នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

ប្រធានាធិបតីកេនយ៉ា ប្តេជ្ញាប្រកាន់ខ្ជាប់នីតិរដ្ឋ ក្នុងអំឡុងពេលមានភាពវឹកវរ និងមានផែនការកាត់បន្ថយការចំណាយ

2024/07/01 11:41:05 am        109
Facebook Telegram Linkin
ប្រធានាធិបតីប្រទេសកេនយ៉ា លោក William Ruto បាននិយាយកាលពីថ្ងៃអាទិត្យថា លោកនឹងប្រកាន់ខ្ជាប់នីតិរដ្ឋ និងការពារប្រជាជនទាំងអស់ ក្នុងពេលមានការតវ៉ា ទាមទារឲ្យលោកលាលែងពីតំណែង ខណៈលោក ក៏បានប្រកាសពីផែនការកាត់បន្ថយការចំណាយយ៉ាងច្រើន ដើម្បីបង្ហាញពី «ការពិតថ្មី» បន្ទាប់ពីបានដកសេចក្តីស្នើច្បាប់ហិរញ្ញវត្ថុដែលមានភាពចម្រូងចម្រាស់។នៅក្នុងបទសម្ភាសន៍តាមទូរទស្សន៍ លោក Ruto បានថ្កោលទោសការបាត់បង់អាយុជីវិតក្នុងអំឡុងពេលបាតុកម្មប្រឆាំងសេចក្តីស្នើច្បាប់កាលពីពេលថ្មីៗនេះ ដែលរួមមានការដំឡើងពន្ធដែលពុំមានការគាំទ្រច្រើន ប៉ុន្តែបាននិយាយថា លោកក៏ត្រូវតែការពារប្រជាជនស្លូតត្រង់ពីអ្វីដែលលោកនិយាយថា «ឧក្រិដ្ឋជន» ទាញយកផលប្រយោជន៍ពីភាពវឹកវរ។យ៉ាងហោចណាស់មនុស្ស២៥នាក់ បានស្លាប់នៅក្នុងការប៉ះទង្គិចគ្នាជាមួយនគរបាលក្នុងអំឡុងពេលការតវ៉ា រយៈពេលពីរសប្តាហ៍កន្លងទៅនេះ។ សកម្មជន បានផ្សព្វផ្សាយការអំពាវនាវឱ្យធ្វើកូដកម្មបន្ថែមទៀត និងការមិនគោរពតាមរដ្ឋប្បវេណី លុះត្រាតែលោក Ruto លាលែងពីតំណែង ដោយចោទប្រកាន់លោកថា ពុំបានការពារប្រជាជនកេនយ៉ា។ដើម្បីកាត់បន្ថយការចំណាយ បន្ទាប់ពីការបោះបង់វិធានការពន្ធដែលមានបំណងប្រមូលប្រាក់ចំនួន២,៦៨ ពាន់លានដុល្លារ លោក Ruto បានប្រកាសពីការលុបចោលការិយាល័យរបស់ស្រ្តីទីមួយ និងស្ត្រីទីពីរ ពីឆ្នាំថវិកាថ្មី ដែលចាប់ផ្តើមនៅថ្ងៃអាទិត្យ។ការដកចេញសេចក្តីស្នើច្បាប់ ធ្វើឱ្យកម្មវិធីប្រាក់កម្ចីចំនួន៣,៦ពាន់លានដុល្លាររបស់ប្រទេសកេនយ៉ា ជាមួយនឹងមូលនិធិរូបិយវត្ថុអន្តរជាតិ(IMF) មានហានិភ័យ។ IMF ទាមទារឱ្យមានការពិនិត្យឡើងវិញជាទៀងទាត់អំពីកំណែទម្រង់ មុននឹងបញ្ចេញកញ្ចប់ថវិកា។

ការធ្វើមិនបានល្អក្នុងការជជែកដេញដោលរបស់លោក Biden ធ្វើឱ្យអ៊ីស្រាអែល ព្រួយបារម្ភ

2024/07/01 11:33:49 am        164
Facebook Telegram Linkin
ពលរដ្ឋអ៊ីស្រាអែល បានសម្តែងការព្រួយបារម្ភកាន់តែខ្លាំងឡើងកាលពីថ្ងៃអាទិត្យ (៣០ មិថុនា) ថាភាពរអាក់រអួលក្នុងការជជែកដេញដោលរបស់លោកប្រធានាធិបតី ចូ បៃដិន (Joe Biden) អាចជំរុញកម្លាំងចិត្តសត្រូវនៅមជ្ឈិមបូព៌ារបស់ប្រទេសនេះ ចំពោះអ្វីដែលមនុស្សជាច្រើនចាត់ទុកថាជាពេលវេលាដ៏សំខាន់សម្រាប់ការដឹកនាំរបស់សហរដ្ឋអាមេរិក នៅក្នុងតំបន់។បណ្ដាអ្នកអត្ថាធិប្បាយអ៊ីស្រាអែល មកពីគ្រប់មជ្ឈដ្ឋាននយោបាយបានព្រមានថា អ៊ីរ៉ង់ និងក្រុមប្រយុទ្ធតំណាងរបស់ខ្លួន អាចព្យាយាមទាញយកប្រយោជន៍ពីភាពទន់ខ្សោយរបស់លោក បៃដិន នៅពេលដែលអ៊ីស្រាអែល ប្រយុទ្ធនឹងក្រុមហាម៉ាស នៅតំបន់ហ្កាហ្សាស្ទ្រីប ហើយកំពុងថ្លឹងថ្លែងលើការរំពឹងទុកនៃជម្លោះពេញលេញជាមួយក្រុម ហេសបូឡា (Hezbollah) នៅលីបង់។ក្រុមមន្ត្រីអាមេរិកបាននិងកំពុងធ្វើការដើម្បីស្វែងរកដំណោះស្រាយការទូតចំពោះភាពតានតឹងរវាងអ៊ីស្រាអែល និងក្រុមហេសបូឡា ក្នុងការប៉ុនប៉ងដើម្បីបញ្ចៀសសង្គ្រាមក្នុងតំបន់កាន់តែទូលំទូលាយ ដែលពួកគេបារម្ភថាអាចអូសទាញទាំងអ៊ីរ៉ង់ និងសហរដ្ឋអាមេរិក។សារព័ត៌មានជាច្រើនរបស់អ៊ីស្រាអែល កាលពីថ្ងៃអាទិត្យ បានចុះផ្សាយការជជែកដេញដោលរបស់លោក បៃដិន នៅលើទំព័រមុខរបស់ខ្លួន ដែលនាំឱ្យមានការវែកញែកកាន់តែខ្លាំងនៅរដ្ឋជ្វីហ្វមួយនេះ។ ខណៈដែលក្រុមស្ដាំនិយមរបស់ស្រាអែល មួយចំនួនបានចំអកការជជែកដេញដោលរបស់លោក បៃដិន ហើយសង្ឃឹមថានឹងលោក ដូណាល់ ត្រាំ (Donald Trump) ទទួលជ័យជម្នះ អ្នកវិភាគម្នាក់ឈ្មោះ អាមូស ហារ៉ែល (Amos Harel) បាននិយាយថា នោះគឺជាការបង្ហាញពីការរមិលគុណ បន្ទាប់ពីប្រធានាធិបតីអាមេរិករូបនេះបានឈរនៅខាងអ៊ីស្រាអែល ហើយបានផ្គត់ផ្គង់សព្វាវុធក្នុងបរិមាណដ៏ច្រើន៕

ការកាត់ក្តីលើបណ្ដឹងអភ័យឯកសិទ្ធិលោក Trump ទំនងជាកើតឡើងក្រោយការបោះឆ្នោតអាមេរិក

2024/07/01 11:26:22 am        89
Facebook Telegram Linkin
កិច្ចប្រឹងប្រែងរបស់លោក ដូណាល់ ត្រាំ (Donald Trump) ក្នុងការទាមទារអភ័យឯកសិទ្ធិព្រហ្មទណ្ឌពីការកាត់ទោស ជុំវិញសំណុំរឿងព្យាយាមបង្វែរលទ្ធផលឆ្នោតឆ្នាំ២០២០ នឹងត្រូវសម្រេចនៅថ្ងៃចន្ទ (០១ កក្កដា) នេះដោយតុលាការកំពូលអាមេរិក។ ប៉ុន្តែទោះជាមានការសម្រេចបែបណាក៏ដោយ តុលាការបានជួយអតីតប្រធានាធិបតីរូបនេះរួចទៅហើយ ក្នុងកិច្ចខិតខំប្រឹងប្រែងរបស់លោក ដើម្បីបញ្ចៀសការកាត់ក្តី នៅមុនការបោះឆ្នោតថ្ងៃទី០៥ ខែវិច្ឆិកា។សេចក្តីសម្រេចរបស់តុលាការនឹងត្រូវដាក់ចេញក្នុងពេល ២០ សប្តាហ៍បន្ទាប់ពីលោកបានស្វែងរកការដោះស្រាយពីក្រុមយុត្តិធម៌។ ពេលវេលានៃសេចក្តីសម្រេចនេះទំនងជាមិនទុកពេលគ្រប់គ្រាន់សម្រាប់គណៈវិនិច្ឆ័យក្នុងការសម្រេចសាលក្រម មុនពេលប្រជាជនអាមេរិកទៅបោះឆ្នោតនោះទេ។សាស្ត្រាចារ្យច្បាប់នៃសាកលវិទ្យាល័យ ចច វ៉ាស៊ីនតោន (George Washington) លោក រ៉ាដដល អេឡាយសុន (Randall Eliason) អតីតរដ្ឋអាជ្ញាសហព័ន្ធបាននិយាយថា «ការពន្យារពេលដ៏យូរនេះ ធ្វើឱ្យវាស្ទើរតែមិនអាចទៅរួចទេក្នុងការយកសំណុំរឿងទៅកាត់ទោសមុនការបោះឆ្នោត។ តុលាការគួរតែសម្រេចឱ្យលឿនជាងនេះ»។លោក ត្រាំ កំពុងប្រជែងនឹងលោកប្រធានាធិបតី ចូ បៃដិន (Joe Biden) នៅក្នុងឈរឈ្មោះតទល់គ្នាម្ដងទៀតនៃការបោះឆ្នោត។ លោកគឺជាអតីតប្រធានាធិបតីអាមេរិកដំបូងគេដែលត្រូវបានកាត់ទោសព្រហ្មទណ្ឌ។ ប្រសិនបើលោកទទួលបានតំណែងជាប្រធានាធិបតីឡើងវិញ លោក ត្រាំ អាចព្យាយាមបង្ខំឱ្យបញ្ចប់សំណុំរឿងរបស់រដ្ឋអាជ្ញាពិសេស ឬអាចលើកលែងទោសឱ្យខ្លួនឯងសម្រាប់បទព្រហ្មទណ្ឌសហព័ន្ធណាមួយ៕

ការបោះឆ្នោតអ៊ីរ៉ង់ បង្ហាញពីការធ្លាក់ចុះនៃការគាំទ្ររបស់អ្នកបោះឆ្នោតចំពោះបេក្ខជនប្រធានាធិបតី

2024/07/01 10:06:50 am        115
Facebook Telegram Linkin
ក្រុមអ្នកវិភាគបាននិយាយថា ការបោះឆ្នោតជុំទីមួយនៃការបោះឆ្នោតប្រធានាធិបតី របស់ប្រទេសអ៊ីរ៉ង់ បានបង្ហាញពីការថយចុះនៃការគាំទ្រសម្រាប់ទាំងអ្នកនយោបាយកំណែទម្រង់ និងអ្នកអភិរក្សនិយម ទោះបីជាពលរដ្ឋបោះឆ្នោតមួយចំនួនកំពុងជំរុញឱ្យមានការផ្លាស់ប្តូរដោយវិធីសាស្រ្តគាំទ្របេក្ខជនកំណែទម្រង់តែមួយគត់នៅក្នុងបេក្ខភាពប្រធានាធិបតីក៏ដោយ ។លោក ម៉ាស៊ូដ ប៉េហ្ស៊ិសឃិន (Masoud Pezeshkian) ដែលអ្នកនយោបាយកំណែទម្រង់ និងប្រកាន់ជំហរកណ្ដាល រួមជាមួយនឹងបេក្ខជនអភិរក្សនិយមជ្រុល លោក សៃអ៊ីត ចាលីលី (Saeed Jalili) បាននាំមុខក្នុងការបោះឆ្នោតដែលបានធ្វើឡើងកាលពីថ្ងៃសុក្រ សប្ដាហ៍មុន ដើម្បីជំនួសតំណែងប្រធានាធិបតីអភិរក្សនិយមជ្រុល លោក អ៊ីប្រាហ៊ីម រ៉េស៊ី (Ebrahim Raisi) ដែលបានស្លាប់នៅក្នុងការធ្លាក់ឧទ្ធម្ភាគចក្រកាលពីខែមុន។លោក អាលី វែស (Ali Vaez) មកពីវិទ្យាស្ថានស្រាវជ្រាវវិបត្តិអន្តរជាតិ បាននិយាយថា ការបោះឆ្នោតកាលពីថ្ងៃសុក្រ ដែលមានអ្នកទៅបោះឆ្នោតតិចជាប្រវត្តិសាស្ត្រនោះ «បង្ហាញយ៉ាងច្បាស់ថា មូលដ្ឋានក្រុមកំណែទម្រង់ និងក្រុមអភិរក្សនិយម បានធ្លាក់ចុះគួរឱ្យកត់សម្គាល់»។ក្នុងចំណោមអ្នកមានសិទ្ធិបោះឆ្នោតចំនួន ៦១ លាននាក់ មានតែប្រហែល ៤០ ភាគរយប៉ុណ្ណោះបានបោះឆ្នោត ដែលជាកំណត់ត្រានៃចំនួនអ្នកទៅបោះឆ្នោតទាបបំផុតនៅក្នុងសាធារណរដ្ឋអ៊ីស្លាម ដែលមនុស្សមួយចំនួនបានបាត់បង់ជំនឿលើដំណើរការនេះ ខណៈសន្លឹកឆ្នោតជាងមួយលានសន្លឹកត្រូវបានបំផ្លាញ៕

ប្រធានាធិបតីអ៊ុយក្រែន បង្ហើបពី «ផែនការទូលំទូលាយ» នៅចុងឆ្នាំដើម្បីបញ្ចប់ជម្លោះ

2024/07/01 10:00:24 am        135
Facebook Telegram Linkin
ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskyy) បានចង្អុលបង្ហាញថា ផែនការបញ្ចប់ជម្លោះជាមួយរុស្ស៊ី នឹងត្រូវបានរៀបចំនៅចុងឆ្នាំនេះ។ លោកបាននិយាយកាលពីថ្ងៃសុក្រ (២៨ មិថុនា) សប្ដាហ៍មុននៅក្នុងទីក្រុងគីវ ថា «វាមានសារៈសំខាន់ខ្លាំងណាស់សម្រាប់ពួកយើងដើម្បីបង្ហាញពីផែនការបញ្ចប់សង្រ្គាមដែលនឹងត្រូវបានគាំទ្រដោយបណ្ដាប្រទេសភាគច្រើននៃពិភពលោក»។លោក ហ៊្សេឡិនស្គី បានសង្កត់ធ្ងន់លើសារៈសំខាន់នៃការទប់ទល់នឹងប្រតិបត្តិការយោធារបស់រុស្ស៊ី ដោយប្រើប្រាស់កម្លាំងតបត ខណៈពេលដែលរៀបចំផែនការសម្រាប់សន្តិភាព។ លោកបានបន្ថែមថា «ការមានភាពរឹងមាំលើសមរភូមិ និងការបង្កើតផែនការសន្តិភាពលម្អិតច្បាស់លាស់» គួរត្រូវបានធ្វើឡើងស្របគ្នា។ប្រធានាធិបតីអ៊ុយក្រែន រូបនេះមិនបាននិយាយលម្អិតអំពីផែនការដែលគ្រោងទុកនោះទេ។ មានការរំពឹងទុកថា ផែនការនេះអាចជំរុញឱ្យមានការពិភាក្សានៅឯការកិច្ចប្រជុំលើកទីពីរ នាពេលខាងមុខរបស់បណ្ដាមេដឹកនាំអន្តរជាតិស្តីពីការនាំយកសន្តិភាពឱ្យដល់អ៊ុយក្រែន។ ជាមួយគ្នានេះ រុស្ស៊ីកំពុងទាមទារឱ្យអ៊ុយក្រែនដកកងកម្លាំងរបស់ខ្លួនចេញពីតំបន់ទាំងបួនដែលទីក្រុងមូស្គូ បានដាក់បញ្ចូលជាឯកតោភាគីជាលក្ខខណ្ឌសម្រាប់ការចាប់ផ្តើមណាមួយនៃកិច្ចចរចាសន្តិភាព ដោយនោះជាជំហរដែលទីក្រុងគីវ ជំទាស់៕

សម្តេចធិបតី៖ ការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥សីហា គឺចំថ្ងៃខួបកំណើតសម្តេចតេជោ

2024/07/01 09:49:04 am        403
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ថ្ងៃបើកការដ្ឋានសាងសង់នូវគម្រោង «ព្រែកជីកហ្វូណនតេជោ» ថ្ងៃទី៥ ខែសីហា ឆ្នាំ២០២៤ខាងមុខនេះ គឺចំថ្ងៃខួបកំណើតរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា ដែលជាអ្នក​ផ្ដួចផ្ដើម​នៃការសាងសង់នូវ គម្រោងជាប្រវត្តិសាស្រ្តមួយនេះ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា គម្រោងព្រែកជីកហ្វូណនតេជោ មិនមែនជាគម្រោង​ផ្តាច់មុខរបស់​បុគ្គលណា មួយនោះឡើយ គឺជាគម្រោងរបស់ប្រជាជន និងប្រទេសកម្ពុជាទាំងមូល ហើយ​សម្តេចពិតជា​សប្បាយរីក រាយ​និង​ថ្លែងអំណរគុណយ៉ាងខ្លាំង​ដល់បងប្អូនប្រជាពលរដ្ឋខ្មែរមក​ពីគ្រប់ទិសទី ដែលបានប្រកាសគាំទ្រ នូវគម្រោងនេះឲ្យក្លាយទៅជាជាតិនិយមមួយដើម្បីផល​ប្រយោជន៍រួមរបស់ប្រទេសជាតិ​ លើកលែងតែក្រុម ពួកប្រឆាំងជ្រុលនិយមមួយក្តាប់​តូចតែប៉ុណ្ណោះ។សូមបញ្ជាក់ថា គម្រោងព្រែកជីកហ្វូណនតេជោមានអត្ថប្រយោជន៍ ដ៏មហាសាលសម្រាប់​កម្ពុជា​ពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់​ភាពប្រកួតប្រជែងនៃទំនិញកម្ពុជា។ អាចបង្កើតតំបន់ពាណិជ្ជកម្ម មជ្ឈមណ្ឌល​ភស្តុភារកម្ម​ និង​ការអភិវឌ្ឍផែរណបថ្មីៗជាច្រើន។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ ព្រែកជីកនេះក៏នឹងជួយគាំទ្រ​ដល់ការ​អភិវឌ្ឍប៉ូលសេដ្ឋកិច្ចទី៤របស់កម្ពុជា​ ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ ​និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើន​ទៀតដែលពលរដ្ឋរស់​នៅ​តាមដងព្រែកទទួលបាន។ ផលប្រយោជន៍ដ៏មហិមានេះហើយ ដែលជំរុញឱ្យប្រជាពលរដ្ឋខ្មែរ​គ្រប់ទិសទីផ្តល់ការគាំទ្រ​ ដោយឥតរារែករហូតដល់សព្វថ្ងៃនេះចំពោះ គម្រោងដ៏មានអត្ថ ប្រយោជន៍​របស់​ជាតិទាំងមូលមួយនេះ។សម្តេចធិបតី ហ៊ុន ម៉ាណែត នាយករដ្ឋមន្រ្តី បានអះអាងថា គម្រោងយក្ស និងជាប្រវត្តិសាស្រ្តមួយ នេះពុំមែនបានផលប្រយោជន៍តែបងប្អូននៅតាមខេត្ត ដែលជាប់នឹងគម្រោងព្រែកជីកហ្វូណន​តេជោ​នេះទេ ពោលគឺបានគ្រប់ប្រជាពលរដ្ឋទាំងអស់​នៅទូទាំងប្រទេស សូម្បីតែប្រជាពលរដ្ឋនៅ​ខេត្តកំពង់ចាម ក៏ទទួលបានផលប្រយោជន៍ផងដែរ៕ អត្ថបទបាន ចក

សម្តេចធិបតី៖ ដរាបណាបក្សប្រជាជន បន្តដឹកនាំប្រទេស នឹងមិនយកពន្ធដីកសិកម្មពីកសិករជានិច្ច

2024/07/01 09:40:51 am        130
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា ដរាបណាគណបក្សប្រជាជនកម្ពុជា ទទួលបានការគាំទ្រពីបងប្អូនប្រជាពលរដ្ឋឲ្យបន្តដឹកនាំប្រទេសនោះ គឺរាជរដ្ឋាភិបាលនឹងបន្ត មិនយកពន្ធដីកសិកម្មពីបងប្អូនកសិករជានិច្ច រួមទាំងការលើកលែងពន្ធសម្ភារកសិកម្មផងដែរ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលអាណត្តិទី៧នេះ នឹងបន្តពីរាជរដ្ឋាភិបាលអាណត្តិមុនៗ ដាក់ចេញនូវគោលនយោបាយជាបន្តបន្ទាប់ ដើម្បីលើកស្ទួយកសិកម្ម ខណៈវិស័យកសិកម្មជាផ្នែកមួយ នៃការលើកស្ទួយដល់សេដ្ឋកិច្ចកម្ពុជា។ សម្តេច បានបន្ថែមទៀតថា បងប្អូនប្រជាពលរដ្ឋបន្តបោះឆ្នោតជូនគណបក្សប្រជាជនកម្ពុជា ឲ្យដឹកនាំប្រទេសជាបន្តទៀតនោះ គឺរាជរដ្ឋាភិបាលនឹងបន្តលើកលែងពន្ធដីកសិកម្មជារៀងរហូត។សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសថា ​រាជរដ្ឋាភិបាល នឹងបន្តរក​ដំណោះស្រាយ​បញ្ហាមួយចំនួនរបស់បងប្អូនកសិករ ក្នុងនោះដៃម្ខាងត្រូវធានា​តម្លៃគិតគូរ​ពី​ចំណូលរបស់កសិករ និងដៃម្ខាងទៀតត្រូវធានាមិនឱ្យទំនិញឡើងថ្លៃ ដែលជាការធ្វើឲ្យប៉ះពាល់​ដល់ការចំណាយរបស់អ្នកទិញ។ ដោយត្រង់ន័យនេះ សម្ដេចធិបតី បានលើកឡើងថា ដើម្បី​ធានាលើរឿងទាំងពីរនេះ រាជរដ្ឋាភិបាលត្រូវមានដំណោះស្រាយ លើតម្លៃផលិតរបស់កសិករ តាមរយៈការបន្ថយពន្ធអាករ និងការនាំចូលគ្រឿងចក្រកសិកម្មជាដើម៕អត្ថបទបាន ចក់

សមាជិកជាន់ខ្ពស់នៃបក្សប្រជាធិបតេយ្យ ច្រានចោលការជំនួសតំណែងបេក្ខជនរបស់លោក Biden

2024/07/01 09:09:24 am        127
Facebook Telegram Linkin
បណ្ដាសមាជិកជាន់ខ្ពស់នៃគណបក្សប្រជាធិបតេយ្យ កាលពីថ្ងៃអាទិត្យ (៣០ មិថុនា) បានច្រានចោលលទ្ធភាពនៃការជំនួសបេក្ខភាពលោកប្រធានាធិបតី ចូ បៃដិន (Joe Biden) ដែលត្រូវបានតែងតាំងជាបេក្ខជនប្រធានាធិបតីពីបក្សប្រជាធិបតេយ្យ បន្ទាប់ពីលោកធ្វើមិនបានល្អក្នុងការជជែកដេញដោល ហើយបានអំពាវនាវឱ្យសមាជិកគណបក្សផ្តោតលើផលវិបាកនៃអាណត្តិប្រធានាធិបតីលើកទីពីររបស់លោក ដូណាល់ ត្រាំ (Donald Trump) ជំនួសវិញ។បន្ទាប់ពីមានការវែកញែកជាច្រើនថ្ងៃអំពីរាត្រីដ៏រអាក់រអួលរបស់លោក បៃដិន នៅលើវេទិកាជជែកដេញដោលជាមួយលោក ត្រាំ បណ្ដាមេដឹកនាំគណបក្សប្រជាធិបតេយ្យបានច្រានចោលយ៉ាងម៉ឺងម៉ាត់ចំពោះការអំពាវនាវឱ្យគណបក្សពួកគេជ្រើសរើសបេក្ខជនប្រធានាធិបតីវ័យក្មេងសម្រាប់ការបោះឆ្នោតនៅថ្ងៃទី០៥ ខែវិច្ឆិកា។ ការអំពាវនាវឱ្យលោក បៃដិន ចុះចេញពីតំណែងបានបន្តចាប់តាំងពីថ្ងៃព្រហស្បតិ៍ សប្ដាហ៍មុនមក ហើយការស្ទង់មតិក្រោយការជជែកដេញដោលរបស់សារព័ត៌មាន ស៊ីប៊ីអេស (CBS) បានបង្ហាញពីការកើនឡើង ១០ ពិន្ទុនៅក្នុងចំនួនសមាជិកបក្សប្រជាធិបតេយ្យ ដែលជឿថាលោក បៃដិន មិនគួរឈរឈ្មោះជាប្រធានាធិបតីទៀតទេ ដោយទទួលបាន ៤៦ ភាគរយពីចំនួន ៣៦ ភាគរយកាលពីខែកុម្ភៈ។ប៉ុន្តែបណ្ដាមេដឹកនាំបក្សប្រជាធិបតេយ្យបានច្រានចោលលើកង្វល់ទាំងនោះ។ មេដឹកនាំគណបក្សប្រជាធិបតេយ្យ លោក ហាឃីម ជេសហ្វ្រីស៍ (Hakeem Jeffries) ដែលអាចក្លាយជាប្រធានសភានៅឆ្នាំក្រោយ ប្រសិនបើបក្សលោកអាចគ្រប់គ្រងសភាក្នុងខែវិច្ឆិកា បានទទួលស្គាល់ថាលោក បៃដិន បានទទួលរងនូវជំហានថយក្រោយតិចតួច ប៉ុន្តែនោះគឺជា «ការដកថយសម្រាប់វាយលុក» ប៉ុណ្ណោះ៕

ប្រសាសន៍សំខាន់ៗរបស់​សម្តេចធិបតី ក្នុងទិវាមច្ឆជាតិនាថ្ងៃទី១កក្កដានេះ នៅខេត្តកំពង់ចាម

2024/07/01 09:00:27 am        109
Facebook Telegram Linkin
កំពង់ចាម៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី០១ ខែកក្កដា ឆ្នាំ២០២៤ បានអញ្ជើញជាអធិបតី ក្នុងពិធីទិវាមច្ឆជាតិ ១កក្កដា ២០២៤ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម ។ប្រសាសន៍សំខាន់ៗរបស់​សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តី៖ ត្រីគឺជាប្រភពអាហារជាចម្បងរបស់ប្រជាពលដ្ឋខ្មែរ ដូច្នេះបងប្អូនប្រជាពលរដ្ឋគប្បីថែរក្សា និងធ្វើការអភិរក្សត្រីនេះ ឲ្យកាន់តែមានប្រសិទ្ធភាព និងសម្បូរបន្ថែមទៀត។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ដរាបណាគណបក្សប្រជាជននៅបន្តកាន់អំណាច ដរាបនោះពន្ធលើផ្ទៃដីដាំដុះកសិផល នឹងត្រូវលើកលែង ដើម្បីជួយដល់កសិករ និងពង្រឹងជីវភាពពលរដ្ឋកាន់តែប្រសើរ។-សម្តេចធិបតី ហ៊ុន ម៉ាណែត៖ រាជរដ្ឋាភិបាលបានដាក់ចេញនូវគោលនយោបាយជាបន្តបន្ទាប់ ដើម្បីលើកស្ទួយកសិកម្ម ខណៈវិស័យកសិកម្មជាផ្នែកមួយ នៃការលើកស្ទួយដល់សេដ្ឋកិច្ចកម្ពុជា។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានស្នើដល់ស្ថាប័នជំនាញ ឱ្យចុះទៅពិនិត្យនៅទីតាំងជាក់ស្ដែង ដែលមានតម្រូវការផលិតផលកសិកម្ម ដើម្បីផ្គត់ផ្គង់ឱ្យត្រូវតាមការចង់បានរបស់ទីផ្សារទាំងនៅកម្រិតជាតិ និងអន្តរជាតិ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី អំពាវនាវដល់ស្ថាប័នជំនាញឱ្យបង្កើនការស្រាវជ្រាវ និងបង្កាត់ពូជត្រីដែលជិតផុតពូជឱ្យមានចំនួនច្រើនឡើងវិញ ដើម្បីជំរុញការងារអភិរក្ស និងលែងទៅក្នុងទឹកធម្មជាតិ។-សម្ដេចធិបតី ហ៊ុន ម៉ាណែត៖ ក្នុងរយៈពេលប៉ុន្មានខែនេះ កម្ពុជានាំផលិត ផលកសិកម្មជិតប្រាំបួនលានតោន ទៅកាន់ ៧៨ ប្រទេសនៅទូទាំងពិភពលោក។-សម្ដេចធិបតី ហ៊ុន ម៉ាណែត នាយករដ្ឋមន្ត្រី ថ្លែងអំណរគុណចំពោះពលរដ្ឋទាំងអស់ ដែលគាំទ្រដល់គម្រោងប្រវត្តិសាស្ត្រព្រែកជីកហ្វូណនតេជោ ដែលការគាំទ្រនេះបង្ហាញពីស្មារតីជាតិនិយមទាំងអស់គ្នា ដោយការគាំទ្រនេះ មានទាំងប្រជាពលរដ្ឋ និងបក្សនយោបាយគ្រប់និន្នាការទាំងអស់។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ទោះអ្នកដឹកនាំវ័យក្មេង ឬ ចាស់ក្ដី គឺមានភារកិច្ចថែរក្សា ការពារ និងអភិវឌ្ឍប្រកបដោយចីរភាពទាំងអស់គ្នា។

កូរ៉េខាងជើង បាញ់មីស៊ីល២គ្រាប់ ក្រោយការអះអាងពីការជោគជ័យនៃការបាញ់មីស៊ីលបំពាក់ក្បាល

2024/07/01 08:36:30 am        157
Facebook Telegram Linkin
នៅថ្ងៃចន្ទ ១ កក្កដា នេះ កូរ៉េខាងជើងបានបាញ់សាកល្បងមីស៊ីលផ្លោងពីរគ្រាប់ ដោយយោធាកូរ៉េខាងត្បូងបានបញ្ជាក់ថា ជាការសាកល្បងអាវុធចុងក្រោយពីសំណាក់ក្រុងព្យុងយ៉ាង ដែលបានធ្វើឱ្យទំនាក់ទំនងជាមួយទីក្រុងសេអ៊ូលកាន់តែយ៉ាប់យ៉ឺន។នាយសេនាធិការចម្រុះយោធាកូរ៉េខាងត្បូង (JCS) បាននិយាយនៅក្នុងសេចក្តីថ្លែងការណ៍មួយថា មីស៊ីលផ្លោងរយៈចម្ងាយខ្លី មួយត្រូវបានបាញ់បង្ហោះនៅព្រឹកព្រលឹមថ្ងៃចន្ទនេះ។ ប្រហែល ១០ នាទីក្រោយមកមីស៊ីលទីពីរដែលមិនទាន់ស្គាល់អត្តសញ្ញាណ ត្រូវបានប្រទះឃើញ។នាយសេនាធិការចម្រុះយោធាកូរ៉េខាងត្បូង បាននិយាយថា យោធារបស់យើងបានពង្រឹងការឃ្លាំមើល និងការត្រៀមយ៉ាងប្រុងប្រយ័ត្នសម្រាប់ការបាញ់បន្ថែមទៀត ដោយបន្ថែមថាខ្លួនបានចែករំលែកព័ត៌មានអំពីឧបទ្ទវហេតុជាមួយសហរដ្ឋអាមេរិក និងជប៉ុន។ទីភ្នាក់ងារសារព័ត៌មានកណ្ដាលផ្លូវការរបស់កូរ៉េខាងជើង (KCNA) មិនបានផ្តល់ការបញ្ជាក់ភ្លាមៗអំពីការបាញ់នោះទេ។កាលពីសប្តាហ៍មុន កូរ៉េខាងជើងបានអះអាងថាបានបាញ់សាកល្បងដោយជោគជ័យនូវ មីស៊ីលបំពាក់ក្បាលគ្រាប់ជាច្រើន ប៉ុន្តែកូរ៉េខាងត្បូងបាននិយាយថា ការបាញ់បង្ហោះកាលពីថ្ងៃពុធសប្ដាហ៍មុនត្រូវបានបញ្ចប់ដោយការផ្ទុះនៅកណ្តាលអាកាស។ទំនាក់ទំនងរវាងកូរ៉េទាំងពីរគឺស្ថិតនៅចំណុចទាបបំផុតមួយក្នុងរយៈពេលប៉ុន្មានឆ្នាំមកនេះ ដោយទីក្រុងព្យុងយ៉ាងបានបង្កើនការសាកល្បងអាវុធ ខណៈ មានការទម្លាក់សំរាមជាបន្តបន្ទាប់ដោយប្រើបាឡុងក្នុងទឹកដីកូរ៉េខាងត្បូង។ការបាញ់មីស៊ីលថ្មីនេះកើតមានឡើង ខណៈប្រព័ន្ធផ្សព្វផ្សាយរដ្ឋ បាននិយាយកាលពីថ្ងៃអាទិត្យ ៣០ មិថុនានេះថា កូរ៉េខាងជើង បានរិះគន់យ៉ាងខ្លាំងលើសមយុទ្ធយោធារួមគ្នាដោយកូរ៉េខាងត្បូង ជប៉ុន និងសហរដ្ឋអាមេរិកដែលបានធ្វើឡើងក្នុងខែនេះ ដោយនិយាយថា សមយុទ្ធបែបនេះបង្ហាញពីទំនាក់ទំនងក្នុងចំណោមប្រទេសទាំងបីនេះ បានវិវត្តទៅជា ដៃជើងសម្ព័ន្ធយោធា ណាតូ នៅទ្វីបអាស៊ី៕

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ
06/21/2026 03:06 PM
Facebook Telegram Linkin
សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំង​សមុទ្រនៅភាគខាងកើតប្រទេសលីប៊ី
06/21/2026 03:06 PM
Facebook Telegram Linkin
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
06/21/2026 02:06 PM
Facebook Telegram Linkin
រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធ​ទិវាយោគៈអន្តរជាតិ ដើម្បីជំរុញ​សកម្មភាពកីឡា និងទេសចរណ៍
06/21/2026 02:06 PM
Facebook Telegram Linkin
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
06/21/2026 02:06 PM
Facebook Telegram Linkin
កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់
06/21/2026 02:06 PM
Facebook Telegram Linkin
លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ
06/21/2026 02:06 PM
Facebook Telegram Linkin
អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង
06/21/2026 01:06 PM
Facebook Telegram Linkin
ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល
06/21/2026 01:06 PM
Facebook Telegram Linkin
ក្រុមការងារចុះមូលដ្ឋានស្រុកជលគីរី ជំរុញអាជ្ញាធរឃុំបង្កើនគុណភាពសេវាសាធារណៈ
06/21/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.