BTV NEWS

សមត្ថកិច្ចខេត្តស្វាយរៀងបន្តចុះបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាឃាត់ខ្លួនជនសង្ស័យជនជាតិចិន វៀតណាម និងខ្មែរចំនួន ៧៣នាក់

ឃាតកម្មសម្លាប់មនុស្ស ២នាក់រួចយកសពទៅកប់ចោលនៅខណ្ឌជ្រោយចង្វារ កម្លាំងសមត្ថកិច្ចរាជធានីបង្ក្រាបជនសង្ស័យបាន ៤នាក់

គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

សន្តិសុខ និង សង្គម

ទូរកុងតឺន័រប្រែទៅជាទីជម្រកសម្រាប់អ្នកគ្មានផ្ទះសម្បែងនៅទីក្រុង Phoenix សហរដ្ឋអាមេរិក ស្របពេលដែលរលកកម្តៅនៅតែបន្ត

អាមេរិក៖ កាលពីថ្ងៃព្រសហ្បតិ៍ម្សិលមិញ ក្រុមមន្រ្តីទីក្រុង Phoenix រដ្ឋ Arizona សហរដ្ឋអាមេរិក បានបង្ហាញផ្ទះថ្មី ដើរដោយថាមពលពន្លឺព្រះអាទិត្យ មានបំពាក់ម៉ាស៊ីនត្រជាក់ ដែលធ្វើពីទូរកុងតឺន័រ ដោយពួកគេសង្ឃឹមថានឹងអាចផ្តល់ដំណោះស្រាយយូរដល់អ្នកដែលគ្មានផ្ទះសម្បែងរស់នៅ ។ ទីក្រុងមួយនេះ បានចាប់ដៃគូជាមួយក្រុមមិនរកប្រាក់ចំណេញ St. Vincent de Paul និងក្រុម Steel + Sparkដើម្បីបង្កើតផ្ទះ The X-Wing ដែលមានទូកុងតឺន័រប្រវែង ១២ម៉ែត្រចំនូន ៤ តំរៀបជាអក្សរ X បង្កើតបានជាបន្ទប់ទំហំ ១,៥ម៉ែត្រ X ២,៥ម៉ែត្រជាច្រើនបន្ទប់ ។ អ្នកស្រុក ២០នាក់ដែលបច្ចុប្បន្នស្នាក់នៅមជ្ឈមណ្ឌលជួយសង្រ្គោះក្រុងវ៉ាស៊ីងតោនរបស់ក្រុម St. Vincent de Paulនឹងផ្លាស់ទៅជ្រកកោនបណ្តោះអាសន្ននៅក្នុងផ្ទះថ្មីនេះ ស្របពេលដែលពួកគេនៅត្រូវការធនធានទាំងអស់ដែលធ្លាប់មាននៅមជ្ឈមណ្ឌល ដូចជាបន្ទប់ទឹក អាហារ និងសេវាកម្មផ្សេងៗទៀត ។ គួរឲ្យដឹងថា សីតុណ្ហភាពនៅទីក្រុង Phoenixបានកើនឡើងដល់ជាង ៤៣,៣អង្សាសេរយៈពេល ២៨ថ្ងៃជាប់ៗគ្នា ដែលជាកំណត់ត្រាថ្មី ។ អ្នកស្រី Jessica Berg គឺជាប្រធានកម្មវិធីនៅក្រុម St. Vincent de Paul បានមើលឃើញពីផលប៉ះពាល់ដំបូងដោយសារកម្តៅលើអ្នកគ្មានផ្ទះសម្បែង ពេលដែលពួកគេធ្វើដំណើរមកដល់ទីជម្រក ដើម្បីស្វែងរកជំនួយ ។ អ្នកស្រីនិយាយថា ជួនកាលចិញ្ចើមផ្លូវមានសីតុណ្ហភាពកើនឡើងដល់ជាង ៨២អង្សាសេ ។ មនុស្សមកជាមួយការរលាកកម្រិតទី ៣ ។ ការនៅខាងក្រៅធ្វើឲ្យប៉ះពាល់អារម្មណ៍ផ្លូវចិត្តខ្លាំងណាស់ ។ សូម្បីតែឱសថក៏មិនអាចព្យាបាលបាននោះដែរ ហើយបញ្ហាសុខភាពផ្លូវចិត្ត នឹងកើនឡើង ។ វាពិតជាពិបាកទ្រាំខ្លាំងណាស់ ៕

លោក Biden ទាមទារឲ្យមានការជូនដំណឹងអំពីគ្រោះថ្នាក់នៃកម្ដៅ និងផ្តល់ថវិកាចំនួន១ពាន់លានដុល្លារសម្រាប់ដាំដើមឈើ

អាមេរិក៖ ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃព្រហស្បតិ៍ (២៧ កក្កដា) ថា លោកបានស្នើឱ្យរដ្ឋមន្ត្រីក្រសួងការងារស្តីទីលោកស្រី Julie Su ចេញការជូនដំណឹងអំពីគ្រោះថ្នាក់កម្ដៅ ដោយបញ្ជាក់ច្បាស់ថា កម្មករត្រូវមានការការពារទាក់ទងនឹងកម្ដៅនៅពេលដែលសីតុណ្ហភាពកើនឡើងទូទាំងប្រទេស។លោក Biden ក៏បាននិយាយនៅឯសេតវិមានផងដែរថា សេវាកម្មព្រៃឈើរបស់សហរដ្ឋអាមេរិកនឹងផ្តល់ជំនួយចំនួន ១ពាន់លានដុល្លារដើម្បីជួយបណ្ដាទីប្រជុំជននិងទីក្រុងនានាដាំដើមឈើ ដើម្បីទប់ទល់នឹងកម្ដៅផងដែរ។រលកកម្ដៅកាន់តែខ្លាំងបានវាយប្រហារភាគខាងកើតសហរដ្ឋអាមេរិកកាលពីថ្ងៃព្រហស្បតិ៍ ដោយជំរុញឱ្យមានការព្រមានអំពីគ្រោះថ្នាក់ដែលបង្កដោយកម្ដៅ និងសំណើម ដែលហក់ឡើងនៅថ្ងៃចុងក្រោយនៃខែកក្កដា ដែលជាខែក្ដៅបំផុតកម្រិតបំបែកកំណត់ត្រាពិភពលោកនេះ។សេវាកម្មអាកាសធាតុជាតិ បាននិយាយថា ប្រជាជនអាមេរិកំពុងស្ថិតនៅក្រោមការឃ្លាំមើល និងការព្រមានដោយសីតុណ្ហភាព និងកម្រិតសន្ទស្សន៍កំដៅលើសពី ១០០អង្សាហ្វារិនហៃ (៣៧,៨អង្សាសេ) នៅក្នុងការព្យាករណ៍រហូតដល់យ៉ាងហោចណាស់ថ្ងៃសៅរ៍។ យោងតាមអង្គការសហប្រជាជាតិបានឲ្យដឹងថា ខែកក្កដា ឆ្នាំ២០២៣នេះ ត្រូវបានកំណត់ជាខែដែលមានសីតុណ្ហភាពក្ដៅបំផុតក្នុងពិភពលោក៕

កោះមួយនៅប្រទេសក្រូអាតបាត់បង់ព្រៃឈើទំហំ៤០០ហិចតា ដោយសារចំហេះព្រៃ

ក្រូអាត៖ មេបញ្ជាការក្រុមពន្លត់អគ្គិភ័យរបស់ប្រទេសក្រូអាតលោក Slavko Tucakovic បាននិយាយថា ផ្ទៃដីព្រៃឈើទំហំ៤០០ហិចតាត្រូវបានបំផ្លាញនៅក្នុងចំហេះព្រៃដែលបានឆាបឆេះនៅលើកោះ Ciovo ប្រទេសក្រូអាតកាលពីថ្ងៃព្រហស្បតិ៍ (២៧ កក្កដា)។លោក Tucakovic បានប្រាប់សារព័ត៌មាន រ៉យទ័រ ថា ភ្លើងបានឆេះរាលដាលយ៉ាងឆាប់រហ័ស ដោយសារតែខ្យល់បក់ខ្លាំង ប៉ុន្តែចំហេះនោះអាចគ្រប់គ្រងបាន ហើយវាមិនមានការខូចខាតដល់អគារលំនៅឋាននោះទេ។ លោកបន្ថែមទៀតថា អ្នកពន្លត់អគ្គិភ័យជាង ១០០នាក់ត្រូវបានដាក់ពង្រាយដើម្បីទប់ស្កាត់អគ្គិភ័យនៅលើកោះតូចមួយនៅជិតទីក្រុង Split នេះ ដែលជាគោលដៅទេសចរណ៍ដ៏ពេញនិយមនៅលើឆ្នេរសមុទ្រ Adriatic។កាលពីថ្ងៃអង្គារ (២៥ កក្កដា) ចំហេះបានកើតមានឡើងក្នុងចម្ងាយ ១២គីឡូម៉ែត្រពីទីក្រុង Dubrovnik ដែលជាគោលដៅទេសចរណ៍ដ៏សំខាន់របស់ប្រទេសក្រូអាត ខណៈដែលខ្យល់បក់ខ្លាំងបានរារាំងការបញ្ចូនយន្តហោះសង្រ្គោះ។ ចំហេះនោះបានស្ថិតនៅក្រោមការគ្រប់គ្រង គិតត្រឹមថ្ងៃពុធ (២៦ កក្កដា)៕

កាសែត Politico៖អាមេរិកនឹងចាប់ផ្តើមបញ្ជូនរថក្រោះ Abrams ទៅអ៊ុយក្រែនក្នុងខែកញ្ញា

អាមេរិក៖ កាសែត Politico បានរាយការណ៍ថា រដ្ឋបាលអាមេរិក នឹងចាប់ផ្តើមបញ្ជូនរថក្រោះ Abrams ផលិតដោយសហរដ្ឋអាមេរិកទៅកាន់ប្រទេសអ៊ុយក្រែន ក្នុងខែកញ្ញាខាងមុខ។យោងតាមប្រភពរបស់កាសែតនេះ រថក្រោះជាច្រើនគ្រឿង នឹងត្រូវបញ្ជូនទៅប្រទេសអាល្លឺម៉ង់ ដើម្បីធ្វើទំនើបកម្ម ក្នុងខែសីហា។សារព័ត៌មាន Politico បានដកស្រង់ប្រភពអនាមិកថា៖«ផែនការ គឺត្រូវបញ្ជូនរថក្រោះ Abrams មួយចំនួនទៅកាន់ប្រទេសអាល្លឺម៉ង់ក្នុងខែសីហា ជទីដែលរថក្រោះទាំងនោះ នឹងត្រូវរៀបចំនិងតុបតែចុងក្រោយ។ នៅពេលដែលដំណើរការនេះ ត្រូវបានបញ្ចប់ រថក្រោះ Abrams ដំបូង នឹងត្រូវបញ្ជូនទៅអ៊ុយក្រែន នៅខែកញ្ញា។ .សារព័ត៌មាននេះ បាននិយាយថា សហរដ្ឋអាមេរិក កំពុងបញ្ជូនរថក្រោះម៉ូដែល M1A1 ចាស់ៗជំនួសឲ្យរថក្រោះម៉ូដែល A2 ទំនើបជាង ដែលនឹងចំណាយពេលមួយឆ្នាំ ដើម្បីទៅដល់អ៊ុយក្រែន។មន្ត្រីឧស្សាហកម្មម្នាក់ដែលមិនបញ្ចេញឈ្មោះ ត្រូវបានដកស្រង់សម្តីថា៖«ក្រុមដំបូង នឹងមានរថក្រោះពី ៦ ទៅ ៨គ្រឿង»។

ព្យុះទីហ្វុង Doksuri បំផ្លិចបំផ្លាញបង្គោលភ្លើង និងបិទរោងចក្រ ពេលវាបោកបក់ដល់ប្រទេសចិន

ចិន៖ នៅថ្ងៃសុក្រនេះ ព្យុះទីហ្វុង Doksuriបានបោកបក់ដល់ខេត្តភាគអាគ្នេយ៍ Fujian (ហ្វ៊ូជាន់)របស់ចិន ដោយនាំមកជាមួយភ្លៀងធ្លាក់ និងសន្ទុះខ្យល់បក់ខ្លាំង ធ្វើឲ្យបាក់បង្គោលភ្លើងកើតជាអគ្គិភ័យ បក់រំលើងដើមឈើ និងបង្ខំឲ្យរោងចក្រ និងផ្សារទំនើបបិទទ្វារ ។ សារព័ត៌មានរដ្ឋ រាយការណ៍ថា ព្យុះទីហ្វុងខ្លាំងបំផុតលំដាប់ទី ២បោកបក់ដល់ដីគោកនៅខេត្តហ្វ៊ូជាន់ បន្ទាប់ពីព្យុះទីហ្វុងដ៏សាហាវ Merantiកាលពីឆ្នាំ ២០១៦នោះ បានបង្ខំឲ្យបិទសាលារៀន វិស័យធុរកិច្ច និងការជម្លៀសកម្មករចេញពីតំបន់ផលិតប្រេង និងឧស្ម័នក្នុងឈូងសមុទ្រ ។ យោងតាមសេចក្តីរាយការណ៍ពីរដ្ឋបាលឧតុនិយមចិន(CMA)បានឲ្យដឹងថា ទីក្រុង Xiamen(សៀម៉ិន), Quanzhou(ឈ័នចូវ) និងទីក្រុង Putian(ភូធាន) រកឃើញទឹកភ្លៀងធ្លាក់កម្ពស់ ៥០មីលីម៉ែត្រជារៀងរាល់ម៉ោង ។ លោក Zhuang (ជ័ង)គឺជាពលរដ្ឋមួយរូបរស់នៅក្នុងទីក្រុង Xiamenនិយាយប្រាប់ទីភ្នាក់ងារព័ត៌មានរ៉យទ័រថា មនុស្សពេញមួយទីក្រុង Xiamenពុំបានទៅធ្វើការនោះទេនៅព្រឹកថ្ងៃសុក្រនេះ ។ លោកបន្តថា គ្មានរថយន្តធ្វើចរាចរណ៍នៅលើដងផ្លូវ ហើយរោងចក្រ និងផ្សារទំនើប បានបិទទ្វារ ។ មនុស្សខ្លាចរអារខ្លាំង ក្រោយព្យុះទីហ្វុងលើកមុន Meranti ។ វីដេអូនៅលើបណ្តាញព័ត៌មានសង្គម ឃើញខ្សែចរន្តអគ្គិសនី ចេញផ្កាភ្លើង ហើយនិងផ្ទុះជាអណ្តាតភ្លើង ពេលខ្យល់បោកបក់លើទីក្រុង Jinjiang(ជីនជាំង)ដែលមានពលរដ្ឋរស់នៅ ២លាននាក់ ស្របពែលដែលដើមឈើទ្រង់ទ្រាយធំនៅទីក្រុង Quanzhou ត្រូវបានរំលើងគល់ ។ ក្រុមអ្នកស្រុក និយាយប្រាប់ទីភ្នាក់ងារព័ត៌មានរ៉យទ័រថា មាននូវការកាត់ផ្តាច់ចរន្តអគ្គិសនី និងទឹកផងដែរនៅតាមតំបន់មួយចំនួនក្នុងទីក្រុង Jinjiang និងទីក្រុង Quanzhou ស្ថិតក្នុងខេត្តហ្វ៊ូជាន់ ។ ក្រុមព្យាករណ៍ឧតុនិយម បានព្យាករណ៍ថា ព្យុះ Doksuri ដែលជាព្យុះទីហ្វុងទី ២បោកបក់ដីគោកនៅប្រទេសចិន ក្នុងរយៈពេលតិចជាង ២សប្តាហ៍ នឹងធ្វើដំណើរឆ្ពោះទៅភាគខាងជើង ជាកន្លែងដែលខេត្តចំនួន ១០នឹងមានភ្លៀងធ្លាក់ខ្លាំង ៕

លោកហ្សេឡិនស្គី៖ អ៊ុយក្រែនដណ្តើមបានភូមិ Staromaiorske នៅភាគអាគ្នេយ៍មកកាន់កាប់វិញ

អ៊ុយក្រែន៖ ទាហានអ៊ុយក្រែន បានដណ្តើមយកភូមិ Staromaiorske( ស្តារ៉ូម៉ាអ៊ីវអ៊ូស្កេ) ភាគអាគ្នេយ៍ពីកងកម្លាំងរុស្ស៊ីក្នុងតំបន់ដូណិតស្ក៍ (Donetsk)មកកាន់កាប់វិញ តាមរយៈវីដេអូដែលបានចុះផ្សាយដោយលោកប្រធានាធិបតី វ៉ូឡូមៀ ហ្សេឡិនស្គី (Volodymyr Zelenskiy) បានបង្ហាញកាលពីថ្ងៃព្រហស្បតិ៍។កងពលតូចទី៣៥ និងអង្គភាពការពារទឹកដី «Ariy» បានបំពេញភារកិច្ចរបស់ពួកគេ ហើយបានរំដោះភូមិ Staromaiorske។ ទាហានម្នាក់នៅក្នុងវីដេអូដែលសារព័ត៌មានReuters មិនអាចកំណត់ទីតាំងភូមិសាស្ត្រ បានភ្លាមៗនោះ បាននិយាយថា នេះគឺជាជ័យជម្នះចំពោះអ៊ុយក្រែន!ភូមិនេះស្ថិតនៅភាគខាងត្បូងនៃបណ្តុំទីតាំងទីលំនៅតូចៗ ដែលអ៊ុយក្រែនដណ្តើម បានមកវិញក្នុងអំឡុងពេលការវាយលុក ដែលខ្លួនបានចាប់ផ្តើម នៅដើមខែមិថុនាប្រឆាំងនឹងកងកម្លាំងរុស្ស៊ី ដែលកាន់កាប់ផ្នែកខ្លះនៃភាគខាងត្បូងនិងភាគខាងកើតអ៊ុយក្រែន។អនុរដ្ឋមន្ត្រីក្រសួងការពារជាតិអ៊ុយក្រែន លោក ហានណា ម៉ាលៀ (Hanna Maliar)ដែលបានប្រកាសថា ភូមិStaromaiorske ត្រូវបានរំដោះហើយនោះ បានថ្លែងថា អ្នកការពាររបស់យើងឥឡូវនេះ កំពុងបន្តបោសសម្អាតកន្លែងតាំងទីលំនៅនោះ៕

សមត្ថកិច្ចអំពាវនាវដល់អ្នកដំណើរលើផ្ទៃសមុទ្រ ស្ដាប់តាមការណែនាំពីធាតុអាកាសប្រែប្រួល

ព្រះសីហនុ៖ នៅកំពង់ផែទេសចរណ៍ក្រុងព្រះសីហនុ ថ្ងៃទី២៨ ខែកក្កដា ឆ្នាំ២០២៣ ដើម្បីសុវត្ថិភាព សមត្ថកិច្ច បន្ដអំពាវនាវដល់អ្នកប្រកបអាជីវកម្ម ឬអ្នកដំណើរលើផ្ទៃសមុទ្រ ចូលរួមសហការស្ដាប់ និងអនុវត្ដតាមការណែនាំពីធាតុអាកាស ជៀសវាងគ្រោះថ្នាក់កើតឡើងជាយថាហេតុ។តំបន់មាត់សមុទ្រ អាចមានភ្លៀងធ្លាក់ក្នុងកម្រិតពីបង្គួរទៅច្រើន លាយឡំដោយផ្គរ រន្ទះ និងខ្យល់កន្ត្រាក់ នៅលើផ្ទៃសមុទ្រ នឹងមានខ្យល់បក់បោកខ្លាំង ព្រមទាំងរលកសមុទ្រមានកម្ពស់ខ្ពស់!។ នេះគឺជា សេចក្តីជូនដំណឹងឱ្យមានការប្រុងប្រយ័ត្នពីស្ថានភាពធាតុអាកាស (ចាប់ពីថ្ងៃទី២៦ ខែកក្កដា ដល់ថ្ងៃទី១ ខែសីហា ឆ្នាំ២០២៣) របស់ក្រសួងធនធានទឹក និងឧតុនិយម ចុះថ្ងៃទី២៥ ខែកក្កដា ឆ្នាំ២០២៣។ តែថ្ងៃនេះមេឃស្រឡះ អាកាសធ្លាក់ខ្យល់ ប៉ុន្ដែមិនសូវប៉ះពាល់ដល់ចរាចរណ៍លើផ្ទៃសមុទ្រទេ ទោះបីធាតុអាកាសថ្ងៃនេះល្អប្រសើរក្ដី ក៏សមត្ថកិច្ច នៅតែបន្ដប្រុងប្រយ័ត្នខ្ពស់ (ត្រួតពិនិត្យលក្ខណៈបច្ចេកទេស ពាក់អាវពោងសុវត្ថភាព) និងអំពាវនាវឱ្យមានការចូលរួមសហការស្ដាប់ និងអនុវត្តតាមការណែនាំ (ការផ្អាកចរាចរបណ្ដោះអាសន្នលើផ្ទៃសមុទ្រ) ពីធាតុអាកាសអាប់អួរ ពិសេសប្រជានេសាទ ដើម្បីសុវត្ថិភាពប្រជាពលរដ្ឋ និងភ្ញៀវទេសចរ។ទាក់ទិនទៅនឹងការប្រែប្រួលធាតុអាកាសនេះ បានរំខាននិងធ្វើឱ្យប៉ះពាល់ដល់រស់នៅ និងការធ្វើដំណើររបស់សាធារណជនផងដែរ ពិសេសការធ្វើដំណើរលើផ្ទៃសមុទ្រ តែទោះជាយ៉ាងណាក្ដីក៏មានពេលខ្លះធាតុអាកាសប្រសើរបន្ដិចនៅការចរាចរជលយានដឹកជញ្ជួនភ្ញៀវទៅមកតាមបណ្ដាកោះ គឺនៅដំណើរបាន ដោយមានការប្រុងប្រយ័ត្នជានិច្ចនិងសហការជាមួយសមត្ថកិច្ចជាប្រចាំ (ពាក់អាវពោងសុវត្ថិភាព និងពិនិត្យតាមដានតាមគោលដៅ ដីគោក កណ្ដាល និងដីកោះ)។ ការធ្វើដំណើរតាមផ្លូវទឹកនៅដំណើរការធម្មតា មិនផ្អាកទេ តែក៏មិនសូវមានភ្ញៀវដែរ ដោយសារភ្ញៀវបានដឹងពីសេចក្តីជូនដំណឹងស្ដីពី ស្ថានភាពធាតុអាកាសរបស់ក្រសួងធនធានទឹក និងឧតុនិយម។ នេះជាការបញ្ជាក់ប្រាប់ពី លោក ម៉ុត ភារី ជំនួយការសមាគមភ្នាក់ងារដឹកជញ្ជួនទេសចរណ៍ជលយាន ខេត្ដព្រះសីហនុ។ព្រះរាជាណាចក្រកម្ពុជា ទទួលឥទ្ធិពលពីប្រព័ន្ធសម្ពាធទាបអូសបន្លាយលើអាងទន្លេមេគង្គភាគខាងលើ កាត់ប្រទេសថៃ ឡាវ និងភាគកណ្តាលវៀតណាម ជាមួយនិងខ្យល់មូសុងនិរតីក្នុងកម្រិតមធ្យម។ ឯនៅក្នុងមហាសមុទ្រប៉ាស៊ីហ្វិក ភាគខាងកើតប្រទេសហ្វីលីពីន ព្យុះទី៥ ឈ្មោះ ដុកស៊ូរី បានបង្កើនកម្លាំងទៅជា (TY DOKSURI) កំពុងធ្វើដំណើរឆ្ពោះទៅប្រទេសចិនក្នុងចន្លោះប្រទេសហ្វីលីពីន និងកោះតៃវ៉ាន់។ នេះជាការបញ្ជាក់ឱ្យដឹងពីក្រសួងធនធានទឹក និងឧតុនិយម៕

កម្ដៅក្ដៅខ្លាំង បានសម្លាប់មនុស្សជាង ២០០នាក់ នៅប្រទេសម៉ិកស៊ិក គិតចាប់តាំងពីខែមីនា

ម៉ិកស៊ិក៖ ក្រសួងសុខាភិបាលរបស់ប្រទេសម៉ិកស៊ិក បានរាយការណ៍ថា ចំនួនអ្នកស្លាប់ នៅទូទាំងប្រទេស ដោយសារកម្ដៅក្ដៅខ្លាំង បានកើនឡើងដល់ ២៤៩នាក់ ក្នុងរយៈពេល ៤ខែកន្លងមកនេះ។អ្នកស្លាប់មួយរយនាក់ ត្រូវបានចុះបញ្ជីនៅរដ្ឋ Nuevo León ២៨នាក់ នៅរដ្ឋ Tamaulipas ២៦នាក់ នៅរដ្ឋ Veracruz និង ២៦នាក់ នៅរដ្ឋ Sonora ចន្លោះពីថ្ងៃទី១៩ ខែមីនា ដល់ថ្ងៃទី២២ ខែកក្កដា។ ចំណែកចំនួនស្លាប់ដែលនៅសល់ ត្រូវបានចុះបញ្ជីនៅក្នុងរដ្ឋចំនួន១២ ផ្សេងទៀត។ ប្រទេសនេះបាន និងកំពុងស៊ូទ្រាំជាមួយការឡើងកម្ដៅខ្ពស់ រួមជាមួយរដ្ឋភាគខាងត្បូងរបស់សហរដ្ឋអាមេរិក ដែលការឡើងកម្ដៅនេះ នាំមកដោយ «លំហកំដៅ» ដែលជាព្រឹត្តិការណ៍អាកាសធាតុបង្កើតឡើងដោយជ្រលងសម្ពាធខ្ពស់ដែលជាប់នឹងខ្យល់នៅខាង ក្នុងខណៈដែលសីតុណ្ហភាពឡើងក្តៅខ្លាំង។ កាលពីចុងខែមុន រដ្ឋរបស់ប្រទេសម៉ិកស៊ិកមួយចំនួន បានឡើងកំដៅប្រចាំខែ ឬសូម្បីតែឡើងខ្ពស់គ្រប់ពេលរហូតដល់ ៤៥អង្សាសេ នៅកន្លែងខ្លះ។យោងតាមទិន្នន័យរបស់រដ្ឋាភិបាល បានឲ្យដឹងថា ៩២,៤ភាគរយនៃការស្លាប់នេះ គឺដោយសារតែអាការៈសន្លប់ដោយសារកម្ដៅ ឬសុរិយរោគ ហើយក្រៅពីនោះ គឺដោយសារតែការខ្វះជាតិទឹក។ដើម្បីទប់ទល់នឹងសីតុណ្ហភាពឡើងក្ដៅខ្ពស់នេះ រដ្ឋាភិបាលណែនាំឲ្យបរិភោគទឹកដប ទឹកដាំពុះ ឬទឹកសម្លាប់មេរោគហើយយ៉ាងហោចណាស់ ២លីត្រ ឲ្យបានញឹកញាប់ និងជៀសវាងការប៉ះពាល់នឹងកម្ដៅព្រះអាទិត្យរយៈពេលយូរ ជាពិសេសចន្លោះម៉ោង ១១ ពេលព្រឹក ដល់ម៉ោង ៣ ពេលរសៀល។ ប្រជាពលរដ្ឋទាំងអស់ ក៏ត្រូវបានណែនាំឲ្យស្លៀកសម្លៀកបំពាក់រលុងល្មម ប្រើឡេការពារកម្តៅថ្ងៃ និងពាក់មួក៕

លោកស្រីអ៊ុងសាន ស៊ូជី ត្រូវបាននាំចេញពីពន្ធនាគារទៅកាន់អគារដ្ឋាភិបាលសហភាពមីយ៉ាន់ម៉ា

មីយ៉ាន់ម៉ា៖ មន្រ្តីមួយរូបមកពីគណបក្សរបស់លោកស្រី បាននិយាយនៅថ្ងៃសុក្រនេះថា មេដឹកនាំស៊ីវិលសហភាពមីយ៉ាន់ម៉ា លោកស្រី អ៊ុងសាន ស៊ូជី ដែលត្រូវបានគេទម្លាក់ចេញពីអំណាច អំឡុងរដ្ឋប្រហារយោធាកាលពីឆ្នាំ ២០២១ ត្រូវបានគេនាំចេញពីពន្ធនាគារទៅកាន់អគាររដ្ឋាភិបាល ។ លោកស្រី អ៊ុងសាន ស៊ូជី ទើបតែគេមើលឃើញម្តងគត់នៅក្នុងរូបថតសារព័ត៌មានរដ្ឋ ពីបន្ទប់សវនាការគ្មានមនុស្សក្នុងរដ្ឋធានីណៃពិដោ ចាប់តាំងពីលោកស្រីត្រូវបានគេឃុំឃាំង ក្រោយរដ្ឋប្រហារថ្ងៃទី ១ ខែកុម្ភៈ ។ យោងតាមការអះអាងរបស់អង្គការសហប្រជាជាតិ(UN) បានឲ្យដឹងថា រដ្ឋប្រហារយោធា បានរុញច្រានប្រទេសនៅអាស៊ីអាគ្នេយ៍មួយនេះ ធ្លាក់ក្នុងជម្លោះដែលនាំឲ្យមនុស្សជាង ១លាននាក់ រត់ភៀសខ្លួន ។ មន្រ្តីមួយរូបដែលសុំមិនបញ្ចេញឈ្មោះ មកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ និយាយប្រាប់ទីភ្នាក់ងារព័ត៌មាន AFPនៅថ្ងៃសុក្រនេះថា លោកស្រី អ៊ុងសាន ស៊ូជី ត្រូវបានគេនាំចេញទៅកាន់បរិវេនអគារខ្ពស់មួយកន្លែងកាលពីយប់ថ្ងៃចន្ទ ។ មន្រ្តីគណបក្សរូបនោះ បានបញ្ជាក់ផងដែរថា លោកស្រី អ៊ុងសាន ស៊ូជី បានជួបជាមួយប្រធានសភាមីយ៉ាន់ម៉ា លោក Ti Khun Myat ហើយទំនងជាបានជួបលោក Deng Xijuan(តេង ស៊ីជាន់) ដែលជាប្រេសិតពិសេសចិនទទួលបន្ទុកកិច្ចការអាស៊ី ដែលកំពុងបំពេញទស្សនកិច្ចនៅក្នុងប្រទេសមួយនេះ ។ ដោយឡែក ប្រភពព័ត៌មានពីគណបក្សមួយផ្សេងទៀត បានឲ្យដឹងថា លោកស្រី អ៊ុងសាន ស៊ូជី ត្រូវបានគេនាំទៅកាន់អគារសម្រាប់ភ្ញៀវពិសេស VIPស្ថិតក្នុងទីក្រុងណៃពិដោ ។ គួរឲ្យដឹងថា កាលពីខែកក្កដា កន្លងទៅ រដ្ឋមន្រ្តីការបរទេសថៃ បាននិយាយថា លោកបានជួបជាមួយលោកស្រី អ៊ុងសាន ស៊ូជី គឺជាជំនួបលើកដំបូងដែលគេបានដឹងជាមួយប្រេសិតពិសេសបរទេស ចាប់តាំងពីលោកស្រី ត្រូវបានឃុំឃាំង ។ អ្នកនាំពាក្យរបបយោធាមីយ៉ាន់ម៉ា និយាយប្រាប់ AFPថា ជំនួបនោះ មានរយៈពេលជាង ១ម៉ោង ប៉ុន្តែពួកគេពុំបានផ្តល់រឿងរ៉ាវលម្អិតជុំវិញជំនួបនោះឡើយ ។ មាននូវក្តីកង្វល់ផងដែរពីសុខភាពរបស់ម្ចាស់ជ័យលាភីណូបែលសន្តិភាពវ័យ ៧៨ឆ្នាំម្នាក់នេះ ចាប់តាំងពីការឃុំឃាំងរបស់លោកស្រី រួមទាំងអំឡុងពេលការកាត់ទោសរបស់លោកស្រីនៅតុលាការយោធា ដែលត្រូវការឲ្យលោកស្រី ឡើងសវនាការស្ទើតែរាល់ថ្ងៃនោះ ។ សូមបញ្ជាក់ថា លោកស្រី អ៊ុងសាន ស៊ូជី ត្រូវបានតុលាការយោធាមីយ៉ាន់ម៉ា កាត់ទោសឲ្យជាប់ពន្ធនាគារយៈពេល ៣៣ឆ្នាំ លើករណីចោទប្រកាន់ជាច្រើន រួមទាំងករណីអំពើពុករលួយ ការគ្រប់គ្រងវិទ្យុទាក់ទងខុសច្បាប់ ហើយនិងការបំពានលើវិធានការរឹតត្បិតជំងឺ COVID-19 ៕

ជប៉ុនកាន់តែបារម្ភពីកម្លាំងយោធាចិន និងការគំរាមកំហែងខ្លាំងជាងមុនរបស់កូរ៉េខាងជើង

ជប៉ុន៖ នៅក្នុងឯកសារការពារជាតិប្រចាំឆ្នាំរបស់ខ្លួន ដែលចេញផ្សាយ នៅថ្ងៃសុក្រ (ទី២៨ ខែកក្កដា) នេះ ប្រទេសជប៉ុន បានលើកឡើងពីការបារម្ភរបស់ខ្លួន ជុំវិញឥទ្ធិពលរបស់ប្រទេសចិន នៅក្នុងតំបន់ ក៏ដូចជាទំនាក់ទំនងយោធា ដែលកំពុងកើនឡើងជាមួយប្រទេសរុស្ស៊ី និងការអះអាងសិទ្ធិលើកោះតៃវ៉ាន់របស់ប្រទេសនេះ។ក្នុងសៀវភៅសប្រចាំឆ្នាំរបស់ខ្លួន ពោលគឺជារបាយការណ៍សង្ខេបពីការគំរាមកំហែងផ្នែកយោធាយ៉ាងខ្លាំងក្លាបំផុត និងផែនការដើម្បីធានាស្ថិរភាព ក្រសួងការពារជាតិរបស់ប្រទេសជប៉ុន បានលើកយកករណីមួយមក ដើម្បីជាអំណះអំណាងដល់ការដំឡើងការចំណាយលើវិស័យការពារជាតិដ៏សំខាន់ នៅពេលដែលពិភពលោកចូលទៅក្នុង «យុគសម័យថ្មីនៃវិបត្តិ»។ខណៈកម្លាំងយោធារបស់ចិន ដែលកំពុងតែកើនឡើង និងការលុកលុយរបស់រុស្ស៊ីលើអ៊ុយក្រែន គឺជាការផ្តោតដ៏សំខាន់របស់សៀវភៅសនោះ ប្រទេសកូរ៉េខាងជើង ក៏ត្រូវបានចាត់ទុកថា ជាកង្វល់ដ៏ធំមួយ សម្រាប់ប្រទេសជប៉ុនផងដែរ។ ឯកសារសដែលត្រូវបានអនុម័តដោយខុទ្ទកាល័យរបស់នាយករដ្ឋមន្រ្តី លោក Fumio Kishida នៅព្រឹកថ្ងៃសុក្រនេះ កើតមានឡើង នៅពេលដែលកូរ៉េខាងជើងបង្កើនការសាកល្បងបាញ់មីស៊ីលជាញឹកញាប់។យោងតាមរបាយការណ៍កម្រាស់ ៥១០ទំព័រ បានឲ្យដឹងថា ប្រទេសចិន រុស្សី និងកូរ៉េខាងជើង រួមចំណែកដល់ «បរិយាកាសសន្តិសុខធ្ងន់ធ្ងរ និងស្មុគស្មាញបំផុត គិតចាប់តាំងពីការបញ្ចប់សង្គ្រាមលោកលើកទី២។ ឯកសារបានបញ្ជាក់ថា ជំហរនៅខាងក្រៅ និងសកម្មភាពយោធារបស់ចិន បានក្លាយជាកង្វល់យ៉ាងធំធេង សម្រាប់ប្រទេសជប៉ុន និងសហគមន៍អន្តរជាតិ ហើយបានបង្ហាញពី«ការប្រឈមជាយុទ្ធសាស្ត្រមិនធ្លាប់មានពីមុនមក និងធំបំផុត»៕

បណ្ដាញសង្គម

ព័ត៌មានថ្មីៗ

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាកាសធាតុអាក្រក់បែងចែកអ៊ីតាលីដោយព្យុះកួចកើតមាននៅទីក្រុងរ៉ូមហើយអាកាសធាតុក្តៅវាយប្រហារកោះ Sicily

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877