នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឃាតកម្មសម្លាប់មនុស្ស ២នាក់រួចយកសពទៅកប់ចោលនៅខណ្ឌជ្រោយចង្វារ កម្លាំងសមត្ថកិច្ចរាជធានីបង្ក្រាបជនសង្ស័យបាន ៤នាក់
គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams
ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់
អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

សន្តិសុខ និង សង្គម

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម ០៣នាក់​នៅ​ថ្ងៃ​នេះ

2021/12/22 12:06:39 pm        292
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ០៣នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា ថ្ងៃនេះ ចំនួនមនុស្ស​ស្លាប់​ ១នាក់ដោយសារ​ជំងឺ​កូវីដ-១៩ ​គឺមិនបានចាក់វ៉ាក់សាំង។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០០៦នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២០,៤៣០​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៨២៤នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

ក្រុមហ៊ុនចិនបោះទុន ៣០០លានដុល្លារបង្កើតរោងចក្រផលិតកង់រថយន្ត​ នៅតំបន់សេដ្ឋកិច្ចពិសេសព្រះសីហនុ

2021/12/21 01:55:24 pm        782
Facebook Telegram Linkin
ព្រះសីហនុ៖ ក្រុមហ៊ុនចិន Jiangsu General Science Technology Co ltd បានបោះទុនវិនិយោគទឹកប្រាក់ ៣០០លានដុល្លារ បង្កើតរោងចក្រផលិតកង់រថយន្ត ក្នុងតំបន់សេដ្ឋកិច្ចពិសេសព្រះសីហនុ ។ តាមរយៈការបង្កើតរោងចក្រផលិតកង់រថយន្ត នឹងបង្កើតទីផ្សារក្នុងស្រុកសម្រាប់ផលិតផលកៅស៊ូកម្ពុជា ដោយកាត់បន្ថយពឹងផ្អែកទាំងស្រុងលើការនាំចេញកៅស៊ូ។ពិធីចុះហត្ថលេខាលើគម្រោងនេះ ត្រូវបានធ្វើឡើងតាមវិដេអូអនឡាញ កាលពីថ្មីៗនេះ នៅក្រោមវត្តមានរបស់លោក ឡុង ឌីម៉ង់ អភិបាលខេត្តរងព្រះសីហនុ។ ក្រុមហ៊ុននេះ ជាក្រុមហ៊ុនបុត្រសម្ព័ន្ធរបស់ក្រុមហ៊ុន Hodu Group មានមូលដ្ឋានក្នុងទីក្រុងវូស៊ី នៃខេត្តជាំងស៊ូ ប្រទេសចិន។ នេះបើយោងតាមរដ្ឋបាលខេត្តព្រះសីហនុ។នៅពេលដំណើរការផលិត ក្រុមហ៊ុន Jiangsu General Science Technology Co,​ Ltd នឹងអាចផលិតកង់​រថយន្ត​ប្រមាណ​ ៦លានកង់រថយន្ត ក្នុងមួយឆ្នាំ។​ ដោយបានបង្កើតការងារប្រមាណ ១ ៦០០កន្លែង ក្រុមហ៊ុនគ្រោងនាំចេញកង់រថយន្តផលិតចេញពីតំបន់សេដ្ឋកិច្ចពិសេសក្រុងព្រះសីហនុ ទៅ​ទីផ្សារប្រទេស អាមេរិក និងប្រេស៊ីល។ជុំវិញការបង្កើតរោងចក្រផលិតកង់រថយន្តខាងលើនេះ ឧកញ៉ា លឹម ហេង អនុប្រធាន​សភាពាណិជ្ជកម្ម​កម្ពុជា និងជាអនុប្រធានក្រុមហ៊ុនចម្ការកៅស៊ូ អាន ម៉ាឌី គ្រុប​ លើកឡើងថា​ ច្រវ៉ាក់​ផលិតកម្មផលិតកង់រថយន្ត ​នឹងបង្កើតទីផ្សារក្នុងស្រុកសម្រាប់វិស័យកៅស៊ូ ​ដែលពីមុននេះ កម្ពុជា ពឹងផ្អែកទាំងស្រុងលើការនាំចេញ។កាលពីខែវិច្ឆិកាកន្លងទៅ រោងចក្រកៅស៊ូមួយ វិនិយោគដោយក្រុមហ៊ុនចិន ស្ថិតក្នុងតំបន់​សេដ្ឋកិច្ច​ពិសេស​ក្រុងបាវិត​ បានចាប់ផ្តើមដំណើរការផលិតកង់រថយន្ត ​ដើម្បីនាំចេញទៅកាន់ទីផ្សារអឺរ៉ុប។កម្ពុជា​ទទួល​បាន​ចំណូល​ពី​ការនាំចេញ​កៅស៊ូ ​និង​ឈើ​កៅស៊ូ​ជាង​៣២៦ ​លាន​ដុល្លារ ​ទៅកាន់​ទីផ្សារ​អន្តរជាតិ​ក្នុង​រយៈពេល​ ៨ ​ខែ​ដើមឆ្នាំ ២០២១ ​។ ​យោងតាម​អគ្គនាយកដ្ឋាន​កៅស៊ូ​នៃ​ក្រសួងកសិកម្ម រុក្ខាប្រមាញ់​ និង​នេសាទ​។ទិន្នន័យ​របស់​អគ្គនាយកដ្ឋាន​កៅស៊ូ​ បាន​បង្ហាញថា ចាប់ពី​ខែមករា ​ដល់​ខែសីហា​ កម្ពុជា​រក​ចំណូល​ពី​ការនាំចេញ​ជ័រកៅស៊ូ ​និង​ឈើ​កៅស៊ូ​សរុប ៣២៦លានដុល្លារ​ពី​ការនាំចេញ​ជ័រកៅស៊ូ​ចំនួន​ ​១៩ម៉ឺន​តោន​កើន ៨ភាគរយ បើ​ធៀប​នឹង​រយៈពេល​​ដូចគ្នា​កាលពី​ឆ្នាំមុន និង​ឈើ​កៅស៊ូ ចំនួន ៤ ៣៧៩ ម៉ែត្រគុប​៕ អត្ថបទ៖ វណ្ណៈ 

រយៈពេលចុងក្រោយនេះ គ្រោះថ្នាក់ចរាចរណ៍នៅកម្ពុជា មានការកើនឡើងគួរឲ្យព្រួយបារម្ភ

2021/12/21 01:26:11 pm        619
Facebook Telegram Linkin
ភ្នំពេញ៖ សមត្ថកិច្ចជំនាញ បានបង្ហាញការព្រួយបារម្ភ ចំពោះបញ្ហាគ្រោះថ្នាក់ចរាចរណ៍ នៅក្នុងប្រទេសកម្ពុជា នារយៈពេលចុងក្រោយ ពិសេសក្នុងត្រីមាសចុងឆ្នាំ២០២១នេះ មានការកើនឡើង បណ្ដាលឲ្យមាន មនុស្សស្លាប់ច្រើន ហើយដើមចមនៃគ្រោះថ្នាក់ច្រើនជាងគេ គឺបណ្ដាលមកពីកាបើកបរក្នុងស្ថានភាពស្រវឹង បើកបរក្នុងល្បឿនលឿន និងបើកបរមិនគោរអទិភាព ជាដើម។ក្នុងពិធីសម្ពោធខ្សែភាពយន្តអប់រំរឿងខ្លី ស្តីពីសុវត្ថិភាពចរាចរណ៍ កាលពីល្ងាចម្សិលមិញ នាយ ឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ បានឱ្យដឹងថា សម្រាប់ឆ្នាំ២០២១នេះ អត្រា នៃ គ្រោះថ្នាក់ចរាចរណ៍ នៅត្រីមាសទី១ ទី២ និងទី៣ មានការថយចុះច្រើន ជាមធ្យម ដែលនេះ​បង្ហាញ​ពីការ ខិតខំប្រឹងប្រែងពីភាគីពាក់ព័ន្ធនានា និងការចូលរួមអនុវត្តច្បាប់ចរចរណ៍ផ្លូវគោករបស់​ពលរដ្ឋ​បានល្អ រួមទាំងស្របពេលបញ្ហាវិបត្តិកូវីដ-១៩ ។ឯកឧត្តម បានឱ្យដឹងទៀតថា ប៉ុន្តែបញ្ហាគ្រោះថ្នាក់ចរាចរណ៍នេះ មានការកើនខ្ពស់ឡើងវិញ នៅត្រី មាសទី៤ ចុងឆ្នាំនេះ ជាពិសេសក្រោយពេលបើកប្រទេសឡើងវិញ ដោយថ្ងៃខ្លះមានអ្នក​ស្លាប់​រហូត​ដល់១២នាក់ ស្លាប់ជាក្រុមស្លាប់ជាគ្រួសារ ហើយជាមធ្យមមានការស្លាប់ក្នុងមួយថ្ងៃពី៥នាក់ ទៅ៦នាក់។នាយឧត្តមសេនីយ៍ ហ៊ឹម យ៉ាន បានបន្ថែមថា ទន្ទឹមការព្រួយបារម្ភនេះ សមត្ថកិច្ចជំនាញ រួមនឹងភា គីពាក់ព័ន្ធក្នុងគោលបំណងកាត់បន្ថយគ្រោះថ្នាក់ចរាចរណ៍ ​បានដាក់ចេញជាបន្តបន្ទាប់ និងរឹតបន្តឹង​នូវ​វិធានការការរៀបចំប្រព័ន្ធគ្រប់គ្រងចរាចរណ៍ឲ្យកាន់តែទំនើប រួមទាំងបង្កើតកម្មវិធីផ្សេងៗ ពាក់ព័ន្ធការអប់រំផ្សព្វផ្សាយពីបញ្ហាគ្រោះថ្នាក់ចរាចរណ៍ ​ដាក់​បញ្ចូល​ទៅក្នុងកម្មវិធីសិក្សា តាមសាលារៀន​ និងការបង្កើតនូវ ​ខ្សែភាពយន្តអប់រំខ្លីជាដើម ។ឯកឧត្តម អេង គឹមហៃ ប្រធានសមាគមសហភាពយន្តនៃកម្ពុជា បានលើកឡើងថា​ ខ្សែភាពយន្ត អប់រំខ្លី ស្តីពីសុវតិ្ថភាពចរាចរណ៍ផ្លូវគោក ដែលមានខ្សែរឿងអប់រំចំនួន៣រឿង រឿងទី១ ​ព្រោះតែអូន រឿងទី២ ខកបំណង និងរឿងទី៣ ​មហាវិថីគ្រោះថ្នាក់ ត្រូវបានបង្កើតឡើង ​ដែលសាច់រឿងអប់រំខ្លីនេះ មានគោលបំណងអប់រំអំពីកត្តាហានិភ័យ ​ដែលបង្កឲ្យមានគ្រោះថ្នាក់ចរាចរណ៍នៅលើដងផ្លូវ ព្រម​ទាំងផ្សព្វផ្សាយដល់សាធារណជនឲ្យបានជ្រួតជ្រាប​ និង​ឈានទៅដល់ការផ្លាស់ប្តូរឥរិយាបថ ដោយ​ការបើកបរប្រកបដោយការគោរពច្បាប់ និងរក្សាសុវតិ្ថភាពចរាចរណ៍ ។ឯកឧត្តម បានអំពាវនាវឱ្យមានការជួយផ្សព្វផ្សាយពីខ្សែភាពយន្តអប់រំខ្លីៗទាំងអស់នេះ​ ឲ្យបានទូលំទូលាយ​ ផ្សារភ្ជាប់ជាមួយការរឹតបន្តឹងអនុវត្តច្បាប់ ​សី្តពីចរាចរណ៍ផ្លូវគោក ៕ អត្ថបទ៖ បាន សុខរិទ្ធិ

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម ០៤នាក់​នៅ​ថ្ងៃ​នេះ

2021/12/21 11:47:24 am        88
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ០៤នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា ថ្ងៃនេះ ចំនួនមនុស្ស​ស្លាប់​ដោយសារ​ជំងឺ​កូវីដ-១៩ ​គឺពុំមាន។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០០៥នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២០,៤២៧​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៨១៥នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

សមត្ថកិច្ចឃាត់ខ្លួនមនុស្ស ១៤នាក់ពាក់ព័ន្ធករណីប្លន់អ្នកលក់ឡេអនឡាញ

2021/12/21 04:43:41 am        2533
Facebook Telegram Linkin
ភ្នំពេញ៖ ករណីក្រុមចោរចូលប្លន់ដល់ក្នុងផ្ទះអ្នកលក់ឡេអនឡាញ ទីបំផុតកងរាជអាវុធហត្ថ និងនគរបាលឃាត់ខ្លួនជនសង្ស័យ១៤នាក់ ដកហូតបានគ្រឿងពេជ្រ អាវុធវែងខ្លី និងមានម្នាក់ ជាប្រធានគណបក្សនយោបាយផង។នាយប់ថ្ងៃទី២០ ខែធ្នូ ឆ្នាំ២០២១ កម្លាំងកងអាវុធហត្ថរាជធានីភ្នំពេញ ដឹកនាំដោយឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងមេបញ្ជាការកងរាជអាវុធហត្ថ​រាជ​ធានី​ភ្នំពេញ បានសម្រុក​ចូល​សម្បុក​ក្រុមចោរប្លន់ផ្ទះអ្នកលក់ឡេតាមអនឡាញឈ្មោះ អ៊ាន សៀវម៉ី ​ដែល​កំពុងប្រមូលផ្តុំគ្នានៅក្នុងវីឡាមួយនៃបុរី ប៉េងហួត ផ្លូវ៦០ម៉ែត្រ​ ស្ថិតក្នុងខណ្ឌមានជ័យ រាជធានីភ្នំពេញ ដោយប្រតិបត្តិការបង្ក្រាប​ក្រុម​ជនសង្ស័យនេះ​កងរាជអាវុធហត្ថប្រមូល​បានគ្រឿង​ពេជ្រត្រឡប់មកវិញ ​និងដកហូតអាវុធចំនួន ៥ដើម ​មានអាវុធវែង ១ដើម និងខ្លី ៤ដើម ។យោងតាមព័ត៌មាន បានឱ្យដឹងថា នៅក្នុងការបង្រ្កាបនេះកម្លាំងអាវុធហត្ថរាជធានីភ្នំពេញ បាន​ឃាត់​មនុស្សទាំងអស់ ១២នាក់ មានប្រុស ៩នាក់ និងស្រី៣នាក់ ហើយការឃាត់ខ្លួនមនុស្សទាំង​អស់នោះ​ក៏មានឈ្មោះ សុខសុវណ្ណ វឌ្ឍនាសាប៊ុង ហៅ William Guang ជាប្រធានគណបក្សខ្មែរក្រោក ដែល​អាច​ជាប់ពាក់ព័ន្ធករណីជាមួយក្រុមចោរប្លន់អ្នកលក់ឡេដ៏ល្បីឈ្មោះ អ៊ាន សៀវម៉ី ផងដែរ ។ ផេកហ្វេសប៊ុកផ្លូវការរបស់ ស្នងការនគរបាលរាជធានីភ្នំពេញ បានឲ្យដឹងដែរថា នៅយប់ថ្ងៃទី២០ ខែធ្នូ ឆ្នាំ២០២១ដដែល ដោយអនុវត្តតាមបទបញ្ជារបស់នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការននគរបាលជាតិ ​លោកឧត្តមសេនីយ៍ឯក ស ថេត អគ្គស្នងការរង និង​ជា​ស្នងការនគរបាលរាជធានីភ្នំពេញ ​និងនាយកដ្ឋានជំនាញពាក់ព័ន្ធ កម្លាំងការិយាល័យ​ព្រហ្មទណ្ឌ​កម្រិតធ្ងន់ ​នៃស្នងការដ្ឋាននគរបាលរាជធានីភ្នំពេញ ​កម្លាំងនៃអធិការដ្ឋាននគរបាលខណ្ឌដង្កោ បាន​សហការជាមួយកម្លាំងនាយកដ្ឋានព្រហ្មទណ្ឌ​បានស្រាវជ្រាវ និងដេញឃាត់បានរថយន្ត​ដែល​ជន​សង្ស័យបានប្រើប្រាស់ក្នុងករណីប្លន់ កាលពីព្រឹកថ្ងៃទី១៩ ខែធ្នូ ឆ្នាំ២០២១ ​នៅក្នុងបុរី ម៊ូន ថោន ផ្ទះវីឡាលេខV01 ភូមិគោកចំបក់ សង្កាត់ចោមចៅ១ ​ខណ្ឌពោធិ៍សែនជ័យ រាជធានីភ្នំពេញ ។នគរបាល បានឲ្យដឹងថា ក្នុងប្រតិបត្តិការប្រដេញរថយន្តជនសង្ស័យ ​ដោយស្ថានភាពងងឹតខ្លាំង កម្លាំង​ជំនាញបានប្រដេញរថយន្តនេះរហូតជនសង្ស័យបានបើក​ទ្វារលោត​គេច​ខ្លួន​ចូល​ក្នុងគម្ពោធព្រៃ ​ដោយសមត្ថកិច្ចបានធ្វើការ​ឡោមព័ទ្ធទីតាំងនោះ ដើម្បីបន្តរុករកជនសង្ស័យ​ដែល​រត់គេចខ្លួន​ រីឯក្នុងរថយន្តពិនិត្យឃើញ​មានដបសាំងក្នុងរថយន្ត សមត្ថកិច្ច​បានធ្វើ​ការសន្និដ្ឋានជា​បឋមថា​ ជន​សង្ស័យ​មាន​បំណងបើក​រថយន្តទៅកន្លែងស្ងាត់ ដើម្បី​ដុតកំទេច​ចោល​បំផ្លាញ​ភស្តុតាង។លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានឲ្យដឹងថា ក្រោយប្រតិបត្តិការមួយយប់ដេញឃាត់រថយន្ត ដែលជនសង្ស័យប្រើប្រាស់​ក្នុងករណី​ប្លន់ផ្ទះ​លោក​ស្រី អ៊ាន សៀវម៉ី កាលពីព្រឹកថ្ងៃទី១៩ ខែធ្នូ ឆ្នាំ២០២១ នៅក្នុងបុរី ម៊ូន ថោន សមត្ថកិច្ចចម្រុះ​នៃ​ស្នងការដ្ឋាននរគបាលរាជធានីភ្នំពេញ ​បានធ្វើការឡោមព័ទ្ធ​រហូតឈានដល់ការឃាត់​ខ្លួន​បាន​ជនសង្ស័យចំនួន០២នាក់​ គឺមានប្រុសម្នាក់​ និងស្រីម្នាក់ ហើយនៅព្រឹកនេះ​សមត្ថកិច្ចកំពុង​យក​ទៅ​ធ្វើការ​សាកសួរបន្តនៅអធិការដ្ឋាននគរបាល ខណ្ឌពោធិ៍សែនជ័យ៕អត្ថបទ ៖ ក្រុមសន្តិសុខ

ចាប់ខ្លួនជនសង្ស័យ១នាក់ដកហូតគ្រឿងញៀនជាង១គីឡូក្រាមនៅខេត្តកំពង់ស្ពឺ

2021/12/20 02:27:22 pm        318
Facebook Telegram Linkin
ភ្នំពេញ ៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បង្ក្រាបករណីជួញដូរគ្រឿងញៀន ចាប់ខ្លួនជនសង្ស័យ ១នាក់ រឹបអូសគ្រឿងញៀនជាង ១ គីឡូក្រាមនៅខេត្តកំពង់ស្ពឺ ។សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន ប្រាប់អោយដឹងថា កាលពីថ្ងៃទី១៨ ខែធ្នូ ឆ្នាំ២០២១ វេលាម៉ោង១៧ និង៣០នាទី កម្លាំងជំនាញ នៃមន្ទីរប្រឆាំងគ្រឿងញៀន (ក៤) ដឹកនាំដោយ លោកឧត្តមសេនីយ៍ទោ ឃឹង សារ៉ាត់ នាយករងមន្ទីរ សហការជាមួយស្នងការដ្ឋានគរបាលខេត្តកំពង់ស្ពឺ ក្រោមការសម្របសម្រួលពីលោកស្រី ចាត សូរស្មី ព្រះរាជអជ្ញា នៃអយ្យការអមសាលាដំបូងខេត្តកំពង់ស្ពឺ បានធ្វើការស៊ើបអង្កេត ស្រាវជ្រាវបង្រ្កាប នៅចំណុច ភូមិសុវណ្ណគីរី ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ឃាត់ខ្លួនជនសង្ស័យ ០១នាក់ ។ជនសង្ស័យឈ្មោះ ម៉ែន វិច្ឆិការ ភេទប្រុស អាយុ ១៩ឆ្នាំ ជនជាតិ ខ្មែរ។វត្ថុតាងចាប់យក -មេតំហ្វេតាមីន (ICE) ទម្ងន់ ១៣៨៥,៤៩ក្រាម ។ជនសង្ស័យ និងវត្ថុតាងសមត្ថកិច្ចជំនាញបានកសាងសំណុំរឿង បញ្ជូនទៅសាលាដំបូងខេត្តកំពង់ស្ពឺ ដើម្បីផ្តន្ទាទោសតាមច្បាប់ ។សមត្ថកិច្ចប្រាប់បន្តថា ការបង្ក្រាបបទល្មើសគ្រឿងញៀននេះ ដោយអនុវត្តតាមបញ្ជា លោកនាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ៕ អត្ថបទ ៖ តារាវុទ្ធី

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម ០៧នាក់​នៅ​ថ្ងៃ​នេះ

2021/12/20 11:22:25 am        326
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ០៧នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា ថ្ងៃនេះ ចំនួនមនុស្ស​ស្លាប់​ដោយសារ​ជំងឺ​កូវីដ-១៩ ​គឺពុំមាន។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០០៥នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២០,៤២៣​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៨០៣នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

តុលាការខេត្តឧត្ដរមានជ័យ សម្រេចឲ្យបុគ្គលម្ខាងទៀតឈ្នះក្ដី ដោយអាជ្ញាធរខេត្តពុំទាន់​ចុះ​ធ្វើការ​វិនិច្ឆ័យ​ដី ដែលកំពុងមានទំនាស់ដីនៅឡើយនោះ

2021/12/19 04:04:04 am        1103
Facebook Telegram Linkin
ឧត្ដរមានជ័យ៖ តុលាការខេត្តឧត្ដរមានជ័យ សម្រេចឲ្យបុគ្គលម្ខាងទៀតឈ្នះក្ដី ដោយអាជ្ញាធរខេត្តពុំទាន់បានចុះធ្វើការវិនិច្ឆ័យដី ដែលកំពុងមានទំនាស់នៅឡើយនោះ ខណៈបុគ្គលឈ្នះក្ដី គ្មានប្លង់កាន់កាប់ ហើយមិនមានអាជ្ញាធរណាម្នាក់ មានសិទ្ធិចេញប័ណ្ណកម្មសិទ្ធិដីធ្លីបាននោះទេ ព្រោះវាជាដីរដ្ឋ។ពាក់ព័ន្ធបញ្ហាទំនាស់ដីធ្លីនេះ អាជ្ញាធរខេត្តឧត្ដរមានជ័យ បានប្រាប់ទូរទស្សន៍BTV News យើងថា អភិបាលនៃគណៈអភិបាលខេត្ត​ឧត្តរមានជ័យ បានទទួលជ្រាបព័ត៌មានរួចហើយពីទំនាស់ដីធ្លី នៅចំណុចអូរពី ភ្នំគីងគួក ហើយខេត្តកំពុងត្រៀមចុះធ្វើការ​វិនិច្ឆ័យ​ដី​នៅតំបន់នោះ ក្នុងពេលឆាប់ៗខាងមុខនេះ ។គួរបញ្ជាក់ផងដែរថា ដីរដ្ឋជាច្រើនហិកតា ស្ថិតនៅចំណុចអូរពី ភ្នំគីងគួក ក្នុងភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ បច្ចុប្បន្ននេះ​ ត្រូវ​បាន​អតីត​សមាជិក​ក្រុមប្រឹក្សា​សង្កាត់​អូរស្មាច់​រួមទាំង​បក្សពួក​កំពុង​តែ​ចូល​កាប់​ទន្ទ្រានដីបោះបង្គោល​ព្រំដីចែកគ្នា​លក់ជាបន្ដបន្ទាប់ រហូត​កើត​មាន​ជម្លោះ​ប្តឹង​ផ្តល់​ពលរដ្ឋ​ទៅ​ប្រព័ន្ធតុលាការផងដែរ។ប្រជាពលរដ្ឋរស់នៅភូមិរួតចំប៉ី សង្កាត់អូរស្មាច់ បានបញ្ជាក់និងអះអាងថា ដីនៅតំបន់នេះលោក បានមកកាប់គាស់​និង​អាស្រ័យ​ផល​ដាំដំណាំ ចេក តាំងពីឆ្នាំ២០០២មកម្ល៉េះ ស្រាប់តែមក​ដល់​ពេល​នេះ​ លេចលឺថា​ដី​នៅតំបន់នេះ​មានតំម្លៃ ឃើញ​មានឈ្មោះ ពៅ ជាយោធាភូមិភាគទី៤ និងឈ្មោះ និត សុវណ្ណារ៉ា ​ជា​អតីត​សមាជិក​ក្រុម​ប្រឹក្សា​សង្កាត់​អូរស្មាច់​ យកត្រាក់ទ័រ មក​ឈូក​ឆាយ​កាប់ទន្ទ្រានដីព្រៃ​ និងបោះបង្គោលព្រំរបង ​រំលោភមកលើដីពួកគាត់តែម្តង។ប្រជាពលរដ្ឋ បានបន្ដទៀតថា ក្រុមពួកនេះ តែងតែដើរទន្ទ្រានកាប់ដីព្រៃម្ដុំនេះ លក់ជាបន្ដបន្ទាប់ មិន​មាន​អាជ្ញាធរ និងមន្ដ្រីជំនាញណាមួយទៅហាមឃាត់នោះទេ ​។​ដូច្នេះ​ពាក់ព័ន្ធ​បញ្ហា​ប្រជាពលរដ្ឋ បាន​សំណូម​ពរ​ទៅ​អាជ្ញាធរខេត្ត​ឯកឧត្តម ​ប៉ែន កុសល្យ ​អភិបាល នៃគណៈអភិបាលខេត្ត​ឧត្តរមានជ័យ ​និង​មន្ត្រី​ជំនាញ​ពាក់ព័ន្ធ ​សូម​មេត្តាចុះស្រាវជ្រាវ​ស៊ើប​អង្កេត​ទៅ​លើ​ក្រុមបក្សពួកនេះ​ឲ្យបាន​ម៉ត់ចត់​ ជៀសវាង​ក្រុមបក្សពួកនេះ​ដើរ​ទន្ទ្រាន ​តាម​តែ​អំពើ​ចិត្ត​យ៉ាង​ដូច្នេះ។ពាក់ព័ន្ធការទន្ទ្រានដីរដ្ឋពីបក្សពួកក្រុមនេះ លោក និត សុវណ្ណារ៉ា​ ដែល​ជា​អតីត​ក្រុម​ប្រឹក្សា​សង្កាត់អូរស្មាច់ ​ធ្លាប់ប្រាប់ថា ដីនៅតំបន់ទីនេះ​ជា​ដី​របស់​គាត់​ មាន​​ការទទួល​ស្គាល់​ពី​អតីត​ចៅ​សង្កាត់​ចាស់ ​ផេម សំអាត ។ពាក់ព័ន្ធករណីដីធ្លីខាងលើនេះ ដែរ លោក អ៊ុក ប៊ុនហេង ចៅសង្កាត់អូរស្មាច់ បច្ចុប្បន្ន បានបញ្ជាក់ប្រាប់ថា ភាគីជម្លោះដីធ្លី នៅតំបន់អូរពីរ ភ្នំគីងគួកនេះ​ខាងអាជ្ញាធរសង្កាត់​បាន​ចុះ​ហាមឃាត់​ជាច្រើនលើកច្រើនសារ ​ក៏ប៉ុន្តែពលរដ្ឋ ​នឹងយោធា រួមទាំងអតីតសមាជិកក្រុមប្រឹក្សា​សង្កាត់ ​នៅតែចូលទៅកាប់ទន្ទ្រាន ​បោះបង្គោលរបង​ហ៊ុមព័ទ្ធ​ដីនៅតំបន់ នេះរហូត​ដល់​មានជម្លោះឈ្លោះប្រកែកគ្នា​ ឈាន​ដល់ការប្តឹងផ្តល់គ្នាទៅតុលាការ។លោក បញ្ជាក់ថា ក្នុងនាមលោកជាអាជ្ញាធរសង្កាត់បាន ដាក់​រាយការណ៍​ជូន​អាជ្ញាធរក្រុង​នឹងមន្ទីរកសិកម្មរុក្ខាប្រមាញ់ និងនេសាទខេត្តរួចរាល់ហើយ​ដីនៅតំបន់នេះ​ជាដី​របស់រដ្ឋជាង ១០០​ហិកតា ជាប្រភេទដីចំណីអូរ បឹង ជ្រោះ ភ្នំ និង​ដីសហគមន៍ផងដែរ​ មិន​មានអាជ្ញាធរណាម្នាក់ មាន​សិទ្ធចេញប័ណ្ណកម្មសិទ្ធិដីធ្លីបាននោះទេ។គួរបញ្ជាក់ផងដែរថា បុគ្គលដែលហ៊ានចេញប្លង់ដីនៅតំបន់ខាងលើនេះ​គឺ​លោក និត សុវណ្ណារ៉ា អតីតនៅមានតួនាទីជាមេភូមិ និងចៅសង្កាត់រងទី១​ ក្នុង​ជំនាន់លោក ផេម សំអាត នៅជាចៅសង្កាត់ ហើយ​បច្ចុប្បន្នចូលនិវត្តន៍ ​ចេញ​ប្លង់​ឲ្យបក្សពួក ​និងគ្រួសាររបស់ខ្លួន និត ម៉ារ៉ាឌី ​មានដីទំហំ ៥០២៤០ ម៉ែត្រក្រឡា) ,មានឈ្មោះ សេង សុគន្ធា មានទំហំទទឹង១០០ម៉ែត្រ និង​បណ្ដោយ ៥០០ម៉ែត្រ មាន​ចុះ​ទទួលស្គាល់ដោយលោក និត សុវណ្ណារ៉ា នេះតែម្ដង និងមានឈ្មោះ និត សុវណ្ណារ៉ា ​ខ្លួនឯង​មិន​ដាក់​បណ្ដោយ​ទទឹង​ដាក់ទំហំសរុប ១៣៣២៥០ ម៉ែត្រក្រឡា ទៅលើដីរដ្ឋ​ដែលអ្នកផ្សេងគេធ្វើអត់បាន តែក្រុមគាត់ធ្វើបាន (ប្លង់គូសដោយដៃ គ្មានការទទួលស្គាល់ពីមន្ទីរជំនាញ)៕

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម ០៨នាក់​នៅ​ថ្ងៃ​នេះ

2021/12/17 12:06:42 pm        291
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ០៨នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៣នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ០២នាក់ ​គឺមិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០០១នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២០,៤០៥​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៧៧១នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម ០៧នាក់​នៅ​ថ្ងៃ​នេះ

2021/12/16 12:04:55 pm        517
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ០៧នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៣នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ០១នាក់ ​គឺមិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩៩៨នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២០,៣៩៧​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៧៥៩នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥
06/03/2026 09:06 PM
Facebook Telegram Linkin
អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់
06/03/2026 08:06 PM
Facebook Telegram Linkin
ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ
06/03/2026 08:06 PM
Facebook Telegram Linkin
ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង
06/03/2026 08:06 PM
Facebook Telegram Linkin
ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua
06/03/2026 08:06 PM
Facebook Telegram Linkin
អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង
06/03/2026 08:06 PM
Facebook Telegram Linkin
កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់
06/03/2026 08:06 PM
Facebook Telegram Linkin
ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក
06/03/2026 08:06 PM
Facebook Telegram Linkin
វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg
06/03/2026 08:06 PM
Facebook Telegram Linkin
អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ
06/03/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.