BTV NEWS

សូមចូលរួមគោរពច្បាប់ចរាចរណ៍! ៧ថ្ងៃមុនកាន់បិណ្ឌ គ្រោះថ្នាក់ចរាចរណ៍ ផ្តាច់ជីវិតពលរដ្ឋ ២៤ នាក់ និងរបួសជិត៦០នាក់

មនុស្សចំនួន០៦នាក់ត្រូវបានឃាត់ខ្លួន ក្នុងយុទ្ធនាការចុះត្រួតពិនិត្យឆែកអាវុធជាតិផ្ទុះ និងទប់ស្កាត់រាល់បទល្មើស

ឧត្តមសេនីយ៍ឯក ជួន ណារិន្ទ បញ្ជាឲ្យស្រាវជ្រាវ តាមចាប់ជនក្លែងបន្លំ ជានគរបាលដើរទារលុយពលរដ្ឋនៅខណ្ឌច្បាអំពៅ

អាជ្ញាធរខណ្ឌចំការមន ឃាត់ខ្លួនយុវជន៦៧នាក់ និងម៉ូតូជាង ៣០គ្រឿង អប់រំណែនាំ កុំឱ្យមានការប្រមូលផ្តុំ

សន្តិសុខ និង សង្គម

អ្នកស្រុក៖ ក្រុមឧទ្ទាមហ៊ួទីនៅយេម៉ែន បានបំផ្ទុះផ្ទះអ្នកស្រុក ដោយបានស្លាប់មនុស្សយ៉ាងតិច៩នាក់

ក្រុមមន្ត្រី និងអ្នកស្រុក បាននិយាយថា ក្រុមឧទ្ទាមហ៊ួទីគាំទ្រដោយអ៊ីរ៉ង់ នៅក្នុងប្រទេសយេម៉ែន បានបំផ្ទុះផ្ទះមួយខ្នងកាលពីថ្ងៃអង្គារ នៅទីក្រុងមួយ នៅភាគអាគ្នេយ៍នៃរដ្ឋធានីសាណា ដោយបានសម្លាប់មនុស្សយ៉ាងហោចណាស់៩នាក់មកពីគ្រួសារតែមួយ។ការវាយប្រហារនេះ បានកើតឡើងមួយថ្ងៃ បន្ទាប់ពី ប្រយុទ្ធជនហ៊ួទីពីរនាក់ ត្រូវបានសម្លាប់នៅក្នុងការវាយឆ្មក់មួយ ដែលត្រូវបានចោទប្រកាន់ថា បានបង្កើតឡើងដោយម្ចាស់ផ្ទះគឺ លោក អ៊ីប្រាហ៊ីម អាល់ហ្សាឡេ (Ibrahim al-Zalei)។អ្នកស្រុកឈ្មោះ Ahmed Baydawy និង Arman Mahmoud បានឲ្យដឹងថា អ្នកស្លាប់ជាពុកម្តាយ និងកូន៧របស់ពួកគេ ត្រូវបានសម្លាប់នៅក្នុងការផ្ទុះនោះ។ ពួកគេបាន និយាយថា អ្នកជួយសង្គ្រោះ និងជន ស៊ីវិល កំពុងព្យាយាមទាញយកអ្នកផ្សេងទៀតដែលកប់នៅក្រោមគំនរបាក់បែក។លោក Baydawy និង លោក Mahmoud បាននិយាយថា ក្រុមហ៊ួទី បានឡោមព័ទ្ធផ្ទះនិងតំបន់ជុំវិញនោះ នៅក្នុងស្រុកRadea នៃ ខេត្ត Bayda កាលពីព្រឹកថ្ងៃអង្គារ មុនពេលនឹងដាក់គ្រឿងនៅផ្ទះនោះ និងបានបំផ្ទុះវាតែម្តង ដោយបានបណ្តាលឲ្យខូចខាតដល់អគារជិតខាងយាងធ្ងន់ធ្ងរ។នៅក្នុងសេចក្តីថ្លែងការណ៍មួយ ក្រសួងមហាផ្ទៃដែលគ្រប់គ្រងដោយក្រុមហ៊ួទី បាននិយាយថា ការបំផ្ទុះ ផ្ទះនេះ គឺជា«ប្រតិកម្មមិនទទួលខុសត្រូវ»ដោយកងកម្លាំងសន្តិសុខ ដែលបានប្រើ«កម្លាំងហួសហេតុនៅក្នុងវិធីខុសច្បាប់» ខណៈពេលកំពុងតាមចាប់ខ្លួនជនសង្ស័យនៅពីក្រោយការវាយឆ្មក់ កាលពីថ្ងៃចន្ទ។ សេចក្តីថ្លែងការណ៍នោះ បានឲ្យដឹងទៀតថា គណៈកម្មាធិការស៊ើបអង្កេតមួយ ត្រូវបានបង្កើតឡើង ដើម្បី នាំអ្នកពាក់ព័ន្ធមកកាត់ទោស។ក្រសួងមិនបានផ្តល់ចំនួនអ្នកស្លាប់ បន្ទាប់ពីការបំផ្ទុះផ្ទះនោះទេ ប៉ុន្តែបានបញ្ជាក់ថា មានអ្នកស្លាប់។

ការវាយឆ្មក់ទៅលើធនាគារកណ្តាលនៃប្រទេសហៃទី បានបណ្តាលឲ្យមនុស្សយ៉ាងហោចណាស់ ៣នាក់ ស្លាប់

នគរបាលនៅប្រទេសហៃទី បានសម្លាប់មនុស្សយ៉ាងហោចណាស់បីនាក់ ខណៈពេលដែលវាយបកទៅលើការវាយប្រហារលើធនាគារកណ្តាលរបស់ប្រទេសនេះ។បុគ្គលិកម្នាក់ បានប្រាប់សារព័ត៌មានAFPថា៖ «ក្រុមឧក្រិដ្ឋជន» បានកំណត់គោលដៅទៅលើធនាគារនៃសាធារណរដ្ឋហៃទី (BRH) កាលពីថ្ងៃចន្ទ ដោយបានបណ្តាលឲ្យមនុស្ស ៤នាក់ស្លាប់ និងឆ្មាំម្នាក់ រង របួស។ធនាគារខ្លួនឯង បានថ្លែងអំណរគុណដល់កងកម្លាំងសន្តិសុខសម្រាប់ការការពារសហគមន៍របស់យើង»។ប្រទេសហៃទី ត្រូវរង្គោះរង្គើដោយអំពើហិង្សាជាច្រើនសប្តាហ៍ បន្ទាប់ពីក្រុមជនអន្ធពាល បានវាយឆ្មក់ចូលពន្ធនាគារ ដោះលែងអ្នកទោសរាប់ពាន់នាក់ និងបង្ខំនាយករដ្ឋមន្ត្រីឲ្យលាលែងពីតំណែង។នៅក្នុងសេចក្តីថ្លែងការណ៍មួយនៅលើបណ្តាញសង្គម X ធនាការ BRH បាននិយាយថា៖«បន្ទាប់ពីឧប្បត្តិហេតុមួយកាលពីម្សិលមិញ នៅជិតទីតាំង [របស់យើង] នៅលើផ្លូវ Rue Pavee កងកម្លាំងសន្តិសុខ និងក្រុមសន្តិសុខរបស់ធនាគារ បានធ្វើសកម្មភាពប្រកបដោយវិជ្ជាជីវៈ និងមានប្រសិទ្ធភាព»។ធនាគារនេះ គឺជាស្ថាប័នសំខាន់មួយក្នុងចំណោមស្ថាប័នសំខាន់ៗមួយចំនួន ដែលនៅតែដំណើរការ នៅក្នុងរដ្ឋធានីព័រអូប្រាំងរបស់ប្រទេសហៃទី។

ការព្យាករអាកាសធាតុថា មានព្យុះខ្លាំងនិងព្រិលធ្លាក់ច្រើន នៅប្រទេសជប៉ុន

មន្ត្រីអាកាសធាតុនៅក្នុងប្រទេសជប៉ុន ព្យាករណ៍ថាមានខ្យល់បោកបក់ខ្លាំងនៅទូទាំងប្រទេស នៅថ្ងៃពុធនេះ ព្រមទាំងមានរលកខ្ពស់ៗ និងព្រិលធ្លាក់ខ្លាំង ជាពិសេសនៅតាមតំបន់ភ្នំ។ ទីភ្នាក់ងារឧតុនិយម បាននិយាយថា ស្ថានភាពបរិយាកាសមិនស្ថិតស្ថេរសម្រាប់នៅពេលថ្ងៃ ហើយកំពុងជំរុញឱ្យប្រជាជន មានការប្រុងប្រយ័ត្នចំពោះខ្យល់បក់បោក រលកខ្ពស់ និងព្រិលធ្លាក់ខ្លាំង។ ប្រជាជនគួរតែយល់ដឹងពីភាពអាចកើតមានឡើងនៃផ្គរន្ទះ និងព្យុះផងដែរ។ទីភ្នាក់ងារ និយាយថា ខ្យល់កំពុងបង្កើនកម្លាំងជាចម្បងនៅភាគខាងលិច និងភាគខាងកើតប្រទេសជប៉ុន ដោយសារឥទ្ធិពលនៃប្រព័ន្ធសម្ពាធទាប។ គិតត្រឹមម៉ោង ៥ ព្រឹកថ្ងៃពុធ ល្បឿនខ្យល់បក់ភ្លាមៗអតិបរមា ៨៩គីឡូម៉ែត្រក្នុងមួយម៉ោង ត្រូវបានគេសង្កេតឃើញនៅក្នុងទីក្រុងយូវ៉ាជីម៉ា(Uwajima)។ ប្រព័ន្ធសម្ពាធទាប ត្រូវបានគេរំពឹងថានឹងឆ្លងកាត់ភាគខាងកើតប្រទេសជប៉ុន ខណៈកំពុងវិវឌ្ឍ ដោយនាំមកនូវខ្យល់បក់ខ្លាំងទៅកាន់ផ្នែកធំៗរបស់ប្រទេសជប៉ុន ពីខាងលិចទៅភាគខាងជើង និងបណ្តាលឱ្យមានរលកសមុទ្រខ្ពស់ៗ។ក្រុមមន្ត្រីបាននិយាយថា ព្រិលធ្លាក់ខ្លាំងត្រូវបានគេរំពឹងថានឹងកើតមាននៅតំបន់ភ្នំនៅតាមបណ្តោយឆ្នេរសមុទ្រជប៉ុន ពីភាគខាងលិចរហូតដល់ភាគខាងកើតប្រទេសជប៉ុន។ ក្នុងរយៈពេល ២៤ ម៉ោងរហូតដល់ព្រឹកថ្ងៃព្រហស្បតិ៍ កម្រិតនៃការធ្លាក់ព្រិលមានរហូតដល់ ៧០ សង់ទីម៉ែត្រត្រូវបានរំពឹងទុកនៅក្នុងតំបន់ Hokuriku ៦០សង់ទីម៉ែត្រនៅក្នុងតំបន់ Kanto-Koshin និង ៤០សង់ទីម៉ែត្រនៅក្នុងតំបន់ Chugoku ។

UN ប្រកាសអាសន្នអាកាសធាតុ ខណៈពិភពលោកបំបែកកំណត់ត្រាកម្ដៅនៅឆ្នាំ ២០២៣

អង្គការឧតុនិយមពិភពលោក (WMO) របស់ UN បាននិយាយកាលពីថ្ងៃអង្គារ (១៩ មីនា) ថា រាល់កំណត់ត្រាអាកាសធាតុពិភពលោកសំខាន់ៗត្រូវបានបំបែកកាលពីឆ្នាំមុន ហើយនៅឆ្នាំ ២០២៤ នេះ អាចកាន់តែអាក្រក់ទៅៗ ដោយប្រធានរបស់ទីភ្នាក់ងារពិភពលោកមួយនេះបានប្រកាសអាសន្នអាកាសធាតុ និងសម្តែងការព្រួយបារម្ភជាពិសេសអំពីកម្ដៅមហាសមុទ្រ និងការរលាយនៃផ្ទាំងទឹកកករបស់សមុទ្រ។ទីភ្នាក់ងារអាកាសធាតុរបស់អង្គការសហប្រជាជាតិនេះ បាននិយាយនៅក្នុងរបាយការណ៍ប្រចាំឆ្នាំរបស់ខ្លួនឈ្មោះ «ស្ថានភាពនៃអាកាសធាតុពិភពលោក» ថា សីតុណ្ហភាពជាមធ្យមបានឈានដល់កម្រិតខ្ពស់បំផុតក្នុងរយៈពេល ១៧៤ ឆ្នាំបន្ទាប់ពីបានរក្សាកំណត់ត្រាមកយ៉ាងយូរ ដែលឈានដល់កម្រិត ១,៤៥ អង្សាសេលើសពីកម្រិតមុនឧស្សាហកម្ម។អង្គការ WMO បាននិយាយថា សីតុណ្ហភាពនៅមហាសមុទ្រក៏បានឡើងកម្ដៅខ្លាំងបំផុតក្នុងរយៈពេល ៦៥ ឆ្នាំនៃទិន្នន័យ ជាមួយនឹងចំនួនជាង ៩០ ភាគរយនៃសមុទ្រនានា បានជួបប្រទះនឹងស្ថានភាពរលកកម្ដៅក្នុងកំឡុងឆ្នាំ២០២៣ ដែលបង្កគ្រោះថ្នាក់ដល់ប្រព័ន្ធស្បៀងអាហារពិភពលោក។ អគ្គលេខាធិការ WMO លោកស្រី ខេលេស សៅឡូ (Celeste Saulo) ដែលបានចូលកាន់តំណែងកាលពីខែមករា បាននិយាយថា «សហគមន៍ WMO កំពុងប្រកាសអាសន្នពណ៌ក្រហមដល់ពិភពលោក»។បម្រែបម្រួលអាកាសធាតុ ដែលជំរុញដោយការដុតឥន្ធនៈហ្វូស៊ីល គួបផ្សំនឹងការលេចចេញនូវគំរូអាកាសធាតុធម្មជាតិ អ៊ែលនីញ៉ូ (El Nino) បានរុញច្រានពិភពលោកឱ្យធ្លាក់ចូលទៅក្នុងកម្ដៅខ្ពស់បំផុតក្នុងកំណត់ត្រាកាលពីឆ្នាំ២០២៣៕

មន្ត្រីរាជការបារាំង តវ៉ាទាមទារប្រាក់ខែកាន់តែប្រសើរ និងប្រឆាំងកំណែទម្រង់របស់រដ្ឋាភិបាល

មន្ត្រីរាជការនៅប្រទេសបារាំង បានចេញធ្វើបាតុកម្មកាលពីថ្ងៃអង្គារ ក្នុងអំឡុងពេលមានចលនាកូដកម្មនៅទូទាំងប្រទេស ដើម្បីទាមទារប្រាក់ឈ្នួលឲ្យកាន់តែប្រសើរ និងតវ៉ាការកែទម្រង់របស់រដ្ឋាភិបាល។គ្រូបង្រៀន បុគ្គលិកថែទាំសុខភាព និងបុគ្គលិករដ្ឋបាលសាធារណៈ បានចេញធ្វើបាតុកម្មដោយមានមនុស្សរាប់ពាន់នាក់នៅលើផ្លូវទីក្រុងប៉ារីស។មន្ត្រីរាជការបារាំងជាង ៥,៧ លាននាក់ ត្រូវបានគេអំពាវនាវឱ្យធ្វើបាតុកម្ម ដោយក្រុមចម្រុះរបស់សហជីពធំៗទាំងអស់នៅក្នុងវិស័យទាំងនេះ។នៅក្នុងការហែក្បួនបាតុកម្មនៅទីក្រុងប៉ារីស បុគ្គលិកក្នុងវិស័យអប់រំភាគច្រើនមានវត្តមាន ជាផ្នែក នៃការតវ៉ាកំណែទម្រង់របស់រដ្ឋាភិបាល ។តម្រូវការសំខាន់មួយផ្សេងទៀត នៅទូទាំងវិស័យនេះ គឺការដំឡើងប្រាក់ឈ្នួល ខណៈក្រុមបាតុករនិយាយថាការដំឡើងប្រាក់ខែ មិនស្របគ្នាទៅនឹងការកើនឡើងអតិផរណានោះទេ។យោងតាមវិទ្យាស្ថានស្ថិតិប្រទេសបារាំង បានឲ្យដឹងថា ប្រាក់បៀវត្សរ៍របស់បុគ្គលិកក្នុងវិស័យឯកជនបានកើនឡើងពីរដង លឿនជាងបុគ្គលិកក្នុងវិស័យសាធារណៈ នៅចន្លោះឆ្នាំ ២០១១ និងឆ្នាំ២០២១។

ម្តាយហាមកូនមិនឱ្យលេងនៅខាងក្រៅ ខណៈកង្វក់ខ្យល់កាន់តែអាក្រក់នៅក្នុងរដ្ឋធានីវៀតណាម

អ្នកស្រុកជាច្រើននៃរដ្ឋធានីរបស់ប្រទេសវៀតណាម ស្ទើរតែឈប់ចេញទៅក្រៅនៅពេលល្ងាច ហើយហាមកូនៗរបស់ពួកគេមិនអោយលេងនៅខាងក្រៅបន្ទាប់ពីចេញពីរៀន ដោយសារកង្វក់បរិយាកាសពីការដុតសំរាម កាន់តែអាក្រក់ទៅនៅក្នុងតំបន់លំនៅឋានរបស់ពួកគេក្នុងទីក្រុង ហាណូយ នៅពេលរសៀល។ទម្លាប់ប្រចាំថ្ងៃរបស់អ្នកស្រុក ត្រូវបានផ្លាស់ប្តូរដោយកង្វក់ខ្យល់ខ្លាំង ខណៈរបាយការណ៍សកលដែលបានចេញផ្សាយកាលពីថ្ងៃអង្គារ បាននិយាយថាកាន់តែអាក្រក់ទៅៗ។ របាយការណ៍ប្រចាំឆ្នាំរបស់ស្ថាប័ន IQAir ដែលជាក្រុមហ៊ុនបច្ចេកវិទ្យាគុណភាពខ្យល់បានរកឃើញថាទីក្រុង ហាណូយ គឺជាទីក្រុងមួយក្នុងចំណោមទីក្រុងមានកង្វក់ខ្យល់ដ៏អាក្រក់បំផុតរបស់ពិភពលោកកាលពីឆ្នាំមុន។អង្គការសុខភាពពិភពលោក (WHO) នៅក្នុងសេចក្តីថ្លែងការណ៍មួយទៅកាន់សារព័ត៌មាន រ៉យទ័រ បាននិយាយថា ក្រោមការប៉ាន់ប្រមាណបែបអភិរក្ស ចំនួនប្រហែល ៦០.០០០ នៃការស្លាប់នៅក្នុងប្រទេសដែលមានប្រជាជន ១០០ លាននាក់នេះ គឺជាប់ទាក់ទងនឹងការបំពុលខ្យល់ជារៀងរាល់ឆ្នាំ ហើយក្រុមអ្នកជំនាញព្រមានថា កង្វក់ខ្យល់ក៏ប៉ះពាល់ដល់វិស័យទេសចរណ៍ និងសេដ្ឋកិច្ចទាំងមូលផងដែរ។តំណាងអង្គការសុខភាពពិភពលោកប្រចាំនៅវៀតណាម លោកស្រី អេនជេឡា ផ្រាត (Angela Pratt) បាននិយាយថា ការបំភាយពីយានយន្ត សកម្មភាពឧស្សាហកម្ម និងការអនុវត្តការគ្រប់គ្រងសំណល់មិនល្អ រួមទាំងការដុតសំរាម គឺជាប្រភពនៃការបំពុលដ៏សំខាន់របស់ទីក្រុងហាណូយ ហើយលោកស្រីបានជំរុញឱ្យវៀតណាម ពិចារណាលើការកំណត់កម្រិតអតិបរមានៃកង្វក់ខ្យល់ដែលអាចទទួលយកបាន៕

មនុស្សជាង ២៥០ នាក់ស្លាប់ និងរបួស ក្នុងការវាយឆ្មក់របស់អ៊ីស្រាអែល លើមន្ទីរពេទ្យធំបំផុតរបស់ហ្កាហ្សា

ការិយាល័យប្រព័ន្ធផ្សព្វផ្សាយដែលគ្រប់គ្រងដោយក្រុមហាម៉ាស បាននិយាយកាលពីថ្ងៃអង្គារ (១៩ មីនា) ថា យ៉ាងហោចណាស់ជនជាតិប៉ាឡេស្ទីន ២៥០ នាក់បានស្លាប់ និងរងរបួស ដោយសារតែការវាយឆ្មក់របស់អ៊ីស្រាអែល លើមជ្ឈមណ្ឌលវេជ្ជសាស្ត្រ ស៊ីហ្វា (Shifa) ដ៏ធំបំផុតក្នុងទីក្រុងហ្កាហ្សា។ការិយាល័យនេះបាននិយាយនៅក្នុងសេចក្តីថ្លែងការណ៍មួយថា កងទ័ពអ៊ីស្រាអែលបានបាញ់គ្រាប់កាំភ្លើង គ្រាប់ផ្លោង និងមីស៊ីលយ៉ាងខ្លាំងក្លាទៅលើអ្នកជំងឺ ជនភៀសខ្លួន និងជនស៊ីវិលក្នុងអំឡុងពេលវាយឆ្មក់របស់ពួកគេ ដែលបណ្តាលឱ្យមានរបួស និងស្លាប់ជនជាតិប៉ាឡេស្ទីនជាង ២៥០ នាក់ ជាមួយនឹងសម្ភារៈមួយចំនួននៅក្នុងមន្ទីរពេទ្យត្រូវបានឆាបឆេះ។សេចក្តីថ្លែងការណ៍មិនបានបញ្ជាក់ពីចំនួនពិតប្រាកដនៃចំនួនអ្នកស្លាប់នៅក្នុងការវាយឆ្មក់នោះទេ ដោយបន្ថែមថា ការវាយឆ្មក់នេះពាក់ព័ន្ធនឹងទាហានអ៊ីស្រាអែលរាប់រយនាក់ ដែលប្រដាប់ដោយអាវុធ សុខននគរបាល រថក្រោះរាប់សិបគ្រឿង យានដ្រូន និងឧទ្ធម្ភាគចក្រជាច្រើន។ការិយាល័យនេះបានចាត់ទុកអ៊ីស្រាអែល និងសហរដ្ឋអាមេរិក ជាអ្នកទទួលខុសត្រូវទាំងស្រុងចំពោះអ្វីដែលខ្លួនហៅថា «ការសម្លាប់រង្គាល» ដោយអំពាវនាវឱ្យអង្គការអន្តរជាតិ និងអង្គការសហប្រជាជាតិ «អន្តរាគមន៍ភ្លាមៗដើម្បីបញ្ឈប់ការឈ្លានពានលើតំបន់ហ្កាហ្សា ដែលផ្តោតលើជនស៊ីវិល កុមារ និងស្ត្រី»៕

ក្រុមមនុស្សធម៌របស់ UN បន្តផ្តល់ជំនួយនៅប្រទេសហៃទី ស្របពេលមានភាពតានតឹងខ្លាំង

ក្រុមមនុស្សធម៌របស់អង្គការសហប្រជាជាតិ បាននិយាយកាលពីថ្ងៃអង្គារ (១៩ មីនា) ថា ពួកគេបន្តការផ្តល់ជំនួយនៅក្នុងប្រទេសហៃទី ដែលមានភាពតានតឹង និងងាយរងគ្រោះ ដោយសាលារៀន មន្ទីរពេទ្យ និងអគាររដ្ឋាភិបាលកំពុងរងការវាយប្រហារ បន្ទាប់ពីទីភ្នាក់ងារជាច្រើនបានកាត់បន្ថយប្រតិបត្តិការនៅក្នុងរដ្ឋធានី ព័រអូប្រាំង។ការិយាល័យសម្របសម្រួលកិច្ចការមនុស្សធម៌ (OCHA) របស់អង្គការសហប្រជាជាតិ បាននិយាយថា ក្រុមហ៊ុនអគ្គិសនីសាធារណៈបានរាយការណ៍កាលពីថ្ងៃអាទិត្យ ពីការបំផ្លិចបំផ្លាញនៃស្ថានីយ៍រងជាច្រើននៅក្នុងតំបន់ទីប្រជុំជននៃរដ្ឋធានី ដោយធ្វើឱ្យតំបន់ជាច្រើនគ្មានអគ្គិសនីប្រើប្រាស់។ក្រុមមនុស្សធម៌បាននិយាយថា មូលនិធិកុមាររបស់អង្គការសហប្រជាជាតិ និងដៃគូរបស់ខ្លួនបានចែកចាយទឹកជាង ២៤២.០០០ លីត្រចាប់តាំងពីដើមខែមីនា ខណៈដែលកម្មវិធីស្បៀងអាហារពិភពលោក និងដៃគូបានផ្តល់ជាង ១៤៦.០០០ នៃអាហារក្តៅ ហើយក្រុមមនុស្សធម៌បានផ្តល់ការគាំទ្រផ្នែកចិត្តសាស្រ្តដល់ជនរងគ្រោះដោយអំពើហិង្សា។ការិយាល័យមនុស្សធម៌បានបន្ថែមថា វិស័យសុខាភិបាលកំពុងជួបការលំបាកប្រឆាំងនឹងកង្វះខាតការផ្គត់ផ្គង់វេជ្ជសាស្ត្រ បុគ្គលិកថែទាំសុខភាព និងផ្លោកឈាម ហើយជំនួយពីទីភ្នាក់ងារជាច្រើននៅតែមិនមានគ្រប់គ្រាន់ដើម្បីឆ្លើយតបទៅនឹងទំហំតម្រូវការមូលដ្ឋានដ៏ច្រើនលើសលប់នេះ៕

ពលរដ្ឋស៊ូដង់រាប់លាននាក់ប្រឈមភាពអត់ឃ្លាន និងគ្រោះទុរ្ភិក្ស ខណៈក្រុមគូប្រជែងសង្រ្គាមរារាំងការដឹកជញ្ជូនជំនួយ

មនុស្សប្រមាណ៥លាននាក់ កំពុងប្រឈមភាពអត់ឃ្លាននិងគ្រោះទុរ្ភិក្ស នៅក្នុងប្រទេសស៊ូដង់ ជាទីដែលមនុស្ស បានរត់ភៀសខ្លួនគេចចេញពីការវាយប្រយុទ្ធគ្នាកាន់តែច្រើនជាងជម្លោះផ្សេងទៀត ស្របពេលក្រុមគូប្រជែងសង្រ្គាមបានរារាំងការដឹកជញ្ជូនជំនួយដែលពលរដ្ឋកំពុងត្រូវការជាចាំបាច់។ មនុស្សរាប់ម៉ឺននាក់ ត្រូវបានសម្លាប់ ចាប់តាំងពីសង្រ្គាមបានផ្ទុះឡើងកាលពីឆ្នាំ២០២៣ រវាង កងកម្លាំងប្រដាប់អាវុធស៊ូដង់ និងគូប្រជែងរបស់ខ្លួន គឺកងកម្លាំងគាំទ្ររហ័សប៉ារ៉ា RSF ។ មនុស្សយ៉ាងហោចណាស់៨លាននាក់ បានរត់ភៀសខ្លួនចូលទៅកាន់បណ្ដាប្រទេសជិតខាង។ មានការវាយប្រហារពាសពេញប្រទេសស៊ូសង់។ ភាគច្រើននៃតំបន់ដាហ្វួរ(Darfur) ត្រូវបានគ្រប់គ្រងដោយក្រុម RSF ព្រមទាំងតំបន់ជាច្រើនទៀតនៃរដ្ឋធានីខាទុំ(Khartoum)។ ការវាយប្រយុទ្ធគ្នានៅតែបន្តក្នុងតំបន់ គ័រដូហ្វានខាងលិច(West Kordofan) និងតំបន់ គ័រដូហ្វានខាងត្បូង (South Kordofan)ក្នុងភាគត្បូង ដែលបានកាត់ផ្ដាច់ពួកគេពីតំបន់ផ្សេងៗទៀតរបស់ប្រទេសស៊ូដង់។ ក្រុមមន្ត្រីជាន់ខ្ពស់របស់អង្គការសហប្រជាជាតិ បាននិយាយថាជម្លោះ បានទាញទម្លាក់ប្រទេសនេះ ឲ្យធ្លាក់ចូលក្នុងសុបិន្តអាក្រក់មនុស្សធម៌ធ្ងន់ធ្ងរមួយក្នុងចំណោមគ្រោះមហន្តរាយជាច្រើនក្នុងប្រត្តិសាស្ត្រថ្មីៗរបស់ប្រទេសនេះ និងអាចបណ្ដាលឲ្យកើតជាវិបត្តិអត់ឃ្លានធំបំផុតរបស់ពិភពលោក។ជនស៊ីវិល ដែលបានជាប់ខ្លួនក្នុងសង្រ្គាមស៊ីវិល របស់ប្រទេសស៊ូដង់ បានប្រាប់សារព័ត៌មាន BBC ពីករណីចាប់រំលោភ អំពើហិង្សាលើជនជាតិភាគតិច និងការប្រហារជីវិតនៅតាមដងផ្លវ ។ ក៏មានការភ័យខ្លាចផងដែរថា នៅក្នុងតំបន់ដាហ្វួរ (Darfur) ក្នុងភាគខាងលិចរបស់ប្រទេសនេះ មានករណីដដែលៗបានកើតឡើង ដែលសហរដ្ឋអាមេរិកបានហៅថាជាអំពើប្រល័យពូជសាសន៍កាលពី២០ឆ្នាំ មុន អាចនឹងចាប់ផ្ដើមកើតឡើងទៀត៕

មន្ទីរពេទ្យនានានៅតំបន់ហ្កាហ្សា ផ្ទុកពេញដោយអ្នកជំងឺជាកុមារ អត់ឃ្លាន ខណៈគ្រោះទុរ្ភិក្សជិតចូលមកដល់

រាងកាយរបស់កុមារា ហ្វាឌី អាល់ហ្សានធ៍ (Fadi al-Zant) វ័យ៦ឆ្នាំ ត្រូវបានចុះខ្សោយយ៉ាងខ្លាំង ។ ជើងដ៏ស្គមរបស់គេទន់មិនអាចដើរបានទេ។គេដេកនៅតែលើគ្រែប៉ុណ្ណោះនៅក្នុងមន្ទីរពេទ្យកា ម៉ាល់ អាដវ៉ាន់ (Kamal Adwan)ក្នុងតំបន់ហ្កាហ្សាភាគខាងជើង ជាទីដែលគ្រោះទុរ្ភិក្សជិតចូលមកដល់។ ហ្វាឌី ធ្លាក់ខ្លួនឈឺដោយសារជំងឺស្ទះសេរីរាង្គក្នុងខ្លួនដែលបណ្ដាលឲ្យខូចសួតធ្ងន់ធ្ងរ ប្រព័ន្ធរំលាយអាហារ និងអាវៈជីវៈផ្សេងទៀតនៅក្នុងខ្លួន ។ នេះគឺជារូបគេជាមួយបងប្អូនភ្លោះរបស់គេ មុនសង្រ្គាម ដែលកំពុងរាំនៅពិធីមង្គលការមួយ។ ម្ដាយរបស់គេ អ្នកស្រី ស៊ីម៉ាស(Shimaa) បាននិយាយថាស្ថានភាពរបស់គេបានចាប់ផ្ដើមធ្ងន់ធ្ងរប្រហែល២ខែកន្លងមកហើយ ។ពេលខ្លះគេរាក១០ដងក្នុងមួយយប់ក៏មាន។ មុនសង្គ្រាម គេមានទម្ងន់៦០ផោន តែពេលនេះ ស្រកនៅសល់តែ២៦ផោនប៉ុណ្ណោះ។ ខ្វះជាតិទឹក ដោយសារតែជំងឺរាករូស បានផ្ទុះឡើងនៅតាមជម្រកតង់នានារបស់ពលរដ្ឋហ្កាហ្សាក្នុងទីក្រុងជាច្រើន ដែលពួកគេកំពុងរស់នៅ បានបង្កឲ្យមានង្វះអាហាររូបត្ថម្ភយ៉ាងឆាប់រហ័ស។ ដោយសារតែគ្មានចំណាត់ការទាន់ពេលវេលា គ្រោះទុរ្ភិក្ស នឹងវាយប្រហារចន្លោះពេលនេះ និងខែឧសភា នៅក្នុងតំបន់ហ្កាហ្សាភាគខាងជើង ជាទីដែលមនុស្សប្រមាណ៣០ម៉ឺននាក់ត្រូវបានជាប់ដោយសារការប្រយុទ្ធគ្នា។ ក្រសួងសុខាភិបាលគ្រប់គ្រងដោយក្រុមហាម៉ាស និយាយថា កុមារ២៧នាក់ ដែលបានព្យាបាលនៅមន្ទីរពេទ្យ Kamal Adwan បានស្លាប់ ដោយសារខ្វះអាហារូបត្ថម្ភ និងជាតិទឹកក្នុងពេលប៉ុន្មានសប្ដាហ៍ថ្មីៗនេះ ។សារព័ត៌មាន Reuters មិនអាចផ្ទៀងផ្ទាត់ចំនួនពិតប្រាកដបានទេ។នៅឯមណ្ឌលសុខភាព al-Awda ក្នុងទីក្រុងរ៉ាហ្វា ភាគខាងត្បូងវិញ អ្នកស្រី អាំ មេស្បា ហេជី (Umm Mesbah Heji)ជាម្ដាយកុមារីអាយុ៥ឆ្នាំ បាននិយាយថា កូនស្រី របស់ខ្លួន ឈ្មោះអ៊ីស្រា (Israa)នៅពេលនេះមានជំងឺខ្វះអាហាររូបត្ថម្ភ។ រូបគេមិនមានថ្នាំលេប ហើយបានស្រកគីឡូច្រើនទៀតផង។ គីលានុបដ្ឋាក ប្រចាំមន្ទីរពេទ្យនេះ អ្នកស្រី អាមីរ៉ា អាប៊ូ ជូវៃយ៉ាដ (Amira Abu Juwaiyad)បាននិយាយថា មន្ទីរពេទ្យមិនអាចផ្ដល់ទឹកដោះគោបានទេ ។ស្ថានភាពធ្ងន់ធ្ងរពីមួយថ្ងៃទៅមួយថ្ងៃ បានក្លាយជាគ្រោះមហន្តរាយទៅហើយ ៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ

រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»

វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ

ក្រុមបារាំងកៀរគរគ្នាដើម្បីបេតិកភណ្ឌកម្ពុជា

នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»

សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា

ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”

ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង

ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល

សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877