នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា
កម្ពុជា-អាស៊ែបៃហ្សង់ នឹងបន្តពង្រឹង និងពង្រីកកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
សម្តេចធិបតី ជំរុញ កម្ពុជា-វៀតណាម មើលគ្នាជាគោលដៅទេសចរណ៍ និងទាក់ទាញទេសចរពី ទីផ្សារទី៣
សម្តេចធិបតី ជឿជាក់ថា កម្ពុជា-វៀតណាម អាចសម្រេចមហិច្ឆតា ជំរុញទំហំពាណិជ្ជកម្ម ២០ ពាន់លានដុល្លារ

នយោបាយ​ និង ការអភិវឌ្ឍន៍

ចិនថ្កោលទោសសហរដ្ឋអាមេរិកចំពោះការចោទប្រកាន់និស្សិតចិនក្នុងគោលបំណងនយោបាយ

2023/08/29 05:58:03 pm        143
Facebook Telegram Linkin
ចិន៖  ក្រសួងការបរទេសចិនកាលពីថ្ងៃចន្ទបានថ្កោលទោសសហរដ្ឋអាមេរិកចំពោះការចោទប្រកាន់និស្សិតចិនម្នាក់ក្រោមបទឧក្រិដ្ឋដែលគេហៅថា "ការក្លែងបន្លំទិដ្ឋាការ" ដោយនិយាយថាអាកប្បកិរិយាបែបនេះគឺជាការគាបសង្កត់ដោយមិនរើសមុខផ្នែកគោលបំណងនយោបាយ។មានសេចក្តីរាយការណ៍ថា និស្សិតចិនម្នាក់ត្រូវបានចាប់ខ្លួន និងកាត់ទោសដោយទីភ្នាក់ងារចារកម្ម និងសន្តិសុខរបស់សហរដ្ឋអាមេរិក ការិយាល័យស៊ើបអង្កេតសហព័ន្ធ (FBI) ក្រោមអ្វីដែលគេហៅថា សេចក្តីប្រកាសរបស់ប្រធានាធិបតីលេខ១០០៤៣ ដោយចោទប្រកាន់ពីបទ "លាក់បាំងបទពិសោធន៍អប់រំយោធាដោយចេតនា" និងប្រព្រឹត្តការក្លែងបន្លំទិដ្ឋាការ" ដែលជាប់ពន្ធនាគារអតិបរមា ១០ ឆ្នាំ។ ប៉ុន្តែសិស្សនោះបានចូលរៀនតែប៉ុន្មានឆ្នាំប៉ុណ្ណោះដែលក្រុមអាជ្ញាធរសហរដ្ឋអាមេរិកចាត់ទុកថាជារឿងដ៏រសើប។ ជាងនេះទៅទៀត FBI បានលួចយកព័ត៌មានផ្ទាល់ខ្លួនរបស់សិស្សពីឯកសារកម្មវិធីសិក្សារបស់គេ ហើយប្រើជា ភស្តុតាង។លោក Wang Wenbin អ្នកនាំពាក្យក្រសួងការបរទេសចិន បាននិយាយនៅក្នុងសន្និសីទសារព័ត៌មាននៅទីក្រុងប៉េកាំងថា ប្រទេសចិនប្រឆាំងដាច់ខាត ចំពោះការឃុំខ្លួន ការសួរចម្លើយ និងការធ្វើមាតុភូមិនិវត្តន៍ដោយមិនសមហេតុផល និងការចោទប្រកាន់ទៅលើពួកគេគឺជាការបង្រ្កាបដោយមិនរើសមុខក្នុងគោលបំណងនយោបាយពីសំណាក់សហរដ្ឋអាមេរិក ។ សារព័ត៌មាន Global Times បានរាយការណ៍ថា ក្រៅពីករណីនេះ និស្សិតជនជាតិចិន ៣នាក់ ថ្មីៗនេះ ត្រូវបានឃាត់ខ្លួន និងសួរចម្លើយដោយបុគ្គលិកមកពីអង្គភាពគយ និងការពារព្រំដែនសហរដ្ឋអាមេរិក និងនាយកដ្ឋានសន្តិសុខមាតុភូមិ សម្រាប់រយៈពេលបន្ត។លោក Wang បានសង្កត់ធ្ងន់ថា ការផ្លាស់ប្តូរធនធាន គឺជាមូលដ្ឋានគ្រឹះសង្គមនៃទំនាក់ទំនង និងការផ្លាស់ប្តូរការសិក្សា ការអប់រំ វិទ្យាសាស្ត្រ និងបច្ចេកវិទ្យា គឺជាផ្នែកមួយដ៏សំខាន់ដូចគ្នា សម្រាប់ចិន-សហរដ្ឋអាមេរិក។ លោកបានបន្ថែមថា ប្រទេសចិននឹងបន្តចាត់វិធានការចាំបាច់ដើម្បីការពារសិទ្ធិ និងផលប្រយោជន៍ស្របច្បាប់របស់ពលរដ្ឋចិន ហើយថែមទាំងរំលឹកដល់និស្សិតដែលទៅសហរដ្ឋអាមេរិកឲ្យមានការប្រុងប្រយ័ត្នចំពោះហានិភ័យដែលពាក់ព័ន្ធ៕

អ៊ីរ៉ង់កោះហៅអ្នកការទូតស្វីសជុំវិញការរឹបអូសប្រេងឆៅរបស់ខ្លួន ដោយសហរដ្ឋអាមេរិកដែលពេលនេះកំពុងស្ថិតនៅកំពង់ផែក្នុងទីក្រុងHouston

2023/08/29 05:43:11 pm        186
Facebook Telegram Linkin
អ៊ីរ៉ង់៖មន្ត្រីម្នាក់បាននិយាយកាលពីថ្ងៃចន្ទថា ប្រទេសអ៊ីរ៉ង់ បានកោះហៅអ្នកការទូតស្វីសជុំវិញការរឹបអូសយកប្រេងឆៅរបស់អ៊ីរ៉ង់ដោយសហរដ្ឋអាមេរិកពីនាវាមួយគ្រឿងដែលចតនៅមូយកន្លែងអស់រយៈពេលជាច្រើនខែនៅរដ្ឋតិចសាស ខណៈដែលនាវាដឹកប្រេងនេះ ហាក់ដូចជាត្រូវបានចតនៅកំពង់ផែក្នុងទីក្រុងហូស្តុន (Houston)។ការអធិប្បាយរបស់អ្នកនាំពាក្យក្រសួងការបរទេសអ៊ីរ៉ង់លោក ណាសសឺ កាណាអានី (Nasser Kanaani) បង្ហាញពីភាពខុសឆ្គងចុងក្រោយបង្អស់នៃរឿងប្រេង ពេលដែលនៅលើនាវាដឹកប្រេង Suez Rajan ដែលបានជាប់គាំងនៅក្នុងភាពតានតឹងកាន់តែធំរវាងសហរដ្ឋអាមេរិក និងសាធារណរដ្ឋឥស្លាម។ នោះហើយជាពេលដែលទីក្រុងតេអេរ៉ង់ និងទីក្រុងវ៉ាស៊ីនតោន កំពុងធ្វើការឆ្ពោះទៅរកការដោះដូរទ្រព្យសម្បត្តិអ៊ីរ៉ង់ដែលជាប់គាំងរាប់ពាន់លានដុល្លារក្នុងប្រទេសកូរ៉េខាងត្បូងសម្រាប់ការដោះលែងជនជាតិ   អ៊ីរ៉ង់-អាមេរិកចំនួន ៥នាក់ ដែលបានធ្វើឡើងនៅទីក្រុងតេអេរ៉ង់។ប្រទេសអ៊ីរ៉ង់ បាននិងកំពុងព្យាយាមគេចពីការដាក់ទណ្ឌកម្ម និងបន្តលក់ប្រេងរបស់ខ្លួនទៅក្រៅប្រទេស ខណៈដែលសហរដ្ឋអាមេរិក និងសម្ព័ន្ធមិត្ត បានរឹបអូសទំនិញតាំងពីឆ្នាំ ២០១៩ បន្ទាប់ពីកិច្ចព្រមព្រៀងនុយក្លេអ៊ែររបស់ប្រទេសនេះដែលអនុញ្ញាតឲ្យមានពាណិជ្ជកម្មនេះ បានដួលរលំ។ថ្លែងទៅកាន់អ្នកសារព័ត៌មានកាលពីថ្ងៃចន្ទ លោកកាណាអានី បាននិយាយថា ទីក្រុងតេអេរ៉ង់ បានកោះហៅភារធារីនៃស្ថានទូតស្វីសប្រចាំប្រទេសអ៊ីរ៉ង់ ដើម្បីបង្ហាញពី«ការជំទាស់ដ៏ខ្លាំងក្លា»ជុំវិញការរឹបអូសយកប្រេងរបស់សហរដ្ឋអាមេរិក។ ស្វីសបានសម្លឹងឃើញផលប្រយោជន៍របស់សហរដ្ឋអាមេរិក ក្នុងប្រទេសអ៊ីរ៉ង់ ចាប់តាំងពីវិបត្តិចំណាប់ខ្មាំងរបស់ស្ថានទូតអាមេរិកឆ្នាំ១៩៧៩៕

នគរបាលហៃទីប្រកាសស៊ើបអង្កេតលើការតវ៉ាដឹកនាំដោយព្រះវិហារដែលបណ្តាលឲ្យមនុស្សស្លាប់ដ៏ច្រើន

2023/08/29 05:39:18 pm        115
Facebook Telegram Linkin
ហៃទី៖ នគរបាលជាតិហៃទី បានប្រកាសថា ពួកគេនឹងបើកការស៊ើបអង្កេតលើអ្នកដែលទទួលខុសត្រូវចំពោះឧប្បត្តិហេតុដែលបណ្តាលឲ្យមនុស្សស្លាប់ដ៏ច្រើនកាលពីថ្ងៃសៅរ៍ នៅពេលដែលមេដឹកនាំព្រះវិហារ បានដឹកនាំអ្នកកាន់សាសនាគ្រិស្តលើការតវ៉ាដោយប្រដាប់អាវុធឆ្លងកាត់តំបន់ដែលគ្រប់គ្រងដោយក្រុមជនអន្ធពាលនៃរដ្ឋធានីព័រអូប្រាំង(Port-au-Prince) ។លោក Frantz Elbé អគ្គស្នងការនគរបាល បាននិយាយថា ការស៊ើបអង្កេត នឹងជួយធានាថា «ទង្វើមិនសមហេតុផលបែបនេះ នឹងមិនកើតឡើងម្តងទៀតទេ»។លោក Elbé បានបន្ថែមថា៖«នគរបាលជាតិថ្កោលទោសសោកនាដកម្មដ៏សោកសៅនេះ និងបង្ហាញក្តី អាណិតអាសូរដល់ក្រុមគ្រួសារ និងមនុស្សជាទីស្រលាញ់របស់ក្រុមជនរងគ្រោះ»។នៅក្នុងសេចក្តីប្រកាសព័ត៌មានមួយកាលពីថ្ងៃចន្ទ លោក Elbé បានពិពណ៌នាអំពីរបៀបដែលហ្វូងមនុស្សដ៏ច្រើ បានប្រមូលផ្តុំគ្នា នៅពីក្រោយមេដឹកនាំសាសនា លោក Marcorel Zidor កាលពីចុងសប្តាហ៍ដោយពាក់ឯកសណ្ឋានពណ៌បៃតងអូលីវ និងសំលៀកបំពាក់ដែលមានប៉ាក់ឈ្មោះរបស់លោកZidor៕

នាយឧត្តមសេនីយ៍ ស ថេត ប្រាប់មន្ត្រីនគរបាលត្រូវខិតខំបំពេញការងារ លើកមុខមាត់រាជរដ្ឋាភិបាលអាណត្តិថ្មី

2023/08/29 05:33:30 pm        521
Facebook Telegram Linkin
ភ្នំពេញ៖ នាយឧត្តមសេនីយ៍ ស ថេត អគ្គស្នងការនគរបាលជាតិ បានណែនាំទៅថ្នាក់ដឹកនាំ និងមន្ត្រីនគរបាលទាំងអស់ ត្រូវកែសម្រួល​អត្តចរិត​ និងខិតខំបំពេញភារកិច្ចការងារ ឲ្យបានល្អប្រសើរ ដើម្បីលើកមុតមាត់រាជរដ្ឋាភិបាលអាណត្តិថ្មី និងមានទំនុកចិត្តពីប្រជាពលរដ្ឋ ។ក្នុងឱកាសប្រកាសតែងតាំងមុខតំណែងអគ្គស្នងការរងនគរបាលជាតិ និងប្រគល់ភារកិច្ច​ជាស្នងការ នៃ​ស្នងការដ្ឋាន​នគរបាលរាជធានីភ្នំពេញ នាថ្ងៃទី២៩ ខែសីហា ឆ្នាំ២០២៣ នាយឧត្តមសេនីយ៍ ស ថេត មានប្រសាសន៍ថា ​មន្ត្រីនគរបាលទាំងអស់ត្រូវចងចាំថា ​ការទទួលបាននូវភារកិច្ចតួនាទីរបស់ខ្លួន សុទ្ធសឹង​តែជាការទុកចិត្ត​ពី​សំណាក់ថ្នាក់​ដឹកនាំ​ពីជំនានមុន ​រហូតដល់បច្ចុប្បន្ន ដូចនេះ​ត្រូវបំពេញ​ភារកិច្ចឲ្យបានត្រឹមត្រូវ ។អគ្គស្នងការបានបន្តថា ការបំពេញភារកិច្ចនេះ ត្រូវធ្វើទៅតាមច្បាប់​ មិនត្រូវធ្វើអ្វីដែលខុស ដើម្បី​ផលប្រយោជន៍ខ្លួន ​ប៉ះពាល់​ប្រយោជន៍របស់ប្រជាពលរដ្ឋ និងធ្វើឲ្យ​អាប់អោន​ដល់​កិត្តិយស​របស់ថ្នាក់ដឹកនាំ ​នៅក្នុងអាណត្តិថ្មី​ នឹងធ្វើឲ្យមានការរិះគន់ពីមហាជន ។ឯកឧត្តម បានបន្ថែមថា ​ចំពោះការបម្រើសេវាជូនប្រជាពលរដ្ឋ​ គឺនៅតាមប៉ុស្តិ៍នគរបាលនីមួយៗ ត្រូវមាន​កម្លាំងនៅប្រចាំការ​ មិនមែនពេលមានពលរដ្ឋទៅដាក់ពាក្យបណ្ដឹង ​គ្មានអ្នកចាំទទួលបណ្ដឹង ធ្វើឲ្យពួកគេពិបាកក្នុងការសុំអន្តរាគមន៍​ពីសមត្ថកិច្ច ​នៅពេលមានកើតហេតុណាមួយ ។ មួយវិញទៀតប្រព័ន្ធ Hot Line ត្រូវមានអ្នកប្រចាំការ ២៤ម៉ោងលើ២៤ ​ដើម្បីលើកទូរស័ព្ទឆ្លើយតប​ការ​សុំអន្តរាគមន៍ពីប្រជាពលរដ្ឋ ។នាយកឧត្តមសេនីយ៍ ស ថេត បន្តទៀតថា កម្លាំងនគរបាលនៅគ្រប់រាជធានីខេត្ត ​ត្រូវខិតខំទប់ស្កាត់ និង​បង្ក្រាបបទល្មើសនានា ​ដែលកើតឡើងនៅតាមមូលដ្ឋាន ​ដូចជាបញ្ហាចោរកម្ម ​ក្មេងទំនើង និង​បញ្ហាគ្រឿងញៀនជាដើម ​ដើម្បីកុំឲ្យមានការព្រួយបារម្ភ​ដល់ប្រជាពលរដ្ឋ ហើយកុំឲ្យបទល្មើស​ទាំងអស់នោះ ​ក្លាយជាជំងឺ​រ៉ាំរ៉ៃ ​។ឯកឧត្តមអគ្គស្នងការ ​បានជំរុញទៅផងដែរទៅឧត្តមសេនីយ៍ទោ ជួន ណារិន ដែលទើបទទួល​តំណែង​ជាអគ្គស្នងការរង​ និងជាស្នងការរាជធានីភ្នំពេញ ​ត្រូវតែខិតខំថែរក្សាសុខសុវត្ថិភាព ក្នុង​រាជធានីភ្នំពេញ ​ដែលជាគោលដៅស្នូល ក្នុងការការពារ ព្រោះមានបណ្ដុំដោយថ្នាក់ដឹកនាំ​ជាតិ​កំពូលៗ បណ្ដាអង្គទូត ​និងស្ថាប័នអង្គការអន្តរជាតិធំៗជាច្រើន ។ក្នុងឱកាសទទួលបានតំណែងថ្មីនេះឧត្តមសេនីយ៍ទោ ជួន ណារិន បានប្ដេជ្ញាអនុវត្តតាមការណែនាំ​របស់​អគ្គស្នងការនគរបាលជាតិ ​ដែលមានទាំងការរក្សាសាមគ្គីភាពផ្ទៃក្នុង ថែរក្សាសុខសន្តិភាព ការពារព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ​និងខិតខំដោះ​ស្រាយបញ្ហាប្រឈមនានា ​ក៏ដូចជាទុក្ខកង្វល់របស់ប្រជាពលរដ្ឋ ៕អត្ថបទ បាន សុខរិទ្ធិ

មេដឹកនាំយោធាស៊ូដង់ សន្យាទទួលជ័យជម្នះដាច់ខាត និងច្រានចោលការដោះស្រាយជាមួយ «ជនក្បត់»

2023/08/29 05:31:29 pm        122
Facebook Telegram Linkin
ស៊ូដង់៖ កាលពីថ្ងៃច័ន្ទ (២៨សីហា) មេដឹកនាំយោធានៃប្រទេសស៊ូដង់ លោក Abdel Fattah al-Burhan បានទម្លាក់ក្តីសង្ឃឹមនៃកិច្ចចរចាដើម្បីបញ្ចប់សង្រ្គាមរយៈពេលជាច្រើនខែ ដោយបានរិះគន់កងកម្លាំងគាំទ្ររហ័សដែលជាគូប្រជែង (RSF) ថាជា «ជនក្បត់» ព្រមទាំងបានសន្យាថា នឹងទទួលជ័យជម្នះឲ្យបាន នៅក្នុងសុន្ទរកថារបស់ខ្លួនទៅកាន់ក្រុមទាហាន។មនុស្សរាប់លាននាក់ត្រូវបានបណ្តេញចេញពីលំនៅឋានរបស់ពួកគេ ហើយវិបត្តិមនុស្សធម៌បានកើនឡើងចាប់តាំងពីជម្លោះរវាងកងទ័ព និងកងកម្លាំង RSF បានចាប់ផ្តើមកាលពីខែមេសា មក។ ការចរចាជាបន្តបន្ទាប់បានបរាជ័យក្នុងការជំរុញឱ្យការប្រយុទ្ធគ្នាត្រូវបញ្ឈប់ទាំងស្រុង។សុន្ទរកថារបស់លោក Burhan បានធ្ចើឡើងមួយថ្ងៃបន្ទាប់ពីប្រមុខកងកម្លាំង RSF បានសម្តែងការបើកចំហចំពោះកិច្ចពិភាក្សា និងបទឈប់បាញ់រយៈពេលវែង ហើយប៉ុន្មានថ្ងៃបន្ទាប់ពីលោក Burhan បានងើបចេញពីរដ្ឋធានី Khartoum ជាលើកដំបូងចាប់តាំងពីសង្គ្រាមផ្ទុះឡើង។ភាគីជម្លោះទាំងពីរក៏បានប្រយុទ្ធគ្នាយ៉ាងស្វិតស្វាញដើម្បីដណ្ដើមការគ្រប់គ្រងទីក្រុង Nyala ក្នុងរដ្ឋដាហ្វួរខាងត្បូង ដោយក្រុមសកម្មជនរាយការណ៍ពីការរងគ្រោះរស់ជនស៊ីវិល ហើយភ្នាក់ងារជំនួយជាច្រើននាក់បាននិយាយថា ទីក្រុងនេះត្រូវបានកាត់ផ្តាច់ពីជំនួយ ឬឧបករណ៍ប្រើប្រាស់ផ្សេងៗផងដែរ៕

រដ្ឋមន្ត្រីការបរទេសលីប៊ី ត្រូវបណ្តេញចេញពីតំណែងបន្ទាប់ពីកិច្ចប្រជុំជាមួយអ៊ីស្រាអែល

2023/08/29 05:28:57 pm        115
Facebook Telegram Linkin
លីប៊ី៖ នាយករដ្ឋមន្ត្រីលីប៊ីដែលទទួលស្គាល់ជាអន្តរជាតិ បានបណ្តេញប្រមុខការទូតរបស់ខ្លួនចេញពីតំណែង បន្ទាប់ពីលោកស្រីបានជួបជាមួយសមភាគីអ៊ីស្រាអែល ហើយព័ត៌មាននៃការជួបគ្នានេះ បានបង្កឱ្យមានការតវ៉ាជាច្រើននៅក្នុងប្រទេសដែលមិនទទួលស្គាល់អ៊ីស្រាអែលមួយនេះផងដែរ។ប្រទេសលីប៊ីដែលសម្បូរទៅដោយប្រេង ដែលបានធ្លាក់ចូលទៅក្នុងភាពចលាចល បន្ទាប់ពីមេដឹកនាំផ្តាច់ការរបស់ខ្លួនលោក Muammar Gaddafi ត្រូវបានផ្តួលរំលំ និងបានសម្លាប់នៅក្នុងការបះបោរដែលគាំទ្រដោយអង្គការណាតូឆ្នាំ២០១១នោះ ត្រូវបានបែងចែកចាប់តាំងពីឆ្នាំ២០១៤មក រវាងរដ្ឋាភិបាលគាំទ្រដោយអង្គការសហប្រជាជាតិរបស់នាយករដ្ឋមន្ត្រីលីប៊ី លោក Abdelhamid Dbeibah នៅទីក្រុងទ្រីប៉ូលី និងរដ្ឋបាលគូប្រជែងដែលមានមូលដ្ឋាននៅក្នុងខាងកើតរបស់ប្រទេស។ក្រុមអ្នកវិភាគដែលបាននិយាយទៅកាន់សារព័ត៌មាន AFP ហាក់ដូចជាយល់ស្របថា លោកស្រី Najla al-Mangoush គឺជា «មនុស្សមានកំហុស» សម្រាប់ការសម្រេចចិត្តដែលធ្វើឡើងដោយមេដឹកនាំគូប្រជែងរបស់ប្រទេសលីប៊ី ហើយបានភ្ជាប់កិច្ចប្រជុំនោះជាមួយនឹងកិច្ចខិតខំប្រឹងប្រែងរបស់សហរដ្ឋអាមេរិក ក្នុងការដាក់សម្ពាធបណ្ដាប្រទេសអារ៉ាប់បន្ថែមទៀត ដើម្បីធ្វើឱ្យមានទំនាក់ទំនងធម្មតាជាមួយអ៊ីស្រាអែលឡើងវិញ។ បណ្តាញព័ត៌មានឯកជន Al-Ahrar ដែលសំអាងដល់ប្រភពរដ្ឋាភិបាលបាននិយាយថា លោកស្រីMangoush ត្រូវបានបណ្តេញចេញពីតំណែង បន្ទាប់ពីកិច្ចប្រជុំកាលពីសប្តាហ៍មុននៅទីក្រុងរ៉ូមជាមួយរដ្ឋមន្ត្រីការបរទេសអ៊ីស្រាអែល លោក Eli Cohen ។ស្ថានទូតប៉ាឡេស្ទីននៅទីក្រុងទ្រីប៉ូលីមួយនេះ ក៏បានរាយការណ៍ពីការបណ្តេញលោកស្រីចេញផងដែរ ដោយនិយាយថា ការបណ្ដេញចេញនោះត្រូវបានប្រកាសដោយលោកនាយករដ្ឋមន្ត្រី Dbeibah ក្នុងអំឡុងពេលបំពេញទស្សនកិច្ចកាលពីថ្ងៃចន្ទទៅកាន់បេសកកម្មនោះ។ ស្ថានទូតបាននិយាយថា លោក Dbeibah ក៏បានប្រកាស «ការបដិសេធរបស់ខ្លួនចំពោះការធ្វើឱ្យមានលក្ខណៈធម្មតាជាមួយអ៊ីស្រាអែល» និងការគាំទ្រទាំងស្រុងរបស់លីប៊ីសម្រាប់ប្រជាជនប៉ាឡេស្ទីន៕

ប្រធានEU៖ សហភាពអឺរ៉ុបគួរតែត្រៀមខ្លួនទទួលសមាជិកថ្មីនៅឆ្នាំ២០៣០

2023/08/29 05:26:37 pm        118
Facebook Telegram Linkin
EU៖ កាលពីថ្ងៃចន្ទ (២៨ សីហា) ប្រមុខសហភាពអឺរ៉ុបលោក Charles Michel បានលើកឡើងថា សហភាពអឺរ៉ុប គួរតែត្រៀមខ្លួនដើម្បីទទួលយកសមាជិកថ្មីពីអឺរ៉ុបខាងកើត និងតំបន់បាល់កង់ នៅត្រឹមឆ្នាំ២០៣០។ ការលុកលុយរបស់រុស្សីលើអ៊ុយក្រែន បានផ្តោតអារម្មណ៍នៅទីក្រុងព្រុចសែល លើតម្រូវការសម្រាប់សន្ទុះនយោបាយថ្មី ដើម្បីគាំទ្រមហិច្ឆតាអឺរ៉ុបសម្រាប់បេក្ខភាពសមាជិកភាពមួយចំនួន។ប៉ុន្តែ ជាមួយនឹងការប្រយុទ្ធគ្នានៅតែបន្តកើតមាននៅក្នុងប្រទេសអ៊ុយក្រែន ហើយរដ្ឋាភិបាលដែលគាំទ្រលោកខាងលិចរបស់ប្រទេសម៉ុលដូវ៉ាកំពុងព្យាយាមធ្វើកំណែទម្រង់ បណ្ដាមន្ត្រីជាន់ខ្ពស់ពីមុនមានការស្ទាក់ស្ទើរក្នុងការផ្តល់តារាងពេលវេលាច្បាស់លាស់សម្រាប់សមាជិកភាព។ លោក Michel បាននិយាយថា «នៅពេលយើងរៀបចំរបៀបវារៈយុទ្ធសាស្ត្របន្ទាប់របស់សហភាពអឺរ៉ុប យើងត្រូវកំណត់ខ្លួនយើងនូវគោលដៅច្បាស់លាស់។ ខ្ញុំជឿថា យើងត្រូវតែត្រៀមខ្លួនជាស្រេចសម្រាប់ភាគីទាំងពីរនៅឆ្នាំ២០៣០ ដើម្បីពង្រីកខ្លួនបន្ថែមទៀត»។លោក Michel បានបញ្ជាក់ថា បណ្តាប្រទេសនៅតំបន់បាល់កង់លោកខាងលិច ដែលបានបង្កើតឡើងពីការបែកបាក់បង្ហូរឈាមនៃអតីតប្រទេសយូហ្គោស្លាវី បានចាប់ផ្តើមសំណើររបស់ពួកគេដើម្បីចូលរួមជាមួយសហភាពអឺរ៉ុបជាងពីរទសវត្សរ៍មុនមកម៉្លេះ។ ប្រធានក្រុមប្រឹក្សាអឺរ៉ុបរូបនេះ បានអនុម័តទស្សនៈរបស់អធិការបតីអាល្លឺម៉ង់ លោក Olaf Scholz ថា អឺរ៉ុបគួរតែធ្វើតាមការសន្យាដែលទីក្រុងព្រុចសែលបានធ្វើឡើងចំពោះបណ្ដាប្រទេសបេក្ខភាពសហភាពអឺរ៉ុប៕

រដ្ឋសភានឹងបើកិច្ចប្រជុំនាថ្ងៃទី៣១ខែសីហា ដើម្បីពិភាក្សាសំណើរគណបក្សប្រជាជនកម្ពុជា សុំផ្លាស់ប្តូរតំណាងរាស្រ្ត២៩រូប

2023/08/29 05:24:34 pm        264
Facebook Telegram Linkin
ភ្នំពេញ៖ រដ្ឋសភានៃព្រះរាជាណាចក្រកម្ពុជា នឹងបើកសម័យប្រជុំរដ្ឋសភាលើកទី១ នីតិកាលទី៧ នាថ្ងៃទី៣១ ខែសីហា ឆ្នាំ២០២៣ ខាងមុខនេះ ដើម្បីពិភាក្សាលើសំណើររបស់គបក្សប្រជាជនកម្ពុជា ដែលបានសុំធ្វើការផ្លាស់ប្តូរតំណាងរាស្រ្តរបស់ខ្លួនចំនួន២៩រូប និងពិភាក្សាលើរបៀបវារៈមួយចំនួនទៀត។យោងតាមលទ្ធផលនៃកិច្ចប្រជុំរបស់គណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី២៩ ខែសីហា ឆ្នាំ២០២៣នេះ ក្រោមអធិបតីភាពលោកជំទាវកិត្តិសង្គហបណ្ឌិត ឃួន សុដារី ​ប្រធានរដ្ឋសភាកម្ពុជា បានឲ្យដឹងថា កិច្ចប្រជុំបានកំណត់កាលបរិច្ឆេទយកថ្ងៃទី៣១ ខែសីហា ខាង មុខនេះបើកសម័យប្រជុំរបស់ខ្លួន ដើម្បីពិភាក្សាលើសំណើរសុំផ្លាស់ប្តូរតំណាងរាស្ត្រ នៃ​គណបក្សប្រជាជនកម្ពុជាចំនួន ២៩រូប ​តាមសំណើរបស់គណបក្សប្រជាជនកម្ពុជា ហើយការ​ប្រកាសសុពលភាពនៃអាណត្តិបេក្ខជនទំាង២៩រូប នឹងធ្វើឡើងនៅក្នុងសម័យ​ប្រជុំរដ្ឋសភា​នាពេលខាងមុខនេះផងដែរ។នៅក្នុងកិច្ចប្រជុំខាងលើនេះក៏បានអនុម័តលើរបាយការណ៍ស្តីពីលទ្ធផល​នៃការទទួលពាក្យសុំឈរ​ឈ្មោះ​ជាបេក្ខជនសមាជិកក្រុមប្រឹក្សាធម្មនុញ្ញ ១រូបសម្រាប់ជំនួសឯកឧត្តម​ សំ ព្រហ្មនា សមាជិកក្រុមប្រឹក្សាធម្មនុញ្ញ ​ដែលបានទទួល​មរណភាព​កាលពីកន្លងទៅថ្មីៗនេះផងដែរ។ ជាមួយគ្នានោះដែរ អង្គប្រជុំក៏បានអនុម័តយល់ព្រមលើសមាសភាពលេខាធិការ​សម័យ​ប្រជុំរដ្ឋសភាលើកទី១​ នីតិកាលទី៧ ចំនួន៣រូបផងដែរ ​ក្នុងនោះមាន ឯកឧត្តម ឃុត ចាន់ដារ៉ា អាយុ ៤២ឆ្នាំ, ឯកឧត្តម ម៉ាត់ សេត អាយុ ៤២ឆ្នាំ, និង ឯកឧត្តម សេង ញ៉ក់ អាយុ ៤៣ឆ្នាំ៕ អត្ថបទ៖ បាន ចក់

មេដឹកនាំកូរ៉េខាងជើង អំពាវនាវឱ្យមានការពង្រឹងកងកម្លាំងជើងទឹកបន្ថែមទៀត

2023/08/29 05:24:09 pm        94
Facebook Telegram Linkin
កូរ៉េខាងជើង៖ ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃអង្គារ (២៩សីហា)នេះថា មេដឹកនាំកូរ៉េខាងជើងលោក គីម ជុងអ៊ុន បានអំពាវនាវឱ្យពង្រឹងកងកម្លាំងជើងទឹករបស់ប្រទេស ដោយចោទប្រកាន់សហរដ្ឋអាមេរិកថា បានបង្វែរដែនទឹកនៅជិតឧបទ្វីបកូរ៉េទៅជា «ដែនទឹកដែលមិនស្ថិតស្ថេរបំផុតជាមួយនឹងគ្រោះថ្នាក់នៃសង្គ្រាមនុយក្លេអ៊ែរ»។នៅក្នុងសុន្ទរកថាមួយដើម្បីប្រារព្ធទិវាកងទ័ពជើងទឹក លោក គីម បាននិយាយថា «មេក្រុមជនអន្ធពាល» របស់សហរដ្ឋអាមេរិក ជប៉ុន និងកូរ៉េខាងត្បូង បានប្រកាសធ្វើសមយុទ្ធយោធារួមគ្នាជាទៀងទាត់ ដោយជាក់ស្តែងសំដៅទៅលើកិច្ចប្រជុំកំពូលរបស់ពួកគេកាលពីថ្ងៃទី១៨ ខែសីហានៅឯវិមានសម្រាកលំហែ Camp David នៅរដ្ឋMaryland សហរដ្ឋអាមេរិក។នៅក្នុងកិច្ចប្រជុំផ្ទាល់ខ្លួនលើកដំបូងរវាងមេដឹកនាំអាមេរិក កូរ៉េខាងត្បូង និងជប៉ុននោះ អ្នកទាំងបីបានព្រមព្រៀងគ្នាក្នុងការពង្រឹងកិច្ចសហប្រតិបត្តិការយោធា និងសេដ្ឋកិច្ច ខណៈដែលពួកគេស្វែងរកការរួបរួមក្នុងការប្រឈមមុខនឹងការរីកលូតលាស់នៃអំណាចរបស់ប្រទេសចិន និងការគំរាមកំហែងនុយក្លេអ៊ែររបស់កូរ៉េខាងជើង។លោក គីម បាននិយាយថា ប្រទេសកូរ៉េខាងជើង ទាមទារឱ្យកងទ័ពជើងទឹករបស់ខ្លួន រក្សាការត្រៀមខ្លួនសម្រាប់ធ្វើសង្រ្គាម ដែលជា «ការប្រុងប្រយ័ត្នជានិច្ច» ហើយបានអំពាវនាវឱ្យធ្វើ «ទំនើបកម្ម» សព្វាវុធ និងគ្រឿងយុទ្ធោបករណ៍របស់ខ្លួនបន្ថែមទៀតផងដែរ៕

សវនាការរបស់លោក Trump នៅទីក្រុងវ៉ាស៊ីនតោន ត្រូវកំណត់ធ្វើឡើងនៅខែមីនាឆ្នាំ២០២៤ ចំពេលការតតាំងដ៏ស្វិតស្វាញនៃតំណែងប្រធានាធិបតីក្នុងគណបក្សសាធារណរដ្ឋ

2023/08/29 05:04:27 pm        123
Facebook Telegram Linkin
អាមេរិក៖ លោក Donald Trump នឹងត្រូវកាត់ទោសនៅខែមីនា ឆ្នាំ២០២៤ពាក់ព័ន្ធការព្យាយាមបង្វែរលទ្ធផលការបោះឆ្នោតប្រធានាធិបតីកាលពីឆ្នាំ ២០២០ របស់លោកមួយថ្ងៃមុនក្រុមអ្នកបោះឆ្នោតមកពីគណបក្សសាធារណរដ្ឋនៅក្នុងរដ្ឋជាង១០ នៅសហរដ្ឋអាមេរិក នឹងសម្រេចចិត្តថាតើត្រូវផ្តល់ឱកាសឲ្យលោកចូលដណ្តើមយកតំណែងនៅសេតវិមានឡើងវិញឬយ៉ាងណា។ចៅក្រមសហរដ្ឋអាមេរិក លោកស្រី តានយ៉ា ឆាកខាន់(Tanya Chutka) កាលពីថ្ងៃចន្ទបានកំណត់ថ្ងៃជំនុំជម្រះក្ដីនៅថ្ងៃទី៤ ខែមីនាសម្រាប់សំណុំរឿងសហព័ន្ធនៅទីក្រុងវ៉ាស៊ីនតោន ដែលជាការកាត់ទោសព្រហ្មទណ្ឌមួយក្នុងចំណោមការកាត់ទោសចំនួន៤ដែលអតីតប្រធានាធិបតីរូបនេះត្រូវប្រឈម។បញ្ហានេះបានកើតឡើងមួយថ្ងៃមុន "Super Tuesday" ដែលជាកាលបរិច្ឆេទដ៏សំខាន់បំផុតនៅក្នុងការប្រកួតប្រជែងជ្រើសរើសបេក្ខជនប្រធានាធិបតីក្នុងគណបក្សសាធារណរដ្ឋ នៅពេលដែលរដ្ឋនានាចាប់ពីរដ្ឋ ម៉េន (Maine) ដល់រដ្ឋ California នឹងរៀបចំការប្រកួតជ្រើសរើសបេក្ខជនរបស់ពួកគេ។ ការស្ទង់មតិបង្ហាញថា លោកTrump នាំមុខគូប្រជែងរបស់លោកយ៉ាងច្រើនលើសលុប។ការសម្រេចចិត្តរបស់លោកស្រីឆាកខាន់(Chutkan) មានន័យថា លោក Trump ទំនងជានឹងត្រូវកាត់ក្តីនៅក្នុងសំណុំរឿងព្រហ្មទណ្ឌយ៉ាងតិចបីដាច់ដោយឡែកពីគ្នា ខណៈលោកកំពុងធ្វើយុទ្ធនាការសម្រាប់ការតែងតាំងរបស់គណបក្សដើម្បីតតាំងជាជាមួយលោកប្រធានាធិបតី Joe Biden មកពីគណបក្សប្រជាធិបតេយ្យក្នុងការបោះឆ្នោតនៅខែវិច្ឆិកា ឆ្នាំ២០២៤ខាងមុខ។ កាលបរិច្ឆេទជំនុំជម្រះក្នុងសំណុំរឿងព្រហ្មទណ្ឌទីបួនមិនទាន់ត្រូវបានកំណត់នៅឡើយទេ។លោកក៏ជាចុងចោទនៅក្នុងបណ្តឹងរដ្ឋប្បវេណីចំនួនបីដែលគ្រោងនឹងធ្វើឡើងក្នុងរយៈពេល៦ខែខាងមុខនេះផងដែរ។ ក្រុមមេធាវីរបស់លោក Trump បានជំរុញឲ្យមានកាលបរិច្ឆេទកាត់ក្តីនៅខែមេសា ឆ្នាំ២០២៦ ប៉ុន្តែលោកស្រីឆាកខាន់ បាននិយាយថា ពួកគេមិនត្រូវការពេលយូរដើម្បីរៀបចំសំណុំក្ដីទាំងនេះនោះទេ។ការកាត់ក្តីលើកទី៣គ្រោងនឹងធ្វើឡើងនៅថ្ងៃទី ២០ ខែឧសភា ឆ្នាំ ២០២៤ លើការចោទប្រកាន់របស់សហព័ន្ធនៅរដ្ឋ Florida ដោយចោទប្រកាន់ថាលោក Trump ពីបទរក្សាទុកកំណត់ហេតុ ដែលត្រូវបានចាត់ថ្នាក់ដោយខុសច្បាប់ បន្ទាប់ពីចាកចេញពីសេតវិមាន និងព្យាយាមរារាំងយុត្តិធម៌។ លោក Trump មិនបានចូលរួមសវនាការកាលពីថ្ងៃចន្ទទេ។នៅទីក្រុងវ៉ាស៊ីនតោន ក្រុមមេធាវីរបស់លោក Trump បាននិយាយថា ពួកគេត្រូវការពេលវេលាដើម្បីរៀបចំភស្តុតាងរបស់រដ្ឋាភិបាល ដែលមានសរុបប្រហែល ១២,៨ លានទំព័រ៕

បណ្ដាញសង្គម

ព័ត៌មានថ្មីៗ

គ.ត.ល.ទ. ប្រកាសចាត់វិធានការរឹតបន្តឹងការអនុវត្តច្បាប់ចំពោះគ្រប់ប្រភេទយានយន្តដឹកជញ្ជូនធុនធ្ងន់ទាំងអស់ដែលដឹកជញ្ជូនទំនិញលើផ្លូវថ្នល់ចាប់ពីថ្ងៃទី២៣ ខែតុលាខាងមុខនេះតទៅ
10/14/2026 03:10 PM
Facebook Telegram Linkin
មេបញ្ជាការយោធភូមិភាគទី៥ ជួបពិភាក្សាជាមួយក្រុម AOT បង្ហាញពីការវិវត្តថ្មីៗ នៃស្ថានភាពព្រំដែនកម្ពុជា-ថៃ
10/14/2026 03:10 PM
Facebook Telegram Linkin
គិតមកដល់បច្ចុប្បន្នកម្ពុជាទទួលបានគម្រោងវិនិយោគពីប្រទេសវៀតណាមចំនួន ២២៣គម្រោង មាន​ទុនសរុប ៣,៤ ពាន់លានដុល្លារ
10/14/2026 03:10 PM
Facebook Telegram Linkin
ប្រទេសកម្ពុជា និងសហភាពអឺរ៉ុបឈរជាមួយបណ្តាប្រទេសជាង ៦០ គាំទ្រសេចក្តីប្រកាស «គ្មានកម្រៃ គ្មានការគិតថ្លៃឆ្លងកាត់» (No Fees, No Tolls) ដើម្បីជួយរក្សាផ្លូវសមុទ្រឱ្យមានភាពយុត្តិធម៌
10/14/2026 03:10 PM
Facebook Telegram Linkin
សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ
10/14/2026 02:10 PM
Facebook Telegram Linkin
សម្ដេចធិបតី ហ៊ុន ម៉ាណែត បង្ហាញការគាំទ្រការផ្ដល់គំនិតបន្ថែមរចនាបថខ្មែរលើរូបសំណាក «បាតដៃសុភមង្គល» ខេត្តកំពត
10/14/2026 02:10 PM
Facebook Telegram Linkin
គ្រូបង្រៀនជាង ១ពាន់នាក់ មកពីទូទាំងប្រទេស ធ្វើដំណើរមកកាន់មណ្ឌលប្រឡង ដើម្បីប្រកួតប្រជែងគ្នាក្នុងការផ្ទេរកន្លែងការងារមកភ្នំពេញ
10/14/2026 02:10 PM
Facebook Telegram Linkin
កម្ពុជា ជាប្រទេសតែមួយគត់ក្នុងតំបន់អាស៊ី-ប៉ាស៊ីហ្វិក ដែលសម្រេចគោលដៅអេដស៍ ៩៥-៩៥-៩៥
10/14/2026 02:10 PM
Facebook Telegram Linkin
អនុប្រធានទី១ អាជ្ញាធរមីន៖ ចាប់ពីឆ្នាំ១៩៩៣ អាល្លឺម៉ង់​បាន​គាំទ្រ​ការ​បោស​សម្អាត​មីន​លើ​ផ្ទៃ​ដី​ជាង ៥៨​គីឡូម៉ែត្រការ៉េ និងផ្តល់ប្រយោជន៍ដល់ពលរដ្ឋកម្ពុជាប្រមាណ ៥០ម៉ឺននាក់
10/14/2026 01:10 PM
Facebook Telegram Linkin
ទូតកម្ពុជាប្រចាំសាធារណរដ្ឋកូរ៉េ លើកទឹកចិត្តក្រុមហ៊ុនសហគ្រាសកូរ៉េក្នុងតំបន់គីមផូ ស្វែងរកឱកាសវិនិយោគនៅកម្ពុជា
10/14/2026 01:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.