BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

ការព្រួយបារម្ភពីសារធាតុវិទ្យុសកម្មរបស់រោងចក្រនុយក្លេអ៊ែរ Fukushima ជំរុញឲ្យមានការធ្វើតេស្តនៅផ្សារលក់ត្រីក្នុងទីក្រុងសេអ៊ូល

កូរ៉េខាងត្បូង៖ ស្របពេលដែលជប៉ុន គ្រោងនឹងបញ្ចេញទឹកបន្សាបវិទ្យុសកម្មចេញពីរោងចក្រនុយក្លេអ៊ែររងការបំផ្លិចបំផ្លាញ Fukushima ប្រធានផ្សារលក់ចំណីអាហារមួយកន្លែងនៅក្នុងទីក្រុងសេអ៊ូល ប្រទេសកូរ៉េខាងត្បូង និយាយថា អតិថិជនរបស់លោកមានការព្រួយបារម្ភខ្លាំងចំពោះការបញ្ចេញទឹកវិទ្យុសកម្មដែលត្រូវបានបន្សាបមួយនេះ ។ លោក Park Gil-Sungដែលជាអាជីវករមួយរូបនៅក្នុងផ្សារលក់ត្រីនៅទីក្រុងសេអ៊ូល និយាយថា មុនពេលលោកលក់ខ្យងសមុទ្រដល់អតិថិជន លោកនឹងធ្វើតេស្តរកសារធាតុវិទ្យុសកម្ម ។ លោកនិយាយថា ពួកគេបានធ្វើតេស្តផលិតផលរបស់ពួកគេ ៣ដងក្នុង ១សប្តាហ៍ ចាប់តាំងពីឆ្នាំ ២០១៤រហូតមក ប៉ុន្តែបច្ចុប្បន្នពួកគេនឹងបង្កើនការធ្វើតេស្តរហូតដល់ ៥ដង ក្នុង១សប្តាហ៍ ។ ម្ចាស់តូបមួយចំនួននិយាយថា តាមធម្មតាការលក់នៅក្នុងរដូវក្តៅពុំសូវដាច់នោះទេ ប៉ុន្តែបច្ចុប្បន្នអតិថិជន កាន់តែព្រួយបារម្ភជាងមុន ធ្វើឲ្យពួកយើងកាន់តែពិបាកលក់ ។ ទឹកជាង១លានតោន ដែលត្រូវបានប្រើប្រាស់ដើម្បីធ្វើឲ្យត្រជាក់ម៉ាស៊ីនរ៉េអាក់ទ័រនុយក្លេអ៊ែរជប៉ុន បន្ទាប់ពីរលកយក្សស៊ូណាមិ ខែមីនា ឆ្នាំ ២០១១ នឹងត្រូវបញ្ចេញ ។ ផែនការមួយនេះ ត្រូវបានឯកភាពដោយទីភ្នាក់ងារថាមពលអាតូមិកអន្តរជាតិ(IAEA)ក្នុងសប្តាហ៍នេះ បើទោះបីជាមានជម្លោះនយោបាយ និងការជំទាស់ពីប្រទេសដទៃទៀតក៏ដោយ ។ រដ្ឋាភិបាលជប៉ុន បាននិយាយការពារថា ដំណើរការបញ្ចេញទឹក គឺមានសុវត្ថិភាព ដោយសារតែពួកគេបានបន្សាបទឹកដែលមានសារធាតុវិទ្យុសកម្មរួចរាល់ទៅហើយ ៕

ការស្លាប់របស់តារាប៉ុប Coco Lee បង្កឲ្យមានការពិភាក្សាអំពីសុខភាពផ្លូវចិត្ត នៅប្រទេសចិន

ចិន៖ ការស្លាប់របស់តារាចម្រៀងស្រីដ៏មានប្រជាប្រិយភាព Coco Lee បានធ្វើឲ្យពិភពលោកដែលនិយាយភាសាចិនមានការតក់ស្លុត ហើយបានជំរុញឲ្យមានការពិភាក្សាអំពីបញ្ហាសុខភាពផ្លូវចិត្ត នៅលើបណ្ដាញសង្គមរបស់ប្រទេសចិន។យោងតាមការបង្ហោះសារនៅលើបណ្ដាញសង្គម Facebook ពីបងប្អូនស្រីរបស់តារាចម្រៀងរូបនេះ លោកស្រី Carol និង Nancy បានឲ្យដឹងថា លោកស្រី Lee បានលាចាកលោកនេះហើយ បន្ទាប់ពីស្ថិតក្នុងស្ថានភាពសន្លប់បាត់ស្មារតី ចាប់តាំងពីព្យាយាមបញ្ចប់ជីវិតខ្លួនឯង កាលពីចុងសប្តាហ៍កន្លងមកហើយជាមួយគ្នានេះ អ្នកទាំង២ ក៏បានលាតត្រដាងផងដែរថា តារាចម្រៀងស្រីវ័យ ៤៨ឆ្នាំ បានធ្លាក់ខ្លួនឈឺ ក្នុងរយៈពេលប៉ុន្មានឆ្នាំចុងក្រោយនេះ។ក្រោយមរណភាពរបស់តារាចម្រៀងដ៏មានប្រជាប្រិយរូបនេះ សារគោរពវិញ្ញាណក្ខន្ធ ក៏មានឡើងព្រោងព្រាត នៅលើបណ្ដាញសង្គមរបស់ប្រទេសចិន ដោយក្នុងនោះសារមួយដែលមានចុចចូលចិត្តជាង ៣.០០០ដង នៅលើកម្មវិធីបណ្តាញសង្គម Weibo(វ៉ីប៉ូ) ដែលស្រដៀងនឹងបណ្ដាញសង្គម Twitter មានខ្លឹមសារថា៖ «ខ្ញុំមិនអាចជឿរឿងនេះបានទេ។ គាត់តែងតែជានារីដែលមានភាពភ្លឺថ្លា ដែលចូលចិត្តច្រៀង រាំ និងញញឹម»។ខណៈមានការសរសេរសារគោរពដល់វិញ្ញាណក្ខន្ធនេះ មនុស្សជាច្រើន ក៏បានផ្តោតលើបញ្ហាសុខភាពផ្លូវចិត្ត ដែលគ្រួសាររបស់សពបានលើកឡើង។ក្នុងនោះមានឃ្លាសរសេរដូចជាថា តើ«ជំងឺធ្លាក់ទឹកចិត្តនៅជិតអ្នកប៉ុនណា» ដែលមានន័យថា ពេលនេះ បញ្ហា«រោគសញ្ញានៃជំងឺធ្លាក់ទឹកចិត្ត» កំពុងតែពេញនិយមនៅលើវេទិកាអនឡាញផ្សេងៗគ្នា ដោយប្រព័ន្ធផ្សព្វផ្សាយរដ្ឋដូចជា CCTV, People's Daily និង China Daily បានដាក់ចេញនូវខ្លឹមសារ ដើម្បីបង្កើនការយល់ដឹងរបស់មនុស្សអំពីជំងឺធ្លាក់ទឹកចិត្ត និងជំងឺផ្លូវចិត្ត៕

ការកាប់បំផ្លាញព្រៃឈើនៅព្រៃជប់ភ្លៀងអាម៉ាហ្សូនប្រទេសប្រេស៊ីលធ្លាក់ចុះជាង ៣០ភាគរយនៅឆមាសដំបូងក្នុងឆ្នាំ ២០២៣

ប្រេស៊ីល៖ ទិន្នន័យបឋមពីរដ្ឋាភិបាល បានបង្ហាញកាលពីថ្ងៃព្រហស្បតិ៍ថា ការកាប់បំផ្លាញព្រៃឈើនៅព្រៃជប់ភ្លៀងអាម៉ាហ្សូន ប្រទេសប្រេស៊ីល បានធ្លាក់ចុះជាង ៣០ភាគរយ នៅឆមាសដំបូងក្នុងឆ្នាំ ២០២៣ ។ តួលេខទាំងនេះ បានកើតមាន ក្រោយលោកប្រធានាធិបតី Luiz Inacio Lula da Silvaបង្កើតគោលនយោបាយបរិស្ថានតឹងរឹងជាងមុន ដែលជាអាទិភាពនៅក្នុងរដ្ឋាភិបាលរបស់លោក ។ ទិន្នន័យដែលបង្កើតឡើងដោយទីភ្នាក់ងារស្រាវជ្រាវអវកាសប្រេស៊ីល Inpe បានរាយការណ៍ថា ព្រៃជប់ភ្លៀងលើផ្ទៃដីទំហំ ២.៦៤៩គ.មក្រឡា ត្រូវបានឈូសឆាយទន្ទ្រានយកដី អំឡុងរយៈពេលពាក់កណ្តាលឆ្នាំដំបូងនៃឆ្នាំ ២០២៣ ពោលគឺជាតួលេខទាបបំផុតសម្រាប់រយៈពេលដូចគ្នា ចាប់តាំងពីឆ្នាំ ២០១៩រហូតមក ។ ប៉ុន្តែផ្ទៃដីនេះដែលស្មើនឹងជាង ៣ដងនៃទំហំទីក្រុងញូវយ៉ក បញ្ជាក់ពីការលំបាកដែលលោក Lula ត្រូវប្រឈម ដើម្បីលុបបំបាត់ចោលការកាប់បំផ្លាញព្រៃឈើទាំងស្រុង ។ គួរឲ្យដឹងថា លោក Lula បានឡើងកាន់អំណាចកាលពីខែមករាកន្លងទៅ ដោយលោកបានសន្យាថា នឹងបញ្ចប់ការកាប់បំផ្លាញព្រៃឈើនៅឆ្នាំ ២០៣០ខាងមុខ ក្រោយការហក់ឡើងខ្ពស់ការកាប់ឆ្ការដីព្រៃក្រោមអ្នកកាន់តំណែងមុនរបស់លោក គឺលោក Jair Bolsonaroដែលបានកាត់បន្ថយកិច្ចខិតខំការពារបរិស្ថាន ៕

រថយន្តក្រុងពីរគ្រឿងបុកគ្នា នៅញ៉ូវយ៉ក បណ្តាលឲ្យមនុស្ស១៨នាក់រងរបួស

អាមេរិក៖ យោងតាមនាយកដ្ឋានពន្លត់អគ្គិភ័យក្រុងបានឲ្យដឹងថា មនុស្ស១៨នាក់ត្រូវបានបញ្ជូនទៅកាន់មន្ទីរពេទ្យ ដោយរងរបួសពុំបានគំរាមដល់អាយុជីវិតនោះទេ បន្ទាប់ពីរថយន្តក្រុងទេសចរណ៍២ជាន់ បានបុកជាមួយរថយន្តក្រុងដឹកអ្នកដំណើរនៅទីក្រុងញ៉ូវយ៉កកាលពីល្ងាចថ្ងៃព្រហស្បតិ៍ ក្នុងក្រុង Manhattan ។បង្អួចខាងមុខរបស់រថយន្តក្រុងទេសចរណ៍ TopView ២ជាន់ បានបែករាយប៉ាយនៅក្នុងការបុកគ្នាពីក្រោយរថយន្តក្រុងមួយគ្រឿងផ្សេងទៀត ដែលធ្វើប្រតិបត្តិការដោយ អាជ្ញាធរដឹកជញ្ជូនទីក្រុង ដែលបានកើតឡើងនៅពេលល្ងាចម៉ោង៧ ម៉ោងក្នុងតំបន់នៅភាគខាងកើតក្រុង Manhattan។យោងតាមមន្ត្រីនាយកដ្ឋានពន្លត់អគ្គិភ័យទីក្រុងញ៉ូវយ៉ក ដែលបានធ្វើសន្និសីទសារព័ត៌មានបានឲ្យដឹងថា រថយន្តក្រុងទាំងពីរគ្រឿង មានមនុស្សជិះច្រើន ដែលនៅក្នុងឧបទ្ទវហេតុនេះមនុស្ស៦៣នាក់ ត្រូវបានជម្លៀសចេញ ដោយបុគ្គលិកពេទ្យ នៅកន្លែងកើតហេតុ។ មន្ត្រីពន្លត់អគ្គិភ័យ បាននិយាយថា អ្នករងរបួសភាគច្រើន បានមុត ដាច់រលាត់ និងមានស្នាមជាំ ទោះបីជាមនសុ្សមួយចំនួនទៀត ត្រូវបានព្យាបាលសម្រាប់ឆ្អឹងដែលសង្ស័យថាបាក់ និងការរងរបួស ក និងក្បាល។

រដូវកាលភ្លើងឆេះព្រៃដែលបំបែកកំណត់ត្រានៅប្រទេសកាណាដា នៅបន្តជាបញ្ហាប្រឈម

កាណាដា៖ ក្រសួងធនធានធម្មជាតិកាណាដា បាននិយាយកាលពីថ្ងៃព្រហស្បតិ៍ថា រដូវកាលភ្លើងឆេះព្រៃដែលបំបែកកំណត់ត្រារបស់ប្រទេស នឹងនៅបន្តជាបញ្ហាប្រឈម។ក្រសួងបាននិយាយនៅក្នុងសេចក្តីប្រកាសព័ត៌មានមួយថា រដូវភ្លើងឆេះព្រៃឆ្នាំ២០២៣ គឺជារដូវកាលធ្ងន់ធ្ងរបំផុតរបស់ប្រទេសកាណាដាស្រាប់់ហើយ ហើយការព្យាករណ៍បច្ចុប្បន្នបង្ហាញថា ចំណុចនេះ អាចបន្តជារដូវក្តៅដ៏លំបាកដោយសារតែចំហេះព្រៃនៅក្នុងតំបន់មួយចំនួននៃប្រទេសនេះ។យោងតាមក្រសួង ការព្យាករណ៍ថ្មីៗបំផុតបង្ហាញពីសក្តានុពលបន្តសម្រាប់សកម្មភាពភ្លើងខ្ពស់ជាងធម្មតានៅទូទាំងប្រទេសភាគច្រើននៅទូទាំងរដូវភ្លើងឆេះព្រៃឆ្នាំ ២០២៣។ នេះគឺដោយសារតែការព្យាករណ៍រយៈពេលវែងសម្រាប់សីតុណ្ហភាពក្តៅ និងគ្រោះរាំងស្ងួតកំពុងបន្ត ដែលកំពុងប៉ះពាល់ដល់ផ្នែកនានានៃខេត្ត និងដែនដីទាំងអស់ និងកាន់តែខ្លាំងនៅ ក្នុងតំបន់ខ្លះ។សម្រាប់ខែកក្កដា ស្ថានភាពក្តៅ និងស្ងួត នឹងបង្កើនហានិភ័យភ្លើងឆេះព្រៃពខេត្ត British Columbia និង Yukon រហូតដល់ខេត្តLabrador ភាគខាងលិច។ សេចក្តីប្រកាសព័ត៌មាននោះ បានឲ្យដឹងថា ក្នុងអំឡុងខែសីហា តំបន់ដែលមានហានិភ័យ នឹងលាតសន្ធឹងពីខេត្ត British Columbia ឆ្លងកាត់ខេត្ត Quebec ភាគខាងលិច។មជ្ឈមណ្ឌលភ្លើងឆេះព្រៃអន្តរទីភ្នាក់ងារនៃប្រទេសកាណាដា បាននិយាយកាលពីថ្ងៃព្រហស្បតិ៍ថា មានភ្លើងឆេះព្រៃសកម្មចំនួន ៦៤៩កន្លៃងនៅទូទាំងប្រទេស ហើយចំនួនភ្លើងឆេះព្រៃ ដែលមិនមានការគ្រប់គ្រងមានចំនួន៣៥៣កន្លៃង។ ចំនួនភ្លើងឆេះព្រៃនៅក្នុងប្រទេសនេះរហូតមកដល់ពេលនេះ បានឈានដល់ ៣.៤៣០កន្លែង ដែលលេបត្របាក់ផ្ទៃដីប្រហែល ៨៨.000គីឡូម៉ែត្រក្រឡា៕

ក្រុមគ្រួសាររបស់អ្នកបាត់ខ្លួនក្នុងគ្រោះមហន្តរាយលិចទូកដឹកជនអន្តោប្រវេសន៍ នៅក្រិក អង្វរឲ្យជួយរកសាកសព

ក្រិក៖ ចាប់តាំងពីលោក Matloob Hussain មកពីប្រទេសប៉ាគីស្ថាន បានបាត់ខ្លួនក្នុងអំឡុងពេលលិចទូក នៅប្រទេសក្រិក កាលពីខែមុន ប្អូនប្រុសរបស់ជនរងគ្រោះ លោក Adil បានបើកទ្វារផ្ទះរបស់លោកនៅក្រុង Athens ឲ្យចំហជានិច្ច ដោយសង្ឃឹមថា បងប្រុសរបស់លោកនឹងបង្ហាញខ្លួន ដោយទ្វារផ្ទះនេះ នឹងនៅតែបើកចំហរហូតដល់សាកសព ត្រូវបានរកឃើញ។លោក Matloob វ័យ ៤៣ឆ្នាំ គឺស្ថិតនៅក្នុងចំណោមជនអន្តោប្រវេសន៍រាប់រយនាក់ មកពីប្រទេសប៉ាគីស្ថាន ស៊ីរី និងអេហ្ស៊ីប ដែលត្រូវបានសន្មត់ថា ស្លាប់ បន្ទាប់ពីទូកនេសាទផ្ទុកលើសទម្ងន់របស់ពួកគេ ដែលធ្វើដំណើរពីប្រទេសលីប៊ីឆ្ពោះទៅប្រទេសអ៊ីតាលី បានលិចនៅឆ្នេរសមុទ្រ Pylos ក្នុងដែនទឹកអន្តរជាតិ កាលពីថ្ងៃទី១៤ ខែមិថុនា។មនុស្សសរុបចំនួន ១០៤នាក់ ត្រូវបានជួយសង្គ្រោះ ហើយសាកសពចំនួន ៨២នាក់ ត្រូវបានរកឃើញ។ ប៉ុន្តែដោយព័ត៌មាននៃអ្នករស់រានមានជីវិត ដែលមានការលើកឡើងថា ចំនួនមនុស្សច្រើនដល់ទៅ ៧៥០នាក់នៅលើទុកនោះ គ្រួសារជាច្រើនកំពុងអំពាវនាវសុំឲ្យអាជ្ញាធរស្រង់បំណែកទូកនោះចេញពីបាតសមុទ្រ និងយកសាកសពជាច្រើនទៀត ដែលត្រូវបានគេជឿថា បានជាប់នៅក្នុងទូកនោះ។ដោយជំរុញឲ្យអាជ្ញាធរក្រិកជួលនាវា ដើម្បីស្រង់បំណែកទូកនោះ និងសាកសពមកវិញ លោក Adil Hussain បាននិយាយថា៖ «ពួកគេត្រូវតែយកមនុស្សដែលនៅខាងក្នុងទូកចេញមកវិញ។ ប្រសិនបើពួកគេស្លាប់ សូមយកសពទាំងនោះចេញមក។ យើងនឹងលក់ផ្ទះ ហើយយើងនឹងខ្ចីលុយគេ ប្រសិនបើរដ្ឋមិនអាចធ្វើបាន។ សូមត្រឹមតែប្រគល់សពនោះមកឲ្យខ្ញុំប៉ុណ្ណោះ»។យ៉ាងណាក្ដី មន្ត្រីរដ្ឋាភិបាលក្រិក កាលពីខែមុន បាននិយាយថា ឱកាសនៃការស្រង់យកទូកនោះមកវិញមានតិចតួចណាស់ ដោយសារតែទូកនោះ បានលិចទៅក្នុងទឹកជម្រៅប្រហែល ៥.០០០ម៉ែត្រ៕

ក្រុមហ៊ុនអូហ្សិនហ្គេត(OceanGate)ផ្អាកប្រតិបត្តិការទាំងអស់ក្រោយនាវាមុជទឹកទីតានិកផ្ទុះនៅបាតសមុទ្រ

អូហ្សិនហ្គេត(OceanGate ដែលជាក្រុមហ៊ុននៅពីក្រោយនាវាមុជទឹកដែលបានផ្ទុះអំឡុង ធ្វើដំណើទៅកាន់បំណែកនាវាទីតានិកកាលពីខែមុនបាននិយាយថា ខ្លួននឹងផ្អាករាល់ប្រតិបត្តិការទាំងអស់។ បដា មួយផ្ទាំងដែលសរសេរជាអក្សរពណ៌ក្រហមនៅខាងលើគេហទំព័ររបស់ខ្លួនកាលពីថ្ងៃព្រហស្បតិ៍ អមដោយសារថា ក្រុមហ៊ុនអូហ្សិនហ្គេត សម្រេចផ្អាករាល់ការស្រាវជ្រាវនិងប្រតិបត្តិការពាណិជ្ជកម្មទាំងអស់ ដោយពុំបានផ្ដល់ព័ត៌មានលម្អិតបន្ថែមទៀតទេ។ ការផ្សព្វផ្សាយពាណិជ្ជកម្មមួយសម្រាប់ការធ្វើដំណើរទៅទស្សនាបំណែកនាវាទីតានិកគឺអាចមើលឃើញត្រឹមតែជាសារ ដោយអញ្ជើញក្រុមអ្នកអានឲ្យស្រាវជ្រាវបំណែកនាវាដ៏ល្បីល្បាញបំផុតរបស់ពិភពលោក។ ក្រុមហ៊ុនអូហ្សិនហ្គេត បានរងការរិះគន់ខ្លាំង ចាប់តាំងពីនាវាមុជទឹកទីតាន(Titan) រប់សខ្លួនបានផ្ទុះនៅបាតសមុទ្រ សម្លាប់អ្នកដំណើរជាមហាសេដ្ឋី៥នាក់ រួមទាំងអគ្គនាយកក្រុមហ៊ុននេះ លោក ស្តុកតុន រ៉ាស់(Stockton Rush)។ មូលហេតុនៃការផ្ទុះរបស់នាវាមុជទឹកនេះ បច្ចុប្បន្នកំពុងស៊ើបអង្កេតនៅឡើយដោយក្រុមអាជ្ញាធរនិយតករនៅសហរដ្ឋអាមេរិក និងកាណាដា ។ កាលពីសប្ដាហ៍មុន ឆ្មាំល្បាតឆ្នេរអាមេរិក បានស្រង់សាកសព មនុស្សនិងបំណែកមួយចំនួនពីបំណែកនាវាមុជទឹកនោះជាផ្នែកមួយនៃការស៊ើបអង្កេតជាអន្តរជាតិ។ គួររម្លឹកថា នាវាមុជទឹកដំបូងនេះ បានបាត់ការទាក់ទងកាលពីថ្ងៃទី១៨ខែមិថុនា ដែលនាំ ឲ្យមានការស្វែងរក និងជួយសង្រ្គោះរយៈពេល៤ថ្ងៃ ។ ទីបំផុតក្រុមអាជ្ញាធរបានបញ្ជាក់ថា នាវានេះ បានផ្ទុះដ៏មហន្តរាយ ។បំណែកនាវាមុជទឹកនេះ ត្រូវបានរកឃើញ ចម្ងាយ៤៨៨ម៉ែត្រ ពីទីតាំងសាកសពរបស់នាវាទីតានិក៕

រថយន្តក្រុងក្រឡាប់ធ្លាក់ចូលជ្រោះ នៅម៉ិកស៊ិកភាគខាងត្បូងបណ្តាលឲ្យមនុស្ស២៩នាក់ស្លាប់

ម៉ិកស៊ិក៖ ក្រុមមន្ត្រីបាននិយាយថា រថយន្តក្រុងដឹកអ្នកដំណើរមួយគ្រឿង បានបាត់បង់ការគ្រប់គ្រងហើយបានវេរចេញពីផ្លូវធ្លាក់ចូលជ្រោះជ្រលងភ្នំ មានជម្រៅ២៥ម៉ែត្រ នៅប្រទេសម៉ិកស៊ិកភាគខាងត្បូងកាលពីព្រឹកថ្ងៃពុធ បណ្តាលឲ្យមនុស្ស២៩នាក់ស្លាប់។ ឧបទ្ទវហេតុនេះ បានកើតឡើង នៅតំបន់ Mixteca នៅរដ្ឋ Oaxaca (អូកសាកា) ភាគខាងត្បូងជាតំបន់មានជនជាតិដើមភាគតិចរស់នៅច្រើន។ រដ្ឋមន្ត្រីក្រសួងមហាផ្ទៃរដ្ឋ លោក Jesús Romero បាននិយាយថា មនុស្ស២៧នាក់បានស្លាប់ នៅក្នុងគ្រោះថ្នាក់នេះ រួមទាំងកុមារអាយុ១ឆ្នាំទៅ២ឆ្នាំ។ លោកនិយាយថា មនុស្សប្រមាណ២០នាក់ បានរងរបួស ដែលមួយចំនួនរងរបួសធ្ងន់។ ក្រោយមកការិយាល័យរបស់លោក បាននិយាយថា ចំនួនអ្នកស្លាប់ បានកើនឡើងដល់២៩នាក់ បន្ទាប់ពីជនរងគ្រោះ២នាក់បានស្លាប់ដោយការរងរបួសនៅមន្ទីរពេទ្យ។ លោក Romero បាននិយាយថា អ្នកបើកបររថយន្តក្រុង ទំនងជាបាត់បង់ការគ្រប់គ្រងលើយានយន្តរបស់ខ្លួន បានធ្លាក់ចូលក្នុងជ្រោះជ្រលងភ្នំ។ លោក Romero បាននិយាយទៅកាន់ស្ថានីយ៍ទូរទស្សន៍ក្នុងស្រុកថា វាទំនងជាថា ជាការខ្វះជំនាញ និងការនឿយហត់ បណ្តាលឲ្យមានគ្រោះថ្នាក់នេះ។ រូបភាពដែលបានចែករំលែកដោយនគរបាល បង្ហាញថារថយន្តក្រុងបានរអិលធ្លាក់ ដែលធ្វើឲ្យគ្រោះថ្នាក់ដល់អ្នកដំណើរ។ រថយន្តក្រុងនេះត្រូវបានគេកំណត់ចេញដំណើរពីទីក្រុងប្រទេសម៉ិកស៊ិក ដឹកអ្នកដំណើរទៅកាន់ភូមិតំបន់ភ្នំដាច់ស្រយាល និងភូមិតូចៗមួយចំនួន នៅក្នុងតំបន់ Mixteca ដែលក្រីក្រ។

ផ្ទុះនៅតុលាការក្រុងគីវ៖ បុរសម្នាក់ស្លាប់បន្ទាប់ពីបំផ្ទុះឧបករណ៍

អ៊ុយក្រែន៖ មានការសង្គ្រោះបន្ទាន់ថ្មី នៅរដ្ឋធានីគីវប្រទេសអ៊ុយក្រែន កាលពីថ្ងៃពុធ។ ពុំមែនជាការបាញ់ផ្លោង ការបាញ់មីស៊ីល ឬដ្រូននោះទេ ប៉ុន្តែបណ្តាលមកពីឧបករណ៍បំផ្ទុះ ដែលបាបំផ្ទុះនៅខាងក្នុងបរិវេណតុលាការ។ សមាជិក២នាក់នៃអង្គភាពកងកម្លាំងសន្តិសុខឆ្លើយតបរហ័សពិសេស បានរងរបួសអំឡុងឧបទ្ទវហេតុ។ ឧបទ្ទហេតុនេះ បុរសម្នាក់ បានឃុំឃាំងខ្លួនឯងនៅក្នុងតុលារការទីក្រុង Shevchenkivskyi នៅមជ្ឈមណ្ឌលទីក្រុង មុនពេលមានការបំផ្ទុះ២គ្រាប់ ត្រូវបានលាន់លឺ។ រដ្ឋមន្ត្រីក្រសួងមហាផ្ទៃ លោក Ihor Klymenko បានកំណត់អត្តសញ្ញាណបុរសម្នាក់នោះឈ្មោះ Ihor Humenyuk និងបាននិយាយថា បុរសនោះបានស្លាប់នៅក្នុងការបំផ្ទុះ ហើយអ្នកជំនាញដោះគ្រាប់បែក បានស្ថិតនៅកន្លែងកើតហេតុ ដើម្បីធានាបានថាគ្មានឧបករណ៍បំផ្ទុះបន្ថែមទៀតនោះទេ។ តាមសេចក្តីរាយការណ៍ Humenyuk បានស្ថិតនៅក្នុងតុលាការ ជាជនសង្ស័យម្នាក់ជាប់ទាក់ទងទៅនឹងការស្លាប់របស់ឆ្មាំជាតិអ៊ុយក្រែន៤នាក់ កាលពីឆ្នាំ២០១៥។បន្ទាប់ពីសវនាការ បុរសរូបនេះត្រូវបានគេនិយាយថា បានចាក់សោរខ្លួនឯងនៅក្នុងបន្ទប់ទឹក និងបានបោះឧបករណ៍ផ្ទុះ២គ្រាប់ដាក់ទៅលើកងកម្លាំងឆ្មាំការពារ។ លោក Klymenko និយាយថា ជីវិតរបស់ឆ្មាំទាំងនោះ ត្រូវបានជួយសង្គ្រោះដោយខែលការពាររបស់ពួកគេ ប៉ុន្តែមួយចំនួនបានរងរបួសស្រាលនៅជើងរបស់ពួកគេ។ ការស៊ើបអង្កេតមួយត្រូវបានធ្វើឡើង ដើម្បីកំណត់ថាតើបុរសនេះមានគ្រឿងផ្ទុះនៅក្នុងតុលាការដោយរបៀបណា។

ទិដ្ឋភាពគួរឲ្យសង្វេគពីទីកំណើតនៃឯករាជ្យរបស់អាមេរិក ខណៈសំបូរដោយអ្នកប្រើប្រាស់គ្រឿងញឿន និងមនុស្សគ្មានផ្ទះសម្បែងក្នុងទីក្រុង Philadelphia

អាមេរិក៖ រូបភពរំខានអារម្មណ៍ជាច្រើនបានបង្ហាញពីវិបត្តិគ្រឿងញៀនរបស់ទីក្រុង Philadelphia នៃរដ្ឋ Pennsylvania របស់សហរដ្ឋអាមេរិក ដោយមានមនុស្សអនាថាគ្មានផ្ទះសម្បែងជាច្រើន កំពុងរស់នៅតាមដងផ្លូវនានានៃទីកំណើតឯករាជ្យជាតិរបស់សហរដ្ឋអាមេរិក នៅថ្ងៃទី៤កក្កដាចុងសប្ដាហ៍មុន។ សង្កាត់ឃេនស៊ីងតុន (Kensington) ជាកន្លែងអាណាធិបតេយ្យសម្រាប់ប្រភពនៃគ្រឿងញៀនរបស់ទីក្រុងនេះ ត្រូវគេមើលឃើញគំនរសំរាមរាយប៉ាយនិងអ្នកញៀនថ្នាំដែលចាក់បញ្ចូលថ្នាំញៀនទាំងកណ្តាលថ្ងៃ។ គ្រោះមហន្តរាយនេះ ត្រូវបានបង្កឡើងដោយសារតែការកើនឡើងនៃគ្រឿងញៀន ស៊ីឡាហ្ស៊ីន (Xylazine) ដែលគេស្គាល់ថាជា'tranq' ដ៍សាហាវដែលត្រូវបានប្រើដើម្បីបង្កើនឥទ្ធិពលនៃកម្រិតហេរ៉ូអ៊ីន ហ្វេនតានីល (fentanyl) និងកូកាអ៊ីន។ទីក្រុង Philadelphia បានក្លាយជាទីកន្លែងពោរពេញដោយឧក្រិដ្ឋកម្មប្រើប្រាស់គ្រឿងញៀនក្រោមការគ្រប់គ្រងរបស់មេធាវីប្រចាំតំបន់មកពីគណបក្សប្រជាធិបតេយ្យលោក Larry Krasner ដែលបានពណ៌នាដោយខ្លួនឯងថា រដ្ឋអាជ្ញាជឿនលឿន' ។ការបរាជ័យរបស់លោកក្នុងការបង្ក្រាបបាននាំឲ្យមានការចោទប្រកាន់លើរូបលោកនៅឆ្នាំកាលពីឆ្នាំ២០២២ កន្លងទៅ ពីបទ បរាជ័យក្នុងការបំពេញកាតព្វកិច្ច ប៉ុន្តែលោកនៅតែកាន់តំណែងនេះ បន្ទាប់ពីការកាត់ក្តីលើរូបលោក ត្រូវបានពន្យារពេលដោយគ្មានពេលកំណត់៕

បណ្ដាញសង្គម

ព័ត៌មានថ្មីៗ

ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន

ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់

អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ

គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា

ក្រុមហ៊ួទីនៅយេម៉ែន អះអាងថា ខ្លួនបានវាយប្រហារដោយមីស៊ីលលើអ៊ីស្រាអែល ប៉ុន្តែត្រូវស្ទាក់ចាប់បាន

មន្ត្រី៖ ទាហាន ១៣នាក់ បានស្លាប់ ក្នុងការវាយប្រហារអត្តឃាត នៅភាគពាយ័ព្យប៉ាគីស្ថាន

ក្រុមអង្គការជំនួយអន្តរជាតិ កំពុងខិតខំសម្របសម្រួលការផ្គត់ផ្គង់ជំនួយបន្ថែមទៀត ដល់ប្រជាជននៅតំបន់ហ្កាហ្សា

ប្រធានរក្សាសន្តិភាពUN«ព្រួយបារម្ភខ្លាំងណាស់» អំពីអនាគតនៃកិច្ចព្រមព្រៀងបទឈប់បាញ់លីបង់និងអ៊ីស្រាអែល

ឯកឧត្តម ឌិត ទីណា អញ្ជើញចុះពិនិត្យស្ថានភាពផលិតកម្មដំណាំបន្លែ និងស្តាប់នូវសំណូមពរម្ចាស់កសិដ្ឋាន នៅខេត្តបន្ទាយមានជ័យ

គិតត្រឹមថ្ងៃទី២៨ខែមិថុនានេះ ប្រជាពលរដ្ឋខ្មែរនៅថៃ បន្តវិលត្រឡប់ចូលស្រុកកំណើតវិញ ដោយទឹកមុខសប្បាយរីករាយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877