BTV NEWS

ការធ្វើបច្ចុប្បន្នភាព NFIS ដើម្បីធានាដល់គ្រួសារ និងអាជីវកម្មឱ្យទទួលបានសេវាហិរញ្ញវត្ថុសមស្រប

ការដោះដូរពាណិជ្ជកម្មជាមួយ RCEP មានទឹកប្រាក់សរុបជាង ១១ពាន់លានដុល្លារ កើនជាង ១៨%

គណៈកម្មាធិការវិនិយោគ ពិនិត្យសំណើសុំចុះបញ្ជីចំនួនគម្រោងវិនិយោគចំនួន ៨ មានទុន ៤៩០លានដុល្លារ

ក្នុងត្រីមាសទី១ ឆ្នាំ២០២៦ កម្ពុជានាំចេញមុខទំនិញស្ទើរគ្រប់ប្រភេទមានកំណើនកើនឡើងល្អប្រសើរ

សេដ្ឋកិច្ច និង កសិកម្ម

គ្រឹះស្ថានអប់រំចំនួន៤នៅកម្ពុជា សហការគ្នាលើកកម្ពស់វិស័យអប់រំបែបឌីជីថល

ភ្នំពេញ៖ គ្រឹះស្ថានឧត្តមសិក្សាចំនួន៤ រួមមាន សាកលវិទ្យាល័យ ខេមតិច, សាកលវិទ្យាល័យ ពុទ្ធិសាស្ត្រ, វិទ្យាស្ថានបច្ចេកវិទ្យាគិរីរម្យ និងវិទ្យាស្ថាន ថាក់គ្លូប៊ល បានរួមគ្នាលើកកម្ពស់វិស័យអប់រំបែបឌីជីថលនៅកម្ពុជា។គ្រឹះស្ថានឧត្តមសិក្សាចំនួន៤ បានចុះហត្ថលេខាលើអនុស្សរណៈនៃការយោគយល់គ្នា កាលពីថ្ងៃទី២៤ ខែតុលា ដើម្បីផ្តល់ឱកាសផ្លាស់ប្តូរបទពិសោធន៍ ចំណេះដឹង និងទស្សនៈប្រកបដោយភាពច្នៃប្រឌិត ដើម្បីឆ្ពោះទៅរកបរិវត្តកម្មឌីជីថលនាពេលអនាគត ដែលបានប្រព្រឹត្តទៅក្រោមអធិបតីភាព ឯកឧត្តម យក់ ង៉ុយ រដ្ឋលេខាធិកាក្រសួងអប់រំ យុវជន និងកីឡា ។លោក អាឡាម ហ្គែ ហាសាន់ Prof. Alamgir Hossain (Not Alarmgir Hassain សាកលវិទ្យាធិការង នៃសាកលវិទ្យាល័យខេមតិច នៅក្រោយចប់ពិធីចុះហត្ថលេខា បានឲ្យដឹងថា គោលបំណងនៃការចុះហត្ថលេខាលើអនុស្សរណៈនេះ គឺដើម្បីលើកកម្ពស់ភាពជាដៃគូសាលា និងសាលា ដែលធ្វើឱ្យប្រសើរឡើងនូវគុណភាពអប់រំឧត្តមសិក្សា និងពង្រឹងសមត្ថភាពស្រាវជ្រាវ។ បន្ថែមពីនេះទៀត ដើម្បីជំរុញកិច្ចសហប្រតិបត្តិការ រវាងសាស្ត្រាចារ្យ និងអ្នកស្រាវជ្រាវនៅគ្រឹះស្ថានអប់រំឧត្តមសិក្សាឲ្យកាន់តែទូលំទូលាយ។គិតមកដល់ពេលនេះ សាកលវិទ្យាល័យបច្ចេកវិទ្យា និងវិទ្យាសាស្រ្តកម្ពុជា ហៅកាត់ ខេមតិច បានបង្កើតកិច្ចសហការជាមួយក្រុមហ៊ុនជាច្រើននៅក្នុងប្រទេស និងក្រៅប្រទេស ក៏ដូចជាជាមួយសាកលវិទ្យាល័យផ្សេងៗទៀតនៅប្រទេសចិន ដើម្បីឲ្យមានការផ្លាស់ប្តូរនិស្សិត ផ្លាស់ប្តូរសាស្រ្តាចារ្យ និងផ្តល់អាហារូបករណ៍ដល់និស្សិតកម្ពុជា អាចបន្តការសិក្សានៅប្រទេសចិន។សូមបញ្ជាក់ទៀតថា សាកលវិទ្យាល័យ ខេមតិច ត្រូវបានផ្តួចផ្តើមឡើង ដើម្បីដោះស្រាយបញ្ហាកង្វះខាតធនធានមនុស្សដែលមានជំនាញ ជាពិសេសជំនាញបច្ចេកទេស និងបច្ចេកវិទ្យានៅកម្ពុជា ក៏ដូចជានៅក្នុងតំបន់៕អត្ថបទ៖ឈិត បូរ៉ាវី

អ្នកជំនាញមកពីកូរ៉េ ចាប់ផ្តើមសិក្សាគម្រោងកាត់បន្ថយការបាត់បង់ទឹករបស់រដ្ឋាករទឹកស្វយ័តក្រុងភ្នំពេញ

ភ្នំពេញ៖ ក្រុមអ្នកជំនាញមកពីប្រទេសកូរ៉េ កំពុងសិក្សាទៅលើសមិទ្ធិលទ្ធភាព និងការផ្ដល់ជំនួយលើគម្រោងបច្ចេកវិទ្យាឈ្លាសវៃ លើការគ្រប់គ្រងប្រព័ន្ធចែកចាយទឹកស្អាត នៅរាជធានីភ្នំពេញ លើការកាត់បន្ថយនូវការបាត់បង់ទឹកឲ្យស្ថិតក្នុងកម្រិតទាប ក្នុងគោលដៅជម្រុញការផ្គត់ផ្គងទឹកឲ្យល្អប្រសើរ ដើម្បីឆ្លើយតបតាមតម្រូវការផ្គត់ផ្គង់ទឹកជូណប្រជាពលរដ្ឋ។ឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ លើកឡើងក្នុងកិច្ចប្រជុំស្តីពី “គម្រោងបច្ចេកវិទ្យាឈ្លាសវៃក្នុងការគ្រប់គ្រងប្រព័ន្ធចែកចាយទឹកស្អាត” ជាមួយក្រុមហ៊ុន GREENTECH INC នៅថ្ងៃទី ២៤ ខែ តុលា ឆ្នាំ ២០២២ នេះថា សព្វថ្ងៃនេះ រដ្ឋាករទឹកស្វយ័តក្រុងភ្នំពេញ មានប្រព័ន្ធគ្រប់គ្រងទិន្ន័យរួម ដែលបម្រើដល់ការងារផលិតកម្ម និងផ្គត់ផ្គង់ទឹក និងការងារអាជីវកម្មរបស់អង្គភាពខ្លួន។ តែដោយពិនិត្យឃើញថា ប្រព័ន្ធខាងលើពុំទាន់បានឆ្លើយតបពេញលេញចំពោះតម្រូវការ ក្នុងការគ្រប់គ្រងការងារផលិត និងផ្គត់ផ្គង់ទឹក និងការងារអាជីវកម្មរបស់ខ្លួន និងដោយមានការចង្អុលបង្ហាញពី ឯកឧត្តមកត្ដិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងដើម្បីធ្វើទំនើបកម្មបច្ចេកវិទ្យា ឱ្យស្របទៅនឹងយុគសម័យបច្ចេកវិទ្យាឧស្សាហកម្ម ៤.០ រដ្ឋាករទឹកស្វយ័តក្រុងភ្នំពេញ បានសហការជាមួយក្រុមហ៊ុន GREENTECH INC របស់កូរ៉េ និងដៃគូពាក់ព័ន្ធ ធ្វើការសិក្សាទៅលើសមិទ្ធិលទ្ធភាព និងការផ្ដល់ជំនួយលើគម្រោងបច្ចេកវិទ្យាឈ្លាសវៃក្នុងការគ្រប់គ្រងប្រព័ន្ធចែកចាយទឹកស្អាត។ឯកឧត្តម បន្តថា បច្ចុប្បន្នទោះបីរដ្ឋាករទឹកស្វយ័តក្រុងភ្នំពេញ មានប្រព័ន្ធគ្រប់គ្រងទិន្ន័យរួម បម្រើដល់ការងារផលិតកម្ម និងផ្គត់ផ្គង់ទឹកក៏ដោយ តែការបាត់បង់ទឹកនូវតែជាបញ្ហា ដូច្នេះតាមរយៈកិច្ចសហការជាមួយក្រុម GREENTECH INC គឺមានទិសដៅ ជំរុញការផ្គត់ផ្គង់ទឹកស្អាតឲ្យបានកាត់តែប្រសើរ តាមរយៈការបង្កើតប្រព័ន្ធគ្រប់គ្រងទិន្ន័យដំណើរការដោយបច្ចេកវិទ្យាឈ្លាសវៃ ឱ្យកាន់មានតែមានប្រសិទ្ធភាពខ្ពស់, ជម្រុញដល់ការថែទាំបណ្ដាញចែកចាយទឹកស្អាតប្រកបដោយប្រសិទ្ធភាព, កាត់បន្ថយចំណាយលើការធ្វើប្រតិបត្តិការ, គ្រប់គ្រងបរិមាណទឹកផ្គត់ផ្គង់តាមតំបន់នីមួយៗបានល្អប្រសើរ, កែលំអលើសេវាផ្គត់ផ្គង់ទឹកស្អាតប្រកបដោយប្រសិទ្ធភាព និងផ្តល់ឱកាសក្នុងការកសាងសមត្ថភាពធនធានមនុស្សជាដើម ដោយគម្រោងនេះ នឹងត្រូវចាប់ផ្តើមអនុវត្តមានរយៈពេល ៣ ឆ្នាំ (២០២៤-២០២៦)។សូមបញ្ជាក់ថា រដ្ឋាករទឹកស្វយ័តក្រុងភ្នំពេញ គឺជាសហគ្រាសសាធារណៈមួយ ដែលបានដើរតួនាទីយ៉ាងសំខាន់ក្នុងការរួមចំណែកអភិវឌ្ឍសេដ្ឋកិច្ចនៅរាជធានីភ្នំពេញ និងក្រុងតាខ្មៅ តាមរយៈការផលិត និងផ្គត់ផ្គង់ទឹកស្អាតដែលជាតម្រូវការចាំបាច់របស់ប្រជាពលរដ្ឋ ក៏ដូចជាឧស្សាហកម្ម សិប្បកម្ម និងអាជីវកម្មផងដែរ, បច្ចុប្បន្នរដ្ឋាករទឹកស្វយ័តក្រុងភ្នំពេញមានរោងចក្រផលិតទឹកស្អាតចំនួន ៤ កន្លែង មានសមត្ថភាពដើមផលិតជិត ៦០ ម៉ឺនម៉ែត្រគីប ក្នុងមួយថ្ងៃ, មានអតិថិជន ៤៤ ម៉ឺនអតិថិជន, និងមានបណ្តាញចែកចាយទឹកសរុបប្រវែងជាង ៤ ពាន់គីឡូម៉ែត្រ ដោយបានគ្របបណ្តប់ផ្ទៃសេវាប្រមាណជា ៨៥ ភាគរយ៕ អត្ថបទ៖ សុន រ៉ាឌី

កំណើននៃការប្រើប្រាស់ទូរស័ព្ទ ជំរុញការវិវត្តនៃបច្ចេកវិទ្យាហិរញ្ញវត្ថុនៅកម្ពុជា

ភ្នំពេញ៖ មន្រ្តីជំនាញហិរញ្ញវត្ថុថា ប្រព័ន្ធទូរស័ព្ទនឹងអាចជំរុញសេវាហិរញ្ញវត្ថុទៅកាន់គ្រប់ទិសទី គ្រប់តំបន់ នឹងក្លាយជាធនាគាររបស់ប្រជាពលរដ្ឋ សម្រាប់ផ្ទុក និងការទូទាត់ជាសាច់ប្រាក់ បន្ថែមពីលើការទំនាក់ទំនង និងការធ្វើអាជីកម្មផ្សេងៗ ។លោកជំទាវបណ្ឌិត ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា ថ្លែងលើកឡើងក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV ថា ការវិវត្តនៃបច្ចេកវិទ្យាហិរញ្ញវត្ថុនៅកម្ពុជា បាននឹងកំពុងផ្លាស់ប្ដូរមុខមាត់នៅក្នុងឧស្សាហកម្មហិរញ្ញវត្ថុទាំងមូល និងបានចូលរួមយ៉ាងសកម្មក្នុងការគាំទ្រ និងជម្រុញកំណើនសេដ្ឋកិច្ច, ក្នុងនោះបច្ចេកវិទ្យាហិរញ្ញវត្ថុ អាចបង្កើនការប្រកួតប្រជែងដោយស្មើភាព និងបង្កើនប្រសិទ្ធភាពក្នុងការផ្តល់សេវាហិរញ្ញវត្ថុជូនដល់សាធារណជន និងកាត់បន្ថយថ្លៃប្រតិបត្តិការ។ លោកជំទាវ បន្តថា ជុំវិញការប្រើប្រាស់ប្រព័ន្ធទូរស័ព្ទ កម្ពុជាមានចំនួនអ្នកប្រើប្រាស់ច្រើនជាង ១០០ ភាគរយ ដែលការណ៍នេះ ធនាគារជាតិនៃកម្ពុជា ចង់ជំរុញបរិយាប័ន្នហិរញ្ញវត្ថុ តាមរយៈប្រព័ន្ធទូរស័ព្ទទៅកាន់គ្រប់ដណ្តប់គ្រប់ទិសទី និងគ្រប់តំបន់។ ដូច្នេះប្រព័ន្ធទូរស័ព្ទ គឺជាភ្នាក់ងារមួយយ៉ាងសំខាន់ សម្រាប់ជំរុញសេវាហិរញ្ញវត្ថុ ហើយនៅពេលមានការវិវត្តន៍បន្ថែមទៀត ចំពោះប្រតិបត្តិការហិរញ្ញវត្ថុ នឹងអាចកាត់បន្ថយការចំណាយផ្សេងៗ តាមរយៈការបង្កើតភ្នាក់ងារ ឬការបង្កើតនូវសាខាជាដើម។ជុំវិញបរិយាប័ន្នហិរញ្ញវត្ថុនេះ, លោកជំទាវបណ្ឌិត ជា សិរី រំពឹងថា ស្របតាមនិន្នាការរីកចម្រើននៃហិរញ្ញវត្ថុ និងស្របពេលបរិបថកំពុងផ្លាស់ប្តូរ ទៅពេលអនាគត ប្រតិបត្តិការនៃការទូរទាត់សាច់ប្រាក់នេះ ក្រៅពីការប្រើប្រាស់ទូរស័ព្ទ យើងអាចស្កែនផ្ទៃមុខរបស់យើង នឹងអាចធ្វើការទូរទាត់សាច់ប្រាក់បានដូចគ្នា៕អត្ថបទ៖ សុន រ៉ាឌី

កម្ពុជានាំចេញជ័រ និងឈើកៅស៊ូ ទទួលបានចំណូលជិត ៣៥០ លានដុល្លារ ក្នុងរយៈពេល៩ខែឆ្នាំនេះ

ភ្នំពេញ៖ កម្ពុជា រកចំណូលបានជាង ៣៤៨ លានដុល្លារពីការបញ្ចេញលក់ជ័រ និងឈើកៅស៊ូ ទៅកាន់ទីផ្សារអន្តរជាតិក្នុងរយៈពេល ៩ ខែដើមឆ្នាំ ២០២២ ធ្លាក់ចុះ ៩ ភាគរយបើធៀបរយៈពេលដូចគ្នាឆ្នាំមុន។យោងតាមរបាយការណ៍អគ្គនាយកដ្ឋានកៅស៊ូនៃក្រសួងកសិកម្ម រុក្ខាប្រមាញ់ និងនេសាទ បង្ហាញថា ចាប់ពីខែមករាដល់ខែកញ្ញា ឆ្នាំ ២០២២ ការនាំចេញកៅស៊ូមានបរិមាណសរុប ២២៧- ៦០០ តោន កើនឡើង ០,៣ ភាគរយបើធៀបនឹងរយៈពេលដូចគ្នាឆ្នាំមុន និងទទួលបានចំណូលជាង ៣៤៥ លានដុល្លារ។ចំណែកបរិមាណបញ្ចេញលក់ឈើកៅស៊ូ ចាប់ពីដើមឆ្នាំរហូតដល់ខែកញ្ញា សម្រេចបាន ២១ ៨៣២ ម៉ែត្រគុប និងទទួលបានចំណូលជាង ៣ លានដុល្លារ។របាយការណ៍ដដែល បានឱ្យដឹងថា តម្លៃជ័រកៅស៊ូមធ្យម ចាប់ពីខែមករា ដល់ខែកញ្ញា គឺ ១ ៥១៧ ដុល្លារក្នុង ១ តោន ថយចុះ ៩ ភាគរយធៀបនឹងរយៈពេលដូចគ្នាឆ្នាំមុន។ យោងតាមអគ្គនាយកដ្ឋានកៅស៊ូ នៅកម្ពុជាបច្ចុប្បន្នមានផ្ទៃដីដាំដើមកៅស៊ូសរុប ៤០៤ ០៤៤ ហិកតា ក្នុងនោះផ្ទៃដីកំពុងចៀរជ័រមានចំនួន ៣១០ ១៩៣ ហិកតា និងផ្ទៃដីថែទាំមានចំនួន ៩៣ ៨៥១ ហិកតា។ កាលពីឆ្នាំ ២០២១ ប្រទេសកម្ពុជាប្រមូលផលជ័រកៅស៊ូ បានចំនួន ៣៦៨ ០០០ តោន ក្នុងនោះនាំចេញទៅទីផ្សារអន្តរជាតិ ចំនួន ៣៦៦ ០០០ តោន ដោយរកចំណូលបាន ៦១០ ២៥៥ ៨០០ ដុល្លារ។ នេះបើយោងតាមទិន្នន័យពីអគ្គនាយកដ្ឋានកៅស៊ូ។បច្ចុប្បន្នកម្ពុជា ទទួលបានគម្រោងវិនិយោគ រោងចក្រផលិតសំបកកង់យានយន្ត របស់ក្រុមហ៊ុនវិនិយោគប្រទេសចិន មានសន្ទុះកើនឡើងគួរឲ្យកត់សម្គាល់។ វត្តមានរោងចក្រផលិតកង់រថយន្តក្នុងស្រុក នឹងបង្កើតទីផ្សារកៅស៊ូ ធានាតម្លៃទីផ្សារ និងបង្កើតការងារធ្វើដល់ប្រជាពលរដ្ឋ៕ អត្ថបទ៖ វណ្ណៈ

ទំហំពាណិជ្ជកម្មកម្ពុជា គិតត្រឹម៩ខែឆ្នាំនេះ សម្រេចបានជាង ៤១ពាន់លានដុល្លារ កើនឡើង១៨ភាគរយ

ភ្នំពេញ៖ គិតក្នុងរយៈពេល ៩ខែ ឆ្នាំ២០២២នេះ ទំហំពាណិជ្ជកម្មរបស់កម្ពុជាសម្រេចបានចំនួនជាង ៤១ពាន់លានដុល្លារអាម៉េរិក (៤១.០២៣លានដុល្លារ) កើនឡើងប្រមាណ ១៨ភាគរយ បើធៀបរយៈពេលដូចគ្នាទៅនឹងឆ្នាំ២០២១។ក្រសួងពាណិជ្ជកម្ម នៅក្រោយចប់ជំនួបការងារ រវាងឯកឧត្តម ឱក ប៊ុង រដ្ឋលេខាធិការក្រសួងពាណិជ្ជកម្ម និងលោកស្រី YUKI KOBAYASHO អ្នកសម្របសម្រួលកម្មវិធីរបស់អង្គការអន្តរជាតិខាងការងារ និងតំណាងអង្គការពាណិជ្ជកម្មក្រៅប្រទេសជប៉ុន (JETRO) កាលពីរសៀលថ្ងៃទី២១ ខែតុលាកន្លងទៅ បានឲ្យដឹងថា ជាមួយលទ្ធផលខាងលើនេះ ការនាំចេញមានចំនួនជាង ១៧ពាន់លានដុល្លារអាម៉េរិក កើនឡើង ២២ភាគរយ និងការនាំចូលជាង ២៣ពាន់លានដុល្លារអាម៉េរិក កើនឡើង ១៥ភាគរយ។ ប្រភពដដែល បានរៀបរាប់បន្តថា មុខទំនិញសំខាន់ៗក្នុងការនាំចេញ រួមមាន៖ សំលៀកបំពាក់, សម្ភារៈធ្វើដំណើរ និងកាបូប, ស្បែកជើង, ម៉ាស៊ីនបរិធាន និងសម្ភារៈអគ្គិសនី, គ្រឿងសង្ហារឹម និងបរិធានបំភ្លឺ និងកង់-ល-។ក្រសួងពាណិជ្ជកម្ម បានបញ្ជាក់ថា តាមរយៈជំនួបខាងលើនេះ ភាគីទាំងពីរបានគូសបញ្ជក់ជាថ្មីនូវការប្តេជ្ញាចិត្តក្នុងកិច្ចសហប្រតិបត្តិការវាងក្រសួងពាណិជ្ជកម្ម ILO-Tokyo office និងអង្គការពាណិជ្ជកម្មក្រៅប្រទេសជប៉ុន ក្នុងការកែលម្អលក្ខខណ្ឌការងារ សិទ្ធិកម្មករ សេរីភាពអង្គការវិជ្ជាជីវៈ និងជំរុញការប្រកួតប្រជែងលើវិស័យវាយនភណ្ឌ កាត់ដេរសំលៀកបំពាក់ ផលិតផលធ្វើដំណើរនិងកាបូប និងវិស័យផ្សេងៗទៀត បង្កើននូវការបញ្ជាទិញពីកម្ពុជា និងធានាថាទំនិញដែលទិញពីកម្ពុជា ជាទំនិញដែលមានប្រភពស្អាតស្អំដោយគោរពតាមបទដ្ឋានការងារអន្តរជាតិ។ បន្ថែមលើនេះ កម្ពុជានឹងសិក្សាដាក់បញ្ចូលនូវវិស័យផលិតផលិតផលស្បែកជើង គ្រឿងអេឡិចត្រូនិក និងវិស័យដែលមានសក្តានុពលក្នុងការនាំចេញផ្សេងៗទៀត ចូលក្នុងគម្រោងរោងចក្រកាន់តែប្រសើរនៅកម្ពុជា (BFC) ដើម្បីជាយន្តការក្នុងការជំរុញឱ្យមានការបញ្ជារទិញទំនិញពីកម្ពុជាឱ្យបានកាន់តែច្រើនបន្ថែមទៀត៕អត្ថបទ៖ ឈិត បូរ៉ាវី

អ្នកវិនិយោគិនរបស់កូរ៉េ មានចំណាប់អារម្មណ៍ក្នុងគោលដៅមកធ្វើការវិនិយោគនៅកម្ពុជា

ភ្នំពេញ៖ ក្រុមអ្នកវិនិយោគិនរបស់កូរ៉េខាងត្បូង បានសម្តែងការរីករាយ និងមានចំណាប់អារម្មណ៍ខ្លាំងចំពោះគោលដៅវិនិយោគនៅក្នុងប្រទេសកម្ពុជា បន្ទាប់ពីមើលឃើញកម្ពុជាមានសុខសន្តិភាព និងមានសក្តានុពលពលកម្មច្រើន ហើយពួកគេនឹងមកប្រទេសកម្ពុជានាពេលឆាប់ៗ ខាងមុខនេះ ។ការឆ្លើយតបនូវភាពវិជ្ជមានរបស់ក្រុមអ្នកវិនិយោគិនរបស់ប្រទេសកូរ៉េខាងត្បូងនេះ គឺបានធ្វើ ឡើងនៅក្នុងកិច្ចជំនួបជាមួយប្រតិភូរាជរដ្ឋាភិបាល និងសហគ្រិនកម្ពុជា ក្នុងឱកាសដែលបានទៅទស្សនកិច្ចនៅកូរ៉េមួយសប្តាហ៍គឺចាប់ពីថ្ងៃទី១៥ ដល់ថ្ងៃទី២១ ខែតុលា ឆ្នាំ២០២២នេះ។ក្រុមអ្នកវិនិយោគរបស់កូរ៉េបានថ្លែងថា« ដោយផ្អែកលើសក្តានុពលនៃវិស័យវាយនភណ្ឌ គោលនយោបាយរបស់រាជរដ្ឋាភិបាល រួមនិងកិច្ចសហការភាពជាដៃគូនៃក្រុមអ្នកវិនិយោគិនក្នុងប្រទេសកម្ពុជាផងនោះ ពួកគេនឹងអញ្ជើញមកទសន្សកិច្ចនៅកម្ពុជា ក្នុងពេលឆាប់ៗខាងមុខនេះ ដើម្បីពិនិត្យគំរោងវិនិយោគរបស់កម្ពុជា និងនាំយកបច្ចេកវិជ្ជាទំនើបចុងក្រោយ ដែលអាចជួយដល់វិស័យវាយនភណ្ឌនៅក្នុងប្រទេសកម្ពុជាផងដែរ»។ សូមបញ្ជាក់ថា ក្នុងឱកាសដំណើរទស្សនកិច្ចរបស់ប្រតិភូរាជរដ្ឋាភិបាល និងក្រុមសហគ្រិនកម្ពុជានេះ បានជួបពិភាក្សាជាមួយនាយកក្រុមហ៊ុនល្បីៗប្រចាំប្រទេសកូរ៉េជាច្រើនរូប និងបានស្វែងយល់អំពីលក្ខណៈបច្ចេកវិជ្ជាទំនើបចុងក្រោយ រួមទាំងអត្ថប្រយោជន៍ជាច្រើន នៃគម្រោងខាងលើ ហើយភាគីកម្ពុជាបានលើកឡើងអំពីសក្តានុពលនៃវិស័យវាយនភណ្ឌក្នុងប្រទេសកម្ពុជា ការលើកទឹកចិត្តរបស់រាជរដ្ឋាភិបាលសម្រាប់វិនិយោគិនក្រៅស្រុក និងបានបង្ហាញពីភាពខ្លាំងរបស់វិនិយោគិនម្ចាស់ស្រុក ក្នុងគោលបំណងជំរុញលើកទឹកចិត្តដល់វិនិយោគិនក្រៅប្រទេស អាចមានឱកាសចូលមកវិនិយោគនៅក្នុងប្រទេសកម្ពុជាផងដែរ៕ អត្ថបទ៖ បាន ចក់

រាជរដ្ឋាភិបាលចាត់ទុក SME ជាវិស័យអាទិភាពក្នុងការធ្វើពិពិធកម្មសម្រាប់កំណើនសេដ្ឋកិច្ច

ភ្នំពេញ៖ រាជរដ្ឋាភិបាល ចាត់ទុកសហគ្រាសធុនតូច និងមធ្យម គឺជាវិស័យអាទិភាពនៅក្នុងការធ្វើពិពិធកម្ម និងការរក្សាចីរភាពកំណើនសេដ្ឋកិច្ច ក្នុងរយៈពេលមធ្យម និងរយៈពេលវែង និងបានដាក់បញ្ចូលនៅក្នុងក្របខណ្ឌ និងកម្មវិធីស្តារសេដ្ឋកិច្ច តាមគន្លងប្រក្រតីភាពថ្មី ។ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ លើកឡើងក្នុងកម្មវិធីពិភាក្សា ជាមួយសភាពាណិជ្ជកម្មអ៊ឺរ៉ុបនៅកម្ពុជា (EuroCham) កាលពីថ្ងៃទី២០ ថា ដើម្បីឱ្យវិស័យឯកជនកាន់តែរីកធំធាត់ និងខ្លាំងឡើង ចាំបាច់ត្រូវតែមានការអភិវឌ្ឍសហគ្រិនភាព ហើយដើម្បីលើកកម្ពស់សហគ្រិនភាព គឺជាការចាំបាច់ និងត្រូវមានការគាំទ្រនៅដំណាក់កាលចាប់ផ្តើមដំបូង ឬពេលបង្កើតធុរកិច្ច គិតមកដល់ពេលនេះ ក្រសួងសេដ្ឋកិច្ច និងហិរញ្ញវត្ថុជាសេនាធិការរាជរដ្ឋាភិបាល ក្រោមការប្រតិបត្តិផ្ទាល់របស់សហគ្រិនខ្មែរ បានផ្តល់ការគាំទ្រដល់ធុរកិច្ចថ្មីប្រមាណជិត ៤០០ តាមរយៈការកសាងសមត្ថភាព ការកសាងបណ្តាញអាជីវកម្ម និងទីផ្សារ និងរៀបចំកម្មវិធីប្រកួតប្រជែងអាជីវកម្ម ព្រមទាំងការផ្តល់ទុនចាប់ការចាប់ផ្តើមអាជីវកម្មផងដែរ។ឯកឧត្តម បន្តថា ចំពោះវិស័យសហគ្រាសធុនតូច និងមធ្យមនេះ មានប្រមាណ ៩០ ភាគរយ នៃអាជីវកម្មនៅកម្ពុជា គឺមានសណ្ឋាននិងទម្រង់ជា SMEs ក្នុងនោះ ៨០ ភាគរយ ស្ថិតក្នុងវិស័យកម្មន្តសាល វិស័យអាហារ និងភេសជ្ជៈ ក្នុងនោះ SMEs បានចូលរួមចំណែក ប្រមាណ ៥៨ ភាគរយ នៃផលិតផលក្នុងស្រុកសរុប, ៧០ ភាគរយ នៃការបង្កើតការងារ, និងប្រហែល ១៥ ភាគរយ នៃចំណូលពន្ធសរុប ក្នុងនោះមានចំណែកប្រមាណ ១០ ភាគរយ នៃការនាំចេញ និងបានចុះបញ្ជីប្រមាណ ៥ ភាគរយប៉ុណ្ណោះ។ការណ៍នេះ បានឆ្លុះបញ្ចាំងពីបញ្ហារចនាសម្ព័ន្ធ ដែល SMEs និងធុរកិច្ចថ្មី កំពុងប្រឈម ដែលក្នុងនោះមានដូចជា៖ បន្ទុកអនុលោមភាព ដូចជាការចុះបញ្ជីអាជីវកម្ម អាជ្ញាប័ណ្ណ លិខិតអនុញ្ញាត ការចុះបញ្ជីផលិតផល ការចុះបញ្ជីស្តង់ដារ និងការធ្វើអធិការកិច្ច, លទ្ធភាពទទួលបានការគាំទ្រមានកម្រិត ដោយសារ SMEs ភាគច្រើនស្ថិតនៅក្រៅប្រព័ន្ធ និងកង្វះយន្តការសម្របសម្រួលនិងការគាំទ្រពីស្ថាប័នពាក់ព័ន្ធ, លទ្ធភាពទទួលបានហិរញ្ញវត្ថុមានកម្រិត ដោយសារ SMEs ខ្វះកិច្ចបញ្ជីការហិរញ្ញវត្ថុត្រឹមត្រូវ ខ្វះទ្រព្យបញ្ចាំ ខ្វះដើមទុន ក៏ដូចជាខ្វះប្រភពហិរញ្ញវត្ថុហិរញ្ញវត្ថុ ពិសេសគ្រឹះស្ថានហិរញ្ញវត្ថុកម្រិតកណ្តាល ដែលបម្រើដល់តម្រូវការជាក់ស្តែងរបស់ SMEs, បញ្ហាកង្វះជំនាញ និងទេពកោសល្យ និងកត្តាផ្នត់គំនិត និងវប្បធម៌ ដែលមិនចង់ទទួលយកហានិភ័យ៕អត្ថបទ៖ សុន រ៉ាឌី

សហគមន៍ដាំដុះបន្លែ និងចិញ្ចឹមសត្វក្នុងខេត្តកំពង់ធំ ចុះកុងត្រាផ្គត់ផ្គង់បន្លែដើម្បីបំពេញតម្រូវការទីផ្សារ

កំពង់ធំ៖ សហគមន៍ផលិតបន្លែ នៅឃុំត្រពាំងឬស្សី និងឃុំកំពង់ស្វាយ ចុះកិច្ចសន្យាផ្គត់ផ្គង់បន្លែធម្មជាតិ ចំនួន៤០មុខ និងសាច់សត្វស្រស់ (មាន់) ជាមួយក្រុមហ៊ុនផ្សារឯកជន ក្រោមការសម្របសម្រួលដោយ មន្ទីរពាណិជ្ជកម្មខេត្តកំពង់ធំ ដើម្បីផ្គត់ផ្គង់ទីផ្សារ និងបង្កើនការដាំដុះឡើងវិញក្នុងរដូវទឹកសម្រក។នៅថ្ងៃទី១៩ ខែតុលា ឆ្នាំ២០២២, មន្ទីរពាណិជ្ជកម្មខេត្តកំពង់ធំ សម្របសម្រួលកិច្ចចុះកុងត្រា រវាងកសិករក្នុគម្រោងជម្រុញទីផ្សារសម្រាប់កសិកម្មខ្នាតតូចហៅកាត់ថា “អេម” (AIMS) ជាមួយក្រុមហ៊ុន ផ្សារស្នាដៃម៉ែ។ ក្នុងឱកាសនោះដែរ លោក សៀ ឡុងធារ័ត្ន អនុប្រធានមន្ទីរពាណ្ជកម្មខេត្តកំពង់ធំ លើកឡើងថា ភាពចាំបាច់របស់ប្រជាកសិករគ្រប់រូបដែលផលិតបន្លែក្តី ឬសាច់សត្វក្តី គឺផ្តោសំខាន់លើការរក្សា បានស្ថេរភាពតម្លៃសមរម្យ ផ្តល់ប្រាក់ចំណេញក្នុងការផ្គត់ផ្គង់ជីវភាព។ នេះគឺជាភាពចាំបាច់មួយតម្រូវមាន ការចុះកុងត្រាទិញលក់រវាងក្រុមអ្នកផលិត និងអាជីវករ។ក្នុងនោះគម្រោងជម្រុញទីផ្សារសម្រាប់កសិកម្ម ខ្នាតតូចហៅកាត់ថា “អេម” (AIMS) ស្ថិតក្រោមការសម្របសម្រួលរបស់មន្ទីរពាណិជ្ជកម្មរាជធានីខេត្ត ដែលជាសេនាធិការឲ្យក្រសួងពាណិជ្ជកម្ម កំពុងដើរតួយ៉ាងសំខាន់ក្នុងការស្វែងរកទីផ្សារបន្ថែមជូនកសិករ ដើម្បីទទួលបាននូវទីផ្សារមួយច្បាស់លាស់ លើគ្រប់រដូវកាលនៃការដាំដុះ។ លោក បន្ថែមថា ការអនុវត្តន៍នូវ កិច្ចសន្យាទិញលក់របស់អាជីវករ និងក្រុមកសិករផលិត នៅពេលនេះមានចំនួនបីក្រុមធំ ដែលមានកសិករ ផលិតសរុបចំនួន៨០គ្រួសារ ក្នុងនោះក្រុមអ្នកផលិតសាច់សត្វ (មាន់) ចំនួន២៥គ្រួសារ និងក្រុមអ្នកផលិត បន្លែ ស្លឹក មើម ផ្លែ និងគ្រឿងទេស សរុបចំនួន៥៥គ្រួសារ ដែលសម្រេចផ្គត់ផ្គង់សរុបចំនួន ៤០មុខ។ ហើយ នឹងចាប់ផ្តើមផ្គត់ផ្គង់ ចាប់ពីថ្ងៃទី១ ខែ វិច្ឆិកា ឆ្នាំ២០២២ ខាងមុខ ស្របពេលដែលទឹកជំនន់កំពុងស្រកចុះ អំណោយផលដល់ការដាំដុះបន្លែឡើងវិញ។ លោកបន្ថែមថា តាមរយៈការបង្កើនការដាំដុះ ស្វែងរកទីផ្សារជូនអ្នកផលិត គឺជាផែនការនៃការកាត់បន្ថយចំណាកស្រុក និងបំពេញតម្រូវការទីផ្សារក្នុងស្រុក កាត់បន្ថយការនាំចូលបន្លែ សាច់សត្វ គ្មានប្រភពច្បាស់លាស់ ធ្វើឲ្យប៉ះពាល់ដល់សុខភាពអ្នកបរិភោគ គ្រប់រូបផងដែរ។ ដូចន្នេះ ក្រុមកសិករទាំងអស់ នៅក្នុងក្រុមនីមួយៗ ត្រូវធ្វើការពិភាពក្សាគ្នា កំណត់ប្រភេទបន្លែផ្សេងៗគ្នា ក្នុងការដាំដុះ ប្រចាំរដូវ ដើម្បីឲ្យការផ្គត់ផ្គង់ លើកិច្ចទទួលបានភាពជោគជ័យ ក្នុងគោលដៅបង្កើនជីវភាព និងពង្រីកទីផ្សារ របស់ខ្លួនផងដែរ។ លោកស្រី សៀង ខៃ ប្រធានក្រុមប្រមូលបន្លែនៅភូមិល្វាជោម ឃុំត្រពាំងឬស្សី ស្រុកកំពង់ស្វាយ លើកឡើងថា ក្រុមផលិតរបស់លោកស្រី មានកសិកសរុបចំនួន៣៥ គ្រួសារ ដែលបច្ចុប្បន្ន បាន និងកំពុងដាំដុះបន្លែមួយចំនួនរួចរាល់ហើយ ទាំងបន្លែស្លឹក មើម ផ្លែ និងគ្រឿងទេសផងដែរ។ នៅសល់ប្រភេទបន្លែខ្លះ ដែលមិនទាន់មានការដាំដុះ ក្រុមកសិករ នឹងបន្តជម្រុញការដាំដុះ ទៅការផ្តល់បច្ចេកទេស ដោយភាគីខាងផ្សារ រួមជាមួយការចុះផ្តល់ប្រឹក្សា ដោយភ្នាក់ងារគម្រោងផងដែរ៕ អត្ថបទ៖ លី សាងស៊ីន

ធនាគារជាតិនៃកម្ពុជា បញ្ជ្រាបការយល់ដឹងអំពីវិធានការផ្លូវច្បាប់លើផ្តល់ឥណទានខុសច្បាប់

ភ្នំពេញ៖ ធនាគារជាតិនៃកម្ពុជា បញ្ជ្រាបការយល់ដឹងបន្ថែមដល់ភាគីពាក់ព័ន្ធ អំពីវិធានការផ្លូវច្បាប់ចំពោះការផ្សព្វផ្សាយ និងផ្តល់ឥណទានខុសច្បាប់, ដាក់ចេញនូវវិធានការអប់រំ ឬណែនាំដល់ប្រជាពលរដ្ឋឱ្យយល់ច្បាស់ពីសេវាធនាគារផ្លូវការ និងចាត់វិធានការតាមផ្លូវច្បាប់ចំពោះអ្នកផ្តល់សេវាធនាគារមិនមានច្បាប់អនុញ្ញាត។ធនាគារជាតិនៃកម្ពុជា នៅព្រឹកថ្ងៃទី១៩ខែតុលា ឆ្នាំ ២០២២ នេះ រួមសហការជាមួយក្រសួងយុត្តិធម៌, អគ្គស្នងការដ្ឋាននគរបាលជាតិ និងអង្គភាពពាក់ព័ន្ធ បើកសិក្ខាសាលាផ្សព្វផ្សាយ ស្តីពីវិធានការនិងការបង្ក្រាបសកម្មភាពផ្សព្វផ្សាយ និងផ្តល់ឥណទានដោយខុសច្បាប់ ដោយកន្លងមកនេះ ធនាគារជាតិនៃកម្ពុជា បានសង្កេតឃើញថា មានជនខិលខូចមួយចំនួននៅតែបន្តធ្វើការផ្សព្វផ្សាយយ៉ាងបើកចំហ ស្តីពីការផ្តល់ឥណទានដល់ប្រជាពលរដ្ឋតាមរូបភាពផ្សេងៗជាច្រើនដូចជា ប្រព័ន្ធអនឡាញ, បណ្តាញ សង្គម, ការផ្សព្វផ្សាយតាមខិត្តប័ណ្ណ និងការបិតផ្សាយតាមទីកន្លែងសាធារណៈនានាជាដើម។ ការផ្តល់សេវាឥណទានដោយគ្មានអាជ្ញាបណ្ណពីធនាគារជាតិនៃកម្ពុជា គឺខុសនឹងមាត្រា ៩ នៃច្បាប់ ស្តីពីគ្រឹះស្ថានធនាគារនិងហិរញ្ញវត្ថុ។ ការផ្តល់ឥណទានខុសច្បាប់នេះ ក៏ផ្តល់ផលប៉ះពាល់ដល់ជីវភាពរស់នៅរបស់ប្រជាពលរដ្ឋ និងអាចបង្កឱ្យមានបំណុលច្រើនលើសលុប តាមរយៈការយកអត្រាការប្រាក់ខ្ពស់ហួសហេតុ និងម្យ៉ាងវិញទៀត បញ្ហាកង្វះក្រមសីលធម៌ និងយន្តការការពារអតិថិជន អាចជំរុញឱ្យមានអំពើហិង្សា ការបាត់បង់ទ្រព្យធានា និងអាចកើតមាននូវអសន្តិសុខសង្គម (ចោរកម្ម) ផងដែរ, ហើយក៏ជះឥទ្ធិពលអវិជ្ជមានដល់គ្រឹះស្ថានធនាគារ និងហិរញ្ញវត្ថុ ដែលកំពុងផ្តល់សេវាធនាគារផ្លូវការផងដែរ។ធនាគារជាតិនៃកម្ពុជា បានចេញសេចក្តីប្រកាសព័ត៌មានស្តីពី “ការផ្សព្វផ្សាយនិងផ្តល់ឥណទានដោយខុសច្បាប់” ដើម្បីផ្តល់សារបន្ថែម ដល់សាធារណជន អំពីគ្រឹះស្ថានស្របច្បាប់និងផ្លូវការ ដែលផ្តល់សេវាឥណទាន និងសេវាពាក់ព័ន្ធផ្សេងទៀត ព្រមទាំងស្នើបង្កើនការប្រុងប្រយ័ត្នឱ្យបានខ្ពស់បំផុតចំពោះអ្នកផ្តល់សេវាឥណទានខុសច្បាប់ និងក្រៅផ្លូវការ។ ជាទិសដៅបន្ទាប់ ធនាគារជាតិនៃកម្ពុជា អគ្គស្នងការដ្ឋាននគរបាលជាតិ និងក្រសួងយុត្តិធម៌ នឹងរៀបចំចេញសេចក្តីប្រកាសព័ត៌មានរួមគ្នា អំពីលទ្ធផលនៃសិក្ខាសាលា ក៏ដូចជាជំហរនៃកិច្ចសហការគ្នាទៅវិញទៅមក ក្នុងការចាត់វិធានការឱ្យទាន់ពេលវេលាសំដៅបង្ការ ទប់ស្កាត់ បង្រ្កាប និងលុបបំបាត់សកម្មភាពផ្សព្វផ្សាយ និងផ្តល់ឥណទានខុសច្បាប់៕

ដំណាំស្រូវដែលរងផលប៉ះពាល់ដោយសារគ្រោះទឹកជំនន់មានជាង ២០ម៉ឺនហិកតា

ភ្នំពេញ៖ ដោយសារទឹកជំនន់ក្នុងឆ្នាំ២០២២នេះ មានរយៈពេលអូសបន្លាយយូរជាងឆ្នាំកន្លងទៅ បានបង្ករផលប៉ះពាល់យ៉ាងច្រើនដល់ដំណាំដាំដុះ ក្នុងនោះ ដំណាំស្រូវដែលទទួលរងផលប៉ះពាល់សរុបមានចំនួនជាង ២០ម៉ឺន ៦ពាន់ហិកតា, ផ្ទៃដីដំណាំស្រូវ ដែលបានខូចខាតមានចំនួនជាង ៨ម៉ឺន ៥ពាន់ហិកតា។លើកឡើងក្នុងពិធីផ្ទេរតំណែងរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីរសៀលថ្ងៃទី១៧ តុលា ឆ្នាំ២០២២កន្លងទៅ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា វិស័យកសិកម្មកំពុងតែទទួលរងផលប៉ះពាល់ពីជំនន់ទឹកភ្លៀងស្ទើរតែទូទាំងប្រទេស។ ឯកឧត្តម បានឲ្យដឹងថា គិតត្រឹមថ្ងៃទី១២ ខែតុលា ដំណាំស្រូវដែលទទួលរងផលប៉ះពាល់សរុបមានចំនួនជាង ២០ ម៉ឺន ៦ពាន់ហិកតា, ផ្ទៃដីដំណាំ ស្រូវដែលបានខូចខាតមានចំនួនជាង ៨ម៉ឺន ៥ពាន់ហិកតា និងផ្ទៃដីដំណាំស្រូវដែលអាចស្តារឡើងវិញ មានចំនួនជាង ៤ម៉ឺន ៨ពាន់ហិកតា។ ពាក់ព័ន្ធនឹងផលខូចខាតដំណាំដោយសារគ្រោះទឹកជំនន់ខាងលើនេះ ឯកឧត្តមអគ្គបណ្ឌិតសភាចារ្យ បានណែនាំឲ្យរដ្ឋមន្រ្តីថ្មីនៃក្រសួងកសិកម្ម រុក្ខាប្រមាញ់ និងនេសាទ រួមទាំងថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ នៃក្រសួង ត្រូវរួមគ្នាដោះស្រាយបញ្ហាចំពោះមុខ និងអនុវត្តឱ្យបានល្អប្រសើរនូវវិធានការដែលទទួលបានការឯកភាពដ៏ខ្ពង់ខ្ពស់ពីថ្នាក់ដឹកនាំរាជរដ្ឋាភិបាល ដោយត្រូវបន្តចុះពិនិត្យ និងវាយតម្លៃផលប៉ះពាល់ និងការខូចខាតជាក់ស្ដែងដោយសារជំនន់ទឹកភ្លៀងលើដំណាំកសិកម្ម, សត្វពាហនៈ និងវារីវប្បកម្ម ជាពិសេសកំណត់ឱ្យច្បាស់លាស់នូវទីតាំងខូចខាត ទំហំផ្ទៃដី និងចំនួនគ្រួសារកសិករដែលរងគ្រោះ ដោយសហការជាមួយក្រសួង ស្ថាប័ន ជាពិសេសរដ្ឋបាលរាជធានី ខេត្តពាក់ព័ន្ធឲ្យមានប្រសិទ្ធិភាពខ្ពស់ និងផ្តល់ការសហការជិតស្និតជាមួយស្ថាប័នពាក់ព័ន្ធ ក្នុងការប្រមូលទិន្នន័យអំពីតម្រូវការពូជ, ផ្ទៃដីស្តារឡើងវិញ, អត្តសញ្ញាណជនរងគ្រោះ និងព័ត៌មានដទៃទៀត ដើម្បីដាក់ចេញនូវវិធានការស្តារ និងផ្តល់ជំនួយសង្គមផ្សេងៗទៀតប្រកបដោយប្រសិទ្ធភាព។ល។ឯកឧត្តម ឌិត ទីណា រដ្ឋមន្រ្តីថ្មី នៃក្រសួងកសិកម្ម រុក្ខាប្រមាញ់ និងនេសាទ នៅក្នុងសន្និសីទសារព័ត៌មាន ក្រោយចប់ពិធីផ្ទេរតំណែង បានលើកឡើងថា សម្រាប់ការងារខាងលើនេះ ឯកឧត្តម នឹងបើកការប្រជុំជាមួយថ្នាក់ដឹកនាំក្រសួងដើម្បីរៀបចំផែនការចុះតាមបណ្តាខេត្ត បណ្តាទីតាំងដែលមានប្រជាពលរដ្ឋរងគ្រោះ ដើម្បីចែកជូននូវជំនួយសម្រាប់ស្តារឡើងវិញ នូវការខូចខាតទាំងនេះ។ ឯកឧត្តម បន្ថែមទៀតថា យើងក៏នៅមានកិច្ចការបន្ទាន់មួយចំនួនទៀតដែលត្រូវបន្តអនុវត្ត ក្នុងគោលដៅដោះស្រាយបញ្ហាប្រឈមជូនប្រជាពលរដ្ឋរងផលប៉ះពាល់ដោយទឹកជំនន់ជាអទិភាព ក្នុងគោលដៅបន្តជំរុញ ប្រែក្លាយកសិកម្ម ឱ្យទៅជាកសិកម្មកាន់តែទំនើឆ្លាតវៃប្រកបដោយបរយាបន្ន និងមាននិរន្តភាពធន នឹងបម្រែប្រម្រួលអាកាសធាតុ ហើយបម្រើឱ្យផលប្រយោជន៍ពិតប្រាកដរបស់ប្រជាជន និងលើកកម្ពស់ជីវភាពរបស់កសិករ៕ អត្ថបទ ឈិត បូរ៉ាវី

បណ្ដាញសង្គម

ព័ត៌មានថ្មីៗ

អាជ្ញាធរខេត្តប៉ៃលិនរឹតបន្តឹងត្រួតពិនិត្យជនបរទេស ដើម្បីទប់ស្កាត់បទល្មើសឆបោកតាមប្រព័ន្ធ បច្ចេកវិទ្យា

សម្ដេចតេជោ៖ «ទោះបីជាពិភពលោកបច្ចុប្បន្នមានការប្រែប្រួល ប៉ុន្តែទំនាក់ទំនងមិត្តភាពកម្ពុជា-ចិន មិនប្រែប្រួលឡើយ»

អ៊ីរ៉ង់ សង្កត់ធ្ងន់លើការសន្ទនា និងបានរិះគន់ «ស្តង់ដារពីរ» របស់ទីក្រុងវ៉ាស៊ីនតោនក្នុងការចរចា

អ៊ីរ៉ង់រឹតបន្តឹងការគ្រប់គ្រងច្រកសមុទ្រ Hormuz បន្ទាប់ពីសហរដ្ឋអាមេរិកបោះបង់ការវាយប្រហារថ្មី

អ៊ីរ៉ង់ប្រាប់បេសកជនកូរ៉េខាងត្បូងថា «អ្នកឈ្លានពាន» ទទួលខុសត្រូវចំពោះផលវិបាកនៃសង្គ្រាម

ប្រមុខការទូតចិនអញ្ជើញ ចាកចេញពីកម្ពុជា ក្រោយបញ្ចប់បេសកកម្មរយៈពេលពីរថ្ងៃដោយជោគជ័យ

ថាមពលនុយក្លេអ៊ែរ កំពុងកើតឡើងវិញជាសកល ៤០ឆ្នាំ ក្រោយពីមហន្តរាយនៅរោងចក្រ CHERNOBYL

មូលដ្ឋានអាជីវកម្មទេសចរណ៍រួមគ្នាបញ្ចុះតម្លៃសេវាកម្មទាក់ទាញទេសចរដើរកម្សាន្ត ក្នុងរដូវកាលបៃតង

អ៊ីរ៉ង់ចោទបារ៉ែន កាតា គូវ៉ែត អារ៉ាប់រួម និងអារ៉ាប៊ីសាអ៊ូឌីតថា បានសមគំនិតជាមួយអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

គ្រឹះស្ថានអប់រំចំនួន៤នៅកម្ពុជា សហការគ្នាលើកកម្ពស់វិស័យអប់រំបែបឌីជីថល

អ្នកជំនាញមកពីកូរ៉េ ចាប់ផ្តើមសិក្សាគម្រោងកាត់បន្ថយការបាត់បង់ទឹករបស់រដ្ឋាករទឹកស្វយ័តក្រុងភ្នំពេញ

កំណើននៃការប្រើប្រាស់ទូរស័ព្ទ ជំរុញការវិវត្តនៃបច្ចេកវិទ្យាហិរញ្ញវត្ថុនៅកម្ពុជា

កម្ពុជានាំចេញជ័រ និងឈើកៅស៊ូ ទទួលបានចំណូលជិត ៣៥០ លានដុល្លារ ក្នុងរយៈពេល៩ខែឆ្នាំនេះ

ទំហំពាណិជ្ជកម្មកម្ពុជា គិតត្រឹម៩ខែឆ្នាំនេះ សម្រេចបានជាង ៤១ពាន់លានដុល្លារ កើនឡើង១៨ភាគរយ

អ្នកវិនិយោគិនរបស់កូរ៉េ មានចំណាប់អារម្មណ៍ក្នុងគោលដៅមកធ្វើការវិនិយោគនៅកម្ពុជា

រាជរដ្ឋាភិបាលចាត់ទុក SME ជាវិស័យអាទិភាពក្នុងការធ្វើពិពិធកម្មសម្រាប់កំណើនសេដ្ឋកិច្ច

ធនាគារជាតិនៃកម្ពុជា បញ្ជ្រាបការយល់ដឹងអំពីវិធានការផ្លូវច្បាប់លើផ្តល់ឥណទានខុសច្បាប់

ដំណាំស្រូវដែលរងផលប៉ះពាល់ដោយសារគ្រោះទឹកជំនន់មានជាង ២០ម៉ឺនហិកតា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

គ្រឹះស្ថានអប់រំចំនួន៤នៅកម្ពុជា សហការគ្នាលើកកម្ពស់វិស័យអប់រំបែបឌីជីថល

កំណើននៃការប្រើប្រាស់ទូរស័ព្ទ ជំរុញការវិវត្តនៃបច្ចេកវិទ្យាហិរញ្ញវត្ថុនៅកម្ពុជា

កម្ពុជានាំចេញ​ជ័រ និង​ឈើ​កៅស៊ូ ទទួលបានចំណូល​ជិត ៣៥០ លានដុល្លារ ​ក្នុងរយៈពេល៩ខែឆ្នាំនេះ

ទំហំពាណិជ្ជកម្មកម្ពុជា គិតត្រឹម៩ខែឆ្នាំនេះ សម្រេចបានជាង ៤១ពាន់លានដុល្លារ កើនឡើង១៨ភាគរយ

អ្នកវិនិយោគិនរបស់កូរ៉េ មានចំណាប់អារម្មណ៍ក្នុងគោលដៅមកធ្វើការវិនិយោគនៅកម្ពុជា

រាជរដ្ឋាភិបាលចាត់ទុក SME ជាវិស័យអាទិភាពក្នុងការធ្វើពិពិធកម្មសម្រាប់កំណើនសេដ្ឋកិច្ច

ធនាគារជាតិនៃកម្ពុជា បញ្ជ្រាបការយល់ដឹងអំពីវិធានការផ្លូវច្បាប់លើផ្តល់ឥណទានខុសច្បាប់

ដំណាំស្រូវដែលរងផលប៉ះពាល់ដោយសារគ្រោះទឹកជំនន់មានជាង ២០ម៉ឺនហិកតា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានាំចេញជ័រ និងឈើកៅស៊ូ ទទួលបានចំណូលជិត ៣៥០ លានដុល្លារ ក្នុងរយៈពេល៩ខែឆ្នាំនេះ