជ្ជាគីមី វិទ្យា ភាសាបរទេស និងសម្រាប់ផ្នែកវិទ្យាសាស្រ្ត និងផ្នែកវិទ្យាសាស្រ្តសង្គម មានមុខវិជ្ជា ភូមិវិទ្យា និង ភាសាបរទេស។ដើម្បីធានាការប្រឡងបាក់ឌុបប្រព្រឹត្តទៅដោយរលូន ក្រសួងអប់រំ បានពង្រឹងកិច្ចសហការយ៉ាង ស្អិតរមួតជាមួយក្រសួង-ស្ថាប័នពាក់ព័ន្ធចំនួន៧។ បន្ថែមលើនេះ ក្រសួងអប់រំ ក៏បានដាក់​ចេញ​វិធានការ ផ្សេងៗមួយចំនួនទៀត ​ដើម្បីការពារកុំឲ្យឆ្លងជំងឺកូវីដ-១៩ ​ជូនបេក្ខជនផងដែរ។ការប្រលងសញ្ញាបត្រមធ្យមសិក្សាទុតិយភូមិនៅឆ្នាំនេះ ​ប្រព្រឹត្តទៅនៅថ្ងៃទី២៧ និង២៨ ខែធ្នូ ដោយ​មានបេក្ខជនចុះឈ្មោះប្រឡងសរុបប្រមាណជាង ១១ម៉ឺននាក់ ​ខណៈគណៈមេប្រយោគ​ និង​គណៈកម្មការនានា​ចូលរួម​ក្នុងដំណើរការប្រឡង ​មានចំនួនជាង៣ម៉ឺននាក់។ លទ្ធផលនៃការប្រឡង នឹងត្រូវប្រកាសនៅថ្ងៃទី១៨ ​ខែមករា ឆ្នាំ២០២២​ នៅរាជធានីភ្នំពេញ និង​ខេត្តកណ្ដាល និងថ្ងៃទី១៩ ខែមករា ​នឹង ប្រកាស​នៅតាមបណ្តាខេត្តផ្សេងៗ នៅទូទាំង​ប្រទេស​កម្ពុជា៕អត្ថបទ៖ ទូច សោភ័ណ

ការប្រឡងបាក់ឌុបនៅទូទាំងខេត្តកណ្តាលនៅថ្ងៃដំបូងនេះ ប្រព្រឹត្តទៅដោយរលូន

2021/12/27 01:15:50 pm        478
Facebook Telegram Linkin
កណ្ដាល៖ តាមការឱ្យដឹងពីមន្ទីរអប់រំយុវជន និងកីឡាខេត្តកណ្តាល បានឱ្យដឹងថា ដំណើរការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២១ នៅព្រឹកថ្ងៃដំបូង នៅខេត្តកណ្តាលមានដំណើរការល្អ ក្រោមការត្រួតពិនិត្យតាមដានយ៉ាងហ្មត់ចត់ពីក្រុមគ្រូអនុរក្ស ហើយសិស្សមានសុខភាពល្អ ពុំមានសិស្សណាមានផ្ទុកវិជ្ជមានកូវីដ១៩នោះទេ ប៉ុន្តែក្នុងចំណោមបេក្ខជនសិស្សមានសិទ្ធប្រឡងចំនួន ៩០២២នាក់ គឺមានអវត្តមានមិនបានប្រឡងចំនួន ៣៣៣នាក់។តាមការឱ្យដឹងពីលោក ចេង សំអ៊ុល ប្រធានមន្ទីរអប់រំយុវជន និងកីឡាខេត្តកណ្តាល បានឱ្យដឹងថា នៅព្រឹកថ្ងៃទី២៧ខែធ្នូនេះ ​សិស្សថ្នាក់ទី១២ ​ដែលមានសិទ្ធចូលរួមប្រឡងសញ្ញាបត្រមធ្យម​សិក្សាទុតិយភូមិ​ឆ្នាំសិក្សា​២០២១នេះ មានចំនួន ៩០២២នាក់ ក្នុងនោះសិស្សស្រី​មាន​ចំនួន ៥០០៨​នាក់ ដោយបានបែងចែកមណ្ឌលប្រឡងចំនួន ១៨មណ្ឌល ក្នុងនោះផ្នែកវិទ្យាសាស្ត្រមានចំនួន​៥មណ្ឌល​ និងផ្នែកវិទ្យាសាស្ត្រសង្គមមាន ១៣មណ្ឌល។បើតាមលោក អ៊ូ វុឌ្ឈី ប្រធានមណ្ឌលប្រឡងប្រចាំវិទ្យាល័យ ហ៊ុន សែន តាខ្មៅ ក្រុងតាខ្មៅ​ខេត្ត​កណ្តាល បញ្ជាក់ថា​សម្រាប់ការប្រឡងបាក់ឌុបនៅថ្ងៃដំបូងនេះ គ្រប់បេក្ខជនសិស្ស​ចូលរួម​ប្រឡង​ទាំងអស់ ​គឺបានអនុវត្តបានល្អ ​តាមគោលការណ៍របស់ក្រសួងអប់រំយុវជន និងកីឡា និងតាម​បទបញ្ជា​វិន័យការប្រលង​ ខណៈក្រុមគ្រូអនុរក្សបានធ្វើការវាស់កំដៅ​ ឆែករកសំណៅឯកសារ យ៉ាង​ប្រុងប្រយ័ត្នបំផុត និងក្រោមការតាមដានពិនិត្យ អង្គភាពប្រឆាំងអំពើពុករលួយផងដែរ។បើតាមអាណាព្យាបាលសិស្សប្រឡងបាក់ឌុប ថ្លែងថា​ យើងមានការពេញចិត្ត នឹងការរៀបចំការ​ប្រឡង​សញ្ញាបត្រមធ្យមសិក្សាទុតិយភូមិនៅឆ្នាំនេះ​ ខណៈទិដ្ឋភាពការប្រឡងគឺមានការរឹតបន្តឹងល្អ និង​មានការប្រុងប្រយ័ត្នល្អ ​ខណៈកូវីដ១៩ មិនទាន់ផុតពីទឹកដីកម្ពុជា ហើយការរៀនសូត្រថ្នាក់ទី១២​របស់កូនចៅគាត់នៅក្នុងឆ្នាំនេះ ​គឺបានធ្វើតាមប្រព័ន្ធអនឡាញផង និងរៀនផ្ទាល់នៅក្នុងថ្នាក់​ក្នុង​រយៈពេលខ្លីផង និងបានខិតខំប្រឹងប្រែងរៀនយ៉ាងយកចិត្តទុកដាក់ទៅតាមបរិបទកូវីដ១៩។សូមបញ្ជាក់ថា ក្នុងឆ្នាំសិក្សា២០២១ ​ទូទាំងខេត្តកណ្តាល មានសិស្សបានសិក្សាថ្នាក់ទី១២​មាន​ប្រមាណជាង ៩២០០នាក់ ​ត្រូវបានមន្ទីរអប់រំខេត្តកណ្តាល បាន​សម្រេច​ដកសិទ្ធ​សិស្ស​មិន​អនុញ្ញាត​ចូលប្រឡងមានប្រមាណ ១៨០នាក់ដោយសារ​ គាត់អវត្តមានការសិក្សាច្រើន និងរៀនធ្លាក់ពិន្ទុ​ក្រោម​មធ្យម​ភាគជាដើម ដោយឡែកក្នុងចំណោមសិស្សមានសិទ្ធប្រឡងចំនួន ៩០២២នាក់ នៅព្រឹកថ្ងៃដំបូងនេះ មានសិស្សអវត្តមានមិនបានចូលប្រឡងចំនួន ៣៣៣នាក់ ក្នុងនោះ​សិស្សស្រី ១៣៧នាក់៕ អត្ថបទ ស៊ុម សុខជា

ក្រសួងអប់រំ សម្របសម្រួលឱ្យបេក្ខជនឆ្លងកូវីដ-១៩ទាំងអស់អាចទទួលបានការប្រឡងបាក់ឌុបបាន

2021/12/27 12:38:32 pm        637
Facebook Telegram Linkin
ភ្នំពេញ៖ ការប្រឡងសញ្ញាបត្របាក់ឌុប បានចាប់ផ្ដើមដំណើរការ តាមកាលបរិច្ឆេទ ថ្ងៃទី ២៧-២៨ ធ្នូឆ្នាំ ២០២១នេះ។ បេក្ខជនពុំមានឆ្លងកូវីដ-១៩ តម្រូវឱ្យមកប្រឡងនៅមណ្ឌលប្រឡង ខណៈពេលដែលបេក្ខជន ដែលវិជ្ជមានកូវីដ-១៩ ក្រសួងអប់រំ ក៏សម្របសម្រួលឱ្យទទួលការប្រឡង ដោយមិនធ្លាក់ដោយស្វ័យប្រវត្តិនោះទេ។ការប្រឡងសញ្ញាបត្របាក់ឌុប បានចាប់ផ្ដើមដំណើរការទូទាំងប្រទេសនាព្រឹកនេះ ដោយនៅតែរក្សា​ភាព​តឹងរឹង ​និងប្រកាន់ខ្ជាប់វិធានការ ​ពាក់ម៉ាសជាចជាចាំបាច់។ពាក់ព័ន្ធនឹងការប្រឡងសញ្ញាបត្រមធ្យមសក្សាទុតិយភូមិ(បាក់ឌុប)នេះ ឯកឧត្តម ហង់ ជួនណារ៉ុន រដ្ឋមន្រ្តីក្រសួងអប់រំ ក្នុងឱកាសចុះត្រួតពិនិត្យ ​កាត់វិញ្ញាសារនៅមណ្ឌលប្រឡងវិទ្យាល័យ​ព្រះ​ស៊ីសុវត្ថិ លើកឡើងថា ​ការប្រឡងនៅតែរក្សាស្តង់ដារវិញ្ញាសារដដែល ​ពុំមាន​ការ​បន្ធូរបន្ថយ ដោយ​សារកូវីដ-១៩នោះទេ។ ឯកឧត្តម បន្តថា ករណីបេក្ខជនប្រឡងមានវិជ្ជមានកូវីដ-១៩​ ក្រសួងក៏រៀបចំសម្របសម្រួល ឱ្យ​បេក្ខជន​នោះ​ទទួលបានការប្រឡង ​ដោយមិនធ្លាក់ដោយស្វ័យប្រវត្តិនោះទេ។ ​ការប្រឡងសម្រាប់​អ្នក​វិជ្ជមានកូវីដ-១៩ ត្រូវធ្វើឡើងដោយភាពប្រុងប្រយ័ត្នខ្ពស់ ដើម្បីការពារកុំឱ្យមានការឆ្លង​រីក​រាលដាល​ និងមិន​អនុញ្ញាតឱ្យប្រឡងនៅមណ្ឌលប្រឡងជាមួយសិស្សមានសុខភាពល្អនោះទេ។​ក្នុងការចុះត្រួតពិនិត្យ កាត់វិញ្ញាសារថ្ងៃចាប់ផ្ដើមដំបូងនេះ ​ឯកឧត្តម សាយ សំអាល់ តំណាង​សហភាព​សហព័ន្ធយុវជនកម្ពុជា​ និងមានតំណាងពីអង្គភាពប្រឆាំងអំពើពុករលួយ ក៏បានវាយ​តម្លៃថា ​ការប្រឡងនេះរៀបចំបានល្អប្រសើរ​ ពុំទាន់មានភាពមិនប្រក្រតីណាមួយកើតឡើងនោះទេ។ជុំវិញការប្រឡងនេះ​ អាណាព្យាបាលមួយរូបដែលបានជូនកូនមកប្រឡង ​ក៏លើកឡើងជាការគាំទ្រ ដែល​ក្រសួងអប់រំ​ អាចរៀបចំឱ្យមានការប្រឡងកើតឡើង។ គាត់បន្តថា ការប្រឡងនេះមានភាព​ចាំ​បាច់ណាស់ ​សម្រាប់សិស្សទាំងអស់ ​ហើយក៏ចាំបាច់ក្នុងការបង្កើតធនធានមនុស្ស។ការប្រឡងសញ្ញាបត្រមធ្យមសិក្សាទុតិយភូមិ​ ហៅកាត់ថា​ការប្រឡងបាក់ឌុប នឹងធ្វើឡើង​រយៈពេល​ពីរថ្ងៃ ​គឺថ្ងៃទី ២៧ -២៨ ខែធ្នូឆ្នាំ ២០២១។ ​ការប្រឡងឆ្នាំនេះ ​មានបេក្ខជនសរុបចំនួន ១១៤ ១៨៣ នាក់នឹង​មានមណ្ឌលប្រឡងចំនួន ​២០៤មណ្ឌល ​និងមាន ៤៦១៦​ បន្ទប់ទូទាំងប្រទេស។ បន្ទាប់ពីបញ្ចប់ដំណើរការសំណេរ ​ក្រសួងនឹងចាប់ផ្ដើមដំណើរការកំណែ ​ដំណើរការស្រង់ បូក​ពិន្ទុ​ដោយកំព្យូទ័រ និងឈានដល់ការប្រកាសលទ្ធផល ​នៅថ្ងៃទី ១៨ ខែមករា ឆ្នាំ ២០២២ ពេលរសៀល សម្រាប់រាជធានីភ្នំពេញ និងខេត្តកណ្ដាល។ ខេត្តដទៃទៀត នឹងប្រកាសលទ្ធផល ថ្ងៃទី ១៩ ខែមករា។ ​ពិន្ទុជាប់ដែលក្រសួងកំណត់សម្រាប់ការប្រឡង​ គឺ២៣៧ ពិន្ទុ នៃពិន្ទុសរុប ៥០០៕អត្ថបទ៖ គឹមហុក

ក្រសួងសុខាភិបាល ទទួលអំណោយឱសថប្រឆាំងកូវីដ-១៩ ពីក្រុមហ៊ុន VIATRISចំនួន ១០០០ប្រអប់

2021/12/27 11:58:35 am        282
Facebook Telegram Linkin
ភ្នំពេញ៖ ក្រសួងសុខាភិបាល ព្រឹកថ្ងៃទី២៧ ខែធ្នូ ឆ្នាំ២០២១នេះ បានទទួលជំនួយរបស់ក្រុមហ៊ុន VIATRIS ជូនរាជរដ្ឋាភិបាល និងប្រជាជននៃព្រះរាជាណាចក្រកម្ពុជា តាមរយៈក្រសួង ដើម្បីប្រើប្រាស់ក្នុងការការពារ ទប់ស្កាត់ និងឆ្លើយតបការរាលដាលជំងឺកូវីដ-១៩ ចំនួន១០០០ប្រអប់។ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានគូសបញ្ជាក់ពីទឹកចិត្ត​សប្បុរសធម៌​ដ៏ថ្លៃថ្លារបស់លោក Tejasvi Sharma ​ប្រធានក្រុមហ៊ុន ZP Therapeutics, Zuelling Pharma Cambodia តំណាងក្រុមហ៊ុន VIATRIS ត្រូវបានចងចាំទុកដោយរាជរដ្ឋាភិបាលកម្ពុជា និង​មន្រី្ត​សុខាភិបាល ព្រមទាំងអ្នករងគ្រោះដោយជំងឺកូវីដ-១៩។ទន្ទឹមគ្នានោះដែរ លោក Tejasvi Sharma ប្រធានក្រុមហ៊ុន ZP Therapeutics, Zuelling Pharma Cambodia តំណាងក្រុមហ៊ុន​ VIATRIS បានសម្តែងនូវការកោតសរសើរចំពោះរាជរដ្ឋាភិបាលកម្ពុជា និងក្រសួងសុខាភិបាល ​ដែលបានខិតខំប្រឹងប្រែងមិនខ្លាចនឿយហត់ ក្នុងការទប់ស្កាត់ ការ​រាលដាលជំងឺកូវីដ-១៩ ក៏ដូចជាការពារសុខភាពរបស់ប្រជាជនកម្ពុជាទាំងមូល។ លោក ក៏បានសម្តែងអំណរគុណយ៉ាងជ្រាលជ្រៅជូនចំពោះរាជរដ្ឋាភិបាលកម្ពុជា ដែល​បាន​ចាក់​វ៉ាក់សាំងកូវីដ-១៩ ​ដល់ជនបរទេសទាំងអស់ដែលរស់នៅលើទឹកដីកម្ពុជា ដោយមិនគិតថ្លៃរួមទាំង​បុគ្គលិករបស់ក្រុមហ៊ុនផងដែរ។ជាចុងក្រោយឯកឧត្តម រដ្ឋមន្រី្ត បានថ្លែងអំណរគុណយ៉ាងជ្រាលជ្រៅចំពោះជំនួយ​មនុស្សធម៌​ដ៏ថ្លៃថ្លា​របស់ក្រុមហ៊ុន​ គឺជាកាយវិការនៃវប្បធម៌ចែករំលែកជាមួយរាជរដ្ឋាភិបាលកម្ពុជា ក្រោមការ​ដឹកនាំដ៏ឈ្លាសវៃ និងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តកម្ពុជា ជាពិសេសក្នុងកាលៈទេសៈបច្ចុប្បន្ន ដែលយើងបាននិងកំពុងខិតខំប្រឹង​ប្រែង​រួមគ្នា ដើម្បីជំរុញវិធានការការពារ ទប់ស្កាត់ និងឆ្លើយតបការរាលដាលនៃជំងឺកូវីដ-១៩ និងបាន​ប្រកាស​បិទ​បញ្ចប់​ព្រឹតិ្តការណ៍សហគមន៍ ២០ កុម្ភះ ដោយសម្តេចតេជោ នាយករដ្ឋមន្រី្ត កាល​ពីថ្ងៃទី២០ ខែធ្នូ ឆ្នាំ២០២១កន្លងទៅនេះ។សូមបញ្ជាក់ផងដែរថា​ ឱសថដែលផ្តល់ដោយក្រុមហ៊ុន VIATRIS ជាប្រភេទឱសថគ្រាប់ Favipiravir (200mg) ចំនួន១០០០ប្រអប់ ជូនក្រសួងសុខាភិបាល ហើយក្រសួង បែងចែកជូនមនី្ទរពេទ្យ​មិត្តភាពខ្មែរ-សូវៀត ចំនួន៤០០ប្រអប់ ​មនី្ទរពេទ្យព្រះអង្គឌួង ចំនួន៣០០ប្រអប់ និង​មនី្ទរពេទ្យមិត្តភាពកម្ពុជា-ចិន ព្រះកុសុមៈ ចំនួន៣០០ប្រអប់៕អត្ថបទ រដ្ឋា 

លោកជំទាវ ឱ វណ្ណឌីន៖ អ្នកចាក់វ៉ាក់សាំងJohnson & Johnson រួសរាន់ទៅចាក់វ៉ាក់សាំងដូសទី៣

2021/12/25 01:33:26 pm        655
Facebook Telegram Linkin
ភ្នំពេញ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានអំពាវនាវដល់ពលរដ្ឋ ដែលបានចាក់វ៉ាក់សាំង Jonhson&Jonhson ត្រូវរួសរាន់ទៅចាក់វ៉ាក់សាំងដូសទី៣ តាមការកំណត់របស់គ្រូពេទ្យ។លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការ ចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស អមដំណើរដោយក្រុមការងារ​ក្រសួងសុខាភិបាល និងអាជ្ញាធរមូលដ្ឋាន កាលពីម្សិលមិញ បានចុះពិនិត្យទីតាំងចាក់វ៉ាក់សាំង និងជួបសំណេះសំណាលជាមួយមន្រ្តីសុខាភិបាល និងប្រជាពលរដ្ឋ នៅមណ្ឌលសុខភាពមួយចំនួន ស្ថិតនៅខេត្តកណ្តាល។ក្រោយបញ្ចប់ការចុះពិនិត្យទីតាំងចាក់វ៉ាក់សាំង លោកជំទាវវេជ្ជបណ្ឌិត ឱ វណ្ណឌីន បានកោត សសើរ​ចំពោះការងាររបស់ក្រុមគ្រូពេទ្យ និងអាជ្ញាធរ ​ដែលរៀបចំបានល្អ ក្នុងដំណើរការចាក់​វ៉ាក់សាំង​ជូនពលរដ្ឋក្នុងមូលដ្ឋាន។ ក្រៅពីនេះ លោកជំទាវបានក្រើនរំលឹកដល់ពលរដ្ឋធ្លាប់បានចាក់វ៉ាក់សាំង ដូសមូលដ្ឋាន ឬដូសទី២រួចហើយ រាប់បញ្ជូលទាំងអ្នកធ្លាប់ចាក់វ៉ាក់សាំង Johnson & Johnson ត្រូវទៅទទួលការ ចាក់វ៉ាក់សាំងដូសទី៣តាមការកំណត់របស់ក្រុមគ្រូពេទ្យ។យុទ្ធនាការចាក់វ៉ាក់សាំងដូសទី៣ បានចាប់ផ្តើមតាំងពីអំឡុងខែសីហា ​ចាក់ជូនក្រុមអាទិភាពមុន បន្ទាប់​មកចាក់ជូនពលរដ្ឋទូទៅ ​ដោយប្រើប្រាស់យុទ្ធសាស្រ្តផ្ការីក។ ​ការចាក់វ៉ាក់សាំងដូសទី៣ ត្រូវ​មានគម្លាតយ៉ាងតិចចាប់ពី៤ខែឡើង ក្រោយទទួលបានចាក់វ៉ាក់សាំងដូសទី២ ឬដូសមូលដ្ឋាន។នៅកម្ពុជាការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំ បាច់ដទៃទៀត ​ដែលនឹងបង្ការការរាតត្បាត ការចម្លង​ និងកាត់បន្ថយផលប៉ះពាល់នៃជំងឺកូវីដ-១៩ ទៅលើវិស័យសេដ្ឋកិច្ចនិងសង្គម។ បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ ពីទទួល​បាន​ជោគជ័យ​លើ​នយោបាយចាក់វ៉ាក់សាំងជូនពលរដ្ឋបានជាច្រើនលាននាក់៕ អត្ថបទ៖ ទូច សោភ័ណ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី គឺជាកម្លាំងក្មេងចាស់ រួមកម្លាំងសាមគ្គីគ្នាលើកកម្ពស់​សុខ​មាល​ភាពប្រជាពលរដ្ឋឲ្យបានល្អ

2021/12/25 01:22:58 pm        510
Facebook Telegram Linkin
ពោធិ៍សាត់៖ គ្រូពេទ្យស្ម័គ្រចិត្តឯកឧត្តម ហ៊ុន ម៉ានី គឺជាកម្លាំងក្មេង ចាស់ ប្រុស ស្រី រួមកម្លាំងសាមគ្គីគ្នា ដើម្បីលើកកម្ពស់សុខភាពប្រជាពលរដ្ឋឲ្យបានល្អប្រសើរ។ឯកឧត្តម លេង ផាលី ប្រធានប្រតិបត្តិក្រុមការងាគ្រូពេទ្យស្មគ្រ័ចិត្តឯកឧត្តម ហ៊ុន ម៉ានី បាន​អះអាង​បែប​នេះ ក្នុងពិធីបុណ្យផ្កា​ប្រាក់​សាមគ្គី​ និង​ចុះ​អប់រំ​ផ្សព្វ​ផ្សាយ​ពី​វិធាន​ការការពារ​ទប់ស្កាត់​ការ​រីករាល​ដាលជំងឺកូវីដ-១៩​ កាលពីថ្ងៃទី២៣ ខែធ្នូ កន្លងមកនេះ ។ ព្រមទាំងនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចែកជូនដល់ ប្រជា​ពលរដ្ន យាយជី តាជី អាចារ្យ ព្រមទាំងព្រះសង្ឃ នៅវត្តទួលគូ ភូមិទួលគូ ឃុំកោះជ្រុំ ស្រុកកណ្តៀង ខេត្តពោធី៍សាត់។ឯកឧត្តម លេង ផាលី បានលើកឡើងទៀតថា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី នៅតែបន្តផ្តល់ស្នាមញញឹម ​និងសុខុមាលភាព ដើម្បីសុភមង្គលជូនបងប្អូន​ប្រជា​ពលរដ្ឋនៅគ្រប់ទីកន្លែង​។ សកម្មភាពសប្បុរសធម៌នេះកើតឡើងទៅបាន ​គឺដោយសារតែមាន​ការ​គិតគូរ​ដល់​សុខ​ទុក្ខ​របស់​ប្រជាពលរដ្ឋពីសំណាក់ឯកឧត្តម ហ៊ុន ម៉ានី ប្រធាន​សហភាព​សហព័ន្ធយុវជនកម្ពុជា និងជាតំណាង​រាស្រ្តវ័យក្មេង នៃព្រះរាជាណាចក្រកម្ពុជា ប្រធាន​គណៈកម្មការទី៧ ​នៃរដ្ឋសភា និងជាប្រធាន​កិត្តិយស​ក្រុម​ការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដោយលោកបានគាំទ្រណែនាំនិងចង្អុល​បង្ហាញ​ប្រកប​​​ដោយ​សមានធម៌​ ភាព​ឈ្លាសវៃ និង​ប្រកប​ដោយថា​មពល ​ដើម្បីអោយ​សកម្មភាព​មនុស្សធម៌នេះ​កើត​​មានក្នុង​ន័យសម្លឹងឃើញថា ជនរួមជាតិ​មានសុខភាពល្អ ក្នុងពេលដែលប្រទេស​ជាតិ​មាន​សុខ​សន្តិ​ភាព មាន​ការ​អភិវឌ្ឍ​រីកចម្រើន​ឥតឈប់ឈរ។ ជាពិសេសតប​តាមការ​​ឧទ្ទេស​នាមរបស់​គណៈ​កម្មាការ ចំពោះកិច្ចចាក់វ៉ាក់​សាំង​កូវីដ-១៩ ក្នុងក្រប​ខណ្ឌ​ទូទាំងប្រទេស និងតាមយុទ្ធសាស្ត្រ​《ផ្ការីក》​ដែលជា ចក្ខុវិស័យ​ដ៏ខ្ពង់ខ្ពស់របស់សម្តេច​តេជោ ហ៊ុន សែន កម្លាំង​ជំនាញ​ក្រុម​ការងារ​គ្រូពេទ្យស្ម័គ្រចិត្ត ចាប់តាំងពីខែមេសា រហូតមកដល់ខែធ្នូ ឆ្នាំ២០២១ យើងបានចូលរួមក្នុងយុទ្ធនា​ការ​ចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋបានចំនួន ​០៧រាជធានី-ខេត្ត ដោយចាប់ផ្តើម​ដំបូង​នៅក្នុង​ខេត្តកោះកុង ខេត្តព្រះសីហនុ ខេត្តពោធិ៍សាត់ រាជធានីភ្នំពេញ ខេត្តកណ្តាល ខេត្តឧត្តរមានជ័យ និងខេត្តស្វាយរៀងផងដែរ។ ជាពិសេសសូមអំពាវនាវ​ដល់ប្រជាពល​រដ្ឋ​ទាំងអស់ ព្រមទាំងព្រះសង្ឃ ត្រូវយកចិត្តទុកដាក់​ទៅ​លើសុខភាព និងអានាម័យ ផឹកស្អាត ហូបស្អាត រស់នៅស្អាត ត្រូវពាក់ម៉ាស់ និង​ការលាងដៃជាមួយសាប៊ូ ឬជែល​អោយ​បាន​ត្រឹមត្រូវ និងបន្តអនុវត្ត៣កុំ ៣ការពារ អោយបានខ្ជាប់​ខ្ជួន​ដើម្បី​ការពារការឆ្លងរាលដាលនៃជម្ងឺកូវីដ-១៩ ​តាមអនុសាសន៍ដ៏ខ្ពង់ខ្ពស់​របស់​សម្តេចអគ្គមហាសេនាបតី​តេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា។ជាមួយគ្នានោះដែរអ្នកស្រី មួង សុជាតិ សមាជិក​អចិន្ត្រៃយ៍​នៃ​ក្រុម​ការងារ​គ្រូពេទ្យ​ស្ម័គ្រ​ចិត្ត​ឯក​ឧត្តម ហ៊ុន ម៉ានី បាន​មានប្រសាសន៍ដែរថា ​ក្នុងអន្តរកាលកូវីដ-១៩នេះ ក្រុមការងារ​គ្រូពេទ្យ​ស្ម័គ្រ​ចិត្ត​ឯកឧត្តម ​ហ៊ុន ម៉ានី មិន​បានរាថយនោះទេ ​គឺរួមកម្លាំងគ្នាដើម្បីសង្គមជាតិ៕

លោកជំទាវ សុភ័គ្គ ថាវី គាំទ្រអង្គសន្និបាតដែលជ្រើសតាំងឯកឧត្តម ហ៊ុន ម៉ាណែតជាបេក្ខភាពនាយករដ្ឋមន្ត្រី នៅថ្ងៃអនាគត

2021/12/25 06:05:10 am        43
Facebook Telegram Linkin
ភ្នំពេញ៖ លោកជំទាវ សុភ័គ្គ ថាវី សមាជិកគណៈកម្មាធិការកណ្តាល នៃគណបក្សប្រជាជនកម្ពុជា និងជាសមាជិកក្រុមការងារ ចុះជួយរាជធានីភ្នំពេញ រដ្ឋលេខាធិការក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច សូមគាំទ្រយ៉ាងពេញទំហឹងចំពោះ ការសម្រេចជាឯកច្ឆន្ទរបស់អង្គសន្និបាតគណៈកម្មាធិការកណ្តាល លើកទី៤៣ អាណត្តិទី៥ របស់គណបក្សប្រជាជនកម្ពុជា នាថ្ងៃទី២៤ ខែធ្នូ ឆ្នាំ២០២១ ដែលជ្រើសតាំងឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត។សារគាំទ្រនេះ បានលើកឡើងថា ឯកឧត្តម ហ៊ុន ម៉ាណែត គឺជាឥស្សរជនវ័យក្មេង ជាថ្នាក់ដឹកនាំ​យុវជន និង​បញ្ញវន្ត​ខ្មែរ​ដ៏ឆ្នើម​មួយរូប​ដែលពោរពេញ​ដោយ​សមត្ថភាព​ទេពកោសល្យ និង​ភាពជា​អ្នក​ដឹកនាំដ៏ល្អប្រសើរព្រមទាំងមានគុណធម៌ សុជីវធម៌ និង​តម្កល់​ផលប្រយោជន៍​ជាតិ ​និង​ប្រជាជនជាធំ ដែលតែង​ទទួលបាននូវការគោរពកោតសរសើរ ​ការគោរពស្រលាញ់​ការជឿជាក់ពីមន្ត្រីរាជការ កង​កម្លាំងប្រដាប់អាវុធ ​និងប្រជាពលរដ្ឋខ្មែរទូទៅ ហើយ​ឯកឧត្តម​បាន​និងកំពុងចូលរួមចំណែកយ៉ាង​សកម្មក្នុងបេសកកម្ម ដើម្បីបុព្វហេតុជាតិមាតុភូមិ និងប្រជាពលរដ្ឋកម្ពុជា។សារគាំទ្រនេះ បានលើកឡើងទៀតថា យើងមានជំនឿយ៉ាងមុតមាំថា ឯកឧត្តម ហ៊ុន ម៉ាណែត ពិតជាឥស្សរជន​ដែល​សក្តិសម​ជា​អនាគត នាយករដ្ឋមន្ត្រី ដើម្បីបន្តវេនដឹកនាំការពារ​បូរណ​ភាព​ទឹកដី​អធិបតេយ្យភាព សុខ​សន្តិភាព សាមគ្គីភាព ​ស្ថិរភាពសង្គម និងជំរុញការអភិវឌ្ឍជាតិ​ឱ្យ​មាន​ការរីក​ច​ម្រើន​លើ​គ្រប់វិស័យ ​ដើម្បី​សេចក្តីសុខ ​សុភមង្គល និង​បំណង​ប្រាថ្នា​របស់​ប្រជាជន​កម្ពុជា​គ្រប់ៗរូបនាពេលអនាគត៕

បណ្ដាញសង្គម

ព័ត៌មានថ្មីៗ

ការស្ទង់មតិ៖ ពលរដ្ឋអាមេរិក ៦២% គាំទ្រឱ្យដាក់ទណ្ឌកម្មលើដៃគូពាណិជ្ជកម្មរុស្ស៊ី ដើម្បីបញ្ចប់ជម្លោះអ៊ុយក្រែន
08/28/2025 10:08 AM
Facebook Telegram Linkin
ជប៉ុន នៅតែប្រុងប្រយ័ត្នចំពោះផលប៉ះពាល់សេដ្ឋកិច្ចដោយសារពន្ធគយ ក្នុងរបាយការណ៍ខែសីហា
08/28/2025 10:08 AM
Facebook Telegram Linkin
ប្រជាពលរដ្ឋស្រុកកណ្តៀងទទួលបានផ្លូវកៅស៊ូរ៣ខ្សែប្រវែង ២០គីឡូម៉ែត្រ ពីគម្រោង SAAMBAT ក្នុងជំហានទី២
08/28/2025 10:08 AM
Facebook Telegram Linkin
មេដឹកនាំកូរ៉េខាងជើង ទៅត្រួតពិនិត្យមូលដ្ឋានហ្វឹកហ្វឺន ដោយជំរុញឱ្យពង្រឹងកងកម្លាំងប្រតិបត្តិការពិសេស
08/28/2025 10:08 AM
Facebook Telegram Linkin
ខេត្តពោធិ៍សាត់មានបេក្ខជនប្រឡងបាក់ឌុប ៣៩០០នាក់ ក្នុងនោះបេក្ខជន​២រូប​មកពី​ខេត្តព្រះវិហារ
08/28/2025 10:08 AM
Facebook Telegram Linkin
ការដំឡើងពន្ធទ្វេដងរបស់លោក Trump បានប៉ះពាល់ដល់ប្រទេសឥណ្ឌា និងធ្វើឲ្យខូចទំនាក់ទំនង
08/28/2025 10:08 AM
Facebook Telegram Linkin
លោក Xi នឹងធ្វើជាម្ចាស់ផ្ទះទទួលលោក Putin និងលោក Modi ខណៈចិនបង្ហាញពីសាមគ្គីភាពសម្រាប់ប្រទេសកំពុងអភិវឌ្ឍសកលខាងត្បូង
08/28/2025 09:08 AM
Facebook Telegram Linkin
ឥណ្ឌា បារម្ភថា ផលប៉ះពាល់ធ្ងន់ធ្ងរនៃពន្ធខ្ពស់របស់អាមេរិក អាចបង្កបញ្ហាប្រឈមដល់សេដ្ឋកិច្ច
08/28/2025 09:08 AM
Facebook Telegram Linkin
មនុស្សស្លាប់៣នាក់ និង ២០នាក់របួសក្នុងការបាញ់ប្រហារនៅសាលារៀនកាតូលិក Minneapolis សហរដ្ឋអាមេរិក
08/28/2025 09:08 AM
Facebook Telegram Linkin
សម្ដេចធិបតី ជូនពរឱ្យក្មួយបេក្ខជនទាំងអស់ ទទួលបានលទ្ធផលវិជ្ជមានជាមួយ នឹងសមត្ថភាពពិត “អ្នកចេះគឺជាប់”
08/28/2025 09:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.