BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

ក្រុមគ្រួសាររងគ្រោះពីរថភ្លើងបុកគ្នានៅឥណ្ឌា សង្ឃឹមថាការធ្វើតេស្ត DNA នឹងជួយរកឃើញអត្តសញ្ញាណសាកសព

ឥណ្ឌា៖ ខណៈការស្វែងរកនៅមន្ទីរពេទ្យនានាជាទីដែលជនរងគ្រោះក្នុងគ្រោះថ្នាក់រថភ្លើងដ៏ធ្ងន់ធ្ងរបំផុតមិនធ្លាប់មានរយៈពេល២ទសវត្សរ៍របស់ប្រទេសឥណ្ឌា ត្រូវបានធ្វើឡើង លោក Mohammed Imam Ul Haq បានរកឃើញសាកសពក្មួយប្រុសរបស់លោក កាលពីថ្ងៃអង្គារ ទី៦ឧសភា ប៉ុន្តែសាកសកដែលលោកគិតថាជាក្មួយប្រុសទី២ក៏ត្រូវបានគ្រួសារផ្សេងទៀតអះអាងថាជាសមាជិករបស់គេដែរ។ រយៈពេល៤ថ្ងៃ បន្ទាប់ពីគ្រោះមហន្តរាយ លោក Haq ពុំបានរកឃើញ ប្អូនប្រុសរបស់លោក ដែលបានធ្វើដំណើរជាមួយក្មេងទាំង២នាក់នោះទេ ។ លោក ជឿថា ប្អូនប្រុសរបស់លោកក៏បានស្លាប់ដែរ។មនុស្សយ៉ាងហោចណាស់២៨៨នាក់ បានស្លាប់ និង ១.២០០នាក់ បានរងរបួស ក្នុងគ្រោះថ្នាក់រថភ្លើងបុកគ្នា ក្នុងស្រុកBalasore នៃភាគខាងត្បូងរដ្ឋ Odisha កាលពីថ្ងៃទី២ខែឧសភា ។ ការកំណត់អត្តសញ្ញាណជនរងគ្រោះ ជួបការលំបាកខ្លាំង ព្រមទាំងជួបបញ្ហារំខានជាច្រើន ខណៈប្រឈមភាពស្មុគស្មាញជាច្រើន ហើយសាកសពរបស់ជនរងគ្រោះ ត្រូវបានដាច់រហែក ដោយសារកម្លាំងបុកខ្លាំង។ លោក Haq បានប្រាប់សារព័ត៌មាន Reuters នៅវិទ្យាសា្ថនវិទ្យាសាស្ត្រវិជ្ជសាស្ត្ររបសឥណ្ឌា មួយក្នុងចំណោមមន្ទីរពេទ្យសំខាន់ៗជាច្រើនរបស់ទីក្រុង Bhubaneswarនៃរដ្ឋ Odisha ថាយើងគ្មានជម្រើស ក្រៅតែពីធ្វើតេស្ត DNA ទេ ដើម្បីកំណត់បានថាតើជាសាកសពនរណា។ ដំណើរការទាំងស្រុងពិតជាត្រូវការពេលវេលាយូរណាស់ ៕

ឆ្នេរសមុទ្រភាគខាងកើតសហរដ្ឋអាមេរិក បានគ្របដណ្តប់សំណុំផ្សែងអួរអាប់ដោយអគ្គិភ័យពីកាណាដា

អាមេរិក៖ សាលារៀនជាច្រើននៅទូទាំងឆ្នេរសមុទ្រភាគខាងកើតសហរដ្ឋអាមេរិក បានលុបចោលសកម្មភាពនានានៅខាងក្រៅ ជើងហោះហើរត្រូវបានផ្អាក ហើយប្រជាជនអាមេរិករាប់លាននាក់ ត្រូវបានជំរុញឲ្យស្នាក់នៅខាងក្នុងលំនៅឋានកាលពីថ្ងៃពុធ ខណៈផ្សេងហុយចេញពីចំហេះព្រៃនៅប្រទេសកាណាដា បានរសាត់អណ្តែតនៅភាគខាងត្បូង គ្របដណ្តប់លើទីក្រុងជាច្រើនដោយផ្សែងអ័ព្ទដ៏ក្រាស់។ ការិយាល័យអាកាសធាតុជាតិសហរដ្ឋអាមេរិក បានចេញការប្រកាសអាសន្នគុណភាពខ្យល់សម្រាប់ឆ្នេរសមុទ្រអាត្លង់ទិកទាំងមូលយ៉ាងជាក់លាក់។ មន្ត្រីសុខភាពនៅក្នុងរដ្ឋនានា ចាប់ពីរដ្ឋ Vermont ដល់ South Carolina ព្រមទាំងរដ្ឋ Ohio និងKansas បានព្រមានពលរដ្ឋដែលបានចំណាយពេលនៅខាងក្រៅថាអាចបណ្តាលឲ្យមានបញ្ហាសុខភាព។ដោយកាត់បន្ថយភាពអាចមើលឃើញបណ្តាលមកពីផ្សែងអ័ព្ទ បានបង្ខំឲ្យរដ្ឋបាលអកាសចរណ៍សហព័ន្ធកាត់បន្ថយឬផ្អាកជើងហោះហើរមួយចំនួនចូលមកក្នុងទីក្រុងញ៉ូវយ៉ក នៅអាកាសយានដ្ឋាន LaGuardia និងអាកាសយានដ្ឋានអន្តរជាតិ Newark Liberty ។ សាលារៀនជាច្រើនកន្លែងនៅឆ្នេរសមុទ្រភាគខាងកើត បានលុបចោលសកម្មភាពនៅខាងក្រៅ រួមទំាងការលេងកីឡា ដំណើរកម្សាន្ត និងការសម្រាកវិស្សមកាល ដើម្បីការពារសិស្ស៕

ពលរដ្ឋអ៊ុយក្រែន ប្រឈមនឹងការបាត់បង់ទីជម្រក និងជំងឺផ្សេងៗ ខណៈទឹកជំនន់ពីការបំផ្លាញទំនប់ទឹកបានហក់ឡើងខ្ពស់

អ៊ុយក្រែន៖ ប្រជាពលរដ្ឋអ៊ុយក្រែន បានបោះបង់ចោលផ្ទះសម្បែងរបស់ពួកគេ ដែលត្រូវបានទឹកជន់លិច ខណៈទឹកជំនន់ បានហក់ឡើងនៅទូទាំងភាគខាងត្បូង កាលពីថ្ងៃពុធ បន្ទាប់ពីការបំផ្លិចបំផ្លាញទំបន់វារីអគ្គិសនីដ៏ធំនៅសមរភូមិមុខ រវាងកងកម្លាំងរុស្ស៊ី និងអ៊ុយក្រែន ដែលបានចោទដាក់គ្នា។ ប្រជាពលរដ្ឋបានដើរលុយទឹកតាមផ្លូវនានាដែលត្រូវបានទឹកលិច ដោយលីកូននៅលើស្មា បីសុនខ និងយូរថង់ផ្លាស្ទីក ខណៈក្រុមអ្នកសង្គ្រោះ បានប្រើប្រាស់ទូកជ័រ ដើម្បីស្វែងរកនៅតាមតំបន់នានាជាទីដែលមានជម្រៅទឹកលិចក្បាល។ អ៊ុយក្រែន និយាយថា ទឹកជំនន់នឹងបណ្ដាលឲ្យមនុស្សរាប់លាននាក់ គ្មានទឹកស្អាតទទួលទាន បំផ្លិចបំផ្លាញដីកសិកម្មរាប់ម៉ឺនហិកតា និងប្រែក្លាយផ្ទៃដីជាច្រើនទៀតទៅជាទីវាលរហោឋាន។ គ្រោះមហន្តរាយនៅទំនប់វារីអគ្គិសនី Nova Kakhovka បានកើតឡើងស្របពេលនឹងមានការចាប់ផ្ដើមវាយបកដែលបានរង់ចាំជាយូរពីសំណាក់កងកម្លាំងអ៊ុយក្រែន ដែលត្រូវគេមើលឃើញថា ថាដំណាក់កាលសំខាន់មួយទៀត នៃសង្គ្រាមនេះ ។ ភាគីនិមួយៗ បានចោទដាក់គ្នាពីការបន្តការបាញ់ផ្លោងគ្រាប់កាំភ្លើងធំ នៅទូទាំងតំបន់ទឹកជំនន់ និងបានព្រមានពីការរសាត់គ្រាប់មីនដោយទឹកជំនន់៕

អ្នកភូមិក្នុងតំបន់សង្រ្គាមនៅអ៊ុយក្រែនរត់ភៀសខ្លួនចេញពីទឹកជំនន់ បន្ទាប់ពីទំនប់ទឹកដ៏ធំត្រូវបានបំផ្លាញ

អ៊ុយក្រែន៖ សន្ធឹកទឹកហូរយ៉ាងខ្លាំងកាត់ទំនប់ទឹកដ៏ធំមួយនៅលើទន្លេ Dnipro ដែលខណ្ឌចែកកម្លាំងរុស្ស៊ី និង អ៊ុយក្រែន ក្នុងប្រទេសអ៊ុយក្រែនភាគខាងត្បូង កាលពីថ្ងៃអង្គារ បង្កជាទឹកជំនន់ជន់លិចផ្ទៃដីដ៏ធំនៃតំបន់សង្រ្គាម និងបង្ខំឲ្យក្រុមអ្នកភូមិរត់ភៀសខ្លួន។ ក្រុមសង្រ្គោះបន្ទាន់របស់អ៊ុយក្រែន កាលពីថ្ងៃអង្គារ បានបង្ហាញពីក្រុមការងារសង្រ្គោះប្រើប្រាស់ទូកម៉ាស៊ីនទូទាំងតំបន់លំនៅឋានប្រជាពលរដ្ឋរងការជន់លិចក្នុងតំបន់ Kherson។ ប្រទេសអ៊ុយក្រែន និងរុស្ស៊ី បានចោទដាក់គ្នាទៅវិញទៅមក ចំពោះការបំផ្ទុះទំនប់ទឹក Nova Kakhovka ជាប់ពាក់ព័ន្ធនឹងឧក្រិដ្ឋកម្មសង្រ្គាម។ វិមានក្រឹមឡាំងនិយាយថា អ៊ុយក្រែនជាអ្នកបំផ្លាញទំនប់ទឹកនេះ ដើម្បីបង្វែរការចាប់អារម្មណ៍ពីការបើកការវាយបកដ៏ធំ ដែលទីក្រុង Moscow និយាយថា កំពុងបរាជ័យ។ ក្រុមមន្ត្រីលើកបន្តុបដោយរុស្ស៊ី មួយចំនួន បាននិយាយថា ទំនប់ទឹកនេះ បានដាក់ដោយខ្លួនឯង។ ភាគីទាំង២ពុំបានផ្ដល់ភស្តុតាងជាសាធារណៈភ្លាមៗទេថាតើភាគីណាមួយដែលទទួលខុសក្នុងរឿងនេះ។ អនុសញ្ញាក្រុងហ្សឺណែវ ហាមប្រាមដាច់ខាតចំពោះការដាក់គោលដៅលើទំនប់នានា ដោយសារតែវាបង្កគ្រោះថ្នាក់ដល់ជនស៊ីវិល។ យោងតាមសំណើដែលសារព័ត៌មាន Reuters ទទួលបាន ទាំងអ៊ុយក្រែន ទាំងរុស្ស៊ី បានស្នើដល់ក្រុមប្រឹក្សាសន្តិសុខអង្គការសហប្រជាជាតិឲ្យរៀបចំជំនួបពិភាក្សាមួយស្ដីពីការបាក់ទំនប់ទឹក ។ ប្រទេសអ៊ុយក្រែនបានចោទរុស្ស៊ីពីបទប្រព្រឹត្តភេរវកម្មអេកូឡូស៊ី និងបច្ចេកវិទ្យា ខណៈរុស្ស៊ីបានហៅថាជាអំពើបំផ្លិចបំផ្លាញដែលធ្វើឡើងដោយអ៊ុយក្រែន ៕

យ៉ាងហោចណាស់មនុស្ស៤២នាក់ស្លាប់ និងរាប់ពាន់នាក់គ្មានលំនៅឋានបន្ទាប់ពីទឹកជំនន់នៅហៃទី

ហៃទី៖ ក្រុមមន្ត្រីបាននិយាយកាលពីថ្ងៃចន្ទថា ទឹកជំនន់បណ្តាលមកពីភ្លៀងធ្លាក់ខ្លាំង នៅក្នុងប្រទេសហៃទី បានបណ្តាលឲ្យមនុស្សយ៉ាងហោចណាស់៤២នាក់ស្លាប់កាលពី២ថ្ងៃកន្លងទៅនេះ ហើយមនុស្សរាប់សិបនាក់ទៀតកំពុងបាត់ខ្លួននិងរងរបួស។ លំនៅឋានជាង១៣.៦០០ខ្នង ត្រូវបានចុះបញ្ជី ខណៈទឹកជនលិច។ នៅក្នុងទីក្រុង Leogane នៃតំបន់ឆ្នេរសមុទ្រ មានទីតាំងនៅខាងលិចទីក្រុងព័រអូប្រាំង នៅតែមានទឹកលិចនៅលើដងផ្លូវនានា ដែលមនុស្សជាច្រើនបានស្វែងរកសម្លៀកបំពាក់ដែលត្រូវបានហូនាំដោយទឹកជំនន់កប់ក្រោមដីល្បប់។ នាង Phania Cange ខណៈកំពុងកាន់ធុងមួយដាក់សម្លៀកបំពាក់ដែលត្រូវបានគេចែកឲ្យ បាននិយាយថា ខ្ញុំបានបាត់បង់កូនអាយុ៥ឆ្នាំម្នាក់។ ខ្ញុំជួបហានីភ័យបាត់កូន២នាក់ ប៉ុន្តែព្រះបានបន្សល់ទុកកូនម្នាក់ផ្សេងទៀតទើនៅលើដើមឈើ។ ខ្ញុំជួយសង្គ្រោះបានកូនម្នាក់ ប៉ុន្តែបានបាត់បង់ម្នាក់។ លំនៅឋានរបស់ខ្ញុំ ត្រូវបានទឹកជំនន់ហូរនាំទៅ។ ទីភ្នាក់ងារការពារជនស៊ីវិល បាននិយាយនៅលើបណ្តាញ Twitter កាលពីថ្ងៃចន្ទថា ចំនួនអ្នកស្លាប់បានកើនឡើងចាប់តាំងពីយប់ថ្ងៃអាទិត្យទី៤ ខែមិថុនា បន្ទាប់ពីទឹកជំនន់កាលពីចុងសប្តាហ៍វាយប្រហារនៅតំបន់នានារបស់ប្រទេសនេះ រួមទាំងនៅជិតរដ្ឋធានៅព័រអូប្រាំង។ទឹកជំនន់ធ្ងន់ធ្ងរកើតមានឡើង ខណៈប្រទេសហៃទីប្រឈមសេណារីយោដ៏លំបាករួចទៅហើយ ក្នុងពេលមានអំពើហិហ្សាជនអន្តពាលដ៏ឃោឃៅ ខណៈប្រធានការពារជនស៊ីវិល បានប្រាប់សារព័ត៌មាន Miami Herald ថាមានឧបសគ្គរារាំងកិច្ចប្រឹងប្រែងជួយសង្គ្រោះ។ ទីភ្នាក់ងារផ្តល់ជំនួយ បានដឹកជញ្ជូនស្បៀងអាហារ ទៅកាន់ពលរដ្ឋជម្លៀសខ្លួន ខណៈមន្ត្រីការពារជនស៊ីវិល បានព្រមានកាលពីចុងសប្តាហ៍ថា វិស័យកសិកម្ម នៅក្នុងផ្នែកជាច្រើនរបស់ប្រទេសនេះ បានទទួលរងគ្រោះយ៉ាងខ្លាំង។ ភ្លៀងធ្លាក់ បានកើតឡើងក្នុងពេលដំណាលគ្នាជាមួយនឹងការចាប់ផ្តើមរដូវព្យុះកំណាច Atlantic ដែលកើតឡើងពីខែមិថុនា ដល់ខែវិច្ឆិការ៕

នាវាចិនចាកចេញពីដែនទឹកវៀតណាម បន្ទាប់ពីមានការចរចា រវាងអាមេរិក និងចិន

ចិន៖ អ្នកជំនាញតាមដានការចរាចររបស់នាវា បាននិយាយថា នាវាស្រាវជ្រាវរបស់ចិន និងនាវាអមដំណើររបស់ខ្លួន ដែលបានធ្វើប្រតិបត្តិការជិតមួយខែ ក្នុងតំបន់សេដ្ឋកិច្ចផ្តាច់មុខ(EEZ)របស់ប្រទេសវៀតណាម នៅសមុទ្រចិនខាងត្បូង បានចាកចេញពីដែនទឹកទាំងនោះហើយ កាលពីយប់ថ្ងៃចន្ទ (ទី៥ ខែមិថុនា) បន្ទាប់ពីមានការចរចាកម្រិតខ្ពស់សហរដ្ឋអាមេរិក-ចិន។យោងតាមទិន្នន័យតាមដានប្រតិបត្តិការនាវាចរណ៍ បានឲ្យដឹងថា នាវាចិន ឈ្មោះ Xiang Yang Hong 10 បានចាប់ផ្តើមធ្វើដំណើរក្នុងតំបន់សេដ្ឋកិច្ចផ្តាច់មុខ (EEZ) របស់វៀតណាម កាលពីថ្ងៃទី៧ ខែឧសភា ដែលពេលខ្លះមានអមដោយនាវាជាច្រើនគ្រឿង និងបើកឆ្លងកាត់ជាទៀងទាត់តំបន់ឧស្ម័ន និងប្រេង ដែលប្រតិបត្តិការដោយក្រុមហ៊ុនរបស់ប្រទេសរុស្ស៊ី។តែកាលពីថ្ងៃចន្ទ បន្ទាប់ពីមន្ត្រីជាន់ខ្ពស់របស់សហរដ្ឋអាមេរិក និងចិន បានជួបពិភាក្សាគ្នា នៅទីក្រុងប៉េកាំង ដែលភាគីទាំងពីរហៅថាកិច្ចពិភាក្សាស្ថាបនា នាវារបស់ចិន និងនាវាអមដំណើរជាងពាក់កណ្ដាល បានចាប់ផ្តើមធ្វើដំណើរត្រឡប់ទៅកោះហៃណាន (Hainan) របស់ប្រទេសចិនវិញ ដោយចាកចេញពីតំបន់សេដ្ឋកិច្ចផ្តាច់មុខ (EEZ) របស់វៀតណាមប្រហែលពាក់កណ្តាលអធ្រាត្រ។នៅពេលត្រូវបានសួរអំពីការធ្វើចរាចររបស់នាវាទាំងនេះ ក្រសួងការបរទេសចិន មិនបានធ្វើអត្ថាធិប្បាយអ្វីនោះឡើយ ពាក់ព័ន្ធនឹងការវិលត្រឡប់ទៅកាន់កោះហៃណាន (Hainan) វិញ។ ក្រសួងបានឲ្យដឹងនៅក្នុងសេចក្តីថ្លែងការណ៍មួយថា៖ «នាវាស្រាវជ្រាវវិទ្យាសាស្ត្ររបស់ចិន ដែលធ្វើសកម្មភាពស្រាវជ្រាវធម្មតា នៅក្នុងដែនសមុទ្រក្រោមដែនសមត្ថកិច្ចរបស់ប្រទេសចិន គឺស្របច្បាប់ និងត្រឹមត្រូវ។ ករណីនៃការឆ្លងចូលទៅក្នុងតំបន់សេដ្ឋកិច្ចផ្តាច់មុខ (EEZ) របស់ប្រទេសមួយផ្សេងទៀតនោះ មិនមានឡើយ»។ដោយឡែកក្រសួងការបរទេសវៀតណាមវិញ មិនបានឆ្លើយតបទៅនឹងការស្នើសុំការអត្ថាធិប្បាយនោះទេ៕

មនុស្សយ៉ាងហោច ១៨នាក់ស្លាប់ដោយសារពុលស្រាផ្លែប៉ោមនៅប្រទេសរុស្ស៊ី

រុស្ស៊ី៖ ចំនួនមនុស្សស្លាប់ដោយសារពុលស្រាផ្លែប៉ោមនៅតំបន់ Ulyanovsk ប្រទេសរុស្ស៊ី បានកើនឡើងដល់១៨នាក់ និងមនុស្សជាច្រើននាក់ផ្សេងទៀត កំពុងសម្រាកព្យាបាលក្នុងមន្ទីរពេទ្យ ។ នេះបើយោងតាមការអះអាងរបស់អភិបាលតំបន់ Ulyanovsk លោក Alexei Russkikh បានឲ្យដឹងនៅលើបណ្តាញព័ត៌មានសង្គម Telegram កាលពីថ្ងៃចន្ទ ។ សារព័ត៌មានរុស្ស៊ី បានរាយការណ៍ថា ស្រាផ្លែប៉ោមមានបរិមាណមេតាណុលអាចបណ្តាលឲ្យស្លាប់បាន មានសារធាតុពុលច្រើនជាងអេតាណុលដែលរកឃើញនៅក្នុងភេសជ្ជៈមានជាតិអាល់កុលធម្មតា។ ក្រុមអាជ្ញាធរ បានឃាត់ខ្លួនបុរសម្នាក់ ពាក់ព័ន្ធនឹងករណីសង្ស័យថាបានធ្វេសប្រហែសជាហេតុបណ្តាលឲ្យមនុស្សស្លាប់យ៉ាងច្រើនបែបនេះ ហើយនិងបានបញ្ជាឲ្យបញ្ឈប់ការលក់ទំនិញប៉ះពាល់ទាំងនេះ ។ កាលពីរយៈពេល ១ថ្ងៃមុន មនុស្ស ១៦នាក់ ត្រូវបានគេនិយាយថា បានស្លាប់ ប៉ុន្តែសេចក្តីរាយការណ៍ចុងក្រោយបានឲ្យដឹងថា មនុស្សយ៉ាងហោច ១៨នាក់ បានស្លាប់ដោយសារពុលស្រាផ្លែប៉ោម ក្នុងនោះមនុស្ស ១០នាក់ បានសន្លប់។ មនុស្ស ១៤នាក់ រស់នៅក្នុងតំបន់ Dimitrovgrad និងមនុស្ស ៣នាក់រស់នៅក្នុងតំបន់ Ulyanovsk បានស្លាប់ ។ ចំណែកឯក្មេងស្រីអាយុ ១៦ឆ្នាំម្នាក់ ដែលបានតស៊ូដើម្បីជីវិតរបស់នាង ត្រូវបានគេរាយការណ៍ថា បានស្លាប់ផងដែរ ៕

វ៉ាក់សាំងមហារីក បានត្រៀមបង្ហាញគំរូព្យាបាលថ្មី ជាមួយនឹងទិន្នន័យរបស់ក្រុមហ៊ុន Merck និងModerna

អាមេរិក៖ ក្រុមហ៊ុនផលិតវ៉ាក់សាំងទាំងពីរបានរាយការណ៍កាលពីថ្ងៃចន្ទថា ការបន្ថែមវ៉ាក់សាំងផ្អែកលើការប្រើបច្ចេកវិទ្យាបញ្ចូនសារ mRNA ដែលធ្វើពិសោធន៍រួចពីក្រុមហ៊ុន Moderna Inc (MRNA.O) និងក្រុមហ៊ុន Merck & Co (MRK.N) បានកាត់បន្ថយហានិភ័យ ដែលជំងឺមហារីកស្បែកដ៏កាចសាហាវបំផុត នឹងរាលដាលដល់ទៅ ៦៥ភាគរយ លើការព្យាបាលដោយប្រើភាពស៊ាំតែមួយមុខ ក្នុងការសាកល្បងពាក់កណ្តាលដំណាក់កាល។ជាមួយនឹងទិន្នន័យនេះ និងទិន្នន័យដំបូង ក្រុមហ៊ុន Moderna កំពុងពិចារណាស្វែងរកឲ្យទទួលបានការអនុម័តលឿនជាងមុនពីនិយតករ សម្រាប់ការព្យាបាលនេះ ក្រុមហ៊ុនបានប្រាប់វិនិយោគិនបន្ទាប់ពីបានបង្ហាញលទ្ធផល នៅក្នុងកិច្ចប្រជុំសមាគមសាកល្បងវេជ្ជសាស្ត្រអាមេរិក ( American Society of Clinical Oncology) នៅទីក្រុង Chicago រដ្ឋ Illinois សហរដ្ឋអាមេរិក។ប្រធានក្រុមហ៊ុន Moderna លោក Stephen Hoge បាននិយាយថា៖ «ភាពមិនប្រាកដប្រជាមួយចំនួន ដែលនៅសេសសល់ហាក់បីដូចជា កំពុងបាត់ទៅដោយសារតែជម្រើសប្រកបដោយសក្តានុពលនេះ។ការចងក្រងទិន្នន័យនេះ មានឡើងបន្ទាប់ពីទិន្នន័យដែលទទួលបានផលល្អពីការសាកល្បងដែលបង្ហាញពីវ៉ាក់សាំងប្រើប្រាស់បច្ចេកវិទ្យាបញ្ជូនសារmRNA ដែលប្រើរួមបញ្ចូលគ្នាជាមួយប្រព័ន្ធភាពស៊ាំ Keytruda របស់ក្រុមហ៊ុន Merck បានកាត់បន្ថយហានិភ័យនៃការស្លាប់ ឬការរើឡើងវិញនៃជំងឺមហារីកស្បែកបាន ៤៤ភាគរយ បើប្រៀបធៀបជាមួយការប្រើប្រព័ន្ធភាពស៊ាំ Keytruda តែមួយមុខ។អ្នកវិទ្យាសាស្ត្របាន និងកំពុងប្រឹងប្រែងដេញតាមក្តីស្រមៃ ក្នុងការរឲ្យកឃើញវ៉ាក់សាំង ដើម្បីបង្ការជំងឺមហារីកអស់រយៈពេលជាច្រើនទសវត្សរ៍មកហើយ ដោយទទួលបានជោគជ័យតិចតួចប៉ុណ្ណោះ។ អ្នកជំនាញនិយាយថា វ៉ាក់សាំង mRNA ដែលអាចផលិតបានដោយប្រើពេលវេលាតិចត្រឹមតែ ៨សប្តាហ៍ ផ្សំជាមួយនឹងថ្នាំដែលធ្វើឲ្យប្រព័ន្ធភាពសុំាមានប្រសិទ្ធភាពកាន់តែខ្ពស់ អាចនាំទៅរករបៀបព្យាបាលជំនាន់ថ្មីសម្រាប់ព្យាបាលជំងឺមហារីក៕

អាជ្ញាធរខណ្ឌ៧មករា បានបន្តចុះត្រួតពិនិត្យទីតាំងមួយកន្លែង ដែលសង្ស័យមានបង្កប់ល្បែងស៊ីសង

ភ្នំពេញ៖ ក្រោយមានបណ្ដាញសង្គមមួយចំនួននៅតែបន្តបង្ហោះជាសាធារណៈថាទីតាំង យីហោ ក្រុមហ៊ុន ស៊ីងវៃ មានបង្កប់ល្បែងស៊ីសងខុសច្បាប់ដ៏ធំនៅខាងក្នុង ដូច្នេះកម្លាំងគណៈបញ្ជាការឯកភាពខណ្ឌ ៧មករា បានចុះដល់ទីតាំង និងត្រួតពិនិត្យជាក់ស្ដែង ពុំឃើញមានដូចការចុះផ្សាយនោះឡើយ។សូមជម្រាប់ជូនថា នៅព្រឹកថ្ងៃទី០៦ ខែមិថុនាឆ្នាំ២០២៣ នេះ លោក ថេង សុថុល អភិបាលនៃគណៈអភិបាលខណ្ឌ៧មករា បានចាត់ឲ្យលោក ណុប ផា អភិបាលរងទទួលបន្ទុក ដឹកនាំកម្លាំងគណៈបញ្ជាការឯកភាពខណ្ឌចុះត្រួតពិនិត្យផ្ទាល់តែម្ដង នៅចំណុចទីតាំងយីហោ ក្រុមហ៊ុន ស៊ីងវៃ ស្ថិតនៅតាមបណ្ដោយផ្លូវលេខ២៣២ កែងផ្លូវលេខ១១៥ សង្កាត់វាល់វង់ ខណ្ឌ៧មករា រាជធានីភ្នំពេញ តែពុំមានអ្វីពាក់ព័ន្ធបទល្មើស និងល្បែងស៊ីសងឡើយ។ការចុះត្រួតពិនិត្យនេះផងដែរ អាជ្ញាធរបានអប់រំណែនាំដល់ម្ចាស់គ្រប់គ្រងទីតាំង និងបានធ្វើការកិច្ចសន្យា ចំពោះមុខជាមួយសមត្ថកិច្ចហាមមិនឱ្យមានបង្កប់ល្បែងស៊ីសងគ្រប់ប្រភេទ និងបទល្មើសផ្សេងៗដែលខុសច្បាប់ ការជួញដូរមនុស្ស និងសារធាតុញៀនជាដើម។ ក្នុងករណីមិនអនុវត្តតាមកិច្ចសន្យាអាជ្ញាធរ និងអនុវត្តតាមតិវិធីច្បាប់៕ អត្ថបទ៖ កុម្ភៈ

រុស្ស៊ី និងអ៊ុយក្រែន ប្រឈមមុខគ្នា នៅឯតុលាការពិភពលោក ជុំវិញការបាញ់ទម្លាក់យន្តហោះ MH17

អ៊ុយក្រែន ៖ប្រទេសអ៊ុយក្រែន និងរុស្ស៊ី ប្រឈមមុខគ្នា នៅឯតុលាការជាន់ខ្ពស់របស់អង្គការសហប្រជាជាតិ នៅថ្ងៃអង្គារនេះ ជុំវិញការចោទប្រកាន់ចំពោះការគាំទ្ររបស់ទីក្រុងម៉ូស្គូដល់ក្រុមបំបែកខ្លួនគាំទ្ររុស្ស៊ី ដែលត្រូវបានស្ដីបន្ទោសថា បានបាញ់ទម្លាក់យន្តហោះម៉ាឡេស៊ី MH17 ក្នុងឆ្នាំ២០១៤។ចៅក្រមនៅតុលាការយុត្តិធម៌អន្តរជាតិ ឬ ICJ នឹងស្តាប់ការអះអាងរបស់អ៊ុយក្រែនដែលថា ក្រុងម៉ូស្គូបានរំលោភលើសន្ធិសញ្ញាប្រឆាំងអំពើភេរវកម្មរបស់អង្គការសហប្រជាជាតិ ដោយបំពាក់អាវុធ និងផ្តល់មូលនិធិដល់កងកម្លាំងគាំទ្ររុស្ស៊ី ដែលអ្នកស៊ើបអង្កេតអន្តរជាតិ បានសន្និដ្ឋានថា បានបាញ់ទម្លាក់យន្តហោះដឹកអ្នកដំណើរនៅភាគខាងកើតអ៊ុយក្រែន ដោយបណ្ដាលឲ្យអ្នកដំណើរ និងបុគ្គលិកអាកាសយានិកទាំងអស់ ២៩៨នាក់ បាត់បង់ជីវិត។ជើងហោះហើរ MH17 បានចាកចេញពីទីក្រុង Amsterdam របស់ប្រទេសហូឡង់ ហើយតម្រង់ទៅទីក្រុង Kuala Lumpur ប្រទេសម៉ាឡេស៊ី ដោយនៅពេលនោះ យន្ដហោះនេះ ត្រូវបានវាយប្រហារដោយកាំជ្រួចផលិតដោយរុស្ស៊ី កាលពីថ្ងៃទី១៧ ខែកក្កដា ឆ្នាំ២០១៤ ខណៈដែលការប្រយុទ្ធគ្នា បានផ្ទុះឡើង រវាងក្រុមផ្តាច់ខ្លួនដែលគាំទ្ររុស្ស៊ី និងកងកម្លាំងរដ្ឋាភិបាលអ៊ុយក្រែន ដែលជាដើមហេតុឲ្យកើតមានសង្រ្គាម នាពេលបច្ចុប្បន្ននេះ។នេះនឹងជាលើកដំបូង ដែលមេធាវី ទាំងសម្រាប់អ៊ុយក្រែន និងរុស្ស៊ី ជួបគ្នានៅតុលាការ ICJ ដែលត្រូវបានគេស្គាល់ផងដែរថា ជាតុលាការពិភពលោក គិតចាប់តាំងពីទីក្រុងម៉ូស្គូ បានបើកការវាយលុកពេញទីលើអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២។កាលពីខែវិច្ឆិកាកន្លងទៅ តុលាការរបស់ប្រទេសហូឡង់ បានកាត់ទោសកំបាំងមុខលើបុរសជនជាតិរុស្ស៊ី ២នាក់ និងជនជាតិអ៊ុយក្រែនម្នាក់ឲ្យជាប់ពន្ធនាគារអស់មួយជីវិត ពីបទមនុស្សឃាត សម្រាប់តួនាទីរបស់ពួកគេ ក្នុងការបាញ់ទម្លាក់យន្តហោះ MH17។ គេក៏បានរកឃើញផងដែរថា រុស្ស៊ីមាន «ការគ្រប់គ្រងជារួម» លើកងកម្លាំងនៅក្នុងការបំបែកសាធារណរដ្ឋប្រជាមានិត Donetsk នៅភាគខាងកើតអ៊ុយក្រែន ចាប់តាំងពីពាក់កណ្តាលខែឧសភា ឆ្នាំ២០១៤។ការរកឃើញដោយតុលាការពិភពលោកថា រុស្ស៊ីបានបំពាក់អាវុធ និងផ្តល់មូលនិធិដល់ពួកឧទ្ទាមនៅភាគខាងកើតអ៊ុយក្រែន ដែលត្រូវទទួលខុសត្រូវចំពោះគ្រោះមហន្តរាយ MH17 នឹងក្លាយជាការបរាជ័យសម្រាប់ទីក្រុងម៉ូស្គូ ដែលបានបដិសេធម្តងហើយម្តងទៀតនូវការបញ្ជូនកងទ័ព ឬឧបករណ៍យោធាទៅកាន់តំបន់ភាគខាងកើតអ៊ុយក្រែនក្នុងឆ្នាំ២០១៤។សេចក្តីសម្រេចរបស់តុលាការ ICJ ដែលជាតុលាការកំពូលរបស់អង្គការសហប្រជាជាតិ សម្រាប់វិវាទ រវាងរដ្ឋ មានភ្ជាប់កាតព្វកិច្ច ប៉ុន្តែមិនមានយន្តការអនុវត្តទេ៕

បណ្ដាញសង្គម

ព័ត៌មានថ្មីៗ

ឯកឧត្តម ប៉ែន បូណា៖ រដ្ឋាភិបាលថៃចាប់តាំងពីថ្នាក់រដ្ឋមន្រ្ដីដល់នាយករដ្ឋមន្រ្ដីបាននិយាយលាបពណ៌ បង្កាច់បង្ខូចកេរ្តិ៍ឈ្មោះកម្ពុជា

អ្នកជំនាញ៖ ការដាក់ទណ្ឌកម្មរបស់សហភាពអឺរ៉ុបប្រឆាំងនឹងរុស្ស៊ី បង្ហាញពីភាពគ្មានប្រសិទ្ធភាពរបស់ពួកគេ

ចិននិយាយថា វិធានការយោធាមិនអាចនាំមកនូវសន្តិភាពបានទេនៅតំបន់មជ្ឈិមបូព៌ា

មន្ត្រី៖ អាល្លឺម៉ង់ប្រឆាំងនឹងការព្យួរកិច្ចព្រមព្រៀងរបស់ EU ជាមួយអ៊ីស្រាអែល

លោកនាយករដ្ឋមន្ត្រី៖ ទំនាក់ទំនងសិង្ហបុរី-ចិន កាន់តែមានសារៈសំខាន់ ក្នុងពេលមានភាពមិនច្បាស់លាស់សកល

លោក Putin និយាយថា រុស្ស៊ីបង្កើនការផលិតមីស៊ីលបាលីស្ទិក Oreshnik

លោក Trump ធ្វើឲ្យព្រឹត្តិការណ៍ World Cup ស្ថិតក្នុងហានិភ័យ ក្រោយអ៊ីរ៉ង់ធានាបានកៅអី

អ៊ីស្រាអែលរាយការណ៍ពីរលកមីស៊ីលរបស់អ៊ីរ៉ង់ ភ្លាមៗក្រោយលោក Trump បានប្រកាសបទឈប់បាញ់

ក្រសួងការបរទេស៖ រុស្ស៊ីអំពាវនាវឲ្យបញ្ឈប់ការបង្កើនភាពតានតឹងប្រដាប់អាវុធ នៅមជ្ឈិមបូព៌ា

វេទិកាសេដ្ឋកិច្ច WEF៖ ពិភពលោក ប្រឈមនឹងស្ថានភាព «ស្មុកស្មាញបំផុត» ក្នុងរយៈពេលជាច្រើនទសវត្សរ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877