BTV NEWS

នៅត្រីមាសទី១ ឆ្នាំនេះកម្ពុជានាំចេញផលិតផលសម្លៀកបំពាក់ ស្បែកជើង និងសម្ភារៈធ្វើដំណើរ មានទឹកប្រាក់ជាង ៣.៨០០ លានដុល្លារ

រដ្ឋសម្រេចលុបបំបាត់កម្រៃស្កែនកុងតឺន័រទាំងស្រុងចាប់ពីខែឧសភាតទៅ ដើម្បីសម្រួលពាណិជ្ជកម្មក្នុងស្រុក

កូនផ្សោតទន្លេមេគង្គទើបកើតថ្មី ១ក្បាលទៀត នាំមកក្តីសង្ឃឹមសម្រាប់ការអភិរក្សនៅដើមឆ្នាំ២០២៦

ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ

សេដ្ឋកិច្ច និង កសិកម្ម

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

ភ្នំពេញ ៖ រាជរដ្ឋាភិបាលកម្ពុជា បានប្រកាសដាក់អនុវត្តជាផ្លូវការ នៃ “ក្របខណ្ឌគោលនយោបាយសេដ្ឋ-កិច្ច និង សង្គមឌីជីថលកម្ពុជា ២០២១-២០៣៥” ដែលកំណត់យកវិស័យឌីជីថល ជាម៉ូដែលកំណើនសេដ្ឋកិច្ចថ្មី ដែលមានភាពឆ្លើយតប និង ភាពធន់ខ្ពស់ទៅនឹងការផ្លាស់ប្ដូរនិម្មាបនកម្មសេដ្ឋកិច្ច និង ពាណិជ្ជកម្មអន្តរជាតិនាពេលអនាគតផង ជាពិសេសការស្ដារឡើងវិញនូវសេដ្ឋកិច្ចក្រោយវិបត្តិជំងឺកូវីដ-១៩។យោងតាមសេចក្តីប្រកាសរបស់ឧត្តមក្រុមប្រឹក្សាសេដ្ឋកិច្ចជាតិចេញផ្សាយនៅថ្ងៃទី១៧ ខែមិថុនា “ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥” ត្រូវបានរៀបចំ ស្របតាមតម្រូវការជាក់-ស្ដែង សក្តានុពល ធនធាន និង សមត្ថភាព ទាំងនៅក្នុងវិស័យសាធារណៈ និង ទាំងនៅក្នុងវិស័យឯកជន ដើម្បីធ្វើ-ការតម្រង់ទិសការអភិវឌ្ឍ និង ដំណើរនៃបរិវត្តកម្មឌីជីថលនៅកម្ពុជា ដោយឈរលើមូលដ្ឋានគ្រឹះដ៏រឹងមាំនៃសុខសន្តិភាពពេញលេញ បូរណភាពទឹកដី សាមគ្គីភាពជាតិ និង ស្ថិរភាពនយោបាយ ក៏ដូចជា ការអភិវឌ្ឍសេដ្ឋកិច្ច និង សង្គម ដែលកម្ពុជាសម្រេចបានជាងបីទសវត្សរ៍កន្លងទៅ។តាមរយៈក្របខណ្ឌគោលនយោបាយនេះ កម្ពុជាកំណត់យកចក្ខុវិស័យ “កសាងសេដ្ឋកិច្ច និង សង្គមឌីជីថលរស់រវើក តាមរយៈការរៀបចំមូលដ្ឋានគ្រឹះជំរុញការទទួលយក និង បរិវត្តកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និង ទាំងធុរជន ដើម្បីជំរុញសម្ទុះកំណើនសេដ្ឋកិច្ចថ្មី និង លើកកម្ពស់សុខុមាលភាពសង្គម តាមគន្លងប្រក្រតីភាពថ្មី” ក្នុងគោលបំណងកសាងសេដ្ឋ-កិច្ចឌីជីថលឱ្យក្លាយជាចន្ទល់កំណើនសេដ្ឋកិច្ចថ្មីផង និង ជាប្រព័ន្ធអេកូឡូស៊ីរួមចំណែកបង្កើនផលិតភាព និង ប្រសិទ្ធភាពសេដ្ឋកិច្ច និង លើកកម្ពស់សុខុមាលភាពរបស់ប្រជាពលរដ្ឋនៃសង្គមឌីជីថលកម្ពុជាផង ។ដើម្បីសម្រេចនូវចក្ខុវិស័យ និង គោលបំណងនេះ, ក្របខណ្ឌគោលនយោបាយនេះកំណត់យកគោលដៅចម្បងៗ ដែលជាគ្រឹះ និង សសរស្ដម្ភ នៃការកសាងសេដ្ឋកិច្ច និង សង្គមឌីជីថលកម្ពុជា ដោយក្នុងនោះ គ្រឹះចំនួន ២ រួមមាន៖ (១). ការអភិវឌ្ឍហេដ្ឋារចនាសម្ព័ន្ធ, និង (២). ការកសាងទំនុកចិត្តនិងភាពជឿជាក់លើប្រព័ន្ធឌីជីថល និង សសរស្ដម្ភចំនួន ៣ រួមមាន៖ (១). ការកសាងពលរដ្ឋឌីជីថល, (២). ការកសាងរដ្ឋាភិបាលឌីជីថល និង (៣). ការជំរុញធុរកិច្ចឌីជីថល ក្នុងរយៈពេល ១៥ ឆ្នាំ ចាប់ផ្ដើមពីឆ្នាំ ២០២១ ដល់ឆ្នាំ ២០៣៥ ។យ៉ាងណាមិញ ភាពជោគជ័យនៃក្របខណ្ឌគោលនយោបាយនេះ នឹងសម្រេចបានដោយទាមទារនូវកិច្ចសហប្រតិបត្តិការ និង ការសម្របសម្រួលរវាងក្រសួង-ស្ថាប័នទទួលបន្ទុកអនុវត្ត ក្នុងស្មារតីម្ចាស់ការ សាមគ្គី-ភាពរឹងមាំ និង ការទទួលខុសត្រូវខ្ពស់ ដោយមានការចូលរួមយ៉ាងសកម្មពីភាគីពាក់ព័ន្ធ ដែលរួមមាន វិស័យឯកជន និង ប្រជាពលរដ្ឋទាំងអស់ ។ ជាមួយគ្នានេះ កម្ពុជាក៏នឹងទាញយកផលប្រយោជន៍បន្ថែមពីការចូលរួមក្នុងកិច្ចសហ-ប្រតិបត្តិការភាពជាដៃគូយុទ្ធសាស្ត្រ ក៏ដូចជាគំនិតផ្ដួចផ្ដើមឌីជីថលអន្តរជាតិ ស្ដីពីសេដ្ឋកិច្ច, សង្គម, ធុរកិច្ច, ហិរញ្ញ-វត្ថុ, ការសិក្សាស្រាវជ្រាវ, និង ការប្រើប្រាស់ ព្រមទាំងការអភិវឌ្ឍបច្ចេកវិទ្យា និង សន្តិសុខតាមប្រព័ន្ធអ៊ីនធឺណិត ក្នុងក្របខណ្ឌទ្វេភាគី និង ពហុភាគី ទាំងក្នុងកម្រិតអនុតំបន់ តំបន់ និង សកល៕អត្ថបទ ៖ វណ្ណៈ

រដ្ឋមន្ត្រីក្រសួងឧស្សាហកម្ម ស្នើប្រទេសសមាជិកអាស៊ាន រៀបចំគម្រោងដើម្បីប្រយុទ្ធប្រឆាំងជំងឺកូវីដ-១៩

ភ្នំពេញ ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្នើសុំឱ្យប្រទេសជាសមាជិកអាស៊ានទាំងអស់ និងលេខាធិការដ្ឋានអាស៊ាន ធ្វើការពិចារណាឱ្យបានគ្រប់ជ្រុងជ្រោយ ប្រកបដោយបរិយាបន្ន និងសមធម៌ ក្នុងការរៀបចំនូវគម្រោងសម្រាប់តំបន់ ដើម្បីប្រយុទ្ធប្រឆាំងនៃរោគរាតត្បាតនៃជំងឺកូវីដ-១៩។ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅក្នុងកិច្ចប្រជុំក្រៅផ្លូវការលើកទី១១ រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន) នៅថ្ងៃទី ១៧ ខែមិថុនា ឆ្នាំ២០២១ នេះថា ជុំវិញស្ថានភាពនៃការរីករាលដាលជំងឺកូវីដ-១៩ នេះ បច្ចុប្បន្នកម្ពុជាកំពុងប្រឈមមុខ នឹងការរីករាលនៃជំងឺកូវីដ-១៩ ក្នុងកម្រិតមួយគួរឱ្យបារម្ភ ដែលបញ្ហានេះសុំឱ្យប្រទេសជាសមាជិកអាស៊ានទាំងអស់ និងលេខាធិការដ្ឋានអាស៊ាន ធ្វើការពិចារណាឱ្យបានគ្រប់ជ្រុងជ្រោយ ប្រកបដោយបរិយាបន្ន និងសមធម៌ ក្នុងការរៀបចំនូវគម្រោងសម្រាប់តំបន់។ឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី សង្ឃឹមថា ប្រទេសជាសមាជិកទាំងអស់ អាចចូលរួមរិះរកយន្តការបន្ថែមប្រកបដោយប្រសិទ្ធភាព សម្រាប់ការប្រយុទ្ធប្រឆាំង នឹងជំងឺដ៏កាចសាហាវមួយនេះ។ឯកឧត្តម Anek Laothamatas រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន) បានផ្លាស់ប្តូរទស្សនៈលើផលប៉ះពាល់ដ៏ធ្ងន់ធ្ងរនៃជំងឺកូវីដ-១៩ និងបានបញ្ជាក់អំពីសារៈសំខាន់នៃកិច្ចសហការក្នុងតំបន់ និងតួនាទីដ៏សំខាន់របស់ វ.ប.ន. ក្នុងការស្តារឡើងវិញនូវសេដ្ឋកិច្ច ។ ដើម្បីបង្កើននូវភាពប្រកួតប្រជែងរបស់អាស៊ាន ក្នុងដំណាក់កាលក្រោយកូវីដ-១៩ និងបានឯកភាពលើការកសាងនូវផែនការតំបន់មួយ សម្រាប់ប្រព័ន្ធអេកូឡូស៊ីអាស៊ានផ្នែក វ.ប.ន នេះផងដែរ ។ជុំវិញផែនការសកម្មភាព, រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) ក៏បានឯកភាពកំណត់អាទិភាពសម្រាប់ឆ្នាំ ២០២១ លើវិស័យ វ.ប.ន. មួយចំនួនដូចដូចជា ៖ អនុម័តគម្រោងយ៉ាងតិចពីរ សម្រាប់កសាងសមត្ថភាពអាស៊ានក្នុងការប្រឆាំងកូវីដ-១៩, អនុវត្តវគ្គសិក្សារយៈពេលខ្លីលើ High Performance Computing, បង្កើតមជ្ឈមណ្ឌលគ្រប់គ្រងបច្ចេកវិទ្យា និងការអនុវត្តគម្រោងយ៉ាងតិចពីរ ដែលឆ្លើយតបនឹងគោលដៅអភិវឌ្ឍន៍ដោយចីរភាព៕អត្ថបទ៖ សុន រ៉ាឌី

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

ភ្នំពេញ ៖ កំណើនសេដ្ឋកិច្ចកម្ពុជា នៅក្នុងឆ្នាំ២០២១ រំពឹងថា មានសន្ទុះក្នុងអត្រាវិជ្ជមានឡើងវិញ ដោយគាំទ្រដោយវិស័យដែលជាជន្ទល់សេដ្ឋកិច្ចមួយចំនួន បានកំពុងមានសន្ទុះឡើងជាបណ្តើរៗ។ ទោះបីស្ថិតនៅក្នុងការប៉ះពាល់ដោយសាររោគរាតត្បាតជំងឺកូវីដ-១៩ នេះក៏ដោយ ការពន្លឿនកម្មវិធីចាក់វ៉ាក់សាំងដល់ប្រជាពលរដ្ឋបង្កើនទំនុកចិត្តទីផ្សារ។ឯកឧត្តម មាស សុខសេនសាន្ត អ្នកនាំពាក្យ និងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានថ្លែងប្រាប់ភ្នាក់ងារអ្នកយកព័ត៌មានBTV ស្តីពីស្ថានភាពសេដ្ឋកិច្ចកម្ពុជាឆ្នាំ២០២១ នេះថា តាមការព្យាករណ៍របស់រាជរដ្ឋាភិបាល ចាប់តាំងពីដើមឆ្នាំ២០២១នេះមក បានបង្ហាញថា សេដ្ឋកិច្ចកម្ពុជា នឹងងើបឡើងវិញក្នុងកំណើនវិជ្ជមាន គឺនៅក្នុងរង្វង់ ៣,៥ ភាគរយ ទៅ ៤ ភាគរយ គឺប្រហាក់ប្រហែលការព្យាករណ៍របស់ធនាគារពិភពលោក។ឯកឧត្តម បញ្ជាក់ថា កំណើនសេដ្ឋកិច្ច ឆ្នាំ២០២១ នេះ ទ្រទ្រង់ដោយវិស័យ និងអនុវិស័យសំខាន់ៗមួយចំនួនដូចជា៖ វិស័យកសិកម្ម, អនុវិស័យកម្មន្តសាល, អនុវិស័យដឹកជញ្ជូន និងគមនាគមន៍ ដែលបានបង្ហាញនូវក្នុងអត្រាវិជ្ជមាន ក្នុងនោះយើងនៅមានវិស័យដែលជួយទ្រទ្រង់បន្ថែមមួយចំនួនទៀតដូចជា ៖ វិស័យលក់ដុំលក់រាយ, អនុវិស័យអចលនទ្រព្យ និងអនុវិស័យកាត់ដេរ ដែលអាចមានកំណើនថមថយបន្តិច ខុសនឹងការរំពឹងទុក។លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជបណ្ឌិត្យសភាកម្ពុជា យល់ឃើញថា កំណើនសេដ្ឋកិច្ចកម្ពុជា ឆ្នាំ២០២១ គឺទាក់ទងនឹងយុទ្ធនាការចាក់វ៉ាក់សាំងកូវីដ-១៩។ ប្រសិនការចាក់វ៉ាក់សាំងបង្ការរបស់រាជរដ្ឋាភិបាល អនុវត្តបានកាន់តែលឿន សង្ឃឹមថា សន្ទុះកំណើនសេដ្ឋកិច្ច អាចនឹងងើបឡើងតាមការរំពឹងទុក ហើយនឹងអាចបន្តងើបដល់ ៦ ភាគរយ នៅឆ្នាំ ២០២២ ខាងមុខផងដែរ ។សូមបញ្ជាក់ថា នៅថ្ងៃព្រហស្បតិ៍ ធនាគារពិភពលោក ព្យាករណ៍ថា សេដ្ឋកិច្ចកម្ពុជា នឹងទទួលបានកំណើនជិត ៤ ភាគរយ ក្នុងឆ្នាំ ២០២១ ដោយសារការរំពឹងទុកនៃការងើបឡើងវិញបន្តិចម្តងៗនៃសេដ្ឋកិច្ចរួមមាន ៖ ផ្នែកឧស្សាហកម្មផលិត, អាចងើបឡើងវិញជាបណ្តើរៗ ខណៈដែលអាជីវកម្មបោះដុំនិងលក់រាយបានកំពុងប្រឹងងើបឡើងវិញក្នុងល្បឿនយឺត ។ដោយឡែកផ្នែកនានានៃវិស័យសេវាដូចជា ៖ ការស្នាក់នៅ, ភោជនីយដ្ឋាន និងផ្នែកដឹកជញ្ជូន នៅបន្តរងការប៉ះទង្គិចខ្លាំង ដោយសារការធ្លាក់ចុះនៃទេសចរណ៍ក្នុងស្រុក និងអន្តរជាតិ រីឯការវិនិយោគផ្ទាល់ពីបរទេស នៅតែបន្តហូរចូល ព្រមទាំងជួយទ្រទ្រង់ដល់វិស័យក្រៅប្រទេសផងដែរ, តែទោះយ៉ាងណាការងើបឡើងវិញនេះ ស្ថិតនៅក្នុងសភាពផុយស្រួយ ខណៈវិធានការបិទខ្ទប់នៅតែបន្តអនុវត្ត ដើម្បីទប់ស្កាត់ការរាលដាលនៃការឆ្លងវីរុសកូវីដ-១៩៕អត្ថបទ ៖ សុន រ៉ាឌី

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ភ្នំពេញ ៖ មេសហជីពក្នុងវិស័យកាត់ដេរនៅកម្ពុជា បានលើកឡើងថា ក្នុងវិបត្តិការរីករាលដាលនៃជំងឺកូវីដ-១៩ ការយកចិត្តទុកដាក់របស់និយោជក ថៅកែរោងចក្រមួយចំនួន ទៅកាន់កម្មករនិយោជិតនៅមានកម្រិត ខណៈដែលរដ្ឋាភិបាលកម្ពុជាបានខិតខំប្រឹងប្រែងណាស់ក្នុងការទប់ស្កាត់។លោក ប៉ាវ ស៊ីណា ប្រធានសហភាពចលនាកម្មករកម្ពុជា នៅព្រឹកថ្ងៃទី១៨ មិថុនា ឆ្នាំ២០២១នេះ បានគាំទ្រ និងសាទរចំពោះ ការយកចិត្តទុកដាក់ពីសំណាក់រដ្ឋាភិបាលក្នុងការប្រយុទ្ធប្រឆាំងនិងទប់ស្កាត់ជំងឺកូវីដ-១៩ ។ ប៉ុន្តែ លោកមើលឃើញថា ភាគីរោងចក្រខ្លះក៏មានការយកចិត្តទុកដាក់ និងខ្លះទៀតមិនសូវជាយកចិត្តទុកដាក់ ជាពិសេសមិនសូវបានអនុវត្តទៅតាមវិធានការសុខាភិបាល។លើកឡើងក្នុងកម្មវិធីសន្និសីទអន្តរជាតិខាងការងារលើកទី១០៩ កាលពីពេលកន្លងទៅ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា រដ្ឋាភិបាលកម្ពុជា នៅតែបន្តកិច្ចខិតខំប្រឹងប្រែងនិងយកចិត្តទុកដាក់ខ្ពស់លើកការលើកកម្ពស់លក្ខខណ្ឌការងារ និងលក្ខខណ្ឌសុខភាពនិងសុវត្ថិភាពការងារ, ការពារសិទ្ធិសេរីភាពអង្គការវិជ្ជាជីវៈ, ថែរក្សានូវសុខដុមនីយកម្មក្នុងទំនាក់ទំនងវិជ្ជាជីវៈ, និងផ្តល់កិច្ចគាំពារសង្គមជូនដល់កម្មករនិយោជិតក្នុងស្រុក រួមទាំងផ្តល់កិច្ចការពារជាពិសេសចំពោះពលករទេសន្តរ-ប្រវេសន៍កម្ពុជា ដោយសហការយ៉ាងជិតស្និទជាមួយភាគីពាក់ព័ន្ធថ្នាក់ជាតិនិងកម្រិតតំបន់ ស្របតាមគោលនយោបាយរបស់រាជរដ្ឋាភិបាល, ច្បាប់និងបទប្បញ្ញត្តិជាតិជាធរមាន និងអនុសញ្ញាអន្តរជាតិខាងការងារដែលកម្ពុជាបានផ្តល់សច្ចាប័ន៕អត្ថបទ ៖ ឈិត បូរ៉ាវី

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ

ស្ទឹងត្រែង ៖ សមាជិកក្រុមបណ្តុំកសិករនៅស្រុកសេសាន ខេត្តស្ទឹងត្រែង ព្យាយាមដាំដំណាំឈើហូបផ្លែសម្រេចបានជោគជ័យ ធ្វើឱ្យខេត្តស្ទឹងត្រែង មានចំណាត់ថ្នាក់និងកេរ្តិ៍ឈ្មោះថា ជាខេត្តមានផលិតផលទុរេនផ្អែម មិនចាញ់បណ្តាខេត្តនានា នៅក្នុងប្រទេសកម្ពុជាយើងឡើយ ។ក្នុងឱកាសចុះសិក្សាពីភាពជោគជ័យទៅលើការដាំដំណាំឈើហូបផ្លែរបស់កសិករនៅឃុំកំភុន ស្រុកសេសាន ខេត្តស្ទឹងត្រែង កាលពីថ្ងៃទី១៦មិថុនា ម្សិលមិញ លោក សុវណ្ណ ពិសេដ្ឋ អភិបាលស្រុក បានបញ្ជាក់ថា ភាពជោគជ័យនេះ ចាត់ទុកជាសមិទ្ធផលថ្មីមួយទៀតដែលកសិករយើងខិតខំធ្វើបានសម្រេចក្នុងវិស័យកសិកម្ម ព្រោះដំណាំទុរេនខេត្តស្ទឹងត្រែង មិនធ្លាប់មានឡើយ ។លោកបន្តថា ដើម្បីលើកទឹកចិត្តកសិករគំរូ អាជ្ញាធរស្រុកជំរុញឲ្យប្រជាកសិករផ្សេងៗទៀតឱ្យមកសិក្សាយកបច្ចេកទេស ដើម្បីទៅអនុវត្តដាំដុះទទួលផលបានជោគជ័យ ។សម្រាប់លោក ឃិន សុខា ម្ចាស់ចំការទុរេននៅឃុំកំភុន បានគាំទ្រនៅផែនការរបស់អាជ្ញាធរស្រុក ព្រោះបច្ចុប្បន្ន កសិករភាគច្រើន បានផ្លាស់ប្តូរមុខរបស់ខ្លួន ពីការពឹងផ្អែកលើផលអនុផលព្រៃឈើ និងធ្វើនេសាទ មកដាំដំណាំផ្សេងៗពីគ្នា។លោក បន្តថា កត្តាជោគជ័យលើការដាំដំណាំគឺភាពឧស្សាព្យាយាម-ការថែទាំ-និងមានការគាំទ្រពីស្ថាប័នជំនាញ ជួយផ្នែកបច្ចេកទេស ទើបផលដំណាំផលិតបានមានទីផ្សារល្អ (សំឡេង) យើងចង់បានមន្ត្រីជំនាញគាត់ជួយថែមទៀតលើបទពិសោធន៍ ដើម្បីឱ្យទុរេនខេត្តស្ទឹងត្រែង បាននាំចេញចូលទៅខេត្តផ្សេងៗទៀត ជាពិសេសនាំចូលទៅទីក្រុងភ្នំពេញឱ្យច្រើន។លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានទទួលយកការស្នើឡើងនេះ ព្រោះនៅចំពោះមុខផែនការរបស់មន្ទីរ នៅពេលដែលប្រជាកសិករផលិតផលបានផលិតផលច្រើនមុខមន្ត្រីជំនាញ និងជំរុញផ្នែកដាំដុះបន្ថែម ហើយរៀបចំឱ្យមានមន្ទីរពិសោធន៍ពិនិត្យគុណភាពទៅតាមបច្ចេកទេសស្របតាមស្ដង់ដារ ។លោក បន្តថា នៅពេលខាងមុខនេះ យើងមានមន្ទីរពិសោធន៍ យើងនឹងពិនិត្យមើលជាតិគីមីអីផ្សេងៗ ជួយពិនិត្យមើលដំណាំរបស់គាត់ ហើយបញ្ជាក់វិញ្ញាបនបត្រដំណាំសុវត្ថិភាពរបស់បងប្អូនប្រជាកសិករនៅខេត្តស្ទឹងត្រែង។សូមបញ្ជាក់ថា នេះជាលើកដំបូងហើយ ដែលខេត្តស្ទឹងត្រែង មានកសិករនៅឃុំកំភុន ស្រុកសេសានដាំដំណាំទុរេន ទទួលបានផ្លែផ្កាល្អ និងនាំយកមកលក់នៅលើទីផ្សារ និងគ្រោងនាំចេញទៅលក់នៅតាមបណ្តាខេត្តនានា និងរាជធានីភ្នំពេញផងដែរ៕អត្ថបទ ៖ មាស ផល្លា

អាជីវករបោះដុំបន្លែជាង៣០ភាគរយប៉ុណ្ណោះបន្តលក់នៅទីតាំងចាស់ក្រោយអាជ្ញាធរបើកផ្សាររដ្ឋឡើងវិញ

ភ្នំពេញ ៖ អាជ្ញាធរមូលដ្ឋាននៅតំបន់ផ្សារដើមគរ រាជធានីភ្នំពេញ បាននិយាយថា គិតចាប់ពីការអនុញ្ញាតឲ្យបើកដំណើរការលក់ឡើងវិញ ក្រោយពីផ្អាកមួយរយៈពេលដោយសារការរាលដាលឆ្លងជំងឺកូវីដ-១៩ មកដល់ពេលនេះ មានអាជីវករប្រមាណ៣០%ប៉ុណ្ណោះ ដែលបានបើកលក់ឡើងវិញ ខណៈអាជីវករខ្លះបានផ្លាស់ប្តូរទីតាំងលក់។អ្នកស្រី មុំ ណាន អ្នកចែកចាយបន្លែបោះដុំ បានប្រាប់ទូរទស្សន៍ព័ត៌មាន ប៊ីធីវី ថា ការបើកការលក់ដូរឡើងវិញនៅពេលនេះ មិនសូវដាច់ដូចមុននោះទេ តែយ៉ាងណាអ្នកស្រីអាចរកចំណូលបានខ្លះប្រសើរជាងពេលដែលអាជ្ញាធរបិទមិនឲ្យលក់ដោយសារបញ្ហាកូវីដ-១៩។ អ្នកស្រី បញ្ជាក់ថា មកដល់ពេលនេះ នៅមិនទាន់មានអាជីវករច្រើនបើកលក់បន្លែឡើងវិញដូចកាលពីមុនពេលបិទផ្សារនោះឡើយ។ក្រុមអាជីវករផ្សេងទៀត បានលើកឡើងស្រដៀងគ្នាថា ក្នុងអំឡុងបិទខ្ទប់ និងផ្អាកលក់មួយរយៈពេលកន្លងមក ធ្វើឲ្យពួកគាត់បាត់បង់ប្រាក់ចំណូលខ្លះ ហើយក្រោយបានត្រឡប់មកលក់នៅទីតាំងចាស់ឡើងវិញ ក៏មិនសូវដាច់ច្រើនដូចមុននោះដែរ ព្រោះថា ការលក់មិនមែនមានតែមួយកន្លែងនិងផ្តុំគ្នាដូចពីមុនទេ ហើយអ្នកទិញខ្លះក៏បានងាកទៅទិញនៅកន្លែងផ្សេងដែរ ដូចជា នៅរង្វង់មូលគួរស្រូវជាដើម ដែលអាជីវករមួយចំនួនធំបានរើទៅលក់នៅទីនោះជំនួសឲ្យទីតាំងចាស់។ តែយ៉ាងណា ក្រុមអាជីវករសប្បាយចិត្តដែលអាជ្ញាធរបើកឲ្យលក់ឡើងវិញ និងសន្យាគោរពនូវវិធានការអនាម័យ ដើម្បីទប់ស្កាត់កូវីដ-១៩។កាលពីថ្ងៃទី១៥ ខែមិថុនាកន្លងទៅនេះ អាជ្ញាធររាជធានីភ្នំពេញ បានអនុញ្ញាតឲ្យបើកដំណើរការគ្រប់អាជីវកម្ម ការលក់ដូរជាប្រក្រតីឡើងវិញ ក្នុងក្របខ័ណ្ឌផ្សាររដ្ឋទាំងអស់ នៅរាជធានីភ្នំពេញ និងតម្រូវឲ្យអនុវត្តតាមការណែនាំរបស់ក្រសួងសុខាភិបាល ជាពិសេសប្រកាន់ខ្ជាប់ជានិច្ចនូវវិធានការ ៣ការពារ និង៣កុំ របស់ប្រមុខរាជរដ្ឋាភិបាលកម្ពុជា៕អត្ថបទ៖ឈិត បូរ៉ាវី

តម្លៃប្រេងឥន្ធនៈចាប់ពីថ្ងទី១៦ដល់៣០មិថុនា កើនថ្លៃ១០០រៀលទៀត ក្នុង១លីត្រ

ភ្នំពេញ ៖ ក្រសួងពាណិជ្ជកម្ម បានឲ្យដឹងថា តម្លៃលក់រាយប្រេងឥន្ធនៈគិតចាប់ពីថ្ងៃទី១៦ ដល់៣០ ខែមិថុនា ឆ្នាំ២០២១ បានឡើងថ្លៃចំនួន១០០រៀលទៀត ក្នុង១លីត្រ ដោយសារតែតម្លៃប្រេងឆៅនៅលើទីផ្សារអន្តរជាតិកើនឡើងដូចគ្នា។សេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាមស្ថានីយ ដែលទទួលទូរទស្សន៍ប៊ីធីវី ទទួលបាននៅថ្ងៃទី១៧ ខែមិថុនានេះ បានបញ្ជាក់ថា សម្រាប់ប្រេងសាំងធម្មតាក្នុងរយៈពេល២សប្តាហ៍ទៅមុខទៀត ពោលគឺពីថ្ងៃទី ១៦ ដល់ថ្ងៃទី ៣០ ខែមិថុនា នឹងលក់ចេញក្នុងតម្លៃ ៣ ៩០០រៀល ក្នុង១លីត្រ។ ចំណែកឯប្រេងម៉ាស៊ូតលក់ចេញក្នុងតម្លៃ ៣,៥៥០រៀល ក្នុង១លីត្រ ខណៈដែលពេលកន្លងទៅពោលគឺចន្លោះពីថ្ងៃទី ១ដល់ថ្ងៃទី ១៥ ខែមិថុនា ប្រេងសាំងធម្មតាមានតម្លៃ ៣៨០០ រៀលក្នុងមួយលីត្រ និងប្រេងម៉ាស៊ូតតម្លៃ ៣៤៥០ រៀលក្នុងមួយលីត្រ។ជុំវិញតម្លៃលក់ប្រេងឥន្ធនៈនេះ ក្រសួងពាណិជ្ជកម្ម បានបញ្ជាក់ថា ក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ ពោលគឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារ។សេចក្តីជូនដំណឹងរបស់ក្រសួងពាណិជ្ជកម្ម បានបន្តថា ជាក់ស្តែងនាពេលបច្ចុប្បន្ននេះ តម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ នឹងត្រូវលក់ ៤ ០៦០ រៀល ក្នុង១លីត្រ សម្រាប់ប្រេងសាំងធម្មតាEA92 និង ៣៧១០ រៀលសម្រាប់ប្រេងម៉ាស៊ូត។ ក៏ប៉ុន្តែដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងនៅកម្ពុជា សម្តេចនាយករដ្ឋមន្ត្រីតេជោ ហ៊ុន សែន បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៤សេនដុល្លារ ឬស្មើនឹង ២០០រៀល ក្នុង១លីត្រទើបតម្លៃចុះមកត្រឹម៣៩០០ រៀលក្នុងមួយលីត សម្រាប់ប្រេងសាំងធម្មតានិងតម្លៃ ៣.៥៥០រៀលក្នុងមួយលីត្រសម្រាប់ប្រេងម៉ាស៊ូត៕អត្ថបទ៖ ឈិត បូរ៉ាវី

សមាគមអ្នកដាំដុះនិងអ្នកកែច្នៃគាំទ្រការបង្កើតសម្ព័ន្ធកសិ-ឧស្សាហកម្ម ដើម្បីលើកស្ទួយផលិតផលក្នុងស្រុក

ភ្នំពេញ ៖ តំណាងសមាគមអ្នកដាំដុះ និងអ្នកកែច្នៃផលិតផលកសិកម្ម បានគាំទ្រការបង្កើតសម្ព័ន្ធកសិ-ឧស្សាហកម្មកម្ពុជា ដើម្បីរួមគ្នាជាប្រព័ន្ធ និងជាកំលាំងប្រមូលផ្តុំ លើកកម្ពស់ផលិតផលក្នុងស្រុក ក្នុងការធានានូវតម្លៃទីផ្សារច្បាស់លាស់ ជាពិសេសជំរុញបង្កើនការដាំដុះ ប្រកបដោយនិរន្តភាព។លោក ម៉ែន សុភ័ក្ត្រ ប្រធានសមាគមអ្នកអភិវឌ្ឍន៍កៅស៊ូកម្ពុជា បានប្រាប់ BTV នៅថ្ងៃទី ១៧ ខែ មិថុនា ឆ្នាំ ២០២១ នេះថា លោកគាំទ្រពេញទំហឹងការបង្កើតសម្ព័ន្ធកសិ-ឧស្សាហកម្មកម្ពុជា, ព្រោះកសិ-ឧស្សាហកម្ម វាជាចំណែកមួយនៃសក្ដានុពលសេដ្ឋកិច្ចប្រទេសកម្ពុជា ដែលត្រូវការគិតគូរឲ្យបានគ្រប់ជ្រុងជ្រោយ។ លោកថា ការបង្កើតឲ្យមានសម្ព័ន្ធកសិ-ឧស្សាហកម្មនេះ គឺជាការរូបរួមគ្នាបង្កើតជាប្រព័ន្ធ នឹងការរួមកំលាំងគ្នាចរចាទីផ្សារ នាំគ្នាផលិតតម្រូវការទីផ្សារ ជាពិសេសជំរុញលើកកម្ពស់ការដាំដុះផលិតផលក្នុងស្រុក ។ចំណែក លោក សុង ខេងលាន នាយកគ្រប់គ្រងសហគ្រាស C.L.S លើកឡើងថា ចំពោះគម្រោងបង្កើតសម្ព័ន្ធកសិ-ឧស្សាហកម្មកម្ពុជា វាជារឿងថ្មីមួយទៀត ក្នុងការចូលរួមលើកកម្ពស់ផលិតផលក្នុងស្រុក ប៉ុន្តែអ្វីៗដែលជួបប្រទះកន្លងមក គឺបញ្ហាការទទួលបានប្រភពព័ត៌មាន ដូច្នេះតាមរយៈនៃការបង្កើតសម្ព័ន្ធកសិ-ឧស្សាហកម្មកម្ពុជា សម្រាប់ជំហានដំបូង លោកចង់ឲ្យសម្ព័ន្ធកសិ-ឧស្សាហកម្មកម្ពុជា បង្កើតនូវប្រភពទិន្នន័យរួមមួយ ដើម្បីទទួលបានព័ត៌មានផ្សេងៗ ជុំវិញការអភិវឌ្ឍន៍វិស័យកសិកម្ម និងកសិ-ឧស្សាហកម្មនេះ។សូមបញ្ជាក់ថា សម្ព័ន្ធកសិ-ឧស្សាហកម្មកម្ពុជា ដែលមានអ្នកឧកញ៉ា លី យ៉ុងផាត់ ជាប្រធាន បាននឹងកំពុងរៀបចំសេចក្តីព្រាង ដើម្បីបង្កើត និងអាចដំណើរការជាផ្លូវការក្នុងពេលឆាប់ៗខាងមុខ ដោយមានការគាំទ្រដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។ សម្ព័ន្ធនេះមានតួនាទីសំខាន ក្នុងការជម្រុញការអភិវឌ្ឍកសិ-ឧស្សាហកម្មកម្ពុជាឲ្យរីកចម្រើន ប្រកបដោយចីរភាព និងនិរន្តរភាព ទូលំទូលាយ គ្របដណ្តប់លើគ្រប់ប្រភេទដំណាំ និងភូមិសាស្ត្រទូទាំងប្រទេស ៕អត្ថបទ៖ សុន រ៉ាឌី,

ក្រុមហ៊ុនចុះបញ្ជីតាមប្រព័ន្ធថ្នាលតែមួយ មានទុនវិនិយោគសរុបជាង ២ ៦០០លានដុល្លារ

ភ្នំពេញ ៖ ក្នុងរយៈពេល១ឆ្នាំ ការអនុវត្តចុះបញ្ជីតាមប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានរបស់រាជរដ្ឋាភិបាលទទួលបានចំនួនពាក្យស្នើសុំសរុបជិត ៧ ០០០សំណើរ, ក្នុងនោះពាក្យស្នើសុំបានអនុម័តមានជាង ៦ ០០០ សំណើរ ដែលមានទំហំទុនវិនិយោគមានចំនួនជាង ២ ៦០០ លានដុល្លារ។តាមសេចក្តីប្រកាសព័ត៌មាន ស្តីពីខួបគម្រប់ ១ឆ្នាំ នៃការដាក់ឱ្យប្រើប្រាស់ជាផ្លូវការនូវ ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន បានបង្ហាញឲ្យដឹងថា បន្ទាប់ពីរាជរដ្ឋាភិបាលកម្ពុជា បានដាក់ឱ្យប្រើប្រាស់ជាផ្លូវការ នូវប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន កាលពីថ្ងៃទី១៥ ខែ មិថុនា ឆ្នាំ ២០២០ គិតមកទល់ថ្ងៃនេះ មានរយៈពេល ១ ឆ្នាំ ក្នុងនោះចំពោះលទ្ធផលសម្រេចបាន គឺកម្ពុជាទទួលបានចំនួនពាក្យស្នើសុំសរុបជាង ៦ ៩០០សំណើរ, ចំនួនពាក្យស្នើសុំដែលបានអនុម័តជាង ៦ ០០០ សំណើរ និងចំនួនពាក្យស្នើសុំ ដែលកំពុងត្រួតពិនិត្យមាន ៨១០ សំណើផងដែរ ។ចំពោះក្រុមហ៊ុនដែលទទួលបានចុះបញ្ជីខាងលើ, បើគិតជាភាគរយ អាជីវកម្មដែលបានចុះបញ្ជីតាមវិស័យរួមមាន ៖ អាហរ័ណនីហរ័ណ ទិញលក់ ជួសជុលយានយន្ត និងទោចក្រយានយន្តគ្រប់ប្រភេទ មានជាង ៣៨%, សកម្មភាពអចលនវត្ថុជាង ១០%, កម្មន្តសាលជាង៨%, សកម្មភាពសេវាកម្មស្នាក់នៅ និងអាហារជាង ៨%, សកម្មភាពវិជ្ជាជីវៈ វិទ្យាសាស្ត្រ និងបច្ចេកទេសជាង ៧%, និងវិស័យផ្សេងៗទៀតជាង ២៧% ផងដែរ ។ដោយឡែកទំហំវិនិយោគតាមវិស័យ ក្នុងនោះសម្រាប់ការសាងសង់មានជាង ២៧%, សកម្មភាពអចលនវត្ថុជាង ១៥%, អាហរ័ណនីហរ័ណ ទិញលក់ ជួសជុលយានយន្ត និងទោចក្រយានយន្តគ្រប់ប្រភេទជាង ១៥%, កម្មន្តសាលជិត ១៤%, សកម្មភាពហិរញ្ញវត្ថុ និងធានារ៉ាប់រងជិត ៩%, និងវិស័យផ្សេងទៀតជាង ១៩%។ចំពោះការបម្រុងទុកនាមករណ៍វិញ, នៅក្នុងរយៈពេលនេះ មានចំនួនពាក្យស្នើសុំសរុប ៥ ៦៣៧ សំណើ, ចំនួនពាក្យស្នើសុំដែលបានអនុម័ត ៥ ៦៣៧ សំណើ, ចំនួនពាក្យស្នើសុំដែលកំពុងត្រួតពិនិត្យ ២៧០ សំណើរ និងចំនួនពាក្យស្នើសុំដែលបានបដិសេធ ១ សំណើរផងដែរ ។សូមបញ្ជាក់ថា ចំពោះការរៀបចំប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាននេះ គឺជាវិធានការមួយ ក្នុងកញ្ចប់វិធានការកែទម្រង់ដ៏មុតស្រួច ដែលត្រូវបានដាក់ចេញក្នុងវេទិការាជរដ្ឋាភិបាល-ផ្នែកឯកជនលើកទី១៩ នាថ្ងៃទី២៩ ខែមីនា ឆ្នាំ២០១៩ សំដៅលើកស្ទួយភាពប្រកួតប្រជែងរបស់កម្ពុជា និងបង្កើតបរិយាកាសវិនិយោគ ដែលទាក់ទាញ តាមរយៈការកែសម្រួលដំណើរការ និងនីតិវិធីនៃការចុះបញ្ជីអាជីវកម្មនៅកម្ពុជា ដោយប្រើប្រាស់ប្រព័ន្ធបច្ចេកវិទ្យាព័ត៌មាន ដោយបានដាក់ឲ្យប្រើប្រាស់រួមមាន ៖ ក្រសួងពាណិជ្ជកម្ម,អគ្គនាយកដ្ឋានពន្ធដារ, ក្រសួងការងារ និងបណ្តុះបណ្តាលវិជ្ជាជីវៈ, ក្រសួងមហាផ្ទៃ, និងក្រុមប្រឹក្សាអភិវឌ្ឍន៍កម្ពុជា៕ អត្ថបទ៖ សុន រ៉ាឌី

ក្រសួងរ៉ែ និងថាមពល បន្តតាមដានដំណើរការបូមប្រេងឆៅរបស់ក្រុមហ៊ុន KrisEnergy

ភ្នំពេញ ៖ ស្របពេលក្រុមហ៊ុនមេ KrisEnergy នៅប្រទេសសឹង្ហបុរី បានប្រកាសក្ស័យធុន ក្រសួងរ៉ែ និងថាមពល បញ្ជាក់ថា នឹងចាត់វិធានការ និងពិនិត្យមើលលក្ខខណ្ឌផ្សេងៗ ក្នុងកិច្ចព្រមព្រៀងប្រេងកាត រវាងក្រុមហ៊ុន KrisEnergy ជាមួយក្រសួង និងតាមដានអំពីខ្សែសង្វាក់ផលិតកម្ម, ប្រសិនក្រុមហ៊ុនមិនអនុវត្តតាមគោលការណ៍ ឬកិច្ចព្រមព្រៀងណាមួយ ក្រសួងនឹងមានវិធានការទៅលើក្រុមហ៊ុន ។ឯកឧត្តម ជៀប សួរ អ្នកនាំពាក្យ និងជាអគ្គនាយកនៃអគ្គនាយកដ្ឋានប្រេងកាត នៃក្រសួងរ៉ែ និងថាមពល បានឲ្យដឹងនៅថ្ងៃទី១៥ ខែមិថុនាម្សិលមិញនេះថា ពាក់ព័ន្ធនឹងការប្រកាសក្ស័យធុនរបស់ក្រុមហ៊ុនមេ នៅប្រទេសសឹង្ហបុរី ក្នុងនោះក្រុមហ៊ុន KrisEnergy ដែលជាក្រុមហ៊ុនកំពុងអភិវឌ្ឍន៍វិស័យប្រេងកាតនៅកម្ពុជា បានជូនដំណឹងមកក្រសួង អំពីការដាក់ពាក្យបណ្តឹងរបស់ក្រុមហ៊ុនមេទៅកាន់តុលាការ ក្នុងគោលដៅសុំរំលាយក្រុមហ៊ុន ដោយតុលាការគ្រោងនឹងកាត់សេចក្តីនៅថ្ងៃទី ១២ ខែកក្កដាខាងមុខនេះ ។ឯកឧត្តម បន្តថា ចំពោះពាក់ព័ន្ធផលិតកម្មបូមប្រេងរបស់ក្រុមហ៊ុន KrisEnergy នៅក្នុងដំណាក់កាលនេះ បានដំណើរការជាធម្មតា ដោយក្រុមហ៊ុនមិនមានការជូនដំណឹង អំពីការខកខាន ឬផ្អាកដំណើរអ្វីនោះឡើយ, តែទោះបីជាយ៉ាងណា ក្រសួងនឹងមានវិធានការ តាមដាន នឹងពិនិត្យមើលទៅលើលក្ខខណ្ឌផ្សេងៗ ក្នុងកិច្ចព្រមព្រៀងប្រេងកាត រវាងក្រុមហ៊ុន KrisEnergy ជាមួយក្រសួងផងដែរ ក្នុងនោះប្រសិនក្រុមហ៊ុនមិនអនុវត្តតាមគោលការណ៍ណាមួយ ក្រសួងនឹងចេញលិខិតព្រមាន ខណៈក្រុមហ៊ុន បានចុះកិច្ចព្រមព្រៀងរួចរាល់ជាមួយក្រសួង ។ឯកឧត្តម ជៀប សួរ បានលើកឡើងទៀតថា ការប្រកាសក្ស័យធុននេះ គឺវាត្រូវការពេលវេលា តុលាការគេកាត់សេចក្តីថាយ៉ាងណា ទៅយ៉ាងណា? ទល់តែដល់ថ្ងៃទី ១២ ខែកក្កដា ទើបដឹង ចឹងគាត់គ្រាន់តែបានជូនដំណឹងអំពីបញ្ហាហ្នឹង អត់ទាន់កាត់សេចក្តីយ៉ាងម៉េចទេ។ សម្រាប់វិធានការរបស់យើងនៅពេលនេះ គឺយើងពិនិត្យមើលទៅលើលក្ខខណ្ឌផ្សេងៗនៅក្នុងកិច្ចព្រមព្រៀង ធ្វើមិចឲ្យគាត់អនុវត្តឲ្យបានខ្ជាប់ខ្ជួន ប្រសិនមានចំណុចណាគាត់មិនអនុវត្ត យើងរំលឹកគាត់ នឹងចេញលិខិតព្រមានទៅគាត់។សូមបញ្ជាក់ថា ពាក់ព័ន្ធកិច្ចព្រមព្រៀងសម្រាប់ការអភិវឌ្ឍប្រេងនៅប្លុក A រវាងរដ្ឋាភិបាលកម្ពុជា ដែលតំណាងដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល ជាមួយក្រុមហ៊ុន KrisEnergy តំណាងដោយលោក Kelvin Tang នាយកប្រតិបត្តិ ក្រុមហ៊ុន KrisEnergy Group និងជាប្រធានក្រុមហ៊ុន KrisEnergy (Cambodia) លើកញ្ចប់ឯកសារកិច្ចព្រមព្រៀងប្រេងកាត ប្លុក A រួមមាន៖ កិច្ចព្រមព្រៀងវិសោធនកម្ម និងការចែងឡើងវិញ នៃកិច្ចព្រមព្រៀងប្រេងកាតប្លុក A ចុះថ្ងៃទី១៨ ខែមីនា ឆ្នាំ២០០២, កិច្ចព្រមព្រៀងប្រេងកាតប្លុក A ក្រោយធ្វើវិសោធនកម្មរួច និងការចែងឡើងវិញ, កិច្ចព្រមព្រៀងប្រគល់ផ្ទៃក្រឡាសងវិញ, វិសោធនកម្មកិច្ចព្រមព្រៀងប្រតិបត្តិការរួមគ្នា, កិច្ចសន្យាប្រគល់សិទ្ធិ និងទទួលយកកាតព្វកិច្ច និងលិខិតអនុញ្ញាតផលិតកម្មលើកទី១ ៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ជនជាតិចិន ១៥៣នាក់ទៀត ពាក់ព័ន្ធករណីឆបោកតាមប្រព័ន្ធអនឡាញ ត្រូវបានបណ្ដេញចេញពីកម្ពុជា

ថ្ងៃនេះក្រុមអនុព័ន្ធយោធាបរទេសប្រចាំកម្ពុជា បន្តចុះសង្កេតការណ៍ផ្ទាល់ស្ថានការណ៍នៅច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ

នាយករដ្ឋមន្ត្រីអង់គ្លេសមិនប្រឈមមុខនឹងការស៊ើបអង្កេតពីបញ្ហាលោក Mandelson នោះទេ

ក្រុមហ៊ុនអាមេរិក ទទួលរងផលប៉ះពាល់កាន់តែខ្លាំងដោយសារតម្លៃប្រេងសកលហក់ឡើងខ្ពស់

FIFA៖ ក្រុមបាល់ទាត់នារីជនភៀសខ្លួនអាហ្វហ្កានីស្ថានអាចចូលរួមប្រកួតអន្តរជាតិបាន

ឯកឧត្តម ហ៊ុន ម៉ានី អញ្ជើញដឹកនាំកិច្ចប្រជុំគណៈកម្មាធិការគ្រប់គ្រងប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈ

កម្ពុជាគាំទ្រការប្រើប្រាស់ថាមពលនុយក្លេអ៊ែរដោយសន្តិវិធី

ក្រសួងសាធារណការបើកវគ្គបណ្ដុះបណ្តាលស្តីពី «បច្ចេកទេសសវនកម្មហានិភ័យសុវត្ថិភាពចរាចរណ៍ផ្លូវថ្នល់តាមនីតិវិធី iRAP Star Ratings» ក្រោមជំនួយបច្ចេកទេសរបស់ធនាគារអភិវឌ្ឍន៍អាស៊ី

ខ្សែការពារប្រេស៊ីល Eder Militao របួសសរសៃពួរត្រូវវះកាត់ ហើយនឹងអវត្តមានពី World Cup

មេដឹកនាំអ៊ុយក្រែន ថ្កោលទោសអ៊ីស្រាអែលចំពោះការទិញគ្រាប់ធញ្ញជាតិរបស់ខ្លួនដែលត្រូវបានគេលួច និងត្រៀមដាក់ទណ្ឌកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

រដ្ឋមន្ត្រីក្រសួងឧស្សាហកម្ម ស្នើប្រទេសសមាជិកអាស៊ាន រៀបចំគម្រោងដើម្បីប្រយុទ្ធប្រឆាំងជំងឺកូវីដ-១៩

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ

អាជីវករបោះដុំបន្លែជាង៣០ភាគរយប៉ុណ្ណោះបន្តលក់នៅទីតាំងចាស់ក្រោយអាជ្ញាធរបើកផ្សាររដ្ឋឡើងវិញ

តម្លៃប្រេងឥន្ធនៈចាប់ពីថ្ងទី១៦ដល់៣០មិថុនា កើនថ្លៃ១០០រៀលទៀត ក្នុង១លីត្រ

សមាគមអ្នកដាំដុះនិងអ្នកកែច្នៃគាំទ្រការបង្កើតសម្ព័ន្ធកសិ-ឧស្សាហកម្ម ដើម្បីលើកស្ទួយផលិតផលក្នុងស្រុក

ក្រុមហ៊ុនចុះបញ្ជីតាមប្រព័ន្ធថ្នាលតែមួយ មានទុនវិនិយោគសរុបជាង ២ ៦០០លានដុល្លារ

ក្រសួងរ៉ែ និងថាមពល បន្តតាមដានដំណើរការបូមប្រេងឆៅរបស់ក្រុមហ៊ុន KrisEnergy

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

រាជរដ្ឋាភិបាល​ប្រកាស​អនុវត្ត ក្របខណ្ឌ​គោលនយោបាយ​សេដ្ឋកិច្ច និង សង្គម​ឌីជីថល​កម្ពុជា ២០២១-២០៣៥

កំណើន​សេដ្ឋកិច្ច​កម្ពុជា រំពឹង​ងើបឡើង​វិញ​ក្នុង​អត្រា​វិជ្ជមាន​ក្នុង​ឆ្នាំ​២០២១

សហជីព​វិស័យ​កាត់ដេរ រិះគន់​រោងចក្រ​មួយ​ចំនួន​អនុវត្ត​វិធានការ​សុខាភិបាល​នៅ​មានកម្រិត

ប្រជាកសិករ​នៅ​ស្រុក​សេសា​ន បាន​ងាក​ដាំ​ដំណាំ​ទុរេ​ន​សម្រេចបាន​ជោគជ័យ

តម្លៃ​ប្រេងឥន្ធនៈ​ចាប់ពី​ថ្ង​ទី​១៦​ដល់​៣០មិថុនា កើន​ថ្លៃ​១០០​រៀល​ទៀត ក្នុង​១​លីត្រ​

ក្រុមហ៊ុន​ចុះបញ្ជី​តាម​ប្រព័ន្ធ​ថ្នាល​តែមួយ មាន​ទុន​វិនិយោគ​សរុប​ជាង ២ ៦០០លាន​ដុល្លារ​

ក្រសួង​រ៉ែ និង​ថាមពល បន្ត​តាមដាន​ដំណើរការ​បូម​ប្រេង​ឆៅ​របស់​ក្រុមហ៊ុន KrisEnergy

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ

តម្លៃប្រេងឥន្ធនៈចាប់ពីថ្ងទី១៦ដល់៣០មិថុនា កើនថ្លៃ១០០រៀលទៀត ក្នុង១លីត្រ

ក្រុមហ៊ុនចុះបញ្ជីតាមប្រព័ន្ធថ្នាលតែមួយ មានទុនវិនិយោគសរុបជាង ២ ៦០០លានដុល្លារ

ក្រសួងរ៉ែ និងថាមពល បន្តតាមដានដំណើរការបូមប្រេងឆៅរបស់ក្រុមហ៊ុន KrisEnergy