BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

មន្ត្រីនៃប្រទេសកោះស៊ីប៖ សង្គ្រាមអ៊ីស្រាអែល និងហាម៉ាស អាចផ្តល់កម្លាំងជំរុញដល់គម្រោងថាមពលក្នុងតំបន់

រដ្ឋមន្ត្រីថាមពលរបស់ប្រទេសកោះមេឌីទែរ៉ាណេភាគខាងកើត បាននិយាយកាលពីថ្ងៃអង្គារថា ផលប៉ះពាល់ផ្នែកនយោបាយ និងសេដ្ឋកិច្ចពីសង្គ្រាមអ៊ីស្រាអែល-ហាម៉ាស អាចផ្តល់នូវកម្លាំងរុញច្រានដល់ផែនការសម្រាប់បំពង់បង្ហូរឧស្ម័នធម្មជាតិពីឆ្នេរសមុទ្រទៅកាន់ប្រទេសកោះ ស៊ីបសម្រាប់ដំណើរការ និងដឹកជញ្ជូន ទៅកាន់ទីផ្សារបរទេស។រដ្ឋមន្ត្រីថាមពលកោះស៊ីប លោក George Papanastasiou បាននិយាយថា ការប្រយុទ្ធគ្នានៅតំបន់ហ្កា ហ្សាស្ទ្រីប និងបំណងប្រាថ្នារបស់អ៊ីស្រាអែល ក្នុងការបង្កើនសន្តិសុខថាមពលរបស់ខ្លួនក៏ផ្តល់ទម្ងន់ដល់ខ្សែអគ្គិសនីក្រោមសមុទ្រ ២.000មេហ្គាវ៉ាត់ ដែលបានស្នើឡើង ដែលនឹងតភ្ជាប់បណ្តាញអគ្គិសនីរបស់អ៊ីស្រាអែល និងប្រទេសកោះស៊ីប ទៅដីគោកអឺរ៉ុប តាមរយៈប្រទេសក្រិក។ លោក Papanastasiou បាននិយាយថា ទំនាក់ទំនងរបស់អ៊ីស្រាអែលជាមួយទួរគីសម្រាប់កិច្ចសហប្រតិបត្តិការថាមពល ដែលអាចធ្វើទៅបាន ជាផ្នែកមួយ និងផ្នែកនៃបំណងប្រាថ្នារបស់រដ្ឋាភិបាលអ៊ីស្រា អែលក្នុងការរក្សាជម្រើស ដែលមានទាំងអស់បើកចំហ ប្រហែលជាបានធ្លាក់ចុះ ដោយសារការរិះគន់យ៉ាងខ្លាំងរបស់ទួរគីចំពោះសកម្មភាពរបស់អ៊ីស្រាអែល នៅក្នុងតំបន់ហ្កាហ្សា។បន្ទាប់ពីប្រធានាធិបតីទួរគី រ៉េសិប តាយីប អេរដូហ្គែន (Recep Tayyip Erdogan) បានថ្លែងប្រាប់អ្នកចូលរួមរាប់សែននាក់ នៅឯការជួបជុំគាំទ្រប៉ាឡេស្ទីន កាលពីខែមុនថា ប្រទេសរបស់ខ្លួន គ្រោងនឹងចោទប្រកាន់អ៊ីស្រាអែលជាផ្លូវការពីបទឧក្រិដ្ឋកម្មសង្គ្រាម រដ្ឋាភិបាលអ៊ីស្រាអែលបាននិយាយថា ខ្លួនកំពុងវាយតម្លៃឡើងវិញនូវទំនាក់ទំនងការទូតជាមួយទីក្រុងអង់ការ៉ា។

អង្គការអឌ្ឍចន្ទក្រហមប៉ាឡេស្ទីន និយាយថា ក្បួនរថយន្តដឹកជំនួយមនុស្សធម៌ រងការវាយប្រហារនៅហ្កាហ្សា

អង្គការសង្គមអឌ្ឍចន្ទក្រហមប៉ាឡេស្ទីន និយាយថា ក្បួនរថយន្តដឹកគ្រឿងផ្គត់ផ្គង់បរិក្ខារពេទ្យ បានរងការវាយប្រហារនៅតំបន់ហ្កាហ្សាកាលពីថ្ងៃអង្គារ ខណៈអ៊ីស្រាអែល បានបង្កើនការវាយលុកតាមដីគោករបស់ខ្លួន។អង្គការនេះ បានបង្ហោះសារនៅលើបណ្តាញសង្គម ដោយបានរាយការណ៍ថា ក្បួនរថយន្តដឹកទំនិញចំនួន៥ គ្រឿង និងរថយន្តរបស់គណៈកម្មាធិការអន្តរជាតិនៃកាកបាទក្រហមចំនួនពីរគ្រឿង បានរងការឆេះបំផ្លាញ។ អង្គការសង្គមអឌ្ឍចន្ទក្រហមប៉ាឡេស្ទីន និយាយថា រថយន្តដឹកទំនិញ និងយានយន្ត បានដឹកសម្ភារៈផ្គត់ផ្គង់វេជ្ជសាស្ត្រសង្គ្រោះជីវិតទៅកាន់មណ្ឌលសុខភាព រួមទាំងមន្ទីរពេទ្យ Al Quds របស់អង្គការសង្គមនេះផងដែរ។សេចក្តីរាយការណ៍និយាយថា រថយន្តដឹកទំនិញ២គ្រឿងត្រូវបានបំផ្លាញ ហើយអ្នកបើកបររថយន្តម្នាក់រងរបួសស្រាល។អង្គការ បានចេញសេចក្តីថ្លែងការណ៍មួយកាលពីថ្ងៃចន្ទ ដោយបាននិយាយថា អង្គការសង្គមអឌ្ឍចន្ទក្រហមប៉ាឡេស្ទីន សុំអំពាវនាវបន្ទាន់ដល់អង្គការសុខភាពនិងអង្គការផ្តល់ជំនួយសង្គ្រោះអន្តរជាតិ ឱ្យផ្តល់ជំនួយនិងការផ្គត់ផ្គង់សំខាន់ៗដល់តំបន់ហ្កាហ្សា និងតំបន់ភាគខាងជើង។

ទិន្នន័យថ្មី៖ឆ្នាំ២០២៣នេះ នឹងក្លាយជាឆ្នាំក្តៅបំផុតបន្ទាប់ពីកំណត់ត្រាកម្ដៅខែតុលា

ទិន្នន័យថ្មីបានបង្ហាញថា ឥឡូវនេះគេប្រាកដណាស់ថាឆ្នាំ២០២៣ ដែលជាឆ្នាំនៃរលកកម្ដៅដ៏ធ្ងន់ធ្ងរ គ្រោះទឹកជំនន់ និងអគ្គិភ័យជាច្រើនករណីនោះ នឹងក្លាយជាឆ្នាំក្តៅបំផុតក្នុងកំណត់ត្រា។ ការទស្សន៍ទាយនេះធ្វើឡើងបន្ទាប់សីតុណ្ហភាពដ៏ក្ដៅខុសប្លែកធម្មតា បានកើតឡើងកាលពីខែតុលា ហើយសីតុណ្ហភាពដ៏ខ្ពស់នោះ បានបន្ថែមទៅក្នុងបញ្ជីនៃកំណត់ត្រាកម្ដៅខ្ពស់បំផុតសកល ដែលបានកើតឡើងក្នុងឆ្នាំនេះ។សីតុណ្ហភាពខែតុលា មិនក្តៅខ្លាំងខុសពីខែកញ្ញា និងខែកក្កដា ទេ ប៉ុន្តែនៅតែស្ថិតក្នុងកម្រិតបំបែកកំណត់ត្រាសម្រាប់ខែនេះដោយលក្ខខណ្ឌពិសេស នេះបើយោងតាមទីភ្នាក់ងារបម្រែបម្រួលអាកាសធាតុ ខនភឺនីកឺស (Copernicus)។សីតុណ្ហភាពខ្យល់ជាមធ្យមរបស់ពិភពលោក គឺស្ថិតក្នុងកម្រិត ០,៤អង្សាសេ ដោយក្តៅជាងកម្រិតខ្ពស់បំផុតកាលពីខែតុលា ឆ្នាំ២០១៩ នេះបើយោងតាមសេវាបម្រែបម្រួលអាកាសធាតុរបស់សហភាពអឺរ៉ុប។ បញ្ហាអាកាសធាតុទាំងនេះ ត្រូវបានជំរុញដោយការបំភាយឧស្ម័នកាបូនឌីអុកស៊ីត និងព្រឹត្តិការណ៍អាកាសធាតុ អែល នីញ៉ូ ដែលបណ្ដាលឲ្យនោះគឺជាខែទី៥ ជាប់ៗគ្នានៃសីតុណ្ហភាពក្តៅ។ ក្រុមអ្នកស្រាវជ្រាវបាននិយាយថា សីតុណ្ហភាពសកលលោក អាចនឹងបន្តកើនឡើងរហូតដល់ឆ្នាំ២០២៤ ខាងមុខនេះ។ការទស្សន៍ទាយ ដែលថាឆ្នាំ ២០២៣នេះ នឹងក្លាយជាឆ្នាំក្តៅបំផុតមិនធ្លាប់មានក្នុងកំណត់ត្រា ឥឡូវនេះគឺពិតជាជៀសមិនរួចនោះទេ ព្រោះរយៈពេលពីរខែចុងក្រោយនៃឆ្នាំ២០២៣នេះ ទំនងជាមិនផ្លាស់ប្តូរនិន្នាការនេះឡើយ ហើយសីតុណ្ហភាពខ្ពស់នៅជុំវិញពិភពលោកក៏បានបន្តកើនឡើងរហូតដល់ខែវិច្ឆិកា នេះផងដែរ៕

ការដាច់បណ្តាញរបស់ក្រុមហ៊ុនទូរគមនាគមន៍ Optus ប៉ះពាល់ដល់ប្រជាជនអូស្ត្រាលីរាប់លាននាក់

ប្រជាជនអូស្ត្រាលីរាប់លាននាក់ ពុំមានសេវាទូរស័ព្ទ ឬអ៊ីនធឺណិតប្រើប្រាស់នោះទេនៅថ្ងៃពុធ (៨ វិច្ឆិកា) នេះ បន្ទាប់ពីក្រុមហ៊ុនផ្តល់សេវាទូរគមនាគមន៍ធំទីពីររបស់ប្រទេសនេះ បានជួបប្រទះនឹងការដាច់បណ្ដាញចរន្តដែលមិនអាចពន្យល់បានទូទាំងប្រទេស។ការដាច់បណ្ដាញនេះបានធ្វើឱ្យប៉ះពាល់ដល់ប្រព័ន្ធទូទាត់ និងប្រតិបត្តិការអនឡាញ ហើយបាននាំឱ្យមានភាពវឹកវរដល់ម៉ោងមម៉ាញឹកបំផុតនៅពេលព្រឹក ខណៈបណ្តាញរថភ្លើង និងសេវាដឹកជញ្ជូននានាត្រូវបានកាត់ផ្ដាច់ក្នុងរយៈពេលខ្លីនៅក្នុងទីក្រុងមួយចំនួន។ មន្ទីរពេទ្យ និងសេវាសង្គ្រោះបន្ទាន់នានានៅទូទាំងប្រទេស ក៏រងផលប៉ះពាល់ដោយការដាច់ចរន្តនេះផងដែរ។ក្រុមហ៊ុន អប់ទុស (Optus) បាននិយាយថា សេវាកម្មមួយចំនួននៅទូទាំងបណ្តាញថេរ និងបណ្តាញទូរស័ព្ទចល័តកំពុងត្រូវបានស្ដារឡើងវិញជាបណ្តើរៗ ប៉ុន្តែមិនបានផ្តល់ពេលវេលាប៉ាន់ស្មានសម្រាប់ការស្ដារឡើងវិញពេញលេញនៃសេវាកម្មរបស់ខ្លួននោះទេ៕

អ៊ីស្រាអែល ដាក់គោលដៅនៅផ្លូវរូងក្រោមដីរបស់ក្រុមហាម៉ាស់ ក្នុងដំណាក់កាលថ្មីនៃសង្រ្គាមនៅហ្កាហ្សា

ប្រភពព័ត៌មានសន្តិសុខ បាននិយាយថា យោធាអ៊ីស្រាអែល កំពុងចាប់ផ្តើមដំណាក់កាលបន្ទាប់នៃសង្រ្គាមប្រឆាំងក្រុមហាម៉ាស់ ដោយដាក់គោលដៅនៅផ្លូវរូងក្រោមដីរបស់ក្រុមសកម្មប្រយុទ្ធ និងរចនាសម្ព័ន្ធទីបញ្ជាការនៅភាគខាងជើងតំបន់ហ្កាហ្សា ក្នុងប្រតិបត្តិការដែលអាចចំណាយពេលច្រើនខែដើម្បីបញ្ចប់។ កងកម្លាំងអ៊ីស្រាអែល បានបាញ់ផ្លោងលើតំបន់ហ្កាហ្សាពីលើអាកាស និងបានប្រើប្រាស់កងទ័ពជើងគោក ដើម្បីបែងចែកតំបន់ហ៊ុមព័ទ្ធឆ្នេរជាពីរ នៅក្នុងការវាយលុកមួយដែលបានធ្វើឡើងបន្ទាប់ពីខ្មាន់កាំភ្លើងក្រុមហាម៉ាស់បានសម្លាប់មនុស្ស ១.៤០០នាក់ និងចាប់ចំណាប់ថ្នូរប្រហែល ២៤០ នាក់នៅក្នុងការវាយប្រហារឆ្លងព្រំដែនកាលពីថ្ងៃទី ៧ ខែតុលា។ ក្នុងរយៈពេលប៉ុន្មានថ្ងៃថ្មីៗនេះ កងទ័ពអ៊ីស្រាអែល បានហ៊ុមព័ទ្ធតំបន់ហ្កាហ្សា និងបានប្រយុទ្ធជាមួយក្រុមអ្នកប្រយុទ្ធហាម៉ាស ខណៈពួកគេបានវាយរុញច្រានចូលកាន់តែជ្រៅទៅក្នុងផ្លូវរបស់ក្រុមនេះ។ រដ្ឋមន្ត្រីការពារជាតិអ៊ីស្រាអែល លោក Yoav Gallant បានអនុម័តកាលពីថ្ងៃចន្ទនូវផែនការប្រតិបត្តិការបន្ថែមទៀតសម្រាប់សកម្មភាពយោធានៅក្នុងទីក្រុងតំបន់ហ្កាហ្សា និងនៅភាគខាងជើងតំបន់ហ្កាហ្សា។ ប្រភពព័ត៌មានសន្តិសុខអ៊ីស្រាអែលចំនួន៥បានប្រាប់សារព័ត៌មាន Reuters ថា ការកំណត់ទីតាំង និងការបិទបណ្តាញផ្លូវរូងក្រោមដីដ៏ធំដែលដំណើរការនៅក្រោមតំបន់ភាគខាងជើងតំបន់ហ្កាហ្សានឹងក្លាយជាផ្នែកមូលដ្ឋាននៃដំណាក់កាលបន្ទាប់ក្នុងការវាយលុកដែលនឹងត្រូវការពេលវេលា។ ប្រភពព័ត៌មានចំនួនពីរដោយក្រុមហាម៉ាស់ និងក្រុមសកម្មប្រយុទ្ធអ៊ីស្លាមនិយមជីហាត បាននិយាយថា ដោយរថក្រោះរបស់អ៊ីស្រាអែល កំពុងឆ្ពោះទៅកាន់បេះដូងតំបន់ហ្កាហ្សា ពួកគេបានប្រឈមមុខនឹងការតស៊ូយ៉ាងខ្លាំងពីក្រុមអ្នកប្រយុទ្ធហាម៉ាស់ ដោយប្រើប្រាស់បណ្តាញផ្លូវរូងក្រោមដីដើម្បីធ្វើការវាយឆ្មក់។ អ្នកនាំពាក្យយោធាលោក Daniel Hagari បាននិយាយកាលពីថ្ងៃអង្គារថា កងវិស្វកម្មប្រយុទ្ធរបស់អ៊ីស្រាអែល កំពុងប្រើប្រាស់ឧបករណ៍បំផ្ទុះដើម្បីបំផ្លាញផ្លូវរូងក្រោមដី ហើយប្រតិបត្តិការបានបំផ្លាញរបាំងជាង១០០ ។

ជនភៀសខ្លួនទីក្រុង Darfur រាយការណ៍ពីជម្លោះថ្មីនៃការសម្លាប់ដែលដាក់គោលដៅលើជនជាតិភាគតិច

ប្រជាជនដែលកំពុងភៀសខ្លួន ទៅកាន់ប្រទេសឆាដ បានរាយការណ៍ពីការកើនឡើងថ្មីនៃការសម្លាប់ជនជាតិភាគតិចនៅទីក្រុង Darfur ភាគខាងលិចប្រទេសស៊ូដង់ ខណៈកងកម្លាំងគាំទ្ររហ័សយោធាប៉ារ៉ា(RSF) បានដណ្តើមកាន់កាប់មូលដ្ឋានកងទ័ពដ៏សំខាន់នៅក្នុងរដ្ឋធានី El Geneina ។ អ្នកសារព័ត៌មាន Reuters បានឃើញក្រុមបុរសជាច្រើននាក់កំពុងឆ្លងកាត់ពីទីក្រុង Darfur ចូលទៅប្រទេសឆាដ នៅទីក្រុង Adre មានចម្ងាយប្រហែល ២៧ គីឡូម៉ែត្រ ភាគខាងលិចរដ្ឋធានី El Geneina។ បីនាក់ក្នុងចំណោមអ្នកដែលបានភៀសខ្លួន បាននិយាយថា ពួកគេបានឃើញការសម្លាប់ធ្វើឡើងដោយកងជីវពលអារ៉ាប់ និងកងកម្លាំងគាំទ្ររហ័ស(RSF) ដាក់គោលដៅលើក្រុមជនជាតិភាគតិច Masalit នៅស្រុក Ardamata ជាស្រុកដាច់ស្រយាលមួយពីរដ្ឋធានី El Geneina ជាទីតាំងមូលដ្ឋានកងទ័ព និងជំរំសម្រាប់ជនភៀសខ្លួននៅតែខាងក្នុងប្រទេស។ នៅចន្លោះខែមេសា ដល់ខែមិថុនាឆ្នាំនេះ កងកម្លាំងគាំទ្រហ័ស និងកងជីវពលអារ៉ាប់សម្ព័ន្ធមិត្ត បានធ្វើការវាយប្រហារជាប្រព័ន្ធជាច្រើនសប្តាហ៍ទៅលើក្រុមជនជាតិភាគតិច Masalit ជាក្រុមកុលសម្ព័ន្ធអាហ្វ្រិកភាគច្រើននៅរដ្ឋធានី El Geneina ខណៈសង្រ្គាមបានផ្ទុះឡើងនៅក្នុងប្រទេស រវាងកងកម្លាំងគាំទ្ររហ័ស(RSF) និងកងទ័ពស៊ូដង់។ យោងតាមអង្គការទេសន្តប្រវេសន៍អន្តរជាតិ (IOM)បានឲ្យដឹងថា សង្រ្គាមនៅក្នុងប្រទេសស៊ូដង់ បានបង្កឱ្យមានវិបត្តិមនុស្សធម៌ដ៏ធំ និងបានបណ្តាលឲ្យប្រជាជនជាង៦លាននាក់ជម្លៀសខ្លួនចេញ ។ អង្គការ IOM បាននិយាយថា មនុស្សជាង ៥០០.000 នាក់ បានឆ្លងចូលទៅក្នុងប្រទេសឆាដ ដែលភាគច្រើនមកពីទីក្រុង West Darfur ។ ឆ្មាំព្រំដែនប្រទេសឆាដ បាននិយាយថាចំនួនប្រចាំថ្ងៃនៃអ្នកភៀសខ្លួនពីទីក្រុង West Darfur បានកើនឡើងដល់ ៣.១៤៦នាក់ គិតត្រឹមចុងសប្តាហ៍កន្លងទៅនេះ។ មន្ត្រីអង្គការសហប្រជាជាតិក្នុងប្រទេសឆាដ បាននិយាយថា មនុស្សរាប់ពាន់នាក់ទៀតត្រូវបានគេរំពឹងថានឹងឆ្លងកាត់ ប៉ុន្តែត្រូវបានរារាំងមិនឱ្យធ្វើដូច្នេះដោយកងកម្លាំងគាំទ្ររហ័សយោធាប៉ារ៉ា ដែលទាមទារឲ្យបង់ប្រាក់។

ក្រុមអ្នកសារព័ត៌មានប៉ាឡេស្ទីន ធ្វើការតវ៉ាជុំវិញការស្លាប់មិត្តរួមការងារក្នុងការវាយប្រហាររបស់អ៊ីស្រាអែល

ក្រុមអ្នកសារព័ត៌មាន និងបាតុករប៉ាឡេស្ទីន បានចេញតវ៉ាទៅតាមដងផ្លូវនៃទីក្រុង រ៉ាម៉ាឡាស (Ramallah) ក្នុងតំបន់វេស ប៊ែង កាលពីថ្ងៃអង្គារ (៧ វិច្ឆិកា) ដើម្បីធ្វើបាតុកម្មប្រឆាំងនឹងការសម្លាប់អ្នកសារព័ត៌មាននៅក្នុងការវាយប្រហារតាមអាកាសរបស់អ៊ីស្រាអែល នៅតំបន់ហ្កាហ្សា។ ក្រុមបាតុករបាននាំយកមឈូសទទេជានិមិត្តរូប ជាមួយនឹងរូបភាពអ្នកសារព័ត៌មានដែលត្រូវបានសម្លាប់នៅតំបនហ្កាហ្សា ដើម្បីបង្ហាញនៅក្នុងការតវ៉ា ខណៈប្រជាជនស្រែកពាក្យស្លោក និងគ្រវីទង់ជាតិប៉ាឡេស្ទីន។យោងតាមការិយាល័យប្រព័ន្ធផ្សព្វផ្សាយរបស់រដ្ឋាភិបាលនៅតំបន់ហ្កាហ្សា បានឲ្យដឹងថា អ្នកសារព័ត៌មានប៉ាឡេស្ទីន ចំនួន៤៩នាក់ ត្រូវបានសម្លាប់ចាប់តាំងពីការចាប់ផ្តើមនៃសង្រ្គាមមក។ កាលពីខែមុន យោធាអ៊ីស្រាអែលបាននិយាយថា ខ្លួនមិនអាចធានាសុវត្ថិភាពរបស់អ្នកសារព័ត៌មាន ដែលកំពុងប្រតិបត្តិការនៅតំបន់ហ្កាហ្សា ស្ទ្រីប បានទេ។សង្គ្រាមដ៏បង្ហូរឈាមបានចាប់ផ្តើមកាលពីថ្ងៃទី៧ ខែតុលា នៅពេលដែលខ្មាន់កាំភ្លើងនៃក្រុមសកម្មប្រយុទ្ធហាម៉ាស បានសម្រុកចូលតាមរបងព័ទ្ធជុំវិញតំបន់ហ្កាហ្សា និងបានសម្លាប់ជនជាតិអ៊ីស្រាអែល ចំនួន ១.៤០០នាក់ ដែលភាគច្រើនជាជនស៊ីវិល និងបានចាប់ខ្លួនមនុស្សជាង ២០០នាក់ទៀត នេះបើយោងតាមតួលេខសរុបរបស់អ៊ីស្រាអែល។ ចាប់តាំងពីពេលនោះមក អ៊ីស្រាអែល បានទម្លាក់គ្រាប់បែកដោយឥតឈប់ឈរលើតំបន់ហ្កាហ្សា ដែលគ្រប់គ្រងដោយក្រុមហាម៉ាស ដោយបានសម្លាប់មនុស្សជាង ១០.០០០នាក់ ហើយប្រហែល ៤០ភាគរយនៃអ្នកស្លាប់ទាំងនោះជាកុមារ នេះបើយោងតាមទិន្នន័យសរុបរបស់ក្រុមមន្ត្រីសុខាភិបាលនៅតំបន់ហ្កាហ្សា៕

ក្រុមឧទ្ទាមមីយ៉ាន់ម៉ា ដណ្តើមបានទីរួមខេត្តមួយ ខណៈការវាយលុកប្រឆាំងរបបយោធារីកធំ

រដ្ឋាភិបាលស្រមោល និងប្រព័ន្ធផ្សព្វផ្សាយក្នុងតំបន់ បាននិយាយកាលពីថ្ងៃអង្គារថាកងទ័ពប្រឆាំងដណ្តើមបានទីរួមខេត្តមួយនៅសហភាពមីយ៉ាន់ភាគកណ្តាល ជាទីស្នាក់ការរដ្ឋបាលស្រុក បន្ទាប់ពីការវាយបកមកលើយោធា។ រដ្ឋាភិបាលរួបរួមជាតិដែលមានតែស្រមោល បានសាទរថា ជាជ័យជម្នះដ៏សំខាន់ ទោះបីជាអ្នកវិភាគ បានប្រុងប្រយ័ត្នថាអ្នកប្រយុទ្ធអាចតស៊ូដើម្បីគ្រប់គ្រងក្រុង Kawlin ដែលមានប្រជាជនប្រមាណ២៥.០០០នាក់។ យោធាសហភាពមីយ៉ាន់ម៉ា កំពុងប្រយុទ្ធប្រឆាំងការកើនឡើង អំពើហិង្សា ខណៈកងកម្លាំងបានប្រឆាំង រួមទាំងកងទ័ពជនជាតិភាគតិច ដែលបានបើកការវាយប្រហារថ្មីៗក្នុងរយៈពេលជាង២ឆ្នាំកន្លងទៅនេះ បន្ទាប់ពីឧត្តមសេនីយ៍ជាច្រើនរូប បានបណ្តេញចេញរដ្ឋាភិបាលជាប់ឆ្នោតតាមបែបលទ្ធិប្រជាធិបតេយ្យ ក្នុងរដ្ឋប្រហាកាលពីឆ្នាំ២០២១។ កងទ័ពប្រឆាំង បានវាយប្រហារ យោធានៅក្នុងក្រុង Kawlin កាលពីសប្តាហ៍មុន បានទទួលជ័យជម្នះលើពួកគេកាលពីថ្ងៃចន្ទ និងដណ្តើមយកក្រុងនេះ។នាយករដ្ឋមន្ត្រី រដ្ឋាភិបាលរួបរួមជាតិដែលមានតែស្រមោល (NUG) លោក Mahn Winn Khaing Thann បាននិយាយនៅលើបណ្តាញផ្សព្វផ្សាយសង្គមវេទិកា X ថាក្រុងនេះ ស្ថិតនៅក្រោមការគ្រប់គ្រងរបស់យើងហើយនៅពេលនេះ។ វាជាជ័យជម្នះអស្ចារ្យខ្លាំងណាស់។

អាល្លឺម៉ង់មើលឃើញកំណើនការប្រឆាំងជនជាតិជ្វីហ្វ ចាប់តាំងពីការវាយប្រហារថ្ងៃទី៧ តុលា លើអ៊ីស្រាអែលមក

ប្រធានក្រុមប្រឆាំងការរើសអើងអាល្លឺម៉ង់ បាននិយាយថា ការប្រឆាំងជនជាតិជី្វហ្វ បានកើនឡើងនៅក្នុងប្រទេសអាល្លឺម៉ង់ ចាប់តាំងពីការវាយប្រហាររបស់ក្រុមសកម្មប្រយុទ្ធប៉ាឡេស្ទីនហាម៉ាស លើអ៊ីស្រាអែល កាលពីថ្ងៃទី៧ ខែតុលា ដោយព្រមានថា ជនជាតិអាល្លឺម៉ង់ មានឆន្ទៈជ្រុលនិយមក្នុងការមិនអើពើនឹងឧក្រិដ្ឋកម្មកាលពីអតីតកាលរបស់ពួកគេលើជនជាតិជ្វីហ្វ និងបានរិះគន់អ៊ីស្រាអែល។សង្គមវិទូម្នាក់ឈ្មោះ លោកស្រី Beate Kuepper បាននិយាយថា ៥,៧ភាគរយ នៃចំនួនប្រជាជនអាល្លឺម៉ង់ បានបង្ហាញពីអាកប្បកិរិយាប្រឆាំងនឹងជនជាតិជី្វហ្វ ពោលគឺកើនឡើងបីដងនៃកម្រិតកាលពី ២ឆ្នាំមុន។ លោកស្រីបានបន្ថែមថា ខណៈពលរដ្ឋដែលមានដើមកំណើតនៅក្នុងប្រទេសទួរគី ឬរុស្ស៊ី រហូតមកដល់ពេលនេះ ទំនងជាមានជំនឿប្រឆាំងនឹងជនជាតិជី្វហ្វ មានមនុស្សវ័យក្មេងភាគច្រើនបានស្ថិតនៅក្នុងការកើនឡើងនោះ។ប្រទេសអាល្លឺម៉ង់ បានឃើញរលកនៃការតវ៉ាប្រឆាំងនឹងការទម្លាក់គ្រាប់បែករយៈពេលមួយខែរបស់អ៊ីស្រាអែល ទៅលើតំបន់ហ្កាហ្សា ដែលបានចាប់ផ្តើមបន្ទាប់ពីការវាយឆ្មក់ដោយពួកសកម្មប្រយុទ្ធហាម៉ាស លើភាគខាងត្បូងអ៊ីស្រាអែល កាលពីថ្ងៃទី៧ ខែតុលា ដែលក្នុងនោះជនជាតិអ៊ីស្រាអែលចំនួនជាង ១.៤០០នាក់ត្រូវបានសម្លាប់ និងមនុស្សជាង២៤០នាក់ទៀត ត្រូវបានចាប់ខ្លួន។ការវាយប្រហារចាប់តាំងពីថ្ងៃទី៧ ខែតុលា បណ្ដាលឲ្យមានគំនូររូបផ្កាយពណ៌ខៀវ តំណាងអ៊ីស្រាអែល ជាច្រើនត្រូវបានគូរនៅតាមជញ្ជាំងអគារ និងមានការដុតដបសាំងនៅក្នុងសាលាប្រជុំ ព្រមទាំងផ្នូររបស់ជនជាតិជ្វីហ្វជាច្រើនត្រូវបានគេបំពានផងដែរ៕

នគរបាលនិងអ្នកតវ៉ា ប៉ះទង្គិចគ្នានៅទីស្នាក់ការគណបក្សសង្គមនិយមអេស្ប៉ាញ ជុំវិញច្បាប់លើកលែងទោសតំបន់កាតាឡាន់

មនុស្សរាប់សិបនាក់ បានប៉ះទង្គិចគ្នាជាមួយនគរបាលអេស្ប៉ាញ កាលពីថ្ងៃអង្គារ អំឡុងការតវ៉ាមួយ ប្រឆាំងការចរចាដែលកំពុងបន្ត សម្រាប់ការផ្តល់ការលើកលែងទោសដល់អ្នកពាក់ព័ន្ធក្នុងបំណងទាមទារឯករាជ្យឆ្នាំ២០១៧ ដែលបរាជ័យនៅតំបន់កាតាឡាន់។ មនុស្សរាប់ពាន់នាក់ បានធ្វើបាតុកម្ម សម្រាប់យប់ទី២ក្នុងជម្លោះមួយនៅខាងមុខទីស្នាក់ការកណ្តាលគណបក្សសង្គមនិយមក្នុងទីក្រុងម៉ាទ្រីដដើម្បីបង្ហាញការប្រឆាំងរបស់ពួកគេចំពោះកិច្ចពិភាក្សារវាងគណបក្សសង្គមនិយម និងគណបក្ស Junts របស់លោក ខាលីស ពូអ៊ីកដេម៉ុន (Carles Puigdemont) ។ក្រុមអ្នកតវ៉ាស្តាំនិយម ដែលមួយចំនួនគោរពរបបហ្វាស៊ីសនិយម កំពុងចម្រៀងភ្លៀងជាតិអេស្បាញ Francoist បទ«Facing the Sun» បានគប់សំរាម និងដបទៅលើមន្ត្រីនគរបាល បណ្តាលឲ្យមានការចោទប្រកាន់ពីនគរបាល។ យោងតាមមន្ត្រីជាន់ខ្ពស់នគរបាល ដែលត្រូវបានរាយការណ៍ដោយប្រព័ន្ធផ្សព្វផ្សាយក្នុងតំបន់បានឲ្យដឹងថា មនុស្សប្រមាណ៧.០០០នាក់ បានមកប្រមូលផ្តុំគ្នាដោយសន្តិវិធីនៅមុនពេលក្រុមអ្នកតវ៉ាតូចមួយក្រុម បានព្យាយាមសម្រុកចូលខ្សែបន្ទាត់របស់នគរបាល ដែលបានបង្កើតនៅជាប់ទីស្នាក់ការកណ្តាលគណបក្សសង្គមនិយម។ ច្បាប់លើកលែងទោសដែលត្រូវបានស្នើដោយលោក Sanchez កំពុងព្យាយាមបង្កើតរដ្ឋាភិបាលមួយ បន្ទាប់ពីការបោះឆ្នោតខែកក្កដា ដែលពុំបានបង្កើតឲ្យមានអ្នកឈ្នះដាច់នោះទេ ជាការផ្លាស់ប្តូរមួយសម្រាប់ការគាំទ្រគណបក្សផ្តាច់ខ្លួនតំបន់កាតាឡាន់ចំនួន២គណបក្ស។

បណ្ដាញសង្គម

ព័ត៌មានថ្មីៗ

AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ឃុំអូរបីជាន់

លោក Zelenskiy ៖ រុស្ស៊ីពិចារណាផែនការវាយប្រហារប្រទេសសមាជិកអង្គការណាតូ ចេញពីបេឡារុស

សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត

រដ្ឋបាលខេត្តកែបទទួលស្វាគមន៍ដំណើរទស្សនកិច្ចរបស់ឯកអគ្គរដ្ឋទូតចិនប្រចាំកម្ពុជា

ប្រធានក្រុមការងារចុះមូលដ្ឋានខេត្តកំពង់ធំ សម្ពោធដាក់ឱ្យប្រើប្រាស់អគារទីស្នាក់ការបក្សស្រុកស្ទោង

ពលរដ្ឋមានជីវភាពខ្វះខាតចំនួន ៣០០គ្រួសារ ទទួលបានអំណោយពីយុវជនគណបក្សខេត្តបាត់ដំបង

មន្ត្រីជំនាញចុះពិនិត្យវឌ្ឍនភាពការអនុវត្តគម្រោង និងតម្រង់ទិសជំរុញផលិតកម្មដំណាំស្រូវខេត្តត្បូងឃ្មុំ

កម្ពុជាចូលរួមមហាសន្និបាតសុខភាពពិភពលោក លើកទី៧៩ (WHA79) នៅទីក្រុងហ្សឺណែវ ប្រទេសស្វីស

ព្រឹត្តិការណ៍ដង្ហែគោមឈូកព្រះពុទ្ធសាសនា «Lantern Parade/ Lotus Lantern Festival 2026» កណ្តាលទីក្រុងសេអ៊ូល សាធារណរដ្ឋកូរ៉េ

មេបញ្ជាការទី ២របស់ក្រុម ISIS ត្រូវបានសម្លាប់ ដោយកងកម្លាំងរបស់អាមេរិក និងនីហ្សេរីយ៉ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877