នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

ប្រធានាធិបតីអ៊ុយក្រែនព្រមានថា កុំរំពឹងថានឹងទទួលបានជោគជ័យលឿនពេក ខណៈប្រមូលផ្តុំកងទ័ព

2023/11/01 06:01:01 pm        156
Facebook Telegram Linkin
លោកប្រធានាធិបតី Volodymyr Zelenskiy បាននិយាយកាលពីថ្ងៃអង្គារថា ការវាយប្រហាររបស់អ៊ុយក្រែនលើកងទ័ពជើងទឹករុស្ស៊ីនៅសមុទ្រខ្មៅបានធ្វើឱ្យកិច្ចខិតខំប្រឹងប្រែងធ្វើសង្គ្រាមរបស់ទីក្រុងមូស្គូ ធ្លាក់ចុះ ដោយកំពុងស្វែងរកការប្រមូលផ្តុំកងទ័ពរបស់លោក ទោះបីជាពិភពលោកខាងក្រៅរំពឹងថានឹងទទួលបានជោគជ័យភ្លាមៗក៏ដោយ។ ទោះបីជាមានការវាយលុកដ៏ខ្លាំងក្លាជាច្រើនខែរបស់ ទីក្រុងគីវ (Kyiv) ក៏ដោយ ក៏ខ្សែបន្ទាត់ជួរមុខដ៏ធំនៅភាគខាងកើត និងខាងត្បូងរបស់អ៊ុយក្រែន បានផ្លាស់ប្តូរតិចតួចកាលពីឆ្នាំមុន ដែលជំរុញឱ្យមានការរិះគន់ និងអស់អត់ធ្មត់ក្នុងចំណោមសម្ព័ន្ធមិត្តលោកខាងលិចមួយចំនួនរបស់អ៊ុយក្រែន។ លោក Zelenskiy បាននិយាយនៅក្នុងសុន្ទរកថាវីដេអូពេលយប់ថា យើងរស់នៅក្នុងពិភពលោកដែលស៊ាំនឹងភាពជោគជ័យលឿនពេក។ នៅពេលការឈ្លានពានពេញបន្ទុកបានចាប់ផ្តើម មនុស្សជាច្រើននៅជុំវិញពិភពលោក មិនជឿថាអ៊ុយក្រែននឹងរស់រានមានជីវិតនោះទេ។ សូមលើកតម្កើងអស់អ្នកដែលមិនដកថយ ដែលមិនឆេះ ជឿលើអ៊ុយក្រែន ដូចដែលពួកគេបានធ្វើកាលពីថ្ងៃទី ២៤ ខែកុម្ភៈ និងអ្នកដែលបានប្រយុទ្ធដោយឥតងាករេ ។ សង្គ្រាមដែលរុស្ស៊ីបានចាប់ផ្តើមកាលពីថ្ងៃទី២៤ ខែកុម្ភៈ ឆ្នាំ២០២២ ពេលនេះ បានឈានចូលដល់ខែទី២០ ហើយ មិនទាន់ចប់នៅឡើយទេ។ កងកម្លាំងរុស្ស៊ីបានត្រៀមលក្ខណៈសម្រាប់ការវាយប្រហារថ្មីៗនៅក្នុងតំបន់ផ្សេងៗនៃសមរភូមិជួរមុខ ហើយកំពុងទទួលរងការខាតបង់យ៉ាងធ្ងន់ធ្ងរ។ សមុទ្រខ្មៅបានក្លាយជាចំណុចដ៏សំខាន់នៅក្នុងសង្គ្រាម។ ការវាយប្រហារតាមអាកាស និង យានដ្រូន លើផ្លូវទឹករបស់អ៊ុយក្រែន កើនឡើងលើគោលដៅយោធារុស្ស៊ីនៅទីនោះ បានធ្វើឱ្យខូចខាតនាវា និងយានដ្ឋានជួសជុលកងនាវាចរនៅក្នុងកំពង់ផែ សេវ៉ាស្តូផូល (Sevastopol) និងបានវាយប្រហារគោលដៅផ្សេងទៀត៕

តុលាការកំពូលអាមេរិក ពិបាកធ្វើការសម្រេច ជុំវិញករណីមន្ត្រីសាធារណៈបិទចោលមតិអ្នករិះគន់តាមបណ្ដាញសង្គម

2023/11/01 05:57:06 pm        104
Facebook Telegram Linkin
តុលាការកំពូលរបស់សហរដ្ឋអាមេរិក កាលពីថ្ងៃអង្គារ (៣១ តុលា) បានចូលរួមដោះស្រាយទៅក្នុងបញ្ហានៃសិទ្ធិបញ្ចេញមតិដោយសេរី ក្នុងយុគសម័យឌីជីថល អំឡុងពេលមានអំណះអំណាងនៅក្នុងករណីមកពីរដ្ឋកាលីហ្វ័រនីញ៉ា (California) និងរដ្ឋមីឈីហ្គិន (Michigan) ដែលពាក់ព័ន្ធនឹងថា តើមន្ត្រីសាធារណៈអាចបិទចោលអ្នកបញ្ចេញមតិផ្សេងទៀត ដោយស្របច្បាប់នៅលើប្រព័ន្ធផ្សព្វផ្សាយសង្គម ដែលនោះជាមុខងារមួយត្រូវបានប្រើប្រាស់ជាញឹកញាប់នៅលើវេទិកាទាំងនេះ ដើម្បីរារាំងអ្នករិះគន់ បានឬយ៉ាងណា។ក្រុមយុត្តិធម៌ មានភារកិច្ចក្នុងការសម្រេចចិត្តថា តើមន្ត្រីសាធារណៈបានចូលរួមក្នុង «សកម្មភាពរដ្ឋ» នៅពេលដែលប្លុកអ្នករិះគន់ពីគណនីប្រព័ន្ធផ្សព្វផ្សាយសង្គម ឬគ្រាន់តែធ្វើសកម្មភាពបែបនោះក្នុងសមត្ថភាពផ្ទាល់ខ្លួនរបស់ពួកគេ។ សំណួរដែលចោទឡើងដោយក្រុមយុត្តិធម៌បានស្នើថា ពួកគេកំពុងជួបការលំបាកក្នុងការកំណត់កាលៈទេសៈ ដែលសម្រេចថាគណនីប្រព័ន្ធផ្សព្វផ្សាយសង្គមមួយ គួរត្រូវបានចាត់ទុកជាបុគ្គល ឬជាផ្លូវការ។ ក្រុមយុត្តិធម៌មួយចំនួនបានលើកឡើងថា តើការតម្រូវឱ្យមន្ត្រីសាធារណៈរួមបញ្ចូល «ការមិនទទួលខុស» ត្រូវលើគេហទំព័រផ្ទាល់ខ្លួនរបស់ពួកគេ ដែលធ្វើឱ្យច្បាស់ថា សកម្មភាពប្រព័ន្ធផ្សព្វផ្សាយសង្គមរបស់ពួកគេ មិនមែនជាសកម្មភាពរបស់រដ្ឋាភិបាលនោះ នឹងជួយបែងចែកសមត្ថភាពឯកជន និងសាធារណៈរបស់ពួកគេ បានឬយ៉ាងណា។ កន្លងមក តុលាការកំពូលរបស់សហរដ្ឋអាមេរិក បានប្រឈមមុខនឹងបញ្ហាដូចគ្នានេះ កាលពីឆ្នាំ២០២១ នៅក្នុងវិវាទជុំវិញកិច្ចខិតខំប្រឹងប្រែងរបស់លោកអតីតប្រធានាធិបតី Donald Trump ក្នុងការបិទចោលមតិអ្នករិះគន់នៅលើបណ្ដាញសង្គម Twitter ប៉ុន្តែក្រុមយុត្តិធម៌ បានបរាជ័យក្នុងការសម្រេចលើបញ្ហានេះ ដោយចាត់ទុកថាករណីនេះមានភាពរអាក់រអួល បន្ទាប់ពីលោក Trump បានចាកចេញពីតំណែង៕

ក្រុមប្រឹក្សាគណៈអភិបាលខេត្តកណ្ដាលប្តេជ្ញាដោះស្រាយបញ្ហានានារបស់ពលរដ្ឋឱ្យបានល្អប្រសើរ

2023/11/01 05:38:38 pm        156
Facebook Telegram Linkin
ភ្នំពេញ៖ ក្រុមប្រឹក្សាខេត្ត រួមគណៈអភិបាលខេត្តកណ្ដាល ​ប្តេជ្ញាខិតខំប្រឹងប្រែងដោះស្រាយ​រាល់បញ្ហារប្រឈមនានា នឹងបញ្ហារសំណើរ សំណូមពររបស់ប្រជាពលរដ្ឋឲ្យបានល្អប្រសើរ ក្នុងគោលបំណងបង្កើនជំនឿជាក់លើការដឹកនាំ​ ជាពិសេសរាជរដ្ឋាភិបាល ដែលមាន​សម្តេច​មហាបវរធិបតី ហ៊ុន ម៉ាណែត ​ជានាយករដ្ឋមន្រ្តី។ឯកឧត្តម នូ សាខន ប្រធានក្រុមប្រឹក្សាខេត្តកណ្តាល ថ្លែងលើកក្នុងវេទិការផ្សព្វផ្សាយ និង​ពិគ្រោះយោបល់របស់ក្រុមប្រឹក្សាខេត្តកណ្តាល លើកទី៥អាណត្តិទី៣ ឆ្នាំ ២០២៣ នៅ​ស្រុកលើកដែក ខេត្តកណ្តាល នាព្រឹកថ្ងៃទី៣១ ខែតុលាម្សិលមិញថា មកដល់ពេល​បច្ចុប្បន្នរាជរដ្ឋាភិបាលកម្ពុជា ​ដែលមានសម្តេចមហាបវរធិបតីជានាយករដ្ឋមន្រ្តី ​សម្តេចបាន​ខិតខំ​អស់ពី​កំលាំងកាយចិត្ត ដើម្បីជម្រុញការអភិវឌ្ឍប្រទេសឲ្យមានការរកចម្រើន ​ជាពិសេសនៅក្នុង​អាណត្តិថ្មីនេះ ​រាជរដ្ឋាភិបាលអនុវត្តន៍គោលនយោបាយ​ និងបានកំណែទម្រង់ជាច្រើនវិស័យ ក្នុងគោលដៅ​ឲ្យកម្ពុជា ឆ្ពោះទៅរកការអភិវឌ្ឍឥតឈប់ឈរ ។ឯកឧត្តមបន្តថា ចំពោះកង្វល់របស់ប្រជាពលរដ្ឋនៅតាមមូលដ្ឋាន ​ក្រុមប្រឹក្សាខេត្ត និងខិតខំប្រឹង​ប្រែងដោះស្រាយរាល់បញ្ហាប្រឈម ​និងសំណើរបស់ប្រជាពលរដ្ឋ ដើម្បីឆ្លើយតបភ្លាមៗ​នឹង​ទុក្ខកង្វល់ទាំងនោះ។ ​ចំណែកបញ្ហារដែលមិនបានដោះស្រាយភ្លាមៗចំពោះមុខប្រជាពលរដ្ឋ អាជ្ញាធរ​ខេត្តបានយកបញ្ហារទាំងនោះ ​ដាក់ក្នុងផែនការរបស់ថ្នាក់ខេត្ត​ ក៏ដូចជាថ្នាក់ក្រោមជាតិ ដើម្បីដោះស្រាយជូនប្រជាពលរដ្ឋ ដែលកំពុងជួបការលំបាក ​និងជាការឆ្លើយតបទៅដល់​ប្រជាពលរដ្ឋ​ឲ្យមាន​ប្រសិទ្ធភាព​ តម្លារភាព និងឆាប់រហ័ស។ថ្លែងក្នុងវេទិការផ្សព្វផ្សាយ និងពិគ្រោះយោបល់នេះដែរ ​លោក នូវ ប៉េងច័ន្ទតារា អភិបាលរងខេត្ត ក៏បានស្នើឲ្យអាជ្ញារមូលដ្ឋាន​ ត្រូវធ្វើយ៉ាងណាខិតខំបំរើប្រជាពលរដ្ឋឲ្យបានល្អ ជាពិសេសការផ្តល់​សេវាសាធារណៈ សន្តិសុខសណ្តាប់ធ្នាប់ ​ គ្មានចោរលួចចោរប្លន់ ​ល្បែងស៊ីសង ​នៅក្នុងមូលដ្ឋាន ទាំងនេះគឺជាម្រូវការចាំបាច់របស់ប្រជាពលរដ្ឋ ​ដែលជាការផ្តល់ភាពកក់ក្តៅដល់ប្រជាពលរដ្ឋ ក៏ដូចជា​ការគោរពស្រលាញ់ពីសំណាក់ប្រជាពលរដ្ឋនៅក្នុងមូលដ្ឋានរបស់ខ្លួនផងដែរ។សូមបញ្ជាក់ថា ក្នុងវេទិកានេះ ទទួលបានសំណើរសំណូមពរចំនួន ៣៥ ​ក្នុងនោះរួមមានផ្នែករដ្ឋបាល សន្តិសុខ ​សណ្ដាប់ធ្នាប់ សរុបចំនួន ០៣ ផ្នែកសេដ្ឋកិច្ច សរុបចំនួន ៣៦ ​និងផ្នែកគ្រប់គ្រងដីធ្លី ធនធាន​ធម្មជាតិ បរិស្ថាន បម្រែបម្រួលអាកាសធាតុ ​សរុបចំនួន ០៤ ​ដែលបញ្ហាទាំងនេះត្រូវបាន ឯកឧត្តម​ប្រធានក្រុមប្រឹក្សាខេត្ត និងអភិបាលរងខេត្តកណ្ដាល ធ្វើការឡើងបកស្រាយបំភ្លឺ និងទទួលយក ​និងបានជំរុញឱ្យអាជ្ញាធរ ​និងមន្ទីរពាក់ព័ន្ធត្រូវពន្លឿនក្នុងការដោះស្រាយ ឱ្យបានទាន់ពេលវេលា ​និងមានប្រសិទ្ធភាពផងដែរ។

ព្រះរាជពិធីបុណ្យអុំទូកឆ្នាំ២០២៣នេះ មានប្រទីបចូលរួមបណ្តែតកើនឡើងទ្វេដង

2023/10/31 11:04:42 pm        1727
Facebook Telegram Linkin
ភ្នំពេញ៖ នៅសល់ពេលប្រមាណជាង២០ថ្ងៃទៀត ព្រះរាជពិធីបុណ្យអុំទូក​ បណ្តែតប្រទីប អកអំបុក និងសំពះព្រះខែ នឹងឈានចូលមកដល់។ ​នៅក្នុងរយៈពេលនេះដែរ មានទូកប្រទីបខា្នតធំ​ប្រមាណ៣០គ្រឿង បាននឹងកំពុងរៀបចំដំឡើង​ញាប់ដៃ​ញាប់ជើង ធ្វើយ៉ាងណាឲ្យហើយរួចរាល់​មុនថ្ងៃព្រះរាជពិធីបុណ្យអុំទូកចូលមកដល់។បើតាមវរៈសេនីយ៍ទោ តែ រដ្ឋា តំណាងអ្នករៀបចំដំឡើងប្រទីបរបស់ក្រសួងការពារជាតិ បានថ្លែង​ប្រាប់BTV នៅថ្ងៃទី៣១ ខែតុលានេះថា ​នៅឆ្នាំ២០២៣ គ្រប់ប្រទីបទាំងអស់​គឺត្រូវបាន​បញ្ជាទិញ​សំភារៈ គ្រឿងភ្លើងពណ៌លំអ ​ត្រូវបានរៀបចំដំឡើងថ្មីឡើងវិញទាំងអស់ ហើយការ​ដំឡើង​នោះគឺគ្រោងធ្វើឲ្យហើយរួចរាល់​ នៅក្នុងអំឡុងថ្ងៃទី២០​ ខែវិច្ឆិកា ​ទាំងអស់គ្នា។តាមសេចក្តីជូនដំណឹងរបស់​គណៈកម្មាធិការជាតិរៀបចំបុណ្យជាតិអន្តរជាតិ ​បានឲ្យដឹងថា នៅក្នុងព្រឹត្តិការណ៍​បុណ្យអុំទូក ឆ្នាំ២០២៣នេះ ​មានប្រទីបចូលរួមបណ្តែត ​នៅក្នុងទន្លេចតុមុខ មុខព្រះបរមរាជវំាង ​មាន​ចំនួន៣០ប្រទីប​ ក្នុងនោះ ​មានប្រទីបមកពីបណ្តាក្រសួងស្ថាប័នរដ្ឋ​ចំនួន២៧ ប្រទីប ​សហភាពសហព័ន្ធយុវជនកម្ពុជា ​(ស.ស.យ.ក)ចំនួន១ ​និងប្រទីប មក​ពីវិស័យឯកជន ចំនួន២ រួមមាន៖ ​ប្រទីបក្រុមហ៊ុនវឌ្ឍនៈ​ និងប្រទីបក្រុមហ៊ុនកូកាកូឡា។មន្ត្រីគណៈកម្មាធិការរៀបចំបុណ្យជាតិ-អន្តរជាតិ ​បានឲ្យដឹងដែរថា​ ក្នុងព្រះរាជពិធីបុណ្យអុំទូក អំឡុងឆ្នាំ២០១៩ ​មុនពេលមិនទាន់មានកូវីដ១៩ ​គឺមានប្រទីបចំនួន១៣គ្រឿងចូលរួមបណ្តែត ហើយ​សម្រាប់ព្រះរាជពិធីបុណ្យអុំទូកឆ្នាំ២០២៣នេះវិញ ​គឺមានប្រទីប​ចូលរួម​បណ្តែត​ចំនួន៣០ប្រទីប។នៅក្នុងកិច្ចប្រជុំត្រៀម​លក្ខណៈរៀបចំព្រះរាជពិធីបុណ្យអុំទូក​ បណ្តែតប្រទីប ​និងសំពះព្រះខែ អកអំបុក ​របស់រដ្ឋបាលសាលារាជធានីភ្នំពេញ ​កាលពីពេលថ្មីៗនេះ ​បានបញ្ជាក់ថា មាន​ទូកមកពី​តាមបណ្តាខេត្ត រាជធានីបានចុះឈ្មោះចូលរួម​ប្រណាំង​ប្រមាណជាង ​៣០០ទូក ក្នុងនោះរាជធានី​ភ្នំពេញ​មានប្រមាណជាង ៤០ទូក ​និងមានកីឡាករ ​កីឡាការិនីចំណុះទូក​ប្រមាណជិត២ម៉ឺននាក់ ៕អត្ថបទ ស៊ុម សុខជា

លោក Bidenចុះហត្ថលេខាលើក្រឹត្យ AI ស្តីពីការអភិវឌ្ឍ និងការប្រើប្រាស់ប្រកបដោយសុវត្ថិភាព

2023/10/31 10:29:09 pm        278
Facebook Telegram Linkin
ប្រធានាធិបតីសហរដ្ឋអាមេរិកលោក Joe Biden បានចុះហត្ថលេខាលើក្រឹត្យមួយ ជាមួយនឹងគោលដៅនៃកិច្ចប្រឹងប្រែងចម្បង ក្នុងការធានាឲ្យមានការអភិវឌ្ឍប្រកបដោយសុវត្ថិភាព និងស្ថិរភាព និងការប្រើប្រាស់បញ្ញាសិប្បនិម្មិត (AI) ខណៈបច្ចេកវិទ្យា AIនេះ រីករាលដាលយ៉ាងឆាប់រហ័ស នៅទូទាំងពិភពលោក។ក្រឹត្យនេះត្រូវបានចុះហត្ថលេខា កាលពីថ្ងៃចន្ទ (ទី៣០ ខែតុលា)។ ក្រឹត្យនេះស្វែងរកការប្តេជ្ញាចិត្តពីភ្នាក់ងាររដ្ឋាភិបាល និងក្រុមហ៊ុនឯកជន ដើម្បីធ្វើឲ្យប្រាកដថា AI មានសុវត្ថិភាព ស្ថិរភាព និងគួរឲ្យទុកចិត្ត។តាមរយៈក្រឹត្យនេះ ទីភ្នាក់ងាររដ្ឋាភិបាលនឹងបង្កើតលក្ខណៈវិនិច្ឆ័យយ៉ាងតឹងរឹង សម្រាប់ការធ្វើតេស្តដែលធ្វើឡើងដោយក្រុមហ៊ុនឯកជន មុនពេលបច្ចេកវិទ្យា ឬប្រព័ន្ធរបស់ក្រុមហ៊ុនទាំងនោះ អាចត្រូវបានដាក់ឲ្យប្រើប្រាស់។ ការណ៍នេះ គឺដើម្បីធានាសុវត្ថិភាពនៃផលិតផលទាំងនោះ។ ក្រឹត្យនេះក៏អំពាវនាវឲ្យមានការអភិវឌ្ឍប្រកបដោយស្តង់ដារ ដោយការដាក់ស្លាកឲ្យបានច្បាស់លាស់នៃមាតិកា ដែលបង្កើតដោយ AI ។លោក Biden បាននិយាយថា៖ «AI គឺនៅជុំវិញយើងទាំងអស់គ្នា។ ភាគច្រើន ជួយធ្វើឲ្យជីវិតរបស់យើងកាន់តែប្រសើរឡើង»។ ប៉ុន្តែលោកបានបន្ថែមថា៖ «ដើម្បីសម្រេចបាននូវការសន្យារបស់ AI និងចៀសវាងហានិភ័យនានា យើងត្រូវតែគ្រប់គ្រងបច្ចេកវិទ្យានេះឲ្យបាន»៕

ប្រមុខការពារជាតិកម្ពុជា៖ កម្ពុជាគ្មានការរារែកបញ្ជូនកងទ័ពរបស់ខ្លួន ក្នុងប្រតិបត្តិការរក្សាសន្តិភាព​ក្រោម​ឆត្រ​UNនោះឡើយ

2023/10/31 09:18:49 pm        326
Facebook Telegram Linkin
ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានថ្លែងទៅកាន់ថ្នាក់ដឹកនាំក្រសួងការពារជាតិ និងកងទ័ពជាង ៦០ប្រទេស ដែលបានចូលរួម​នៅ​ក្នុងវេទិកាសៀងសាន លើកទី១០ នៅទីក្រុងប៉េកាំងប្រទេសចិន កាលពីថ្ងៃទី៣០ម្សិលមិញថា រាជរដ្ឋាភិបាលកម្ពុជា គ្មានការរារែក ក្នុងការបញ្ជូនកងទ័ពរបស់ខ្លួន ដើម្បីចូលរួម​ប្រតិបត្តិការ​រក្សាសន្តិភាព ក្រោមឆត្រអង្គការ​សហប្រជាជាតិនោះឡើយ ​ខណៈការបញ្ជូននេះ​គឺជាសក្ខីភាព​នៃការ​យកចិត្តទុកដាក់របស់កម្ពុជា ក្នុងការឲ្យតម្លៃចំពោះសន្តិភាព។ឯកឧត្តមនាយឧត្តមសេនីយ៍ ​ទៀ សីហា បានបញ្ជាក់ថា «ក្នុងនាមជាប្រទេសដែលចូលរួមចំណែក​បរិច្ចាគកងទ័ពក្នុងប្រតិបត្តិការរក្សាសន្តិភាព កម្ពុជា​នៅតែប្រកាន់ខ្ជាប់នូវ​ការប្តេជ្ញាចិត្ត​របស់ខ្លួន​ចំពោះប្រតិបត្តិការរក្សាសន្តិភាព ​ដែលជាសក្ខីភាពនៃការយកចិត្តទុកដាក់របស់យើងចំពោះសន្តិភាព សន្តិសុខ ​និងស្ថិរភាពអន្តរជាតិ ​ដែលជាកត្តាសំខាន់សម្រាប់ការអភិវឌ្ឍប្រកបដោយចីរភាព»។ សូមបញ្ជាក់ថា រយៈពេល១៧ឆ្នាំមកនេះកម្ពុជា បានបញ្ជូនកងកម្លាំង​នៃកងយោធពលខេមរភូមិន្ទ សរុបចំនួន ៩២០៥នាក់ ​ក្នុងនោះ​នារីចំនួន៧២៦នាក់។ប្រទេសដែលកម្ពុជា បានបញ្ជូនកងទ័ពរបស់ខ្លួនក្រោមឆត្រអង្គការ​សហប្រជាជាតិនោះ​គឺ​មានប្រទេសសាធារណរដ្ឋស៊ូដង់, ស៊ូដង់ខាងត្បូង, ឆាដ, អាហ្វ្រិកកណ្តាល, លីបង់, សាយប្រឺស, ស៊ីរី, ម៉ាលី, យេមេន ​និងកុងហ្គោជាដើម។ ជំនាញរបស់កងទ័ពកម្ពុជា​ ដែល​បាន​បញ្ជូនទៅនោះមាន​ដូចជា ​ជំនាញ​បោសសំអាតមីន, ​កម្ទេចគ្រឿងផ្ទុះ, ប្រឆាំង-បន្សាបគ្រឿង​ផ្ទុះកែច្នៃ,កងរាជ​អាវុធ​ហត្ថ,វិស្វកម្មពហុជំនាញ,នាយទាហានសេនាធិការ​ និង​សង្កេតការណ៍​យោធាជាដើម៕អត្ថបទ៖ បាន ចក់

នាយឧត្តមសេនីយ៍ ទៀ សីហា៖ ការសន្ទនា និងការទូតជាឧបករណ៍ដ៏មានប្រសិទ្ធភាពបំផុត ក្នុងការដោះស្រាយជម្លោះ

2023/10/31 08:58:05 pm        408
Facebook Telegram Linkin
នៅទីក្រុងបេកាំងប្រទេសចិន នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តី​ក្រសួង​ការពារ​ជាតិកម្ពុជាបានថ្លែងថា ការប្រែប្រួលភូមិសាស្ត្រនយោបាយ និងការកើតឡើង​នូវ​បញ្ហា​ប្រឈម​ផ្នែក​សន្តិសុខ ដែលចេះតែរីកធំឡើងពីមួយថ្ងៃទៅមួយថ្ងៃ ខណៈបញ្ហាទាំងនេះកើតឡើង គឺ​កើតចេញ​ពីការប្រកួតប្រជែងរបស់ប្រទេសមហាអំណាចនានា ដូច្នេះកម្ពុជារំពឹងថា មាន​តែ​ការ​សន្ទនា និងការ​ទូតទេ​ជា​ឧបករណ៍​ដ៏មាន​ប្រសិទ្ធភាព​បំផុត​ក្នុង​ការ​ដោះស្រាយ​ជម្លោះ​ទាំង​ឡាយ​នោះ​។ការថ្លែងរបស់ប្រមុខការពារជាតិកម្ពុជានេះ គឺបានធ្វើឡើងក្នុងឱកាសដែលឯកឧត្តមចូលរួមក្នុង វេទិកា សៀងសាន លើកទី១០ នៅទីក្រុងប៉េកាំងនាថ្ងៃទី៣០ ខែតុលា ឆ្នាំ២០២៣នេះ ដោយ​វេទិកា​នេះ មានការអញ្ជើញចូលរួមពីប្រមុខថ្នាក់ដឹកនាំការពារជាតិ និងកងទ័ព​មក​ពី​បណ្តា​ប្រទេស​នៅ​អឺរុប អាហ្វ្រិកអាស៊ី និងប្រទេសក្នុងតំបន់អាស៊ានសរុបទាំងអស់ជាង ៦០ប្រទេស។នាយឧត្តមសេនីយ៍ ទៀ សីហា បានថ្លែង​ទៅ​កាន់​វេទិកា​នេះ​ថា ឯកឧត្តម​សូម​សម្តែង​នូវ​សេចក្តី​សោមនស្ស​រីករាយដែលបានចូលរួមក្នុងវេទិកា សៀងសាន ទីក្រុងប៉េកាំង លើកទី១០ ដែល​ជា​វេទិកា​ដ៏​សំខាន់​ សម្រាប់ការប្តេជ្ញាចិត្តរួមរបស់យើងក្នុងការលើកកម្ពស់ និងថែរក្សាសន្តិភាព សន្តិសុខ និងកិច្ចសហប្រតិបត្តិការ។ ឯកឧត្តមបានថ្លែងទៀតថា ទិដ្ឋភាព​សកល​លោក​កំពុង​ឆ្លង​កាត់​ការ​ផ្លាស់​ប្តូរ​យ៉ាង​រហ័ស​ដែល​មិន​ធ្លាប់​ឃើញ​ពីមុនមក និងពោពេញទៅដោយភាពមិនប្រាកដប្រជា ទាំងការ​ប្រែប្រួល​ភូមិ​សាស្ត្រ​នយោបាយ និងការកើតឡើងនូវបញ្ហាប្រឈមផ្នែកសន្តិសុខ ដែលចេះ​តែ​រីក​ធំ​ឡើង​ពី​មួយ​ថ្ងៃ​ទៅ​មួយ​ថ្ងៃ។​ ការប្រកួតប្រជែងភូមិសាស្ត្រនយោបាយកាន់តែខ្លាំងឡើងក្នុងចំណោមមហាអំណាចនានា កំពុង​ជំរុញ​ឱ្យ​មាន​ការផ្លាស់ប្តូរជាបន្តបន្ទាប់នៅក្នុងទិដ្ឋភាពយុទ្ធសាស្ត្រក្នុងតំបន់ និង​ពិភព​លោក​ដោយ​ស្ថានភាព​នេះ​បានដាក់សម្ពាធលើសន្តិភាព សន្តិសុខ និងវិបុលភាពជាដើម។ យ៉ាងណាក៏ដោយឯកឧត្តមនាយឧត្តមសេនីយ៍ បានបញ្ជាក់ទៅកាន់អង្គវេទិកាទៀតថា « តាម​បទ​ពិសោធន៍​របស់​កម្ពុជា យើងជឿជាក់យ៉ាងមុតមាំថា ការសន្ទនា និង​ការ​ទូត​ជា​ឧបករណ៍​ដ៏​មាន​ប្រសិទ្ធភាព​បំផុត​ក្នុងការដោះស្រាយជម្លោះ។ ភាគីពាក់ព័ន្ធទាំងអស់ក្នុងជម្លោះ គួរ​តែ​ធ្វើ​ការ​ទំនាក់​ទំនង​គ្នា​ទៅ​វិញទៅមកប្រកបដោយការស្ថាបនា ដើម្បីប​ញ្ឈប់អំពើហិង្សាជំរុញការយោគយល់គ្នា និង​គោរព​ផលប្រយោជន៍ និងសន្តិសុខរបស់គ្នាទៅវិញទៅមក ក្នុងពេលដែលនៅបន្តរក្សាសន្តិសុខ និង​ផលប្រយោជន៍ជាតិរៀងៗខ្លួន។ សន្តិភាព​នៅ​តែ​ជា​មូលដ្ឋាន​គ្រឹះ​នៃ​សេចក្តី​ប្រាថ្នា​រួម​របស់​យើង។ មានតែតាមរយៈការរួមរស់ជាមួយគ្នាដោយសន្តិវិធី និងការសន្ទនា​ប៉ុណ្ណោះ​ទើប​យើង​អាច​សម្រេច​បាន​នូវស្ថិរភាព និងបង្កើតបរិយាកាសអំណោយផលដល់វឌ្ឍន¬ភាព និងការអភិវឌ្ឍ»។ក្នុង​នាមក្រសួងការពារជាតិកម្ពុជា ឯកឧត្តម ទៀ សីហា ក៏បាន​បញ្ជាក់​ឡើង​វិញ​នូវ​ការ​ប្តេជ្ញា​ចិត្ត​របស់​កម្ពុជា​ក្នុងការពង្រឹង និងពង្រីកកិច្ចសហប្រតិបត្តិការប្រកបដោយការស្ថាបនា ជាមួយ​ប្រជាជាតិ​ទាំង​អស់ តាមរយៈក្របខណ្ឌទ្វេភាគី តំបន់ និងអន្តរជាតិ ដើម្បីរួមចំណែកដល់សន្តិភាព សន្តិសុខ ស្ថិរភាព ការអភិវឌ្ឍប្រកបដោយចីរភាព និងវិបុលភាពពិភពលោកជាដើម។ ឯកឧត្តម​បានបញ្ជាក់ទៅកាន់វេទិកាដ៏ធំនេះទៀតថា កម្ពុជានឹងបន្ត​ដើរ​តាម​ផ្លូវ​នៃ​គោល​នយោបាយ​ការ​បរទេស​ឯករាជ្យ និងអព្យាក្រឹតផ្អែកលើច្បាប់ ការគោរពគ្នាទៅវិញទៅមក និងការ​ប្រកាន់​ខ្ជាប់​នូវ​គោលការណ៍ទាំងធម្មនុញ្ញអង្គការសហប្រជាជាតិ និងធម្មនុញ្ញអាស៊ាន។ គោល​ដៅ​របស់​យើង​គឺ​លើក​កម្ពស់ផល​ប្រយោជន៍ជាតិ ពង្រឹងមិត្តភាពដែលមានស្រាប់ និងជំរុញទំនាក់ទំនងមិត្តភាពថ្មី។ កម្ពុជានៅតែប្រកាន់ជំហរប្រឆាំងនឹងការគំរាមកំហែង ឬការប្រើប្រាស់​កម្លាំង​ក្នុង​ទំនាក់​ទំនង​អន្តរជាតិ ការជ្រៀតជ្រែកកិច្ចការផ្ទៃក្នុងរបស់ប្រទេសដទៃ៕ អត្ថបទ៖ បាន ចក់

មន្រ្តីថ្នាក់ក្រោមជាតិប្តេជ្ញាពង្រឹងប្រសិទ្ធភាពការងារឱ្យកាន់តែល្អប្រសើរ តាមការណែនាំរបស់ប្រមុខរាជរដ្ឋាភិបាល

2023/10/31 08:54:43 pm        365
Facebook Telegram Linkin
ភ្នំពេញ៖ មន្រ្តីថ្នាក់ក្រោមជាតិ ប្តេជ្ញាពង្រឹងប្រសិទ្ធភាពការងារឱ្យកាន់តែល្អប្រសើរ បន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានផ្តល់អនុសាសន៍ណែនាំ ពិសេសលើការផ្ដល់សេវាសាធារណៈជូនប្រជា​ ពលរដ្ឋដោយភាពទំនើបកម្ម ។លោក ឌី សុខខែម អភិបាលរងខណ្ឌមានជ័យ ​នៅថ្ងៃទី៣១ ខែតុលា នេះ បានប្រាប់BTVថា បច្ចុប្បន្ន ​ការផ្តល់សេវាសាធារណៈជូនប្រជាពលរដ្ឋនៅក្នុងមូលដ្ឋាន​ខណ្ឌរបស់លោក គឺ​មានភាពមមាញឹក ហើយការផ្តល់សេវានេះ ធ្វើឡើងដោយតម្លាភាព ​មិនមាន​ការរើសអើងនោះទេ ។លោកអភិបាលរង ​បានប្តេជ្ញាថា ​នឹងអនុវត្តអនុសាសន៍​ណែនាំរបស់សម្តេចធិបតី ​ហ៊ុន ម៉ាណែត នាយករដ្ឋមន្រ្តីកម្ពុជា ​ក្នុងពង្រឹងសេវាសាធារណៈ និងដោះស្រាយបញ្ហាក្នុងមូលដ្ឋាន​ឱ្យមានប្រសិទ្ធភាព។ប្រជាពលរដ្ឋ ដែលបានទៅរកសេវាសាធារណៈនៅសាលាខណ្ឌមានជ័យ ​បានសរសើរមន្រ្តីនៅ ទីនេះថា បានយកចិត្តទុកដាក់ផ្តល់សេវារហ័ស​ និងគ្មានការយកថវិកា​ក្រៅផ្លូវការនោះទេ។​ ពួកគេ រំពឹងថា​ ការផ្តល់សេវាសាធារណៈនៅមូលដ្ឋាន ​នឹងកាន់តែមានភាពល្អថែមទៀត ​ទៅពេលអនាគត ។ក្នុងពិធីសម្ពោធអគាររដ្ឋបាលថ្មី និងសមិទ្ធផលនានានៅខេត្តកំពង់ស្ពឺ ​និងប្រកាសជាខេត្តអស់មីន នៅថ្ងៃទី៣០ ខែតុលា នេះ សម្តេចធិបតី ​ហ៊ុន ម៉ាណែត ​នាយករដ្ឋមន្រ្តី នៃកម្ពុជា បានផ្តល់​អនុសាសន៍៥ចំណុច ក្នុងគោលបំណងឱ្យរដ្ឋបាលរាជធានី-ខេត្ត ពង្រឹងសេវាសាធារណៈរបស់ខ្លួន និងដោះស្រាយបញ្ហា ​នានាក្នុងមូលដ្ឋានឲ្យមានប្រសិទ្ធភាព ​និងទាន់ពេលវេលា ។អនុសាសន៍ទាំង៥ចំណុចរួមមាន៖ ទី១- ត្រូវចូលរួមពង្រឹងការជ្រើសរើស​មន្រ្តីចូលបម្រើការងារ ប្រកប​ដោយគុណាធិបតេយ្យ តម្លាភាព យុត្តិធម៌ បរិយាបន្ន ​និងប្រសិទ្ធភាព ​ពោលគឺត្រូវធានាថា មន្រ្តីជាអ្នកបម្រើប្រជាជន ​ប្រកបដោយសមត្ថភាព ក្រមសីលធម៌ ​និងវិជ្ជាជីវៈខ្ពស់។ ទី២- ត្រូវដាក់ចេញនូវយន្តការ រាយការណ៍ ​ឬយន្តការទទួលពាក្យ​បណ្តឹងអំពីបញ្ហាណាមួយ ពីសំណាក់​ប្រជាពលរដ្ឋ ហើយត្រូវឆ្លើយតប ​ជូនវិញឱ្យបានឆាប់រហ័ស ​និងដោយប្រសិទ្ធភាពខ្ពស់។ ទី៣- ត្រូវធ្វើយ៉ាងណាផ្តល់សេវាសាធារណៈឱ្យបាន ​ល្អបំផុតដល់ប្រជាពលរដ្ឋ ​ដោយ​មិន​ស្មុគស្មាញ ។ ទី៤ - ត្រូវ​តាមដាន​ជាប់​នូវគោល​នយោបាយ​របស់រាជ ​រដ្ឋាភិបាល​ និង​ត្រូវត្រៀមខ្លួនជានិច្ច ដើម្បី​ធ្វើការងារឱ្យមានប្រសិទ្ធភាពខ្ពស់ ​និង៥- ត្រូវ​ពង្រឹង​ភាព​ស្អាតស្អំ ​របស់ខ្លួន​ កុំប្រើប្រាស់​អំណាច​ខុសច្បាប់ ធ្វើឱ្យប៉ះពាល់ដល់​ផល​ប្រយោជន៍ប្រជាពលរដ្ឋជាដើម៕អត្ថបទ៖ ទូច សោភ័ណ 

សហភាពអឺរ៉ុបគ្រោងជួយកែទម្រង់តំបន់បាល់កង់ខាងលិច ជាមួយនឹងកញ្ចប់ថវិកាចំនួន ៦ពាន់លានអឺរ៉ូ

2023/10/31 06:59:59 pm        490
Facebook Telegram Linkin
ប្រធានប្រតិបត្តិសហភាពអឺរ៉ុប លោកស្រី Ursula von der Leyen បាននិយាយនៅក្នុងរដ្ឋធានី ស្កុបព្យេ (Skopje) កាលពីថ្ងៃចន្ទថា សហភាពអឺរ៉ុប គ្រោងជួយបណ្តាប្រទេសនៅតំបន់បាល់កង់ខាងលិច បន្តការកែទម្រង់ដែលត្រូវការសម្រាប់ការធ្វើសមាហរណកម្មជាមួយប្លុកអ្នកមាន ជាមួយនឹងការវិនិយោគចំនួន ៦ពាន់លានអឺរ៉ូ (៦.៤ពាន់លានដុល្លារ)។លោកស្រី von der Leyen បាននិយាយថា ប្រទេសម៉ាសេដូនីខាងជើង អាល់បានី កូសូវ៉ូ ស៊ែរប៊ី ម៉ុងតេណេហ្គ្រោ និងបូស្នី និងហឺហ្សេហ្គោវីណា ទាំងអស់ ត្រូវការចាប់យក«ឱកាស" សម្រាប់ការពង្រីកសហភាពអឺរ៉ុប និងធ្វើការ ដើម្បីកំណត់ស្តង់ដារបស់ពួកគេចំពោះអ្នកនៅក្នុងប្លុកនេះ។លោកស្រី Von der Leyen បាននិយាយថា ផែនការកំណើនថ្មីរបស់សហភាពអឺរ៉ុបសម្រាប់តំបន់នឹងរួមបញ្ចូលការបើកទីផ្សាររួមរបស់ខ្លួន ទៅកាន់បណ្តាប្រទេសនៅតំបន់បាល់កង់ខាងលិច ក្នុងវិស័យដូចជា ការដឹកជញ្ជូនទំនិញ និងសេវាកម្មដោយសេរី ការដឹកជញ្ជូន និងថាមពល។ ផែនការនេះ ក៏បានជំរុញឲ្យប្រទេសនានាបើកទីផ្សាររួមក្នុងតំបន់ ហើយបន្តអនុវត្តន៍ជាមួយនឹងកំណែទម្រង់ដែលចាំបាច់។ជាឧទាហរណ៍ ប្រទេសម៉ាសេដូនីខាងជើង ត្រូវការកែទម្រង់បរិយាកាសធុរកិច្ចរបស់ខ្លួន បង្កើតរដ្ឋបាលសាធារណៈប្រកបដោយប្រសិទ្ធភាព មានហិរញ្ញវត្ថុសាធារណៈល្អ និងកែលម្អការប្រយុទ្ធប្រឆាំងនឹងអំពើពុករលួយ។ ប្រទេសនេះ ក៏ចាំបាច់ត្រូវធ្វើវិសោធនកម្មរដ្ឋធម្មនុញ្ញ ដើម្បីទទួលស្គាល់ជនជាតិប៊ុលហ្គារីជាជនជាតិភាគតិច ដូចដែលបានស្នើសុំដោយប្រទេសប៊ុលហ្គារី ដើម្បីអនុញ្ញាតឲ្យប្រទេសនេះ ចូលរួមក្នុងសហភាពអឺរ៉ុប។

រឿង«គិតម៉េចឡូវ? NOW WHAT» ជាប់ជ័យលាភីលេខ០១ ក្នុងមហោស្រពភាពយន្តខ្លីចតុមុខ ឆ្នាំ២០២៣

2023/10/31 06:37:26 pm        454
Facebook Telegram Linkin
ភ្នំពេញ៖ ស្នាដៃផលិតករវ័យក្មេង Peace Chong មានចំណងជើងថា «គិតម៉េចឡូវ? NOW WHAT» ប្រកាសជាប់ជ័យលាភីលេខ០១ ក្នុងពិធីបិទមហោស្រពភាពយន្តខ្លីចតុមុខ ឆ្នាំ២០២៣ ជំនាន់ទី១២ នៅរាត្រី ថ្ងៃទី៣១ ខែតុលា ឆ្នាំ២០២៣ នៅ Legend Premium Cinema Olympia។ថ្លែងក្នុងពិធីបិទមហោស្រពភាពយន្ត ឯកឧត្តម ហាប់ ទូច រដ្ឋលេខាធិការក្រសួងវប្បធម៌ និង​វិចិត្រ​សិល្បៈថា ការចូលរួមទាំងផ្នែករដ្ឋ វិស័យឯកជន និងដៃគូពាក់ព័ន្ធ ​គឺជាការចាំបាច់ណាស់ ដើម្បីយើងពុះពារទាំងអស់គ្នា។ ​ហើយក្រសួងវប្បធម៌ ​និង​វិចិត្រសិល្បៈ ខិតខំ​ជួយដើម្បីគាំទ្រ​ដល់វិស័យភាពយន្ត ​ក្នុងទិសដៅមួយឲ្យ​ព្រះរាជាណាចក្រកម្ពុជា ​ក្លាយជាដែនដីនៃការផលិតភាព​យន្តជាតិ ​និងអន្តរជាតិ។ចំណែកផលិតករវ័យក្មេង Peace Chong ជាប់ជ័យលាភីលេខ០១ ក្នុងការប្រកួតមហោស្រពភាព​យន្តខ្លី ​មាន​អារម្មណ៍​សប្បាយរីករាយ ​ដែលគំនិតរបស់​លោក​ត្រូវបាន​គណៈកម្មាធិការមេប្រយោគ​ទទួលស្គាល់។ ​លោក​ក៏សង្ឃឹមថា ​អ្វីដែលលោក​ រួមនិងក្រុមការងារ​បាន​ផលិត​ឡើង និងផ្តល់​សារជូន​ដល់អ្នកគាំទ្រ។បើតាមលោក ស៊ុ ស៊ីថែន ប្រធានមហោស្រព និងស្ថាបនិកក្រុមភាពយន្តឈូករ័ត្ន បានឲ្យដឹងថា ក្រុមការងារភាពយន្ត ឈូករ័ត្ន ឈានដល់របត់ថ្មី នៃការរៀបចំកម្មវិធីនៅរក្សាបេសកកម្មដដែរ។ តាមរយៈការរៀបចំមហោស្រពឆ្នាំនេះ ​បានចែករំលែកបទពិសោធន៍៧ចំណុច ​ដែល​ប្លែកពីជំនាន់​មុនៗ​នៃមហោស្រពភាពយន្តខ្លី ​ចតុមុខ ​ដោយនៅក្នុងនោះរួមមាន៖ ជំនាន់ទី១២ យើងទទួល​បានភាពយន្តខ្លីបានច្រើន ទោះបីរឿងក្នុងស្រុក តិច ជាងបរទេស បន្តិច ខុសពីឆ្នាំមុន។ តែគុណភាពរឿងសុទ្ធតែល្អៗ ​ហើយប្រធានបទ ស្រដៀង ឆ្នាំមុនៗគឺទាក់ទង នឹងរឿង«គ្រួសារ» និង «អត្តសញ្ញាណផ្ទាល់ខ្លួន»។​ ភាពយន្តឯកសារ ​នៅបន្តទទួលទាំងក្នុងស្រុក ​និងក្រៅស្រុក ជាពិសេស ពីដៃ​គូសហគមន៍ ចំនួន២ គឺ៖ ដេប៉ាតឺម៉ង់ផ្សព្វផ្សាយ​ និង​សារគមនាគមន៍ និងមជ្ឈមណ្ឌល​សោតទស្សន៍​បុប្ផាណា៕អត្ថបទ៖ រដ្ឋា

បណ្ដាញសង្គម

ព័ត៌មានថ្មីៗ

សម្តេចព្រះមហាសង្ឃរាជ បួរ គ្រី ព្រះរាជប្រទានព្រះរាជអំណោយសម្រាប់ឱកាសពិធីបុណ្យកាន់បិណ្ឌ
10/03/2026 07:10 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមក្នុងពិធីចម្រើនព្រះបរិត្ត និងដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ
10/03/2026 06:10 PM
Facebook Telegram Linkin
គណបក្ស CJP ប្រកាសធ្វើបាតុកម្មនៅថ្ងៃទី១០ ខែតុលា ប្រឆាំងនឹងប្រធានស្ថាប័នរៀបចំការបោះឆ្នោត
10/03/2026 05:10 PM
Facebook Telegram Linkin
មនុស្សយ៉ាងតិច ៥នាក់ស្លាប់ និង ១០នាក់រងរបួស ក្នុងហេតុការណ៍ផ្ទុះឡចំហាយទឹក នៅភាគខាងត្បូងឥណ្ឌា
10/03/2026 05:10 PM
Facebook Telegram Linkin
រុស្ស៊ីវាយប្រហារលើស្ពានសំខាន់មួយទៀត ក្នុងរដ្ឋធានីរបស់អ៊ុយក្រែន
10/03/2026 05:10 PM
Facebook Telegram Linkin
មនុស្សយ៉ាង​តិច​ ១១នាក់ បាន​រងរបួស​ ក្រោយ​បារបាក់​រលំ​ នៅអេស្ប៉ាញ
10/03/2026 05:10 PM
Facebook Telegram Linkin
សម្តេចបវរធិបតី និងលោកជំទាវបណ្ឌិត បានឧបត្ថម្ភអង្ករប្រចាំត្រីមាស ជូនដល់សាកលវិទ្យាល័យឌីជីថលកម្ពុជា សម្រាប់ផ្គត់ផ្គង់ការហូបចុកជូនដល់សិស្សនិស្សិតក្រីក្រ
10/03/2026 05:10 PM
Facebook Telegram Linkin
អាវុធហត្ថរាជធានី បង្ហាញប្លង់ទីតាំងមូលដ្ឋានអាវុធហត្ថទាំង១៤ខណ្ឌ ងាយស្វែករកសម្រាប់ការទៅស្នើសុំពាក្យចូលបំពេញកាតព្វកិច្ចយោធា
10/03/2026 04:10 PM
Facebook Telegram Linkin
អារ៉ាប់រួម​៖ អ្នកបើកបរ​ជំនួយរបស់ Flydubai បានវាយប្រហារអ្នកបើកយន្តហោះដោយពូថៅ និងប៉ុនប៉ងវាយប្រហារ «ភេរវកម្ម»
10/03/2026 04:10 PM
Facebook Telegram Linkin
សិស្សវិទ្យាល័យ នៅតំបន់ជាយក្រុងប៉ារីសដែលខ្វះ​ធនធាន​ បង្កឱ្យមានចលនាតវ៉ាទូទាំងប្រទេស
10/03/2026 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.