BTV NEWS

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

អាជ្ញាធរកម្ពុជាបន្តបណ្តេញជនបរទេសជាង២ពាន់៦រយនាក់បន្ថែមទៀតក្រោយចាប់ពួកគេបានជាបន្តបន្ទាប់ដោយជាប់ពាក់ព័ន្ធ Online Scams

សន្តិសុខ និង សង្គម

កូរ៉េខាងជើង និងកូរ៉េខាងត្បូង កំពុងទប់ទល់នឹងរលកយក្សស៊ូណាមិ បន្ទាប់ពីរញ្ជួយដីនៅជប៉ុន

ទីភ្នាក់ងារឧតុនិយមរបស់កូរ៉េខាងត្បូងបាននិយាយថា រលកយក្សស៊ូណាមិដែលមានកម្ពស់ក្រោមមួយម៉ែត្រ បានទៅដល់ឆ្នេរសមុទ្រភាគខាងកើតរបស់ខ្លួន បន្ទាប់ពីមានការរញ្ជួយដីដ៏ធំមួយដែលបានវាយប្រហារប្រទេសជប៉ុនកាលពីថ្ងៃចន្ទ ដោយបន្ថែមថាអាចនឹងមានរលកកាន់តែច្រើន និងធំជាងនេះនៅប៉ុន្មានម៉ោងបន្ទាប់ទៀត។ទីភ្នាក់ងារឧតុនិយមបាននិយាយថា រលកយក្សស៊ូណាមិដំបូងដែលឈានដល់ឆ្នេរសមុទ្រកូរ៉េខាងត្បូងគឺមានកម្ពស់ ៦៧សង់ទីម៉ែត្រ ប៉ុន្តែវាអាចកើនឡើងក្នុងទំហំធំជាងនេះបន្ទាប់ពីរលកដំបូង ហើយអាចបន្តលើសពី ២៤ម៉ោង។ដោយឡែក កូរ៉េខាងជើងបានចេញការព្រមានអំពីរលកយក្សស៊ូណាមិសម្រាប់ឆ្នេរសមុទ្ររបស់ខ្លួន ដែលអាចមានរលកលើសពី២ម៉ែត្រ នេះបើតាមទីភ្នាក់ងារសារព័ត៌មានយ៉ុនហាប់ របស់កូរ៉េខាងត្បូងបានរាយការណ៍ដោយដកស្រង់វិទ្យុរដ្ឋកូរ៉េខាងជើង។ ខេត្ត កាងវ៉ុន (Gangwon) របស់កូរ៉េខាងត្បូងបានព្រមានប្រជាជនឱ្យប្រុងប្រយ័ត្ន និងជម្លៀសខ្លួនទៅកាន់ទីទួលខ្ពស់ នេះបើយោងតាមក្រសួងមហាផ្ទៃ និងសុវត្ថិភាព។ខេត្តឆ្នេរខាងកើតមួយនេះបានប្រាប់អ្នកស្រុកនៅក្នុងសារប្រកាសអាសន្នឱ្យនៅឱ្យឆ្ងាយពីឆ្នេរសមុទ្រហើយជម្លៀសទៅដីទួលខ្ពស់។ ក្រសួងកូរ៉េខាងត្បូងនេះបានឲ្យដឹងថា ទីក្រុងសំចូក (Samcheok) បានណែនាំឲ្យប្រជាពលរដ្ឋផ្លាស់ទីទៅកាន់តំបន់ដែលខ្ពស់ជាងអគារបីជាន់ដើម្បីសុវត្ថិភាព៕

កងកម្លាំងអ៊ីស្រាអែល បង្ហាញរូបភាពនៃអង្គភាពសុនខនគរបាលឬ K9 ឆែកឆេរផ្ទះសម្បែងនានា នៅហ្កាហ្សា និងរកឃើញអាវុធជាច្រើន

កងកម្លាំងការពារអ៊ីស្រាអែល បានបញ្ចេញវីដេអូនៃអង្គភាពសុនខនគរបាលឬ K9 ដែលកំពុងឆែកឆេរផ្ទះសម្បែង នៅតំបន់ហ្កាហ្សា និងបានរកឃើញឃ្លាំងអាវុធរបស់ក្រុមហាម៉ាស កាលពីថ្ងៃចន្ទ។កងកម្លាំងការពារអ៊ីស្រាអែល (IDF) បានរៀបរាប់លម្អិតអំពីករណីចំនួនពីរ ដែលខ្លួននិយាយថា អង្គភាពសុនខនគរបាលឬ K9s របស់ IDF បានស្ទាក់ចាប់ភេរវករហាម៉ាស ដែលកំពុងតែស្ទាក់វាយប្រហារទាហានអ៊ីស្រាអែល។ អ៊ីស្រាអែលនិយាយថា ខ្លួនតែងតែប្រើសត្វសំណក់ជាមួយអង្គភាព Oketz ដើម្បីពង្រីកកិច្ចប្រតិបតិ្តការនៅតាមអគារនានា មុនពេលធ្វើការវាយឆ្មក់កាន់តែធំដោយកងកម្លាំងអ៊ីស្រាអែល។កងកម្លាំងការពារអ៊ីស្រាអែល បានសរសេរថា៖«ក្នុងអំឡុងពេលប្រតិបត្តិការរួមគ្នាជាមួយកងពលតូចលេខ ៤៦០ នៅក្នុងតំបន់ Jabalia សត្វសំណក់មួយក្បាលឈ្មោះ Patrick បានឆែករុករកទីតាំងនោះ មុនពេលកងកម្លាំង ចូលទៅក្នុងអគារ។ ក្នុងអំឡុងពេលឆែករុករកនោះ Patrick បានរកឃើញភេរវករម្នាក់ ដែលរៀបចំ ដើម្បីស្ទាក់វាយប្រហារលើកងកម្លាំង នៅច្រកចូល និងចាប់ខ្លួនគេតែម្តង ដូច្នេះចាំបាច់ត្រូវបង្កើនការការពារ។ កងកម្លាំងការពារ បានបន្ថែមថា៖«នៅក្នុងប្រតិបត្តិការមួយផ្សេងទៀត នៅក្នុងតំបន់ Rimal ក្នុងអំឡុងពេលឆែករុករក ដោយសត្វសំណក់មួយក្បាលទៀតឈ្មោះ Toy ច្រករបៀងមួយ ត្រូវបានគេរកឃើញតភ្ជាប់ទៅអគារមួយ ដោយទាហានកំពុងស្ថិតនៅទៅអគារមួយផ្សេងទៀតដែលភេរវករម្នាក់ កំពុងពួនស្ទាក់ដើម្បីវាយប្រហារ។ សំណក់ Toy ក៏ចាប់ខ្លួនភេរវករនោះ ដូច្នេះហើយវាបានជួយសង្គ្រោះកម្លាំងពីប្រតិបត្តិការនៅក្នុងអគារដ៏គ្រោះថ្នាក់មួយ។

ចំនួនអ្នកស្លាប់ក្នុងគ្រោះរញ្ជួយដីនៅប្រទេសជប៉ុន បានកើនឡើងដល់១៦

ការរញ្ជួយដីដ៏ខ្លាំងក្លាដែលបានវាយប្រហារកណ្តាលប្រទេសជប៉ុននៅថ្ងៃចូលឆ្នាំសកលបានសម្លាប់មនុស្សយ៉ាងហោចណាស់១៦ នាក់ នៅក្នុងខេត្តអ៊ីហ្ស៊ីកាវ៉ា (Ishikawa) ស្របពេលនគរបាល និងក្រុមអាជ្ញាធរមូលដ្ឋាននៅព្រឹកថ្ងៃអង្គារ ២ ខែមករានេះ បានរាយការណ៍ថាសាកសពមួយចំនួនត្រូវបានទាញចេញពីគំនរបាក់បែកនៃអគារដែលដួលរលំ។ ការរញ្ជួយដីកម្រិត៧,៦រ៉ិចទ័របានវាយប្រហារកាលពីពាក់កណ្តាលរសៀលថ្ងៃចន្ទ ដោយបានបំផ្លាញអគារនានា កាត់ផ្ដាច់ចរន្តអគ្គិសនីពីលំនៅឋានរាប់ម៉ឺនខ្នង និងបានជំរុញឱ្យអ្នកស្រុកនៅតំបន់ឆ្នេរមួយចំនួនភៀសខ្លួនទៅកាន់ទីកន្លែងមានសុវត្ថិភាព។ រញ្ជួយដីនេះក៏បានបង្កឲ្យមានរលកកម្ពស់ប្រហែល ១ម៉ែត្រ តាមបណ្តោយឆ្នេរសមុទ្រភាគខាងលិចដ៏វែងរបស់ប្រទេសជប៉ុន ក៏ដូចជានៅប្រទេសជិតខាងកូរ៉េខាងត្បូងផងដែរ។ បុគ្គលិកកងទ័ពត្រូវបានបញ្ជូនទៅជួយក្នុងប្រតិបត្តិការសង្គ្រោះ ខណៈអាកាសយានដ្ឋានក្នុងស្រុកមួយត្រូវបានបិទ បន្ទាប់ពីគ្រោះរញ្ជួយដី បានបណ្ដាលឲ្យប្រេះនៅលើផ្លូវរត់។ ទំហំនៃការខូចខាត នៅតែមិនច្បាស់លាស់មួយថ្ងៃបន្ទាប់ពីគ្រោះមហន្តរាយនេះ ដោយផ្លូវសំខាន់ៗទៅកាន់តំបន់ដែលរងផលប៉ះពាល់ខ្លាំងបំផុត បានរងការខូចខាតយ៉ាងធ្ងន់ធ្ងរ ដែលរារាំងដល់កិច្ចខិតខំប្រឹងប្រែងជួយសង្គ្រោះ។ ទូរទស្សន៍ NHK បានរាយការណ៍ថា ក្រុមគ្រូពេទ្យមិនអាចទៅដល់មន្ទីរពេទ្យក្នុងទីក្រុង ស៊ូស៊ុយ (Suzu) ដែលរងគ្រោះខ្លាំងនោះទេ។ប្រភពដដែលនេះ បាននិយាយថា មន្ទីរពេទ្យនោះ កំពុងពឹងផ្អែកលើម៉ាស៊ីនភ្លើងបម្រុងដោយសារតែដាច់ភ្លើង។ ទីភ្នាក់ងារនគរបាលជាតិបាននិយាយថា មនុស្ស១៦ នាក់ត្រូវបានគេបញ្ជាក់ថាបានស្លាប់រហូតមកដល់ពេលនេះ៕

តុលាការកំពូលរបស់អ៊ីស្រាអែល លុបចោលច្បាប់កំណត់ការត្រួតពិនិត្យប្រព័ន្ធតុលាការដ៏ចម្រូងចម្រាស

តុលាការកំពូលរបស់ប្រទេសអ៊ីស្រាអែល កាលពីថ្ងៃចន្ទ (០១ មករា) បានសម្រេចលុបចោលនូវច្បាប់ដ៏ចម្រូងចម្រាសដែលមានវិវាទយ៉ាងខ្លាំង ដែលអនុម័តដោយរដ្ឋាភិបាលស្តាំនិយមរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ដើម្បីដកហូតអំណាចមួយចំនួនរបស់តុលាការជាន់ខ្ពស់ ហើយបានបង្កឱ្យមានការតវ៉ាទូទាំងប្រទេស។ច្បាប់នេះគឺជាផ្នែកមួយនៃកំណែទម្រង់ប្រព័ន្ធតុលាការដ៏ទូលំទូលាយដែលស្នើឡើងដោយលោក ណេតាន់យ៉ាហ៊ូ និងសម្ព័ន្ធបក្សដៃគូសាសនា និងជាតិនិយមរបស់លោក ដែលបណ្តាលឱ្យមានការប្រេះឆាយ៉ាងជ្រៅនៅក្នុងប្រទេសអ៊ីស្រាអែល និងការព្រួយបារម្ភអំពីគោលការណ៍លទ្ធិប្រជាធិបតេយ្យរបស់ប្រទេសក្នុងចំណោមសម្ព័ន្ធមិត្តលោកខាងលិច។ច្បាប់ថ្មីដែលបានបញ្ជូនទៅក្នុងតុលាការនោះបានដកចេញនូវផ្នែកមួយប៉ុណ្ណោះនៃអំណាចដែលតុលាការកំពូលមានសម្រាប់កាត់ផ្តាច់សេចក្តីសម្រេចរបស់រដ្ឋាភិបាលនិងរដ្ឋមន្ត្រី។ ច្បាប់នេះបានដកលទ្ធភាពរបស់តុលាការក្នុងការលុបចោលការសម្រេច ដែលខ្លួនចាត់ទុកថា «មិនសមហេតុផល»។តុលាការបាននិយាយថា ចៅក្រមប្រាំបីនាក់ក្នុងចំណោម ១៥នាក់ បានសម្រេចក្នុងការអនុគ្រោះលើការលុបចោលច្បាប់នេះ។ តុលាការកំពូល នៅក្នុងសេចក្តីសង្ខេបនៃសេចក្តីសម្រេចរបស់ខ្លួន បាននិយាយថា ចៅក្រមភាគច្រើនបានសម្រេចចិត្តលុបចោលច្បាប់នេះ ព្រោះវានឹងធ្វើឱ្យខូចខាតយ៉ាងធ្ងន់ធ្ងរដល់លទ្ធិប្រជាធិបតេយ្យរបស់អ៊ីស្រាអែល៕និងចាប់ខ្លួននៅកន្លែងកើតហេតុ។រូបថតព័ត៌មានដែលបានចេញផ្សាយបង្ហាញថា លោក Lee ដេកលើដីដោយបិទភ្នែក ហើយដៃរបស់មនុស្សផ្សេងទៀតនៅជុំវិញលោក កំពុងកាន់កន្សែងដៃទ្រករបស់លោក។ សារព័ត៌មានយ៉ុនហាប់ ដដែល បាននិយាយថាលោក Lee ត្រូវបានបញ្ជូនទៅមន្ទីរពេទ្យភ្លាមៗ៕

រថភ្លើងរាប់សិបគ្រឿងត្រូវបានពន្យារពេល ខណៈអ័ព្ទយ៉ាងក្រាស់បានគ្របដណ្ដប់រដ្ឋមួយចំនួននៅឥណ្ឌា

ក្រុមមន្ត្រីបាននិយាយថា រថភ្លើងជាង២០គ្រឿង ទៅកាន់រដ្ឋធានីឥណ្ឌាត្រូវបានពន្យារពេលកាលពីថ្ងៃច័ន្ទ (០១ មករា) ដោយសារតែការថយចុះនៃកម្រិតការមើលឃើញដោយសារចុះអ័ព្ទយ៉ាងក្រាស់។ រដ្ឋឥណ្ឌាជាច្រើន រួមទាំងរដ្ឋធានីជាតិ បានមើលឃើញអ័ព្ទដ៏ក្រាស់ ស្របពេលមានការធ្លាក់ចុះនៃសីតុណ្ហភាព។យោងតាមនាយកដ្ឋានឧតុនិយមឥណ្ឌា (IMD) បានឲ្យដឹងថា ស្រទាប់អ័ព្ទយ៉ាងក្រាស់បានគ្របដណ្តប់លើផ្នែកខ្លះនៃបណ្ដារដ្ឋភាគខាងជើងនៃប្រទេសឥណ្ឌា។ ក្រុមមន្ត្រីបាននិយាយថា រថភ្លើងចំនួន ២១គ្រឿង ដែលធ្វើដំណើរទៅក្រុងដេលី បានពន្យារពេលដោយសារតែស្ថានភាពអ័ព្ទ ដែលបណ្តាលឱ្យអ្នកដំណើររង់ចាំយ៉ាងអន្ទះសារនៅស្ថានីយ៍។ រថភ្លើងជាច្រើនដែលឆ្លងកាត់ស្ថានីយ ដេលី ត្រូវបានពន្យារពេលរហូតដល់ ៤ម៉ោង។រាជធានីឥណ្ឌាមួយនេះបានទទួលរងអាកាសធាតុត្រជាក់ខ្លាំងនៅថ្ងៃចុងក្រោយនៃឆ្នាំចាស់ ដោយកត់ត្រាសីតុណ្ហភាពអតិបរិមាពេលថ្ងៃគឺ ១៥,៩អង្សាសេ ដែលនោះគឺធ្លាក់កម្រិត ៤អង្សាសេទាបជាងធម្មតា និងទាបបំផុតរហូតមកដល់ពេលនេះក្នុងរដូវកាលនេះ។ យោងតាមនាយកដ្ឋានឧតុនិយមឥណ្ឌាបានឱ្យដឹងថា កាលពីថ្ងៃចន្ទ កម្រិតនៃភាពមើលឃើញបានស្ថិតនៅចម្ងាយ ៧០០ម៉ែត្រនៅតំបន់ សាហ្វដារជុង (Safdarjung) ដែលជាស្ថានីយ៍អាកាសធាតុសំខាន់របស់ទីក្រុងដេលី និងចម្ងាយ ១.២០០ម៉ែត្រនៅតំបន់លំនៅឋាន ផាឡាម (Palam) ក្នុងរដ្ឋធានីរបស់ប្រទេសឥណ្ឌាមួយនេះ៕

អ៊ីស្រាអែល បង្ហាញសញ្ញាការផ្លាស់ប្តូរយុទ្ធសាស្ត្រ ដកកងទ័ពថយ

មន្ត្រីម្នាក់បាននិយាយកាលពីថ្ងៃចន្ទថា អ៊ីស្រាអែល កំពុងដកកងកម្លាំងមួយចំនួនរបស់ខ្លួនចេញពីតំបន់ហ្កាហ្សា ដើម្បីងាកទៅរកប្រតិបត្តិការដែលមានគោលដៅបន្ថែមទៀតប្រឆាំងក្រុមហាម៉ាស់។ទាហានទាំងនេះ ត្រូវបានគេមើលឃើញកំពុងជួសជុលឧបករណ៍នៅមូលដ្ឋានក្បែរព្រំដែនតំបន់ហ្កាហ្សា។ មេបញ្ជាការមូលដ្ឋានម្នាក់ បាននិយាយថា ពួកគេនឹងត្រឡប់ទៅតំបន់ហ៊ុមព័ទ្ធវិញក្នុងពេលឆាប់ៗនេះ។ការផ្លាស់ប្តូរទៅរកប្រតិបត្តិការ «បោសសម្អាត» បានបង្ហាញសញ្ញាពីដំណាក់កាលថ្មីមួយ នៅក្នុងការវាយលុករបស់អ៊ីស្រាអែល ហើយត្រូវបានគេរំពឹងថានឹងមានរយៈពេលជាច្រើនខែ។ មន្ត្រីម្នាក់ និយាយថា ទាហានមួយចំនួន ដែលបានដកចេញពីតំបន់ហ្កាហ្សា នឹងត្រូវបានត្រៀមសម្រាប់ការប្តូរវេនទៅកាន់ព្រំដែនភាគខាងជើងជាមួយប្រទេសលីបង់។ ការកាត់បន្ថយនេះ ក៏នឹងអនុញ្ញាតឲ្យទាហានបម្រុងមួយចំនួនត្រឡប់ទៅរកជីវិតជាជនស៊ីវិលវិញ ដោយជួយទប់ទល់សេដ្ឋកិច្ចដែលញាំញីដោយសង្រ្គាមរបស់អ៊ីស្រាអែល។សង្គ្រាមនៅតំបន់ហ្កាហ្សា បានពង្រាបទឹកដីភាគច្រើនឲ្យទៅជាកម្ទេចកម្ទី និងបានបណ្តាលឲ្យប្រជាជនរបស់តំបន់នេះចំនួន ២,៣ លាននាក់ធ្លាក់ចូលទៅក្នុងគ្រោះមហន្តរាយមនុស្សធម៌។រដ្ឋមន្ត្រីការពារជាតិអ៊ីស្រាអែល បាននិយាយកាលពីថ្ងៃចន្ទថា សហគមន៍អ៊ីស្រាអែលមួយចំនួននៅភាគខាងជើងតំបន់ហ្កាហ្សា ដែលត្រូវបានជម្លៀសចេញ នឹងអាចវិលត្រឡប់មកវិញក្នុងពេលដ៏ខ្លីខាងមុខនេះ។

សង្រ្គាមនៅតំបន់ហ្កាហ្សា បានឆក់យកជីវិតជនជាតិប៉ាឡេស្ទីនជិត ២២.០០០នាក់

ក្រសួងសុខាភិបាលដែលគ្រប់គ្រងដោយក្រុមហាម៉ាស បាននិយាយកាលពីថ្ងៃចន្ទ (០១ មករា) ថាចំនួនអ្នកស្លាប់ខាងប៉ាឡេស្ទីនបានកើនឡើងដល់ ២១.៩៧៨នាក់ និងអ្នករបួសកើនដល់ ៥៦.៦៩៧នាក់ បន្ទាប់ពីការផ្ទុះឡើងនៃជម្លោះអ៊ីស្រាអែល និងក្រុមហាម៉ាសកាលពីថ្ងៃទី០៧ ខែតុលាមក។ អ្នកនាំពាក្យក្រសួង លោក អាស្រាហ្វ អាល់កេដ្រា (Ashraf al-Qedra) បាននិយាយនៅក្នុងសេចក្តីថ្លែងការណ៍មួយថា កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនចំនួន ១៥៦នាក់ និងអ្នករបួស ២៤៦នាក់ទៀតនៅតំបន់ហ្កាហ្សាស្ទ្រីប ក្នុងរយៈពេល ២៤ម៉ោងកន្លងមកនេះ។លោក អាល់កេដ្រា បាននិយាយថា ការវាយប្រហាររបស់អ៊ីស្រាអែលបានសម្លាប់បុគ្គលិកពេទ្យចំនួន ៣២៦នាក់ និងបានបង្ខំឱ្យមន្ទីរពេទ្យចំនួន ៣០កន្លែងក្នុងចំណោមមន្ទីរពេទ្យចំនួន ៣៥ទីតាំងនៅតំបន់ហ្កាហ្សាស្ទ្រីប លែងដំណើរការ។ លោកអាល់កេដ្រា បានអំពាវនាវដល់អង្គការអន្តរជាតិឱ្យការពារប្រព័ន្ធថែទាំសុខភាព និងបុគ្គលិកពេទ្យនៅក្នុងតំបន់ហ្កាហ្សាស្ទ្រីប ហើយបាននិយាយថា ក្រសួងសុខាភិបាលហ្កាហ្សាកំពុងពិភាក្សាជាមួយទីភ្នាក់ងារអង្គការសហប្រជាជាតិស្តីពីការចាប់ផ្តើមឡើងវិញនៃមណ្ឌលសុខភាពនៅក្នុងទីតាំងផ្សេងៗគ្នានៃតំបន់ហ៊ុមព័ទ្ធប៉ាឡេស្ទីននេះ។អ្នកនាំពាក្យក្រសួងសុខាភិបាលហ្កាហ្សារូបនេះបានរិះគន់យន្តការដែលដាក់ឱ្យប្រជាជនប៉ាឡេស្ទីនដែលរងរបួសទៅទទួលការព្យាបាលនៅខាងក្រៅតំបន់ហ្កាហ្សាស្ទ្រីប ដោយចង្អុលបង្ហាញថា រហូតមកដល់ពេលនេះមានអ្នករបួសត្រឹមតែ ៦៤៥នាក់ប៉ុណ្ណោះដែលអាចធ្វើបាន គឺស្មើនឹងតួលេខ ១ភាគរយប៉ុណ្ណោះនៃចំនួនប្រជាជនសរុបដែលត្រូវការការយកចិត្តទុកដាក់ខាងវេជ្ជសាស្ត្រ៕

លោក ពូទីន និយាយថារុស្ស៊ី នឹងបង្កើនការវាយប្រហារកាន់តែខ្លាំងក្លាលើអ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃចន្ទ (០១ មករា) ថាទីក្រុងមូស្គូ នឹងបង្កើនការវាយប្រហារកាន់តែខ្លាំងលើគោលដៅយោធាក្នុងប្រទេសអ៊ុយក្រែន បន្ទាប់ពីការវាយប្រហារដែលមិនធ្លាប់មានរបស់អ៊ុយក្រែន កាលពីចុងសប្តាហ៍ទៅលើទីក្រុង ប៊ែលហ្កូរ៉ូដ (Belgorod) របស់រុស្ស៊ី។ការវាយប្រហាររបស់អ៊ុយក្រែនកាលពីថ្ងៃសៅរ៍ ដែលបានសម្លាប់មនុស្ស ២៥នាក់រួមទាំងកុមារ ៥នាក់នោះបានកើតឡើងបន្ទាប់ពីទីក្រុងមូស្គូ បានបើកការវាយប្រហារទ្រង់ទ្រាយធំទៅលើទីក្រុងនានារបស់អ៊ុយក្រែន។ ទន្ទឹមនឹងនេះ ទីក្រុងគីវ បាននិយាយថា ប្រទេសរុស្ស៊ីបានកំណត់គោលដៅលើខ្លួនជាមួយនឹងយានដ្រូនក្នុងចំនួន «ដ៏ច្រើនបំផុតក្នុងកំណត់ត្រា» នៅថ្ងៃចូលឆ្នាំថ្មី។លោក ពូទីន បាននិយាយក្នុងអំឡុងពេលធ្វើទស្សនកិច្ចទៅមន្ទីរពេទ្យយោធាថា៖ «យើងនឹងបង្កើនការវាយប្រហារឲ្យកាន់តែខ្លាំង។ មិនមានឧក្រិដ្ឋកម្មប្រឆាំងនឹងជនស៊ីវិលណាមួយមិនត្រូវបានដាក់ទោសនោះទេ»។ ការអត្ថាធិប្បាយរបស់ប្រធានាធិបតីរុស្ស៊ីរូបនេះបានកើតឡើងនៅចុងបញ្ចប់នៃសប្តាហ៍ដ៏បង្ហូរឈាមនៅក្នុងប្រទេសអ៊ុយក្រែន ដោយភាគីទាំងពីរបានវាយប្រហារគ្នាទៅវិញទៅមកដោយការវាយប្រហារទ្រង់ទ្រាយធំ។លោក ពូទីន បាននិយាយថា រុស្ស៊ីនឹងបន្តវាយលុកអ្វីនូវដែលលោកហៅថា «ការដំឡើងយោធា» ដោយលោកបានចោទប្រកាន់កងកម្លាំងអ៊ុយក្រែនថាបានកំណត់គោលដៅ «នៅចំកណ្តាលទីក្រុងជាទីដែលមនុស្សម្នាដើរកម្សាន្តមុនថ្ងៃចូលឆ្នាំសកល» ហើយបានចោទប្រកាន់ថាអ៊ុយក្រែនបាន «វាយប្រហារជនស៊ីវិលដោយចេតនា»៕

មនុស្សយ៉ាងហោចណាស់៨នាក់បានស្លាប់ ក្រោយការរញ្ជួយដីវាយប្រហារប្រទេសជប៉ុនចំថ្ងៃឆ្លងឆ្នាំថ្មី

ការរញ្ជួយដីដ៏ខ្លាំងក្លាដែលបានវាយប្រហារកណ្តាលប្រទេសជប៉ុននៅថ្ងៃចូលឆ្នាំសកលបានសម្លាប់មនុស្សយ៉ាងហោចណាស់៨ នាក់ ស្របពេលនគរបាល និងក្រុមអាជ្ញាធរមូលដ្ឋាននៅព្រឹកថ្ងៃអង្គារ ២ ខែមករានេះ បានរាយការណ៍ថាសាកសពមួយចំនួនត្រូវបានទាញចេញពីគំនរបាក់បែកនៃអគារដែលដួលរលំ។ការរញ្ជួយដីកម្រិត៧,៦រ៉ិចទ័របានវាយប្រហារកាលពីពាក់កណ្តាលរសៀលថ្ងៃចន្ទ ដោយបានបំផ្លាញអគារនានា កាត់ផ្ដាច់ចរន្តអគ្គិសនីពីលំនៅឋានរាប់ម៉ឺនខ្នង និងបានជំរុញឱ្យអ្នកស្រុកនៅតំបន់ឆ្នេរមួយចំនួនភៀសខ្លួនទៅកាន់ទីកន្លែងមានសុវត្ថិភាព។ រញ្ជួយដីនេះក៏បានបង្កឲ្យមានរលកកម្ពស់ប្រហែល ១ម៉ែត្រ តាមបណ្តោយឆ្នេរសមុទ្រភាគខាងលិចដ៏វែងរបស់ប្រទេសជប៉ុន ក៏ដូចជានៅប្រទេសជិតខាងកូរ៉េខាងត្បូងផងដែរ។ បុគ្គលិកកងទ័ពត្រូវបានបញ្ជូនទៅជួយក្នុងប្រតិបត្តិការសង្គ្រោះ ខណៈអាកាសយានដ្ឋានក្នុងស្រុកមួយត្រូវបានបិទ បន្ទាប់ពីគ្រោះរញ្ជួយដី បានបណ្ដាលឲ្យប្រេះនៅលើផ្លូវរត់។ ទំហំនៃការខូចខាត ព្រមទាំងចំនួនអ្នកស្លាប់នៅតែមិនច្បាស់លាស់មួយថ្ងៃបន្ទាប់ពីគ្រោះមហន្តរាយនេះ ដោយផ្លូវសំខាន់ៗទៅកាន់តំបន់ដែលរងផលប៉ះពាល់ខ្លាំងបំផុត បានរងការខូចខាតយ៉ាងធ្ងន់ធ្ងរ ដែលរារាំងដល់កិច្ចខិតខំប្រឹងប្រែងជួយសង្គ្រោះ។ ទូរទស្សន៍ NHK បានរាយការណ៍ថា ក្រុមគ្រូពេទ្យមិនអាចទៅដល់មន្ទីរពេទ្យក្នុងទីក្រុង ស៊ូស៊ុយ (Suzu) ដែលរងគ្រោះខ្លាំងនោះទេ។ប្រភពដដែលនេះ បាននិយាយថា មន្ទីរពេទ្យនោះ កំពុងពឹងផ្អែកលើម៉ាស៊ីនភ្លើងបម្រុងដោយសារតែដាច់ភ្លើង។ ទីភ្នាក់ងារនគរបាលជាតិបាននិយាយថា មនុស្ស ៨ នាក់ត្រូវបានគេបញ្ជាក់ថាបានស្លាប់រហូតមកដល់ពេលនេះ៕

មានការព្រមានអំពីរលកយក្សស៊ូណាមិ នៅប្រទេសជប៉ុន បន្ទាប់ពីមានការរញ្ជួយដីដ៏ខ្លាំងក្លា

ប្រទេសជប៉ុនបានចេញការព្រមានអំពីរលកយក្សស៊ូណាមិ បន្ទាប់ពីការរញ្ជួយដីកម្រិត ៧,៦វ៉ិចទ័រ បានវាយប្រហារតំបន់កណ្តាលរបស់ប្រទេស។ទូរទស្សន៍ជាតិ NHK បានរាយការណ៍ថា អ្នកស្រុកនៅតំបន់ឆ្នេរ Noto ក្នុងខេត្ត Ishikawa ត្រូវបានណែនាំឲ្យ «ជម្លៀសភ្លាមៗទៅកាន់តំបន់ទីទួលខ្ពស់»។ ទូរទស្សន៍នេះ បានបន្ថែមថា រលកកម្ពស់រហូតដល់ ៥ម៉ែត្រ បានទៅដល់តំបន់ឆ្នេ Noto។អាជ្ញាធរក៏បានចេញការព្រមានអំពីរលកយក្សស៊ូណាមិផងដែរ សម្រាប់ខេត្តជិតខាងគ្នា Niigata និង Toyama ដោយព្រមានថា រលកនៅទីនោះ អាចមានកម្ពស់ដល់ទៅ ៣ម៉ែត្រ។ ទូរទស្សន៍រដ្ឋបានបង្ហាញពាក្យ «EVACUATE» (ជម្លៀសចេញ) ជាអក្សរធំ ដោយជំរុញឲ្យអ្នកស្រុកភៀសខ្លួនទៅកាន់ទីទួលខ្ពស់ទោះបីជាពេលនេះស្ថិតក្នុងអាកាសធាតុរដូវរងាក៏ដោយ។ ជាមួយគ្នានេះ មនុស្សម្នាក៏បានបង្ហោះពីរូបភាពវីដេអូរញ្ជួយដីពីផ្ទះសម្បែងរបស់ពួកគេ និងពីខាងក្នុងស្ថានីយរថភ្លើងក្រោមដីផងដែរ។ប្រតិបត្តិករថាមពលនុយក្លេអ៊ែរដ៏ធំបំផុតរបស់ប្រទេសជប៉ុន គឺក្រុមហ៊ុន Kansai Electric បាននិយាយថា «មិនមានភាពមិនប្រក្រតី» ក្នុងរោងចក្រនុយក្លេអ៊ែរនៅក្នុងតំបន់ ដែលរងផលប៉ះពាល់នោះទេ។ចំណែកឯទីភ្នាក់ងារឧតុនិយមរបស់ប្រទេសកូរ៉េខាងត្បូង បានព្រមានថា រលកយក្សស៊ូណាមិ ដែលមានកម្ពស់រហូតដល់ ០,៣ម៉ែត្រ អាចកើតមាននៅឆ្នេរសមុទ្រភាគខាងកើតនៃប្រទេស ចន្លោះពីម៉ោង ១៨:២៩នាទៅ ដល់ ១៩:១៧នាទី ម៉ោងក្នុងស្រុក (ត្រូវនឹងម៉ោង ៩:២៩នាទី ដល់ម៉ោង ១០:១៧នាទី ម៉ោងសកល)៕

បណ្ដាញសង្គម

ព័ត៌មានថ្មីៗ

លោក Trump ផ្អាកកិច្ចខិតខំប្រឹងប្រែងអមការពារនាវានៅច្រកសមុទ្រ Hormuz ដោយលើកឡើងពីវឌ្ឍនភាពនៃការចរចា

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877