នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

សភាអ៊ឺរ៉ុប៖រុស្ស៊ីគួរតែប្រគល់មាសរបស់រ៉ូម៉ានីដែលផ្ញើទៅទីក្រុងមូស្គូក្នុងកំឡុងសង្គ្រាមលោកលើកទី១ឲ្យប្រទេសនេះវិញ

2024/03/15 01:18:21 pm        233
Facebook Telegram Linkin
សមាជិកសភារ៉ូម៉ានីម្នាក់ បាននិយាយថា សមាជិកសភាក្នុងសភាអឺរ៉ុបកាលពីថ្ងៃព្រហស្បតិ៍ បានអនុម័តសេចក្តីសម្រេចដែលមិនជាប់កាតព្វកិច្ច ដោយបញ្ជាក់ថា រុស្ស៊ីគួរតែប្រគល់មាស និងវត្ថុបេតិកភណ្ឌដ៏មានតម្លៃផ្សេងទៀតដែលត្រូវបានបញ្ជូនទៅទីក្រុងមូស្គូក្នុងអំឡុងសង្គ្រាមលោកលើកទី១ ឲ្យទៅប្រទេសរ៉ូម៉ានី ដើម្បីរក្សាសុវត្ថិភាព។ក្នុងអំឡុងសង្គ្រាមលោកលើកទី១ ព្រះរាជាណាចក្ររ៉ូម៉ានី បានបញ្ជូនកាក់មាសចំនួន ៩១.៥តោនតាមផ្លូវដែកទៅកាន់ទីក្រុងមូស្គូ រួមជាមួយនឹងគ្រឿងអលង្ការ និងសម្បត្តិវប្បធម៌ដូចជាស្នាដៃសិល្បៈជាដើម។ នៅក្នុងសង្រ្គាម រូម៉ានីបានចូលភាគីជាមួយរុស្ស៊ី អង់គ្លេស និងបារាំង ប្រឆាំងនឹងអាល្លឺម៉ង់ ចក្រភពអូទ្រីស-ហុងគ្រី និងចក្រភពអូតូម៉ង់។មាសទាំងនោះ ត្រូវបានរឹបអូស បន្ទាប់ពីក្រុមឆ្លេងនិយម បានដណ្តើមអំណាច នៅក្នុងប្រទេសរុស្ស៊ីក្នុងឆ្នាំ ១៩១៧។ ប៉ុន្មានឆ្នាំក្រោយមក កិច្ចខិតខំប្រឹងប្រែងរបស់រ៉ូម៉ានី ដើម្បីយកមាសមកវិញ គឺគ្មានប្រសិទ្ធ ភាព។ វត្ថុវប្បធម៌មួយចំនួន ត្រូវបានប្រគល់មកវិញដោយអាជ្ញាធរសូវៀតក្នុងឆ្នាំ ១៩៣៥ និង ១៩៥៦ ប៉ុន្តែមិនមែនមាសទេ។នៅឆ្នាំ២០០៣ គណៈកម្មការចម្រុះមួយ ត្រូវបានបង្កើតឡើងរវាងរ៉ូម៉ានី និងរុស្ស៊ី ដើម្បីកែលម្អទំនាក់ទំនងទ្វេភាគី ហើយក៏ធ្វើការលើបញ្ហាមាសផងដែរ។កាលពីថ្ងៃព្រហស្បតិ៍ សភាអឺរ៉ុប បានអនុម័តសេចក្តីសម្រេចនេះ ដែលស្នើឡើងដោយសមាជិកសភារ៉ូម៉ានី លោក អឺហ្គែន ថូម៉ាក (Eugen Tomac) ដែលមានការគាំទ្រពីធនាគារជាតិនៃរូម៉ានី ដោយកំណត់ថា ទីក្រុងមូស្គូ គួរតែប្រគល់មាសនោះមកវិញ។លោកថូម៉ាក បានសាទរការបោះឆ្នោតនេះថា ជាការបោះឆ្នោតជាប្រវត្តិសាស្ត្រ និងជារឿងសេចក្តីថ្លៃថ្នូររបស់ជាតិ ក្នុងការបង្ហោះនៅលើFacebook។ លោកបាននិយាយថា៖«ប្រទេសរ៉ូម៉ានី មិនអាចទទួលយកអ្វីដែលមិនតិចជាងការប្រគល់មាសចំនួន ៩១.៥ តោន និងសម្បត្តិវប្បធម៌ទាំងអស់មកវិញ។

ជប៉ុន ផ្អាកការបញ្ចេញសំណល់ទឹកពីរោងចក្រហ្វ៊ូគូស៊ីម៉ា ក្រោយការរញ្ជួយដី ជាការប្រុងប្រយ័ត្នជាមុន

2024/03/15 01:14:43 pm        114
Facebook Telegram Linkin
ប្រតិបត្តិករបាននិយាយ ខណៈបញ្ជាក់ថាវិធានការនេះ ជាការប្រុងប្រយ័ត្នជាមុន ថា ការបញ្ចេញសំណល់ទឹកចេញពីរោងចក្រថាមពលនុយក្លេអ៊ែរហ្វ៊ូគូស៊ីម៉ា ដ៏ចម្រូងចម្រាសរបស់ប្រទេសជប៉ុន ត្រូវបានពន្យាពេលនៅថ្ងៃសុក្រទី១៥ខែមីនាសប្ដាហ៍នេះ ក្រោយការរញ្ជួយដី។ទីភ្នាក់ងារឧតុនិយមជប៉ុននិយាយថា នៅម៉ោង១២និង១៤នាទីព្រឹកថ្ងៃសុក្រសប្ដាហ៍នេះ ការរញ្ជួយកម្រិត៥,៨រ៉ិចទ័រ បានអង្រួនតំបន់ឆ្នេរភាគឦសានតំបន់រោងចក្រហ្វ៊ូគូស៊ីម៉ា ដែលរងការផ្លិចបំផ្លាញដោយរលកយក្សស៊ូណាមិឆ្នាំ២០១១ ។ ក្រុមហ៊ុនថាមពលអគ្គិសនីតូក្យូ (TEPCO) បាននិយាយនៅលើបណ្ដាញសង្គម X ដោយសំដៅដល់ដំណើរការបញ្ចេញសំណល់ទឹកមានសារធាតុនុយក្លេអ៊ែរថា យើងធ្លាប់បានបញ្ជាក់ហើយថា ពុំមានការខុសពីធម្មតាអ្វីទេ លើការបញ្ចេញសំណល់ទឹកដែលបានធ្វើប្រព្រឹត្តិកម្ម ឬពង្រាវ រួច។ ប៉ុន្តែផ្អែកលើសុវត្ថិភាព យើងបានផ្អាកប្រតិបត្តិការនៅទីតាំងនានាស្របតាមនិតិវិធីប្រតិបត្តិការបង្កាrជាមុន ។ អាជ្ញាធរនិយ័តករជប៉ុន ក៏បាននិយាយផងដែរភ្លាមៗបន្ទាប់ពីរញ្ជួយដីថា គ្មានភាពខុសប្រក្រតីណាមួយត្រូវបានរកឃើញនៅរោងចក្រហ្វ៊ូគូស៊ីម៉ា ដៃអ៊ីឈិ ឬរោងចក្រថាមពលហ្វ៊ូគូស៊ីម៉ា ដៃនី របស់ខ្លួននោះទេ។ ក្រុមហ៊ុន TEPCO បានចាប់ផ្ដើមការបញ្ចេញសំណល់ទឹកមានសារធាតុវិទ្យសកម្មចូលទៅក្នុងមហាសមុទ្រប៉ាស៊ីហ្វិក កាលពីខែសីហា ឆ្នាំមុន៕

សម្ដេចធិបតី៖ ៦ខែនេះ រាជរដ្ឋាភិបាលបានដាក់ចេញគោលនយោបាយអាទិភាពចំនួន៦ ប្រកបដោយសមិទ្ធផល

2024/03/15 12:58:14 pm        189
Facebook Telegram Linkin
ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានលើកឡើងពីការវិវត្តនៃកម្មវិធីនយោបាយអាទិភាព៦ចំណុច របស់រាជរដ្ឋាភិបាលដែលបានដាក់ឱ្យអនុវត្តភ្លាមៗ ក្រោយរាជរដ្ឋាភិបាលថ្មីឡើងកាន់តំណែង។ សម្តេចធិបតី ហ៊ុន ម៉ាណែត បានថ្លែងថា ការវិវត្តនៃកម្មវិធីនយោបាយអាទិភាព៦ចំណុច ដែលសម្តេចធិបតី ហ៊ុន ម៉ាណែត បានលើកឡើងនោះមានដូចជា៖ ទី១ ការពង្រីករបបសន្តិសុខសង្គម និងមូលនិធិសមធម៌សុខាភិបាលដែលគ្របដណ្តប់លើ​ប្រជាពលរដ្ឋ​ចំនួន៦,៨ លាននាក់ នៅក្នុងនោះមានសមាជិកប.ស.ស ទាំងរបបកាតព្វកិច្ចនិងរបបស្ម័គ្រចិត្ត​សរុបជាង ២លាន១សែននាក់។ ទី២ មូលនិធិសមធម៌សម្រាប់ប្រជាជននៃគ្រួសារ​ងាយរងហានិភ័យ​ចំនួន ៤៩ម៉ឺនគ្រួសារស្មើនឹង១លាន៨សែននាក់។ ទី៣ មូលនិធិសមធម៌ប្រជាជនសម្រាប់ប្រជាពលរដ្ឋនៃគ្រួសារក្រីក្រ (ក្រ១ និងក្រ២) មានចំនួន៧០ម៉ឺនគ្រួសារ ដែលមានប្រជាជន២លាន៨សែននាក់ និងពង្រីកការគ្របដណ្តប់នូវរបបសន្តិសុខសង្គមដល់ប្រជាជនក្នុងសេដ្ឋកិច្ចក្រៅប្រព័ន្ធជាង១០ ម៉ឺននាក់។ ទី៤-ការជំរុញ និងលើកកម្ពស់ការអភិវឌ្ឍសេដ្ឋកិច្ចក្រៅប្រព័ន្ធ ទី៥- ការរៀបចំយន្តការសម្របសម្រួល និងកម្មវិធីហិរញ្ញប្បទានសំដៅលើកស្ទួយផលិតកម្ម រកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និងទី៦-ការដាក់ពង្រាយមន្រ្តីបច្ចេកទេសកសិកម្មនៅក្នុងគ្រប់ឃុំសង្កាត់ដែលមានសកម្មភាពកសិកម្មទូទាំងប្រទេស។សូមជម្រាបថា រាជរដ្ឋាភិបាលអាណត្តិទី៧ ដឹកនាំដោយធិបតី ហ៊ុន ម៉ាណែត បានដាក់ឱ្យ​អនុវត្ត​ភ្លាមៗ​ចាប់ពីឆ្នាំ ២០២៣ មកនូវគោលនយោបាយអាទិភាព ៦ចំណុចដែលជាក្តីសង្ឃឹមដ៏រឹងមាំ​របស់រដ្ឋ។ សរុបមក គោលនយោបាយរបស់រាជរដ្ឋាភិបាលអាណត្តិទី៧​ ដឹកនាំដោយសម្ដេចធិបតី គឺជាគោលនយោបាយគាំពារប្រជាពលរដ្ឋ ​ជាពិសេសពលរដ្ឋក្រីក្រ និងងាយរងគ្រោះ។ គោលនយោបាយនេះ ​គឺជាក្តីសង្ឃឹមយ៉ាងកក់ក្តៅរបស់ប្រជាពលរដ្ឋខ្មែរ បន្តពីរាជរដ្ឋាភិបាលសម្តេចតេជោ៕អត្ថបទ៖ វ៉ន ដារ៉ា

សម្ដេចធិបតី ចាត់ទុកលទ្ធផលបោះឆ្នោតព្រឹទ្ធសភា បង្ហាញពីភាពចាស់ទុំផ្នែកនយោបាយ និងលទ្ធិប្រជាធិបតេយ្យនៅកម្ពុជា

2024/03/15 12:37:01 pm        142
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានចាត់ទុកលទ្ធផលផលនៃការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤នេះ គឺបានប្រព្រឹត្តទៅប្រកបដោយភាពចាស់ទុំ និងលទ្ធិប្រជាធិបតេយ្យ ដែលនេះបានបង្ហាញយ៉ាងច្បាស់ពីកត្តាសុខសន្ដិភាពរបស់ប្រទេសកម្ពុជា។ សម្ដេចធិបតី នាយករដ្ឋមន្រ្ដី មានប្រសាន៍បញ្ជាក់បែបនេះ ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព។ សម្តេចធិបតី ថ្លែងថា ការបោះឆ្នោតព្រឹទ្ធសភា នីតិកាលទី៥ ដែលបានប្រព្រឹត្តទៅដោយ ជោគជ័យកាលពីថ្ងៃទី២៥ ខែកុម្ភៈ ឆ្នាំ២០២៤ ដោយមានគណបក្ស ៤ ចូលរួមប្រកួតប្រជែង និងមានអង្គបោះឆ្នោតចូលរួម រហូតដល់ ៩៩,៨៦%។ សម្តេចធិបតីបន្តថា លទ្ធផលនៃការបោះឆ្នោតព្រឹទ្ធសភា បានបង្ហាញពីភាពចាស់ទុំផ្នែក នយោបាយ និងវឌ្ឍនភាពនៃការអនុវត្តលទ្ធិប្រជាធិបតេយ្យនៅកម្ពុជា។សម្តេចធិបតី ហ៊ុន ម៉ាណែត ក៏បានវាយតម្លៃខ្ពស់ និងអរគុណដល់គ្រប់ភាគីពាក់ព័ន្ធទាំងអស់​ជា​ពិសេស គណៈកម្មាធិការជាតិរៀបចំការបោះឆ្នោត និងអាជ្ញាធរដែនដីគ្រប់លំដាប់ថ្នាក់​ដែលបាន​សហការចូលរួម និងញ៉ាំងឱ្យព្រឹត្តិការណ៍ជាតិដ៏សំខាន់នេះប្រព្រឹត្តទៅដោយរលូន សេរី យុត្តិធម៌ អហិង្សា ត្រឹមត្រូវនិងតម្លាភាព៕

ប្រធានាធិបតីបារាំង និយាយថា អឺរ៉ុបត្រូវតែត្រៀមខ្លួនសម្រាប់សង្គ្រាម ប្រសិនបើចង់បានសន្តិភាព

2024/03/15 12:20:59 pm        118
Facebook Telegram Linkin
ប្រធានាធិបតីបារាំង លោក Emmanuel Macron បាននិយាយកាលពីថ្ងៃព្រហស្បតិ៍ទី ១៤ ខែមីនាថា អឺរ៉ុបគួរតែត្រៀមខ្លួនសម្រាប់សង្រ្គាម ប្រសិនបើខ្លួនចង់បានសន្តិភាព ដោយចាត់ទុកប្រទេសរុស្ស៊ី របស់ប្រធានាធិបតី លោក Vladimir Putin ថាជាសត្រូវ ដែលមិនបានបញ្ឈប់សង្គ្រាមនៅក្នុងប្រទេសអ៊ុយក្រែន ក្នុងជម្លោះដែលមានរយៈពេលពីរឆ្នាំមកនេះ។លោក Macron បានបង្កឱ្យមានភាពចម្រូងចម្រាសកាលពីខែមុន បន្ទាប់ពីលោក បាននិយាយថា លោកមិនអាចច្រានចោលការដាក់ពង្រាយកងទ័ពទៅក្នុងប្រទេសអ៊ុយក្រែននាពេលអនាគតបានទេ ដោយមេដឹកនាំជាច្រើនរូប បានចេញឆ្ងាយពីបញ្ហានោះ ខណៈអ្នកផ្សេងទៀត ជាពិសេសនៅអឺរ៉ុបខាងកើត បានសម្តែងការគាំទ្រ។លោក Macron បាននិយាយនៅក្នុងបទសម្ភាសន៍តាមទូរទស្សន៍ថា ប្រសិនបើរុស្ស៊ីឈ្នះសង្រ្គាមនេះ ភាពជឿជាក់របស់អឺរ៉ុប នឹងត្រូវកាត់បន្ថយដល់សូន្យ។ វាជារឿងសំខាន់សម្រាប់អឺរ៉ុប ក្នុងការមិនគូសបន្ទាត់ក្រហម ដែលនឹងបង្ហាញភាពទន់ខ្សោយដល់វិមានក្រឹមឡាំង និងជំរុញទឹកចិត្តដល់ទីក្រុងនេះ បន្តការឈ្លានពានអ៊ុយក្រែន។ លោក បាននិយាយថា ប្រទេសបារាំង ពុំដែលមានគំនិតវាយលុកប្រឆាំងរុស្ស៊ីទេ ហើយទីក្រុងប៉ារីស ក៏ពុំមានសង្រ្គាមជាមួយទីក្រុងមូស្គូដែរ ទោះបីជាការពិតថា រុស្ស៊ីបានបើកការវាយប្រហារយ៉ាងចាស់ដៃប្រឆាំងផលប្រយោជន៍របស់ប្រទេសបារាំងនៅក្នុង និងក្រៅ ប្រទេសបារាំងក៏ដោយ។ លោក Macron បាននិយាយថា ប្រទេសអ៊ុយក្រែន ស្ថិតក្នុងស្ថានភាពលំបាកនៅលើទឹកដីរបស់ខ្លួន ហើយការគាំទ្រកាន់តែខ្លាំងពីសម្ព័ន្ធមិត្ត គឺចាំបាច់។ លោក សង្ឃឹមថា ពេលវេលានឹងមកដល់នៅថ្ងៃណាមួយ ដើម្បីចរចាសន្តិភាពជាមួយប្រធានាធិបតីរុស្ស៊ី ឬអ្នកណាក៏ដោយដែលអាចធ្វើទៅបាន។

ការជម្រះក្តីក្នុងសំណុំរឿងប្រាក់បំបិទមាត់របស់លោក Trump អាចប្រឈមការនឹងពន្យារពេល

2024/03/15 12:17:15 pm        138
Facebook Telegram Linkin
រដ្ឋអាជ្ញា ក្នុងសំណុំរឿងប្រាក់បំបិទមាត់របស់ លោក ដូណាល់ ត្រាំ បាននិយាយកាលពីថ្ងៃព្រហស្បតិ៍ ថា ពួកគេនឹងមិនប្រឆាំងការពន្យារពេលរយៈពេល ៣០ ថ្ងៃក្នុងការជម្រះក្តី ដែលកំណត់ពេលចាប់ផ្តើម នៅថ្ងៃទី ២៥ ខែមីនា បន្ទាប់ពីបេក្ខជនប្រធានាធិបតីមកពីគណបក្សសាធារណរដ្ឋរូបនេះ បាននិយាយថា ការបង្ហាញភស្តុតាងយឺតយ៉ាវ ធ្វើឱ្យប៉ះពាល់ដល់ការត្រៀមខ្លួនរបស់លោក។ ការពន្យាពេលចំពោះការជម្រះក្តីបទព្រហ្មទណ្ឌមិនធ្លាប់មានលើកដំបូងរបស់អតីតប្រធានាធិបតីសហរដ្ឋអាមេរិក នឹងកំណត់ជ័យជម្នះមួយផ្សេងទៀតសម្រាប់ លោក Trump ដែលបានព្យាយាមពន្យឺតដំណើរការនីតិវិធី នៅក្នុងការជាប់ពាក់ព័ន្ធផ្លូវច្បាប់ផ្សេងៗរបស់លោក ខណៈលោកត្រៀមខ្លួនដើម្បីប្រកួតប្រជែងជាមួយប្រធានាធិបតីគណបក្សប្រជាធិបតេយ្យ លោក Joe Biden ក្នុងការបោះឆ្នោត នៅថ្ងៃទី ៥ ខែវិច្ឆិកា។ សំណុំរឿងផ្តល់ប្រាក់បំបិទមាត់នៅក្នុងតុលាការ រដ្ឋញូវយ៉ក ទីក្រុង Manhattan នឹងក្លាយជាសំណុំរឿងព្រហ្មទណ្ឌដំបូងក្នុងចំណោមសំណុំរឿងព្រហ្មទណ្ឌចំនួន៤ករណីរបស់លោក Trump ដែលឈានដល់ការជម្រះក្តី។ លោក Trump បានផ្តល់ចម្លើយពីភាពគ្មានទោសក្នុងសំណុំរឿងនៅរដ្ឋញូវយ៉ក ចំពោះករណីចំនួន ៣៤ នៃការក្លែងបន្លំឯកសារអាជីវកម្ម ដើម្បីលាក់បាំងការបង់ប្រាក់ចំនួន ១៣០.០០០ ដុល្លាររបស់អតីតមេធាវីរបស់លោក លោក Michael Cohen ដល់តារាភាពយន្តអាសអាភាស នាង ស្តមី ដេនញែល(Stormy Daniels) សម្រាប់ការបំបិទមាត់នាង នៅមុនការបោះឆ្នោតឆ្នាំ ២០១៦ អំពីការជួបប្រាស្រ័យទាក់ទងផ្លូវភេទ ដែលនាងនិយាយថាមានរយៈពេលមួយទសវត្សរ៍មកហើយ។ ប៉ុន្តែ លោក Trump បានបដិសេធការជួបនេះ។ មេធាវីរបស់លោក បានអះអាងថា លោក Cohen បានបង់ប្រាក់ឱ្យនាង Daniels ដើម្បីទុកភាពអាម៉ាស់ក្នុងគ្រួសាររបស់លោក Trump ពុំមែនដើម្បីបង្កើនឱកាសបោះឆ្នោតរបស់លោក ដូចដែលរដ្ឋអាជ្ញានៅក្នុងការិយាល័យមេធាវីទីក្រុង Manhattan លោកអាល់វីន ប្រាក(Alvin Bragg) បានចោទប្រកាន់នោះទេ។

អាមេរិក៖ សមយុទ្ធសម្ព័ន្ធណាតូនៅតំបន់អាកទិក បង្កើនការត្រៀមខ្លួនដើម្បីការពារសម្ព័ន្ធមិត្ត

2024/03/15 11:59:04 am        97
Facebook Telegram Linkin
កងទ័ព នាវា និងយន្តហោះរបស់សម្ព័ន្ធយោធាណាតូ(NATO)ដឹកនាំដោយសហរដ្ឋអាមេរិកកំពុងចូលរួមសកម្មភាពសមយុទ្ធយោធារបស់សម្ព័ន្ធនេះ នៅក្នុងតំបន់ខ្ពង់រាបភាគខាងជើងរបស់អឺរ៉ុប ជាផ្នែកមួយនៃលំហាត់យោធាដ៏ធំបំផុតរបស់អង្គការណាតូ ចាប់តាំងពីសង្រ្គាមត្រជាក់មក។ កងទ័ពប្រមាណ៩ម៉ឺននាក់ មកពីសហរដ្ឋអាមេរិក និងប្រទេសជាសម្ព័ន្ធមិត្តណាតូជាច្រើនទៀតកំពុងចូលរួមក្នុងសមយុទ្ធដែលមានឈ្មោះថា Steadfast Defender 2024 ដែលបានចាប់ផ្ដើមកាលពីចុងខែមករា និងបន្តរហូតដល់ខែឧសភា នៅទូទាំងអឺរ៉ុប។ មេបញ្ជាការរងកងទ័ពជើងទឹកទី ២ របស់សហរដ្ឋអាមេរិក លោកឧត្តមនាវីទោ ដេវីដ ផាតឆេល (David Patchell) បាននិយាយថា ផ្នែកខាងជើងនៃសមយុទ្ធនេះបាននឹងកំពុងផ្តោតលើការពង្រឹងអន្តរអាត្លង់ទិក ជាការដាក់ពង្រាយកងកម្លាំងអាមេរិកនៅខាងជើងឆ្លងកាត់មហាសមុទ្រអាត្លង់ទិកទៅកាន់ទ្វីបអឺរ៉ុប ហើយបានរួមបញ្ចូលសមយុទ្ធបាញ់គ្រាប់ពិតដែនសមុទ្រ និងការហ្វឹកហ្វឺនវាយលុកក្នុងសមុទ្រអាត្លង់ទិកខាងជើង និងអាកទិក។ ស្របពេលនាវាមួយចំនួនដែលបានចូលរួមក្នុងសមយុទ្ធបានធ្វើដំណើរត្រឡប់ទៅប្រទេសវិញ លោក Patchell ក៏បាននិយាយផងដែរថា ដោយស្ថិតនៅជិតប្រទេសរុស្ស៊ី សម្ព័ន្ធនេះបានបន្ថែមធាតុនៃភាពប្រាកដនិយមដល់ការហ្វឹកហាត់។ ផ្នែកទីពីរគឺធ្វើឡើងនៅទ្វីបអឺរ៉ុបក្នុងគោលបំណងបង្ហាញពីបំណងរបស់ណាតូក្នុងការដឹកនាំសមត្ថភាពជាតិក្នុងគ្រប់វិស័យ ទាំង ផ្លូវអាកាស លើដី សមុទ្រ លំហ និងអ៊ីនធឺណេត និងដើម្បីសាកល្បងការដាក់ពង្រាយទ័ព និងឧបករណ៍យ៉ាងលឿនឆ្លងកាត់ព្រំដែនក្នុងសម្ព័ន្ធភាពនេះ។ ជារួម បន្ថែមពីលើកងទ័ព ៩ម៉ឺននាក់ នាវាជាង ៥០ គ្រឿង ចាប់ពីនាវាផ្ទុកយន្តហោះរហូតដល់នាវាពិឃាតនឹងចូលរួម ក៏ដូចជាយន្តហោះចម្បាំងជាង៨០គ្រឿង ឧទ្ធម្ភាគចក្រ និងយានដ្រូន និងរថយន្តប្រយុទ្ធយ៉ាងហោចណាស់ ១.១០០ គ្រឿង រួមទាំងរថក្រោះ ១៣៣ គ្រឿង និងរថយន្តប្រយុទ្ធថ្មើរជើងចំនួន ៥៣៣គ្រឿង៕

ស្ថានទូតរុស្ស៊ី ប្រចាំទីក្រុងវ៉ាស៊ីនតោន បានទទួលការគំរាមកំហែងជុំវិញការបោះឆ្នោតរុស្ស៊ី

2024/03/15 11:54:48 am        110
Facebook Telegram Linkin
ឯកអគ្គរដ្ឋទូតរុស្ស៊ី ប្រចាំនៅសហរដ្ឋអាមេរិក បាននិយាយកាលពីថ្ងៃព្រហស្បតិ៍ (១៤ មីនា) ថាស្ថានទូតរបស់ខ្លួនបានទទួលការគំរាមកំហែងជាច្រើនទាក់ទងនឹងការបោះឆ្នោតប្រធានាធិបតីរុស្ស៊ី ក្នុងសប្តាហ៍នេះ។ទីភ្នាក់ងារព័ត៌មានរុស្ស៊ី បានដកស្រង់សម្តីឯកអគ្គរដ្ឋទូតរុស្ស៊ី លោក អាណាថូលី អាន់ថូនៅ (Anatoly Antonov) ដែលបាននិយាយតាមទូរទស្សន៍រដ្ឋថា «យើងកំពុងទទួលបានការហៅទូរស័ព្ទបង្កហេតុ និងការគំរាមកំហែងជាច្រើន។ យើងដឹងថាមានផែនការសម្រាប់សកម្មភាពប្រឆាំងរុស្ស៊ី នៅជុំវិញស្ថានទូត និងស្ថានកុងស៊ុលរបស់យើង ហើយក៏នឹងមានការប៉ុនប៉ងសម្រុកចូលក្នុងស្ថានទូតផងដែរ»។ប្រជាជនរុស្ស៊ី កំពុងបោះឆ្នោតជ្រើសរើសប្រធានាធិបតីរយៈពេលបីថ្ងៃ ដែលចាប់ផ្តើមពីថ្ងៃសុក្រ (១៥ មីនា) នេះ ដោយប្រធានាធិបតីកំពុងកាន់អំណាច លោក វ្ល៉ាឌីមៀ ពូទីន ប្រាកដណាស់ថានឹងឈ្នះលើគូប្រជែងបីនាក់ ដែលមិនមាននរណាម្នាក់បានរិះគន់លោកទេ។កាលពីព្រឹកថ្ងៃព្រហស្បតិ៍ រដ្ឋមន្ត្រីក្រសួងអភិវឌ្ឍន៍ឌីជីថលរបស់រុស្ស៊ី លោក ម៉ាកសុត សាដាយ៉េវ (Maksut Shadayev) បានប្រាប់ទីភ្នាក់ងារសារព័ត៌មាន ថាស (Tass) ថា លោករំពឹងថានឹងមានការវាយប្រហារពីពួកចោរព័ត៌មានវិទ្យា (Hacker) ទ្រង់ទ្រាយធំទៅលើហេដ្ឋារចនាសម្ព័ន្ធនៃប្រព័ន្ធបោះឆ្នោតរុស្ស៊ីក្នុងអំឡុងពេលបោះឆ្នោត៕

ប្រធានជំនួយ EU៖ ពុំមានភស្តុតាងណាមួយពីអ៊ីស្រាអែល ដើម្បីគាំទ្រការចោទប្រកាន់ UNRWA នោះទេ

2024/03/15 11:51:19 am        93
Facebook Telegram Linkin
ប្រមុខមន្ត្រីជំនួយមនុស្សធម៌របស់សហភាពអឺរ៉ុប បាននិយាយកាលពីថ្ងៃព្រហស្បតិ៍ (១៤ មីនា) ថាខ្លួនមិនបានមើលឃើញភស្តុតាងណាមួយពីអ៊ីស្រាអែល ដើម្បីគាំទ្រការចោទប្រកាន់របស់ខ្លួនប្រឆាំងនឹងបុគ្គលិកមកពីទីភ្នាក់ងារជនភៀសខ្លួនប៉ាឡេស្ទីន (UNRWA) នោះទេ ហើយទីភ្នាក់ងារនេះគួរតែបន្តដើរតួ «សំខាន់» នៅក្នុងតំបន់ហ្កាហ្សា។ទីភ្នាក់ងារ UNRWA ដែលផ្តល់ជំនួយ និងសេវាកម្មដល់ជនភៀសខ្លួនប៉ាឡេស្ទីននៅតំបន់ហ្កាហ្សា និងទូទាំងតំបន់ជិតបូព៌ា បានជួបវិបត្តិចាប់តាំងពីអ៊ីស្រាអែលបានចោទប្រកាន់បុគ្គលិករបស់ខ្លួនរាប់សិបនាក់ថា មានជាប់ពាក់ព័ន្ធក្នុងការវាយប្រហាររបស់ក្រុមហាម៉ាស កាលពីថ្ងៃទី០៧ តុលា ប្រឆាំងនឹងអ៊ីស្រាអែល។លោក យ៉ាណេស លីណាឆីក (Janez Lenarcic) ប្រធានផ្នែកជំនួយមនុស្សធម៌ និងការគ្រប់គ្រងវិបត្តិនៅគណៈកម្មការអឺរ៉ុប បាននិយាយថា ទាំងរូបលោក ឬបើតាមចំណេះដឹងរបស់លោក មិនមាននរណាម្នាក់នៅតំណែងនាយកប្រតិបត្តិសហភាពអឺរ៉ុប ឬម្ចាស់ជំនួយរបស់ទីភ្នាក់ងារ UNRWA ផ្សេងទៀត ទទួលបានការបង្ហាញភ័ស្តុតាងពីអ៊ីស្រាអែលនោះទេ។ ការចោទប្រកាន់នេះបានជំរុញឱ្យម្ចាស់ជំនួយដ៏ធំបំផុតរបស់ទីភ្នាក់ងារជំនួយប៉ាឡេស្ទីន UNRWA គឺសហរដ្ឋអាមេរិក និងអ្នកមួយចំនួនទៀតផ្អាកការផ្តល់មូលនិធិ ដោយធ្វើឱ្យអនាគតរបស់ទីភ្នាក់ងារនេះស្ថិតក្នុងភាពស្រពិចស្រពិល។ ប្រធានផ្នែកជំនួយមនុស្សធម៌រូបនេះបន្ថែមថា ទំនួលខុសត្រូវបុគ្គលនឹងមានសណ្តាប់ធ្នាប់ជាជាងយុត្តិធម៌សង្ខេប ហើយទីភ្នាក់ងារ ដែលមិនមានស្ថាប័នណាអាច «ជំនួសបាន» មួយនេះ នឹងត្រូវបានស្នើសុំឱ្យជម្រះពីរការចោទប្រកាន់ និងបន្តប្រតិបត្តិការរបស់ខ្លួនវិញ៕

ព្រឹទ្ធសភាអាមេរិក អំពាវនាវឱ្យមានការបោះឆ្នោតថ្មីនៅអ៊ីស្រាអែល ខណៈរិះគន់លោក ណេតាន់យ៉ាហ៊ូ

2024/03/15 11:44:02 am        142
Facebook Telegram Linkin
មេដឹកនាំសំឡេងភាគច្រើននៃព្រឹទ្ធសភាអាមេរិក លោក ឆាក់ ស៊ូមឺ (Chuck Schumer) បានអំពាវនាវកាលពីថ្ងៃព្រហស្បតិ៍ (១៤ មីនា) ឱ្យមានការបោះឆ្នោតថ្មីនៅក្នុងប្រទេសអ៊ីស្រាអែល ដោយបានរិះគន់យ៉ាងចាស់ដៃលើលោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ថាជាឧបសគ្គចំពោះសន្តិភាព។លោកព្រឹទ្ធសភាបក្សប្រជាធិបតេយ្យ ស៊ូមឺ ដែលជាអ្នកគាំទ្រអ៊ីស្រាអែលជាយូរមកហើយ និងជាមន្ត្រីជាប់ឆ្នោតជនជាតិជ្វីហ្វលំដាប់ខ្ពស់បំផុតរបស់សហរដ្ឋអាមេរិក បានប្រាប់ព្រឹទ្ធសភាថា រដ្ឋាភិបាលរបស់លោក ណេតាន់យ៉ាហ៊ូ «លែងសាកសមនឹងតម្រូវការរបស់អ៊ីស្រាអែលទៀតហើយ» រយៈពេលប្រាំខែនៅក្នុងសង្រ្គាមដែលបានចាប់ផ្តើមជាមួយនឹងការវាយប្រហារលើអ៊ីស្រាអែល ដោយពួកសកម្មប្រយុទ្ធហាម៉ាសកាលពីថ្ងៃ០៧ តុលា។លោក ស៊ូមឺ បាននិយាយថា នេះនឹងក្លាយជា «កំហុសដ៏ធ្ងន់ធ្ងរបំផុត» សម្រាប់អ៊ីស្រាអែល ក្នុងការបដិសេធដំណោះស្រាយរដ្ឋពីរ ហើយបានជំរុញឱ្យក្រុមអ្នកចរចាក្នុងជម្លោះអ៊ីស្រាអែល-ហ្កាហ្សា ធ្វើគ្រប់យ៉ាងដែលអាចធ្វើទៅបានដើម្បីទទួលបានបទឈប់បាញ់ ដោះលែងចំណាប់ថ្នូរ និងទទួលបានជំនួយចូលទៅក្នុងតំបន់សង្រ្គាមហ្កាហ្សា។លោក ស៊ូមឺ និងសមាជិកគណបក្សប្រជាធិបតេយ្យឈានមុខគេផ្សេងទៀត រួមទាំងប្រធានាធិបតី ចូ បៃដិន (Joe Biden) កំពុងប្រឈមមុខនឹងការរិះគន់យ៉ាងខ្លាំងពីក្នុងបក្ស ជុំវិញការគាំទ្រដោយឥតលក្ខខណ្ឌរបស់ក្រុងវ៉ាស៊ីនតោនចំពោះអ៊ីស្រាអែល ដែលផ្តល់ផលប៉ះពាល់ដល់ជនស៊ីវិលប៉ាឡេស្ទីនពីការវាយលុករបស់អ៊ីស្រាអែលលើតំបន់ហ្កាហ្សា៕

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត
06/14/2026 03:06 PM
Facebook Telegram Linkin
ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់
06/14/2026 03:06 PM
Facebook Telegram Linkin
ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍
06/14/2026 02:06 PM
Facebook Telegram Linkin
អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា
06/14/2026 02:06 PM
Facebook Telegram Linkin
សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ
06/14/2026 01:06 PM
Facebook Telegram Linkin
ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ
06/14/2026 01:06 PM
Facebook Telegram Linkin
សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ
06/14/2026 01:06 PM
Facebook Telegram Linkin
សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ
06/14/2026 01:06 PM
Facebook Telegram Linkin
ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល
06/14/2026 12:06 PM
Facebook Telegram Linkin
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
06/14/2026 12:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.